يوتيوبيات البناء .. مقاطع تثقيفية متجددة [الأرشيف] - الصفحة 20

معماري قطري

31-12-2021, 01:00 PM

والله في شغلات في البنيان وايد حلوة وتستوي، لكن وينك وينها من ناحية سوقها والعامل اللي يتقنها.

أسهل شيء بو زيد تكون متذوق وتختار اللي يناسب وسهل ينعمل وتحطه في التفاصيل والرسم وتبني عليه .. وقت التنفيذ تطلب الشغل من مقاول أو عدة مقاولين وهم يتعهدون لك بالإتمام حسب المواصفات .. فيه أشياء ممكن تطلبها من النت لو مب موجودة أو تطلبها من وكيل وتنتظر .. ألحين الأمور سهالات وشوي كورونا خربت جو البناء بس العالم بيرجع بسرعة

مستحيل تسوي كل اللي تبغي بس دوم تقدر تختار بين عدة بدائل تفي بالغرض والمهم هو الإطار العام والفكرة العامة

فيه شيء حطه في اعتبارك اللي هو العمارة الحركية أو المتغيرة .. هذي ما تمل منها تفتح حيز على حيز .. عندك مكان ضيافة تفتحه على البيت أو عندك حديقة ترفيهية للبيت وممكن تستغلها للمجلس وقت الحاجة .. اللي يقول لك مصطلح مساحة ميتة تأكد إن ما فيه مساحة ميتة حتى زاوية ما بتستفيد منها كلش ممكن ترمي فيها اصيص زراعة أو ورود والمهم التوزيع معقول ومتناسق والمطبخ مثلاً سهلة الحركة فيه بدون سعة كبيرة تخلي العمل مرهق وبين القطع مسافة

يا ريال كل شيء إستوى يستوي عندنا برخيص والا بغالي

معماري قطري

31-12-2021, 01:38 PM

https://www.youtube.com/watch?v=Qj5TqBfXPGM

معماري قطري

31-12-2021, 01:41 PM

هذا ردي في اليوتيوب أنقله للفائدة

كثير مشاريع خيالية فيها رسم قليل وخرابيط كثيرة ما نشوفها على أرض الواقع أو نشوف جزء ضيئل من الحجم اللي تكلموا عنه .. بنشوف نيوم كيف بتكون والمدينة الخطية والخوف تستوي تاريخ تعثر مثل برج جدة .. سامحوني على صراحتي بس هذا الواقع .. حتى عندنا مشاريع كثيرة أنجزت ومن أحلى ما يمكن لكن تبقى نقاط سلبية كثيرة تحيط بها أما لسوء تخطيط أو لسوء تنفيذ وفي النهاية المشاريع بعضها يجي غالي كثير وغير مجدي إقتصادياً

تعجبني أوروبا بلدان واقعية وتفكر صح وتبني صح سواء توسعة مدن بطريقة حديثة أو المحافظة على التراث القديم مع بعض التحسينات الممكنة .. لكن شنسوي إنجاز 70% من المطلوب خير من عدم التحرك والإنجاز

معماري قطري

31-12-2021, 02:32 PM

هذي أفكار يقدر الواحد يختار منها والا يحطها في إعتباره للحوش .. عجبتني النطاطية وطريقة تنفيذها

https://www.youtube.com/watch?v=mbHyDTHjXRU

معماري قطري

31-12-2021, 04:20 PM

'طريقة ما فكرنا فيها .. نسوي قاعدة ونعزلها وبعدين نخرمها ونركب عليها .. هذي أرخص وأسهل وتقدر تغير مكان المكيف بسهولة

https://www.youtube.com/watch?v=Zk7eSADpk3A

معماري قطري

31-12-2021, 04:36 PM

https://www.youtube.com/watch?v=KQR5ChX44OM

سالم الزهران

31-12-2021, 11:56 PM

نيوم عبارة عن شاليه كبير و كل مشاريع التحول ما تتعدى خلق بؤر تجمع و احتفالات وهذي لو بتقوم اقتصاد كان نفعت لبنان والمغرب. وابئا أآآبلني علي قولة المصاروه

معماري قطري

01-01-2022, 12:41 AM

نيوم عبارة عن شاليه كبير و كل مشاريع التحول ما تتعدى خلق بؤر تجمع و احتفالات وهذي لو بتقوم اقتصاد كان نفعت لبنان والمغرب. وابئا أآآبلني علي قولة المصاروه

شوف هذا البيت خصوصي حق سارة تقول تحب رطنتهم

https://www.youtube.com/watch?v=vBeDnsxkpyo

معماري قطري

01-01-2022, 01:12 PM

https://www.youtube.com/watch?v=14PZkrpbqkI

معماري قطري

02-01-2022, 11:42 AM

مستغرب من الأخ وشسوى .. يمكن وايد مبالغة .. كان يقدر يحط حديد مدروس بحسابات هندسية ويركب ضروري من تحت براغي أو قطع حديد تدخل في عمق الخرسانة فوق يسمونه shear connector وضيفتها تسوي ربط بين الخرسانة فوق والآي بيمز تحتها .. بعدين فوق كان يقدر يكتفي بصبية سكريد مع فيبر 7 سم لو يحب يخفف الوزن وطريقته طريقة وين إذنك يا حبشي .. بس هذا حل للي يحب سهل وسريع في حال صارت مشاكل في الصبية فوق أو يبغي يدعم حتى يبني طابق ثاني

https://www.youtube.com/watch?v=EItc3RmyCDY

معماري قطري

02-01-2022, 12:37 PM

أفضل شيء من البداية يكون المقاول يشتغل صح وعليه إشراف قوي حتى ما يخربط لك في المقاسات وتضطر لحلول صعبة ومعقدة

https://www.youtube.com/watch?v=05n-GGTtoVE

معماري قطري

02-01-2022, 03:50 PM

https://www.youtube.com/watch?v=wR877eA7lOo

معماري قطري

04-01-2022, 12:47 AM

https://www.youtube.com/watch?v=l7ITieOC5Mc

معماري قطري

04-01-2022, 10:51 AM

كثير يتكلمون عن التركيب وكأن الروبة اللي تنحط مرنة وتنضغط وقت التمدد وهي العكس .. الزيرو جوينت هو في الغالب فاصل بسيط جداً أقل من 1 ملم ما تلاحظه يسمح بتمدد محدود وبسيط .. كل بلاطة لها مواصفة مهمة وهي درجة تمددها في الحرارة تنذكر + أو - 0.001 مثلاً من العرض أو الطول وتنحسب لو عرضها 60سم = 60سم ضرب هذي النسبة = 0.006 سم أو 0.06 ملم كلش لا تذكر وهذا مثال ممكن تطلع ربع ملم وممكن تطلع نص وممكن تطلع 1 وممكن تطلع أكثر وتنحسب على فرق درجات حرارة متوقع

يعني مثلاً داخل البيوت درجة الحرارة تتراوح من 18 في الشتاء بدون تدفئة ووجود ناس الى ممكن 35 أو 40 في الصيف وبعد بدون تكييف على فرض البيت مسكر ومسافرين وفرضاً إحنا ركبنا في وقت درجة الحرارة فيه 25 وكان معامل التمدد والإنكماش لهذا البلاط 0.001 لكل عشر درجات مئوية فرق .. نتوقع بيتمدد أقصاه في 20 درجة فوق الدرجة اللي حاطين فيها البلاط 25 درجة اللي كانت أو حولها يعني المعامل بيكون ضعف الموجود 0.002 .. وفرضاً عرض البلاط عندنا 60 سم يعني التمدد بيكون بحدود 0.12 سم أو ملم وشوي في أقصاه .. بعض البلاط يجي المعامل أقل وبعضه يجي أعلى وأعلى تترك فواصل أعلى معناها وأشوف الزيرو جوينت بدون روبة أو روبة مرنة وأعتقد فيه نوعيات سائلة تجمد وتتصلب بس تكون قابلة للانضغاط أفضل بكثير من إننا نركب فواصل صلبة وروبة اسمنتية أو اسمنتية خاصة وقوية أو ايبوكسي

https://www.youtube.com/watch?v=0n_pDkiUd64

طريقة إننا نخلي فاصل تحت النعلة بعد جيدة بس نعبيه سيليكون أفضل ليكون قصر للنمل

معماري قطري

04-01-2022, 10:55 AM

طبعاً البلاط اللي مب مضمون استواء مقاسه هذا سووا له جوينت حسب ما هو محدد في المواصفات

آخر بلاط ركبته هندي رخيص 0 جوينت وخارجي .. 0 جوينت بدون روبة بس فيه فاصل صغير كلش لا يلاحظ وكان 40 في 40 رخامي ومساحة كبيرة غير عن اللي يذكرها هذا وفي الخارج وجداري ولا صار شيء

معماري قطري

04-01-2022, 11:27 AM

كلامه
https://www.youtube.com/watch?v=dhvNxTVziRA صحيح بس لاحظت وجود بعض الحجارة الكبيرة وهي معقول حجمها لكن لو كان أصغر شوي بحدود 7 سم أفضل بكثير

معماري قطري

04-01-2022, 12:33 PM

https://www.youtube.com/watch?v=18yUaBzQlXY

معماري قطري

06-01-2022, 05:45 PM

السعوديين يحبون تبليط السطح لإستخدامه بس مستغرب ليش يحطون دفان .. المفروض طبقات العزل المعروفة أما بطريقة السنغل سكريد أو الدبل سكريد وبدون رمل .. يفترض أي بايبات برا فوق البلاط أو نسويها مخفية في تجويف في جدار السطح نقدر نفتحه وقت الحاجة والجزء الداخل في سقف السطح لداخل البيت أما من الجدار الخارجي أو لو نبغي نسويه على جدار داخلي نمرره في بايب أعرض شوي لسهولة سحبه للاستبدال وقت الصيانة ونسكر البايب برغوة وعازل مائي جيد .. القصد ما فيه داعي للدفان وتثقيل السطح زيادة

تخشين الأرضية اللي يقول عنها ضروري للمونة الضعيفة اللي تتطلب تخشين أما بعض اللواصق القوية حسب نوعها ما تحتاج تخشين .. الجوينت لو بنسويها كل 4 متر حتى 1 سم كفاية وهي لها حسبة حسب تمدد البلاط لو بنحسبها بدقة وصحيح درجة الحرارة في بعض المناطق تتغير من 5 وحولها في الشتاء لحدود 60 في الصيف ونحسب التمدد على هذا التغير .. مثلاً لو مواصفات البلاط تقول قابل للتمدد 0.001 سم لكل 1 سم وعندنا البلاط عرضه 60 سم معناها كل بلاطة تتمدد 0.06 سم أو بحدود نص ملم .. 10 بلاطات تساوي 6 متر وتمددها بيكون 0.06 سم في 10 أو 6 ملم .. فنقدر بالراحة نركب الفاصل كل 6 متر بدال 4 متر ونخليه 10 ملم كفاية تستوعب هذي ال 6 ملم .. مواصفات التمدد لكل نوع بلاط موجودة على الكرتون أو نطلبها من البائع مكتوبة في ورقة .. أوقات التمدد يجي رقم صغير كلش بس لكل درجة مئوية هنا نضربه في أقصى درجة تغير نتوقعها يعني مثلاً المواصفة تقول تمدد البلاط = 0.0001 لكل درجة مئوية ولكل سم .. وعندنا التغير 50 درجة مئوية تقريباً فيساوي 0.005 سم للسنتيمتر أو 0.5 سم للمتر من البلاط وهذا يعني نص سم في كل متر .. فلو حبينا نسوي فاصل كل 4 متر لازم يكون 2 سم حتى يستوعب 0.5 سم + 0.5 سم + 0.5 سم + 0.5 سم

https://www.youtube.com/watch?v=qUZCzaknt1s

معماري قطري

06-01-2022, 05:58 PM

https://www.youtube.com/watch?v=0_KhihMIOG8

معماري قطري

07-01-2022, 01:38 PM

حلو إن الباب يدخل في تجويف الجدار وصج شغلة إنك تعمله .. شوي يكون محمي أكثر .. البديل تسوي طابوق أقل عرض وممكن حتى تغلفه بقشرة خشب والباب تخليه في العمق النازل ينفتح ويسكر وآلية التعليق تكون مكشوفة عادي ما اتخيلها مزعجة وتضر أو مغطاة بخشب قابل للفتح يكون من فوق مثل التاج

شكلي باسوي الفكرة الثانية لأبواب المجلس الداخلي وصالة الطعام المفتوحة عليه .. مع إني كنت مقتنع بالفكرة الأولى

https://www.youtube.com/watch?v=sG9eigDH4IU

معماري قطري

07-01-2022, 01:50 PM

مهم نعرف هذي النوعيات من الجدران الإستنادية

https://www.youtube.com/watch?v=UummY_mo85Y

معماري قطري

08-01-2022, 12:04 AM

https://www.youtube.com/watch?v=cEo2rsop45U

معماري قطري

08-01-2022, 12:18 AM

https://www.youtube.com/watch?v=Z5mVLB-Qxu8

معماري قطري

08-01-2022, 12:33 AM

عدم عزل الجسور والأعمدة حرارياً ما يفيد .. مساحتهم كبيرة ومؤثرة توصل ل 20 أو 30% من بعض الواجهات وتكون ممر سريع للحرارة والبرودة وكأننا ما نسوي شيء .. مثل اللي يقول لك صب الماء في تانكي فيه ثقوب كثيرة ويقول صغيرة ما تأثر .. هذي المساحة كبيرة لو واجهة 500 متر مساحتها فيها أعمدة وجسور حول 100 متر مربع مب شيء بسيط

https://www.youtube.com/watch?v=TNUmo65Pt9I

معماري قطري

08-01-2022, 03:51 PM

https://www.youtube.com/watch?v=HD0lGjSe9Nc

معماري قطري

08-01-2022, 03:58 PM

https://www.youtube.com/watch?v=lDXvCKSSnak

معماري قطري

10-01-2022, 10:09 PM

أكيد هذا مب مهم لبنياننا لكن مهم للفواصل بين الجبس في السقف وطريقة معالجتها

https://www.youtube.com/watch?v=j3ME-c96874&list=RDCMUCPoqanqHbWlBnZPrKggS34A&index=5

معماري قطري

10-01-2022, 10:12 PM

https://www.youtube.com/watch?v=nfUROjn8ZZI

معماري قطري

10-01-2022, 11:52 PM

المشكلة لو صار تسريب للماء .. بالنسبة لنا اللي يعزل الجدران صح بيفتك من برودة البلاط برودة ما يطيقها .. وضروري يعزل الجسور والأشقف والأرضيات من الجوانب أقل شيء جهة الجدار والسقف من فوق بعد .. بإختصار تغليف البيت

https://www.youtube.com/watch?v=ILQs46fXu-M

معماري قطري

11-01-2022, 12:12 AM

https://www.youtube.com/watch?v=NTAJjNB03qQ

معماري قطري

11-01-2022, 12:46 AM

صناعة وتركيب الدرابزين صج شغلة وهذا سهل بعد

https://www.youtube.com/watch?v=v5LNZVy3eJI

معماري قطري

11-01-2022, 01:44 AM

https://www.youtube.com/watch?v=1KBuP_8NKFY

صناعة الخشب وترتيبه شغلة متعلمينها المتعاملين مع الخشب من الصغر ومتوارثينها ولها تراثها .. أكيد مب عندنا بس عندنا أشجار كثيرة وممكن تقوم عليها صناعة أخشاب محلية لعدة استخدامات حتى للبناء .. تحتاج جرأة وتعاون أكيد وبتكون استغلال لمادة لا يستفاد منها وتهمل وترمى وتكون عبء بيئي

معماري قطري

13-01-2022, 02:19 AM

https://www.youtube.com/watch?v=r41PME7g70c

سالم الزهران

13-01-2022, 10:01 AM

معماري قطري

13-01-2022, 01:45 PM

السلام عليكم
صباح الخير بو عبدالله، لو ارتفاع الابواب في البيت صار متر وتسعين نتيجة خطأ المبلط في الدفان.. وصاحب البيت حب يعالج المشكلة،، هل ممكن يكسر عشرة سم من فوق عشان يرتفع الباب!

عليكم السلام ورحمة الله وبركاته

الخطأ ما يكون خطأ المبلط في هذي الحالة المفروض المقاول حاسبها صح والا قريب من الصح .. العادة الفتحة يكون ارتفاعها 240 سم أو 220 سم وحاط في حسابه مستوى التبليط وحاط حساب ارتفاع أول عتبة في الدرج حتى بعد التبليط وتبليط الدرج تكون أول عتبة بإرتفاع موحد مع باقي العتبات .. ما تشوف يسوون ارتفاع العتبة الأولى حول 40 سم 25 سم تروح تحت وتبقى 15 سم أو أقل حسب الإرتفاع المريح اللي تبغيه

نعم يقدر يكسر ويحط خرسانة جديدة أو عتبة صناعية حديد والعملية سهلة ما تاخذ يومين .. إنتبه إن الطابوق الجانبي يكون مليان خرسانة لو ما ملاه وهو يكسر من فوق يوسع شوي طبيعي ويملاه خرسانة ويغرس جزء من أسياخ حديد 2 أو 4 مب مهم أي قطر ويحنيها يشبك معاها الحديد الأُفقي لعتبة الباب .. تحصل المقاول يلف ويدور ويحاول يلبس المبلط خطأه لو المبلط شخص ثاني والا المالك يدفعه فلوس التعديل .. أوقات وهي قليلة يكون البناي عمل الفتحة المطلوبة والمبلط فهلوي أوي كثر الدفان دفن العتبة الأولى ويمكن الثانية تحت الأرض ويكون البناي خلاص سوى اللي عليه وطلع من البيت هنا الخطأ صحيح خطأ المبلط ومن الأساس خطأ المالك اللي ما حط استشاري وما حط مقاول فاهم يدير العملية كلها

معماري قطري

13-01-2022, 01:50 PM

شيء أخير لو المالك بيتقبل ارتفاع باب مع الفريم الفتحة تجي صافية 1.9 متر ما فيه شيء وبيتأقلم معاه لكن 2.4 وايد أحلى والإقتصادي 2.44 بالضبط .. يعني يسوي الفتحة صافية 2.5 زين يروح للفريم بحدود 4 سم تبقى 2.46 وبحدود 2 سم فراغات يكون الباب 2.44 واللوح بالكامل يغطيه وتفرق لو اللوح يجي قشرة قطعة وحدة

سالم الزهران

13-01-2022, 04:31 PM

معماري قطري

13-01-2022, 11:57 PM

ما قصرت يبو عبدالله، الفتحات مسويها المقاول 220سم، بس المشاكل بدت من فتحات مواسير رفعا السباك ورفع المبلط وراه و حاسوا الدنيا، الاشراف مب موجود وهذا للاسف منتشر.. مقاول حاضر يستلم فلوس وشغله مع العمال من تحت لتحت.

متأكد إنها غلطة المقاول .. المفروض يسوي الفتحة مترين ونص على أساس بتضيع حول 30 سم في الدفان سواها من البداية 220 يتحمل خطأه ويصلح مثل ما ذكرت لك

معماري قطري

14-01-2022, 12:52 AM

مستويات البناء من أهم الأمور اللي يتابعها الاستشاري والمقاول ولا حد يتهاون فيها .. كذلك من واجب الاستشاري المصمم يحددها على الخارطة بعد التشطيب وقبل التشطيب ويحدد طبقات التشطيب وسمكها التقريبي .. مثلاً انا عندي أرض مب منبسطة وفيها هبوط في جهة وممكن الشارع اللي جدامها هابط أو مرتفع لازم المصمم يقترح حلول لطبيعة الأرض ويحاول يرتبها مع التصميم ويسوي تصريف المطر صح + الصرف الصحي وخطوطه .. الاستشاري المشرف شغله يتابع على الطبيعة والمقاول ينفذ وهذا شيء مهم للغاية وتصير فيه أخطاء مزعجة أوقات تخرب بيت المالك أو تخليه ما يستفيد من أرضه صح أو تدخله في تكاليف هو في غنى عنها

معماري قطري

14-01-2022, 01:13 AM

معلومات مبسطة عن الطرق .. ومعلومة من عندي قريتها في السابق عن اكتشاف الأسفلت .. كانت الطرق حجرية بازلتية وما زالت تستخدم بعضها للآن وبعضها يبنى حديثاً على الطريقة القديمة .. الأسفلت أول استخدام له كان لتمهيد الطرق الطويلة بين لندن واسكتلندا لنقل الويسكي الاسكتلندي .. كان يصب على التربة ويختلط ويتجمد ودخلت عليه تحسينات كثيرة

https://www.youtube.com/watch?v=9XIjqdk69O4

معماري قطري

14-01-2022, 01:41 AM

https://www.youtube.com/watch?v=-9qipHF-LzA

معماري قطري

14-01-2022, 02:02 AM

https://www.youtube.com/watch?v=89x7bG7HzDw

معماري قطري

15-01-2022, 07:16 PM

https://www.youtube.com/watch?v=i4yP7e9e6D4

سالم الزهران

15-01-2022, 08:21 PM

اول مرة اشوف جدران بوليسترين...

معماري قطري

16-01-2022, 01:18 AM

اول مرة اشوف جدران بوليسترين...

هذي تغطية خارجية وبعدين يجي عليها طبقة بلاستر حماية وتكون من مواد قوية ورقيقة حتى تلتصق بالأسلاك المعدنية .. كثيرين يسوونها وتتشطب تشطيب الحجر بس عندنا يحطون 5 سم لو 10 أكيد العزل قوي وايد

معماري قطري

16-01-2022, 04:21 PM

مب شرط ترجع للمهندس نفسه غيره ممكن يصمم والحلول موجودة وسهلة

https://www.youtube.com/watch?v=AtQplm53u4s

معماري قطري

16-01-2022, 04:29 PM

ركزوا في الإضاءات شلون

https://www.youtube.com/watch?v=zDbCpBHX0aE

سالم الزهران

16-01-2022, 08:01 PM

هذا استثمر البيزات في عناصر معينة اهمها التصميم الداخلي للبيت، هندسة الديكور اعتقد تمت على مراحل كثيرة، لان الفخامة برزت اكثر في الطابق الأرضي لان في مساحات مفتوحة على بعضها.. الاعمدة والارضيات مغطاه بمواد فخمه و تغاضى المصمم عن الارتفاعات والجدران واكتفى كما يبدو لى بالدهان.

اخر موضوع هو الإضاءة واعتقد ممكن اختيار مثلها واجود منها لكن لن تبرز بهذا الشكل الا بالتصميم المناسب.. اكثر شي عجبني مساحة غرف النوم على القد وهذا المطلوب..رغم ان اللون الابيض للكبتات وبعض طاولات غرف النوم مب زين.. الابيض عملي اكثر مب مال استرخاء. ما ننسى المطبخ ممتاز
الاضاءة الخارجية بعد المفروض تكون معقولة ما فيها استعراض لانه بيت مب محل تجاري. وشكراََ يبو عبد الله لإثرائك الموضوع

معماري قطري

17-01-2022, 12:44 PM

تعقيب في محله إخوي سالم وهذا المهم نستثمر في تغيير وفي تطوير فلسفة البناء وبرخيص واستثمار في محله ونبتعد شوي عن التقليدي والمهم يكون بنياننا مريح وسهل .. أمس تمشينا في منطقتنا في شوارع حولنا بس هادية ومرتبة ومريت مع واحد من أهل المنطقة على بنيان جديد لهم للتأجير كان على شكل مجمع شقق والله يوفقهم فيه وهناك بيوتهم مسوين مواقف خارجية وزراعة حتى ورود زارعين والمنطقة ما فيها مكان ترابي وحتى الإيجارات كثيرة بس مرتبة صح تحسرت على منطقتنا القريبة ومنطقتنا القديمة كلش مب مرتبة ويبغي لها إزالة وبديت أقتنع بقرار البلدية هدم بيتنا القديم

سالم الزهران

18-01-2022, 03:51 PM

https://youtu.be/qcjmleiyJU8

اذا الامريكان يسوون في صب الخرسانة جذي فما استغرب انهم وصلوا الفضاء. هذا الفيديو تحدي لمعماري

معماري قطري

18-01-2022, 10:21 PM

لو تلاحظ في الأخير استوى الشكل حلو بس يبين إن بعض إتجاهات الخطوط متعاكسة وهذا غلط منهم

عندنا صبغات بودرة خاصة بالإنترلوك بسهولة ممكن تستعمل حتى في الخلطة ذي اللي عندهم ناعمة ويرشونها على الوجه .. شغلهم فيه فن وخبرة أكثر منه علم

معماري قطري

19-01-2022, 12:33 AM

https://www.youtube.com/watch?v=8elutE6F6P4

معماري قطري

19-01-2022, 12:36 AM

كلامه صحيح الماء ضروري نزيله أول بأول ورش وترطيب الأسطح بمياه قليلة بعد الصب ممكن يبقى لين شهر أو 4 أسابيع بالكثير ولا يزيد وعبارة عن ترطيب وليس تغريق .. مياه المطر تسبب تغريق للأسطح وتبقى بحمل إضافي وتسسبب في مشاكل انشائية وتضعف الخرسانة وممكن تهدمها أوقات

معماري قطري

19-01-2022, 12:52 AM

https://www.youtube.com/watch?v=vFDEGFIWvLs

معماري قطري

19-01-2022, 01:03 AM

https://www.youtube.com/watch?v=cZOYpqfxthM

معماري قطري

19-01-2022, 01:12 AM

https://www.youtube.com/watch?v=5hsyGb_bnKg

معماري قطري

20-01-2022, 02:55 PM

https://www.youtube.com/watch?v=um9t82mjhXU

سالم الزهران

20-01-2022, 04:10 PM

https://www.youtube.com/watch?v=vFDEGFIWvLs

الكراسي المعلقة، واي تركيبات وراها أجزاء مخفية افضل في رأي الشخصي أن أركب وراها سمنت بورد أو اي شيء يسهل قصه بأقل وقت وجهد.

سعود.

20-01-2022, 06:52 PM

ابشرك صارت تفتح المقاطع . بدون اي اجراء مني :app:

معماري قطري

20-01-2022, 11:25 PM

ابشرك صارت تفتح المقاطع . بدون اي اجراء مني :app:

بشرك الله بالجنة

دوم أذكرك متأخر وأقول ما حطيت الرابط بس هشكل زين

معماري قطري

20-01-2022, 11:30 PM

الكراسي المعلقة، واي تركيبات وراها أجزاء مخفية افضل في رأي الشخصي أن أركب وراها سمنت بورد أو اي شيء يسهل قصه بأقل وقت وجهد.

الخشب ثابت وقوي ويعمر مثل المارين بلايوود وانا مجربه ولا تدري به وبدون أي حمايات .. الاسمنت بورد أكيد أقوى ويقاوم الرطوبة ممكن أكثر .. بس والله تتورط في صيانة الكراسي المعلقة صعبة وايد وعلى البركة ماشية صح عندي للحين .. عندي غالبيتها جاكوب دوليفان ويقولون وقفوا الانتاج ألحين ولا فيه قطع غيار .. الديكورات أحلى تطلع فوق مستوى الخزان جانبية بهذي الطريقة ما ادري ما اشوفها أحلى فوق وبكامل العرض أحسن

معماري قطري

21-01-2022, 02:15 AM

آر - 13 للعازل تعني رزستانس 13 أو مقاومة للإنتقال الحراري = 13 .. الطابوق على ما أذكر بحدود 1 والعازل الفوم 5 سم بحدود 2 إن ما خانتني الذاكرة .. هذا العازل يجمع مع مقاومة الهواء الملامس للسطح الخارجي والداخلي وهو رقم بسيط كلش بحدود 0.05 مقاومته ومع أي تغطية وبأي مواد ممكن تطلع بحدود 1 أو 2 أو 3 حسب المواد .. تخصم منه أي جسور حرارية بنسبة تغطيتها وهنا أشوف فيه الخشب يعتبر جسر حراري بس عزل الخشب حسب نوعه وسمكه بعد جيد ممكن يوصل ل 6 .. كلها تطلع تقريباً رقم معين ونوازنه ببعض ممكن فرضياً في المعدل يطلع 9 .. منه نحسب اليو فاليو معامل الإنتقال الحراري اللي يساوي 1 على مجموع المقاومات مقسوم 1/ 9 = 0.111 وهو عزل خرافي ولو كل المقاومات 13 بدون جسور حرارية تطلع 0.077 وهو عزل خيالي أكثر وأكثر .. بالنسبة لبيوتنا لو وصلنا 0.5 أو 0.3 نعمة وغالب بيوتنا 1 حتى المغطاة بالحجر بدون عوازل اضافية

https://www.youtube.com/watch?v=a1jPx9xQeXk

سالم الزهران

21-01-2022, 07:16 AM

الخشب ثابت وقوي ويعمر مثل المارين بلايوود وانا مجربه ولا تدري به وبدون أي حمايات .. الاسمنت بورد أكيد أقوى ويقاوم الرطوبة ممكن أكثر .. بس والله تتورط في صيانة الكراسي المعلقة صعبة وايد وعلى البركة ماشية صح عندي للحين .. عندي غالبيتها جاكوب دوليفان ويقولون وقفوا الانتاج ألحين ولا فيه قطع غيار .. الديكورات أحلى تطلع فوق مستوى الخزان جانبية بهذي الطريقة ما ادري ما اشوفها أحلى فوق وبكامل العرض أحسن

اتفق معك،، الخشب والاسطح الخفيفة الثانية تحتاج عزل بطريقة جيدة، لأن اغلبها ما تجي معزولة من المصنع وبيبين عليها آثار الرطوبة، المقصد اذا كان ورى الكرسي المعلق شي غير البنيان ممكن تفكه كله وتقطه وتركب واحد ثاني ما تتكلف انك تكسر جدار و تدور بلاط او تغير كامل البلاط.. حوسه

معماري قطري

21-01-2022, 04:43 PM

اتفق معك،، الخشب والاسطح الخفيفة الثانية تحتاج عزل بطريقة جيدة، لأن اغلبها ما تجي معزولة من المصنع وبيبين عليها آثار الرطوبة، المقصد اذا كان ورى الكرسي المعلق شي غير البنيان ممكن تفكه كله وتقطه وتركب واحد ثاني ما تتكلف انك تكسر جدار و تدور بلاط او تغير كامل البلاط.. حوسه

الله يعين شغل الصيانة والتجديد كله حوسة في حوسة

معماري قطري

23-01-2022, 08:12 AM

https://www.youtube.com/watch?v=6m2o1WPoXQI

معماري قطري

23-01-2022, 08:26 AM

الأهم من قوة الحديد هو حمايته من عوامل الصدأ .. الماء المضاف له الكلور مسبب قوي للصدأ وهو ماء الخلط عندنا للخرسانة والحديد المغلف ايبوكسي أثبت وجوده في البنايات اللي ما تتعرض لشد قوي مثل البيوت والعمارات العادية وممكن لوحظ انسلاخ الحديد المغلف من غلافه في الجسور بسبب تغلغل المياه والرطوبة مع مرور السنين بين التغليف وبين جسم الحديد والصدأ بس للمباني العادية أثبت وجوده .. في حال الجسور الوضع يختلف ومعرضة أكثر لمياه الأمطار وتتغلغل للحديد مهما سوينا .. البيوت الإهتمام بالعوازل وبالغطاء الخرساني يقينا أي مشاكل

بعدين عندنا حديد واحد تقريباً في السوق .. قبل من زمان جابوا نوع تركي قوي وصلب بس غير قابل للحني وينكسر ما كانت مذكورة هذي المواصفة ومن نزلوه بالكرين لاحظوا تكسر أجزاء منه في الميناء واستوت سالفة

أشوف ضروري يكون فيه توجيه لمعامل الردي مكس بضرورة الخلط بمياه مقطرة مزالة منها الأملاح والكلور

https://www.youtube.com/watch?v=Ikt5_ONF_tA&t=185s

معماري قطري

23-01-2022, 08:34 AM

https://www.youtube.com/watch?v=_nhqmhbdhms

معماري قطري

24-01-2022, 01:29 AM

هذا برنامج الريفيت من نفس شركة الاوتوكاد اللي اسمها اوتوديسك .. تقريباً فيه نفس الخصائص والمميزات

https://www.youtube.com/watch?v=VEMTY_6YZi4

معماري قطري

24-01-2022, 01:57 AM

https://www.youtube.com/watch?v=FJw9YVGSk_w

معماري قطري

25-01-2022, 01:51 AM

https://www.youtube.com/watch?v=OA6c818LeZw

شغل بو أسد وايد نظيف ومرتب

معماري قطري

25-01-2022, 02:16 AM

https://www.youtube.com/watch?v=YJjViZ1vJrI

معماري قطري

25-01-2022, 02:44 AM

https://www.youtube.com/watch?v=cEjiICErSQg

معماري قطري

26-01-2022, 06:35 AM

https://www.youtube.com/watch?v=X5u8mTb34ek

معماري قطري

26-01-2022, 06:41 AM

عوامل كثيرة تدخل في تصميم دورة المياه منها الحائط الخارجي ووين الدريشة وشكلها شلون .. الرواشن في الحائط والتهوئة الهواء الداخل والهواء الخارج .. الشرح هذا مبدئي وبالنسبة للحمام الصغير 1.8 في 1.8 أشوف نخلي المغسلة مواجهة الباب أفضل بعد الإستعمال بيكون أول النظر يجي على ما هو مقابل الباب وليس جنب الباب مع إن المكانين جيدين

https://www.youtube.com/watch?v=bcfesvIA0Ws

معماري قطري

26-01-2022, 07:02 AM

https://www.youtube.com/watch?v=-PklyWBrdYo

تصميم حلو لمحبي الديكور والمساحات المدروسة

معماري قطري

26-01-2022, 07:08 AM

حبيت قصة مغاسل المجالس والصالات ودخول البرواز للباب خلفها بطريقة معالجة مبتكرة ما فكرت فيها من قبل في الفيديو السابق

معماري قطري

26-01-2022, 12:06 PM

متفق مع كل ما قال بس ليش ما نتفادى كل هذا من خلال مرحلة التصميم ونراجع المخططات الإنشائية ونطابقها مع المعمارية مع مهندس فاهم يوضح لنا شصاير

https://www.youtube.com/watch?v=RMr_NhRn4KA

معماري قطري

26-01-2022, 12:15 PM

أذكر أحد الأعضاء تواصل معاي في عمود صغير يبعد مترين من زاوية الصالة من كل جهة وكان عائق مزعج وبنى كامل خلص الخرسانات بس ما شطب للحين .. العمود حامل فوقه جدران حمام ولا فيه حد بيشوف له حل وطبيعي محد يتحمل المسؤولية في هالحالة .. حاولت له بحلول معمارية وتجميلية كلها ما ارتاح لها مصمم يقص العمود .. نصحته يشوف مدير مكتب استشاري كبير ومشغول ألحين بس كان هذا عرفته من حول 30 سنة من أفضل المهندسين الإنشائيين .. سوى له حل غريب بعد زيارته للموقع زرع عمدان في الجدران حديد آي بيم وركب فوق قطع آي بيم معلقة من راس العمود وممتدة ويغطيها الجبس بعدين .. ركبوا دعامات وقصوا العمود

الحل أكيد مكلف ينعمل من البداية بدراسة بيكون سهل ورخيص لكن بعدين سوى ربكة ووقف الشغل واحتاج شغل ومواد ولازم تكلفة

معماري قطري

27-01-2022, 12:58 AM

عرض الباب حتى ل 80 سم صافي مناسب لدخول الكرسي المتحرك ولكل قطع الأثاث .. الفتحة ممكن نسويها 90 سم بس متر معقولة ويكون الباب بحدود 90 سم تقريباً صافي .. المتر من مضاعفات ال 20 سم اللي يعتمدونها أغلب المعماريين في التصميم فعادي حايط طوله من جهة لجهة ممكن نحصله 4 متر أو 4.2 أو 4.4 ومن هذي المضاعفات لكن صعبة نحصل مثلاً 4.09 وهذا يعد قصور في التصميم أو التنفيذ ولو نرجع للمخططات نحصلها 4 أو 4.2

في هالحالة لو فرضاً الباب وسط الحايط بنبداه من 2.1 إذا عرض الحايط 4.2 وفرضاً بنسوي باب عرضه 1 متر بناخذ من ال 2.1 اليمين 50 سم بتبقى لنا 1.6 متر ومن اليسار نفس الشيء .. 1.6 تركب فيها 4 طابوقات بالضبط وفوقها 3 طابوقات ونصين الطابوقة حتى يكون عندنا تداخل .. أوقات يضطر العمال يعملون مقاس صحيح يمين ويسار بمضاعفات ال 20 سم ويتركون الفتحة للباب في الوسط تقريبية مثلاً 105 سم أو 103 أو حولها وهذي بعد ما تبين في التركيب وتحسب الأبواب وحدة الا تجي متعني وتقيس بدقة

زين شيصير لو فرضاً بنسوي باب عريض وإحنا حابين العرضيكون وسيع؟ نقدر نسوي 120 سم أو 140 سم وفي حالات معينة لو زاد العرض تضطر تركب باب كبير وجنبه باب صغير حتى يكون ثابت أو كبير بس محوري اللي له محور متطرف معلق فوق وتحت وينفتح لاف .. أو 120 سم بتروح منها قرابة ال 10 سم للفريم بتبقى 110 وعندنا عرض اللوح 122 سم بيكون الباب اقتصادي بس يحتاج مفصلات مناسبة وتمسكه صح

https://www.youtube.com/watch?v=gfW0MYbHVyk

معماري قطري

27-01-2022, 01:54 AM

https://www.youtube.com/watch?v=h4dsU0iOjgo

معماري قطري

27-01-2022, 02:03 AM

https://www.youtube.com/watch?v=niWpBg8XS68

سالم الزهران

27-01-2022, 05:50 AM

تكاليف الفلل الجاهزة، قيمة أرض حول 350 و تكالف البناء تقريباََ 500، يعني المجموع 850، ويعرضونا للبيع بمليون وثمان ويقولون لك تعال اشتر.

معماري قطري

27-01-2022, 09:08 AM

تكاليف الفلل الجاهزة، قيمة أرض حول 350 و تكالف البناء تقريباََ 500، يعني المجموع 850، ويعرضونا للبيع بمليون وثمان ويقولون لك تعال اشتر.

صباح الخير

تكلفة الأرض والبناء عندكم معقولة لآخر درجة وحتى قوانين التخطيط مرنة ووجود سوق كبير لمواد البناء وتنافس ووجود معظم المواد الأولية والمستوردة .. عندنا إضرب أقل شيء في 3 وانت طالع

بتغلى الأسعار بسرعة مثل ما صار عندنا خصوصاً للأراضي .. يقول لي صديق كويتي شاري عدة أراضي في الطايف ذكر لي الرقم فوق العشر 12 أو 14 ما اذكر بالضبط وخطته استثمار لين تغلى يبيع أو يبني يستثمر .. أتذكر من وقت كانت عندنا قطع الاراضي ب 30 ألف وكانت في الوعب ب 600 ألف كبيرة 3000 متر وكنا نشوفها غالية وايد ألحين ما تحصل اللي ب 30 ب 3 مليون تضاعفت ألف مرة واللي ب 600000 مبلغ فلكي آخر الله أعلم به .. والأخيرة كانت من حدود 15 سنة

معماري قطري

27-01-2022, 09:49 AM

صج شغلة بس النتيجة تستاهل .. سامحوني على البنت اللي طالعة في الفيديو ترددت في عرضه

https://www.youtube.com/watch?v=5wEFFWjo8ro

معماري قطري

27-01-2022, 10:34 AM

https://www.youtube.com/watch?v=VmNJkpgORXA

معماري قطري

27-01-2022, 11:06 AM

شغل بدائي وصراحة يخوف بس اقتصادي .. حتى شبك الحديد فوق ما له داعي ممكن يحطون بداله فايبر أفضل بيكون .. التحميل على العصب والجسور الجانبية اللي أصلاً خفيفة .. شكلهم مصريين

https://www.youtube.com/watch?v=NrEvhYv-F7g

سالم الزهران

27-01-2022, 04:29 PM

صباح الخير

تكلفة الأرض والبناء عندكم معقولة لآخر درجة وحتى قوانين التخطيط مرنة ووجود سوق كبير لمواد البناء وتنافس ووجود معظم المواد الأولية والمستوردة .. عندنا إضرب أقل شيء في 3 وانت طالع

بتغلى الأسعار بسرعة مثل ما صار عندنا خصوصاً للأراضي .. يقول لي صديق كويتي شاري عدة أراضي في الطايف ذكر لي الرقم فوق العشر 12 أو 14 ما اذكر بالضبط وخطته استثمار لين تغلى يبيع أو يبني يستثمر .. أتذكر من وقت كانت عندنا قطع الاراضي ب 30 ألف وكانت في الوعب ب 600 ألف كبيرة 3000 متر وكنا نشوفها غالية وايد ألحين ما تحصل اللي ب 30 ب 3 مليون تضاعفت ألف مرة واللي ب 600000 مبلغ فلكي آخر الله أعلم به .. والأخيرة كانت من حدود 15 سنة

مساء الورد ابو عبد الله، ابشرك مريح راسي من هالعلوم كلها ولكن ودي لو استشار اخونا الكويتي كان شرت عليه ما يشتري في الطائف لغرض تجاري او استثمار.. لكن النصيحة كانت بفلوس.
اما غلاء الاسعار فاللي يحكم البائع والمشتري هو السوق والسوق وانظمته تضعها الدولة.. فانتم تم القفز بكم و السعاودة ايضاََ اليوم يعيشون قفزة لكن في الظلام، حيث السعودية صار بها انظمه شبيهة بالانظمة الشيوعية و اللي ما يدري يحسب الدنيا دنيا.

معماري قطري

28-01-2022, 12:45 PM

مساء الورد ابو عبد الله، ابشرك مريح راسي من هالعلوم كلها ولكن ودي لو استشار اخونا الكويتي كان شرت عليه ما يشتري في الطائف لغرض تجاري او استثمار.. لكن النصيحة كانت بفلوس.
اما غلاء الاسعار فاللي يحكم البائع والمشتري هو السوق والسوق وانظمته تضعها الدولة.. فانتم تم القفز بكم و السعاودة ايضاََ اليوم يعيشون قفزة لكن في الظلام، حيث السعودية صار بها انظمه شبيهة بالانظمة الشيوعية و اللي ما يدري يحسب الدنيا دنيا.

الله يعينه ويوفقه كان في البورصة وخسر كثير والكويتيين استووا متصيدين لفرص العقار .. عن الأنظمة هذي موجودة في كل مكان في عالمنا العربي عادي اليوم انت مرحب بك بكرة حلالك كله للدولة وممكن الدولة تستملك منك بريال ومن واحد ملاصق لك ب 100 ريال

معماري قطري

29-01-2022, 10:00 AM

منتجات الخزف السعودي عورني قلبي من الأسعار إحنا بدون ضريبة بدون مبالغة أقل شيء 500% أغلى

وما ادري شفيني صدقت إن الأسعار غلت وايد عندهم بسبب الضريبة وأسحب كلامي

https://www.youtube.com/watch?v=x6LTrXEZpFw

معماري قطري

29-01-2022, 10:14 AM

https://www.youtube.com/watch?v=vtaczqApE40

معماري قطري

29-01-2022, 10:58 PM

https://www.youtube.com/watch?v=2UoUiNcV2nE

معماري قطري

30-01-2022, 12:03 AM

https://www.youtube.com/watch?v=pE0J_CHnU_g

معماري قطري

30-01-2022, 12:09 AM

https://www.youtube.com/watch?v=EW1swbgvTtI

سعود.

30-01-2022, 12:17 AM

https://www.youtube.com/watch?v=2UoUiNcV2nE

صباح الخير ( ابا عبدالله )

للأمانة انا من اكبر متابعينك في قسم البناء مثلك عارف اكيد . قلت مشاركاتي لأسباب عده . استوقفني هذا المقطع :polling: السؤال هو : كيف يقدر يعزل القبو من الخارج من جهة الجارين الي عندة مع ان جدار القبو ملاصق لجدار الجارين ؟؟؟

معماري قطري

30-01-2022, 03:00 PM

صباح الخير ( ابا عبدالله )

للأمانة انا من اكبر متابعينك في قسم البناء مثلك عارف اكيد . قلت مشاركاتي لأسباب عده . استوقفني هذا المقطع :polling: السؤال هو : كيف يقدر يعزل القبو من الخارج من جهة الجارين الي عندة مع ان جدار القبو ملاصق لجدار الجارين ؟؟؟

مساء الأنوار

تسرني متابعتك وانت محاور جيد وما شاء الله عليك مهتم بالبناء وثقافته وهذا شيء يفيدك ويخلي تفكيرك في كل شيء منطقي ومترابط .. بالنسبة لسؤالك هذا شكله بنى الجدران الإستنادية القوية من الخرسانة جنب جدران الجار وبعدها بيصبغها بيتومين وممكن حتى يركب عليها رول ويبني جدرانه سواء طابوق أو خرسانة .. وأستغرب كل هذا الشغل والحفر والعزل شيفيد وبعد كم سنة نعرف تنتهي صلاحية العازل ويبدأ يسرب .. حتى البتومين يضعف وتذوبه كيماويات التربة ورطوبتها مع الوقت .. بإختصار مستحيل أي منصع لمادة عزل يعطيك عزل قوي 100% مدى الحياة .. ودوم أفكر في إبعاد المياه لو طلعت جوفية أو اللي ممكن تتسرب جنب الجدران ولازم نسوي لها مصائد مياه المسماة بالفرنش درينيج أو طريقة التصريف الفرنسية ببيابات فيها فتحات مغطاة بغشاء يسمح بمرور المياه ويمنع التربة حتى ما تسد البايبات ويتصرف الماي لمنهول ومنه بمضخة للخارج .. العملية سهلة وإحتياط تسويها ولا تكلفك شيء وانت تحت الأرض بس المياه لو تسربت في المستقبل ممكن تكلفك مبناك وتنهيه قبل عمره الإفتراضي وأكيد عملية التسريب والصدأ وتكسر الخرسانات تاخذ وقت بس لو بدت صعب حلها الا تكون مسوي الحل ( إحتياط ) من البداية .. مثل طفاية الحريق تشتريها وتفحصها وتخسر عليها وتتمنى ما تستعملها كلش

هذا يا اخوي وايد يلخبط وشوف في الفيديو الجاي شمسوي في بنيان الجيران وكله ما سوى شيء .. أي حفر تحت تأسيس الجدران حتى وإن كان تأسيسها غلط وتسبب في أضرار لهم هو مسؤول يصلح ويعوض بس شسوى حتى البايبات طلعت وتربة الحوش نزلت .. كانت فيه حلول بإن يبني حايط استنادي قبل ليحفر جنب الحايط مال الجار أو يركب حديد حماية يحمي جدران الجار وتربته حتى لأنه هو اللي حافر وهو مسؤول عن الحفر

https://www.youtube.com/watch?v=875sSXfp_ik

سعود.

30-01-2022, 04:24 PM

شكرا ابا عبدالله

معماري قطري

31-01-2022, 11:17 AM

شكرا ابا عبدالله

العفو إخوي سعود

https://www.youtube.com/watch?v=ViRMIF7jJ4A

معماري قطري

01-02-2022, 02:12 AM

ما شاء الله مضخة رائعة ركبتها من فترة .. شريتها من الوكيل في قطر ب 1850 ريال وتوقعت السعر في السعودية ارخص طلع ب 1999

https://www.youtube.com/watch?v=ocqzn9Z5WGM

SouthK

01-02-2022, 10:30 AM

ما شاء الله مضخة رائعة ركبتها من فترة .. شريتها من الوكيل في قطر ب 1850 ريال وتوقعت السعر في السعودية ارخص طلع ب 1999

https://www.youtube.com/watch?v=ocqzn9Z5WGM

من وكيلها؟ كنت ادور عليها من فترة!

معماري قطري

01-02-2022, 12:15 PM

من وكيلها؟ كنت ادور عليها من فترة!

عبيدان صوب ريجنسي تقريباً في بو هامور انا طرشت ولدي ما اعرف وين بالضبط .. ولو رحت تأكد من السعر شاك إني غلط الخوف 2850

SouthK

01-02-2022, 02:47 PM

عبيدان صوب ريجنسي تقريباً في بو هامور انا طرشت ولدي ما اعرف وين بالضبط .. ولو رحت تأكد من السعر شاك إني غلط الخوف 2850

اتوقع السعر اغلى من 1850 .. نحن في قطر!

معماري قطري

01-02-2022, 03:41 PM

ممكن أغلى والله أعلم

https://www.youtube.com/watch?v=Ftl4ZAjRmn8

معماري قطري

02-02-2022, 06:13 PM

هذا البيت الرخيص للإيجار ب 200 ألف دولار في الشهر .. تقريباً بمساحة بيتي بس في ميامي بيش .. من المينون اللي بيأجر بهالسعر

هذا ردي على اليوتيوب تعودت على التعليق

I lived in west Miami for four years starting 1989 and still remember my tiny apartment even the address I guess 9405 S. W. 140th Ct. 33168 ... The last number the zip code I am not sure about it the rest 100% sure .. The rent was $565 per month. My phone number was 305- 388- 13454 sure about all numbers except the middle 13 .. Mr. Matouk you've got an Arabic last name do you know the meaning?

https://www.youtube.com/watch?v=B03z-DoRTn8

معماري قطري

02-02-2022, 06:33 PM

https://www.youtube.com/watch?v=LgoOFpIV_VU

معماري قطري

02-02-2022, 06:50 PM

https://www.youtube.com/watch?v=PNvrzFEeARo

معماري قطري

03-02-2022, 10:31 AM

تعليقي للفيديو السابق

بالنسبة للجسر الساقط تقدر تعمله خرسانة أفضل من البداية وأثبت وما فيه داعي للإنارة المخفية ثبت الإنارة على الجسر بحيث تكون في الطرف السفلي وموجهة للملابس وخل المكان مفتوح بدون جبس داخلي ما تركز في السقف من فوق ولا يبين حتى تقسيمات الدولاب تكون مغطية .. أنا أحب قد ما اقدر في تصميماتي أعمل خزاين مفتوحة تقسيمات بدون أبواب لسهولة التناول والرؤية وبحيث تكون مثل غرفة صغيرة بباب ممكن قفله والا بقفل الكتروني حتى تكون خاصة بالمستخدم ولا يقربونها الخدم

بعدين التكييف مخفي بهذي الطريقة صحيح ما بيكون مزعج لكن طاقة التبريد أغلبها تتبدد في الحائط المقابل والمفروض تنتشر في فراغ الغرفة .. شيء ثاني هو تنظيف الدكتات أو بس مخارج الدكتات نحتاج تكون واضحة وسهل الوصول لها

معماري قطري

03-02-2022, 03:10 PM

https://www.youtube.com/watch?v=huJ9funMx70

معماري قطري

04-02-2022, 01:40 AM

كلامه صحيح

https://www.youtube.com/watch?v=1dFq-4itrOk

معماري قطري

04-02-2022, 01:55 AM

https://www.youtube.com/watch?v=EaqyzZcDlAA

معماري قطري

04-02-2022, 02:18 AM

https://www.youtube.com/watch?v=Z4FdNjvStSk

معماري قطري

04-02-2022, 01:00 PM

التصاميم هذي سهلة ومناسبة .. انا ما حبيت فكرة إننا ندخل الأعمدة داخل وهي أحسن نخليها مع الحايط الزجاجي ويكون بفريم حتى لو فريم صغير ستانلس ستيل يثبت الزجاج .. السقف السيدة سندويش بانل عملي وسهل ويغطي الأطراف ممكن نركب له واجهة سمنت بورد مثبتة بحديد السقف ومغطية بروز السقف من تحت يعني يبين عندك البنيان خرساني .. بالنسبة للجلسة نقدر نسوي لها عتبتين تحت ويكون ممر شوي مرتفع وراء الكراسي تثبت عليه الكراسي .. الممر بحدود متر داخلي والخارجي ممكن نقلله لحدود 70 سم وحتى أقل سهل يمشي فيها واحد وتظليل السقف عليها كفاية

https://www.youtube.com/watch?v=g4ErVByJ0Xc

معماري قطري

04-02-2022, 01:07 PM

هذا الطابوق عجيب للحديقة يا ليته موجود عندنا

https://www.youtube.com/watch?v=9qvIkrNg3m4

معماري قطري

04-02-2022, 01:23 PM

تكملة الشغل السابق

https://www.youtube.com/watch?v=O0Q0Qzxq2d0

معماري قطري

04-02-2022, 01:38 PM

https://www.youtube.com/watch?v=TmopwadRzmo

معماري قطري

04-02-2022, 01:44 PM

https://www.youtube.com/watch?v=kl8K2fRmJUg

الحمد لله هذي المشاكل مب موجودة عندنا وإن وجدت قضية سريعة ويحاسب المتعدي

معماري قطري

05-02-2022, 03:32 PM

الشور عرض 90 سم معقول بس شوي ضيق .. لو تقدرون من 100 الى 120 سم توفرون مساحة له وتصغرون في الباقي أفضل هو الأهم .. يعني لو عندنا حمام بطول 3 متر وعرض مترين أو متر و80 سم .. العرض كافي حتى 170 سم معقول وصج شوي ضيق وتحتاج تاخذ قطع مناسبة وبعد 160 سم ممكن لحمام اقتصادي .. المهم الطول 3 متر أو 320 سم يكون أفضل وأضمن لك ترتبه أحسن بطريقة كل القطع في الجهة الطولية .. تبدأ في الأخير يكون عندنا الشور نخلي له 100 - 120 سم .. لو الطول 320 بتبقى 200 سم أو مترين في المترين تكون المغسلة أقرب شيء للباب وحتى 180 سم كفاية لمغسلة وكرسي .. 80 سم للمغسلة و 100 للكرسي تكون شوي موسع هو 80 كفاية وزود ولو تحب المغسلة كبيرة شوي وعريضة أو معاها كاونتر زيد للمغسلة وقلل لمنطقة الكرسي

https://www.youtube.com/watch?v=BFlcuGMRKrE

معماري قطري

05-02-2022, 03:49 PM

https://www.youtube.com/watch?v=HuBLamx5pXk

معماري قطري

05-02-2022, 05:00 PM

https://www.youtube.com/watch?v=oiW1PjWgmTI

سالم الزهران

05-02-2022, 06:24 PM

شقة بابا حيدر هذا من أول ما خلص الطابق الأرضي توقعت سعرها مية وعشرين الف، طلع المطلوب مية وثلاثين ألف.. المنطقة حليوه والمرفأ اللي مصوره في البداية هذا فيه عبارة تشيل السيارات وتنزلها باسطنبول والناس كانوا يعتمدون عليها اكثر قبل ما يبنون جسر الفاتح.

عموماََ حيدروه قاعد يصور بكاميرة تعطي بعد يبين الطوفة طولها ثمانية متر وهي أقل..انا الشقة لو سعرها أقل شوي ممكن الواحد ياخذها عشان يجرب العيشة مبدئياََ.. مع ان اللي متعود على زحمة اسطنبول ما يرتاح للهدوء اللي بالمدن اللي خارجها مثل يالوفا.

معماري قطري

06-02-2022, 11:14 AM

معماري قطري

06-02-2022, 11:18 AM

هذي لو في ألمانيا حتى لو ضواحي مدينة كبيرة وفيها مطار تسوى حتى 200000 دولار لكن تركيا كلش ما تنحب ولا تنبلع بالنسبة لي وفي ألمانيا تحصلها بسعر كبير ممكن 400000 يورو بالراحة

سالم الزهران

06-02-2022, 01:33 PM

سالم الزهران

06-02-2022, 01:36 PM

الشقة تصلح في المدن الكبيرة والعصرية، لكن خارج المدن هذي افضل بيت مستقل.. وتبقي هذي أمنيات لأن العيال أو خلنا نكون دقيقين (الزوجة) يمكن ما تبغي تعيش خارج البلاد.

معماري قطري

06-02-2022, 03:26 PM

أول مرة أشوف شغل تأسيس كذا .. الشغل أكيد محسوب وزين بس استغربت من عدم وضع بسكوتات ترفع الحديد من البداية ولا فيه أي عوازل حتى لو بطبقة صبغ بيتومين على خرسانة النظافة وعلى جوانب الطابوق بتمنع تشرب ماي الخرسانة أقل شيء .. ويبين لي البنيان بيكون تحت الأرض هذا وبيرتفع فوق الله أعلم كم طابق

الجزء المدفون واللي فوق قطع أحجار كبيرة عليه شبك حديد ضعيف ومتباعد كثير هذا بينصب فوقه وبتكون ذي أرضية البيسمنت .. فيه أشياء ناقصة بالنسبة لي شلون تصريف المياه لو وجدت جوفية أو ارتفعت أو نزلت من المطر وتسربت

https://www.youtube.com/watch?v=p_Vjaskr1Q4

معماري قطري

06-02-2022, 03:38 PM

تركيا ميزتها الاسلام، وقربها الجغرافي، وعادات شعبها واكلاتهم تناسبنا.
المانيا واوروبا زينة لكنها مكلفة وما فيها تداخل مع المجتمع..

تركيا يا اخي زادت اسعار العقار بسبب العراقيين خصوصاََ.. وبعدهم يجي بقية العرب.

كلامك صح إخوي سالم تركيا اسلامية وأكلهم مناسب لنا وحلال لكن ألمانيا وايد راقية ومريحة وممكن حتى آمنة أكثر والسواقة فيها متعة والزحمة ما تكون خانقة والتنظيم الحضري مسكت .. بعدين الجالية العربية والتركية وبقية الدول الإسلامية فيها وايد ومساجدهم ومدارسهم منتشرة وكذلك مطاعمهم ومخابزهم

ألمانيا نظامها السياسي ثابت أكثر تغير حزب أو رئيس ما عندك مشكلة تركيا عادي عصابة أي وقت تسرق الدولة كلها

وفي النهاية الله أعلم والبلدين حلوين وكل بلاد فيها مميزات .. للي مثلنا سفراتهم ما تزيد عن شهر أو شهرين بالكثير سنوياً .. انا تركيا آمل بسرعة حدي اسبوعين .. للي مثلنا الفنادق والشقق المفروشة المؤجرة أفضل .. بعدين سمعت نصيحة قبل لتشتري في أي منطقة اسكن فترة طويلة وقارن وأجر لو ممكن في نفس العمارة اللي مخطط تشتري فيها

معماري قطري

06-02-2022, 03:41 PM

الشقة تصلح في المدن الكبيرة والعصرية، لكن خارج المدن هذي افضل بيت مستقل.. وتبقي هذي أمنيات لأن العيال أو خلنا نكون دقيقين (الزوجة) يمكن ما تبغي تعيش خارج البلاد.

مثلك الوضع عندي ولو يحصل لهم يعيشون في المولات و100 مول جنب بعض بتحصلهم يفكرون شلون يغطون كل زاوية من زوايا ال 100 مول ولو كل مول يشبه الثاني

معماري قطري

06-02-2022, 04:10 PM

هذا اللي يسوي الأساسات مغربي وشغلهم معتمد على الخبرة العملية والفن والمهارة بدون حسابات وتعقيد

هنا يصبون أرضية الدرج بنوع مخلوط من السيراميك الشعبي وبدون حديد مثل ما يسوون عندنا ويتكسر بعدين بعد ما يصدي

https://www.youtube.com/watch?v=1C7aRBWa1Fg&list=RDCMUCPVaPwwZV4trEka1dZcANeA&index=4

باحط بعدين طريقة بنيان الدرج بسريع وبدائية بعد

معماري قطري

06-02-2022, 06:09 PM

هذي طريقة بناء الدرج .. لاحظوا كم سمك الجسم الخرساني للدرج ومب متصل وداخل مع الطابوق مثل ما يكون في الغالب عندنا لزيادة التدعيم .. عندنا مبالغات كبيرة وخوف كأننا أوزاننا غير عن العالم وكأن الجاذبية عندنا أقوى

https://www.youtube.com/watch?v=0Cd0RMvzmQw&list=RDCMUCPVaPwwZV4trEka1dZcANeA&index=1

معماري قطري

06-02-2022, 06:12 PM

بس إرتفاع العتبات مزعج 18 مب بسيط تسوي رياضة كل وقت .. مناسب للي لياقتهم زينة لكن مزعج للكبار وثقيلي الوزن وكذلك للأطفال الصغار .. يعني اللي يسوي ارتفاع 14 سم في عرض 28 سم هذا مدلع نفسه ولو قدر 13 أو 12 يكون الدلع زايد

معماري قطري

08-02-2022, 03:04 PM

بعض المصممين الله يهداهم يحسسونك إن حرارة الشمس ما تدخل الا من النوافذ وهذا فكر غلط 100% .. النوافذ تعتبر عنصر تحت التحكم ودرجة عزلها مهمة وأهم شيء ما تسرب هواء وغبار وتقلل الصوت المنتقل .. ثاني شيء طبقات العزل الحراري الأهم هي الستائر ونوعيتها وسمكها ولو وجد شتر .. التظليل تأثيره بسيط جداً ومال أول نقدر نقول

الأهم في العزل الحراري هي الجدران الجانبية وشرحت أهميتها مرات عديدة

https://www.youtube.com/watch?v=e9za-7uP3o4

معماري قطري

08-02-2022, 10:43 PM

https://www.youtube.com/watch?v=ULwuGqu6fF8

معماري قطري

11-02-2022, 04:00 PM

https://www.youtube.com/watch?v=qZH08lGHoQE

معماري قطري

11-02-2022, 04:09 PM

شغل نظيف ومرتب

https://www.youtube.com/watch?v=tt3UoCYnpRA

معماري قطري

12-02-2022, 12:55 PM

توزيع أفضل وتصميم مدروس واستغلال أحسن للارض .. التصميم السابق ما يسوى كلش

https://www.youtube.com/watch?v=ZQtbQP5lpjk

معماري قطري

12-02-2022, 01:01 PM

https://www.youtube.com/watch?v=RCkQtoa1tvQ

معماري قطري

15-02-2022, 02:26 AM

https://www.youtube.com/watch?v=tZqxzIZPE-4

معماري قطري

17-02-2022, 01:18 AM

https://www.youtube.com/watch?v=IuOEQOlDE3o

هذا مثال لبعض المشاريع المعقدة والمكلفة أكيد

معماري قطري

17-02-2022, 01:32 AM

من المسابقات الغريبة علي هي مسابقة بناء جدران الطابوق .. شوفوا الفن في البناء والنظافة وحتى نظافة الطابوق والنص طابوقة تجي جاهزة .. التكحيل في الأخير يترك الفجوات بين الطابوق مخطوطة بعمق معين واحد وسمك واحد وفي الغالب هذا الطابوق يبقى مكشوف عادي بدون أي بلاستر وممكن صبغ مباشر عليه

https://www.youtube.com/watch?v=zevLEPWcmpY

معماري قطري

17-02-2022, 01:43 AM

كلامه فيه شيء من الصحة لكن السجاد النوعية الجيدة يجي ما تعيش فيه العثة وضروري ندخل نور الشمس لو نص ساعة كل ثلاث أيام .. بعدين الباركيه بأنواعه ممكن تركيبه على أرضية إسمنتية .. بالنسبة للبلاستيك أو الفينيل أو حتى الرخام الصناعي أو ما يسمى شبيه الرخام وهو بلاستيكي توجد نوعيات تعمر ولا تنخدش بسهولة ومعامل الخدش عالي هذا يسمى ( Mohc ) موك دغري أو مقياس موك وهي مواصفة مهمة للأرضيات تبدأ من 1 للطبشور وتنتهي ب 10 للألماس وبينهم درجات يعني ممكن نحصل 1.5 .. البورسلان فيه نوعيات منه بين 5 و 8 والرخام والغرانيت بين 3 و4 وممكن الجيد منه يوصل 5 .. طبعاً يكمل أي أرضية طريقة التركيب والتفاصيل والمواد .. مثلاً بنركب سجاد لازم نختار نوعية جيدة ومناسبة ونحسب حساب فتح الابواب أو نركب عتبات رخام يسكر معاها الباب ويكون مرتفع شوي عن مستوى السجاد وما يحتك فيه .. ونركب تحت السجاد طبقة مرنة ( أندر لي ) تعطيه فخامة وليونة وتحافظ على مرونة السجاد .. الأطراف لها طرق تركيب وتثبيت ومواد وبعضها تجي بستيل يسكر ميكانيكل ويخلي السجاد ثابت وبعضها بخشب ومسامير والصناعة كل وقت تطلع شيء جديد .. البورسلان ضروري نركز على أمور كثيرة مثل فواصل التمدد تحت النعلات ولو المكان كبير نضطر نركب فاصل وسطي والقراوت ضروري يكون مناسب ونوعية جيدة كذلك اللاصق

https://www.youtube.com/watch?v=q-bZ-gt8eUo

معماري قطري

17-02-2022, 02:28 AM

هنا مبالغة إستخدام الهزاز بسبب قلة العمق وانفتاح المكان وبعد ما فيه حديد نحتاج الخرسانة تغلفه وتدخل بينه .. ممكن مسح الخرسانة يدوياً وتسويتها كفاية

https://www.youtube.com/watch?v=PWhhn64MAnY

معماري قطري

17-02-2022, 02:31 AM

https://www.youtube.com/watch?v=lurOOLsLMY8

معماري قطري

17-02-2022, 03:02 AM

https://www.youtube.com/watch?v=1JoUo-Z7sPk

يعجبني الشغل اللي فيه فكر للصيانة ونظافة وحماية

معماري قطري

17-02-2022, 11:15 PM

https://www.youtube.com/watch?v=n_bKwEo9EKM

معماري قطري

18-02-2022, 12:54 AM

بعد قبل نسكر فتحة البايب العلوية بالشريط اللاصق نعزل حول بايب النحاس بالفوم حتى نحافظ على حرارة الغاز في البايب وحتى نضمن عدم دخول هواء وتكثف الرطوبة ونزولها للداخل

https://www.youtube.com/watch?v=MEldOEZ2Jkg

معماري قطري

18-02-2022, 01:13 AM

https://www.youtube.com/watch?v=JHMVVr6M0U8

سالم الزهران

18-02-2022, 05:57 AM

https://www.youtube.com/watch?v=n_bKwEo9EKM

تنفع حق ناس وايد لكن متأكد أن سعرها جلطة، وبعدين الكت لادر هذا شنو اختصر عليه؟ ثلاثين الف مثلاََ ويحرم نفسه من سطوح ومن اضافة بنتهاوس؟

يهمني منطقة الشواء اللي بالحوش عشان ابي اصكر على شيف بوراك.. خصوصاََ في الصيف تشوي وتنشوي.

سالم الزهران

18-02-2022, 06:09 AM

https://www.youtube.com/watch?v=1JoUo-Z7sPk

يعجبني الشغل اللي فيه فكر للصيانة ونظافة وحماية

ما شاء الله عليه، كنت بنتقد نقطة لكن يوم قال ان التواليت بالدور الأرضي هونت، لكن يبقى بايب تصريف المطر اللي صوب الخزان.. اللي قال عليه بيقصه على حد الرصيف.. هنا الغمنده.. لو هذه المنطقة فيها تصريف مياه امطار، اللي ما يسمى ف العقود ب (storm water system ) كان ربط انبوب التصريف معه.. لكن دائماََ الجهات الحكومية والبلديات مب قادرة تواكب النمو الحضري.. ايضاََ ممكن يسوي غرفة تجميع تفيده وايد..

معماري قطري

18-02-2022, 12:52 PM

تنفع حق ناس وايد لكن متأكد أن سعرها جلطة، وبعدين الكت لادر هذا شنو اختصر عليه؟ ثلاثين الف مثلاََ ويحرم نفسه من سطوح ومن اضافة بنتهاوس؟

يهمني منطقة الشواء اللي بالحوش عشان ابي اصكر على شيف بوراك.. خصوصاََ في الصيف تشوي وتنشوي.

لو بنفكر فيها بعمق أكيد الملاحظات وايد ومسألة الدرج المتواصل للسقف هذي ضرورية والبنت هاوس أشوفه تحصيل حاصل واضافته ما تكلف شيء يذكر وحتى ممكن تخليه تشطيب رخيص للحاجة بعدين .. الدرج الحديدي الخارجي ينفع للصيانة مع إن ممكن غرفة المعدات تسويها محمية تحت الارض وبارتفاع منخفض سهل توصلها ولا تسبب حمل والتانكي يكون بارد وحتى عدة التكييف تعمل لها تهوئة وتكون تحت محمية ومظللة .. لو ما تبي تحت الأرض ممكن تفرغ لها مساحة على مستوى الأرض ومن ضمن البيت بس دخولها من الحوش

الدرج يكون متواصل أسهل حل والأكثر اقتصادية وشرحت مرات كيف نخليه بتصميم معقول وبدون تكاليف زايدة .. ممكن جدار وسطي بدال الدرابزين وتكون فيه فتحات ديكورية وممكن حتى للدرج السهل المنتظم نركب أرضيات بورسلان أو بلاط شعبي ونغطيه بسجاد لو حابين نقلل التكلفة والبنتهاوس أكيد مب خسارة ومكسب حتى لو للمستقبل

معماري قطري

18-02-2022, 12:59 PM

ما شاء الله عليه، كنت بنتقد نقطة لكن يوم قال ان التواليت بالدور الأرضي هونت، لكن يبقى بايب تصريف المطر اللي صوب الخزان.. اللي قال عليه بيقصه على حد الرصيف.. هنا الغمنده.. لو هذه المنطقة فيها تصريف مياه امطار، اللي ما يسمى ف العقود ب (storm water system ) كان ربط انبوب التصريف معه.. لكن دائماََ الجهات الحكومية والبلديات مب قادرة تواكب النمو الحضري.. ايضاََ ممكن يسوي غرفة تجميع تفيده وايد..

مثلك حسيت إنه حل ارتجالي بدون خطة صح والمشكلة لو الكود الحكومي ما يغطي هذي الحالات بعدين بيشوه المنظر وقت المطر وممكن يضر المبنى .. هذا يدلك على قصور التصميم وكذلك أخطاء قرارات التنفيذ

مناطق كثيرة تنبني بسرعة ما تلحق عليها الدولة بالخدمات الأساسية والمفروض واجب البلدية تخطيط كل منطقة بخطة مناسبة للمياه حتى التصريف السطحي وعمل بحيرة صناعية مؤقتة ومزروعة لوقت المطر بيكون عنصر جمالي وبيخدم المنطقة والبايبات ما تكلف شيء لو مددناها من البداية

معماري قطري

18-02-2022, 01:04 PM

اللي يطالع صورة الفيديو الأخير هذي ولله الحمد مب موجودة كلش عندنا .. عندنا حماية لموقع البنيان عن سقوط أي مار فيه واحترام للطريق .. شوفوا شلون شاقين جنب الشارع بدون حمايات وسقوط سيارة وارد بسهولة وحتى إنسان

معماري قطري

18-02-2022, 01:28 PM

شرح مبسط لأهمية الأطواق الحديدية المسماة بالعربي كانات وبالانجليزي Stirrups وهذي أهميتها الحقيقية هي انشائية وتحسب بحسابات هندسية .. تكون كلما اقتربنا من العمود عددها أكثر حتى تعادل قوة القطع أو المسماة Shear forces وهذي تكون مركزة في النهايات .. نفس الحال للعمود تقاوم الانحناءات .. والأهمية الثانية طبعاً تربط الحديد الطولي ببعضه وتثبته في مكانه

https://www.youtube.com/watch?v=KEu7KUpCX0g

معماري قطري

18-02-2022, 01:32 PM

اللي يتابع الفيديو للأخير قبل الأخير يوضح كيف يكون الكراك في العارضة ذي مائل ومنحني بحدود 45 درجة وهذا من أشد الشلوخ خطورة ومؤشر إنهيار وشيك ما يغشمر كلش ولازم إخلاء وحلول هندسية صعبة أوقات

معماري قطري

18-02-2022, 01:40 PM

عزل البايب الممدد في السقف للصرف الصحي وتغطيته بالجبس .. أسباني بس فيه ترجمه وينفهم بدون صوت حتى

https://www.youtube.com/watch?v=hjjYF80BCRA

معماري قطري

18-02-2022, 01:48 PM

هنا حبيت تصميم المهندسة وتعديلها .. فكر هندسي راقي وعجبتني فكرة الدرايش قرب الزوايا وتخدم توزيع الأثاث حتى في غرفة النوم ممكن نسويها من الأرضية تبدأ

https://www.youtube.com/watch?v=GMz2VxJMO44

معماري قطري

18-02-2022, 02:01 PM

الشغل الزين يبين بعد انتهاءه ما تشوف شلوخ وخربطة وهبوطات

https://www.youtube.com/watch?v=FDWczJyzWKM

سالم الزهران

18-02-2022, 06:23 PM

مقاطع حلوه،، الله يعطيك العافيه يا شيخ حمد

معماري قطري

18-02-2022, 11:13 PM

مقاطع حلوه،، الله يعطيك العافيه يا شيخ حمد

الله يعافيك ويسلمك والشيخ من جابك

يمكن الجانب النقدي أوقات أقصر فيه وأوقات بدون تعليق أكون متقبل الفيديو أو شيء جديد علي ما أقدر أفتي فيه وبعيد عن تخصصي ومعرفتي بس الواضح الدجل زايد خصوصاً عند بعض العرب

معماري قطري

19-02-2022, 03:23 PM

عرض حلو وسريع والفلة شفناها مؤخراً في عرض ممل وبطيء

https://www.youtube.com/watch?v=814IdOKiz54

معماري قطري

19-02-2022, 03:35 PM

https://www.youtube.com/watch?v=todERQyDTN4

نصايح مهمة في مناظر حلوة

معماري قطري

19-02-2022, 03:39 PM

كلام إحدى الأخوات في رد على الفيديو السابق عجبني وحبيت أنقله لكم

"
basmah moon
3 years ago (edited)
رحم الله ابوي وجعل قبره روضه من رياض الجنه عاش طول عمره عشان يسويلنا بيت ومااعجبنا ولما مات ومحد دق الباب يقول وش ناقصكم عرفنا قدر بيت ابوي لو انه حجر سترنا من الناس وعشنا فيه اميرات انزفينا وحده وحده سبع بنات طلعنا منه شيخات ,لاتقولي المسكن مو ضروري ولاتقلي لاتقتر على نفسك,,انت انت لو ماقترت على نفسك باول حياتك كان ماوصلت,,,لازم نمسك ونعلم عيالنا انه مشروع بيت العمر مو هين ولا سهل وانه لازم نتكاتف ونوفر من قلوب محبه حتى نسكن ببيتنا الشخصي والعيال يروحون للعماره ويشوفون الحوسه وتعب ويساعدون ابوهم هذا درس تربوي كبير حرام نحرمهم من فرحت الانجاز وانه الجميع تضيق عليهم حتى تم بناء مملكتنا الشخصيه,,,,شعور جميل ينسي الاطفال تعب قلت الايد ويحسون انه الهدف حققناه وفرحت المبيت باول ليله تتركب الكهربه نجيب طراريحنا ونبات على البلاط من الفرحه وكم اسبوع نطبخ على الدافور مابعد ركبنا المطبخ وصوت صدأ الاصوات في البيت الفاضي يضل في أذهان عيالنا من اجمل وامتع اللحظات ,كذا يتربون مو تدخلهم بفله طول بعرض ماثثه
لا فيه فرق كبير, حتى لو تقدر تاثث بيتك مره وحده وتخلص بس لا نترك بصمة في نفوس عيالنا ونطلب رايهم وذوقهم ونحسسهم انه هذا انجازنا جميع لانهم صبرو وتحملو , واكثر واحد فيهم صبر وهو الي ممكن نحمله مسوليه ونعتمد عليه حتى لو كان الصغير فيهم ومانكافاه مكافاه ماديه ابدا ,,,,,,والايام الجايه متنيله بستين نيله عليكم ياصحاب البزنز وعلى الكل بس خلوها على الله,وعسى الله مايحوج انسان لانسان, اخوك لو جاك اسبوع كرهته ولا طلبك فلوس مرتين وراء بعض قلت وش علي منه, نحنا نقتر عشان مانحتاج ولا نعرف نصرف الفلوس والله لو تعطيني مليون صرفتها بيوم, والدنيا فرص فيه ناس ينعطون فرص ويكون عندهم ارث وحلال متوارث يبداء منه مو مثل الي يكون نفسه ويزوج نفسه ويفتح بيته لوحده فرق في التفكير كبييييير ,,فكرتك جميله لناس الي خلاص عنده بيت وسياره واستراحه وعيال وبزنز ولف مية دوله,,,الصدق ,,,,,وبقلك شغله ثانيه ترى لما تقتر على نفسك وعندك فلوس تكون مبسوووط ونفسك راضيه احسن من تصرف وتدعي الحياه وبعدين تحتاج لناس,,,الحاجه لناس او طلب مساعدتهم اهانه اذا تقدر ابعد ولا تطلب الناس ,وهذا اكبر قيمه تورثها لعيالك من بعدك تعلمهم مايطلبون الناس ولا يحتاجونهم ويكسبون فلوسهم بالحلال الطيب المبارك هذي القيم هي الموروث الحقيقي الي كلنا نربي عيالنا عليه ولا كل غني فوقه أغنى منه وبيوت الدنيا مهما كانت كامله ماتكمل اطلاقا يعتريها النقص وتبلى وتترمم بس القيم هي الي ماتبلى وتعيشك سعيد راضي عن نفسك وعن مستوى الي مقدمه لعيالك رغم أن فيه ناس مستواهم اعلى وعيالك يصيرون مثلك ,الفلوس عندهم لها قيمه لانهم تعبانين عليها ولانهم مايبون حاجات الناس,,,,والحلال هني حلوووووو حتى لو قليل يتصل خيره لعياله العيال,,,,,والي من حرام يمحقه الله ويمحق بركته ولا يهني صاحبه وصول شره لعيال العيال,,,,,,الحكايه كلها اخلاق وقيم كل مازادت اخلاقك بجمع مالك كل مابركلك الله ولعيالك من بعدك والعكس بالعكس....ورمضان كريم.... "

معماري قطري

20-02-2022, 01:47 AM

https://www.youtube.com/watch?v=c0XmfOYzfrw

معماري قطري

20-02-2022, 01:53 AM

https://www.youtube.com/watch?v=hotf5kiKCws

معماري قطري

21-02-2022, 02:03 AM

تركيب بورسلان قطع كبيرة كاتبين عنه غرانيت .. مكتوب بورسلان على الكرتون .. بس شكله سميك وثقيل مستغرب شلون يشيلونه بيدهم

https://www.youtube.com/watch?v=_hxp3c5j-WA

معماري قطري

21-02-2022, 02:04 AM

لو خلوه بدون بوردر أحسن ممكن النعلة تكون لون غير والا بعد نفس الشيء أحلى

معماري قطري

21-02-2022, 02:20 AM

شغل متعوب عليه وحطيته قبل متذكر .. فيه ما حبيت حساسية المالك بأنه يغطي الغرل البلاستيك مال المسبح بحصى صمي .. أول شيء يتناثر وثاني شيء شفيه البلاستيك لازم بنحصل قطع بلاستيك في الأثاث وغيره

بالنسبة لحوض السباحة والغبار وورق الشجر لو عمل اتجاه الاوفرفلو واحد يصب في قناة تفلتر الماي قبل ليروح للفلتر عن الشوائب الكبيرة وبعدين تزال بسلة بيبقى الحوض غالب الوقت نظيف وينظف نفسه بنفسه

https://www.youtube.com/watch?v=S_AHtKVyTE4

معماري قطري

21-02-2022, 12:56 PM

تخيل نفسك تسكن في قصر فيه قطع لها 100 سنة موجودة ما تغيرت .. السعر وايد وهذا دليل إن افرص هناك متاحة للبعض لبيع وشراء هذي التحف المعمارية

https://www.youtube.com/watch?v=EO97SAMkUd4

معماري قطري

22-02-2022, 01:33 AM

https://www.youtube.com/watch?v=xkj2iK33ur4

معماري قطري

22-02-2022, 02:27 AM

https://www.youtube.com/watch?v=0q9NzNCZjhU

معماري قطري

23-02-2022, 02:19 AM

https://www.youtube.com/watch?v=xkj2iK33ur4

هذا البيت تم عمل الدرابزين أبيض حتى مسكته .. المشكلة بعد فترة من المسح والتنظيف والمسك باليد يتغير اللون ويبدأ يسود ويكون قبيح وهذي الفترة ممكن تكون سريعة .. التركيز على الجمال أوقات كثيرة يفقدنا مميزات ثانية عملية .. لو أبيض مثلاً والمقبض ستانلس ستيل والا خشبي .. انا أعاني من نفس المشكلة مع إني صبغته مرة بس يطير اللون الذهبي ويسود من التنظيف ومسك اليد .. المشكلة جزئياته تكون سامة في الغالب .. ممكن كله ستانلس ستيل حل يكون .. شرايكم؟

معماري قطري

23-02-2022, 02:25 AM

شروط مهمة وتوضيحات سهلة لأساسيات العمود وطريقة تمديد الحديد وايد تمر علينا ولا نسويها عندنا ويمشي الحال بس الأفضل نلتزم بها كما هي

https://www.youtube.com/watch?v=tyHfmrOO_fk

معماري قطري

26-02-2022, 06:39 AM

فيه برامج كثيرة ومواقع لحساب العزل الحراري لطبقات الجدار ونوعية المواد .. بس دوم تدخل في العملية عوامل ما تحسبها المعادلات رد المهندس اللي لابس غترة في الأخير نهائياً مب صحيح والسبب العزل الداخلي يعزل الجدران من تحت الأسقف المستعارة للأرضية .. ما يعزل الجسور الأرضية وجسور السقف وصبية السقف والأرضية وهذي تدخل كمية حرارة في الصيف وبرودة في الشتاء ما تنطاق .. العزل الخارجي يغلف حتى الجسور وأكيد أفضل بوايد

https://www.youtube.com/watch?v=OW4R0Mn8xfs

معماري قطري

01-03-2022, 06:54 AM

https://www.youtube.com/watch?v=N5wrVBVvr0k

معماري قطري

01-03-2022, 12:47 PM

الموضوع معقد أكثر للملاجيء ودرجة تحصينها وأوقات تستوعب عدد قليل ويعيشون حياة فيها ضغط وصعوبة خصوصاً مسألة الحماية ضد النووي وتنقية الهواء ووجود سلندرات أُكسجين .. حتى الأبواب مموهة وثقيلة كلها حديد مغلف طبقات رصاص لإمتصاص أي إشعاع .. العادة الدول اللي فيها جبال عندها حرية أكثر حتى تبني ملجأ هشكل .. مرة دخلت ملجأ في دولة عربية واستغربت درجة التحصين وشكثر ناس فيه وفي جبل والمكان مموه بعشش صغيرة وطريقة الباب كأنه غار محفور لكن داخل شفت غرفة خاصة برئيس الدولة فيها واجهة زجاجية ضد الرصاص والتفجير بسمك خيالي والغرفة صغيرة طاولة مستديرة للإجتماعات ل 4 أشخاص فقط والرئيس ممكن يشوف عرض للقادة العسكريين وهو في الغرفة .. فيه أُكسجين وكهرباء ومياه وديزل للمكاين بعيد بتهوئة خاصة .. مستويات داخل ولا حد يفكر يشوف النور الطبيعي بس مقلد بالكهرباء

https://www.youtube.com/watch?v=_AIofeDwog4

معماري قطري

05-03-2022, 12:56 AM

معماري قطري

05-03-2022, 01:16 AM

أرض صغيرة 30 في 10 بس قوانينهم تسمح بالبناء بدون إرتداد والإرتداد يكون جانبي ومن الأمام .. إجتمع التخطيط المتفهم والمساعد على بناء الأرض الصغيرة مع دمج التصميم الداخلي المدروس مع التصميم المعماري ككل

https://www.youtube.com/watch?v=74Vh2MuGReI

معماري قطري

05-03-2022, 01:21 AM

https://www.youtube.com/watch?v=LiGd8coIC4c

سعود.

05-03-2022, 01:22 AM

تصميم مناسب لبيوت صغيرة خصوصاً للإيجار بعرض 9 متر ينفع عندنا للأراضي الصغيرة .. أشوف بعد عندهم مبالغات في الأعمدة الإنشائية وحجمها

https://www.youtube.com/watch?v=PhEQ1XdADG8

المهندس : عبدالغني الجند
المهندس : طارق الحمادي

خوش جمعه فل معلومات :nice::nice:

معماري قطري

05-03-2022, 01:39 AM

https://www.youtube.com/watch?v=ySOgr_cTcZo

معماري قطري

05-03-2022, 01:41 AM

المهندس : عبدالغني الجند
المهندس : طارق الحمادي

خوش جمعه فل معلومات :nice::nice:

البيت إقتصادي وضيق ينفع لعائلة صغيرة أو للإيجار

معماري قطري

05-03-2022, 01:51 AM

https://www.youtube.com/watch?v=sejVfU-1ZnQ

معماري قطري

05-03-2022, 01:54 AM

https://www.youtube.com/watch?v=r2MzZrKXuPM

سعود.

05-03-2022, 02:41 AM

البيت إقتصادي وضيق ينفع لعائلة صغيرة أو للإيجار

ايه شفته ونفس كلامك واضيف عليه للي يصعب يحط فلوس فوق قرض التنمية لظروف ماديه
ويقولون اسعار العظم عندنا ارتفعت عن السنين الماضيه !!!!!

معماري قطري

05-03-2022, 05:20 PM

ايه شفته ونفس كلامك واضيف عليه للي يصعب يحط فلوس فوق قرض التنمية لظروف ماديه
ويقولون اسعار العظم عندنا ارتفعت عن السنين الماضيه !!!!!

صادق واحنا شغلنا المبالغات .. بنياني بيكون 1400 وشوي وبنيان ولدي 1070 كله بنفس الوقت وعندي بنيان تجاري متردد اسويه أو لا وحتى السكن ما ودي اطلع من منطقتنا صج إزعاج البوكلين بافتقده بس هناك التركيبة السكانية حولك بعد مشكلة وحفرياتهم توها بادية يقولون بنية تحتية

معماري قطري

06-03-2022, 04:56 PM

https://www.youtube.com/watch?v=bLJk1bxngHg

معماري قطري

10-03-2022, 09:50 PM

كان يقدر يخلي الغرفة الرئيسية بسهولة دورة مياهها بحائط عادي حتى 10 سم وحتى ممكن شوي يصغر المنور ويقدر يخليه شاور خارجي .. حمام زجاج مزعج حتى للزوجين مهما تكون جنسيتهم الناس تحتاج خصوصية

بعدين 100 مربع بمليون ونص يطلع المتر المربع ب 15000 ريال وايد غالي على هذي المواد والبناء البسيط والرخيص

https://www.youtube.com/watch?v=NdpoCJd8dKc

معماري قطري

10-03-2022, 10:05 PM

ترجمة ميزانين ( Mezzanine ) بالعربي ما تعني ميزان ولا لها دخل كلش بالميزان ميزانين هي كلمة إنجليزية القصد منها دور وسطي مطل على عمق مفتوح على دور تحت حتى لا تنطق ميزانين بالضبط نطقها قريب

https://www.youtube.com/watch?v=1-BKXiNKmWQ

معماري قطري

10-03-2022, 10:11 PM

https://www.youtube.com/watch?v=uXkLZkUyoq0

معماري قطري

11-03-2022, 01:06 PM

https://www.youtube.com/watch?v=mvuXH4OGpeg

الكرسي المعلق حول حوض الواشنطونيا عائق مزعج في طريق المرور + إختلاف مستوى الأرضية قبل باب المكتب الخارجي مزعج وبيسبب في سقوط أشخاص ممكن منهم أصحاب البيت + لو تم تمديد منفذ الكهرباء اللي داخل الدولاب وانعمل خارج في ظهر الجلسة أفضل + تصميم المغسلة في الدقيقة 17 كثير حبيته ومبتكر + دولاب العبايات اللي للسقف كشكل زين بس ما اشوفه عملي + عجبني الحل للنتفة في دقيقة 28 + في النهاية بيت حلو وفيه حياة ومجهود جبار من المصممة

معماري قطري

12-03-2022, 01:27 AM

الملاجيء ودرجة تحصينها أكيد موضوع معقد كثير .. نحتاج للإمداد بالأوكسجين وممكن بسلندرات محفوظة لوقت معين .. وانتاج الطاقة لازم ما يبين للعدو .. أمور كثيرة منها البناء على طبقات بينها دفان لتوفير التكلفة وحتى لو صار تفجير الدفان يمتص الصدمة ولو تكسر جدار يبقى اللي بعده

https://www.youtube.com/watch?v=_AIofeDwog4

معماري قطري

12-03-2022, 10:37 AM

نصايح عامة متفق معاها قلباً وقالباً

بس مؤكد هذي المساحات المعقولة لكن مب شرط تكون بالضبط وحسب المتوفر والممكن .. مثلاً قدرت تسوي 8 في 4 أو حتى 3 ونص .. تعتمد على توزيع الأثاث المريح والعملي .. انا لو لشخصين أو حتى لواحد باعتمد طريقة الهيدبورد الثابت واللي التمديدات الكهربية تمر من خلاله وأكيد باحتاج نقاط كهرباء زيادة للطاولات الجانبية وباحتاج مفتاح إنارة عامة للغرفة جنب السرير ولإنارة مخفية ممكن أو مزاجية متغيرة وممكن مكان للريموت للإنارة .. سواء 4 بيكون عندي مترين تقريباً جدام السرير ممكن فيهم كاونتر وأدراج في الغالب يجي بحدود 45 سم أو 60 ومقاسات حولها وممكن يكون ثابت ومصمم خصيصاً للغرفة .. وفوقه يجي التلفزيون لو احتجنا .. بيبقى بحدود متر ونص للمرور وممكن أشغل نص حيز ال 8 أمتار ويبقى النص الثاني لجلسة أو مكتب دراسة .. أو في حالة ال 3 أمتار أو 3 ونص أو أي كسور بينهم ممكن حتى السرير ناخذه شوي قصير متر و90 سم أو متر و 80 سم والهيدبورد ممكن ما ياخذ 5 سم أو نسويه 10 لو حبينا أو 20 تجاوزاً نقدر نقول طول السرير 2 متر شامل الهيدبورد .. ولو خلينا الهيدبورد ثابت والسرير بوكس خفيف ومتحرك بسهولة ينسحب للتنظيف تحته نفس الفنادق .. يبقى متر ونص أو متر في حال عرض الغرفة 3 أمتار .. ممكن نخلي 60 سم مساحة للمرور والكبت المقابل 40 سم أو طاولة بأدراج .. حتى نقدر نستعيض عن الكبت برواشن في الحائط وفراغ بسيط للتلفزيون لو محتاجينه

https://www.youtube.com/watch?v=1TGowYKlrP8

معماري قطري

12-03-2022, 11:08 AM

https://www.youtube.com/watch?v=fxIGQD-ZpIU

معماري قطري

13-03-2022, 02:02 AM

https://www.youtube.com/watch?v=30luRJ7pO1g

مغامرة جيدة بس مشكلتها في أي هزة أرضية البنيان مب ثابت ويزيد تأثير البروز كوزن زيادة كبيرة .. ما اتشجع أسويها بس سويت بسطة الدرج 3.5 متر وأي بروز فوق مترين يعتبر خطر في المنشأءات الخرسانية .. وسويت البلكونة اللي في مكتبي حول 3 متر وفوقها سقف ممتد أكثر وثقيل وايد حول 3.5 متر وخاف الإستشاري اللي اشتغل لي انشائي والمقاول ودعموا زيادة بالحديد أثناء البناء يقولون أعادوا حساباتهم والمقاول سوى رؤوس كبيرة للأعمدة تحت كان تصميمي عمودين من كل جهة دائريين من تحت قطر 35 سم ومن فوق 15 سم ويكونون بدون جسر فوقها يبين السقف مثل اللي طافي فوق .. حسبوا حساب الوزن وزادوا جسر ساقط بإرتفاع 20 سم ورؤوس دائرية بعرض 20 سم متصلة مع الجسر قبل لينتهي العمود عندها بحدود 15 سم .. ما أخفيكم أحس بشوية خوف خصوصاً اليوم المكتب فيه هزة خفيفة بسبب الحفريات قربنا وشكلهم يحفرون بحفار غير دوار بدون صوت قوي بس يسبب اهتزاز واضح

معماري قطري

13-03-2022, 02:31 AM

شغل عجيب لحفر بيسمنت تحت منزل قائم

https://www.youtube.com/watch?v=vL6IIRu_Wl4

معماري قطري

13-03-2022, 04:12 PM

حتى لا نقع في حلول هندسية صعبة يجب عمل الشغل صح واعتماد مصمم انشائي فاهم https://www.youtube.com/watch?v=xD0DMZ-O8ck
https://www.youtube.com/watch?v=xD0DMZ-O8ck

معماري قطري

13-03-2022, 04:16 PM

مبالغات إنشائية يدفع ثمنها المالك

https://www.youtube.com/watch?v=kY0YVdlKMkg

معماري قطري

14-03-2022, 01:34 AM

هذي دراسة مختصرة توضح كيف يكون إنهيار أي جسر إنشائي حامل .. لو كان مدعم بحديد موزون ومتوازن مع قوة الخرسانة بيكون إنهيار الخرسانة والجزء العلوي منها متوازن مع إنهيار الحديد بس بنلاحظ شلوخ واضحة في الخرسانة من فوق وتكون في الغالب طولية بعدين تتحول 45 درجة .. هذي تبين أكثر في الوسط يسمونها إنهيارات العزم .. وفيه إنهيارات القص تكون في الأطراف هذي 45 درجة واضحة والشق يتسع وأوقات يتحول للأُفقي قرب العمود

النوعين يعطونا وقت كافي للتصرف بس المقارنة تقول لو كان الحديد زيادة بيكون مقاوم للضغوطات أكثر ولا بيبين تأثير الحمل الثقيل لكن انهيار الخرسانة بيجي مفاجيء وأسرع وهذا اللي أتكلم عنه دوم مب كميات كبيرة بدون حسابات مضبوطة والتقوية لو محتاجينها لازم نوزعها على كل عنصر انشائي داخل العنصر الإنشائي ككل

الحالة الأخيرة لو كان الحديد تحت المطلوب بشوي والخرسانة قوتها جيدة اللي بيصير التحميل يبين على الحديد وتستوي له استطالة وانحناء واضح وهنا يعطينا وقت كافي أكثر للتصرف

اللي في الواقع عندنا إحنا لو الحديد عادي يصدي بسرعة وتاكله الكلورات اللي في الماي وفي الاسمنت ويضعف ويضعف الخرسانة ويتسبب في شلوخ .. بعدين الحديد وايد يوزعونه في أعلى الجسر منطقة الضغط وفي أسفل الجسر منطقة الشد والمفروض منطقة الضغط نركز على قوة الخرسانة ويكون الحديد فيها أقل ما يمكن .. في هذي الحالة الحديد يدهور الخرسانة بسبب الصدأ ويزيدها ضعف .. لذلك مهم نستعمل كميات مدروسة صح ونستعمل حديد مغلف حتى نضمن قد ما نقدر ما تضعف الخرسانة بسبب الصدأ

https://www.youtube.com/watch?v=ojdjGp58FnA

أعتقد كلامي واضح وشوي فيه فلسفة علمية بس هذا ضمان لبنيان يعطي عمر طويل بدون مشاكل إنشائية

أمر على بيت جديد نسبياً إنبنى بعد بيتي بسنين ومكلف يبين عليه وانا أمشي أوقات صوب هذي المنطقة وألاحظ مكان كل عمود متكسرة الخرسانة وتزيد مع الوقت والسبب تمتص الرطوبة من الأرض وتزيد صدأ الحديد وتبدأ الخرسانة تنتفخ وتتكسر ( تتفقع )

معماري قطري

14-03-2022, 01:35 AM

فيه مثل يقول ميك ات قود اند ميك ات ونس .. Make it good and make it once

معماري قطري

14-03-2022, 01:42 AM

https://www.youtube.com/watch?v=Vtmbj4oQSDs

حسن الاحمد

14-03-2022, 04:42 AM

السلام عليكم

معماري قطري

14-03-2022, 11:12 AM

السلام عليكم

عليكم السلام ورحمة الله وبركاته

SouthK

14-03-2022, 01:12 PM

فيه مثل يقول ميك ات قود اند ميك ات ونس .. Make it good and make it once

هذا مثل أبحث عنه في قطر .. إذا لقيته يا الغالي دلّني عليه!

معماري قطري

14-03-2022, 03:12 PM

هذا مثل أبحث عنه في قطر .. إذا لقيته يا الغالي دلّني عليه!

البنيان قتال عندنا والله يعين الجميع .. معركة دوم المالك فيها خسران

معماري قطري

15-03-2022, 02:30 AM

https://www.youtube.com/watch?v=rpwcBCb-bVM

SouthK

15-03-2022, 04:39 PM

https://www.youtube.com/watch?v=rpwcBCb-bVM

معلومة جديدة

معماري قطري

16-03-2022, 12:10 AM

معلومة جديدة

شيء معروف وأساسي دوم العوازل خفيفة .. عندك الفوم الأبيض الخفيف عزله أقوى من الأزرق بس الأزرق أقوى وما ينضغط لذلك نستخدمه للسطح وهو حتى أغلى .. الأبيض ينضغط بدال ما يكون 5 سم يستوي ممكن 3 ويسبب تكسر في السكريد اللي يغطيه

بعدين لو عندك غرفة مكونات الفرش تساهم مساهمة كبيرة في العزل .. مثلاً حتى تتفادى الحرارة والبرودة من أرضية الغرفة تركب سجاد سميك وتحته طبقة الحشوة المريحة هذي تعطي عزل خرافي .. بس شالفايدة إنت عزلت أرضية الغرفة لكن الجدران والجسور مب معزولة هنا مشكلة ونفس الشيء عندك أرضية الحمام مب معزولة تكون باردة أو حارة في الصيف وتشع الحرارة داخل بشكل لا يطاق .. لذلك العزل الكامل للجدران والأسقف شامل الجسور والأعمدة لو أمكن أكيد أفضل .. الدرايش عزلها بطبقتين زجاج ولو حصل الغاز المحقون بينهم وبعدين عندك الستاير وطبقاتها تساهم مساهمة كبيرة وأوقات تكون الدريشة عزلها أفضل من الجدار

كتبت موضوعين كاملين عن العزل فيهم حسابات ومقارنات وهذا اللي فوق خلاصة مفهوم العزل

سالم الزهران

16-03-2022, 08:07 AM

معماري قطري

16-03-2022, 02:41 PM

المقاول يحاول يوهمك انه (سوى لك عزل، ركب لك بي في سي.. الخ).. وهو فعلاََ جاب لك عزل من اردى شيء و بي في سي شغل تعبان.. في النهاية انت تدفع فلوس بس ما تاخذ مقابل.

حنا ترسخ عندنا ثقافة ان الانسان لازم يكون عارف شغل المقاول اذا يبغي يبني.. وفاهم شغل الميكانيكي اذا بيصلح موتره.

انا وش دخلني اعرف كل هالاشياء،، ليش ما يكون عند المقاول والميكانيكي وغيرهم معايير وثقافة محترمة انه ما يوهمني انه عطاني شغل خمس نجوم وهو في الحقيقة عطاني الاسم فقط.

نحن في مشكلة عويصة والله يعين الجميع

مشكلتنا يا اخوي قلة الذمة وقلة المعرفة من اللي يشتغلون وكثرة الدجل

اليو بي في سي أثبت وجوده والأهم يعزل الصوت بحدود كبيرة والألمنيوم الراقي واللي جودة عالية تحصله ضعف سعر اليو بي في سي ومستحيل يعزل الفريم نفس عزل اليو بي في سي لأن موصليته للحرارة عالية جداً فوق 15 ضعف اليو بي في سي ويمكن أكثر

معماري قطري

16-03-2022, 03:15 PM

https://www.youtube.com/watch?v=xGebKOwnT0Q

معماري قطري

18-03-2022, 12:53 PM

https://www.youtube.com/watch?v=FVQazM1f-Ck

معماري قطري

18-03-2022, 01:04 PM

https://www.youtube.com/watch?v=1lty_0XbOkY

معماري قطري

18-03-2022, 04:18 PM

حبيت الطابع اليوناني في البناء .. طابوق فقط وحتى السقف معمول مقوس بصف الطوب بدون تسليح .. وأصباغ بيضاء على بلاستر يدوي بمنحنيات بدون حديد في الزوايا .. وصحيح المساحات معقولة لكن كافية ومريحة وتعمر عمر طويل بدون مشاكل .. كلام المهندس تأليف بدون حقائق واقعية .. الخرسانة تضعف مع مرور الزمن خصوصاً عندنا لأسباب منها صدأ الحديد ومنها الكلور في الماء والكبريتات في التربة .. لكن علمياً صحيح تفاعل الإسمنت يكون متواصل عمر طويل ويزيد قوة الخرسانة .. إحنا نبغي ثبات المادة ما تهمنا زيادة القوة مب محملين المبنى فوق طاقته المصمم على أساسها .. بعدين العزل الحراري كلش بسيط جداً عزل 5 سم من الفوم يعادل عزل 1 متر أو 100 سم من الخرسانة وهذا حسب دراسات مثبتة .. صحيح الوزن والأمان اللي تحسسنا به الخرسانة يعطيها أفضلية والمساحات اللي تغطيها بدون أعمدة

https://www.youtube.com/watch?v=tX_uUPrxWNQ

معماري قطري

18-03-2022, 04:37 PM

https://www.youtube.com/watch?v=7r2HWV3fvQA

معماري قطري

18-03-2022, 05:15 PM

https://www.youtube.com/watch?v=Z9ER_eZVgX4

معماري قطري

19-03-2022, 12:14 AM

طريقة أسهل ومضمونة هي عمل خلخلة للتربة وإزالة الحجارة الكبيرة مع خلطها بشوية اسمنت مقاوم للأملاح ورشة ماي بسيطة لتفاعل الإسمنت تستوي الأرضية صلبة وقوية وفوقها نركب الإنترلوك بعد تسويتها

https://www.youtube.com/watch?v=5VjYl5xffCE

معماري قطري

01-04-2022, 01:32 AM

هذا يناقض نفسه .. يقول الحق الخرسانة تضعف في درجة حرارة 33 درجة مئوية وإحنا نعرف إن تفاعل الخرسانة يوصل درجات عالية ما اذكرها بالضبط بس أعتقد حسب الخلطة وكمية المياه للقوة الأعلى لازم نسبة المياه للإسمنت قليلة 40% أو 35% وهذا يعني حرارة تفاعل أعلى من نسبة مياه توصل ل 50%

المهم ما نصب في أيام حرارتها تتعدى 35 وهذي كان ينص عليها الكود القطري أيام الطيبين .. اليوم بتوصل الحرارة 39 درجة ولكم الحكم

https://www.youtube.com/watch?v=gU8QfExegZw

معماري قطري

01-04-2022, 01:33 AM

هذا يؤكد كلامي أعلاه

https://www.youtube.com/watch?v=dNadlBF8rzU

معماري قطري

02-04-2022, 01:01 AM

https://www.youtube.com/watch?v=YW0esxo6A5g

معماري قطري

04-04-2022, 12:42 AM

https://www.youtube.com/watch?v=dhhhvma0ybI

معماري قطري

04-04-2022, 12:54 AM

البورد هذا أساسه خشبي ويكون طريق سهل للأرضة والنمل الأبيض من التربة لداخل البيت للأثاث والقطع الخشبية .. يستوي لين ورخو بعد ما يتشرب ماء من الخرسانة .. أنا أزيل الجزء العلوي منه وأضيف دواء قوي للأرضة حتى لو التربة مضاف لها دواء من الأساس وبعد كل هذا أغطيه بسيليكون

https://www.youtube.com/watch?v=03XPw_YlHOg

معماري قطري

04-04-2022, 01:00 AM

أمثال هذا يقنعون المالك إن طريقة العزل هذي صحيحة ولا فيها قصور و الجسور الحرارية واضحة مكان الأعمدة ومكان الجسور العلوية ومؤكد الأرضية .. الطابوق الطيني عزله جيد بس ما يعادل 2 سم من الفوم وفوم 10 سم أو 7 أو 5 مع طابوق عادي يعطي عزل وايد أقوى من الطوب الأحمر

https://www.youtube.com/watch?v=fz9OgY2edYY

معماري قطري

04-04-2022, 01:12 AM

عندنا مبالغة في حجم العمود وقربه من بعض وهذي كلها تسبب خساير وإزعاج للمالك وللمهندس المعماري .. 7 متر حتى ممكن وعرض العمود حلو يكون 35 للأطراف في 40 حتى نقدر نسوي جدار بسمك 40 سم معزول وتبقى 5 سم يكون فيها العمود منخفض عن مستوى الطابوق وهذا الإنخفاض نغطيه بالفوم ونكون حققنا عزل حراري جيد لجهة العمود .. الجسور نخليها 20 سم أو 25 سم وفي حالة ال 20 سم نغطيها بفوم ممكن سمك 10 سم وبعده طابوق 10 سم وبعده البلاستر أو الحجر ونكون غطينا الجسر كذلك

للأعمدة الداخلية نكتفي بعرض 20 سم وممكن نزيد الطول حتى نعوض العرض .. يعني لو حسابات المهندس الإنشائي عطتنا عمود 25 في 35 نقدر نسويه 20 في 45 حتى

https://www.youtube.com/watch?v=WqFlvjFpReU

سعود.

04-04-2022, 01:41 AM

معماري قطري

04-04-2022, 02:05 AM

فله فخمه وفيها قبو وبركة سباحه ( ماشاءالله ) بس لفت نظري تصميم ( النوافذ ) كان يقدر يكبر وراح تطلع 100‎%‎

أكيد بتطلع حلوة بس ركزت على جزئية العزل الحراري .. معماري هندي مصمم بيت كبير حق واحد الله فاتح عليه بس درايشه صغار وعذره إن بلادنا حارة .. مع إن بيته على مرتفع ويطل على مول الحزم والمناطق ذيك يعني المناظر موجودة

معماري قطري

04-04-2022, 02:07 AM

أوقات الدرايش الصغار تحتد عليها بسبب التوزيع الداخلي .. لو تذكر تصميمي حطيت السرير بين دريشتين طوال للأرض

سعود.

04-04-2022, 02:08 AM

سعود.

04-04-2022, 02:09 AM

أوقات الدرايش الصغار تحتد عليها بسبب التوزيع الداخلي .. لو تذكر تصميمي حطيت السرير بين دريشتين طوال للأرض

لو ع الاقل شوي تنزل ع طابوقتين وشو تعرض كان خوش

معماري قطري

04-04-2022, 10:04 AM

لو ع الاقل شوي تنزل ع طابوقتين وشو تعرض كان خوش

دوم تعتمد على التوزيع الداخلي .. إشتغلت على تصميم واستغربت توزيع دورات المياه كلش غلط مع إنها كبيرة .. ومع المناقشة اكتشفت إن راعية التصميم جايبة صورة واجهة للإستشاري وتبغيه يطبقها نفس الشيء وكانت درايشها طوال للأرض حتى في دورات المياه .. تعب الإستشاري وهو يحاول وتعبت انا وانا أحاول اقنع .. في النهاية لازم تطلع برأي وسط حتى يتم التصميم وبعد السكن وقبله أثناء التأثيث بيكتشف المالك إن الإصرار على شلون يبين المبنى بدون التركيز على الداخل ما يفيده وبيعرف إن نظر القادم للبيت ما يركز في تناسق الواجهة وأبعادها قد ما يركز في الأشياء القريبة من مستوى النظر ومن بعيد في الكتل .. وتروح هذي الكتل والفتحات من بعيد لو غطت مباني وزراعة

sara jsm

04-04-2022, 01:26 PM

أكيد بتطلع حلوة بس ركزت على جزئية العزل الحراري .. معماري هندي مصمم بيت كبير حق واحد الله فاتح عليه بس درايشه صغار وعذره إن بلادنا حارة .. مع إن بيته على مرتفع ويطل على مول الحزم والمناطق ذيك يعني المناظر موجودة

ذكرتني في مقاولي القبلي الله لا يحله .. قلت ابي درايش طوليه من فوق لين تحت ..
قالي ماينفعش وكل ماقلت له شي قالي ماينفعش ..
الله يغربله غربلني وايد .. لكن الحمدلله كبرت درايشي كلها واستغنيت عن الليتات لين 2 الظهر :)

معماري قطري

04-04-2022, 05:32 PM

ذكرتني في مقاولي القبلي الله لا يحله .. قلت ابي درايش طوليه من فوق لين تحت ..
قالي ماينفعش وكل ماقلت له شي قالي ماينفعش ..
الله يغربله غربلني وايد .. لكن الحمدلله كبرت درايشي كلها واستغنيت عن الليتات لين 2 الظهر :)

كل شيء المفروض باتفاق مبدئي وبتصميم أو تعديل على التصميم متفق عليه ويفضل عن طريق اشراف واستشاري

الدرايش برستيج والستاير تخفيها وفيه ألحين اللي تتعتم تستوي سوداء وفيه مختلف طبقات وأنواع العزل وفيه شترات بعازل وأكيد التكلفة فوق 8 أضعاف لمقطع الدريشة عنه للحائط العادي

معماري قطري

05-04-2022, 02:59 PM

https://www.youtube.com/watch?v=BLYHbDkTjSM

معماري قطري

08-04-2022, 02:54 PM

شغل خرسانة أرضية نظيف ما شاء الله تابعته على كم يوم الفيديو شوي طويل

https://www.youtube.com/watch?v=BLYHbDkTjSM

معماري قطري

08-04-2022, 02:56 PM

نسيت إني حاطه قبل بس توني خلصت متابعته

سعود.

08-04-2022, 04:44 PM

ياخي شغل نظيف تحس انه كيكة مو خرسانة باليت قومي يعلمون

معماري قطري

09-04-2022, 01:48 AM

ياخي شغل نظيف تحس انه كيكة مو خرسانة باليت قومي يعلمون

الحلو يقول لك مواصفات الخرسانة هذي الكنكري الحجم العدسي ورمل خشن وقليلة المياه ويضيفون عليها فيبر لين وصلت وحديد التسليح شفته شلون وكمياته وشكثر متباعد .. مب حديد عبارة عن قضبان ألياف فايبر هذي ما تصدي كلش .. وقال مشكلة الكراكات السابقة بسبب الرطوبة ونوعية التربة بعدين حطوا حماية وعزل للخرسانة قبل لتنشف هذي تعطي حماية لها وتخلي المياه اللي فيها ما تتبخر .. كل هالمواد موجودة وسهل استعمالها ولها بدائل مثل مواد حماية الغرانيت تمشي معاها

معماري قطري

09-04-2022, 05:27 AM

الباب هذا ما يوصل متر اتساعه ولا 2.4 إرتفاعه ومناسب جداً وهذا المقاس المناسب وممكن حتى أقل .. الأثاث كله أقل ويجي قطع ويركب .. الثلاجات 65 سم أكبر عمق .. الكرسي المتحرك بعضهم 85 سم

صراحة 3 متر حتى للمداخل الرئيسية مكلف ومبالغ فيه ولا له فائدة وظيفية الجمال ممكن وممكن نستغني عن الطول للجزء اللي يفتح بالكامل لجزء زجاجي فوق ثابت أو طوب زجاجي وجزء متحرك تحت حسب رغبتنا .. العرب دوم عندهم كلما زاد كلما صار أحسن والأمريكان عندهم مبدأ ( More is Less ) أو الكثير قليل

https://www.youtube.com/watch?v=YPApdNiHjRk

معماري قطري

09-04-2022, 05:29 AM

القصد بالمبدأ الكثير قليل هو المبالغة في شيء معين دوم تعطي نتيجة عكسية أو تكون بدون إضافة تستاهل

معماري قطري

09-04-2022, 05:37 AM

كلام صحيح ولكل جزء مكشوف مثل البروزات فوق الدرايش هذي تحتاج معالجة خاصة وعناية في البناء ولو ستغطى بقرميد أكيد يساهم مساهمة كبيرة في العزل .. شفت بيوت كسروا هذي البروزات وغيروها وانا لبيتي طبيت في المطب بس الحمد لله مغطى بقرميد والحديد مغلف و 17 سنة بلا مشاكل ولا تكسر في الخرسانة .. البلكونات لازم نعزلها أعلى الجدران والأسوار المكشوفة يفضل تعزل أو ينعمل البلاستر بسلوب جيد وتصبغ صبغ خاص ضد التسريب .. في ألمانيا كثير يركبون صفائح معدنية لأنها تدوم والمياه لو دخلت لأي تجويف حتى لو مجهري لا يرى بعد ما تثلج في الشتاء يزيد حجمها وتوسع هذا التجويف

https://www.youtube.com/watch?v=RY3X2bXFt_0