تويت
السكر حالياً كمعدل 6.9 ولله الحمد .. شيء ثاني هو المشي والأحلى منه الأيام الجاية مع تحسن الجو ركوب التلة .. هذا تمرين حتى للتنفس والرئة من أيام رجعت له بس ذبحتني الرطوبة
-
-
بعد شهر أو شهر ونص من المداومة على التمرين البسيط بالجهاز في المشاركة قبل السابقة لله الحمد تغيرات ايجابية ممتازة صارت معاي أهمها آلام الظهر خفت وايد وتنعدم أوقات بعد التمرين وحتى الرقبة .. التكتلات اللي خلف عظم اللوح هذي زالت والأكتاف رجعت للخلف ونمت تقاسيم العضلات .. للي عنده لياقة سابقة التمارين هذي تزيل الشحوم وتنمي العضات وترجع لياقتها بسرعة
الأهم عندي هو حرق السكر سريع وتنزيل الدهون واستهلاك البروتينات .. أكيد للمونجارو مساهمة لأنها تساعد على حرق السكر وعملية التمثيل الغذائي
تعليق
-
يعطيك العافيه موسوعه بوعبدالله ويقولون اسال مجربالمشاركة الأصلية بواسطة معماري قطري مشاهدة المشاركة
فعلا المسي من افضل الرياضات أنا لو أهملته شوي احس بشعور غريب غير مريح
افضل المشي تقريبا في حدود من 35 إلى 45 دقيقه عندنا شارع طويل ماشاء الله مريح احاول امشي فيه على الاقل اربع خمس ايام في الاسبوعتعليق
-
التمر من افضل الاكلات الغذائيهالمشاركة الأصلية بواسطة معماري قطري مشاهدة المشاركةأهمية تناول حبتين تمر يومياً وممكن نخليها 3 أفضل .. أكيد نوعية التمر ومستوى السكريات فيه تلعب دور وبالتجربة عرفت بعض الأنواع خصوصاً الناشفة من الدبس قليلة السكريات
هل صحيح ان إذا كليت التمر مع الطحينيه او القشطه يقل السكر في التمر يعني حتى إذا كليت اي كميه ما ياثر مادري أنا سمعت هالشيتعليق
-
لتصدق كل ما يقال .. السكر بدون علاج صعب وايد وايد وبعلاج فيه صعوبة بس ممكن بعد المتابعة عدل والأول يختلف عن الثاني .. الطحينة معرفتي بها انها عالية السعرات الحرارية وانت تكون لميت سكريات ونشويات قوية وغلوتين خليط مدمر عاد ما يرفع بسرعة يرفع بعدين .. وايد خزعبلات منتشرةالمشاركة الأصلية بواسطة alkaldi مشاهدة المشاركة
من تجربتي نوع تمر يرفع أكثر من نوع آخر ومن تجربتي مع المونجارو تاكل أوقات تمر وايد وحتى حلويات وكافي تسيطر على الوضع ولا كأنك كلت شيء وفي الغالب السكر نازل .. اليوم الصبح ما خلاني أرقد والمشكلة النفس مسدودة خذت حلاوة وازنته بس كان حول 65 يوم صحيت ثاني مرة وبعد الريوق تعدل وألحين 90 ومايل للهبوط
تعليق
-
مشكلتي ما تعشيت ولا خذت ابرة الليل ولا حتى مشيت أو تريضت .. شربت حليب إبل بس وكلت يسكوت بدون سكر بس يعتبر نشويات وبدون أدوية وبعد نزل السكر
تعليق
-
اللي عنده سكر وضعه غير أوقات لو يمشي كيلو جسمه ما يحرق قد انسان طبيعي مشى 100 متر .. حرق السكريات يختلف عن حرق الدهون واستهلاك الجسم للطاقة يختلف من شخص لشخص ومريض السكر أوقات يمشي 10 كيلو ما يحرق يحرق دهون وتتسبب في مشاكل ثانية في جسمه لذلك يسمونه جوع في عز الشبعة .. جسمك فيه سكريات ولا يستهلكها .. المونجارو مثلاً فيها هرمونين هرمون الشبع يخليك تقلل أكل ويقل وزنك وهرمون يقلل مقاومة الأنسولين ويخلي جسمك يحرق سكريات .. فيها ميزة ثالثة بعد تزيل السوائل في الجسم لذلك كثر شرب المايالمشاركة الأصلية بواسطة alkaldi مشاهدة المشاركة
انا أشوفها لوحدها مرة في الأسبوع ضرورية لمرضى السكر خصوصاً النوع الثاني ويخففون من باقي الأدوية أو يقطعونها .. مع الرياضة أي نوع بس تكون مناسبة
تعليق
-
لله الحمد العام شفت الرقم 77 على الميزان وانا وزني المثالي حول هذا الرقم والسنة بعد ما قطعت المونجارو ورجعت لها بإصرار الدكتورة شفت رقم 78 وجايين للرقم 75 بإذن الله انا طبيعتي امتن في الصيف وأضعف في الشتاء .. وزني بعد السفر وصل 82 بس وين ووين قبل كان 97 فرق صراحة كنت ما اقدر البس تكرمون الحذاء الحين وانا واقف
تعليق
-
ما علقت سارة على ميدالية المفتاحالمشاركة الأصلية بواسطة معماري قطري مشاهدة المشاركةشوي تعبتني المونجارو .. وخصوصاً في السفر نزول السكر بهدلني وطلع السبب آخذ أنسولين كميتي المعتادة ولو نقصت نقصت شوي وما اكل كفاية وحتى لو كلت المونجارو تنزل السكر والأنسولين يكون زود + المجهود هنا المشكلة .. المهم وقفتها حول شهر وشوي ورجعت الشهية تنفتح والسكر استوى مجنون .. رجعت لها من الثلاثاء اللي طاف جرعة بسيطة 5 ملم لمدة شهر وبعدها 7.5 ملم وفيه ناس وصلوا 15 سمعت بس بدون أدوية ثانية
اللي يهم في تجربتي هو إني شفت الرقم 77 على الميزان وشفت اللباس اللي كان ضيق علي وسيع وبنفس الوقت استويت خفيف وأمشي أكثر ويمكن شبه يومي .. رجع الوزن لحدود 82 بس مسيطر عليه قبل كان 97 وألحين فرق كبير لذلك استوى شعاري عليك بالمونجارو لو الزمان عليك جارو
نجي للتمارين وهي ضرورية للكل وخصوصاً اللي فوق ال 40 وللي مثلي تعدى ال 60 ضرورية أكثر وأكثر خصوصاً تمارين تنمية العضلات والمحافظة على الكتلة العضلية وهذي مهمة كثير لأسباب .. أهمها تمارين بناء العضلات وأقصد البناء الخفيف وبدون مكملات تفيد في حرق الدهون والسعرات الحرارية وفي التخلص من سموم وأملاح كثيرة منها البروتين الزايد في الجسم .. بديت تمارين علاجية للأرجل مع اسبيتار ونصحني المعالج قال هذا المفروض يكون اسلوب حياة والجيم شيء ضروري لك .. كنت أحس بإحراج شلون أدخل أتمرن شوي حسب لياقتي وأوزان خفيفة وطلع هالشيء وهم المفروض ما نفكر فيه بس صراحة ما بديت مع جيم .. إتجهت للتمارين السهلة وفي البيت مثل الجلوس والقيام المسمى بالقرفصاء وحصلت جهاز حلو أنصح الجميع باستخدامه .. يمكن تستغربون من بساطته سعره 115 ريال وللمتقاعدين بعد الخصم 103 ريالات بس سهل وفايدته كبيرة .. تمرين الضغط أو المسمى Push Up هذا مقياس اللياقة عند الأمريكان وعند جيوش كثيرة منها جيوشنا أو أحد المقاييس وهذا مهم جداً جداً وللرجل والمرأة ولجميع الأعمار خصوصاً الكبار
كانت عندي عصبة خلف الأكتاف في الظهر تعبت معاها ولا فيه فايدة مساج وأدوية تخف وترد .. هذا الجهاز البسيط عالجها في جلسات بسيطة لا وفي البيت يساعد على عمل تمرين الضغط وفيه عدة تمارين ما عرفتها معاه كتلوج يعلم شتسوي حتى للأرجل .. انا مركز على الضغط حتى يشد عضلات الظهر والصدر والأكتاف والضغط بهذا الحزام ما يكون قوي وتتحكم فيه إذا إبتعدت عن مكان التعليق يكون انحناءك خفيف وأكثر وزنك على رجلك واذا اقتربت زاد الوزن وزاد الضغط وزادت صعوبة التمرين
هذي صورته وانا ركبته في باب غرفة الملابس كل شوي أسلم عليه واسوي به تمرين بسيط .. اللي يبي نتيجة افضل يسوي تكرار 10 مرات مثلاً ويريح لين 30 مرة ويزيد بعدين حسب قدرته .. انا وصلت 20 بس أسويها مرتين وبينهم استراحة بسيطة
من ديكاتلون في فيلاجيو
تعليق
تعليق