هذي لو في ألمانيا حتى لو ضواحي مدينة كبيرة وفيها مطار تسوى حتى 200000 دولار لكن تركيا كلش ما تنحب ولا تنبلع بالنسبة لي وفي ألمانيا تحصلها بسعر كبير ممكن 400000 يورو بالراحة
عرض للطباعة
هذي لو في ألمانيا حتى لو ضواحي مدينة كبيرة وفيها مطار تسوى حتى 200000 دولار لكن تركيا كلش ما تنحب ولا تنبلع بالنسبة لي وفي ألمانيا تحصلها بسعر كبير ممكن 400000 يورو بالراحة
تركيا ميزتها الاسلام، وقربها الجغرافي، وعادات شعبها واكلاتهم تناسبنا.
المانيا واوروبا زينة لكنها مكلفة وما فيها تداخل مع المجتمع..
تركيا يا اخي زادت اسعار العقار بسبب العراقيين خصوصاََ.. وبعدهم يجي بقية العرب.
الشقة تصلح في المدن الكبيرة والعصرية، لكن خارج المدن هذي افضل بيت مستقل.. وتبقي هذي أمنيات لأن العيال أو خلنا نكون دقيقين (الزوجة) يمكن ما تبغي تعيش خارج البلاد.
أول مرة أشوف شغل تأسيس كذا .. الشغل أكيد محسوب وزين بس استغربت من عدم وضع بسكوتات ترفع الحديد من البداية ولا فيه أي عوازل حتى لو بطبقة صبغ بيتومين على خرسانة النظافة وعلى جوانب الطابوق بتمنع تشرب ماي الخرسانة أقل شيء .. ويبين لي البنيان بيكون تحت الأرض هذا وبيرتفع فوق الله أعلم كم طابق
الجزء المدفون واللي فوق قطع أحجار كبيرة عليه شبك حديد ضعيف ومتباعد كثير هذا بينصب فوقه وبتكون ذي أرضية البيسمنت .. فيه أشياء ناقصة بالنسبة لي شلون تصريف المياه لو وجدت جوفية أو ارتفعت أو نزلت من المطر وتسربت
https://www.youtube.com/watch?v=p_Vjaskr1Q4
كلامك صح إخوي سالم تركيا اسلامية وأكلهم مناسب لنا وحلال لكن ألمانيا وايد راقية ومريحة وممكن حتى آمنة أكثر والسواقة فيها متعة والزحمة ما تكون خانقة والتنظيم الحضري مسكت .. بعدين الجالية العربية والتركية وبقية الدول الإسلامية فيها وايد ومساجدهم ومدارسهم منتشرة وكذلك مطاعمهم ومخابزهماقتباس:
المشاركة الأصلية كتبت بواسطة سالم الزهران
ألمانيا نظامها السياسي ثابت أكثر تغير حزب أو رئيس ما عندك مشكلة تركيا عادي عصابة أي وقت تسرق الدولة كلها
وفي النهاية الله أعلم والبلدين حلوين وكل بلاد فيها مميزات .. للي مثلنا سفراتهم ما تزيد عن شهر أو شهرين بالكثير سنوياً .. انا تركيا آمل بسرعة حدي اسبوعين .. للي مثلنا الفنادق والشقق المفروشة المؤجرة أفضل .. بعدين سمعت نصيحة قبل لتشتري في أي منطقة اسكن فترة طويلة وقارن وأجر لو ممكن في نفس العمارة اللي مخطط تشتري فيها
مثلك الوضع عندي ولو يحصل لهم يعيشون في المولات و100 مول جنب بعض بتحصلهم يفكرون شلون يغطون كل زاوية من زوايا ال 100 مول ولو كل مول يشبه الثانياقتباس:
المشاركة الأصلية كتبت بواسطة سالم الزهران
هذا اللي يسوي الأساسات مغربي وشغلهم معتمد على الخبرة العملية والفن والمهارة بدون حسابات وتعقيد
هنا يصبون أرضية الدرج بنوع مخلوط من السيراميك الشعبي وبدون حديد مثل ما يسوون عندنا ويتكسر بعدين بعد ما يصدي
https://www.youtube.com/watch?v=1C7aRBWa1Fg&list=RDCMUCPVaPwwZV4trEka1dZcA NeA&index=4
باحط بعدين طريقة بنيان الدرج بسريع وبدائية بعد
هذي طريقة بناء الدرج .. لاحظوا كم سمك الجسم الخرساني للدرج ومب متصل وداخل مع الطابوق مثل ما يكون في الغالب عندنا لزيادة التدعيم .. عندنا مبالغات كبيرة وخوف كأننا أوزاننا غير عن العالم وكأن الجاذبية عندنا أقوى
https://www.youtube.com/watch?v=0Cd0RMvzmQw&list=RDCMUCPVaPwwZV4trEka1dZcA NeA&index=1
بس إرتفاع العتبات مزعج 18 مب بسيط تسوي رياضة كل وقت .. مناسب للي لياقتهم زينة لكن مزعج للكبار وثقيلي الوزن وكذلك للأطفال الصغار .. يعني اللي يسوي ارتفاع 14 سم في عرض 28 سم هذا مدلع نفسه ولو قدر 13 أو 12 يكون الدلع زايد
بعض المصممين الله يهداهم يحسسونك إن حرارة الشمس ما تدخل الا من النوافذ وهذا فكر غلط 100% .. النوافذ تعتبر عنصر تحت التحكم ودرجة عزلها مهمة وأهم شيء ما تسرب هواء وغبار وتقلل الصوت المنتقل .. ثاني شيء طبقات العزل الحراري الأهم هي الستائر ونوعيتها وسمكها ولو وجد شتر .. التظليل تأثيره بسيط جداً ومال أول نقدر نقول
الأهم في العزل الحراري هي الجدران الجانبية وشرحت أهميتها مرات عديدة
https://www.youtube.com/watch?v=e9za-7uP3o4
شغل نظيف ومرتب
https://www.youtube.com/watch?v=tt3UoCYnpRA
توزيع أفضل وتصميم مدروس واستغلال أحسن للارض .. التصميم السابق ما يسوى كلش
https://www.youtube.com/watch?v=ZQtbQP5lpjk
https://www.youtube.com/watch?v=IuOEQOlDE3o
هذا مثال لبعض المشاريع المعقدة والمكلفة أكيد
من المسابقات الغريبة علي هي مسابقة بناء جدران الطابوق .. شوفوا الفن في البناء والنظافة وحتى نظافة الطابوق والنص طابوقة تجي جاهزة .. التكحيل في الأخير يترك الفجوات بين الطابوق مخطوطة بعمق معين واحد وسمك واحد وفي الغالب هذا الطابوق يبقى مكشوف عادي بدون أي بلاستر وممكن صبغ مباشر عليه
https://www.youtube.com/watch?v=zevLEPWcmpY
كلامه فيه شيء من الصحة لكن السجاد النوعية الجيدة يجي ما تعيش فيه العثة وضروري ندخل نور الشمس لو نص ساعة كل ثلاث أيام .. بعدين الباركيه بأنواعه ممكن تركيبه على أرضية إسمنتية .. بالنسبة للبلاستيك أو الفينيل أو حتى الرخام الصناعي أو ما يسمى شبيه الرخام وهو بلاستيكي توجد نوعيات تعمر ولا تنخدش بسهولة ومعامل الخدش عالي هذا يسمى ( Mohc ) موك دغري أو مقياس موك وهي مواصفة مهمة للأرضيات تبدأ من 1 للطبشور وتنتهي ب 10 للألماس وبينهم درجات يعني ممكن نحصل 1.5 .. البورسلان فيه نوعيات منه بين 5 و 8 والرخام والغرانيت بين 3 و4 وممكن الجيد منه يوصل 5 .. طبعاً يكمل أي أرضية طريقة التركيب والتفاصيل والمواد .. مثلاً بنركب سجاد لازم نختار نوعية جيدة ومناسبة ونحسب حساب فتح الابواب أو نركب عتبات رخام يسكر معاها الباب ويكون مرتفع شوي عن مستوى السجاد وما يحتك فيه .. ونركب تحت السجاد طبقة مرنة ( أندر لي ) تعطيه فخامة وليونة وتحافظ على مرونة السجاد .. الأطراف لها طرق تركيب وتثبيت ومواد وبعضها تجي بستيل يسكر ميكانيكل ويخلي السجاد ثابت وبعضها بخشب ومسامير والصناعة كل وقت تطلع شيء جديد .. البورسلان ضروري نركز على أمور كثيرة مثل فواصل التمدد تحت النعلات ولو المكان كبير نضطر نركب فاصل وسطي والقراوت ضروري يكون مناسب ونوعية جيدة كذلك اللاصق
https://www.youtube.com/watch?v=q-bZ-gt8eUo
هنا مبالغة إستخدام الهزاز بسبب قلة العمق وانفتاح المكان وبعد ما فيه حديد نحتاج الخرسانة تغلفه وتدخل بينه .. ممكن مسح الخرسانة يدوياً وتسويتها كفاية
https://www.youtube.com/watch?v=PWhhn64MAnY
https://www.youtube.com/watch?v=1JoUo-Z7sPk
يعجبني الشغل اللي فيه فكر للصيانة ونظافة وحماية
بعد قبل نسكر فتحة البايب العلوية بالشريط اللاصق نعزل حول بايب النحاس بالفوم حتى نحافظ على حرارة الغاز في البايب وحتى نضمن عدم دخول هواء وتكثف الرطوبة ونزولها للداخل
https://www.youtube.com/watch?v=MEldOEZ2Jkg
تنفع حق ناس وايد لكن متأكد أن سعرها جلطة، وبعدين الكت لادر هذا شنو اختصر عليه؟ ثلاثين الف مثلاََ ويحرم نفسه من سطوح ومن اضافة بنتهاوس؟اقتباس:
المشاركة الأصلية كتبت بواسطة معماري قطري
يهمني منطقة الشواء اللي بالحوش عشان ابي اصكر على شيف بوراك.. خصوصاََ في الصيف تشوي وتنشوي.
ما شاء الله عليه، كنت بنتقد نقطة لكن يوم قال ان التواليت بالدور الأرضي هونت، لكن يبقى بايب تصريف المطر اللي صوب الخزان.. اللي قال عليه بيقصه على حد الرصيف.. هنا الغمنده.. لو هذه المنطقة فيها تصريف مياه امطار، اللي ما يسمى ف العقود ب (storm water system ) كان ربط انبوب التصريف معه.. لكن دائماََ الجهات الحكومية والبلديات مب قادرة تواكب النمو الحضري.. ايضاََ ممكن يسوي غرفة تجميع تفيده وايد..اقتباس:
المشاركة الأصلية كتبت بواسطة معماري قطري
لو بنفكر فيها بعمق أكيد الملاحظات وايد ومسألة الدرج المتواصل للسقف هذي ضرورية والبنت هاوس أشوفه تحصيل حاصل واضافته ما تكلف شيء يذكر وحتى ممكن تخليه تشطيب رخيص للحاجة بعدين .. الدرج الحديدي الخارجي ينفع للصيانة مع إن ممكن غرفة المعدات تسويها محمية تحت الارض وبارتفاع منخفض سهل توصلها ولا تسبب حمل والتانكي يكون بارد وحتى عدة التكييف تعمل لها تهوئة وتكون تحت محمية ومظللة .. لو ما تبي تحت الأرض ممكن تفرغ لها مساحة على مستوى الأرض ومن ضمن البيت بس دخولها من الحوشاقتباس:
المشاركة الأصلية كتبت بواسطة سالم الزهران
الدرج يكون متواصل أسهل حل والأكثر اقتصادية وشرحت مرات كيف نخليه بتصميم معقول وبدون تكاليف زايدة .. ممكن جدار وسطي بدال الدرابزين وتكون فيه فتحات ديكورية وممكن حتى للدرج السهل المنتظم نركب أرضيات بورسلان أو بلاط شعبي ونغطيه بسجاد لو حابين نقلل التكلفة والبنتهاوس أكيد مب خسارة ومكسب حتى لو للمستقبل
مثلك حسيت إنه حل ارتجالي بدون خطة صح والمشكلة لو الكود الحكومي ما يغطي هذي الحالات بعدين بيشوه المنظر وقت المطر وممكن يضر المبنى .. هذا يدلك على قصور التصميم وكذلك أخطاء قرارات التنفيذاقتباس:
المشاركة الأصلية كتبت بواسطة سالم الزهران
مناطق كثيرة تنبني بسرعة ما تلحق عليها الدولة بالخدمات الأساسية والمفروض واجب البلدية تخطيط كل منطقة بخطة مناسبة للمياه حتى التصريف السطحي وعمل بحيرة صناعية مؤقتة ومزروعة لوقت المطر بيكون عنصر جمالي وبيخدم المنطقة والبايبات ما تكلف شيء لو مددناها من البداية
اللي يطالع صورة الفيديو الأخير هذي ولله الحمد مب موجودة كلش عندنا .. عندنا حماية لموقع البنيان عن سقوط أي مار فيه واحترام للطريق .. شوفوا شلون شاقين جنب الشارع بدون حمايات وسقوط سيارة وارد بسهولة وحتى إنسان
شرح مبسط لأهمية الأطواق الحديدية المسماة بالعربي كانات وبالانجليزي Stirrups وهذي أهميتها الحقيقية هي انشائية وتحسب بحسابات هندسية .. تكون كلما اقتربنا من العمود عددها أكثر حتى تعادل قوة القطع أو المسماة Shear forces وهذي تكون مركزة في النهايات .. نفس الحال للعمود تقاوم الانحناءات .. والأهمية الثانية طبعاً تربط الحديد الطولي ببعضه وتثبته في مكانه
https://www.youtube.com/watch?v=KEu7KUpCX0g
اللي يتابع الفيديو للأخير قبل الأخير يوضح كيف يكون الكراك في العارضة ذي مائل ومنحني بحدود 45 درجة وهذا من أشد الشلوخ خطورة ومؤشر إنهيار وشيك ما يغشمر كلش ولازم إخلاء وحلول هندسية صعبة أوقات
عزل البايب الممدد في السقف للصرف الصحي وتغطيته بالجبس .. أسباني بس فيه ترجمه وينفهم بدون صوت حتى
https://www.youtube.com/watch?v=hjjYF80BCRA
هنا حبيت تصميم المهندسة وتعديلها .. فكر هندسي راقي وعجبتني فكرة الدرايش قرب الزوايا وتخدم توزيع الأثاث حتى في غرفة النوم ممكن نسويها من الأرضية تبدأ
https://www.youtube.com/watch?v=GMz2VxJMO44
الشغل الزين يبين بعد انتهاءه ما تشوف شلوخ وخربطة وهبوطات
https://www.youtube.com/watch?v=FDWczJyzWKM
مقاطع حلوه،، الله يعطيك العافيه يا شيخ حمد
الله يعافيك ويسلمك والشيخ من جابكاقتباس:
المشاركة الأصلية كتبت بواسطة سالم الزهران
يمكن الجانب النقدي أوقات أقصر فيه وأوقات بدون تعليق أكون متقبل الفيديو أو شيء جديد علي ما أقدر أفتي فيه وبعيد عن تخصصي ومعرفتي بس الواضح الدجل زايد خصوصاً عند بعض العرب
عرض حلو وسريع والفلة شفناها مؤخراً في عرض ممل وبطيء
https://www.youtube.com/watch?v=814IdOKiz54
https://www.youtube.com/watch?v=todERQyDTN4
نصايح مهمة في مناظر حلوة
كلام إحدى الأخوات في رد على الفيديو السابق عجبني وحبيت أنقله لكم
"
basmah moon
3 years ago (edited)
رحم الله ابوي وجعل قبره روضه من رياض الجنه عاش طول عمره عشان يسويلنا بيت ومااعجبنا ولما مات ومحد دق الباب يقول وش ناقصكم عرفنا قدر بيت ابوي لو انه حجر سترنا من الناس وعشنا فيه اميرات انزفينا وحده وحده سبع بنات طلعنا منه شيخات ,لاتقولي المسكن مو ضروري ولاتقلي لاتقتر على نفسك,,انت انت لو ماقترت على نفسك باول حياتك كان ماوصلت,,,لازم نمسك ونعلم عيالنا انه مشروع بيت العمر مو هين ولا سهل وانه لازم نتكاتف ونوفر من قلوب محبه حتى نسكن ببيتنا الشخصي والعيال يروحون للعماره ويشوفون الحوسه وتعب ويساعدون ابوهم هذا درس تربوي كبير حرام نحرمهم من فرحت الانجاز وانه الجميع تضيق عليهم حتى تم بناء مملكتنا الشخصيه,,,,شعور جميل ينسي الاطفال تعب قلت الايد ويحسون انه الهدف حققناه وفرحت المبيت باول ليله تتركب الكهربه نجيب طراريحنا ونبات على البلاط من الفرحه وكم اسبوع نطبخ على الدافور مابعد ركبنا المطبخ وصوت صدأ الاصوات في البيت الفاضي يضل في أذهان عيالنا من اجمل وامتع اللحظات ,كذا يتربون مو تدخلهم بفله طول بعرض ماثثه
لا فيه فرق كبير, حتى لو تقدر تاثث بيتك مره وحده وتخلص بس لا نترك بصمة في نفوس عيالنا ونطلب رايهم وذوقهم ونحسسهم انه هذا انجازنا جميع لانهم صبرو وتحملو , واكثر واحد فيهم صبر وهو الي ممكن نحمله مسوليه ونعتمد عليه حتى لو كان الصغير فيهم ومانكافاه مكافاه ماديه ابدا ,,,,,,والايام الجايه متنيله بستين نيله عليكم ياصحاب البزنز وعلى الكل بس خلوها على الله,وعسى الله مايحوج انسان لانسان, اخوك لو جاك اسبوع كرهته ولا طلبك فلوس مرتين وراء بعض قلت وش علي منه, نحنا نقتر عشان مانحتاج ولا نعرف نصرف الفلوس والله لو تعطيني مليون صرفتها بيوم, والدنيا فرص فيه ناس ينعطون فرص ويكون عندهم ارث وحلال متوارث يبداء منه مو مثل الي يكون نفسه ويزوج نفسه ويفتح بيته لوحده فرق في التفكير كبييييير ,,فكرتك جميله لناس الي خلاص عنده بيت وسياره واستراحه وعيال وبزنز ولف مية دوله,,,الصدق ,,,,,وبقلك شغله ثانيه ترى لما تقتر على نفسك وعندك فلوس تكون مبسوووط ونفسك راضيه احسن من تصرف وتدعي الحياه وبعدين تحتاج لناس,,,الحاجه لناس او طلب مساعدتهم اهانه اذا تقدر ابعد ولا تطلب الناس ,وهذا اكبر قيمه تورثها لعيالك من بعدك تعلمهم مايطلبون الناس ولا يحتاجونهم ويكسبون فلوسهم بالحلال الطيب المبارك هذي القيم هي الموروث الحقيقي الي كلنا نربي عيالنا عليه ولا كل غني فوقه أغنى منه وبيوت الدنيا مهما كانت كامله ماتكمل اطلاقا يعتريها النقص وتبلى وتترمم بس القيم هي الي ماتبلى وتعيشك سعيد راضي عن نفسك وعن مستوى الي مقدمه لعيالك رغم أن فيه ناس مستواهم اعلى وعيالك يصيرون مثلك ,الفلوس عندهم لها قيمه لانهم تعبانين عليها ولانهم مايبون حاجات الناس,,,,والحلال هني حلوووووو حتى لو قليل يتصل خيره لعياله العيال,,,,,والي من حرام يمحقه الله ويمحق بركته ولا يهني صاحبه وصول شره لعيال العيال,,,,,,الحكايه كلها اخلاق وقيم كل مازادت اخلاقك بجمع مالك كل مابركلك الله ولعيالك من بعدك والعكس بالعكس....ورمضان كريم.... "