جهاز قياس السكر في الدم الجديد

[معماري قطري]

حسب طبيعة اصابتي منذ الصغر بالسكري من الدرجة الأُولى والمعتمد على الأنسولين فأنا متابع للأدوية وطرق تخفيف مخاطر الارتفاع والنزول خلال ال 35 سنة الماضية

اليوم بحمد الله على نعمته حصلت على جهاز دقيق يعمل بوخزة إبرة تبقى في الجسم لفترة 14 يوم ويمرر الجخاز قربها للحصول على قراءة دقيقة لمستوى السكر في الدم

لحد الآن لم أَبدأ تجربة الجهاز وتابعت طريقة استعماله على اليوتيوب وهي سهلة حسب ما أرى لكن وقت التجربة الفعلية سيتضح كل شيء غداً بإذن الله .. ولي زميل في العمل يستعمل نفس الجهاز ومرتاح منه الله يشفيني ويشفيه ويشفي مرضى المسلمين

الحكومة الحمد لله ما قصرت معانا في هذي الظروف الصعبة اللي تمر بها بلادنا واتوقع الجهاز يوزع مجاناً للذين حالتهم صعبة ويعانون من مضاعفات عدم انتظام السكر

حبيت انقل لكم الخبر وشكري لكل من تكلف وعلى رأسهم مسؤولي في العمل الله ياجره

هذا مقطع يوتيوب تعريفي بالجهاز


https://www.youtube.com/watch?v=ZTqXRVGb0dk

وهناك جهاز تحت التجربة بالأشعة الحمراء يوضع في طرف الإذن أو بين ابهام وسبابة اليد ويقرأ بدون الحاجة لوخز أو لقطع اضافية وتشترى فقط الجهاز وفي أي وقت ممكن استعماله وأتمنى يطلبوه حال انتاجه بكميات تجارية

[حمد بن سعد]

الله يشفيك ويشفى مرضى المسلمين يارب العالمين


من وين القى نفس الجهاز

[بانغ بانغ]

توك شباب بوعبدالله

ما تشوف شر

[partyQtr]

اول شيء الله يشفيك ويشفي كل مريض يارب

قصدك جهاز تشييك ولى بديل لأبر الانسولين

وياليت نعرف من وين وكم يكلف عندي اختي صغيره في السن فيها سكر ومضاعفات في الكلى وضغط

محتاجه ضبط اكثر لانسولين عشان الكلى ياليت توافيني بمعلومات عنه واشلون ممكن نحصله

[غير البشر]

الله يصبحك بالخير اخوي بوعبدالله

الله يشفيك ويعافيك ويمدك بالصحه والعافيه ان شاء الله
ويشفي جميع المصابين منه

جزاك الله خير على الافاده يمكن في ناس محتاجته وتعرفه عن طريق موضوع

لك الاجر يا الغالي

[عيون الدوحة]

قياس تشيك سكر الدم ويتم تبديل القطعة كل ظ،ظ¥ يوم من ذراع المريض بقطعة جديدة

وفعلا السعودية طبقة هذا الجهاز في كذا جهة عندها وتم صرفة للمرضى عندهم

[alfidaghi]

الله يشفيك ويشفى مرضى المسلمين يارب العالمين

[معماري قطري]

الله يشفيك ويشفى مرضى المسلمين يارب العالمين


من وين القى نفس الجهاز

اللهم آمين ويشفي مرضى المسلمين

الكيس اللي فيه الجهاز عليه شعار الجمعية القطرية للسكري وميزته أي وقت تشوف السكر كم بسهولة

[معماري قطري]

توك شباب بوعبدالله

ما تشوف شر

بعد الخمسين و 35 سنة سكر ما فيه شباب

بس باصدقك وبادور اعلان الخطابة أُم مزواج خصوصاً متفرغ حالياً عن العمل والتقاعد قرب

[معماري قطري]

اول شيء الله يشفيك ويشفي كل مريض يارب

قصدك جهاز تشييك ولى بديل لأبر الانسولين

وياليت نعرف من وين وكم يكلف عندي اختي صغيره في السن فيها سكر ومضاعفات في الكلى وضغط

محتاجه ضبط اكثر لانسولين عشان الكلى ياليت توافيني بمعلومات عنه واشلون ممكن نحصله

الله يشفي إختك وكل مريض

للصغار اتوقع يعطون سرعة .. انا طالبت به حول السنة وآخر شيء باتصال من مسؤولي في العمل وفروه

رقم خدمة العملاء 8008512 للي يبغي يستفسر

والله يشفي الجميع خصوصاً صغار السن يعورون القلب

[معماري قطري]

الله يصبحك بالخير اخوي بوعبدالله

الله يشفيك ويعافيك ويمدك بالصحه والعافيه ان شاء الله
ويشفي جميع المصابين منه

جزاك الله خير على الافاده يمكن في ناس محتاجته وتعرفه عن طريق موضوع

لك الاجر يا الغالي

صباح النور والسرور ولد العم

ثقافة التعامل مع الأمراض المزمنة يا اخوي مهمة وانا مقصر في حق نفسي .. صج مواضب على العلاج بثلاث إبر يومياً ومع القياس أكيد باضيف لهم رابعة آخر الليل منظمة لكن يبغي لي جدول انقاذ سريع .. الوزن زاد والكوليسترول والضغط

[معماري قطري]

الله يشفيك ويشفى مرضى المسلمين يارب العالمين

اللهم آميــــــــــــــــــــــــــــــــــــــن

[معماري قطري]

قياس تشيك سكر الدم ويتم تبديل القطعة كل ظ،ظ¥ يوم من ذراع المريض بقطعة جديدة

وفعلا السعودية طبقة هذا الجهاز في كذا جهة عندها وتم صرفة للمرضى عندهم

هذا كل 14 يوم وفيه جهاز قياس وحقن معقد أكثر ويتعب في الحركة

وهذا الخبر من العربية


https://www.youtube.com/watch?v=Z2Syc6AoEjU

[ضوى]

الله يشفيك ويعافيك يارب

[معماري قطري]

ما ادري حد جرب هذا البرنامج؟


https://www.youtube.com/watch?v=OSVrrtvMo0M

[معماري قطري]

الله يشفيك ويعافيك يارب

الله يسلمج ويجيرج من كل شر ويشفي كل مرضى المسلمين

[sout qatar]

السلام عليكم

الجهاز ينباع في امازون بريطانيا على 239.99 POUND اسمه Freestyle Liber

97029

الله يشفي اختك ويشفي جميع مرضى المسلمين ان شاء الله

[معماري قطري]

السلام عليكم

الجهاز ينباع في امازون بريطانيا على 239.99 POUND اسمه Freestyle Liber

97029

الله يشفي اختك ويشفي جميع مرضى المسلمين ان شاء الله

عليكم السلام ورحمة الله وبركاته

وموجود في قطر بعد ويعطونه بالمجان

هذا جهاز غير وأسهل بدون ابرة نهائياً


https://www.youtube.com/watch?v=5vqxaj7QTHY

[الحياة الخالدة]

الله يشفيك و يشفينا و يشفي جميع مرضى المسلمين
جزاك الله خير

[Chanel]

استخدمته الوالده لمدة اسبوع وماقدرت تتحمله

[ابو سلمى]

الله يمن عليك بالشفاء و الصحة و طولة العمر في الطاعات

[معماري قطري]

الله يمن عليك بالشفاء و الصحة و طولة العمر في الطاعات

اللهم آمين وجميع المسلمين

الله يرحم والديك اخوي ابو سلمى

[معماري قطري]

الله يشفيك و يشفينا و يشفي جميع مرضى المسلمين
جزاك الله خير

الله يرحم والديج اختي ويشفي جميع مرضى المسلمين

[معماري قطري]

استخدمته الوالده لمدة اسبوع وماقدرت تتحمله

انا للحين مب متشجع اجربه وخايف من وخزة الابرة الصغيرة مع اني اخذ أكبر منها 3 مرات يومياً .. باشوف الطبيب بكرة يركبه لي أول مرة ولا أحد زملاء العمل اللي أصبح سابق هو دوم يستعمله واشوفه يمدح فيه ومستانس

[برشلوني قطر]

الله يشفيك اخوي معماري ويشفيه مرضى المسلمين..

انا امس شريته من الجمعية القطرية للسكري...ماقالو ف شي بالمجان.

امس ركبته ف يد بنتي سهل...بس مره من المرات شفت الجهاز طلع التحليل 380 وفي نفس الوقت سويت بالجهاز القديم طلع 460

مادري من الصح فيهم

[برشلوني قطر]

بالنسبة للسعر

سعر الجهاز 320

سعر السنسرر 400 << السنسر يتبدل كل اسبوعين

[partyQtr]

الله يشفيك اخوي معماري ويشفيه مرضى المسلمين..

انا امس شريته من الجمعية القطرية للسكري...ماقالو ف شي بالمجان.

امس ركبته ف يد بنتي سهل...بس مره من المرات شفت الجهاز طلع التحليل 380 وفي نفس الوقت سويت بالجهاز القديم طلع 460

مادري من الصح فيهم

انا مافهمت هو جهاز يقيس نسبة السكر ولى جهاز يضخ انسولين وبديل عن الابر نفس المضخه

او يقيس ويضخ يعني اثنين في واحد

وسعره زين بس ماعليك امر لو عندك معلومات عنه ممكن تفيدني فيها

والله يشافي بنتك ويعافيها

[برشلوني قطر]

انا مافهمت هو جهاز يقيس نسبة السكر ولى جهاز يضخ انسولين وبديل عن الابر نفس المضخه

او يقيس ويضخ يعني اثنين في واحد

وسعره زين بس ماعليك امر لو عندك معلومات عنه ممكن تفيدني فيها

والله يشافي بنتك ويعافيها

ويشفي جميع مرضى المسلمين

اي نعم اخوي يقيس السكر ف الدم فقط ولا يضخ الاونسلين

وهذا رابط عن الجهاز


http://t1dm.net/newinreat/free-style-libre/

[معماري قطري]

الله يشفيك اخوي معماري ويشفيه مرضى المسلمين..

انا امس شريته من الجمعية القطرية للسكري...ماقالو ف شي بالمجان.

امس ركبته ف يد بنتي سهل...بس مره من المرات شفت الجهاز طلع التحليل 380 وفي نفس الوقت سويت بالجهاز القديم طلع 460

مادري من الصح فيهم

الله يشفي بنتك الصغار يحتاجونه ضروري

يعني تشجعني اركبه .. انا خايف انصدم من الارتفاع القوي آخر مرة قست من اسبوع على الريق وكان أكلي قبلها خفيف ومن 10 ساعات 343

أول مره ركبته شلون يحتاج ضبط اعتقد .. حطيت التاريخ والوقت وبغيت افتح السنسر بس خفت ما اعرف اركبه قلت باشوف الطبيب يركبه لي

بخصوص اختلاف القراءات عادي الأجهزة ذي تعطيك قراءَة تقريبية والعينة اللي تاخذها من جزء في الجسم غير عن جزء آخر .. السكر نذل رفيجي من 35 سنة وألحين اشتغل على القدم وانا اكتب هالكلام تقول ابر كهربائية مزعجة

[معماري قطري]

بالنسبة للسعر

سعر الجهاز 320

سعر السنسرر 400 << السنسر يتبدل كل اسبوعين

مستشفى حمد وزعوا ووزعوا مضخات .. المضخات عيبها تعرقل الحركة واتوقع الانسولين يحتاج درجة حراة من 2 - 8 درجات وصعب يعيش في جو حار

[معماري قطري]

الليلة تشجعت وركبت الجهاز وانصدمت من قياس السكر قبل العشا كان 346 ونزل بالتدريج لين قريب 300 وكلت خفيف وخذت كمية انسولين أكثر لكن من شوي 367

صج القياس سهل كل شوي بس ما ادري شالقصة الانسولين فيه شيء ولا ما ينفع معاي ولازم اغيره

بس قاعد له إن شاء الله وفكرة الجهاز حلوة والسنسر اللي يلصق في اليد ما يضايقني وما حسيت بابرته كلش نهائياً .. كنت متخوف رحت الدكتور سواه لي بسهولة

أنصح كل مريض سكر باستعماله أو استعمال شبيه له

[معماري قطري]

تجربة أول يوم فتحت عيوني على عدم انتظام السكر في الدم .. البارحة 399 وطلع سقف الجهاز هذا وبدأ ينزل شوي شوي لين 180 بعدها نمت وال 180 كانت من 12 ليلاً 399 ونزل بالتدريج الممل لين الساعة 6 الصبح بعدها نمت وصحيت 1 السكر كان وقتها 125 .. ألحين 241 وللحين ما تغديت

الحمد لله على نعمته وعلى التوفيق بهذا الجهاز المهم وإن شاء الله باحشر السكر في زاوية ضيقة

الموضوع إخواني للتوعية أَكثر منه خبر لأَن الكثيرين عندهم مريض بهذا المرض المزعج .. بسبته توقفت عن الدوام مؤقتاً وما قصر مسؤولي الله يرحم والديه ويجزيه خير هاوشني بعتاب طيب ونبهني وأمر بطلب الجهاز لي والجهاز يوزعونه في مستشفى حمد لكن بدون واسطة لازم تحقيق وقصة طويلة وانتظرته فوق السنة وحاولت قبل بروحي بدون فائدة

الله لا يراويكم مكروه في عزيز والله يحفظ الأطفال اللي يتحملون أهلهم المسؤولية مبكراً .. يذكر لي أحد الآباء إنه يبكي لرؤية طفله يتعذب من وخز الإبر والفحوصات والآن الفحوصات سهلة .. ولا أُحس بوخز الابر بعد ما ابتعدت عن منتجاتنا القطرية واستويت استعمل القلم وراس الابرة مستورد وصناعة جيدة

إن شاء الله أجر وعافية للجميع

[بوسيف الهاجري]

مرحبا يا خال الله بشفيك ويشفيني ويشفي جميع المسلمين
السكر عندك غير منتظم ودايما في ارتفاع يا تنظم اكلك وتبتغد عن السكريات والنشويا او تغير العلاج
السكر لازم متابعه ولازم اتخاويه

[asulaiti]

الله يشفيك ياخوي معماري قطري .. ويشفي كل المسلمين ..

ماتشوفون شر .. أنا فيني سكر .. خفيف نوعاً ما .. وبدأت في استعمال الحبوب منذ سنتين الآن تقريباً ..
والله المستعان على هذه المعضلة التي تصيب معظمنا بعد سن الأربعين ..

وإن شاء الله يتقدم الطب ويجدوا علاج لهذا المرض بحول الله وقوته ..

[معماري قطري]

مرحبا يا خال الله بشفيك ويشفيني ويشفي جميع المسلمين
السكر عندك غير منتظم ودايما في ارتفاع يا تنظم اكلك وتبتغد عن السكريات والنشويا او تغير العلاج
السكر لازم متابعه ولازم اتخاويه

مرحبتين طويل العمر .. صادق وهذا شيء أكيد وزدت في الانسولين وقللت الأكل .. كنت مخدوع فترة واحسبه قريب من المنتظم لكن ولا حوله

اليوم تغديت خفيف وزدت الأنسولين قبل الغداء ل 30 وحدة مخلوط بدل 25 .. ريوقي كان خفيف وسويت رياضة وزدت الانسولين ل 48 من 44 الصبح .. بعد الغداء بدأ في الارتفاع وقفت وقلت بانزل امشي في اسباير .. مشيت قريب الساعة والسكر راسه يابس يرتفع لين وصل 421 .. تعشيت من شوي بدون نفس وقليل وألحين 306

صج كنت مهمل نفسي ولازم اتابع صح .. ألحين الفحص في اليد وسريع ويتغير السكر بين دقيقة وثانية .. إذا قريب للمعتدل اكون مرتاح ومزاجي رايق واذا ارتفع حتى التنفس صعب والقلب يتعب

[معماري قطري]

الله يشفيك ياخوي معماري قطري .. ويشفي كل المسلمين ..

ماتشوفون شر .. أنا فيني سكر .. خفيف نوعاً ما .. وبدأت في استعمال الحبوب منذ سنتين الآن تقريباً ..
والله المستعان على هذه المعضلة التي تصيب معظمنا بعد سن الأربعين ..

وإن شاء الله يتقدم الطب ويجدوا علاج لهذا المرض بحول الله وقوته ..

انت سكرك بسيط والحمد لله بس لازم تنتبه والحمية لك أفضل مع الرياضة لو السكر تحت 180 فوق 180 مب زين لكن المشي ما يعتبر رياضة بالمعنى الصحيح.. أكملت أول يوم مع معدل 243 وأَعلى شيء شفت 421 اليوم وأقل شيء قبل الفطور 125

[مضارب دوسري]

الله يشفيك ويشفي مرضى المسلمين


ويطول لنا بعمرك يا معماري

[معماري قطري]

الله يشفيك ويشفي مرضى المسلمين


ويطول لنا بعمرك يا معماري

اللهم آمين والله لا يراويكم مكروه خصوصاً في الشباب والصغار واللي يسمونه الدرجة الأُولى

الحمد لله سمو الأمير الوالد ما قصر معاي وسمو الأمير تميم كذلك الله يحفظهم ويحفظ من يسهل أُمور القطريين في العلاج

[بـن عدوان]

الشيخ اول شي الله يعطيك طولة العمر

وثاني شي ذكرت انه السكر صار له 35 معاك

السكر بعد مدة معينة يبتدي يزيد كم المدة ما اذكر 25 سنة او اكثر، بمعنى تصير له مضاعفات اكثر، هاي كلام دكتور وقاله حق الوالد

فلازم تحاسب اكثر عن قبل

حاول تسيطر عليه لانه الارقام اللي كتبتها تعتبر كبيرة نوعا ما

خفف الاكل خله دايت وخل يومك كله رياضة يعني حاول تركب الدري اكثر من مرة فاليوم

اشرب ماي وايد لانه ارتفاع السكر يأثر عالكلى

الله يشفيك ويشفي جميع مرضانا

[معماري قطري]

الشيخ اول شي الله يعطيك طولة العمر

وثاني شي ذكرت انه السكر صار له 35 معاك

السكر بعد مدة معينة يبتدي يزيد كم المدة ما اذكر 25 سنة او اكثر، بمعنى تصير له مضاعفات اكثر، هاي كلام دكتور وقاله حق الوالد

فلازم تحاسب اكثر عن قبل

حاول تسيطر عليه لانه الارقام اللي كتبتها تعتبر كبيرة نوعا ما

خفف الاكل خله دايت وخل يومك كله رياضة يعني حاول تركب الدري اكثر من مرة فاليوم

اشرب ماي وايد لانه ارتفاع السكر يأثر عالكلى

الله يشفيك ويشفي جميع مرضانا

الشيخ انت ومن جابك يا طويل العمر

مشكور على النصيحة وإن شاء الله بانتبه 3 إبر في اليوم وضروري آخذ إبرة منظمة بس لازم اتابع مع الدكتور .. الرياضة بديت امشي شوي بس عندي التهاب في المفاصل ويزيد مع المشي .. الركب + مفصل الفخذ اليسار + أسفل الظهر + الكتف + الرقبة

مشكلتنا السعي ورا العلاج الطبي معاناة ومرض فوق المرض والحمد لله أَهم نقطة عندي الانتباه للمشكلة وتنبيه الغافلين ومحاولة العلاج

[معماري قطري]

الله يشفي والدك اخوي بن عدوان وجميع المسلمين

[جارح]

مشافى يامعماري وتأكد وانا اخوك ان الخير فيما اختارة الله للعبد والاجر مضاعف بمشيئة الله لك وللجميع عليك باتباع الارشادات والسعي قدر المستطاع على التنظيم للاكل والرياضة ومراقبة وتتبع القياس اولا بأول ومجار من الشر ياخوي

[جارح]

الله يشفي والدك اخوي بن عدوان وجميع المسلمين

اااااامين انه سميع مجيب

[معماري قطري]

مشافى يامعماري وتأكد وانا اخوك ان الخير فيما اختارة الله للعبد والاجر مضاعف بمشيئة الله لك وللجميع عليك باتباع الارشادات والسعي قدر المستطاع على التنظيم للاكل والرياضة ومراقبة وتتبع القياس اولا بأول ومجار من الشر ياخوي

الله يرحم والديك اخوي جارح .. الحمد لله وربي رحمني اني انتبهت في الوقت المناسب .. الصبح اليوم كان فوق 200 والحين خففت الفطور مع زيادة الأنسولين نزل لين 170 وما تتخيل الاحساس شلون مع إن 170 يعتبر مرتفع لكن للي تعود على ارتفاعات كبيرة يحس بهالرقم زين ويكون مرتاح

[معماري قطري]

متابعة لموضوع الجهاز وإن شاء الله يكون موضوع تثقيف صحي للسكري وأرجو من اللي عنده خبر طيب أو تجربة ما يبخل علينا

الجهاز خلال الأربع أيام كشف لي أُمور كثيرة كنت اجهلها وأهمها ارتفاع السكر لأرقام عالية فوق 400 والحمد لله قدرت انزل المتوسط ل 200 واسعى للتنزيل أكثر .. مكان الإبرة يسوي حكة بسيطة وهو مكان ابرة الاستشعار اللي تعطي اشارة للجهاز ويسوي الرسم البياني ويعطي النتيجة وخط النزول أو الارتفاع

أمس بالصدفة اجتمعت مع شخص ألماني وقال لي ليش ما خذت الجهاز اللي يقيس بالأشعة وينحط قرب شحمة الإذن .. وهذا سويت بحث عنه وكان تحت التجربة في أمريكا سنة 2014 وبيوصلنا أكيد عن قريب .. بس ميزة هذا الجهاز يخزن المعلومات يعني يعطيك قياس السكر الآن والابرة تسجل المعلومات وانت نايم وتنقل المعلومات للجهاز حتى يعرض لك مسار حركة السكر

هذا يوتيوب عن استعمال خلاصة ورق الزيتون في علاج السكر من الدرجة الثانية ومسوينه عبوات دواء في استراليا


https://youtu.be/-stIsrpngOs