يوتيوبيات البناء .. مقاطع تثقيفية متجددة [الأرشيف] - الصفحة 24

معماري قطري

31-05-2023, 09:10 AM

مفهوم انفتاح البيت على الداخل بدون نوافذ خارجية .. إستغربت إن بنايات اسبانيا قريبة من بيوتنا ويركزون على الخصوصية وارتفاع الجدران .. شرح طويل مترجم بس ما الحق على الترجمة ومتابعة المناظر والتصميم وأنصح بتسريع وتطويف الفيديو شوي طويل

https://www.youtube.com/watch?v=834p6yAVq5M

الإمتداد حلو ومسوي مظلة للسيارات جدام والإرتفاع المعقول والمدروس إقتصادي ومريح في نفس الوقت .. واللون الأبيض والحدائق المتداخلة مع البيت مع إنها صغيرة طالعة حلوة .. حوض السباحة له حواف مرتفعة عن العشب والزراعة حوله فكرة حلوة قريبة من فكرتي لرفع الحوض وعمل الاوفرفلو من جهة وحدة

معماري قطري

31-05-2023, 09:37 AM

في الجزء الثاني نشوف الصالة والدريشة الطويلة بالعرض مفتوحة على الحديقة والدرج البسيط اللي يودي فوق وبتكون فيه جولة فوق

https://www.youtube.com/watch?v=n1sni50q_N8

معماري قطري

04-06-2023, 10:42 PM

أكرر المشاركة 5755 في هذي الصفحة كرأي شخصي ما نحتاج لكل هالتعقيد تركيب بغراء جيد واختبار وبطريقتنا التقليدية مع إضافة الردادات لغطاء الصفاية وفتحة الشور ولبعض مواقع البايبات وتمديدها مباشر بدون منهولات .. ما أشوف فيه داعي للمعلقة بتاتاً والسبب قرب دورات المياه للحائط الخارجي وسهولة التمديد في الحائط

https://www.youtube.com/watch?v=8GVCaj8XflM

ما فيه هالسوالف ضغط السوائل والنظام هذا مجرب عمر طويل ورخيص وفعال وسهل ومعروف لدى جميع المشتغلين به

معماري قطري

04-06-2023, 11:04 PM

https://www.youtube.com/watch?v=o_jNQkhlAbw

معماري قطري

04-06-2023, 11:40 PM

حاب الزراعة المائية وأشوفها سهلة في بيوت محمية وكل نوع أكيد له مقادير تسميد خاصة .. هذي في تربة بيتموس ألمانية يعني ابتعدنا عن الصوف الصخري .. بإذن الله في البيت الجديد عندي مساحة جيدة حق بيت زراعي محمي وممكن مكيف تكييف تلطيفي .. المساحة الحمد لله حول 25 في 17 وممكن أكبرها بس أشوفها كفاية وأخلي مساحة لشبك الطيور والماشية وبلاصقهم في بعض بحيث يكون المدخل واحد جهة البيت الزراعي ومنه نوصل لمدخل شبك الطيور والماشية

https://www.youtube.com/watch?v=DhQy3VKeHAQ

معماري قطري

08-06-2023, 06:48 PM

حتى الأمريكان عندهم درايش رخيصة فاينيل عندهم تعني يو بي في سي عندنا أو نوع شوي أضعف

https://www.youtube.com/watch?v=Fkvv6T9KdFc

معماري قطري

08-06-2023, 07:21 PM

إختبار تأثير اعصار قوة 5 درجات على النوافذ ومقارنتها بالنوع الألماني .. حتى الأمريكان يمجدون الصناعة الألمانية

https://www.youtube.com/watch?v=mSFV0gvVxRk

معماري قطري

08-06-2023, 07:33 PM

العزل بالعوازل البلاستيكية للدرايش مفيد وأكيد منه أنواع ولها خواص مختلفة وبعضها تعطي لصق قوي وتماسك في حال انكسار النافذة

https://www.youtube.com/watch?v=0pXM2HFjIhE

معماري قطري

09-06-2023, 06:55 PM

https://www.youtube.com/watch?v=hDygIVxo7bw

الحبل المطاطي قبل اضافة السيليكون أو الماستك مهم ومهم قياسه يكون يملي فجوة فاصل التمدد سواء كان انشائي أو حراري .. الإنشائي يستحسن يكون معدن ميكانيكل يتداخل في بعض وهذا قليل أو لا يستخدم في المباني الصغيرة لكن في حال اضافة ملحق ملاصق لبيت موجود ضروري .. فاصل التمدد البسيط حق البلاط في الحوش خصوصاً أو للسكريد فوق السطح يعمل هكذا .. بس هذا هنا استخدم سيليكون سائل ذاتي الاستواء

معماري قطري

09-06-2023, 07:27 PM

https://www.youtube.com/watch?v=UOYI4DVpZNo

معماري قطري

11-06-2023, 08:30 AM

تركيب حافة حوض السباحة

https://www.youtube.com/watch?v=L-8N8Dv7Hh0

معماري قطري

11-06-2023, 08:47 AM

من نوعيات السيليكون الإيبوكسي ولا يسمى سيليكون لكن تجاوزاً

https://www.youtube.com/watch?v=NjCb0kXW__8

معماري قطري

11-06-2023, 09:01 AM

https://www.youtube.com/watch?v=vsVzd-unOZ0

معماري قطري

11-06-2023, 09:45 AM

يمكن ذيلا بدائيين في الشغلة ذي بس نافعة .. قبل يخلطون الطين مع القش لتقويته وعدم تفتته ويستوي عجينة وعازل للحرارة ونوعاً ما للمطر .. ألحين الأشجار متوفرة وسعف النخيل وممكن استخدامه لتقوية الخلطات الاسمنتية ولتغطية مثل هذي الأسقف تعطيها متانة وعزل جيد وثبات .. تصدقون الطريقة طوروها بمواد غير خفيفة وايد حق بناء الأبراج العالية بما يسمى ال Composite Construction وعملوا لها كود خاص من اليوروكود .. عبارة عن حديد حامل آي بيمز وعليه من فوق يركبون شبك بسيط بس بروابط بينه وبين الآي بيم وتنصب خرسانة خفيفة بسمك بسيط يوصل ل 7 سم

https://www.youtube.com/watch?v=3P-QRdWXsgQ

المبدأ الهندسي تقريباً نفسه

معماري قطري

11-06-2023, 10:57 AM

نظام وايد أحدث للكمبوزيت كونسترآكشن يتكون من مواد عديدة وما يحتاج تشكيل خشبي

https://www.youtube.com/watch?v=CrREZQPuaBE

معماري قطري

13-06-2023, 09:51 AM

https://www.youtube.com/watch?v=CV7hpb4zu6E

معماري قطري

14-06-2023, 02:14 PM

أول ابتكار عجيب سائل بعد صبه في فتحات صغيرة يضغطها ويكسر حواليها مثل الديناميت الصامت .. ينفع للصخور وللخرسانات

https://www.youtube.com/watch?v=zjM9Ifg4_mE

معماري قطري

16-06-2023, 08:07 AM

مكونات الزجاج

https://www.youtube.com/watch?v=8_uHAl1O9U0

معماري قطري

16-06-2023, 08:43 AM

https://www.youtube.com/watch?v=EjPk7ABMon8

معماري قطري

17-06-2023, 01:04 AM

نقاش عن درايش تختلف عن اللي عندنا وأشوف اليو بي في سي عندنا أسمك وأفضل من نواحي عديدة ثلاث أرباع الإنش اللي يتكلم عنها تعادل تقريباً 19 سم وإحنا عندنا 24 سم لقطاع الزجاج بس هنا يناقش الفريم وآلية الفتح

https://www.youtube.com/watch?v=jeKXk6_Vv8g

معماري قطري

17-06-2023, 01:16 AM

https://www.youtube.com/watch?v=ZfzcbHGviVA

معماري قطري

18-06-2023, 05:58 PM

https://www.youtube.com/watch?v=vUAt3OziBOw

معماري قطري

19-06-2023, 11:55 PM

عزل المباني من الخارج بصبغ قوي ربرايزد فيه مرونة وسمك جيد للتغطية .. مع تفاصيل للعزل مع قطعة معدنية لتغطية القاعدة وحمايتها

https://www.youtube.com/watch?v=61OhDQnElok

معماري قطري

19-06-2023, 11:59 PM

هذي الأصباغ موجودة عندنا أذكر شركة كانت تسويها في شارع سحيم بن حمد هدموا العمارة اللي كانوا فيها .. مديرهم أذكره وأذكر اسمه موتي ( يمكن اسمه مميز هندي بتخفيف الواوا Mooty مب كلمة موت بتضخيم الواو ) ولا اذكر اسم الشركة وشرح لي عن نوعية الربرايزد بس بعد الجو عندنا ياكل الربر ويقطعه بعد فترة .. جوتاشيلد ممكن مصنع لجونا ونافع كفاية

معماري قطري

20-06-2023, 12:52 AM

https://www.youtube.com/watch?v=Q9KoScagHh0

معماري قطري

20-06-2023, 02:09 PM

https://www.youtube.com/watch?v=vp06Jak79Og

معماري قطري

20-06-2023, 02:54 PM

ههههه ما يقول انه في تركيا

https://www.youtube.com/watch?v=bBWMge3-W74

معماري قطري

22-06-2023, 12:49 AM

https://www.youtube.com/watch?v=VflVpCZVXUk

شغل أبو أسد مثل ما يقول خصوصاً للتركيب والعزل الحراري

معماري قطري

22-06-2023, 01:02 AM

فيه ترجمة للي ما يعرف روسي

https://www.youtube.com/watch?v=KDaR2ctmDn8

معماري قطري

23-06-2023, 01:15 PM

بيت على تل في وسط امريكا الجنوبية .. اللي فوق خرسانة مثبتة على الخشب بشكل طاير ومايل مثل ما قال من خلال متابعتي وحطيت الترجمة بالعربي

https://www.youtube.com/watch?v=W2oemqXF3FY

معماري قطري

23-06-2023, 01:50 PM

هذا مسوي بيت صغير يتوسع وينفتح من الوسط وفي جزيرة صغيرة على نهر والكهرباء طاقة شمسية وبطاريات

https://www.youtube.com/watch?v=V-cdo0VJWag

معماري قطري

23-06-2023, 02:04 PM

هذي النسخة الإنجليزية من نفس الفيديو فوق

https://www.youtube.com/watch?v=x856_RXzNk4

معماري قطري

24-06-2023, 02:43 PM

للي يحب يعرف قراءة المخططات الهندسية درس مفيد مدته ساعة تقريباً

https://www.youtube.com/watch?v=vrTJ25lx7bo

معماري قطري

25-06-2023, 12:04 AM

https://www.youtube.com/watch?v=bKN6RC-pztM

معماري قطري

25-06-2023, 12:20 AM

بس 26 مليون دولار

https://www.youtube.com/watch?v=NGgblIXjoTw

معماري قطري

25-06-2023, 12:38 AM

https://www.youtube.com/watch?v=jbxRx-G7tFM

معماري قطري

25-06-2023, 12:55 AM

https://www.youtube.com/watch?v=mKsuAxKGMlA

معماري قطري

25-06-2023, 01:01 AM

https://www.youtube.com/watch?v=GY4fQF_pSqk

معماري قطري

25-06-2023, 09:13 AM

بعض الأمور المهمة بخصوص الزجاج والفريم

https://www.youtube.com/watch?v=yJkcpVMVO1E

معماري قطري

25-06-2023, 09:23 AM

هذا الفيديو من زمان حطيته يوضح العزل لنوعيات مختلفة من الزجاج وتركيباته

https://www.youtube.com/watch?v=IdJbH6KLrx0&t=5s

معماري قطري

25-06-2023, 09:39 AM

سوق ذا كيرف مصممه مكتب صديق لي من الأردن من خريجين دفعتي في الجامعة بيكون في صناعية الشارقة والمكتب في الأردن وشغال في كل دول الخليج حتى قطر

https://www.youtube.com/watch?v=e9Mio6Uj-F4

معماري قطري

01-07-2023, 12:46 AM

الحرارة وتأثيرها ولو حطينا عازل على الدرايش شيصير وطلعت صحيح تخف كثير ونفس الشيء ينطبق على البيوت والمباني

https://www.youtube.com/watch?v=opZdTWjkzNo

معماري قطري

01-07-2023, 01:01 AM

ممكن للمسابح نعقد الموضوع وايد مثل ذيه كمية حديد رهيبة وشغل تمديدات داخل الخرسانة بشكل مزعج .. عجبتني طريقة تدمر مع الشوتنغ كريت وسعرهم كان معقول .. فكرتي الجديدة للمسبح مقتبسها من مسابح بسيطة شفتها في سكن سياحي في إحدى سواحل تايلند وعدلت عليها حسب فكري .. مفكر ما فيه داعي للتمديدات حتى تغيير الماي يكون بعد فترة طويلة وممكن بهوز ومضخة شفط خارجية بدال ما نسوي بايبات وشغلة .. الماي الراجع بيكون اوفرفلو من جهة وحدة ينزل من حافة المسبح أو من جهتين بالكثير .. يعني ما فيه فتحة في جدار الحوض لرجوع الماي الفتحة هي نزول طرف الحوض العلوي .. تانكي للتوازن بعد ما فيه داعي له بداله مكان مفتوح نازل ينملي ماي ويرجع للفلتر والتنقية .. الماي الراجع بعد ممكن يرجع عن طريق شلال من فوق يصب في الحوض

https://www.youtube.com/watch?v=kMJcFxjrCXA

معماري قطري

01-07-2023, 04:21 PM

عمل تأسيس حق توسعة لبيت شوفوا كمية الحديد وبالطابوق بس وحوله سووا فرنش درينيج عن المياه وضغطها على الجدران .. شغل بسيط واقتصادي ونظيف ويدوم

https://www.youtube.com/watch?v=huG3PqsaaXg

معماري قطري

22-07-2023, 01:15 PM

طبعاً الصب لازم يكون في حرارة ما تتعدى 35 درجة والكلام للخرسانة العادية اللي ما فيها اضافات مناسبة للصب في الأجواء الحارة .. تكلم كذلك عن الملدنات الكيماوية المضافة وهذي غير عن الماي تعطي ليونه للخرسانة وسلآمب عالي أو بالعربي سقوط في اختبار القمع يوصل ل 20 سم وهذا صحيح يخلي الخرسانة قوية بدون اضافة ماء لأن الماء يضعفها وكذلك سهلة التحرك وملء الفراغات بين الحديد ولا يحصل تعشيش .. يعني المفروض الإستشاري يطلب خرسانة قوية وعالية الهبوط في اختبار القمع + لو الحرارة توصل فوق 35 درجة خلال ال 28 يوم بعد الصب لازم يحطون إضافات مناسبة لمنع التشقق منها الفايبر أو غير من المواد

https://www.youtube.com/watch?v=eYSv9RHlfig

معماري قطري

22-07-2023, 01:37 PM

https://www.youtube.com/watch?v=AETjen5b8G4&t=1189s

معماري قطري

22-07-2023, 01:52 PM

الفيديو السابق ما شاء الله شغل متقن وترتيب جيد لمساحات صغيرة ومدروسة .. فيه فن وذوق كبير وتفاصيل كثيرة مهمة

سالم الزهران

22-07-2023, 09:58 PM

حياك الله اخوي بو عبدالله، منور المنتدى

معماري قطري

22-07-2023, 11:23 PM

حياك الله اخوي بو عبدالله، منور المنتدى

الله يحييك ويبقيك الشيخ بو زيد

معماري قطري

23-07-2023, 12:11 AM

https://www.youtube.com/watch?v=CLbQj5HhvH8

معماري قطري

24-07-2023, 03:52 PM

كلام وايد طوفوا بسرعة للصور حبيت الأعمدة السود حركة جريئة وتصميم مميز

https://www.youtube.com/watch?v=gskjyNLTKKU

معماري قطري

24-07-2023, 04:33 PM

للي يحب تفاصيل التفاصيل في دورات المياه .. هذي حول 5.5 متر في شوي أقل من مترين وبتقسيمات حلوة بدون جكوزي

https://www.youtube.com/watch?v=aNcwJ1wp3U8

معماري قطري

25-07-2023, 01:02 AM

مفهوم جديد في الطاقة النظيفة وهو حصاد طاقة المياه المارة في بايبات توصيل المياه للمنازل .. تابعوه موضوع شيق

https://www.youtube.com/watch?v=4TBuF5R42Uc

معماري قطري

25-07-2023, 02:24 AM

ما أتوقع البايبات لو مركبة صح بتحتاج صيانة أكثر من التسليك وممكن نسوي فتحات تسليك بارزة من الجدار من تحت ونبني عليها أو نسوي دكت الدكت مب مشكلة كبيرة

https://www.youtube.com/watch?v=LEQ8j5kPAig

معماري قطري

25-07-2023, 04:08 PM

https://www.youtube.com/watch?v=CRGY7NVfq-Y

معماري قطري

26-07-2023, 03:56 PM

اللي يحب فن العمارة الحديث يجيب شاي ويركز عدل في الفيديو ذيه صج شوي طويل بس يستحق المتابعة من تصميم اللي صمم متحف قطر

https://www.youtube.com/watch?v=P7iwyVlKV-w

sara jsm

26-07-2023, 08:53 PM

شفته بدون شاي حتى :playball:
اللي عنده هالمساحة يقدر يسوي اكثر من مبنى على هالمنظر الحلو ..
بس عندي سؤال ليش دايما الماستر روم يكون اكبر مساحة من باقي الغرف ..
بالنهايه غرفه نوم مب شقه او مجلس ! ليش التركيز عندنا عالمساحة اكثر من ان يكون فيه خدمات مثلا ..

معماري قطري

27-07-2023, 02:42 AM

سؤالج الرد عليه بيكون طويل

إستوت عادة وهو حتى تكلم عن مقاس السرير كوين وكنغ بد في الغرف الرئيسية .. صحيح السعة زينة بس لغرف النوم التركيز على الخدمات مثل ما ذكرتي أهم والتقسيم بطريقة مناسبة .. منطقة الريفيرا الفرنسية وجوارها كلها مناطق جميلة جبلية ودافئة والبيت فيه كم مساحة خارجية وحديقة .. وإحتمال كبير ما يعطون ترخيص مبنى كبير لأن الأرض متدرجة وصعب البنيان عليها حتى بالطريقة ذي وفي مثل هذي الأراضي لازم تحترم أراضي البقية من حيث عدم تغطية الواجهة البحرية .. مب مثل اللي عندنا كانت خطة الكورنيش التدرج أربع أدوار لكل برج خلفي زيادة يعني مضمون كل برج له أربع أدوار واجهات بحرية وبنفس الوقت البرج ملتف 45 درجة حتى يحصل واجهتين مطلين على البحر .. بس مع تغيير بعض الوزراء تناسوا الأساس واستوت الأبراج في المقدمة خانقة بقية الأبراج .. وهم ما تناسوا بس مصالح ومشوها

معماري قطري

29-07-2023, 02:15 PM

https://www.youtube.com/watch?v=u9ljoioi53U

معماري قطري

29-07-2023, 02:19 PM

https://www.youtube.com/watch?v=WoHZABdwdGs

تعودت أشيك الماي أهم شيء يكون صافي وأتشجع أطعم شوي منه بعضهم يجيب ماي آبار أسهل له وأرخص وبعضهم يجيب المياه المعالجة ومشكلتها أكبر لكثرة الكيماويات والأملاح

معماري قطري

30-07-2023, 01:18 AM

نقاش حلو عن التشطيب .. رأيي فيه أكيد مواد التشطيب كل مادة تحمي اللي قبلها ولها أهمية .. بس لو حبينا نوقف فترة حتى سنين
ما عندنا مشكلة بشرط أهم شيء نعزل السقف عزل مائي

https://www.youtube.com/watch?v=8cSW3PcGBxs

سالم الزهران

30-07-2023, 07:04 PM

اعانك الله ويسر أمرك مهندسنا العود بابا حمود

معماري قطري

31-07-2023, 12:30 AM

اعانك الله ويسر أمرك مهندسنا العود بابا حمود

وإياك والجميع إخوي سالم

sara jsm

31-07-2023, 03:16 PM

سؤالج الرد عليه بيكون طويل

إستوت عادة وهو حتى تكلم عن مقاس السرير كوين وكنغ بد في الغرف الرئيسية .. صحيح السعة زينة بس لغرف النوم التركيز على الخدمات مثل ما ذكرتي أهم والتقسيم بطريقة مناسبة ..

المشاريع الجديدة اللي طالعه هاليومين اغلب التصاميم تلقى الماستر روم قد ثلاث غرف عاديه ..
وغير سالفه البلكونه اللي قصوا فيها عالناس .. واخرتها يسكرونها ويحولونها معصرة :shy:
دام الغرفه تحتوي على غرفه ملابس فماله داعي يكبرون الحجم .. الواحد شبيحط فيه مثلا !؟

سعود.

31-07-2023, 04:30 PM

سالم الزهران

31-07-2023, 07:55 PM

اللي يحب فن العمارة الحديث يجيب شاي ويركز عدل في الفيديو ذيه صج شوي طويل بس يستحق المتابعة من تصميم اللي صمم متحف قطر

https://www.youtube.com/watch?v=P7iwyVlKV-w

فعلاََ ، رغم اني ما كملته لكن السمس تعتبر صديقة لهم ويلونها عكسنا، لذلك اشوف تقنية المباني الصديقة للبيئة ما تركب عندنا في اغلب تفاصيلها

سالم الزهران

31-07-2023, 08:03 PM

اخوي سعود انا عندي امل اخذ لي في الحوش غرفتين وحدة نوم والثانية مكتب وفيه اشغالي واموري، وحذاهم مطبخ صغير محد يقرب الدهن ولا يخش زيت السمسم ولا يبوق الطحين..ولا احد يقول مب نظيف ولايتحلطم..

سعود.

31-07-2023, 08:48 PM

هههههههه

معماري قطري

01-08-2023, 01:00 AM

فعلاََ ، رغم اني ما كملته لكن السمس تعتبر صديقة لهم ويلونها عكسنا، لذلك اشوف تقنية المباني الصديقة للبيئة ما تركب عندنا في اغلب تفاصيلها

يا اخوي مخي جيم فترة وزين حللت وشو السمس وعرفت انها الشمس

تقنية صديقة للبيئة وهالسوالف ذي للي على قد حالهم ويفكرون في الإرتياح الحراري وهالسوالف .. ذيلا تحصل المكيفات تشتغل بكامل طاقتها ولا حد في البيت ولا يسئلون الفاتورة كم وإحتمال عندهم حلول طاقة شمسية للتكييف .. بعد شفت طبقات الزجاج شلون وستانلس ستيل بحجم محترم أكيد وراء هذا طبقات معينة وغاز ممكن كريبتون أو زينون اللي أغلى بوايد من الآرغون يرفع سعر البيت هشكل

ذكرتني بسيارة البوغاتي 16 سلندر يقال ان استهلاكها للأكسجين في ساعة يعادل استهلاك 20 شخص أو عدد ما اذكره بالضبط خلال يومين .. ولو تحسب تكلفة الكيلومتر سواقة فيها تطلع لك خيالية على سعرها وصيانتها وطول فترة عمرها الإفتراضي

معماري قطري

01-08-2023, 01:07 AM

على طاري تجييم المخ باقول لكم سالفة حصلت لي أمس بس لتعلمون حد الدوحة صغيرة .. حطيت غترتي على راسي ومتعود أمسك العقال وارتب الغترة جدام المنظرة بس هالمرة مستعيل ومركز في أشياء ثانية وقطيت العقال فوق راسي بدون ترتيب وشوي خذت التلفون وتذكرت عقالي وين حطيته ما اشوفه ومركز على الأرض طايح هنا أو هناك دورت فترة بس رفعت راسي وحظي مراية مقابلتني الا اشوفه فوق راسي .. رحت الميلس وقلت السالفة ل 4 من الإخوان وما صار لنا دقايق الا دخل ثاني الحمدين عندنا في الميلس ولد عمي وهو راعي نغزات وسوالف واحتشر معاه واحد من الربع ليش عقالك مايل قال اسكت توني أدور عقالي وناسي إنه فوق راسي .. عاد انا حسيت انه ينغزني قلت مسرع ما وصلك الخبر توني متكلم .. وصج شكيت في حد يصور وينقل له لايف شيصير معانا .. الا كمل مسكين قال والله دورت شكثر ولا دريت اني لابس العقال .. سبحان الله صدفة غريبة شرايكم؟

sara jsm

01-08-2023, 12:59 PM

اعتقد صارت عاده عندنا ومنطقيه ان غرفه الماستر ( الاب والام ) تكون اكبر مثل ماقال ( ابو عبدالله ) لوجود السرير الكنج كبير الحجم + اغراض الزوجين ملابس …..الخ . غرف الابناء في الغالب البنات ماتوصل 25 سنه الي هي في بيت زوجها والابناء كذلك .

وهالشي غلط ترى .. غرفتي في بيت ابوي من الغرف الماستر ..
رغم اني كنت بروحي فيها لكن عقب ماتزوجت ارقد فيها مع عيالي ومرات عيال اخوي يباتون معاي في الويكند او اذا سافر زوجي ..
فالبنت تحتاج دايما غرفتها في بيت اهلها ..

اخوي سعود انا عندي امل اخذ لي في الحوش غرفتين وحدة نوم والثانية مكتب وفيه اشغالي واموري، وحذاهم مطبخ صغير محد يقرب الدهن ولا يخش زيت السمسم ولا يبوق الطحين..ولا احد يقول مب نظيف ولايتحلطم..

طبعا ماتبي حد ينتقد الفوضى اللي تسويها :sneaky:

sara jsm

01-08-2023, 01:01 PM

معماري قطري

01-08-2023, 08:33 PM

اعتقد صارت عاده عندنا ومنطقيه ان غرفه الماستر ( الاب والام ) تكون اكبر مثل ماقال ( ابو عبدالله ) لوجود السرير الكنج كبير الحجم + اغراض الزوجين ملابس …..الخ . غرف الابناء في الغالب البنات ماتوصل 25 سنه الي هي في بيت زوجها والابناء كذلك .

مساك الله بالخير وحياك الله وسامحني ما انتبهت لمشاركتك ذي

غرف النوم حسب التصاميم الحديثة صارت مب بس حيز السرير وسعه حوله بدون ترتيب صارت يفترض تنحسب مساحتها ككل بالمتر المربع ما نحسبها طول وعرض وبس .. وهي موزعة مناطق عندنا المدخل مثلاً لو فيه موزع وعندنا أوقات قسم جلوس مع إني ضده وحلو تخلي الجلوس كرسيين جنب السرير أو واحد طويل جدامه والجلسة الرسمية تكون في صالة مخصصة لإجتماع الغالبية وممكن تضيف صالة ثانية للي يحبون يتابعون مسلسل مثلاً وتكون تحت .. الصالة في كل دور تدليع وشيء حلو حتى لو صغيرة

نرجع لغرفة النوم فيها بعد غرفة الملابس سواء سويتها مفتوحة مثل الكسرة أو مغلقة لحفظ الأشياء الثمينة وخاصة بك .. مساحات التخزين هذي اضافية للغرفة بعد ومساحة ممكن عندك تسريحة وممر يوديك لدورة المياه كلها هذي تضاف للغرفة وللإستعمال الخاص بالغرفة انا لو خليت الغرفة 8 في 10 وخليت كل شيء منثر فيها باكون سويت تصميم تعيس وبيبين مع الاستخدام

شوف مثلاً غرفة النوم الرئيسية في بيت ولدي 136 متر مربع تعتبر شقة في بعض المناطق وتعادل 10.9% من مساحة بنيان البيت كله بجميع مرافقه لو بنقول عنها طول وعرض تعادل مثلاً 8 في 17 .. بس تنظمت المناطق غرفة الملابس لها تشطيب مبسط أكثر وقواطع بتخفف كثير من تكلفة باقي الأمتار .. الحمام تكرمون جميع بيكون هو الأعلى تكلفة كمتر مربع وحيز النوم 4.4 في 7.9 متر يعادل 34.76 متر مربع .. حيز يعادل كذلك كنسبة مئوية من باقي خدمات الغرفة 25.55% وممكن يكون أصغر

حق بيتي أصغر الغرفة الرئيسية وحتى خدماتها

https://i.imgur.com/gQD3zNN.png

معماري قطري

02-08-2023, 06:50 PM

عمل بارتشن بالطوب الزجاجي .. هذا مبالغ بالحديد ما فيه داعي له وكان ممكن حتى شوية أسلاك سميكة تنفع والا بدون .. الطوب الزجاجي حلو وممكن نركب له إنارة مخفية تنور داخل الطوب بس شغلة استبدالها أكيد وممكن نكرب جزء بالسيليكون سهل فكه أو حتى كله بالسيليكون يمشي

https://www.youtube.com/watch?v=tk6vYt7inAU

سالم الزهران

03-08-2023, 07:56 AM

معماري قطري

03-08-2023, 09:52 AM

وهالشي غلط ترى .. غرفتي في بيت ابوي من الغرف الماستر ..
رغم اني كنت بروحي فيها لكن عقب ماتزوجت ارقد فيها مع عيالي ومرات عيال اخوي يباتون معاي في الويكند او اذا سافر زوجي ..
فالبنت تحتاج دايما غرفتها في بيت اهلها ..

طبعا ماتبي حد ينتقد الفوضى اللي تسويها :sneaky:

سالم منظم بس يسوي لنفسه دعاية معاكسة ما عليج

معماري قطري

03-08-2023, 09:53 AM

مب غريبه على اللي في عمركم ههههههههه

صح كلامج خلاص بدينا ننتهي والله يستر علينا ويعطينا الصحة .. الغريب هو الصدفة يصير نفس الشيء

معماري قطري

03-08-2023, 10:08 AM

صباح الخير بو عبد الله
هم يلعبون لعبتهم مع الاشياء هذي لانها ابتكارات رخيصة ومصنوعة من اعادة استخدام مواد وريسايكل

لكن تعال عندنا.. لو يغلطون اليابان ويضيفون حرف في آخر الجيب او حتى يركبون له ذيل.. ينزل غندنا على انه فئة جديدة.

صباح الأنوار بو زيد

قبل يا اخوي كانت العقليات هي نحت بيوت من الجبال والصخر .. تطورت لعمل ملابس ومفارش ووسائل راحة بس غالبها بمواد كانت متوفرة وطبيعية .. ألحين الطبيعة تعبت من توفير احتياجات الإنسان وصار لازم الإتجاه للصناعات الخفيفة واللي تؤدي الغرض بسعر معقول وبجودة مقبولة وفي كل شيء .. استويت تبغي إسم بتشتريه غالي وبنفس المواد تقريباً وتبغي منتج ممكن تحصل شبيه بربع السعر .. خذت لفة أشوف الجكوزيات حصلت صناعة صينية متطورة وأسعار حول ال 7000 وحصلت سعر فوق ال 50000 صناعة ماركة جكوزي ما ادري ايطالي أو أمريكي بس غالي وايد ويعطيني خدمات أقل بوايد من اللي بو 7000 ما فيه تسكير من الجوانب ولا بخار ولا شور مطري ولا ليتات ديسكو

معماري قطري

03-08-2023, 10:29 AM

قبل كنت مقتنع بأن الصناعة الأوروبية هي الأفضل وما زلت في بعض الأشياء لكن بدائل كثيرة أثبتت وجودها

سالم الزهران

05-08-2023, 08:54 PM

فعلاََ عندك بدائل، وما اظن احد باقي محتكر الجودة في اسم معين او بلد معين

معماري قطري

06-08-2023, 01:25 AM

فعلاََ عندك بدائل، وما اظن احد باقي محتكر الجودة في اسم معين او بلد معين

كنت أدور تصاميم حق نوعية من المغاسل معروفة تكون فوق قطعة الرخام أو تحتها أو أطرافها بس فوق الرخام .. فيه نوع معروف أمريكي برسومات حلوة ورود وورق شجر حبيت أعرضها في القروب اللي انت خابرها حق رفيجنا محمد ولا حصلت الإسم بس حصلت بدائل صناعة صينية شكلها من كلام المتحدثة

https://www.youtube.com/watch?v=SoE4fjc9Vh0

معماري قطري

06-08-2023, 01:28 AM

هذي نوعية شبيهة بس الإسم عقدني شلون نسيته

https://www.youtube.com/watch?v=k-TUbS1GecM

معماري قطري

06-08-2023, 01:41 AM

حصلت الاسم بعد معاناة .. كولر والا كوهلر مثل ما يسمونها العرب

https://www.youtube.com/watch?v=56Mtv81f3BA

سالم الزهران

06-08-2023, 07:53 PM

خوش مغاسل ،، يا ترى القسم هذا من البيت شلون بيكون كله على بعضه،، اتوقع اسمع صوت نافورة او كما يسكونها الشوام (بحره)

sara jsm

06-08-2023, 08:45 PM

حصلت الاسم بعد معاناة .. كولر والا كوهلر مثل ما يسمونها العرب

https://www.youtube.com/watch?v=56Mtv81f3BA

موجود محلهم في طريق المطار .. شوف هالرسومات موجوده عالمغاسل والمراحيض الله يعزك واغلب ديكورات الحمامات .. بس ياترى ان طلع زهيوي بتعرف تصيده ولا هو بيصيدك ههههههههه

:

خوش مغاسل ،، يا ترى القسم هذا من البيت شلون بيكون كله على بعضه،، اتوقع اسمع صوت نافورة او كما يسكونها الشوام (بحره)

وايد خيالي بوزيد .. بيكون القسم اسمه الف وثمانميه وحطبه :funny:

معماري قطري

07-08-2023, 12:33 AM

موجود محلهم في طريق المطار .. شوف هالرسومات موجوده عالمغاسل والمراحيض الله يعزك واغلب ديكورات الحمامات .. بس ياترى ان طلع زهيوي بتعرف تصيده ولا هو بيصيدك ههههههههه

:

وايد خيالي بوزيد .. بيكون القسم اسمه الف وثمانميه وحطبه :funny:

إنتي متطورة وايد المفروض ما تقعدين معانا .. زين يعني قصدج اولد ستايل؟ زين اولد از غولد بعد بعدين احنا والزهيوي ربع ما نختلف محافظين على بعد مناسب انتي اللي مسوي لج رعب

معماري قطري

07-08-2023, 12:38 AM

خوش مغاسل ،، يا ترى القسم هذا من البيت شلون بيكون كله على بعضه،، اتوقع اسمع صوت نافورة او كما يسكونها الشوام (بحره)

شكلهم إخوي بو زيد بروحه يفتح النفس .. سارة الله يهدي روعها تعرضت لصدمات من طفولتها للحين من الزهيوية وتحسب لهم ألف حساب .. انا أنصج زوجها يطلب مغسلة منقوشة بالزهيوية حتى لو تسلل واحد حقيقي ينط عليها فجأة

معماري قطري

07-08-2023, 12:42 AM

هذيه بعد كم بيكون سعره

https://www.youtube.com/watch?v=OvOHmQz6iSQ

معماري قطري

07-08-2023, 01:05 AM

https://www.youtube.com/watch?v=93WfYK-TuaY

معماري قطري

07-08-2023, 01:07 AM

https://www.youtube.com/watch?v=AqWRDDSTq0g

معماري قطري

07-08-2023, 01:17 AM

https://www.youtube.com/watch?v=bXxiqfk_900

سالم الزهران

07-08-2023, 05:53 AM

صباح الخير بو عبد الله
فعلاََ بلادنا ما فيها شيء الا ان دخلت لمكان بناءه زين وفيه ديكور زين، وبيوتنا تستحق اننا نعتني فيها.

معماري قطري

07-08-2023, 04:29 PM

صباح الخير بو عبد الله
فعلاََ بلادنا ما فيها شيء الا ان دخلت لمكان بناءه زين وفيه ديكور زين، وبيوتنا تستحق اننا نعتني فيها.

ضروري الله يسلمك هذي جودة الحياة والبهجة

المسلمين أول ما دخلوا الأندلس غيروها وايد وأهم شيء أضافوه هو البهجة بالنوافير والمناور والزراعة التجميلية والنقوشات الحلوة اللي استمرت للآن والعالم يتبعها كدزاين متجدد هم وضعوا أساسه وكان لهم في تصميم البيوت والمباني بعد أثر كبير .. النقوش هذي بالورقيات والورود والتلوين هم بدأوها والعالم مستمر للآن ويمكن بعضنا نسى فضلهم وبداياتهم

sara jsm

08-08-2023, 04:10 PM

إنتي متطورة وايد المفروض ما تقعدين معانا .. زين يعني قصدج اولد ستايل؟ زين اولد از غولد بعد بعدين احنا والزهيوي ربع ما نختلف محافظين على بعد مناسب انتي اللي مسوي لج رعب

لا صج بوعبدالله هالمحل اذا دخلته بتلقى اشياء مودرن واشياء قديمة لكن مش في الصنع ..
ديزينات قديمة .. الوان حتى ماتلقاها في علبه الالوان هههههه شي غريب .. والمشكله يقول هذولا لهم ناسهم واسعارهم بال آلاف ..

شكلهم إخوي بو زيد بروحه يفتح النفس .. سارة الله يهدي روعها تعرضت لصدمات من طفولتها للحين من الزهيوية وتحسب لهم ألف حساب .. انا أنصج زوجها يطلب مغسلة منقوشة بالزهيوية حتى لو تسلل واحد حقيقي ينط عليها فجأة

اعوذ بالله منك :anger2: انا حتى علب الفليت احطهم معكوسين :weeping: مااحب اشوفهم حتى بالرسم

معماري قطري

09-08-2023, 01:11 AM

لا صج بوعبدالله هالمحل اذا دخلته بتلقى اشياء مودرن واشياء قديمة لكن مش في الصنع ..
ديزينات قديمة .. الوان حتى ماتلقاها في علبه الالوان هههههه شي غريب .. والمشكله يقول هذولا لهم ناسهم واسعارهم بال آلاف ..

اعوذ بالله منك :anger2: انا حتى علب الفليت احطهم معكوسين :weeping: مااحب اشوفهم حتى بالرسم

خلاص استويت ما يغروني الباعة بآخر حبة ومفيش منه اتنين وبيطير العئل .. شيء عجبني وسعره زين ما ارده أما فيه له بديل مناسب وأرخص أوفر أحسن لي .. يا حلو الكاش بين الخياش

عن مستر صرصور عارف ما تحبين حتى طاريه وعارف شمسوي معاج .. من أيام سمعت أصوات تحت وصوت عالي قلت أم عبدالله زنطت الخدامة ورحنا في ورطة طلع بريعصي داخل يتمشى في المطبخ .. زين ما اتصلت بالشرطة قالت لهم حرامي

sara jsm

09-08-2023, 10:03 AM

والله البريعصي اهون من الزهيوي بالف مرة .. :yes:

https://www3.0zz0.com/2023/08/09/06/536434894.jpeg (https://www.0zz0.com)

شوف هالطقم امريكي من كوهلر ..
تخيل تتوضأ والزهيوي متخصر لك بالمغسله ولايبين :cry2: والله فلم رعب

:
:

التميز حلو بس لو مثلا مثل هالطقم انكسر منه شي وتبي تغيره !!! يمكن ماتحصل نفس النقشه مرة ثانيه …
انا دايما اختار الساده والمتوفر بالسوق واللون الابيض فقط ..

معماري قطري

09-08-2023, 02:59 PM

معماري قطري

09-08-2023, 03:39 PM

للي يحبون يتابعون أبحاث الطاقة وتحول حتى آليات البناء لكهربائية ومنخفضة الضجيج

https://www.youtube.com/watch?v=IdawuX8PGl0

sara jsm

10-08-2023, 05:18 PM

والله وايد حلو ولون هاديء .. شكله من تصويرج في قطر صح؟ لو صح كم سعره دخل قلبي بعدين الزهيوي خلاص استوى هيستوري عندنا ولله الحمد مع الصرف الصحي الجيد ومع بعد الأغطية اللي فيها رداد إستوينا في الحمامات اللي ركبناها حتى صوت الماي وهو نازل للصفاية ما ينسمع وما تطلع أي روائح وكله ما يكلف شيء .. اللي يبي يشوف حطيت شرح وصور في موضوع مراجعة المخططات المعمارية

مو مهم يدخل قلبك .. المهم تقرقش مخباتك :nice:
ذكرتني في الموضوع القديم :weeping:

http://www.qatarshares.com/vb/showthread.php?636526-%C8%ED%CA-%C7%E1%DA%E3%D1-%E3%CA%CC%CF%CF-%CD%ED%C7%DF%E3&p=10706965&viewfull=1#post10706965

معماري قطري

11-08-2023, 07:31 PM

مو مهم يدخل قلبك .. المهم تقرقش مخباتك :nice:
ذكرتني في الموضوع القديم :weeping:

http://www.qatarshares.com/vb/showthread.php?636526-%C8%ED%CA-%C7%E1%DA%E3%D1-%E3%CA%CC%CF%CF-%CD%ED%C7%DF%E3&p=10706965&viewfull=1#post10706965

مستعد للقرقشة والفرفشة بس تبقى فلوس بعد السفرات .. عاد تقاعدت أُم عبدالله وكل شوي تطلع لها وجهة جديدة ولازم أسايرها تقول بادفع بعدين تخليني في وجه المدفع

ما تشوفيني مقرر أبني حبة حبة .. حصية على حصية .. لطوف وهيوه الحفيدات جننوني يسئلون عن المخططات كل وقت بروحهم نتفات أدخلهم البلكونة اللي سكرتها أقول هذا بيتكم قعدوا هنيه

معماري قطري

11-08-2023, 07:38 PM

بديل الرخام سعره في السعودية قريب ال 40 ريال للمتر المربع ويمكن فوق شوي بسبب الضريبة .. عندنا تتوقعون كم؟

شاري بورسلان هندي جلكسي أو ما ادري شيسمونه الأسود بنقشات مختلفة ووايد زين بعد التركيب ومركبه زيرو جوينت وخارجي على الصبغ بس كسروا شوي حتى يثبت وكمل ألحين خمس سنين وزود ما تغير ولا طاح وسعره 40 ريال كان وممكن نزل ألحين سمعت 35

توقعت البديل يطلع المتر بحدود 10 ريال في النهاية ينخدش و 3 ملم وبلاستيك شرايكم؟

https://www.youtube.com/watch?v=Gdjc5SSSXJ0

سعود.

11-08-2023, 08:45 PM

قبل فتره رحت مع واحد من الربع خذ عرض سعر رخام صناعي
( كوريان ) بيشل الرخام الي عنده في المطبخ . وبداله الصناعي عطوه حول 10 الاف مساحة 16 متر

معماري قطري

12-08-2023, 05:09 AM

قبل فتره رحت مع واحد من الربع خذ عرض سعر رخام صناعي
( كوريان ) بيشل الرخام الي عنده في المطبخ . وبداله الصناعي عطوه حول 10 الاف مساحة 16 متر

625 ريال للمتر لو رايح سوق الذهب ممكن يطلع أرخص

البديل البورسلان .. لو مركبه بلاصق على الرخام بسهولة بيركب وفيه الألواح الكبيرة 2.5 في 3.2 أو 2.6 في 3.2 لوح واحد يقدر يكمل به المطبخ كاونترات وواجهات بين الكبتات يحتاج بس طاولة قص وناس مختصين وسيراميك الخليج عندهم مع القص والتركيب .. العادي 120 في 60 سعره حول 60 ريال وممكن السوبر منه يطلع حول ال 100 وغالبيته ما يحتاج قص عرض الكاونترات 60 والقص سهل جداً بالآلة الخاصة مثل قص الزجاج

معماري قطري

12-08-2023, 05:13 AM

سعود.

12-08-2023, 12:49 PM

خوش والله
بقوله

معماري قطري

12-08-2023, 02:31 PM

خوش والله
بقوله

الله يوفقه أسهل وأقوى واستغلال للرخام الموجود واللصق حتى بسيليكون ممكن .. حف الأطراف بطريقة ربع دائرية ممكن عن طريق أي معمل رخام وحتى صبغ الطرف بلون مقارب لو لون العجينة تحت غير بس ياخذ فل بودي أسهل له .. حل ثاني يركب في الطرف ستانلس ستيل ويكون البورسلان منتهي عند ابتداء دوران الرخام اللي تحته أو لو الرخام بدون دوران يكون واصل لحد الرخام الأخير مع قطعة الستانلس ستيل حماية وشكل مميز

خله يمدنا بصور نحطها بعد للاستفادة قبل وبعد

سعود.

12-08-2023, 02:49 PM

جزاك الله خير ابا عبدالله

معماري قطري

12-08-2023, 03:24 PM

الفكر المعماري وراء مزج الداخل بالخارج وتجميل المنزل بنباتات طبيعية وهذا في الهند

https://www.youtube.com/watch?v=O1G6Fi34l9I

معماري قطري

12-08-2023, 03:25 PM

جزاك الله خير ابا عبدالله

الله يجزيك بما دعيت اخوي الكبير

معماري قطري

12-08-2023, 04:50 PM

شغل بنيان الشور جزء له وجزء لها .. الفكرة حلوة كل واحد صوبه صابونه وشامبوه وعدته الخاصة

https://www.youtube.com/watch?v=lxrPclvZ610

معماري قطري

12-08-2023, 10:25 PM

يتكلم عن بعض الملاحظات على متطلبات التصميم

https://www.youtube.com/watch?v=sxUiD4CF-VI

sara jsm

13-08-2023, 11:40 AM

بديل الرخام سعره في السعودية قريب ال 40 ريال للمتر المربع ويمكن فوق شوي بسبب الضريبة .. عندنا تتوقعون كم؟

بديل الرخام عندنا سعره 160 وينزل لين 120 .. انا مركبه من فترة ..
بس لما شفت الموديلات اللي بالسوق الصيني بالامارات دمعت عيني على الذوق التعبان اللي عندنا :weeping:

:

قبل فتره رحت مع واحد من الربع خذ عرض سعر رخام صناعي
( كوريان ) بيشل الرخام الي عنده في المطبخ . وبداله الصناعي عطوه حول 10 الاف مساحة 16 متر

اخوي سعود نصيحة من ربة منزل وايدي بالمطبخ .. مافي احسن من الجرانيت ..
الرخام او بديل الرخام مصيبته انه يمتص البقع مثل ( الكتشاب او الزعفران او الدهن العربي او القهوة .. الخ )
وماينظف كللللش لانه يتشرب بسرعه .. انا مركبه في مطبخي الداخلي كوريان وحاطه فوقه بلاستك شفاف متين مقاوم للحرارة عشان احافظ عليه قدر المستطاع ..
الكوريان ممكن تركبه في بانتري ..

معماري قطري

13-08-2023, 12:08 PM

بديل الرخام عندنا سعره 160 وينزل لين 120 .. انا مركبه من فترة ..
بس لما شفت الموديلات اللي بالسوق الصيني بالامارات دمعت عيني على الذوق التعبان اللي عندنا :weeping:

:

اخوي سعود نصيحة من ربة منزل وايدي بالمطبخ .. مافي احسن من الجرانيت ..
الرخام او بديل الرخام مصيبته انه يمتص البقع مثل ( الكتشاب او الزعفران او الدهن العربي او القهوة .. الخ )
وماينظف كللللش لانه يتشرب بسرعه .. انا مركبه في مطبخي الداخلي كوريان وحاطه فوقه بلاستك شفاف متين مقاوم للحرارة عشان احافظ عليه قدر المستطاع ..
الكوريان ممكن تركبه في بانتري ..

فجور عندنا وشكلهم يطرشون واحد كلش ما عنده ذوق يقولون اشتر ارخص شيء

معماري قطري

13-08-2023, 11:14 PM

https://www.youtube.com/watch?v=RhAcSUmnwqU

سعود.

14-08-2023, 02:28 AM

على صغرها بس تلبي المطلوب وفوق هذا فخمة . واكيد ارخص من البناء الكبير

معماري قطري

14-08-2023, 07:55 AM

على صغرها بس تلبي المطلوب وفوق هذا فخمة . واكيد ارخص من البناء الكبير

هذي إخوي سعود هندسة الواقع والإبداع في استغلال مساحات صغيرة واقتصادية بشكل ذكي ويناسب المستهلك .. شغالين عليها المطورين أكثر .. إحنا غير نبالغ ونطمع وأوقات الأرض كبيرة تبي تملاها وفوق احتياجك بوايد .. ما اروح بعيد انا أحاسب نفسي قبل بيتي المصمم الجديد عندي مساحات وغرف وايد يمكن ما احتاجها بس دوم أفكر في العيال والأحفاد .. ونصهم بيبنون لهم وأكيد بتصميمي ومشاركتي وعطيتهم أولوية حتى إحتمال ما ابني مقتنع بمنطقتنا الحالية وايد مريحة وكل شيء حولنا والبيئة المحيطة وخليط البشر هنا أفضل بوايد من بيئة معيذر .. شغالين هناك على البنية التحتية وكان مقرر الانتهاء في شهر 11 القادم أجلوا لين شهر 4 وعادي يأجلون سنتين لين بعد 4

زين اللي انتهوا منه شيء يضحك .. طرقنا سووها مثل طرق لبنان الجبلية مسار في كل اتجاه بس في لبنان بشر يمشون كلهم سواقين راليات جبلية لكن في المناطق المحيطة بمعيذر ستي والوجبة ستي وبالحيران والسيلية ستي سلاحف بشرية ما تبي تمشي وانت تعاني وراء واحد يزحف .. للأسف هذي متطلبات البلدية طريق طويل عليه دوارات ومطبات شكثر وفوق هذا مسار في كل اتجاه جدامك شايب يسوق والدنيا عنده سريعة وهو يمشي 20 بس والا هندي مبند ليتاته في الليل مستمتع بليتات الشارع وما يدوس كله علشان البترول ما يخلص والفلبيني مثله .. يعني شنتوقع أفضل من الموجود؟

لي صديق يشرف هناك على الشغل هو بنفسه غير مقتنع يقول احنا شغلنا اشراف وبس وحاول معاهم تعديل بعض الأمور وما قصروا بس شالفايدة هم يحتاجون تعديل سياستهم صح ويسون طرق تستوعب وتمشي بدون تكدس وبدون عراقيل .. شكثر دوارات استوت هناك العزيزية حطوا اشارات وتخلصوا من الدوارات القديمة فيها وهناك مخهم ما يفكر الا في الدوارات ( الحب القديم )

شغالين ألحين على مشروع حديقة كبيرة غرب شارع العنابي وشرق اراضينا الله يتمم على خير بس الخوف بكرة يجيهم واحد رصيده مليار بس ويطلب الارض حق مول وما يردونه يشيلون الزراعة شيلها سهل

qatari911

15-08-2023, 10:08 AM

qatari911

15-08-2023, 10:08 AM

https://www.youtube.com/watch?v=d_SobsICTtw

هذا مهندس اسمه م. عبدالرحمن الزعاقي داخل تحدي يبني فيلاه في شهرين اسم المشروع قالب الفيلا شي كذا مشاء الله قرب يخلص بشهر

سعود.

15-08-2023, 10:38 AM

هذا صدق ( ثورة ) في عالم البناء

معماري قطري

16-08-2023, 01:43 AM

https://www.youtube.com/watch?v=jRgJEMjdGtA

سلام عليكم
السعوديين والمهندسين والمشرفين يشتغلون بذمه وضمير وتصاميمهم لفلل صغار نوعا ما شي خرافي حتى التأثيث روعه والضمانات بعد البنا
لو كان عندنا مقاولين ومهندسين يراعون الله فينا على المساحات الي عندنا بنطلع بشي جبار وحتى الاسعار عندهم ممتازه وعندهم نظام التمويل بالاقساط

عليكم السلام ورحمة الله وبركاته

هم طوروا القضاء ومتابعة البناء وسهلوا قوانين التخطيط ووضحوها ما خلوها مزاجية كل واحد يفتي مثل اللي عندنا .. لا واللي يخالف ويخربط وعليه قضايا مهدود يسترزق وياكل من كعكعة المحروم

معماري قطري

16-08-2023, 01:55 AM

المغاسل مبتكرة ومناسبة للحيز الضيق .. السعر شوي عالي 1.725 مليون مع الضريبة

معماري قطري

16-08-2023, 02:06 AM

https://www.youtube.com/watch?v=d_SobsICTtw

هذا مهندس اسمه م. عبدالرحمن الزعاقي داخل تحدي يبني فيلاه في شهرين اسم المشروع قالب الفيلا شي كذا مشاء الله قرب يخلص بشهر

هذا ناقشناه في قروب بناء وتصميم .. ههههه دعاية لقروبنا .. اللي يتحمل رسايل كثيرة حياه معانا بس بدون مشاركات خارجية كله بنيان وتصميم وفيه شوية زراعة تجميلية وأثاث وكهربائيات ودعايات للشركات والمواد وتجمع كبير من الخليج والدول العربية

https://chat.whatsapp.com/CgdCfGMCFIyK5bpEQAbJOc

qatari911

16-08-2023, 08:12 AM

لو النظام عندنا في تطوير مستمر ويكون فيه ابداع وتخفيف القيود الي بعضها ماله داعي كان احنا بخير

معماري قطري

16-08-2023, 01:49 PM

لو النظام عندنا في تطوير مستمر ويكون فيه ابداع وتخفيف القيود الي بعضها ماله داعي كان احنا بخير

مزاجية وأشياء مب معقولة مثل تعال سو لي واجهة ثانية .. المشكلة ما يعرفون وشو تعريف الواجهة لازم باب ولازم تناظر كلش ما عندهم ذوق .. تطلب مني ارتدادات ومسويها ليش تطلب أمور تعجيزية .. لا واللي يقهر هو التحكم في ارتفاع الدرايش ويبون درايش الدرج بارتفاع 1.8 متر من الأرضية كأن الواحد داخل مغارة النور من فوق ويستحيل يشوف بيته من الدرج .. شلي خص بالجار ما باطل عليه الا من الدرج؟ اسلوب تعسفي غريب

معماري قطري

16-08-2023, 01:50 PM

يا ساتر شهاللون بالغلط طلع شيفكنا من سين جيم ألحين

معماري قطري

16-08-2023, 02:53 PM

https://www.youtube.com/watch?v=k-TUbS1GecM

معماري قطري

17-08-2023, 12:09 AM

أشياء كثيرة ما حبيتها منها توزيع الحمامات والشورات مرمية في مكان ضيق قرب الكرسي وبدون عزل عن ترشش المياه .. بعضها المفروض كرسي ومغسلة حاطين شور .. السعر ما حطوه بس أتوقع موقعها جيد ومناسبة لكثيرين

https://www.youtube.com/watch?v=dc4Vd3l49ls

معماري قطري

17-08-2023, 01:02 AM

وإحترقت المروحة راح عليك المكيف وتم البيت كله مكيفلس .. كلما زاد التعقيد تزيد المشاكل ذيلا المسوقين يحاولون قد ما يقدرون يبيعون بعد البيع تعال ذكرهم بكلامهم بيقولون الغبار خرب المروحة واحترقت دورة الكهرباء تبي جديدة انتظر شهرين بنطلبها وبتكلفك كذا وكذا وادفع قبل

https://www.youtube.com/watch?v=5WRMCnqrCNc

معماري قطري

17-08-2023, 01:23 PM

فهمت أشياء وأشياء ما فهمتها

https://www.youtube.com/watch?v=R92blbvhiHE

معماري قطري

17-08-2023, 01:47 PM

كلام مبسط عن الضغوط الحرارية في المواد وشلون الاستطالة في الخرسانة والحديد مع زيادة الحرارة لين 50 درجة تتغير لين حدود نص سم في العشرة متر أو في ال 1000 سم بحدود 0.05% وتأثيرها قوي لو ما سوينا فواصل تمدد مناسبة .. يعني بيتنا يتغير خلال السنة لو كان 20 متر بحدود 1 سم يزيد عرضه ويقل وهذا يسبب كراكات في كثير من العناصر والعزل الحراري الشامل للبيت كله يخلي التفاوت في الحرارة يقل لآخر درجة .. يعني ممكن بدال 50 درجة نموذج التجربة يقل لحدود 10 درجات + أو - وتقل الاستطالة لحدود 2 ملم بدال 1 سم .. أكيد بالإضافة لتقوية العناصر الإنشائية كلها وأهمها الطابوق وتركيبه ولازم نسوي فواصل تمدد للبيوت العادية ما لها داعي لكن لقصر كبير ضرورية ولازم فواصل تمدد وانشاء خاصة

https://www.youtube.com/watch?v=PuwOKqulCh0

sara jsm

17-08-2023, 02:14 PM

يا ساتر شهاللون بالغلط طلع شيفكنا من سين جيم ألحين

بطييييت عيونا بالفسفوري crazy

:

https://www.youtube.com/watch?v=k-TUbS1GecM

حرام ذي مغاسل .. حلاتهم بوادي حق الشوربات والباجة :pic:

معماري قطري

17-08-2023, 08:22 PM

بطييييت عيونا بالفسفوري crazy

:

حرام ذي مغاسل .. حلاتهم بوادي حق الشوربات والباجة :pic:

انا حسبتهم كيك .. بس صج الفسفوري غلطة ومشيتها ما اقدر اعدل

معماري قطري

20-08-2023, 09:01 AM

https://www.youtube.com/watch?v=dbawcyjAhSI

تجربة ممتعة رجعتني لأيام الدراسة بدأ بتصميم متوازن حديد بقطر بسيط رقم 3 تعني حول واحد سم سمك الحديد ولاحظوا العلوي بس يمسك السفلي وخفيف

ثلاثة تعني 3/8 من الانش بالقياس الأمريكي وductile failure تعني الجسر يعطي استطالة معقولة وانحناء لين يفشل يقاوم أكثر

نهاية الاختبار حصل عندنا فشل قطعي اللي يسمونه بالنجليزي شير فيلير shear failure وحصل انسلاخ لبعض نهايات الحديد الانسلاخ مستبعد في وضع طبيعي والحديد مربوط مع حديد العمود لكن المهم أكثر هو السماح للعنصر بتحميل الوزن على الحديد وموازنة الحديد الطولي مع الكانات أو ال stirrup العرضية وهذي تقاوم القوى القطعية

معماري قطري

20-08-2023, 09:06 AM

عندنا للأسف يمكن 90% من التصاميم الإنشائيىة فشل مثل العينات 3 و 4 و 5 نموذج 2 و 1 ما نحصله الا عند الإستشاريين المتمكنين وعندهم الخبرة الكافية

qatari911

20-08-2023, 12:52 PM

معماري قطري

20-08-2023, 09:03 PM

https://www.youtube.com/watch?v=Kyufhpi88iM

التحدي يخلص في شهرين هو مهندس يحب شغله ومافيه تلاعب من شركات البناء والشركات الثانيه ((مشاء الله تم البناء في 33 يوم))
تمل البناء كامل من اثاث وكهرباء من كل شي
وتكلفة الفيلاه عظم اعتقد 850 الف من غير تأثيث

يطلع المتر المربع 2760 ريال بدون المصعد وأتوقع المصعد حول 70000 الى 120000 وممكن فيه نوعيات أغلى حسب الإختيار

السعر معقول بسبب صغر المساحة لكن لو بنبني 1000 متر مربع بيكون 2.76 مليون + بعد قيمة الأرض .. عندنا إخونا صالح جوهر يبني بالحديد البارد والإسمنت بورد ومستعد يبني لين 5 أدوار وبنيانه معزول بحدود ممتازة

هذي رسالته اليوم على القروب في الوتس أب

السلام عليكم جميع ، معاكم اخوكم بوفهد . سعر البنيان السريع عندنا في الشركة ب 1850 تشطيب تسليم مفتاح .
واذا بس مع تمديدات الكهربا و بيبات الماي تقريبا 1450 ريال .
وهذا موقعنا في*الانستغرام*

https://www.instagram.com/innovationqa_/?igshid=MzRlODBiNWFlZA%3D%3D

للي يحب يطلع وانا لي نية البناء عن طريقهم بإذن الله فوق سطح بيتي

معماري قطري

20-08-2023, 09:05 PM

التنفيذ بعد عندهم سريع وأكيد حسب المطلوب

سالم الزهران

20-08-2023, 09:18 PM

الله يوفقكم جميع اخونا بو عبد الله، هذا اامطلوب نبغي تقنيات حديثة واسعار معقولة

معماري قطري

21-08-2023, 12:24 AM

الله يوفقكم جميع اخونا بو عبد الله، هذا اامطلوب نبغي تقنيات حديثة واسعار معقولة

آمين وربي يوفق الجميع .. بعد ما ننسى الضريبة عندكم غالية بتزيد السعر 15% بيستوي من 2760 الى 3174 .. النوع الثاني الحديد الغالفانيزد البارد يختلف اختلاف كبير والنظامين جيدين ونفخر بالشباب اللي يشتغلون هذي الشغلات ويتابعونها ونتمنى لهم التوفيق سوقنا صعب وايد يمكن سوقكم أسهل

معماري قطري

21-08-2023, 12:47 AM

https://www.youtube.com/watch?v=0TnNYcsdeuk

qatari911

21-08-2023, 07:38 AM

يطلع المتر المربع 2760 ريال بدون المصعد وأتوقع المصعد حول 70000 الى 120000 وممكن فيه نوعيات أغلى حسب الإختيار

السعر معقول بسبب صغر المساحة لكن لو بنبني 1000 متر مربع بيكون 2.76 مليون + بعد قيمة الأرض .. عندنا إخونا صالح جوهر يبني بالحديد البارد والإسمنت بورد ومستعد يبني لين 5 أدوار وبنيانه معزول بحدود ممتازة

هذي رسالته اليوم على القروب في الوتس أب

السلام عليكم جميع ، معاكم اخوكم بوفهد . سعر البنيان السريع عندنا في الشركة ب 1850 تشطيب تسليم مفتاح .
واذا بس مع تمديدات الكهربا و بيبات الماي تقريبا 1450 ريال .
وهذا موقعنا في*الانستغرام*

https://www.instagram.com/innovationqa_/?igshid=MzRlODBiNWFlZA%3D%3D

للي يحب يطلع وانا لي نية البناء عن طريقهم بإذن الله فوق سطح بيتي

اذا عندنا شركات كذا والله زين لان ماسمعت بهالشي الا عند المهندسين السعودين هذا غير الاشراف على المشروع

عندنا الاشراف لـ( واخد بال حضرتك ) او (يازول مشي اليله مارح يبين الاخطاء) او ( يزلمه هاد بده نكون موجودين بالموقع من كل عقله نروح بهالجو خلي الحارس يصورلك ويرسلك الصور وانت ارسلها له على اساس انك انت الي مصور )

طبعا البعض منهم وليس الكل

انا مفروض بادي من شهر 9 سبتمر الي فات لحد الان مابنيت لان المصمم مرات عله والبلديه من الصوب الثانيه في قراراتها وشنو ممنوع وشنو الي مو ممنوع خلصت الموافقات كلها بديت من شهر9 سبتمبر الى شهر 7 يوليو الي فات زين اني خلصت باقي بس ابدا البناء ان شاء الله في بداية سبتمبر

الله يكتب الي فيه الخير لي ولكم

معماري قطري

21-08-2023, 09:32 AM

اذا عندنا شركات كذا والله زين لان ماسمعت بهالشي الا عند المهندسين السعودين هذا غير الاشراف على المشروع

عندنا الاشراف لـ( واخد بال حضرتك ) او (يازول مشي اليله مارح يبين الاخطاء) او ( يزلمه هاد بده نكون موجودين بالموقع من كل عقله نروح بهالجو خلي الحارس يصورلك ويرسلك الصور وانت ارسلها له على اساس انك انت الي مصور )

طبعا البعض منهم وليس الكل

انا مفروض بادي من شهر 9 سبتمر الي فات لحد الان مابنيت لان المصمم مرات عله والبلديه من الصوب الثانيه في قراراتها وشنو ممنوع وشنو الي مو ممنوع خلصت الموافقات كلها بديت من شهر9 سبتمبر الى شهر 7 يوليو الي فات زين اني خلصت باقي بس ابدا البناء ان شاء الله في بداية سبتمبر

الله يكتب الي فيه الخير لي ولكم

آمين .. أمس معاي مهندس قديم استخدم الفوم في البناء ومن زمان بس وقف لعدم وجود سوق ماشي

كيلو حديد

21-08-2023, 03:34 PM

معماري قطري

22-08-2023, 11:29 AM

https://www.youtube.com/watch?v=2OYoDwNAA-Y

هذا رفيجنا من فلوريدا ديفيد اوديل يسوي قاعدة حق توسعة حق دورة مياه

شغل بسيط وسريع بكمية حديد قليلة ومتباعدة وأساس شريطي طرفي شوي أعمق ولاحظوا تحت ما سووه منتظم مب مهم بيندفن

التأسيس للبايبات عملوه وركبوا قطع حديد مسننة مثل البراغي هذي يثبتون عليها خشبة قوية ببراغي ويشبكون معاها الجدران الخشبية وطبقاتها وممكن يركبون طابوق والحديد يكون عادي ويمر في تجويف الطابوق

معماري قطري

23-08-2023, 01:36 AM

https://www.youtube.com/watch?v=-WEatxtGOfA

معماري قطري

27-08-2023, 11:27 PM

موضوع العزل مهم وطويل وفيه تفاصيل كثيرة .. هنا يتكلم عن العزل الخارجي نفس طريقة تلبيس الفوم وعن العزل بالروك وول وهو مادة عازلة أقوى .. وضح كيف بعد سنة فتحوا التغطية وحصلوا عفن وطحالب نابتة على العازل بسبب الرطوبة والبرودة .. عندنا وضع مقارب رطوبة وحرارة والرطوبة تتغلغل في طبقة البلاستر الخفيفة مهما يكون وعلى فترات طويلة

الفوم عندنا مشكلته المطر الحمضي وحتى داخل تجويف الجدران مب مضمون ما توصله رطوبة حمضية تأثر فيه على مدار سنوات طويلة .. ممكن يصنعون عوازل خاصة من مواد طبيعية وقوية مثل بقايا الأشجار والورق والكراتين وتكون في اجويف مهوى حتى تجف تلقائياً وتستعيد عزلها لو وصلها ماء .. ويكون هذا حل بيئي كذلك والمواد متوفرة كنفايات ممكن يعاد تصنيعها

https://www.youtube.com/watch?v=E2Gmr-D1kDE

معماري قطري

27-08-2023, 11:38 PM

https://www.youtube.com/watch?v=32sNci6sHdU

معماري قطري

28-08-2023, 12:27 AM

تصميم أسباني حديث .. مزج الحداثة بالتقليدي من الأحواش الداخلية والمناور المطلة على الداخل مع اطلالات خارجية أصغر

https://www.youtube.com/watch?v=MdKMPkWPiX0

شوي طويل بس حلو تابعوه .. حبيت الشور اللي ينفتح على حديقة جانبية

معماري قطري

28-08-2023, 12:53 AM

https://www.youtube.com/watch?v=3SFMp3zql08

معماري قطري

28-08-2023, 01:06 AM

ردي على سؤاله هذا تعشيش بسيط جداً حتى ما فيه ضرورة للمعالجة الا تكون خرسانة مكشوفة بدون مواد تشطيب .. والإنشائي هنا مبالغ فيه وايد ولا بتكون فيه مشكلة لعمر طويل

https://www.youtube.com/watch?v=V1ElhN5JMOk

معماري قطري

29-08-2023, 08:58 AM

لمحبي الذوق الرفيع

https://www.youtube.com/watch?v=xtJg_o0oxz4

معماري قطري

01-09-2023, 02:56 PM

https://www.youtube.com/watch?v=JVET14bGxjY

معماري قطري

02-09-2023, 12:58 PM

نتمنى عندنا شركات مختصة تبني بهالطريقة .. لي صديق من قدامى المهندسين ألتقيه أوقات يقول بدأ يبني في قطر بهالطريقة ومشى فترة مشروعه بس قلة الطلب خلته يسكر وتعرض لخسارة .. مشكلتنا السوق صعب والطلب محدود

https://www.youtube.com/watch?v=qUnKmb6Vx0E

معماري قطري

02-09-2023, 01:19 PM

https://www.youtube.com/watch?v=LjTh3IFJ4-0

معماري قطري

03-09-2023, 06:33 PM

فكرة إننا نسوي موقف سيارة مغلق ومكيف فكرة حلوة خصوصاً مع الطاقة الشمسية المباشرة والتكييف فقط يشتغل في النهار وحسب مؤقت ويكون نركب أبواب معزولة وهذا أكيد بيزيد التكلفة وممكن وايد .. هنا مسويتها بدون تكييف ويتكلم عن مساحة 34 متر مربع لسيارة وحدة وأكيد فيه مساحة ضائعة لأن السيارة تكفيها 6 في 3 وهي تساوي 18 متر مربع وممكن تتزل لبعض السيارات ل 5 أو 5.5 في 2.5 أو 2.8 وهي تساوي .. يعني المساحة 34 لو وضفت صح تكفي لسيارتين

يحاولون بعضهم يقلدون الأمريكان وهناك الجو ثلج ومطر قوي غيلة خصوصاً على الزمان القديم واستوت عادة عندهم .. وحماية من السرقات وإستوى الكراج الأمريكي مركز بحث وشغل لهوايات كثيرة .. ممكن نسويه عندنا حتى بدون تكييف مهم أبواب تغلق عن الغبار بعد وتحمي السيارات من حرارة الشمس العالية

https://www.youtube.com/watch?v=Kn3nT1bWf9g

معماري قطري

29-09-2023, 03:27 PM

كلام شوي طويل حول الفتحات في الأسقف والارضيات

https://www.youtube.com/watch?v=zVLbRYdZO1s

سالم الزهران

30-09-2023, 02:21 PM

مساء الخير بو عبد الله، فكرة تكييف القراج في بالي والله لاني احياناً اشتغل على السيارة واتبهدل من الحر .

معماري قطري

30-09-2023, 04:35 PM

مساء الخير بو عبد الله، فكرة تكييف القراج في بالي والله لاني احياناً اشتغل على السيارة واتبهدل من الحر .

مساء الأنوار .. بالطاقة الشمسية الموضوع سهل ومباشر بدون بطارية حتى ما تحتاج عزل قوي مهم يكون مغلق زين وما يسرب ماي مطر .. بيكون كراج خرافي هشكل بس بعد حلاته متصل بممر بالبيت مكيف .. انا عندي قريب بس صعبة أسوي الممر مكيف لكن ممكن مرحلة ثانية لو ما ارتحت

معماري قطري

02-10-2023, 06:43 AM

بنيان مختلف بأن أساسته ظاهرة وعبارة عن كتل حجرية مجموعة في شباك حديدية .. والبناء خرساني بعدين ومواد ثانية

https://www.youtube.com/watch?v=2jm0JTqgsNE

معماري قطري

03-10-2023, 02:22 PM

عمل قاعدة وأعمدة للبوابة من الخرسانة .. إستعمل دهن منزلي حتى الخشب يسهل فكه وللبراغي كذلك حتى ما تمسك مع الخرسانة وجاء النمل على الزيت .. والأعمدة عمل زواياها مشطوفة بنفس الطريقة اللي ناوي اسويها لزوايا البيت والأعمدة البارزة بس على مقاس أكبر وتعطي شكل مميز مع التقويس المزدوج من فوق .. بنشوف إن شاء الله أثناء مراحل البناء

https://www.youtube.com/watch?v=-840-wlvV9E

معماري قطري

04-10-2023, 12:09 AM

شغل البوابة الجزء الرابع

https://www.youtube.com/watch?v=ZcY4-KxRiPg&t=184s

معماري قطري

04-10-2023, 01:24 AM

شغل ابداع في التصميم وفي التنفيذ وفي العرض وفيه أفكار حلوة آخرها البيت المحمي للزراعة في السقف

https://www.youtube.com/watch?v=98CrqCSm5sA

معماري قطري

05-10-2023, 04:41 PM

https://www.youtube.com/watch?v=A1wX2qUlT5I

سالم الزهران

06-10-2023, 08:36 PM

شغل ابداع في التصميم وفي التنفيذ وفي العرض وفيه أفكار حلوة آخرها البيت المحمي للزراعة في السقف

https://www.youtube.com/watch?v=98CrqCSm5sA

البرامج مالت التصاميم خدمت الشركات ووهقت الزبون، تعرض التصميم في افضل صوره و يتركون الزبون يتحمل صدمة الواقع

معماري قطري

07-10-2023, 12:58 AM

والله يا بو زيد أشوف التصميم مقارب للواقع والواقع جيد ومناسب لبعض الناس

معماري قطري

11-10-2023, 12:27 AM

تصنيع الطابوق والالواح البيضاء خفيفة الوزن

https://www.youtube.com/watch?v=JChB1OyXjYs

معماري قطري

11-10-2023, 09:48 PM

الفلم السابق صج طويل بس فيه شوي عن الصناعة وكثير عن البنيان بالالواح وبالطابوق

هذا فيديو عن نوعية مراوح شفط تركب على السطح وهذي تعجبني لا صوت ولا أذية وسهلة الصيانة بس لو عندي باركبها على عمود طابوقي داخله محمية ولها تجويف فيه باب للصيانة

https://www.youtube.com/watch?v=gSeL5awvB5Q

معماري قطري

11-10-2023, 11:57 PM

ابتكارات ومواد بناء جديدة

https://www.youtube.com/watch?v=KGkG-SEDrPM

معماري قطري

12-10-2023, 02:12 AM

https://www.youtube.com/watch?v=sgZ0Pf20zb8

معماري قطري

13-10-2023, 04:21 PM

حوض السباحة حلو ممتد من البيت ومرتفع ولو عملوا له اوفرفلوا من جدام مثل الشلال كان بيطلع وايد أحلى .. فكرة الخرسانة المكشوفة والطابوق بدون بلاستر ولا صبغ هذي قديمة وماشية في مباني كثيرة طراز يسمى ( Modern Minimalism ) وهو معتمد على الحداثة وتقليل تكاليف البناء والتشطيب

https://www.youtube.com/watch?v=NikkmHwmEWU

معماري قطري

14-10-2023, 04:31 PM

https://www.youtube.com/watch?v=By870xnCXLs

معماري قطري

14-10-2023, 05:01 PM

الطريقة تأسيس بالطوب وممكن يكون بالطابوق وبعدين عمل جسور قوية بس أشوفها مبالغ فيها كتسليح وخرسانة لكن في النهاية أوفر من الأساسات الخرسانية والجسور ورقاب الأعمدة .. هذي الجسور سووها سيدة فوقها بيجي طابوق ممكن عادي وبيكون بدون أعمدة مباشرة الأرضيات تركب عليه

https://www.youtube.com/watch?v=FH4tRB0Yqhg

معماري قطري

15-10-2023, 02:00 PM

الآسيويين شرحهم وايد بس بنيانهم فيه أفكار حلوة تابعوها حتى لو بالسريع

https://www.youtube.com/watch?v=ASS-NXi9sk8

معماري قطري

15-10-2023, 02:41 PM

تكنولوجيا جديدة لشاشات الإل اي دي حسب المساحة المتوفرة عندك ممكن تغطي حائط كامل وبالمقاس اللي تبيه للعرض أو الإرتفاع .. أكيد التكلفة كبيرة عرض نوع ب 60000 دولار ونوع ثاني أو مقاس ثاني ب 40000 دولار .. جهاز العرض مفصول وبعد شغله معقد وانا أشوف نصمد مع التلفزيونات الكبيرة الجاهزة أفضل

https://www.youtube.com/watch?v=CxxnF-KuK50

سالم الزهران

15-10-2023, 09:23 PM

مساء الخير بو عبد الله
كلما اشوف الاشياء الغالية هذي، فعلاََ افهم شنو معنى المادية.. ومن صوب ثاني اشكثر هي وهم وان الفلوس لو لها قيمة ما اندفعت هالثروة في شاشة تلفزيون مهما كانت تقنيتها ذكية فبتعرض لك امور مب ذكية.

ستين الف دولار اظنها تعادل ربع مليون ريال.. هذي ممكن تأسس لها مجتمع او قرية زراعية امسلمين فقارى و تكون نواة صالحة في بعض البلدان.

طلعت عن صلب الموضوع لكن التكلفة هذي طلعتني غصب وخلتني اتخيل شغلات؛)

معماري قطري

16-10-2023, 01:06 AM

معاك حق يا بو زيد وانا ذكرت البديل تلفزيون عادي كبير ممكن من أكبر الأحجام تحصله ب 10000 ريال ولا شرط يكون 8 كي وما فيه إشارة عندنا توصل 4 كي الا قليل من المحطات كلش .. بعدين هذي تكنولوجيا جديدة بس نتعرف عليها ولازم مع الوقت بترخص خصوصاً لو دخلوا عليها الصينيين طوروها بطريقتهم وغزوا بها أسواق العالم

معماري قطري

16-10-2023, 01:23 AM

بالنسبة لفقراء المسلمين الغريب إن بعضهم عايش في دول غنية بالموارد والارض وفقيرة في الأمن وفي استغلال هذي الموارد وفي العدل وإحنا صعب نأكل كل الناس .. أشوف نفيدهم في تطوير صناعات عندهم ووعي وعلم ممكن أفضل .. وليش ما نجلب ناس منهم لمدارسنا وجامعاتنا كمساعدة؟ ليش حفر البير عندهم صعب أو مستحيل وليش الزراعة صعبة وبعضهم في دول ممطرة وفيها أنهار؟

إستووا وايد اتكاليين وعندنا منهم ثرى ولازم التوعية والعلم ما فيه عمل ما فيه حياة كريمة وما فيه انتاج ما فيه معيشة .. أقوى اقتصاد أمريكا والصين وشعب الدولتين فيه أمثلة للفاشلين والناجحين والمشردين واللي عايشين في قصور ولكل واحد قصته وأسبابه بس الأهم في هذي الدول حكومات وأنظمة وتطوير وحث على العلم والعمل .. كنت أفكر في بدء التطوير والبناء والابتكارات البسيطة .. فيه ابتكارات كثيرة جات صدفة ولا حد يذكر بدايتها أو من إخترعها .. أول تطبيق للنانو تكنولوجي جاء من العرب في اليمن الخناجر المسنونة والحادة وفي دمشق السيوف الدمشقية .. هل كانوا يشتغلون بعلم ويطالعون حد السيف وتجمع الجزئيات في خط رفيع قاص وحاد بالمجهر؟ لا الشغلة جات صدفة من الممارسة .. نفس الشيء ابتكار التواير أو الإطارات أو العجلات الدائرية وليش ما سووها مربعة هذي بدايتها كانت قطع أشجار يركبون عليها حمولات ويحركونها باليد وتتدحرج القطعة تحت تحركها وتطورت العملية شيء بشيء .. المفروض نفرق بين العلم النظري والحشو وتطبيق العلم وفي كل مجالات الحياة بناء وصناعة وكل شيء

معماري قطري

17-10-2023, 02:11 PM

هذا فيديو أتابعه لي فترة طويل هو شوي ساعة ونص بس تختصر شغل سنة ونص من ترميم بيت قديم متهالك .. سووا تكسير شوي وازالة لبعض الجدران وتمديدات جديدة وتغييرات وايد .. البلاستر يشتغلونه بحرفية عالية ويستعملون شبك التقوية البلاستيكي الخفيف حتى ما يتشلخ

https://www.youtube.com/watch?v=qaKjYdb9vqI

سالم الزهران

17-10-2023, 02:59 PM

شغل الترميم اذا ضبطوه يعطيك رضاء اكثر من البناء لان البناء من اول سهل لكن الترميم يبي له افكار

معماري قطري

17-10-2023, 11:09 PM

شغل الترميم اذا ضبطوه يعطيك رضاء اكثر من البناء لان البناء من اول سهل لكن الترميم يبي له افكار

شيء أكيد الله يسلمك وكله يعتبر بناء وتوافيق لازم ولكل مجتهد نصيب

معماري قطري

18-10-2023, 02:05 PM

فيديو لعمل اللاندسكيب بالحجارة الكبيرة والآلية مناسبة وطريقة تركيب الراس وتجهيزه في البداية

ربع ساعة مدته وتقدرون تسرعونه واللي يحب يقفز للنتائج يشوف آخره الحجارة خصوصًا الكبيرة تعطيك احساس بالقوة والأمان وكذلك تضيف للحديقة شكل مغاير

حوض السباحة حلو قزاز وأوفرفلو فكرته حلوة باحاول اطبقها في الحوض اللي مصممه لبيتي وبيت ولدي لو حصلت حد يسوي قزاز مناسب وقوي وأعتقد موجود مصنع صديق قديم لي شريك فيه يسوي نوعيات الزجاج المختلفة .. بس باسويه بإرتفاع بسيط وتحته خرسانة لأن الحوض بيكون نصه تحت الأرض ونصه مرتفع

https://www.youtube.com/watch?v=t_E7z9UPkE4

معماري قطري

18-10-2023, 02:07 PM

حلو تصميم الحوض يبين في صورة المقدمة متميز

معماري قطري

21-10-2023, 06:11 AM

بيوت مع بيسمنت محصن ضد النووي ولا أظن صحيح 100% والموت جايهم وين ما يروحون .. كلها للبيع وبعضها بأسعار معقولة

https://www.youtube.com/watch?v=pK8VW9V6GwQ

معماري قطري

21-10-2023, 07:05 AM

هذا فيديو حلو اللي ما يحب التفاصيل يروح للنهاية .. عمل مطبخ من الخشب مع الإيبوكسي ومع الإنارة ونقله لمكان التركيب وتركيبه بفن وحرفية عالية

https://www.youtube.com/watch?v=NuB3bAVwdk4

معماري قطري

21-10-2023, 07:07 AM

نسيت السعر 125000 دولار هذي تساوي 456000 ريال

معماري قطري

21-10-2023, 12:36 PM

بيت بسيط من الخرسانة والحجر والزجاج .. تصميم اقتصادي

https://www.youtube.com/watch?v=q67qfUYwj9Y

معماري قطري

22-10-2023, 09:11 AM

هذي قناة تابعة لمجلة معمارية عريقة .. وهنا يعرضون فكرة معماري محب للبورش وألوانها وأول مرة أعرف إن هذي ألوان في شعارها في تغيير بيته من الأبيض والظلال الى هذي الألوان الحيوية .. من يتوقع أي أكثر لون حيوية منها؟

https://www.youtube.com/watch?v=e3upQXXUZlE

معماري قطري

22-10-2023, 09:35 AM

نتناقش حول أهمية تغطية الخرسانة المصبوبة حديثاً ببلاستيك لعدم تبخر المياه وطلع أن في الشتاء الجو معقول والحرارة معتدلة بس تبخر المياه بسبب تفاعل الخرسانة اللي يوصل أرقام عالية حاولت أعرف كم ما حصلت .. هنا الحرارة في الليل تنزل تحت درجة التجمد والتجمد مشكلة كبيرة المياه الداخلية تكبر 4% وتعطي ضغط كبير يكسر الخرسانة في كم مكان وتستوي هشة .. بس مروا يومين ما وصلت الحرارة درجة التجمد والوضع زين ومغطي الخرسانة ببلاستيك أسود وفيها مقياس حرارة والحرارة برا 48 فهرنهايت هذي لو نزلت حول 5 درجات مئوية توصل صفر .. لكن الحرارة الداخلية بسبب تفاعل الخرسانة واصلة 60 أو ما يعادل تقريباً 12 درجة مئوية وفي الليل بتنزل وايد تحت الصفر لكن أتوقع بسبب تغطيتها وحفظ الحرارة وبسبب تفاعل الإسمنت بتبقى الحرارة فوق الصفر وهو المطلوب

https://www.youtube.com/watch?v=49jrmH6yHT4

سالم الزهران

22-10-2023, 10:10 AM

صباح الخير بو عبد الله ، اعتقد ان الخرسانة تعتمد على تركيبها وغالباََ اللي نستخدمه معروف ارقامه وبعد اوقات الصب واجراءاته.. ودنا بالتضبيط لكن ربعنا ما هم ضابطين

معماري قطري

22-10-2023, 10:48 AM

صباح الخير بو عبد الله ، اعتقد ان الخرسانة تعتمد على تركيبها وغالباََ اللي نستخدمه معروف ارقامه وبعد اوقات الصب واجراءاته.. ودنا بالتضبيط لكن ربعنا ما هم ضابطين

تدري بو زيد هي العامل الأول والأهم في عمر البناء بدون مشاكل .. ما عليك من التبريرات الزايدة وصادق ربعنا ما يضبطون كلش

معماري قطري

23-10-2023, 09:52 AM

من أحلى التصميمات الداخلية للبيوت الصغيرة الحديثة .. خارجياً فيه أشياء ما حبيتها خصوصاً تكسية الواجهة هذي شكلها بتكون أعشاش للطيور وتجمع للغبار .. لو خلوها نوافذ عادية أفضل وأوفر وممكن شكل بلكونة بسيطة للزراعة في اصيصات شكل ما هم مسوين

https://www.youtube.com/watch?v=iAVXhWegoH8

بس حبيت التصميم وفيه أفكار حلوة خصوصاً تكسية الجدران الداخلية بصفائح حجرية صناعية وعملها منحنية في الزاوية طالع توجه جديد وحلو

معماري قطري

23-10-2023, 10:32 AM

https://www.youtube.com/watch?v=CLM5_E96iQk

معماري قطري

23-10-2023, 11:25 AM

فيديو قصير عن أصباغ البوليورثين الخاصة بالعزل المائي

https://www.youtube.com/watch?v=Ixw2niivEdI

معماري قطري

23-10-2023, 12:04 PM

طريقة ترتيب البوليورثين العازل للأسطح وبسهولة ممكن تجديد العازل فوق السكريد الموجود

https://www.youtube.com/watch?v=T1D2FtADNzM

معماري قطري

25-10-2023, 12:48 AM

البولي يورثين في الأساس طلعت كأصباغ جيدة وقوية لكن تم تطويرها للعزل المائي .. هنا مقارنة بينها وبين نوعية صبغ ثانية ما عندي عنها فكرة بالضبط الظاهر تستعمل في الهند

https://www.youtube.com/watch?v=mI3mxAEwOvU

معماري قطري

25-10-2023, 12:56 AM

هنا صبغ أرضية انترلوك بالبوليورثين

https://www.youtube.com/watch?v=ab2-m4we72A

معماري قطري

25-10-2023, 01:01 AM

عرض سريع لعدة أنواع من الأصباغ

https://www.youtube.com/watch?v=Ua89h05l1bU

ملاحظة الأصباغ وشغلها شيء تخصصي ويحتاج تعامل دائم ومتابعة وسوقها متغير ومتطور بلا توقف

معماري قطري

26-10-2023, 12:08 PM

https://www.youtube.com/watch?v=wgjsHOP2HXQ

معماري قطري

26-10-2023, 04:43 PM

التعشيش في الخرسانة مصطلح مرعب لأن صعب نكشفه ونكشف عمقه .. الظاهر سهل ويبين لكن الداخلي المشكلة

https://www.youtube.com/watch?v=mGL-LNTr3qU

معماري قطري

26-10-2023, 04:54 PM

حصلت مواد المعالجة ولا حصلت الكشف عن التعشيش المخفي والعميق اللي ودي أعرف عنه .. مواد المعالجة نفسها عندنا وأكيد فيه غير اضافي

https://www.youtube.com/watch?v=60QsFe6KNbQ

معماري قطري

26-10-2023, 04:59 PM

هذيلا مسهلين المهمة حتى يبيعون منتجهم .. محد بيحصل تعشيش مستمر وتوصل له الخرسانة أو المادة بهذي السهولة .. هو بعضه يستوي فجوات في كم مكان بعضها مخفية وكبيرة تأثيرها سلبي للغاية وتضعف الهيكل ضعف قوي لازم يتكسر حولها وتنملي

https://www.youtube.com/watch?v=2LTqnJ8Kfh4

معماري قطري

27-10-2023, 01:49 PM

https://www.youtube.com/watch?v=KECUrK_Ib1w

معماري قطري

28-10-2023, 04:13 PM

لمحبي الحدادة هذا شغل بوابة حديد

https://www.youtube.com/watch?v=ZcY4-KxRiPg

معماري قطري

29-10-2023, 08:37 AM

صبغ البوابة الصبغ النهائية وبالصدفة طلع بوليورثين وكنا نتكلم عنه في مشاركات قريبة

https://www.youtube.com/watch?v=87Sa0LSUnf4

معماري قطري

29-10-2023, 10:10 AM

ننتظر ينزلون الحلقة السادسة من عمل البوابة فوق وانتهائها .. هذي بوابة ثانية مسوينها

https://www.youtube.com/watch?v=yPqE1ymZAhw

معماري قطري

29-10-2023, 05:29 PM

هذا التصميم صعب على استشاريينا والسبب المبالغات الإنشائية لكنه طالع حلو دور بيسمنت وفيه ثلاث مواقف للسيارات وغرفة غسيل ملابس + دور أرضي وأول وبنتهاوس .. الجميل في التصميم كثرة البلكونات المزروعة وامتدادات السقف .. عارف شغلة العناية بالزراعة بس البيت حلو مع الخلفية البيضاء البسيطة في كل مكان .. مدته دقيقتين تابعوه

https://www.youtube.com/watch?v=u3cfr2mMgz8

معماري قطري

30-10-2023, 01:04 PM

هذا تصميم مميز بكل المقاييس وتنفيذ كذلك .. المساحة 10 في عمق 20 بس أبدعوا في استغلالها صح .. كان ممكن يعملون بيسمنت لمجلس أكبر ولغرفة سائق بس أكيد مطور عقاري ويدور التكلفة المعقولة والربح السريع من بيع الوحدات أو تأجيرها

الواجهة تم فيها تحديد النوافذ بإطارات حديد مغلفن وعندهم سهلة العملية لوجود معامل ترتب هذا الشيء بجودة عالية ( ما أدري اذا متوفرة عندنا أو لا ) .. عاد كلامه عن اليسار فيه تأسيس لغرفة سايق شكله بيخلي السايق ينام واقف .. نافذة المجلس الطولية في الزاوية ما تعيقها الطاولة البسيطة طاولة الزاوية وفكرتها ممتازة .. والقواطع الزجاجية الثابتة المطلة على الحديقة الوسطية الصغيرة مسوية جو حلو .. حبيت جزء المطبخ الخارجي معزول عن الداخلي بباب فقط والفرن سطحه متصل مع النافذة يشكل اطلالة جميلة على منطقة حوض السباحة اللي سووه مرتفع مثل الطريقة اللي أحبها بس بدون اوفرفلو من جدام

https://www.youtube.com/watch?v=-hdJzKtx0zc

معماري قطري

01-11-2023, 01:26 PM

ما اشوف فيه جماليات قوية والسعر خيالي 35000000 خمسة وثلاثين مليون .. هذي ضريبتها تبني قصري الصغير توصل 5.25 مليون ريال .. أعجبني الدرج النازل للبيسمنت من الجهة الثانية لأن البيسمنت جزئين مفصولين عن بعض واحد بدون اتصال بالبيت وله الليوان الهابط وفي ارتداد صغير في البيت حول مترين وملامس للسور الخارجي وبدون تعقيدات من التخطيط .. على كبره فيه أماكن موحشة ومغلقة ومعزولة

https://www.youtube.com/watch?v=_Ag2yhvfNhA&t=981s

معماري قطري

01-11-2023, 02:09 PM

https://www.youtube.com/watch?v=829eyPAAqB4

معماري قطري

01-11-2023, 03:38 PM

شغل تغييرات بسيطة لتصميم داخلي بس ما شاء الله النهاية حلوة .. عندهم أصباغ أول مرة أشوفها جيكوب شكل الشركة يهودية

https://www.youtube.com/watch?v=9ZeiOczbFNQ

معماري قطري

02-11-2023, 01:46 PM

رفيجنا التركي يعرض قصر خشبي معزول في يوتاه إحدى ولايات أمريكا الوسطى .. التفاصيل وايد وبناء يختلف عن بناءنا بالكامل صحيح بنوا بنفس الطريقة في اسباير لكن هذا على مستوى كبير

https://www.youtube.com/watch?v=Mw_AJOYzt0w

معماري قطري

03-11-2023, 02:09 PM

يسمونه تعشيش هذا لو عندنا ما يعتبرونه شيء وبيضحكون على المالك

https://www.youtube.com/watch?v=74ZmqOh63v4

معماري قطري

05-11-2023, 12:57 AM

هذا الفيديو صار لي كم يوم أتابعه وهو غزير في محتواه وطويل يقل عن 4 ساعات بس بدقيقة

https://www.youtube.com/watch?v=lR94wptp6hY

معماري قطري

05-11-2023, 12:11 PM

صورة خذتها من الفلم السابق للحديقة والأشجار مميلينها جهة الممر .. البيت هذا على بحيرة أو نهر والمشكلة اللقطات سريعة مسرعين الفلم يبي له تبطئة وبياخذ أكثر من 4 ساعات هشكل

البيت خطوط بسيطة وواجهات زجاجية كبيرة .. الزجاج مكلف وباقي التشطيبات خصوصاً لو كان عازل وبجودة عالية أما بنيان البيت ما اظن بيكلف كثير وقيمته السوقية أكيد عالية سوق العقار تضخم عدة أضعاف في أمريكا من 2008

https://i.imgur.com/PjjmuzA.png

من جهة حوض السباحة

https://i.imgur.com/HW2eeju.png

معماري قطري

06-11-2023, 01:57 PM

شفت فيديو ذكرني بالبيت اللي غطيته في موضوع قديم اندثر هو مباني متميزة حول العالم .. هذا البيت مبني من بقايا طيارة 747 قديمة وعلى سفح جبل في سانتا مونيكا في كاليفورنيا .. باشوف لو أحصل فيديو تحليلي أوضح

https://www.youtube.com/watch?v=KY0dGKhuQGQ

معماري قطري

06-11-2023, 02:04 PM

ما فيه فيديو مفصل أكثر .. أذكر حطيت صور وايد من تقرير مصور من مجلة بس الصور انمسحت من الموقع

https://www.youtube.com/watch?v=DF5n68EDQvU

معماري قطري

07-11-2023, 12:19 PM

بيت على سفح جبل في جنوب أفريقيا مساحة 1600 متر وعلى 4 مستويات فيه تفاصيل كثيرة

https://www.youtube.com/watch?v=irE9fDkWKGM

معماري قطري

07-11-2023, 12:35 PM

اللي فوق مخطط هذا كلادنغ ألمونيوم ملون يغلق البلكونة بعد للخصوصية .. البروز حلو وفوقه حوض سباحة طولي وبشكل متدرج .. كأنه ست أو سبع مستويات انا غلطت قلت 4 ومعروض للإيجار السعر في بداية الفيديو بس ما عرفت كم يعادل بالريال

معماري قطري

08-11-2023, 02:09 PM

الحجر مكشوف والخشب كقطع مصمتة وكبيرة عناصر انشائية مكشوفة وإبداع في التصميم والتنفيذ

https://www.youtube.com/watch?v=d2_eNKVZtZo

معماري قطري

08-11-2023, 02:10 PM

المطبخ جزيرتين وثلاث مغاسل شكثر تدليع

معماري قطري

08-11-2023, 02:31 PM

هذا فلم مطول للبيت السابق فيه شرح أكثر

https://www.youtube.com/watch?v=2WUnYL585zY

معماري قطري

08-11-2023, 02:34 PM

في الشرح المكتوب تحت الفيديو حاطين معلومات كثيرة عن الشركة اللي تبني اسمها غولدن ايغل وعن نماذج واستعدادهم للبناء في كندا وأمريكا .. هذي الشركات الزينة والنماذج موجودة ممكن التغيير فيها حسب الحاجة وبطريقة مدروسة وبموافقات هم يخلصونها

معماري قطري

09-11-2023, 03:46 PM

مباني حديثة ومتميزة حول العالم منها واحد في قطر .. مشاريع نوعية يعني

https://www.youtube.com/watch?v=VRnUmHQfens

معماري قطري

10-11-2023, 01:13 AM

هذا شايب مهندس كهرباء متقاعد اشترى أرض كبيرة في السبعينات ب 25000 دولار في غابة ونقل لها طيارة مكنسلة حولها لبيت له

https://www.youtube.com/watch?v=eLo7GwiGdWE

معماري قطري

10-11-2023, 02:19 AM

هذا فلم السهرة للخميس بالنسبة لي 127 أيكر والأيكر أو اعتقد ترجتها عربي هكتار تعادل 4048 متر مربع .. كلها فوق ال 513000 متر مربع عن بيت عادي 1200 بعدد 428 مرة .. الحجر للبيت الرئيسي مال الأرضية جايبينه من القدس الحرامية .. واحد من الربع حاط هذا الحجر حق بيته من الخارج عمري ما شفت مثله وهنا أشوف استخدامه أصح للداخل لأنه ناعم وقاسي ومتجانس .. طبعاً التصوير في الربيع أحلى أوقات السنة هناك والطبيعة حلوة خصوصاً في هذي الأرض الواسعة فوق نص كيلومتر مربع

https://www.youtube.com/watch?v=5Jyk8e4EUYg

معماري قطري

11-11-2023, 01:22 AM

https://www.youtube.com/watch?v=iKnH98i3EKs

معماري قطري

11-11-2023, 01:26 AM

https://www.youtube.com/watch?v=u3cfr2mMgz8

معماري قطري

11-11-2023, 01:59 AM

هذي الشقة شفنا تفاصيلها قبل بس مع عارض آخر .. 250 مليون دولار قيمتها تصلح للمليونيرية الكبار اللي يمرون نيويورك في السنة كم مرة .. تشغل الأدوار 129 و 130 و 131

https://www.youtube.com/watch?v=aN9DH_GxqEo

معماري قطري

12-11-2023, 07:51 PM

هذا مبدع باني بنيان خفيف على سفح تل يمر تحته نهر .. جزء مدعم على الأرض وجزء على عمود حديدي واحد ورفيع .. إرتفاع الجزء المعلق فوق 18 متر ويصل لحدود 9 أدوار ويطل على الغابة اطلالة جميلة والبيت بدون كهرباء فقط الطاقة الشمسية في كيوبيك الكندية

https://www.youtube.com/watch?v=pMxM-zkGl90

معماري قطري

16-11-2023, 01:54 AM

منتجع الآيرون مان هاوس بعرض المميز اينيس التركي .. يمكن شفت هذا البيت عن طريق ثلاث عارضين وهالمرة يمكن أحلاهم .. بدأ بالصالة المقوسة على سفح الجبل وأعمدتها المائلة جهة الخارج وجدارها الزجاجي المائل كذلك وسقفها يغطي حوض مائي ملامس تقريباً للزجاج .. منتجع خيالي ما شاء الله

https://www.youtube.com/watch?v=m1t8Orjt7lk

معماري قطري

16-11-2023, 03:08 AM

هذا البيت ما حبيته يمكن منطقته تعبانة وتفصيله مشابه لتصميم دارج بس ما اشوف فيه شيء مميز وحلو

https://www.youtube.com/watch?v=6cm7Qq-YEko

معماري قطري

17-11-2023, 06:01 PM

شغل نظيف ومرتب لتغييرات جذرية في دورة مياه .. في الأخير السعر حول 25000 دولار مع تفصيل لسعر كل شيء

https://www.youtube.com/watch?v=5u32og_mmpc

sara jsm

17-11-2023, 06:31 PM

شخبار بلكونتك عقب ليله أمس ..

معماري قطري

18-11-2023, 01:56 AM

شخبار بلكونتك عقب ليله أمس ..

الحمد لله .. تصدقين ما دخلتها خليني أشوف ليكون فيه ماي .. دخلت وشفت وتفحصت الحمد لله أحس بشوية برودة بس ما فيه رطوبة .. برودة لأن العشب الصناعي ما يعزل والجدران زجاج والأرضية خرسانة بدون عزل .. المكتب الوحيد في البيت اللي بدون عزل واحتد أشغل دفاية في الصيف

sara jsm

18-11-2023, 04:08 PM

دفايه في الصيف !!؟ تبي تصير نفس ديايه كافتريا الورد :happy:

معماري قطري

18-11-2023, 07:00 PM

دفايه في الصيف !!؟ تبي تصير نفس ديايه كافتريا الورد :happy:

دخلنا الشتاء خلاص الأيام الباردة جاية .. لتفكرين في الصيف الا بعد شهر 2

SouthK

19-11-2023, 09:06 AM

دفايه في الصيف !!؟ تبي تصير نفس ديايه كافتريا الورد :happy:

كافتيريا الورد؟؟؟؟

ألحين عرفت ليش تخلص الشاورما عندهم بسرعة!

معماري قطري

19-11-2023, 01:58 PM

كافتيريا الورد؟؟؟؟

ألحين عرفت ليش تخلص الشاورما عندهم بسرعة!

هههههههههه إكيلة تاكل سندويشين مع بعض

sara jsm

19-11-2023, 03:56 PM

كافتيريا الورد؟؟؟؟
ألحين عرفت ليش تخلص الشاورما عندهم بسرعة!

ههههههههه الله يغربل عدوك يااخي

هههههههههه إكيلة تاكل سندويشين مع بعض

هههههههه عشان محد يخلصهم عني ..

:

الفترة الجايه لازم اسوي صيانه عالدرايش والبيبان مع الدوحة يوبي في سي .. والاختيار الالماني ..
المطره اللي جات خلتني افتر حول نفسي اغلب الدرايش دخلت ماي ..

انت وين مسوي بلكونتك ؟

معماري قطري

20-11-2023, 12:44 AM

ههههههههه الله يغربل عدوك يااخي

هههههههه عشان محد يخلصهم عني ..

:

الفترة الجايه لازم اسوي صيانه عالدرايش والبيبان مع الدوحة يوبي في سي .. والاختيار الالماني ..
المطره اللي جات خلتني افتر حول نفسي اغلب الدرايش دخلت ماي ..

انت وين مسوي بلكونتك ؟

عند معماري قطر شركة إخو رفيجنا حسن بو مطر المهندي الله يذكره بالخير وصراحة أثبتت وجودها مع إن الدرايش اللي تنفتح كبيرة وكنت متخوف منها .. يمكن نفعني بعد عندي امتداد في السقف قريب المتر يغطي الواجهات الزجاجية ما يجيها المطر مباشر بس كان المطر يجي أفقي مع الهواء

دريشة وحدة من القديمات سربت شوي من الزاوية أول مطرة والثانية لا

درايش الاختيار الألماني بعد خرت عندج؟