استفسار ياشباب

[wj3]

السلام عليكم جميعا ابي اشتري wc علاق وين تنصحوني اشتري وأبي شي كولتي

[ولد المنصور]

المتحده طريق سلوى

[تينا85]

كافود ... نابينا..في طريق المطار

[معماري قطري]

عن تجربة وعملي وسعره معقول انا جربت التوايفورد العريض من شبيب وعلي العطية، وهو صحيح تصميم قديم بس فعال وعريض وفخم، وجربت جاكوب دولوفان شوي أحلى وأغلى بس عجبني أكثر التويفورد، وممكن تغيرت الموديلات الحين بس ما اتوقع نوعية التوايفورد يوقف انتاجها لأنها نوعية ناجحة ومطلوبة في كل العالم.

[بن غيث]

:nice:
عن تجربة وعملي وسعره معقول انا جربت التوايفورد العريض من شبيب وعلي العطية، وهو صحيح تصميم قديم بس فعال وعريض وفخم، وجربت جاكوب دولوفان شوي أحلى وأغلى بس عجبني أكثر التويفورد، وممكن تغيرت الموديلات الحين بس ما اتوقع نوعية التوايفورد يوقف انتاجها لأنها نوعية ناجحة ومطلوبة في كل العالم.

[السد]

في محل في طريق سلوى
مختص فقط للحمامات
وان شاء الله بجيب لك اسمه

[معماري قطري]

:nice:

:nice:
مشكور يا بن غيث وشكلك مجرب هالنوعية

[معماري قطري]

إخواني الحذر من بعض معارض الأدوات الصحية ... انا في بداية 2004 تقريباً حصلت لي قصة، مثلي مثل أي واحد يبني ويتسوق لبيته.

الله يسلمكم اللي حصل اني بديت أشوف أسعار وكتالوجات وركزت على نوعيات كوالتي، وبدون مبالغة، فوصلت معاي التكلفة لتكرمون أطقم الحمامات والبلاط ما يقارب ال 150 ألف ريال، وهي تتفاوت في الجودة ولعدد معين من الحمامات، وكنت أركز على المحلات المعروفة في هذا المجال، وصدفة مريت محل جديد وشكله مغمور وكان في شارع المرقاب بمنطقة النصر، عجبني فيه بانيو كبير شوي ومزخرف في أطرافه بمثل ما قال لي البايع "موذر أوف بيرل " وهي اللي تخلي سعره غالي، وكان سعره 75 ألف وحتى عادي بدون جكوزي، وللعلم سعر ال 150 الف كان متضمن جكوزيات 4 وحمام بخار وكلها نوعيات ممتازة بالإضافة إلى سيراميك وفيه منه نوعية مزخرفة باللي يقول عنها البايع mother of pearl .. المهم اللي حاب اني أنوه له هو عدم التسرع والإنجراف ورا شيء معين بل البحث بتركيز والسؤال عن الجودة والتركيز على شيء متوسط ومعقول ... فمثلاً توجد جكوزيات غالية جداً لكبر حجمها وتشيل شخصين أو 3 أو حتى أكثر وناس تنجذب لها وتشتريها وتتورط بها، لأن المستخدم في الغالب واحد بروحه، وفيه حتى تكرمون كراسي حمام دبليو سي بإضاءَة وجلد أو خشب أو حتى تنفتح وتتسكر آلياً، وتنشرى بسعر خيالي مقارنةً بالعملي والعادي، وهذي القطع يكون فيها إستغلال كبير من مورد معين ولنوعية معينة من العملاء، وإنت في بيتك ويكون محد يمكن يشوف هالمنتج، وتمل منه وتبين فيه عيوب غير الميزة اللي شريته بسبتها.

وسلامتكم.

[برنس قطر]

اتوقع في سعوديه افضل واجود
اسوق هناك كبيررر ومنتوع

[مرحوم قطر]

اذا تبي تشتري كميه انصحك بالحسا