يا ساتر شهاللون بالغلط طلع شيفكنا من سين جيم ألحين
عرض للطباعة
يا ساتر شهاللون بالغلط طلع شيفكنا من سين جيم ألحين
أشياء كثيرة ما حبيتها منها توزيع الحمامات والشورات مرمية في مكان ضيق قرب الكرسي وبدون عزل عن ترشش المياه .. بعضها المفروض كرسي ومغسلة حاطين شور .. السعر ما حطوه بس أتوقع موقعها جيد ومناسبة لكثيرين
https://www.youtube.com/watch?v=dc4Vd3l49ls
وإحترقت المروحة راح عليك المكيف وتم البيت كله مكيفلس .. كلما زاد التعقيد تزيد المشاكل ذيلا المسوقين يحاولون قد ما يقدرون يبيعون بعد البيع تعال ذكرهم بكلامهم بيقولون الغبار خرب المروحة واحترقت دورة الكهرباء تبي جديدة انتظر شهرين بنطلبها وبتكلفك كذا وكذا وادفع قبل
https://www.youtube.com/watch?v=5WRMCnqrCNc
فهمت أشياء وأشياء ما فهمتها
https://www.youtube.com/watch?v=R92blbvhiHE
كلام مبسط عن الضغوط الحرارية في المواد وشلون الاستطالة في الخرسانة والحديد مع زيادة الحرارة لين 50 درجة تتغير لين حدود نص سم في العشرة متر أو في ال 1000 سم بحدود 0.05% وتأثيرها قوي لو ما سوينا فواصل تمدد مناسبة .. يعني بيتنا يتغير خلال السنة لو كان 20 متر بحدود 1 سم يزيد عرضه ويقل وهذا يسبب كراكات في كثير من العناصر والعزل الحراري الشامل للبيت كله يخلي التفاوت في الحرارة يقل لآخر درجة .. يعني ممكن بدال 50 درجة نموذج التجربة يقل لحدود 10 درجات + أو - وتقل الاستطالة لحدود 2 ملم بدال 1 سم .. أكيد بالإضافة لتقوية العناصر الإنشائية كلها وأهمها الطابوق وتركيبه ولازم نسوي فواصل تمدد للبيوت العادية ما لها داعي لكن لقصر كبير ضرورية ولازم فواصل تمدد وانشاء خاصة
https://www.youtube.com/watch?v=PuwOKqulCh0
بطييييت عيونا بالفسفوري crazyاقتباس:
المشاركة الأصلية كتبت بواسطة معماري قطري
:
حرام ذي مغاسل .. حلاتهم بوادي حق الشوربات والباجة :pic:اقتباس:
المشاركة الأصلية كتبت بواسطة معماري قطري
انا حسبتهم كيك .. بس صج الفسفوري غلطة ومشيتها ما اقدر اعدلاقتباس:
المشاركة الأصلية كتبت بواسطة sara jsm
https://www.youtube.com/watch?v=dbawcyjAhSI
تجربة ممتعة رجعتني لأيام الدراسة بدأ بتصميم متوازن حديد بقطر بسيط رقم 3 تعني حول واحد سم سمك الحديد ولاحظوا العلوي بس يمسك السفلي وخفيف
ثلاثة تعني 3/8 من الانش بالقياس الأمريكي وductile failure تعني الجسر يعطي استطالة معقولة وانحناء لين يفشل يقاوم أكثر
نهاية الاختبار حصل عندنا فشل قطعي اللي يسمونه بالنجليزي شير فيلير shear failure وحصل انسلاخ لبعض نهايات الحديد الانسلاخ مستبعد في وضع طبيعي والحديد مربوط مع حديد العمود لكن المهم أكثر هو السماح للعنصر بتحميل الوزن على الحديد وموازنة الحديد الطولي مع الكانات أو ال stirrup العرضية وهذي تقاوم القوى القطعية
عندنا للأسف يمكن 90% من التصاميم الإنشائيىة فشل مثل العينات 3 و 4 و 5 نموذج 2 و 1 ما نحصله الا عند الإستشاريين المتمكنين وعندهم الخبرة الكافية
https://www.youtube.com/watch?v=Kyufhpi88iM
التحدي يخلص في شهرين هو مهندس يحب شغله ومافيه تلاعب من شركات البناء والشركات الثانيه ((مشاء الله تم البناء في 33 يوم))
تمل البناء كامل من اثاث وكهرباء من كل شي
وتكلفة الفيلاه عظم اعتقد 850 الف من غير تأثيث
يطلع المتر المربع 2760 ريال بدون المصعد وأتوقع المصعد حول 70000 الى 120000 وممكن فيه نوعيات أغلى حسب الإختياراقتباس:
المشاركة الأصلية كتبت بواسطة qatari911
السعر معقول بسبب صغر المساحة لكن لو بنبني 1000 متر مربع بيكون 2.76 مليون + بعد قيمة الأرض .. عندنا إخونا صالح جوهر يبني بالحديد البارد والإسمنت بورد ومستعد يبني لين 5 أدوار وبنيانه معزول بحدود ممتازة
هذي رسالته اليوم على القروب في الوتس أب
السلام عليكم جميع ، معاكم اخوكم بوفهد . سعر البنيان السريع عندنا في الشركة ب 1850 تشطيب تسليم مفتاح .
واذا بس مع تمديدات الكهربا و بيبات الماي تقريبا 1450 ريال .
وهذا موقعنا في*الانستغرام*
https://www.instagram.com/innovation...BiNWFlZA%3D%3D
للي يحب يطلع وانا لي نية البناء عن طريقهم بإذن الله فوق سطح بيتي
التنفيذ بعد عندهم سريع وأكيد حسب المطلوب
الله يوفقكم جميع اخونا بو عبد الله، هذا اامطلوب نبغي تقنيات حديثة واسعار معقولة
آمين وربي يوفق الجميع .. بعد ما ننسى الضريبة عندكم غالية بتزيد السعر 15% بيستوي من 2760 الى 3174 .. النوع الثاني الحديد الغالفانيزد البارد يختلف اختلاف كبير والنظامين جيدين ونفخر بالشباب اللي يشتغلون هذي الشغلات ويتابعونها ونتمنى لهم التوفيق سوقنا صعب وايد يمكن سوقكم أسهلاقتباس:
المشاركة الأصلية كتبت بواسطة سالم الزهران
اذا عندنا شركات كذا والله زين لان ماسمعت بهالشي الا عند المهندسين السعودين هذا غير الاشراف على المشروعاقتباس:
المشاركة الأصلية كتبت بواسطة معماري قطري
عندنا الاشراف لـ( واخد بال حضرتك ) او (يازول مشي اليله مارح يبين الاخطاء) او ( يزلمه هاد بده نكون موجودين بالموقع من كل عقله نروح بهالجو خلي الحارس يصورلك ويرسلك الصور وانت ارسلها له على اساس انك انت الي مصور )
طبعا البعض منهم وليس الكل
انا مفروض بادي من شهر 9 سبتمر الي فات لحد الان مابنيت لان المصمم مرات عله والبلديه من الصوب الثانيه في قراراتها وشنو ممنوع وشنو الي مو ممنوع خلصت الموافقات كلها بديت من شهر9 سبتمبر الى شهر 7 يوليو الي فات زين اني خلصت باقي بس ابدا البناء ان شاء الله في بداية سبتمبر
الله يكتب الي فيه الخير لي ولكم
آمين .. أمس معاي مهندس قديم استخدم الفوم في البناء ومن زمان بس وقف لعدم وجود سوق ماشياقتباس:
المشاركة الأصلية كتبت بواسطة qatari911
عجيب والتصميم جميلاقتباس:
المشاركة الأصلية كتبت بواسطة qatari911
https://www.youtube.com/watch?v=2OYoDwNAA-Y
هذا رفيجنا من فلوريدا ديفيد اوديل يسوي قاعدة حق توسعة حق دورة مياه
شغل بسيط وسريع بكمية حديد قليلة ومتباعدة وأساس شريطي طرفي شوي أعمق ولاحظوا تحت ما سووه منتظم مب مهم بيندفن
التأسيس للبايبات عملوه وركبوا قطع حديد مسننة مثل البراغي هذي يثبتون عليها خشبة قوية ببراغي ويشبكون معاها الجدران الخشبية وطبقاتها وممكن يركبون طابوق والحديد يكون عادي ويمر في تجويف الطابوق
موضوع العزل مهم وطويل وفيه تفاصيل كثيرة .. هنا يتكلم عن العزل الخارجي نفس طريقة تلبيس الفوم وعن العزل بالروك وول وهو مادة عازلة أقوى .. وضح كيف بعد سنة فتحوا التغطية وحصلوا عفن وطحالب نابتة على العازل بسبب الرطوبة والبرودة .. عندنا وضع مقارب رطوبة وحرارة والرطوبة تتغلغل في طبقة البلاستر الخفيفة مهما يكون وعلى فترات طويلة
الفوم عندنا مشكلته المطر الحمضي وحتى داخل تجويف الجدران مب مضمون ما توصله رطوبة حمضية تأثر فيه على مدار سنوات طويلة .. ممكن يصنعون عوازل خاصة من مواد طبيعية وقوية مثل بقايا الأشجار والورق والكراتين وتكون في اجويف مهوى حتى تجف تلقائياً وتستعيد عزلها لو وصلها ماء .. ويكون هذا حل بيئي كذلك والمواد متوفرة كنفايات ممكن يعاد تصنيعها
https://www.youtube.com/watch?v=E2Gmr-D1kDE
تصميم أسباني حديث .. مزج الحداثة بالتقليدي من الأحواش الداخلية والمناور المطلة على الداخل مع اطلالات خارجية أصغر
https://www.youtube.com/watch?v=MdKMPkWPiX0
شوي طويل بس حلو تابعوه .. حبيت الشور اللي ينفتح على حديقة جانبية
ردي على سؤاله هذا تعشيش بسيط جداً حتى ما فيه ضرورة للمعالجة الا تكون خرسانة مكشوفة بدون مواد تشطيب .. والإنشائي هنا مبالغ فيه وايد ولا بتكون فيه مشكلة لعمر طويل
https://www.youtube.com/watch?v=V1ElhN5JMOk
لمحبي الذوق الرفيع
https://www.youtube.com/watch?v=xtJg_o0oxz4
نتمنى عندنا شركات مختصة تبني بهالطريقة .. لي صديق من قدامى المهندسين ألتقيه أوقات يقول بدأ يبني في قطر بهالطريقة ومشى فترة مشروعه بس قلة الطلب خلته يسكر وتعرض لخسارة .. مشكلتنا السوق صعب والطلب محدود
https://www.youtube.com/watch?v=qUnKmb6Vx0E
فكرة إننا نسوي موقف سيارة مغلق ومكيف فكرة حلوة خصوصاً مع الطاقة الشمسية المباشرة والتكييف فقط يشتغل في النهار وحسب مؤقت ويكون نركب أبواب معزولة وهذا أكيد بيزيد التكلفة وممكن وايد .. هنا مسويتها بدون تكييف ويتكلم عن مساحة 34 متر مربع لسيارة وحدة وأكيد فيه مساحة ضائعة لأن السيارة تكفيها 6 في 3 وهي تساوي 18 متر مربع وممكن تتزل لبعض السيارات ل 5 أو 5.5 في 2.5 أو 2.8 وهي تساوي .. يعني المساحة 34 لو وضفت صح تكفي لسيارتين
يحاولون بعضهم يقلدون الأمريكان وهناك الجو ثلج ومطر قوي غيلة خصوصاً على الزمان القديم واستوت عادة عندهم .. وحماية من السرقات وإستوى الكراج الأمريكي مركز بحث وشغل لهوايات كثيرة .. ممكن نسويه عندنا حتى بدون تكييف مهم أبواب تغلق عن الغبار بعد وتحمي السيارات من حرارة الشمس العالية
https://www.youtube.com/watch?v=Kn3nT1bWf9g
كلام شوي طويل حول الفتحات في الأسقف والارضيات
https://www.youtube.com/watch?v=zVLbRYdZO1s
مساء الخير بو عبد الله، فكرة تكييف القراج في بالي والله لاني احياناً اشتغل على السيارة واتبهدل من الحر .
مساء الأنوار .. بالطاقة الشمسية الموضوع سهل ومباشر بدون بطارية حتى ما تحتاج عزل قوي مهم يكون مغلق زين وما يسرب ماي مطر .. بيكون كراج خرافي هشكل بس بعد حلاته متصل بممر بالبيت مكيف .. انا عندي قريب بس صعبة أسوي الممر مكيف لكن ممكن مرحلة ثانية لو ما ارتحتاقتباس:
المشاركة الأصلية كتبت بواسطة سالم الزهران
بنيان مختلف بأن أساسته ظاهرة وعبارة عن كتل حجرية مجموعة في شباك حديدية .. والبناء خرساني بعدين ومواد ثانية
https://www.youtube.com/watch?v=2jm0JTqgsNE
عمل قاعدة وأعمدة للبوابة من الخرسانة .. إستعمل دهن منزلي حتى الخشب يسهل فكه وللبراغي كذلك حتى ما تمسك مع الخرسانة وجاء النمل على الزيت .. والأعمدة عمل زواياها مشطوفة بنفس الطريقة اللي ناوي اسويها لزوايا البيت والأعمدة البارزة بس على مقاس أكبر وتعطي شكل مميز مع التقويس المزدوج من فوق .. بنشوف إن شاء الله أثناء مراحل البناء
https://www.youtube.com/watch?v=-840-wlvV9E
شغل البوابة الجزء الرابع
https://www.youtube.com/watch?v=ZcY4-KxRiPg&t=184s
شغل ابداع في التصميم وفي التنفيذ وفي العرض وفيه أفكار حلوة آخرها البيت المحمي للزراعة في السقف
https://www.youtube.com/watch?v=98CrqCSm5sA
البرامج مالت التصاميم خدمت الشركات ووهقت الزبون، تعرض التصميم في افضل صوره و يتركون الزبون يتحمل صدمة الواقعاقتباس:
المشاركة الأصلية كتبت بواسطة معماري قطري