السلام عليكم
كما هو واضح من العنوان .. ياريت اللي ركب أبواب خشبية من المتحدة انه يعطينا انطباعه عن جودة الأبواب ومدى رضاه عن الخدمة من الشركة قبل و بعد التركيب.
و هل تنصحون تركيبها للحمامات (جلكم الله) ؟
و شكرا مقدماً
السلام عليكم
كما هو واضح من العنوان .. ياريت اللي ركب أبواب خشبية من المتحدة انه يعطينا انطباعه عن جودة الأبواب ومدى رضاه عن الخدمة من الشركة قبل و بعد التركيب.
و هل تنصحون تركيبها للحمامات (جلكم الله) ؟
و شكرا مقدماً
ابواب بيتي الداخليه ركبتها كلها من عند المتحده، ماشاءلله كواليتي عالي جدا وشغل محترم. التصنيع في كويت وخلال ثلاث شهور توصل الطلبيه الدوحه.
للامانه ليحين مادخلت البيت ، مازال قيد التشطيبات النهائيه.
Apple's User
وعليكم السلام ..
ليش ماتركب ابواب يو بي في سي للحمامات الله يعزك !!؟
الالمنيوم افضل لمثل هالاماكن اللي فيها ماي ورطوبه ..
تُنسى ، كأنَّكَ لم تَكُنْ ..
انا شفت هذي الأبواب وعجبتني خصوصاً مصنعيتها وتشطيبها وصبغها الحراري في أفران خاصة .. مع الربلات اللي تخلي اغلاقها صوتلس ولا تسرب هواء أو صوت .. إخوي ركبها وركبوا له سرعة ومرتاح منها للحين .. انا غلطت اني اتفقت مع منجرة كبرى وأخروني حول سنة ومهما يكون شغلهم غالي وجيد لكن مقارنة بهذي الأبواب كنت غلطان
بالصدفة اليوم نسولف عنها وواحد قال انه مركب ومرتاح لهم وعاجبينه
للحمامات لو اليوبي في سي يجي ببراويز حلوة ويكون متجانس مع بقية الأبواب توكل على الله وركبه والا إطلب من نفس الشركة يوفرون ابواب خاصة للحمامات ضد الرطوبة أو معالجة تقاوم الرطوبة
إنتبه لمشكلة الهواء الداخل بدل الهواء المسحوب من الحمامات لازم فتحات يدخل منها الهواء وما ادري شالحل بالنسبة لأبواب الغرف لو مسكرة وبربلات ما تدخل هواء أكيد مراوح الشفط صعب تسحب وبتخترب سرعة .. انا ناوي اسوي بايبات تدخل هواء من حديقة داخلية لكل غرفة بدل الهواء المسحوب والحديقة يدخل لها هواء مفلتر من الخارج