شبكة الأسهم القطرية بين الحياة والموت !

[الوسيط العقاري]

أحيوه وانعشوه بمشاركاتكم وبمواضيعكم الطيبه

😞

[ya3coub]

والله اتمنى،

اشتقت للمواضيع اللي فالحوار العام اللي تخلي الاغلب يدلي بدلوه و انشوف حبرات و وجهات مظر مختلفه تتناقش بالمواضيع المحلية و الدولية

[sara jsm]

المفروض انتو تبدون وتسون لنا مسابقه اكثر مشاركات يربح معاكم ..
ارض في لوسيل ولا شقه في اللؤلؤة
بتشوف الاعضاء بيطلعون لك من تحت الارض

[معماري قطري]

انا عاد من محبي النسب .. فكرت في إننا كل واحد يحسب مشاركاته كنسبة يومية والموضوع سهل من تاريخ ما سجل لين اليوم كم يوم مر سهل حسبتها السنة فيه 9999 يوم يقسم عليها عدد المشاركات تطلع نسبة مشاركاته لكل يوم

[نفسي عزيزه]

احلى ايام العمر والذكريات والبساطه

كنا نتدفى بالاب توب ايام البرد

[سالم الزهران]

مساكم الله بالخير ، كتابة المواضيع وقراءتها صارت مجهود، الناس طاحت بالتوكتوك والسناب والريلز عموماً. مر علي واحد من الزملاء يوريني مقطع لوحدة جالسة ببودكاست او ببرنامج وهي قاشعة الغطاء من كل صوب (تقول الرجال ينقهرون من المرأة المثقفة)؟ و كلكم تتصورون شنو تعني الثقافة عندها هذيج الممسوخة / الحرية/ الكفر الصريح.

[sara jsm]

احلى ايام العمر والذكريات والبساطه

كنا نتدفى بالاب توب ايام البرد

اشلون تتدفون باللابتوب !!؟
التعبير عندك صفر

[البرونزي]

والله اشتقنا لذيك الأيام ��

[المبرمج صلاح]

للاسف المنتديات عصرها انتهى تقريبا بسبب مواقع التواصل الاجتماعي
كان المفروض تطوير تطبيق منتديات الاسهم قبل فوات الاوان

[الرويـس]

نعم صحيح اتفق بشده

[durra]

كانت من اقوى المنتديات العربية

[كازانوفا]

لا اله الا الله

ليش نااااايمين
اصحووووووو يااااااا هووووووو

[سالم الزهران]

اول ما بدت المنتديات، كنا نعيب على الشخص يجي المجلس مع لابتوب سواء بحجة متابعة الاسهم او منتدى! اليوم محد يشره ، ابو البيت ماسك جواله و أم العيال ماسكه جوالها والعيال حتى الصغار ماسكين ايباد، والخدم بعد تحصلهم ماسكين جوالاتهم ويسوون اتصالات فيديو على إندونيسيا والفلبين.
فالجوال عدمنا عدام لانه ترفيه ما فيه اي فكرة غير الترفيه ويسرق الوقت ويدخل في عمق افكارك حتى اذا دخلت صلاتك غالباً تتذكر الاشياء اللي كنت مشغول عنها بالجوال تبدي تطري لك وانت تصلي… اللهم ارحمنا واعتقنا من الجوال والريلز

[السيف5]

فعلا المنتدى بطريقها للاحتضار ..........بداية احتضاره الشكل الجديد

[سالم الزهران]

انا عاد من محبي النسب .. فكرت في إننا كل واحد يحسب مشاركاته كنسبة يومية والموضوع سهل من تاريخ ما سجل لين اليوم كم يوم مر سهل حسبتها السنة فيه 9999 يوم يقسم عليها عدد المشاركات تطلع نسبة مشاركاته لكل يوم

مساء الخير مهندسنا المتقاعد المرح بو عبدالله
حسبت مشاركاتي طلعت واحد فاصل اربعة في اليوم ومنها هذي المشاركة
سنة 2026 وسطها تصير مدة اشتراكي عشر سنين.
يالله العافية