الرابح الأكبر رمضان 1438

[فريج النجادة]

انا صراحة والحمدلله نزلت 4 كيلو

وفي اخر رمضان زاد الوزن 2 كيلو

هل الجسم يقوم نزول الوزن ؟

[glis]

يوميا عيش مع لحم او دجاج على الافطور . وعلى الساعة عشر ونص فطاير وبس . ويوميا في الدوام امشي تقريبا ساعة . نزلت اربع كيلو

[مرتبش]

مشي تايم
في احد المجمعات

[ابوالعبد]

قلت قبل الي يبي يضعف يسوي رياضه لازم وياكل شوي ويفضل كله سوائل شوربات ويكثر الماي بالامانه اي نعم شهر رمضان شهر الخير ولكن ماينفع للرجيم بقولكم ليش لاتنسون انت صايم فوق خمسه عشر ساعه يعني جايع حدك. مابتقدر تسيطر علي روحك لذالك الي يبي يضعف يبدء بعد رمضان لانه بعد رمضان ثلاث وجبات وتقدر تاكل فيهم بمقدار قليل كذا جسمك يحرق سعرات مع رياضه لكن برمضان الجسم مايحرق سعرات الا قليله

[أبورودي]

6.5 كيلو ( سته كيلو ونص)
الافطار كان بدون اي نوع من النشويات ( ارز مكرونه خبز)
اعتماد كلى على الخضروات والبقوليات
الحلويات تناولتها 3 مرات طوال الشهر بقية الشهر موز تفاح شمام
السحور زبادي وفواكه فقط
تم ايقاف العصائي والفمتو والمياه الغازيه بشكل كامل فقط تناول المياه والعيران
المشي يوميا لمده ساعه

[MAZEN37]

اقص يدي اذا حد نزل وزنه هههه

[مرتبش]

تم دمج موضوع الاخ فريج النجادة مع موضوعنا الرابح الاكبر للاستفادة.

واضح من تعليقات الاخوان ان اغلبهم نجح في تقليل وزنه وان نظرية رمضان ماينفع للرجيم تم اسقاطها نفس ماسيسقط ان شاء الله الحصار.
نجي لموضوع الرياضة والنشويات واستثناء بعض الاكلات .. العبرة انك لفقدان الوزن تقلل اكلك شوي وتمارس رياضة مناسبة لوقتك واسلوب حياتك وعمرك مب انك تشد حيلك شهر رياضة وماتاكل خبز وعيش وتشرب ماي وعقبها تتعب من هالرجيم وترجع وزنك اللي فقدته كله وتزيد كم كيلو.. انت تحتاج اسلوب حياة يساعدك في تقليل وزنك على المدى الطويل ويساعدك في المحافظة على وزنك الجديد. تحتاج تغييرات دائمة وليست مؤقتة وشديدة

[aloosh]

اللهم لك الحمد لم يتغير وزني:)

[وحيد-الشوق]

اقص يدي اذا حد نزل وزنه هههه

هههههههههه انا من بداية رمضان وزني 78 معتفس يعني كنت قبل 73 مستصعب هال5 كيلو انزلها

[بريق الحق]

اقص يدي اذا حد نزل وزنه هههه

قص يدك يلا

[مرتبش]

اليوم نختتم التحدي
ونحدث الجدول بنسب فقدان الوزن .. ونعلن الفائز في التحدي الليلة.
واذا تحبون نستمر بعد رمضان اقترح نبدا مجددا مع شهر 7 اي بعد اسبوع من الان نكون فيه اجازة للعيد

موفقين جميعا وعيدكم مبارك

[الحياة الخالدة]

السلام عليكم ورحمة الله
الحمد لله نزل وزني حوالي 4 كيلو .. وهذا أول رمضان ينزل فيه
عساكم عالقوة .. الله يتقبل منا ومنكم .. وربي يعوده علينا وعليكم وعلى جميع الأمة الإسلامية واحنا في أحسن من هالحال

[بريق الحق]

القادم اقوى باذن الله
الوعد بعد رمضان بشكل اقوى ان شاء الله

[مرتبش]

السلام عليكم ورحمة الله
الحمد لله نزل وزني حوالي 4 كيلو .. وهذا أول رمضان ينزل فيه
عساكم عالقوة .. الله يتقبل منا ومنكم .. وربي يعوده علينا وعليكم وعلى جميع الأمة الإسلامية واحنا في أحسن من هالحال

عليكم السلام مشرفتنا العزيزة
ماشالله رقم جميل الله يبارك لج وان شاء الله توصلين للوزن اللي يرضيج
وكل عام وانتم بخير

[مرتبش]

القادم اقوى باذن الله
الوعد بعد رمضان بشكل اقوى ان شاء الله

ان شاء الله مستمرين
سواء في هذا الموضوع او نفتح جديد..
وكل عام وانت بخير

[مرتبش]

نسبة نزولي النهائية 3.7%
النسبة جيدة جدا .. حبيتها تكون اكبر لكن صار تقصير تقريبا من نصف رمضان وضعفت امام الحلويات.

بانتظار نتايجكم
موفقين جميعا

[الحياة الخالدة]

عليكم السلام مشرفتنا العزيزة
ماشالله رقم جميل الله يبارك لج وان شاء الله توصلين للوزن اللي يرضيج
وكل عام وانتم بخير

الله يجزاك خير .. اللهم آمين
والجميع بألف خير إن شاء الله

[بريق الحق]

نسبة نزولي النهائية 3.7%
النسبة جيدة جدا .. حبيتها تكون اكبر لكن صار تقصير تقريبا من نصف رمضان وضعفت امام الحلويات.

بانتظار نتايجكم
موفقين جميعا
اتحداك لين 2018

[مرتبش]

اتحداك لين 2018

التحدي مقبول :)

[العقل المدمر]

نزلت 4.5%
أصلاً عادي المهم اني أنزل :(

[حـ ن ـيـ ن]

الإسبوع هذا نفس الإسبوع الماضي

2%

وكل عام وأنتم بخير

وإن شاء الله مستمرين بعد العيد

[R 7 A L]

النسبة
5.88%

[مرتبش]

نزلت 4.5%
أصلاً عادي المهم اني أنزل :(
ماشالله .. الف مبروك النتيجة الممتازة. اتمنى تكون خير دافع للوصول الى الهدف المنشود.


الإسبوع هذا نفس الإسبوع الماضي

2%

وكل عام وأنتم بخير

وإن شاء الله مستمرين بعد العيد

قواج الله .. النتيجة اقل من الطموح لكنها ليست نهاية المشوار.. بنكمل ان شالله بعد العيد وهذا وقت مراجعة للاخطاء والتخطيط للفترة المقبلة


النسبة
5.88%
ماشاء الله .. الف مبروك النتيجة الرائعة .. اتمنى لك التوفيق في اهدافك والعمل على تطويرها وتحسينها

[الماريّة]

اعتذر على التاخير

ثرى وزنت يوم السبت
بس انشغلت ماحطيت النسبه


عموما هي نفس الي قبل .

2.74

وعيدكم مبارك

ومستمره في المشي باذن الله

[ya3coub]

صبحكم الله بالخير جميعا

وزنت بس ادور الصوره يوم اوزن اول مره ههههههههه

احس اني زايد ههههه

Sent from my LG-H990 using Tapatalk

[دينالي]

انا غير مشارك في بس وزني نزل من 72 وخرده لغايه 66 تقريبا والنزول كان بسبب الازمة في رمضان الله ينتقم منهم

[الماريّة]

السلام عليكم

الحمدالله بفضل الله وزنت الحين

الي خسرته بنسبه 3.885
اللهم لك الحمد

جبت نتيجتي المطلوبه وزرد بعد

اشكركم على المسابقه الممتعه


رمازلت باذن الله مستمره بالمشي

:)

[معماري قطري]

اليوم وزنت حصلت وزني 94.2 وأول رمضان كان 100 والحمد لله يثبت وينزل شوي شوي بيكون أحسن لي

5.8% نعمة وأقصى ما كان متوقع بس اتطلع حق أواخر الثمانينات وإن شاء الله موعدنا آخر الشهر

[مرتبش]

صباح الخير
التقرير النهائي لتحدي الرابح الاكبر لشهر رمضان (وعذرا على التأخير) كما يلي
تقدير ممتاز للاخوان والاخوات - معماري قطر , r7al , العقل المدمر , ابورودي, الحياة الخالدة, دينالي, نااادر, بريق الحق وجميعهم ماشاء الله خسروا 4% او اكثر
تقدير جيد جدا لكل من مرتبش , المارية , shdad وذلك لخسارة اكثر من 2.5%
تقدير جيد لكل من فريج النجادة, حنين , المحامية وذلك عن خسارة بين 1-2.5

والان نبدأ صفحة جديدة اعتبارا من 1 يوليو (السبت الماضي هو الوزن المرجعي) اللي على اساسه سنحسب مقدار الخسارة للاسابيع القادمة.. ياريت اللي حاب يشارك يذكر النسبة المتوقعة نهاية الشهر.
بنفس الطريق يوم السبت نحدث النسب وفالكم التوفيق

[الرايــق]

يعطيكم العافية

بخصوص المشي يا جماعة الخير
يا ليت كل واحد يخبرنا وين يمارس رياضة المشي

[مرتبش]

يعطيكم العافية

بخصوص المشي يا جماعة الخير
يا ليت كل واحد يخبرنا وين يمارس رياضة المشي
اغلب الاوقات في المجمعات مثل فيستفال ستي وفيلاجيو وازدان
والمشي في الخارج يكون في حديقة اسباير

[معماري قطري]

صباح الخير
التقرير النهائي لتحدي الرابح الاكبر لشهر رمضان (وعذرا على التأخير) كما يلي
تقدير ممتاز للاخوان والاخوات - معماري قطر , r7al , العقل المدمر , ابورودي, الحياة الخالدة, دينالي, نااادر, بريق الحق وجميعهم ماشاء الله خسروا 4% او اكثر
تقدير جيد جدا لكل من مرتبش , المارية , shdad وذلك لخسارة اكثر من 2.5%
تقدير جيد لكل من فريج النجادة, حنين , المحامية وذلك عن خسارة بين 1-2.5

والان نبدأ صفحة جديدة اعتبارا من 1 يوليو (السبت الماضي هو الوزن المرجعي) اللي على اساسه سنحسب مقدار الخسارة للاسابيع القادمة.. ياريت اللي حاب يشارك يذكر النسبة المتوقعة نهاية الشهر.
بنفس الطريق يوم السبت نحدث النسب وفالكم التوفيق

انا وضعي غير اعتبروني ضيف شرف .. لأن أكثر شيء نفعني الجوناميت والفورسيغا .. الجوناميت يخفف الشهية وما يخلي جسمك يمتص كل النشويات حتى ما يرتفع السكر والفورسيغا يطلع السكريات عن طريق سوائل الجسم .. والا مستحيل اقدر انافس ببساطة منافستي غير شريفة ووسائلي غير ورياضتي خفيفة جداً

[معماري قطري]

الجوناميت كثيرين طبيعيين يستخدمونه حتى يخفون ويخفف بالتدريج وما منه أضرار وينفع للي وزنهم زايد حتى من غير مرضى السكر أو اللي عندهم سكر درجة ثانية

[مرتبش]

انا وضعي غير اعتبروني ضيف شرف .. لأن أكثر شيء نفعني الجوناميت والفورسيغا .. الجوناميت يخفف الشهية وما يخلي جسمك يمتص كل النشويات حتى ما يرتفع السكر والفورسيغا يطلع السكريات عن طريق سوائل الجسم .. والا مستحيل اقدر انافس ببساطة منافستي غير شريفة ووسائلي غير ورياضتي خفيفة جداً

بالعكس منافستك مفيدة لنا كلنا لاختلافها وتبين لنا اوجه غافلين عنها.
انمنى لك التوفيق في الجزء الثاني

عني ..اتمنى افقد من وزني نسبة 4% في هذا الشهر

[ya3coub]

السلام عليكم جميعا للأسف وقفت رياضه و مشي من عقب اول عشر ايام او اول اسبوعين رمضان و قبلها صارلي تقريبا فوق الشهر قبل رمضان امشي يوميا....

اليوم كنت فالمستشفى لأن اخر تحليل طلع عندي الكلسترول عالي ما اعرف يعني شنو بس اكيد انه شي مو طبيعي

السكر ايضا طلع عندي حسب كلامهم مرتفع 120 < 6.5 ما اعرف شنو هاي بس قالولي فوق الأفريج فيتامين دال لا يزال اقل من أقل نسبه المفروض بالنص معنه صارلي اسبوعين اخذ حبوب.


تالصدمه بأنه من العيد تقريبا مالي نفس اكل شي و الوزن زاد عن يم قلت بصور لكم و ارجع كان الوزن ناقص شويه بس الحين خلال هالأسبوعين زاد وزني و صار 81 من عقب ما كان 76.


أخوي معماري ياريت اتقولنا اكثر عن الفورسيجا و الغوناميت هل هذوله ادوية ولا مأكولات نفس الشوفان ؟؟

[معماري قطري]

بالعكس منافستك مفيدة لنا كلنا لاختلافها وتبين لنا اوجه غافلين عنها.
انمنى لك التوفيق في الجزء الثاني

عني ..اتمنى افقد من وزني نسبة 4% في هذا الشهر

ريح شوي بس خفف الأكل

أوقات اضطر اكل بسبب نزول السكر ولو ما اخذ علاج ما لي نفس اكل عادي افوت وجبة واخفف بعض الوجبات

مستشفى حمد عيادة السكر والتغذية عندهم اخصائية تغذية وكل الدكاترة يتابعون زين هناك وعندهم حلول وأدوية تخفف الوزن وتخلي الواحد يكتفي بوجبات خفيفة ويحس بشبع .. هذي الحبة تخليني اشبع بنص الوجبة اللي تشبعني في السابق .. وانا اخذها مرة والمفروض مرتين

[معماري قطري]

السلام عليكم جميعا للأسف وقفت رياضه و مشي من عقب اول عشر ايام او اول اسبوعين رمضان و قبلها صارلي تقريبا فوق الشهر قبل رمضان امشي يوميا....

اليوم كنت فالمستشفى لأن اخر تحليل طلع عندي الكلسترول عالي ما اعرف يعني شنو بس اكيد انه شي مو طبيعي

السكر ايضا طلع عندي حسب كلامهم مرتفع 120 < 6.5 ما اعرف شنو هاي بس قالولي فوق الأفريج فيتامين دال لا يزال اقل من أقل نسبه المفروض بالنص معنه صارلي اسبوعين اخذ حبوب.


تالصدمه بأنه من العيد تقريبا مالي نفس اكل شي و الوزن زاد عن يم قلت بصور لكم و ارجع كان الوزن ناقص شويه بس الحين خلال هالأسبوعين زاد وزني و صار 81 من عقب ما كان 76.


أخوي معماري ياريت اتقولنا اكثر عن الفورسيجا و الغوناميت هل هذوله ادوية ولا مأكولات نفس الشوفان ؟؟

السكر بالنسبة لك 120 زين لكن لو على الريق شوي يعتبر مرتفع .. لو تخفف من السكريات يرتاح جسمك ويخف الضغط على انتاج الأنسولين عندك

الجوناميت قريت إنه البعض يستخدمونه للتخفيف وهو حبوب مخلوطة من نوعين وفيه منه جرعات وأنواع حاول تشوف دكتور لو تبي يعطيك جرعة مضبوطة والفورسيغا يساعد على إزالة المياه من الجسم ومعاها تطلع نسبة السكر يعني بطريقة غير مباشرة تخف بالتدريج

الجوناميت يخلي جسمك يحرق السكريات ويحسن فعالية الأنسولين وفي نفس الوقت يفقدك الشهية .. فيه دكاترة خاصين ممكن يعطونك استشارة لكن مستشفى حمد أفضل استشارة والدواء بيكون مجاني

بعدين وزنك زين احتمال كبير بالتغذية تقدر تخفف .. أوقات الرياضة تفتح الشهية وتمتن

[why me]

انصحكم بالقاء نظره على نظام ال كيتوجينيك دايت, Ketogenic diet
يعالج التهابات الجسد الداخليه ويعزز حساسية الخلايا للانسولين ويحسّن من الصفاء الذهني ويساعد في ترتيب الهرمونات
والوقايه من امراض كثيرة, وفي نفس الوقت, من اسرع الانظمة خسارة لدهون الجسد.

ممتاز جدا للاشخاص الي اجسادهم تعاني من صعوبه في التعامل مع النشويات ومنهم مرضى السكري من النوع الثاني.

[مرتبش]

نسبة نزول الوزن من السبت الماضي الى اليوم 0.5%
ان شالله تكون احسن في الايام القادمة

[الماريّة]

صباح الخير
التقرير النهائي لتحدي الرابح الاكبر لشهر رمضان (وعذرا على التأخير) كما يلي
تقدير ممتاز للاخوان والاخوات - معماري قطر , r7al , العقل المدمر , ابورودي, الحياة الخالدة, دينالي, نااادر, بريق الحق وجميعهم ماشاء الله خسروا 4% او اكثر
تقدير جيد جدا لكل من مرتبش , المارية , shdad وذلك لخسارة اكثر من 2.5%
تقدير جيد لكل من فريج النجادة, حنين , المحامية وذلك عن خسارة بين 1-2.5

والان نبدأ صفحة جديدة اعتبارا من 1 يوليو (السبت الماضي هو الوزن المرجعي) اللي على اساسه سنحسب مقدار الخسارة للاسابيع القادمة.. ياريت اللي حاب يشارك يذكر النسبة المتوقعة نهاية الشهر.
بنفس الطريق يوم السبت نحدث النسب وفالكم التوفيق

مرحبتين اخوي مرتبش

والحمدالله راضيه بنتيجتي وبتقييمك لي اشكرك

ومتسمره معكم سجلني :)

[الماريّة]

يعطيكم العافية

بخصوص المشي يا جماعة الخير
يا ليت كل واحد يخبرنا وين يمارس رياضة المشي

مرحبتين اخوي بالنسبه لي امشي في حوش بيتنا يوميا ساعه
وبفضل الله نزززلت واجد

واكلي مثل ماهو ماغيرته

[مرتبش]

مرحبتين اخوي مرتبش

والحمدالله راضيه بنتيجتي وبتقييمك لي اشكرك

ومتسمره معكم سجلني :)

تم التسجيل
وفالج التوفيق

[حـ ن ـيـ ن]

مستمرة ان شاء الله

[بريق الحق]

مرتبش اخوي خل عنك المجمعات
الجو برع ممتاز حق الركض شد حيلك يلا
تراني شاد حيلي الحمدلله
وحاط هدف لين قبل العيد اشوف
يلا شدو حيلكم ابي منافسه وقدها انتوً

[الماريّة]

وانا للحين مستمره بفضل الله وامشي يوميا ساعه
وفادني وايد

[ya3coub]

للاسف وزني وصل 86 مع العلم اني صرت افطر و هالشي ما كنت اسويه سندويشه سلايس جبن و تركي او جبن و مرتدلا

و ما اتغدى و اتعشى عالمغربيه

الرياضه بسبب المشي الكثير فالحر و الرطوبه ما عندي لا نفس او طاقه او وقت ارد البيت ارقد

كلش مو عاجبني السكر فازدياد و الوزن و الكلسترول على خفيف البلا اني فاحص الغده ب3 اماكن و كلهم يقولون مافيها شي

بديت اتعقد والله
ناوي على المطعم الصحي الي فمحطه بترول الجزيره بشوف شنو عروض الوجبات الي عنده م

Sent from my LG-H990 using Tapatalk

[مرتبش]

مستمرة ان شاء الله
هذا الكلام الطيب ... بالتوفيق


مرتبش اخوي خل عنك المجمعات
الجو برع ممتاز حق الركض شد حيلك يلا
تراني شاد حيلي الحمدلله
وحاط هدف لين قبل العيد اشوف
يلا شدو حيلكم ابي منافسه وقدها انتوً
المجمعات فيها مميزات حلوة صعب تلاقيها في المشي بالخارج.. بما ان الجو مكيف تقدر تمشي اي وقت .. يعني طالع الشغل وفي طريقك تمشي نص ساعة في المول او بعد الدوام بدون الحاجة لتبديل ملابسك.. رايح تتسوق مع العايلة تقدر تخطف لك ساعة مشي .. بس اوصي بلبس حذاء رياضة او مريح على الاقل .


وانا للحين مستمره بفضل الله وامشي يوميا ساعه
وفادني وايد
بالتوفيق وان شالله الرياضة تستمر سواء للرجيم او عقبه


للاسف وزني وصل 86 مع العلم اني صرت افطر و هالشي ما كنت اسويه سندويشه سلايس جبن و تركي او جبن و مرتدلا

و ما اتغدى و اتعشى عالمغربيه

الرياضه بسبب المشي الكثير فالحر و الرطوبه ما عندي لا نفس او طاقه او وقت ارد البيت ارقد

كلش مو عاجبني السكر فازدياد و الوزن و الكلسترول على خفيف البلا اني فاحص الغده ب3 اماكن و كلهم يقولون مافيها شي

بديت اتعقد والله
ناوي على المطعم الصحي الي فمحطه بترول الجزيره بشوف شنو عروض الوجبات الي عنده م

Sent from my LG-H990 using Tapatalk

احس انك متلخبط وتحاول تغير كل شي في نفس الوقت.. غير شوي شوي .. الريوق زين بس ليش ماتتغدى؟ نظم اوقات الوجبات.. رياضتك خلها متناسبة مع لياقتك ووقتك وبالتدريج زيد الوقت والجهد لاتستعجل اذا تبي النتيجة تكون صح خل الاساس صح.
بالتوفيق

[ya3coub]

هذا الكلام الطيب ... بالتوفيق


المجمعات فيها مميزات حلوة صعب تلاقيها في المشي بالخارج.. بما ان الجو مكيف تقدر تمشي اي وقت .. يعني طالع الشغل وفي طريقك تمشي نص ساعة في المول او بعد الدوام بدون الحاجة لتبديل ملابسك.. رايح تتسوق مع العايلة تقدر تخطف لك ساعة مشي .. بس اوصي بلبس حذاء رياضة او مريح على الاقل .


بالتوفيق وان شالله الرياضة تستمر سواء للرجيم او عقبه



احس انك متلخبط وتحاول تغير كل شي في نفس الوقت.. غير شوي شوي .. الريوق زين بس ليش ماتتغدى؟ نظم اوقات الوجبات.. رياضتك خلها متناسبة مع لياقتك ووقتك وبالتدريج زيد الوقت والجهد لاتستعجل اذا تبي النتيجة تكون صح خل الاساس صح.
بالتوفيق
حاليا اكتب ردي و انا فجم نادي لخويا
كيو جم ايلايت قاعد اشوف العروض الي عندهم

و من ناحيه الاكل عقب بشوف مطعم فمحطه بترول الجزيره يمدحونه

وراي سفره الشهر الجاي و عرضهم هالشهر اشتراك سنه مع 16 حصه بمدرب خاص ببلاش

مادري مابي اتسرع بجربه 3 ايام بشوف اشلون يكون

و ان شاء الله خير
مسزته قريب من الدوام و اقضي فيه بريك الغدا و فيه برجه ويضا

Sent from my LG-H990 using Tapatalk

[مرتبش]

حاليا اكتب ردي و انا فجم نادي لخويا
كيو جم ايلايت قاعد اشوف العروض الي عندهم

و من ناحيه الاكل عقب بشوف مطعم فمحطه بترول الجزيره يمدحونه

وراي سفره الشهر الجاي و عرضهم هالشهر اشتراك سنه مع 16 حصه بمدرب خاص ببلاش

مادري مابي اتسرع بجربه 3 ايام بشوف اشلون يكون

و ان شاء الله خير
مسزته قريب من الدوام و اقضي فيه بريك الغدا و فيه برجه ويضا

Sent from my LG-H990 using Tapatalk

قواك الله .. الجيم حلو اذا 16 حصة مع المدرب وبرجة .. خله يسوي لك جدول يناسبك للدايت وبناء العضلات وتاخذ معلومات صحيحة منه

[الرايــق]

يا جماعة الخير انا مشترك مع د. هنادي البدر في جدولها للصيف وعرفت عنها من هالمنتدى في حد تكلم عنها ونسيت من..

اليوم خلصت نص البرنامج 20 يوم ونازل 5.5 كيلو
"طبعا الاشتراك كان بعد رمضان"

النظام اقرب لتنظيم الاكل بدون حرمان شديد ومع رياضة طبعا

انصحكم قبل الاشتراك تتابعون سنابها
Drhanadialbadir

وكل التوفيق

[ya3coub]

يا جماعة الخير انا مشترك مع د. هنادي البدر في جدولها للصيف وعرفت عنها من هالمنتدى في حد تكلم عنها ونسيت من..

اليوم خلصت نص البرنامج 20 يوم ونازل 5.5 كيلو
"طبعا الاشتراك كان بعد رمضان"

النظام اقرب لتنظيم الاكل بدون حرمان شديد ومع رياضة طبعا

انصحكم قبل الاشتراك تتابعون سنابها
Drhanadialbadir

وكل التوفيق

اخبر ضفتها ضيعت ولا عاد فتحت السناب بس 5 كيلو فاسبوعين رقم جدا ممتاز واصل أخوي و ممكن يصير كلشي احسن او اوضح و مبسط يمكن بعد التحق فيكم بشوف الجم من الأسسبوع الجاي شنو يصير

[مرتبش]

يا جماعة الخير انا مشترك مع د. هنادي البدر في جدولها للصيف وعرفت عنها من هالمنتدى في حد تكلم عنها ونسيت من..

اليوم خلصت نص البرنامج 20 يوم ونازل 5.5 كيلو
"طبعا الاشتراك كان بعد رمضان"

النظام اقرب لتنظيم الاكل بدون حرمان شديد ومع رياضة طبعا

انصحكم قبل الاشتراك تتابعون سنابها
Drhanadialbadir

وكل التوفيق

شكرا لاضافتك الجميلة وحلو نظامك مادام انه بدون حرمان .. اهم شي لانتعلق كثيرا بالارقام لانها تختلف من شخص لاخر واحيانا تصير مقارانات غير عادلة تسبب الاحباط.

[بريق الحق]

مرتبش بشر شالعلوم عندك

[الماريّة]

صباح الخير

النسبه
3.79

عاد مادري للحين مستمرين انا حطيت النسبه الاخيره

[معماري قطري]

اليوم وزنت على الفجر حصلت وزني 94.1 شكله ثابت والحمد لله بعد 100 من بداية رمضان

[معماري قطري]

خلونا نبتدي تحدي جديد من بداية شهر 8 لين شرايكم بداية 10 فترة شهرين

[مرتبش]

مرتبش بشر شالعلوم عندك
الاخبار يعني .. الوزن ثابت من بعد العيد النسبة صفر

صباح الخير

النسبه
3.79

عاد مادري للحين مستمرين انا حطيت النسبه الاخيره

ماشالله .. مستمرين وان شالله الامور بتتحسن لاني مكسل في الرياضة هاليومين وبارجع لها باذن الله واضبط الجدول

[ya3coub]

اليوم بديت اول حصه فالجيم شي طيب
مصحصح كلاسي يبتدي 5 الفجر اخلص 6 و اسبح 20 دقيقه و بعدها 10 دقايق جكوزي حار سبحت و لبست و كنت فالدوام 7 الا ربع حاس بنشاط بكره بوزن و بستمر لمده اسبوعين على هالحال و بشوف اذا في اي تغيرات كوني بسافد بعدها و برجع اكمل بروحي بدون مدرب

Sent from my LG-H990 using Tapatalk

[بريق الحق]

يلا شدو الحيل
مرتبش نبي تغير روتين شوي
انا غيرت فالروتين خذيت لي ملابس يديده خلتني ارجع بقوة
جربوها التنويع مطلوب

[بريق الحق]

اليوم بديت اول حصه فالجيم شي طيب
مصحصح كلاسي يبتدي 5 الفجر اخلص 6 و اسبح 20 دقيقه و بعدها 10 دقايق جكوزي حار سبحت و لبست و كنت فالدوام 7 الا ربع حاس بنشاط بكره بوزن و بستمر لمده اسبوعين على هالحال و بشوف اذا في اي تغيرات كوني بسافد بعدها و برجع اكمل بروحي بدون مدرب

Sent from my LG-H990 using Tapatalk

وين !

[ya3coub]

وين !
نادي لخويا 24 ساعه و فيه برجه و فيه مغسله ثوبك مغسول و مكوي لما تخلص تمرينك و يغسلون السياره بعد و في مدربين خاصين بس لك يعني مو مع احد غيرك اكثر من شخص بمدرب واحد

و يعطونك نصريح دخول برجه اسباير طولفتره اشتراكك +1 يعني اذا بتروح برجع اسباير ممكن تودي معاك احد

Sent from my LG-H990 using Tapatalk

[مرتبش]

اليوم بديت اول حصه فالجيم شي طيب
مصحصح كلاسي يبتدي 5 الفجر اخلص 6 و اسبح 20 دقيقه و بعدها 10 دقايق جكوزي حار سبحت و لبست و كنت فالدوام 7 الا ربع حاس بنشاط بكره بوزن و بستمر لمده اسبوعين على هالحال و بشوف اذا في اي تغيرات كوني بسافد بعدها و برجع اكمل بروحي بدون مدرب

Sent from my LG-H990 using Tapatalk
ماشالله شغل طيب الله يوفقك .. ان شاء الله بعد الاسبوعين بتحس بفرق كبير


يلا شدو الحيل
مرتبش نبي تغير روتين شوي
انا غيرت فالروتين خذيت لي ملابس يديده خلتني ارجع بقوة
جربوها التنويع مطلوب

100% كلام مضبوط
التنويع والتغيير والتحفيز لهم جوانب مختلفة وفوايدهم كبيرة.. ان شالله بادخل تمارين الحديد للجدول مع الدراجة الثابتة للكارديو .. الدراجة تمرين اقوى من المشي ومفيد للوقت المضغوط

[بريق الحق]

ماشالله شغل طيب الله يوفقك .. ان شاء الله بعد الاسبوعين بتحس بفرق كبير



100% كلام مضبوط
التنويع والتغيير والتحفيز لهم جوانب مختلفة وفوايدهم كبيرة.. ان شالله بادخل تمارين الحديد للجدول مع الدراجة الثابتة للكارديو .. الدراجة تمرين اقوى من المشي ومفيد للوقت المضغوط

يلا في انتظارك
الوعد السنه الجايه
لازم نعرض صور والحكم النهار (:

[مرتبش]

يلا في انتظارك
الوعد السنه الجايه
لازم نعرض صور والحكم النهار (:

نبي لجنة تحكيم ونضيف فيها حمد2002 .. وتصويت علني :)