اسألني و راااااح أجاوبك

[سالم الزهران]

نعم، كل يوم ندعو الله أن يأخذ الظلمة أخذ عزيز مقتدر، وكلما تذكرنا كيدهم ومكرهم بالعباد والبلاد والمقدسات.
:
ما هي الفاكهة التي لا تحبها سواء أكل او عصير؟

[سعود.]

الافوكادو

نفسه

[sara jsm]

البابايا :( احسه مزيج طعم اليح على الطماط استغفرالله :(

:

س / اذا شخص ظلمك ورجع يعتذر لك .. تسامحه من قلبك ؟

[Dana’1]

إذا ظلمه له أثر في حياتي غير شي للأسوأ مثلا مستحيل أسامحه .
أما إذا ظلمه ماله أثر بحياتي ما يغير شي للأسوأ و لا على نفسيتي و أعتذر بسامحة من كل قلبي عادي

نفسه

[sara jsm]

للاسف مستحيل اسامح ..
اولاً اللي ضرني وسبب لي ضرر مايتصلح هذا اتم اتحسب عليه طول عمري ..
اما اللي ظلمني وعقب اعتذر هذا هم ماله امان بالنسبه لي ولا اثق فيه ..
الافضل مااتعامل معاهم والله لا يحطهم في دربي ..

:

س / تدعم المشاريع المنزليه او الوطنيه ؟

[توشيبا]

ولا وحده

اشتري اللي جودته حلوه ورخيص


نفس السوال

[سالم الزهران]

المشاريع المنزلية اغلبها طباخ أو توزيعات للمناسبات واكيد احب اشتري منهم، رغم صعوبة الموضوع.
:
لو احد يبغي يدعي لك (شنو الدعوة اللي تبغيها)؟

[sara jsm]

يدعي لي بالذرية الصالحة .. والفلوس الحلال :oops:

:

س / نفسه ؟

[SouthK]

اللهم ادخلني مدخل صدق و اخرجني مخرج صدق واجعل لي من لدنك سلطانا نصيرا

نفسه

[sara jsm]

خلاص جاوبت ..

:

س / شنو الامان بالنسبه لك ؟

[سالم الزهران]

الأمان في طاعة الرحمن، وفي صحة الأهل والأبدان والمخبا المليان
:
نفس السؤال

[sara jsm]

الامان لما عيالي ينامون عندي كاني ملكت الدنيا فـ كفي ..

:

س / متى تحس انك منحوس ؟

[سعود.]

لما اروح مطعم جديد علي واختار طلب من المنيو ويطلع مخلص او غير متوفر :eek5:

نفسه

[سالم الزهران]

الصراحة ما قط حسيت، لكن ممكن احس اني كنت أقاوم اشياء كثيرة واتضح أنها خير لي.
:
سفرك له يوم معين أو وقت معين؟

[sara jsm]

اي لما في فلوس ههههههه
غالباً اختار وقت مش الكل طالع اجازة .. او مش موسم سفرات ..
مااحب الزحمة ..

:

س / نفسه ؟

[توشيبا]

ماقدر اقول عن تحركات السيد / توشيبا اطال الله في عمره لدواعي امنيه

نفس السؤال:-

[sara jsm]

خلاص جاوبت ..

:

س / اكثر جدول تسويه في الصيف ؟

[توشيبا]

ادور سفريات ورحلات محمول مكفول


نفس السوال

[سالم الزهران]

الجدولة من أول بظروفها، والصيف من عقب كورونا تغير..
:
شنو أكثر نشاط، طلعة، ودك تسويها؟

[سعود.]

حاليا خاطري اروح البحر بس توني غاسل الموتر جيك :playball:
عاد العيال اذا رحنا البحر عفسوا الموتر كله رمل وماى

نفسه

[sara jsm]

النوم :shy: حر والله مب مال طلعات ..
لكن لين طاحت الشمس ممكن البحر او الاغلب البحر ..

:

س / اكثر شخص مفتقده بالمنتدى .. حتى لو قديم وايد ؟

[سالم الزهران]

قطرمان...
فيه اخت (اتحفظ على ذكر معرفها) لكن مشاركاتها عموماََ عفوية.. لكن اذا تكلمت في التراث جابت اشياء رائعة تهمني وايد، الله يوفقهم وهؤلاء مثال ولا الطيبين والطيبات ما ينحصون.
:
نفس السؤال

[sara jsm]

سبحان الله وانا اكتب السؤال كان قطرمان على بالي ..
الله يرده بالسلامة ..
انا بعد مفتقده قطرمان وولد العرب وراجي العفو ..

:

س / المعامله بالمثل في اي ظرف تستخدمة ؟

[سالم الزهران]

في المجتمع مع غير الأقارب اشوف الناس يرتاحون له. ما عاملك بهذي الطريقة الا يبيك تعامله بها.
:
نفس السؤال

[sara jsm]

اعتمدت هالطريقه مع كل اللي اخذلوني الفترة السابقه ..
اللي يبارك راح ابارك له واللي يتطمن علي راح اتطمن عليه ..
واللي مايسال ماراح اسال .. ( محد احسن مني ) :waiting:

:

س / احب انواع الورد بالنسبه لك .. ؟

[سالم الزهران]

الفل عبيره أخاذ ولو أنه منظره مب ليهناك.
:
هل لا زلت تهتم في تطبيق الاحتراز وهل تؤيده؟

[sara jsm]

والله انت اللي مب لين هناك :court: ماارضى عالفل ( هذي زهرة الحب ) :oops:

:

استخدم احتزار يومياً تقريبا حق الجمعيات والمستشفى ..
لان بدونه مايدخلوني .. هذي اهميته الوحيدة بالنسبه لي ( مثل تيكت الدخول )

:

س / انت كـ فرد شتخاف منه في فترة كاس العالم وكل انواع البشر راح يتواجدون في بلادك ؟

[سالم الزهران]

ما في شيء يخوف، الحرس متواجدين واللي بيخالف بيطؤون على رقبته
:
نفس السؤال

[توشيبا]

خايف اذا سكرو الدوحه ماتدخل الا الباصات والعمل عن بعد يجي دوامي يطلع تراخيص عشان نداوم


نفس السوال

[sara jsm]

اخاف من الانحلال اللي ممكن يصير واكيد راح يصير ..
الله يحفظنا بحفظه ..

:

س / وين وجهتك بالصيف ؟

[سالم الزهران]

ما ادري يمكن المغرب لزيارة مريض.
:
هل سبق لدغتك عقرب؟

[sara jsm]

اذا قصدك حيوان فـ لا .. لكن عقارب بشر اي للاسف ..
لدغتهم وسمهم يتم في ذاكرتك للابد .. اما العقرب الصجي بيلدغك وتموت في نفس الوقت :taunt:

:

س / عمرك صارلك حادث او موقف وحسيت انك راح تموت صج ؟

[سعود.]

لاتحصى

نفسه

[sara jsm]

مرتين .. مرة وانا صغيرة اخوي قص علي بشغله واوهمني اني راح اموت ..
كنت خايفه واااايد ومب قادرة انام ..
والمرة الثانيه كنت داخله العمليات وماادري باطلع منها او لا .. كان عندي برود في كل مشاعري ..
والوقت مايمر :(

:

س / الاخفاقات في حياة الانسان ممكن تقويه او تدمره زيادة ؟

[سالم الزهران]

فيه اخفاق يدمرك عقبه خمس عشر سنين، ونفس الاخفاق يحول حياتك لمعركة اثبات للذات وتصحيح للمسار.. فباختصار (محنة داخلها منحة).
:
نفس السؤال

[ya3coub]

فيه اخفاق يدمرك عقبه خمس عشر سنين، ونفس الاخفاق يحول حياتك لمعركة اثبات للذات وتصحيح للمسار.. فباختصار (محنة داخلها منحة).
:
نفس السؤال

الاثنين،

في اخفاقات دفعتني اتعلم و ادور و بالاخير النتيجة كانت ايجابية.

و في كم غلطة الى الان متاثر و مو قادر اتخذاهم و مسببتلي ازمة بحياتي اذا نفس الموضوع او شي مشابه احسه بيصير.


هل تؤمن الحياة حلوة بدون شروط ؟؟؟

[سعود.]

الحياة مقدره ومكتوبة لي ولكم منذ قبل الولادة لهذا اتوكل ع الله دائما

( نفسه )

[sara jsm]

الحياة حلوة بالقناعة والرضا .. :)

:

س / شخصيه ( سياسيه ) معجب في كلامه او توجهه ؟

[Dana’1]

طرأ علي بيت الشعر اللي يقول
تراثنا طيب و ملوكنا قمم*ماعرفت أحدد من بينهم
و كذالك السياسي عادل الجبير طريقة كلامه و الهدؤ اللي هو فيه رغم استفزازية بعض الأسئلة الموجهه له.

وين ناوين تقضون اجازتكم الصيفيه مع العائله؟!

[ya3coub]

طرأ علي بيت الشعر اللي يقول
تراثنا طيب و ملوكنا قمم*ماعرفت أحدد من بينهم
و كذالك السياسي عادل الجبير طريقة كلامه و الهدؤ اللي هو فيه رغم استفزازية بعض الأسئلة الموجهه له.

وين ناوين تقضون اجازتكم الصيفيه مع العائله؟!

في الدوحة جاري البحث عن جدول

نفسه

[سالم الزهران]

ما ظنيت نسافر
:
كم إجازة تحتاج في السنة؟

[توشيبا]

من 45 الى 60 يوم

نفس السوال ..

[sara jsm]

الويكند حلوين كل اسبوع بس اخذهم على اكمل وجه ..

:

س / اخر هدية شريتها شنهي ولمن ؟

[سعود.]

اليوم شريت هدية عود حق النسيب في السعودية . عود بخور مو دندنه :nice:

نفسه

[سالم الزهران]

آخر هدية علبتين بخور وحدة ب 47 ريال والثانية ب 85 ريال.
:
نفس السؤال

[sara jsm]

خذت لي هدية .. ايفون ميني 13 :tooth:

:

س / حيوان تحب تربيه عندك بالبيت ؟

[توشيبا]

انا احب الحيوانات بس حيوان واحد خاطري اربيه عندي في البيت

الدب الباندا

طبعا الكلاب والقطط الله يعزكم ماحبها كلشششششش



نفس السوال

[سالم الزهران]

ما احب اربي في البيت، لكن ف المزرعة ممكن الدجاج
:
نفس السؤال

[sara jsm]

ولا شي كلش .. مااحب مسؤوليتهم ..

:

س / نجاحك في الغالب تكون انت سببه ولا دافع من اللي حولك ؟

[سالم الزهران]

بعد توفيق الله، المجهود الشخصي
:
نفس السؤال

[توشيبا]

السيد / توشيبا اطال الله في عمره لا يحتاج الى دعم من احد

وشكرا



نفس السوال

[سالم الزهران]

جاوبت قبل
:
سؤال جديد : متي آخر مرة مسكت ميكرفون وتكلمت أمام جمهور؟

[توشيبا]

جاوبت قبل
:
سؤال جديد : متي آخر مرة مسكت ميكرفون وتكلمت أمام جمهور؟

في الخيالomen

كل يوم السيد / توشيبا اطال الله في عمره يعطي خطب للعالم اجمع

الواقع

ولا مره


نفس السوال

[سالم الزهران]

اظن قبل 6 سنوات في احد الاجتماعات
:
:
شنهي الهواية أو الشغلة اللي تحبها ومب عارف لها؟

[sara jsm]

مااحبها بس ودي اتعلمها هي اللعب بالاسهم في البورصه ..
مفكرة جدياً ادخل هالعالم عقب سنه .. وباحط معماري مندوب ومتداول عني :nop:

:

س / نفسه !؟

[سالم الزهران]

الإبحار وفنونه
:
بلد ودك تعيش فيه وتتعلم ثقافة أهله؟

[ya3coub]

بلد ودك تعيش فيه وتتعلم ثقافة أهله؟

اليابان,الصين, كوريا, ماليزيا, النرويج, بلجيكا, سويسرا, كوبا, امريكا (بس اعرف ثقافتهم), المكسيك, فيتنام


كل هالدول ودي اتكون لي تجربه فعلية فالمعيشة عندهم و اتعلم من ثقافاتهم.


نفسه

[توشيبا]

^

انتبه من الصين

كل شارع وكل بيت له ثقافه خاصه وعادات وتقاليد خاصه فيهم

انا فرفرت الصين تفرفر لدرجه اني نمت في السياره وبعض الاحيان تحت جسر خشبي لي اني وصلت قرى ومناطق مافيها الا كم بيت خشب وصنادق لا فنادق ولا احترام للضيف

شفت العجب والعجاب

الشي اللي لاحظته بكثره عندهم شوي احترام لكبير عايلتهم كلمته وحده بوحده

[توشيبا]

ملاحظه

السواق اهو المترجم والمحارب وكل شي

يشتغل لك بضمير وعليه تامين بعد

مب شخصي

اخذنا السياره والمترجم من شركه خدميه عن طريق شخص من السفاره الكويتيه


ذكرتني بالاكل حقهم الجميل واللذيذ

[sara jsm]

مااقدر اعيش في مكان ثاني ..
ممكن اروح كم اسبوع وارجع ( مصر / الهند / اليابان ) ..

:

س / الاستقرار اللي تحلم فيه ؟ ( مالي / عائلي / عملي …الخ )

[سالم الزهران]

اغلب اللي ذكرتي متحقق بفضل الله، لكن اهم شيء العافية ونشوف اهلنا مرتاحين.
:
نفس السؤال

[توشيبا]

للحين السيد / توشيبا اطال الله في عمره ماحكم العالم


نفس السوال

[ya3coub]

س / الاستقرار اللي تحلم فيه ؟ ( مالي / عائلي / عملي …الخ )

استقرار كامل ان شاء الله أولهم الديني,
بعده في الوقت الحاضر بالتساوي المالي و العائلي و بعدهم العملي.
و الباقي كله بعدهم

[ya3coub]

س / الاستقرار اللي تحلم فيه ؟ ( مالي / عائلي / عملي …الخ )

استقرار كامل ان شاء الله أولهم الديني,
بعده في الوقت الحاضر بالتساوي المالي و العائلي و بعدهم العملي.
و الباقي كله بعدهم

نفسه

[سالم الزهران]

جاوبت
:
شعور اذا شعرت به لا يمكنك إخفاؤه؟

[Dana’1]

الإشمئزاز

نفسه

[sara jsm]

الخجل :shy:

:

س / وين ناوي تضحي هالسنة في البيت ولا خارج الدولة !؟

[سالم الزهران]

ف البيت بإذن الكريم وصارت الأعياد عادية بحجة (النـــــوم).
:
هل تجد في ذبح الذبيحة في البيت متعة؟

[sara jsm]

لا طبعا .. اخاف :pic: عندي فوبيا من الدم ..
اذا بيذبحون بدون مااشوف اوكي ..

:

س / موجودين بالعيد ولا مسافرين !؟

[سالم الزهران]

موجودين، الله يعيدنا والمسلمين برضاه
:
ماهي أهم واجبات الانسان، أذكر واجبين؟

[Dana’1]

أهم واجب هو إخلاص العباده لله سبحانه و هذا الواجب الوحيد وهو كفيل بترتيب الواجبات تجاه نفسك و الدينك و أهلك و مجتمعك و العالم أجمع

نفسه

[سالم الزهران]

أهم واجبات الإنسان بعد معرفة الحقوق الدينية، هو النجاح في دوره الطبيعي كرجل او امرأة وفي عمله الطبيعي كأب أو أم، الباقي من نجاح وظيفي أو غيره لا تفيدك إن قصرت فيما سبق.
:
اكثر وجبة تسوي لها skip ؟

[sara jsm]

عيب .. مانسوي سكيب حق الحبايب :shy:
بس ممكن مرات الريوق لكن شاي الصبح مستحيل اطوفه ..

:

س / صفة تفتقدها في اللي حولك ؟

[سالم الزهران]

اكثر صفة الواقعية، كل المشاكل وخيبات الأمل اعتمدت على الخيال (دراسة، تجارة، زواج... الخ)
:
ما هي أصعب ترتيبات السفر عندك؟

[سعود.]

النومه قبل السفر

نفسه

[سالم الزهران]

ترتيبات سفر العائلة بصورة عامة حتى لو بالسيارة
:
أكثر نوع سمك تشتريه؟

[sara jsm]

صافي وجنعد فقط ..

:

س / حاس بشعور العيد ولا الاجواء ماتساعد ؟

[سعود.]

للامانه كل ما كبرت قل التفاعل بالعيد مدرى حد نفسي ولا

——- نفسة ——-

[سالم الزهران]

في ناحية افضل من السنة اللي طافت، ومن ناحية ثانية مفتقدين المرقدين بالمستشفيات (الله يشفيهم)
:
كلمة توجهها لشخص أساء فهمك؟

[sara jsm]

اشفيك ماتفهم :pardon:

:

س / مشاعرك السلبيه اشلون تتخطاها !؟

[سالم الزهران]

نعطيها حقها من الندم، ونكمل حياتنا لأن الفطرة تساعدك على النسيان
:
متى آخر موة اكلت ملوخية؟

[سعود.]

بحياتي ماكلتها ولا راح اكلها

—— نفسه ———

[سالم الزهران]

ههه عجيب يبي لك دورة عندنا
:
متى آخر مرة فاتتك رحلة سفر؟

[سعود.]

ولا مره تاخير لابر ولا جو

مره في الاردن تأخرت الطائرة العودة حول 6 ساعات وعام 2013 دخلت المانيا صارت لي مشكلة في الدخول تقريبا قالو مالي خروج من الدوحه او شي كذا وتنقعت كمن ساعه ودخلت .

نفس النفس

[sara jsm]

مرة فاتني القطار وكانت الحرارة حول ال 10 والمحطة والاستراحة مسكره :(
متنا من البرد لين موعد القطار الثاني .. :no:

:

س / وين رحت بالعيد !؟

[سالم الزهران]

رحت عند أمي واخواني ونسابتي
:
نفس السؤال

[توشيبا]

اول شي رحت عند ام راشد و ام علي وام علي وام منصور

من كنت طفل لين اليوم كل عيد ازورهم اسلم عليهم واخذ عديتي

كانت معهم رفعه ووضحى بس الله يرحمهم توفو

نفس السوال

[sara jsm]

بيت جدتي الله يرحمها وبيت ابوي فقط ..

:

س / أكثر شي ماتستحمله .. الجوع او النوم ؟

[سالم الزهران]

النوم...
:
نفس السؤال

[sara jsm]

النوم :oops:

:

س / أكثر مكان ترتاح فيه بالبيت ؟

[توشيبا]

النوم :oops:

:

س / أكثر مكان ترتاح فيه بالبيت ؟

بين السرير والكبت افرش اللحاف وانسدح ورجولي وسط الكبت


نفس السوال

[سالم الزهران]

غرفة التلفزيون
:
نفس السؤال

[ya3coub]

س / أكثر مكان ترتاح فيه بالبيت ؟

الصالة مجابل التلفزيون و فالشتا البلكونه



نفسه

[سالم الزهران]

جاوبت قبل
:
طبخة يعرفون أهل البيت أنك تحبها؟

[توشيبا]

اي اكله غير صالحه للادمي


نفس السوال ..؟

[توشيبا]

غرفة التلفزيون
:
نفس السؤال

اشدعووووووه

الحين الله يازمن

صارت الحين غرفه التلفزيون

يارجل قول دكه في الحوش

ولا زوليه عند باب الشارع مبسطين مع الجيران والجماعه

ولا الصاله ومقابل التلفزيون


اما غرفه التلفزيون :eek2:

ماعرفناك ياوريث امبراطورية المجر :deal:

[سالم الزهران]

اشدعووووووه

الحين الله يازمن

صارت الحين غرفه التلفزيون

يارجل قول دكه في الحوش

ولا زوليه عند باب الشارع مبسطين مع الجيران والجماعه

ولا الصاله ومقابل التلفزيون


اما غرفه التلفزيون :eek2:

ماعرفناك ياوريث امبراطورية المجر :deal:

شنسوي توشيبا بيوتنا شغل شركات مافيه صالة.. الصراحة فتحت نفسي هههههههه

[sara jsm]

الباجه :shy:

:

س / لون تحب تلبسه غير الابيض ؟

[توشيبا]

اصلا ماحب الابيض

احب اللون الاسود


نفس السوال كانه سوال بنات اعداديه

[سالم الزهران]

ياخوي لو غيرت السؤال لأن ما عندنا الوان في اللبس لكن لو بنكلم عن الشتوي اللي حتى بالشتا ما نلبسه فافضل درجات البيج والبني
:
كلمة تشجيع لمن توجهها؟

[sara jsm]

ياخوي لو غيرت السؤال لأن ما عندنا الوان في اللبس لكن لو بنكلم عن الشتوي اللي حتى بالشتا ما نلبسه فافضل درجات البيج والبني
:
كلمة تشجيع لمن توجهها؟

لا والله !!!! يعني ماتلبسون رياضه !؟ جلابيات بيت !!؟
كل شي ابيض يـ البابا :threaten:

:

اوجهها حق نفسي لاني تحملتكم وايد :happy:

:

س / شنو اللي يسد جوعك بالليل !؟

[سالم الزهران]

علبة روب
:
نفس السؤال

[sara jsm]

تفاحة عالاغلب ..

:

س / شاعر جاهلي تحب تقرأ له ؟

[سالم الزهران]

عنترة بن شداد... ومن ابياته التي لا أنساها قوله (ظَعَنَ الذين فراقهم أتوقعُ/ وجرى ببينهم الغرابُ الأبقعُ)
؛
نفس السؤال

[sara jsm]

اول مرة يمر علي هالبيت :) صح لسانه العبسي ..
أحب امرؤ القيس ..

:

س / شنهي الروايح اللي تجذبك ؟

[برشلوني قطر]

العود


حجيت/ي ؟؟

[sara jsm]

لا .. الله يرزقنا ان شاءالله ..
شكلك انت حجيت هالسنه :) الله يتقبل منك ويرزقك اذا لا ..

:

س / أكثر مسج اعلانات يزعجك sms ؟

[سالم الزهران]

شركة الاتصالات
:
نفس السؤال

[sara jsm]

شركات العقارات :court:

:

س / تحب تسوي. مساج ؟ واي نوع تفضل ؟

[سالم الزهران]

لا سويته بحياتي ولا أدوره، لكن بعض الزملاء جربوا مساج علاجي للفقرات واستفادوا منه وايد حتى بعضهم كنسل التدخلات الطبية.
:
كم عدد الاسنان اللي خلعتهم؟

[برشلوني قطر]

لا .. الله يرزقنا ان شاءالله ..
شكلك انت حجيت هالسنه :) الله يتقبل منك ويرزقك اذا لا ..

:

س / أكثر مسج اعلانات يزعجك sms ؟


صحيح :ok: الله يتقبل منا ومنج صالح الاعمال ويرزقج ان شاء الله

امممم زرعت مكان اثنين وعندي اثنين شاغرين

اكثر جدول تحبه فالسفر ؟؟

[سالم الزهران]

والله السفر بلحالي يختلف عن مع الأهل ومن اكثر من عشر سنين اغلب سفراتي مع الأهل ولذلك الجدول عائلي، حديقة، مول، مدينة ملاهي، محل بيرجر أو ايسكريم مشهور، لكن لحالي يكون عندي شغلات معينة اقضيها وأميل لزيارة الأماكن التأريخية، مقاهي عتيجة.. الخ
:
نفس السؤال

[sara jsm]

المتاحف والاسواق الشعبيه ..

:

س / شنو اللي ينقصنا عشان تنتعش عندنا السياحة الداخليه ؟

[سالم الزهران]

السائح اذا قيّم وجهته ما يجد في الخليج عنصر يستحق العناء. لا مناخ الخليج ولا أسعار الخدمة ولا مقومات السياحة ولا كللللش
:
نفس السؤال

[sara jsm]

فعلا الاسعار مرتفعه جدا .. سواء فنادق او منتجعات او حتى الملاهي ..
كل الدول ارخص من عندنا ( طول السنه )

:

س / شنو الشي اللي مايقدر بثمن بالنسبه لك ؟

[سالم الزهران]

العافية في الدين والنفس والأهل
:
ماهي الاطلالة اللي ودك تطل عليها نافذتك؟

[برشلوني قطر]

لو يضبط تنزيل الصور كنت نزلت لك الاطلالة..فوق جبل وخضار وتحت بحيرة..


ايش من المشروبات تفضل ( شاي - قهوه ----- ) ؟

[سالم الزهران]

القهوة العربي اذا مضبوطة
:
نفس السؤال

[سعود.]

ماء متوسط البروده لا حار ولا بارد يفضل ع بروده المكيف

——- نفسه ——

[sara jsm]

الشاي ..

:

س / أكثر أكله عراقيه تحبها ؟

[سالم الزهران]

ما عندي خلفية عن أكل العراقيين غير انهم يتريقون كباب
:
نفس السؤال

[برشلوني قطر]

عليج سؤال عراقي فالعبط ههههههههههه

مادري عن اكل العراقيين

كم المسافة من بيت سارا الى معصرة حبيب فالشمال :cry2: امزح

كم حسابك فالبنك ؟؟ :app:

[سعود.]

عليج سؤال عراقي فالعبط ههههههههههه

مادري عن اكل العراقيين

كم المسافة من بيت سارا الى معصرة حبيب فالشمال :cry2: امزح

كم حسابك فالبنك ؟؟ :app:

لو يطلع المسيح الدجال يمكن حد بجاوبك :ok:

نفسه

[سالم الزهران]

قبل السؤال ولا عقب السؤال
:
ههههه المهم بهذي السنة الهجرية لمن توجه شكرك؟

[sara jsm]

كم المسافة من بيت سارا الى معصرة حبيب فالشمال :cry2: امزح

:app:

تعال شنو تمزح ههههههه وين هالمعصرة دورتها في قوقل ماب مالقيت شي ..
شكلي لازم اكلم مدير اعمالي في المنطقه الشماليه يشوف لي الموضوع :shy:

:

قبل السؤال ولا عقب السؤال
:
ههههه المهم بهذي السنة الهجرية لمن توجه شكرك؟

اشكر نفسي على كل اللي مريت فيه ومازلت على قيد الحياة :cry:


:

س / تدعي على اللي ظلمك او تتحسب عليه فقط ؟

[سالم الزهران]

غي ناس كنت ادعو عليهم وعقب راجعت نفسي وتركتهم، ثم سويت مراجعة نهائية ووصلت لنتيجة انهم يجوز ادعو عليهم حتى يوم عرفة لأنهم خونة والخيانة لا تسقط بالتقادم.
:
هل تشعر بالبركة في المال خصوصاََ؟

[سالم الزهران]

الحمد لله البركة موجودة ومن ترك شيئاََ لله عوضه الله خير منه.
:
شنو التغيير اللي ودك تسويه؟

[sara jsm]

ودي اغير بيتي .. المنطقه كلها

:

س / نفسه ؟

[توشيبا]

ما عندي خلفية عن أكل العراقيين غير انهم يتريقون كباب
:
نفس السؤال

الباجا

دولمه عراقيه يالططييييف

تشريب ادمان على العشى

[توشيبا]

^
غوزي لحم مالهم حل مع صالونه باميه عندك مطعم الاعظميه في سوق واقف فنان فيها

[توشيبا]

ودي اغير بيتي .. المنطقه كلها

:

س / نفسه ؟

اغير شي كل

كل شي في حياتي

من العائله لين دوامي

ابغي ارجع انسان مع عالم ثاني

ودوني المرررررررررريخ :polling:


نفس السوال اذا لكم خاطر او غيروه

[sara jsm]

س / آخر فلم شفته ؟

[توشيبا]

س / آخر فلم شفته ؟

البارحه فلم ابو مسدسات:thumbup1:


نفس السوال

[سالم الزهران]

ما اتذكر ولو بشوف يمكن اشوف افلام الحرب العالمية
:
ليش بنيان البيوت القديمة ما في مشاكل مثل البيوت الجديدة؟

[sara jsm]

من قالك مافيه مشاكل ..
عقب كل مطرة لازم يرجعون يعدلون الاسقف اللي تآكلت من الماي ..

:

س / الواجبات الاجتماعيه مهمة بالنسبه لك او حسب ظروفك توجب الناس !؟

[سالم الزهران]

الواجب حسب الاستطاعة، اذا فيها أمور مادية فهذي ما تناقش لازم ترجع لأهلها.
:
نفس السؤال

[sara jsm]

في ناس تستاهل انك توجبها بكل المناسبات .. اما باقي الشعب الواحد يوجبهم في أحزانهم فقط ..

:

س / البحث عن الذات .. هذا المصطلح جديد نوعا ما ..
لكن هل تؤمن فيه او من خلاله ممكن الشخص يبحث عن ذاته بالاختلاء مع نفسه في جلسات او سفرات او الابتعاد عن البشر !؟

[سالم الزهران]

مفروض الانسان يعرف شنو يبغي وشنهي قدراته وينوع وسائل الانجاز، اذا بهذا المفهوم ممكن.
:
نفس السؤال

[توشيبا]

^
السوال اطول من الجواب ككككككككككككككككككككككك

[sara jsm]

ضحكتك اطول من خط الشمال :sneaky:

[سالم الزهران]

كم مرةََ شكيت مديرك الى الإدارة العليا؟

[sara jsm]

انا اشكي الناس لرب العالمين .. ينصفني ويرضيني اكثر من البشر ..

:

س/ أفضل اختراع حديث ( جديد وايد ) ؟

[سعود.]

( الكهرباء*)
هي بفضل الله سبب النعم الي ننعم بها

——— نفسه ———

[سعود.]

توني انتبه ( جديد اوي )

في نظرى التطبيقات ع الجوال حلت كثير ازمات سابقة

[sara jsm]

قوقل مآب .. من عقبه مافي لف سيده :happy:

:

س/ الصديق الحقيقي بالنسبه لك من هو !؟ صفاته ؟

[سالم الزهران]

اللي يعرف دينه ويعرف السنع ويدلني على خطأي
:
نفس السؤال

[sara jsm]

اللي يوقف معاي بكل ازماتي ..
اللي تعرف اللي فيني من نبرة صوتي ..

:

س / اختراع ودك تسويه حتى لو خيالي ؟

[سالم الزهران]

ودي لو فيه اختراع طبي يحل مشاكل الطب المستعصية.
:
نفس السؤال

[sara jsm]

ودي ادخل ايدي بالتلفون :oops: مثلا اكل من صحن رفيجتي اللي بـ لندن
او اعطي كف حق حد :sneaky: او المس ثلج .. جذي يعني :nice:

:

س / لو كنت طبيب .. فـي شنو راح تتخصص !؟

[سالم الزهران]

جراحة عظام
:
نفس السؤال

[sara jsm]

طبيبه عيون :nice:

:

س / كم ساعة تنام يوميا ً ؟

[سالم الزهران]

خمس ساعات تزيد تنقص نص ساعة
:
لماذا يؤجل بعض المسلمين القادرين فريضة الحج؟

[sara jsm]

يمكن الله مايبيهم .. لان مومعقوله عندك مال فايض ..
وصحتك مثل الحصان .. والطريق مافيه مشقه الا دلع في دلع ومع هذا ماتفكر تروح !!!!

:

س / كم المدة اللي تقضيها في اكل وجبتك ؟

[سالم الزهران]

10 دقائق
:
نفس السؤال

[sara jsm]

نفسك عشر دقايق ..

:

س / شنو الشيء اللي تستمتع فيه وانت ماتحس بالوقت ؟

[سالم الزهران]

اي محادثة مع صديق عزيز
:
نفس السؤال

[برشلوني قطر]

تعال شنو تمزح ههههههه وين هالمعصرة دورتها في قوقل ماب مالقيت شي ..
شكلي لازم اكلم مدير اعمالي في المنطقه الشماليه يشوف لي الموضوع :shy:

:




معصرة وكافتيريا الازدهار << اخبر اسمها الازهار مادري ليش تغير.. واطلبي واحد اسمه حبيب وقولي له ابي برغر وبس هههههههههه

اسمتع بمشاهدة عدنان ولينا :thumbup:

لو خيروك بصنعه يدويه اتقوم فيها...ايش بتختار ؟؟

[sara jsm]

باجربه ان شاءالله .. وانا واثقه في ذوقك لانك برشلوني :thumbup1:
:
صنعة يدويه الخياطة طبعا ً ( مرة سويت علم السد من عبايتي وقميص المدرسه كلها بالخيط والابرة فقط ) :yes:

:

س / الغربه المؤقته شتعلم الانسان !؟

[سالم الزهران]

المؤقتة ما تعلمه الا بنقاط ضعفه فقط، لكن لو اغترب مدة طويلة ممكن يتغير ويصير بقناعات ثانية
:
نفس السؤال

[توشيبا]

في عصرنا الحالي تعلمه يصور سناب او قناه في اليوتيوب ويفقع كبدنا بالتصوير واذا شاف خليجي عنده في غربته قال كله بسببي شهرت الدوله واخرتها اللي شافه صار له سنين يجي الدوله قبله

ماعندي سوال ولا حبيت سوالكم

[sara jsm]

المؤقتة ما تعلمه الا بنقاط ضعفه فقط، لكن لو اغترب مدة طويلة ممكن يتغير ويصير بقناعات ثانية


جوابك وايد حلو عجبني ..
بالنسبه لجوابي .. اما تعلمه الكفاح او الاتكاليه .. هو يحددهم حسب شخصيته ..

:

س / أكثر لعبه تحبها في مدينه الملاهي ؟؟

[توشيبا]

جوابك وايد حلو عجبني ..
بالنسبه لجوابي .. اما تعلمه الكفاح او الاتكاليه .. هو يحددهم حسب شخصيته ..

:

س / أكثر لعبه تحبها في مدينه الملاهي ؟؟

السيارات بانواعها
و التزلج على الجليد


نفس السوال

[sara jsm]

القطارات السريعة

:

س / أكثر سورة تقراها بالصلاة !؟

[سالم الزهران]

سورة العصر
:
نفس السؤال

[توشيبا]

الاخلاص

نفس السوال

[برشلوني قطر]

المعوذات

هل فزت بجائزه ؟؟ وما هي ياترى ؟؟

[الشرق العربي]

العقرب الرجل معروف انه طيب وااااااايد .. ؛)
:
غالبا الصفات تكون مشتركة في مواليد البرج الواحد .. وبعد في ناس مختلفين ماتنطبق عليهم اي صفه من الصفات بعيوني شايفه ذي الشي .. فمب دايما اصدق اللي اقراه من الصفات ...

:

س / اختراع قديم تتمنى لو تكون انت مخترعه !؟

التكييف

[الشرق العربي]

سباق 1200 متر مشي. كان في رمضان بعد

[sara jsm]

لا والله مااتذكر :/

:

س / شيء كنت تخاف منه وانت صغير ولكن تغلبت عليه من كبرت ؟

[سالم الزهران]

مفاتيح الكهرب
:
نفس السؤال

[سعود.]

( دورية الشرطة ) كانت رعب وبدون سبب :eek2:

نفسة

[sara jsm]

الاصانصير والسلم الكهربائي ..

:

س / شيء كنت تخاف منه وانت صغير وماقدرت تتغلب عليه ؟

[سالم الزهران]

غضب الوالدين لا قدر الله
:
شنو الموضوع اللي ودك لو انه لك من مواضيع الاستراحة؟

[sara jsm]

صورة وعبارات …. موضوع اخونا المهاجر الله يحفظه ..

:

س / نفسه ؟

[سالم الزهران]

موضوع سجل حضورك
:
نفس السؤال

[ya3coub]

هذا الموضوع: اسئل و اللي بعدك يجاوب


وحشتوني ؟ :oops:

[سالم الزهران]

اعتقد وحشناك و وحشتنا وما تشوفش وحِش على قولتهم.
:
شنو تقييمك لسرعات الاتصال للانترنت؟

[توشيبا]

لاباس فيها

سوالي وين قسم استخراج تراخيص اللي يجبون حيوانات مفترسه من خارج الدوله

اول مره اشوف قسم منخشششششششش

[sara jsm]

ماادري بس اسأل البيئة او البلديه والله ماادري تبع اي جهة ..
ان شاءالله ماتحصل ترخيص :shy:

:

س / شخصية ودك تلتقي فيها !؟ سواء اعلامي / تربوي / ديني …. الخ

[سالم الزهران]

شخصية دينية : الشيخ ابو اسحاق الحويني
تربوي : الدكتور إياد قنيبي
إعلامي: الدكتور عبدالله النفيسي/ عزام التميمي
:
نفس السؤال

[sara jsm]

مافي حد في خاطري …

:

س / كم المبلغ الموجود في بوكك ( محفظتك ) كاش ؟

[سعود.]

مدري انا بالبيت وبوكي في الموتر :happy:

____ نفسه _____

[سالم الزهران]

ثلاثمية وخردة
:
ما هي الهدية التي لا يمكنك قبولها؟

[برشلوني قطر]

برج

كم تلفون عندك ؟؟

[سالم الزهران]

واحد
؛
نفس السؤال

[sara jsm]

شنو برج :strong لحظة ماتبي الهديه انا باخذها هههههه

:

عندي 2

:

س / تحس نفسك عنصري ؟ وفي اي جانب اذا اي ؟

[سالم الزهران]

في مواقف احس نفسي عنصري، لكن العنصرية اللي تنأى بي أو با الرجل اللي قدامي أنه يصير متخاذل أو مقصر، مب العنصرية المقيتة اللي تخليني استكبر معاذ الله، بصراحة اذا لمحت موظف وعرفت انه من حلف الناتو مالنا اروح له ونا واثق أنه بيفعل ما بوسعه لأنه ملزوم بحسن مقابلتي من غير وظيفته وأيضاََ بوظيفته بعد فيصير ملزوم مرتين
:
نفس السؤال

[sara jsm]

عنصريه في جانب الزواج .. مااحب خلط العروق ابد ..
بس باقي معاملات الحياة اتعامل مع الكل حسب ذكائه :secret:

:

س / أي منتخب بتشجع في كأس العالم .. ؟

[سعود.]

قطر + هولندا

. نفسه .

[سالم الزهران]

المغرب اذا متأهل
:.
كم لتر ماي تشرب؟

[sara jsm]

ولا لتر .. على حسب الغراش او القلاصات .. مااحسب

:

س / نفسه

[سعود.]

2 الى 3

…. نفسه …..

[سالم الزهران]

2 لتر ونازل
:
ما هي أهم صفة تحقق لك السلام/الراحة مع محيطك؟

[sara jsm]

التطنيش .. :/

:

س / أكثر شي تخاف منه على عيالك ؟

[سالم الزهران]

الأفكار العلمانية الفاسدة
:
نفس السؤال

[ya3coub]

س / أكثر شي تخاف منه على عيالك ؟

قلة الأدب و عدم احترام الغير (من البشر) و الدين


نفسه

[sara jsm]

السموم المنتشرة في المدارس ..

:

س / أكثر غرض تشريه سواء اكل او جماد .. ؟

[سالم الزهران]

روتي، خضار
:
نفس السؤال

[sara jsm]

شبس عمان وفليك :ok:

:

س / كم نسبه حفظك للاشياء ؟ سواء ارقام او قصص .. الخ

[سالم الزهران]

تعبان الحفظ لا احفظ اسماء الناس ولا كلمة المرور للكمبيوتر ولا غيره
:
نفس السؤال

[sara jsm]

اقدر اقول 30% ذاكرتي تحفظ اشياء وما تنساها ..

:

س / نجاحك في ( أمر ما ) يعتمد على ارادتك ولا تشجيع حد معين ؟

[سالم الزهران]

توفيق الله قبل كل شيء وعقب مجهود شخصي، التشجيع زين لكن مب متوفر ع طول.
:
نفس السؤال

[ya3coub]

س / نجاحك في ( أمر ما ) يعتمد على ارادتك ولا تشجيع حد معين ؟



على رب العالمين ثم العناد و التحدي اذا ابي اسوي هالشي او لا.


تتابع النعارض المقامة حاليا ؟

[سالم الزهران]

لا ما لي اي متابعة
:
كم سيكل اشتريت او ركبت في زمنك؟

[sara jsm]

اشكثر وانا صغيرة .. بس الحين عندي واحد بس ..

:

س / شنهي الامور اللي تخليك تفقد وعيك ؟ ( يغمى عليك )

[سعود.]

لما يكون السوال صعب والجائزة كوبون من رامز 10 ريال omen

( نفسه )

[sara jsm]

لما يكون السوال صعب والجائزة كوبون من رامز 10 ريال omen

( نفسه )


ههههههههههههههه وياريت لو تعرف تجاوب :funny:

:

اذا مارقدت عدل او مواصله ممكن ضغطي ينزل ويغمى علي ..

:

س / وين بتسافر المرة الجايه ( باذن الله ) ؟

[توشيبا]

جنوب افريقيا ان شاء الله

نفس السوال

[سعود.]

الكويت

( نفسه )

[ya3coub]

إلى الأن مو محدد بس ممكم الأردن

نفسه

[سالم الزهران]

المغرب الشقيق
:
شنو اسم المعلم اللي كان يطقك في المدرسة؟

[sara jsm]

انا كنت بمدرسه خاصه ممنوع الضرب فيها الحمدلله ..

:

س / نفسه ؟

[ya3coub]

انا كنت بمدرسه خاصه ممنوع الضرب فيها الحمدلله ..

:

س / نفسه ؟

نفسه ما كان عندنا ضرب فالخاصة ولا فالعلمية

طيران غير القطرية تحب تسافر عليه ؟

[sara jsm]

مالت عليهم كلهم .. :sneaky:
كل مااجرب شي ارجع اقول ما الحب الا للحبيب الاولي ..

:

س/ أكثر شي تحبه في شركات الطيران !؟

[سالم الزهران]

انها تخرجك من بلاد العرب
:
نفس السؤال

[ya3coub]

المعاملة و الأسلوب و الأولوية و الإهتمام و تلبية الطلبات الغير معتادة :)

فلمك او المسلسل المفضل حاليا ؟؟

[سالم الزهران]

مالي في الافلام ولا المسلسلات لكن اخر شي شفته وثائقيات الحياة البرية اوكافانجو افريقيا
:
نفس السؤال

[توشيبا]

والله مسلسلات كثيره واكثرها انتظر الاجزاء تنزل

وانا من محبين مسلسلات الكوريه والمكسيكيه

واحب افلام ابو مسدسات


نفس السوال

[R 7 A L]

الحج متولي :shy:

وان شاء الله اصير مثله

[sara jsm]

الحج متولي :shy:
وان شاء الله اصير مثله

الله يرحمك كنت حبوب :taunt:

:

انا ماعندي شي انتظره او اتابعه لكن فيلم ( عسل اسود ) مااتملل من كثر مااشوفه
ومسلسل ( التغريبه الفلسطينيه ) مااتملل منهم ..

:

س / شنو الشي الاساسي معاك في الثوب ( ساعه ولا قلم ) ؟

[برشلوني قطر]

الله يرحمك كنت حبوب :taunt:

:

انا ماعندي شي انتظره او اتابعه لكن فيلم ( عسل اسود ) مااتملل من كثر مااشوفه
ومسلسل ( التغريبه الفلسطينيه ) مااتملل منهم ..

:

س / شنو الشي الاساسي معاك في الثوب ( ساعه ولا قلم ) ؟


اهم شي الساعة

هل تربي شي من الحيوانات ؟؟

[sara jsm]

ابداً ولا أحب ..

:

س / عضو ودك يرجع للمنتدى مرة ثانيه .. اسم واحد فقط ..

[سالم الزهران]

بعض اللي اختفوا ودي اشوفه داش المنتدى حتى لو ما شارك
:
نفس السؤال

[برشلوني قطر]

كااان ودي اقول

هل تعامل الناس بالمثل ؟؟

[توشيبا]

لا والحمدالله

اعامل الشخص على حسب تربيتي واحترامي لي نفسي


نفس السوال بس لاتجاوب الا شارب فنجال قهوه

[سعود.]

على حسب الشخص + وحسب الواقعه

نفسه

[sara jsm]

مؤخراً صرت جذي .. اللي يسوي لي اسوي له ..
ماقمت اتشّره .. على طول اسوي اكس ..
طبعا باستثناء اللي بيني وبينهم رابطة الدم والحب :oops:

:

س / معارض الكتاب .. شنو تستفيد منها ؟

[سالم الزهران]

لا اذكر انني اشتريت من معرض، ولا اظن اني ساشتري لأن الاسعار لا تختلف عن بقية الأماكن.
:
أذكر أهم النباتات العطرية اللي ودك تزرعها؟

[sara jsm]

الزعتر ..

:

س / مسابقه كنت تحلم تشارك فيها من وانت صغير ؟

[سالم الزهران]

ما في، كان نغسي اروح السوق واجوف المحلات اللي يسولفون عنها الزملاء في المدرسة
:
نفس السؤال

[توشيبا]

كان خاطري اشارك في مسابقه

برنامج حروف / السعوديه
امرح واربح / قطر

نفس السوال

[سالم الزهران]

جاوبت قبل
:
شنو درجة الحرارة اللي تخليك تقول الجو (بررد)؟

[سعود.]

تحت 10c

نفسه

[sara jsm]

15

:

س / من تتوقع يفوز بكأس العالم ؟ ومن تتمنى ؟

[SouthK]

ما تفرق معاي لاني لا كسبان و لا خسران من وجوده!
نفسه!

[سالم الزهران]

اتوقع الفوز لمنتخب اوروبي
:
لو فيه باب سحري يوديك اي مكان ف الدنيا وين تبغي تروح؟ وعلمنا ليش عاد؟

[SouthK]

اتوقع الفوز لمنتخب اوروبي
:
لو فيه باب سحري يوديك اي مكان ف الدنيا وين تبغي تروح؟ وعلمنا ليش عاد؟

جبال الهمالايا ..لأنه مكان حد يسكن فيه الا مب صاحي!
نفسه

[sara jsm]

قصر الوجبة .. فضووول ابي اعرف اشلون حياتهم ..
اذا ممنوع نغير ونروح خزانة البنك المركزي :strong

:

س / اي نسبة اعلى عندك ( الفهم او الحفظ ) ؟

[العفريت 2022]

الفهم
هل ستحضر افتتاح كاس العالم

[سالم الزهران]

لا والله.
:
على طاري الكأس، يتوقعون ان الغرف ما تكفي الجماهير، شنو رأيك؟

[sara jsm]

طبعاً مستحيل .. كل اللي راح يدخل راح يكون عنده حجز فندقي اجباري ..
محد بيرقد في الشارع :strong

:

س / اكثر شعور ماتحبه ؟ ( الجوع ؟ الغضب ؟ العصبيه ….. الخ )

[سالم الزهران]

كلها ما تنحب الجوع والعصبية، يجوز الغضب رغم خطورته ما يزعجني مثل العصبية
:
نفس السؤال

[ya3coub]

العصبية


نفسه

[sara jsm]

الخذلان .. لانه يكسر القلب ويحتاج عمر لين تطيب منه ..

:

س / أكثر شي تحبه في الشتاء ؟

[سعود.]

البحث عن الكمأة

نفسه

[سالم الزهران]

هههههه ^برنامج وثائقي ^
الشتاء كله زين وازين ما فيه احساس البرد
:
هل تتابع برامج التلفزيون؟

[sara jsm]

بعض البرامج المباشرة في قنواتنا المحليه حسب مااكون فاضيه ..
بس اني اتابع شي او انتظره لا :pardon:

:

س / نفسه

[سالم الزهران]

آخر برنامج كان يثير اهتمامي برنامج الرأي الحر في قناة الحوار وآخر مرة تابعته يمكن قبل 4 سنين.
:
شنو الوقت المفضل عندك للخروج للتسوق؟

[سعود.]

بداية العصر . وغير الويك اند

نفسه

[sara jsm]

الصبح طبعاً المجمعات فاضيه خاصه نص الاسبوع :o

:

س / اكثر شي تفتخر فيه بالتطور اللي صاير في بلادك ؟