رايكم بهذا الشجر [الأرشيف] - منتديات شبكة الأسهم القطرية

SeniorTrader

08-02-2015, 06:48 PM

السلام عليكم

انا زرعت شجر نوعين

واحد اسمه السرو

والثاني اسمه فيكس

راعي المشتل قال ان عروقهم ماتطول وايد ولاادمر الاساسات

وبعد ماشريت وزرعت شفت واحد يقول ان الفيكس دمرت رصيف بيته

وهل يتحملون الحر ولابيحترقون بالصيف لانهم حاليا خضرر ولونهم حلو

معماري قطري

09-02-2015, 01:30 AM

أَي زراعة لازم لها أَحواض محفورة بعمق جيد ومحمية من الجوانب بطابوق مدفون داخله ومغطى الجزء الخارجي ببلاستر أَو بلاط أَو حجر واللي ملامس التربة بحمايات ضد تسرب الرطوبة .. التربة تكون زراعية وبعدين تزرع حتى لو قريب من الحوائط ما عندك مشكلة .. السرو شجرة مخروطية ودقيقة من فوق وتستوي طويلة وايد وتطلع حلوة مشهورة في الأُردن هنيه ما ادري عنها بس توقع في الصيف شوي تنشف وتيبس.

بحر شرق

09-02-2015, 02:01 AM

الفيكس له رائحه قويه لكن كمنظر حلوا ، رأي تزرع شجر الحناء له رائحه حلوه بالذات في الحديقة وجلسات الليل :) ،،،والليمون بعد ممتاز

الضمين

11-02-2015, 10:29 PM

الفيكس كمنظر حلو
لكن انا من رايي انك تزرع شجر تستفيد منه وفي نفس الوقت يعطي الحديقة او البيت منظر جمالي مثل الليمون والتين واللوز وعندك التوت ميزة هالاشجار انها تستحمل جونا

انا زرعت شجره اسمها المورينقا ويسمونها بعد الشجرة المعجزه اذا لقيتها ازرع منها
اخذلك لفه في النت واقرا عن فوايدها
بالتوفيق ياصديقي

شموخ دائم

12-02-2015, 12:02 AM

,

,

مرحبا

http://www8.0zz0.com/2015/02/11/23/399128161.jpg

هذي شجره السرو انا زارعها من 7 سنوات تقريبا
وتتحمل الجو الحار جدا والقليل من الماء طولها الحين تقريبا 6متر ويوصل طولها الى اكثر من 20 متر
بطيئه النمو
ولونها ثابت وورقها ما يطيح دائمه الخضره

اهم شي تختار النوع هذا الي بالصوره عموديه الشكل
شكلها اجمل
من الانواع الاخرى للسرو هناك اكثر من نوع واكثرها
تتمدد بشكل عريض مثل شجره الكنار

وانصحك بزراعه ( الليمون )
من افضل الاشجار المفيده في قطر وتعيش كثير وانتاجها ممتاز
خاصه الليمون الاخضر الصغير

بالتوفيق لك

,

,

الجـــوديّ

12-02-2015, 12:39 AM

الفكس سلمك الله منظرها يسر لكن فعايلها ماتسر أبد ..
لدرجة ان جذورها الكبيرة تدش في منهولات المجاري وتسدها .. !

السرو منظرها أخضر جمالي حلو

البوانسانا .. منظرها حلو في الصيف لما تزهر ( زهورها لون احمر ناري أو أصفر)
وفيه أنواع ممكن ينصحك فيها مهندس المشتل
وشكلها أنيق في الحديقة ...
هذي صورتها

http://4sa.cn/nbatzina/nbt-bonsyan/RoyalPoinciana1.jpg

http://www.shajrah.com/IMG/arton144.jpg?1397060413

الليمون والترنج حلو وينفع في الصيف

https://encrypted-tbn2.gstatic.com/images?q=tbn:ANd9GcQK9ELGt67dmBdpzr7SzEjqy381jZyCF itL8_b61VNISlYXUIsVCA

النخلة المباركة ... ثمر وبركة ... في وظلال

https://encrypted-tbn1.gstatic.com/images?q=tbn:ANd9GcStqC6U-Ge5z5TCOITsOoq89V4P6ICMM4OQTS3TBEh5uq9NY34f5Q

هذي طاردة للحشرات .. توخر النامس والباعوض عن البيت ومنها فوايد كثيرة جدا وماتشرب ماي وايد
http://i.imgur.com/zm2cC.jpg

معماري قطري

12-02-2015, 07:22 AM

ما شاء الله أَثريتوا الموضوع بالاراء الجيدة والصور

الحمد لله كلها تقريباً موجودة عندي .. بس واجهتني مشكلة مع التين شجرته ما تكبر سرعة .. والليمون عندي ثنتين وحدة صغيرة والثانية كبرت بس ما انتجت واللي كبرت الظاهر الشمس توصلها أَكثر .. زرعت كنار النوع الكبير وأَنتج من أَلذ الأَنواع بس عيبه الدود حد يعرف حل مناسب ومجرب؟

اللوز كذلك بعضه يصيده دود ومستغرب من شجرة تنتج في وقت وشجرة في وقت غير وشجرة نهائياً ما تنتج.

فــلان

12-02-2015, 07:40 AM

السلام عليكم و رحمة الله و بركاته

أنا صرت شغوف صراحه بالزراعة لما لها من وقع طيب على النفس مثل ما يقولون.. مجرد ماتجلس فتره وجيزه في حديقة بيتك
ودار مدارك أشجار فواكه و زهور بألوان و روائح مختلفه هذي نعمه كبيره من الله سبحانه وتعالى. في رأيي الشخصي هذا شيء مضاد للإكتئاب
و له دور كبير في تعديل المزاج. أنا الآن أكتب من كمبيوتر مشترك ولا كنت نزلت لكم بعض الصور من حديقتي

أعتذر عن خروجي للموضوع .. متابع للفائدة ..

معماري قطري

12-02-2015, 02:28 PM

والله يا فلان إِحنا موجودين وننطر الصور خذ راحتك تهمنا التجارب الشخصية

انا كتبت موضوع عن الحدائق ونزلت صور للزراعة في بيتي في منتدى ثاني ما يصير اكرره هنيه

وبالنسبة للراحة النفسية إِنت بس تمر في الحديقة وتطلع تشوف الخضار حولك حتى لو دقايق تعطيك راحة .. ولا تنسى خرير الماء من جداول ونافورات وشلالات

الجـــوديّ

13-02-2015, 01:19 AM

وعليكم السلام ورحمة الله وبركاته

الزراعة نشاطها جميل ..

لما كنت صغيرة شوي ... كنت من أخلص واجبات المدرسة .. اخذ الفاس واحفر الأرض .. وارتب الطين.. واسوي الأحواض
أحب ريحة الطين والأرض .. تعطي راحة وشعور بالارتباط معاها
الحركة والنشاط نفسه يعطي شعور بالارتياح والانجاز
فما بالك لما تزرع بيدك بذور طماط والا باذنجان وتشوفها تنبت وتاكل من زرع يدك .. السلطة والا مرقة الخضرة
والله شعور ونفسية حلوة ما يضاهيها شي
وخاصة ان اعي البيت يكون في البيت كلن مستمتع بوجوده معاهم في البيت .. وعياله يتعلمون منه شي حلو في حياتهم
الاعتماد على النفس والعمل والانجاز
هذا غير إن الزراعة أمر رباني .. وحث عليه الرسول عليه الصلاة والسلام

شجر الليمون يحتاج الى تقليم .. فيه بعض العروق تيبس هذي لها طريقة عد وحساب يعرفها المهندس الزراعي مب المزارع العادي
يقصها علشان تفرع فروع جديدة وتطرح ثمر

فيه حسابات على الانستغرام لناشطين كويتيين في الزراعة المنزلية رائعين
بحاول أجيب حساباتهم للاستفادة

الحين صارت المعلومات سهلة

سري للغاية

02-03-2015, 12:38 AM

مرحبا اخوي " SeniorTrader "
بالنسبة لشجرة الفيكس ما انصحك فيها بصراحه يوجد انواع كثيرة من الاشجار والنباتات اللي تفيدك وتفيد اهل بيتك بدل من الفيكس ،خصوصاً ان لها عواقب وخيمة وبتكلفك اضعاف مضاعفه من قيمتها لصيانة بيتك ، واتمنى ان شجرة السرو ماتكون مثل هذه اللي بالصورة لان انواعها كثيرة وبعدين لا تاخذ على كلام المشاتل تراهم هم مسوقين لبضاعة واغلبيتهم تعلموا الزراعة من خلال البيع في المشتل .

92027

وانا حاضر لك ولجميع الاخوان بالمنتدى من استشارة او اي شي يتعلق بالزراعة المنزلية الحمد لله انا ماني مهندس زراعي لكن معلوماتي بفضل الله جيدة بحكم اني صاحب مزرعة سابقة وخبرتي لا تقل عن 20 سنة بالزراعة واجريت عدة تجارب زراعية منها الزراعة بدون تربة ( الهايدروبونك ) والزراعة في احواض السمك ( الاكوابونك ) والتطعيم وغيرها بفضل الله تعالى واي حاجة اعرفها ثقوا تماماً اني ماراح اتآخر عليكم فيها ويمكنكم التواصل على الخاص والله يكتب لنا ولكم الاجر والرضى .

limited

06-03-2015, 06:23 AM

يا جماعه ممكن حد يقول لنا هل جميع الأنواع اللي ذكرتموها متوفرة في المشاتل عندنا بقطر ؟

limited

06-03-2015, 06:24 AM

شجره طارده للحشرات والنامس <<< ممكن الاسم العلمي لهالشجره ؟؟

النهار

06-03-2015, 10:25 AM

شجره طارده للحشرات والنامس <<< ممكن الاسم العلمي لهالشجره ؟؟

اخوي مالها الا اسم واحد شجرة النيم موجوده تقريبا في كل المشاتل

الجـــوديّ

06-03-2015, 02:56 PM

نعم كل الشجر موجود في المشاتل ..

يعرف النيم علمياً باسم Azadirachta indica

http://www.shajrah.com/%D9%86%D9%8A%D9%85

الجـــوديّ

06-03-2015, 03:07 PM

أنصح أيضاً بمراعاة ألوان أزهار الأشجار بحيث تكون متنوعة ... ومعرفة لون الأزهار قبل شراء الشتلة

أنصح بشجرة الجهنمية ...

شجرة جميلة وأزهارها رقيقة .. وشكلها بشكل عام يبهج النفس ..

أوراقها شديدة الخضرة وأزهارها تحمل كل درجات اللون الوردي والأحمر والأصفر وأحياناً الأبيض والمشمشي

وتكون جميلة جداً إذا تم عمل لها شبكة على الجدار أو وضع دعامات على السطح الخارجي للمبنى تنمو عليها لأنها شجرة متسلقة

تنمو في قطر بشكل ممتاز وتتحمل درجات الحرارة العالية في الصيف.

http://i01.i.aliimg.com/photo/v0/211397015/Bougainvillea_spectabilis_Willd.jpg

http://www.its.caltech.edu/~bi/graphics/bougainvillea.JPG

https://s-media-cache-ak0.pinimg.com/originals/7e/9f/bd/7e9fbdb9a45dba335bbfabcfe3141aad.jpg

http://cache1.asset-cache.net/gc/128248010-range-of-different-coloured-bougainvillea-gettyimages.jpg?v=1&c=IWSAsset&k=2&d=0vWMxT8%2B%2FpW53Cc9wWGWfKOpTTOgp6lDRiv8A28kIbVC a%2FW8yzXiHm86YuoS6bs%2F

باراكودا

07-03-2015, 09:13 PM

موضوع جميل ومساهمة الاعضاء الاجمل .
الله يعطيكم الف عافية على المعلومات المفيدة .

Abu Mahmoud

10-03-2015, 08:55 AM

الجـــوديّ

11-03-2015, 05:56 PM

^

هلا أخوي

اسمها النيم

ام الشهداء

26-04-2015, 02:56 PM

يعطيكم العافيييه ماشاءالله عليكم فعلا اثريتم الموضوع بمعلوماتكم الشيقه والغنيه والمفيده
وانا عن نفسي من عشاااااق الزراعه ومن هواتها بعد وحديقتي زارعتها 80% بنفسي
ان شالله لاحقا بحط لكم صور مزرعتي وخاصه صور ورودي
ومثل ما تكرموا الاخوه انصحكم بزراعه المورينقا لفوئدها الكثيره وشجره النيم
وشكرا

بوحارب

05-05-2015, 02:42 AM

ترتيب موضوعك

والإحلى تجارب الأعضاء

انا عندي مزرعتين في البيت

وحده زارع فيها حشيش وورود وشجرة ليمون وتين ومنقا ورمان

والثانية حديقة صغيرة فيها نخله وشجرة واشنتون اللي نفس النخله بس ما تثمر

وحاط جرجير وكزبره وطماط وباذنجان ونعناع وفلفل بارد

وهذا من انتاج الحديقة

http://i.imgur.com/iCzGysF.jpg

جرجير

http://i.imgur.com/GGGorYn.jpg

باذنجان وطماط

بس الصراحة أفكر اكنسل الليمون والتين والرمان والمنقا
واحط بدالهم نخل فقط

لاني ماحب تساقط الأوراق في الحوش !؟

بس وخاطري في النخل الكبير يعني ثلاثة متر وطالع

بس للأسف سعره غالي !

واللي يعرف مكان يبيع نخل كبير بسعر معقول يخبرني

لاتهمني نوعيه النخل اهم شي المنظر فقط :)

بوحارب

05-05-2015, 02:45 AM

صور من حديقتي المتواضعة :pic:

http://www.qatarshares.com/vb/showthread.php?602436-%D5%E6%D1-%E3%E4-%CD%CF%ED%DE%CA%ED-%C7%E1%E3%CA%E6%C7%D6%DA%C9-_