اش تنصحوني .. مورانو او طوارق او انفنتي G35كوبيه ؟؟

[RJ83]

اشرايكم ..
ابي وحده منهم .. ياليت تذكرون لي السبب عند ابداء رايكم..

انفنتي G35 كوبيه..



فولكس طوارق..



نيسان مورانو..



تحياتي لكم.. ولا تنسون تقولون لي سبب اختياركم..

[doha_vip]

في رايي الطوارق لانها عمليه وسعرها حلو ..الانفنتي صغيره وماتنفع حق شوارع الدوحه (تدري الحفر) يعني لازم تحاسب ..والموارنو شكلها حق بنات ..وبالتوفيق اخوي

[RJ83]

شكرا اخوي على ابداء رايك..
وياليت اشوف المزيد من الاراء

[bo_yousif]

ولا وحده فيهم خذ لك vx-r سعره فيه وأحسن منهم كلهم

[وطن]

انا اقول الطوارق

خصوصا ان الاودي والفوكس غيرو مديرهم وقسم الصيانه عندهم في تطور

يعني ما منهم خووف ان شاء الله

والانفنيتي مثل ما قالو لك لازم تحاسب في هالشوارع المكسرة

والمورانو مو حلوة

[حمد]

اعتقد الطوارق لاني سمعت بعد ان غيروا امور كثيره باولكاله حتى اسعار قطع الغيار يقولون عليهم خصم كبير جدا

اسأل وشوف الي يصلح لك . والشي مرتبط اساسا فيك ... حسب طريقة قيادتك للسياره ... ونوعية الطرق الي اتمر عليها دايما .

[سهم طايح]

الطوارق اكيد

أو الانفنتي الفور ويل

[البدر 8]

طوارق
سيارة ممتازة وفخمة ومريحة في الطريق
لون اسود ملكي

[cola]

يا اخوي انا سيارتي صالون ومن النوع الغالي والله وكيلك كل يوم الا طايح في حفره الا مره ضارب مطب وكله بفضل شوارعنا السنعه !!!!!!!!! تبي رايي توكل على الله وخذ الطوارق ابرك لك والله يوفقك .....وعشت

[سلمان]

ولا وحده فيهم خذ لك vx-r سعره فيه وأحسن منهم كلهم

وأنا معاك في الراي وسعره فيه اذا تبي تبيع وقطع الغيار متوفره في كل مكان

[الأختصاصي]

انصحك بالطوارق ولازم فول اوبشن علشان لما تتمشى فيه الكل يقول هذا فلان اهم شي في قطر المظاهر
يعني بالعربي اذ عندك سياره كشخه لك احترامك
لايفوتك في طوارق معروض بالاند مارك سعره بس 285،000 بالتوفيق مقدما يعطيك خيره ويكفيك شره