احذرو من تاجير السكوترات بتايلند

[عيون الدوحة]

مجموعة من الشباب اجرو اسكوترات في بتايا وعند الانتهاء من المدة المحددة
تم طلب مبلغ 40 الف ريال قطري منهم عل الضربات الموجودة بالسكوتر
والشباب يحلفون ان الدعمات مش منهم
وبالاخير دفعو مبلغ 22 الف قطري

واليوم التالي صادفو شخص هندي وقال لهم ان اصاحب السكوترات يخدعون السياح بعمل غطاى بلاستيكي على السكوتر وعند نزول السكوتر البحر ينفتح الغطا ويتم اصطياد الفريسة من السياح

واليوم التالي تم اصطياد فريسة من الجنسية الامريكية

يرجى الحذر

[بـن عدوان]

معلومة يديدة

[" فـارس قـطر "]

ايه والله صاج في كلامك ياخوي
انا صادني موقف معاهم في سنة 2010 يوم كنت هناك
جات ضربه خفيفه كلش وبسيطه في سكوتر رفيجي
ضربه بسيطه كلش لدرجة ان الضربه تعطيها بولش ويروح الشمخ
طلب منا 8000 ريال
قلت له ماعندي الا 2000 تبي اهلاً وسهلاً ماتبي روح اشتك في الشرطه
وقبل في الـ 2000 ريال وماعنده مشكله
ومن عقبها حرمت اني أأجر سكوتر من هذي الاماكن او اي مكان كان

[£عبدالعزيز£]

المفروض ان اللي يصير له نفس هالموقف يكلم السفارة القطرية في بانكوك

صح انه بيخرب جدول سفرته شوي .. بس بيأدب هالنوعيات

[بصمة قطرية]

حسبي الله عليهم
مبالغ خيالية اللي يطلبونها ..!!!
ال 100 ريال كنز بالنسبة لهم شلون الآلاف ..!!!
المفروض ما تسكتون عنهم تبلغون السفارة ..
حرام ينصبون عليكم ..

[Charisma]

صارت لي من سنين
وكان فيها تهديد وقدام الشرطه
كان طالب مبلغ يعادل الـ14 الف قطري
اخرتها وفي المركز رضى بـ1000

نصيحه اخويه لاحد يزور هالمنطقه في تايلند الا للضرورة فقط .. مشاكل وعصابات وامور كثيره

[بو علاوي]

السنة الماضية شفت بنات كويتيات متهاوشين في بتايا مع اهل السكوترات على نفس القصة
الظاهر انهم متعودين عالنصب على السياح وخصوصا عالعرب

[A l i]

حسبي الله عليهم هالنصابيين

[الصغيره]

وش فيها شواطي قطر نظيفه وزينه وامن وايمان

[مسفر2]

صادق انا صار لي هالموقف

قالوا ادفع تقريبآ 6000 ريال قطري

بس لو لا الله ثم حارس الفندق الي كنت فيه كان دفعت

[عس عس]

فديت قطر والله

[خــالــد]

النصب بكل مكان خاصة لما يدرون انك سايح يكرهي لهذا البلد مادري شيحبون فية الشباب مكان وصخ وناس منتهية لو بلاش ما رحت لهم

[BoFahed]

انا توني جاي من تايلند وراعي التاكسي في بوكيت حذرني من هالسوالف وقالي بان اصحاب القوارب والسكوترات عندنا مافيا من اوسخ التايلنديين ووداني عند واحد راعي سكوترات يعرفه


وفي كل مكان فيه الشين والزين وتعلمت من سفراتي الكثيرة بانه اهم شي الواحد يكون حريص في كل شي وذرب في كلامه ومتواضع ولا يتعامل بالثقة العمياء وقبل ما يسافر يكلم ناس طيبين ومحترمين من اهل البلد يساعدونه (سواق تاكسي مثلا )

انا هناك ومع كلامي مع كثير من العرب والاجانب اللي عايشين هناك من سنين والللي كل سنة يجونها بعضهم 35 سنة يقولي التايلنديين طيبين وايد ولين الحين بس فيه منهم تغيروا كثير بسبب تصرفات السياح العرب والاجانب اللي زادوا وايد في السنوات الاخيرة وتعلموا الطمع والاستغلال زمان كان التايلندي منزل راسه ولا يقدر يحط عينه في عينك الحين لما يشوف الخليجي وخصوا الحريم يشترون ماركات بالهبل والشاب اللي يصرف بالبارات اكيد بيتولد عند اللي يشوفهم حسد ويقول بنفسه ليش ما يعطونا احنا اولى

[شبح الصمت]

لعبتهم ترى

وفي ناس اعرفهم جابو لهم ناس من المافيا يحلف لي وصارت بينهم سالفه

وفي ناس انضربوا

نصيحه لحدن يأجر السكوترات خير شر

والله يحفظ الجميع

لعبة عصابات يالربع اهناك

[FCB 123]

أنا الحمد لله كل سنة أروح وأستأجر في بتايا .. بس مب صوب البحر والموقع السياحي ..

أروح صوب الحديقة المائية بالجهة الأخرى وأستأجر واستانس ولا في مشاكل واسكوترات نظيفة وبدون مشاكل ولله الحمد

بالتوفيق للجميع

[بنت امي]

احنا رحنا مدينة هواهين قريبه من بانكوك ساعتين فقط بالسياره
وفيها بحر وسكوترات وبطابط وطبيعه واجبال واشياء كثيره واستغرب محد يروح لها هالمدنيه من الخليجين بس الاجانب

[halcrow]

انا اجرت سكوتر في بتايا وذكر صحيح كانت معاملتهم زفت ..... لكن الحمد لله ماصار معاي استغلال

[عميد الريان]

في شي اسمه الشرطة السياحيه

[بوخالد911]

تسلم للتنبيه

[قطريه ماركه]

الحمدلله اجرنا في بوكيت سكوترات على 1500 بات حق نص ساعة و الله ستر و ما قالوا لنا شي ..

يمكن بتايا غير !!