اسألني و راااااح أجاوبك [الأرشيف] - الصفحة 8 - منتديات شبكة الأسهم القطرية

ya3coub

13-08-2021, 08:13 AM

تربل a
:
ماذا تتوقع من مجتمعات مقبلة على الترفية والمولات ومدبرة عن المساجد والمكتبات؟

التدني في مستوى التربية و اخلاقيات و يمكن فصاحه الجيل القادم، بينما الان يتم التفاخر و الاقبال عليه بضعف المعدل الطبيعي ( نتيجة عدم وجوده بالسابق)، ادعي لهم بالهداية و التنقل البسيط بين الترفيه و المولات و العلم و اخذ الجانب الذي يطورنا و يحسن منا كأفراد و ترك الباقي للمجتمع.

نفسه

Dana’1

13-08-2021, 05:11 PM

أتوقع بتزيد الازدواجيه بالمعايير و يغلب الهوى على الحق مثل مانشوف البعض يمدح ناس و يبرر لهم فعلهم و يذم ناس و يستنكر فعلهم رغم إنه نفس الفعل إذا مو اللي مستنكره أقل حده بعد من اللي مش مستنكره!

طالما المساجد قائمه و النداء يرفع خمس مرات باليوم و الملصيات بمجمعاتها ( مولات) حتى في برها و بحرها قائمه فالحمدلله.
والمجتمعات من قبل و من بعد فيهم الصالح و الطالح الله يهدي الجميع.

كيف كان يومك؟

سالم الزهران

14-08-2021, 06:34 AM

الحمد لله امس انجزت شغلة واليوم في بالي شغلة ثانية (اما المزاج فهو خربان ولله الحمد على كل حال).
:
نفس السؤال (كيف كان أمسك أو يومك)؟

SouthK

15-08-2021, 05:49 AM

الحمد لله امس انجزت شغلة واليوم في بالي شغلة ثانية (اما المزاج فهو خربان ولله الحمد على كل حال).
:
نفس السؤال (كيف كان أمسك أو يومك)؟

لا يُحمد غير الله على المكروه!
نفسه

ya3coub

15-08-2021, 06:29 AM

من بديت اجازتي وانا متكدر على اليوم و ما ودي اداوم و احس رجلي ثقيلة

بس الحمد الله اصبحت بصحة و عافية و بدري عن العادة و فريش و متجه لسيارتي ان شاء الله رايح الحين

المنظر اللي تفتتح فيه يومك؟؟

SouthK

15-08-2021, 11:10 AM

sara jsm

15-08-2021, 12:58 PM

البحر الحمدلله ..

:

س / كيف تحب تهتم في نفسك او اشلون تدلع عمرك ؟

SouthK

15-08-2021, 02:21 PM

البحر الحمدلله ..

:

س / كيف تحب تهتم في نفسك او اشلون تدلع عمرك ؟

الحجية ساكنة في المالديف!!!!

الدلع ما اعرفه .. أحد عنده صورته؟؟؟

نفسه

sara jsm

15-08-2021, 04:07 PM

ان شاءالله اصير حجيه .. :ok:
ممكن ادلع نفسي بقطعه كيكة فراوله ..
او كوب شاي في هدوء .. او الجلوس عالبحر بدون هذره حد ..

:

س/ لشنو تشتاق من الاشياء اللي كانت موجوده في طفولتك والحين اختفت ؟

سالم الزهران

15-08-2021, 04:55 PM

اشتاق للشهرة هههههه وذاك الاحترام اللي فرضته بعود الجبريت
:
نفس السؤال

sara jsm

17-08-2021, 11:52 PM

مشتاقه اقعد على دچه بيت جيرانا :( من الظهر لين عقب صلاة العشاء ..
مشتاقة للعب في الفريج والهواش مع الصبيان .. :/

:

س / آخر فلم شفته ؟

SouthK

18-08-2021, 08:44 AM

مشتاقه اقعد على دچه بيت جيرانا :( من الظهر لين عقب صلاة العشاء ..
مشتاقة للعب في الفريج والهواش مع الصبيان .. :/

:

س / آخر فلم شفته ؟

الحجية صاحبة سوابق في الهواش ... وينج أيام الطفولة؟؟

rise of the legend

نفسه

sara jsm

18-08-2021, 02:21 PM

ههههههههه اي كنت صبيووه يا ضاربه او مضروبه :oops:

:

اخر فلم شفته مااعرف اسمه لكنه للاطفال وعن الارانب ..
رحت له في السينما عشان الناتشوز والجبن :strong

:

س / شنو غداكم اليوم ؟

سالم الزهران

18-08-2021, 04:52 PM

دياي
:
نفس السؤال

SouthK

19-08-2021, 07:59 AM

دياي
:
نفس السؤال

تو الناس على الغدا !!

نفسه

ya3coub

19-08-2021, 09:10 AM

تو الناس على الغدا !!

نفسه

قاعد افكر فالفطور

نفسه

SouthK

19-08-2021, 10:27 AM

قاعد افكر فالفطور

نفسه

متأخر الوقت .. حلاة الفطور الساعة 7!
من من المقرئين تفضل؟

سالم الزهران

19-08-2021, 01:17 PM

سعد الغامدي
:
نفس السؤال

sara jsm

19-08-2021, 02:25 PM

محمود الحصري / محمد ايوب

:

نفسه ؟

سالم الزهران

20-08-2021, 07:42 AM

علي عبدالله جابر رحمه الله
:
نفس السؤال

sara jsm

20-08-2021, 07:03 PM

خلاص جاوبت ..

:

س / كيف تتخلص من ذكريات الماضي ؟

سالم الزهران

20-08-2021, 09:57 PM

تكبر وتنسى
:
وين أفضل بيتزا بالدوحة؟

SouthK

22-08-2021, 09:18 AM

تكبر وتنسى
:
وين أفضل بيتزا بالدوحة؟

احلى من بيتزا البيت ما في لكن ينافسه بيتزا هت!

نفسه

sara jsm

22-08-2021, 01:25 PM

بابا جونز طبعاً ..

:

س / اكثر نبته او شجرة مزروعه في بيتكم ؟

SouthK

22-08-2021, 03:03 PM

بابا جونز طبعاً ..

:

س / اكثر نبته او شجرة مزروعه في بيتكم ؟

الثيل
نفسه

سالم الزهران

22-08-2021, 04:34 PM

اللي زرعته نجح الصبار، هذا اللي يطلع في البر بروحه
:
نفس السؤال

sara jsm

23-08-2021, 10:40 AM

الفل والمشموم ..

:

س / لو كنت مدرس او معلم .. اي مادة راح تدرّس ؟

SouthK

23-08-2021, 10:46 AM

الفل والمشموم ..

:

س / لو كنت مدرس او معلم .. اي مادة راح تدرّس ؟

رسم!
نفسه

سالم الزهران

23-08-2021, 11:33 AM

الله لا يحطني في هالموقف مع اني اذكر طلاب ينحبون ويمثلون اهلهم خير تمثيل، لكن التعليم مضروب في نظامه.. نظامه ظالم
:
نفس السؤال

sara jsm

23-08-2021, 03:36 PM

اشدعوه سالم .. سويت للسالفه ايد ورجول .. :court:
:
انا باكون ابلة رياضيات :strong

:

س / شنهي الرياضه اللي تحبها ؟

سالم الزهران

23-08-2021, 04:47 PM

التزلج على الجليد
:
نفس السؤال

Dana’1

23-08-2021, 08:23 PM

الفروسيه - الباركور

نفسه

sara jsm

26-08-2021, 04:58 PM

كرة القدم والتايكوندو

:

س / من هو اخر مشهور شفته في مكان عام ؟

مختصة

26-08-2021, 09:48 PM

ممكن حد يعلمني كيف ادخل بسوق البورصه واشتغل فيه

sara jsm

27-08-2021, 12:15 AM

ممكن حد يعلمني كيف ادخل بسوق البورصه واشتغل فيه

روحي قسم البورصة واكتبي لهم احسن ..
احنا هني كلنا عالحديدة .. :shy:

سالم الزهران

27-08-2021, 06:33 AM

روحي قسم البورصة واكتبي لهم احسن ..
احنا هني كلنا عالحديدة .. :shy:

تكلمي عن نفسك يا سارة قاسم
؛
؛
؛
آخر مشهور قابلته يمكن أخونا معماري، باقي النهار عاد هذا صعب تصيده.
:
الانسان الجاد، اشلون تطلع منه بلحظة مرحه؟

Dana’1

27-08-2021, 03:56 PM

مش لازم اطلع منه بلحظه مرحة لأن هو طبيعته كذا نتقبلهم زي ماهم أو نتركهم حسب تحملنا لوجودنا معه و تحمله لنا و حسب العلاقه نفسها.
أما اللي شخصياتهم بالأساس مرحه بس يمر بظروف ممكن نحاول معه و بتطلع لأنها طبع فيه

نفسه

سالم الزهران

27-08-2021, 04:43 PM

من ناحيتي امقلبه
:
الاشياء اللي ما تعرف تشتريها؟

ya3coub

27-08-2021, 04:46 PM

من ناحيتي امقلبه
:
الاشياء اللي ما تعرف تشتريها؟

الخضرة و الفواكة

نفسه

sara jsm

28-08-2021, 01:17 AM

المكياج :( ومستلزمات السيارات ..

:

س/ نفسه

سالم الزهران

28-08-2021, 09:18 AM

السمچ
:
نفس السؤال

sara jsm

28-08-2021, 05:58 PM

خلاص جاوبت ..

:

س / مناسبه تحتفل فيها دايما ؟

سالم الزهران

28-08-2021, 07:44 PM

سقوط الظلمة أو وفاتهم
:
نفس السؤال

ya3coub

28-08-2021, 10:14 PM

يوم ميلادي

نفسه

Dana’1

29-08-2021, 12:40 AM

عيد الفطر و الأضحى

نفسه

SouthK

29-08-2021, 08:34 AM

عيد الفطر و الأضحى

نفسه

ما عندي مناسبة احتفل بذكراها!
نفسه

sara jsm

29-08-2021, 09:04 AM

سقوط الظلمة أو وفاتهم

اووووفر واااايد صاير اوووفر :happy:
:

مااحتفل في اي مناسبه ..

:

س / حيوان عندك فوبيا منه ؟

سالم الزهران

29-08-2021, 10:07 AM

اووووفر واااايد صاير اوووفر :happy:
اللي ما يحتفل أشك في إيمانة شك قوي بعد

:

س / حيوان عندك فوبيا منه ؟

فوبيا ما عندي لكن أكرة الوزغ والفأر
:
نفس السؤال

sara jsm

30-08-2021, 04:51 PM

الزهيوي والكلاب الله يعزكم جميع ..

:
س / أحب أنواع الزهور لك ..

سالم الزهران

30-08-2021, 06:18 PM

الزهور اللي في الصحراء
:
نفس السؤال

SouthK

31-08-2021, 08:34 AM

الزهور اللي في الصحراء
:
نفس السؤال

الياسمين الافريقي و الورد المحمدي و الفل و حزات المشموم و خاصة لما اشغل صوت الريان على الراديو (ما له شغل لكن نطرح وقائع!)

نفسه

سالم الزهران

31-08-2021, 12:07 PM

الزهور اللي في الجبال خصوصاََ الشويره
:
نفس السؤال

sara jsm

02-09-2021, 05:14 PM

الفل والياسمين ..

:

س / لو كتبت كتاب او روايه .. اول صفحة لمن تهديها ؟

سالم الزهران

02-09-2021, 06:38 PM

للرئيس صدام حسين
:
نفس السؤال

SouthK

05-09-2021, 07:31 AM

للرئيس صدام حسين
:
نفس السؤال

نفس الجواب و نفس السؤال!

ya3coub

05-09-2021, 08:23 AM

سمو الامير ربي يحفظه و جدي الله يطول بعمره

اذا شي فالي عندك و انكسر من اول يوم و صعب تلقاه هل تزعل عليه؟؟؟

sara jsm

05-09-2021, 10:36 AM

اذا من شخص غالي علي وايد .. احاول احتفظ بجزء من الي انكسر ..
واكتب عليه التاريخ واخشه ..
لكن ان كان شي انا شاريته فـ خلاص اكون مقتنعه ان مافيه خير لي ..

:

س/ نفسه

sara jsm

08-09-2021, 02:46 PM

س / كم المدة اللي تاخذها في شرب ( كوب شاي / قهوة ) في جلسه استرخاء ؟

المحاميه

08-09-2021, 08:04 PM

ربع ساعه الى نص ساعه :tooth:

اخر مره فرشت اسنانك؟

سالم الزهران

08-09-2021, 10:06 PM

قبل خمس ساعات
:
هل تراقب وزنك؟

sara jsm

11-09-2021, 04:22 PM

مؤخرا وقفت .. لكن نرجع نوزن لين تعدل الجو :)

:

س / اذا في بيتك في شباك .. تحب هالشباك يطل على وشو ؟

سالم الزهران

11-09-2021, 08:04 PM

على البسفور لو باليد حيلة
:
نفس السؤال

sara jsm

12-09-2021, 11:02 PM

على بيت جيرانا :omg: اشوف وين يروحون وشيسون :shy:

:

س / اذا قعدت على السيف شنو تكتب غالبا ؟

SouthK

13-09-2021, 10:20 AM

على بيت جيرانا :omg: اشوف وين يروحون وشيسون :shy:

:

س / اذا قعدت على السيف شنو تكتب غالبا ؟

عادة ارسم دواير!!!

نفسه

sara jsm

13-09-2021, 11:39 AM

قلب :secret:

:
س / شنهي اخر اكله طبختها ؟

SouthK

13-09-2021, 01:21 PM

قلب :secret:

:
س / شنهي اخر اكله طبختها ؟

اذا المقصود آخر مرة ما حرقت فيها المطبخ فكانت الأكلة بيض مفيوح << اتحدى الشيف بوراك لكن اخاف من الحسد!
نفسه

سالم الزهران

13-09-2021, 01:22 PM

سويت خبز في الفرن ليومين ورى بعض قبل اسبوع
:
نفسه

sara jsm

13-09-2021, 06:24 PM

جنعد مقلي مع شيلاني ودال :shy:

:

س / كيف استعدادك للجرعه الثالثه من اللقاح ؟

SouthK

14-09-2021, 06:45 AM

جنعد مقلي مع شيلاني ودال :shy:

:

س / كيف استعدادك للجرعه الثالثه من اللقاح ؟

مثل استعدادي للجرعة الاولى اللي ما خذتها!

نفسه

سالم الزهران

14-09-2021, 10:07 AM

هههههه عيش حياتك يا ساوث ومن ابسط حقوقك
جوابي الجرعة الاولي خذيتها بلا موعد والثانية بلا موعد والثالثة لو موجودة باخذها بلا موعد بس يفكونا
:
شنو أبعد مكان وصلت له بالعالم؟

sara jsm

14-09-2021, 04:36 PM

بالعالم ؟ مافي حدود للعالم ..
خلني اقولك ابعد مكان وصلت له بقطر ( سودانثيل ) هي مرة قبل 25 سنه تقريباً :)

:

نفسه ؟

SouthK

15-09-2021, 07:51 AM

بالعالم ؟ مافي حدود للعالم ..
خلني اقولك ابعد مكان وصلت له بقطر ( سودانثيل ) هي مرة قبل 25 سنه تقريباً :)

:

نفسه ؟

كسرتي خاطري :(

و لله الحمد وصلت شرقا إلى الشارقة و غربا الحدود بين المملكة المتحدة و جمهورية ايرلندا لأني كنت أدور مشاكل .. شمالا وصلت الدائرة القطبية في النرويج لمدينة اسمها لو قلته 3 مرات بيطلع لي جني .. أما جنوبا فأقصى وصول لي كان خميس مشيط أيام الشتاء و لا أنصح أحد يروح هناك وقت الشتاء!

نفسه!

sara jsm

15-09-2021, 08:43 AM

SouthK

15-09-2021, 12:06 PM

ليش كسرت خاطرك هههههههه انا بس مضيعه الحدود اللي يقولها ..
لو من خريطه قطر .. شرقاً اخر حدود تايلند .. وغرباً جده ..
وشمالاً ميونخ .. وجنوباً سودانثيل :funny:
مب عارفه احسبها كسلانه في الجغرافيا :tooth:

:

س / اشرايك في الاجواء الليليه هالايام ؟ تناسب شنو ؟

توقعت حّدج شراعوه شرقا و الجميلية غربا و الرويس شمالا و سودانثيل جنوبا لكن طلعتي متطورة يا ام بطوطة المنتدى!
أجواء جميلة للبر و الكشتات .. رحمة ربي بالعباد فالحمد و الشكر له سبحانه.

نفسه

سالم الزهران

15-09-2021, 12:08 PM

الأجواء زينه ويبي لها سعة صدر وكشتات
:
لو انت رياضي مال اولومبياد وش بتكون؟

ya3coub

15-09-2021, 12:25 PM

الأجواء زينه ويبي لها سعة صدر وكشتات
:
لو انت رياضي مال اولومبياد وش بتكون؟

اولومبياد ما اقدر افكر بشي بصراحه

ممكن الريشة او تنس طاولة او الإبحار بالمراكب الشراعية

نفسه

sara jsm

15-09-2021, 01:27 PM

الفروسيه .. احسها رزه :looking:

:

س / كم مدرسه غيرت من اول ابتدائي لين ثالث ثانوي ؟

SouthK

15-09-2021, 02:04 PM

الفروسيه .. احسها رزه :looking:

:

س / كم مدرسه غيرت من اول ابتدائي لين ثالث ثانوي ؟

3 مرات .. الابتدائية غير الاعدادية غير الثانوية!

نفسه

سالم الزهران

15-09-2021, 03:27 PM

غيرت المدرسة بثالث ثانوي وفشلت فشل ذريع
:
نفس السؤال

sara jsm

15-09-2021, 11:14 PM

مدرستين فقط ابتدائي مدرسه و اعدادي ثانوي مكس ..

:
س / كم نسبه توقعك للشخصية اللي امامك من اول مرة ؟

SouthK

16-09-2021, 08:53 AM

مدرستين فقط ابتدائي مدرسه و اعدادي ثانوي مكس ..

:
س / كم نسبه توقعك للشخصية اللي امامك من اول مرة ؟

ولا حتى 1% ... الشخصيات تختلف و المنافقين يزيدون!
نفسه

sara jsm

16-09-2021, 09:47 AM

غالباً 80% توقعي يكون صحيح ..
بس بشرط اني اكون فاتحة حديث وحوار .. وتكون انثى ..

:

س / جدول الخميس ؟

SouthK

16-09-2021, 10:59 AM

غالباً 80% توقعي يكون صحيح ..
بس بشرط اني اكون فاتحة حديث وحوار .. وتكون انثى ..

:

س / جدول الخميس ؟

نوووووووووووووووم !
نفسه

sara jsm

16-09-2021, 11:15 AM

لانك لو متطعم كنت رحت المطاعم والسينمات :funny: :funny:
جدول هالخميس بيت هلي باذن الله ..

:

س/ اكثر شي تفتقده بالمنتدى ؟ ( مب اشخاص )

R 7 A L

16-09-2021, 12:11 PM

لانك لو متطعم كنت رحت المطاعم والسينمات :funny: :funny:
جدول هالخميس بيت هلي باذن الله ..

:

س/ اكثر شي تفتقده بالمنتدى ؟ ( مب اشخاص )

النشاط وطرح المواضيع الجديدة

نفسه

ya3coub

17-09-2021, 10:51 AM

النشاط وطرح المواضيع الجديدة

نفسه

التفاعل فالعام و الاستراحة و باقي الاقسام

الىً٢٠١٣-٢٠١٤ كان في عدد لاباس به من المواضيع خصوصا فالعام و كل موضوع يوصل ما يقارب العشر صفحات خلال ايام قليلة

نفسه

سالم الزهران

17-09-2021, 07:15 PM

اكثر شيء افتقده في المنتدى استراحة الخميس وافتقد اشخاص بعد.
:
تعرف تكلم بالهمس او تسمع احد اذا همس لك؟

ya3coub

17-09-2021, 07:21 PM

اكثر شيء افتقده في المنتدى استراحة الخميس وافتقد اشخاص بعد.
:
تعرف تكلم بالهمس او تسمع احد اذا همس لك؟

اي و مرات اجيب العيد

هل تعرف تقرا الشفاه؟؟

سالم الزهران

18-09-2021, 08:42 PM

لا
:
لو أخد مدحك بقصيدة وش تسوي معه؟

sara jsm

18-09-2021, 11:00 PM

چان بخت :playball:
يالله اكتب فيني وباشوف شنو ارد عليك :deal: اذا هجاء خلها لك :anger3:

:

نفسه ؟

سالم الزهران

19-09-2021, 11:28 AM

لو عندي بشت كان اعطيته بس ما عندي
:
كم مرة اكلت البط؟

sara jsm

20-09-2021, 11:36 AM

كل ماتصير لي فرصة اكل ..
بط مع رز معمر اخر حلاوه :ok:

:

نفسه ؟

سالم الزهران

21-09-2021, 06:14 PM

كثير لكن مب كله لذيد فيه بط وبط
:
كم مرة تسوي رجيم في السنة؟

sara jsm

22-09-2021, 09:54 AM

غالباً مرة في رمضان ..

:

نفسه ؟

سالم الزهران

24-09-2021, 08:51 AM

كل السنة شبه رجيم
:
اذكر حدث اسلامي مهم وقع يوم الجمعة؟

sara jsm

25-09-2021, 12:42 PM

مب متاكدة بس يمكن خطبه الوداع ..

:

س / شنو اليوم اللي انولدت فيه ( اليوم مش التاريخ )

سالم الزهران

25-09-2021, 02:09 PM

يوم الجمعة الساعة احدعش الصباح
:
نفس السؤال

sara jsm

25-09-2021, 02:31 PM

عيل انت اهم حدث اسلامي صار يوم الجمعه :nice:
انا انولدت يوم الاربعاء :o

:

س/ اخر شي شريته ؟

سالم الزهران

25-09-2021, 05:16 PM

مكانس للحوش
:
نفس السؤال

ya3coub

25-09-2021, 08:34 PM

مكانس للحوش
:
نفس السؤال

صابون للغسالة

نفسه

sara jsm

26-09-2021, 10:36 AM

فطاير ..

:

س / هل تتابع الانتخابات الحاليه ؟

ya3coub

26-09-2021, 06:50 PM

فطاير ..

:

س / هل تتابع الانتخابات الحاليه ؟

لا

نفسه

سالم الزهران

26-09-2021, 07:44 PM

ابداََ ما احب اي انتخابات ولا اتابع
:
كم عدد وصفات البيض اللي تعرف تسويها؟

sara jsm

28-09-2021, 10:52 PM

وايد .. :)
اومليت .. اسكرمبل .. آيسز .. بويلنق :tooth:

:

س/ اكثر نوع حيوان تحب تاكله .. ؟

ya3coub

28-09-2021, 10:53 PM

وايد .. :)
اومليت .. اسكرمبل .. آيسز .. بويلنق :tooth:

:

س/ اكثر نوع حيوان تحب تاكله .. ؟

البط

نفسه

سالم الزهران

29-09-2021, 09:19 AM

مش معقول يا يعقوب :)
،
بالنسبة لي أحب السمچ و الغنم
:
أول قلم ماركة حصلت عليه؟

sara jsm

29-09-2021, 03:02 PM

ماركة روكو :waiting:

:

نفسه ؟

سالم الزهران

30-09-2021, 01:53 PM

طقم باركر لونه أخضر من القديم أيام الابتدائي
:
شنو مشروبك البارد المفضل؟

ya3coub

03-10-2021, 05:26 PM

طقم باركر لونه أخضر من القديم أيام الابتدائي
:
شنو مشروبك البارد المفضل؟

اي شي لونه ازرق و ما يحتوي على المحرمات

نفسه

sara jsm

03-10-2021, 05:36 PM

كولا زيرووو بارد يسرسح :ok:

:

س/ اكتب لي بيت شعر تعبر عن حالتك النفسيه في هالدقيقه ..

بوNasser

03-10-2021, 10:07 PM

كولا زيرووو بارد يسرسح :ok:

:

س/ اكتب لي بيت شعر تعبر عن حالتك النفسيه في هالدقيقه ..

من يوم ما سرق البساط والحاله كسيفه

من انتم؟؟

sara jsm

04-10-2021, 09:36 AM

انا المشتاق الذي لا ينسى .. وهو الغائب الذي لا يحضر ..
(محمود درويش)

:
س/ قصيدة مدرسيه مازالت عالقة بذهنك الى اليوم ؟

سالم الزهران

04-10-2021, 01:50 PM

سأحمل روحي على راحتي،، للشاعر الفلسطيني عبدالرحيم محمود.. كانت بمنهج المدرسة
:
نفس السؤال

sara jsm

04-10-2021, 08:24 PM

أنا الفتاة المسلمة .. مصونه مكرمة
عفيفه محتشمه .. أنال كل مكرمة

:

س / كم وجبة تاكل باليوم ؟ :nop:

سالم الزهران

05-10-2021, 01:44 PM

وجبتين
:
نفسه

ya3coub

06-10-2021, 11:02 AM

وجبتين
:
نفسه

كثر ما اشتهي تقريبا اربع وجبات

نفسه

sara jsm

06-10-2021, 02:59 PM

ثلاث وجبات ويمكن عشر سناكات :oops:

:

س/ اكثر اكله تحبها بالشتاء ؟

سالم الزهران

06-10-2021, 06:12 PM

الخبز الجمري والاطباق الشعبية شتا ولا صيف سيم
:
نفس السؤال

sara jsm

07-10-2021, 01:10 PM

الاكل الباكستاني والصوالين السبايسي :ok2:

:

س/ شنو جدول الخميس ؟

سالم الزهران

07-10-2021, 03:31 PM

تضبيط الحوش
:
نفس السؤال

sara jsm

09-10-2021, 08:02 PM

ابد كان معرض بروجكت ولعب ورق :looking:

:

س / كم نظرك من سته ؟

سالم الزهران

12-10-2021, 05:51 PM

مدري لكن مش ستة على ستة
:
صوت البردي وشكله شلون يؤثر فيك؟

sara jsm

12-10-2021, 10:36 PM

ولاشي .. مااذكره من زمان ماشفته ..
لكن المطر يخلي قلبي يفز .. فزه عشق وفرحة عاشق .. :app2:

:

نفسه ؟

ya3coub

12-10-2021, 10:41 PM

احبه بس اخاف على سياراتي اذا فمكان كاشتين غير احب اشوفه

و احس بالدفى و اتعوذ من غضب الله لما يكسر المواتر و يكون فيه اذى

نفسه

سالم الزهران

13-10-2021, 07:13 AM

البردي شيء مفاحئ ،سبحان الله ولا يمكن التنبؤ به، لذلك إذا نزل غالباََ يكون بداية موسم قوي.
:
كم مرة زرت سلطنة عمان الشقيقة؟

sara jsm

13-10-2021, 11:33 PM

ولا مرة :/

:

س / عندك اعداء بحياتك ؟ وشنو سبب العداوه ؟

دااانة قطر

14-10-2021, 12:04 PM

أول شي اشتقت للمكااان

س / عندك اعداء بحياتك ؟ وشنو سبب العداوه ؟
ماتوقع توصل لكلمة أعداء
الله أعلم

نفس الشؤال

سالم الزهران

15-10-2021, 06:01 AM

الأعداء موجودين وأي مطبل أو متزلف اعتبره عدو للنظام وللمجتمع.
:
هل للقهوة السوداء (أمريكي، تركي.. الخ) أضرار؟

sara jsm

15-10-2021, 06:55 PM

اي .. تسود القلب :p

:

س/ هل للحب اضرار. ؟

سالم الزهران

16-10-2021, 01:26 PM

لا ابداََ ماله اضرار، الحب للعاقل يهذبه وللمينون يعذبه (الكل مستفيد).
:
كم مرة لدغتك نحلة أو دبور؟

sara jsm

16-10-2021, 02:14 PM

لا ابداََ ماله اضرار، الحب للعاقل يهذبه وللمينون يعذبه (الكل مستفيد).
:
كم مرة لدغتك نحلة أو دبور؟

الله :o كلام حلوو
:
امممم اللي اتذكره مرتين بس ماادري اذا في اكثر ..

:

س/ نفسه

sara jsm

27-10-2021, 09:19 AM

س/ شخصية مشهورة يشبهونك فيها ؟ ( كـ شكل )

ya3coub

27-10-2021, 10:04 AM

س/ شخصية مشهورة يشبهونك فيها ؟ ( كـ شكل )

كشكل محد [emoji1787][emoji1787][emoji2359][emoji13]
قبل كانو يشبهوني بالشقيري

فشخصية او كلام مع الشباب و النصايح علي نجم

معني لا اشوفني هذا ولا ذاك

نفسه

سالم الزهران

29-10-2021, 03:24 PM

محد
:
هل تفضل تقدم هدية او مبلغ لشخص يعز عليك؟

sara jsm

30-10-2021, 11:10 AM

اذا يعز علي وادري ان المبلغ بيفيده باعطيه مبلغ ..
ام اذا مب قاصره شي فممكن هديه عطور او بخور او ذهب ..

:

س / أكثر قهوة تضبطها ؟

سالم الزهران

30-10-2021, 01:35 PM

القهوة العربية، الضبط يبدأ من مشترى المكونات.. البن والهيل الخ
:
نفس السؤال

sara jsm

30-10-2021, 05:05 PM

ولا قهوة للاسف :pic:

:

س / كم نسبة الرضا في حياتك الحاليه .. ؟

سالم الزهران

30-10-2021, 05:40 PM

نحمد الله نسبة رضى كبيرة رغم كل الازمات
:
نفس السؤال

ya3coub

30-10-2021, 06:13 PM

نحمد الله نسبة رضى كبيرة رغم كل الازمات
:
نفس السؤال

اعلى من قبل الحمد الله و نطمح للمزيد ان شاء الله تعالى

نفسه

sara jsm

31-10-2021, 09:46 AM

الحمدلله سبعين بالمية ..

:

س / رائحة الحطب المحترق بشنو يذكرك ؟

سالم الزهران

31-10-2021, 10:45 AM

تذكرني بيتنا القديم فالحطب كان أساسي وخبز التنور بعد أيام تركتنا لكنها لا تنسى.
:
نفس السؤال

sara jsm

01-11-2021, 10:09 AM

نفسك يابوزيد .. ريحة الحطب تذكرني بريحة الخبز الفررررش ..
ريحة براد الصبح في القرى .. :yes: تذكرت وايد اشياء ..

:

س / اول شي جذبك في هالمنتدى ؟

سعود.

01-11-2021, 11:30 AM

مواضيع البناء omen كنت ادخل بدون تسجيل اتعلم واقرى معلومات بعدها تعمقت وسجلت ولازلت احب متابعة قسم البناء .

نفس السؤال

سالم الزهران

01-11-2021, 11:43 AM

الصراحة دشيت تصفحت منتديات اهل قطر كانت اول زيارة للمنتديات لكن ما عجبتني ولا اشتركت فيها ولا اذكر السبب يجوز التسجيل كان صعب، نفس منتديات سبلة عمان.

لكن هذا المنتدى كان سهل و واضح.. وكانت المواضيع كلها تجذب دون استثناء.
:
نفس السؤال

sara jsm

01-11-2021, 09:12 PM

اشلون كان سهل :looking: انا تميت سنتين بعضويه مشتركة لين طلعت لي ايميل حكومي .. :thumbdown:

:

اكثر شي جذبني في هالمنتدى ان تقريبا كل سكان قطر اعضاء فيه ..
من رياضيين واعلاميين ومناصب كبيره تحت اسماء مستعاره :pic: فالمكان كان يشووق ..

:

س / هوايه عندك لكن ماتمارسها ؟

سالم الزهران

05-11-2021, 05:15 AM

كثير هوايات موقفه، ووقتنا صار كله للطلاب
:
نفس السؤال

ya3coub

08-11-2021, 01:34 PM

التجذيف،
المشي، تسلق الجبال، تعديل السيارات.

نفسه

سالم الزهران

09-11-2021, 01:40 PM

جاوبت قبل
سؤال اليوم، ممثل/ممثلة تحب الأدوار اللي يمثلها في المسلسلات؟

SouthK

09-11-2021, 01:53 PM

جاوبت قبل
سؤال اليوم، ممثل/ممثلة تحب الأدوار اللي يمثلها في المسلسلات؟

مات ليبلانك المعروف ب Joey !
نفسه

سالم الزهران

09-11-2021, 06:17 PM

عبدالله غيث في أدوار الفروسية / العمودية الخ
:
نفس السؤال

سالم الزهران

12-11-2021, 06:03 AM

سؤال اليوم، شنو النشاط اللي ممكن يساعدك في التخلص من التوتر أو يمنحك الهدوء؟

sara jsm

12-11-2021, 01:11 PM

غالبا المشي لمسافات طويله لوحدي ..
او كوب شاي في الحوش وايضاً لوحدي ..

:

نفسه ؟

سالم الزهران

13-11-2021, 05:18 AM

اي شغلة ممكن الزراعة في الحوش،. التجييك على السيارة.. الخ
:
قدامك ثلاث طيارات يروحون للصين، إيران و الهند؛ وين بتروح؟ ولماذا؟

sara jsm

13-11-2021, 10:16 PM

طبعا الهند .. خاطري اجرب اكل الشوارع عندهم :tooth:

:

لو خيروك بثلاث وسائل نقل تسافر فيهم ( سيارة - قطار - باخرة ) شنو تختار ولماذا ؟

سالم الزهران

14-11-2021, 10:46 AM

سيارة اكيد لاني بيكون لي مطلق الحرية
:
كم تكلفة أول جهاز حاسوب شريته؟

ya3coub

14-11-2021, 11:06 AM

سيارة اكيد لاني بيكون لي مطلق الحرية
:
كم تكلفة أول جهاز حاسوب شريته؟

ما شريته كان من الوالدة بقيمة 9000 ريال قطري الا شوية سنه 1996 وقتها كان الميبلغ كبير بالرواتب كان بينتيوم Pro قبل حتى pentium 2 فووووق اللممتاز و من الامارات كان جدييييد توه واصلهم.

اول حاسب شريته من فلوسي و راتبي كان iMac 24” سنه 2007 شهر ديسمبر وصل قطر بقيمة 18 الف ريال عقب الخصم

و منها الى الان وانا مبلي باجهزة الحاسب

نفسه

sara jsm

14-11-2021, 05:38 PM

18 الف :waiting: ليكون مطلي ذهب ..
السعر عور قلبي هههههه الله يسامحك ..
اول جهاز لي ايسر سنه 2008 سعره يمكن الفين ونص ..
والثاني اتش بي سنه 2013 وسعره 3000 ومازلت استخدمة :shy:

:

س / شي تفكر فيه قبل النوم يومياً ؟

سالم الزهران

15-11-2021, 05:42 AM

ما افكر لان النودة تجي بسرعة، بس قولي شنو تفكر فيه أول ما تصحى.. اعلمك.
:
نفس السؤال

ya3coub

15-11-2021, 08:29 AM

ما افكر لان النودة تجي بسرعة، بس قولي شنو تفكر فيه أول ما تصحى.. اعلمك.
:
نفس السؤال

الدوام، مكان الارض، السلفيات، سياراتي، مستقبلي او اشلون بكون كأب (لما اوصل اهني انام)

اول شي تفكر فيه لما تصحى من النوم؟

سالم الزهران

15-11-2021, 09:18 AM

الريوووووق ، وعقبه حال هالشباب ضحايا الانظمة والبنوك والعادات اللي تغيرت.
:
نفس السؤال؟

sara jsm

15-11-2021, 10:21 PM

الصلاة .. وعقب شبسوي لهم ريوق ..

:

س / هل تحب تتعرف على الناس اللي خلف الشاشات ؟
ولا تحب هذا الغموض والعالم الافتراضي اللي تعيشه معاهم ؟

SouthK

16-11-2021, 07:35 AM

الصلاة .. وعقب شبسوي لهم ريوق ..

:

س / هل تحب تتعرف على الناس اللي خلف الشاشات ؟
ولا تحب هذا الغموض والعالم الافتراضي اللي تعيشه معاهم ؟

تواصلت مع مجموعة من الناس اللي كنت اعرفهم خلف الشااشة و اتضح مدى نفاقهم و تغطيتهم لشخصياتهم الحقيقية .. الافضل التعرف من خلف الشاشات!
نفسه

سالم الزهران

16-11-2021, 09:27 AM

ليس من رأى كمن سمع، فطبيعي يختلف حكمنا على الناس.
:
تذكرتين الى كازا بنفس السعر، كل وحدة على خطوط مختلفة (الزبدة تسافر على ناقلك الوطني او على المغربية)؟

Dana’1

16-11-2021, 10:26 AM

الناقل الوطني

نفسه

سالم الزهران

16-11-2021, 05:55 PM

انا ضيف بروح مع المضيف، راعي الديرة اللي بروح لها
:
أهم وجبة عندك؟

ya3coub

16-11-2021, 06:08 PM

انا ضيف بروح مع المضيف، راعي الديرة اللي بروح لها
:
أهم وجبة عندك؟

مافي اهم متى ما جا فبالي كليت

نفسه

سالم الزهران

16-11-2021, 08:02 PM

الريوق
:
نفس السؤال

sara jsm

16-11-2021, 08:04 PM

كل الوجبات :shy: مااحب افرق بينهم :tooth:

:

س/ اخر مرة زرت طبيب الاسنان ؟

سالم الزهران

16-11-2021, 08:24 PM

طبيبة اسنان قبل شهرين، ولن اكرر التجربة
:
نفس السؤال

SouthK

17-11-2021, 02:12 PM

بين نهاية حرب البسوس و 2017 ميلادي ... يعني من زمان!!!
نفسه

sara jsm

17-11-2021, 02:26 PM

اممم تقريبا قبل شهر .. بشكل دوري كل ست شهور لازم اروح ..

:

س / مكان جديد في قطر مارحته وودك تروحه ؟

ya3coub

17-11-2021, 02:56 PM

اممم تقريبا قبل شهر .. بشكل دوري كل ست شهور لازم اروح ..

:

س / مكان جديد في قطر مارحته وودك تروحه ؟

المنتجع اللي فالرويس ناسي اسمه زلال جنه

نفسه

Dana’1

17-11-2021, 03:03 PM

كثير هي الأماكن اللي مارحت لها .. و بس يجي الوقت المناسب بروح لها بإذن الله

ماهي أفكارك عن الموت؟

سالم الزهران

17-11-2021, 06:56 PM

قدر الله سبحانه ودليل على قدرته، مثل ما هو الخلق عجيب فالموت عجيب، والدار الآخرة خيرٌ وأبقى (رحم الله كل الزملاء وكل الاخوات وجمعهم بنبيهم في جنات النعيم).
:
لو انا مصري شبيكون اسمي؟ لو انت مصري شبيكون اسمك (توقعاتكم)؟

ya3coub

17-11-2021, 07:33 PM

SouthK

18-11-2021, 10:49 AM

زيكو و حمادة

مادري والله بس احد الاسامي الدارجة عندهم يمكن.

نفسه

اما عن اسمك فأتوقع سامح أو صبحي. أما عن اسمي فأتوقع عبد الصمد (< ما ادري ليش بس هذا اول اسم جا على بالي)

نفسه

ya3coub

18-11-2021, 10:51 AM

اما عن اسمك فأتوقع سامح أو صبحي. أما عن اسمي فأتوقع عبد الصمد (< ما ادري ليش بس هذا اول اسم جا على بالي)

نفسه

جاوبته

اكثر شي يضايقك فالسواقة؟

سالم الزهران

18-11-2021, 10:54 AM

اللي اذا شافني غلطت في مدخل او لفه يناحسني، او يهرن بشكل متواصل. ودي امصع اذنه
:
نفس السؤال

SouthK

18-11-2021, 10:55 AM

جاوبته

اكثر شي يضايقك فالسواقة؟
واااايد .. عندنا صار اي شخص ياخذ رخصة و اللي صارت سهلة و متاحة .. أيام قبل الاختبار كان فيه صعوبة أما الحين فأسهل من اختبار الانجليزي (< الحبيب انجليزي معرّب)
نفسه

sara jsm

18-11-2021, 05:39 PM

الانتحاريين اللي يطيرون عالخطوط طارت بركتهم ان شاءالله ..
يسون لي ربكة وتوتر كبير ..

:

س / شاللي تحبه اكثر .. شاي جمر ولا شاي حطب ؟

سالم الزهران

18-11-2021, 06:40 PM

كلهم زينين، اهم شيء يكون شاي نثري مب اكياس أو مسحوق.
؛
نفس السؤال

Dana’1

19-11-2021, 12:28 AM

الحطب إذا جمَّر.. بس يبغاله مزاج مو يترك الغوري بالساعات عالجمر .. كم دقيقه و ارفعة على جنب يخدر

نفسة

سالم الزهران

20-11-2021, 06:43 AM

جاوبت قبل
:
ما رأيك في (مسواك الأراك) ؟

sara jsm

20-11-2021, 04:08 PM

انا مااحب استخدمة لكني حاليا استخدم فرشاة مصنوعة من الاراك .. :shy:

:

س / نفسه

سالم الزهران

20-11-2021, 04:39 PM

افضل شيء لصحة الفم ومهم جداََ ولا ينلقى الزين منه مع الأسف
:
كم صار لك ما طلعت بحر؟

ya3coub

20-11-2021, 05:21 PM

افضل شيء لصحة الفم ومهم جداََ ولا ينلقى الزين منه مع الأسف
:
كم صار لك ما طلعت بحر؟

اسبوع

نفسه

سالم الزهران

21-11-2021, 05:17 AM

ما أذكر يجوز سنة ويمكن أكثر
:
آخر بلد زرتها؟

Dana’1

21-11-2021, 05:46 AM

زرت بلادي المملكة العربيه السعوديه

نفسه

ya3coub

21-11-2021, 06:17 AM

زرت بلادي المملكة العربيه السعوديه

نفسه

سويسرا و ما جاورها

نفسه

SouthK

21-11-2021, 07:49 AM

سويسرا و ما جاورها

نفسه

الكويت
نفسه

سالم الزهران

21-11-2021, 11:29 AM

تركيا
:
اخر دولتين خطروا على بالك انك تبي تزورهم؟

sara jsm

21-11-2021, 01:20 PM

الهند ومصر ..

:

س / من المسؤول عن نوبات الحنين ..
هل العقل ام القلب ؟

سالم الزهران

23-11-2021, 04:29 AM

العقل لا يحتفظ بالأشياء، هذا شغل القلب.
:
مقارنة بالسنوات الفائتة، هل زاد الطلب على خدم البيوت أو نقص؟

sara jsm

23-11-2021, 04:47 PM

والله مااعرف بهالمجال وايد .. لكنه شر يدخل البيوت ..

:

س / لما تقابل شخص في وجهك حبيب وفي ظهرك خبيث ويتكلم عنك .. تبين له انك تعرف عن سواد وجهه ولا لا :ok:

سالم الزهران

23-11-2021, 06:36 PM

ما اظن أحد يلعب هالدور معي، انا لو يجلس معي أبكم بيتكلم من كثر الحنة، الله يغفر لنا ولا يؤاخذنا بما تقوله السنتنا.
:
نفس السؤال

sara jsm

23-11-2021, 09:24 PM

هههههههههههه بااااال طلعت حنّان يابوزيد .. الله لا يجمعنا بمجلس :taunt:
:
انا عن نفسي ابين له .. لاني اكره النفاق واللي اكرهه يدري اني اكرهه من اول لقاء ..
مااعرف اجامل وابتسم في وجه حد خبيث .. :shy:

:

س / أكثر صفة تحبها في الناس ؟ او تتمناها بكل الناس ؟

Dana’1

23-11-2021, 10:28 PM

السماحه
نفسه

سالم الزهران

24-11-2021, 03:13 AM

الصدق
:
نفس السؤال

سالم الزهران

26-11-2021, 07:14 AM

الإباء وعزة النفس وابتعد اللي يتمسكن او يتحلوى
:
اذا عرفت أن المادة تؤثر في قرارات الناس أكثر من القيم والمبادئ، كيف تتعامل معهم؟

Dana’1

26-11-2021, 11:21 AM

حسب مكانك مثلا إذا حاكم أشتر ودهم وعطهم زيادات عشان يحبونك بمميزاتك و عيوبك.
إذا مدير عط الموظفين زياده لو بسيطه
حتى إذا رب أسره و عندكم خدم من عامله و سايق تقدر تقنعهم
يأجلون سفرتهم أو غيرها عن طريق زياده راتبهم لو خمسين ريال

يعني سايسهم اللي عندك بالمال
مو لازم تنتظر ثوره كحاكم
مو لازم يهربون الموظفين من مكان عمل حكومي أو خاص عشان زياده يشوفونها مستحقه
او الخ
كذالك الخدم زيدهم المبلغ البسيط عشان ما يهرب أو يدور غيرك

طبعا كل هذي حلول في حال أنت حبيت تختارها
لكن إذا تقدر تعالج الأمور بدون مسايس مادي ممكن

حسب شخصية اللي قدامك ..وحسب شخصيتك و مدى حاجتك له

هذا اللي نشوفه و حاصل*
نفسه

sara jsm

26-11-2021, 10:52 PM

اذا وصلت للقيم والمبادىء يعني هالفئة من عبده الدرهم والدينار ..
الصراحة مااتعامل معاهم .. اقطع علاقتي عالاخر .. لان هالفئة ماتشبع ..

:

س/ تاريخ ودك يرجع ؟ يوم واحد فقط

سالم الزهران

27-11-2021, 06:55 AM

ابغي سنة 2000 كاملة
:
نفس السؤال

sara jsm

27-11-2021, 01:17 PM

30-06-2020 يوم الثلاثاء ..

:

س / أجمل هدية وصلتك هالسنة ؟

SouthK

28-11-2021, 07:43 AM

30-06-2020 يوم الثلاثاء ..

:

س / أجمل هدية وصلتك هالسنة ؟

يعني وشو هدية؟؟؟؟؟
نفسه!

سالم الزهران

28-11-2021, 07:44 AM

ما افتكر، ماميش
:
هل تستخدم الضمان لو اختربت السلعة في فترة الضمان؟

SouthK

28-11-2021, 07:55 AM

ما افتكر، ماميش
:
هل تستخدم الضمان لو اختربت السلعة في فترة الضمان؟

افا عليك .. احللّ الضمان و المحل و راعيه و الشركة المنتجة!!
نفسه

sara jsm

28-11-2021, 09:40 AM

مكيف / ثلاجة / بيبان ..الخ … الاشياء الكبيرة اي ..
اما التناتيف الصغيرة اقطه واخذ بداله جديد ابرك واسرع من الضمان :strong

:

س / افضل شركة تلفزيونات عندك ؟

SouthK

28-11-2021, 09:55 AM

مكيف / ثلاجة / بيبان ..الخ … الاشياء الكبيرة اي ..
اما التناتيف الصغيرة اقطه واخذ بداله جديد ابرك واسرع من الضمان :strong

:

س / افضل شركة تلفزيونات عندك ؟

استخدم سوني لجودتها لكن الوظيفية ارجح منتجات شركة lg .. مع التطور اشوف شركات مختلفة تطرح تقنيات غير متوفرة في جميع التلفزيونات لذا التفضيل القادم مجهول حتى الساعة!
نفسه!

sara jsm

29-11-2021, 03:30 PM

سامسونج ..

:

س/ أكثر ألم جسدي صعب تتحمله ( صداع ، اسنان ، أذن … الخ )

سالم الزهران

29-11-2021, 07:20 PM

الله يعافي الجميع، الانسان مافيه شيء المه خفيف، وبالنسبة لي الام الباطنية من قولون ومعدة هي اتعب شيء.. والله يلهمنا شكر نعمه واعظمها بعد الاسلام الصحة والعافية
:
كم مرة تبرعت بدم؟

سالم الزهران

29-11-2021, 07:21 PM

SouthK

30-11-2021, 08:18 AM

الله يعافي الجميع، الانسان مافيه شيء المه خفيف، وبالنسبة لي الام الباطنية من قولون ومعدة هي اتعب شيء.. والله يلهمنا شكر نعمه واعظمها بعد الاسلام الصحة والعافية
:
كم مرة تبرعت بدم؟

و لا مرة و ما عاد في نية تبرّع!
نفسه

سالم الزهران

30-11-2021, 04:05 PM

هههه كانوا يعطون المتبرع يومين استراحة
تمن يمي ودي اتبرع هذا الشهر)
:
هل مر عليك ورد من اللي في المحلات يكون خنين؟

sara jsm

01-12-2021, 04:48 PM

الـ لي لي .. هو الوحيد اللي شكل ولون ..
الباقي بس شكل ..

:

س / حضرت افتتاح كاس العرب امس ؟ مباشر او تلفزيون ؟

سالم الزهران

01-12-2021, 05:31 PM

لا هيك ولا هيك ولا ابي سيرتها
:
نفس السؤال

SouthK

02-12-2021, 09:03 AM

لا هيك ولا هيك ولا ابي سيرتها
:
نفس السؤال

ما اتابع اي أحداث ما وراها فلوس لي و لا فايدة!
نفسه

سالم الزهران

02-12-2021, 12:00 PM

جاوبت قبل
:
هل تعرف فائدة عصر ليمون مع الماء على في الصباح؟

sara jsm

02-12-2021, 12:05 PM

يسوي حموضة :yes:

:

س/ هل تؤمن بالطب الشعبي ؟

SouthK

02-12-2021, 01:15 PM

يسوي حموضة :yes:

:

س/ هل تؤمن بالطب الشعبي ؟

هناك ممارسات شعبية تكون نافعة و ممكن الاخذ بها .. فالاجابة نعم.
نفسه

Dana’1

02-12-2021, 01:56 PM

نعم
نفسه

سالم الزهران

02-12-2021, 08:56 PM

نعم، الجلطات علاجها الكي عند اهله اللي يعرفون له (مثلاََ)
:
ما هو اول استاد رياضي دخلته؟

ya3coub

03-12-2021, 10:19 AM

نعم، الجلطات علاجها الكي عند اهله اللي يعرفون له (مثلاََ)
:
ما هو اول استاد رياضي دخلته؟

استاد خليفه فالتسعينات

نفسه

سالم الزهران

03-12-2021, 06:19 PM

استاد الموردة في السودان، وطلعت بعد عشر دقايق
:
هل لازلت تحمل بوك/محفظة نقود؟

sara jsm

03-12-2021, 07:10 PM

امممم احمل بوك بس مب محفظة فلوس ..
محفظة كروت :telephone: الفلوس منثرتهم بالشنطة ..

:

س / نفسه ..

SouthK

05-12-2021, 09:38 AM

امممم احمل بوك بس مب محفظة فلوس ..
محفظة كروت :telephone: الفلوس منثرتهم بالشنطة ..

:

س / نفسه ..

لازلنا متمسكين بتقنيات قديمة لانها عملية!
نفسه

sara jsm

05-12-2021, 03:38 PM

جاوبت …

:

س / أفضل وقت للسويت عندك ؟

ya3coub

05-12-2021, 06:34 PM

جاوبت …

:

س / أفضل وقت للسويت عندك ؟

متى ما يجي بخاطري

نفسه؟

سالم الزهران

06-12-2021, 09:23 PM

ما افضله ولكن حزته العصر و يكون مسوى في البيت
:
اول ساعة يد حصلت عليها؟

SouthK

07-12-2021, 08:27 AM

ما افضله ولكن حزته العصر و يكون مسوى في البيت
:
اول ساعة يد حصلت عليها؟

كاسيو!
نفسه!

سالم الزهران

07-12-2021, 01:03 PM

ما اتذكر نوعها لكن ساعة جلد سوداء واللوحة دائرية بيضاء.
:
أسوء برنامج في حزمة الاوفس؟

SouthK

07-12-2021, 02:37 PM

ما اتذكر نوعها لكن ساعة جلد سوداء واللوحة دائرية بيضاء.
:
أسوء برنامج في حزمة الاوفس؟

سؤال عمييييق .. تحمل لا تغرق!
أسوأ برنامج في حزمة اوفس هو الاوتلوك!
نفسه

ya3coub

07-12-2021, 02:53 PM

سؤال عمييييق .. تحمل لا تغرق!
أسوأ برنامج في حزمة اوفس هو الاوتلوك!
نفسه

اتفق و بقوة و مشتاق له الFront Page

نفسه

سالم الزهران

07-12-2021, 03:52 PM

كثير برامج طايح حظها منها اللي ذكرتم ومعه الاكسيس والاكسل
:
نفس السؤال

sara jsm

08-12-2021, 01:05 PM

أحبهم كلهم :ok: من تتعلم عليهم راح تتمكن منهم ..

:

س / آخر ايميل وصلك من من ؟

سالم الزهران

08-12-2021, 08:33 PM

رسالة تحقق من جي ميل
:
نفس السؤال

SouthK

09-12-2021, 09:16 AM

رسالة تحقق من جي ميل
:
نفس السؤال

ايميل الدوام وصل اليوم نعي ابو موظفة عندنا .. لنا و لكم طول العمر و الصحة و العافية.

الايميل الشخصي وصلتني رسالة من شركة طلبت منها اغراض للسيارة.

نفسه.

sara jsm

09-12-2021, 10:54 AM

من شركة آبل عشان اشتراك احد التطبيقات ..

:

س/ أكثر فعاليه حابها هالفترة وناوي تروحها ؟

سالم الزهران

09-12-2021, 11:57 AM

ماميش فعاليات.. هالوقت وقت بر وركوب خيل و وناسة
:
نفس السؤال

SouthK

09-12-2021, 12:46 PM

ماميش فعاليات.. هالوقت وقت بر وركوب خيل و وناسة
:
نفس السؤال

فعالية تتكرر كل اسبوع .. نوم يوم الخميس لتعويض تعب الاسبوع!
نفس السؤال.

sara jsm

09-12-2021, 03:17 PM

مافهمتوا سؤالي .. كنت اقصد الفعاليات والمهرجانات اللي في الدولة ..
من معرض الزهور سوق واقف ولا المحامل في كتارا ولا للي بمشيرب ولا مهرجان الاغذيه بالكورنيش…. الخ هذا اللي اقصده ..

اما بالنسبه لي فـ اكيد كاس العرب رقم 1 رغم انه جاء حزه الامتحانات :(

:

نفسه