الله يعطيكم العافية ويتمه على خير ...
الله يعطيكم العافية ويتمه على خير ...
"ربنا لا تحمّلنا ما لا طاقة لنا به"
بنيّـــتنا الله يحفظها ..
نسبة لأستحسان الجميع للتصاميم الجميلة الفخمة تم توزيعه على صالونات ومحال
تـــــاتو اليوم الوطني متوفـــــر بنقاط التوزيـــــع التالية ( بدرب السـاعي ايضاً )
http://www.qatarshares.com/vb/showthread.php?598966-
في حد ناداني
بالتوفيق بنت العين مثل ماقال معماري مالحقت اشوف او ارطز بالصور بس الي شايفه ان الشغل ماعليه كلام للحين والباقي الله يعينكم عليه ويلا قولوا معاي ( ياليل ماطولك ) هههههه
QP وين دله الكرك ياخي
*
*
*
معمـــاري قطــــــر
صـــار معاي ( مــــوقف )
المقاول مسكين كان قايل لي بيركب الحجر الصناعي بالبراغي
بس أنا كنت حاطة في بالي ما بخليه لأن الي بورد من عنده الحجر قال لي بالخلطة أحسن
وطبعا بعد ردك علي :-
أنا أصور كل توصياتك ... خذت له الورقة وسئلته كيف تقول ان الخلطة أحسن
إنصدم وتم ســـــــــــــــاكت
وعقب قرا كل توصياتك ... وقال لي لازم تنتبهي وتنفذي كل الكلام الي مكتوب لانه صحيح 100 %
أخوي معماري ... شكــــرا لـــــك
تحيــــــاتي
ظـــلال الـــورد
*
*
*
::
*
*
*
معمــــاري قطــــر
واو ...باب بلونين ... فكرة يديدة
عندي شوية أسئلة يا معماري
شو الأفضل الحجر الصناعي ولا الطبيعي ؟؟؟
مع العلم أن جو العين ما فيه رطوبة ... وأنا اخترت الصناعي عشان الميزانية
اذا بركب حجر صناعي شو أفضل لون ؟؟
الأوف وايد مثل ما هو في صورة بيتي ولا البيج ولا الأصفر ؟؟
مــــلاحظة للإدارة :-
أنا تعبت أخوي معماري بالآسئلة ... وإحتمال أحصل أجوبة في مواضيعه ...
لكن للأسف ما أقدر أدخل ملفه الشخصي ثم الدخول على مواضيعه ...
لإنكم مسكرين الخاصية هذه بسبب أسباب أمنية ... الله يسامحكم
تحياتي
ظـــلال الـــورد
*
*
*
قلت لج قبل شغلكم صح وربعنا لين سووا زيارة لشغل عندكم يتونسون في الفندق ويعورون في الشوارع ويرجعون قطر يد ورا ويد جدام .. إحنا حتى خرايط الإنشائي ما يدققونها تعبوا منها وخلوا الإستشاري في يده كل شيء وبدون رقابة، ومشاكل الإستشاريين كثيرة ويغضون الطرف عنها .. حتى اللي يسمونه رئيس الجمعية القطرية للمهندسين مسكين يشتكي من قلة المشتركين في الجمعية .. إذا هو معمر ومثبت جذوره من عشرات السنين في الجمعية .. وإذا إحنا ما توصلنا دعاوي لا شخصية ولا على العمل شلون يتوقعون نروح نسجل؟ نبي دماء جديدة وجمعية صح مب تكتلات إجتماعية.
طلعتي محققة ما شاء الله .. شيقرب لج ضاحي خلفان؟
شوفي مشكلتنا في كل شيء دخل علينا الدجل، وكثيرين بدال ما يقولون ما يعرفون الطريقة الفلانية يقولون طريقتهم هي أفضل شيء .. حتى في الطب وغيره .. وقليلين اللي يعترفون بالحق وهذا منهم.
انا يمكن أوقات تكون لي تقديرات خطأ أو أخطاء ويمكن كثيرة في السابق بس مع التمرس والمتابعة والقراءَة في كتب التخصص وملاحظة الواقع الحمد لله إستوت عندي دقة ملاحظة والمام بالحل الأنسب وبسرعة .. شكل ما يقولون التكرار يعلم التجار، ووالله يسعدني إني أساهم بالقليل في تطوير البناء ومساعدة الآخرين مساعدة تكون ناجحة وتجيب فايدة ويجيني دعاء طيب من وراها.