مراجعة التصاميم المعمارية وابداء الملاحظات عليها (محدث)

[معماري قطري]

مفكر أبواب الحمامات أخليها يو بي في سي بدون فريم وأكتفي بحديد حماية للزوايا ستانلس ستيل وفتحة التهوئة بتكون من خلال غرف الملابس ينسحب الهواء من الحمامات الاثنين عن طريق الفتحات ذي ويتعوض من غرف الملابس وهذي لازم لها فتحة ثانية يدخل منها الهواء للغرفة والغرفة لها بايب إمداد هواء نقي من الحديقة الداخلية

[معماري قطري]

فكرة الخزانين المفصولين وبينهم بايب ممكن اغلاقه واستخدام أحد الخزانين لو تعطل واحد أو إحتجنا نغسله فكرة جيدة باطبقها وهذا مكانهم قرب الباب للدنكر ولإشراف السايق قرب غرفته كذلك

https://i.imgur.com/BDADa4P.png

صورة أوضح لجلسة الحديقة .. المستطيلات البارزة بتكون كتل خرسانية ملبسة بحجر أو بازلت وفيها إضاءة تنور جوانبها وتنور الممرات وبتكون مستمرة لبقية أجزاء الحديقة للمشي وللعناية بالحديقة وكمنظر

https://i.imgur.com/4td51c8.png

بنتي حبت تكبر الحمام اللي في الغرفة اليمنى هنا واضافة جكوزي سويت له إمتداد متر وسكايلايت هرمي .. ما ادري أي شكل أحلى وشكلي لازم أوحد البروزين وإحتمال أكرر الحركة لباقي دورات المياه .. النور الطبيعي حلو وحلو يجي من فوق الشمس طول اليوم تسطع في الداخل .. شرايكم؟

https://i.imgur.com/PGZwfiu.png

https://i.imgur.com/82FwzuQ.png

إشتغلت على سالفة الخط العربي في قوس الدوار

https://i.imgur.com/s8bG4iq.png

ما يبين عدل والكتابة بتكون منقوشة ومحفورة أما على جبس أو على قطع ستانلس ستيل والإنارة داخل في التجويف

وهذا مثال مقرب أكثر بس أكيد الكتابة بتكون متواصلة وجاية بالعرض .. مفكر في آية الكرسي أو سورة التوحيد .. الطول 15 متر والإرتفاع 40 سم وممكن أزيده

https://i.imgur.com/2k0XQpJ.png

https://i.imgur.com/09JRDZQ.png

هذا بيكون توزيع دورة المياه بعد التوسعة .. البانيو أقرب شيء لمكان التصوير يبين جزء منه وبينه وبين منطقة المغسلة والكرسي حاجز زجاجي والشور

https://i.imgur.com/prk2583.png

[sara jsm]

معماري كم تتوقع نسبه التوافق بين المخطط اللي انت مسويه والتنفيذ ؟
ممكن يكون 100% ؟

[معماري قطري]

معماري كم تتوقع نسبه التوافق بين المخطط اللي انت مسويه والتنفيذ ؟
ممكن يكون 100% ؟

سبحان الله أمس أفكر في مشكلة الخط العربي وشلون باسويه ولو فيه حد بيقوم بالمهمة وكم بيكلفني .. شكلي باتعرض للإبتزاز

إحتمال التغيير طفيف كلش لكن الأساسيات لازم يتم تطبيقها مثل ما هي .. خلي نقول حول 98% .. فكرت فكر شيطاني في إضافة بيسمنت تحت المجلس غرف بيكفي لغرفتين ومكتب وخدماتهم بس بتكون عندي هشكل مساحات ممكن ما تستخدم ولا لي حاجة بها ويمكن حاجتها مستقبلية

مثل القوس اللي في الدوار هذا لو صارت صعوبات في الخط العربي ما لي الا البسه حجر خشن وببروزات وإنارة من تحت تنعكس عليه وأشجار متسلقة تنزل من أعلاه وتكون نابتة في الخلف

لكل شيء بدائل واللي مخطط له كله بسيط وبنيان سهل خطوط مستقيمة .. محتاج عيالي يكونون جاهزين وموجودين حتى هم يتابعون واحد ممكن يتخرج قريب خلال سنة وواحد عنده دورة عسكرية 9 شهور ومساعدتي الخاصة المهندسة عندها دورات دراسية بعد محد الا انا هالسنة والااستشاري

من جهة ثانية البنيان ألحين صعب والمقاولين معروفين قبل العقد كل شيء سهل وقادرين عليه بعد العقد كل شيء صعب .. أشوف بعد ومع نهاية 2022 البداية بتكون أفضل

[sara jsm]

الخط اذا بتسويه ذهبي اصبغ البيت كامل اسود :taunt:
:
يااخي لاتسوي غرف انت مش محتاجها .. اهم شي تسوي مكان واسع ..
العدد مش مهم كثر المساحة المريحة ..
انا لو يرجع فيني الزمن وكان الشور عندي كنت غيرت واااايد مساحات بالبيت ..
ووسعت غرفه الخدم ودمجت الصالات ووسعت المجلس الخارجي .. لكن خلاص الحين مافي حل ..
لين ماابيع البيت عليك وعقب ابني من جديد :unsure:

[معماري قطري]

الذهبي يمشي مع الأبيض بعد ومع ألوان كثيرة .. لا نيتي أسويه محفور وفي الداخل إنارة بس شكلي باغير الفكرة لجدار حجري وعليه الزراعة وممكن قطعة مخطوطة على حجر أملس تنعكس عليها إنارة مخفية .. أو رخام .. الرسم اليدوي أكيد بيكون أسهل للخطاط وزين النقاش والفكر بصوت عالي

بخصوص المساحات صحيح رتبتها قد ما اقدر صح .. ركزت إن الغرف كلها تكون فيها غرفة ملابس كبيرة كافية للتخزين وبباب ينقفل .. الشراحة مهمة والنور الطبيعي والنوافذ هذي كلها درستها عدل والعزل للجدران .. العناصر التجميلية بسيطة وموحدة وبيكون البرسلان مادة الأرضية وحدة للدورين قد ما أقدر والغرف فرش سجاد مع أندرلي الا لو حد له رغبة في باركيه أو بورسلان كيفه

البورسلان بيكون رخامي قطع كبيرة وأبيض بعروق خفيفة .. الجدران خارجي وداخلي اللون الأبيض الناصع بدون سوالف زايدة والجبس بدون كرانيش مودرن .. عجبتني فكرة الإضاءة بأشرطة الال اي دي وهذي حلوة حتى تكون خطوط عرضية أو طولية في الحائط في البلاستر داخلة ومكشوفة مب مخفية تنور المكان نور هاديء مع إنارة السبوتات القوية وقت الحاجة ومع أي إنارة مخفية وبألوان متغيرة ( مزاجية ) .. حبيت فكرة البيت الذكي وبالآيفون تتحكم في الإضاءة والتكييف .. ريموتك كله في يدك

التغيير ضروري وسنة الحياة وشوي بدوا الأهل والعيال يتابعون معاي ويبدون يقترحون وأي حد من المتابعين يحتاج شيء انا حاضر حتى لو التصميم كامل ولو يبغي جزء معين على أرضه باطبقه له ولو قدرت حتى ثري دي وحسب وقتي ومقدرتي

هاليومين سويت بعض الصور باستعرضها

هذي صورة لداخل التجويف ( الحديقة الداخلية ) جهة الصالة السفلية .. ما كملت الجدران يمين ولا حول الدرج بس غالبية المكان زجاج بيكون ويبين منه مكان الحديقة

https://i.imgur.com/BkS8c68.png

https://i.imgur.com/jL2HBL4.png

هنا قبل لا اشيل الشجرة

https://i.imgur.com/rjjnRKg.png

هذي الصورة من أعلى حائط الشلال وتبين قزازة الشلال اللي ينزل الماي منها .. يسار بتكون بلكونة غرفة نوم مطلة على الحديقة في الأول وفي الارضي وبيكون باب زجاجي ما وضحته هنا والبلكونة أكيد بيكون لها درابزين ناعم .. جدام فوق يبين قزاز الصالة المطلة على الحديقة وبأبواب عادية اثنين ينفتحون للخارج على البلكونة .. هذي ممكن تكون مفتوحة كل الوقت وتغلق حسب الرغبة .. يمين بتكون نفس الغرفة اليسار تقريباً بس بتغييرات داخلية لكن عندنا بلكونة وواجهة زجاجية داخلية .. وتحت عندنا المطبخ بواجهة زجاجية وجدامه هذي الطاولة الموضحة لتناول الطعام في الحديقة .. هذا القسم الأيمن فيه بيكون جزء البنتهاوس وغرفة فوق بعد مطلة على تجويف الحديقة بس بدريشة بدون بلكونة .. يسار فوق الغرفة الفوقية بتكون عندنا واجهة زجاجية مطلة على السطح وتدخل منها شمس الصبح مواجهة شرق وباسوي لها صورة وقت الصبح هذي في الساعة 12 ونص الظهر هذي الأيام

https://i.imgur.com/tSLLirw.png

https://i.imgur.com/RIBJMNG.png

يسار تبين إنارة مراية الحمام اللي اشتغلت في توزيعه قبل

https://i.imgur.com/r0jIR5U.png

الشمس بتجي على هذي الغرفتين من بعد الظهر لين العصر تقريباً والزراعة بتكون في اصيصات في البلكونة وتحت زراعة طبيعية في تربة زراعية يمر من وسطها جدول الماء وبيكون ترتيبها أكيد غير عن اللي في الصورة

https://i.imgur.com/4lJWFQD.png

الجوانب اليمين واليسار لمكان التصوير ما بتكون حوائط مصمتة بتكون فيها درايش ما وضحتها للحين

https://i.imgur.com/KQdHJ8S.png

https://i.imgur.com/TNu88le.png

صورة علوية للمنطقة اللي كنا داخلها توضح البنتهاوس والغرف المطلة من فوق مع توزيع الأثاث .. طبعاً ما يبين مكان الدرايش هنا بسبب إن التصوير من فوق يبين الجسر العلوي فوق الدرايش

https://i.imgur.com/pjWQk0r.png

البنتهاوس كامل وتوزيعه .. حول 140 متر مساحة إضافية تفيد لأي استعمال

https://i.imgur.com/wZYxGHP.png

تكبير لبيت الدرج والمصعد .. على جنب فوق الدرج مساحة ضيقة حق مخزن صغير

https://i.imgur.com/WHHGMs0.png

من فوق توضح الحديقة وموقف السيارات

https://i.imgur.com/bCqhI2q.png

هنا توضيح لباقي الحديقة .. في الزاوية اليسرى تحت بيكون مكان عريش وتظليل لحضائر الأغنام والدجاج وممكن أتخلى عن البيت الزراعي المحمي أو أسوي صغير حتى تكون عندي كثافة أشجار

https://i.imgur.com/90zyywr.png

منطقة المجلس وحوض السباحة

https://i.imgur.com/Q56Gawl.png

صورة علوية لغالبية البيت

https://i.imgur.com/v8FoGHM.png

https://i.imgur.com/zwTUc82.png

[sara jsm]

ماشاالله ربي يبارك لك .. صج دخل بخاطري اشوفه عالواقع :app2:

[معماري قطري]

ماشاالله ربي يبارك لك .. صج دخل بخاطري اشوفه عالواقع :app2:

الله يعين وييسر خصوصاً التخطيط ممكن يقولون الملحق ماخذ جزء كبير من الحائط عندهم أظن قانون ال 60% وفي هالحال باضطر ألغي خدمات حوض السباحة واسويها بعدين .. ما ادري ليش يحدون الناس يخالفون

ألحين التغريدة اللي طالبين منها المواطنين يسجلون طلب استضافة مشجعين لكاس العالم في بيوتهم .. كانت جدامهم سنين يعدلون وضع البيوت الكبيرة المقسمة بتقسم قانوني وعداد لكل قسم ويسمحون للي بيته يسمح ومحتاج بتأجير ملحق والا مجلس ما يستعمله حتى لغرض تجاري كصيدلية أو صالون أو خباز أو مما تحتاجه المناطق السكنية ويخدمها

كانوا يقدرون يعدلون قوانين التخطيط لدور ثالث كامل ليش جرعات نسب شخسرانين وحتى فوقه بنت هاوس بنص المساحة .. وكانوا يقدرون يسمحون باضافة درج خارجي يكون مغلق يضمن خصوصية الجار ويرتفع للبنتهاوس حتى الناس تقدر تأجر وتهيء بيوتها لهذا الشيء .. أُمور سهلة تحتاج تفكير عميق وتقديم مصلحة الكل بشكل طيب على مصلحة القلة

بدال ما نكون نبني دول ثانية نعمر بلادنا صح أفضل بعدين نفكر في الخارج اللي مستحيل يفكر فينا لو كنا محتاجين

[معماري قطري]

سويت دراسة للظلال حسب الوقت والنور اللي يدخل الحديقة الداخلية

هذا في هذي الأيام وقت العصر .. وأتوقع دقة البرنامج واقعية وقريبة للطبيعة من حول 20 سنة سويت نفس الشيء لمظلة للمشاهدين وكانت فيه حرية لتوجيهها بالإحداثيات وإمتدادها ضروري يغطي الشمس في وقت معين ويسمح بنفس الوقت برؤية السماء بزاوية معينة والحمد لله التشبيه نجح ذاك الوقت

https://i.imgur.com/j8YxJ2i.png

هذي في شهر 1 يوم 3 الساعة 8 الصبح بس الظاهر وقت الشتاء يدخل تأثير الغيم

https://i.imgur.com/g0wTtlJ.png

يبين من الصورة زاوية النور تكون منورة واجهة البيت اللي تجي تحت .. وقت الصيف جايين له تكون الزاوية شمالية شرقية

نفس التاريخ الساعة 1 الظهر وما اعتقد النور ما يدخل داخل

https://i.imgur.com/HpceU0g.png

الساعة 4 و44 العصر يوم 7 شهر 7 يختلف الظلال قبل الغروب

https://i.imgur.com/R64UaW2.png

الساعة 2 ونص 7 / 7 النور بيكون أكثر داخل لأن فيه درايش في الجزء الممتد ما وضحتهم الحين حوائط مسكرة

https://i.imgur.com/ruEe6Qw.png

الساعة 5 و 55 الصبح يوم 7/7 إشراقة الشمس على الجزء الخلفي من البيت ( الشمالي ) والشرقي .. عكس الشتاء تكون على الجزء الأمامي جنوب شرق .. لاحظت البيت على شارع لاف مب موجه سيدة شمال شوي منحرف جهة الغرب وهذا ينفع مع التوجيه هذا .. شوي بيكون تأثير الشمس على الطبيلة الصغيرة وقت الصيف أول الصبح الثانية الكبيرة وقت الشتاء بعد أول الصبح

https://i.imgur.com/1G2TEjm.png

الساعة 6 و 45 تاريخ 7 7 الشمس تنور جهة المطبخ الداخلي وتنور تقريباً كامل حوض السباحة

https://i.imgur.com/SR9Q1ek.png

نفس التاريخ 8 وربع الصبح الشمس تبتعد عن السطوع على دريشة المطبخ الداخلي بس بتكون منورة التجويف النور معروف كيف ينتشر حتى لو من فتحة صغيرة

https://i.imgur.com/VqYgcdd.png

نفس التاريخ الساعة 9 الصبح الشمس تبدأ تدخل عدل من فوق وتنور البلكونة اليسرى

https://i.imgur.com/PxuX4zg.png

الساعة 10 و 45 الشمس تنتشر أكثر بصورة مباشرة وبتوصل من فوق لباب المطبخ الزجاجي اللي ما يبين تحت البلكونة اليسرى

https://i.imgur.com/eKFvSSj.png

هذي ما ادري أي وقت بس شكلها عز الظهر

https://i.imgur.com/410yA4i.png

هذي 11 ونص في 19 / 9 تبين الشمس مايلة جهة الجنوب أكثر عكس شهر 7 عمودية أكثر .. فيه حل لو أبغي انتشار أكبر للشمس وسطوع على الشجر هو أخلي الجدران الداخلية صبغ أبيض عاكس أو أستخدم أي سطوح عاكسة .. شكلي باتجه للصبغ العاكس وخاطري في الحجر للجزء الأسفل

https://i.imgur.com/bSmSHni.png

[معماري قطري]

توضيح للبيسمنت الخدمي .. بيكون عمق الأساسات مختلف اللي داخلة في حيز البيسمنت تحت 2.2 متر .. يعني إرتفاع سقف البيسمنت بيكون على الأقل مترين ويمكن يزيد شوي لأن هذا من مستوى الصفر اللي هو مستوى الشارع ومستوى أرضية البيت 70 سم فوق مستوى الصفر ننقص منها سمك الأرضية حول 20 - 30 سم + أي جسر نازل وباحاول مع المهندس الإنشائي ما تكون فيه جسور نازلة .. حتى يكون تثبيت البايبات مالت الصرف الصحي في سقف البيسمنت وكذلك بايبات تغذية المياه .. بايبات التكييف بعد ممكن كل التكييف يكون تحت حسب تصميم التكييف لسهولة الصيانة وحماية الوحدات

باسوي فتحة يدخل منها الهواء للتهوئة موضحة بالجدار الطالع فوق مستوى الأرض للحماية من السقوط داخل وبيكون فوقه شبك حديد قوي يمنع دخول أي شخص بقصد .. البايبات الموضحة كخطوط هذي بتكون معلقة في السقف هنا بس ناقل المخطط الأرضي حتى أقيس عليه .. تأسيس جدران الحديقة الداخلية وضحته لحماية الأساسات من الجذور والمياه والحفر لهذي المنطقة 1.5 متر بس لملئها بتربة زراعية

https://i.imgur.com/jUlQ00O.png

بتكون فيه فتحات لخروج الهواء بمراوح شفط كبيرة وحدة جهة الستور فوق على اليسار ووحدة وضحت الفتحة لها قرب الدرج النازل من الحوش

هذا هو التوزيع من فوق .. الأعمدة بتكون 22 عمود نسيت أوضح إثنين في الطرف اليسار ومساحة البيسمنت 200 متر بس وبدون تشطيب بس ضروري أعزل السقف بعازل حراري حتى أرضية الدور الأرضي ما تنقل الحرارة أو البرودة من البيسمنت اللي شبه مفتوح

https://i.imgur.com/EEsR3Bn.png

[معماري قطري]

الدرج الخارجي عرضه مترين والباب الحديد بعد مترين حتى يكفي لتدخيل توانكي الماي وأي عدة كبيرة ولا أعتقد فيه شيء أكبر من تانكي الماي .. بيكونون التوانكي 2 في كل جهة حتى لو تعطل واحد الثاني شغال والا وقت الغسيل والبرشر يوصل الماي لكل البيت والملحق والمجلس وحوض السباحة البوابة وغرفة السايق بتكون غير إحتمال وإحتمال أشبكهم كلهم مع اللي تحت البيت

[سالم الزهران]

وفقك الله يبو عبدالله، يبين انك سويت تعديلات ولازلت مهيأ تعدل.. ان شاء الله ربي يتمم لك بالخير

[معماري قطري]

وفقك الله يبو عبدالله، يبين انك سويت تعديلات ولازلت مهيأ تعدل.. ان شاء الله ربي يتمم لك بالخير

الله يوفق الجميع .. ما سويت تعديلات يمكن الشيء الوحيد اللي فكرت فيه هو فتح منور وتهوئة جهة المخزن ولي فترة مفكر فيه بس ضروري أحطه في الرسم .. انت شكلك ما قدرت تترجم المخطط الأرضي اللي عرضته قبل للبيسمنت للثري دي

أكيد تذكر هذا المخطط .. المخزن فوق يسار يشتغل الحيز بالضبط تحت المطبخ في الدور الأرضي .. الدائرة هي مكان الجلسة الدائرية النازلة وحولها دفان مدكوك وأرضية الزراعة كاتب تنحفر مترين هذي عدلتها لمتر ونص .. في النهاية كل الموقع المحدد بينحفر متر ونص للأساسات بس مكان البيسنت بيزيد الحفر حول 80 سم للتأسيس يكون شوي أنزل وأرضية البيسمنت تعالج بعمل بايبات تصريف المياه الجوفية والمطر إن وجدت والا استجدت يعني بينعمل التصريف إحتياط وفوقه بتطون طبقة كنكري والتأسيس بيكون غير الأساسات اللي شايلة الأعمدة صبية أرضية عادية خفيفة بدون حديد بفايبر بس .. طبقة الكنكري بتستمر جنب الجدران حتى الجدران بتكون طابوق مليان خرسانة إحتمال هذا البيسمنت يطلع أرخص بيسمنت في قطر

التعديل اللي أفكر فيه بايبات تصريف المطر بتكون نازلة في الجزء الخارجي للجدار جهة اليمين واليسار ممكن ثلاثة كل صوب وبتلتقي مع بايب شوي أعرض 15 سم مار تحت الأرض وهذا رايح لخزان في الحديقة .. الفكرة حتى ما اسوي خزانات ماي تكييف تحت أشبك بايبات تصريف التكييف مع البايب العريض اللي بينقل الماي لتوانكي تخزين مدفونة في الحديقة .. خلاص قررت الحديقة اللي جاية تحت الدوار وبالطول ووراء القوس هذي تكون أشجار زينة غير مثمرة والداخلية واللي جنب المواقف الكبيرة واللي صوب حوض السباحة هذي تسقى بماي عادي نظيف .. ذيك بعادي مع مياه التكييف والمطر

https://i.imgur.com/kG7lus2.png

أظن الصورة واضحة ومكتوب عليها بعض الملاحظات انا بصعوبة أقرا الخط الصغير وانتوا أتوقع واضح لكم

[معماري قطري]

هذي صورة مكبرة للجزء اليمين اللي هو تحت الغرفة التحتية وفوقها تجي الغرفة الرئيسية وغرفة ثانية + عندك المجلس قريب بيكون فيه بايب ممدد تحت الأرض وداخله بايب التغذية ممكن ينسحب أي وقت لو تعطل ويتبدل بسهولة .. انا موضح تانكي ما ادري يبين أو لا بس باحط إثنين متصلين ببعض لتخزين مياه أكثر ومنه بعد بالبرشر يروح لغرفة السايق .. التمديدات هذي كلها تكون مع التأسيس والحفر للزراعة وكل هالشغل لو ما تخطط له صح ونسيت تنفيذ شيء ونسيت إضافته في المخططات لازم بتتعب وبتروح لحلول ثانية ممكن مشوهة للمنظر والا تطلع عليك أغلى من لو عملتها من البداية

عندي الغرفة الثانية في ارض ولدي ذيك بنطلب لها رخصة تحويط وبوابة ومعاها يعطون كهرباء للبوابة وللسور وخط ماي

https://i.imgur.com/P6jYmud.png

التكييف بيكون نوع الفي آر في مكينة وحدة تحت بتكون على قاعدة مرتفعة ومنها بايبات لكل مكان فيه وحدة داخلية وتصميم التكييف أكيد بيجي عن طريق مختص انا بافرض النوع اللي أفضله بس

[معماري قطري]

صورة لرؤية الطائر نهارية بس هنا كنت أجرب الإضاءة الملونة والحمد لله تعلمت أسويها والموضوع سهل تجريب بدون مصدر خارجي وأحلى شيء لو جربت ونجحت العملية

هذا الساعة 2 بعد الظهر تبين الإنارة خفيفة على كسرات سقف المجلس اللي جهة الظل باللون الأزرق

https://i.imgur.com/IVsPu7f.png

هنا شوي أوضح والوقت يمكن الساعة 4 أو 5

https://i.imgur.com/0QU68dZ.png

هذا بتكبير مع الليتات الصغيرة تحت الكسرات المرفعة ( الزوايا )

https://i.imgur.com/iUjMz64.png

[معماري قطري]

أكيد فيه تفصيل للتركيب باوضحها برسم عادي وبيكون مخفي وبيكون فيه له مجرى ألمنيوم يثبت الشريط وأكيد الطبيعة بتكون غير

[معماري قطري]

يكلمني واحد اليوم وسألته عن بنيانه وكنت مار عليه من حول سنة ولاحظت قلة المونة بين الطابوق لدرجة إنهم صافين طابوق فوق بعض في الأخير بدون مونة كلش على إنه بيكون فوق الجبس ومب مهم .. المشكلة هناك ينشأ الشلخ ( Crack ) ويستمر في التحرك ويبين تحت .. فيه تناقض في الشغل .. الطابوق من أفضل وأغلى ما يكون من شركة ناصر بن خالد ومكان التمديدات الكهربية صابين خرسانة مب اسمنت عادي .. المهم بلغت المالك وبلغت صاحب الشركة وجاب المصري المهندس وحاججني بأنهم سووا بيوت وايد بنفس الطريقة وإنه خبرته تثبت إن لو كثر المونة تستوي شلوخ .. والمالك يوقع له تقول ساحره .. انا قلت أوقات إجراء غلط يؤدي لنتيجة صح بس مب معناها هذا صحيح وهذا يعتبر مغامرة لأن نسبة الخطورة وإن تستوي مشاكل عالية .. مثل اللي يعتمد على خبرته في القياس وموقع العمود بدون آلات دقيقة ويورط المالك في شغلة مزعجة كان ممكن يتفادها بسهولة وبإجراء صحيح .. نسبة إنه يطلع صح 5% بينما بالطريقة الصح والشغل المثالي النسبة ممكن توصل 95% وشبه مضمون الشغل والتوفيق أكيد بيد الله

المهم صار لي فترة أزعجت هذا وهو ولد ولد خالتي يعني انا في مكان إخو كبير له وتهمني مصلحته كما تهمني مصلحة صاحب الشركة وحتى المهندس اللي فيها يهمني يكون فاهم صح مب فاهم شعوذة وضربات حظ .. هو كسب جولة بالكلام وانا كسبت المباراة بالواقع

ألحين بعد البلاستر وانهاء الشغل رجعت طلعت شلوخ مرة ثانية .. قلت له قال لك المهندس ريحت الأرض صح قال ايه قال لي .. قلت له تعال معاه باراويكم بيتي 17 سنة ما ريحت الأرض والأرض نفس الأرض

أذكر هذي السالفة حتى الكل ينتبه شفايدة تبني بيت 3 ملايين وفوق وتطلع فيه مشاكل قبل لتسكنه تتفاداها بشوية جهد ويمكن ب 1000 ريال يحطها المقاول في شوية مونة زيادة وشغل نظيف

[سالم الزهران]

اتوقع مع هذا المهندس بيشوف صاحب البيت حلقة من برنامج ما خفي كان أعظم.

[معماري قطري]

اتوقع مع هذا المهندس بيشوف صاحب البيت حلقة من برنامج ما خفي كان أعظم.

صحيح إخوي سالم .. المشكلة ما يقتنع إنه غلطان ويدافع عن نفسه ولو ثبت العكس يبرر لك تبريرات ثانية مثل الأرض ريحت .. شدعوى الارض تعبانه من حمل من عليها

[معماري قطري]

من شوي يكلمني أحد زملاء العمل القدامى يقول إشتغل على تغيير بلاط الأرضيات في البيت واللي يركب بنغالي خذ له فترة 5 شهور شغل وتعب معاه وهو يتابع .. يقول حط رمل مغسول ودخل هوز ماي من برا وزاد الرمل ماي وركب البلاط فوق الرمل والمشكلة بعد ما خلص بفترة طلعت وتتزايد وهي الرطوبة على أسفل الجدران .. يقول بعض الأماكن انتفخت بعرض الإبهام وإخترب الصبغ وإضطر يجيب مواد صبغ خاصة ومكلفة

إقترحت عليه حل الدفايات يوجهها جهة الحوائط غرفة غرفة تنشف الرطوبة وبعدين يسوي معالجة لأن من ينشف الحائط يرجع يشفط رطوبة من تحت نفس الإسفنجة والعملية بتاخذ وقت حسب كمية المياه تحت .. وأكيد الحل مثل ما اقول دوم هو عمل سكريد برمل ناعم مغسول والا مب مغسول مب مهم المهم مخلوط باسمنت وفيبر لتقويته ضد التشقق وصبه كأساس تحت البلاط وانتظاره كم يوم لين يجف ثم التبليط عليه بلاصق خاص وحتى ممكن لاصق عازل للرطوبة حتى لو التبليط برخام أو أي مادة غير

[معماري قطري]

عندي جهاز كشف الرطوبة يعطيها على شكل نسبة وسهل الإستخدام بيساعده في التأكد من إنها قلت عن حد معين بعد فترة ولو رجعت بيكشفها وبيعيد تدفئة الحائط

[سالم الزهران]

صحيح إخوي سالم .. المشكلة ما يقتنع إنه غلطان ويدافع عن نفسه ولو ثبت العكس يبرر لك تبريرات ثانية مثل الأرض ريحت .. شدعوى الارض تعبانه من حمل من عليها

أخوَي وهو يبني زاد معه حديد، اقترح عليه المقاول يحطه في السقف.. سووها والحين تحس الشلوح اللي تطلع كلها تشير لثقل السقف لأن وضعها ما كان مدروس واظن الزيادة اخو النقصان كما قالوا في الأمثال

[معماري قطري]

أخوَي وهو يبني زاد معه حديد، اقترح عليه المقاول يحطه في السقف.. سووها والحين تحس الشلوح اللي تطلع كلها تشير لثقل السقف لأن وضعها ما كان مدروس واظن الزيادة اخو النقصان كما قالوا في الأمثال

كلام صحيح 100% وأوقات زيادة الحديد تتسبب في إنه ما يخلي مجال للخرسانة تغلفه ويصير الخليط متجانس وكل عنصر يؤدي شغله صح .. الخرسانة تتحمل الضغط والحديد يتحمل الشد

[معماري قطري]

صدرت 9505 رخصة بناء في قطر وتعتبر الأعلى خلال سنة وهذا يعني إن البنيان في أشده وغالي .. لحد يصدق إن التأخير يعني غلاء أكثر هذا الوقت هو وقت صعب لعدة أسباب منها كورونا وتأثيراته ومنها الغلاء في مواد البناء والأهم التشطيب وسلاسل النقل اللي للحين فيها ربكة مع سلاسل الإنتاج اللي ما يكفي العالم وبعض المصانع والمزارع في فترة استراحة وتوقف .. شيء أخير هو المشاريع الكبرى واستهلاكها للأيدي العاملة ومواد البناء وهذي كثير منها تمشي مشي السلحفاة

[SouthK]

صدرت 9505 رخصة بناء في قطر وتعتبر الأعلى خلال سنة وهذا يعني إن البنيان في أشده وغالي .. لحد يصدق إن التأخير يعني غلاء أكثر هذا الوقت هو وقت صعب لعدة أسباب منها كورونا وتأثيراته ومنها الغلاء في مواد البناء والأهم التشطيب وسلاسل النقل اللي للحين فيها ربكة مع سلاسل الإنتاج اللي ما يكفي العالم وبعض المصانع والمزارع في فترة استراحة وتوقف .. شيء أخير هو المشاريع الكبرى واستهلاكها للأيدي العاملة ومواد البناء وهذي كثير منها تمشي مشي السلحفاة

اختلف معاك!
الحديد لما يزيد سعره 100% مرة واحدة هذا وشو معناه؟؟ غلاء أو وشو؟
لما يزيد سعر كل شيء حولك هذا مب معناه غلاء؟؟
اللي بنى بيته قبل 10 سنوات ألحين مرتاح من جشع الشركات!

التخطيط تعيس!!!

[معماري قطري]

اختلف معاك!
الحديد لما يزيد سعره 100% مرة واحدة هذا وشو معناه؟؟ غلاء أو وشو؟
لما يزيد سعر كل شيء حولك هذا مب معناه غلاء؟؟
اللي بنى بيته قبل 10 سنوات ألحين مرتاح من جشع الشركات!

التخطيط تعيس!!!

هذا اللي أقوله إخوي ساوث كي .. ألحين المبررات للجشع وايد وكلها مقبولة صدقني 9505 مباني مب شيء بسيط وبعضها بنايات كبيرة .. حتى القوانين ضد المواطنين والمقاولين والتقاضي مسألة ثانية كلها تأخير وظلم وتعب وحتى خساير .. الصبر ممكن تنفرج الأمور والا المستعجل يبني عظم مع مقاول يشوف فيه الجودة وممكن يتفق لاحقاً على الباقي معاه

[معماري قطري]

شغال حالياً على تصميم ضخم 3600 متر مربع وشوي .. المشكلة مخلص الموافقات وتوني ملتقي راعيه وهو أحد زملاء الإعدادية وقلت له براجعه لك واشتغلت عليه فترة حول 3 أسابيع لين تبلورت عندي فكرة بعض التقسيمات والتعديلات البسيطة وصغرت شوي حول 400 متر مربع بس ما تأثر في التصميم العام وبتكون التكلفة لا تقل عن 10 مليون في تقديري .. الإستشاري عجبني في بعض الأُمور وما عجبني في بعضها مثل مسوي تظليل على المدخل مرتفع حتى يزيد مساحة سقف الدور الأول ويقدر يسوي بنتهاوس عبارة عن دور ثالث فعلياً لو بنشيل الليوان في الخلف والتظليل .. بالتقيه وبحاول آخذ موافقته في عرض التصميم وأتمنى أعرضه لفائدة الجميع

الشيء الثاني شغال حالياً على تسكير بلكونة جنب مكتبي وفكرة البلكونة غلط عندنا الا تكون داخلية ومحمية بسبب الغبار وعدم الإستفادة منها .. فكرت أسوي الأرضية عشب صناعي وأحط إصيصات زراعة خصوصاً تدخلها الشمس من أول الصبح وبعد ما تميل للمغرب .. مسوي حتى فتحة تصريف للماي

هذي بعض الصور للبلكونة وفيديو بعد قبل التعديل

https://i.imgur.com/y7asztP.jpg

من داخل والقزاز مغبر شوي كان بركة أشغال وحفرياتهم والدك اللي ما له معنى

https://i.imgur.com/eJlGNW0.jpg

البلكونة تطل على دوار فيه ست أشجار واشنطونيا وصل طولهم فوق العشر أمتار وهذي أقصرهم ما كربناهم من زمان ولازم اطلب لهم البلدية محد رضى يكربهم ما ادري شالقصة

https://i.imgur.com/sFB8TOt.jpg

السقف ممتد حول 3 متر والأرضية 2.5 متر

https://i.imgur.com/JlKFh7A.jpg

وهذا الفيديو مع أصوات الطيور


https://youtu.be/SnDxqgKle7M

[SouthK]

شغال حالياً على تصميم ضخم 3600 متر مربع وشوي .. المشكلة مخلص الموافقات وتوني ملتقي راعيه وهو أحد زملاء الإعدادية وقلت له براجعه لك واشتغلت عليه فترة حول 3 أسابيع لين تبلورت عندي فكرة بعض التقسيمات والتعديلات البسيطة وصغرت شوي حول 400 متر مربع بس ما تأثر في التصميم العام وبتكون التكلفة لا تقل عن 10 مليون في تقديري .. الإستشاري عجبني في بعض الأُمور وما عجبني في بعضها مثل مسوي تظليل على المدخل مرتفع حتى يزيد مساحة سقف الدور الأول ويقدر يسوي بنتهاوس عبارة عن دور ثالث فعلياً لو بنشيل الليوان في الخلف والتظليل .. بالتقيه وبحاول آخذ موافقته في عرض التصميم وأتمنى أعرضه لفائدة الجميع

الشيء الثاني شغال حالياً على تسكير بلكونة جنب مكتبي وفكرة البلكونة غلط عندنا الا تكون داخلية ومحمية بسبب الغبار وعدم الإستفادة منها .. فكرت أسوي الأرضية عشب صناعي وأحط إصيصات زراعة خصوصاً تدخلها الشمس من أول الصبح وبعد ما تميل للمغرب .. مسوي حتى فتحة تصريف للماي

هذي بعض الصور للبلكونة وفيديو بعد قبل التعديل

https://i.imgur.com/y7asztP.jpg

من داخل والقزاز مغبر شوي كان بركة أشغال وحفرياتهم والدك اللي ما له معنى

https://i.imgur.com/eJlGNW0.jpg

البلكونة تطل على دوار فيه ست أشجار واشنطونيا وصل طولهم فوق العشر أمتار وهذي أقصرهم ما كربناهم من زمان ولازم اطلب لهم البلدية محد رضى يكربهم ما ادري شالقصة

https://i.imgur.com/sFB8TOt.jpg

السقف ممتد حول 3 متر والأرضية 2.5 متر

https://i.imgur.com/JlKFh7A.jpg

وهذا الفيديو مع أصوات الطيور


https://youtu.be/SnDxqgKle7M



فكرتك بخصوص البلكونة وايد حلوة .. صح انها مساحة ممكن صغيرة لكن لما تفتح على مكتب او غرفة بتحس بفرق كبير!

و انصح اذا عندك المادة ان يتم اغلاق البلكونة مع الاحتفاظ بإمكانية تحويلها لمنطقة مفتوحة سواء للتهوية او لتحويلها متنفس و جلسة خاصة!

[معماري قطري]

فكرتك بخصوص البلكونة وايد حلوة .. صح انها مساحة ممكن صغيرة لكن لما تفتح على مكتب او غرفة بتحس بفرق كبير!

و انصح اذا عندك المادة ان يتم اغلاق البلكونة مع الاحتفاظ بإمكانية تحويلها لمنطقة مفتوحة سواء للتهوية او لتحويلها متنفس و جلسة خاصة!

هذا اللي بيصير ركبت الواجهات الزجاج وسكرتها بالكامل واستويت أخلي الباب الفاصل مفتوح ولو ابغي أسكره ممكن .. المساحة تقريباً 10 متر مربع بتكون إضافة حلوة للمكتب اللي مساحته تقارب ال 25 متر مربع وما توصلها أقل ممكن 23

خلصت من صيانة بناية الوالدة في أم غويلينة وهذا نفسه قلت له يصبغ الجدران الداخلية للبلكونة ويجيب العشب البلاستيكي يركبه وقبل يجيب عينات نشوف الباب شلون ينفتح ما يحك ويركب إنارة فوق الإنارة نيون ومصدية حتى

هذا فيديو بعد التنظيف وتركيب الواجهة الزجاجية



https://youtu.be/dEOhRYRYJnI

[معماري قطري]

خلصنا الصبغ والأرضية والليتات باقي الزراعة وكرسي أو اثنين .. الحلو الحفيدات لطوف وهيوه إستانسوا أقول لهم هذا بيت لكم .. الكبيرة تتكلم والصغيرة بس تهز الراس وتبتسم الكبيرة تقول شلون نقعد ما فيه كراسي قلت اقعدوا على الأرض

عاد خليت الدريشة شوي مفتوحة ودخلت حمامة ولا قدرت تظهر تضرب في القزاز بعدين فتحت لها الدرايش وقدرت تطير .. يبي لي شبك حشرات واللي عندهم ما قدروا يركبونه كلش لاصق الفريم في الدرابزين وغلطتي ما وسعت الدرابزين شوي أي حداد كان يقدر يسويها بسهولة

باحط صور بعد الإنتهاء كامل

[معماري قطري]

بعض الصور بعد الإنتهاء

الارضية العشبية الصناعية ساطعة عليها شمس العصر

https://i.imgur.com/fXvUiiC.jpg

القزاز بعد ما ركبته عزل المكان واستويت على الأقل أدخل هنا ومثل ما ذكرت قبل بستغل المنطقة للزراعة

https://i.imgur.com/DgwjNvn.jpg

هذا الإطار الخشبي عليه شريط الإنارة شبه مخفي يبين شوي وينعكس النور على السقف المائل فوق وجزء بسيط من السقف الرأسي

https://i.imgur.com/Mau8tmY.jpg

جهة مكتبي وأفكر أغير السجاد للأرضية وأشيل الستارة الخشبية أحط قماشية بين البلكونة والمكتب .. وآخذ كرسيين مفردين مناسبين وشوية إصيصات للزراعة ومفكر أشوف أعشاش للطيور أثبتهم في الدرابزين وأثبت إصيص مناسب بعد للزراعة الخارجية بس وين أحصل الله أعلم

https://i.imgur.com/SxXh9bG.jpg

الدوار من تحت مصور من فوق والدريشة مفتوحة يحتاج ترتيب والهواء مخرب العشب الطويل ذيه

https://i.imgur.com/VTcdEfv.jpg

جهة الشرق ذي شمسها في الصبح ألحين يمكن شوي توصل أرضيتها مع ميلان الشمس للمغرب

https://i.imgur.com/Q0bqkKP.jpg

السقف من جهة الشرق

https://i.imgur.com/xuc3yjh.jpg


https://youtu.be/oJE0Y3JgGf0

[معماري قطري]

خذت تسعير لليو بي في سي من قطر يو بي في سي كان حول 10 وشوي نسيت بالضبط كم بس تأخرت عليهم ويوم طرشت ولدي يفاوضهم ينزلون زادوا السعر لين 13500 طنقورة الهنود جاتهم وقلت البديل موجود رحت حق معماري قطر .. مع شبك الحشرات وصل 11000 وشوي نسيت بالضبط كم وعندهم شبك مخفي وحلو عطوني الواحد ب 250 وطلبت 4 بس ما قدروا يركبونه وخصموا قيمته ولا استلموا فلوسهم الباقية الا بعد التركيب .. تعامل طيب وشغل زين وركبت الدرايش طوال مثل ما انتوا شايفين الإتفاق مع قطر يو بي في سي كان لدرايش قصار ومرتفعين بعدين غيرت لاحظت ذيلا أحسن

شغل الصبغ والأرضية والإنارة وتركيب الخشب خذ كم يوم وكلف 2200 ريال بالمواد ما جبت شيء

[سعود.]

خوش جلسة حق رمضان جعلها عامره بذكر ( الله )

[معماري قطري]

صادفت وضع غريب عند أحد عيال عمي كنت مار ميلسه وسولف لي إنه بيطلع من بيته بيسكن بيت أجار وبيسوي صيانة عظمى يقول بانفض البيت كامل بسبب تسريب ماي يبي يعرف من وين .. قلت دخلني أشوف دخلني وهو يقول الماي يطلع من بيب في الحائط ومرطب الجدران كلها درنا حول البيت وبيته مصبوغ حديث وصبغ جيد بس مكان أرضية الدور الأول فيه تقشر ورطوبة ونفس الشيء لأرضية الدور الأرضي .. دخلني داخل قال تعال باراويك الدرج بعد فيه رطوبة وطلعت مركزة جنب بسطة الدرج الوسطية جهة الداخل ومقشرة الصبغ منفخته

انا اتضحت لي الصورة وعطيته حل سهل وممكن بدون ما يطلع .. بقول الحل بعدين بس ابغي أعرف رايكم شالسبب .. حتى جهة الحمام فيه رطوبة بعد عند التقاء أرضية الحمام بالجدار الخارجي

[معماري قطري]

خوش جلسة حق رمضان جعلها عامره بذكر ( الله )

آمين والله يعمر دارك دنيا وآخرة

جاوب على السؤال بخصوص الرطوبة شتوقعك؟

[معماري قطري]

نسيت أحط صور الإضاءة الزرقاء قرب المغرب

https://i.imgur.com/yQHN2lD.jpg

https://i.imgur.com/JRdMXfo.jpg

https://i.imgur.com/Ls6Fvkb.jpg

[سعود.]

آمين والله يعمر دارك دنيا وآخرة

جاوب على السؤال بخصوص الرطوبة شتوقعك؟


عاد عطني الحل ( خاص ) علشان اطلع قدام الاعضاء اني قوي :thumbup:
طرى علي اللغاز بعض الناس الي ماشفنا شي منها :no:

بنظرتي الغير ثاقبه تسريب اطوفه بيب ماي وتسريب الارضية بيب ماي المكيف

عاد نبي جائزة قيمة

[سعود.]

ابا عبدالله

حل اخير توني اركز ع كلمة عند التقاء ارضية الحمام مع الجدار ( العازل ) هو السبب والمتهم الرئيسي

[sara jsm]

https://i.imgur.com/Ls6Fvkb.jpg


حاط زوليه خضرة بيطير لونها من الشمس ماقلنا شي ..
لكن حاط لون چويتي ليش ؟؟؟؟ بعد هات فرقه بخيت ليله الجمعة مرة وحدة :funny: واعزمني ..
:
غير الستاير الكئيبه وركب سيدار بيضة تخلي المكان اشرح ..

:



طرى علي اللغاز بعض الناس الي ماشفنا شي منها :no:
بنظرتي الغير ثاقبه تسريب اطوفه بيب ماي وتسريب الارضية بيب ماي المكيف
عاد نبي جائزة قيمة

بغض النظر عن نغزتك..
لكن يمكن طبيعه الارض تخلي الخرسانات تتشرب الماي ..

[معماري قطري]

ابا عبدالله

حل اخير توني اركز ع كلمة عند التقاء ارضية الحمام مع الجدار ( العازل ) هو السبب والمتهم الرئيسي

فكر بعمق الحل كلش ما تتوقعه والسبب حسب تقديري وخلني أقول متأكد 90% منه خلنا ننتظر ملكة الألغاز

[معماري قطري]

حاط زوليه خضرة بيطير لونها من الشمس ماقلنا شي ..
لكن حاط لون چويتي ليش ؟؟؟؟ بعد هات فرقه بخيت ليله الجمعة مرة وحدة :funny: واعزمني ..
:
غير الستاير الكئيبه وركب سيدار بيضة تخلي المكان اشرح ..

:



بغض النظر عن نغزتك..
لكن يمكن طبيعه الارض تخلي الخرسانات تتشرب الماي ..

صج شرشحتي بي بس جزاج الله خير يبي لي آمر سيدار وين مكانهم أعرف القديم عند التيسير

حلج جزء من الحل الصحيح بس كملي الباقي .. طلعتي داهية الدواهي

[sara jsm]

هههههههه لانك صدمت عيشتي باللون وبشي ثاني بعد :cry2:

المهم انا عندي مشكله نفس ولد عمك وبالفيت حليتها مع المنتج الكويتي العازل للماء ..
لكن كانك يابوزيد ماغزيت .. واظن الاساس يتشرب من ماي البحر ويرطب المبنى طول السنة ويقشر لي الطوف ..

ماعندي اي حل له غير اني اتقبل الوضع الحالي .. او اروح اسكن في الدوحة :playball:

[معماري قطري]

هههههههه لانك صدمت عيشتي باللون وبشي ثاني بعد :cry2:

المهم انا عندي مشكله نفس ولد عمك وبالفيت حليتها مع المنتج الكويتي العازل للماء ..
لكن كانك يابوزيد ماغزيت .. واظن الاساس يتشرب من ماي البحر ويرطب المبنى طول السنة ويقشر لي الطوف ..

ماعندي اي حل له غير اني اتقبل الوضع الحالي .. او اروح اسكن في الدوحة :playball:

الله يعينج صج رطوبة الارضية وقرب البحر ذي كان حلها من البداية أثناء البنيان بعوازل جيدة وبتصريف مياه قرب الأساسات .. خلونا نعرف هذي الحقيقة الخرسانة ومعاها الخرسانة الخفيفة السكريد ومعاها الطابوق والحجر وبعض أنواع الرخام والغرانيت وحتى البورسلان بعض أنواعه تتشرب رطوبة وكل نوع بدرجة معينة .. الرطوبة ممكن تسري من تحت لفوق كأن الخرسانة تشرب المياه وترفعها لفوق بمقدار أكيد ما ترتفع للسقف لكن تبين تحت وقرب الأرض وحتى الرطوبة الخفيفة من الجو وفي عز الصيف .. أوقات نمشي على البلاط نشوفه يلمع ولو لمسناه نحس برطوبة فيه هذي يمتصها الجدار القريب .. الحل نعلة جيدة وفي أسفلها مكان التقاء الأرضية بالنعلة يكون خط سيليكون يعبي الفراغ الصغير وهذا مستحيل تغطيه المونة لأن تمدد الجدار والنعلة رأسي وتمدد الأرضية في الغالب أفقي وفيه حركة مخالفة بس بسيطة يعني ممكن النعلة تتحرك افقي والارضية رأسي بس حركة بسيطة كلش .. هذا التمدد يخلي المونة مهما تكون قوية تنفصل والماء يدخل تحتها ويوصل للجدار ومع الوقت يبين تأثيره

ولد عمي مشكلته اللي لاحظتها إن البيت تقريباً كله مكان أرضية الدور الأول وأرضية الدور الأرضي فيه رطوبة من الخارج ولو متسرب ماي بيبين في مكان معين وبكثرة .. هذي رطوبة بسيطة متراكمة مع الوقت .. يوم دخلت البيت من باب المطبخ حصلت خدامتين سيلانيات أو بنغاليات ويوم رحت صوب الدرج هو يقول فيه بايب يصب ماي وخرب الدرج لكن واضح لي إن الماي مركز جنب بسطة كبيرة اللي هي استراحة الدرج وشكلهم يكتون الماي من فوق ويخلونه يسيل لين تحت ويتسرب للأجناب .. سئلته في الغرف سجاد قال لا كلها بورسلان عرفت إنهم بعد يغسلون الغرف بالماي ويتسرب الماي تحت النعلة وللجدار وقلت له الحل بسيط توقف الغسيل فترة الصيف ذيه أقل شيء وتحط سيليكون أسفل النعلة وبعد فترة ممكن يجف الماي اللي في الطابوق أو تشغل دفايات على أسفل الجدار قرب الأرضيات فترة بعد تنشف الماي لو تحب تسرع العملية

[sara jsm]

انا مفكرة مستقبلا اسوي حزام جرانيت حول البيت والملاحق ..
تتوقع تنحل هالمشكله ؟ ترى هي بس تشوه المبنى مااظن لها اضرار حقيقيه ؟ ولا اشرايك ؟

وبعدين ماقلت لي شيسون الخدامات في المطبخ :tooth:

[سعود.]

افا توقعت حلي صح :cry2:

[sara jsm]

https://youtu.be/dEOhRYRYJnI

اكبر غلط ان الواحد يسوي بلكونه .. ماادري عبالهم احنا في سويسرا ولا مصر !!؟
زين انك صلحت غلطتك :strong وسكرت هالمكان ..
اشرايك انك تشل الباب اللي مركبه بين البلكونه والمكتب ؟
ممكن تركب باب سحاب شفاف .. تفتح نصه وتحط كرسي وطاوله وتشاهد هالغابه اللي جدامك .. :oops:

[سالم الزهران]

البلكونة ع الحديقة او على البحر ضرورية عندي.. بس معماري ما كان مستفيد منها. واغلب الناس ما يستخدمون البلكونات..

[sara jsm]

البلكونه اذا تطل عالدور الارضي والحوش هذا ممتاز ..
لكن اذا فوق واحنا في مجتمع محافظ وحولنا ناس ملاقيف مايصلح تقعد فيها ..

[سالم الزهران]

افا توقعت حلي صح :cry2:

حلك وارد يا الشيخ لو الرطوبة في مناطق قريبة من التواليت وما تعدى وتوصل للارتفاعات مثل بسطة الدرج.. وبعد هذي وجهة نظر

لذلك كلام معماري عن الغسيل احتمال قوي

[معماري قطري]

انا مفكرة مستقبلا اسوي حزام جرانيت حول البيت والملاحق ..
تتوقع تنحل هالمشكله ؟ ترى هي بس تشوه المبنى مااظن لها اضرار حقيقيه ؟ ولا اشرايك ؟

وبعدين ماقلت لي شيسون الخدامات في المطبخ :tooth:

أكيد بينفع بس المشكلة لين تحركت الرطوبة جهة الداخل .. الطريقة بعد ضروري تخلين تحت طبقة عازلة وسيليكون حتى يمنع التصاق طرف الغرانيت بالأرضية .. الحجر شوي ينفع بس يتشرب ماي بعد

الخدامات يوم دخلنا مفترشين الأرض ومبسطين ومبققات عيونهم بس قاموا وشكلهم ما يهمهم صب الماي

[معماري قطري]

افا توقعت حلي صح :cry2:

هو فيه شيء من الصح والخرسانة تتشرب الرطوبة بس ما جاوبت من وين تجي الرطوبة .. خلاص سندويش الكيما باقسمه نصين نص لك ونص حق سارة

[معماري قطري]

اكبر غلط ان الواحد يسوي بلكونه .. ماادري عبالهم احنا في سويسرا ولا مصر !!؟
زين انك صلحت غلطتك :strong وسكرت هالمكان ..
اشرايك انك تشل الباب اللي مركبه بين البلكونه والمكتب ؟
ممكن تركب باب سحاب شفاف .. تفتح نصه وتحط كرسي وطاوله وتشاهد هالغابه اللي جدامك .. :oops:

هي كانت فكرتها منظر على مدخل البيت وامتداد للمظلة اللي هي المكتب وما كنت مقتنع إني في يوم باوقف فيها بس شفت تدخيلها لنفس حيز المكتب وعملها مثل الغرفة الزجاجية بينفع أكثر ويعتبر تغيير بسيط .. طبعاً المكان استوى محمي ضد الغبار أهم شيء ومنور أغلب الوقت والهدف منه الزراعة الداخلية وعاكس ما يبين في النهار .. الليتات تتلون حسب الإختيار

https://i.imgur.com/OGUS6Vf.jpg

وهذا لون غير شوي

https://i.imgur.com/0ppkMB8.jpg

https://i.imgur.com/JrITzSa.jpg

https://i.imgur.com/TFiPP4M.jpg

https://i.imgur.com/BcC7x4L.jpg

عاد اليوم من 10 دقايق دخلت ال 59 احتفلت بروحي محد تذكرني الا واحد من المنتدى

[معماري قطري]

حلك وارد يا الشيخ لو الرطوبة في مناطق قريبة من التواليت وما تعدى وتوصل للارتفاعات مثل بسطة الدرج.. وبعد هذي وجهة نظر

لذلك كلام معماري عن الغسيل احتمال قوي

نعم وارد وحالات كثيرة السبب يكون تسريب بس هذا واضح .. والسبب عند إختنا سارة واضح .. أهم شيء التشخيص صح أما الواحد يجيب واحد يبي يشتغل وهو واهم نفسه إن فيه بايب مكسور ويسرب هذا غلط .. في البداية قلت ممكن من بايبات توصيل غاز المكيف للوحدة الداخلية هذي لو مفتوحة من فوق والبايب انشال العازل عنه لأي سبب تدخل رطوبة من الجو وتتكثف على البايب وتنزل للداخل بس بعد بتنزل صوب المكيف

القصد من ذكر التجارب هذي هو وضع حلول لهذي المشاكل البسيطة من البداية والوقاية خير من العلاج .. كل اللي يحتاج له الواحد عزل جيد ونعلات سواء خارجية أو داخلية ومعمولة صح وأسلوب تنظيف صحيح وسلوبات مناسبة لتصريف المياه بعيد عن الجدران

[سعود.]

هو فيه شيء من الصح والخرسانة تتشرب الرطوبة بس ما جاوبت من وين تجي الرطوبة .. خلاص سندويش الكيما باقسمه نصين نص لك ونص حق سارة


ههههههههههه

بعد نص لها

[معماري قطري]

ههههههههههه

بعد نص لها

ههههههه انت وهي مسوين دايت على خبري

[sara jsm]

https://i.imgur.com/BcC7x4L.jpg

عاد اليوم من 10 دقايق دخلت ال 59 احتفلت بروحي محد تذكرني الا واحد من المنتدى


بعد احمرررر ههههههه كل سنه وانت طيب باباعود وربي يمدك بالصحة والعافيه ..
ويعطيك من عمر سعود :thumbup:

:

ههههههههههه
بعد نص لها

يالحسود اخذه كله مااحب الكيما وايد :anger3:

[سعود.]

بعد احمرررر ههههههه كل سنه وانت طيب باباعود وربي يمدك بالصحة والعافيه ..
ويعطيك من عمر سعود :thumbup:

:


يالحسود اخذه كله مااحب الكيما وايد :anger3:


هذي لا سلمنا منها هناك ولا هنا

( ابا عبدالله ) الموضوع في متناول يدك omen

[معماري قطري]

بعد احمرررر ههههههه كل سنه وانت طيب باباعود وربي يمدك بالصحة والعافيه ..
ويعطيك من عمر سعود :thumbup:

:


يالحسود اخذه كله مااحب الكيما وايد :anger3:

نسينا ما كلينا

المهم شسالفة تعقد الحريم من تعدد الألوان ليكون يذكرهم بتعدد الزوجات .. عادي الطبيعة ملونة

[معماري قطري]

هذي لا سلمنا منها هناك ولا هنا

( ابا عبدالله ) الموضوع في متناول يدك omen

ما ركزت في سالفة العمر ومشكورة إختي سارة .. إنتي عندج رصيد أكثر من سعود حولي لي

مشاغبة هذي سارة بس لين بغيتها وقت الأزمات تحصلها تحل أي مشكلة وواسطاتها في كل وزارة وتعرف كل الهنود اللي في الصنادق يبيعون مواد غذائية صالحة للاستهلاك والا مب صالحة هي تتعامل مع الكل

[سعود.]

ما ركزت في سالفة العمر ومشكورة إختي سارة .. إنتي عندج رصيد أكثر من سعود حولي لي

مشاغبة هذي سارة بس لين بغيتها وقت الأزمات تحصلها تحل أي مشكلة وواسطاتها في كل وزارة وتعرف كل الهنود اللي في الصنادق يبيعون مواد غذائية صالحة للاستهلاك والا مب صالحة هي تتعامل مع الكل


ههههههههههههه

[معماري قطري]

ههههههههههههه

الله يديم ضحكتك وابتسامة الجميع

تمنيت ولد عمي اللي شغال على تصميمه يسمح بعرضه قال لا وما حبيت أحرجه مع إنه تصميم دارج بعد وصحيح شوي حديث بس أشوف الربع هناك وايد معتمدين هذا النموذج وبشكل كبير مبالغ فيه ماخذ الارض كلها .. انا اللي سويته خاص فيني وبشكل مصغر واليوم تعكر مزاجي بسبب أشغال شغالين في المنطقة للطرق والبنية التحتية ومسوين مداخل للبيوت على كيفهم اللي ما انتهى تصميمها .. بنشوف شلون نعدل لو فيه وقت للتعديل

[معماري قطري]

البارحة طبعت كتابين واحد حق أشغال وثاني حق مواصلات بخصوص تصميم مداخل البيت والطرق اللي مخططين يسوونها .. وكلمت عضو البلدي عطاني رقم واحد في أشغال .. كنت والله مهموم من هذي المشكلة بس الحمد لله شكلها بتنحل حسب اللي أبغيه من تعديل على الأقل للمداخل .. مواقف المجلس مشكوك فيها وهي ثلاثة مجالس مجلس بيت إبوي الموجود ومواقفه موجودة حسب التصميم ملغية ومعمولة مواقف أقل بالطول بس وعدوني يحاولون يحافظون على الموجود .. ومواقف المجلس اللي حق بيتي هذي ممكن تكون طولية وبتكون بحدود نص اللي بتكون مواقف عادية .. وحق بيت ولدي نفس الشيء

كلمت المهندس المصمم وكلمت المنسق في أشغال قلت إنتوا تسوون تصاميم للفرجان بدون اهتمام للمجالس ومواقفها وتنتهون بتشويه للمنظر وسيارات توقف فوق الرصيف من قلة المواقف .. عذرهم التوجه للزراعة زين الناس يزرعون أكثر وبروحهم وبمجهودات ذاتية .. ترتيب أماكن لحاويات القمامة شيء ضروري وهذا ما له أثر في المخطط .. فيه تقاطع صج شوي خطر بيحولونه دوار صغير وشكل الخطورة مب منحلة ليش ما يسوونه إشارات وبكاميرات للمتجاوزين مثل اللي في العزيزية

الحمد لله اللي يهمني هو المداخل وشكلها متجهة الى حل .. شيء ثاني الفرق بين منسوب الجهة الغربية والشرقية حسب تصميم الطرق حول نص متر .. الجهة الغربية مرتفعة وهذا يعني لازم أدفن الحوش حول 60 سم وكنت حاط في اعتباري 30 سم بس وكنت ملاحظ إختلاف المستوى بس ما توقعت يكون نص متر .. هذا يعني من جهة الشرق باحتاج رامب يرتفع من مستوى الشارع اللي نعتبره 0 الى 60 سم ولنحصل على ميلان بسيط ومريح 10% مثلاً نحتاج طول الرامب يكون 6 متر وهذي بعد ممكنة بسهولة .. الحالي حسب التصميم طوله 3.7 متر وممكن حتى أزيده لتسعة متر ويكون السلوب 7.5% مناسب حتى للسيارات الرياضية النازلة جداً

[sara jsm]

الله يسهل عليك اخوي بوعبدالله بعض الامور معقده عندنا للاسف ..
لكن دام عندك واسطة بسيطه ان شاءالله :strong

الله يوفقك ..

[معماري قطري]

الله يسهل عليك اخوي بوعبدالله بعض الامور معقده عندنا للاسف ..
لكن دام عندك واسطة بسيطه ان شاءالله :strong

الله يوفقك ..

الحمد لله واسطتي الحق وتحركي في الوقت المناسب والإخوان ما يقصرون في أشغال وفي كل وزارات الدولة ثرى خصوصاً في رمضان الكل طيب والله يحفظ قطر ومن على أرضها

[معماري قطري]

كنت أفكر في مسح المنطقة بشركة مساحة لكن خرايط أشغال كافية تعطي شكل تقريبي لكمية الدفان وإن شاء الله تكون كلها ناتج الحفر

[معماري قطري]

فكرت أغير الشور بوكس لنوع فيه ستيم ويكون بحدود متر و 10 سم في متر و40 المساحة المتوفرة والمناسبة حصلت متر في متر و20 وبدون ستيم الجوانب والشور تري أو الأرضية .. شبيب وعلي العطية عندهم وقالوا بيشوفون المقاس بالضبط والسعر وبيعطوني خصم زين .. الجكوزي بعد خربان وأبغي أغيره حصلت عندهم واحد حلو بس سعره قبيح 58000 مكينة سيارة مب جكوزي .. غيره حصلت بحدود 6000 ومناسب للمكان عندي

متردد آخذ الرخيص الصيني والا الايطالي الغالي ذيه .. تجربتي مع شبيب وعلي العطية في الصيانة كلش مب زينة طلبوا 3000 لتصليح الجكوزي بس شغل يدهم وأعتقد عندهم مبلغ لي في حسابي عندهم حول 7000 من هشكل سعروا غالي

حصلت واحد ب 7800 بعد زين وصيني وقالوا يعرفون واحد يركب

الشورات حصلت بوكس مع انارة وسماعات وشاور مطري زاوية لافة 120 للضلعين اللي ملاصقين للطوفة بعد مناسب بيكون بس بدون ستيم بعد

شرايكم وحد يعرف شركة عندها شيء زين باقي تدمر ونابينا ممكن أروح صوبهم بعد

[معماري قطري]

عندي صيانة لحمام صغير 2 في 2 .. فيه الباب يفتح وقابلته المغسلة وجنبها الشور صغير 80 في 80 ومفتوح ومقابل الشور الكرسي ووراه الدريشة تقريباً بينه وبين الشور بس جهته أكثر .. فكرت أسوي صيانة للكرسي مركب غلط واجتهدت فيه الخادمة حطت اسمنت تحته بنشوف لو ممكن ينشال أو نكسره ونجيب غيره .. شفتهم بعد مسكرين فتحة الصرف بكيس بلاستيك بسبب كانت فيه قطعة فيها رداد يسكر بعد نزول الماء من البلاط لداخل الفتحة والبايبات تصب تحت الرداد ما يطلع لها صوت قامت الخدامة وهي تنظف وكسرته وهو بلاستيك وشالته يعني إنه عائق

توفيق من رب العالمين وانا أدور شور مغلق لهذا الحمام بمقاس شوي أكبر 90 في 90 بس باضطر لتحريك خلاط هوز الغسيل حول 10 سم حتى أسوي مكان للبوكس مال الشور أو إني ألغي هذا وأشبك الهوز مع ماي الكرسي

جبت مقاول من الربع القدامى قال شغلتك بسيطة ولا تهتم بتمشي .. بصور قبل وبعد إن شاء الله وأثناء الشغل بس قبل وقفت صدفة جدام محل ا بي سي للسيراميك ورحت صوب أنصار سيتي اللي في طريق سلوى كنت ابي أشوف الشور بوكس وحصلت نوع أو عدة أنواع معاها الشور المطري وإنارة داخلية ومكان جلوس وتخزين وبعضها مع موسيقى وبلوتوث .. في تدمر بس القزاز والأرضية وقصتهم مب مناسبة باحتاج بلاط بعد تكسير قاعدة الشور اللي عندي ولا بموجود وحول 3600 بدون باقي الأشياء في الصيني اللي عند أنصار .. الصيني فيه ميزة أنه مرتفع عن الأرض ويغطي مساحة القاعدة القديمة مب مقوس من الزاوية ولا أحتاج لبلاط والسعر مقارب للألماني اللي عند تدمر واللي عند تدمر بعد بدون خلاط هذا تعال وركب وبايب التصريف يدخلونه في فتحة الصرف ويسكرون حوله بسيليكون ولزقة سيليكون البيضاء وما يحتاج تعديل مكان الفتحة حتى في التركيب أسهل

المهم نرجع حق محل ا بي سي عندي وقت ودخلته أشوف شعندهم وما شاء الله العرض في المحل مرتب ومتعاونين سئلتهم عن غطاء فتحة الصرف مع الرداد وبالصدفة طلع عندهم ورجعت ثاني يوم شريت وحدة .. نركب للشور ولفتحة الصرف العادية 4 إنش .. عجيبة سعرها المكتوب 350 ريال ومنها ألوان أسود وروز قولد وذهبي وكروم لامع خذت الكروم حتى يتناسب مع قطع الحمام وهذي صور لها بمقاس 15 في 15 مربعة

هذي بعد إزالة جميع الأغطية القطعة اللي تحت مسكرة بسبرنغ لو نزل الماي عليها تنفتح وتصرفه وترجع تسكر قطرها 1.5 انش يركب عليها تصريف الشور وحولها اطار 4 إنش للبايبات العريضة مالة فتحات الصرف

https://i.imgur.com/jUT1q69.jpg

وهنا بعد تركيب شبك تنظيف الشعر

https://i.imgur.com/omMFI8j.jpg

وهنا مع القطعة اللامعة وتبين في أعلاها انعكاسة الثرية في الصالة

https://i.imgur.com/ZTdK58T.jpg

وهذا حتى كيسهم يفتح النفس وبكمل مع باقي القطع اللي بشتريها واليوم عندي هجوم على أنصار سيتي في الصناعية سوق بروة فيه كل القطع اللي في طريق سلوى يشتغلون فيه تكسير للأرضية وشلوا كل الشورات والجكوزيات

[معماري قطري]

نسيت كيسهم

https://i.imgur.com/m09FHdL.jpg

[معماري قطري]

نصيحة لكل مقدم على البناء يتأنى شوي في التصميم ويحاول يحط كل ملاحظاته على الرسم حتى وقت تطبيقها تكون سهلة وكذلك في ملف ولو سوى حساب كميات بتكون البدائل واختيار الأفضل في بعض الحالات وممكن الأرخص متاح ونذكره دوم أو نسوي بحث حسب المرحلة ونقرر مسبقاً .. بدون تسجيل وبدون كتابة ما بنتذكر والأُمور سهلة بآيباد أو تلفون آيباد ممكن أوضح نقدر ندرج فيه المخططات التفصيلية ونناقش الاستشاري والمقاول حتى لو كنا مسافرين نشغلهم في شغلهم اللي استأجرناهم له ونستمر متواصلين ومطلعين

انا فشلت عندي سفرة الأردن ونيتي أكمل تصميمي هناك لأسباب أهمها كنت متمني أشوف المكتب على الواقع والمهندسين طلعوا مسكرين وطالعين من موقعهم ويدورون موقع ثاني .. وصديق الدراسة القديم ما قصر ناقشنا أمور كثيرة بس وقت كتابة العقد ما تضمنها ولا ارتحت وهو يبغي ملاحظاتي وانا صعب كلام توافقنا عليه وهو يعرفه زين أرجع أطالب به مثل حساب الكميات والتصميم الداخلي المبدئي للواجهات والأسقف وتوزيع الأثاث بدون تفاصيل الخشب والقماش والتشطيب حتى لم تتضمن في العقد

البديل اللي مركز عليه حالياً هو عقد الإستشاري أما المانع للتصميم أو إتحاد قطر للتصميم أو الإستشاريون العرب محرم باخوم أو أخيراً مكتب المهندسة بدرية كافود

[sara jsm]

الله يسهل عليكم ويوفقك بوعبدالله ..

[معماري قطري]

الله يسهل عليكم ويوفقك بوعبدالله ..

آمين والجميع

الحمد لله أتوقع البنيان حلو للمتقاعد وعياله حوله يقدرون يساعدون

[معماري قطري]

رسمياً بديت معمعة التصميم وأرسلت المخططات لإستشاريين إثنين إتحاد قطر للتخطيط اليوم ومن فترة للمانع للتصميم وبمر على المانع يوم السبت وإن أسعفني الوقت مريت على اتحاد قطر للتخطيط

اليوم إجتمعت مع إيطال كونسلت وهو إستشاري تنفيذ البنية التحتية في منطقتنا وقابلت مديرهم في الموقع وهو رجال كبير ومهندس قديم من 1988 ونعم الرجل ما قصر شرح لي اللي صاير وهم ما بدوا للحين وممكن التعديل حسب احتياجي للبوابات قال سهل وفي يدنا بعدين الصرف الصحي استوى التباس لأن محددين نقاط الصرف في أماكن بناء محتاجها وقال تنفذت وانا متأكد إنها ما تنفذت وطلع كلامي صحيح بعد مراجعة المهندسين عنده .. التعديل ممكن بس يبغون أستغل الوقت وأجيب مقترح الإستشاري لرخصة البناء الأولية وبعدين الخدمات حتى ينفذون على أساسها .. جدامنا حول 3 شهور والوقت ضيق

بالنسبة للمواقف طلبت تكون عادية بدال طولية جنب الشارع وقال بنخاطب أشغال بطلبك ولازم توقع تعهد إنك ما تحتاج الرصيف قلت زين وبتفيدني المواقف أكثر جدام المجلس قصدي للي متابعين التصميم .. تخيلوا لو موقع مع استشاري خارجي شلون بيسوي هذي المطالبات حتى هم نصحوني باتحاد قطر للتخطيط لتجربتهم معاهم وواحد معاهم مصري نصحني بشركة السمسرة اللي تعرفونها قلت لا ابعدني عنها إنحرج مسكين شافني عارف الطبخة

[معماري قطري]

اليوم لقائين مثمرين والحمد لله واحد مع استشاري البنية التحتية وتم عمل مقترح لتعديل البوابة + المواقف واستوت 10 مواقف وطلبت إضافة 5 عند مجلس الوالد وعدلوا الكتاب .. المشكلة بوابة الأرض الثانية ما أضافوها وبوابة البيت الثاني .. نقدر نقول نص إنجاز

طلعت رحت للإستشاري اللي حق بيتي وقعدت معاهم مهندس مدني ومهندس معماري ومهندسة معمارية .. النقاش كان وايد زين ويسجلون الملاحظات وقاعة إجتماعات مرتبة وصور التصامم كل صوب للملاعب .. هم على الأقل مساهمين في الإشراف والتصميم الإنشائي وممكن المعماري لبعض الملاعب ما سئلتهم عنها بس خذت كم صورة لها

عطيتهم رقم مدير المشروع للبنية التحتية ينسقون معاه وصور الملكيات وفايلات الأوتوكاد والحمد لله توقعت يسوون سوالف على إن التصميم غريب خصوصاً البيسمنت الخدمي المكشوف بدون تشطيب وبلاستر طلعوا متفهمين ومتفقين .. نشوف باقي التطورات والله يوفق زاد الحماس شوي بعد الضغوط هذي الغير متوقعة

[sara jsm]

ماشاءالله عليك بوعبدالله اتوقع حاط خبرتك كلها في هالبيت ..
تبيه يكون على اكمل وجه وان شاءالله يكون احسن من اللي تبيه ..

[معماري قطري]

ماشاءالله عليك بوعبدالله اتوقع حاط خبرتك كلها في هالبيت ..
تبيه يكون على اكمل وجه وان شاءالله يكون احسن من اللي تبيه ..

صباح الخير إختي سارة

والله يا اختي أنقل تجربتي والملاحظات الصغيرة والمعاناة والروحة والجية حتى الكل يستفيد .. حتى في زياراتي الإستشاري الأول مجموعهم عرب وطيبين وكنت أقول المتطلبات لو صار جزء منها بيكون انجاز وأعذركم في الباقي بس لاحظت إنهم متفهمين ووعدوا بعمل كل شيء بس الموافقة تجيهم من أشغال لازم

الثاني كلهم لغتهم الإنجليزية وعاد شوفيني مشوار في الشمس سريع وتحويل لبرمجة المخ .. شوي أنسى بعض الكلمات بس مشت السالفة زين وأنجزنا بسرعة كمقابلة أولية وغالبية الموجودين حديثين لكن كبيرهم معروف وقتها كان يشرف بروحه على بيتي ألحين راس كبير في الإدارة وهذا شيء زين ونظام حلو عندهم

دعواتكم والله يوفق جميع من يبني ومن يسعى لتخليص تصميمه

[معماري قطري]

إضطريت لهذا التعديل قبل الاتفاق مع الإستشاري اللي سعره كان صدمة لي ولا سعر بيت ولدي للحين والمشكلة بخيل علي في الخدمات ومحددها بأشياء بسيطة .. خايف أتورط مع استشاري ثاني علة يكون وبنفس الوقت خايف تكلفة التصميم واشراف سنة توصل مبلغ فلكي بالنسبة لتطبيق تصميم جاهز بس تخليص باقي التخصصات .. سعر تصميمي مع شوية خدمات بدون انترير وبدون اضاءة ديكورية وهذا شيء أبيه وبدون مناقصة وبدون اشراف 210000 ولا ذكروا أو تناسوا البيت الثاني اللي المفروض في نفس العقد .. لو هذا المبلغ للفلتين وشامل المناقصة والإضاءة ونظام البيت الذكي ونقول الاشراف عقد ثاني بس بعد معقول ما يزيد عن 5000 شهرياً بيكون زين .. غير باقول لهم باي باي وباشوف غيرهم

هذا البنتهاوس ممكن يعارضون التخطيط إنه واصل لمقدمة البيت قلت أعدله هشكل وأكسب غرفة ثالثة

https://i.imgur.com/GalZtRO.jpg

المنور الأول تحت بيكون في بداية المكتب وسويت اكستنشن للمكتب بيكون مثل الغرفة الزجاجية قريب من اللي عندي حالياً بس شوي أكبر والمنور الوسطي بيكون ارتفاع مزدوج تحته يخدم البنتهاوس ويخدم الدور الأول والمنور الأخير معروف للحديقة الداخلية مثل ما كان في السابق

أضفت امتداد للحمام الفوقي يمين

هذا الدور الأول بعد بعض التعديلات البسيطة .. الطاولة اللي جنب المنور الصغير المزروع هذي ممكن تلف 90 درجة يكون الجالس مجابل التلفزيون وسويت غرفة التلفزيون بابها مقابل الدرج واللفت حتى أسوي مكان ارتب للكراسي

https://i.imgur.com/vf66DMB.jpg?1

أخيراً التوزيع الأرضي مع المحيط الخارجي

https://i.imgur.com/856lyHR.jpg?1

التغييرات أهمها ألغيت النافورة في الدوار وسويت شلال يكون نازل من سقف المظلة من تحت ويكون ينزل على شكل خطوط رفيعة من بايب مخفي فوق في الجبس .. الشيء الثاني سويت حيز يخفي المكيفات جنب المجلس حق المجلس وغرفة الطعام .. المجلس الثاني مع مجلس حوض السباحة بيكون مكان وحدات التكييف فوق

الجلسة الغاطسة تحت بدال الدائرية غيرتها لمستطيلة مع مكان التلفزيون جدام على الجدار

[معماري قطري]

بالنسبة للباب الزجاج فوق الجلسة الغاطسة التحتية بيكون ينفتح على أربع قطع وتتجمع كلها في الزاوية اليمين ونفس الوضع مع باب المطبخ المطل على الحديقة الداخلية وبيكون ممكن تنفتح هذي المناطق كلها على بعض .. مع إمكانية فتح البلكونات فوق أو إغلاقها ويبقى فوق مفصول عن تحت أو مفتوح على تحت وقت الحاجة وكتغيير

[sara jsm]

هالخريطة بيتك بروحك ولا مشبوك مع ولدك !؟
حاول تاخذ عرض سعر من شركات ثانيه ..

[معماري قطري]

هالخريطة بيتك بروحك ولا مشبوك مع ولدك !؟
حاول تاخذ عرض سعر من شركات ثانيه ..

لا هذا بروحي بس الارض مشبوكة مع ولدي الصغير لكن الكبير مفصولة ارضه بيننا وبينه شارع بس مسوي له ترتيب وابي يطبقون التصميمين .. ما عندي خيار ثاني ذيلا مجربين وأعرفهم وحتى لين 300000 للبيتين مع الاشراف والإنارة والنظام الذكي باوقع معاهم لازم مفاوضة وبشوف آخرتها

[معماري قطري]

ولدي الصغير بيكون له البنتهاوس توه متخرج وبيدخل تدريب عسكري 9 شهور ومهددني زوجوني والا بانحرف .. أقدر أرتب له البنتهاوس في بيتي ذيه بس بيكون مؤقت لحدود سنتين لازم أبني للجميع

[معماري قطري]

الغرفة اليسرى تحت في البنتهاوس 3 متر و 5 سم عرضها والطول من يمين لليسار 7.8 متر .. مناسبة حق ولدين واللي فوق ممكن بنتين أو ولدين بأسرة مفردة

[معماري قطري]

تعديل بسيط على الدور الأول .. فكرت بفتح الصالة بالكامل بدون بارتشن للتلفزيون لأن الغرف بتكون بعيدة والأبواب باسويها كاتمة وبربلات فقلت التلفزيون يسوي جو للمكان ولا تكون الغرفة اليسرى شبه مفصولة عن حيز البيت .. والمناور السقفية خصوصاً اللي في الوسط عدلته وبيكون على ارتفاع البنتهاوس يعني ارتفاع مزدوج ومقاسه تغير حتى يناسب البنتهاوس بثلاث غرف بعد ما سويت الارتداد عن الواجهة واللي هو مطلوب

https://i.imgur.com/4ubuorv.png

درايش الغرفتين اللي حول السرير بتكون لين ارضية الغرفة وتنفتح مثل الباب ولها جزء بسيط بارز للزراعة مع درابزين حديد بسيط بيكون منحني للخارج في الوسط

هذي صورة مكبرة للمكتب والغرفة الرئيسية أضفت منور للمكتب بعد ما سويت الارتداد في البنتهاوس وأشوف الوضع ترتب أكثر من أول بإذن الله

https://i.imgur.com/gqmm64b.jpg?1

هذي صورة مقربة للصالة .. بيكون التلفزيون مقابل الجلسة المفتوحة ووراها طاولة الطعام العلوية واللي فوقها المنور المرتفع 4.4 في 2.4 متر .. ألحين استوى وايد إنفتاح حلو للبيت والدور العلوي .. سويت العمود دائري حتى ما يبين بشكل مزعج وبسهولة المرور حوله

https://i.imgur.com/vsoVsmU.jpg

[معماري قطري]

من أهم المناطق عندي مكتبي بيكون طويل شوي وبابه وواجهته قزاز حتى يكون عندي انفتاح على البيت كله .. ومكان المنور حلو وما فيه داعي أسوي طوب زجاجي في الحايط الفاصل بين البيت وامتداد المكتب .. وإضافة الغرفة الخلفية الزجاجية بتطلع حلوة وبتنفصل من وراء الأعمدة بستارة ممكن أغلقها وأفتحها وقت الحاجة والشمس تدخلها غالب النهار

https://i.imgur.com/vyqf7Hi.jpg?1

[معماري قطري]

مكتوب مقاس المكتب 4.2 في 8.8 وانا دوم أبدأ بالبعد الأفقي وأتبعه بالبعد الرأسي .. لكن بعد زيادة الغرفة الأخيرة أو الجزء الأخير إستوى 4.2 في 11.8 وبيكون مطل على جهات البيت الجنوبية .. سقف الإمتداد بيكون مايل وقرميد الجزء الوحيد في البيت القرميد خاطري في اللون الأزرق السماوي وبيتناغم مع الكسرات اللي في سور السقف اللي بتكون زرقاء بنفس درجة اللون

[معماري قطري]

أحد الإخوان أرسل لي تصميمه آخر الاسبوع اللي راح واشتغلت على بعض التعديلات عليه .. أول شيء هذا التصميم كما هو من الإستشاري

https://i.imgur.com/Tb0Nrd1.jpg

توزيع الحوش مع الدور الأرضي

[معماري قطري]

الملاحظات كثيرة وقريبة من الملاحظات في كل تصميم مقارب .. الممر في مدخل الحوش 3.7 متر وايد عريض وبيطلع أحلى لو كبرنا الحديقة وصغرنا الممر في حدود الباب بس .. مكان تانكي الماي غلط وبدون مضخات والا بتكون مضيقة موقف السيارة .. وأمور كثيرة غير بنشوفها مع التصميم المعدل

[sara jsm]

ضاق صدري من مكان درام الماي تكفى رحله ورى صوب الملاحق ..
وسوله مطبخ تحضيري مع قعدة الدور الاول ..

بانتظر تعديلاتك عشان اعدل عليها escape

[معماري قطري]

ضاق صدري من مكان درام الماي تكفى رحله ورى صوب الملاحق ..
وسوله مطبخ تحضيري مع قعدة الدور الاول ..

بانتظر تعديلاتك عشان اعدل عليها escape

ذكرت هذي الملاحظة وحركته تحت .. حتى التانكي مب واقعي وحتى لو واقعي ضيق بيستوي

خلينا نروح للدور الأول والمالك يشتكي إنه تعب لين وصل لين هذي النتيجة والمهندس متضايق يبي يخلص وبس .. مستغرب ليش يحرمه من حقه

https://i.imgur.com/m4SFduK.jpg

بعد وايد مساحات مب مرتبة وضائعة ومساحات ضيقة

دور البنتهاوس

https://i.imgur.com/VYi3tiT.jpg

[sara jsm]

هل هالتوزيع يناسبه ويناسب عياله هذا السؤال ..
وبعدين هو من حقه يغير ويبدل لين يكون مقتنع ومرتاح للتصميم ..

تدري انا اكتشفت ان أكبر غلط نسويه ان الماستر يكون حجمه كبير وايد ..
وفي النهايه هو غرفه نوم .. لا هو صاله ولا مطبخ عشان الواحد يقعد فيه ويستخدمه وهو بهالحجم ..
لو مصغر وموسع على الغرفه اللي حذاه ابرك ..

[معماري قطري]

هل هالتوزيع يناسبه ويناسب عياله هذا السؤال ..
وبعدين هو من حقه يغير ويبدل لين يكون مقتنع ومرتاح للتصميم ..

تدري انا اكتشفت ان أكبر غلط نسويه ان الماستر يكون حجمه كبير وايد ..
وفي النهايه هو غرفه نوم .. لا هو صاله ولا مطبخ عشان الواحد يقعد فيه ويستخدمه وهو بهالحجم ..
لو مصغر وموسع على الغرفه اللي حذاه ابرك ..

كلامج صحيح رتبتها وبنشوف إن شاء الله النتيجة قبل الساعة وحدة

[معماري قطري]

صارت عندي مشكلة في التحويل من بي دي اف لين صورة بحاول أحلها وأحط الصور والا أنزلها بي دي اف

[معماري قطري]

هذا الدور الارضي .. بعد التعديل

https://i.imgur.com/GE8cJnW.jpg

[معماري قطري]

أهم التعديلات غرفة السايق نبدأ بها زاد عرضها 20 سم من يمين لليسار إستوت 2.4 متر وزاد طولها 40 سم من فوق لتحت استوت 3.6 متر وتكفي حق سريرين ومكان تلفزيون أو كبت صغير وممكن التلفزيون يجي فوق الدريشة صحيح بيطلع مرتفع شوي بس ما فيه مكان

تانكي الماي نقلته لتحت المجلس

الملحق ترتب مع ممر نفس مستوى البيت .. ألحين الأبواب مانعة لدخول الماي هذا لو السقف مفتوح وأقروا خلاص تغطية السقف وحتى شبك المجلس مب بس الملحق بالبيت سويت الباب للمطبخ مقابل الباب مال الصالة وممكن نركب بابين لتأمين المكان

حمام السايق ممكن نسوي معاه بانتري بسيط ومنه ندخل للحمام ونسوي له دكت تهوئة لأعلى ولو حبينا ممكن حتى منور سقفي .. ممكن الباب ما يوافقون عليه التخطيط على السور نقدر نسويه داخل الطبيلة مقابل السرير اليسار ويكون زجاج يدخل نور للغرفة والأهم استوت الغرفة كافية لإثنين

المصعد سحبته شوي يمين 30 سم صغرت الممر ووسعت الحمام خلفه وأضفت للدرج 4 عتبات تعطينا ارتفاع 14.5 سم للعتبة بارتفاع من أرضية لأرضية تقريباً 4.6 متر صافي ومع الأرضية فوق 4.9 متر .. عكست الدرج استوى الركوب جهة الجلسة وممكن نركب درابزين بسيط يبرز جمالية الجدار الوسطي والتجاويف فيه والجدار الوسطي 10 سم بيوفر لنا في الدرابزين وبيكون مستمر لفوق مع فجوات فيه تجميلية ولصور أو كريستالات أو غيرها بإضاءة تجميلية

المهندس مقترح امتداد فوق موضح بالخط المتقطع الأحمر وانا اقترحت شوي زيادة وبأعمدة بدال ما يكون معلق محدد بالخط الأحمر السميك

[genuine]

ماشاء الله عليك أخ معماري

[genuine]

ضاق صدري من مكان درام الماي تكفى رحله ورى صوب الملاحق ..
وسوله مطبخ تحضيري مع قعدة الدور الاول ..

بانتظر تعديلاتك عشان اعدل عليها escape

السلام عليكم أخت ساره ممكن نشوف تعديلاتج على الخريطة

[معماري قطري]

السلام عليكم أخت ساره ممكن نشوف تعديلاتج على الخريطة

بتتعبها إخوي جينيوان بس صدقني فاهمة متدخلة في تصميم بيوت الخور كلهم

[معماري قطري]

بالنسبة للجلسة العائلية عدلت عليها شوي وكنت مقترح تكون طاولة طعام بما انها قرب المطبخ وشفت المغاسل مكررة للضيوف ولأهل البيت والعادة أهل البيت حولهم دورات مياه وايد قلت حمام صغير بكرسي ومغسلة كفاية وسواء استعملناها صالة تلفزيون أو طعام أو غرفة ألعاب تمشي وسهل تحويلها

استغليت مكان المغاسل حق مخزن أفضل وممكن جزء منه لمواد التنظيف .. تحت الدرج بيكون هارد دسك الكيمرات وباقي المساحة للتخزين .. وفي ارتفاع الدرج جنب الطاولة الدائرية ممكن تحته نسوي كبت بعد للتخزين

حمام المجلس الداخلي صغرته 20 سم وكبر المجلس ألحين 9.2 متر بس لأني محول الرسمة من بي دي اف للاوتوكاد يستوي ما اقدر اعدل الأرقام لكن حسب مقياس البرنامج هي 9.2 .. وتعديل الباب والفتحة وفر خصوصية أكثر وترتيب أفضل ومحور حركة محدد

نفس الشيء عدلت المجلس الخارجي زدت طوله 20 سم وصغرت شوي المغاسل والحمام

الدور الأول هو ماده شوي من وراء موسع الغرفتين اللي في الطرف على ممر الملحق بس نص متر .. انا قلت اللي فهمته من قوانين التخطيط الجديدة إنه ممكن نسكر الممر بين الملحق والبيت بسقف خرساني وما دمنا محافظين على ارتداد في هذي الحالة 4 متر من وراء ممكن نسحب الدور الأول فوق الممر وبدال ما يكون معلق يكون مدعم بأعمدة الملحق .. وبما إن الملحق أقصى ارتفاعه 4 لسور السقف وعندنا البيت لأسفل السقف يوصل 4.6 يعني عندنا أقل شيء فراغ بحدود 0.8 متر ممكن نركب فيه منور جانبي أو طوب زجاجي ينور الممر .. بهالشكل بنكون كسبنا سعة في الغرف مع ترتيب أفضل وتكفي لسريرين مفردين


سويت كم نعديل باحط أخرها وأفضلها وبعدين بارجع للباقي

إستوى البعد الثاني للغرفتين في الإتجاه الرأسي 6.5 بدال 5 المكتوبة .. الغرفتين اللي فوق في المخطط وهم مقابلين شمال وهذا لو مديناهم بحيث يغطون الممر

https://i.imgur.com/MOTrXRf.jpg

[معماري قطري]

فيه ترتيب ثاني توني فكرت فيه للغرفة اليسرى فوق فكرت فيه تترتب المساحات وممكن نزيد غرفة ملابس اللي مسكرة بباب والكبتات قواطع بدون بيبان .. هشكل بتستوي عندنا 3 غرف فوق بغرف ملابس مستقلة ومحمية من دخول الخدم ولأشيائنا الخاصة ممكن حتى نحط تجوري للذهب وباب ببرمجة وبصمة

https://i.imgur.com/GG9B1eE.jpg?1

[معماري قطري]

هذي بشرط يسمحون التخطيط مثل ما صرحوا بتغطية سقف ممر الملحق ببنيان .. بيكون عندنا الحائط اللي في أعلى الصورة فوق حائط واجهة الملحق وعلى امتداده بس أرفع بحدود متر الى 1.2 متر نقدر نسوي فيه منور رأسي زجاج ينور الممر

[معماري قطري]

التسريحة بتجي بسهولة في الفراغ مقابل باب الحمام ولو نبغي نحط باب يفصل الغرفة عن مدخلها لإستعمال شخصين بيكون اللي يسشور شعره ويغني ما يسمعه اللي نايم داخل

[معماري قطري]

فكرة الغرفة المغلقة للملابس ممكن نطبقها بسهولة في الغرفة الرابعة أسفل الصورة يسار فوق السرير بابها يكون جنب باب الحمام وما بتأثر على شراحة الغرفة لأن تمت اضافة البلكونة اللي تغير جو الغرفة وتوسعها بالباب السلايدنغ الزجاج

[معماري قطري]

مساحة التخزين الحالية بالمتر الطولي 10.7 متر تعادل تقريباً كبت ب 21 باب ولو نبغي نزيدها بعمل كبت مكان التسريحة المقترحة مقابل باب الحمام بتستوي 13 متر وتعادل ما يقارب 26 باب

عندي غرف البنات وحدة فيها كبت 3.8 متر وتعاني وساطية على كبت ثاني في غرفة غير وتخزين فوق في البنتهاوس الله أعلم شكثر .. ووحدة كبت غرفتها 4.2 أو 4.4 تقريباً بس مركبة حمالات ثياب متحركة جدام الكبت وغرفتها مأساة وهذي تقول لي في البيت الجديد أبغي غرفة طابقين بس للملابس لتسوي شيء صغير .. في الكبتات والتخزين اسمعوا رأي الحريم

[معماري قطري]

طاقة التخزين للغرفة الرئيسية للكبتات بس شاملة غرفة الملابس 14.1 متر تعادل 28 باب كبت عادي + التخزين في كاونتر التلفزيون ما حسبته ضمن ال 14 متر .. نفس الحال للغرفة اللي قستها قبل

[sara jsm]

بتتعبها إخوي جينيوان بس صدقني فاهمة متدخلة في تصميم بيوت الخور كلهم

شزااااب واحد :nono:

:


السلام عليكم أخت ساره ممكن نشوف تعديلاتج على الخريطة

اخوي انا للاسف ماعندي البرنامج اللي يشتغل عليه معماري عشان المقاسات تطلع دقيقه ..
بس اذا انت راعي الخرايط فحابه اقولك شغله ..

اقعد مع عيالك واهل بيتك وشوف التوزيع يناسبهم او لا ..
مساحة المطبخ او الغرف او الصاله .. الخ

انا عندي كذا نقطه باكتبهم لك يمكن يفيدونك ..
عدلت على بعض الاجزاء ببرنامج الانستغرام :no: ماعندي غيره لاني استخدم التلفون مب الكمبيوتر

:

غرفه السايق بعد ما رحل خزان الماي ..

https://g.top4top.io/p_2398urn823.jpeg (https://top4top.io/)

افضل يكون للسايق حوش صغير عشان ينشر ثيابه*مثلا..
والاهم مايكون عندك زوايا في البيت مثل حرف ال L

:

الشي الثاني .. المجلس الخارجي ..

https://h.top4top.io/p_23989qpcj3.jpeg (https://top4top.io/)

عندك مجلس وجنبه مغاسل ودورة مياه وتالي تحط غرفه الطعام ..
لان مثلا عندك ( عشى ) وقاعد تجهز طاوله الطعام واحد الضيوف يبي دوره المياه ..
فصعب ينتقل من غرفه لغرفه وجذي الخصوصيه بتكون اكثر ..
غرفه الطعام له باب مسكر والباب الاخر عالبيت .. يجهزون الطاوله وعقب يتفضلون الناس ..

هي تفاصيل يمكن تشوفها مالها معنى .. بس تفيدك عقب ..

:

https://g.top4top.io/p_239856his4.jpeg (https://top4top.io/)

لا تسوي مجلس وصاله منفصلين .. الحين الاغلب يسون صاله مفتوحة ويكبر المكان حق الحفلات او المناسبات .. فيكون اشرح لكم ..
والمغاسل ودوره المياه يخدم اللي بالصاله واللي بالمجلس مع بعض ..

:

مكان جلسه العائلة .. حوله لمطبخ تحضيري وحط طاوله طعام للغدا للريوق للعشاء … الخ
وحط لك تلفزيون حق مدفع رمضان وانتو تفطرون ..
ودوره المياه اللي هني كنسلها وحوله لستور تخرين ..
ممكن تحط فيه ثلاجة كبيرة للبارد للماي للفواكة للكيك .. الخ
وباقي المكان حوله رفوف للفاين ومكنسه التنظيف عدة سباكة .. الخ ..
وايد لويث عندنا احنا الحريم :yes:
بس افصل بين اغراض ستور المطبخ وستور الصاله ..

:
وارجع اقول انتو اهل البيت اللي بتحددون الاماكن او الغرف اللي تحتاجونها ..

[معماري قطري]

الغرفة العلوية يمين في المشاركة 2347 طاقتها التخزينية أقل 7.65 متر لكن ممكن نضيف لها كبت في الجدار العلوي بحدود مترين الى 3 متر لو حبينا أو نضيف سرير ثالث

الحل الثاني للدور الأول في أسوأ الأحوال التخطيط رفضوا مد البيت ووافقوا على النص متر مثلاً .. أشوفه ما يسوى وهذا مقترح التوزيع على أساس ما نعمل امتداد نغطي الممر به

https://i.imgur.com/VAnCXmw.jpg?1

بتقل عندنا الطاقة التخزينية بس بنحافظ على نفس الشكل والطاقة التخزينية توصل تقريباً 7 متر طولي نفس الحال للغرفة الثانية توزيعها يتغير

[معماري قطري]

شزااااب واحد :nono:

:



اخوي انا للاسف ماعندي البرنامج اللي يشتغل عليه معماري عشان المقاسات تطلع دقيقه ..
بس اذا انت راعي الخرايط فحابه اقولك شغله ..

اقعد مع عيالك واهل بيتك وشوف التوزيع يناسبهم او لا ..
مساحة المطبخ او الغرف او الصاله .. الخ

انا عندي كذا نقطه باكتبهم لك يمكن يفيدونك ..
عدلت على بعض الاجزاء ببرنامج الانستغرام :no: ماعندي غيره لاني استخدم التلفون مب الكمبيوتر

:

غرفه السايق بعد ما رحل خزان الماي ..

https://g.top4top.io/p_2398urn823.jpeg (https://top4top.io/)

افضل يكون للسايق حوش صغير عشان ينشر ثيابه*مثلا..
والاهم مايكون عندك زوايا في البيت مثل حرف ال L

:

الشي الثاني .. المجلس الخارجي ..

https://h.top4top.io/p_23989qpcj3.jpeg (https://top4top.io/)

عندك مجلس وجنبه مغاسل ودورة مياه وتالي تحط غرفه الطعام ..
لان مثلا عندك ( عشى ) وقاعد تجهز طاوله الطعام واحد الضيوف يبي دوره المياه ..
فصعب ينتقل من غرفه لغرفه وجذي الخصوصيه بتكون اكثر ..
غرفه الطعام له باب مسكر والباب الاخر عالبيت .. يجهزون الطاوله وعقب يتفضلون الناس ..

هي تفاصيل يمكن تشوفها مالها معنى .. بس تفيدك عقب ..

:

https://g.top4top.io/p_239856his4.jpeg (https://top4top.io/)

لا تسوي مجلس وصاله منفصلين .. الحين الاغلب يسون صاله مفتوحة ويكبر المكان حق الحفلات او المناسبات .. فيكون اشرح لكم ..
والمغاسل ودوره المياه يخدم اللي بالصاله واللي بالمجلس مع بعض ..

:

مكان جلسه العائلة .. حوله لمطبخ تحضيري وحط طاوله طعام للغدا للريوق للعشاء … الخ
وحط لك تلفزيون حق مدفع رمضان وانتو تفطرون ..
ودوره المياه اللي هني كنسلها وحوله لستور تخرين ..
ممكن تحط فيه ثلاجة كبيرة للبارد للماي للفواكة للكيك .. الخ
وباقي المكان حوله رفوف للفاين ومكنسه التنظيف عدة سباكة .. الخ ..
وايد لويث عندنا احنا الحريم :yes:
بس افصل بين اغراض ستور المطبخ وستور الصاله ..

:
وارجع اقول انتو اهل البيت اللي بتحددون الاماكن او الغرف اللي تحتاجونها ..


تبين رايي لمجلس الرجال فوق التوزيع اللي وصلت له أفضل والخصوصية أعلى ليش؟

أروح عند شباب مجلسهم فيه فتحة فيها مغاسل ويمينها دورة مياه ويسارها طاولة قهوة وتحضير .. غسلت يدي مرة بس الحمام ما تجرأت أدخله ولا ارتحت لأنه مقابل اللي قاعدين وثاني لا اللي قاعد الحمام والمغاسل صادين الفتحة شوي متطرفة ويسارها يجي مكان المقهوي ويمينها المغاسل بعدين الحمام صاد شوي .. الأول الفتحة وسيعة مباشرة باب الحمام في طرفها .. هنا في توزيعج نفس الشيء بغ بروبلم

المجلس الداخلي أوقات يحتاجون خصوصية وممكن يستخدم لتدريس العيال والخصوصية زينة للحريم خصوصاً في مكان صغير والمداخل كلها مطلة عليه .. الإنفتاح حلو أوقات وأوقات الخصوصية أحلى ومطلوبة أكثر

للخارجي بالعكس اللي بيروح دورة المياه حتى ما يسأل تبين وين وبيروح بسكات

شاكر لج نقاشج ومتابعتج بس مختلف في هالنقطتين

[معماري قطري]

غرفة السايق صعب وضعها شوي وفكرت في مسالة الثياب المشكلة يموتون على التجفيف وبتحصلينهم حاطين الثياب برا .. كحل ثاني ممكن نلغي البانتري أو نخليه بدون سقف مفتوح وبانتري بسيط وبنفس الوقت ممر ومنور للحمام ويجففون ثيابهم فيه .. جايز وحتى ممكن نلغي الارتداد اللي في الطبيلة حطيت فيه كبت صغير أو أرفف لبعض عدة السيارة أو الغسيل في حالة الغاءه ممكن نسوي ممر ضيق مفتوح للسماء يودي للحمام وفيه باب يودي للبانتري بس بيكون ضيق

بعد ممكن نصغر باب طبيلة السيارة شوي ل 3.1 متر مثلاً غالبية السيارات مترين وأقل

[معماري قطري]

مثل هذي الطريقة إختي سارة صغرت شوي الطبيلة وبابها 40 سم استوى 3.1 ولو نبغي نحافظ عليه 3.5 ممكن أتوقع نصغر الكتف عندنا كتف 50 سم وكتف 20 نقدر ناخذ 40 للباب ونسوي كل كتف 15 سم .. السيارة اللي حطيتها واقعية أكثر مب سيارة الإستشاري ممكن هوندا ستي .. اللكزس بعد بتطلع شوي أطول هذي 5.27 .. اللكزس حول 5.7 طولها أو 5.5 نسيت والله وفيه سيارات طويلة مثل الفانتوم أظن 6.7 ما تدخل كلش

https://i.imgur.com/mT76yyZ.jpg

[معماري قطري]

كل مشكلة لها حل على الورق بالتخطيط المسبق المتأني وإختيار أفضل الخيارات .. بكرة بتابع مع الدور العلوي البنتهاوس

[معماري قطري]

مثل هذي الطريقة إختي سارة صغرت شوي الطبيلة وبابها 40 سم استوى 3.1 ولو نبغي نحافظ عليه 3.5 ممكن أتوقع نصغر الكتف عندنا كتف 50 سم وكتف 20 نقدر ناخذ 40 للباب ونسوي كل كتف 15 سم .. السيارة اللي حطيتها واقعية أكثر مب سيارة الإستشاري ممكن هوندا ستي .. اللكزس بعد بتطلع شوي أطول هذي 5.27 .. اللكزس حول 5.7 طولها أو 5.5 نسيت والله وفيه سيارات طويلة مثل الفانتوم أظن 6.7 ما تدخل كلش

https://i.imgur.com/mT76yyZ.jpg




هنا ممكن نسكر الدريشة الداخلية للغرفة ونخلي مكانها باب لو رفضوا التخطيط باب على الخارج ونخلي الباب المفتوح على الممر قزاز وبنفس الوقت للتهوئة والمنور مفتوح لأعلى .. شكراً مهندسة سارة فكرتج قابلة للتطبيق

[genuine]

شزااااب واحد :nono:

:



اخوي انا للاسف ماعندي البرنامج اللي يشتغل عليه معماري عشان المقاسات تطلع دقيقه ..
بس اذا انت راعي الخرايط فحابه اقولك شغله ..

اقعد مع عيالك واهل بيتك وشوف التوزيع يناسبهم او لا ..
مساحة المطبخ او الغرف او الصاله .. الخ

انا عندي كذا نقطه باكتبهم لك يمكن يفيدونك ..
عدلت على بعض الاجزاء ببرنامج الانستغرام :no: ماعندي غيره لاني استخدم التلفون مب الكمبيوتر

:

غرفه السايق بعد ما رحل خزان الماي ..

https://g.top4top.io/p_2398urn823.jpeg (https://top4top.io/)

افضل يكون للسايق حوش صغير عشان ينشر ثيابه*مثلا..
والاهم مايكون عندك زوايا في البيت مثل حرف ال L

:

الشي الثاني .. المجلس الخارجي ..

https://h.top4top.io/p_23989qpcj3.jpeg (https://top4top.io/)

عندك مجلس وجنبه مغاسل ودورة مياه وتالي تحط غرفه الطعام ..
لان مثلا عندك ( عشى ) وقاعد تجهز طاوله الطعام واحد الضيوف يبي دوره المياه ..
فصعب ينتقل من غرفه لغرفه وجذي الخصوصيه بتكون اكثر ..
غرفه الطعام له باب مسكر والباب الاخر عالبيت .. يجهزون الطاوله وعقب يتفضلون الناس ..

هي تفاصيل يمكن تشوفها مالها معنى .. بس تفيدك عقب ..

:

https://g.top4top.io/p_239856his4.jpeg (https://top4top.io/)

لا تسوي مجلس وصاله منفصلين .. الحين الاغلب يسون صاله مفتوحة ويكبر المكان حق الحفلات او المناسبات .. فيكون اشرح لكم ..
والمغاسل ودوره المياه يخدم اللي بالصاله واللي بالمجلس مع بعض ..

:

مكان جلسه العائلة .. حوله لمطبخ تحضيري وحط طاوله طعام للغدا للريوق للعشاء … الخ
وحط لك تلفزيون حق مدفع رمضان وانتو تفطرون ..
ودوره المياه اللي هني كنسلها وحوله لستور تخرين ..
ممكن تحط فيه ثلاجة كبيرة للبارد للماي للفواكة للكيك .. الخ
وباقي المكان حوله رفوف للفاين ومكنسه التنظيف عدة سباكة .. الخ ..
وايد لويث عندنا احنا الحريم :yes:
بس افصل بين اغراض ستور المطبخ وستور الصاله ..

:
وارجع اقول انتو اهل البيت اللي بتحددون الاماكن او الغرف اللي تحتاجونها ..


ماشاء الله عليكم الله يقويكم أخت سارة ومعماري قطر حلوة الأفكار

أخت سارة ممكن نشوف مقترحج للدور الأول والماستر روم ولا عليج أمر

شكراً

[genuine]

ملاحظات جميلة معماري قطر، خلنا نشوف تغيراتك للدور العلوي البنت هاوس

[معماري قطري]

ملاحظات جميلة معماري قطر، خلنا نشوف تغيراتك للدور العلوي البنت هاوس

إن شاء الله الليلة .. كنت مشتغل على الأول مع إمتداد 50 سم اللي مقترحه الإستشاري وبالغلط حسبت إني شغال بدون إمتداد وبروز جهة الممر صوب الملحق .. بتصغر المساحة أكيد ونص متر تفرق وبحط المخططات اللي وصلت لها بمقاسات تفصيلية .. ألحين مهم توضيح إمتداد البيت كيف فوق الممر اللي بين البيت والملحق

https://i.imgur.com/5mQJnqn.jpg

أول شيء يمين لو سمحوا بمتر ونص إمتداد بنحصل سعة أكبر في الغرف وراحة لتوزيع الكبتات والأثاث والمرور بينهم .. الثاني لو وافقوا على نص متر والثالث بدون أي بروز وامتداد

https://i.imgur.com/5mQJnqn.jpg

هذي الصورة في أسوأ الحالات لو ما سمحوا بامتداد كلش

https://i.imgur.com/bLF2DRw.jpg?1

ممكن المقاسات ما تكون واضحة بارجع أسويها

[معماري قطري]

مسوي الباب عرضه الصافي متر ممكن ننزله لين 80 ونزيد عرض الكبت اللي بين البابين لين 50 سم

[معماري قطري]

عدلت على المقاسات استوت تبين أوضح ووضحت مكان ثاني للتلفزيون يخلي مسافة الرؤية 3.81 للجالس وأكيد بعض الكراسي بتكون أقصر

https://i.imgur.com/E9UglvU.jpg

[معماري قطري]

هنا تركيز على البروز الخلفي هنا علوي في الصورة ب 50 سم فوق ممر الملحق مع توضيح توزيع الحمام للغرفة اليسرى فوق وعمل المغسلة معلقة على نص جدار وممكن نسوي حفر 10 سم لبوكس المراية ويكون فيه تخزين وبروز 10 سم للمراية وعمق التخزين 20 سم للحمام

https://i.imgur.com/u5HC8lI.jpg

[معماري قطري]

هذي افضل الأحوال إنهم يوافقون على امتداد كامل 1.5 متر .. رتبت حمام الغرفة اليمين لأنه ضيق وصعب نوسعه بس استوى مناسب هشكل حتى الشور أوسع وممكن نسوي له كرسي بعرض 40 سم فوق يفتح عليه الباب القزاز .. ترتيب هذا الحمام ممكن يكون ثابت للثلاث حالات ونفس الشيء ترتيب الحمام الآخر بس على المالك يقرر حسب قرار التخطيط أكيد

https://i.imgur.com/dkh44fC.jpg

[معماري قطري]

ما عجبتني المنطقة الوسطى المقابلة الحمام يمين كبيرة وخالية ( مساحة ضايعة ) نقدر نرجع جدار التلفزيون شوي تحت ونقدر نصغر الدريشة ونسوي ووك ان كلوزت بدال الكبت وتكون ثانية غير عن الموجودة وأكبر .. نقدر نسحب الباب فوق ومعاه نسحب الحمام نزيد عرضه وغرفة الملابس جنبه .. الحلول كثيرة وكلها سهلة

[sara jsm]

ماشاء الله عليكم الله يقويكم أخت سارة ومعماري قطر حلوة الأفكار
أخت سارة ممكن نشوف مقترحج للدور الأول والماستر روم ولا عليج أمر

شكراً

حياك الله اخوي .. انت خذ الافكار وتناقش فيها مع هلك وعيالك ..

https://a.top4top.io/p_23999ouic6.jpeg (https://top4top.io/)

شوف انا كنسلت الصاله اللي فوق واستبدلتها بغرفه كامله ..

يعني صار عندك غرفتين بينهم دورة مياه ..
مستقبلا اذا حد تزوج وبيسكن عندك من العيال مايبي لك الا تركب باب عالنقط الحمره ..
بيتحول لجناح كامل .. :looking:
:
مااظن الواحد يحتاج لصاله فوق دام كل غرفه فيها تلفزيون ..
والسوالف كلها تطلع بغرفه الماستر :pic:

[سالم الزهران]

تحمل يبو عبد الله من ساره! طلعت تعرف تعدل وتبدل في التصاميم؟
؛
الكلام الجد، والله مشاركاتكم مفيدة وما توقعت التعديل على تصميم مستوي سهل هشكل! اعترف فاتني القطار

[sara jsm]

تحمل يبو عبد الله من ساره! طلعت تعرف تعدل وتبدل في التصاميم؟
؛
الكلام الجد، والله مشاركاتكم مفيدة وما توقعت التعديل على تصميم مستوي سهل هشكل! اعترف فاتني القطار

ههههههههههه انا بتاع كلووو بس حظي قليل :cry2:

[genuine]

حياك الله اخوي .. انت خذ الافكار وتناقش فيها مع هلك وعيالك ..

https://a.top4top.io/p_23999ouic6.jpeg (https://top4top.io/)

شوف انا كنسلت الصاله اللي فوق واستبدلتها بغرفه كامله ..

يعني صار عندك غرفتين بينهم دورة مياه ..
مستقبلا اذا حد تزوج وبيسكن عندك من العيال مايبي لك الا تركب باب عالنقط الحمره ..
بيتحول لجناح كامل .. :looking:
:
مااظن الواحد يحتاج لصاله فوق دام كل غرفه فيها تلفزيون ..
والسوالف كلها تطلع بغرفه الماستر :pic:

عساج عالقوة مهندسة سارة

ماظهرعندي تعديل الدور الثاني يمكن نسيتي ترفعين الصورة ؟ وحلو التفكير في التفاصيل المستقبلية

شكراً

[genuine]

ما عجبتني المنطقة الوسطى المقابلة الحمام يمين كبيرة وخالية ( مساحة ضايعة ) نقدر نرجع جدار التلفزيون شوي تحت ونقدر نصغر الدريشة ونسوي ووك ان كلوزت بدال الكبت وتكون ثانية غير عن الموجودة وأكبر .. نقدر نسحب الباب فوق ومعاه نسحب الحمام نزيد عرضه وغرفة الملابس جنبه .. الحلول كثيرة وكلها سهلة

ممتاز

[sara jsm]

عساج عالقوة مهندسة سارة

ماظهرعندي تعديل الدور الثاني يمكن نسيتي ترفعين الصورة ؟ وحلو التفكير في التفاصيل المستقبلية

شكراً

للتوضيح انا مب مهندسه :shy: بس معماري يتغشمر معاي فيها ..

نرجع للمهم ..

https://e.top4top.io/p_23994opl63.jpeg (https://top4top.io/)

البنتهاوس خليته ثلاث غرف ..
ممكن اي غرفها تحولها لمكتب او جم لكن الافضل يكون مسكر ..

لاتخلي شي مكشوف على باب السطح ..
باجر بيجونك عمال وباب يتبطل وباب يتسكر وينترس المكان غبار ..
جذي الخصوصيه اكثر بعيد عن عيون العمال ..

[معماري قطري]

حياك الله اخوي .. انت خذ الافكار وتناقش فيها مع هلك وعيالك ..

https://a.top4top.io/p_23999ouic6.jpeg (https://top4top.io/)

شوف انا كنسلت الصاله اللي فوق واستبدلتها بغرفه كامله ..

يعني صار عندك غرفتين بينهم دورة مياه ..
مستقبلا اذا حد تزوج وبيسكن عندك من العيال مايبي لك الا تركب باب عالنقط الحمره ..
بيتحول لجناح كامل .. :looking:
:
مااظن الواحد يحتاج لصاله فوق دام كل غرفه فيها تلفزيون ..
والسوالف كلها تطلع بغرفه الماستر :pic:

طريقتج ممكنة لو احتياجه لغرف أكثر والبيت لعائلة صغيرة تتكون من 4 عيال وأمهم وأبوهم الله يحفظهم ويرزقهم ويوفقهم .. المشكلة فيها كثرتي الجدران وقللتي التخزين .. دوم فيه مساحات فاضية ممكن البعض يعتبرها ضياع ويمكن تكون أساسية للحركة وكإمتداد للفراغ وبصري يريح النفس وكزاويا ممكن نشغلها بنافورة أو عنصر جمالي آخر

انا ألحيت على التوسعة لو ممكنة حتى غرف البنتهاوس تكون مناسبة لزواج أحد الأبناء ممكن خلال 20 سنة وهذي تمر بسرعة وبيعرف تغير الإحتياج بعدين .. وضحت تقريباً كل الخيارات ودوم أتذكر المثل إن كنت ناوي تحيره خيره

كلامج عن عمال الصيانة صحيح بس كلش ما فيه حلول الا بدرج خارجي وهذا نا يصير .. لو يسمحون بعمله فوق المجلس ومتصل مع البيت يعني يسكر جزء من الممر بين البيت والمجلس وأتوقع ألحين ممكن ويكون مثل البرج لاصق وطويل وزين ينعمل من طابوق وخرسانة والدرج حلزوني حديد في الوسط .. بيخرب الشكل الخارجي وممكن استخدامه قليل كلش

الحلول هذي ممكن دراستها وتضبيط المساحات لو هو محتاج بس الصالة في كل دور شراحة وجو مناسب للبيت هذا

[معماري قطري]

تحمل يبو عبد الله من ساره! طلعت تعرف تعدل وتبدل في التصاميم؟
؛
الكلام الجد، والله مشاركاتكم مفيدة وما توقعت التعديل على تصميم مستوي سهل هشكل! اعترف فاتني القطار

انا حذرني واحد من أهل الخور منها قال تدعي انها بروفيسورة هندسة وتصمم بيوت الخور أو تتدخل في التصميم يقول ما فيه بيتهم كل شوي داخلة وحدة بخرايطها وبعضهم عينات طابوق وبلاط شالينهم مع عيالهم .. معليش دعابة مع إختنا سارة وصج نقاشها مفيد

كلامها صحيح في غالبه بس دوم فيه أشياء نغض النظر عنها ونغلب عليها أشياء أهم

بيتي فكرت في تصميم درج خارجي وعندي مساحة بس بعدين قلت أغلب الخدمات في البيسمنت الخدمي وله درج خارجي ودرج داخلي وممكن صيانة قطع بسيطة في البنتهاوس تكون قليلة كلش وإن وجدت باحاول احط التكييف كله في البيسمنت .. في النهاية للكل العمال والصيانة شر لا بد منه والأوضاع للصيانة أوقات تكون صعبة لازم دخول غرف وحمامات وشغل وبيوتنا مهما كانت محدودة المساحة ومصادرنا وحتى صيانتنا ما توصل لدرجة الصيانة الإحترافية اللي تنعمل حق أجنحة كاملة في بعض القصور تغلق بالكامل وينعمل لها تجديد يكلف قيمة بيتين من بيوتنا ممكن

[معماري قطري]

هذا مقترح البنتهاوس والمالك لو حب يسوي بيسمنت خدمي ممكن بسهولة ويقدر يستغل المساحة جدام صالة الرياضة ينقل لها صالة رياضة بسيطة زجاجية ويحط الخدمات كلها في البيسمنت الخدمي هذا باسوي لها مقترح بعدين إن شاء الله وتكون الخدمات محمية وكلها تحت الأرض حتى التكييف بس بيكلف عليه أكيد لكن مب ذاك الزود البيسمنت الخدمي ارتفاعه قليل ممكن يسويه حتى 1.8 متر يكفي للشخص يمشي وهو منتبه ليضرب راسه شيء نازل

https://i.imgur.com/ZoeqbGu.jpg

وهذا في أسوأ الحالات بأن سوينا البنتهاوس بدون امتداد على ممر الملحق وأكيد ما ينطبق على الغرف في الأول ممكن نسويه هنا بإضافة مخزن على الدرج اللي بيكون نازل يعطينا خلوص كافي للمرور من تحته واضفت مخزن ثاني موضح جنب غرفة التانكي والمضخات ولو راحت للبيسمنت الخدمي أكيد بيكون عندنا باقي المساحة للمخزن

[معماري قطري]

البانتري يبغي له تعديل مغسلة وكاونتر بسيط وثلاجة ضرورية ما وضحها وبيكون أصغر من هشكل

[genuine]

انا حذرني واحد من أهل الخور منها قال تدعي انها بروفيسورة هندسة وتصمم بيوت الخور أو تتدخل في التصميم يقول ما فيه بيتهم كل شوي داخلة وحدة بخرايطها وبعضهم عينات طابوق وبلاط شالينهم مع عيالهم .. معليش دعابة مع إختنا سارة وصج نقاشها مفيد

كلامها صحيح في غالبه بس دوم فيه أشياء نغض النظر عنها ونغلب عليها أشياء أهم

بيتي فكرت في تصميم درج خارجي وعندي مساحة بس بعدين قلت أغلب الخدمات في البيسمنت الخدمي وله درج خارجي ودرج داخلي وممكن صيانة قطع بسيطة في البنتهاوس تكون قليلة كلش وإن وجدت باحاول احط التكييف كله في البيسمنت .. في النهاية للكل العمال والصيانة شر لا بد منه والأوضاع للصيانة أوقات تكون صعبة لازم دخول غرف وحمامات وشغل وبيوتنا مهما كانت محدودة المساحة ومصادرنا وحتى صيانتنا ما توصل لدرجة الصيانة الإحترافية اللي تنعمل حق أجنحة كاملة في بعض القصور تغلق بالكامل وينعمل لها تجديد يكلف قيمة بيتين من بيوتنا ممكن

عساكم عالقوة شباب

هل ممكن التكييف يكون كله فوق البنت هاوس يعني السطح نظيف ويكون حديقة او حوش ثاني فوق.

اغلب المهندسين يقولون صعب ترفع كل المكيفات فوق البنت هاوس بس ماعرف ليش مصعبينها. مع انه فالنت اشوف فالدول المجاورة يسون حدايق وجلسات فوق السطح ومكيفاتهم سبلت

[سعود.]

عادي تقدر خصوصا لو نظام التكيف ( مركزي ) او ( دكت )

[qatari911]

عساكم عالقوة شباب

هل ممكن التكييف يكون كله فوق البنت هاوس يعني السطح نظيف ويكون حديقة او حوش ثاني فوق.

اغلب المهندسين يقولون صعب ترفع كل المكيفات فوق البنت هاوس بس ماعرف ليش مصعبينها. مع انه فالنت اشوف فالدول المجاورة يسون حدايق وجلسات فوق السطح ومكيفاتهم سبلت

يقولون البلديه تمنع رفع المكيفات فوق البنتهاوس وتمنع درج الخدمات من برى الا لو حطيته بعد اتمام البناء
الدول المجاوره فيه حلول وفيه تطور في التطوير العقاري عندهم الا احنا على القوانين القديمه كأنه قران ممنوع يتحرف
وحتى مدخل خاص للبنتهاوس ودرج خاص مع باب خاص وكلها في ارضي ماتعدى على املاك الدوله يقولون ممنوع عذرهم يمكن المالك يأجرها ههههههه شر البليه مايضحك
هذا واهم الحين يدورون الكرفانات وشقق علشان يأجرونها

الله يوفقك :victory:

والله ياجزاهم خيراخونا معماري قطري واختنا ساره:ok:

[سعود.]

وضع المكيفات فوق البنت هاوس مش ممنوع ( من قال ممنوع ) ؟؟؟؟

[معماري قطري]

عساكم عالقوة شباب

هل ممكن التكييف يكون كله فوق البنت هاوس يعني السطح نظيف ويكون حديقة او حوش ثاني فوق.

اغلب المهندسين يقولون صعب ترفع كل المكيفات فوق البنت هاوس بس ماعرف ليش مصعبينها. مع انه فالنت اشوف فالدول المجاورة يسون حدايق وجلسات فوق السطح ومكيفاتهم سبلت

شفت المخططات وممكن نفصل الجزء الجدامي قسمين قسم مقابل الصالة الرياضية يكون جلسة وعشب صناعي واصيصات لنباتات وقسم ثاني يسار مقابل غرفة الخزان يكون للتكييف وتكون مظلات عليه .. الإشكالية لو كله فوق البنتهاوس تكون في البايب طويل ويحتاج وصلات أو زوايا أو ينحني بشكل ظاهر ومزعج للنظر .. بعدين لازم تحسب حساب حدود 60 سم لسور السقف حتى يخفي التكييف وهذي تنخصم من الإرتفاع الكلي 15 متر أو 16 ممكن باستثناء

الأفضل يكون التكييف سيدة بايبه نازل رأسي للمكيف أو ممدد في دكت أفقي للمكيف مثل ما يسوون الأمريكان ومكيفاتهم على الأرض أو معلقة على جانب الحائط وأفضل منا .. هنا ممكن عملها جانبية خصوصاً الممرات 1.5 سم وغير مستفاد منها للزراعة بعد باسوي لها مقترح بس ذكروني

[معماري قطري]

يقولون البلديه تمنع رفع المكيفات فوق البنتهاوس وتمنع درج الخدمات من برى الا لو حطيته بعد اتمام البناء
الدول المجاوره فيه حلول وفيه تطور في التطوير العقاري عندهم الا احنا على القوانين القديمه كأنه قران ممنوع يتحرف
وحتى مدخل خاص للبنتهاوس ودرج خاص مع باب خاص وكلها في ارضي ماتعدى على املاك الدوله يقولون ممنوع عذرهم يمكن المالك يأجرها ههههههه شر البليه مايضحك
هذا واهم الحين يدورون الكرفانات وشقق علشان يأجرونها

الله يوفقك :victory:

والله ياجزاهم خيراخونا معماري قطري واختنا ساره:ok:

انا حاط في بيتي درج خارجي بس استأذنت جاري وتبي الصج فكرته غلط ولا استفدت منه كثير .. سويت درج ثاني من سطح البيت لسطح البنتهاوس وركبت شوية مكيفات فوق بس الغالبية تحت ومظللين قصدي فوق الدور الأول

[معماري قطري]

الله يجزاك بما دعيت اخوي قطري 911 صحيح القرارات العشوائية والغير مدروسة بتبين بعد كاس العالم غرامات وهدم وممكن منع سفر وكله بالقانون اللي ألحين يبون يكسرونه بأي طريقة

[معماري قطري]

عساكم عالقوة شباب

هل ممكن التكييف يكون كله فوق البنت هاوس يعني السطح نظيف ويكون حديقة او حوش ثاني فوق.

اغلب المهندسين يقولون صعب ترفع كل المكيفات فوق البنت هاوس بس ماعرف ليش مصعبينها. مع انه فالنت اشوف فالدول المجاورة يسون حدايق وجلسات فوق السطح ومكيفاتهم سبلت

شوف المخطط الارضي وتوزيع الحوش عندك ارتداد 1.5 متر وبين المجلس كذلك والبيت نفس المسافة والاستشاري حاط فيهم دكتات عريضة 40 سم .. المكيفات مثبتة على ارتفاع معقول سواء بألمنيوم مثبت في الحائط أو حديد أو على ستاند طابوق ومعمول دكت من بايبات 4 انش بايبات صرف عادية أو البيضاء الأخف وتكون مبني حولها طابوق حتى 15 سم كفاية لا تبين شاذة ولا شيء جزء بسيط بارز من الجدار ومخفي البايب العريض اللي هو دكت لبايب الغاز اللي واصل للمكيف الداخلي ولكافة الأدوار وسهل سحبه أي وقت وتغييره .. بنفس الوقت الوحدة الخارجية في ممر نقدر نغطيه جزئياً ببرغولا واصيصات زراعة متسلقة ويبقى عندنا مجال للمرور والحركة

[qatari911]

وضع المكيفات فوق البنت هاوس مش ممنوع ( من قال ممنوع ) ؟؟؟؟

هذا رد المصمم الي ياخذ الموافقات ولما سألت قالو صحيح
يقول لانه يشوه المنظر العام حتى الخزان لو حطيته فوق وبتغطيه بشكل حلو يقولون ممنوع


ومثل ماقالت اختنا ساره بلديه عن بلديه تفرق :thumbup:

[سعود.]

هذا رد المصمم الي ياخذ الموافقات ولما سألت قالو صحيح
يقول لانه يشوه المنظر العام حتى الخزان لو حطيته فوق وبتغطيه بشكل حلو يقولون ممنوع


ومثل ماقالت اختنا ساره بلديه عن بلديه تفرق :thumbup:


خزان الماي ايه ممنوع ينحط فوق البنت هاوس .
المكيفات لو تمر جميع مناطق الدوله تحصل كل البيوت فيها مكيفات فوق البنت هاوس والملاحق ايضآ . اعتقد المصمم عنده لبس في الموضوع

[معماري قطري]

خزان الماي ايه ممنوع ينحط فوق البنت هاوس .
المكيفات لو تمر جميع مناطق الدوله تحصل كل البيوت فيها مكيفات فوق البنت هاوس والملاحق ايضآ . اعتقد المصمم عنده لبس في الموضوع

ودك الكل يخلي خزان الماي تحت ومضخة ضغط توصل الماي لكل دور .. قبل يحطونه فوق بسبب الجاذبية .. والا نسوي له غرفة جانبية في البيت بمستوى الأرض بدال خزانين خزان واحد مباشرة منه الماي بمضخة لكل البيت ويكون مخفي ومحمي عن الشمس وحرارتها العالية وممكن له تهؤئة تسحب من تكييف البيت وله بايب كبير حق الدنكر لو اخترب نظام كهرماء

[معماري قطري]

ابغي اركز أكثر على المساحات الداخلية مكبرة

الغرفتين اللي في جهة شمال البيت أو أعلى الصورة للدور الأول ودور البنتهاوس نفس المساحة وممكن نشكلهم في عدة أشكال بس عجبني الشكل هذا

https://i.imgur.com/okfr84P.png

أو أدق التوزيع هذا .. أمتار التخزين للملابس في اليسرى 8.75 متر وهذي تقارب 17 باب للكبتات العادية وهي بين كبت عادي عريض وكبت عادي أصغر بعمق 40 سم ينفع للثياب المطوية أكثر أو نسويه 45 سم اللي هو أقل عرض ممكن للتعليق .. اليمنى 10.35 وكبتها اللي مقابل الحمام 60 سم

بالنسبة لتوزيع الحمام هنا يبين اليمين مكبر أكثر

https://i.imgur.com/sJ6VGr0.png

المغسلة مثبتة على حائط جزئي هنا 10 سم بس ممكن نسوي حتى 15 سم ولا يعيق انفتاح الباب .. المراية بتكون مثبتة على بوكس للتخزين ممكن فيه ارفف للصابون والشامبو وأدوات الحلاقة ومكينة الحلاقة أو السشوار مع كهربته داخل وممكن نسوي فتحة للواير ونعلقه على جنب لسهولة الإستعمال .. وباسوي واجهة داخلية إن شاء الله

عمق البوكس بعد 15 سم هنا لازم نسوي له فتحة 10 سم يثبت فيها ببراغي ويكون محمي بعيد عن الماي .. المراية المفروض تكون نازلة أكثر من البوكس حتى تكون مسكة لفتح باب البوكس وعليه المراية .. ونقدر نركب إضاءة جانبية طولية سوأ فوق المراية وواير الكهرباء مسوين له فتحة صغيرة أو جاي من فوق بشكل ما يبين أو نسوي فتحات دائرية صغيرة ونركب فيها انارة مناسبة وفيه كم نوع وكم حجم .. هذي بتطلع علينا وايد أوفر من وحدة جاهزة الجاهزة توجد 90 سم بس حول ال 4000 ريال قيمتها

الكسرة 10 سم ممكن نسوي مثلها ورا كرسي الشور نسيت أوضحها وكذلك قريب من الشور لو بنركبه مثلاً على الحايط اليمين بيكون موقع الكسرة اللي نحتاجها مقابلة الكرسي بعمق 10 سم كفاية وممكن مقاسها بعرض المكان كامل وبارتفاع 30 أو 40 سم كفاية .. ولو نبغي نسويها ديكورية أكثر وخدمية بنفس الوقت نسويها بكامل عرض الحمام وبكرة باوضحها ما فيه وقت ألحين

[معماري قطري]

هذي واجهة الحمام الداخلية جهة المغسلة البارزة قليل يجدار جزئي سمك 10 سم .. السقف على ارتفاع 4.5 متر يروح منه 30 سم للسقف ويروح منه 20 سم للجسور وممكن الإستشاري يسويها أكبر ويروح منه 40 سم لنزول الجبس لو بنسوي دكتات .. ممكن نصفي على 3.5 أو 3.4 ويعتبر عالي للحمام لبقية الغرف معقول وممكن نزيد الإرتفاع لو رتبنا السقف بحيث مكان مرور الدكتات ما يكون وسطي وفي الوسط مرتفع أكثر الجبس وفي الأطراف شوي نازل .. أكيد يحتاج تصميم تكييف حتى يمشي مع التصميم المعماري والإنشائي

بس نصيحة الحمامات الصغار ما نسوي سقفها مرتفع وايد بيطلع مزعج ما تحسون براحة .. الكبار عادي أتوقع .. حتى الممرات وبعدين بنواجه مشكلة صدى الصوت

https://i.imgur.com/gwcw8LR.png

بالنسبة للنبتة ما تركب هنا مكان ما حطيتها بسبب بروز المراية وتحت بروز المراية نقدر نسوي انارة مخفية وفي المراية المفروض الإنارة جانبية على الجنبين حتى تنير الوجه

حصلت 90 سم بالضبط وركبتها في حمام 1.9 في 2 متر وطلعت حلوة بس تكلفتها 3600 واللي بيسوي كم حمام يسويها تفصيل أحسن

النبتة ممكن نسوي لها روشنة يسار المغسلة وممكن تكون من فوق مقوسة تعطي شكل مغاير لبقية الخطوط المستقيمة بتكون وراء الرجال الواقف

[معماري قطري]

بالنسبة لنوعية البلاط وطريقته ومقاساته أشياء وايد تمشي بس أحلى لو خلينا الجزء التحتي بروسلان مثل مثلاً لين ارتفاع مترين و 40 سم مع حد الباب وفوقه صبغ نوعية جيدة مقاوم للرطوبة وأصلاً مع التهوئة الجيدة ما بيتأثر وممكن في نهايته العلوية نركب فاصل ستانلس ستيل والباب حتى اليو بي في سي الخشبي ينفع بشكل مقارب لخشب باقي الأبواب .. شفته في مجلس الأبواب الباقية مزخرفة ومكلفة وأبواب الحمامات يو بي في سي بلون مقارب بس بسيطة وطالع حلو وايد ومتجانس مع إني ما كنت مقتنع قبل

[معماري قطري]

هذي صورة المراية اللي ركبتها وتبين بارزة شوي حول 15 سم من فالوري أند بوخ وكانت آخر وحدة في العمودي

https://i.imgur.com/v2l1oW0.jpg

نسيت ما ادري حطيتها هنا أو في قروب بنيان بيتي وعادي لو تكرار اعذروني

المروحة اكسبلير من الدرويش نوعية جديدة وايد هادية أنصح بها نسيت كم بس تحت ال 200 وإحتمال 100 .. وخذت ليتات من عندهم ركبت واحد الواحد ب 100 مقاس 60 في 60 مكتوب عليه يوصل ل 10 سنوات

https://i.imgur.com/rYRQBqc.jpg

سوينا وصلة ألمنيوم لتثبيت فريم الزجاج

https://i.imgur.com/p1sGbsv.jpg

الفريم والخلاط والقاعدة للشور خذتهم من أنصار ستي بحدود 2000 أو 2500

https://i.imgur.com/p1sGbsv.jpg


https://i.imgur.com/KG5sC8w.jpg

شغل بنغالي لازم شوية تخبيص كلف 1850 شغل يده

هذي الصفاية اللي معاها رداد ولا تدخل روائح ولا حشرات صورت مكوناتها قبل في نفس الموضوع

https://i.imgur.com/xOUXiWV.jpg

هذي نوعية البي تراب اللي مركبها قبل عندي ما يهمني الجزء الأبيض راكب ولا فيه مشكلة .. القطعة السوداء هذي تشتغل مثل السداد ما تخلي الحشرات تدخل وفيها ربلات من الجنب وبنفس الوقت تخفف صوت الماي النازل .. هذي ألحين صناعة قطرية من كيو بلاست وقبل صناعة انجليزية وهذي التفاصيل مهمة للي يبني حبيت أوضحها حتى يتضمنها التصميم والمواصفات على أساس بكرة الواحد ما ينسى شيء والمهندس المشرف يشرف على أساس وخطة مكتوبة

https://i.imgur.com/XvCbkhl.jpg

https://i.imgur.com/FNeuEKa.jpg

https://i.imgur.com/qDonnpL.jpg

آخر صورة والسدادة سادة البايب اللي يروح له الماي آخر شيء

[معماري قطري]

حلول الصيانة أكيد تختلف عن تفاصيل البنيان الجديد .. في الجديد راعينا سعة الشور كعرض 0.95 متر أو 95 سم حسب المكان المتاح وهو وايد زين وبدون دريشة معترضة المكان مثل ذي .. ترتيب الفراغ الداخلي سهل نتحكم فيه صح ونبني كل شيء على خطة سليمة ودقيقة .. وهذا البيت تحدي بسبب المساحة الصغيرة واللي لازم تترتب صح وإستغربت من الإستشاري اللي يبي يخلص على ما وصل له وهو ما سوى شيء يستاهل

[sara jsm]

طريقتج ممكنة لو احتياجه لغرف أكثر والبيت لعائلة صغيرة تتكون من 4 عيال وأمهم وأبوهم الله يحفظهم ويرزقهم ويوفقهم .. المشكلة فيها كثرتي الجدران وقللتي التخزين ..


تخزين شنو !!؟ اشكثر مسوي كباته وغرف ملابس ..
اعنبوه الليدي ديانا ماعندها كثر اللي مسويه بهالفيلا :nono:

انا اشوف التوزيع مناسب لكل فرد غرفه وحدة ..
والبنتهاوس نخليه يمكن ياخذ الثانيه :funny: ..

الدور الاول معروف للنوم والراحة ماينفع صاله وتلفزيون ..
ازعاج للباقي .. بس مايمنع ميني بار حق النقرشات الليليه :tooth:

:



انا حذرني واحد من أهل الخور منها قال تدعي انها بروفيسورة هندسة وتصمم بيوت الخور أو تتدخل في التصميم يقول ما فيه بيتهم كل شوي داخلة وحدة بخرايطها وبعضهم عينات طابوق وبلاط شالينهم مع عيالهم .. معليش دعابة مع إختنا سارة وصج نقاشها مفيد


الدعابه مش مقبولة وان شاءالله اول ماتحط اول طابوقه في بيتك الجديد وابوق الاحداثيات بتلقاني هناك مع اذان الديج :funny::funny:

:


عساكم عالقوة شباب
هل ممكن التكييف يكون كله فوق البنت هاوس يعني السطح نظيف ويكون حديقة او حوش ثاني فوق.
اغلب المهندسين يقولون صعب ترفع كل المكيفات فوق البنت هاوس بس ماعرف ليش مصعبينها. مع انه فالنت اشوف فالدول المجاورة يسون حدايق وجلسات فوق السطح ومكيفاتهم سبلت

لا عادي مافي مشكله .. او حتى بهالتوزيع تقدر تنعز المكيفات على جنب واحد ..
بس فكر فيها عندك 9 شهور حر ولواهيب هل يستاهل تخسر وتبلط عشان هالقعدة ؟؟

:

خزان الماي ايه ممنوع ينحط فوق البنت هاوس .
المكيفات لو تمر جميع مناطق الدوله تحصل كل البيوت فيها مكيفات فوق البنت هاوس والملاحق ايضآ . اعتقد المصمم عنده لبس في الموضوع

والله ياسعود لا تستبعد عن بلديتهم ..
خاصه بلديه الريان ( لا تعليق ) escape

[sara jsm]

هذي نوعية البي تراب اللي مركبها قبل عندي ما يهمني الجزء الأبيض راكب ولا فيه مشكلة .. القطعة السوداء هذي تشتغل مثل السداد ما تخلي الحشرات تدخل وفيها ربلات من الجنب وبنفس الوقت تخفف صوت الماي النازل .. هذي ألحين صناعة قطرية من كيو بلاست وقبل صناعة انجليزية وهذي التفاصيل مهمة للي يبني حبيت أوضحها حتى يتضمنها التصميم والمواصفات على أساس بكرة الواحد ما ينسى شيء والمهندس المشرف يشرف على أساس وخطة مكتوبة

https://i.imgur.com/XvCbkhl.jpg

https://i.imgur.com/FNeuEKa.jpg

https://i.imgur.com/qDonnpL.jpg

آخر صورة والسدادة سادة البايب اللي يروح له الماي آخر شيء




عجيب معماريكا اول مرة اشوفه ..

[معماري قطري]

عجيب معماريكا اول مرة اشوفه ..

العجيب السعر 15 ريال للقطعتين بس ما ينفع للي مأسس بالبايب العادي لازم فيه حاجز للقطعة السوداء تدخل .. بيتي الاستشاري سوبر مب رخيص من 17 سنة موصف هذي القطعة صناعة انجليزية وأتوقع للحين موجودة بعد صناعة انجليزية للي يبي

[معماري قطري]

تخزين شنو !!؟ اشكثر مسوي كباته وغرف ملابس ..
اعنبوه الليدي ديانا ماعندها كثر اللي مسويه بهالفيلا :nono:

انا اشوف التوزيع مناسب لكل فرد غرفه وحدة ..
والبنتهاوس نخليه يمكن ياخذ الثانيه :funny: ..

الدور الاول معروف للنوم والراحة ماينفع صاله وتلفزيون ..
ازعاج للباقي .. بس مايمنع ميني بار حق النقرشات الليليه :tooth:

:




الدعابه مش مقبولة وان شاءالله اول ماتحط اول طابوقه في بيتك الجديد وابوق الاحداثيات بتلقاني هناك مع اذان الديج :funny::funny:

:



لا عادي مافي مشكله .. او حتى بهالتوزيع تقدر تنعز المكيفات على جنب واحد ..
بس فكر فيها عندك 9 شهور حر ولواهيب هل يستاهل تخسر وتبلط عشان هالقعدة ؟؟

:


والله ياسعود لا تستبعد عن بلديتهم ..
خاصه بلديه الريان ( لا تعليق ) escape

صدقيني الكباتة الكل يحتاجها وما اتوقع انا غير وطايح في هالمشكلة .. إنتي عيالج توهم صغار اصبري يكبرون شوي بتبين حاجتهم والله يحفظكم جميع

فكرة بعد وتوجه إن الدور الأول للنوم بس ما يمنع تلفزيون فوق وتلفزيون تحت مبدئياً مع التجهيز لأماكن التلفزيون الثانية .. على الأقل كبداية واحد تحت وواحد فوق وممكن واحد في المجلس الداخلي والخارجي .. ولو احتياجه لغرفة إضافية ما اشوف فيها مشكلة تكون بدال الصالة

أما عن الدعابة مب مقبولة انتي حجيتنا وإختنا العودة وتحملينا شوي .. والبيت باطرش لج اللوكيشن لازم تقرين على الموقع قبل ليبدون فيه

القعدة انا خليت لها مكان وتدهنت مرة بزيت زيتون وانسدحت فوق تصلخني الشمس صج كانت فكرة ما تطبقت .. هو ممكن يسويها لو يحب وحتى ممكن تكون مظللة وتنفتح المظلة وممكن تكون مكيفة بمكيف صحراوي الموجه والجو عندنا حلو بحدود 5 شهور .. ممكن مسبح صغير اللي ينتفخ لليهال مع زراعة متسلقة وعريش خشبي فوق .. الحلول كثيرة صراحة .. تهمنا الخصوصية ممكن بدال ما نسوي سور السقف عالي يحس الواحد بحكرة نسوي مشربية فوقه خشب تغطي وممكن يشوف منها اللي فوق بدون ما ينشاف من بعيد وتتسلق عليها النباتات والتبليط شيكلف بلاط عادي رخيص ولا شيء

الباربيكيو ممكن فوق خصوصاً للي مساحة حوشه صغيرة

[sara jsm]

اهم شي لا تتهور وتنسى نفسك ..

https://k.top4top.io/p_2403yjfei8.jpeg (https://top4top.io/)

[معماري قطري]

اهم شي لا تتهور وتنسى نفسك ..

https://k.top4top.io/p_2403yjfei8.jpeg (https://top4top.io/)

إحنا عندنا مناعة ونتحمل

لو بنسوي إرتفاع الأبواب 2.4 متر نقدر نسوي خط كورنيش فوق مستوى 2.6 متر وحسب ارتفاع الكورنيش هنا خليته 15 سم يعني بيطلع حده الأعلى 2.75 وفوقه تكون انارة مخفية شريطية تنور الجزء المصبوغ من الحايط .. هذي فكرتي للإرتفاعات العالية الدارجة ألحين ولتقسيم الحوائط تقسيم جمالي وممكن نستمر بها حتى لباقي البيت الجبس العلوي الأخير يكون سيدة وممكن نسوي فرزة بسيطة 2 سم من الأطراف والكورنيش تحته بحدود 80 أو 90 سم أو حتى متر نكون وفرنا مستويات اضاءة مختلفة مخفية وسبوتات في الجبس العلوي مركزة على الأماكن اللي نبي ننيرها .. ولو حبينا نور اضافي عام غير عن المخفي عندنا البانل يجي مقاسات مختلفة منها 60 في 60 ومنها الطولي بعرض 10 سم وحولها أعتقد 6 أو 7 يركب داخل الجبس وشكله حلو ونوره يكون عام منتشر


https://i.imgur.com/S059p5R.png

[معماري قطري]

اهم شي لا تتهور وتنسى نفسك ..

https://k.top4top.io/p_2403yjfei8.jpeg (https://top4top.io/)

إحنا عندنا مناعة ونتحمل

لو بنسوي إرتفاع الأبواب 2.4 متر نقدر نسوي خط كورنيش فوق مستوى 2.6 متر وحسب ارتفاع الكورنيش هنا خليته 15 سم يعني بيطلع حده الأعلى 2.75 وفوقه تكون انارة مخفية شريطية تنور الجزء المصبوغ من الحايط .. هذي فكرتي للإرتفاعات العالية الدارجة ألحين ولتقسيم الحوائط تقسيم جمالي وممكن نستمر بها حتى لباقي البيت الجبس العلوي الأخير يكون سيدة وممكن نسوي فرزة بسيطة 2 سم من الأطراف والكورنيش تحته بحدود 80 أو 90 سم أو حتى متر نكون وفرنا مستويات اضاءة مختلفة مخفية وسبوتات في الجبس العلوي مركزة على الأماكن اللي نبي ننيرها .. ولو حبينا نور اضافي عام غير عن المخفي عندنا البانل يجي مقاسات مختلفة منها 60 في 60 ومنها الطولي بعرض 10 سم وحولها أعتقد 6 أو 7 يركب داخل الجبس وشكله حلو ونوره يكون عام منتشر


https://i.imgur.com/S059p5R.png

[معماري قطري]

بالنسبة لابواب اليو بي في سي حسب فريمها أوقات يجي صغير نسوي له الفتحة مناسبة ويركب وسطها وتبقى الزوايا بارزة طابوق وبلاستر .. هذا لو نحب نركبها للحمامات وزين نوزنها صح ونركبها أما على الحافة الداخلية وتغطي الزاوية الداخلية أو على الحافة الخارجية والزاوية الداخلية نغطيها بزوايا ستانلس ستيل أو نحاس أو ألمنيوم .. أو نسويها مشطوفة بالبلاستر وبوضحها بالرسم مثل هذي تحت .. الدائرة قطعة الحديد أو النحاس تجي مدببة من فوق وتحت وبدزاينات مختلفة حق تحمي الزاوية وبنفس الوقت تجملها .. وفيه النوعيات اللي تجي لاصقة شبه دائرية أو قوس صغير أو حتى حادة بس تكون خطرة حد يضرب فيها

الخط العريض نحاول نطلب الفريم يتغطى ببرواز مكان اتصاله بفتحة الباب أحلى يطلع .. انا ركبت درايش مقوسة من فوق وكانت نقطة اتصالها بالبلاط بشعة غطوها بقطعة ألمنيوم مقوسة ومتصلة بالبلاط وباليو بي في سي من الجهة الثانية

https://i.imgur.com/bL9jD7t.png

هنا الحايط 20 سم والفريم 60 ملم أو 6 سم ويوضح قصدي .. لو جاء في الوسط تبقى عندنا زاويتين يحتاجون معالجة أو حماية .. ممكن الداخلية نبلطها ونقص حافة البلاط 45 درجة وتركب لاصقة في بعض وحادة والعملية صعبة جداً واستحالة تنضبط بسهولة .. الأسهل لو مستخدمين بلاط بورسلان فل بودي يسهل قص الزاوية بعد التركيب وأقصد شطفها أو عملها مقوسة تقويس خفيف .. أو تركيب نوعيات كثيرة من الستيل لها

[معماري قطري]

أمس بشرني المهندس الإستشاري المتابع لمشروع البنية التحتية عندنا في منطقتنا الجديدة بأن تمت إحالة التعديل اللي طلبته للمواقف للبلدية وتمت الموافقة عليه من أشغال فقط لإبداء الرأي والموافقة جاهزة تقريباً 75% .. والأهم عندي هو تعديل نقطة الصرف الصحي والمدخل ولازم يتطابق مع المخططات المعمارية وعدني بأن هذا سهل وفي يدهم بس لازم أسرع عملية ادخال المعاملة رسمي عن طريق استشاري

الإستشاري سعر لي تسعير صادم 415000 تصميم وحساب كميات للبيتين بدون مساحة وبدون فحص تربة وبدون مناقصة ولو ابغي اشراف بيكون 16000 شهري للبيتين .. صراحة تسعير صادم ويشرد الواحد بس اتصلت بولد كفيله وتربطني علاقة طيبة به وبإبوه من خلال الشغل السابق ووعدني بيتدخل بس هشكل حتى 50% بيكون سعر عالي لكن ما باليد حيلة ولا أتورط مع استشاري ضعيف

الإتجاه الثاني أكيد موجود وهو مكتب الاستشاريون العرب محرم باخوم وشركاه .. إرتحت لهم وتسعيرهم زين وعندهم كافة التخصصات وبيكون بحدود مبدئياً 135000 شامل المساحة وفحص التربة اللي على أساسه بيسوون القواعد وحسابات الهيكل الانشائي .. للحين ما اتفقنا على الاشراف بس بيكون وايد أقل ممكن 6000 للبيتين ووافقوا على كل شروط الاشراف بس باقي العرض المكتوب والنهائي

الثاني مكانهم زين وسهل الوصول له وأقرب وفيه مواقف متعددة أدوار والمكتب ترتيبه أفضل من الأول استقبال وقاعة اجتماعات محترمة واللي فيه تعاملهم مهني عالي قابلت المدير والمعماري كلهم أصحاب شعر أبيض وخبرة والأهم ما يفرضون رأيهم يقولون ويناقشون بموضوعية

[معماري قطري]

عندي مشكلة مع البي دي اف البرنامج انتهى اشتراكه ادوبي الأقوى وعندي برنامج ثاني يحول البي دي اف الى صورة لكن ما يحولها بدقة الأول .. المراية مخففة عندي في الرسم تبين أزرق خفيف كلش لكن في اظهارها صورة تبين لون مصمت بدون شفافية .. هذا مثال لتركيب بلاط صغار 30 في 30 بزاوية بس ممكن الأفضل السلابات الكبار وفيه بكامل الإرتفاع 2.6 متر وممكن كامل العرض حتى يعني كل واجهة بلاطة كاملة والزوايا نخليها سيليكون حتى تسمح بشوية تمدد وإنكماش

شيء ثاني ممكن نسويه .. ألحين عندنا مصدر نور مخفي فوق الكورنيش وممكن عندنا إضاءة مزاجية وديكورية تحت مسكة المراية بعد مخفية ومتغيرة الألوان حسب ما نحب وكذلك ممكن نسوي فرزة في أسفل الجدار الجزئي الحامل للمغسلة ونسوي فيها إنارة مخفية بعد يفضل هنا ملونة .. بالإضافة للروشنة اللي وراء الرجال

https://i.imgur.com/Rmlohqb.jpg

مثل هذا الشكل بتكون والبلاط ممكن يجي قطعة وحدة حسب التصميم والشكل اللي ناخذه رخامي أو سادة أو أي دزاين

https://i.imgur.com/awoay3R.jpg

[معماري قطري]

لازم نحط في اعتبارنا دوم التوزيع الأساسي لأي حيز اللي هو توزيع القطع والأثاث وعليها نبني توزيع الفجوات الجدارية وممكن حتى نعدل في الفتحات من درايش وأبواب ونضيف الاكسسوارات وإحتياجات هذا الفراغ ونرتب الإضاءة حسب التوزيع وشدة السطوع اللي نبغيها .. مثال هذا الحمام لو حبينا نسوي الكرسي معلق هذا توزيعه المثالي مع الفجوات الجدارية للشور وفجوة اصيص الزراعة 10 سم وفيه سعة نكبرها 20 سم بقاعدة طالعة تكفي لإصيص كبير ومناسب .. كل هذي الأشياء تطلع جمالية أكثر وعملية مع دراسة الواجهات الداخلية ونكون فعلياً دخلنا في التصميم الداخلي

https://i.imgur.com/JVihhny.jpg

وهذا يفرق في حيز صغير مرتب صح وحيز كبير عشوائي بدون دراسة فعلية .. أضفت بعد علبتين نفايات وحدة يمين المغسلة ووحدة يسار الكرسي وبيكون عندنا الشطاف يمين

[sara jsm]

الاول حاسبلك حسبه ايجار مكتبه :happy: والثاني معطيك سعر شغله بس :happy:
والله كلهم جذي .. كل المجالات هالشكل حتى الذهب تشتريه من المجمعات سعر مرتفع ومن السوق القديم سعر اقل بوايد ..
فاانت شوف الشغل الصح .. لو الاثنين نفس مسوى الشغل .. اختار الاقل سعر طبعاً ..

:

جدد اشتراك البرنامج وادفع فلوووووس :pic:

[معماري قطري]

الاول حاسبلك حسبه ايجار مكتبه :happy: والثاني معطيك سعر شغله بس :happy:
والله كلهم جذي .. كل المجالات هالشكل حتى الذهب تشتريه من المجمعات سعر مرتفع ومن السوق القديم سعر اقل بوايد ..
فاانت شوف الشغل الصح .. لو الاثنين نفس مسوى الشغل .. اختار الاقل سعر طبعاً ..

:

جدد اشتراك البرنامج وادفع فلوووووس :pic:

ما دام المضروب مأدي الغرض زين أحب أي شيء بلاش .. وين اللوز اللي مواعدتني به من سنتين حطيه تحت شيء في الطريق وقولي لي وباجي آخذه الخور مب بعيدة بس لتسوين لي كمين وتطرشين لي عصابة أبو نفس

شوفي اشتغلت على الغرفة اللي مب عاجبتج ورتبت حمامها وسعته 20 سم جهة الباب وألغيت الكبت حتى غرفة الملابس ممكن تجي نفس المستوى توسع الممر شوي وما تكون عندنا كسرة شاذة

https://i.imgur.com/rrPrisl.jpg

بالنسبة للدريشة مالت الحمام نقدر نخليها عريضة من الدكت لزاوية الحمام فوق مستوى راس اللي يسبح تنور الحمام كله .. واستوى عندنا كاونتر جتب المغسلة

[معماري قطري]

الكسرة اللي فوق الجانبية سويتها طويلة بعرض الحائط وبعمق 10 سم بتكون حلوة بالإضاءة المخفية ومقابلة المغسلة باضاءتها بعد بيطلع ان شاء الله وايد حلو بس أشوف الكرسي العادي مناسب أكثر وممكن نركب المعلق في الحايط مباشرة اللي يجي بدون خزان ماي .. الصيني الحديث له فيديو في يوتيوبيات البناء

[معماري قطري]

مساحة التخزين للملابس 9 متر بتقل شوي كلش لو صغرت غرفة الملابس

[معماري قطري]

تعديل اضافي للدور الأول وللغرفة السابقة ساويت غرفة الملابس مع الحمام ودخلت الباب شوي حتى يسوي كتف للكبت اللي جنبه وصغرت الكبت اللي في الصالة وهذا بيكون مؤقت للثياب تحطهم فيه الخادمة وبعدين كل واحد يودي ثيابه يرتبهم بخصوصية في الغرفة المغلقة

https://i.imgur.com/fKuicL2.jpg

أشوف البلكونة مؤكد بيعترضون على الدريشة المطلة على الجار بس الأمامية عادية وتطل على حوش البيت .. ممكن نسويها طوب زجاجي مرتفع تدخل شمس بعد العصر والمغرب .. درايش غرف الملابس هذي بتكون طوب زجاجي ومرتفعة مسموح بها .. ممكن نمزج مع الشفافة لون ثاني لو نحب إضاءة هادية وملونة .. سارة ما تحب متأكد

عندنا الحمام الرئيسي سويت فيه كسرة للصابون في الشاور بعرض الشور وجاية فوق الكرسي هذي بتطلع حلوة وممكن نسوي جدرانه من تحت بطابوق وفوق زجاج بيطلع أحلى والباب زجاجي بالكامل

الدريشة مب عاجبتني صغيرة ممكن نستبدلها بوحدة بالعرض من الزاوية لين الدكت وتكون مرتفعة لو نحب

[معماري قطري]

البانيو للحمام الرئيسي حطيت ثاني واقعي أكثر بطول 1.86 متر وعرض 0.82 متر وفي الغالب بيكونون أصغر اللي حاطه الإستشاري صعب ينحصل والكبير مشكلته يستهلك ماي وايد وياخذ وقت أطول لين ينملي

[معماري قطري]

ممكن نحتاج حق باب بدال الفتحة اللي تودي لمكان السرير في الغرفة الرئيسية ونكون عزلنا مكان المدخل والتسريحة وعزلنا اي صوت من التلفزيون أكثر .. وسعت شوي التسريحة بتحريك باب غرفة الملابس واستوى مب مقابل الحمام عادي أشوفه حتى ممكن نسوي الجدار خشبي والباب مخفي لو حبينا أكيد فيه طريقة .. غرفة الملابس وراء الباب نسوي تخزين إضافي حسب ما نحب

[معماري قطري]

عادتي أحط المخططات فوق بعض وأطابق المقاسات والجدران حتى ما تكون عندي مشاكل انشائية .. وهنا تحريك المجلس ودورة المياه التابعة له جهة الصالة 50 سم بيضمن لنا يكونون الحمامات فوق بعض في كل الأدوار اللي في أعلى الصورة قصدي وبيتوسع المجلس والصالة مساحتها كفاية

https://i.imgur.com/FpcKk6y.jpg

فيه مشكلة احتمال التخطيط يعترضون عليها وهي إن مقدمة البيت 3.07 متر من السور الخارجي وهم يطلبون 5 متر بس للزاوية ذي وفي حال ما فيه أمل بنظطر نقلب البيت اليمين يسار واليسار يمين ونوفر لهم الإرتداد اللي يبونه

[معماري قطري]

بعد نقل أماكن الجسور المتوقعة للحوائط العلوية فوق الدور الأرضي نعرف مكان الأعمدة حسب نهايات الجسور هذي في الغالب ونعرف وين ممكن نفتح درايش على أساسها

https://i.imgur.com/JNiK8lx.jpg

هذا على أساس التخطيط بيوافقون على ارتداد من جدام صوب القطعة المايلة 3.07 متر مع إني أشك إنهم ممكن يطلبون أقل شيء 4 متر أو 5 متر وذيك الساعة الحلول بتكون غير وشوي صعبة .. 3.8 متر وحتى 4 متر ممكن بنصغر المجلس وبتصغر الغرفة فوق ل 3.3 متر .. كافية للممر جدام السرير وكاونتر للتلفزيون ممكن ناخذه 40 سم والمتبقي يكون 2.9 متر 2 بتكون للسرير وتسعين سم ممر جدام كاونتر التلفزيون كافية وزود

في حال رضوا بأن حايط المجلس يكون الإرتداد النهائي وبدون أي امتداد من فوق نضطر نخلي الغرفة ترتيبها بهذا الشكل وندخل حول متر للداخل تستوي 3.5 عرضها

https://i.imgur.com/L48EsSY.jpg

أما الحالة السابقة فكانت هشكل وأكيد الغرفة أوسع

https://i.imgur.com/Kn8HkCF.jpg

هذا المقترح النهائي للبنتهاوس ويتناسب مع كل ارتدادات التخطيط ولو طلبوا عدم عمل البروز 1 متر بتكون نسبة مساحة البنتهاوس للدور الأول شوي أكبر من 70% هي ألحين 70% بعد ما كبرت المخزن وطلعت غرفة التانكي برا .. في هالحالة مع عدم بنيان الإمتداد لازم نصغر شوي غرفة التانكي ولازم نصغر امتداد السقف على الصالة الرياضية فوق والبرغولا مع التظليل اللي بعد طلع أزرق داكن هنا مع اني مسويه شفاف هذا بيظلل على واجهة الصالة الرياضية ونقدر نسوي في المساحة تحت البرغولا زراعة وجلسة خارجية أو بعض الألعاب الرياضية أو حوض سباحة بسيط .. أفكار كثيرة وممكن نطبق مزيج منها

https://i.imgur.com/REfppmp.jpg

[sara jsm]

بيت تانكي الماي وايد صغير ..
تبي تحط درام ومبرد وسخان مركزي في قرقور :waiting:

[معماري قطري]

بيت تانكي الماي وايد صغير ..
تبي تحط درام ومبرد وسخان مركزي في قرقور :waiting:

الله يسلمج ويسمنج زود الواجهة ممكن نصها مفتوح للتانكي لسهولة ادخاله واخراجه وتكفي حتى أقدر أحطه لج بمقياس رسم واقعي بس إختاري كم السعة .. حق بيتي تقريباً نفس الحجم وتانكي دائري 800 غالون .. إذا الكبير تحت قطره مترين اللي فوق يجي أصغر وأنزل

[معماري قطري]

إخذي فكرة عن الخزانات ومقاساتها الفعلية وهي تختلف شوي من مصنع لمصنع وحسب تحديد السعة هذي يسويها مهندس ميكانيكي أعتقد الغالون = 4.2 لتر وال 800 غالون تطلع 3360 لتر .. ولو دعت الحاجة إنه يكبر ممكن يوصل العرض نفس عرض المخزن اللي فوق

https://www.facebook.com/RAYANwatertannks/photos/basw.Abo9y4ENYPFhHZnHWx61RWFcz2pW6bU22eYnwE-yd90l-dmpj0nyA9B3yBY53K5BI_HzRgYJnvYnHYLQ93PjFqtKZEfUyvI KvFyjB4EsiFMvle_b1uzZZkrk3cuezSgw5mqvTtv87KhArB4vh f35CNcrZfG7MK8t-pTDMpknCRqGtUh3gZzT5TPiayOdp1TxBONhwNVYBn70g2Mb4_x oZM_w8BMaqqij0HC_xnLaB8rlSeNIbEdBeIDNh5X26rfwd1pUP RldgpIFM2RsIaeSwHLk/106098004304005/?opaqueCursor=AbrbNH2o_3j71jvNO72TnyheDq13bxzy2GLl faJymyd4OcRJWvpRrXKqgC7MBwg5m6ntB4Ei7mVG_hlQIUzmCN qzNo_nK66cIRmo4CuSdCpoNzSSMCNnT84j96EOww5VajrG-6HPV8uLcKiNZwrMKb4FxCOFXysFjAqaQSAJ8kWstmOSPI9s0qn KJK52HuRvFnxVidVKuwpbVtEfDXiktAgcnp8uC5ZDz7jR3S_-hclPhySHZUc4q14kH5Le5XsoEmNzsGI1i70lJwvtwPYNb9x_ok wPaFo6Fk0ybA9CpamTr7kdIK61XN0rHLNn1A81FXeqYE-S7IDvjZky5lkf0uKIF70yBXS4NsQlPwlwfkGhwP4dxw34mTCXi HWBm3DAFdKwdl6bwkCtWMuX2kPZhnOIFr1ILM4JZaVvFbysADG fTTOatXIF7B-qHuFwT_ppMw_qSaniDBkeFvg5bVfbZpVq0cGGC1ZoR3JmtXHh8 F6psFo2i9yv5ZkLmJ76VgjAVh_IJjQ7RbR5F8D_R25YxPBnzLI h8TgD2Nk-6A4jtAtrJq3yFdj5wAq-KHT2Ukfsl8BZ6ghzb_mVstqbG43ZGn6r9JDm7VfTEWQsD2BjgZ _1Z8xBv5aytOI-5zDCpOPBWNUw3OpAn7X8fXliHnZHOHMVZYZvNVFk_1Uj8ghB9h 7yrfxNawlRaiQg5t_52xWxFGzE2YBz9_BfAMxCo8bqVTXTmnwE GX7qPx1Zu6GRqYRzOQwferJrJPnyN6V-jHbMJ5V_1yR6XXMRYvTbLrfK-8bVliofLxryYbad2ssA6dcYlWiEb8nyPnbtd7-jDbNmA1NiCj_yu7c4-FBmzaqsZ7BKZ0rkaQ34aafpJv9p0YKQvg

[معماري قطري]

يمكن أكون ناسي التحتي 3000 لتر والفوقي 800 لتر بهالشكل تطلع وايد مناسبة المساحة

[معماري قطري]

فيه شغلة مهمة كثيرين من الإستشاريين يغفلونها اللي هي ممرات الحركة أو المحاور .. وتجي معاها الإنارة الطبيعية والصناعية والعملية سهلة .. الممر ممكن يكون حتى 90 سم أو 80 أو ستين في بعض الحالات ويفي بالغرض .. أستغرب من اللي يسوي بيت أو مكاتب ويخلي الممر بقياس كبير مثل ثلاثة متر وفوق وهو محتاج للمساحة في أماكن جانبية أو غرف

مثال على ما اقول غرفة ملابس ضيقة 1.8 متر وأبغي أسويها مغلقة وبقواطع بدل الكبتات والهدف منها التخزين ولو بيدخلها في الغالب شخص واحد .. ممكن أوزعها 60 + 60 + 60 بحيث الكبتات تكون كاملة 60 سم والباب ضيق 60 أو أترك الملابس داخل شوي والمدخل أسويه 80 أو 90 سم وعلى جنبيه أسوي كبتات بعمق أصغر حق أدراج أو الأحذية أو غيرها .. الأحذية إذا على زاوية ممكن حتى 20 سم تكفي .. علاق الملابس 40 سم عرضه ولو كان شوي بارز من قاطع الكبت بيكون أسهل للفرز .. يعني نحتاج 5 سم نبعد من الحايط و20 سم حق عارضة التعليق وبتبقى 20 بروز العلاق لو نحب .. لو بنخليه 35 للقاطع وعمود التعليق داخل شوي 5 سم بيبقى 10 سم فراغ بين الملابس والحائط وبيكون الحيز اللي شغلته الملابس والقاطع حده 50 سم .. 50 + 50 تساوي متر وتبقى 80 سم للمرور في الوسط براحة وللباب كذلك

الممرات الباقية مثلاً شفت مدخل بيت مساحته محدودة مسويه الإستشاري 5 متر ومسوي المجلس 5 متر وصالة جانبية 5 متر .. المدخل كل المساحة كلها .. 3 كفاية وحتى 2 كفاية .. وحق بيتي مسويها وعندي مساحة لكن مهتم بتكبير المجلس .. قستها طلعت 2.6 متر وكله ممر قصير بين المجلس وصالة الطعام .. إستشاري قال لي سوه 6 متر وطلع المجلس برا ما عجبتني فكرته

[sara jsm]

الله يسلمج ويسمنج زود

ولك بالمثل :mad:

شفت الرابط اللي حاطه للخزانات ..
الحين تجيك الدرامات اسطوانيه الشكل افضل من البيضاوية ..
كمساحة اقصد .. بس لازم تحط في بالك البيوت الحديثه اغلبها فيها سخان مركزي ..
والمبرد وهذا بعد له كمبريسر خارجي .. فالمساحة تكون كبيرة افضل من القرقور ..

[معماري قطري]

ولك بالمثل :mad:

شفت الرابط اللي حاطه للخزانات ..
الحين تجيك الدرامات اسطوانيه الشكل افضل من البيضاوية ..
كمساحة اقصد .. بس لازم تحط في بالك البيوت الحديثه اغلبها فيها سخان مركزي ..
والمبرد وهذا بعد له كمبريسر خارجي .. فالمساحة تكون كبيرة افضل من القرقور ..

الاسطوانية أكبر بعد والمساحة تناسب لتهتمين .. المشكلة في اللي ما يسوي حماية .. بعد مثل هذي الغرفة ممكن تكون تحت الأرض غرفة جزئية مب بيسمنت ومنها تمدد البايبات في دكت للسطح ولجميع الحمامات أو ينعمل لها ممرات ضيقة وبارتفاع بسيط تحت الأرض ودكتات توصل لكل حمام

فكري خارج الصندوق مهندسة سارة

[sara jsm]

حي الله بوعبدالله :app2: حمدلله عالسلامة .. نورت المنتدى ..

اخوي*.. باجر لين انقطعت الكهرباء ولا صار خلل عام ..
اقعد انت في الصندوق واطلب سقاي يودي لك الماي فوق :funny:
:waiting: وين صوغتي ..

[معماري قطري]

حي الله بوعبدالله :app2: حمدلله عالسلامة .. نورت المنتدى ..

اخوي*.. باجر لين انقطعت الكهرباء ولا صار خلل عام ..
اقعد انت في الصندوق واطلب سقاي يودي لك الماي فوق :funny:
:waiting: وين صوغتي ..

الله يحييج ويبقيج ويسلمج

الكهربة ما تبند وايد وممكن يحتاط لو يحب بمكينة كهرب صغيرة 12 سلندر

بالنسبة للصوغة سلمي واستلمي كل حبة لوز بحبة حلويات تركية

[sara jsm]

روح اشتر مكينه وبترول وخساير عشان تطلع برع الصندوق هههههههههه
عيل ليش درسنا فيزياء ! حط درام فوق و انتهى الموضوع .. :thumbup:

:
راجع من ميلان وجايب حلويات تركيه !! شنو شايفني كوماري :anger3:
على الاقل ربطه اسباغيتي ولا بهارات الباستا ياشحفان ..
لوزك جاهز ومجفف في الحفظ والصون escape

[معماري قطري]

روح اشتر مكينه وبترول وخساير عشان تطلع برع الصندوق هههههههههه
عيل ليش درسنا فيزياء ! حط درام فوق و انتهى الموضوع .. :thumbup:

:
راجع من ميلان وجايب حلويات تركيه !! شنو شايفني كوماري :anger3:
على الاقل ربطه اسباغيتي ولا بهارات الباستا ياشحفان ..
لوزك جاهز ومجفف في الحفظ والصون escape

حطيت فلوسي كلها في الحلويات يوم وصلت ميلان عشت على الكفاف والعفاف

[سالم الزهران]

الحمد لله على سلامة الوصول اخونا العزيز بو عبدالله

[معماري قطري]

الحمد لله على سلامة الوصول اخونا العزيز بو عبدالله

الله يسلمك ويبقيك يا بو زيد والفوز للنصر اليوم على الزمالك إن شاء الله أعرفك تحب تتابع المباريات

[سالم الزهران]

الله يسلمك ويبقيك يا بو زيد والفوز للنصر اليوم على الزمالك إن شاء الله أعرفك تحب تتابع المباريات

ولا ادري عنها ولا تهمني، ومرة كنت قاعد مع عيال اخوي وعندنا موضوع الغاز و كلما يألوني اجاوب صح، قام ولدي تعاون ضدي وقال اسألوا ابوي في الرياضة كلش بليد، قام اللي عليه الدور سألني من اللاعب اللي اسنانه كبيرة؟ انا عاد ما في أمل.. الاجابة اللي يعرفونها الصغار كلهم طلعت (سواريز).. فانا ما اعرف الف باء عشان يسألوني عن اللاعبين واشكالهم..

[معماري قطري]

ولا ادري عنها ولا تهمني، ومرة كنت قاعد مع عيال اخوي وعندنا موضوع الغاز و كلما يألوني اجاوب صح، قام ولدي تعاون ضدي وقال اسألوا ابوي في الرياضة كلش بليد، قام اللي عليه الدور سألني من اللاعب اللي اسنانه كبيرة؟ انا عاد ما في أمل.. الاجابة اللي يعرفونها الصغار كلهم طلعت (سواريز).. فانا ما اعرف الف باء عشان يسألوني عن اللاعبين واشكالهم..

هههه سواريز كأنه أرنب بس خلاص نسيناه

اليوم اللعب حلو والمصريين ضيعوا بوصلة اللعب النظيف حتى

[معماري قطري]

من زمان ما عرضت تصميم تحت الدراسة وهذا تصميم لبيت في أرض صغيرة والوضع صعب شوي واشتغلت عليه وحاب تشوفونه وتبدون أي ملاحظات ممكن خافية عني أو عن المالك

البيت لعائلة صغيرة والدين وثلاث بنات الله يحفظهم وتكبر العائلة بإذن الله

نبدأ بتوزيع الحوش والأرض عنده يمين ويسار وأعلى الصورة جيران والشمال فوق كالعادة في المخططات المعمارية

https://i.imgur.com/u9XuwUB.png

بعد دراسة خيارات عدة تم تصغير البيت شوي ليكون الإرتداد الجانبي متضمن مناور للبيسمنت ودرج لمجلس البيسمنت خارجي للاستفادة منه كمجلس خارجي وكمخرج طواريء احتياطي

وباحط التعديل مباشرة قبل لا انتقل للدور الأرضي والبيسمنت والأول والبنتهاوس

[معماري قطري]

من الأشياء اللي انتبهت لها ألحين هو وجود مستوى الصفر في الحوش وهذا غلط المفروض نكتب مستوى الصفر هو الشارع المقابل أو أعلى نقطة في الشارع المقابل ثم نضع +0.30 مثلاً قرب البوابة وللزراعة +0.15 أو عتبة أنزل من رصيف المشاة ونقدر نستغل هذي العتبة في الإنارة الجانبية الموجهة على الزراعة سواء مخفية أو مكشوفة.. وراء في آخر البيت كاتب له 0.00 يعني المقاول يقدر يستغل هذي النقطة فيما بعد بحيث يسوي الأرض سيدة مع مستوى الشارع ولو طلب منه رفع الأرضية يطلب مقابل ومقابل اللي يناسبه

عدلت على مستويات الحوش والزراعة وباقي الإستشاري يضبط مستويات البيت حتى عنده زيادة 1.3 متر يقدر يزيدها في ارتفاع البيت وانا نزلت أرضية الدور الأرضي ل 0.45 من الحوش يعني من مستوى الشارع نزيدها 30 تستوي 0.75 متر والحوش من وراء عندنا 0.50 يعني تصريف الماي من وراء لجدام نقدر نقول لمنطقة الزراعة الأمامية اللي مستواها 0.15 بيكون سهل وهو نفسه مستوى الرصيف والبيت أرضيته فوق بعد عتبة 15 سم

https://i.imgur.com/BTagoEE.png

في حال انملت منطقة الزراعة ماي نسوي فتحة فوق مستوى الرصيف تطلع الماي للخارج والفتحة تكون بشوي تحت مستوى 30 سم

بالنسبة للمنور النازل بين الملحق والبيت هذا لازم نحرك البيت للأمام 40 سم لأنهم يبون 1.5 متر بدون عوائق في الطريق والمنور مع مستوى الأرض ومغطى بشبك حديد ممكن يمشون عليه ولا بفاهمين والمفروض الإستشاري يوضحها لهم صح ويناقشهم

[معماري قطري]

مقترح غرفة السايق هذي زيادة مني ممكن يحاول فيها بس هو وصل الحد الأقصى لنسبة البنيان بالنسبة لمساحة الأرض الفار مال التخطيط Floor Area Ratio

[معماري قطري]

هذا مخطط الاستشاري ولا ادري شالحلول اللي سواها للتصريف ولصيانة المنهول لو فيه مشكلة والا المضخة خربانة .. كل اللي سواه رفع أرضية الدور الأول حتى يسوي درايش مرتفعة مثل درايش السجون ملامسة للسقف وارتفاع السقف عالي حول 3.4 متر .. انا أشوف المناور النازلة أفضل ويسوي منفذ لصيانة المنهول مال الصرف الصحي ولو يبغي يسوي منهول ثاني لتصريف المياه الجوفية لو طلعت مياه تحت أو حول جدران البيسمنت

https://i.imgur.com/ko1Wdry.png

هذا البيسمنت المقترح مني ولو حافظنا على المستوى اللي محدده الإستشاري سالب 2.6 وعندنا 0.75 حق مستوى أرضية الأرضي بيكون عندنا الفرق 3.35 نشيل منها سمك الأرضية اللي بتكون السقف للبيسمنت ممكن 25 سم بيبقى عندنا 3.1متر صافي ولو نحب نزيد نزيد عمق الحفر 3 متر عمق عادي حتى 4 متر ممكن بسهولة

ضروري نسوي تصريف لأي مياه جوفية حتى لو مب موجودة .. وميزة التصريف يمنع ضغط المياه يخرب أساسات البيسمنت ولا يوصلها لأنه يدور الطريق السهل طريق الفتحات اللي في البايبات اللي فيها سلوب تودي المياه للمنهول وهذي طريقتها تحت أرضية البيسمنت موضحة في السكتش هذا البايب يجي مايل جهة الصرف وفيه فتحات فوق ويمين ويسار وتحت يكون مجرى المياه اللي يودي للصرف أو للخزان المدفون واللي فيه مضخة غطاسة تطلع أي ماي فوق أول بأول

https://i.imgur.com/y09TWSk.png

[معماري قطري]

هذا مقترحي للبيسمنت وتوزيعه تم تصغيره من الوسط 30 سم حتى نوصل للارتداد المطلوب ومن المقدمة 40 سم فوق ال 30 سم

https://i.imgur.com/SKOJFUZ.png

[معماري قطري]

الإكس يسار البانتري هنا بيكون منهول الصرف له باب صيانة من البانتري ممكن الدخول له ومستغرب إصرار التخطيط على عدم فتح منور في حيز ال 1.5 متر الإرتداد مع إن الإستشاري مسوي دكتات 40 سم ماكلة من الممر كثير والمتبقي 1.1 متر وليش ما أعترضوا عليها وهذا يوضح حججهم الواهية على كلام صاحب التصميم مستحيل حد يستثني هذا الإجراء وهو مستثنى بالدكتات وانا صغرتها ل 20 سم

[معماري قطري]

نسيت موضوع الاكسات تحت بسطة الدرج هذي ممكن نستخدم مساحة وحدة حق منهول الفرنش درينيج مال المياه الجوفية

[معماري قطري]

تغييرات وايد صارت على الدور الأرضي للإستفادة من المساحات المتوفرة خلونا نشوف أول آخر ما وصل له الإستشاري

https://i.imgur.com/CYuvHKz.png

تصميم تقليدي ما فيه اهتمام بالمساحات ولا فكرة عن توزيع الأثاث مع إن الأثاث آيكونات جاهزة يسحبها ويحطها في المكان اللي يبيه .. مسوي الدرج 6 عتبات يعني رافع الأرضية 90 سم ومستوى الحوش كله مخليه مستوى الصفر والمفروض الصفر الشارع والحوش يكون متدرج حسب .. مكان التانكي لازم يعطي عنه فكرة وأشياء كثيرة وهذا يعتبر سيقدم للموافقة المبدئية المسماة دي سي 1

انا عجبني موقف السيارة مبتكر :pic:

[معماري قطري]

هذا الملحق اللي مسويه الإستشاري والمسافة بينه وبين البيت 2 متر وممكن ينزل لمتر ونص حسب القوانين ومسوي مظلة خرسانة بامتداد 1.2 متر يعني 80 سم اللي نازل منها درج البيت 6 عتبات واللي بتكون مزعجة معرضة للمطر ولو سوى مثل ما انا مقترح عمل منور زجاجي أو بولي كاربونيت وفيه أنواع وألوان تغطي السقف مع فريم ألمنيوم وأبواب بيكون ممر شبه داخلي ومحصور ولا فيه غبار ولا مطر

https://i.imgur.com/LIJJZOw.png

وألحين مسموح بتغطيته كامل من التخطيط وبخرسانة وانا افضل الزجاج أو البلاستيك

باب المطبخ محرك يسار بعيد عن المدخل للصالة وبنشوف التعديل شلون

وهذا توضيح للواجهات يمين ويسار وكيف الإستشاري مسويها في الأولى وانا مقترح المناور النازلة المفتوحة على حفرة نازلة للبيسمنت تدخل النور وشوية هواء بس للأسف هذي الجهة يبونها 1.5 متر خالية من أي مناور زين الاستشاري مسوي دكتات 40 سم تقلل خلونا نسوي المناور بنفس مستوى الدكتات بس 40 سم 10 للطابوق الداير و30 فتحة التهوئة لأسفل قالوا ولا الوزير يقدر يستثنيك للمالك

https://i.imgur.com/pPocoE3.png

[معماري قطري]

في الرسمة الفوقية مستوى أرضية البيت للحوس 90 سم واللي تحتها 45 سم على 4 عتبات كل عتبة ارتفاعها 11.25 سم مع ازالة البروزات الأمامية وتوسيع المنطقة قبل الدخول لمتر واحد حتى نقدر نسوي رامب لدخول أي كرسي متحرك

كما هو موضح في التوزيع الأرضي


هذا مقترح 1 بعد ما ضبطت المقاسات وصغرت شوي الممر الوسطي حتى أقدر أسوي درج للبيسمنت ومناور فقط جهة اليمين وفرت ارتداد 1.9 متر والمناور بارزة 40 سم منها يبقى المطلوب 1.5 متر حق يراكضون فيها الدفاع المدني

https://i.imgur.com/jU2JN2H.png

مقترح 2 فتحت المعيشة على الممر ودمجت البانتري معاها ووضحت مسارات الحركة بعرض 60 سم والفتحات وايد أكبر بس 60 سم الممر الكافي للشخص العادي وحتى العريض شوي غالبية الناس عرضهم 45 سم وحولها

https://i.imgur.com/lYrFYbm.png

انفتاح الرؤية من المدخل لين آخر البيت والملحق وبيكون الملحق عندنا ارتفاع أرضيته نفس البيت لسهولة المشي له والخروج منه والصالة الخلفية استوت مفتوحة عليه بواجهة زجاجية متصلة مع الباب جزء مرتفع فوق كاونتر البانتري الداخلي

حيز المجلس والصالة حطيت له باب سلايدنغ ممكن يغلق وقت الزيارات النسائية ويستوي دخول البيت من جهة الملحق لصاحب البيت والأولاد

[sara jsm]

عندي سؤال .. انت مطفي الليت ومسوي الخرايط الفسفورية ولا وشو !؟

[معماري قطري]

عندي سؤال .. انت مطفي الليت ومسوي الخرايط الفسفورية ولا وشو !؟

وضحي وشو الفوسفوري قصدج الأخضر؟

أوقات ما اتوفق في اظهار صورة جيدة والمهمة الفكرة تكون واضحة

بعدين وينج لج كم يوم غايبة طلعت اشاعات ان تعرضتي للسرقة في مطعم الكيما اختفت السندويشات فجأة في ظروف غامضة

[معماري قطري]

مخطط الإستشاري للدور الأول

https://i.imgur.com/PGGQ471.png

التعديلات على الدور الأول طالت أجزاء كثيرة

أظن هذي أوضح حاولت أوضح بس المشكلة المخططات منقولة من بي دي اف للاوتوكاد يحول بعض الطبقات لغير ويكون شغلة التعديل على كل الخطوط

https://i.imgur.com/fSbp09R.png

ممكن الغرف الثنتين فوق نسويهم مثل توزيع غرف البنتهاوس اللي بنشوفه بعدين وتكون المداخل مستغلة كغرف ملابس بباب ومستفاد منها أكثر

[معماري قطري]

الغرفة اللي مكتوب عليها بانتري أند آيرون نقدر نخليها للكوي والتخزين المؤقت أو حتى الطويل للملابس والملاحف .. نقدر نسوي الباب وسطي بمقاس 80 سم ويتبقى عندنا 60 لكل جهة جنب الباب وهذي يمشي فيها كبت كامل أو كاونتر للكوي وكاونتر الكوي ممكن نحتاج بالكثير متر ونص والباقي تخزين وجزء أرفف حسب احتياجنا والبانتري حطيته مفتوح على الممر وقريب من الحمام للتصريف وللمياه

[sara jsm]

وضحي وشو الفوسفوري قصدج الأخضر؟

أوقات ما اتوفق في اظهار صورة جيدة والمهمة الفكرة تكون واضحة

بعدين وينج لج كم يوم غايبة طلعت اشاعات ان تعرضتي للسرقة في مطعم الكيما اختفت السندويشات فجأة في ظروف غامضة

اللون الاخضر الخايس اللي اخترته يعمي العين .. مب قادرة اقرأ حتى الارقام ..
:sneaky: اذا انت عيونك خربانه تبي تخرب عيونا لييييش ..


انا موجوده وعندي مشروع صندقه كيما حذا بيتك بس ناطرة موافقه البلديه :oops:

[معماري قطري]

اللون الاخضر الخايس اللي اخترته يعمي العين .. مب قادرة اقرأ حتى الارقام ..
:sneaky: اذا انت عيونك خربانه تبي تخرب عيونا لييييش ..


انا موجوده وعندي مشروع صندقه كيما حذا بيتك بس ناطرة موافقه البلديه :oops:

أفضي لج الحوش وأشاركج 75% لي و 25% لي والماي والكهربة علي وبنيان وترتيب المكان عليج

وبعد رجعنا للفسفوري .. عاد تدرين انا مغير الأرقام واللي غيرتها بالأحمر أو قريبة منه من درجاته .. نقلت كتابة الإستشاري والمفروض أعدلها صح بتكون أوضح شوي

[sara jsm]

https://d.top4top.io/p_24546ectc6.gif (https://top4top.io/)

[سعود.]

حلو استغلال المساحه في الدور الاول الغاء الصاله وتوسيع الغرف

[سعود.]

مخطط الإستشاري للدور الأول

https://i.imgur.com/PGGQ471.png

التعديلات على الدور الأول طالت أجزاء كثيرة

أظن هذي أوضح حاولت أوضح بس المشكلة المخططات منقولة من بي دي اف للاوتوكاد يحول بعض الطبقات لغير ويكون شغلة التعديل على كل الخطوط

https://i.imgur.com/fSbp09R.png

ممكن الغرف الثنتين فوق نسويهم مثل توزيع غرف البنتهاوس اللي بنشوفه بعدين وتكون المداخل مستغلة كغرف ملابس بباب ومستفاد منها أكثر




توني كنت بقول كذا الدرس فيه 3 بيبان ضيع الدرس . من اللوبي ندخل ع الغرفه بعدها الدرس ودورة المياه افضل

[معماري قطري]

توني كنت بقول كذا الدرس فيه 3 بيبان ضيع الدرس . من اللوبي ندخل ع الغرفه بعدها الدرس ودورة المياه افضل

كلامك صحيح إخوي سعود وبتشوف الاوبشن الثاني نفس توزيع البنتهاوس باحطه لين خلصته انشغلت شوي

مثل هذا الرسم للغرفة اليسار اليمين بعد تكون مثلها ممكن السرير مكان المكيف والمكيف يتحرك للزاوية فوق أو مقابل الباب .. الكبتات داخل قواطع تخزين بدون أبواب نقدر نسويها 50 سم لو نحب بس 35 كفاية وعندنا مجال حركة حول متر

https://i.imgur.com/YfyFQiv.png

[معماري قطري]

المالك طالب فتح الصالة على الغرفة الثانية لإستغلال الحمام اللي تابع للغرفة للصالة اللي ناوي يستغلها للخادمات .. شفت عمل حمام لهم وفصل الصالة لتكون غرفة للخادمات ممكن والحمام بيكون فوق الحمام الرئيسي وخدماته قريبة .. والغرف الأربع في الأول وفي البنتهاوس أشوف توزيعهم مثل الغرفة اليسرى هنا بيكون مناسب

https://i.imgur.com/vnKY0Yh.png

[معماري قطري]

مع التصميم الأخير الخيارات عديدة وناقشت المالك فيها وأرسلت له جميع المخططات بي دي اف وأوتوكاد ويبقى الخيار له بس اللي أشوفه أفضل بابدأ بالحوش وتوزيعه

https://i.imgur.com/d8mnZex.png

أضفت هنا سلوبات السقف لتصريف المطر ومقترح بايبات تنشبك مع البايبات النازلة وتندفن جنب بايبات الصرف الصحي وتصب في الحديقة النازلة .. وهذي نفسها يقدر يشبك معاها صرف مياه التكييف ويسوي فتحات تسليك مخفية في البلاط يفتحها وقت الحاجة .. ممكن لو ما مشوا موافقة غرفة السايق وعلى الأقل يحاول فيها حاجتها ضرورية مع الوقت .. ممكن يسوي خزان الصرف الصحي لو مطلوب مكان الإكس في غرفة السايق وبيب السحب برا الحائط وعليه غطاء

بالنسبة لفتحات التهوئة والإنارة للبيسمنت أتوقع يوافقون عليها وفي حالة ما وافقوا فيه حلول شرحتها للمالك

دور البيسمنت كما هو تم شرحه في السابق

https://i.imgur.com/Dfpf8oV.png

الدور الارضي مع مسارات الحركة ونسيت أحول اللي صوب مغاسل المجلس لنفس الخط المتقطع العريض

https://i.imgur.com/HOz1TVM.png

ممكن هنا يركب باب سلايدنغ فاصل بين منطقة الدرج والصالة والمجلس وممكن يخلي المجلس مكان الصالة على شكل يو الجلسة مقابل التلفزيون والكبت الفاصل وجهة اليسار تكون طاولة طعام كبيرة للعائلة وللضيوف بنفس الوقت وجلسة العائلة وقت الزيارات تكون في القسم الخلفي قرب المطبخ والبانتري .. أشوف هذا التوزيع ممكن وبيكون أفضل

الدور الأول سويت نموذج توزيع للغرفة اليسار بيكون أفضل من اليمين العلوية في الرسم .. ممكن نسوي اليمين مثلها مع سحب الباب لحدود متساوية مع كتف الدرج ونعمل كسرة بين كتف الدرج وكتف الباب تكون حق كبت في الممر .. ولو الفكرة مب واضحة بطبقها على الرسم

https://i.imgur.com/4hoHnnL.png

بالنسبة للبنتهاوس الغرفة اليسار هي النموذج المفضل عندي وغرفة الخادمات ممكن نحافظ على دورة المياه ونسوي الغرفة محاذية لغرفة تانكي المياه ولا أظن بنوصل ل 70% من السطح للبنتهاوس بس يحاول فيها الإستشاري وبتمشي ويكون مكان الأسرة جلسة صغيرة للتلفزيون

https://i.imgur.com/I2R3hUC.png

النسبة الحالية للبنتهاوس للسقف 61.93% والمسموح 70 وممكن توصل ل 75 باستثناء

[معماري قطري]

هذي فكرتي لغرفة الخادمات وممكن نفصل اللفت بباب ويكون لهم الدرج للنزول والركوب وتبقى الغرفتين والصالة فوق شقة متكاملة وخاصة لأحد الأبناء في المستقبل ولا تعدينا ال 70% للبنتهاوس ولا خالفنا وكبرت غرفة التانكي 40 سم فوق

https://i.imgur.com/haVCixT.png

[معماري قطري]

رحت لإستشاري مقيم بأنه درجة أولى لإستكمال تصميم بيتي مع الإنشائي والخدمات واغتشيت فيه من سمعة سابقة سمعتها عنه وشفت صور بهرجة زايدة بدون مضمون حقيقي .. المهم مدير المشاريع عندهم شيبة وماخذ ورقة وقلم ويسجل الطلبات والملاحظات وسافرت وقتها وكلمت ولدي يوقع معاهم بس بعد ما وقع واستلموا 30% من مبلغ التصميم طلعت ريحته الوصخة .. قال لي لازم نسوي الأعمدة عريضة وسواها غش ومن أول مقابلة معاه قال احنا سعرنا لك رخيص حسبنا المخططات جاهزة نسوي كوبي ونوديها للتخطيط وتمشي وانا مناقشه في بعض اللي تعتبر مشاكل تحتاج مراجعات للتخطيط والمهم عندي الانشائي

في هذي الأثناء قلت خلاص بانسحب من عندكم وباشوف استشاري ثاني تم يحاول اني ابقى بس خلاص قررت خصوصاً بعد ما شفت مقترح الأعمدة حتى الغبي الدور الأرضي ما حطه وقام يغير في التوزيع على كيفه

شكله مستأجر مهندس انشائي من بنجري

https://i.imgur.com/f30eRHn.png

https://i.imgur.com/RWHDrCo.png

شوفوا الأعمدة شكبر عمارات فيها أصغر

المهم مريت على استشاري ثاني شاف تصميمي قال ما فيه أي شيء ومدح انه متكامل وبسهولة بيسوون الانشائي اللي ابيه وباطلع من ذيه عطاني الدفعة أو جزء منها أو نهبها جمر في بطنه إن شاء الله مب محلله شغل غش وهذا له أسباب لازم يحمونا منها التخطيط والمشرفين على هذي المكاتب

[معماري قطري]

وصلني فيديو من أحد الأشخاص ساكن قرب البحر وبيته طالع داخله ملح أسفل الجدران وهو يشيل كمية كبيرة من الملح إستغربت منها وأول مرة أشوفها في قطر .. يسأل عن الحلول والحلول صعبة صراحة بعد السكن وبيته شبه جديد .. ما فيه بيسمنت بس واصل للدور الأرضي ومخرب الجدران ومخرب السور وكانت الحلول قبل البناء ومن الحفر والعوازل واحتياطات تصريف أي مياه جوفية لأن المياه الجوفية ما لها أمان ترتفع بالخاصية الشعرية وفي أوقات محد يتوقعها

الفيديو مسحته بالغلط بس بقت عندي صور بسيطة ما توضح حجم المشكلة وكمية الملح

https://i.imgur.com/02VqxBW.jpg

https://i.imgur.com/OPubHm3.jpg

أرسلت له يمدني بصور توضح اللي شفته أو فيديو ثاني

السور استوت فيه كراكات ومتأكد بسبب صدأ الحديد وهذا يعني إن الرطوبة واصلة للأساسات ولأعمدة البيت والدليل تأثيرها الواضح

شالحل في رأيكم؟

أشوف ضروري عمل حفر حول أساسات البيت وعزلها بس العملية بتكون مزعجة ومكلفة ومتعبة .. كذلك عمل تصريف للمياه الجوفية أما عن طريق البلدية أو أشغال وهم مختصين وممكن يساعدون وصارت حالات مشابهة لناس غير لأن التصريف يشمل عمل حفر امتصاصية في الحوش وربطها مع شبكة لو كانت موجودة أو عمل شبكة خاصة أو السماح بربط صرف المياه الجوفية مع شبكة الصرف الصحي .. وأكيد سكان المنطقة عند بعضهم نفس المشكلة

[معماري قطري]

تذكرت سالفة بيوت بناهم اخوي الله يغفر له للاستثمار في صبخة الخور وكانوا أول بيوت ينبنون يوم شفتهم لمته عن شراءه للأرض وبنيانها بدون احتياطات مع إنه محصل أرض أحسن منها وبعيدة شوي عن البحر .. اللي صار خلال سنة بدت تطلع المشاكل وترتفع مياه البحر وغرقت المنهولات وخزانات الصرف الصحي وبصعوبة قدر يبيعها بخسارة بسيطة

[sara jsm]

الافضل يجمع الملح ويبيعهم :omg: ملح اصلي وطبيعي :telephone:

[معماري قطري]

الافضل يجمع الملح ويبيعهم :omg: ملح اصلي وطبيعي :telephone:

بتشترين؟ فكرة حلوة حصلنا وحدة بتشتري وبتتاجر بالملح .. إنتي ما خليتي شيء ما طلعتي منه فلوس

[معماري قطري]

في دراسة لتصميم أحد الأصدقاء خذت فيها حول الشهر ونص الى الشهرين .. باعرض آخر ما توصلت له مع الشرح بدون ما اعرض شغل الاستشاري من البداية وكانت لي ملاحظات عديدة عليه

البنيان مودرن والفكرة ممتازة والمالك ما شاء الله واعي .. بس انا في البداية كان انطباعي اني استغربت وجود بيت الدرج في الوسط .. لكن الآن مقتنع انه حل مناسب وأفضل شيء لهذا النوع من التصميم .. الأسباب بيت الدرج هيكله حامل البيت كله + انفتاح الدرج على بقية البيت في مناطق عديدة + سهولة الوصول له وقربه لكل المساحات المسكونة والمستغلة

بابدأ بالبيسمنت وإقترحت يرتب توزيعه كان مفتوح بالكامل ويغلق جهة الدرج مع إضافة الحديقة النازلة وتعديل المستويات .. أول مرة أجرب نقل الصورة هشكل وأتمنى تكون واضحة والا بغيرها لبي دي اف

https://i.imgur.com/3lzayIa.png

[معماري قطري]

مثل ما توقعت كلش ما طلعت واضحة باحطها منطقة منطقة أفضل

نبدأ بمنطقة البيسمنت للمجلس .. هذي تتكون من غرفتين ودورة مياه مشتركة ومطبخ صغير يخدم المجلس والغرفتين لو فيه ضيوف مع انفتاح على حوش البيسمنت النازل وسويت مقترح بحوض سباحة ومقترح بزراعة جانبية .. أرضية البيسمنت -2.9 متر وأرضية الحوش النازل سالب 3 متر أنزل بعشرة سم .. وبيكون فيه تصريف وفيه تصريف مياه جوفية تحت وحول البيسمنت .. فلانش درينيج

https://i.imgur.com/8myTkkI.png

[معماري قطري]

مقترح ثاني كبرت فيه المطبخ وسويت دريشته جانبية مطلة على الحوش النازل

https://i.imgur.com/lcFZCpN.png

وبتابع بالباقي وقت ثاني ان شاء الله

[معماري قطري]

مثل ما توقعت كلش ما طلعت واضحة باحطها منطقة منطقة أفضل

نبدأ بمنطقة البيسمنت للمجلس .. هذي تتكون من غرفتين ودورة مياه مشتركة ومطبخ صغير يخدم المجلس والغرفتين لو فيه ضيوف مع انفتاح على حوش البيسمنت النازل وسويت مقترح بحوض سباحة ومقترح بزراعة جانبية .. أرضية البيسمنت -2.9 متر وأرضية الحوش النازل سالب 3 متر أنزل بعشرة سم .. وبيكون فيه تصريف وفيه تصريف مياه جوفية تحت وحول البيسمنت .. فلانش درينيج

https://i.imgur.com/8myTkkI.png




هنا الخطوط المتقطعة فوق الحديقة النازلة مكان جسر للمشاة للمرور من فوق الحوش النازل

[معماري قطري]

ان شاء الله هذي واضحة للمنطقة كلها وللمقترح الثاني زراعة جانبية بدال حوض السباحة

https://i.imgur.com/hTLtvty.png

[معماري قطري]

باخذ المناطق الأصغر منطقة منطقة للشرح في البيسمنت .. هذي منطقة السينما وهي بمساحة 7.1 متر في عرض 5.7 متر ومناسب لها هذا التوزيع مع مساحة تخزين خلفية أو كبت عرض .. الصورة أكيد أوضح من الصورة العامة .. فيه مدرج متدرج 30 سم لكل مستوى وصفين كراسي بس لأنها في الغالب لعدد محدود

https://i.imgur.com/sGWw3xe.png

[معماري قطري]

هذي صورة لمدخل السينما في الأعلى وعندنا طاولة طعام اضافية وجلسة يفصل بينهم التلفزيون وواجهة زجاجية تطل على الحديقة .. كبديل للنافورة ممكن نسوي شلال جنب الدرج أسفل اليسار النازل من الحوش بحيث يكون نازل من الجدار الاستنادي للحديقة وهذا بيكون ارتفاعه من أرضية الحديقة 3 متر + 30 سم + حائط حاجز حسب الرغبة من 1.2 متر حتى ل 2 متر بس 1.2 بيكون يعطي شوية انفتاح لإطلالة صالة الدور الأرضي يعني ارتفاع الجدار الاستنادي للحديقة النازلة بيكون 4.5 متر يعطينا خصوصية للاحتفال والجلوس في البيسمنت أو حديقة البيسمنت

https://i.imgur.com/wf02A66.png

[معماري قطري]

لو المالك حاب يدمج بين الزراعة وحوض سباحة ضيق 2 متر في الطول اللي يحبه بعد ممكن وباسوي مقترح .. أذكر أحد كبار الوزراء شفت تصميم لحوض سباحة في بيته بعرض 2.5 متر أعتقد وطول 14 متر كان الهدف منه السباحة في خط مستقيم والعمق كان الستاندرد الدولي 125 سم .. الجدار المرتفع حول 45 سم للزراعة هذا ممكن نعرضه لحدود 40 سم ويكون عبارة عن مكان جلوس خارجي أو نستعمل كراسي بلاستيكية أو خشبية وباسوي المقترح إن شاء الله

https://i.imgur.com/1FOYZiD.png

ممكن كذلك نركب باب فاصل تحت الجسر يفصل بيسمنت المجلس عن بيسمنت البيت بس أشوف الانفتاح بدون باب بيكون أحلى

[معماري قطري]

مقاس الحديقة النازلة واللي تعتبر ممر بين بيسمنت المجلس وبيسمنت البيت وممر مفتوح ولو حبينا ممكن نسويه مظلل أو مغلق بزجاج بس المفتوح وايد أحلى بيكون وبنفس الوقت منور 15.8 متر في 4.2 متر صافي بدون حساب الجدران .. والجدران نقدر نسوي فيها فجوات ممكن تكون حتى صغيرة بحدود 20 سم في عمق 10 في ارتفاع 30 مقوسة من فوق وفيها انارة خافتة أو الشعلة البدائية .. أو نسوي رواشن باضاءة حديثة هادئة تعطي شكل حلو ليلاً مع إضاءَة سفلية سبوتات أو سترب لايت في مستوى النعلة ممكن مخفي وممكن مباشر .. مع إضاءة التشجير

[معماري قطري]

أضفت ستورين واحد فوق الدرج بعرض 2 متر وطول 5.7 وواحد تحت الدرج قرب المدخل للمصعد يمين بعرض 1.4 متر ممكن يستغل جزئياً كغرفة كهرباء .. والمساحات الباقية واضحة مع المناور الأربع النازلة بعرض 40 سم صافي وطول متر و80 لدرايش كاملة للتهوئة والإنارة الطبيعية

https://i.imgur.com/ZrQM2dG.png

[معماري قطري]

المغاسل ممكن تكون اقل 2 أو 3 كفاية .. بعدين وقت العزايم تجهيز البيسمنت وحديقة البيسمنت بطاولات وبوفيه سهل ووصول المدعوين سواء من المجلس الخارجي أو الداخلي سهل

وهذا سكشن حق الحديقة النازلة للبيسمنت واطلالة البيت عليها حتى من الدور الأرضي نقدر نسوي بلكونة صغيرة تطل عليها أو باب زجاج بس مع درابزين حماية ( بلكونة جولييت يسمونها ) .. فكرة تغطيتها ببولي كاربونيت مقوس بعد ممكنة وبتكون حتى تغطي درايش الدور الأرضي .. مع العلم ان اليسار سكة وبعدين الجار

https://i.imgur.com/VIou0md.png

[معماري قطري]

الصورة السابقة كانت لحوض السباحة المرتفع 60 سم عن سطح أرضية حديقة البيسمنت والخط العريض المتقطع حق منهول البيسمنت وممكن نسوي منهول التصريف للمياه الجوفية بين المجلس والبيت لأن لازم نسوي فرنش درينيج وهذا المنور النازل أو الحديقة الانجليزية أو حديقة البيسمنت بتفيدنا لهذا الغرض

موضح كذلك درج النزول من الحوش لحوش البيسمنت ومصب الماء الراجع للحوض بيكون على قطعة زجاج من ارتفاع 4.7 متر يسوي جو حلو بعد للمكان ككل وللصالات اللي في البيسمنت والدور الارضي

هذا المقترح الثاني لحديقة بدون حوض السباحة .. وممكن نسوي حديقة في جزء وحوض سباحة في جزء عندنا 15.8 متر .. الرجال الواقف على خطوط متقطعة وراء هذا ممر وراء جدار البيسمنت والحديقة ومتجه للملحق والخط مائل يعني رامب وبنشوف البقية في الدور الأرضي

https://i.imgur.com/KC9lpeA.png

[معماري قطري]

الولد الصغير فوق هذي بلكونة بعرض 60 سم تابعة لصالة الدور الأرضي تنفتح على حديقة البيسمنت وهنا فوقها برغولا خشبية ممكن تكون عليها نباتات متسلقة

[sara jsm]

الولد الصغير فوق هذي بلكونة بعرض 60 سم تابعة لصالة الدور الأرضي تنفتح على حديقة البيسمنت وهنا فوقها برغولا خشبية ممكن تكون عليها نباتات متسلقة

سكر البلكونة وسوه تخزين :unsure: التصميم عبارة عن ستورات وتخزين في كل دعوس :funny:

[معماري قطري]

سكر البلكونة وسوه تخزين :unsure: التصميم عبارة عن ستورات وتخزين في كل دعوس :funny:

الله يوفق راعي البيت ويبارك له الستورات ضرورية ووين في كل داعوس هذا استغلال للمساحات المتاحة إنتي بس تحبين الهجوم .. بعدين البلكونة فكرة اضافية صحيح تطل على جانب البيت وارتداد فوق السبعة متر بعدين تحت مستوى السور الخارجي بحول ثلاثة متر ونص .. مستورة بإطلالة جيدة

[معماري قطري]

توزيع الحوش تغير شوي عن مقترح الاستشاري كان حاط التانكي يمين المجلس بس بيكون نفس المكان ومحفور له تحت الأرض وما زال ممكن يحطه في زاوية المجلس العلوية اليسرى قصدي بعدها في الحوش ويمدد له بايب جانبي من خلال الحايط الخارجي أو في أعلاه .. الطبيلات كانت مقابلة الباب وثنتين صغار سويتهم على جنب وكافين لثلاث سيارات بسعة 3 في 6 لكل طبيلة وممكن نوقف سيارات اضافية مثل ما هو موضح

https://i.imgur.com/SxnrhAe.png

[معماري قطري]

ما ابغي أذكر تفاصيل التعديل هنا المهم هو إن فيه تغييرات بسيطة والنموذج عجبني مع الدرج الوسطي والنظام المفتوح وتم دمج الملحق مع البيت بممر مفصول وكل هذي أفكار المالك إضافاتي كانت ترتيب الأثاث بسكيل قريب للواقع وعمل المناور الساقطة للبيسمنت ساهم في تنزيل مستوى أرضية الدور الأرضي بحيث تكون عندنا أربع عتبات فقط كل وحدة 125 ملم ارتفاعها وعرض 400 ملم حتى تكون مريحة وفخمة في نفس الوقت ( شرفية ) تنقلنا من مستوى الحوش اللي هو 30 سم فوق مستوى الرصيف 15 سم وفوق مستوى الشارع 30 سم إلى مستوى 800 ملم اللي هو أرضية الدور الأرضي وكانت في السابق مستوى 1200 مم

وهذا هو الدور الأرضي كامل

https://i.imgur.com/3A7XgEo.png

ما فيه الا مخزن واحد ومخزن للطعام + المخزن اللي تابع للمطبخ الخارجي اللي تم توضيحه في مخطط الحوش

[معماري قطري]

يسار الصالة وجلسة الطعام توجد الحديقة النازلة وممكن نفتح عليها البلكونة الصغيرة أو نوافذ واصلة للارض ودرابزين جدامها للحماية وبدون بلكونة

[معماري قطري]

أضفت البلكونة للدور الارضي ومكان الحديقة أو حوض السباحة في البيسمنت


https://i.imgur.com/N86Khe2.png

[معماري قطري]

وبإذن الله لي مواصلة بكرة لاحقاً

[معماري قطري]

بتركيز أكثر على منطقة المطبخ الخارجي الصغير .. هو كان شوي أصغر ومب مرتب رتبته ووزعته وبدال ما يكون درج نازل من البيت 8 عتبات ودرج مرتفع من المطبخ عتبة وحدة سويت الليوان اللي بينه وبين البيت مظلل وبنفس المستوى لأرضية البيت .. بنكون خسرنا 0.8 من الإرتفاع الجديد للملحق اللي هو 4.5 متر وباقي لنا 3.7 نخلي منها 2.8 صافي ارتفاع للداخل و0.9 للسقف وسور السقف كافية وضفت عليه مخزن صغير ( لج يا بنت جاسم ) .. بين المطبخ والبيت نقدر نحط زراعة لو نبغي أو نسويه ليوان بعد أو عتبات تنزلنا للحديقة وأسفل الصورة عندنا الرامب اللي جاي من الحوش لدخول الأشياء الثقيلة أو الكرسي المتحرك .. عدلت المستوى داخل المطبخ ل 0.8 وهنا مكتوب 0.15 نسيت أعدله

https://i.imgur.com/vETAvGI.png

غرفة الخادمات كذلك طرفية وهي مثل مكانها من الأساس بس أعدت توزيعها وغيرت مكان الباب حتى تكفي لثلاث أسرة وكبت

[معماري قطري]

هذي صورة أوسع للملحق المدمج مع البيت .. كان قبل ما فيه باب جهة اليمين للمطبخ على الحوش وهذا أكيد يحتاج درج بسيط وعتبات ما وضحتها هنا .. مقابل شرق ولو انعمل زجاج بيكون مثل الدريشة في نفس الوقت لنور الصباح .. أول مرة أقتنع بعمل المطبخ الداخلي في جهة والخارجي للطبخ الثقيل في جهة وظروف الموقع تحكم وأشوفه حل مناسب بعد

https://i.imgur.com/RpT1fFq.png

[معماري قطري]

مقدمة البيت بعد المدخل المجلس النسائي يمين وكان مفتوح أكثر حتى على الدرج والدرج عندنا صوب المجلس بنشوف أسفل الجزء المرتفع والجزء النازل بيكون جنب ممكن يبين أو لازم نركب له درابزين قلت نسكره بجدار أفضل وحطيت باب سلايدنغ ممكن ينفتح لو حبينا الانفتاح

المدخل بيكون باب زجاجي يو بي في سي وبعده باب حديد مشغول ودرايش جانبية مفتوحة للمنطقة الوسطية بعد حديد مشغول وممكن نخليها فتحات بدون شيء لو حبينا .. العتبات شرفية 40 عرضها وارتفاعها 12.5 سم مريحة جداً .. وسويت مقترح لعتبات متغيرة الطول من اليمين لليسار بس اخترب الفايل ولا حفظته باسويه مرة ثانية

https://i.imgur.com/qhCkJeg.png

[معماري قطري]

هذا مقارب للتعديل اللي سويته قبل .. الأسود السميك بيكون حديد مشغول .. ويما إن ارتفاع الدور الأرضي قريب ال 5.3 نقدر نخلي هذا المدخل بدون سقف مستعار نقدر نركب خشب فوق مثل البرغولا أو خيوط بلاستيكية سميكة شوي للنباتات المتسلقة تطلع على الحديد المشغول أو حتى نسوي بداله مشربية خشبية أو جبس وبعدين تتعلق على هذي الخيوط .. ممكن كذلك زراعة العنب بيكون شبه داخلي وخارجي .. وفيه بروزات على الواجهة تظلل لو انا مكان المالك كنت شلتها لأن المدخل محمي من الشمس والعتبات استوت مريحة ونازلة ولا بيأثر فيها المطر بتكون مزحلقة مثلاً لو خذناها خشنة مثل البورسلان الحجري السميك .. وبتكون كل عتبة بارزة 6 سم مع إضاءة مخفية وعندنا اضاءة الزراعة بعد بتعطي ديكور حلو للمدخل

https://i.imgur.com/z2Affui.png

[معماري قطري]

نروح للدور الأول وفيه صارت تعديلات كثيرة باترككم مع التوزيع اللي اشوفه مناسب

https://i.imgur.com/CT8v4ss.png

[معماري قطري]

فيه منور سقفي فوق الفتحة المطلة على الدور الأرضي والمكتب فيه درج حلزوني يودي حق مكتبة فوق ومنطقة تخزين للكتب .. الغرفة الصغيرة أظن حق التخزين مثل الخزنة وأشوف ممكن نكبرها شوي جهة الدرج الحلزوني المنطقة هذي ميتة

[معماري قطري]

بالنسبة لتوزيع دورة المياه الرئيسية انا افضل هذا التوزيع .. حتى في منطقة الشور والجكوزي نقدر نحط كرسي بلاستيكي وهي معزولة عن بقية الحمام بزجاج وممكن نركب مضخة بخار ويكون حمام بخار بنفس الوقت مع شور وجكوزي .. الجكوزي الفري ستاند موضح في الرسمة السابقة

https://i.imgur.com/e93EkFL.png

[معماري قطري]

دور البنتهاوس لاحظت فيه مسوي دورة المياه مب فوق السفلية وسحبت اللي حق بيت ولدي حطيتها فوق مكان جدار الحمام السفلي يمين والجدار الثاني مكان الخط اللي جدام السرير بس هذي غرفة إضافية ممكن يصغر الحمام مثل اللي مسويه انا ويفصل غرفة الملابس الى غرفة بباب ولو احتياجه لغرفة بدال المخزن ممكن يحوله لغرفة من الآن ويستعملها كمخزن .. بعدين تفضيتها لإستعمالها كغرفة بيكون سهل

https://i.imgur.com/C4SYNdj.png

[معماري قطري]

مثل هذا الشكل قصدي .. وهنا تلاحظون الخطوط المتقطعة تحت .. هذي مظلة خرسانية بارزة حتى تعطي شكل معماري ممكن نستغني عنها نخفض التكلفة شوي وتكون واجهة البيت أكثر انفتاح مع رفع المنور السقفي ويستوي يبين من بعيد

https://i.imgur.com/EfERGwR.png

[معماري قطري]

رتبت شوي منطقة الغرفتين فوق .. ومثل ما ذكرت الغرفة اليسرى أو حتى الثنتين ممكن نستخدمهم أي استخدام مؤقت لين الحاجة للتحويل لغرفة واستغلالها تكون سهلة وممكنة بدون شغل صيانة قوي

https://i.imgur.com/tMTwcew.png

كبرت الغرفة اليمنى مع دورة المياه وممكن نحط حتى كاونتر تلفزيون بعرض 60 سم وأدراج لو حبينا بين الباب مال الحمام وباب غرفة الملابس وتفاصيل الحمام واضحة .. 3 في 1.6 متر .. إقتصادي وصغير مب شرط كل الغرف نسوي فيها حمام واسع

https://i.imgur.com/a4RyV8K.png

[معماري قطري]

دريشة الحمام اليمين بتكون وراء الباب وطولية ممكن أو عادية مرتفعة نسويها حسب الرغبة الدكت العريضة مخربة وانا ما تدخلت في نظام الدكتات المالك عارف وقال بيسوي حائط مزدوج والدكت مدمجة فيه وفي هالحال ممكن ترتيب الدرايش ترتيب ثاني حسب الواجهات وما أعتقد تأثر الواجهات مودرن وفي المودرن سهل نسوي فتحات على كيفنا نوعاً ما

[معماري قطري]

عرض الشور هنا بيكون متر و10 سم وحيز الكرسي بعرض 85 سم والمغسلة متر و5 سم

[معماري قطري]

لازم في تفصيل دورات المياه ننتبه لكسرات الحايط وين بتكون .. الرواشن لترتيب الصابون والشامبو واستوت تعطي شكل جميل مع الإنارة المخفية ولو كانت بعد متغيرة الألوان تعطي جو مزاجي متغير لو نحب .. وضروري نسويها بعرض واجهة الحايط حتى يكون كل شيء قريب منا

https://i.imgur.com/xVurq1A.png

[معماري قطري]

في الرسمة السابقة ممكن نكتفي باللي على يمين الرجال الجالس وهو بمقياس أكبر شوي من الواقعي وفي الواقع المفروض أصغر كمتوسط للإنسان العادي .. بارتفاع 60 سم مناسبة حتى 40 تكفي وعمق في الحايط 10 سم ونخليها مرتفعة عن أرضية الشور 60 أو 70 سم بحيث تكون جنبنا واحنا جالسين وسهلة التناول واحنا واقفين

[معماري قطري]

شيء مهم للحمامين ذيلا وضحته في الرسم بدون شرح المفروض يتوضح في رسمة ثانية وتفصيل غير اللي هو الدرايش فيه فكرة اننا نسويها من طوب زجاجي تحت يدخل النور ويعزل الرؤية وبعضهم يجون عازلين ما يبين شيء الا النور وفيهم فقاعات فضية تعكس النور داخل في المكان كله .. فوق نركب دريشة تنفتح يو بي في سي يفضل .. باسوي لها هي بس تفصيل مكبر بالرسم

[معماري قطري]

هذا قصدي في المشاركة السابقة .. هذا الدور بيكون صافي ارتفاعه يقارب ال 3.2 متر حسب تصميم الإستشاري وهو دور البنتهاوس وعندنا دورة المياه اليسرى وضحت الباب مفتوح بيسد شوي من الدريشة حول 8 سم وهو مفتوح بالكامل شكل ما هو موضح .. والرجال 182 سم يعني أي حد أقصر ما بيبين من الدريشة بس وضحت الطوب الزجاجي قد ما اقدر وفوقه الدريشة العادية

https://i.imgur.com/vkxbdCW.png

[معماري قطري]

المغسلة المعلقة على حايط جزئي بارتفاع 85 سم لازم يكون مبلط ومثل هذا الحمام 3 في 1.6 متر ممكن نبلط أرضيته بقطعة بلاط وحدة يوجد هذا المقاس وأكبر شوي 3.2 في 1.6 .. يحتاج نقص 1.1 متر من الجزء الطويل حق الشور ونسوي سلوب بسيط جهة الصفاية .. ما سويت مقترح السقف والجبس اللي يجي سيدة حلو بيطلع ومودرن مع إنارة مخفية من جهة المغسلة والكرسي ومكان الشور في الكسرة بعد فتحة شفط الهواء وتكون الفتحة الثانية للدخول قرب الباب .. باسوي فكرته الشغلة سهلة ومأسس لها

ميزة المغسلة اللي هشكل تكون قريبة من الشخص والمراية فوقها ممكن نعمل بوكس وراها بعمق 20 سم جزء منه محفور له في الحايط أو معمولة فتحة من الأساس بعمق 5 سم و 15 سم بارزة وباب الخزانة ذي يكون بارز من أطراف البوكس خلفه ليكون مسكة للفتح وكذلك يخفي شريط الإنارة المحيط بأطراف البوكس أو لو نحب نخليها تحت بس

[معماري قطري]

عملت تصميم للسقف وهذي صورة توضح انعكاس السقف .. الخطوط الحمراء المتقطعة بتكون للإنارة المخفية وهي يفترض لها مفتاحين واحد للخط الطويل المخفي العام وهذا ممكن يكون قوي .. والثاني للمزاجية الخفيفة اللي حول بوكس المراية وفي الرواشن الثنتين ولو حابين نسوي روشنة ثالثة طولية مقابلة الكرسي ممكن تكون كسرة بعمق 5 سم وفيها مراية طولية وبوردر سيراميك أو خشب لو نحب أو خشب معالج ونقدر نركب في المراية انارة نقطية جانبية على الجنبين سواء لصق فوق المراية وبيكون سهل التغيير أو وحدات منفصلة في فتحات في المراية .. نفس الشيء ممكن لباب البوكس مال المغسلة واللي عليه المراية .. الأخيرين بيكون ظاهرين وبنحتاج مفتاح خاص بهم .. بعدين عندنا السبوتات اللي على القطع 2 في الشور وواحد وسط الكرسي وواحد وسط المغسلة موضحين كدوائر حمراء بقطر 7 سم وممكن ناخذ المقاس اللي نحبه ويعطينا اضاءة مناسبة .. وصلنا 4 مفاتيح والخامس بيكون للسبوتات الكبار 20 سم موضحين وفيه 15 و 10 ومقاسات ثانية لو نحب

الخط الرصاصي المتقطع هذا للدكت حق المروحة وحق مدخل الهواء في أعلى الجدار ومن خلال الجبس من الغرفة للحمام

https://i.imgur.com/VY0AvSV.png

[معماري قطري]

معكوس السقف نسويه لتوضيح توزيع الإنارة وتشكيلة الجبس ودكتات التهوئة مسارها وفتحاتها حتى نعمل حسابنا نسويها في الجسور الساقطة لو نبيها مخفية ومن خلال دكت فوق الجبس وما نبي نضيع*من*الإرتفاع وقليل من الاستشاريين يسوونه الا لو طلبه العميل وأكيد بمقابل كبير أوقات

هذا القطاع الطولي يوضح فتحة الجبس في الطرف

https://i.imgur.com/JnIpgUP.png

[معماري قطري]

عمل المقاطع الطولية للغرف والأدوار يعطينا فكرة أكثر للي ممكن نسويه للسقف ولتفصيل الجدران وممكن نرجع للتوزيع الأرضي نعدل عليه لو احتجنا .. انا بديت أسوي قطاع طولي جزئي للدور الأول وباكمل عليه بعد للأرضي تحته وللبنتهاوس والبيسمنت .. أكيد يوضح لنا مقياس الإرتفاع وشلون نوظف الحجم وليس فقط المساحة .. وهذا قليل من الاستشاريين يسوونه مصممين الانترير يشتغلون عليه .. وإخونا صاحب التصميم سوى تصميم داخلي لكن استغربت التصميم الداخلي كان بناءً على التصميم المعماري الأساسي بدون أي تغيير بس وضح شلون بيكون الشكل ويقول كلفه أكثر من التصميم والرخصة

صافي ارتفاع الدور الأول ممكن يطلع 4.1 متر لو استعملنا أرضيات بعمق 30 سم وما بيفرق كثير عن هالرقم .. بس ملاحظ غرفة الملابس كبتاتها في العادة تكون بين 1.8 و 1.6 متر ارتفاعها وقصدي القواطع الداخلية لأن الإنسان العادي السوبر طويل نفترض 1.8 متر طوله ثيابه ما توصل لين 155 سم وممكن أقل وإحنا ناخذ ارتفاع راس القاطع بحدود 1.7 لهذا النوع من الكبتات اللي تكون بدون ابواب وبدون تخزين فوقها الا ممكن بعض الشناط أو السلال وهذي ينحط للوصول لها بسهولة درج صغير أو عتبات متحركة خشب أو غيره بإرتفاع 30 أو 40 سم لسهولة تناولها والوصول لها .. يعني ماكسيمآم ممكن ناخذ ارتفاع مترين .. لذلك ممكن نسوي هنا ميزانين فلور ونستغل الغرفة هذي لتكون من مستويين أو ننزل السقف بدرجة معقولة بحدود متر بسقف مستعار

حطيت الفلور بلان فوق حتى يوضح القطع وين جاء والتفاصيل لواجهة القطع الداخلية موضحة تحت

https://i.imgur.com/bbBXWiV.png

[معماري قطري]

دريشة غرفة الملابس اللي وضحتها بتكون ثلاث صفوف من طوب زجاجي وجهة الغرب بتنور الغرفة كلها ونقدر نرفعها بعد شوي بحيث تكون قريبة من جبس السقف وبحيث يزيد عندنا مستوى التخزين فوق القواطع .. رفيجنا الطويل حطيته في الحمام في غرفة الملابس ما بيحتاج درج يده طويلة لو نط ممكن يوصل السقف بس للأشخاص العاديين 1.7 وحولها إرتفاع الخزاين مناسب وباحط شخص أو شخصة تتناول الملابس من العلاق لو حصلت رسمة مناسبة

الحل الثاني للدريشة هو الدريشة الطولية وهذي مناسبة في حال بنسوي ميزانين فلور لمضاعفة المساحة التخزينية وبوضحها لاحقاً

[معماري قطري]

داخل دورة المياه احنا نوقف ورانا يمين منطقة المغسلة والكرسي والبديه ويسار الباب .. القطع مار في الكاونتر أو التسريحية الداخلية بعرض 45 سم وارتفاع 75 سم .. هذي تفصيلها حسب رغبة المالك ممكن بأدراج جانبية ومراية أو مراية مع تخزين خلفها مثل المغسلة بس هنا لو جات مراية عريضة وفيها انارة شريطية بارزة أو نقطية مثبتة جانبياً وعلى الكاونتر قطع بسيطة عطورات ومجفف شعر وأي احتياج خاص بتكون أحلى وأدراج جانبية بسيطة كفاية .. طبعاً نحتاج نقطة كهرباء ممكن نخليها مخفية في درج أو ظاهرة ما اعتقد مشكلة المنطقة الرطبة معزولة بحاجز زجاجي

وضحت الدرايش بفريم أزرق داكن عن الأزرق الفاتح الخاص بالفاصل لمنطقة الشور والجكوزي ورفيجنا بو جريدة قاعد على كرسي الشور المبلط أو ممكن نعمله خشبي من خشب خاص لو حبينا .. إرتفاعها بيكون 250 سم وارتفاع فريم الزجاج الفاصل 340 سم .. فوق الفريم بيكون حديد تثبيت للفريم مغطى بالجبس النازل مثل الجسر وبعدين يجينا سقف الجبس متصل معاه ومقطوع بالجسر النازل وبعدين مستمر لبقية الحيز مع انارة مخفية في الجهتين فقط يمين ويسار مثل ما هو موضح .. الروشنة موضحة في الفلور بلان لكن نقدر نواصل بها حتى قرب الشور نترك جزء بسيط بس اللي يكون فيه البايب ومفتاح المياه وممكن نعدل ارتفاعها شوي ننزلها 10 أو 15 سم حتى تكون قريبة للتناول من الجكوزي .. سويتها بارتفاع كبير شوي 60 سم ممكن نفصلها برف زجاجي وهذا أكيد يحتاج دعامة وسطية بعد زجاجية وممكن نسوي الزجاج طبقتين 12 ملم ملتصقين ونركب انارة خلف الزجاج تنور الرف بس ما تبين لنا يبين الرف منور غير عن الانارة المخفية اللي ممكن تكون ملونة ومزاجية وتجي في أعلى زاوية الروشة الداخلية .. رف الزجاج بسهولة يسوونه محلات الزجاج وحتى برخيص وتكون حافته مبرومة

https://i.imgur.com/dc2Z4JU.png

بنفس الوقت بنكون استغلينا الجسر الجبس الساقط لتمرير بايب أو دكت دخول الهواء من غرفة الملابس للتجويف المخفي مال الانارة وثم للحمام وممكن نسوي قسمين لتوزيع الهواء الداخل واحد صوب الشور والثاني صوب بقية الحمام وسحب الهواء نفس الطريقة من الطرف الآخر وللخارج .. لو بنسوي حمام بخار مع الشور والجكوزي ممكن نحتاج آلية لإغلاق دخول الهواء وتجديده ونكتفي بفتح الدريشة للتهوئة لو زاد البخار ولا تحملناه

https://i.imgur.com/dc2Z4JU.png

مكان رفيجنا ظريف الطول ممكن يكون كرسي عادي بلاستيكي للجلوس والتنشيف أو طاولة نازلة للفوط ولوضع الرجل عليها للي ركبهم تعبانة مثلي

شيء أخير ضرورة تركيب قبضات وقضبان مساعدة للتمسك والثبات وتساعد للقيام من الشور والكرسي هذي بتحتاجونها مع التقدم في العمر وزين نرتب لها أول بأول

https://i.imgur.com/dc2Z4JU.png

[معماري قطري]

معليش كررت الصورة ثلاث مرات كل مرة أنسى اني حطيتها دليل اقتراب الخرف