يوتيوبيات البناء .. مقاطع تثقيفية متجددة

[معماري قطري]

ماشالله مشروع جميل جداً .. هذا دور التصميم الداخلي يجمع كل تفاصيل التشطيب عشان تخلق جو متناغم harmony


جمال النعلات العالية حتى مع الحجم الصغير للمساحات


والدرايش بالطريقة هذي انها تكون مستطيلة و الديزاين عليها أفضل و توفر أكثر من لو كانت تتركب على الديزاين

من يومين شرح هالشي العتيبي (فني ابواب ونوافذ) في سنابه

كنت بعلق عليها لكن تركت الصورة للكل .. من قطعتين وخشبية باللون الأبيض .. حتى الفريمات باللون الأبيض للأبواب والأبواب بلون بني غامق .. فيه اتصال بين الفريمات والنعلات

يمكن يعيبها اللون يتوصخ بسرعة وأي ضربة تبين فيه ووقت غسيل الأرضيات ممكن الماي يخرب الخشب .. أكيد تتطلب عناية ويفترض رافعينها 2 أو 3 ملم وحاطين خط سيليكون بنفس اللون في التقاء النعلة بالأرضية لحمايتها من الماي

بالنسبة للدرايش وضحي اختي تعليقج ولو تحطين مقطع العتيبي بعد أفضل .. رأيي انا انها كان ممكن تكون بفريمات أقل عرض وانفتاح أكبر .. طبعاً زين وايد انهم سووها مفتوحة بدون تظليل أو تعتيم حتى تكون الرؤية الخارجية مفتوحة

تحمست حق تصميمي بس بنفس الوقت المنطقة مب عاجبتني .. شوارع مؤقتة والخدمات ما اكتملت خصوصاً الصرف الصحي .. وتوجد أرض كبيرة من المتوقع تكون سوق مقابل بيتي وهذي مشكلة كبيرة لو سووه مثل الشوارع التجارية المعروفة .. شارع الخدمات يخدم البيوت ويخدم أبواب المحلات الخلفية وكشرتهم

[معماري قطري]

عاد تدرين اختي سويت بسعر الفلل كم؟

الوحدة بمساحة 500 متر اعتقد للأرض وبسعر 6.5 مليون ريال واللي حاب يعرف تفاصيل يقرأ التعليقات أسفل الفيديو

[معماري قطري]

نموذج من الشغل الرخيص واللي ينفع حق مزارع أو مباني رخيصة أو زرايب .. مع ملاحظة بعض العمال ممكن يغشون صاحب البناء عندنا بهذي الطريقة وهو بنفسه ذكر إن المفروض تركيب حديد وزوايا بين الطابوق والعمود .. والمفروض كذلك ما يبدون في تركيب الطابوق الا بعد صب السقف .. حتى تركيب الطوب سيء للغاية

[معماري قطري]

كثير يتسائلون عن شغل رصف الحوش .. هذا مثال ببساطة الخرسانة أقوى وأفضل وتعمر .. حتى الحديد قليل أقل ما يمكن وانا ذكرت اني مسوي بيتي بدون حديد مقوى بفايبر بس ويطلع أوفر من الحديد وأضمن ما يتكسر ويصدي الحديد

[معماري قطري]

طبعاً الرصف يجي مع تصميم الحديقة وأحسن نحفر للأحواض ونحميها بطابوق من الأطراف وعزل جيد .. نركز على عمل مداخل للسيارات وفي بعض الأوقات يكون وقوف السيارة قرب الباب ولا نحتاج نسوي أرضية قوية حول البيت .. مهم نسوي أرضية قريبة من الحوائط لحمايتها من الرطوبة .. ومهم نسوي خط فاصل أسفل الحوائط في الحجر أو البلاستر .. هذا يستحسن نعبيه بشوية سيليكون لأن السيليكون طارد للرطوبة .. في بعض الدول كثيرة المطر يستعملون قطع معدنية حتى تكون فاصل يمنع وصول الرطوبة لزاوية التقاء الجدار بالأرضية

[sweet qatar]

عاد تدرين اختي سويت بسعر الفلل كم؟

الوحدة بمساحة 500 متر اعتقد للأرض وبسعر 6.5 مليون ريال واللي حاب يعرف تفاصيل يقرأ التعليقات أسفل الفيديو

غالية بس يمكن استخدموا مواد التشطيب high end

التنفيذ في التصوير نظيف اكيد العمالة مب رخيصة و ما نعرف نوع نظام التكييف

تفضل اخوي موقع الشركة المصممة وتقدر تشوف فيه الفلوربلان لكل الادوار

http://www.maskanarabia.com/المشاريع/tabid/112/ProjectID/17/language/ar-SA/Default.aspx

بعض الردود غير عقلانية من الي عابوا على التصميم انه مستغل مساحة الارض بالكامل و بدون حوش عشان يبنون لعيالهم عقب ملاحق !!

والعقلية هذي اشوفها منتشرة عندنا

بتسكن بيت 500 الى 1000 متر مب معناه تموت فيه لكم العمر الطويل


بعد كم سنة لما تتحسن اوضاعك المادية او يضيق عليكم بيعه وابني غيره ذيك الساعه عندك الخبرة والمال والوقت للمتابعه


في برنامج احبه اسمه house hunter

في هالحلقة غيروا بيتهم عشان المطبخ ضاق عليهم وعشان عيالهم بيكبرون ويبون البيت يخدمهم ويخدم ربعهم

شوف العقلية لما البيت يخدم حاجاتك بدل ما تحشر نفسك في بيت نصه للحوش الي بينترس سيارات ولا على جنب بتحط لك حشيش وكرسيين قدام السيايير كنك في استراحة

[sweet qatar]

بالنسبة للدرايش وضحي اختي تعليقج ولو تحطين مقطع العتيبي بعد أفضل .. رأيي انا انها كان ممكن تكون بفريمات أقل عرض وانفتاح أكبر .. طبعاً زين وايد انهم سووها مفتوحة بدون تظليل أو تعتيم حتى تكون الرؤية الخارجية مفتوحة

اقصد الدريشة تركب دايركت على الديزاين مثل هذي الجميلة بتزيد تكلفتها و صعوبتها

https://www.flickr.com/photos/lightbywatts/6866316883

هو لو منزله في القناة كنت بحطه بس توه من يومين متكلم في سناب ما مداه

المهم من تجربة شخصية اذا بتسوي ديزاين في الدريشة خله قدام تجويف الدريشة مثل الي في الفيديو فتكون الدرايش اما مربعه او مستطيلة

كم شركة اعتذروا عن الشغل بسبة الديزاين وصارت الخيارات محدودة والسعر اغلى غير ان صعب احط الشتر و شبك الحشرات وغيرها من الاكسسوارات

تحمست حق تصميمي بس بنفس الوقت المنطقة مب عاجبتني .. شوارع مؤقتة والخدمات ما اكتملت خصوصاً الصرف الصحي .. وتوجد أرض كبيرة من المتوقع تكون سوق مقابل بيتي وهذي مشكلة كبيرة لو سووه مثل الشوارع التجارية المعروفة .. شارع الخدمات يخدم البيوت ويخدم أبواب المحلات الخلفية وكشرتهم

اسأل في التخطيط العمراني عن الارض الي قدامكم اما الخدمات امرها هين ان شالله و يمكن تخلص قبل لا تخلص بنيان

وبعد اسال فيها عضو المنطقة في المجلس البلدي بيقولك اذا كانت في المخطط القريب

[معماري قطري]

مشكورة على التعقيب

عندي القناة واتابعها أوقات على التلفزيون في كيبل بي ان سبورت

الفلور بلانز اللي شفتها لمنازل قريبة بس تختلف عن المعروض .. صحيح أفكارها حلوة وفيها عمارة راقية ومساحات اقتصادية معقولة بس مهما كان تشطيبها وواضح إن المواد متوسطة لكن المصنعية والتركيب ممتاز .. ربح المطور فيها لا يقل عن 200% خصوصاً البنيان والمواد في هذي البلاد رخيص

[sweet qatar]

موجود مشروع القصبة في الموقع

[معماري قطري]

اقصد الدريشة تركب دايركت على الديزاين مثل هذي الجميلة بتزيد تكلفتها و صعوبتها

https://www.flickr.com/photos/lightbywatts/6866316883

هو لو منزله في القناة كنت بحطه بس توه من يومين متكلم في سناب ما مداه

المهم من تجربة شخصية اذا بتسوي ديزاين في الدريشة خله قدام تجويف الدريشة مثل الي في الفيديو فتكون الدرايش اما مربعه او مستطيلة

كم شركة اعتذروا عن الشغل بسبة الديزاين وصارت الخيارات محدودة والسعر اغلى غير ان صعب احط الشتر و شبك الحشرات وغيرها من الاكسسوارات






اسأل في التخطيط العمراني عن الارض الي قدامكم اما الخدمات امرها هين ان شالله و يمكن تخلص قبل لا تخلص بنيان

وبعد اسال فيها عضو المنطقة في المجلس البلدي بيقولك اذا كانت في المخطط القريب

سألت الأرض حكومية وبسند ملكية واحد وواضح بتكون في الغالب تجارية .. بس محد عنده الجواب وبالنسبة للخدمات سألت بعد يقولون قريب بس انا أعرف قريبهم بعيد وحتى الشوارع قصتها قصة لو بيسوون دايمة

عن الدريشة كنت متوقع قصدج وسويت لج شغلة ادري .. الموجودة أحلى وعملية أكثر لأن فيها قزاز بدون نقش مزعج للانفتاح أكثر

[معماري قطري]

موجود مشروع القصبة في الموقع

بشوفه ان شاء الله

[معماري قطري]

تركيب البلاط وضبط السلوب حق فتحة شاور في أرضية خرسانية

لاحظوا حط عازل صبغ قبل التركيب بس الصف الأخير في بلاط الحائط كان المفروض يضبطه بحيث يكون كامل على الأقل من جدام والعملية سهلة

[معماري قطري]

كمية حديد رهيبة وبتغطيها خرسانة فوق المتر مثل ما هو واضح لي .. ولقطعة أساس وحدة وما تسمى برافت فاونديشن ما ادري ليش يسمونها لبشة

المبالغة في التصاميم الانشائية مب عندنا بس لكن حولنا وحوالينا

[معماري قطري]

الحديد مهم حمايته من الرطوبة دوم مب بس المطر وسواء حديد مغلف أو عادي كذلك مهم تغطية روؤس الأعمدة وعدم تركها معرضة للهواء والرطوبة فترة طويلة

[معماري قطري]

شغل عالم ثالث