https://www.youtube.com/watch?v=bQ1srQ-arvE
عرض للطباعة
اقتباس:
المشاركة الأصلية كتبت بواسطة سعود.
هههههه
طال عمرك في سنة من السنين انا فكرت نفس الشي و اشتطيت وشريت سلندر الغاز والساعة
وعلى طول فوق السطح
انزين التوصيل اشلون؟ ما عرفت
وين اوصل الهوز الأحمر ووين الأزرق واي مفتاح افتح؟؟؟ ما عرفت
وصلت عشوائي وبعدين
شكثر افتح الغاز وكم لازم يكون عداد الضغط؟؟؟.... بعد ما عرفت
تمت الأغراض تلوث فوق اسطح لين الله شاف لها.
وعودت على فني المكيفات يعبي غاز ويبدل الكباستر بميتين وثلاثمية.
اقتباس:
المشاركة الأصلية كتبت بواسطة بوNasser
ههههههههههههه
الرابط الي حطه بوعبدالله واضح جدا وسهل . وهذا شوفه بتفصيل الممل
صدقني بشتريه وباذن الله تضبط معنا :thumbup1: عاد موب قايلكم علشان محد يقولي تعال عب غاز :looking:
https://youtu.be/YlfGPjkXkJU
الكمبريسر والكباستر فقط بخليها ع الفني اما الغاز شغل يدي :dance
https://youtu.be/YlfGPjkXkJUاقتباس:
المشاركة الأصلية كتبت بواسطة سعود.
حتى الكاباستر شغلته سهلة وتبديله سهل كأنك تبدل ليت وسعره رخيص هم يبدلونه غالي شغلهم 20 ضعف سعره
أكثر شيء يخترب الغاز ينقص والكاباستر يتعطل بعدين يجيك التنظيف والغسيل وانسداد بايبات الماي .. مهم تظليل الوحدات الخارجية بتستفيد استفادة كبيرة وبتلاحظ مكيفاتك ما تخترب مثل قبل بكثرة
كان شغال معانا في قسم التكييف فني تكييف قطري محترم من اللي تعلموا الشغل اليدوي بدون ثانوية وبقى فترة ما وصل سنير .. ترفع سنير وتقاعد أو بالأحرى قاعدوه .. بعد سنتين إكتشفوا حاجتهم ملحة لقسم التكييف رجعوا طلبوه بصفته خبير تكييف وهو يستحق وإفتكوا من شغل اللواصين والنهابين .. في بيتنا فلبينية ما شاء الله عليها خبرة في تبديل الليتات وغسيل المكيفات سافرت قالت بتقعد شهرين تسوي رسيت للمخ وبتجي بعديناقتباس:
المشاركة الأصلية كتبت بواسطة سعود.
عط الخباز خبزه .. هذي سوالف المتقاعدين اللي يدور له شغل ..اقتباس:
المشاركة الأصلية كتبت بواسطة سعود.
ذاك فتح له بسطه ايسكريم قلنا معليه يترزق من احفاده .. اما انت توك شباب ش لك بهالسوالف :stop:
اللي عنده مقدرة يقعد القرفصاء ويشتغل بيده أشجعه وأغبطه لأن مب حولياقتباس:
المشاركة الأصلية كتبت بواسطة sara jsm
إنتي أخبرج تبنين شيلين طابوقتين بيد وحدة
هذا شغل مغاربة للسطح تبليط وحماية ضد الماء مع سلوب جيد .. شغل يدوي فاخر وأتوقع مضمون مدى العمر .. في البداية حطوا رمل خشن مبلل قليل كلش ومعاه كمية قليلة اسمنت أتوقع 1 اسمنت ل 4 رمل وممكن حتى 5 وكان المفروض يكتبون المقادير في الوصف
في رايي كان ممكن يحطون عازل حرارة تحت ويغطونة بالمونة هذي وقبل يحطون فاصل بلاستيك .. بعدين طريقة عمل الموزاييك عجيبة تابعوها وسرعوا الفيديو لا فيه شرح ولا شيء
https://www.youtube.com/watch?v=2eDLwE6J8Rk
هذا بعد شغل مغربي .. لاحظت فيه توزيع الغرف والأماكن الضيقة بحيث الباب يكون على حد الحائط بدون كتف أو الكتف هو الفريم
https://www.youtube.com/watch?v=JjhEMDxjPZg
هذا سقف إقتصادي مسلح حديد وخرسانة في بلاد آسيوية .. لاحظوا كمية الحديد وشبكة مربعة بس وكيف تمت تغطية الخرسانة ببلاستيك حتى ما تجف وتحتها بلاستيك الظاهر أقوى
https://www.youtube.com/watch?v=d8cSI8aVXIM
هندي ما وضح الأقواس الإسلامية عدل ونسبها للغوثيكس
https://www.youtube.com/watch?v=En5-3YpiOSQ
بس مهم معرفة طريقة الرسم للمهتمين
اقتباس:
المشاركة الأصلية كتبت بواسطة sara jsm
هههههههههههه
اقتباس:
المشاركة الأصلية كتبت بواسطة معماري قطري
هههههههههه
اقتباس:
المشاركة الأصلية كتبت بواسطة sara jsm
هههههههههه
لا وبعد اسوي تي شيرتات لمعلوماتك، بس ما ابي اخرب موضوع اخوي بوعبدالله.
خذ راحتك يا اخوي كله جد الحياة صعبة وسارة ثرى خبرة ما عليك منها عندها ملاحظات قوية وشكلها محترة من سالفة الأسكريم تبي تسوي وما تعرفاقتباس:
المشاركة الأصلية كتبت بواسطة بوNasser
هاي زين حق الجماهير اللي جايه في كاس العالم ..اقتباس:
المشاركة الأصلية كتبت بواسطة معماري قطري
لتصدقين كل ما يقال .. الست ساعات قبلها تنسيق شهور وترتيبات وهم يتكلمون عن التركيب بعد التركيب التمديدات والتجهيزاتاقتباس:
المشاركة الأصلية كتبت بواسطة sara jsm
وعدوا قبل يشتغلون بنايات المدينة الطبية شرق مستشفى حمد .. شرق شمال اللي معمولة بانلات كبيرة بريكاست وبعدين تموا يلفون ويدورون جات شركة ردكو وشركة العطية سوت المشروع في وقت قياسي .. هم صحيح ممكن يبنون 10 بيوت أو 20 كل شهر خط إنتاج يعني وبعدين ينقلونها للمكان ويكون مقاول مجهز المكان ومسوي التأسيس وهم يركبون بعدين يجي التجهيز وكل هذا ياخذ وقت .. إحنا خلينا نخلص الشوارع قبل بعدين ذيلا كل مباراة بيجون لها من الدول المجاورة هذا تقريباً الحل الوحيد .. عاد المطار بيستوعب أولا ضغط طيارات بهالكثافة .. الله يعينهم المسئلة تنظيم وتسهيل اجراءات الدخول والخروج
هذي تفاصيل لازم تنعمل مب مكتشفها الأخ وإنها ضرورية حق الزلازل .. هي ضرورية لترابط عناصر المبنى أولاً وأكيد بالتالي تقاوم الزلازل لأن تأثير الزلزال أقوى شيء في مكان التقاء عنصرين انشائيين .. الأقوى منها طبعاً عمل نهايات الحديد على شكل U بحيث يكون مغروس عدل في الخرسانة وفي العنصر اللي ملتقي به أو مد الطول ليدخل في العمود لمسافة معينة .. كلها تفاصيل يحسبها المهندس الإنشائي المصمم ويحطها كملاحظات ويتابعها الاستشاري المشرف
https://www.youtube.com/watch?v=6h3C_LU67OY
يبين لي دورات المياه بدون مغاسل داخلية وهذا توجه يسوونه بعض المهندسين بأن المغاسل مقابلة .. بس مب حلوه الواحد يطلع ويده مبتلة من الغسيل داخل ويغسل في المغسلة الخارجية .. بعدين المغسلة ما تاخذ حيز الا بسيط كلش وحتى توجد مغاسل مدمجة مع الكرسي لو كان الوضع صعب كلش
https://www.youtube.com/watch?v=HJWF8qAQJRw
اول مرة اشوف بيت على ذوقي وايد رووووعه .. صج ناقصه الحوش ..اقتباس:
المشاركة الأصلية كتبت بواسطة معماري قطري
بس التشطيب والالوان خياااااال .. العيب الوحيد الزوليه البنفسجيه الخايسه هههههههه
وانت تقول مغسله وماادري وشو .. ترى واضح فيه مغسله ورى الباب ..
واذا مافي ركب بنفسك بو 200 ريال :yes:
الديكور الداخلي والتوزيع جميل، المزعج المساحة، هذي نص قسيمة صغيرة يعني مساحك الفلتين 625 متر 2
اقتباس:
المشاركة الأصلية كتبت بواسطة sara jsm
شيقولون المصريين؟اقتباس:
المشاركة الأصلية كتبت بواسطة سالم الزهران
الحلو ميكملش ولازم فيه عيب
فيه بديل أرخص بوايد وعملي أكثر وممكن يركب زيرو جوينت بسهولة وسعره مع التركيب بحدود 80 ريال للمتر المربع هو البلاستيك المصنع على شكل خشب حتى الملمس ناعم وفيه بروزات بسيطة تعطيك احساس الخشب الطبيعي .. وسمك بسيط ممكن يركب على أي أرضية قديمة
https://www.youtube.com/watch?v=NaOuHh0dPag
فكرة المالك خطأ والمقاول أو المشرف المفروض يوجهه .. أقصى ما يحصل في أنابيب الصرف الصحي هو الإنسداد البسيط وهذا نادر الحدوث وتسليكه سهل وعمل فتحات تسليك حل مناسب .. في بيتي عملتها بخرسانة وفي الجزء الخارجي من الجدار المعزول حرارياً لأن دورات المياه كلها خارجية والحمد لله للآن 17 سنة بدون مشاكل وحتى ما عملت فتحات تسليك .. تحت المنهولات العادية وهذي بعد مقتنع بالتمديد المباشر ( الطريقة الأمريكية ) وعمل فتحات تسليك لو دعت الحاجة
للتغذية لو ركبنا نفس النوع ومددنا فيه بايبات التغذية وتكون داخلية أو جهة داخل البيت حتى نبعدها عن الأطراف وحرارة الشمس العالية ولو حصل تسريب نسحب بايب التغذية ونستبدله بآخر بعد الصيانة بتكون سهلة .. وداخل الحمام نسوي مجرى تحت البلاط مغطى بقطع بلاط ملصوقة بسيليكون قابلة للفك والصيانة .. أو نستخدم نظام البايبات المرنة مثل الهوز والقابلة للسحب خلال دكتات خاصة وهذي عليها ضمان 25 سنة
https://www.youtube.com/watch?v=3LlWT4GdVIk
اللي يعرض يهودي أسود الوجه يقول شالوم
https://www.youtube.com/watch?v=bBQp3mPnKSs
النص النهائي دعوة للمسيحية ضيعني
تركيب السيراميك العادي بالطريقة التقليدية والمونة الإسمنتية .. هذا تجيبه يركب بورسلان يقول لك أفضل مواد وطريقة ذي بس ما تنفع كلش للبورسلان ونحتاج مونة البورسلان وطريقة التركيب المعروفة اللي شفناها مرات
https://www.youtube.com/watch?v=Nt4T8qeEvas
صباح الخير مهندس عود
يبه هذيلا تصاميمهم مستهدفة أهل البيزات والامتيازات.. مع ذلك فيها افكار مممن الواحد (يحلم) إنه يسويها.
أما شالوم وربعه قطعهم الله، فهم أعطوا الهبز خبازة ولذلك نجحوا..
صباح الأنوار اخوي بو زيداقتباس:
المشاركة الأصلية كتبت بواسطة سالم الزهران
صراحة عندكم نهضة بناء كبيرة وتصاميم جيدة .. اللي أشوف يعيب بعضها المحيط من المدينة وهذا بعد عندنا .. البناء مب بس وحدة السكن الشوارع والخدمات والنظافة المجتمعية .. ومثل ما ذكرت الواحد ياخذ أفكار تسوي بيته مريح وممتع للسكن فيه وبعد نتمنى مخططين المدن عندنا يخططون صح وما يبخلون على المواطنين بمساحات خضراء مع صيانتها والعناية بها ومواقف مريحة قرب بيوتهم بطريقة تخدمهم .. وما يسمى بالتصميم الحضري المرن هذا كثير نفتقده .. نحصل مساحات ضيقة للشوارع وأرصفة كبيرة والمواقف في بعض الأماكن اللي تحولت لسكن أشخاص أكثر من المخطط له لا توجد فيها مواقف أو مواقفها ضيقة .. إستويت عادي تمر في فرجاننا تحصل سيارة نصها فوق الرصيف وجزء كبير منها مضايق مرور الناس .. نفس الشيء لحاويات القمامة مرمية على جزء ترابي أوقات يكون مايل جهة الشارع وصعبة تثبت تنزلق نحو الشارع .. العملية سهلة بعمل توسعات للدواعيس هذي وتخطيطها لمواقف كثيرة ولمواقع خاصة وممكن محاطة بطابوق وباب مرتب والحاوية داخل .. الزراعة حتى ممكن ينحسب حسابها في أي بقعة ممكنة
بعد ملاحظة ذكرتها مرات وهي تحويل شارع فجأة لشارع تجاري وتبقى خلفية البناء التجاري مداخل وخدمات مقابلة البيوت وراها .. لا حميت خصوصية البيوت وضيقت عليها بوقوف زوار هذي المحلات والمكاتب في الخلف والمفروض لو تبي تسوي تخلي خدمات ومواقف المحلات من الأمام وجهة الخلف مصمتة بالكامل فقط نوافذ مع ألمنيوم يوجه الرؤية لأعلى أو لأسفل .. أو تسوي شارعين خلفيين واحد للمساكن وواحد للمحلات مفصولين بالكامل
للأسف يا اخوي عندنا بعض المسؤولين الهندسيين والمخططين تحصلهم يقدمون مخطط لتحويل شارع لتجاري ويكونون شروا بيوت أهل الحي هم ومن يعز عليهم وشبه ضامنين العملية بتمشي ويخططونها حسب مصلحتهم ولا عليهم من اللي ساكن وراهم
انا واحد تأذيت .. جدامي شارع سكني تحول لشارع خدمي مب تجاري بحت .. كانت الأبواب جدام جهة الشارع الرئيسي وقيل لي ما يحق لهم يفتحون أبواب خلفية .. شوي فتحوا صالون وبيت سكن لعاملات الصالون ملاصق لبيتي وفتحوا باب خلفي لهم مب مقابل بيتي بعيد شوي .. وفجأة سالفة البيطري اللي فتح وحط كبينة طولها حول 15 متر وراء البيت ترسها كلاب ( الله يعزكم ) بين كلب شقي وصايع وكلب ولد نعمة ونباحه نغم حنون وإختلطت الأنغام النباحية .. تخف أوقات وتزيد أوقات .. فتح ثالث مطاعم شعبية مقابل بيتي بالضبط وفتح باب خلفي لسيارة الغاز .. مب مشكلة كبيرة سيارة الغاز تجي أوقات المشكلة حاط مدخنة تطلع صوت قوي مروحتها وراء البيت مسوية حايط البيت مالهم أسود فحم والمشكلة الثانية حطوا حاوية قمامتهم جنب الباب الخلفي عاد تعال اسمع صوت رقعة الباب الحديد مال البيت وراء ومال الحاوية .. مب بشر اللي يشتغلون ومب بشر اللي يتابعون شكاوي الناس ولو تشتكي لين يوم القيامة مب محصل حقك .. وبيتي مكلفني 3 ملايين مب ببلاش ولو بابني في المنطقة الجديدة بعد أحس فيه بؤر مشاكل مستقبلية كله من التخبيط
اشرايك نتبادل !؟ بس تبدل الزوليه الحمرا :omg:
ما ابي أقول عندج عمى ألوان ولا ابي اقول زولية حمراء في عيونج باستوي مؤدب واليوم جمعةاقتباس:
المشاركة الأصلية كتبت بواسطة sara jsm