السلام عليكم اخواني واخواتي*
هل ممكن حد يساعدني فهالموضوع اذا ابي اتقاعد شنو الاجراءات عندي مشكلة في نهاية عظم الظهر واتعب بسرعة حاولت علاج طبيعي مافاد حاولت اخذ مسكنات بعد مافاد
انا ماعرف حد في اللجنة الطبية فهل حد ممكن يساعدني ؟؟
انا حوالي 20 سنة خدمة وفوق الاربعين وابي اتقاعد
اللي يقدر يساعد وجزاكم الله خير
كلمت التقاعد والمعاشات قالو اذا استقلت ماراح يصفى شي من الراتب ابدا واذا تقدر خل يعطونك اعفاء من اللجنة الطبية فالله الله في اخوكم ساعدوني اذا تقدرون
إذا كنت تراجع عند دكتور هو يكتب لك تقرير وتقدمه على اللجنة الطبية وطبعا تقم التقرير مترجم باللغة العربية
الإنسان بحاضره يسعد لا بالتحسر على ما مضى ولا بالقلق على ما سيأتي
سؤال واسمحلي اخوي انا عمري 30 ومافيني شيء وصحتي نفس الحديد ..
اقدر اتقاعد حتى لو بس الاساسي او لا
مشكلة آلام أسفل الظهر صعب تنعرف
انا مثلك وسويت ام ار اي في ألمانيا قالوا لي ما يبين شيء واحتمال عندك مفصل الفخذ .. لاحظت اللي يخفف الألم عدم الجلوس كثير والمشي وبعض التمارين الرياضية البسيطة .. وسويت شد للعمود الفقري بس بسيط مع علاج طبيعي مكثف في بانكوك ونفعني وايد
انعرضت على لجنة طبية يشوفون شاللي صاحي فيني وقالوا خلوه يرتاح من سنة 2009 ورجعت للعمل بطموح وحاولت لكن صعب خلاص رفعت راية الاستسلام وارتحت من شهر 5 اللي راح
هل تعتقد ان موضوع الالم اسفل الظهر يحتاج تقاعد ؟!!!!
مجرد الم بسيط اما يكون عصب او ديسك يستاهل الواحد ياخذ عليه تقاعد ؟
ياخوي هناك امراض ثابته ومالها علاج مثل الضغط والسكر والديسك والواحد لازم يتأقلم عليها وصعب الواحد ياخذ عليها تقاعد
بالنسبة الم اسفل الظهر مااعتقد موضوع كبير ان اللجنة الطبيه تعطيك او تجيز لك التقاعد والاكتفاء فقط بالتمارين او العلاج الطبيعي او اخذ مسكنات
أسْتَغْفِرُ اللهَ العَظِيمَ الَّذِي لاَ إلَهَ إلاَّ هُوَ، الحَيُّ القَيُّومُ، وَأتُوبُ إلَيهِ
اللهم ان في تدبيرك مايغني عن الحيل، وفي كرمك ماهو فوق الأمل، وفي حلمك ما يسد الخلل، وفي عفوك ما يمحو الزلل، اللهم فبقوة تدبيرك وعظيم عفوك وسعة حلمك وفيض كرمك أسألك أن تدبرني بأحسن التدابير، وتلطف بي، وتنجيني مما يخيفني ويهمني.اللهم لا أُضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولا قوة إلا بك
اخوي حسب التقرير الطبي من الدكتور اللي تتعالج عنده ويكون تقرير مفصل عن حالتك ومذكور فيه انك تكون عاجز و تحصل صعوبة في العمل وبعدين وهنيه الاصعب دور اللجنة الطبية في وزارة الصحة اللي بتحدد مدى صلاحيتك للعمل و بعدين في شباب اعرفهم عندهم حالات طبية و يبون التقاعد يسون اكثر من مرة لجنة طبية لين ما يوافقون عليهم و يحيلونهم للتقاعد باختصار يبي لك واسطة او احد تعرفه في اللجنة الطبية
اهم شيء تقرير طبي مفصل ويشرح فيه الطبيب مشكلته الصحية وقبل لاتقدمه اللجنة اقرأه لأن كثير من الاطباء يخافون يكتبون كل مشاكل المريض عن تجارب عدهالمشاركة الأصلية كتبت بواسطة ناسداك
طيب ليش ماتنقص عدد ساعات العمل ؟ ممكن يكتب لك الطبيب في التقرير تقليص عدد ساعات العمل
سؤال لذوي الخبره هل عند تقليص عدد ساعات العمل ينقص راتب الموظف ولايمشي له كامل ؟
حتى لو انكتب التقرير لازم واسطة اكييييد للجنة الطبية
وانا ماعندي واسطة زين شسوي ياجماعة وقال لي دكتور ثاني هذا يعتبر التهاب مزمن
سوى تقاعدت او لجنه طبيه
الاساسي والاجتماعيه فقط بيطير راتب
ضوابط المشاركة
رد مع اقتباس