أبي علاج فعال

[المحاميه]

السلام عليكم

تأذيت ف الفتره الأخيره من الفطريات اللي تطلع بين اصابع القدم

تخف وترجع

سببها الماي (لما اغسل رجلي بالماي الله يعزكم)

عندي بخاخ لهالحاله بس العلاج فترته اسبوعين تقريبا وعقب يخف وعقب يرجع بعد فتره (يعني المده طويله وفوقها ترجع الحاله بعد فتره قصيره يعني الوضع متعب)



ابي حل جذري لو سمحتوا

حد يعرف علاج زين حق هالحاله؟


* ملاحظه:
راجعت المستشفى واصرفولي هالبخاخ


وشكراً

[حسن]

نقعي اصابعك ببترل

يقولون زين بس انا ماجربتا ولا سمعت حد جرب

[العلياا]

وعليكم السلام

ما عندج حل الا انج تحرصين على تجفيف القدم (اجلكم الله ) من الماء

وما تشوفين شر

[al saad]

انا دايمن اغسل ريلي بلماي وبعدين ب كحول الوردي ريحته حلوه اتحصلينه في الجميعيات لني دايمن البس جوتي عز السامعين وهاي الطريقة تمنع الروائح وتكون البكتريا

[بومحمد المطاوعه]

انا دايمن اغسل ريلي بلماي وبعدين ب كحول الوردي ريحته حلوه اتحصلينه في الجميعيات لني دايمن البس جوتي عز السامعين وهاي الطريقة تمنع الروائح وتكون البكتريا


ممكن صوره من هالكحول

خلنا نشتري



وجزاك الله خير

[المحاميه]

نقعي اصابعك ببترل

يقولون زين بس انا ماجربتا ولا سمعت حد جرب

حسن تبي تنكت ف كل موضوع يعني ولا شسالفه
كفايه اطروحاتك ف قسم الاستراحه




وعليكم السلام

ما عندج حل الا انج تحرصين على تجفيف القدم (اجلكم الله ) من الماء

وما تشوفين شر

الشر ماييج
ايه صح قالتلي نشفي اريولج
بس انا ماطبق لان الفكره مايازتلي :(



انا دايمن اغسل ريلي بلماي وبعدين ب كحول الوردي ريحته حلوه اتحصلينه في الجميعيات لني دايمن البس جوتي عز السامعين وهاي الطريقة تمنع الروائح وتكون البكتريا

كحول وردي ومن الجمعيه
مادري ياخوي بس احس الفكره مب صح
ولازم ماتستخدم شي الا بوصفه طبيه او عالاقل يكون مكتوب عليه حق شنو

انا اعاني من الفطريات وذكرت بسبت الماي



ان شاء الله نحصل حل فتاك

[بومحمد المطاوعه]

انزين روحي المستشفى

وشوفي شيقولون

بدال التجارب

ترى هذي فطريات والسالفه فيها جلد

عادي تستخدمين شي غلط ينقلب عليج

بدال الصح غلط

[ضوى]

زوجي يعاني مثلج ويستخدم نفس البخاخ ، بس انا قلت له اهم شي التنشيف بعد غسل الرجل خاصة بعد الوضوء ، وقمت احط له بودرة جونسون بعد كل غسله والحمد لله شبه مفتك منها الا اذا ااهمل اللي اسويه له

[المحاميه]

انزين روحي المستشفى

وشوفي شيقولون

بدال التجارب

ترى هذي فطريات والسالفه فيها جلد

عادي تستخدمين شي غلط ينقلب عليج

بدال الصح غلط

يالليل
اطلع فوق واقرا الموضوع عدل
بتشوفني حاطه ملاحظه :rolleyes2:



زوجي يعاني مثلج ويستخدم نفس البخاخ ، بس انا قلت له اهم شي التنشيف بعد غسل الرجل خاصة بعد الوضوء ، وقمت احط له بودرة جونسون بعد كل غسله والحمد لله شبه مفتك منها الا اذا ااهمل اللي اسويه له

ايوه
بس انا مستغربه قبل ولا مره ف حياتي جاني هالشي
اشمعنى الحين
شاللي تغير يعني

:(

[ضوى]

يالليل
اطلع فوق واقرا الموضوع عدل
بتشوفني حاطه ملاحظه :rolleyes2:




ايوه
بس انا مستغربه قبل ولا مره ف حياتي جاني هالشي
اشمعنى الحين
شاللي تغير يعني

:(


حتى زوجي ماكان فيه بس سبحان الله يمكن فيه ناس عندها قابلية لتكون الفطريات ، يمكن ماتعرضين ريلج للهوا ، يمكن ماتلبسن نعال الله يعزج على السيراميك ، وايد اسباب

[حمد 2002]

نصيحه مجانيه وابلاش .. نقعيها بماي البحر ..

ماي البحر وما ادراك بماي البحر ..

[المحاميه]

حتى زوجي ماكان فيه بس سبحان الله يمكن فيه ناس عندها قابلية لتكون الفطريات ، يمكن ماتعرضين ريلج للهوا ، يمكن ماتلبسن نعال الله يعزج على السيراميك ، وايد اسباب

ضوى
انا فيني وسواس
اغسل وايد
والبس نعال كل مكان ههه
بس يمكن السبب هو عدم تعريضها للهوا ولاني مانشفها
وحتى النعال الله يعزج يكون مبطل وخفيف مب اللي صاك وثقيل


الله المستعان وتسلمين
شكلي باستسلم وبانشف ريلي امري لله

[المحاميه]

نصيحه مجانيه وابلاش .. نقعيها بماي البحر ..

ماي البحر وما ادراك بماي البحر ..

:eek5:


:omg:

[Chanel]

مرحبا اختي خذي استشاره من دكتور جلدي أفضل وماعلى شر أن شاء الله

[المحاميه]

جزاج الله خير

انا ذكرت عندي البخاخ بوصفه طبيه

[alsoq]

ويلخص أطباء الجلدية بمايو كلينك خطوات الوقاية من حصول هذه النوعية من التهاب الفطريات، في العناصر التالية:

* احرص على بقاء قدميك جافتين، خاصة مناطق الجلد التي في ما بين الأصابع. ولذا احرص على المشي حافيا داخل المنزل، أو في الأجزاء النظيفة من الحديقة.

* احرص على ارتداء جوارب مصنوعة من مواد طبيعية، مثل القطن، أو الصوف، أو الجوارب المصنوعة من خيوط صناعية ذات قدرة على امتصاص البلل ورطوبة العرق.
* احرص على تغيير الجوارب كلما أصبحت رطبة. وإن كانت أقدامك تعرق بغزارة، غير جواربك مرتين باليوم.
* احرص على ارتداء أحذية خفيفة وذات فتحات لتهوية القدمين.
* احرص على تغيير الأحذية خلال اليوم الواحد، لإعطائها فرصة كي تجف من الداخل.
* احرص على حماية قدميك حينما تكون في الأماكن العامة، بارتداء الصندل أو النعال العالية عند التواجد في المسابح وغيرها.
* لا تستخدم أحذية أو نعال الغير.
* احرص على تفقد أجزاء قدميك يوميا، خاصة فيما بين الأصابع.

* احرص على غسل قدميك بعناية، خاصة في ما بين الأصابع، على الأقل مرة باليوم. واحرص على تجفيف كل أجزاء القدم بعناية، خاصة فيما بين الأصابع.

[alsoq]

وان شاء الله بسوي بحث في المواقع الطبية الاجنبيه لو لقيت علاج ابشري

[al saad]

ممكن صوره من هالكحول

خلنا نشتري



وجزاك الله خير



هاي رابط فيه الصورة والصراحة انا استخدمه من سنين بعد ما تسبح ارشه على كل مناطق جسمي الحساسة وأول أيامه بيحرق شوي بس بعدين خلاص الجسم يصير مافيه جروح ولا الاتهابات ولا فطريات

فيه من أنواع كل لون ريحه مختلفة انا استخدم الوردي

https://www.google.com/search?q=casino+alcohol&tbm=isch&tbo=u&source=univ&sa=X&ei=D-pXU4rRJ9Kd7gamhoCYAw&ved=0CDIQsAQ&biw=1138&bih=441#facrc=_&imgdii=_&imgrc=VNAiyRbjAP5hBM%253A%3B3gikSk8i3o7q7M%3Bhttp% 253A%252F%252Fwww.gotindahan.com%252F418-478-thickbox%252F-casino-ethyl-alcohol-70-solution-feminine-.jpg%3Bhttp%253A%252F%252Fwww.gotindahan.com%252Fh ealth-beauty%252F418--casino-ethyl-alcohol-70-solution-feminine-.html%3B600%3B600

[رهج السنابك]

جربتي البيتادين؟؟
عاد تدرين الفطريات من اضعف الكائنات وبسرعه تموت حتى لو بخل او شي حمضي

انا بقولج طريقه سهله عشان تكون ريلج جافه ع طول
انا لو بغيت اتوضا في البيت ع طول عندي منشفه حاطتها تحت المغسله يعني اتوضا وانزل ريلي عليها ع طول تمتص الماي ويوميا تتبدل هالفوطه
اذا كنت برا وبتوضا بمكان عام اخذ مجموعه مناديل وافرشهم على الارض مكان ماانزل ريولي بس اغسلها وانزلها على المناديل وبعد عشان احافظ على صندلي الي اكون لابسته مايخترب من الماي

وخلي في البيت ع طول عندج بودرة اطفال جونسون كل شوي رشي عليها لان البودره تمتص الرطوبه

ابعدي عن الجواتي الي ترص الاصابع ومقدمتها مقفوله
اخذي الي دايما مقدمتها مفتوحه

لا تقعدين فتره طويله وانتي لابسه جوتي مثلا ركبتي السياره رايحه مشوار افصخي الجوتي لين توصلين البسيه
قعدتي في الدوام ورا المكتب هوي ريلج بس مب تتمشين عقب حافيه هههه

[النهار]

ان شاءالله الحل موجود

[بوحارب]

ماتشوفين شر

[ريم الشمال]

ما تشوفين شر
الملح الفارسي تذوبيه في ماء وتنقعين رجلك فيه أو حتى فركين رجلك به وهو بودره بعد الشور أو الوضوء مره مرتين على حسب

[imation]

,



مثل ما قال بوشهاب نقعي ريولك في ماي البحر ونشفيهم بالسشوار





,

[فتى الجود]

السلام عليكم

فيه كريم عند شول للعناية بالقدم

بــ 30 ريال

تراه زين

وحطيه على المنطقه المصابة في الليل وعليها دلاق لين الصبح

وكلها 4 ايام والأمور بتكون طيبة بأذن الله تعالى

وعليك بالبحر

[بصمة قطرية]

الرطوبة بيئة خصبة للفطريات
جففي ريولج على طول
لا تخلينها رطبة
و حاولي الجواتي والصنادل الله يكرمج تكون مفتوحة من قدام
عشان ما تعطين مجال لرجلج إنها ترطب ..
و ماي البحر جداً ممتاز يذبح الفطريات ..
ذكرتيني بفترة حمالي تطلع لي حساسية
بين أصابع رجولي سبحان الله ماي البحر كان يريحني من الحكة ..

ما عليج شر ان شاءالله ..

[المحاميه]

الله يجزاكم خير جميعا
قريت كل الردود وخذيت كمن فكره
ماقصرتوا

واعجبتني فكرة السشوار للتجفيف هههه احسن شي :shy: