تحذير من حليب الاطفال ابتاميل

[الغلا81]

السلام عليكم ورحمة الله وبركاته

من يومين وديت بنتي اطعمها وسألني الدكتور وهو استشاري أطفال في مستشفى الاهلي عن نوع الحليب الي استعمله لبنتي وقلت له انه ابتاميل قالي وقفيه لاتعطينه إياها لانه مسحوب من السوق من ثلاث شهور بسبب اكتشاف بكتريا فيه

سؤالي ليش ماحذرونا الصحة من هالحليب وليش ما اعلنو رسميا فالجرايد عن وجود بكتريا فيه ؟؟؟

[qatari911]

شكرا اختي العزيزه على هالتحذير
وهذا صورة الحليب للي مايعرفه:(


http://www.babyland.bg/uploads/photos/7f725f10a5fd0b36bb63ff7d532d79ad16341727.jpg

وينكم ياوزارة الصحه
للحين نايمين
اكيد المنبه خربان :secret:

[الغلا81]

نعم هذي صورته الله يجزيك خير اخوي قطري ٩١١
ورقم ٣ اسمه ابتاجونيور

[عيد823]

ليش ماحذرونا عنه !!!
عيالي كلهم يشربونه ومن فترة ، الله يستر بس .....

[ولد العديد]

انا اشوف ولدي مرتاح ولدي جرب اكثر من 3 انواع ولا ارتاح غير مع ابتاميل وابتامل نوعين في عادي وفي كمفورت

الله يحفظ اعيالنا من كل شر

[khaldoon]

بارك الله فيكي على التنبيه

انا استخدم لبنتي حليب بروجريس من سنة الى 3 سنوات

ان شاء الله ما عليه شي؟

[Locale]

انا استخدم بودرة الزجاج
او سوري اقصد سيميلاك ،،

حبيتي اذا بغيتي تتاكدين وديه المختبر اللي في وزارة الصحه
لما اطلعت اشاعه عن سيميلاك ابو عيالي اتصل على واحد من ربعه
شغال هناك ..
سأل الرجال وقاله خذنا عينه وفحصناه وماطلع فيه شي
واي شي تنزل عنه اشاعه ناخذه نفحصه ان طلع فيه شي انسحب من السوق


*

[ولد العرب]

ياخوان وزارة الصحة اكبر من ذا الدكتور والله العالم يمكن يتفلسف ذا الدكتور ومستحيل يمر مرور الكرام

[الغلا81]

أنا حبيت أبلغكم اللهم أني بلغت اللهم فشهد

الي حاب يكمل عليه يكمل والي يبي يغير يغير اي نوع غيره

بالنسبه لي أنا غيرته بالرغم من أني مأخذه كميه حق عيالي وبد لته ب إس ٢٦ وبالنسبه حق اعمار عيالي خذت بروجرس وبروميل وكلهم تابعين ل اس ٢٦ بس كل واحد لسن معين هذا بالنسبه للي مايعرف عن هذا الحليب

ومن فتره أنا ماكنت القاه بسهوله ألقى كل النوعيات الاخرى الكمفورت وغيره الا العادي صعب القاه والحين عرفت السبب

[واقعية]

نهاية الشهر اللي راح شارية منه 6 علب منه رقم 3 و كان متوفر

متى سحبوه من السوق

صح هو يختفي و يطلع بس موجود

انتي متأكدة يعنى اقطه

بس ليش ادفع ما ادري كم ثمن كل علبة من يرجع لي فلوسي - لاني دايما اشتري كمية

[alnoida]

شكراً على التنبيه
والشكر موصول للدكتور

المنتج متوفر في المجمعات التجارية وبكميات ولم نلاحظ سحبة
يمكن تم سحب دفعه ملوثه من السوق أو يمكن العينة المكتشفه تلوثت في المنزل

البعض لا يبالي بالتأكد من جفاف الملعقة عند غرف الحليب من العلبه
حيث إن الملعقه ( القفشه) الرطبة تساعد على تكون البكتيريا في الحليب

أنا أشتري هذا النوع من الحليب وخصوصاً كونفورت على أساس نصيحة طبيب الأطفال في المركز الصحي
ولم نلاحظ أي شي غير طبيعي

[ذكي جدااا]

اشلوووون اسحبووووه من السوووووق وتوني شاااري منه اليووووووووووووووووووووووووووووم

[ذكي جدااا]

ما شفناااااااااااااا اي تحذير بالجرااااااااااايد

[qatari1]

كلام فاضي...

وزارة الصحة نايمة، وانتي اللي صاحية يعني؟

لا حول ولا قوة إلا بالله.

[الغلا81]

أنا حبيت ابلغكم فقط لا غير الي حاب يغير ولا مايغير بكيفه هذا كلام الدكتور لي ومب اول مره وزارة الصحة تغفل عن هالامور وماتقول الا متأخر
ويمكن اسحبو الي فيها بكتريا وخلو الباقي لانه العادي نوعين ويختلف في مكوناته نوع يحتوي على سمك والثاني لا فالنوع الثاني الي هو خالي من السمك هو الي مب متوفر نفس قبل

[امـ حمد]

يزاااج الله خير على التحذير

[الـراسي]

ما عليكم من الاشاعات

المعروف ان كل دكتور موجود عندنا يروج

لشركة معينة ويحذر من الشركات الاخرى

[كازانوفا]

في دكاتره يكون بينهم وبين الشركات اللى تنتج الحليب علاقه قويه عشان يسوقه لهم عن طريق عمله
افهمو الموضوع وزارة الصحه عندهم ناس ولهم اطفال اكيد راح يخافو على عيالهم قبل عيالنااااا

[غيور]

السلام عليكم ورحمة الله وبركاته

من يومين وديت بنتي اطعمها وسألني الدكتور وهو استشاري أطفال في مستشفى الاهلي عن نوع الحليب الي استعمله لبنتي وقلت له انه ابتاميل قالي وقفيه لاتعطينه إياها لانه مسحوب من السوق من ثلاث شهور بسبب اكتشاف بكتريا فيه

سؤالي ليش ماحذرونا الصحة من هالحليب وليش ما اعلنو رسميا فالجرايد عن وجود بكتريا فيه ؟؟؟

اخوي العزيز لاتستعجل على ان يعلنوا في الجرائد والاسباب كما يلي :
1- حصول وفاة علشان يتأكدون بصحة الكلام ؟
2-نفاد الكمية من السوق علشان ما تخسرالشركة المصنعة ؟

والاحرى اعتقد سوف يعلنون في الجرائد بعد اكتمال الحالتين ؟

والله صرنا فئران تجارب واللي يموت سوف يقولون سكتة قلبية .

[مضارب دوسري]

نصيحه جربوا نوفالاك
بصرااااحه افضل حللييييب فالسوق
وماينوجد الا فالصيدليات

[khaldoon]

في دكاتره يكون بينهم وبين الشركات اللى تنتج الحليب علاقه قويه عشان يسوقه لهم عن طريق عمله
افهمو الموضوع وزارة الصحه عندهم ناس ولهم اطفال اكيد راح يخافو على عيالهم قبل عيالنااااا

من غير تشكيك في صحة المعلومات اللي قالها الدكتور بس معروف انه كثير من الدكاتره ياخذون خصومات و بونص من شركات الادويه و تذاكر سفر و غيره لانه يساعد على تسويق المنتج الطبي...خاصة لما يكون في عدة ادوية جيدة و تفي بالغرض بس تلاقيه يسوق لدواء معين او حتى مختبر معين متعاقد معاه

يعني الحين مندوب شركة الادوية يروح يعرض منتجه على الطبيب فلازم يقنع الطبيب ليش انه يتوقف عن وصف البندول للمرضى و يتجه الى الادول على سبيل المثال و عاد يشوف الطبيب و هو علمه و فهمه و خبرته و امانته كيف انه ممكن يسمع كلام المندوب بحيث انه ما يوصف دواء جودته اقل من اجل ربح مادي لانه المريض لما يروح الدكتور و يوصفله دواء ما يستفيد منه فعلا ما راح يرجع عليه مره ثانية

[كازانوفا]

من غير تشكيك في صحة المعلومات اللي قالها الدكتور بس معروف انه كثير من الدكاتره ياخذون خصومات و بونص من شركات الادويه و تذاكر سفر و غيره لانه يساعد على تسويق المنتج الطبي...خاصة لما يكون في عدة ادوية جيدة و تفي بالغرض بس تلاقيه يسوق لدواء معين او حتى مختبر معين متعاقد معاه

يعني الحين مندوب شركة الادوية يروح يعرض منتجه على الطبيب فلازم يقنع الطبيب ليش انه يتوقف عن وصف البندول للمرضى و يتجه الى الادول على سبيل المثال و عاد يشوف الطبيب و هو علمه و فهمه و خبرته و امانته كيف انه ممكن يسمع كلام المندوب بحيث انه ما يوصف دواء جودته اقل من اجل ربح مادي لانه المريض لما يروح الدكتور و يوصفله دواء ما يستفيد منه فعلا ما راح يرجع عليه مره ثانية



يعني شغل تجاره لا بارك الله فيهم
ضيعت الامانه من هالدكاتره اللى بهاي النفوس الحقيره :anger1:

[Amal_QTR]

بغيت اوضح نقطتين مهمين:

بخصوص حليب سيميلاك : لما طلع الكلام بوجود خنافس في سيميلاك .. كان في المصنع الموجود في امريكا .. و في الموقع الرسمي للشركه كانوا حاطين اعتذار رسمي و خدمه انك تحط البار كوود لعلبه الحليب و يطلع لك اذا هي ملوثه ولا لا .. و في كل الحالات اللي كان يجي قطر وارد اوروبي وليس امريكي .. لهذا السبب ما منعوه في قطر .. بس انا نفسيا ةقفته حق ولدي.


بخصوص ابتاميل .. انا رحت ادور في المواقع الاجنبيه ما لقيت اي تحذير .. ولدي استخدمه 8 شهور تقريبا و كان روعه بالذات كومفورت ولا اشتكى من اي شي و لله الحمد .. بس ممكن الواحد يفضل يتابع و يشوف سبحان الله الخطا الانساني وارد ..

و اذا هالدكتور واجد قلبه على الاطفال خليه يوجه هالاتهامات لهيئه المواصفات و المقاييس ولا هيئه الصحه العامه !!! يعني عفوا هذا طبيب المفروض ما نعلمه شغله !!!!

[حمد بن سعد]

لا حول ولا قوة الا بالله

[الغلا81]

اليوم رحت مستشفى الاهلي ورحت حق دكتور ثاني غير الاستشاري الي رحت له في نفس المستشفى وسألته عن الحليب وقلت له انه الاستشاري الي عندكم قالي رد علي وقال أنا ماسمعت شي عن حليب ابتاميل واذا عيالج مرتاحين عليه لاتغيرينه قلت له ليش الاستشاري يقولي مسحوب من السوق واكتشفو فيه بكتريا

قالي دام مافي شي رسمي ومكتوب فالجرايد عطيه عيالج
وانا بكمل عليه لانه عيالي ماناسبهم الحليب الجديد

[king fish]

افضل نوع من الشركه العالميه نيسلته الي تصنع حليب نيدو
وتصنع حليب الاطفال كيوكوز كيوكوز خفيف ومايسوي غازات

[المعنى88]

ابتاميل استخدمه من 4 سنوات ولله الحمد لاعيالي ......... وفي الأخير يعتمد على نوعيته والرقم وحجم العلبة .... الللي اختفى وغير موجود حجم 1100 جرام للعلبة الحجم الكبير أو 1500 جرام .... ونزل الفترة الحالية رقم 2 نوعية العلبة مختلف عن المعدن
ولا زلت اشتري منه وخصوصا ولدي المولود من اسبوعين لكن مادري هل كل حليب يسبب غازات
رغم اجرب لهم نوعيات ثانية من قبل . وسلامت عيالكم من كل مكروه .