يوتيوبيات البناء .. مقاطع تثقيفية متجددة

[معماري قطري]

معلومة حلوة، وتعقيب أحلى من ابو عبد الله

الله يحلي ايامك ولياليك

نزل تعميم في الجريدة بمواصفات الرامبات في المداخل العمومية والطبية بس هذا المتعارف عليه عالمياً 15% ولو سويت أقل أحسن .. سلوب أي دفان مكوم يكون 45% 1 إرتفاع يعادله 1 عرض أو قاعدة .. مثلاً بطن الطعس دوم يجي أقل من 45% أو حد أقصى 45% .. الظهر يختلف وسلوبه يكون وايد أقل .. لتصريف المطر للسطح 1% كفاية وممكن حتى شوي اقل ولتصريف المياه في دورات المياه ممكن 2% ما تكون محسوسة وايد على مسافة قصيرة .. يعني عندك دورة مياه اقصى بعد لتصريف المياه من الحوائط ممكن 1.5 متر ويكون الهبوط جهتها 3 سم ما يكون محسوس وبنفس الوقت يصرف الماي عدل

[معماري قطري]

يعجبني الفن في صب خرسانات الارضية للمشي عليها وللسيارات .. هنا مسوين فواصل أتوقع بيحطون عشب بينها وبيحطون مثل ما قال انارة تحت العتبات


https://www.youtube.com/watch?v=s-WoLVTys50

[معماري قطري]

هذي بداية التحضير للعمل السابق وأكيد الفواصل الخشبية خدمت في فصل قطع الخرسانة وخدمت في تحديد مستوى الميول جهة المدخل


https://www.youtube.com/watch?v=GKTnsvr3B-I

[معماري قطري]

وهذا شغل ثاني وبالطباعة على الخرسانة .. في هذا جاهم مفتش البلدية وطلبوا منه كسر الرصيف حتى يوسعون المدخل وقال لهم الشروط وتوافق معاهم .. بعدين جابو بدال الكنكري خرسانة مكسرة حتى تكون دفان وتأسيس للخرسانة اللي بيصبونها فوقها


https://www.youtube.com/watch?v=4cm0qpyT9eU

[معماري قطري]

https://www.youtube.com/watch?v=yX7znzvGgC0

[معماري قطري]

https://www.youtube.com/watch?v=B0Pqy-LpuYk

الالمنيوم ومصنعيته وتعقيداته واليو بي في سي وفروق كثيرة بينهم .. أكيد الألمنيوم أغلى وأقوى وأكثر موصلية للحرارة .. ما حبيت في هذا النظام تعرض الربلات مكشوفة لعوامل الجو وانتهائها خلال 5 سنين يعني لازم تستبدل .. عندي اليو بي في سي ربلات مزدوجة ومغطية ومحمية داخل غطاء أو فريم اليو بي في سي والحمد لله 17 سنة ما سويت صيانة الا مرة ومب للربلات

[معماري قطري]

الصفيرة تعني مساحة التصاق سطحي أكبر وتعني سعر أوفر وصدقني ما نحتاج لكل هالمبالغات في الحديد واللي يعملونها مهندسين قليلين خبرة



https://www.youtube.com/watch?v=b9SSQ7LspMA

[معماري قطري]

حسابات مواد أرضية خرسانية أو سقف خرساني بقوة 15 نيوتن وأكيد بدون مبالغات وبسمك 6 انش = تقريباً 15 سم ومساحتها 9 في 9 وشوي أكثر محولها من 30 فوت .. 1 فوت = 12 انش والإنش = 2.54 سم وكلها من الذاكرة


https://www.youtube.com/watch?v=0mI8soDEI9o

[معماري قطري]

التكنولوجيا الألمانية في الحفارات العملاقة


https://www.youtube.com/watch?v=ol-ydnCINiM

[معماري قطري]

https://www.youtube.com/watch?v=14TVUkoYho0

[معماري قطري]

https://www.youtube.com/watch?v=EkAs2nfVxDA

[sara jsm]

خزان الغاز بحد ذاته احسه مخيف ..
لو صار ماصار ( في خيالي ) ممكن يشل البيت كله .. :rolleyes2:
تنفع طبعا للبيوت الكبيرة جدا ..

[معماري قطري]

خزان الغاز بحد ذاته احسه مخيف ..
لو صار ماصار ( في خيالي ) ممكن يشل البيت كله .. :rolleyes2:
تنفع طبعا للبيوت الكبيرة جدا ..

ما اقتنعت بطريقتهم بس مسوين بايب تهوئة لو حصل تسريب وبعدين مدفون تحت الأرض وحوله رمل يمتص الصدمة وفوق غطاء لو حصل إنفجار مفاجيء والعبوة صغيرة تأثيرها بيكون محدود والرمل والخرسانة بتمتص الصدمة يبقى الغطاء الحديدي ممكن يطير من مكانه .. بعدين تحت الأرض محمي ومخفي وبنفس الوقت شوي أبرد تحت .. إحنا حاطينه خارجي وله بايب موصل للفرن ومظللين فوق وفيه تهوئة زينة .. بديت أقتنع بفكرتهم وأكيد وراها نفس التحليل الهندسي .. بس في رأيي الأهم كاشف تسريب الغاز هذا ضروري والليتات اللي بدون شرارة ما ادري لو الال اي دي ألحين بدون شرارة بس أتوقعها

[معماري قطري]

خلونا نفكر فيها الخرسانة ممكن متر مكعب تاخذ مع الحديد والمنهول فوق ممكن تاخذ 1000 الى 2000 ريال بالكثير وجهاز كشف التسريب يكون داخل المطبخ أحسن .. ولو إحنا سوينا بايب نمرر فيه هوز الغاز للداخل تحت أرضية المطبخ نقدر نسد الفتحة اللي يطلع منها الهوز بسيليكون أو رغوة ولو فيه تسريب بيطلع مع بايب التهوئة .. والمهم أي تسريب بيكون بعيد عن مصدر أي شرارة .. يبقى التسريب من اتصال الهوز بالفرن أو من الفرن وهذا جهاز كشف التسريب بيعطينا إنذار عنه

[معماري قطري]

تكنولوجيا حديثة للبناء


https://www.youtube.com/watch?v=zufR-SH_i5s

[معماري قطري]

https://www.youtube.com/watch?v=rbpfPN0khZI

[معماري قطري]

أشوف السعودية متشددين مع الكود الجديد وعندهم اراضي ضعيف بعضها تحتاج تربة احلال وفحوصات وحفر غزير مثل ذي 3.8 متر والظاهر بعد شكاوي بعض الناس بسبب انهيارات وتكسر جدران بيوتهم

هذا الشغل الصح ولكل شيء قوانين خاصة به ولكل منطقة خصوصياتها واجراءاتها الهندسية



https://www.youtube.com/watch?v=vbyvA7F0NI0

[سعود.]

https://www.youtube.com/watch?v=EkAs2nfVxDA


خزان الغاز بحد ذاته احسه مخيف ..
لو صار ماصار ( في خيالي ) ممكن يشل البيت كله .. :rolleyes2:
تنفع طبعا للبيوت الكبيرة جدا ..


ما اقتنعت بطريقتهم بس مسوين بايب تهوئة لو حصل تسريب وبعدين مدفون تحت الأرض وحوله رمل يمتص الصدمة وفوق غطاء لو حصل إنفجار مفاجيء والعبوة صغيرة تأثيرها بيكون محدود والرمل والخرسانة بتمتص الصدمة يبقى الغطاء الحديدي ممكن يطير من مكانه .. بعدين تحت الأرض محمي ومخفي وبنفس الوقت شوي أبرد تحت .. إحنا حاطينه خارجي وله بايب موصل للفرن ومظللين فوق وفيه تهوئة زينة .. بديت أقتنع بفكرتهم وأكيد وراها نفس التحليل الهندسي .. بس في رأيي الأهم كاشف تسريب الغاز هذا ضروري والليتات اللي بدون شرارة ما ادري لو الال اي دي ألحين بدون شرارة بس أتوقعها


خلونا نفكر فيها الخرسانة ممكن متر مكعب تاخذ مع الحديد والمنهول فوق ممكن تاخذ 1000 الى 2000 ريال بالكثير وجهاز كشف التسريب يكون داخل المطبخ أحسن .. ولو إحنا سوينا بايب نمرر فيه هوز الغاز للداخل تحت أرضية المطبخ نقدر نسد الفتحة اللي يطلع منها الهوز بسيليكون أو رغوة ولو فيه تسريب بيطلع مع بايب التهوئة .. والمهم أي تسريب بيكون بعيد عن مصدر أي شرارة .. يبقى التسريب من اتصال الهوز بالفرن أو من الفرن وهذا جهاز كشف التسريب بيعطينا إنذار عنه



ولله الحمد مند عام 2013 والى الان بدون فرن غاز :ok: فرن كهرب والامور عال العال طبخ وقلي ووووووالخ كل شي تمام

[معماري قطري]

https://www.youtube.com/watch?v=SKD_lTiAf4k

[معماري قطري]

ولله الحمد مند عام 2013 والى الان بدون فرن غاز :ok: فرن كهرب والامور عال العال طبخ وقلي ووووووالخ كل شي تمام

كانت سياسة الوالد الله يغفر له بعد ما فقدنا اخوي الصغير الله يجعله شفيع لأمي وابوي في حريق أيام المطابخ المفتوحة والشولة اللي على الأرض .. كثيرين يعتمدون الكهرباء والأفران قوية ومتطورة


https://www.youtube.com/watch?v=Mw-nCyuNW_I

[سعود.]

الله يرحمه ويغفرله . وعسى لقائكم جميعا جنه النعيم .

فعلا افران الكهرب في السنوات الاخيرة اصبحت قوية جدا وتجي مقاسات كبيرة تصل الى 5 عيون وشركات قويه تصنعها امنه جدا اي خلل تفصل على طول . وفلات تركب كنها بلاطه في المطبخ .

[sara jsm]

الله يرحمه ويجعله شفيع لوالدينه ..
انا عندي فرن كهربائي بس مااحب استخدمة ..
حتى لما اسوي كيك ولا شي داخله مايضبط نفس الغاز :confused:

[معماري قطري]

الله يرحم والديكم

إختي سارة صحيح الكل يحب الغاز حق سرعته وقوته بس إحنا حاطينه في المطبخ الخارجي

[معماري قطري]

الله يرحمه ويغفرله . وعسى لقائكم جميعا جنه النعيم .

فعلا افران الكهرب في السنوات الاخيرة اصبحت قوية جدا وتجي مقاسات كبيرة تصل الى 5 عيون وشركات قويه تصنعها امنه جدا اي خلل تفصل على طول . وفلات تركب كنها بلاطه في المطبخ .

تصدق حلمت حلم حلو به ينظف إبوي الله يرحمه وهو متوفي ومبتسم كان يقول ليش مخلينه جذيه .. كان عمره 3 سنين وكان هو وإخوي ثاني اسمه جاسم توأم وكانوا ثاني توأم يجون لنا شيابنا كانوا يقولون لإبوي زوجتك مبروكة ما تجيب الا توائم وراحوا اثنينهم .. جاسم توفى عمره أيام

[سعود.]

الله يرحمه ويجعله شفيع لوالدينه ..
انا عندي فرن كهربائي بس مااحب استخدمة ..
حتى لما اسوي كيك ولا شي داخله مايضبط نفس الغاز :confused:


الله يرحم والديكم

إختي سارة صحيح الكل يحب الغاز حق سرعته وقوته بس إحنا حاطينه في المطبخ الخارجي


Up 2 U قايز
( حفظكم الرحمن )

[سعود.]

تصدق حلمت حلم حلو به ينظف إبوي الله يرحمه وهو متوفي ومبتسم كان يقول ليش مخلينه جذيه .. كان عمره 3 سنين وكان هو وإخوي ثاني اسمه جاسم توأم وكانوا ثاني توأم يجون لنا شيابنا كانوا يقولون لإبوي زوجتك مبروكة ما تجيب الا توائم وراحوا اثنينهم .. جاسم توفى عمره أيام

الله يرحمهم جميعًا

واضح ان تفسير الحلم شي طيب

[معماري قطري]

الله يرحمهم جميعًا

واضح ان تفسير الحلم شي طيب

الحمد لله والله يجمعنا واياكم في الجنة

[معماري قطري]

https://www.youtube.com/watch?v=WMYzv5Nf9Ec

[معماري قطري]

https://www.youtube.com/watch?v=uWU2n3tJ1zs

[sara jsm]

https://www.youtube.com/watch?v=uWU2n3tJ1zs

وايد حلو البيت ملمووم حق العوايل الصغيرة ..
والتوزيع حلو واحلى شي العزل اللي صار بين الصاله وباقي الفيلا ..
بديت احب التصاميم الحديثة :cry2:

[معماري قطري]

وايد حلو البيت ملمووم حق العوايل الصغيرة ..
والتوزيع حلو واحلى شي العزل اللي صار بين الصاله وباقي الفيلا ..
بديت احب التصاميم الحديثة :cry2:

تصاميم مرنة وشرحة ومناسبة لمعيشة الإنسان

والأهم لميزانية من يرغب في الشراء الجاهز

إحنا مهما يكون نبالغ وايد وتشغيل بيوتنا يحتاج لطاقم خدمة وعناية يرفع التكلفة الجارية للبيت والتكلفة المبدئية تكون كبيرة وأوقات البيت يستوي خالي موحش

[معماري قطري]

https://www.youtube.com/watch?v=kDr7qIxD8dg

[معماري قطري]

https://www.youtube.com/watch?v=vo8-Kggc8ic

[معماري قطري]

https://www.youtube.com/watch?v=cg2QFZGhZDc

[معماري قطري]

تركيب سيراميك مب بورسلان البورسلان يختلف في مادة اللصق وحتى السيراميك ألحين فيه مواد أقوى وأضمن من الخلطة الإسمنتية الرخيصة


https://www.youtube.com/watch?v=xU3zbhAq6MA

[معماري قطري]

هذا البيت حلو وهاديء باللون الأبيض الطاغي وبمزج الحجر شوي مع الأسطح البيضاء الخارجية

بمساحة ارض فوق ال 4000 متر مربع بشوي وعلى بحيرة وبسعر حول 4 ملايين ريال


https://www.youtube.com/watch?v=tUtgcsZfaBY

[sara jsm]

عجيب والله وسعره روعه ..
بس عيبه ماعندهم جيران :shy: مب شي ..

[معماري قطري]

https://www.youtube.com/watch?v=ql_xvAJAWqs

[سعود.]

هذا البيت حلو وهاديء باللون الأبيض الطاغي وبمزج الحجر شوي مع الأسطح البيضاء الخارجية

بمساحة ارض فوق ال 4000 متر مربع بشوي وعلى بحيرة وبسعر حول 4 ملايين ريال


https://www.youtube.com/watch?v=tUtgcsZfaBY





مشاء الله خوش والله
هذا لو عندنا كم سعره ؟؟؟؟

[معماري قطري]

الجهاز عندي شبيه له بس أصغر خذته من ألمانيا برخيص حول 2 أو 3 يورو اللي يروح ياخذه من محلات هاوس تنكتب غير بالألماني أظن Haas أو قريب منها .. عطيته واحد يتابع قياس الرطوبة بعد تجفيف المياه بالدفايات وهذا كان مسوي تبليط جديد للبيت يقول جاب بنقالي ترس الارضية ماي وحط دفان وركب عليه ببلاستر ومونة بعدين اخترب كل صبغ البيت رشحت المياه عليه خصوصاً الجهة السفلية من الحوائط .. المشكلة ما نشف الحوائط عدل وأقنعه صباغ مصري إن يقدر يصبغ ولا بيتقشر والله أعلم شصار معاه

من دقته أحطه في راحة اليد ويعطيني درجة الرطوبة في يدي بنسبة بسيطة كلش وفحصت حوائط حجر قرب حوض سباحة قريب تزيد الرطوبة وبعيد تخف


https://www.youtube.com/watch?v=V1ZuqBTwWII

[معماري قطري]

مشاء الله خوش والله
هذا لو عندنا كم سعره ؟؟؟؟

هذا بعد بعد التضخم قبل أكيد أرخص .. واحد من الربع خذ بيت على بحيرة يفتح الباب الخلفي البحيرة جنبه يقول مشكلتهم التماسيح يشوفونها على الطبيعة .. خذه بحدود 400000 دولار في تامبا وفي منطقة قريبة من المدينة وهادية .. تامبا في فلوريدا وجوها وايد حلو توصل صفر قليل وقت الشتاء والصيف معتدل جوها وقريبة من ديزني وورلد في اورلاندو وبوش غاردنز في تامبا

[معماري قطري]

عجيب والله وسعره روعه ..
بس عيبه ماعندهم جيران :shy: مب شي ..

أكيد عندهم جيران الله يهداج تحسبين الخور أول ما سكنتوا حتى شوارع ما فيه وولا حولكم حد توهم العام بس ترسوا المنطقة

https://i.imgur.com/eRvKq2i.jpg

[sara jsm]

أكيد عندهم جيران الله يهداج تحسبين الخور أول ما سكنتوا حتى شوارع ما فيه وولا حولكم حد توهم العام بس ترسوا المنطقة

https://i.imgur.com/eRvKq2i.jpg




جنه مب عاجبك !!؟
خلني اشوفك توطوط صوبنا :thumbdown:

[معماري قطري]

https://www.youtube.com/watch?v=qVsbRu1aSo8

[معماري قطري]

جنه مب عاجبك !!؟
خلني اشوفك توطوط صوبنا :thumbdown:

هههههههههه انا هوشاتي من بعيد ومستحيل امر مناك الروح غالية ومن خاف سلم

[سعود.]

أكيد عندهم جيران الله يهداج تحسبين الخور أول ما سكنتوا حتى شوارع ما فيه وولا حولكم حد توهم العام بس ترسوا المنطقة

https://i.imgur.com/eRvKq2i.jpg





والله حكر لها جاب تصوير جوي جوجل ماب :happy:

[سعود.]

https://www.youtube.com/watch?v=qVsbRu1aSo8


قبل فترة كنت في الرياض ولفت انتباهي محل ( برك سباحة ) البركه عبارة عن فايبر وعليها ضمان دخلت المحل بس كذا لقافه :whistling: المحل هو الي يحفر الحفرة ع حسب المقاسات الي عندهم الي هي ثابته انواع واشكال لصغار والكبار ومتدرجه وعاديه وووووووالخ شي عالمي وسريع جدا مع هذا انا اكبر معارض لبرك السباحة

[sara jsm]

هههههههههه انا هوشاتي من بعيد ومستحيل امر مناك الروح غالية ومن خاف سلم

هههههههههههه

والله حكر لها جاب تصوير جوي جوجل ماب :happy:

صدمني هههههههههه

[معماري قطري]

والله حكر لها جاب تصوير جوي جوجل ماب :happy:

إخوي سعود الدول هذي فيها خير وشغل نظيف عيبها يمكن الكوارث الطبيعية أعاصير وجفاف وحرايق لكن فيها تلال وتضاريس ومناطق ما فيه أسهل من توسعتها وتطويرها .. الخدمات توصل خلال أيام مب شهور وخدمات رخيصة للمستفيد وسريعة حتى ما تكلف المدينة والدولة أو المطور وقيمتها ياخذونها ويستردونها على عمر طويل ما يبونها في سنتين مثل بعض مناطقنا .. بعدين توزيع البنيان فيه برستيج وسعة وتباعد مثل ما تشوف والاراضي مب صغيرة .. وصدقني الخدمات كلها موجودة وقريبة وسهلة من أسواق ومطاعم حولهم وكل الإحتياجات ودوم تحصل مدينة كبرى ومطارات قريبة

شوف كبرت اوستن جنوبي المنطقة على مسافة بسيطة هذا الرابط

https://www.google.com/maps/place/Drees+Custom+Homes+at+Clearwater+Ranch/@30.6801404,-97.0992689,121837m/data=!3m1!1e3!4m5!3m4!1s0x865ad716b43c924f:0xab415 449a770a853!8m2!3d30.7167301!4d-97.9336224?hl=en

بعدين اللي ياخذ بيت في المناطق الحضرية الجديدة يحصل سعر زين وجودة ومساحة مناسبة بنفس سعر شقة صغيرة في وسط المدينة واللي بياخذ استوديو صغير في نيويورك ممكن ياخذ بداله قصر خارج نيويورك أو في ولاية ثانية أرخص

[معماري قطري]

هههههههههههه


صدمني هههههههههه


ضربة حظ الحمد لله .. يمكن المسافة لأقرب مدينة نص ساعة أو ساعة بس متعة السكن بعيد عن أذية المدينة هو المهم والناس يكونون متقاربين وعلاقاتهم طيبة في الغالب حتى شوفي المسافة طلعت 51 دقيقة لين اوستن وأكيد أقرب لأطراف اوستن ولأي مول قريب

https://i.imgur.com/tJT38ta.jpg

[معماري قطري]

https://www.youtube.com/watch?v=TV1AC63UxfQ

[سعود.]

صدمني هههههههههه
[/COLOR][/QUOTE]


انا مالي شغل توهقت :eek2:

[معماري قطري]

هذا بيت ثاني في تكساس بعد مساحة أرضه 1 ايكر = 4042 متر مربع .. نلاحظ فيه الأبواب المرتفعة أتوقعها حول 2.6 متر ويمكن أكثر وضيقة شوي ممكن 75 سم .. مشكلة الضيق تحت 80 سم ويمكن حتى 83 سم ما تنفع لبعض الكراسي المتحركة وأحسن نخليها 90 سم .. وأي مطور عقاري المفروض يركز على هذا الشيء ممكن أي عائلة وفي أي وقت يكون عندهم واحد بكرسي متحرك


https://www.youtube.com/watch?v=o6a1SnLFqPQ

[سعود.]

حوله جيران ولا :playball:

[معماري قطري]

عازل السطح لازم كثافته نوعاً ما عالية حتى ما ينضغط .. الصوف الصخري وعليه ضغط السكريد والتبليط إن وجد ودوس الناس يهبط ويفقد كثير من خاصية العزل لذلك الأفضل الفوم المبثوق اكستروديد بوليسترين كثافة 35 غرام في السنتمتر المكعب أو أعلى علماً أن كثافة الفوم كلما زادت قلت خاصية العزل بس يكون قوي في الإنضغاط بسبب الأوزان عليه


https://www.youtube.com/watch?v=0icpc4b5bqo

[معماري قطري]

حوله جيران ولا :playball:

ههههههههههه عادتك سين جيم

[معماري قطري]

العزل الحراري لبيوتنا خلونا نفترض عندنا بيت 400 متر كل جنب 20 متر وارتفاعه الكامل 13 متر كمتوسط مع البنتهاوس .. الجهات الجانبية الاربع تطلع 13 في 20 في 4 = 1040 متر مربع والسطح بس 400 متر مربع الحوانب فوق 250% أكثر مساحة من السطح وهي مرشحة للتبادل الحراري مع الجو الخارجي أكثر من السطح .. لذلك مهم نعزل الجدران ومعاها الجسور والارضيات حتى يقل معامل الإنتقال الحراري عندنا ولو نحسبه على البيت ككل يكون معقول ولا يضغط المكيفات ولا تصرف كهرباء وايد ولا تواجهك حرارة شديدة في أنحاء البيت بسبب الانتقال السريع والإشعاع الحراري مقابل المكيف برودة جيدة وشوي بعيد عنه حر لا يطاق .. توصل للإرتياح الحراري في البيت هذا القصد .. نكملها بطبقات الدرايش وعوازلها من ستاير وبلاك آوت وغيره

[معماري قطري]

نشوف النتيجة النهائية .. الكتل صحيح تبرز المبنى وتلفت النظر بس في رأيي تكون كتل وظيفية وبروزات تخدم السكن فيها مثل جزء معلق بارز يكون غرفة شمسية أو بروز لدريشة تعطينا رؤية في ثلاث اتجاهات وتدخلها الشمس .. مثل بروز لصالة أو مكتب فوق المدخل .. مثل بروز بلكونات تنزرع أو بلكونات صغيرة حول 40 سم مسورة بحاجز حديدي أو حجري ومزروعة وجنبها باب ينفتح بالكامل للعناية بها ولدخول النور للغرفة .. هذي البروزات ارتجالية ومب مدروسة معمارياً ممكن تنجح وممكن تفشل


https://www.youtube.com/watch?v=9IfDckUkcuQ

[معماري قطري]

هذا البيت في مدينة اوستن في تكساس وسعره حول 14 مليون بس مساحة كبيرة والارض فوق 4200 متر مربع



https://www.youtube.com/watch?v=yjLegohjgwc

[معماري قطري]

فرق شاسع بين كتل رفيجنا اللي فوق والكتل المعمارية الحقيقية في البيت الأخير

[معماري قطري]

الحل اللي مقترحه المقاول صعب يمشي نسبة نجاحه ما توصل 10% .. لو بيسوون حل صحيح هم ما دامهم حافرين يركبون أنابيب تصريف تدخل تحت أرضية البيسمنت وتنزل المياه بالجاذبية جهة الأطراف ومنها ترفع بمضخة للصرف الصحي أو لتانكي خارجي أو لنظام تصريف مطر إن وجد

المشكلة هذي هو ذكر إنها أوطى أرض وتتجمع فيها مياه صرف الحي أو نسميها المياه الضحلة وبعضها يجي مرتفع بخاصية الأنابيب الشعرية بين فراغات التربة وممكن للحرارة سبب في رفعها بالتبخر وتتكثف قرب الأرض في الليل .. تزيد هذي وتبين لو حفرنا وشلنا التربة خففنا الضغط وأي مباه ضحلة جانبية تجي للمنطقة المحفورة وتعبيها

الحل هذا ممكن ينفع 70 أو 80% لكن الحل الأسهل كان المفروض يعمل قبل التأسيس بتمديد البايبات تحت ودفنها بالكنكري فيفقد الماء خاصية الأنابيب الشعرية ويتجه لفتحات بايبات التصريف اللي تكون تحت في موقع المياه وقبل لتوصل وجه الخرسانة السفلي ونفس الشيء للجوانب



https://www.youtube.com/watch?v=E5rYdAZPZHg

[معماري قطري]

https://www.youtube.com/watch?v=kKrot3bczKE

[سعود.]

https://www.youtube.com/watch?v=kKrot3bczKE


خوش والله

مغامرة كبيرة جدا انشائيآ يمكن مع الزمن تصير كارثة . غير موضوع التشطيب كيف النوافذ الستائر وووووووالخ

ماقول الا الله يستر عليه

[sara jsm]

عندنا مجمع سكني صوب مستشفى العمادي بنفس الفكرة تقريباً ..
اكيد انه من الداخل كل شي متساوي لكن الهيكل الخارجي مدكوّر بتصميم غريب ..
مااظن يتاثر بأي عوامل طبيعيه ..

[معماري قطري]

خوش والله

مغامرة كبيرة جدا انشائيآ يمكن مع الزمن تصير كارثة . غير موضوع التشطيب كيف النوافذ الستائر وووووووالخ

ماقول الا الله يستر عليه

بعض الناس يورطون نفسهم في شغلة مزعجة كله حتى يقال فلان بيته مميز .. شرايك شفت قبل بيت في قطر أكيد غيره راعيه صابغه بالطول شرائح ألوان أحمر أخضر أصفر وكل لون يطري عليك .. مستغرب من شيء ألاحظه ألحين الجسور مسويها منحنية أو مايلة وهذا يعني أما الأرضيات مايلة أو مايلة ومدفونة ومساوية حتى تكون أفقية

[معماري قطري]

عندنا مجمع سكني صوب مستشفى العمادي بنفس الفكرة تقريباً ..
اكيد انه من الداخل كل شي متساوي لكن الهيكل الخارجي مدكوّر بتصميم غريب ..
مااظن يتاثر بأي عوامل طبيعيه ..


إنشائياً عادي ولا بيتأثر بس كتكلفة بناء وشيء مب طبيعي تأثيثه صعب والإستفادة من المساحات بعد صعبة وبعدين الناس بيضحكون عليه .. اللي سووهم في دول ومناطق سياحية يعتبرون مزارات سياحية والدخول بفلوس دخلت في بيت أعتقد في فلوريدا أو كاليفورنيا نسيت وين بالضبط .. بس فيه ممرات وغرف غريبة والأطفال يحبونه وفيه ألعاب وتسلق حبال ومشي على شبك معلق .. كل شيء داخل من الأثاث يبين مقلوب وانبنى حتى يطلع فلوس مب ينسكن فيه

صوري لنا اللي في المستشفى

[سعود.]

ماقول الا الله يستر عليه بس
اهل العقول في راحه :yes:

[معماري قطري]

ماقول الا الله يستر عليه بس
اهل العقول في راحه :yes:

صحيح دوم سو الممكن للغرض اللي انت تبغيه بدون مبالغات ما لها داعي

مريت على مزرعة كبيرة ويبين صاحبها مقتدر ومسوي السور كله حجر مقصوص قص حلو ومركب أتوقع بإسمنت أبيض جاي كله لون واحد والحجر من قطر واضح والسور ارتفاعه كبير وأتوقع من تحت سمكه كبير أو له دعامات داخلية خرسانة أو حديد .. ممكن إحنا نشوفها مبالغة وما تستحق بس ممكن هو يبغي الغرض إن يكون مكانه خاص به ومستور وهذا كله بقليل من اللي عنده

أقارن بين مطار قطر ومطار الأردن وتوسعاته .. الإثنين يؤدون الغرض بس مطار الأردن خرسانات جاهزة ومكشوفة بدون صبغ ولا تشطيب ولا مبالغات وممكن أرخص من مطارنا بكثير لو قارنا مساحتين متساويتين والأهم يؤدي الغرض

[معماري قطري]

https://www.youtube.com/watch?v=9BRfL19m5tg

[معماري قطري]

بالإسباني وفيه ترجمه لمحبي المعمار البسيط والغريب .. هذا عبارة عن مبنى خرساني ممتد فوق سفح جبل .. صغير وخفيف وظهره للشارع ووجهه المفتوح مطل على الوادي ومبني من الخرسانة الملونة بلون قريب للوردي وللون الصخور الموجودة في المنطقة .. يخدم كقهوة وعليه ألواح شمسية فوق السقف



https://www.youtube.com/watch?v=a6fa4Tdh_3Y

[معماري قطري]

https://www.youtube.com/watch?v=n98UqwnTAtk

[معماري قطري]

https://www.youtube.com/watch?v=HKS0BjJMKlY

[معماري قطري]

وزن السيبوريكس أخف منه مشطب حول 30% من وزن الجدار العادي ولو سوينا الجدران الداخلية 10 سم بنكون وصلنا 15% من وزن الجدار العادي عرض 20 سم .. طابوق السيبوريكس ما يحتاج بلاستر وممكن ينصبغ عليه مباشرة يحتاج لتسوية وصنفرة لو تم تركيبه بدون عناية فقط .. السيبوريكس داعم للأسقف وسهل التمديد فيه



https://www.youtube.com/watch?v=1EWLlHJeFOo

[معماري قطري]

أكيد هذا يتفوق في العزل الحراري

[معماري قطري]

شغل ارتجالي وضعيف وخرسانة مليانة ماي بس ممكن يمشي كضربة حظ


https://www.youtube.com/watch?v=hQdBXVtCQCM

[معماري قطري]

كلامه صحيح 100%


https://www.youtube.com/watch?v=cijUgFr0Afk

[معماري قطري]

آليات زراعية وللحصاد وتجهيز التربة



https://www.youtube.com/watch?v=97JZMrnRnYM

[سالم الزهران]

آليات زراعية وللحصاد وتجهيز التربة



https://www.youtube.com/watch?v=97JZMrnRnYM

ابداع واحياناََ مبالغة.. لكن العجيب لو قارنت المساحة الزراعية في بلد عربي افريقي تتعدى مجموع الارض الصالحة للزراعة ف أوروبا كلها، مع ذلك النتيجة معاكسة اذا اكتشفت تن انتاج بلد اوروبي صغير يتجاوز الانتاج العربي باكمله.

[معماري قطري]

ابداع واحياناََ مبالغة.. لكن العجيب لو قارنت المساحة الزراعية في بلد عربي افريقي تتعدى مجموع الارض الصالحة للزراعة ف أوروبا كلها، مع ذلك النتيجة معاكسة اذا اكتشفت تن انتاج بلد اوروبي صغير يتجاوز الانتاج العربي باكمله.

وين الخلل؟

عندنا خير صح بس ما عندنا عقول تدير .. يكسرون خاطري العمال وهم يشيلون كشرة الأجانب من على شواطئنا وأوقات يستعينون بالطلاب وحطيت كم مرة فيديوهات لأليات حديثة لتنظيف الشواطيء حتى يومياً وبسرعة وكفاءة وممكن بعامل أو اثنين .. هذا وتكلفة الآلة ما توصل تكاليف العمال في الشهر لو جابوها بطريقة صحيحة بدون وين اذنك يا حبشي

نفس الشيء للزراعة وحتى لإستغلال الناتج الزراعي حتى الورق وبقايا الشجر .. في أمريكا تحصل جماسي بيك أب تدور وعليها كتابة واعلان وأرقام تواصل لعمل أي صيانة زراعية بآلات جيدة وبسرعة وبسعر رخيص وبمهنية وتنافس .. إحنا حتى العمال اللي يكربون النخل منثورين على الدوارات ما يعرفهم الا اللي عنده فراسة ويشوف العدة البسيطة في يدهم .. هناك يشيلون كل شيء ويودونه يبيعونه برخيص بعد على معامل تصنيع الخشب وكبس البوردات وهنا عندنا ناتج كبير ولا نستفيد منه

لو استغلينا الطاقة الشمسية في انتاج مياه صالحة للزراعة كان سوينا بلادنا كلها خضراء ولو استعملنا بقايا الطعام الصالحة للنباتات وحتى بقايا الأدوية بعضها حسب دراسات تصلح للنبات والنبات مصنع كيميائي يحول هذي المواد لمواد مغذية له وللحيوان والبشر

صج الوضع محزن ومبكي والفرص ما تتكرر كلها تكنولوجيا بسيطة ممكن تصنع عندنا وأي آلة معروضة للبيع حتى تقدر تطلبها الدول بالإنترنت وتوصل بالشحن الجوي لو يبون .. شاطرين بس يستوردون ماي ايفيان للإجتماعات والا فقع قبل لينباع للجمهور يوصل بعضهم على طيارات خاصة أو عامة المهم يوصل

الغرب عندهم بنوك زراعية وعندهم قوانين تيسر كل شيء .. في تامبا استأجرنا مزرعة ست شهور مساحة 100 متر تقريباً في 60 مستطيلة وفيها بيت قديم بسعر بسيط جداً وقريبة من الخدمات والشوارع بس نوصل لطريق ترابي لكن مرتب ولا فيه حصاة كله رمل خشن ما يطيره الهواء ثقيل ويبقى والناس يمشون بسرعة محدودة هناك مب مسابق واللي يغلط محاسب وينسحب من إذنه .. قيمة شراء هذي المزرعة كانت 60000 دولار عرضها صاحبها ولو تحط فيها بقرتين تعتبر مزرعة منتجة وما عليها ضرائب

في ألمانيا بشوف عيوني كل مزرعة فيها حضائر وأتوقع مدفأة وفيها مساحات علفية وعشبية كبيرة للمواشي وقت الصيف وفي نهاية الصيف يذبل العشب ويموت يجمعونه في كومات كبيرة ويخزنونه للشتاء .. شغل مواسم وزراعة بتكنولوجيا وبعض ربعنا العرب هناك يقولون ألمانيا تستورد كل غذائها وكلامهم خاطيء 100% .. صحيح تستورد بعض الأغذية اللي ما تزرع حسب موسمها ةالجو هناك

[معماري قطري]

https://www.youtube.com/watch?v=lMDNnOry8Ew

[معماري قطري]

https://www.youtube.com/watch?v=LdZqDZb-Mik

[معماري قطري]

https://www.youtube.com/watch?v=WCXfbrnMeL0

[معماري قطري]

https://www.youtube.com/watch?v=5ORp3SeAxBU

[sara jsm]

https://www.youtube.com/watch?v=5ORp3SeAxBU

عبالي حكم مع اللي لابسه :strong

[معماري قطري]

عبالي حكم مع اللي لابسه :strong


حكم علينا الزمن نحلم ونعيش تايهين

لا احنا عارفين وين رايحين ولا ايه عايزين

أغنية مصرية من تأليفي

عجبتني طريقة ترتيبه ونقطة التقاء سطح بميلان وبقاعدة مختلفة الميلان

[معماري قطري]

https://www.youtube.com/watch?v=7XxcXf7xhhU

[معماري قطري]

حاب الدرايش الطولية وناوي انفذها في كم مكان في البيت المستقبلي بس محتار أسويها تنفتح جزئي أو تنفتح مثل الباب للداخل وينعمل جدامها بروز بسيط ودرابزين كشكل ديكوري خارجي .. الخوف من الباب يكون دخول الغبار وما يضبطونه صح .. مع إني مركب درايش طوال الحين أشوفها صامدة

[معماري قطري]

اللي متابعين معاي من زمان هذا رأيي في عزل دورات المياه بحيث ندخل العازل تحت نص بلاطة الجدار السفلية .. وفي حال بنركب بلاطات كبار ممكن نعزل الجزء السفلي يستحسن برول وقبله بيتومين ونركب البلاطة كاملة جزء منها فوق العازل بعدين نخلص بقية العزل واختباره أو نخلص العزل كامل قبل تبليط الحايط وضروري نكون مركبين بايبات الصرف قبل التبليط وبعد العزل ونعزل حول البايبات زين .. بعدين تجي بلاطات الأرضيات بعد الدفان أو السكريد الخفيف وأفضل السكريد الخفيف وبلاطات الأرضية تسكر على بلاطات الحايط .. يبقى فاصل صغير هذا يتعبى سيليكون عن دخول النمل وكذلك عن تسرب المياه لأن هذي النقطة وهي نقطة التقاء بلاط الحائط ببلاط الارضية نقطة ضعف بسبب تمدد السطحين في اتجاهين غير .. الأرضية أفقي والحائط رأسي أو عمودي فدوم ينفك أي نوع من القراوت لكن السيليكون مطاط ويبقى مغطي وعازل عن قطرات المياه البسيطة اللي تتسلل تحت وممكن تتشبع بها الحوائط على فترات طويلة وترشح من الجهة الثانية وتخرب الصبغ


https://www.youtube.com/watch?v=yJVArLbzZeA

[سالم الزهران]

https://www.youtube.com/watch?v=7XxcXf7xhhU

فيديو جميل، ودائماََ نلقى الأبواب والشبابيك نقطة ضعف لان مصانع الالمنيوم ومناجر الخشب يبغي يسوي اي شغله بسرعة ويسلمك ويسلمني ويسلم الآخرين ابوابهم وشبابيكهم بسرعة.. وتبغي تعرفهم شوف لهم عند التركيب كأنهم في سباق مع الزمن.

[معماري قطري]

فيديو جميل، ودائماََ نلقى الأبواب والشبابيك نقطة ضعف لان مصانع الالمنيوم ومناجر الخشب يبغي يسوي اي شغله بسرعة ويسلمك ويسلمني ويسلم الآخرين ابوابهم وشبابيكهم بسرعة.. وتبغي تعرفهم شوف لهم عند التركيب كأنهم في سباق مع الزمن.

هي مسئلة ذمة ومصنعية أول شيء بس بعد مسؤولية الدولة كبيرة بالاهتمام بتوفير غطاء قانوني هندسي يضمن حق المستهلك ولسنوات طويلة

[معماري قطري]

لاحظت نوافذ اليو بي في سي تتكسر مسكات اليد اللي تفتحها ولاحظت بعض المحلات توفر قطع للأيدي هذي ناعمة الملمس ومن الألمنيوم الغير مصبوغ رصاصي شفتها قبل في الماني وشفتها في كم محل وتكون شوي شاذة عن لون الفريم بس أشوفها حلوة وعملية أكثر وتدوم .. دوم الصناعة تتطور وتستوي تعديلات بتكلفة معقولة يختارها العميل الفاهم ويبرزها البائع الشاطر والأمين واللي يوضح كل شيء .. ملاحظتي صدفة لا أبرزها لي بايع ولا شيء بس تذكرتها من كم يوم فتحت دريشة ويوم نويت اسكرها انكسرت قبضة الاغلاق في يدي .. استبدالها سهل بس شغلة

[معماري قطري]

هذا طابوق جيد بس اشوف تستخدمه كتكسية خارجية لتغطية كامل البيت أفضل ولا تحتاج حتى فلين وسطي بينه وبين الطابوق العادي وواضح عزله الخرافي .. الداخلي المجوف العادي زين للتمديدات ولتركيب أي شيء عليه وبعدين أرخص


https://www.youtube.com/watch?v=AC46o7wzj9w

[sara jsm]

حكم علينا الزمن نحلم ونعيش تايهين
لا احنا عارفين وين رايحين ولا ايه عايزين

أغنية مصرية من تأليفي



الله عليك يسلم بؤك درر :funny:

:


حاب الدرايش الطولية وناوي انفذها في كم مكان في البيت المستقبلي بس محتار أسويها تنفتح جزئي أو تنفتح مثل الباب للداخل وينعمل جدامها بروز بسيط ودرابزين كشكل ديكوري خارجي .. الخوف من الباب يكون دخول الغبار وما يضبطونه صح .. مع إني مركب درايش طوال الحين أشوفها صامدة

على حسب المكان اللي بتحطهم فيه .. هل تحتاج ينفتحون ولا بس ديكور !!؟
وترى جونا مايساعد انك تقعد والدرايش مبطله ..

[معماري قطري]

الله عليك يسلم بؤك درر :funny:

:



على حسب المكان اللي بتحطهم فيه .. هل تحتاج ينفتحون ولا بس ديكور !!؟
وترى جونا مايساعد انك تقعد والدرايش مبطله ..

خلينا نستغل الوقت قبل ليحطون عندنا حضانة حق اللي يهوهون وشفنا واحد منهم في القطرية اللي يسمونها بعض الناس الكترية الظاهر صاحبته ما حصلت حضانة فاضية ورضوا يودونه ويلحفونه بالبرنوص اللي نتلحف به

[معماري قطري]

https://www.youtube.com/watch?v=Q4f2BT0KEsw

[معماري قطري]

https://www.youtube.com/watch?v=Wejop_Rjpv0

[معماري قطري]

تابعوا نص الفيديو النص الثاني ما عنده سالفة


https://www.youtube.com/watch?v=DSQ2ynX1cmo

[معماري قطري]

قصر حديث مب معقد فيه أفكار وايد حلوة .. حبيت فيه بساطة التكييف الكاسيت المعلق واللون الأبيض في كل مكان والإضاءة .. أعتقد في البرازيل بس فيه ترجمة للي يحب يركز في التفاصيل



https://www.youtube.com/watch?v=hpAJfxpQWGs

[معماري قطري]

سعره بالضبط بعد التحويل من العملة البرازيلية للريال = 13,024,983.5826 مب رخيص

[معماري قطري]

https://www.youtube.com/watch?v=bfR3EBm-_74

[معماري قطري]

شغل نظيف وسهل عمالنا بسهولة يقدرون عليه بدال الدفان برمل أو بودرة وبعدين نسوي سكريد بسيط .. هذا يخلط الرمل بكمية قليلة من الإسمنت وبأقل نسبة مياه .. أكيد النسب تتعدى 5 رمل لواحد اسمنت لممكن نص مياه أو حتى أقل.. ميزة هذي الطريقة رخصها وعملها في الموقع وقلة المياه ما تأثر على جوانب الطابوق والجدران ولا الأرضية الإنشائية تحتها

الطريقة الثانية أقل عمالة وأغلى وهي نجيب ردي مكس ونطلب منه سكريد ذاتي الإستواء فيه كمية مياه أكثر شوي ونخلط معاه فايبر حتى يقاوم التشققات بسبب جفاف المياه السريع .. يكون أقوى ومضمون الإستواء 100% وأكيد أغلى



https://www.youtube.com/watch?v=R06sFglpVlw

[معماري قطري]

https://www.youtube.com/watch?v=hk6BQDPw924

[سالم الزهران]

الخشب والأشجار من اعظم الهبات الطبيعية اللي ابدعها الخالق سبحانه، ويكفي انها حملت البشرية في الطوفان مع نوح عليه السلام.

[معماري قطري]

الخشب والأشجار من اعظم الهبات الطبيعية اللي ابدعها الخالق سبحانه، ويكفي انها حملت البشرية في الطوفان مع نوح عليه السلام.

انا من محبي الخشب سهل التعامل معاه وقوي ويعمر .. حاط منه في الحوش معرض لعوامل الجو وبعضه مغروس في التربة الزراعية بس ركبت كم كيس نايلون تحت ولفيتهم عدل حتى ما يتسلل الماي وألحين له فوق 12 سنة وممكن 15 سنة من زمان ولا فيه شيء

من بنيت البيت ركبت بوردات خشب مارين بلايوود للحمامات ومتصلين بالارض والرطوبة حولهم وللحين مأدين الغرض وفوقهم بلاط ثابت ما تدري شتحته

[sara jsm]

تحته اكيد سوس الخشب :funny:
انا اكره الخشب في الاماكن الرطبه اللي فيها ماي ..
دايما ماتعمر الاخشاب في هالبيئة .. اما اللي عندك بالحديقه اكيد صارلها جذور وفروع هههههههه

[معماري قطري]

تحته اكيد سوس الخشب :funny:
انا اكره الخشب في الاماكن الرطبه اللي فيها ماي ..
دايما ماتعمر الاخشاب في هالبيئة .. اما اللي عندك بالحديقه اكيد صارلها جذور وفروع هههههههه

كلها أوهام صدقيني ولا فيه شيء .. بحاول أصور وأوضح بالتصوير .. اللي في الحمامات مخفي بالبلاط ما يبين باصوره فيديو وانا اضرب عليه يبين الصوت غير بس



https://www.youtube.com/watch?v=MT53EKzezKc

[معماري قطري]

https://www.youtube.com/watch?v=wqixUO2JtM0

فكرة الباب المرمل الزجاجي الخارجي تعتبر مشكلة أمنية بسهولة يكسر الزجاج ويدخل السارق للبيت .. شفايدة يحط لي دخول ذكي والفكرة غبية .. الباقي فيه تفاصيل كثير حلوة

[sara jsm]

https://www.youtube.com/watch?v=wqixUO2JtM0

فكرة الباب المرمل الزجاجي الخارجي تعتبر مشكلة أمنية بسهولة يكسر الزجاج ويدخل السارق للبيت .. شفايدة يحط لي دخول ذكي والفكرة غبية .. الباقي فيه تفاصيل كثير حلوة

وايد تطوروا السعوديين .. صارت البيوت تهبل ماشاءالله ..
بس احس عالواقع علبة جبريت :unsure:
على كثر ماصار المودرن يعجبني الا ان الصالات اللي فيها زل وجلسات متصله احس فيها الفة اكثر من الحديث ..

[سالم الزهران]

https://www.youtube.com/watch?v=wqixUO2JtM0

فكرة الباب المرمل الزجاجي الخارجي تعتبر مشكلة أمنية بسهولة يكسر الزجاج ويدخل السارق للبيت .. شفايدة يحط لي دخول ذكي والفكرة غبية .. الباقي فيه تفاصيل كثير حلوة

أهم شي جاب شي جديد (الاخو).

[معماري قطري]

وايد تطوروا السعوديين .. صارت البيوت تهبل ماشاءالله ..
بس احس عالواقع علبة جبريت :unsure:
على كثر ماصار المودرن يعجبني الا ان الصالات اللي فيها زل وجلسات متصله احس فيها الفة اكثر من الحديث ..


عندهم نهضة معمارية ما شاء الله

كلامج بخصوص الصالات اللي فيها سجاد أو أقل شيء فرش مريح معاه حشوة تحتية مريحة يجي غير .. اليوم كنت أشتغل على بعض اللمسات حق بيتي اللي يتصمم وما تقبلت الجلسة الدائرية بسبب وضعية التلفزيون وبسبب صعوبة تنفيذها خصوصاً قص البلاط بطريقة دائرية قص مضبوط .. رحت للشكل المستطيل وباحطه بإذن الله في موضوع مراجعة التصاميم المعمارية وكنت أفكر ليش ما تكون ارضية هذي الجلسة سجاد مريح بتكون أدفى وأحلى

[معماري قطري]

أهم شي جاب شي جديد (الاخو).

لو لاحظت بعد بلكونة البيت حاجز بسيط يفصلها عن البيت اللي جنبها بسهولة يقدر يركب الواحد فوق سطح بيت جاره ويتسلل للداخل ما ادري ليش ما سووا فاصل طويل مرتفع فوق المترين ممكن حتى حديد أو طابوق وتكون البلكونة خاصة أكثر وسطح الجار محمي وخاص كذلك

المشكلة ذيلا عارضين وليسوا ناقدين يحاولون يغطون على أي خطأ .. صالة صغيرة بعرض 3 متر يقول لك واسعة وهي ممكن مناسبة للتلفزيون يكون قريب من الواحد حدود 3 متر أحلى وأمتع لمتابعة التلفزيون

[معماري قطري]

https://www.youtube.com/watch?v=mzIEjEw-_4s

[معماري قطري]

أكيد ما نحتاج لهذي النوعية من المكيفات وهي بسيطة للأجواء المعقولة مب مثل أجوائنا .. بس أشوفه ابتكار سهل لهم



https://www.youtube.com/watch?v=hux4BEKiu6k

[معماري قطري]

هذا تصميم قديم للمعماري الأمريكي ميس فاندر رو وهو توفى قبل لينبني واننسى في مكتبه من 1954 وتم تنفيذه وبنائه في جامعة انديانا حتى يكون مبنى إداري .. المبنى نظامه غريب بحيث انه خفيف ومعلق من أعلى وبأعمدة حديد خفيفة وضعيفة .. تم التعديل عليه ليناسب متطلبات الوقت الحالي من حيث العزل والحريق وغيره


https://www.youtube.com/watch?v=0VD6CzCqwUc

[معماري قطري]

https://www.youtube.com/watch?v=YhTfPh7Dy4w

[معماري قطري]

https://www.youtube.com/watch?v=5cWbYMdcYdk

[sara jsm]

https://www.youtube.com/watch?v=kKrot3bczKE

صورتلك المبنى امس .. :tooth:

https://h.top4top.io/p_23804vtnb2.jpeg (https://top4top.io/)

[معماري قطري]

ما شاء الله حلو التكسية المعدنية كانت ممنوعة للسكني بس للتجاري والأبراج حتى التجاري المؤقت لا .. واحد باني بيوت تجارية مقابلة استاد خليفة وعلى شارع العزيزية التجاري رفضوا يسويها معدنية وكان حاط بتومين ومأسس منعوه واضطر يزيل البتومين ويصبغ .. لو فتحوا للكل أفضل فوائدها كثيرة عزل حراري قوي وتدوم ومظهر حديث وما يتأثر مع مرور الزمن وبعضها أرخص من الحجر بكثير وأكيد أخف وأسهل للتركيب

[sara jsm]

ما شاء الله حلو التكسية المعدنية كانت ممنوعة للسكني بس للتجاري والأبراج حتى التجاري المؤقت لا .. واحد باني بيوت تجارية مقابلة استاد خليفة وعلى شارع العزيزية التجاري رفضوا يسويها معدنية وكان حاط بتومين ومأسس منعوه واضطر يزيل البتومين ويصبغ .. لو فتحوا للكل أفضل فوائدها كثيرة عزل حراري قوي وتدوم ومظهر حديث وما يتأثر مع مرور الزمن وبعضها أرخص من الحجر بكثير وأكيد أخف وأسهل للتركيب

على فكرة هالمبنى بالراحة صارله 15 سنة :nice:

[معماري قطري]

على فكرة هالمبنى بالراحة صارله 15 سنة :nice:

هذا يوضح إن شغل تخطيطنا ناس وناس .. عاد المشكلة إن ملاك العقار ورثة من ضمنهم ناس في التخطيط وواحد منهم كان مدير التخطيط المدني سابقاً وحاولوا فترة طويلة يمشون التكسية المعدنية وتم مبناهم مصبوغ أسود فوق السنة بإنتظار الموافقة اللي ما حصلت

مثل البادغير ممنوع على ناس ومسموح لناس والإرتفاعات وغيرها وغيرها كثير .. الدفاع المدني يركز على مناطق معينة وينسى مناطق ثانية .. الصالون اللي مقابل بيتنا ذكرت سووا باب صغير قالوا حتى يتنقلون عاملات الصالون من سكنهم للصالون مشي ويكون قريب .. من فترة سووا في الحوش مبنى حديدي تارس الحوش من ورا كله ومن أيام واقفة شاحنة كبيرة مليانة صناديق خشب كبيرة وراء ينزلون ويدخلون من الباب الصغير وأكيد يستخدمون هذا الملحق الخلفي مخزن

طول ما القانون نايم الكل بيلعب ولو انصاد العقاب لتعيدها مرة ثانية بس والا مخالفة 500 ريال

[معماري قطري]

هنا بساطة في عمل الجدار مقوس مثل الشارع المار جدامه ومتانة في بناءه بالحديد وتقويته وهذا ما نسويه عندنا .. وشكله جميل حتى بدون بلاستر



https://www.youtube.com/watch?v=EQCVKazuHxw

[معماري قطري]

اللي بيشوف الفيديو الأخير لازم يشغله من موقع اليوتيوب

[معماري قطري]

أغلى القصور في العالم .. ليس لضعاف القلوب وانا منهم


https://www.youtube.com/watch?v=yRLxXzNZYAU

[معماري قطري]

هذا تصميم لاندسكيب حق بيت في قطر .. ما نقدر نحكم على عناصر التصميم .. ما شفت أشياء مهمة مثل مظلات السيارات ومكان دخولها ووقوفها .. خدمات المياه شلون بتكون وأشياء كثيرة كلها لها علاقة باللاندسكيب اللي المفروض يكون وظيفي مدروس وجمالي بنفس الوقت



https://www.youtube.com/watch?v=pdKjT_7_BtU

[معماري قطري]

https://www.youtube.com/watch?v=qfakUNW-89I

[معماري قطري]

https://www.youtube.com/watch?v=EZBzc3HnZL4

[معماري قطري]

https://www.youtube.com/watch?v=j-a7ucY93mI

مستغرب كثرة الخطوط وكذلك ما فيه مكان للتانكي وحاطينه فوق .. بالنسبة لعيوب السخان المركزي ما اشوفها عيوب وفي الصيف أما نبنده أو لو عندنا مبرد مياه بنحتاج لبارد وحار ونحتاج له .. صيانته قليلة ويفكك من أذيه الخزانات الصغار المزعجة وخرباتها

[معماري قطري]

https://www.youtube.com/watch?v=lkgbsFUc53s

[معماري قطري]

بعد دقيقتين يبين تأسيس جدار السور كيف الحديد متآكل ومتهالك .. خرسانة مهما كانت جيدة وقوية الا تكون النوع المصمت المضاد للمياه المسماة البلورية هذي غير وللحين ما انتشرت وأكيد غالية وايد .. مثل أي خرسانة نسيجها اسفنجي ويتخللها الماء وأي حديد يصدأ لازم بيصدأ وبيخرب الخرسانة ويكسرها .. لذلك استعمال الحديد المغلف بالايبوكسي يكون حل فعال ولسنوات طويلة مع الإحتياطات الأُخرى الغطاء الخرساني والعزل الجيد


https://www.youtube.com/watch?v=ZKeuSGtY3NY

[معماري قطري]

https://www.youtube.com/watch?v=79Mz6bRjnpQ

[معماري قطري]

حلوة ذي المروحة ومثل ما قال هادية وأتوقعها موجودة عندنا



https://www.youtube.com/watch?v=NzjmnIv89Ls

[معماري قطري]

https://www.youtube.com/watch?v=8KNcZHNPiI8

[معماري قطري]

ما ذكر أهم نقطة واللي هي الغاز الخامل المحقون في الفراغ واللي هو جزء من مصنعية الزجاج فائق العزل وما يكلف شيء يذكر لكن يقينا أي تكثف لبخار الماء ولا يساعد على الصدأ وصحيح يفقد الفراغ ما يقارب 1% من هذا الغاز كل سنة بس على مدى 20 سنة يفقد 20% وهي نسبة ليست خطيرة لو كان كل الفراغ هواء .. للمتابعة يرجى التمعن فيما يلي منقول

Why Builders Use Argon Gas-Filled Windows
Fraunhofer Institute's Center For Sustainable Energy
•••
BY JUAN RODRIGUEZ Updated on October 02, 2018
Argon gas is used to increase the energy efficiency and general performance of thermal windows. Thermal windows, also called insulated glass units, or IGU, are either double-pane or triple-pane, meaning each section of window has two or three layers of glass with a sealed space in between. The spaces are filled with argon or other gasses to slow the transfer of heat through the window. Gases like argon are preferable to air because air contains moisture that can condense on the inside of the glass units, making the window cloudy. Air also insulates less effectively than gas fills. Argon is an inexpensive, non-toxic, colorless, and odorless gas that occurs naturally and constitutes less than 1 percent of Earth's atmosphere.

للمتابعة هذي فوائد الآرغون

Benefits of Argon Gas in Windows
Almost all thermal windows today use some type of gas fill, so the benefits of argon are similar for most new thermal windows.

Improves U-value, the measure of a window's thermal performance; similar to the R-value of wall insulation
Enhances soundproofing characteristics
Minimizes heat exchange through the window
Reduces the possibility of condensation and frost
Can be used in all climates
Can be combined with low-E coatings for optimal window performance
Available in residential and commercial window sizes and styles
Does not corrode window material as oxygen will
Does not contaminate the environment; non-toxic gas
Does not add significantly to window cost—adds $30 to $40 per window—but helps achieve significant long-term energy cost savings

وهذي بعض السلبيات البسيطة من رأيي

Drawbacks of Argon Gas in Windows
The only real drawback of argon gas vs. other types of gas fill is that argon is not the most energy efficient gas available. In general, thermal windows present some drawbacks and important considerations.

Argon gas fill does not expand or contract; however, glass does, and it this can eventually destroy the seals that contain the gas between the glass panes.
Gas fills leak from window even when the seals are intact. The leakage rate is expected to be 1 percent per year, at best.
If the window seal has even a small gap in it, the argon gas will escape and will be replaced by moisture-laded air. When the window loses a significant portion of gas, it will be noticed. Condensation will build up inside the window, indicating that the seal is broken.
Metal spacers may not perform as well as non-metallic spacers, for leakage, heat transfer, and soundproofing.

وهذي مقارنة بسيطة بين الآرغون والكريبتون

Argon vs. Krypton Gas Fill
Most thermal windows are filled with argon or krypton gas, but some use a combination of these gasses and/or xenon, nitrogen, or oxygen. The main differences between argon and krypton windows are cost and energy efficiency. Windows with krypton fill tend to have lower U-values (better insulating quality) and are more expensive than argon-filled windows. Argon typically represents a better value overall, especially with double-pane windows. Being cheaper, argon is usually used to fill the wider 1/2-inch spaces between panes in double-pane windows, while krypton, with its better insulating quality, is often used for the thinner 1/4- or 3/8-inch spaces between panes on triple-pane windows.

Like argon gas, krypton is odorless, colorless, and non-toxic. Neither gas poses any risk to building occupants due to gas leakage. The decision between argon and krypton usually comes down to the lifetime cost of the window, factoring in the purchase price and the energy cost savings of the window over its lifetime.


https://www.youtube.com/watch?v=qbJA4DNpT0s

مشكلة العرب يركزون على الشكل وكيفية تنزيل التكلفة ولا تهمهم باقي المواصفات المهمة .. التكلفة مثل ما هو مذكور تزيد 30 الى 40 دولار في الدريشة ولو فرضنا دريشة كبيرة ممكن توصل 100 دولار أو تقريباً 400 ريال .. هذي يخصمونها صناع اليو بي في سي ويحطون هواء اللي يسبب تكثف للبخار حتى لو كان قليل في الهواء واللي يسبب صدأ لمكونات الدريشة المعدنية الداخلية مثل ما هو مذكور فوق

[معماري قطري]

من منكم لاحظ دريشة مضببة من داخل بين طبقات الزجاج ومستحيل تتنظف؟

انا لاحظت بيت توه مبني والشغل واضح غش

[معماري قطري]

https://www.youtube.com/watch?v=zumJJUL_ruM

بيت متوازن وحلو ألوانه حلوة وسقفه المنحني عجبني

[معماري قطري]

ممكن صح بس فيه نوعيات غراء قوية ما تحتاج أي تخشين حتى على الزجاج تمسك


https://www.youtube.com/watch?v=tqecCajaNis

[sara jsm]

https://www.youtube.com/watch?v=79Mz6bRjnpQ

روووووعة ياعله العافيه :ok:
بس هذولا ان حطوهم بالحوش انكسروا من ضربات الكورة ..

[sara jsm]

من منكم لاحظ دريشة مضببة من داخل بين طبقات الزجاج ومستحيل تتنظف؟

انا لاحظت بيت توه مبني والشغل واضح غش

انا مافهمت شتقصد :cry:

[معماري قطري]

روووووعة ياعله العافيه :ok:
بس هذولا ان حطوهم بالحوش انكسروا من ضربات الكورة ..

أتوقع يخلط معاهم شوية فيبر خيوط رفيعة أو سائل يتحول لخيوط رفيعة .. إسمنت ورمل بس لازم بينكسر .. وطريقته قريبة ثرى لصناعة الخزف أو القطع الصحية وهي طين مضغوط قبل كانت ومجفف وبعدين دخلت مواد ثانية متوفرة وأرخص منها بودرة البورسلان .. كرسي الحمام مثال يكون معلق ويتحمل وزن 400 كيلو والصناعة قديمة قدم التاريخ جات من الصين أعتقد واستخدموها المسلمين قبل الحضارة الغربية

[معماري قطري]

انا مافهمت شتقصد :cry:

قصدي اللي الفراغ بين الزجاج في الدرايش متروك هواء تكون فيه نسبة رطوبة تتكثف من المكيف وقت الصيف ومن البرد وقت الشتاء ويستوي الزجاج مضبب من داخل ويستحيل تنظيفه

[معماري قطري]

غاز الكريبتون والآرغون والزينون ثقيل ينزل لقاع الدريشة ويطرد الهواء وخالي من الرطوبة 100%



https://www.youtube.com/shorts/gc0aEe4kZxM

[معماري قطري]

الأول فيديو قصير يحولكم على اليوتيوب والثاني فيديو طويل لورشة الإختصاصي ومسوين بيت لمقاول أعرفه وايد زين شغلهم


https://www.youtube.com/watch?v=HGhLbPm5sMw

[معماري قطري]

نبذة بالعربي عن الآرغون وباشوف كيف نكشف وجوده من عدمه في النوافذ اللي طالبينها به


https://www.youtube.com/watch?v=aHqivTeZ6os

[معماري قطري]

قال في الفيديو السابق الكشف عن الزجاج المزدوج المحقون بالآرغون تشوف فتحتين صغار في الغازكيت الالمنيوم الماسك لطبقتي الزجاج وهذا فيه فتحات صغيرة تسمح بتنفس الفراغ وسط الزجاج بحدود بسيطة ومن هنا يفقد الغاز بالتدريج مثل ما ذكروا سابقاً بحدود 1% كل سنة .. بس هي مسئلة ذمة ومصنعية وجودة تصنيع وشيء أساسي في الزجاج المزدوج مستغرب ليش ما يفرض كمواصفة قياسية في قطر على كل صناع الزجاج المزدوج وللعلم هو شيء أساسي ومفروض في الدول المتقدمة

[معماري قطري]

هذا الفحص سريع بس يحتاج هذا الجهاز ولا فهمت له شلون


https://www.youtube.com/shorts/9SugNZYVyOc

[معماري قطري]

هذا مثال على غاز الآرغون يستخدم مضغوط في واجهات الثلاجات الكبيرة لحفظ البرودة في السوبرماركتات .. وعندي مثال دايم يومياً أستعمله كوب الشاي الكبير ماخذه من السلام طبقتين زجاج خفيف محقون بالآرغون في الوسط ويبقى الشاي حار فترة ولا توصل لليد حرارته .. يبرد بسبب الكوب مب مغطى لكن الكوب العادي يبرد بسرعة



https://www.youtube.com/watch?v=yTzJC2WvJpA

[معماري قطري]

هذا يتكلم عن الخدع اللي يستعملونها بياعين الدرايش في أمريكا بأنها معبأة آرغون وتعطي عزل جيد .. يقول ال U- value هي الأهم وهذي تحددها مختبرات بشهادة ملزوم كل بياع بعرضها .. وهنا يدخل دور الدولة المفقود في هذي التخصصات .. وسئلت الكثيرين من مسؤولي مبيعات الدرايش قالوا لي عن وشو تتكلم أول مرة نسمع عنه هذا الآرغون .. هناك الطابوق يجي مع شهادة مختبر معتمدة والشركة اللي تسويه تشهد إنه مساوي في كل الظروف لطابوق انتج قبل وحصل على هذي الشهادة .. ولو ثبت العكس الشركة تدخل في مشاكل وغرامات من الدولة ومن المشتري


https://www.youtube.com/watch?v=uoM9SlO0ZJM

[معماري قطري]

نتابع الموضوع بكرة لأنه مهم

[سالم الزهران]

أحد الفنادق بسويسرا يمر بجانبه خط ريل، وكان انطباع اللي يحجزون فيه جيد الا سالفة صوت القطار، حجزنا الفندق مرة ثانية ولقيناهم غيروا النوافذ بنوافذ معزولة بالغاز مثل اللي تباع عندنا (زعماََ).. لكن للأمانة يمر القطار بدون اي صوت بلعكس استوت الدرايش كبيرة واعطت سعة للغرف ومرور القطار اللي كان سلبي صار ميزه وشكله حلو.

هذاك بسويسرا اللي ناس جالسين من سنة اكثر من مية سنة يصونون سككهم وتحويلاتهم وجسورهم ونجاح يبنى على نجاح قبله.

[معماري قطري]

أحد الفنادق بسويسرا يمر بجانبه خط ريل، وكان انطباع اللي يحجزون فيه جيد الا سالفة صوت القطار، حجزنا الفندق مرة ثانية ولقيناهم غيروا النوافذ بنوافذ معزولة بالغاز مثل اللي تباع عندنا (زعماََ).. لكن للأمانة يمر القطار بدون اي صوت بلعكس استوت الدرايش كبيرة واعطت سعة للغرف ومرور القطار اللي كان سلبي صار ميزه وشكله حلو.

هذاك بسويسرا اللي ناس جالسين من سنة اكثر من مية سنة يصونون سككهم وتحويلاتهم وجسورهم ونجاح يبنى على نجاح قبله.

الشغل المتقن تحصله في التفاصيل الدقيقة

عندنا وعندكم بياعين يروجون ومنتجات يسعون لتقليل سعرها بأي طريقة ويشوفون مثل هذي الأشياء بدع ولا لها لزمة .. انت كمصنع ممكن تنتج هواء خالي من الرطوبة بازالة الرطوبة بأي آلة أو عملية كيميائية بس ما نستفيد من ناحية العزل والتكلفة ما يقارب ال 100 دولار تساوي 5% بالنسبة للدريشة المحترمة والغالية وتساوي 10% للدريشة الرخيصة من طبقتين لكن لو بتقيسها على بلاد الكهرباء فيها بمقابل بتوفر هذي القيمة خلال فترة من فواتير الكهرباء .. ولو بتقيسها في بلاد مثل قطر التوفير بيروح للحكومة والحكومة المفروض تلزم ورش تجهيز الزجاج بهذي المواصفات وتقيم كل نوع بشهادة مع مقدار اليو فاليو كم حسب مختبر يختبر بعض العينات والمنتج يكون ملزم بوضع هذي الشهادة حسب اجراءات الانتاج اللي يتبعها وتضمن هذا التقييم ولو تم كشف تلاعب يروح في عينها هذا المنتج مثلاً الغرامة تكون مليون ريال تخلي أي منتج يلتزم ويرتجف وهو يضبط شغله

[معماري قطري]

تدرون إن الإقتصاد كله يتضرر من سوء المواد المستعملة حتى في بناء الأبراج وشفنا قطع زجاجية طاحت بسبب الهواء وضعفها مع الوقت أو سوء التركيب وكذلك في دبي شفنا هالشيء

[معماري قطري]

تجربة مهمة وفيديو قصير حول 3 دقائق .. ثلاجة درجة حرارتها تحت الصفر .. صفر الفهرنهايت = 32 وهذي 20 مركب لها غطاء من 4 قطع من الزجاج .. مفرد عادي ومزدوج بدون غاز بفراغ بس ومزدوج بالآرغون وثلاثي بالآرغون .. حرارة الغرفة 75 فهرنهايت تعادل تقريباً 25 .. الزجاجة المفردة سطحها الخارجي طلع 48 فهرنهايت يعني تنتقل لها البرودة من الداخل أكثر .. الدبل بدون غاز 55 فهرنهايت معناها شوي خففت من انتقال البرودة من داخل للخارج .. الدبل مع غاز الآرغون 65 فهرنهايت يعني البرودة انتقالها وايد أقل تحسين بحدود 10 درجات عن العادي واللي يعطونا اياه هو العادي يحسن تحسين بسيط بحدود 7 درجات عن المفرد

الأخيرة ثلاث طبقات زجاج بينهم فراغين فيهم الآرغون ودرجة الحرارة 72 قريبة من حرارة جدار الغرفة 75 معناها تسرب البرودة أقل شيء من هناك

عملياً إحنا عندنا الستاير وطبقاتها أتوقع لو واحد مركب ثلاث طبقات وبغاز بينهم بتكون درجة الحرارة داخل تفرق عن الخارج كثير .. مع كل طبقة ستاير تقل درجة الحرارة وتكون قريبة من درجة برودة المكيف .. وهذا يعني لو المكيف مب موجه على الستارة مباشرة إننا وصلنا للإرتياح الحراري في كل أركان الغرفة والدريشة اللي تعتبر أضعف حلقة مع طبقات الستارة مأدية الغرض وعازله زين .. ولو عندنا كيمرا حرارية مثل ذي ودقيقة بنحصل مكان الجسور والارضيات حرارتها أعلى يعني فيه تسريب حراري ومكان الجدار يختلف حسب تأثره بالحرارة الخارجية ودخولها للداخل


https://www.youtube.com/watch?v=IdJbH6KLrx0

في النهاية هل ممكن نعوض عن الغاز بعزل الستائر؟ ممكن بس بحدود لكن لازم نضمن عدم تسريب الهواء وبتتسرب الحرارة وتكون منطقة الستارة مشعة لها يعني الطاقة الحرارية داخلة وموجودة

ولو ركبنا نوافذ نظام عزل جيد بنحصل فايدة إننا ممكن نفتح الستاير أي وقت ولا نعاني من حرارة كبيرة وطاقة تكييف أكبر

[معماري قطري]

https://www.youtube.com/watch?v=MIEfxFmlsRg

[معماري قطري]

https://www.youtube.com/watch?v=H8yVwQA5t-E

[معماري قطري]

كلامه صحيح وهو بين كيف توزيع البلاط على الأرضية أو على الحائط وهذا يحدد بدقة كم بلاطة مطلوبة مب بس كم متر وكله بالرسم قبل التنفيذ وما فيه أسهل منه ببرامج الرسم الحديثة .. ممكن نتفق مع المقاول على 5% نسبة هالك 10% أشوفها وايد والهالك يخزنه ويسلمنا اياه لأي حاجة مستقبلية مع 5% هذي إحتياط نخزنها عندنا في مكان آمن .. نوقع المقاول اقرار باستلام الكميات وتعهد بتركيبها حسب الطريقة وبالمواد المتفق عليها


https://www.youtube.com/watch?v=r2mQ5XhgVdA

[معماري قطري]

أشوفه شغل نظيف .. شرايكم؟



https://www.youtube.com/watch?v=LTTu65zGZ3s

[سالم الزهران]

الصراحة فكرته جميلة واهم شيء انها عملية وتعتبر خروج عن المألوف اللي ممكن يكون له عيوب مثل المواسير اللي يكثر فيها الغش

[معماري قطري]

الصراحة فكرته جميلة واهم شيء انها عملية وتعتبر خروج عن المألوف اللي ممكن يكون له عيوب مثل المواسير اللي يكثر فيها الغش

شغلة مسارات البايبات بعض الاستشاريين ما يهتمون بها وبتفاصيلها وتنترك للمقاول .. حبيت اللي يبني حول البيب الخارجي طابوق ويعبيه رمل حتى ما ينضغط البيب ولا ينجرح والدفان المدكوك حول الطابوق ولباقي الحوش .. نفس الشيء انا أخلص أحواض الزراعة من التأسيس والدفان المدكوك يكون حول الأحواض

[معماري قطري]

https://www.youtube.com/watch?v=hRYuUqYI3nM

طريقة التبريد القديمة بالبادغير واستغربت إن ممكن ينتجون ثلج بس ما فهمت شلون طريقته بالضبط الشرح مختصر وسريع

[معماري قطري]

نموذج بناء وتصميم حلو ومناسب لأراضي كثيرة وأتوقع ممكن تطبيقه عندنا للي يحبون الحديث مع لمسات كلاسيكية



https://www.youtube.com/watch?v=1v6HJNj4fk8

المساحة للبناء 1100 ومساحة الأرض 560 متر مربع

[معماري قطري]

نفس المنزل السابق بتعليق نسائي


https://www.youtube.com/watch?v=tf-Cd-tck7s

[معماري قطري]

https://www.youtube.com/watch?v=MKyTTg3_1yo

[معماري قطري]

عملياً لو اتبعنا الطريقة القديمة جدار وبمسكات درابزين بسيطة بنوفر كثير .. ما يعجبني القزاز هشكل ومشاكله وايد ما يحسسك بأمان وتشطيبه صعب خصوصاً عندنا يمكن في السعودية فيه تخصصات وتنفيذ أفضل .. الجدران بالتجويفات بعد والإضائة الصناعية في الليل حلوة وبالإضاءة الطبيعية في النهار تعطي جو غير


https://www.youtube.com/watch?v=rCH1U125BEc

هذا رايي للي يبي يوفر والا يدفع زيادة ويركب شيء نظيف وأوقات قيمة الدرابزين بنفسه تكلف أكثر من قيمة بناء الدرج

[معماري قطري]

هل من الممكن يتطبق مثل هذا النموذج عندنا مع تعقيدات التخطيط الأرض 30 في 10 وعندنا الأراضي غالية وأقل شيء حتى تقسمها 600 متر مربع وعندهم على كبر مساحة بلادهم وكثرة المدن استغلال الأراضي صح



https://www.youtube.com/watch?v=JOpuK_AV8ZA

[معماري قطري]

https://www.youtube.com/watch?v=FKO7I2jundY

[sara jsm]

عملياً لو اتبعنا الطريقة القديمة جدار وبمسكات درابزين بسيطة بنوفر كثير .. ما يعجبني القزاز هشكل ومشاكله وايد ما يحسسك بأمان وتشطيبه صعب خصوصاً عندنا يمكن في السعودية فيه تخصصات وتنفيذ أفضل .. الجدران بالتجويفات بعد والإضائة الصناعية في الليل حلوة وبالإضاءة الطبيعية في النهار تعطي جو غير

https://www.youtube.com/watch?v=rCH1U125BEc
هذا رايي للي يبي يوفر والا يدفع زيادة ويركب شيء نظيف وأوقات قيمة الدرابزين بنفسه تكلف أكثر من قيمة بناء الدرج


والله كلش مب سيفتي ..
حتى لو ماعندك عيال ممكن الواحد يزلق ولا يخبط فيه شي ويتكسر ..
والالواح الطويله سوت المكان كانه كبت ملابس .. :(

:

الشطافات خياااااااال ..
رووووعة والله .. خذ قلبي على قولتك :thumbup:
اشكال واحجام روعة ..

[معماري قطري]

والله كلش مب سيفتي ..
حتى لو ماعندك عيال ممكن الواحد يزلق ولا يخبط فيه شي ويتكسر ..
والالواح الطويله سوت المكان كانه كبت ملابس .. :(

:

الشطافات خياااااااال ..
رووووعة والله .. خذ قلبي على قولتك :thumbup:
اشكال واحجام روعة ..

صادقة هم يستخدمون مثل هذي المواد لبيوت تجارية ورخيصة حتى يربحون أقصى ما يقدرون في البيع .. واحد يقول لي عن باكستاني باني بيت خرافي يقول ارضه 1200 بس مسويه كبير وشغل متكلف .. مسوي بيسمنت للبيت والمجلس شابكهم مع بعض فيه حوض سباحة وعارضه ب 12 مليون يقول حاولت فيه يبيع بعشرة ما رضى .. ووايد يركزون على ترخيص البنيان ولكل شخص سياسته .. انا لي بنفسي أحب شيء عملي وجميل وما احب حد يستغلني قبل كنت غير آخذ الغالي والماركة .. ماخذ حق بيتي أكثر شيء بلاط فالنتينو الايطالي لدورات المياه دخلت وحدة حصلت اللون طاير ومسود البلاط من الرطوبة .. طبقة السيراميك عليه طارت أو طار اللون وماخذ نوع رخيص وبلاطات كبيرة ما شاء الله عايش ولا أحلى .. كنت من المغترين في بياعين شبيب وعلي العطية بس يوم عرفت إن كلامهم كلام وأسعارهم وايد مبالغ فيها استويت اروح للبدائل عند تدمر وعند المتحدة وعند غيرهم من الصغار

الشطافات وهذي القطع البسيطة يجتهد فيها هذا المهندس والتاجر الفاهم ويشتري المناسب والأفضل عكس اللي عندنا يروحون دول العالم كلها ولا يعرفون يختارون المناسب ولا يسوقون صح .. تصدقين كل ما اشوف شيء جديد أوديه حق ولد عمتي وهو عنده محل للسيراميك وللقطع الصحية وأنصحه يستورد .. الكرسي اللي بدون خزان وبدفع الماي القوي الصيني والرخيص فرصة ويقدر يجيب منه كمية والأهم يسوي لها دعاية بتمشي بسرعة

[معماري قطري]

أفكار لتكسيات قطع الحجر والرخام المخشن الطبيعي المقصوص عشوائي



https://www.youtube.com/watch?v=SVvl8yAhv2o

[سالم الزهران]

مساء الخير بو عبد الله.. حنا نظام الماي ضخ مباشر ودرجة حرارة الماي وحدة صيف وشتاء ماي فاتر مب حار ولا بارد. لكن بعد عجبني الابتكار حق المهندس القفاري.

المهم إن بغيت شي من الصين عندك رفيجنا اللي بالواتسب لا تردد. :dance

[معماري قطري]

مساء الخير بو عبد الله.. حنا نظام الماي ضخ مباشر ودرجة حرارة الماي وحدة صيف وشتاء ماي فاتر مب حار ولا بارد. لكن بعد عجبني الابتكار حق المهندس القفاري.

المهم إن بغيت شي من الصين عندك رفيجنا اللي بالواتسب لا تردد. :dance

فكرت شوي من هو رفيجنا بعدين عرفته

حسب المنطقة أكيد وفيه مناطق مايها يجي حار والا بارد زيادة

من أيام مريت بيتي اللي طلعت منه كان مقسم وفيه عزوب طردتهم البلدية وألحين اسوي له صيانة .. ذكريات حلوة وشفت شغلات وايد سويتها ذاك الوقت وللحين موجودة بس لاحظت شابكين الماي بدون تانكي تحت مباشر لفوق للبيت ذيه وبيت جنبه يعني لازم يأجرهم شخص واحد

[معماري قطري]

https://www.youtube.com/watch?v=mrTLVowmj4Q

[معماري قطري]

https://www.youtube.com/watch?v=XPIrj3INMSg

[سالم الزهران]

فكرت شوي من هو رفيجنا بعدين عرفته



لهذا السبب تحصل من مهام المترجم تلطيف المصطلحات والصيني باين عليهم ما عندهم تورية بالكلام، كله سيده.. هههه

[معماري قطري]

لهذا السبب تحصل من مهام المترجم تلطيف المصطلحات والصيني باين عليهم ما عندهم تورية بالكلام، كله سيده.. هههه

أكيد ما يبي له كلام بس باشوف فيديو مقارب بدون ترجمة الصيني

[معماري قطري]

https://www.youtube.com/watch?v=XPIrj3INMSg

اللي يشوف صورة البداية للفيديو ذيه القصر هذا الجزء اللي فيه المدخل متناظر نوعاً ما وكاسرين التناظر في الجهتين يمين ويسار بدرايش غير .. الباقي متجانس وهذا المهم التصميم المتناظر يمين ويسار يعتبر تصميم فاشل

[معماري قطري]

https://www.youtube.com/watch?v=6eyEmK6-vak

[معماري قطري]

https://www.youtube.com/watch?v=zqhmnaN7W9U

[معماري قطري]

https://www.youtube.com/watch?v=-krhnmE0J6E

[معماري قطري]

https://www.youtube.com/watch?v=o3YCJWjtJOI

[معماري قطري]

https://www.youtube.com/watch?v=JS1BWz6heDc

[معماري قطري]

https://www.youtube.com/watch?v=W6eUbmKUdGI

[معماري قطري]

معدات بسيطة لتسهيل العمل


https://www.youtube.com/watch?v=oaoFGvOkA6g

[معماري قطري]

الكاميرا الحرارية ودقتها في توضيح الجسور الحرارية وين .. في خارج البيت برد والداخل تدفئة وهنا يشوف وين المهارب في جزئيات البيت .. نلاحظ قزاز الباب يدخل برودة قوية ومن تحت الباب ونلاحظ فريم الدرايش من برا أحمر معناها يسرب الحرارة اللي داخل البيت والزجاج ثلاث طبقات شلون درجته برا قريبة من درجة الجو الخارجي معناها التسريب قليل جداً


https://www.youtube.com/watch?v=liydhnfaVWk

[معماري قطري]

يا شين مبررات بعض العرب .. ركز على الألمنيوم والألمنيوم صحيح يسرب الحرارة الا يكون طبقتين بينهم فاصل عازل حراري فعال وقوي .. اليو بي في سي عزله خرافي مقارنة بالألمنيوم وفيه يو بي في سي وألمنيوم محقون بالفوم يعطي نسبة عزل اضافية

بعدين غاز الآرغون ضبطوه صح واعزلوا الفراغ عدل توصل اليو فاليو له 0.28 فرق شاسع بين ال 1.9 حول الخمس مرات أقوى عزله وغاز الآرغون من صميم صناعة الزجاج العازل والمزدوج والثلاثي



https://www.youtube.com/watch?v=PlXPvvNZmrw

[معماري قطري]

مصطلح كفاءة عزل النوافذ ما ينتهي المفروض عند النافذة فقط بل يتعداها لما يغطيها .. حتى الأشجار الخارجية الطويلة تعطي برودة على النافذة وظلال وجمال طبيعي لو فتحناها وتعتبر ساترة .. طبقات الستائر مهمة وممكن توصل العزل لو النافذة ما فيها تسريب هواء وهو الأهم ممكن توصله أعلى من عزل الجدار الطابوقي حتى المعزول

[معماري قطري]

عجبتني معالجة الدرج من تحت والقوس تحت الدرج معطي حياة كأن الدرج نابت من الأرض .. الجلسة مواجهة الدريشة ولا فيه مكان للتلفزيون وهو المهم وعنصر التوجه البصري أكثر من الدريشة .. التصميم والإظهار والعرض وايد زين



https://www.youtube.com/watch?v=W6eUbmKUdGI

[sara jsm]

احس لو تحولت بيوتنا للتصميم العصري ماراح نحس بمتعه حجز الفنادق :looking:

[سالم الزهران]

اعجبني التصميم ولو انه يبي له توسعة متر منا ونص متر من هناك. الحين اللي يطبخ تسمع صوت القرقشة ونت في الصالة:no:

[معماري قطري]

احس لو تحولت بيوتنا للتصميم العصري ماراح نحس بمتعه حجز الفنادق :looking:


إعتمد التقليدي المحدث حتى للتجاري وللخدمي .. حداثة بفكر فيه شوي من التقليدي وبتطوير في الإضاءة والسمارت هوم والعوازل بتستفيد وبتسوي شيء محبب وبنفس الوقت ما يكون ممل .. تغييرات الإنارة تعطيك تغير بين الليل والنهار خصوصاً مع المناور السقفية والنوافذ المطلة اطلالات جميلة .. أوقات شوية صخب وصوت تلفزيون وماء يجري أو ينزل من فوق يعطيك تغيير وجو غير عن قبل .. جمال البساطة يدوم في الغالب وجمال الطبيعة ينطبع في ذاكرة الانسان ويحن للمكان بطبيعته

[معماري قطري]

اعجبني التصميم ولو انه يبي له توسعة متر منا ونص متر من هناك. الحين اللي يطبخ تسمع صوت القرقشة ونت في الصالة:no:

غالبية هذي البيوت مركزين على الهدوء للغرف ومخلينها فوق وبينها ممرات تكسر الصوت ويكون بعيد .. مكان اجتماع العائلة والسباحة أو الحديقة الخارجية مطل عليها المطبخ اللي يعتبر منطقة العمليات والأمريكان يسوون المكتب قرب باب البيت حق استقبال أي شريك عمل أو عميل .. طبيعة الحياة والإستخدام تفرض توزيع معين يناسب المعيشة .. أكيد إحنا أو العرب بصفة عامة كرماء ويكرمون نفسهم أكثر تحصله يزيد ويكبر وانا اعتبره ذكاء لأن البنيان مجهود وتعب وتوفيق من رب العالمين .. إذا بتبني حتى لو تجاري تبغي اللي يشتري منك يدعي لك ما يدعي عليك وبنفس الوقت تبغي تسعد كل أفراد عائلتك وتسعد نفسك

الكرم هذا لازم نوظفه صح ما نسوي مساحات كبير بس سياسة نحب السعة بدون تنظيم وتوزيع للأثاث صح ولطريقة الإستخدام

أول ما بنيت بيتي كمثال ما فكرت في عيالي بيكبرون ويتزوجون ويجونهم عيال حتى حماماتهم سويتها طفولية أكثر وفيها نقوشات للأولاد قمر ونجوم وللبنات عباد الشمس وتوقعتهم يبقون في غرفهم هذي .. كبروا وانفصلوا واحتاجوا أماكن ملابس فوق فوق ما كنت أتصور .. أعترف نظرتي كانت قاصرة .. البنتهاوس كنا مقيدين بمساحة صغيرة وزادوها بكرم مع شوية خياس نفس بعد ما صاحوا الكثيرين يبغون تطوير والزيادة بعد لك عليها وفيها تعسف .. انا قلت أسوي صالة كبيرة وكلها أخليها غرفة رياضة مع ركن صغير للكتب والقراءة .. إستخدمناها قليل كلش وتحس نفسك معزول فوق .. أماكن كثيرة في البيت استخدامها حسب الحاجة ولبعض الأفراد وهذا الطبيعي .. بس لو مسوي شقة كاملة فوق كان أفضل بكثير وكان مستحيل وقتها بسبب قوانين التخطيط

أكيد الحديث يطول بس حبيت بعض اللي يتواصلون معاي واجتهدت معاهم في هذي الآراء لأنهم يناقشون ومثقفين .. واحد يذكر لي اليوم إني أوقات أقول مصطلحات ما يعرفها يدورها في اليوتيوب ويشوف بالصورة والشرح ويقتنع بها يقول ما بغيت أزعجك تشرح لي وأكيد ممكن يتابع معانا والله يوفقه ويوفق كل من يبني .. فايدتي الوحيدة اني أمارس مهنتي وإني أخدم من يحتاج لوجه الله والله يوفقني في ذلك .. بنفس الوقت اتعلم منكم الكثير والحمد لله والله يرحم جدي وابوي اللي كانوا ياخذوني للمدرسة جدي مشي مسافات طويلة وابوي حسب وقته وحتى عمي كان يودينا نتعلم وندرس وهذي بداية التأسيس

وأكيد حكومتنا ما قصرت في شيء وإن كان فيه قصور فهو من بعض الزعابيط اللي استووا مسؤولين ولا همهم تطوير الشغل صح ولا أعطوا كل مستحق حقه

[سالم الزهران]

يعطيك العافيه بو عبد الله ع التعقيب وممكن اللي توه بيبني وبيجوف هذي المشاركة يستفيد منها.

[معماري قطري]

يعطيك العافيه بو عبد الله ع التعقيب وممكن اللي توه بيبني وبيجوف هذي المشاركة يستفيد منها.

وجزاك الله بمثله

البنيان يا اخوي خير وبركة خصوصاً بنيان مكان يستر العائلة ويخليها مستقرة .. وغالبية اللي يبنون عندهم عيال وبعضهم عيالهم كبار وبعضهم خليط كبار وصغار ومستمرين في الإنجاب وعوائلهم تكبر فلازم يستغل وقته صح ومجهوده وكذلك مقدرته المالية ولازم يحسب حساب 20 و 30 سنة لأن المسكن صعب ويزداد صعوبة والأراضي محدودة والخدمات تتأخر

الواحد المفروض ما يبخل على نفسه وعائلته ببيت مريح ما أقول الأجمل والأفخم أقول مريح ولا يزعجه بكثرة صيانة ومشاكل كبيرة وقابل لنمو الأسرة وتطورها وإحتمال زيادة عدد أفرادها في النهاية عيال عياله هم عياله

[sara jsm]

كلامك حلو بوعبدالله .. فعلا الواحد لازم يخطط حق عياله لين يتزوجون ..
لان الاراضي او حتى البنيان مش دايما متوفر للشباب وخاصه في بدايه حياتهم ..

عندي جار الله يسهل عليه بنا بيته والدور الاول مسوي فيه 3 غرف فقط ..
الحين عياله زادوا وكبروا ويبون غرف خاصه .. قام طلع من بيته وسكن ايجار وكسر بيته وقاعد يبني دور ثالث ..
بغرف زياده ووسع اكثر وطبعا تكاليف اكثر بوايد .. الله يوفقه ويسهل عليه لكنه كان يقدر يتجنب هاي كله لو فكر على المدى البعيد ..

قبل 35 سنة في بيتنا القديم كنت انام مع امي وابوي و2 من اخواني لين صف ثاني ابتدائي ..
وباقي اخواني كلهم بغرفه وحدة .. نظام اول لكن بعد مابناء ابوي بيته الحالي فصلنا ( الصبيان على صوب والبنات على صوب ) ومازالت غرفتي موجودة :p ومحد يقدر ياخذها ..

التخطيط الصح مع الشريك الصح يريح عيالك في مستقبلهم ..
لان السكن من الاساسيات المكلفه في حياتنا ..

[معماري قطري]

كلامك حلو بوعبدالله .. فعلا الواحد لازم يخطط حق عياله لين يتزوجون ..
لان الاراضي او حتى البنيان مش دايما متوفر للشباب وخاصه في بدايه حياتهم ..

عندي جار الله يسهل عليه بنا بيته والدور الاول مسوي فيه 3 غرف فقط ..
الحين عياله زادوا وكبروا ويبون غرف خاصه .. قام طلع من بيته وسكن ايجار وكسر بيته وقاعد يبني دور ثالث ..
بغرف زياده ووسع اكثر وطبعا تكاليف اكثر بوايد .. الله يوفقه ويسهل عليه لكنه كان يقدر يتجنب هاي كله لو فكر على المدى البعيد ..

قبل 35 سنة في بيتنا القديم كنت انام مع امي وابوي و2 من اخواني لين صف ثاني ابتدائي ..
وباقي اخواني كلهم بغرفه وحدة .. نظام اول لكن بعد مابناء ابوي بيته الحالي فصلنا ( الصبيان على صوب والبنات على صوب ) ومازالت غرفتي موجودة :p ومحد يقدر ياخذها ..

التخطيط الصح مع الشريك الصح يريح عيالك في مستقبلهم ..
لان السكن من الاساسيات المكلفه في حياتنا ..

كلام قوي وتعبير أقوى ما شاء الله

مع إني قاعد من صبح ربي أبعدني عن هالموضوع

التصميم فلسفة وفلسفة البناء تلبية احتياج حالي ومستقبلي وإستوى السكن صعب والبنيان غالي ساهمت فيه ظروف كثيرة وتردى الجانب الهندسي والقانوني والله يعين الجميع

إستوينا نشوف مدن عريقة وقديمة ومباني ما تتكرر تتهدم في لحظات وأهلها يموتون بسبب طاغية أو ديكتاتور أو مستقوي ويبي يلهف مثل ما هو صاير في أوكرانيا وهم في النهاية بشر نتعاطف مع المسكين منهم .. ومثل ما نشوف في فلسطين تهدم عمارات توها انسكنت وانبنت بمشقة .. والعراق وليبيا وسوريا والله يعين الجميع

ضحكتني بنتي تعاني مسكينة مع قلة التخزين وغرف الملابس تقول ابي لي في البيت الجديد غرفة طابقين للملابس بس وخايف أغلط غلطتي السابقة مرة ثانية صج ضاعفت مساحات غرف الملابس وفي كل غرفة وزدت غرفة إضافية في البنتهاوس بس بعد خايف أكون قصرت .. بعض ربعي فلسفتهم ابن صغير قد احتياجك ألحين عيالك بيطلعون عنك وبناتك وبتبقى بروحك وممكن هم صح بس بعد أحتاج أجمعهم حولي والبيت في النهاية لهم

الله يحفظ والديكم ووالديج إختي سارة بالخصوص ويحفظكم جميع ويجعل بيوت جميع المسلمين وبلادهم بلاد خير وعز ونعمة وخصوصاً بلادنا قطر

[sara jsm]

ويحفظك بوعبدالله ويحفظ ذريتك يااخوي ..

ترى غرف البنات في بيت اهاليهم ماتتغير ..
باجر يجونك في الويكند مع عيالهم ( نفسي في بيت هلي ) :oops:
الصبيان يطلعون لكن البنات يطلعون ويرجعون .. فمكانهم محفوظ ..

واظنك ماقصرت في البيت اللي بتبنيه على خير ..

[معماري قطري]

ويحفظك بوعبدالله ويحفظ ذريتك يااخوي ..

ترى غرف البنات في بيت اهاليهم ماتتغير ..
باجر يجونك في الويكند مع عيالهم ( نفسي في بيت هلي ) :oops:
الصبيان يطلعون لكن البنات يطلعون ويرجعون .. فمكانهم محفوظ ..

واظنك ماقصرت في البيت اللي بتبنيه على خير ..

شكراً إختي على المتابعة وعلى الكلام الطيب .. الفترة الجاية بسوي فيديوهات يوتيوب تصوير للتصميم ومناقشة جوانبه لبيتي وللي يرغب وبإذن الله بتابع في الموقع بفيديوهات ثانية للعمل على الطبيعة بس أشوف طريقة تصوير احترافية

[معماري قطري]

انا شبهت على 10 أعرفهم من ذاك الوقت


https://www.youtube.com/watch?v=VO_1AdYRGW8

[معماري قطري]

سويت نفس الطريقة في بيتي بس مب لكل مطبخ



https://www.youtube.com/watch?v=zqhmnaN7W9U

[معماري قطري]

كثافته حول نص كثافة الماء من هشكل يطفو عليه



https://www.youtube.com/watch?v=_CZvUeDgQq0

[معماري قطري]

https://www.youtube.com/watch?v=WwGzU1iFC_Q

[معماري قطري]

https://www.youtube.com/watch?v=6xdKdKlErZU

[معماري قطري]

مع إن الطريقة ارتجالية والخرسانة مليانة ماي ومب متجانسة وتصب على دفعات لكن أتوقع تؤدي الغرض ورخيصة




https://www.youtube.com/watch?v=GHKQF4KSkjw

[معماري قطري]

https://www.youtube.com/watch?v=Z5f44XfkiY8

[معماري قطري]

https://www.youtube.com/watch?v=GeP_krKHcBw

[معماري قطري]

https://www.youtube.com/watch?v=HK9hPLb3XX4

[معماري قطري]

https://www.youtube.com/watch?v=QnJA4zJyE3I

[سعود.]

https://www.youtube.com/watch?v=QnJA4zJyE3I


درابزين الدرج عالمي بسيط وانيق جدا وماشي مع الي حوله

[معماري قطري]

https://www.youtube.com/watch?v=U3AZj3c7-EA

[معماري قطري]

درابزين الدرج عالمي بسيط وانيق جدا وماشي مع الي حوله

صحيح والتكلفة بسيطة مقارنة بشغل الحديد المشغول

[معماري قطري]

https://www.youtube.com/watch?v=U3AZj3c7-EA

الطابوق هذا اللي في صورة الفيديو كله جسور حرارية ما ادري شلون يحاولون يقنعون الناس انه زين .. هو تكلم عن العزل المستمر من فوق لتحت بس ما فهمت ليش حاطين هذا في الصورة وليش ما يقولون انه سيء ويتكلمون بصراحة .. حتى عندنا في كل الخرايط يحطونه إنه الحل المثالي

[معماري قطري]

هذا مسوي باربيكيو وآخرتها شوى كراعين أسد .. يبي حق وحدة تسوي في بيتها العامر في الخور


https://www.youtube.com/watch?v=BhxVa299TtI

[معماري قطري]

https://www.youtube.com/watch?v=S6mUFrXexAk

[معماري قطري]

https://www.youtube.com/watch?v=GdUqNi9Gg_o

[معماري قطري]

https://www.youtube.com/watch?v=wlBatpffHog

[سالم الزهران]

صباح الخير
امس دشيت مبنى جديد كله مكاتب ومكلف وايد وكنت شايل هم مواقف السيارات لكن بعدما دخلت واكتشفت قلة الحمامات ونتم بالكرامة، قلت للموظف اللي كان معنا المسؤول عن المكان، قل للمصمم ابو زيد يقول انك مب كفو تصمم ونا والله مقتنع بكلامي.

اذا شغل الموظف كله تمشية حال وتحصل المهندس يمشي ورى كلام مدير ممكن ما يفهم، ولو قست الشغلة هذي على قطاع الصحة وكل واحد يسوي اللي يبغيه مسؤوله حتى لو غلط،. فعلى الدنيا السلام.

[معماري قطري]

صباح الخير
امس دشيت مبنى جديد كله مكاتب ومكلف وايد وكنت شايل هم مواقف السيارات لكن بعدما دخلت واكتشفت قلة الحمامات ونتم بالكرامة، قلت للموظف اللي كان معنا المسؤول عن المكان، قل للمصمم ابو زيد يقول انك مب كفو تصمم ونا والله مقتنع بكلامي.

اذا شغل الموظف كله تمشية حال وتحصل المهندس يمشي ورى كلام مدير ممكن ما يفهم، ولو قست الشغلة هذي على قطاع الصحة وكل واحد يسوي اللي يبغيه مسؤوله حتى لو غلط،. فعلى الدنيا السلام.

صباح الخير اخوي بو زيد

بعضهم ماشين على كود تصميم يقول للمكاتب نوفر حمام لكل 40 شخص .. وهذا غباء هندسي لو بامشي على كود كأنه قانون ما يتغير

[معماري قطري]

بس شفت مكاتبكم حلوة ما شاء الله شغل حديث ومرتب العصفورة طرشت لي الفيديو

[سالم الزهران]

صباح الخير اخوي بو زيد

بعضهم ماشين على كود تصميم يقول للمكاتب نوفر حمام لكل 40 شخص .. وهذا غباء هندسي لو بامشي على كود كأنه قانون ما يتغير

الزمن بيكشف قيمة كل عمل.
وكذلك سهولة استخدام اي مرفق اشوفها عنصر أساسي ما يصلح نهمل السهولة لأجل المناظر والديكورات.. النتيجة تبين في المستقبل

[سالم الزهران]

بس شفت مكاتبكم حلوة ما شاء الله شغل حديث ومرتب العصفورة طرشت لي الفيديو

الحين الدعايات كلها للمونديال وهديتم عصافيركم علينا بالأول

[معماري قطري]

الزمن بيكشف قيمة كل عمل.
وكذلك سهولة استخدام اي مرفق اشوفها عنصر أساسي ما يصلح نهمل السهولة لأجل المناظر والديكورات.. النتيجة تبين في المستقبل

صح والمستقبل القريب

[معماري قطري]

الحين الدعايات كلها للمونديال وهديتم عصافيركم علينا بالأول

كلامك صعب ما اعرف افسره بس أكيد تركيزنا على كاس العالم ألحين وإن شاء الله بعده تكون فيه استمرارية وشغل أفضل من الحاصل ألحين

[sara jsm]

بس شفت مكاتبكم حلوة ما شاء الله شغل حديث ومرتب العصفورة طرشت لي الفيديو

اي عصفورة !! على الكلام اللي فوق اتوقع غراب مطرش لك escape

[معماري قطري]

اي عصفورة !! على الكلام اللي فوق اتوقع غراب مطرش لك escape

كلهم طيور والغراب طير ذكي

[معماري قطري]

https://www.youtube.com/watch?v=P2yiFGFMzfs

[معماري قطري]

https://www.youtube.com/watch?v=jUyTblOu2U4

[معماري قطري]

https://www.youtube.com/watch?v=tfSHiZhW5LA

[معماري قطري]

https://www.youtube.com/watch?v=nRRZKZpbX0Y

[معماري قطري]

https://www.youtube.com/watch?v=UAUfo6KY1wg

[سعود.]

https://www.youtube.com/watch?v=P2yiFGFMzfs


خوش فيديو معلومات قيمة

[معماري قطري]

خوش فيديو معلومات قيمة

عندنا ممكن يختلف السعر وإختلاف كبير وممكن حسب سمك وعمق السقف يتغير الحساب وكذلك النوع

ممكن تسوي فلات سلاب وممكن تصير حق هذي المساحة وممكن صعبة .. ممكن هوردي بعدة أنواع ثانية هذا اللي سواه نظام شبيه للهوردي وشبيه للقليدي بأبيام كثيرة فيها عمق ما تقدر تطلق عليها أعصاب تعتبر جسور قوية وهذا النوع أكيد أقوى للتذبذبات وقت الجري أو القفز عليه .. وميزة الهولوكور حق تركيب دكتات التكييف والسقف سيدة وسهل يترتب بعدة طرق .. كل نظام له محاسن ومساويء .. بس خلنا نفترض الهودي كلف 1100 دينار والدينار تقريباً 13 ريال تطلع لنا 14300 ريال وصححوا لي لو قيمة الدينار الكويتي تغيرت وايد .. هذا حق 96 متر مربع والمتر المربع يطلع 148.95 ريال وايد أقل من ال 1200 اللي يدفعونا اياها مقاولي العظم وهذا يقول شامل المصنعية لأنه يجيبونه ويركبونه بالكرين .. ولو افترضنا شوية مصنعية فوقه بتكلف 50 ريال بيطلع ب 200 ريال

النوع الثاني اللي ممكن نطلق عليه جسور أولية وجسور ثانوية وصبية نفترض 1500 دينار كويتي = 19500 ريال وخل نقول 20000 بدون النجارة وممكن يوصل لل 30000 لو بالغنا على هذي المساحة 312.5 ريال للمتر بعد بعيدة وايد عن ال 1200 اللي غالبية المقاولين معتمدينها .. هذا دليل إن اللي يبني بروحه بيوفر وايد بس يكون منتبه للحسابات صح .. وإحنا خذنا نوع صعب من الخرسانات

أكيد مكان الحوائط تحتلف حسبته وتكون بالمتر الطولي حسب الجسر تحت + الجسر فوق + عدد الطابوقات حسب ارتفاع الحايط .. حايط 5 متر يحتاج جسر وسطي خل نقول 40 سم عمقه وبهشكل يطلع لنا المتر الطولي فيه طابوقتين ونص ضرب الإرتفاع بالمتر ضرب 5 لأن كل متر فيه 5 صفوف ناقص الجسور الساقطة .. يعني فرضاً 5 متر ارتفاع بنزل منها جسر علوي 40 سم وعندنا جسر وسطي 40 سم بعد والجسر التحتي يكون في الأرض ما يؤثر في حسبة الطابوق فوق الأرض بيطلع 5 متر في 5صفوف طابوق في 2.5 طابوقة لكل صف = 62.5 ناقص صفين طابوق للجسر 40 سم وناقص صفين ثانيين بمجموع 10 طابوقات = 52.5 طابوقة .. عاد المقاول يحسب تكلفتها ويحسب تكلفة بناءها ويحسب شوية تالف ويحسب الجسور كم تكلف وتطلع لك تكلفة تقريبية للمتر الطولي حائط داخلي بنيان بدون بلاستر وبدون تمديدات ذيك بعد قصة ثانية

زين الحايط الخارجي وشمواصفاته بتسويه دبل وعازل في الوسط هذا له حسبة بعد طولية حسب مواصفاته ولكل دور بنفسه وممكن نحسبه لكل الأدوار مع بعض كطول شامل بس بيجينا حايط السقف يختلف وما فيه عازل وممكن طابوقة وحدة ينحسب غير

[معماري قطري]

حد يعرف الطيرمانة وشي؟

أتوقع الغرفة السقفية العالية


https://www.youtube.com/watch?v=Qhf6Iq9AEEU

[سالم الزهران]

مسا الخير بو عبد الله، ما تعرف الطيرمانة لانك مب راعي قااات.. اسأل بو نفس :)

[sara jsm]

الله والذووق .. :) هذا يبي له اثاث سادة ..

[معماري قطري]

المفروض الاستشاريين يحددون هذي المواصفات للشغل بدقة ويتابعون تنفيذها


https://www.youtube.com/watch?v=jM7WSQxpIhQ

[معماري قطري]

هذا الفيديو حطيته قبل بس مهم نعرف كيفية تركيب الشبك الفيبر وكذلك المعدني اللي ينضرب بمسامير ستانلس ستيل تدخل في عمق الطابوق والخرسانة والمونة تعبيه بعد مثل الشبك الفيبر



https://www.youtube.com/watch?v=aRPtaOlo-Hg

[معماري قطري]

مسا الخير بو عبد الله، ما تعرف الطيرمانة لانك مب راعي قااات.. اسأل بو نفس :)

مشكور الحين فهمت يخزنون ( يعلجون ) ويطيرون فوق السحاب

[معماري قطري]

الله والذووق .. :) هذا يبي له اثاث سادة ..

فنون بناء وتصميم مب شرط اللي نحبه هم يحبونه

[معماري قطري]

هذا المهندس إجتهاده ما شاء الله ممتاز الله ياجره .. دوم يتحفنا بمعلومات ما فكرنا فيها .. كنت عارف تأثير الرطوبة بس ما توقعت إن صلاحية الاسمنت تضعف بهالسرعة


https://www.youtube.com/watch?v=rsPcTQpqQFY

[معماري قطري]

سكنت مرة في شقة كانت فيها نفس الفكرة بأبواب ألمنيوم وفيها الغسالة والنشافة بس كانت المساحة كثير أصغر وفيها كذلك شبك للتخزين مثل الرف وفيها فوق معلق سخان المياه المركزي محمي ومخفي


https://www.youtube.com/watch?v=9xoplASknVg

[معماري قطري]

حل معقول بس لو استخدموا فوم رش ( spray ) بيكون مناسب لوصل الفوم الوسطي ببعضه .. من يتذكر كم مرة حذرت من الطابوق القديم اللي وسطه عازل واللي يستخدم عندنا وغالي من 3.5 ريال للطابوقة ل 5 ريالات .. ألحين انتبهوا له ومنعوه هناك بعد ما جاء هذا البديل المحسن لا وسعره صدمة الطابوقة الوحدة 1.25 ريال

طبعاً وصلنا لجدار مبني والمهندس ما سئل عن الجسور والأعمدة كيف يتم عزلها بس أتوقع ضروري ومهم حتى السيستم يكون كله عازل جيد والا بتكون عندنا جسور حرارية كبيرة .. وطريقة عزلها من الخارج بطبقة فوم 5 سم أقل شيء وعليها شبك بلاستر وبلاستر


https://www.youtube.com/watch?v=stATU4X794M

[معماري قطري]

صناعة مصرية عجيب تابعوه


https://www.youtube.com/watch?v=BaivW3w-0oM

[معماري قطري]

https://www.youtube.com/watch?v=w4HmK4JCN2U

[معماري قطري]

هذي نتائج قوانين التخطيط المرنة استفادة قصوى من الأرض



https://www.youtube.com/watch?v=V9wiDMKJ3C8

[سالم الزهران]

عجبني شغل الصالة اللي اطلالتها بارده في كسر البيت وقدامها نباتات حلوه.. الله يوفق المسلمين

[معماري قطري]

https://www.youtube.com/watch?v=f_4k8Oj5w-g

[معماري قطري]

عجبني شغل الصالة اللي اطلالتها بارده في كسر البيت وقدامها نباتات حلوه.. الله يوفق المسلمين

قوانين التخطيط عندنا معقدة ما تسمح .. تصدق وصلني إن درايش بيت الدرج لازم تكون 1.8 متر مرتفعة عن عتبات الدرج جتى ما يطل الجار على جاره وهذا تعقيد كبير وبعض البيوت درجها غير مطل أو جهة أحد الأبناء والناس في بيوتها ساترتها الجدران شهالتفكير

وتصدق يقال غير مسموح تسوي درايش ارتفاع كامل أقل ارتفاع 90 سم من أرضية الغرف والسبب يعني خايفين على عيالك يالمالك وغير وغير من تعقيدات

[sara jsm]

قوانين التخطيط عندنا معقدة ما تسمح .. تصدق وصلني إن درايش بيت الدرج لازم تكون 1.8 متر مرتفعة عن عتبات الدرج جتى ما يطل الجار على جاره وهذا تعقيد كبير وبعض البيوت درجها غير مطل أو جهة أحد الأبناء والناس في بيوتها ساترتها الجدران شهالتفكير

وتصدق يقال غير مسموح تسوي درايش ارتفاع كامل أقل ارتفاع 90 سم من أرضية الغرف والسبب يعني خايفين على عيالك يالمالك وغير وغير من تعقيدات

هذي كلها تفرق من بلديه للثانيه :)
انت بيتك اللي بتبنيه تبع اي بلديه ؟

[معماري قطري]

https://www.youtube.com/watch?v=XOa2AA1Eev4

[معماري قطري]

هذي كلها تفرق من بلديه للثانيه :)
انت بيتك اللي بتبنيه تبع اي بلديه ؟


الريان باروح لهم لابس أحمر وأسود وباغير لهجتي من خيلي خوب لين لهجتهم

[sara jsm]

الريان باروح لهم لابس أحمر وأسود وباغير لهجتي من خيلي خوب لين لهجتهم

هههههههههههههههههه
البس ثوب وترمبه وميل عقالك وحط شال نادي الريان ..
بيضبطونك على طوول .. ههههههههههه