مراجعة التصاميم المعمارية وابداء الملاحظات عليها (محدث)

[معماري قطري]

لاحظت بيوت جديدة مركبة حجر لكن للأسف تشوف كم قطعه طايحة ومشوها المنظر، وآخر شي راعي البيت قطر انه يصبغ.
شخصيا انا مافضل يكون البيت كله حجر او واجهة البيت كلها حجر.. افضل يكون جزء منها حجر والباقي صبغ، جذي يعطينا منظر جمالي ومايكون دفش.
مادري هذا رأي ويمكن أكون غلطان.

معاك حق الحجر حلاته تطعيم وزينة خاصة مثل البراويز والباقي صبغ .. بيوت أمريكا الحديثة غالبيتها كذا

[معماري قطري]

السلام عليكم اخوي معماري قطر
أرسلت لك إيميل ممكن تشوف ايميلك معاليك امر
جزاك الله خير

عليكم السلام ورحمة الله

رديت عليك اخوي

[بوجاسم_قطر]

ياهلا اخوي بوعبدالله
تسلم وعساك ذخر ...
انا من امس قاعد اقرى ذي الموضوع ومستمتع بالطرح والنقاش الجميل
الله يكتب اجركم ويوفقكم ان شاءالله

[معماري قطري]

ياهلا اخوي بوعبدالله
تسلم وعساك ذخر ...
انا من امس قاعد اقرى ذي الموضوع ومستمتع بالطرح والنقاش الجميل
الله يكتب اجركم ويوفقكم ان شاءالله

توني انتبه لهذي المشاركة وهلا فيك اخوي بو جاسم والله يوفقك في بنيانك

[معماري قطري]

وهنا يبين كيف التغيير في التوزيع وتصغير المباني قليلاً والاستفادة أكثر من الأرض وعمل اتصال مع الأرض الثانية

المقصد هو حساب كل شيء في التصميم واللي يشوف القديم ويشوف الجديد يلاحظ مدى التغيير والأفضلية لأي تصميم

http://i.imgur.com/V6rsBpn.jpg

بخصوص هذا التصميم طلعت فيه إمكانية طلب اضافة سكة خدمات أو جزء منها في القسم السفلي مما سيكبر الحوش لكن التكلفة كبيرة وشكلي لو ما فيه مجال أقللها بارضى بالموجود والموجود كفاية وباركز في التصميم كما هو .. مع إحتمال بعض التغيير لحوض السباحة .. مفكر في إني اخليه مفتوح وصالة الرياضة بس اسويها مستويين ومغلقة وبواجهة قزاز لجلسة مرتفعة تطل على الحوض .. والحوض مثل ما ذكرت في السابق بيكون مرتفع عن الارض 120 سم ويبين نزول الماء مثل الشلال بنظام الاوفرفلو المفتوح .. يعني أرضية الصالة بتكون نفس ارتفاع الحوض .. فوق هذا تحت صالة الجلوس باسوي صالة رياضية بإرتفاع بسيط

[معماري قطري]

مريت على بعض الصفحات القديمة وتابعت اشوف واتذكر الموضوع هذا والتصاميم لبعضها حول ما يزيد على السنتين وأكيد البعض توكل على الله وبنى وبعضهم غير تغييرات ممكن للأفضل والله يوفقهم

الناقص التغذية العكسية واعلامنا شصار لأن الموضوع تفاعلي ولكل اللي طلبوا ابداء الرأي في التصميم ولبقية المتابعين .. لذلك أتمنى ممن خاض التجربة وأكمل التصميم يبلغنا شصار معه

[معماري قطري]

كلام المهندس منطقي وهذي الطريقة الأسهل كمدخل للتصميم وبعدين نعدل عليه ونرتبه حسب قناعتنا واحتياجنا وذوقنا

أوقات الأرض صغيرة والتصميم كبير ونحتاج نغيره بس ناخذ منه فكرة معينة ونضطر نسوي بيسمنت وبنتهاوس حتى يوفي متطلباتنا .. وأحيان كثيرة التصميم المقتبس ممكن يكون كبير ومكلف وفيه مساويء والجديد يطلع أرخص وأرتب وبدون مساويء لأننا تلافينا أوجه القصور


https://www.youtube.com/watch?v=it036RTEaGQ

[ورد الدوحه]

السلام عليكم

انا ألحين قررت اني ابني أرضي بس ماعرف شي عن سوالف البنيان كلش
طبعاً قريت الموضوع تقريباً 10 الصفحات الاولى وااااااايد استفدت الله يعطيك العافيه يا معماري قطري وجعله في ميزان حسناتك ان شاء الله
عجبني أول مخطط وعقب اكتشفت ان الموضوع صار له سنتين
استفساري هل المخطط يتناسب مع 2017 والا صار قديم؟

[معماري قطري]

السلام عليكم

انا ألحين قررت اني ابني أرضي بس ماعرف شي عن سوالف البنيان كلش
طبعاً قريت الموضوع تقريباً 10 الصفحات الاولى وااااااايد استفدت الله يعطيك العافيه يا معماري قطري وجعله في ميزان حسناتك ان شاء الله
عجبني أول مخطط وعقب اكتشفت ان الموضوع صار له سنتين
استفساري هل المخطط يتناسب مع 2017 والا صار قديم؟

عليكم السلام ورحمة الله وبركاته

ما فيه شيء اسمه تصميم قديم كلها تصاميم دارجة وموجودة ويتم التعديل والتغيير عليها .. نقدر نقول نقطة انطلاق

أي تصميم يعجبك أقدر انزله على أرضك وحسب حدود الأرض واتجاهاتها اقدر اعدل المداخل وترتيب الحوش والملحق باللي يناسب .. تبقى الواجهات والتشطيب هذي أشياء المفروض الكل يتبع نصيحة المصمم فيها لكن العكس الكل يغيرون التصميم ويحطون ذوقهم وناس يتوفقون وناس يتوهقون

[معماري قطري]

وصلنا 100 صفحة 10 صفحات ولا شيء واصل القراءة حتى لو تتصفح بسرعة

[ورد الدوحه]

وصلنا 100 صفحة 10 صفحات ولا شيء واصل القراءة حتى لو تتصفح بسرعة

الله يعطيك العافيه اخوي معماري قطري والله ماقصرت
انا ألحين تقريباً في صفحة 45 :yes:
وعقب ماخلص المية صفحة بقولك :thumbup:

[معماري قطري]

الله يعطيك العافيه اخوي معماري قطري والله ماقصرت
انا ألحين تقريباً في صفحة 45 :yes:
وعقب ماخلص المية صفحة بقولك :thumbup:

الله يعافيك

التصاميم بعضها شرح وسهل بنيانه وبعضها شوي صعب بس كلها أشوفها مناسبة للجميع خصوصاً بعد التعديل في التوزيع .. حتى البيسمنت الحلول له متوفرة بس يبقى المكتب يبرزها بطريقة قابلة للموافقات الحكومية

يمكن من أحلى التصاميم اللي هو المستطيل واللي صالته جانبية واللي سويت له مخططات كثيرة ووضحت مميزات كثيرة فيه .. حتى انا بديت أفكر اسويه لي وممكن اصغره شوي وأخلي بدال ما ابني بيت كبير لي ابني بيتين لي ولولدي .. انا تصميم بيتي 1400 تقريباً مساحته وأشوفها كبيرة علي ولو ابني نفس المساحة على بيتين 700 ممكن تطلع أفضل وممكن ابني 500 و 500 نسيت مساحة ذاك النموذج كم

اللي يذكره مغامر شوي ببعض دورات المياه مسوي نوافذها متصلة للسقف ومستوية مرتفعة وسكايلايت بنفس الوقت

[ورد الدوحه]

الله يعافيك

التصاميم بعضها شرح وسهل بنيانه وبعضها شوي صعب بس كلها أشوفها مناسبة للجميع خصوصاً بعد التعديل في التوزيع .. حتى البيسمنت الحلول له متوفرة بس يبقى المكتب يبرزها بطريقة قابلة للموافقات الحكومية

يمكن من أحلى التصاميم اللي هو المستطيل واللي صالته جانبية واللي سويت له مخططات كثيرة ووضحت مميزات كثيرة فيه .. حتى انا بديت أفكر اسويه لي وممكن اصغره شوي وأخلي بدال ما ابني بيت كبير لي ابني بيتين لي ولولدي .. انا تصميم بيتي 1400 تقريباً مساحته وأشوفها كبيرة علي ولو ابني نفس المساحة على بيتين 700 ممكن تطلع أفضل وممكن ابني 500 و 500 نسيت مساحة ذاك النموذج كم

اللي يذكره مغامر شوي ببعض دورات المياه مسوي نوافذها متصلة للسقف ومستوية مرتفعة وسكايلايت بنفس الوقت

الله يعطيك العافيه ممكن اتحط صورة هالتصميم ماعرفت أي واحد تقصد المستطيل
معليش بتسندر معاي هالأيام

[معماري قطري]

المساحة استوت 335 متر مربع وعلى دورين بتطلع 670 وعلى اضافة بنتهاوس بحدود ما تزيد عن 800 متر مربع

التصميم فيه مساحات جمالية ومناسب لكثير من الأراضي

مبدأ التصميم السابق متواصل وهذا الجزء اليسار أكيد يحتاج تعديل انشائي .. وهنا سويت الحائط الخارجي المنحني 30 سم ليكون معزول وبنفس الوقت يكون أقوى وانصح بعمل الحوائط الباقية 30 سم ومعزولة .. حتى الأعمدة لو كانت 30 في 30 بيكون الغطاء الخرساني أكبر للحديد

http://i.imgur.com/keiNXBI.png

بالنسبة للمدخل بابين وراء بعض ممكن نعمل الخارجي حديد مشغول لتأمين البيت والداخلي يو بي في سي لمنع أي غبار أو صوت أو حرارة

هذا اخوي ورد الدوحة تصميم مطور من ذاك .. تقدر تسوي بدل الغرفة الدائرية غرفة مثمنة بتكون أكيد أسهل وباشوف ذاك التصميم بعد

[معماري قطري]

بعد ما عرفت اتجاهات الشمس حسيت إن الغرفة الرئيسية مظلومة فقلت ليش ما اكبرها واحرك المكتب مكان الصالة الرياضية بتستوي عندنا كل الغرف في مكان خاص وهاديء بعيد عن الصالة .. وكذلك بتكون الغرفة الرئيسية مطلة على شرق وجنوب للشمس في أغلب الوقت

أضفت نوع الدرايش اللي يجي بارز بحيث تدخل الشمس لجلسة صغيرة كافية ل 3 أو 4 أشخاص مع طاولة وسطية للشاي وحتى أوقات للريوق في الغرفة أو حق التشمس وقت الصبح والمغرب .. الستارة بتكون مثبتة في جزء الحائط وتغلق بحيث تقسم الجلسة مع الدريشة عن الغرفة

http://i.imgur.com/ia74eGC.png

طبعاً مع عمل الزوايا القائمة في الجدران مشطورة 45 درجة حتى ما تنكسر ولا تعور اللي يصطدم بها وكذلك منظر جمالي

مثل ذيه في صفحة 64 وقبلها بس سويت فيه تغييرات كثيرة وكلها مشروحة وممكن تسوي اللي تحتاجه وتغير فيه حتى الواجهات لها أفكار بلا نهاية .. المساحات مكتوبة خلال النقاش في الموضوع وتقدر تسوي بيسمنت وبنتهاوس أو تلغيهم حسب احتياجك

[ورد الدوحه]

الله يجزيك خير اخوي
ان شاء الله في الويكند بادرس هالتصميم عدل

اختك/ ورد الدوحه

[معماري قطري]

برنامج الرسم الهندسي عندي على اللابتوب واللي هنا انمسح لازم انزله مرة ثانية وإن شاء الله قريب وأي حد يبغي نقاش وتعديل للأفضل لتصميمه ليتردد .. أوقات المكاتب يسوون أخطاء أو عدم تجانس بين الأدوار انا بسهولة انسخها وانزلها واركب كل دور على الثاني واركب الخدمات والواجهات وحتى مخططات الكهرباء والتكييف واراجعها وانسق بينها واوضح شالغلط

في البداية نركز على الأساسيات ومجال الحركة وعلاقة كل حيز بالثاني والكلام كله يكون معماري وأساسي بعدين التركيز في باقي التفاصيل لو عملها المكتب الهندسي لأن فيه تخصصات ما اقدر اسويها بس اقدر انسقها واوضح تعارضها مع المعماري .. هذي الأخيرة مشكلة كبيرة لأن غالبية المكاتب ما يتابعها المعماري وأكثر شغلهم نسخ ويعدلون بدون تنسيق ويقطون الكورة في ملعب المالك ويتورط هو بعدين

[معماري قطري]

الله يجزيك خير اخوي
ان شاء الله في الويكند بادرس هالتصميم عدل

اختك/ ورد الدوحه

سامحيني يا اختي حسيت اني يمكن اكون غلطان

[قدام]

معماري قطر ... بارك الله فيك :thumbup:

[معماري قطري]

معماري قطر ... بارك الله فيك :thumbup:

الله يحفظك ويخليك

[معماري قطري]

تواصل معاي أحد زملاء الدراسة منقطع عنه من 25 سنة ( ربع قرن ) ومن أيام التخلف التكنولوجي

قصة التواصل غريبة شوي وفيه الخير الله يحفظه .. بعد وفاة اخوي غانم الله يرحمه تم نشر عزاء في قروب وتس أب من مجموعة من شباب جامعة ميامي ممن هم خليط من شباب تخرجوا قبلنا وبعدنا بشوي وفي وقتنا .. يغطون الخليج كله وبعض الدول العربية .. بالصدفة اخوي ناصر كان من ضمنهم وحطوا التعزية له وذكرونا كإخوان ومن ضمنهم إسمي

زميلي هذا يذكرني بس ما كان متأكد من الإسم راح فتح كتاب التخرج وشاف صورتي وتأكد من الإسم وسأل عن رقمي وحصله عند واحد من الزملاء البحرينيين على تواصل معي وتواصل برسالة تعزية وكان الرقم أُردني .. وانا لي معارف كثيرين في الأُردن ما توقعت يكون هو بينهم .. ولا تذكرته الا يوم أرسل لي صورته من كتاب التخرج .. وهو واصل دراسته للماجستير وممارس للمهنة بصورة دائمة

أرسلت له بعض مواضيع المنتدى ودعيته للتسجيل وإن شاء الله يكون بيننا عن قريب

هذا بروفايل لبعض أعماله والله يوفقه في شغله

https://issuu.com/eihabelaryan/docs/ideal_architects-profile-2017

[معماري قطري]

إحدى الأخوات طلبت تعديل على أحد التصاميم ووضعه على حدود أرضها وقد أتت بتصميم مقارب لهذا فعدلت عليه بما يتناسب

لم أُكمل تصميم الملحق لكن عملته بمقاس كافي لغرفة سائق وغرفة غسيل وغرفة خادمة ومطبخ وستور .. بمساحة 4.4 في 17 متر

https://i.imgur.com/JOaURcq.png

الممر الوسطي صغرته لمترين و60 سم وبعدين يستوي أصغر لمترين و20 سم ووسعت الصالة والمجلس .. مع بقاء القسم العلوي كما هو الا بعمل نافذة ممتدة تغطي المدخل .. وهذي ممكن تكون بسقف مايل في ثلاث اتجاهات وممكن تكون بسقف سيدة بس نازل عن باقي الأسقف حتى تبين كتلة جمالية بارزة

[معماري قطري]

ممكن اضافة حمام خارجي للمسبح وتبديل ملابس وأي غرفة ضرورية أُخرى

وهنا الدور الأول مع تعديل الصالة بالدريشة اللي تعطينا رؤية لكامل الحوش

https://i.imgur.com/j4YYahT.png

[معماري قطري]

مساحة الدور الأرضي 337 والأول 345 والبنتهاوس 156 باجمالي 838 نزيد عليها مساحة الملحق والمجلس وأي اضافة تطلع أكثر

وهذا البنتهاوس والسقف وسقف الجلسة الممتدة النازل والمايل

https://i.imgur.com/ol14Zq6.png

بالغلط حطيت صور البي دي اف فوق وتطلع مب واضحة وباحط الصور العادية بعدين

[معماري قطري]

وهذي صورة الحوش والدور الارضي أكيد بتطلع أوضح

https://i.imgur.com/3mr6gnj.png

[معماري قطري]

في النظام المفتوح والصالة الوسطى تعتبر ممر ما نجتاج نوسعها على حساب الجلسات المهمة اللي هي أصلاً مطلة عليها وتعطيها سعة .. كذلك الفتحة البيضاوية اللي موضحة تطل من الأول على الارضي وتعطي الممر هذا اتساع رأسي والإنتقال من حيز لحيز شبه مفتوح يعطي جمال عمراني أكثر

للحوش نقدر نخلي الشجر قريبين من السور في المقدمة ونوسع شوي لدخول السيارات لتنزيل الزوار خصوصاً النساء .. والمظلة حاولت تستوعب 4 سيارات قد ما اقدر وممكن لو صغرنا شوي في الملحق أو خلينا الباب ينفتح سلايدنغ بيكون أوسع شوي لدخول السيارة لمقرب مدخل الصالة

الحوض ممكن يكون اوفرفلو بقناة مفتوحة شرحت تفاصيله في صفحات سابقة وكذلك ممكن نفتح باب جانبي بين الصالة وغرفة الطعام أو نخلي جزء كبير زجاج يطل على الحوض وممكن ينفتح للخروج ناحية الحوض والسباحة فيه

شخصياً لو انا باسويه لي بانزل أرضية الحوش بالكامل جهة الحوض متر أقل شيء وباعمل تدرج من الجهة المرتفعة وبدال الحوض عندنا خيارات ثانية شلال او نافورة وزراعة أو مجرى مائي


وهذا الدور الأول مكبر أكثر

https://i.imgur.com/l2cZFJK.png

[بوخالد911]

سؤال طال عمرك

في ناس تحب الملحق الخارجي يكون على جنب الفيلا. يمين أو يسار
والغالبية تخليه ورى الفيلا.

من وجهة نظرك شنو الأفضل لو أنا أحب أكسب مساحة أكبر.

وهل موقع الملحق الخارجي يعتمد على شكل الأرض
سواء كانت قطعة الأرض بالطول أو بالعرض؟

[معماري قطري]

صباح الخير اخوي بو خالد وجميع القراء

شيء مهم لازم ننتبه له اللي هو رقابة واجهة البيت ومشاهدة من يدخل ويطلع .. حتى إحساس اللي ورا البيت يكون فيه شوية وحشة .. وبعد أوقات يكون مكانه ورا البيت أفضل أو حتى في البيسمنت وأكيد حسب التصميم

انا افضل للتصميم هذا هذا الشكل لأني باخلي غرفة السايق بابها ودريشتها مقابلين السيارات وبعدين ممكن افصلها بباب يفصل الممر بين الملحق والبيت عن الحوش ويكون السواق مفصول .. سهولة اخراج القمامة من الخادمة للسايق حتى يخرجها خارج البيت وإحنا معطينهم ترولي سهل يشيلون عليه ومسوين رامب بين الملحق والبيت بسهولة ننزل الأغراض .. حتى الشناط تندفع بدون شيل

حتى للخادمة تودي للسايق وجباته من قريب وبسهولة .. مدخل المطبخ يعتبر مدخل ثانوي وبما إن البيت بنظام مفتوح تحت حتى لو يوجد ضيوف ممكن نستغله لدخول البيت بخصوصية

رايك يهمني في البيت وأي شيء تعتقد لازم يترتب أكثر

لو تذكر تصميمي لبيتي كان نوعاً ما غير والملحق في جهة خلفية وغرفة السايق شبه خارجية وهذي صعبة نسويها هنا .. بعدين وجهة نظري لغرفة السائق بدل ما نخليها بصعوبة تكفي شخص نخليها تكفي شخصين مع بانتري صغير وحمام بحدود 2 في 2 لثلاث قطع وممكن نسويه أصغر شوي .. حتى لو عندنا سائق واحد الاحتياط أفضل

[معماري قطري]

للي يحبون الشمس والغرف الشمسية ممكن نسوي الصالة العلوية سقفها المايل والممتد على المدخل تحت ممكن نسويه قزاز ثابت .. وتكون جلسة تشمس داخلية ومحمية .. كذلك نقدر نركب ستارة كبيرة تعزل الجزء الممتد المشمس لو حبينا الظلال .. وما ننسى عندنا سكايلايت هرمي سقفي محدد بالأسود الغليظ في وسط الصالة تقريباً

[معماري قطري]

التصميم الأخير بتكون فيه صعوبة في التصميم الإنشائي تجاوزها معمارياً سهل وأقدر اوضحه أو ممكن فيه حلول انشائية حسب خبرة المهندس الإنشائي يوضحها .. الإخت اللي طلبت التصميم ما عجبها وحبت التصميم المقدم من الإستشاري مع بعض التعديلات اللي اقترحتها والله يوفقها

هذا تعديل وشرح للتعديل لتصميم حق بيت في الكويت واستغربت من امكانية تأجير الدور الأخير للبيت وعمل مدخل خاص له


https://www.youtube.com/watch?v=4B9JP1jcDuM

[ورد الدوحه]

الله يعطيك العافيه اخوي معماري قطر وماقصرت على التصاميم الحلوة
اعجبتني وايد
بس كنت ابي في الدور الأول غرفة واحدة ماستر
و4 غرف نوم للأبناء

[معماري قطري]

الله يعطيك العافيه اخوي معماري قطر وماقصرت على التصاميم الحلوة
اعجبتني وايد
بس كنت ابي في الدور الأول غرفة واحدة ماستر
و4 غرف نوم للأبناء

لو تسمحين باعرض التصميم اللي وصلني وباحط الملاحظات عليه للجميع يستفيد وممكن حد يشارك بوجهة نظر منطقية

كذلك التصميم اللي عملته في السابق المستطيل ممكن ينفع لمساحة أرضكم وما اذكر فيه أربع أو خمس غرف

[ورد الدوحه]

لو تسمحين باعرض التصميم اللي وصلني وباحط الملاحظات عليه للجميع يستفيد وممكن حد يشارك بوجهة نظر منطقية

كذلك التصميم اللي عملته في السابق المستطيل ممكن ينفع لمساحة أرضكم وما اذكر فيه أربع أو خمس غرف

أكيد مسموح أخوي
نتمنى الفائدة للجميع والله يجزيك كل خير اخوي معماري

[معماري قطري]

الله يجزيج بما دعيتي اختي الكريمة

هذا النموذج مقارب للسابق .. عيبه الامتدادات الشبه دائرية صعب تنفيذها وصعب تأثيثها .. ولو حابينها نقدر نسوي قوس نص دائرة بكامل طرف الغرفة أفضل كذلك الدرج الدائري متاصل للسقف وبيكون مكلف كثير درابزين ورخام قص خاص وبعرض مختلف لكل درجة صوب عريض وصوب ضعيف .. ما فيه مصعد ومساحة الصالة العائلية كثير كبيرة أفضل ناخذ منها حق مخزن تابع للمطبخ الداخلي

يحتاج تعديل كبير حتى يناسب الأرض

الملحق فيه غرفة مكتوب عليها غرفة حارس وبدون حمام .. استغرب من بعض المكاتب اللي ما تهتم لشغلها عدل

https://i.imgur.com/aBMuXM6.png

[معماري قطري]

لو حابينه ممكن نقرب كتلة الصالة العائلية والمجلس وملحقاته ناحية الداخل ونسوي الممر أضيق في الوسط بعدين يدخلنا للدرج .. بتصغر شوي مساحة البيت وألحين الاحظ المجلس يعتبر معاه غرفة طعام والمساحة نهائياً ما تكفي واتحدى المهندس اللي سواه يوزع الأثاث وبنشوف كيف يطلع صغير ولا ينفع

المغاسل والتواليت التابع للمجلس ممكن نقلل عرضه ل 1.6 متر ونكسب 40 سم مساحة للمجلس وممكن لو سوينا الواجهة نص دائرة كاملة يترتب الأثاث ويكون شوي أوسع ونقدر نحرك شوي نزيد في مساحة المجلس حتى يستوي مدمج معاه جلسة طعام صغيرة .. باقي الأدوار باحطها بعدين ومتقبل نقاش وملاحظات الجميع

والا خلونا نشوف الأول

https://i.imgur.com/6jSStJt.png

نلاحظ الدرج طرف عتبته الصغير حول 15 سم بالمقارنة مع سمك الجدران ال 20 سم .. يعني اللي بينزل لازم يستخدم الطرف العريض أو أقل شيء الوسط

وهذا دور السطح ومن رايي نحط الخادمة تحت ونرتبه لإستغلال مستقبلي أفضل ولو نسوي غرفتين وصالة صغيرة وايد أحسن والخادمة تكون في الملحق تحت أقرب للمطبخ والحوش

https://i.imgur.com/lWqxIOj.png

[معماري قطري]

بما إنها ما وصلتني فايلات الاوتوكاد لهذا التصميم أقدر اسوي مقارب له مع التعديلات وبياخذ مني وقت أكيد والمستفيد يقرر شالأنسب له

[معماري قطري]

شخبطت باليد على برنامج بدائي وطلعت الخطوط تفشل ولا قدرت ارتب كل شيء وأكيد بياخذ مني وقت ومجهود .. رجعت للتصميم اللي اشتغلت عليه في السابق بفكرة اضافة صالة وسطية على المدخل وممكن نستعمل الصالة اللي واجهتها قزاز كمكتب منزلي أو جلسة اضافية أو حتى نقدر نوسع الغرفتين لوحبينا ونعملها ممر .. لكن توسيع الغرفتين بيكون بدون فايدة لأن سعتهم مناسبة

هذا اللي وصلت له للدور العلوي ووضحت أماكن أعمدة قرب المصعد ومع الحاجز القزاز دائريين حتى يكونون ممتدين من الحائط السفلي ومحددين للممر السفلي .. كحلول معمارية للوضع الانشائي ولعدم عمل عمود في المجلس تحت .. طبعاً الحوائط للغرف بتكون محمولة على جسور مزروعة ومتصلة بجسور ثانوية

https://i.imgur.com/4fUn3QK.png

[ورد الدوحه]

والله متردده حسيته معقد وغير عن اللي في بالي
شكلي باغير رايي باروح حق الاستشاري يسوي لي تصميم ثاني :yes:

الله يعطيك العافيه اخوي معماري

[معماري قطري]

والله متردده حسيته معقد وغير عن اللي في بالي
شكلي باغير رايي باروح حق الاستشاري يسوي لي تصميم ثاني :yes:

الله يعطيك العافيه اخوي معماري

الله يعافيج ونصيحتي لتسوين الا شيء متأكده إنه مناسب لج وانا موجود لأي استفسار وبالتوفيق

[معماري قطري]

مقطع لتعديل تصميم تعديل جذري وكامل وأشوف الجديد كثير ممتاز


https://www.youtube.com/watch?v=a5wbqrzyJzo

[معماري قطري]

مبدأ رئيسي في تصميم دورات المياه هو توزيع القطع .. مثل ما شفنا في كثير من التصميمات السابقة بعض الحمامات نضطر لعمل مثال بقطع عدة ويكون مدروس للاستفادة من كامل الحيز والتركيز على فعاليته وجماله وحسن ترتيبه .. بغض النظر عن الناحية الاقتصادية وهي التمديدات واللي لها طرق عدة ناقشت معظمها

طبعاً لحيز بسيط مثل هذا 170 في 280 سم وبمساحة 4.76 هذي التوزيعات اللي ذكرها المهندس هي المناسبة وممكن نزيد عليها بعض الكسرات التجميلية والتخزينية وهو شيء مهم

لحيز 2 في 2 وبمساحة 4 متر مربع لازم نظطر لإستخدام جدارين أقل شيء والعملية سهلة والتكلفة كلها كوع زاوية ويمكن كم سم طول زيادة للبايبات ووفرنا قريب من المتر المربع .. نقدر نسوي أصغر كذلك 1.8 في 1.6 لو حبينا بس لازم نختار قطع أصغر وبتكون عندنا المساحة 2.88 وبنكون وفرنا كثير في المجمل كمساحة بناء وخرسانات وتبليط وعزل وبايبات وحتى القطع الصغيرة تجي أرخص


https://www.youtube.com/watch?v=42P4mdTeo7o

[معماري قطري]

انا ضد دورة المياه المقسمة لكن البعض يحبها .. كذلك ضد الغرفة المفتوحة بدون فاصل كامل عن دورة المياه مثل بعض المعروضين هنا .. ومع النوافذ في دورات المياه خصوصاً الكبيرة والكافية للنور الطبيعي .. البعض للخصوصية ممكن يسويها فوق مستوى المراية 1.8 متر ولقرب السقف أو متصلة مع السقف المستعار .. أو مثل ما عرضت في السابق متصلة جزئياً وبزاوية مع السقف لدخول النور الطبيعي غالب الوقت وكذلك تعطي منظر خارجي جميل نهاراً وليلاً


https://www.youtube.com/watch?v=WDyKEpbruCk

توزيع الغرف عبارة عن مثال وممكن نطور عليه

[معماري قطري]

هذا تعديل كذلك على تصميم وتغييره بالكامل


https://www.youtube.com/watch?v=mRtFW1kuaYo

[معماري قطري]

ملاحظات مهمة لازم نحتاط لها أثناء التصميم وهي تحافظ على مبنانا سهل الصيانة المستقبلية وكذلك جميل

كثير يعملون قناة ( دكت ) خارجية لتمديدات الصرف وبايبات التغذية وتكون بارزة ولا لها علاقة بواجهة المنزل .. وأوقات يغطونها بجي ار سي غالي يكون مكان تعشيش للطيور وحتى فتحه مستحيل بدون كسر للصيانة

فيه بدائل أجمل وأرخص وأسهل للصيانة كعمل الدكت داخلية في زاوية الحمام وبمساحة محدودة للبايبات .. البايبات معروف قطرها 10 سم وعددها اثنين يعني لو بنسويها من طابوق 10 سم نحتاج لحيز داخل الحمام قرب الزاوية ببروز داخلي 20 ولنعمله 25 في عرض طابوقة واحدة 40 سم وبيكون كافي حتى لتمرير 3 بايبات كبيرة لو ضفنا لها بايب لتصريف مياه المطر وبتبقى لنا 10 سم لتمرير بايبات التغذية الصغيرة .. وبالعكس التغذية بدال ما تنزل من خارج البيت بتكون ممددة قرب سور السقف ونازلة في الفتحة القريبة .. ويمكن ترك فتحة الدكت العلوية مفتوحة للفحص ومغطاة بغطاء فايبر أو روتومولد ممكن فتحه بسهولة .. كذلك ممكن تغطيتها برغوة ومن فوقها عازل رول ملصوق بقار عن تسرب مياه المطر مع عمل حواف طابوقية أو خرسانية مانعة لدخول الماء

لو حصل تسريب داخل الدكت شلون نعرفه؟ ونسوي صيانة

لمعرفة التسريب بسهولة أسفل الدكت وقبل لنوصل مستوى أرضية الحوش نركب بايب صغير ونسد داخل الدكت باسمنت حول بايبات الصرف وبايبات التغذية بتكون فوق والتسريب من بايبات الصرف شبه مستحيل لو تم وصلها صح .. ممكن كذلك نعزل فوق الاسمنت ببتومين فلو سرب أي بايب نشوف الماء ينزل من البايب اللي حطيناه ونعرف وجود خلل في الوصلة اللي داخل القناة

زين شالحل لو صار لا قدر الله تسريب من بايبات الصرف تحت بلاط الحمام أو تسريب من مياه الغسيل خلال بلاط الحمام واحنا ما نعرف شالحل في هذي الحالة؟

ناقشت الحل في السابق من فترة طويلة مع مسؤولي وهو مهندس ميكانيكي وأفكاره نظيفة .. الأخ فهد بن حمد النعيمي وأوجه له تحية من هنا .. وصلنا لنتيجة بأن الرمل تحت البلاط بيتشبع ماء وبيبدأ يرشح على الحوائط وممكن يسرب لو العازل فيه خلل على السقف تحته ولا ندري به الا متأخر .. فلو ركبنا بايب كذلك صغير وأخفيناه في الحائط ونزلناه تحت ممكن يتصرف الماء لو احتبس بين العازل والبلاط في الرمل وينزل عبر البايب هذا ونشوفه ويعتبر انذار مبكر لو فيه تسريب ونعرف بسهولة التسريب من وين

نرجع للدكت اللي في زاوية الحمام ونازل للأرض من السقف هذا نخلي الجزء اللي صوب الخارج مفتوح .. طبعاً بيتقاطع معاه افقياً مكان الجسور والطابوق من الجوانب بس مكان الدكت نخليه مفتوح ونغلقه بسمنت بورد يسهل تكسيره للصيانة أو بشبك ونعمل عليه بلاستر ويكون متواصل ومتجانس مع الحايط حوله وكذلك يسهل التكسير مكانه لو دعت الحاجة واعادة بناء هذا الجزء وصبغه بعد الانتهاء من الصيانة

وباكمل بإذن الله عن حلول لداخل التمديدات للحمامات والمطابخ وتمديدات صرف مياه التكييف

[حمــد]

جزاك الله خير اخوي معماري
موضوع رائع ومفيد للجميع
بالتوفيق ان شاء الله

[معماري قطري]

جزاك الله خير اخوي معماري
موضوع رائع ومفيد للجميع
بالتوفيق ان شاء الله

الله يجزيك بما دعيت ويوفقك يا سميي

ومشكور على المرور

[معماري قطري]

الحلول الممكنة لداخل دورات المياه والمطابخ هي عمل التمديدات على الطابوق حال الانتهاء منه بدون تكسير .. طبعاً نقدر نسوي جزء بسيط قابل للفتح في الدكت اللي في الزاوية ونسوي فيه محابس مخفية ومغلق عليها ببورد خشب مغطى بسيراميك ومثبت بشوية سيليكون بسكين ممكن فتحه بسهولة

والتمديدات نسوي حولها جبس أو سمنت بورد ونبعدها عن الحائط بحدود 5 سم بقواطع خشبية ممكن نسوي فيها كسرات للصابون والشامبو تتناسب مع تصميم دورة المياه الداخلي .. ويبقى لنا تجويف محصور خاص للتمدادات كذلك يغطى ببورد خشب عليه بلاط يتثبت بسيليكون لسهولة الفتح والصيانة

هذي الطريقة أكيد بتكون أسهل لا نحتاج بلاستر ولا تكسير داخل الحائط .. سهولة عمل فجوات ديكورية حتى باضاءة خاصة مخفية .. التمديدات الكهربية تكون في الجزء العلوي من الحائط ومحمية تحت بورد الخشب أو الجبس وأي صيانة تكون سهلة وسريعة .. بنحتاج أكيد عمل عزل للجزء السفلي وخط سيليكون في التقاء الحائط مع الأرضية حتى ما يتسرب الماء للبورد الجبسي أو الخشبي .. وحتى ممكن نستخدم بورد جبس مقاوم للرطوبة ومارين بلايوود مقاوم للمياه لو حبينا

بالنسبة للتصريف المكيفات أشوف لو عملنا التصريف خارجي ويتصرف على إصيصات زراعية نكون استغلينا المياه استغلال جيد وافتكينا من التمديد تحت البلاط

[معماري قطري]

تواصل معي أحد الأعضاء بخصوص تصميم مبدئي لبيت يكون في أرض بمساحة 15 في 40 تساوي 600 متر مربع .. وبواجهة واحدة على الشارع 15 متر

وهذا سكتش بسيط أرسله لي يوضح احتياجاته والبيت من دور واحد وانا اشوفه اختيار غير موفق لأن الأرض صغيرة .. ثاني شيء بيشغل جزء كبير من الأرض قد يزيد عن ال 60% المسموح بشغلها من التخطيط في الغالب .. وعلى أرضه 60% = 360 متر مربع

من المخطط استنتج أن طول البيت 30.5 وعرضه 12 .. وهذا على فرض إننا بنخلي سمك الجدران ياخذ من المساحة الداخلية مما يعني أنه قد تكون بعض المساحات غير صالحة للاستخدام وتحتاج ترتيب .. المساحة تطلع لنا 366 .. لكن الإرتدادات عندنا 9.5 في جهة الطول نقدر نوزعها ل 3 خلف المنزل و 6.5 أمام المنزل أو نكتفي ب 6 ونخلي 3.5 في الخلف .. الجوانب 1.5 لكل جانب وبنكون ملينا مساحة الأرض تقريباً بنيان

من جهة أُخرى لو اعتمدنا البناء الراسي أكثر بنوفر في سعر البناء وكذلك بنوفر في مساحات الحوش ونقدر نسوي التصميم على دور ارضي + أول + بنتهاوس بالحدود الجديدة المسموحة اللي هي 70% ونحاول نصغر المساحات ولنفترض مساحة أرضية 25 وحولها طول في 10 عرض .. بحدود 250 متر مربع ونقدر نسويها أصغر لو ناوين نوزع ال 366 على ثلاث أدوار أو نكبر شوي نخليها كمثال 200 + 200 + 140 لكل دور .. و 200 نكون شغلنا جزء بسيط من الحوش يساوي ثلث المساحة 33% ونقدر نضيف ملحق وممكن مجلس خارجي لو حبينا أو غرفة سايق

البيت ممكن يجي على جنب بارتداد 1.5 لو يسمحون ونترك ارتداد من جنب آخر = 3.5 تنفتح عليه درايش على حديقة جانبية .. وورا الملحق بعرض 3 متر وجدامه نحتاج 2 متر يعني الارتداد الخلفي 5 متر أو 6 متر لو بنسوي الملحق بعرض 4 متر .. 6 متر + 25 = 31 ويتبقى لنا 9 أمتار ارتداد أمامي للسيارات وممكن لمجلس وغرفة سائق صغار .. ولو صغرنا ل 200 متر بيكون الطول 20 وبيبقى ارتداد = 14 متر بيكون مناسب أكثر

وهذا المخطط أكيد بيتعدل أكثر ليشمل مناطق نوم مريحة في الدور الأول والبنتهاوس ومنطقة ضيافة وجلوس في الارضي

https://i.imgur.com/hqFn5E3.png

وأتمنى كل التوفيق للمستفسر

[معماري قطري]

هو حاط مكان حق مصعد بس مرسل يقول بيسوي دور واحد وانا مثل ما ذكرت فوق التوزيع على 3 أدوار كثير أفضل وأوفر .. لأننا نستخدم نفس الأساسات ونبني فوق بعض دوم يطلع أرخص

[معماري قطري]

هذا الموضوع استوى مرجع لي ومريت على تصميمي شفته من صفحة 71 أعتقد لين 80 وأكيد فكرت في تغييرات بسيطة

أهمها موضوع البيسمنت الخاص بالخدمات بديت أفكر كيف اطبقه فيه وإن شاء الله إن ما انشغلت في الدراسة باتجه لتنفيذ التصاميم والبناء

وسامحوني عن عدم المتابعة الدائمة مثل قبل

[SouthK]

يعطيك ربي الف عافية .. موضوع و جهد يستحق الشكر!

[معماري قطري]

يعطيك ربي الف عافية .. موضوع و جهد يستحق الشكر!

الله يعافيك ويسلمك والعفو صراحة مقصر

من أيام خذت تصميم بيت الوالد وهو أكيد مناسب للكثيرين وتم بحمد الله بناؤه من سنوات بواسطة مقاول درجة أُولى وجيد وكان سعره 2.2 مليون ومساحته شوي فوق الالف متر مربع .. هو طابق ونص الغالب أرضي من 5 غرف تحت 4 منهم مطلين على صالة صغيرة وغرفة على الممر + غرفتين فوق وصالة وأكيد تحت صالتين كبار ومجلس ومطعم

مناسب للأراضي الكبيرة حول 2000 متر وباحطه إن شاء الله مع تعديلات مقترحة متى ما فضيت والأهم اجدد كمبيوتري وبرامجه لأن الاوتوكاد عندي تعطل

[معماري قطري]

أحد الإخوان أرسل يسأل عن لو حط حجر للدرج الخارجي وسؤاله مهم وحبيت احط هنا للجميع الإجابة مع إمكانية وضع الحجر بس لو يكون صلب أكثر وخاص بالأرضيات أكيد بيكون أحسن وحطيت في السابق صور وفيديوهات عن نوعية انا ركبتها لحوض السباحة وبكررها هنا إن شاء الله

هذا استفساره

"انا الفله عندي حجر ابيض سوري..

في البدايه فكرت احط المدخل والدرج الخارجي من الجرانيت .. لان الكل نصحني فيه وانه يقاوم عوامل الجو... بس صراحه ماحبيت شكل الجرانيت المنقط.. شكله عادي جدا..
وأيضا ما اقتنعت في لون يمشي مع الحجر الأبيض للفله....

ففكرت اسوي المدخل والدرج الخارجي أيضا حجر من نفس حجر الفله...

شرايك؟ عندي أي ملاحظات او تعليق ؟ تفضل الفكره او لا ؟ "


هذا ردي عليه وللجميع للفائدة

يا اخوي الخلط بين مادتين أو ثلاث أو أكثر أوقات يكون جيد ويعطيك تدرج في اللون وتغير .. ليش يسوون غرانيت للعتبات وبعضها تكون لامعة وبلون غير مثل الأسود والحجر مائل للأبيض؟

السبب ببساطة الجرانيت سهل مسحه ويطلع يلمع ويقاوم عوامل الطبيعة والكحت ( اللي هو التشمخ من المشي والاحتكاك ) ومادة تدوم للدوس بعكس الحجر مهما يكون يكون ناعم ورملي ويتشرب الماء وما يتنظف بسرعة خصوصا لو أرضيات

فيه حجر خاص بالأرضيات وقوي نسبياً وفيه بلاطات كبيرة بورسلان حجري انا ركبت منها قرب حوض سباحة وفيها خشونة ما تزحلق وصلبة قوية بس بعد مع مرور الوقت بقعت شوي لكن عملية ومناسبة للحوض ولأي أرضية ثانية

البيوت الحجر يعملون لهم في العادة الجزء السفلي غرانيت ويكون معزول خلفه بالبتومين حتى يقاوم رطوبة وأملاح الأرض والا الحجر بيبقع تحت في الغالب لكن عندنا غالب الناس البيت كله حجر بدون هذا الجزء الفاصل

تبي تخلط وتركب بورسلان خشبي بتشكيلة الخشب لعد ممكن وبتحصل نوع بعرض 30 أو 40 سم بيكون مناسب للعتبات للمدخل عندك .. لو سويتها 40 تطلع عريضة وأفخم شوي .. ولو متقبل تغير اللون البسيط سوها حجر ولا تهتم بعد تمشي

بالنسبة للتفصيل أي مادة بتحط لتخليها متصلة بالجدار جنبها خل فاصل بحدود 1 سم أو 5 ملم والفاصل هذا خل يعبون نصه ماستك ويبقى من فوق فاضي يطلع فاصل معماري حلو أو تحط فاصل معدني ستانلس ستيل أو نحاسي

ميزة مهمة كذلك لحجر الجرانيت هو إنه صلب ولا ينكسر بسهولة والبورسلان كذلك يتفوق عليه في معامل الكحت ولا يتشمخ بسهولة

كذلك كلمحة جمالية نقدر نركب واجهات العتبات لون ونوع ثاني وممكن سيراميك بنقوش حلوة أو اسلامية أو هندسية وأرضية العتبات بلون سادة وتكون أما ناعمة أو مخشنة شوي وللمدخل لو مظلل وما يصيده ماي المطر والعتبات شرفية بارتفاع بسيط وعرض كبير ممكن نخليها ناعمة ومصقولة ببورسلان ناعم لسهولة التنظيف

[معماري قطري]

هذي نوعية البورسلان الحجري المناسب للعتبات بس يبقع بعد فترة وصعب تنظيفه لأنه خشن

خذته من سيراميكا بحدود 100 ريال للمتر أقل أو أكثر ما اذكر بالضبط وبمقاس 45 في 90 للقطعة


https://www.youtube.com/watch?v=zSwlRiq5wnA

[معماري قطري]

بالنسبة للحوض أخطيت في عدم تكسية الحوائط كاملة بالسيراميك وعدم حماية الحديد بصبغ خاص أو بتغليفه بالألمنيوم أو اليوبي في سي .. كذلك ما ركبت جهاز سحب الرطوبة .. وكله قطعة على قطعة وشغل كهرباء وشغل كامل كلفني حول 240 الف ريال

سويت صيانة للأرضية بقراوت جديد وقوي لأن القديم تقشع بسبب التنظيف ببروش حديد من قبل الشركة وناوي اكمل الصيانة عن قريب واركب حديد استانلس ستيل مقبض للتمارين المائية وناوي اركب مكينة سحب الرطوبة واستعمله بصورة شبه يومية للتمارين بإذن الله

[معماري قطري]

كانت التكلفة للحوض بتطلع بحدود 25000 زيادة لجهاز سحب الرطوبة + بحدود 400000 لو باسوي السقف زجاج وحديد مغلف بالمنيوم حسب تقديرات الإختيار الألماني والقزاز دبل + تكلفة السيراميك وتركيبه

المساحة بحدود 100 متر مربع والتكلفة بتطلع بحدود 700000 لو ضفنا عليها التكلفة الأساسية يعني 7000 للمتر وزين قدرت ببعض التنازلات اخليها 2400 والحين اشوف التنازلات كانت أساسية ومب لازم اتركها

[معماري قطري]

ركبت برنامج الاوتوكاد واشتغلت عليه بدون ترخيص بس مؤقت لمدة شهر .. سويت شغل كم ساعة حق واحد وكنت اصور بالتلفون واعمله وشو الأفضل وكنت ناوي احط المخططات في هذا الموضوع بس صارت مشكلة ورستارت واخترب كل شغل بدون ما احفظه

هذا بيته كبير 1600 متر وخردة وفيه نواقص كثيرة ويحتاج تفاصيل .. إكتشفت شغل كله نسخ ولصق والله يعينه لو يبدأ ينفذ بدون تفاصيل كافية .. لازم اشوف حل للبرنامج حتى لو اشتري الأصلي بس حتى الأصلي مشكلة تثبيته والمتابعة اونلاين

حد جرب يشتري الاوتوكاد الأصلي وثبته يفيدني بتجربته؟ أو يعرف حد يقدر يثبت النسخة التقليد؟

[land]

السلام عليكم ورحمة الله وبركاته

من الغيبة خربطت بالأقسام



حد جرب يشتري الاوتوكاد الأصلي وثبته يفيدني بتجربته؟ أو يعرف حد يقدر يثبت النسخة التقليد؟

يعطيك العافية أخ معماري، للأسف ما عندي فكرة، الأتوكاد من البرامج اللي كان ودي أتعلم عليها، بس حاله مثل ما صار للنسخ الحديثة من الفوتوشوب من تجديد سنوي وإلخ وتعقيد، فاكتفيت بالبرامج الجداً الأبسط اللي تنزل بالآبل ستور، أفضل من ولاشيء.

[معماري قطري]

السلام عليكم ورحمة الله وبركاته

من الغيبة خربطت بالأقسام



يعطيك العافية أخ معماري، للأسف ما عندي فكرة، الأتوكاد من البرامج اللي كان ودي أتعلم عليها، بس حاله مثل ما صار للنسخ الحديثة من الفوتوشوب من تجديد سنوي وإلخ وتعقيد، فاكتفيت بالبرامج الجداً الأبسط اللي تنزل بالآبل ستور، أفضل من ولاشيء.

صحيح فيه تعقيد زايد وتحتاج تنزل مرفقات كثيرة لكل استخدام .. استوى تجاري أكثر ومجزأ .. باقي لي 28 يوم استخدام وبعدها باوديه عند محل مختص دلاني عليه واحد والزين المبرمجين هنود يعرفون شغلهم وإن شاء الله تنحل المشكلة .. البرنامج اللي يوقفه إنه هو بنفسه بعد ما يكشفون النسخ الغير أصلية يرسلون فايرس ما يتثبت الا بعد ما تسكر البرنامج ويتثبت تلقائي .. انت من تشوف جاري التثبيت تلغيه وانا كل مرة الحق والغي التثبيت من سنة 2011 وانا استعمله لفترة قريبة لكن مرة نسيته وصار التثبيت ووقف البرنامج

[معماري قطري]

عليكم السلام ورحمة الله وبركاته اخوي لاند

صحيح والله لك غيبة طويلة شلون امورك ومبارك عليك الشهر

[معماري قطري]

هذي الخارطة شبه خالصة كترتيب وباقي شغل الاستشاري عليها وهي لتوزيع الحوش .. البيت كبير ومساحة الدورالأرضي قريبة من 700 ومساحة البناء فوق 1600 .. الاستشاري كل همه يخلص الرخصة ولا يهتم بالتفاصيل اللي يحتاجها المالك .. دخل الأبواب داخل شوي مثل الوسطي وصار دخول السيارات للموقف اليمين صعب .. وأصلاً ما صمم موقف وكله يقول للمالك بعدين

المخطط خطة يتبعها المالك والمقاول والاستشاري حتى ما ينسون شيء وحتى تتم التراخيص للكهرباء ولباقي الأُمور بطريقة محسوبة ودقيقة ما فيها أخطاء وانا شفت ترتيبات كثيرة يبي لها تفصيل وزين لحقنا قبل الرخصة النهائية

بشوف لو يرضى احط باقي المخططات وتفصيلها وطريقة تعديلها باحطها ان شاء الله وشغال عليها ما خلصت

https://i.imgur.com/ju3tzsT.png

مضطرين نخلي السيارات توقف ورا بعض حتى الزاوية كلها تستوي مظلة مخفية بواجهات خرسانية

يسار فوق غرفة السايق بيكون مكان خزان الصرف الصحي وفوقه بين الشجر بيكون التانكي مخفي وبيكون بايب واصل له من فوق غرفة السايق لأعلى السور حتى يعبيه الدنكر من الخارج

[معماري قطري]

الزاوية العلوية اليمنى تكون عشب ومجهزة لخيمة لوقت الشتاء .. ومقابل حوض السباحة توجد صالة داخلية تطل على الحوض وكذلك واجهتها قزاز وباب ينفتح للخروج للباربيكيو النازل ولحوض السباحة .. كذلك يحتاج لمنطقة شاور مع غرفة مضخة وفلتر فوق حوض السباحة ومفكر لو يكون نازل شوي بارتفاع مترين ما يخرب المنظر وكذلك يكون محفور له ينزل كم عتبة تحت

زيادة لو عنده خردة زايدة يسوي صالة رياضية مطلة على حوض السباحة ومدمج معاها الشاور وغرفة المضخات ويستغل السقف بنتهاوس عادي شقة من غرفتين وهو ناوي يسوي صالة رياضية فوق

[SouthK]

ركبت برنامج الاوتوكاد واشتغلت عليه بدون ترخيص بس مؤقت لمدة شهر .. سويت شغل كم ساعة حق واحد وكنت اصور بالتلفون واعمله وشو الأفضل وكنت ناوي احط المخططات في هذا الموضوع بس صارت مشكلة ورستارت واخترب كل شغل بدون ما احفظه

هذا بيته كبير 1600 متر وخردة وفيه نواقص كثيرة ويحتاج تفاصيل .. إكتشفت شغل كله نسخ ولصق والله يعينه لو يبدأ ينفذ بدون تفاصيل كافية .. لازم اشوف حل للبرنامج حتى لو اشتري الأصلي بس حتى الأصلي مشكلة تثبيته والمتابعة اونلاين

حد جرب يشتري الاوتوكاد الأصلي وثبته يفيدني بتجربته؟ أو يعرف حد يقدر يثبت النسخة التقليد؟

اخوي اذا ودك في الاوتوكاد عندي نسخة 2015 ممتازة و بدون مشاكل

[معماري قطري]

اخوي اذا ودك في الاوتوكاد عندي نسخة 2015 ممتازة و بدون مشاكل

ما تقصر الله يرحم والديك

ألحين اللي ثبتتها 2017 بس التجريبية شهر وتنقفل بشوف حد يركب لي الكراك نمبر ما عرفت شلون اسويه

وان ما مشى الحال أكيد باتواصل معاك .. عندي الآركيكاد والثري دي ماكس ناوي اتعلمهم بعد بس احتاج حد يثبتهم .. أما اوديهم شغلي القديم أو اشوف محل برمجة وواحد نصحني بمحل زين بعد العيد إن شاء الله باثبتهم كلهم

[معماري قطري]

لمحبي التصاميم الصغيرة هذا التصميم إحترت احطه في موضوع يوتيوبيات البناء أو هنا بس بما إنه شرح واضح لتوزيعة منزل وتعديل لتصميم أساسي أعجبني حطيته هنا

هذا طبعاً مناسب لكثير من الأراضي الصغيرة ومع أرض بمقاس 20 في 30 أو 15 في 30 نقدر نسوي موقفين أو ثلاث للسيارات ونقدر ممكن نسوي مجلس خارجي وممكن بيسمنت وبنتهاوس حسب حاجتنا


https://www.youtube.com/watch?v=CJfPB-4t9G8

[معماري قطري]

وانا انبش في أوراقي القديمة حصلت تصاميم قديمة منها سكتش مبدئي لبعض الأفكار حق بيتي الجديد .. مقابل شرق كان وتفكيري في استغلال الواجهة الشرقية حيث ارضي تقع على شارع شرقي وسكة جنوبية وخلفها من جهة الغرب أرض ولدي .. في هذي الحالة عيب التصميم عدم وجود انفتاح على أرض ولدي ولا اتصال والأفضل بعد تطوير التصميم وصلت له بالتدريج وناقشته في السابق وما زلت شغال على بعض التفاصيل الدقيقة وترتيب التصميم تمهيداً لبدء البناء

https://i.imgur.com/LOkakWI.jpg

باحط التعديلات اللي تمت وأغلبها استعرضتها في السابق

[معماري قطري]

تم لف البيت 90 درجة مع عقارب الساعة ليكون مقابل جنوب وتم عمل محور مرور للسيارات يشبك الأرضين مع بعض والخط الرصاصي المتقطع يوضح حدود الأرض الثانية وممكن فصلها وقت ما نشاء لكن بهالطريقة أفضل بكثير

https://i.imgur.com/F50wwSc.png

إستوى عندنا تقسيم وظائفي في أقصى اليمين ومقابل شرق المجلس وباوضح التعديلات على تفاصيله .. وراه وبخصوصية حوض السباحة المغلق بطول 8 متر للحوض في 4.4 متر مرتفع عن الأرض بحدود 90 سم ومحفور له بحدود نص متر وصافي العمق 1.2 متر بدون أي تدرج .. الجلسة المرتفعة بتكون مفتوحة على الحوض وفيها أجهزة رياضية بسيطة .. كنت مفكر اسوي بيسمنت جزئي تحتها بس شكلي بالغي الفكرة والنية يكون سينما منزلية

بعد حوض السباحة ممر مترين وبعده البيت والممر المترين لإرضاء التخطيط وبيتم اغلاقه بعدين حتى يكون جزء من حوض السباحة المتصل مع البيت

https://i.imgur.com/F50wwSc.png

[معماري قطري]

أهم اضافة هي عمل بيسمنت للخدمات .. لجزء كبير من التكييف ولبايبات الصرف والتغذية كلها ستمدد تحت البيت مع قابلية الوصول لها وصيانتها

البيسمنت بيكون في داخل الخط الأحمر العريض المتقطع .. ممكن النزول له من درج البيت من خلال باب مقفول وفتح باب حديد كذلك مقفول من الداخل ينفتح على الدرج اللي موضح فوق المطبخ

البيسمنت بيكون ارتفاعه على الكثير مترين وبخرسانات مكشوفة بدون بلاستر وبممرات بين القواعد المكشوفة وبأرضية اسمنتية

https://i.imgur.com/Euux0zI.png

[معماري قطري]

الكسرات البارزة داخل الحوش بتكون مناور محفورة لإنارة البيسمنت وتهوئته والمساحة طلعت عندي لكامل البيسمنت 199 متر مربع

طبعاً المناور بتكون مغطاة بحديد فيه فتحات ممكن المشي عليه وبتكون مروحة شفط كبيرة تشفط الهواء من جهة لجهة ثانية حتى المكيفات تتهوى بسرعة

[معماري قطري]

ركزت على دور البيسمنت الخدمي مع فتحة انزال التانكي بتكون على اليمين في الممر بين ملحق حوض السباحة والبيت وبتكون مغطاة بحديد فيه فتحات لدخول الهواء .. والفتحة الثانية في اليسار فيها مروحتين شفط كبار وحدة تشتغل والثانية ترتاح بالتناوب كل ست ساعات تتبدل وحدة ترتاح ووحدة تشتغل حق تهوئة البيسمنت للتكييف

الستور ممكن يكون فيه ثاني يمين يعتمد على شكثر مساحة بتبقى .. التوانكي موضحين بمقياس الرسم بعرض متر و 40 سم وممكن يكونون من النوع الطويل .. واحد لكل جهة معاه نظام التسخين والتبريد والبايبات بتكون ممددة في دكتات داخلية ما توصلها حرارة الشمس ولا برودة الجو .. ممكن الغي الدرج اللي ينزل من داخل البيت واكتفي بالخارجي لأنه بيكون قريب من المطبخ الخارجي وما يندخل له الا من خلال باب بين الملحق والبيت

https://i.imgur.com/37yBvVR.png

أي آراء أو تعليقات مرحب بها

[معماري قطري]

الأساسات الموضحة بتكون على عمق مترين وبعضها ممكن يكون بارز داخل حيز البيسمنت وبعضها اللي يعيق الحركة بيكون محفور له وتحت مستوى الأرضية

التمديدات كلها بتكون معلقة في سقف البيسمنت والإرتفاع الصافي بيكون أقل شيء مكان البيبات 1.8 متر .. حتى خط الصرف الصحي التابع للمحلق بسهولة يتمدد تحت وتمديد مباشر بدون منهولات فقط فتحات تسليك تفتح وقت الحاجة

[معماري قطري]

التعديلات اللي تمت على المجلس بسيطة أهمها عمل أرضية دائرية مرتفعة قليلاً بحدود 5 سم وراء الكراسي لتحدد موقع الكراسي بالضبط لتكون خلال دائرة ومتقدمة عن الجدران .. هذي الأرضية الباقية المرتفعة توصل فيها النوافذ للأرض .. وبعض النوافذ بتكون كاملة من فوق لتحت مفتوحة بزجاج شفاف وبعضها اللي مظللة بالأسود بتكون جزئية الجزء العلوي شفاف والسفلي تشكيلة نافذة وخلفها نور صناعي وقد تكون بزجاج ملون أو معشق حتى لا تطل على منطقة المسبح

نتجت عندنا فراغات ممكن استغلالها لنباتات ظل

التكييف سيكون هنا دكت سبلت مضطر والا تمنيت يكون سبلت عادي .. الدفع على الجدران ونازل خلف الكراسي والسحب من جهة القبة حيث يرتفع الهواء الحار للقبة

بالنسبة لمنطقة حوض السباحة بتكون الجلسة قرب الحوض مرتفعة 120 سم ومتصلة مع جدران الحوض حيث يمكن النزول للحوض من الجلسة مباشرة والجلوس داخل مغمور بالمياه للرقبة ودفع المياه بيكون خلف ظهر الجالس باتجاه اليسار حيث ينزل على قناة مفتوحة ويسحب للفلترة ويرجع مرة ثانية وطبعاً فوق الحوض سقف زجاجي قابل للفتح في الأجواء المناسبة

https://i.imgur.com/SBceE20.png

على اليسار تبين فتحة البيسمنت اللي بتكون مغطاة بباب حديدي بفتحات للتهوئة للتكييف الخاص بالبيت واللي بيكون تحت البيت وممكن المشي والانتقال لخلف البيت .. أكيد بعد الرخصة سيتم فتح الغرفة على منطقة الحوض

[معماري قطري]

شغال على الواجهات اللي بتكون بسيطة وبصبغ أبيض مع بعض الجي ار سي بلون ثاني .. وسويت بعض التعديلات البسيطة إن شاء الله استعداداً لتنفيذ التصميم مع باقي التخصصات الهندسية عن طريق استشاري جيد

هذي الواجهة من الشارع ونصيحة اللي يسوي له استشاري واجهة يقول له يسوي الشكل شلون بيبين من الخارج والشارع ما يحط البيت بس بنفسه .. البيت بنفسه أكيد واجهته من هذي الجهة غير هو جدامه حوض السباحة والمجلس مغير الشكل .. الواجهة المفتوحة جهة الجنوب بيكون المدخل والوضع يختلف لأنها مفتوحة اللي داخل البيت يشوفها كاملة لذلك تناسقها مهم

يعني البيت له واجهتين رئيسيتين ومحتد اخليه واجهته جانبية بدال ما تكون مقابلة الشارع بسبب وضعية الأرض وانفتاحها على شارع وسكة

ما كملت شغل الواجهة باقي شوي ولونت المجلس رصاصي حتى يفرق عن باقي البنيان

https://i.imgur.com/JS2Emjj.png

[معماري قطري]

الحائط الخارجي بسيط ومسطح بأعمدة مخفية وبشوية زوايا متدرجة لأن بيكون جدامه شجر يغطيه .. ركزت على البوابة ومنطقة المجلس ببعض الكسرات المعمارية والجي ار سي

بيكون بين الأعمدة حديد حماية عن لحد يدخل وكاميرات تصوير

https://i.imgur.com/dNk2Yre.png

[معماري قطري]

مخطط للكسرات العلوية اخليها بيضاء باضاءة ال اي دي مخفية تنعكس على واجهة الكسرة اللي مثل العتبة .. مفكر في لون أزرق تحت وفوق أبيض في وقت الصيف ويتغير اللون للأحمر وقت الشتاء والأبيض يبقى أبيض .. الإنارة الخارجية كلها بخليها خلايا شمسية بإذن الله

[معماري قطري]

سويت صورة مقربة لنموذج شكل النوافذ وانا مركز على إن تكون جميعها بخطوط مستقيمة لأني ناوي احط شترات لغرف النوم فقط .. عندي الحائط عريض بعرض يزيد عن 40 سم وبيكون بوكس الشتر مخفي مع الحائط وباركز حتى الداخل تكون الستارة ديكورية وخفيفة .. التجميل البسيط بيعطي البيت شخصية وما اعتقد بيكلف مثل الحجر أو التلطيخ المبالغ فيه

اليمين بيكون للواجهة المقابلة جنوب وللنوافذ السفلية وللقزاز اللي في التجويف والأماكن القريبة من الرؤية والمرور .. اليسار لفوق ولباقي الأماكن

الزوايا المسماة بالقمرية هذه مجوفة بثلاث تجويفات كما هو واضح وتطوير للتراثية ووضحت طريقة تصميمها في السابق .. هذي تصميم خاص حلال على اللي يبيه وأي معمل جي ار سي ممكن يسويها

اللون مفكر اغامر في هذي القطع بلون بارز مثل الأصفر الفاتح قريب من ذيه .. والإطار بيكون بلون قريب وبنقشة باتفق عليها وهو بعرض 10 سم .. الدريشة الصغيرة تنفتح كلها في الاتجاهين والكبيرة بس الجزء الوسطي

فكرة ثانية اطبق التصميم اليمين مع نقوش رفيعة تحت وفوق بسيطة وكتل تبين من بعيد

https://i.imgur.com/wpSNC4d.png

[معماري قطري]

صف الأدوار جنب بعض طريقة مهمة لمراجعة المخططات ولتخطيط الخدمات والدكتات وكذلك الهيكل الانشائي .. ولازم نضطر نعدل شوي على المعماري لأن الصورة تكون شاملة أكثر

سويت تعديلات طفيفة وكذلك حددت مسارات بايبات الصرف الصحي اللي بتكون رأسية مستقيمة من فوق لتحت وأكيد لها فتحة تهؤئة فوق السطح .. ثم تتجه كلها معلقة تحت السقف للبيسمنت الخدمي وباتجاه الفتحة الكبيرة للتهؤئة وثم لمنهول وحيد رئيسي ومنه للصرف الحكومي أو خزان الصرف الصحي

تغذية المياه الحارة والباردة بتكون كذلك من خلال دكت وممكن نسحب أي بايب ونغيره بدون أي تكسير من البيسمنت الخدمي .. وضحتها بدائرة بقطر 10 سم بتكون بايب كافي حق ثلاث بيبات تغذية واحد للحار وواحد للبارد وواحد للتدوير

شيء مهم كذلك ناوي اخطط له وهو تصريف مياه التكييف عن طريق بايبات تنزل للبيسمنت ويتخزن في تانكي خاص للزراعة

إن شاء الله تكون الصورة واضحة وباركز بصور مركزة أكثر

https://i.imgur.com/nnM0H2i.png

[معماري قطري]

رتبت خطوط الصرف الصحي اللي بالأخضر المتقطع ووصلتها بالنقاط اللي بتنزل رأسياً من كل دورتين مياه فوق بعض .. وهذا مسارها الأُفقي معلقة في سقف البيسمنت وأكيد لها نقاط فحص وتسليك وبدون منهولات نهائياً مع نظام منع الارتجاع أو ما يسمى بالرداد ضد الروائح والحشرات .. الخطوط الرفيعة 10 سم والخط اللي جاي من الملحق شبه رئيسي 15 سم لأنه يجمع المطبخ الخارجي وغرفة الخادمات .. والخط الأخير 20 سم وبيكون أقصرها لوجود نقطة الصرف الحكومي قرب الباب أو كذلك خزان الصرف الصحي قريب لو لم يتم عمل شبكة حكومية كالمعتاد

خطوط التغذية بالأزرق ومتجهة كذلك لفتحة بايب 10 سم نازل رأسياً من دورات المياه فوق ويتم ادخال البايبات الأصغر للمياه داخله وفتحها على الحمامات من خلال فتحة قابلة للفتح والاغلاق بقطعة خشب عليها سيراميك تركب بسيليكون أو بباب صغير خاص من الألمنيوم مثبت عليه بلاط .. يعني الفحص والاستبدال بيكون سهل وسريع .. حتى محابس المياه الخاصة بخطوط التغذية بتكون مخفية داخل هذه الفتحة

ارتفاع البيسمنت حسب حساباتي بيكون متدرج من متر و70 سم الى مترين و 20 حسب وجود بعض الجسور الساقطة .. كذلك الخرسانات تحت بتكون غير مشطبة وبدون بلاستر وحمايتها من الماء بتكون جهة الخارج مع عمل تصريف خارجي لأي مياه قريبة من الجدران كمياه المطر .. أما الحماية ضد مياه الري فوضحت مكان الشجر فوق والجدول المائي وهي بعيدة نسبياً عن الأساسات وسيعمل لها حماية جانبية ضد أي تسريب وحفر من الأساس لعمق مترين ودفان زراعي

الجدول المائي بيكون بعمق بحدود 30 سم ومتدرج وجوانبه زجاج شفاف تبين تحرك المياه داخله للي في البيت من كم جهة .. بيكون مفصول عن الزراعة حتى مياهه قد تكون ملونة لإعطاء شكل ومنظر مميز .. مع إضاءة تنعكس على الزجاج أثناء الليل .. وبيكون معزول جيداً من تحت مع بايب خاص أسفله لإعادة الماء لأعلى المجرى

https://i.imgur.com/1ePsAvM.png

[معماري قطري]

البيسمنت بيطلع مليان خدمات خصوصاً لو حطينا توانكي اثنين في كل جهة لجمع مياه التكييف واستخدامها للزراعة بمضخة ري .. كذلك بنحتاج نقاط مياه للري للزراعة القريبة .. تبقى أماكن المكيفات ووسعت شوي في الممر الوسطي حتى يستوعب عدد منها مع باقي الأماكن وطبعاً بتكون معلقة على الحائط بحديد تثبيت وبتاخذ حيز من الممرات حيث لازم تكون بعيدة عن الحائط وعمقها حول 30 سم .. لنفترض خذت متر يبقى متر و 20 سم كافي للمرور وأي تانكي بيكون واطي وممكن يمرر من تحت هذه الوحدات

أكيد البنيان بيحتاج شغل تأسيس جيد ولا بيحتاج دفان ودك والخرسانات للأرضية لازم تكون انشائية ولو فيه حاجة لجدران استنادية أو أجزاء من جدران تدعم الصبيات فوق هذا ممكن وغير مقيد .. والله يوفقني في استشاري مدني جيد وما اتوقع اروح الا للربع القدامى .. اتحاد قطر للتخطيط أولهم ولو انه غالي

[معماري قطري]

أرضية الجلسة الهابطة في الصالة فوق أكيد بتاخذ جزء من الممر الوسطي وما وضحت موقعها بس ما لها تأثير كبير .. بيكون نزولها 80 سم + سمك الأرضية نقول صافي بحدود متر نزول بتاخذ من ارتفاع صافي الممر بيستوي جهتها بحدود 1.25 متر لكن فيه مجال للمرور بيتبقى من الممر فوق متر ونص للمرور وما ننسى هذا البيسمنت محد بينزل فيه الا للصيانة أو التخزين لبعض الأغراض في المخزن القريب من المدخل أو تخزين مفتوح

نظام الإطفاء بيكون حسب مقترحات الدفاع المدني وممكن نستخدم البيسمنت كذلك .. لكن حق بيت انا أأيد الإنذار في كل حيز ومساحة ويكون مرتبط لو اشتغل يشتغل كله ومع بطارية لو انقطع الكهرب .. للمطابخ ناخذ احتياطات أكثر مثل كاشف تسريب الغاز والبلانكت الخاص وطفايات الحريق

وأتمنى الفائدة لكل متابع وبإذن الله بيكون هذا التصميم للنقاش ولتطويره كلما تقدمنا مرحلة ومراحل البناء إن شاء الله ستكون قريبة وسأُتابع معكم بالصور والتقارير الدائمة .. مع استعدادي لوقف هذا التصميم ومناقشة أي تصميم يرغب فيه أي أحد من الأعضاء للفائدة العامة .. شيء خاص ما اقدر اشتغل فيه بتركيز وجهد ووقت مثل عرض عام للجميع يستفيدوا

[معماري قطري]

من أصعب المراحل على اللي بيبني إنه يقرر وينهي كل شيء خصوصاً التفاصيل الصغيرة وخصوصاً لو التصميم له وبتترتب عليه دفعات وتكاليف وصعوبات والبعض يغامر ويدفع ولا يهتم يسوي كل اللي خاطره فيه .. البعض لا يفكر وايد ويقارن عدة حلول حتى يطلع بشيء زين وبنفس الوقت ممكن ينعمل بدون مشاكل ولا يدخل في مشاكل صيانة

انا من النوع الثاني وألحين افكر في التفاصيل .. الدائرة النازلة في الوسط في الصالة السفلية حلوة والجلسة فيها ملمومة لكن بتكون فيها صعوبة في التشطيب وكذلك صعوبة في البناء .. أكيد باحتاج لإطار على حوافها من الرخام أو اسوي الأرضية تحت رخام وإحتمال فاصل معدني في زاوية التقاء الأرضية بجدار الدائرة ينفع وتكون الأرضية بورسلان حجم كبير للصالة وللجلسة الدائرية سجاد حتى الجوانب سجاد .. بيكون فيه شغل قص وشغل تركيب احترافي .. سويت مقترح ثاني لجلسة مربعة بعدد أقل من الكراسي 7 والدائرية 10 وباحطها وأكيد المربعة بتكون أسهل بكثير للتنفيذ

جلسة المجلس تفرق بأن الجزء المرتفع حولها بارتفاع بسيط وممكن بأي مادة تشطيب غير عن الارضية الوسطى حتى الباركيه ينفع والحجر والرخام .. 5 سم بيكون فرق الارتفاع فقط لتحديد مكان الكراسي

بالنسبة للتشجير الخارجي ومواقف المجلس فالمساحة بحمد الله تكفي لأن الشارع بعيد وأحد الجيران رتب الأرض أمام مجلسه وعمل مواقف وتشجير .. انا خطتي بتكون أشجار واشنطونيا للمدخل قبل الباب قريبة من بعض تعزل مواقف المجلس عن مدخل البيت .. الدوار بتكون الأشجار فيه رويال بالم تريز وهذي تختلف عن الواشنطونيا وعن النخل .. الباقي نخل وسدر وغيره من أشجار كثيرة في بالي .. زارع شجر كرز ووحدة استوت بطول متر وتطول بسرعة بس داخل البيت المكان مكيف وتحت المنور السقفي .. وزرعت بذر لشجر من ألمانيا وحدة برا طلعت اللي داخل للحين

9 سيارات للمجلس وممكن يصفون 9 وراهم وان شاء الله الصورة واضحة تبين عندي باهتة .. الزاوية السفلية الخارجية قرب غرفة الدريول ناوي اسوي فيها برج للعصافير والطيور الصغيرة .. قريب من اللي في كتارا ( تقليد )

في الداخل حركت موقف السيارات اليسار جهة الداخل حتى يكون مخفي وراء البيت وفي خط واحد مع البيت .. وهذا الموقف بيكون نازل بارتفاع مترين وبواجهة طابوقية وخرسانية وجوانب كذلك .. زين بيكون مجابل شمال والحمد لله وضعية المواقف عندي كلها في اتجاه الشمال وقت الشمس التظليل يغطي السيارات طول اليوم

https://i.imgur.com/Vs4KVZv.png

[معماري قطري]

مدخل المجلس كذلك بيكون يمينه ويساره واشنطونيا

هذي رسمة تعديل تخطيط الجلسة السفلية لمربعة واشوفها أسهل للتنفيذ وكذلك بتحل مشكلة البروز داخل حيز البيسمنت تحت .. العمق ممكن ازيد عتبة يستوي 90 سم مضمون أعلى ظهر كرسي يكون مع أرضية الصالة وراس الجالس الكبير يكون في مستوى شوي أعلى من أرضية الحديقة ويشوف جدول المياه يمشي بين الجوانب القزاز وينزل قربه بشلال صغير مثل باوضح في قطاع طولي

https://i.imgur.com/5XKDchX.png

[معماري قطري]

من الأُمور المهمة ترتيب المنطقة الوسطى المزروعة واللي بيكون فيها جدول ماء وشلال .. فكرتي للجدول بأن يكون مبني على حجر وأعلاه أحواض زجاجية ينزل منها الماء بالتدريج على شكل مدرج طويل .. وهنا رفعته شوي بحيث يبين من الدور الأول بعض التفاصيل ما بينت والظاهر الفايل استوى كبير أو البرنامج ناوي يخذلني

قطعة الزجاج الأمامية في كل حوض زجاجي بتكون أقصر بشوي من الجانبية بحيث الماء ينزل مثل ما هو موضح .. الإنارة بتكون جانبية وتنعكس على الزجاج وحتى إمكانية تربية سمك زينة في الحوض قبل الأخير ممكنة وتجديد الماء وتهؤئته وتنقيته بتكون شبه دائمة

https://i.imgur.com/lAaNTiJ.png

نلاحظ أقصى اليمين تم عمل قوس للمرور من جهة لجهة وبيتم الغاء باب من غرفة النوم لهذي الحديقة وكذلك من الممر قدام المصعد لتبقى النافذة بأقل فواصل ألمنيوم ولتسمح بالرؤية الخارجية في أي وقت .. طبعاً النوافذ للصالة والمطبخ والممر بتكون بدون ستائر وبدون تعتيم حتى تمكن الرؤية الدائمة لهذي الحديقة الشبه داخلية

[معماري قطري]

هذي شوي أوضح بس ما بينت الزوايا الديكورية والتيجان للواجهات الزجاجية الخارجية

https://i.imgur.com/OKsb4fg.png

[معماري قطري]

كنت اسوي توزيع لبلاطات الصالة بعد ما صغرت الدائرة النازلة للجلسة ووصلت لفكرة عمل تحديد وحواف رخام تحت الواجهة الزجاج وفاصل بين البورسلان وأرضية وجوانب الجلسة النازلة .. بعرض 20 سم ويكون مثبت بلاصق قوي .. حتى الفتحات المقوسة والأبواب بتكون قطعة رخام فاصلة حسب عرض الباب وهذي مسويها في بعض الغرف في بيتي الحالي .. لكن هنا بتكون أكثر وبتكون متصلة مع النعلة .. كذلك النعلات في غالبيتها بتكون رخام بفرزة خاصة وتصميم غير وحتى بإرتفاع كبير وعرض كبير حتى تعطي فخامة للمكان .. يعني الخطوط اللي موجودة في الصالة تخيلية فقط

هنا بعد الغاء الأبواب واعادة ترتيب الجلسة الخارجية .. نور شمس المغرب بيجي من يسار بزاوية تدخل الغرفة السفلية .. شمس الشروق صعب تدخل التجويف بس شمس الظهر أكيد بتدخل طول السنة

محور الحركة من المطبخ لين المسبح بيكون جنب الحائط وتحت الشلال وخلف الشجر لين هناك حيث بيكون فيه باب زجاج يفصل الحوض عن جزء الحوش الخلفي

https://i.imgur.com/tg9aFmx.png

[معماري قطري]

توزيعة ومقاس البلاط سويته مرة ومهم نسوي خطة نمشي عليها بحيث يعطينا تصميم مقارب لكل المساحات .. مب شرط اللون والمادة تكون وحدة .. بتكون الأطراف بوردر متصل مع النعلة بعرض 20 سم مقسوم 10 و 10 وممكن كل 10 بلون ثاني مثل البني والبيج والأسود والأبيض .. وممكن نستعمل القرانيت أو الرخام وفي الوسط سجاد مثل خطتي للمجلس .. النعلة بنجي حق تفصيلها وأكيد نفس مادة البوردر .. حتى الخشب ممكن طول ما احنا بنشتغل على أرضية خرسانية منبسطة

الرخام بسمك 2 سم نحتاج نعمل له فرق في المستوى حسب الأرضية اللي بتكون في الوسط وسمكها .. لو باركيه 4 ملم نحتاج نقص أو نسوي الصبية بقوالب جاهزة للبوردر بنزول 17 أو 18 ملم حتى لو ركبنا الرخام مع المونة يوصل لنا لإرتفاع شوي أكثر من 4 ملم ولو ركبنا الباركيه يكون المستوى واحد بين المادتين ولازم نحتاج معدن فاصل

للحمام والمغاسل فكرت في البلاط 20 في 20 بزاوية وممكن حتى 15 في 15 أو أي مقاس أصغر مربع .. نيتي حتى اخلي القراوت بحدود 6 ملم ويكون بلون مغاير ويكون هو الفاصل بين البوردر والنعلة الرخامية وبين باقي البلاط وباوضح صورة مقربة له .. كذلك الوضع للمدخل والصالة لكن يختلف حجم البلاط 40 في 40 والبوردر حق الدائرة النازلة في الوسط بيكون 20 سم

https://i.imgur.com/hMRoNyW.png

[معماري قطري]

كل الابواب والفتحات بتكون أرضيتهم قطعة رخام من جهة الفريم للجهة الثانية .. للحمامات بتكون مرتفعة شوي لعدم خروج أي ماء متسرب .. هذي القطعة بعد بتعطي نمط واحد متناسب للبيت كله وبتكون مكملة للبوردر

نشوف المغاسل ودورة مياه المجلس عن قرب .. المغاسل بتكون معلقة على حائط جزئي بارتفاع 80 سم بيكون مثل الرف للصابون والفوط والكلينيكس .. المراية محفور لها 5 سم في الحائط أثناء البناء يتم تركيب طابوق 15 بدال ال 20 وتستوي عندنا هذي الارتدادة البسيطة .. والمراية بتكون مثبتة فيها وبارزة بحدود 7 سم بخشب تثبيت وبتكون فيه اضاءة مخفية .. كذلك في الرواشن اللي على جانبي مدخل المغاسل وفي روشنة في الحمام نسيت اوضحها

أكيد بتكون اضاءة ثانوية سبوتات والجبس بيكون سيدة بدون كورنيش ومبتعد عن الحائط 2 سم .. معلق فقط وفيه السبوتات ويخفي مكينة التكييف لو قررت اركب دكت سبلت

https://i.imgur.com/CXR3Lx9.png

[معماري قطري]

فيه دائرتين فيها حرف الاس ودائرة فيها حرف دبليو هذي دكتات للتصريف وللماء تنزل لتحت للبيسمنت ومنها للخارج .. اللي للصرف بتكون مغطاة باسمنت وبلاستر وبلاط واللي للماء بتكون مغطاة ببورد خشبي عليه بلاط وفيه أجزاء تنفتح حتى المحابس بتكون مخفية ولها باب ينفتح وعليه بلاط

[معماري قطري]

اللي يدقق بيلاحظ إن الزاوية اليسرى للمغاسل وللحمام فوق وتحت يبدأ منها خط البلاط حتى يطلع القص مرتب صحيح

[معماري قطري]

تفصيل مهم هو تفصيل طريقة تركيب الارضيات وعلاقتها مع بعض .. أكيد يحتاج توضيح بكلام مكتوب في المواصفات بس الرسم بعد مهم .. النعلة مفكر فيها تكون من طبقتين أو قطعتين رخام ملصوقين في بعض .. كل وحدة مبرومة ربع دائرة من فوق واتصالها مع قطعة رخام البوردر بتكون معطية جميع الأرضيات روح أو نمط واحد .. ممكن أحصل نوعية جاهزة وقريبة من المطلوب كذلك أو تنعمل حسب الطلب والمقاس واللون

بتكون بارتفاع 15 سم للقطعة الكبيرة وخمسة للقطعة الصغيرة وهذا الرسم يوضح زاوية في الجدار مفتوحة للتوضيح

https://i.imgur.com/W886Kk6.png

القطعتين كل قطعة بتكون 2 سم ولازم احتاج لقاعدة لبرواز الباب بارتفاع 25 سم وبسمك عريض 4 سم وزيادة شوي حتى اضمن تغطية طرف النعلة عند موقع الباب

https://i.imgur.com/ErpTDui.png

أعتقد فايل البي دي اف مش واضح وبحاول أوضحه بطريقة ثانية أو اسوي صورة أفضل

هنا قطاع في موقع الباب مع قطعة الرخام اللي يسكر معاها الباب من تحت وقطعة ربر تخلي صكة الباب تكون بدون فجوات نهائياً

https://i.imgur.com/Yz1HCVQ.png

[معماري قطري]

يمكن توضيحي لتفصيل النعلة واتصالها بباقي الارضية مب واضح .. هذي النعلة لوحدها .. الفراغ البسيط تحت القطعة العلوية ممكن نستغله لتمديد واير كهرباء فولتج بسيط حق اضاءة تنعمل بفتحات بالدريل وتتركب دائرية وصغيرة بحدود 1 وات أو أقل حتى لإضاءة الممرات للمشي وغرف النوم وقت الذهاب لدورة المياه .. ممكن نركب اضاءة خطية كذلك للتجميل .. حتى الكراسي والأثاث معمول حسابه بيكون وأكيد بتكون الإضاءة مرتبة حسب وضعية الأثاث وبنجي لها لازم في المستقبل المهم التأسيس والفكرة نمشي عليها

https://i.imgur.com/u0F6kpA.png

وباحط رسم توضيحي أُفقي لقطاع الباب والفريم والبرواز واتصالهم بالنعلة وكذلك الفتحات اللي بدون اطار خشبي والفتحات اللي باطار خشبي

تفاصيل النوافذ تختلف والملامح الرئيسية حددتها باقي أكيد تفاصيل التصنيع تختلف شوي وتحديد مكانها في الفتحة مع التخطيط للشتر ومكانه وطريقة تركيبه في غرف النوم فقط لضمان الظلام الدامس أي وقت .. ومثل ما ذكرت عرض الجدار 40 سم وطول وعرض النوافذ يسمح بترتيبها ترتيب ممتاز

أكيد مناقشتي لهذي التفاصيل لفائدة الجميع وممكن أي شخص يستعمل أي جزء في بيته .. ممكن مثلاً عمل فرزات كثيرة وتشكيلات كثيرة من النعلات سواء خشبية أو رخام أو حجر أو بلاستيك أو معدنية أو بورسلان .. حتى من البلاط الشعبي ولكل نوع جماله واستخدامه

خطتي لهذا البيت تكون كلها وحدة من الرخام أو الجرانيت حتى في الغرف اللي فيها سجاد

[معماري قطري]

وصلني مقطع فلم وشرح لنقطة ذكرتها في تصميم المنزل فوق وهي جمع مياه التكييف في خزان لإستعمالها في الري فقط .. المقطع يوضح كميات هائلة من المياه تتجمع تكفي للزراعة وتزيد بكثير وتكفي للغسيل كذلك

ما توقعت هالشيء ولا حصلت المقطع على اليوتيوب للأسف .. بس كانت طريقته إن عامل خزان خرساني كبير تحت الأرض وممدد له بايبات صرف التكييف وكانت من النوع العريض 2 إنش وكلها تصب فيه .. وممكن التمديد مباشر بس شكله قبيح لو كان خارجي وممكن عمله من الاساس وبدون خزان يصب مباشرة للزراعة

هذا فيديو مقارب


https://www.youtube.com/watch?v=wshxRet66Vw

[SouthK]

وصلني مقطع فلم وشرح لنقطة ذكرتها في تصميم المنزل فوق وهي جمع مياه التكييف في خزان لإستعمالها في الري فقط .. المقطع يوضح كميات هائلة من المياه تتجمع تكفي للزراعة وتزيد بكثير وتكفي للغسيل كذلك

ما توقعت هالشيء ولا حصلت المقطع على اليوتيوب للأسف .. بس كانت طريقته إن عامل خزان خرساني كبير تحت الأرض وممدد له بايبات صرف التكييف وكانت من النوع العريض 2 إنش وكلها تصب فيه .. وممكن التمديد مباشر بس شكله قبيح لو كان خارجي وممكن عمله من الاساس وبدون خزان يصب مباشرة للزراعة

هذا فيديو مقارب


https://www.youtube.com/watch?v=wshxRet66Vw

ممكن توضح الفكرة اكثر؟؟

[معماري قطري]

ممكن توضح الفكرة اكثر؟؟

الفكرة واضحة بدل ما توجه بايبات التكييف للصرف في الحمامات وجهها للخارج وحط توانكي ماء يتجمع فيها نقطة نقطة للزراعة ولغسيل السيارات والحوش

تقدر تسوي التوانكي مدفونة من الأساس وتركب شبكة ري وتركب برشر لو تحب

انا خطتي اسوي بيسمنت للخدمات بيسمنت بسيط وبارتفاع بسيط شرحته فيما سبق ووضحته بالرسم حتى فيه باضمن خزانين أو ثلاثة لجمع المياه ومنها تنطلق شبكة ري للزراعة اللي حول البيت .. وفيه شركات زراعية في قطر تسوي نظام استعادة مياه الري الزائدة للسستم وجمع مياه الأمطار مثل شركة الثلاثي وغيرها

هذا مسوي الخزان خرساني كبير نزلته على اليوتيوب ومدد البايبات كلها لهذا الخزان شوف شلون تنقط وشلون جامع مياه التكييف


https://youtu.be/yJ_Avdg_zAk

[معماري قطري]

هو لازم تصمم نظام .. أسهل شيء لو حاب تمدد من المكيفات للخارج ومباشرة للزراعة بس تركب غطاء شبك ما يسمح للحشرات بالدخول والماء ينقط للزراعة وممكن تركب حوض زراعي قريب من حائط البيت وحتى قريب من الدرايش يعطيك منظر وزراعة تجميلية .. المهم تستفيد من الماي ولا تهدره

[mr_unknowns]

هو لازم تصمم نظام .. أسهل شيء لو حاب تمدد من المكيفات للخارج ومباشرة للزراعة بس تركب غطاء شبك ما يسمح للحشرات بالدخول والماء ينقط للزراعة وممكن تركب حوض زراعي قريب من حائط البيت وحتى قريب من الدرايش يعطيك منظر وزراعة تجميلية .. المهم تستفيد من الماي ولا تهدره

الفكرة حلوه بس لازم انعرف نوع النباتات اللي تبغي وايد او شوي ماي عشان ماتموت علينا

وين ممكن يتركب شبك الحشرات؟

[معماري قطري]

الفكرة حلوه بس لازم انعرف نوع النباتات اللي تبغي وايد او شوي ماي عشان ماتموت علينا

وين ممكن يتركب شبك الحشرات؟

على طرف البايب أو اسفنجة تسمح بخروج الماء ولا تسمح بدخول الحشرات والغبار

كمية مياه التكييف كبيرة وصعب تقديرها بعدين استخلاصها للزراعة أما مباشر أو تخزينها لري اوتوماتيكي بعد ممكن أو لأي استعمال باليد .. أقل شيء لغسيل الحوش والسيارات .. والنباتات أكيد تختلف حاجة كل نبات للمياه .. بيتي مساحته 1200 موزع فيه 7 أحواض زراعية أشكالها بعضها غير منتظمة بمنحنيات وواحد دائرة مقطوعة من جزء .. حطيت له رسمة ما ادري خلال هذا الموضوع أو غيره .. ضفت عليها ثلاث أحواض خارجية واستوى البيت مليان بالشجر بعض الأشجار عالية وصلت أكثر من 10 أمتار كالواشنتونيا زرعت ست منها على دوار المدخل

انا تصميمي للزراعة وللأحواض نفذته مع الأساسات ومن بداية الحفر وشرحت الطريقة مرات للكل حتى يستفيدون .. الحمد لله وازنت بين الزراعة التجميلية ومكان وقوف ودخول السيارات وتوزيع مباني الحوش .. ما يمر تقريباً يوم ما امشي في الحوش الصغير نسبياً واتفقد الزراعة

[معماري قطري]

تقدم أحد الاخوان بتصميم مبدئي وطلب عرضه للآراء وللتطوير

البيت من بيسمنت وأرضي وأول وبنتهاوس ومساحته مب معروفة لي للحين خلونا نشوف الدور الأرضي مع توزيع الأرض

https://i.imgur.com/InEggJc.jpg

وهذا الدور الأول

https://i.imgur.com/eNSGcoD.jpg

وان شاء الله يكونون واضحين ونقدر نعلق عليهم وعلى بعض التحسينات

[معماري قطري]

اللي بالأحمر مساحات زجاجية بالكامل وانا اشوفها كثيرة فيها مبالغة .. بتكون مكلفة وبتحتاج ستائر سميكة وكبيرة بعد مكلفة والاستفادة منها في غرف النوم بسيطة .. لكن من جانب آخر هي متماشية مع مبدأ التصميم الحديث

دور البيسمنت ممكن النزول له بدرج من جانب البيت بعد المرور أمام غرفة السايق وكذلك ممكن النزول له بالمصعد أو بالدرج المفتوح على الصالة .. وتم رفع أرضية الدور الأرضي لتسعين سنتيمتر لعمل البيسمنت وهذا خطأ لأن عندنا مناور ساقطة ونقدر نكتفي بارتفاع 45 سم ثلاث عتبات أو نوزعها على 4 عتبات مريحة

https://i.imgur.com/B2Xhd07.jpg

وهذا دور البنتهاوس ونشوف آرائكم

https://i.imgur.com/e8RcvIh.jpg

واضح التصميم مبدئي لكن صاحبه يقول قضى فيه سنة مع الاستشاري

[sweet qatar]

السلام عليكم

اول شي .. عسى الله يوفق صاحب البيت و ييسر أمره

بالنسبة للتصميم .. حبيت الجرأة و الفكرة و تفاصيل البيسمنت ماشالله .. ولو اني افضل زيادة مساحة المغاسل والحمام تكرمون على حساب مساحة البوفيه

لكن الواجهات الزجاج غير عملية خصوصا انه بين جيران

الدرايش الكبيرة السادة الي مافيها تفصيلات تعتبر مودرن و يكون الفيو مدروس بحيث ما يأثر على خصوصية البيت

لو تخيلنا التصميم الداخلي .. البيت كله ستاير


غرفة الدريول وين ؟

[معماري قطري]

عليكم السلام ورحمة الله وبركاته

وحياج الله اختي سويت شرفتي الموضوع مرة ثانية وثالثة

بالنسبة للواجهات الداخلية هذي ممكن يرفع السور اليسار والتجويف ينفتح على حديقة داخلية وتكون بانارة ليلية متناسبة مع الداخل بحيث تبين ليل ونهار وتكون بدون ستاير ( ستاير لس بالعربي الفصيح )

غرفة السايق مقابلة درج البيسمنت وردج البيسمنت صراحة مبالغ في عرضه بحيث عرضه 2.4 متر وهو يقدر يكتفي حتى ب 1.4 .. وغرفة السايق يقدر يخليها يسار ويشيل المخزن ويفرها بالعرض تكون تنفتح على مظلة السيارات اللي يقدر يزيدها مظلة سيارة ثالثة

غرفة الخادمة مسويها فوق مخطط الدور الأرضي وبيخالف بها ناوي يخليها في الارتداد الثلاثة متر خلف البيت .. نصحته يسوي لها درج من الحوش ويخليها تحت في البيسمنت .. بيصغر شوي بس عنده مساحة .. ويخليها تكون معزولة بالكامل عن البيت يعني تطلع على الحوش والمطبخ .. يفترض يسويها كافية لثلاث خدامات ومعاها غرفة الغسيل

مشكلتي ما يشتغل عندي الاوتوكاد وان شاء الله باحاول اركبه ونتابع

[معماري قطري]

وصلتني المساحات وهي كالتالي

البيسمنت 386 متر مربع

الارضي 371 متر مربع

الاول 404 متر مربع

البنتهاوس 181 متر مربع

المجلس 68 متر مربع

وغرفة السائق 22 متر مربع

مساحة الارض 994 متر مربع

اجمالي البناء = 1432 .. مب بسيطة ولو قدر يخلص المتر مشطب بحدود 2500 يكون محظوظ والتكلفة بتكون 3.5 مليون كتقدير أولي بناءً على المساحة فقط وبتشطيب جيد

[معماري قطري]

اللي بالأحمر مساحات زجاجية بالكامل وانا اشوفها كثيرة فيها مبالغة .. بتكون مكلفة وبتحتاج ستائر سميكة وكبيرة بعد مكلفة والاستفادة منها في غرف النوم بسيطة .. لكن من جانب آخر هي متماشية مع مبدأ التصميم الحديث

دور البيسمنت ممكن النزول له بدرج من جانب البيت بعد المرور أمام غرفة السايق وكذلك ممكن النزول له بالمصعد أو بالدرج المفتوح على الصالة .. وتم رفع أرضية الدور الأرضي لتسعين سنتيمتر لعمل البيسمنت وهذا خطأ لأن عندنا مناور ساقطة ونقدر نكتفي بارتفاع 45 سم ثلاث عتبات أو نوزعها على 4 عتبات مريحة

https://i.imgur.com/B2Xhd07.jpg

وهذا دور البنتهاوس ونشوف آرائكم

https://i.imgur.com/e8RcvIh.jpg

واضح التصميم مبدئي لكن صاحبه يقول قضى فيه سنة مع الاستشاري

كنت افكر في مساحة البيسمنت ليش أكبر من الأرضي .. ومعناها أما إنه حسب المساحة المحفورة بدون بناء أو عنده مساحة زايدة وطلعت عنده مساحة زايدة في المجلس العربي .. هذا يقدر يخليه مع حدود الدور الأرضي ويكون بطول 6 أو أقل بشوي بدال 8 متر وكافي وملموم لجلسة عربية ومع حدود البنيان .. لأن كذا بيكون حافر تحت الحوش ومسوي سقف عليه دفان .. أوقات المهندس أو الرسام في هذي الحالة ينفذ كلام المالك بدون مناقشة بس يبي يخلص وأوقات المالك ما يحسب حساب كل شيء صح ويتورط بعدين .. كل شيء ممكن بس باصول وبتكلفة وبتجانس .. أعني بتجانس هنا إن المهندس مقترحه يسوي بيسمنت بحوش مفتوح ونازل ( مناور ساقطة ) وبنفس الوقت رافع البيت كأن له درايش جانبية للبيسمنت وهو ما سواها .. ولو كان كذا معناها الجزء اللي طالع في الحوش أما يكون مرتفع عن الأرض وهو ممر قدام غرفة السايق أو يكون مستوى نازل .. يعني سقف المجلس العربي يكون طرفه نازل وسقفه مدفون .. فقط علشان اضافة هذي ال 2 متر اللي ما لها داعي

كذلك نشوف غرفة السايق لو فصلنا عنها المخزن وضمناه في مساحة في البيسمنت أو عملناه بروحه مفصول في الزاوية ونقلنا الغرفة بحمامها للجهة الثانية بيكون السايق بعيد عن مدخل المجلس وقريب من باب مظلة السيارات .. ونقدر بعد اتمام البناء نغلق جهته حتى يكون الحوش الداخلي مغلق بالكامل لنا

نقطة أخيرة البيسمنت لازم بتكون فيه حوائط وسطية استنادية للبنيان فوقها .. وهذا بيبين بعدين في التصميم الانشائي والمفروض الاستشاري ينسق من الحين مع المهندس الانشائي بهذا الخصوص ويوضح للمالك .. المهم الخيارات الأولية كلها تنحط مثل ما ذكرت في السابق عن غرفة الخادمة أفضل تكون مكان المغاسل والحمام في البيسمنت ولها درج بسيط من الحوش

[معماري قطري]

تقدم أحد الاخوان بتصميم مبدئي وطلب عرضه للآراء وللتطوير

البيت من بيسمنت وأرضي وأول وبنتهاوس ومساحته مب معروفة لي للحين خلونا نشوف الدور الأرضي مع توزيع الأرض

https://i.imgur.com/InEggJc.jpg

وهذا الدور الأول

https://i.imgur.com/eNSGcoD.jpg

وان شاء الله يكونون واضحين ونقدر نعلق عليهم وعلى بعض التحسينات

تركيز شوي في الدور الأرضي نلاحظ ما فيه داعي للدرج النازل للبيسمنت يكون بهذا العرض الكبير 2.4 .. ممكن نقلله للنص 1.2 ويكون كافي حتى للتهوئة والنور الطبيعي للنوافذ المطلة ولازم نصغرها شوي ونقللها .. في التصميم الحديث أو المودرن ما نتقيد بوزن النوافذ فوق بعض وممكن نسوي البيسمنت غير عن الارضي والأرضي غير عن الأول حسب الحاجة

لو انا مكان المالك باصغر نوافذ الغرف لحدود مترين أو مترين و 40 سم وباعملها بأضلاع مستقيمة وباخلي عليها شتر خارجي .. الدور الأرضي المنطقة المطلة على الحديقة نخليها مفتوحة وبدرايش مثل ما هي وحتى ممكن بدون ستاير وبدون شترات لصعوبة تركيبها كبيرة

المجلس الخارجي في الارضي هو عبارة عن صالة مطلة على الحديقة .. ومساحته 68 متر مربع .. بعد من رايي نقدر نتخلص منه أو نعتبره ملحق خارجي ومطبخ ونصغره شوي وحتى ممكن لو حبينا ندمج غرفة الخادمة معاه .. السبب عندنا صالة داخلية المسماة استقبال هذي نقدر نخلي جهة السيارات حائط ونخلي الجلسة على شكل اليو والتلفزيون أما الزجاج المطل على الحديقة .. يمكن نحتاج دريشة طوالية وضيقة جنب باب الصالة وقريب الزاوية تطل على الحوش والسيارات

طبعاً لو عدلنا درج المدخل والرامب حولناه الجهة الثانية بتكون عندنا مساحة كافية لثلاث سيارات ولو حركنا البيت كله جهة اليمين متر واحد بدال ارتداد 4 متر نسوي 3 متر للدرج 1.2 وتبقى عندنا صافي 1.6 كافية لشوية زراعة ولتمرير الخدمات وكافي ممر صغير للمدخل الخلفي والمدخل الخلفي نصغره وحتى رامب كفاية بدون درج ونقدر نستغل المساحة أما لمخزن أو لغرفة غسيل ملابس

والأهم في حالة تحريك البيت متر جهة اليمين بتستوي عندنا حول 11 متر صافية للسيارات .. هذي نقدر نخلي لها مدخل واحد في الوسط 4 متر وباب سلايدنغ وتدخل سيارتين يصفون بزاوية وفي مساحة مبحبة يمين ويسارتين يصفون بزاوية يسار .. ونكون وفرنا طبيلة حق 4 سيارات بدال سيارتين وباب واحد حسب متطلبات التخطيط

نقاط ما حبيتها في الدور الأول عدم وجود صالة جلوس واضحة والفتحة مخربة ولو سكرناها وخلينا الجلسة فيها مقابلة المصعد أفضل والبانتري على الحائط اليسار أفضل .. مستغرب كيف حاط بانتري ولوحة توزيع الكهرباء مع بعض وهو ممنوع

الغرف الحمامات كلها يبغي لها اعادة توزيع وغرف الملابس لو نقدر نخليها مغلقة أفضل ومفصولة

[ita(10)lia]

السلام عليكم والله ودي اخذ رايك في التصميم اللي عندي

[معماري قطري]

السلام عليكم والله ودي اخذ رايك في التصميم اللي عندي

عليكم السلام ورحمة الله وبركاته

انا حاضر للكل والله يقدرني على عمل المطلوب

حاول تنزل المخططات صورة هنا وبنشوف شالأفضل لك بس بعد اعرض كل المعلومات حتى اتجاهات الأرض

[معماري قطري]

اللي يحزنني في التصميم الأخير إن صاحبه قضى سنة مع الاستشاري لين وصل للي وصل له وانا لو مكانه اخلصه في اسبوع ويمكن بدرجة أفضل من ذي

[sweet qatar]

صباح الخير


الله يجزاك خير و يرفع قدرك بوعبدالله


التصميم على ما اعتقد عبارة عن تعديلات على قالب جاهز مثل ما صار معاي .. معاناة وخساير ما اتمناها لأحد

واضح ان المصمم عدل على رغبات المالك بدون ما يكون في كونسبت خاص للمكان او فكرة لترتيب احتياجات المالك

نصيحتي يشوف شركة ثانية للتصميم .. مساحة الأرض مب صغيرة عشان الاحتياجات الأساسية تنحشر حشر و يبي يخالف

معليه حتى لو مرت سنة كاملة وهو يعدل فالتعديلات كلها على ورق

[sweet qatar]

في حالة اقتراحي ما لقى قبول من المالك

اقترح تغيير مكان الدرج مع اللفت ويكون في أقصى اليمين فوق درج البيسمنت


و مكانه بيكون الجلسة العائلية بدل الجلسة الي برا .. او الاستقبال بدل الجلسة مقابل باب الكراج

و ممكن نصها يكون مفتوح من الدور الاول .. بمعنى الجلسة في الدور الاول تطل على الصالة في الدور الارضي والحديقة

بحيث الزجاج يكون بانورامي بارتفاع طابقين


شي غريب في الدور الارضي في مطبخ و ستور يخدمه ، ايش حاجة البانتري ؟

[معماري قطري]

في حالة اقتراحي ما لقى قبول من المالك

اقترح تغيير مكان الدرج مع اللفت ويكون في أقصى اليمين فوق درج البيسمنت


و مكانه بيكون الجلسة العائلية بدل الجلسة الي برا .. او الاستقبال بدل الجلسة مقابل باب الكراج

و ممكن نصها يكون مفتوح من الدور الاول .. بمعنى الجلسة في الدور الاول تطل على الصالة في الدور الارضي والحديقة

بحيث الزجاج يكون بانورامي بارتفاع طابقين


شي غريب في الدور الارضي في مطبخ و ستور يخدمه ، ايش حاجة البانتري ؟

ناقشته فيه وأقنعته بعدم الحاجة له خصوصاً المطبخ قريب .. ولو محتاج يقدر يخليه كاونتر مفتوح لأن المطبخ ممكن يكون مغلق للطبخ الداخلي والقوي والبانتري يكون طبخ مفتوح وجلسة طعام أكثر منها طبخ .. ممكن يسويه جزيرة بكراسي وكاونتر بسيط فيه ثلاجة كبيرة ورا

[معماري قطري]

صباح الخير


الله يجزاك خير و يرفع قدرك بوعبدالله


التصميم على ما اعتقد عبارة عن تعديلات على قالب جاهز مثل ما صار معاي .. معاناة وخساير ما اتمناها لأحد

واضح ان المصمم عدل على رغبات المالك بدون ما يكون في كونسبت خاص للمكان او فكرة لترتيب احتياجات المالك

نصيحتي يشوف شركة ثانية للتصميم .. مساحة الأرض مب صغيرة عشان الاحتياجات الأساسية تنحشر حشر و يبي يخالف

معليه حتى لو مرت سنة كاملة وهو يعدل فالتعديلات كلها على ورق

مساء النور والسرور

والله يجزيج بما دعيتي وانتي وكثير من الإخوان ما يقصرون بنصايحهم الطيبة وكذلك تجاربهم

انا اتوقع إن المهندس خبرته بسيطة ويبي يخلص .. بالنسبة للتصميم أشوفه فيه مقومات جمالية وعملية لكن يحتاج تعديل والتكلفة صعب تنزل واحتمال تزيد وانا تقديري الأولي بحدود 3.5 مليون + + .. الدرج واللفت مكانهم حلو وزين انهم مفتوحين على الحديقة الوسطى .. الاستقبال بيكون هو الجلسة العائلية المطلة على الحديقة ولو عالج جهة السيارات عدل مثل ما ذكرت قبل بيترتب المكان أفضل .. الفتحة اللي فوق لو تتسكر وتكون جلسة أصغر مع تلفزيون مطلة على الحديقة كذلك مع درايش شوي أصغر وبستاير للخصوصية خصوصاً في الليل أو بشتر حديد بتكون أفضل

معاج الصالة اللي في الزاوية فوق ممكن يستفيد منها لأي شيء غير

حل ثاني يغير التصميم بالكامل بس انا عارف الغالبية وانا منهم لين ارتبطوا بفكرة تصميم معينة وعاشوها يبون يسوونها مهما كلفهم .. والفكرة تستوي وتتصلح للأفضل إن شاء الله

[معماري قطري]

بعدين اختي سويت وبقية الإخوان أي حد عنده تجربة حتى لو قديمة يمدنا بها مع صور للتصميم ونناقشه للكل يستفيد وهو يقدر يدير النقاش ويوضح المشاكل

[سعود.]

مساحة البناء 1400 وشوي ( مشاء الله )

بس التصميم كارثه ( بدون مجامله )

ياريت المالك له يحصل تصميم اخر وينسى هذا .

[سعود.]

واذا صامل على هذا التصميم يحتاج تعديل ‎%‎80

[ita(10)lia]

101814


عليكم السلام ورحمة الله وبركاته

انا حاضر للكل والله يقدرني على عمل المطلوب

حاول تنزل المخططات صورة هنا وبنشوف شالأفضل لك بس بعد اعرض كل المعلومات حتى اتجاهات الأرض

الله يجزاك الخير101813101814

[معماري قطري]

ما يبين لي واضح بس مبدئياً تصميم زين ومناسب للأرض

يحتاج تطوير بتوزيع الأثاث والكبتات والقطع الصحية

ما شاء الله ثمان غرف بتستفيد منهم على الأقل شقة كاملة في البنتهاوس

الدرج وراء اللفت يستحسن تخلي القوس من طابوق مرتفع وفوقه مزهرية كبيرة بإضاءة جيدة .. والدريشة المقوسة بإمكانك عملها مقوسة بالكامل أو مجزأة قطع سيدة

لو خطتك لباب المجلس وباب الصالة يكون يو بي في سي بيكون البيت معزول عدل وماشي على الوضع ذيه .. يمكن تحتاج تصغر شوي الأبواب لو تخلي جزء كبير 90 سم وجزء صغير 40 سم أو حولها بيكون مناسب للمساحة ولو تكتفي بباب واحد 90 سم أو متر بعد مناسب وسهل للاستخدام خصوصاً المساحة صغيرة ما تستحق بابين

ولو ناوي تسويهم خشب مد شوي الدرج لليوان وسو باب اضافي قزاز يو بي في سي حتى يعزل مدخل البيت والمجلس عن الحوش .. وبيعزل لك الحرارة كذلك والرطوبة ما تخرب الخشب والغبار والصوت

حاول ترسل لي المخططات بي دي اف حجم كبير على الخاص أو ايميل أو تحطها هنا

[معماري قطري]

الحوض غرفة الميكانيكل روم مخربة موقعه .. هذي ما فيها شيء غير الفلتر والصخان لو تحتاجه ومضخة ودي بي للكهرباء .. الدي بي تقدر تخليه مفصول ومثبت في الحائط والارضية للحوض تقدر تساويها بأرضية البيت وتحفر شوي للعمق المناسب للحوض والمفروض يكون 1.2 متر كفاية ومستوى واحد أفضل لك .. في هالحالة بتكون الزاوية اليسرى فوق مناسبة تكون فيها هذي المعدات وتكون في مستوى الحوض يعني الضغط على المضخة بيكون بسيط

حل ثاني إنك ترفع الحوض بحدود 60 سم عن أرضية البيت وتخلي المساحة حول الحوض نفس مستوى أرضية البيت لسهولة الخروج والذهاب للحوض ورؤية الماء والحوض من داخل .. تخلي الحوض بنظام اوفر فلو مفتوح من جدام جهة البيت بحيث وانت جالس تشوف الماي ينزل في قناة مفتوحة ويكون مثل الشلال الصغير .. تكون استفدت من الحوض منظر دائم وللسباحة

نصيحة أخيرة حاول تخلي منطقة الحوض مغطاة بسقف زجاجي ومكيفة .. حتى لو ما تحتاج تكييف بس ينعمل حسابه وللجلوس في هذي المنطقة

جدام عندك مساحة جيدة كافية لمواقف 4 في كل جهة يعني 8 سيارات أو بس 4 مواقف + مجلس خارجي

[معماري قطري]

لو افترضت أرضية البيت مرتفعة عن الحوش 30 سم عتبتين أو 45 سم .. أرضية الحوض نفسها والحوض مرتفع شوي 60 سم بيكون عندك 60 + 30 وبتحتاج تحفر حتى توصل ارتفاع 120 سم حول نص متر ويمكن أكثر شوي حسب سمك أرضية الحوض .. حلو تحدد كل شيء مبدئي من التصميم

تقدر تقرب الحوض من البيت في حال قررت تسويه اوفرفلو وبقناة مفتوحة يصب فيها الماء قرب الواجهة الزجاجية بس يكون مكان للخروج والجلسة تكون ورا آخر الحوض مرتفعة 60 سم عن أرضية البيت ويكون النزول للحوض منها مباشرة .. ما عرفت الغرفة اللي في الزاوية عند الحوض بس قدرت اقرا اللاندري والمطبخ والمطبخ عندك واحد .. لو تحب تخليه مطل على الحوض يمكن يطلع أحسن ويكون ينفتح على باب الغرفة العائلية

[معماري قطري]

مساحة البناء 1400 وشوي ( مشاء الله )

بس التصميم كارثه ( بدون مجامله )

ياريت المالك له يحصل تصميم اخر وينسى هذا .

حي الله اخوي ورفيق الموضوع الدائم سعود

ما انتبهت لمشاركتك قبل شكلي بديت اخرف

التصميم ما شاء الله فكرته حلوة ويقدر يصغر لو حب لمساحات واقعية أكثر .. الرجال قطع التواصل وشكلنا ضغطنا عليه والله يوفقه يمكن احتياجه وقادر على بنيانه

هرن حق العضو ديزل .. بريدك مليان

[سعود.]

الله يحيك اخوي ( ابا عبدالله )

المسأله مش في المساحة ماعنده مشكله .
التصميم هو المشكلة .

[معماري قطري]

انت باني كم مرة اخوي سعود وأكيد اللي بنوا بيسمنت بيفيدوننا .. المساحة هي الأهم وكذلك التصميم فيه مشاكل وضحتها رغم بساطته لكن اننا نسوي البيسمنت تحت الحوش وتوقف عليه السيارة وعليه دفان هذا يتطلب شغل واحتياطات زيادة وبنفس الوقت تكلفة أكبر بكثير .. الاستفادة كم كرسي في المجلس يمكن اثنين

ولو صج محتد ما في يده خيار ثاني يقدر يعرض الصالة جهة الحديقة الوسطى ويعرض المجلس تحتها نفس الشيء والحائط فوق الحائط .. كذلك 7.5 مسافة مبحبحة لوقوف سيارتين جنب بعض لذلك قلت كافية لدخول سيارتين في كل جهة بزاوية .. يعني 4 سيارات .. لو هو يبي سيارتين ومصر على التصميم يقدر يضحي بمتر من موقف السيارة أو نص متر ويوسع متر أو مترين جهة الحديقة .. الحلول موجودة وسهلة

[Diesel]

حي الله اخوي ورفيق الموضوع الدائم سعود

ما انتبهت لمشاركتك قبل شكلي بديت اخرف

التصميم ما شاء الله فكرته حلوة ويقدر يصغر لو حب لمساحات واقعية أكثر .. الرجال قطع التواصل وشكلنا ضغطنا عليه والله يوفقه يمكن احتياجه وقادر على بنيانه

هرن حق العضو ديزل .. بريدك مليان

السلام عليكم ... هلا اخوي معماري مسحت الرسايل الحين

[معماري قطري]

السلام عليكم ... هلا اخوي معماري مسحت الرسايل الحين

عليكم السلام ورحمة الله

تم الارسال

[sweet qatar]

بعدين اختي سويت وبقية الإخوان أي حد عنده تجربة حتى لو قديمة يمدنا بها مع صور للتصميم ونناقشه للكل يستفيد وهو يقدر يدير النقاش ويوضح المشاكل

ذكرت تجربتي في اكثر من مناسبة .. ولا مانع اني اسردها مرة ثانية لعل احد يستفيد من الدرس

رحت لمكتب تصميم معروف في شارع السد .. وحاطة في بالي اني ما بوفر في سعر التصميم اهم شي انه يحقق متطلباتي

ومع البنيان اكتشفت انه عبارة عن تصميم جاهز معدل فيه لان باقي الخرايط كانت على التصميم الاصلي

خسرت فلوس و تعب نفسي و اهم شي وقت كبير ضاع مني لان المقاول مع الاستشاري استغلوا الاخطاء في الخرايط في تغطية تقصيرهم واهمالهم

[sweet qatar]

101814

الله يجزاك الخير101813101814


ماشالله التصميم مرتب الله يسهل أمرك ويبارك لك فيه

بس لو تسمح لي بملاحظة على الدرج اغلب الي اعرفهم و حطوا زجاج على الدرج ما استفادوا منه و الستاير دايما مسكرة .. لانها تكشف على الجيران حتى لو اهل البيت ما ينكشفون عليهم

وبالنسبة للمسبح مب مبين اذا في غرفة تخدمه اقصد شاور وحمام تكرمون




و بو عبدالله بخصوص التصميم الي قبله شلون تشوف ان الدرج و اللفت في وسط البيت مناسب ؟ ياليت تعطيني وجهة نظرك

الحين انا عندي حائط زجاجي كبير و open space concept اسوي له بلوك بدرج ليش؟ :con2:

[معماري قطري]

ذكرت تجربتي في اكثر من مناسبة .. ولا مانع اني اسردها مرة ثانية لعل احد يستفيد من الدرس

رحت لمكتب تصميم معروف في شارع السد .. وحاطة في بالي اني ما بوفر في سعر التصميم اهم شي انه يحقق متطلباتي

ومع البنيان اكتشفت انه عبارة عن تصميم جاهز معدل فيه لان باقي الخرايط كانت على التصميم الاصلي

خسرت فلوس و تعب نفسي و اهم شي وقت كبير ضاع مني لان المقاول مع الاستشاري استغلوا الاخطاء في الخرايط في تغطية تقصيرهم واهمالهم

تجربتج مهمة ولازم الكل يستفيد منها

لازم أي حد يتابع التصميم ويعرضه على مهندس مختص ينسق المخططات مع بعض ويشوف الاختلافات بينهم .. انا سويتها مع القليل اللي يتابعون معاي والغالبية من يرسى على التصميم المعماري ما يهمه الباقي ولا يفكر في عرض الباقي .. شسوي في هذي الحالة؟

ببساطة اجيب المعماري وانزل فوقه الانشائي ومواقع الأعمدة واشوف الخربطة .. أوقات احصل عمود في وسط باب أو دريشة أو صالة أو حتى غرفة نوم وأوقات احصل مسوي موقف لسيارة وحدة وفي مخطط الخدمات مكان الموقف تانكي ماي .. وأوقات حديقة وحوش مزروع ومرتب لكن في الواقع حاط فيه خزان صرف صحي ياكل الحديقة كلها

العتب على من في هذي الحالة؟

العتب على الجهات المرخصة لهذي المكاتب أو خلوا نقول ( الدكاكين ) ثم على التخطيط العمراني اللي ما ينسق مخططاتهم مع بعض ويلاحظ الأخطاء وإن وجدت أخطاء هندسية بليدة المعماري في صوب والانشائي في صوب يحاسبهم ويغرمهم ويخليهم يعدلون شغلهم

نصيحتي للجميع لتستحون إعرضوا تصميمكم واخذوا فيه آراء العارفين حتى تسون شيء صح بأقل مشاكل

[معماري قطري]

ماشالله التصميم مرتب الله يسهل أمرك ويبارك لك فيه

بس لو تسمح لي بملاحظة على الدرج اغلب الي اعرفهم و حطوا زجاج على الدرج ما استفادوا منه و الستاير دايما مسكرة .. لانها تكشف على الجيران حتى لو اهل البيت ما ينكشفون عليهم

وبالنسبة للمسبح مب مبين اذا في غرفة تخدمه اقصد شاور وحمام تكرمون




و بو عبدالله بخصوص التصميم الي قبله شلون تشوف ان الدرج و اللفت في وسط البيت مناسب ؟ ياليت تعطيني وجهة نظرك

الحين انا عندي حائط زجاجي كبير و open space concept اسوي له بلوك بدرج ليش؟ :con2:

الدرج يا اختي الكريمة مكانه محافظ على الانفتاح وبعيد عن الواجهة الزجاجية الداخلية 3 متر أقل شيء جهة اللفت و 4 متر وشوي جهة الدرج .. راجعت المخطط وفيه إمكانية يحرك الدرج وراء حتى لو 60 سم .. أو 80 واحتمال ممكن متر .. وحتى هذي يقدر يختزلها في تقليص المساحة الإجمالية ولو قليلاً

الفتحة في الدور الأول مخربة شوي على الكونسبت وفي واجهة الدرج ويقدر يستغلها جلسة عائلية فوق

بعدين لا تنسين وقت تخليص الانشائي بتطلع لنا أعمدة كثيرة في هذا الحائط الزجاجي .. يليت تكون بعرض 40 سم ممكن تكون بعرض متر على مبالغات الانشائيين عندنا

[معماري قطري]

نقطة المسبح لازم تنضاف له تفاصيل والشورات مهمة أقل شيء حمام صغير مدمج بشاور وفيه مكان لتبديل وحفظ الملابس .. الحوض العائلي واللي في البيت ممكن حتى بدون شاور للعام ضروري لكن العائلة تتكيف مع أي وضع والبيت كله قريب .. في بيتي الحالي مسوي واحد وفي المستقبلي مخطط لاثنين وغرفة تبديل ولوكرز منفصلة بسبب وجود المساحة وكذلك الفكرة لخدمة أصدقاء العيال وقت لعبتهم

[sweet qatar]

اذا عندك حوض سباحة اهم شي تكرمون يكون عندك تواليت و شاور جنب الحوض على طول

لان الي بيطلع من البركة لازم على طول ياخذ شور و ينشف نفسه .. لو دخل داخل بيلعوز المكان و بياخذ برد من الهوا داخل البيت

واحتمال العائلة كلها تكون في البركة .. بدل ما كل شوي الام تركض باليهال داخل .. تكون الخدمات كلها حواليهم



وبالنسبة للدرج

3 متر بدون ما تحسب حساب traffic flow

لو خصمت من صوب اللفت والدرج و خصمت من صوب الدرايش كم يبقى للجلسة؟


انا ما افهم في الانشائي وايد بس صج سالفة الاعمدة وهذا ما يصير تقهر وتخرب الافكار الحلوة

والنتيجة بيوت ما فيها افكار مبتكرة

[معماري قطري]

ملاحظاتج اختي في محلها والمالك الله يعينه تواصل معاي ويراجع الاستشاري بخصوصها وبيشوف شبيوصل له .. هذا بالنسبة لحوض السباحة وهو في البيت الأخير

أما اللي قبله من ناحية مجال المرور جدام المصعد والدرج ف 3 متر مجال واسع بالنسبة لبيت .. هي تقل كثير لو سكرنا الفتحة فوق وسوينا جلسة ظهرها ملامس للاجهة الزجاجية وفي هذي الحالة نضطر نرفع القزاز مسافة ظهر الكرسي ونخلي طابوق تحته أفضل حتى نستفيد من الانفتاح أو نغير وضعية الكراسي وفي ذي الحالة .. بتكون المساحة فوق ضيقة نوعاً ما .. ترتيبها سهل .. يعلم الله رجعت فتحت الايميل وراجعت المخططات وواضح لي ما انبذل فيها مجهود يكفي .. وانا مقصر في عدم التفرغ وتركيب البرنامج ومتابعة المخططات بالشرح وتقديم البديل

انا نظرتي إن وجود جلسة خاصة مناسبة فوق تعطي اطلالة غير وتغيير محبوب بيكون لأفراد العائلة وامكانية عملها سهلة وبتكون مطلة على الحديقة ومتماشية مع التصميم العام .. يمكن فكرة المالك يخلي فوق للنوم فقط وفي هذي الحالة الفتحة بيجي منها ازعاج كذلك اغلاقها أفضل ويبقى الدرج نص مفتوح وبدون أبواب .. ونقدر نخلي الزجاج واصل لأرضية الدور الأول وبيكون عندنا خيار نخليه واجهة زجاجية بدون عوائق جدامه ممكن شجر ظل بسيط أو شوية قطع طاولات أو أثاث خفيف مع البانتري المفتوح لإستفادة الجميع .. البانتري نحتاج لطول مناسب بحيث يحتوي على ثلاجة كبيرة وكاونتر جنبها فيه مغسلة وعليه يجي المايكروويف وسخان الماء للشاي وممكن مكينة قهوة وخلاط عصير وأي شيء غير .. مع كبت بسيط علوي والنظام المفتوح يخليه ركن حلو ومميز ومحبب للجميع

المسافة من الواجهة الزجاجية للفت طلعت 3.7 متر كافية وزود .. شوي ضيقة لجلسة مع تلفزيون لكن ممكن تترتب ترتيب ثاني

[sweet qatar]

الله يوفق راعي المسبح ويسهل على كل من يبني



شوف يا طويل العمر

انا وجهة نظري خاصة بالدور الارضي .. المساحة بين الباب و طاولة الطعام تكفي لجلسة عائلية (صالة) استقبال او كاجوال

لكن وجود الدرج و اللفت ضيع احلى سبوت ممكن استغلاله للجلسة بدل غرفة الاستقبال الي بين الباركنج والحديقة او المجلس الي مسويه في آخر الحديقة

ماقدر اشيل من بالي ان غرف مهمة خارج المخطط وهو عنده مساحات غير مستغلة



ادري ثقلنا على المالك بكثرة الملاحظات وانا اعتذر منه لكن في اشيا غير منطقية في التصميم

المجلس الخارجي (الغرفة العائلية آخر الحديقة) ليش فصلها؟ ليش ما خلاها امتداد للبيت ومتصلة بالبانتري.. والبانتري مبالغ فيه وهو اصلا قريب المطبخ

[معماري قطري]

سئلته فيها قال حتى يمشي التخطيط لأنه مبالغ في المساحات أو شيء من هالقبيل وقال بيخليها صالة وبيدمجها مع البيت

وغرفة الاستقبال لازم يسوي عليها تعديلات تعزلها عن الباركنغ أما جدار كامل بدون درايش أو دريشة في كل زاوية أو جنب تسمح برؤية شيصير في الموقف وبنفس الوقت ظهر الكراسي يكون وراه حائط مصمت والجلسة مواجهة الواجهة الزجاجية وتطل على الحديقة

طاولة الطعام في الأرضي عائلية ويمكن يحتاج لصغيرة وموقعها قرب المطبخ وقرب الدرج مناسب وبنفس الوقت لها اطلالة على الحديقة

انا اقيس على وضعي ووضع كثيرين غيري نسوي جلسات كثيرة ولا نستغلها ولا نجلس فيها وجلستنا الرسمية تكون في وحدة منها .. صالة فوق وصالة تحت أكثر من كافية وفي النهاية هي لتجمع العائلة .. المجلس رسمي أكثر وللضيوف

بعد رايج في محله بس بتكون كثرت الجلسات .. وقابل للتطبيق بصورة أصغر جلسة + طعام + حتى مطبخ مفتوح لكن هو ما عنده مطبخ خارجي لذلك سوى داخلي مغلق

[معماري قطري]

بالنسبة للتعليق والتوضيح وإختلاف الآراء هذا شيء زين لنا كلنا واتوقع أي واحد يسأل ويبحث لازم يبي يشوف شالأنسب له

وأقل شيء الدعوات الطيبة واحنا كلنا نستفيد

توقعي بعد انتهاء التصميم الانشائي بيتفاجأ المالك وكثيرين معاه بأن وسط البيسمنت أعمدة كبيرة تحمل الجدران اللي فوقها .. وبنشوف مبالغات انشائية ما نشوفها في العالم كله بس في قطر .. مش معقولة 10 متر و 12 متر في الاتجاهين بدون عمود وسطي واحتمال نشوف صفين من الأعمدة .. ومستغرب شيسوي المهندس طول السنة وهو ما وصل لمرحلة صف الأعمدة المقترحة حتى يوضح للمالك ولو بالتقريب

[sweet qatar]

اكيد النقاش يفيد و وجهات النظر المختلفة ترفع جودة التصميم

للاسف المشكلة نفسها بيلقاها المالك في كل مراحل البيت .. ناس مخها مقفل على الي تعرفه بالخبره والتقليد ما عندها اطلاع ولاتسوي شي عن دراسة

[معماري قطري]

اكيد النقاش يفيد و وجهات النظر المختلفة ترفع جودة التصميم

للاسف المشكلة نفسها بيلقاها المالك في كل مراحل البيت .. ناس مخها مقفل على الي تعرفه بالخبره والتقليد ما عندها اطلاع ولاتسوي شي عن دراسة

إن شاء الله بحد كثير الاسبوع الجاي بابدأ اشتغل على مقترحاتج وفكري للتصميم بس اشوف محل كمبيوتر زين ينزل لي الاوتوكاد بدون ما يقول لي لازم اسوي فورمات وتعقيد لإزالة القديم .. على الرسم كل شيء بمقياس رسم وتوضيح لمكان الأثاث وللمساحات ولشكثر نقدر نوفر في مساحات البناء ولترتيب أفضل وبعدين الخيار كله في يد المالك

[SouthK]

إن شاء الله بحد كثير الاسبوع الجاي بابدأ اشتغل على مقترحاتج وفكري للتصميم بس اشوف محل كمبيوتر زين ينزل لي الاوتوكاد بدون ما يقول لي لازم اسوي فورمات وتعقيد لإزالة القديم .. على الرسم كل شيء بمقياس رسم وتوضيح لمكان الأثاث وللمساحات ولشكثر نقدر نوفر في مساحات البناء ولترتيب أفضل وبعدين الخيار كله في يد المالك

افا يا معماري .. الاوتوكاد موجود .. أشر بس!!

[معماري قطري]

افا يا معماري .. الاوتوكاد موجود .. أشر بس!!

عندي موجود بعد 2018 بس ما اعرف اثبته ثبتته لشهر وانتهت الرخصة .. عندي قديم على لابتوب بس ما استعمله بطيء والشاشة صغيرة تعودت على الكبيرة الثابتة 42 أو 46 انش ومفكر اخذ 50 بعد

[معماري قطري]

تقدم أحد الاخوان بتصميم مبدئي وطلب عرضه للآراء وللتطوير

البيت من بيسمنت وأرضي وأول وبنتهاوس ومساحته مب معروفة لي للحين خلونا نشوف الدور الأرضي مع توزيع الأرض

https://i.imgur.com/InEggJc.jpg

وهذا الدور الأول

https://i.imgur.com/eNSGcoD.jpg

وان شاء الله يكونون واضحين ونقدر نعلق عليهم وعلى بعض التحسينات

بديت اشخبط شوي على اللابتوب بس الشغل عليه مرهق ومزعج .. فيه فكرة بتطلع وايد حلوة وهي عمل الحديقة متدرجة واقصد هنا اللي في الوسط .. وأرضيتها محفورة مع البيسمنت بحيث البيسمنت بعد ينفتح عليها .. قرب السور تكون بارتفاع عادي ومثل التلة المنحدرة المزروعة .. وفي ذي الحالة بيكون عندنا أماكن جلوس كثيرة والمجلس اللي في الزاوية يسار فوق ممكن يكون حوض سباحة مغلق أو ملحق مع مخزن .. كذلك ممكن يكون بمستوى البيسمنت ومن دورين لو محتاجين نبني أكثر وأكيد يعتمد على موافقات التخطيط

عدلت المدخل وموقع غرفة السايق وصغرتها شوي وبتكفي اثنين .. ممكن يكون عندنا مظلات لثلاث سيارات .. بس بعد تعتمد على موافقات التخطيط وموافقات التخطيط تحتاج مكتب هندسي شاطر يقنعهم ويجتهد معاهم بمخططات واضحة

[mr_unknowns]

السلام عليكم

مشكور اخوي المعماري وباقي الاعضاء على النصايح

صارت تعديلات بسيطه على المخطط بارفقها

انا حاب انفذ المخطط وما اغيره بس ابغي اعدله اذا في اخطاء او تحسينات.. ياليت نصايحكم واراءكم

اكثر من واحد قالي تكلفته بتكون وايد.. فشنو اقدر اسوي؟

استغلال الارض ٥٠% وصعب اصغر زياده.. البنيان ١٤٠٠ اربع طوابق والمخطط ان شاء الله كالآتي

السرداب بيكون مجلس رجال وشباب وللمناسبات الكبيره والبوفيه
الارضي تجمع العائلة الاسبوعي ومجلس حريم (ملاحظه: المجلس الخارجي هي صاله البيت)
الاول غرف
البنتهاوس جناح لولدي في المستقبل

بعد اتمام البناء بافتح باب الدريول على الشارع وباضيف غرفة خدم خلف البيت لاستغلال المساحه

[sweet qatar]

عليكم السلام ورحمة الله وبركاته

الله يوفقك ويسهل امرك اخوي

افكارك في البيت حلوة مثل الحديقة و الحوائط الزجاجية و الكونسبت كله حلو

لكن بأرض مثل أرضك تقدر تنفذ الافكار بتوزيع أرتب وأقل تكلفة .. البيت بيكلفك في كل الاحوال لأن عندك بيسمنت لكن الافضل انك تشوف اكثر من تصميم وتختار بينهم


استاذ معماري اعتذر منك الحين وضحت لي سالفة الدرج هو فعلاً مب مأثر على الكونسبت .. اللفت بس الي مخرب ولو ينحط مكان الستور ورا المطبخ احسن

البيسمنت للمناسبات حلو لكن لو حركنا اللفت بيكون افضل

وحمام البيسمنت تكرمون صغير .. دام عندك طابق كامل مفروض تحط حمامين على الاقل والناس الحين صارت تحط اكثر عشان الضيوف

والافضل مدخله منفصل عن المغاسل


فكرة البوفيه حلوة شفتها في ديوانية في الكويت لكن بهالحجم مب عملية ما تكفي لو عندنا 15 شخص


وان شالله ملاحظاتنا تكون خفيفه عليك .. ادري ان كل شي فكرت فيه وتخيلته لاني يوم من الايام كنت مكانك


والله يسهل على الجميع

[معماري قطري]

اليوم تلاقيت وصاحب التصميم وتناقشنا فيه نقاش طويل والله يوفقه ويعينه

المصعد بيكون زجاجي من ثلاث جهات بانوراما .. واتفقنا على بعض التعديلات البسيطة .. كتصغير درج البيسمنت وعمل تشجير في الممر اليمين .. البوفيه أسهل تكون طاولات صغار دائرية وحتى في الأيام اللي جوها زين ممكن يكون في الحديقة لو عدد كبير .. بتكون فيه أعمدة في البيسمنت تمشي معاهم الطاولات الصغيرة

اقترحت يكون فيه مخزن في البيسمنت وغرفة الخادمات تنزل في البيسمنت .. المجلس العربي بيكون في حدود البيت وبيمتد يسار شوي حتى يوازن بين المجلس اليسار الطويل والمجلس العربي .. غرفة السايق بتنتقل للزاوية اليسرى تحت قرب السيارات وبيكون مدخل البيت لأهل البيت وللضيوف مزروع ومرتب .. خلصنا الأرضي والبيسمنت

الحديقة الوسطى بتكون متدرجة شوي وفيها باربيكيو محفور له وجلسة خارجية .. حتى الواجهات الزجاجية ولو يقطعها عمود بيكون مكان مناسب للتلفزيون يشوف الواحد التلفزيون ونظره مفتوح على الحديقة في اتجاه واحد

[معماري قطري]

عليكم السلام ورحمة الله وبركاته

الله يوفقك ويسهل امرك اخوي

افكارك في البيت حلوة مثل الحديقة و الحوائط الزجاجية و الكونسبت كله حلو

لكن بأرض مثل أرضك تقدر تنفذ الافكار بتوزيع أرتب وأقل تكلفة .. البيت بيكلفك في كل الاحوال لأن عندك بيسمنت لكن الافضل انك تشوف اكثر من تصميم وتختار بينهم


استاذ معماري اعتذر منك الحين وضحت لي سالفة الدرج هو فعلاً مب مأثر على الكونسبت .. اللفت بس الي مخرب ولو ينحط مكان الستور ورا المطبخ احسن

البيسمنت للمناسبات حلو لكن لو حركنا اللفت بيكون افضل

وحمام البيسمنت تكرمون صغير .. دام عندك طابق كامل مفروض تحط حمامين على الاقل والناس الحين صارت تحط اكثر عشان الضيوف

والافضل مدخله منفصل عن المغاسل


فكرة البوفيه حلوة شفتها في ديوانية في الكويت لكن بهالحجم مب عملية ما تكفي لو عندنا 15 شخص


وان شالله ملاحظاتنا تكون خفيفه عليك .. ادري ان كل شي فكرت فيه وتخيلته لاني يوم من الايام كنت مكانك


والله يسهل على الجميع

ما قصرتي اختي سويت بملاحظاتج

البيسمنت يكفي ما شاء الله مساحته 10 في 12 وخردة .. + مساحة ممرات واسعة ممكن تستغل وكله مفتوح .. المجلس يفترض يتم فصله بباب حتى لو زجاج أو بالكامل حتى يكون تحضير البوفيه سهل

بالنسبة للفت ما فيه داعي لأي اعتذار والله ناقشت ارجاعه ورا مع الدرج حتى لو ستين سنتيمتر وهذا ممكن .. لكن بنفس الوقت تأثيره بسيط لو سوينا زواياه مشطوفة والمالك اقترح الزجاج من ثلاث جهات بعد بيطلع وايد حلو ومع روح البيت .. إرجاعه ورا قليل بيسمح لنا بعمل صالة في الدور الأول وبيرتب المساحات شوي أكثر .. ورا قصدي جهة اليمين .. ناقشنا تصريف البيسمنت صرف صحي وصرف أمطار وكيفية العزل

[sweet qatar]

الله يعطيك العافية .. و يوفق المالك في التنفيذ

[معماري قطري]

حتى ما نلخبط خلونا نبدأ بالدور العلوي .. البنتهاوس

https://i.imgur.com/XlH0txM.png

غرفة النوم الرئيسية بتكون تحت الارتفاع المزدوج .. اللي المفروض يكون بشوي زيادة لكن مب مزدوج بالكامل بما إن الارتفاعات كلها عالية والتكييف بيكون دكت سبلت الا البيسمنت سبلت .. وانا اقترح سبلت المعلق وسط السقف .. اللي يجي مربع

الغرفة تحت مثل ما تبين معانا طوالية مقسومة لمدخل قربه دورة المياه وغرفة ملابس انا اقترحت تكون بباب وتعتبر بأرفف داخلية بدون أبواب .. نقدر نخلي الارتفاع الزايد مكان السرير .. لنفترض يكون 5 متر وباقي الارتفاع 4 متر ينقصون حسب طبقات الجبس .. نقدر نحدد مكان السرير بحيث يكون مربع بالضبط ونسوي كورنيش يفصل الجزء المرتفع ويكون بلون فاتح كالأبيض والانارة مخفية فوق الكورنيش + إنارة جانبية حتى نفتك من السبوتات العالية ولو احتجناها بنحتاج رافعة لتبديلها وممكن نحتاج نستعملها في أوقات قليلة بتدوم فترة أطول .. الجزء التحتي ممكن نخليه بأي تشطيب ثاني وبلون أغمق .. حتى الجزء الممتد على مدخل السيارات ما نحتاجه لو حافظنا من البيسمنت على عرض 6 متر أو 5.5 أو حتى 5 متر لين فوق كافي للسرير وكافي للمجلس في البيسمنت وكافي لمجلس النساء في الدور الأرضي .. المالك يبغي عرض 6 متر ممكن بسهولة وبدون جزء اللمتد فوق السيارات ال Cantilever

يعني نصفي على ارتفاع عالي بمساحة 6 في 6 لمنطقة السرير .. يكون السرير مثل ما هو موضح في موقعه على الجنبين مترين من كل صوب وجدامه 4 أمتار وبعدين الجزء الفاصل .. وجلسة التلفزيون .. انا لو مكان المالك افصل منطقة السرير بالكامل بحائط لو بارتشن جبس أو خشب وبباب يفصل المنطقتين لهدوء منطقة السرير .. جلسة التلفزيون بتكون ملمومة والتلفزيون لو خذنا 6 متر للسرير بتبقى له من كرسي الجلوس حول 3.5 متر مسافة مناسبة جداً والمساحة تكفي لتسريحة ثانوية + اللي في غرفة الملابس أو ما تسمى كونسول صغير + ممكن مكتب جانبي .. طبعاً هذي المنطقة ارتفاعها أقل شوي ولو حبينا نسوي حركة حلوة نركب سكايلايت صغير فوق جلسة التلفزيون .. 1.5 في 1.5 كفاية

نحتاج باب للسطح اليسار مكان الدريشة ويستحسن الأبواب تكون زجاج لإنارة منطقة اللفت .. الآي تي روم فكرة حلوة وموقعها مسكت ولو قدر يخالف المالك بفتح دريشة تطل على الحديقة بتكون حلوة ولو ما قدر بعد يمشي الحال

الحمام فوق احس ما له داعي وعندنا غرفتين بحمامهم .. دورات المياه تحتاج ترتيب .. الاستشاري يكسر الخاطر ما عنده آيكون للشاور يكبر البديه ويحطه على إنه شاور وهذا دليل ضعف كبير فيه وبعد فترة سنة من التصميم .. ودي اقول من حتى الكل يحذر منه بس بيعتبر تشهير .. طبعاً اليسار بيكون شاور بدال البديه وممكن حتى متر في متر .. وهنا انصح بفصل الحمام عن غرفة الملابس .. نقدر نخلي بابين جنب بعض ونسوي غرفة الملابس مستقلة بالكامل وتنقفل أو بابها ببصمة أو رقم سري للحفاظ على الأغراض الشخصية من سرقات الخدم

اليمين نفس الشيء يحتاج اعادة ترتيب

[معماري قطري]

الله يعطيك العافية .. و يوفق المالك في التنفيذ

والله يعافيج اختي الكريمة .. التحسينات اللي نتكلم عنها كلها بسيطة على الورق وإن شاء الله تنفيذها بسيط وما تقصرين بتواجدج

[معماري قطري]

نسيت منطقة المعيشة والصالة .. رايي البانتري كبير وايد .. وحطه الاستشاري في هالمكان لوجود الدكت اتوقع ويمشي وضعه بس نصغره .. يكفي خط واحد على الحائط والجلسة تكون زاوية وقرب الدريشة يكون عندنا التلفزيون

[معماري قطري]

الدور الأول مهم نسوي فيه جلسة عائلية مطلة على الحديقة ونقدر نسويها بتسكير الفتحة .. والبانتري ممكن يكون كاونتر بسيط بمغسلة وثلاجة على أحد الحائطين يمين أو يسار .. نقول بنختار الحايط اليسار .. وبنسوي الجلسة في الزاوية اليمين .. كذلك يستحسن الدرج بدال ما يكون مفتوح كذا أو ينحط حوله درابزين نسوي هنا حوله حائط بسمك 10 سم وعندنا الثلاث ابواب للغرف في مكان البانتري والدي بي المكتوب الحين نقدر نسوي جدار فاصل وقوس يودي لها ونفصل لنا مخزن صغير أقل شيء لمواد التنظيف .. حتى مدخل الغرفة الرئيسية واللي جنبها ممكن ينعمل بقوس 1 متر أو 1.2 بالكثير يكون أرتب

لو سوينا التقسيمة اللي ذكرتها لغرفة النوم الرئيسية نقدر كذلك نسوي سكايلايت ثاني فوق الحمام لو نحب النور الطبيعي والحمام مساحته كبيرة والمفروض يترتب صح .. الترتيب ذيه كارثي وما يسويه مهندس والبديه ذيه اللي مكبره وحاطه انه حوض فضيحة هندسية .. يبي له شغل

بالنسبة للعتبات عديتهم طلعوا 26 يعطونا ارتفاع 3.9 على ارتفاع 15 سم للعتبة .. أشوفه مناسب نشيل منه 25 سم لصبية السقف والجبس والدكتات نصفي على 3.2 وحولها + عندنا ارتفاع أكبر لمنطقة السرير أشوفه مناسب .. الدور الأرضي ممكن نرفعه أكثر بزيادة العتبات وجايين له إن شاء الله

https://i.imgur.com/aDh3ici.png

[mr_unknowns]

اول شي مشكورين على الردود

فكرة البيت كامله انا خذتها من هذا اللنك

https://www.youtube.com/watch?v=xur8cMZnwOk




انا وجهة نظري خاصة بالدور الارضي .. المساحة بين الباب و طاولة الطعام تكفي لجلسة عائلية (صالة) استقبال او كاجوال

لكن وجود الدرج و اللفت ضيع احلى سبوت ممكن استغلاله للجلسة بدل غرفة الاستقبال الي بين الباركنج والحديقة


بعض النقاط جاوبها اخوي المعماري

مابغي اسوي وايد جلسات وادري مابنستخدمها.. فعشان جي هاي المساحه ماعرف شنو باسوي فيها غير انها ممر

بخصوص مكان الدرج واللفت ماعرف وين احطهم ولاتنسون اذا تحركوا الغرف اللي فوق بيتأثرون

مادري اذا عندكم اقتراحات لمكانهم او لا؟



غرفة الاستقبال لازم يسوي عليها تعديلات تعزلها عن الباركنغ أما جدار كامل بدون درايش أو دريشة في كل زاوية أو جنب تسمح برؤية شيصير في الموقف وبنفس الوقت ظهر الكراسي يكون وراه حائط مصمت والجلسة مواجهة الواجهة الزجاجية وتطل على الحديقة

انا اقيس على وضعي ووضع كثيرين غيري نسوي جلسات كثيرة ولا نستغلها ولا نجلس فيها وجلستنا الرسمية تكون في وحدة منها .. صالة فوق وصالة تحت أكثر من كافية وفي النهاية هي لتجمع العائلة .. المجلس رسمي أكثر وللضيوف



سجلت ملاحظة الاستقبال.. انا خليت شكلها نفس اللنك اللي كتبته فوق.. لكن باشوف شلون بيكون شكل الواجهه بعد التعديل

بخصوص كثرة الجلسات هذا هو رأيي بالضبط





فيه فكرة بتطلع وايد حلوة وهي عمل الحديقة متدرجة واقصد هنا اللي في الوسط .. وأرضيتها محفورة مع البيسمنت بحيث البيسمنت بعد ينفتح عليها .. قرب السور تكون بارتفاع عادي ومثل التلة المنحدرة المزروعة .. وفي ذي الحالة بيكون عندنا أماكن جلوس كثيرة والمجلس اللي في الزاوية يسار فوق ممكن يكون حوض سباحة مغلق أو ملحق مع مخزن .. كذلك ممكن يكون بمستوى البيسمنت ومن دورين لو محتاجين نبني أكثر وأكيد يعتمد على موافقات التخطيط

عدلت المدخل وموقع غرفة السايق وصغرتها شوي وبتكفي اثنين .. ممكن يكون عندنا مظلات لثلاث سيارات .. بس بعد تعتمد على موافقات التخطيط وموافقات التخطيط تحتاج مكتب هندسي شاطر يقنعهم ويجتهد معاهم بمخططات واضحة


الحديقة المتدرجة حبيت فكرتها.. باشوف موضوع الخصوصية وشلون يكون تطبيقها

سجلت ملاحظة مكان غرفة السايق.. بنشوف شلون بتكون بعد التعديل




لكن بأرض مثل أرضك تقدر تنفذ الافكار بتوزيع أرتب وأقل تكلفة .. البيت بيكلفك في كل الاحوال لأن عندك بيسمنت لكن الافضل انك تشوف اكثر من تصميم وتختار بينهم

استاذ معماري اعتذر منك الحين وضحت لي سالفة الدرج هو فعلاً مب مأثر على الكونسبت .. اللفت بس الي مخرب ولو ينحط مكان الستور ورا المطبخ احسن

البيسمنت للمناسبات حلو لكن لو حركنا اللفت بيكون افضل

وحمام البيسمنت تكرمون صغير .. دام عندك طابق كامل مفروض تحط حمامين على الاقل والناس الحين صارت تحط اكثر عشان الضيوف

والافضل مدخله منفصل عن المغاسل

فكرة البوفيه حلوة شفتها في ديوانية في الكويت لكن بهالحجم مب عملية ما تكفي لو عندنا 15 شخص



شنو مقترحاتج للتوزيع؟ بس يكون بنفس الكونسبت

بخصوص اللفت.. فوق الستور غرفة فبينعفس المكان الا اذا يتوزع كامل.. ومكانه الاصلي بيكون فاضي وغير مستغل

نقطة الحمامين في البيزمنت سجلتها وباشوف شلون تطبيقها

بخصوص البوفيه.. المعماري اقترح علي اخليه على الطوفه نفس طاول الطعام فيكون طويل.. انا على العموم سجلت الملاحظه وبنشوف سالفتها




اليوم تلاقيت وصاحب التصميم وتناقشنا فيه نقاش طويل والله يوفقه ويعينه

المصعد بيكون زجاجي من ثلاث جهات بانوراما .. واتفقنا على بعض التعديلات البسيطة .. كتصغير درج البيسمنت وعمل تشجير في الممر اليمين .. البوفيه أسهل تكون طاولات صغار دائرية وحتى في الأيام اللي جوها زين ممكن يكون في الحديقة لو عدد كبير .. بتكون فيه أعمدة في البيسمنت تمشي معاهم الطاولات الصغيرة

اقترحت يكون فيه مخزن في البيسمنت وغرفة الخادمات تنزل في البيسمنت .. المجلس العربي بيكون في حدود البيت وبيمتد يسار شوي حتى يوازن بين المجلس اليسار الطويل والمجلس العربي .. غرفة السايق بتنتقل للزاوية اليسرى تحت قرب السيارات وبيكون مدخل البيت لأهل البيت وللضيوف مزروع ومرتب .. خلصنا الأرضي والبيسمنت

الحديقة الوسطى بتكون متدرجة شوي وفيها باربيكيو محفور له وجلسة خارجية .. حتى الواجهات الزجاجية ولو يقطعها عمود بيكون مكان مناسب للتلفزيون يشوف الواحد التلفزيون ونظره مفتوح على الحديقة في اتجاه واحد


المصعد متخيل شكله بيكون حلو.. بس سويت اتقول مكانه مخرب احلى سبوت وكلامها صحيح.. بس وين انخليه؟

تصغير درج البيسمنت سجلته وباشوف شلون يكون شكله مع العامود الطائر.. يمكن يكون شكله مب حلو اذا صغر فباشوف له ترتيب

البوفيه والطاولات بتكون واضحه لما الانشاءي يوزع الاعمده وبعدين يرتب الموضوع مهندس الديكور

سجلت ملاحظة مخزن في البيسمنت وغرفة الخادمات تنزل في البيسمنت

المجلس العربي.. هاي الحين فكرت فيها ان مسوينها نفس حجم الغرف فوقها فاذا كبرتها يسار احتمال يكون في اعمده في نص المجلس فماينفع

غرفة السايق باشوف ترتيبها بعد التعديل وشلون بيكون شكل البيت






المجلس يفترض يتم فصله بباب حتى لو زجاج أو بالكامل حتى يكون تحضير البوفيه سهل

بالنسبة للفت ما فيه داعي لأي اعتذار والله ناقشت ارجاعه ورا مع الدرج حتى لو ستين سنتيمتر وهذا ممكن .. لكن بنفس الوقت تأثيره بسيط لو سوينا زواياه مشطوفة والمالك اقترح الزجاج من ثلاث جهات بعد بيطلع وايد حلو ومع روح البيت .. إرجاعه ورا قليل بيسمح لنا بعمل صالة في الدور الأول وبيرتب المساحات شوي أكثر .. ورا قصدي جهة اليمين .. ناقشنا تصريف البيسمنت صرف صحي وصرف أمطار وكيفية العزل


سجلت ملاحظة باب للمجلس بس احتمال اخليه مفتوح اشرح او اسوي بارتشن ديكوري من الجهتين.. باشوف هالموضوع مع مهندس الديكور

بخصوص صالة في الدور الاول.. اقترحوا علي من قبل هالفكره بان انسويهه وانسكر الفتحه بس تناقشت مع المره وقلنا مو محتاجين الا صالة وحده رئيسيه ومانبي نتوزع في صالات او انسوي جلسات مو محتاجينها

باشوف باقي الردود بعدين.. ممشكورين مره ثانيه وجزاكم الله خير

[sweet qatar]

اول شي مشكورين على الردود

فكرة البيت كامله انا خذتها من هذا اللنك

https://www.youtube.com/watch?v=xur8cMZnwOk



الشكر لك اخوي مستر على سعة صدرك

الفكرة والتصميم والتنفيذ روووووعه ماشالله .. فعلاً الكويتين مبدعين ويستغلون المساحات صح
التصميم واضح والتوزيع مرتب و الارض مدروسة .. وان شالله نشوف مثلهم في قطر
والله هل قطر عندهم ذوق لكن البلا من الدكاكين على قولة بوعبدالله ،

رأيي الأول تشوف مكتب تصميم ثاني لنفس الكونسبت و تحط له لستة طلباتك
لانك وايد عدلت في التصميم واذا كثرت التعديلات معناه التصميم غير مناسب

[sweet qatar]

بعض النقاط جاوبها اخوي المعماري

مابغي اسوي وايد جلسات وادري مابنستخدمها.. فعشان جي هاي المساحه ماعرف شنو باسوي فيها غير انها ممر

بخصوص مكان الدرج واللفت ماعرف وين احطهم ولاتنسون اذا تحركوا الغرف اللي فوق بيتأثرون

مادري اذا عندكم اقتراحات لمكانهم او لا؟

شوف طال عمرك المكان بالوضع الحالي عبارة عن فرااااغ المساحة اكبر من انها تكون ممر .. تخيل انك داخل البيت وكل شي بعيد عنك !

بخصوص كثرة الجلسات طبعاً هي تعتمد على طريقة اهل البيت ومن وجهة نظري هالمكان افضل من غيره لوضع الجلسة لانه مكان حيوي وحرام يضيع اطول حائط زجاجي و واجهة البيت

وعشان تقرب لك الصورة .. تخيل المكان بدون الجلسة الاولى

http://cdn.trendir.com/wp-content/uploads/old/house-design/assets_c/2013/10/stunning-details-large-open-spaces-define-toronto-home-2-living-thumb-970xauto-18648.jpg


الي اشوفه في المخطط طاولة طعام وبعدها البانتري




شنو مقترحاتج للتوزيع؟ بس يكون بنفس الكونسبت

بخصوص اللفت.. فوق الستور غرفة فبينعفس المكان الا اذا يتوزع كامل.. ومكانه الاصلي بيكون فاضي وغير مستغل

نقطة الحمامين في البيزمنت سجلتها وباشوف شلون تطبيقها

بخصوص البوفيه.. المعماري اقترح علي اخليه على الطوفه نفس طاول الطعام فيكون طويل.. انا على العموم سجلت الملاحظه وبنشوف سالفتها



بالنسبة لمكان اللفت الي اقترحته فوقه تكرمون حمامات ممكن تسوي لها شفت بدل الدريسنج

وبيكون الدرج مقسم لك المكان بدون ما يسكره في حال بغيت تحط جلسة او كرسيين استقبال

ممكن البوفيه تتخلا عنه وتفكر فيه عقب مع ان ودي انك ما تتخلا عن شي وتنفذ كل الافكار الي تعجبك في بيت العمر

[معماري قطري]

تفكر يا اخوي تفكير المهندس المصمم والمهندس المصمم ضعيف للغاية وهذا يخليك ضايع .. اللي ناقشته معاك وقلته كله ينفع وحسابه سهل ولا يؤثر على باقي المكونات .. بهذي الطريقة بيطلع تصميمك فيه ثغرات وايد وبتكتشفها مع بدايات البناء .. المجلس العربي يقدر المهندس الانشائي يضبط أعمدته على الحوائط المعمارية و 6 متر وحتى 8 و 10 بدون عمود شيء عادي بس يحتاج حسابات صحيحة ومهندس انشائي مقتدر

أحسن لك تعتمد خط واحد لواجهة البيت بدال الجزء الممتد .. ولو بتخلي الجزء اليمين شوي بارز ممكن لكن خل الكتلة اليسار غرفة النوم ومجلس البيسمنت والصالة كلها فوق بعض بعرض 6 متر أو 7 أو 5 أو اللي يريحك .. 6 مناسب لكل الفراغات والغرف .. لو بتنزل ل 5.5 بعد مناسب وبتقلل مساحة البناء شوي

الله يعينك اعذرك استشاريك ضعيف ويوجهك في اتجاه واحد وهو اللي وصل له

[معماري قطري]

شوف طال عمرك المكان بالوضع الحالي عبارة عن فرااااغ المساحة اكبر من انها تكون ممر .. تخيل انك داخل البيت وكل شي بعيد عنك !

بخصوص كثرة الجلسات طبعاً هي تعتمد على طريقة اهل البيت ومن وجهة نظري هالمكان افضل من غيره لوضع الجلسة لانه مكان حيوي وحرام يضيع اطول حائط زجاجي و واجهة البيت

وعشان تقرب لك الصورة .. تخيل المكان بدون الجلسة الاولى

http://cdn.trendir.com/wp-content/uploads/old/house-design/assets_c/2013/10/stunning-details-large-open-spaces-define-toronto-home-2-living-thumb-970xauto-18648.jpg


الي اشوفه في المخطط طاولة طعام وبعدها البانتري





بالنسبة لمكان اللفت الي اقترحته فوقه تكرمون حمامات ممكن تسوي لها شفت بدل الدريسنج

وبيكون الدرج مقسم لك المكان بدون ما يسكره في حال بغيت تحط جلسة او كرسيين استقبال

ممكن البوفيه تتخلا عنه وتفكر فيه عقب مع ان ودي انك ما تتخلا عن شي وتنفذ كل الافكار الي تعجبك في بيت العمر

نفس الصورة اختي سويت ممكن عملها في الجلسة الموجودة حالياً وهي مقابلة جنوب .. كذلك ممكن ربطها بالتجويف اللي يسارها وينفتح على البيسمنت بواجهة زجاج .. هذا التجويف أو المنور نقدر نزرع جزء منه أو نزرع نباتات متسلقة ونرفع الجدار فيكون عنصر جمالي مهم للجلسة من يسار والانفتاح على الحديقة من الأمام .. كذلك نقدر نسوي شلال بسيط أو شلال وزراعة في هذا التجويف .. يستفيد منه المجلس تحت والصالة فوق

الممر جدام اللفت والدرج هذا ممر وتحريكه ورا مسافة 40 أو 60 سم بنستفيد منه بس لو سكرنا الفتحة في الأول وسوينا صالة عائلية هناك .. مع المحافظة على الشكل العام والغرف مثل ما هي .. ما ننسى واجهة التجويف المقابلة للمصعد شرقية وحلاتها مفتوحة طول الوقت بدون ستائر .. تدخل الشمس لعمق البيت أول الصبح وحتى مكان غرفة الطعام المفتوحة يكون منور وحلو وعملي لحركة البيت وللمعيشة

لو ما حركنا الدرج بعد الممر جدامه واسع وفاصل منطقة الجلوس اللي تعتبر مجلس نساء ومنطقة الطعام والجلسة الخارجية عندنا معزولة بالكامل ولو انا مكان اخوي مستر بافكر في عمل حوض سباحة مغلق يطل على الحديقة وباوصله بالبيت حوله جلسة بسيطة وينفتح على الحديقة .. هو ضد فكرة حوض السباحة وانا ضد فكرة الجلسات الزايدة خصوصاً في دور واحد

[sweet qatar]

هذي اقرب صورة شفتها للفلوربلان

ما اقصد الجلسة نفسها كثر ما اقصد التوزيع

في التصميم الداخلي نهتم بمدخل البيت من ناحية جمالية و وظيفية

ونحاول نحط فلو لحركة البيت و نتبع المنطق من لحظة دخولك للفيلا وعلى هالاساس نوزع

شخصياً ما يعجبني منظر اللفت حتى لو كان بانوراما .. تبقى اسلاكه تشوه المنظر لكن الاخير كل شي بيمشي بذوق المالك

[معماري قطري]

حتى تتضح لنا الصورة نشوف الدور الأرضي وملاحظاتي عليه ذكرتها قبل واعيدها هنا

الدرج للبيسمنت كبير وايد على حساب زراعة وراه وممر خدمات .. لو نقارنه بدرج البيت اللي كل يوم نستعمله بنلاحظ الفرق .. بعدين اللي بيمر بين الأعمدة الضخمين اللي بيشوهون منظر البيت مؤكد بيمر أصلاً بمساحة ضيقة لدرج واسع .. مكان غرفة السايق في الزاوية الثانية أفضل ونصغرها شوي بحيث تكفي لشخصين .. نلاحظ امتداد سقف الأول الخط المنقط مغطي مساحة كبيرة وهذي اشكالية ثانية وسوء تصميم معماري .. الغرفة فوق وايد طويلة ولا نحتاج هالمتر زيادة .. والمترين فوق السيارات .. مثل ما قلت الثلاث غرف فوق بعض حوائطها أفضل وأرتب .. حتى لو نبي نحافظ على المتر زيادة نمد في الأرضي والبيسمنت

https://i.imgur.com/VVx2qx2.png

[معماري قطري]

بالنسبة لمنطقة غرفة الطعام ترتيبها ممكن يكفي فوق 10 أشخاص على طاولتين وكراسي ملاصقين لحائط المطبخ والجلوس غالبيته مقابل الحديقة .. ومكان ما مكتوب تلفزيون نقدر نسوي واجهة داخلية زجاج تنفتح لمناولة الأكل ونقدر نشوف منها الحديقة .. نشوف درج مدخل المطبخ ملموم وحلو .. نقدر نسوي درج مدخل البيت قريب منه عرض 40 سم للعتبات مناسب وارتفاع 12 حلو ومريح وكفاية .. بياخذ حيز أقل وبنقدر نسوي ممر يودي لدرج البيسمنت ولخلف البيت ونسوي زراعة من جنبيه

قسم الدايننغ هذا يكفي حق دايننغ ملاصقة للحايط مال المطبخ ومواجهة الحديقة وبنفس الوقت حيز جلوس مواجه الحديقة والتلفزيون يفترض على عمود في الفاصل الزجاجي

[معماري قطري]

نكمل مع البيسمنت .. يحتاج ترتيب وما دام سوينا فيه حمام انا اشوف نضمن مكان الحمام والبوفيه غرفة الخادمة وملحقاتها ونفتح لها درج خارجي يطلع قريب المطبخ .. نقدر نضيف مع اعادة ترتيب هذي المغاسل والحمام مع مخزن يمتد شوي في القسم المفتوح مع عمل منهول رئيسي جهة اليمين للصرف الصحي في التجويف المفتوح بعد تصغير هذا التجويف .. حتى متر ونص وكفاية للتجويف كعرض ولو متر وعشرين كافية للدرج والانارة والتهوئة وكذلك للمنهول في الأخير .. مستغرب من الكسرة اللي مسويها وبيكون فوقها دفان حتى يوسع الفراغ ل 3 متر

باب البيسمنت المفروض يكون وسطي تحت جسر مدخل المطبخ .. أقلها يكون مظلل ومحمي من المطر والشمس وبنفس الوقت يكون الدخول على فضاء مفتوح ويمشي الواحد سيدة يلف يسار يحصل باب اللفت ويحصل المجلس في وجهه .. والمجلس اقترح يكون له حائط وباب .. أقل شيء لتحضير البوفيه قبل تناول الوجبة .. المجلس العربي ما اشوف فيه داعي يكون بهذي الطريقة .. ممكن يكون من زاوية الستور لتحت وبدون البروز اليسار .. خط الواجهة يكون واحد .. 70 سم شبتسوي لنا؟

قسم الدرج ممكن بدايته تكون ملفوفة 90 درجة ويكون مسكر بحائط وباب من تحت .. الباب بيكون مقابل المغاسل .. حتى يعزل قسم البيسمنت عن الدور الأرضي .. طبعاً بعد ما نسوي غرفة الخدمات بتقل عندنا المساحة لحدود 6 في 12 وهي كافية لطاولات بوفيه دائرية أو كم طاولة طوال تكفي عدد كبير من المدعوين فوق 30 شخص بشكل مؤكد .. حتى مع وجود بعض الأعمدة اللي متأكد بيبالغون فيها عدد وحجم

لو شفنا اننا نحتاج مساحة أكبر نقدر نخلي غرفة الخادمات يمين وبابها على جهة الحوش ورا ونضيف لها هذي ال 77 سم وتستوي عندنا المساحة الفاضية 8 في 12.70 كحيز كامل للبوفيه وللأي فعالية ثانية بعد ترتيب طاولات البوفيه في احدى الزوايا .. المغاسل والحمام نقدر نخليهم مكان الباب الحالي في المخطط وقريب من المجلس العربي .. مقابل لهم طاولة البوفيه على جدار الدرج اللي بيفصله ويخفيه عن الحيز وبنفس الوقت بنقلل المساحة الزجاجية

بدل ما نفصل بين المجلسين بحائط نقدر نسوي بارتشن قزاز وباب بينهم .. وقت العزايم لو العدد كبير ممكن استغلال المجلسين بنفس الوقت وترتيب المجلس العربي سهل ومرن

المنور المكتوب عليه غاردن فوق هذا ممكن مثل ما ذكرت نسوي فيه شلال وحجر ينزل عليه الماي باضاءة مخفية وتجاويف هندسية أو حتى كتابة معينة مع شوية اصيصات زراعة متسلقة .. نقدر نرفعه وأصلاً نحتاج نرفعه من جهة الحوش بحائط حماية لحد يطيح فيه من الصغار بحدود متر ونص .. بيكون عندنا ارتفاع كامل بحدود 5 متر ينفع حق شلال حلو ومنظر مفتوح للمجلس وكذلك للصالة النسائية فوقه .. والمكان خاص ومنعزل ممكن يكون ستائرلس على طول كفوكال بوينت ثانوية ولو فيه مجال نزيد عرضه لمترين بنقدر نسوي حوض مائي صغير واتوقع ممكن في المتر ونص يبي لها دراسة .. حتى فوق في الدور الأرضي بعد الترخيص واتمام البناء يستحسن اغلاق منطقة الحديقة الوسطى والمنور ذيه عن قسم السايق والسيارات

https://i.imgur.com/F8DLw1P.png

[معماري قطري]

هذي اقرب صورة شفتها للفلوربلان

ما اقصد الجلسة نفسها كثر ما اقصد التوزيع

في التصميم الداخلي نهتم بمدخل البيت من ناحية جمالية و وظيفية

ونحاول نحط فلو لحركة البيت و نتبع المنطق من لحظة دخولك للفيلا وعلى هالاساس نوزع

شخصياً ما يعجبني منظر اللفت حتى لو كان بانوراما .. تبقى اسلاكه تشوه المنظر لكن الاخير كل شي بيمشي بذوق المالك

البانوراما الجزئي أسلاكه في الخلف والواجهات الثلاث قزاز .. يقدر يسوي بانوراما خاص تفصيل .. يقدر يخلي الواجهة بس قزاز والباقي جدران بتصميم حلو وكسرات .. الحلول كثيرة .. كذلك يقدر يسوي البانوراما المكشوف واللي وايراته تبين

يقدر يكسر منظر الحائط المصمت بنافورة صغيرة بعدها تشوفين الجلسة المطلة على الحديقة وراها جلسة الطعام المطلة كذلك

البيت كبير وفيه وايد امكانيات وجماليات وممكن تحسينات كثيرة ونتمنى نتابع قصته للنهاية نستفيد وان شاء الله نفيد .. والمالك فيه الخير والبركة ومن الشباب اللي حط مخططه وكله ثقة بأنه يحصل ردود تفيده وان شاء الله ردودنا تفيد

[sweet qatar]

ان شالله بيستفيد

يا انه بيقتنع بالتغيير او بيتأكد من اختياره

بالنسبة للتوزيع في الدور الارضي

ممكن بدل ما نحرك اللفت نخليه على مستوى واحد مع الغرفة والدرج على اليمين

بمعنى نكبر الغرفة الي على اليمين ونخليها على حد الدرجة الاولى في المخطط الحالي وراها يجي درج بسيط و وراه اللفت وتكمل الطوفة بالخدمات*

من الاشيا الي ندمت عليها في البيت ان الحمامات صغيرة تقريبا نفس حجم الحمامات في المخطط هني

لو يرجع فيني الوقت اخلي الحمام 1.5 * طول الغرفة

أحلى و أرتب وأشرح

[mr_unknowns]

حتى ما نلخبط خلونا نبدأ بالدور العلوي .. البنتهاوس

غرفة النوم الرئيسية بتكون تحت الارتفاع المزدوج .. اللي المفروض يكون بشوي زيادة لكن مب مزدوج بالكامل بما إن الارتفاعات كلها عالية والتكييف بيكون دكت سبلت الا البيسمنت سبلت .. وانا اقترح سبلت المعلق وسط السقف .. اللي يجي مربع

الغرفة تحت مثل ما تبين معانا طوالية مقسومة لمدخل قربه دورة المياه وغرفة ملابس انا اقترحت تكون بباب وتعتبر بأرفف داخلية بدون أبواب .. نقدر نخلي الارتفاع الزايد مكان السرير .. لنفترض يكون 5 متر وباقي الارتفاع 4 متر ينقصون حسب طبقات الجبس .. نقدر نحدد مكان السرير بحيث يكون مربع بالضبط ونسوي كورنيش يفصل الجزء المرتفع ويكون بلون فاتح كالأبيض والانارة مخفية فوق الكورنيش + إنارة جانبية حتى نفتك من السبوتات العالية ولو احتجناها بنحتاج رافعة لتبديلها وممكن نحتاج نستعملها في أوقات قليلة بتدوم فترة أطول .. الجزء التحتي ممكن نخليه بأي تشطيب ثاني وبلون أغمق .. حتى الجزء الممتد على مدخل السيارات ما نحتاجه لو حافظنا من البيسمنت على عرض 6 متر أو 5.5 أو حتى 5 متر لين فوق كافي للسرير وكافي للمجلس في البيسمنت وكافي لمجلس النساء في الدور الأرضي .. المالك يبغي عرض 6 متر ممكن بسهولة وبدون جزء اللمتد فوق السيارات ال Cantilever

يعني نصفي على ارتفاع عالي بمساحة 6 في 6 لمنطقة السرير .. يكون السرير مثل ما هو موضح في موقعه على الجنبين مترين من كل صوب وجدامه 4 أمتار وبعدين الجزء الفاصل .. وجلسة التلفزيون .. انا لو مكان المالك افصل منطقة السرير بالكامل بحائط لو بارتشن جبس أو خشب وبباب يفصل المنطقتين لهدوء منطقة السرير .. جلسة التلفزيون بتكون ملمومة والتلفزيون لو خذنا 6 متر للسرير بتبقى له من كرسي الجلوس حول 3.5 متر مسافة مناسبة جداً والمساحة تكفي لتسريحة ثانوية + اللي في غرفة الملابس أو ما تسمى كونسول صغير + ممكن مكتب جانبي .. طبعاً هذي المنطقة ارتفاعها أقل شوي ولو حبينا نسوي حركة حلوة نركب سكايلايت صغير فوق جلسة التلفزيون .. 1.5 في 1.5 كفاية

نحتاج باب للسطح اليسار مكان الدريشة ويستحسن الأبواب تكون زجاج لإنارة منطقة اللفت .. الآي تي روم فكرة حلوة وموقعها مسكت ولو قدر يخالف المالك بفتح دريشة تطل على الحديقة بتكون حلوة ولو ما قدر بعد يمشي الحال

الحمام فوق احس ما له داعي وعندنا غرفتين بحمامهم .. دورات المياه تحتاج ترتيب .. الاستشاري يكسر الخاطر ما عنده آيكون للشاور يكبر البديه ويحطه على إنه شاور وهذا دليل ضعف كبير فيه وبعد فترة سنة من التصميم .. ودي اقول من حتى الكل يحذر منه بس بيعتبر تشهير .. طبعاً اليسار بيكون شاور بدال البديه وممكن حتى متر في متر .. وهنا انصح بفصل الحمام عن غرفة الملابس .. نقدر نخلي بابين جنب بعض ونسوي غرفة الملابس مستقلة بالكامل وتنقفل أو بابها ببصمة أو رقم سري للحفاظ على الأغراض الشخصية من سرقات الخدم

اليمين نفس الشيء يحتاج اعادة ترتيب


السبلت المعلق المربع وسط السقف.. وين تقترحه؟ وشلون صيانته وخراباته؟ سعره نفس الدكت ولا السبلت العادي؟

انا للتوفير باسوي غرف اليهال والبن سبلت عادي

غرفة ملابس اتكون بأرفف داخلية بدون أبواب.. قلت لمهندس الديكور يسويلي جذي

تحديد مكان السرير مع الجبس والاضاءة.. هاي المفروض مهندس الديكور فاهم في هالشغل لانها نفس الحركه اللي ابيهه

إنارة جانبية حتى نفتك من السبوتات العالية ولو احتجناها بنحتاج رافعة لتبديلها.. عندي الارتفاع 5 متر.. 60 بيروح للدكت غير الجبس فباصفه على 4 وربع.. المفروض ماحتاج لرافعه

خلاص خذت بشورك لمجلس النساء والمجلس في البيزمنت على 5.40 متر.. بس الجزء الممتد هذا ديكور لواجهة البيت

بخصوص فصل منطقة السرير انا مسوي جذي وموجوده في الخريطه.. مخلي للجلسه والسرير نفس القياس 4.7 متر بس ممكن اعدله الى 3.8 للجلسه و 5.6 للسرير.. في المخطط الاولي كنت مركب سكايلايت بس قالوا لي عندك درايش من الجهتين فماله داعي للسكايلايت.. انت شرايك؟

باب زجاجي للسطح اليسار مكان الدريشة.. تمام

حمام السطح مخليه لجلسة ممكن اسويهه للسطح ومكان يركضون فيه اليهال

غرفة الملابس الرئيسية باسويلها كبت ببصمة أو رقم سري فيعتبر تجوري كبير



نسيت منطقة المعيشة والصالة .. رايي البانتري كبير وايد .. وحطه الاستشاري في هالمكان لوجود الدكت اتوقع ويمشي وضعه بس نصغره .. يكفي خط واحد على الحائط والجلسة تكون زاوية وقرب الدريشة يكون عندنا التلفزيون


صح كلامك البانتري كبير وايد وبعدل مكان التلفزيون



الدور الأول يستحسن الدرج بدال ما يكون مفتوح كذا أو ينحط حوله درابزين نسوي هنا حوله حائط بسمك 10 سم وعندنا الثلاث ابواب للغرف في مكان البانتري والدي بي المكتوب الحين نقدر نسوي جدار فاصل وقوس يودي لها ونفصل لنا مخزن صغير أقل شيء لمواد التنظيف .. حتى مدخل الغرفة الرئيسية واللي جنبها ممكن ينعمل بقوس 1 متر أو 1.2 بالكثير يكون أرتب

لو سوينا التقسيمة اللي ذكرتها لغرفة النوم الرئيسية نقدر كذلك نسوي سكايلايت ثاني فوق الحمام لو نحب النور الطبيعي والحمام مساحته كبيرة والمفروض يترتب صح .. الترتيب ذيه كارثي وما يسويه مهندس والبديه ذيه اللي مكبره وحاطه انه حوض فضيحة هندسية .. يبي له شغل

بالنسبة للعتبات عديتهم طلعوا 26 يعطونا ارتفاع 3.9 على ارتفاع 15 سم للعتبة .. أشوفه مناسب نشيل منه 25 سم لصبية السقف والجبس والدكتات نصفي على 3.2 وحولها + عندنا ارتفاع أكبر لمنطقة السرير أشوفه مناسب .. الدور الأرضي ممكن نرفعه أكثر بزيادة العتبات وجايين له إن شاء الله




تصميم الدرج بيكون بطريقة Straight cantilever stairs اسلوب حديث ويكون طاير ومفتوح

المخزن الصغير باسويه في البنت هاوس جدام مدخل الجناح.. انا محتاج بانتري صغير حق ثلاجة وجهاز قهوه في الطابق الاول

الحمام الرئيسي مهندس الديكور قال بيرتبه لي.. بس حركة السكايلايت حلوه باسويهه

الدور الارضي رفعته اعتبتين وصار 5.05 اتشيل منه 60 للدكت من غير الجبس يصفالي حول 4.30 .. زين ولا ارفعه زياده؟ ابغي اتكون صيانته سهله بدون سقالات



الشكر لك اخوي مستر على سعة صدرك

الفكرة والتصميم والتنفيذ روووووعه ماشالله .. فعلاً الكويتين مبدعين ويستغلون المساحات صح
التصميم واضح والتوزيع مرتب و الارض مدروسة .. وان شالله نشوف مثلهم في قطر
والله هل قطر عندهم ذوق لكن البلا من الدكاكين على قولة بوعبدالله ،

رأيي الأول تشوف مكتب تصميم ثاني لنفس الكونسبت و تحط له لستة طلباتك
لانك وايد عدلت في التصميم واذا كثرت التعديلات معناه التصميم غير مناسب


انتم اللي مشكورين انكم اتساعدوني وماخذين من وقتكم

الصراحه تعبت وانا اعدل ورحت لمكتبين عدلوا لي التصميم لين ماوصلت لهلمرحله.. مابي اروح بعد لغيرهم واتاخر لان ابي ابدي البنيان

امس شفت فيلا في اللؤلؤة توهه خالصه ما شاء الله من كثر ماعجبتني بغيت اشقح السور بس الحارس كان موجود.. خذت منه اسم المكتب ويمكن امرهم اليوم



شوف طال عمرك المكان بالوضع الحالي عبارة عن فرااااغ المساحة اكبر من انها تكون ممر .. تخيل انك داخل البيت وكل شي بعيد عنك !

بخصوص كثرة الجلسات طبعاً هي تعتمد على طريقة اهل البيت ومن وجهة نظري هالمكان افضل من غيره لوضع الجلسة لانه مكان حيوي وحرام يضيع اطول حائط زجاجي و واجهة البيت

بالنسبة لمكان اللفت الي اقترحته فوقه تكرمون حمامات ممكن تسوي لها شفت بدل الدريسنج

وبيكون الدرج مقسم لك المكان بدون ما يسكره في حال بغيت تحط جلسة او كرسيين استقبال

ممكن البوفيه تتخلا عنه وتفكر فيه عقب مع ان ودي انك ما تتخلا عن شي وتنفذ كل الافكار الي تعجبك في بيت العمر


صحيح احلى مكان عبارة عن ممر كبير.. ماشفتيه قبل التعديل الحالي كان عباره عن خرابه

كتبت ملاحظة اللفت.. باشوف موضوعه



المجلس العربي يقدر المهندس الانشائي يضبط أعمدته على الحوائط المعمارية و 6 متر وحتى 8 و 10 بدون عمود شيء عادي بس يحتاج حسابات صحيحة ومهندس انشائي مقتدر

أحسن لك تعتمد خط واحد لواجهة البيت بدال الجزء الممتد .. ولو بتخلي الجزء اليمين شوي بارز ممكن لكن خل الكتلة اليسار غرفة النوم ومجلس البيسمنت والصالة كلها فوق بعض بعرض 6 متر أو 7 أو 5 أو اللي يريحك .. 6 مناسب لكل الفراغات والغرف .. لو بتنزل ل 5.5 بعد مناسب وبتقلل مساحة البناء شوي



اوكي سجلت ملاحظه المجلس العربي





نفس الصورة اختي سويت ممكن عملها في الجلسة الموجودة حالياً وهي مقابلة جنوب .. كذلك ممكن ربطها بالتجويف اللي يسارها وينفتح على البيسمنت بواجهة زجاج .. هذا التجويف أو المنور نقدر نزرع جزء منه أو نزرع نباتات متسلقة ونرفع الجدار فيكون عنصر جمالي مهم للجلسة من يسار والانفتاح على الحديقة من الأمام .. كذلك نقدر نسوي شلال بسيط أو شلال وزراعة في هذا التجويف .. يستفيد منه المجلس تحت والصالة فوق

الممر جدام اللفت والدرج هذا ممر وتحريكه ورا مسافة 40 أو 60 سم بنستفيد منه بس لو سكرنا الفتحة في الأول وسوينا صالة عائلية هناك .. مع المحافظة على الشكل العام والغرف مثل ما هي .. ما ننسى واجهة التجويف المقابلة للمصعد شرقية وحلاتها مفتوحة طول الوقت بدون ستائر .. تدخل الشمس لعمق البيت أول الصبح وحتى مكان غرفة الطعام المفتوحة يكون منور وحلو وعملي لحركة البيت وللمعيشة

لو ما حركنا الدرج بعد الممر جدامه واسع وفاصل منطقة الجلوس اللي تعتبر مجلس نساء ومنطقة الطعام والجلسة الخارجية عندنا معزولة بالكامل ولو انا مكان اخوي مستر بافكر في عمل حوض سباحة مغلق يطل على الحديقة وباوصله بالبيت حوله جلسة بسيطة وينفتح على الحديقة .. هو ضد فكرة حوض السباحة وانا ضد فكرة الجلسات الزايدة خصوصاً في دور واحد


حركة الشلال حلوه من الارضي للبيزمنت.. باسويهه

فكرنا مع المره وقلنا مانبي انسوي صالة عائلية ثانية في الطابق الاول.. بنكتفي بالارضي عن تجمعنا كلنا

حوض السباحه مثل ماقلت لك اخاف منه ومابيه.. هو اصلا بنستعمله مرتين في السنه فمايسوه




شخصياً ما يعجبني منظر اللفت حتى لو كان بانوراما .. تبقى اسلاكه تشوه المنظر لكن الاخير كل شي بيمشي بذوق المالك


بنشوف سالفة مكان اللفت



حتى تتضح لنا الصورة نشوف الدور الأرضي وملاحظاتي عليه ذكرتها قبل واعيدها هنا

الدرج للبيسمنت كبير وايد على حساب زراعة وراه وممر خدمات .. لو نقارنه بدرج البيت اللي كل يوم نستعمله بنلاحظ الفرق .. بعدين اللي بيمر بين الأعمدة الضخمين اللي بيشوهون منظر البيت مؤكد بيمر أصلاً بمساحة ضيقة لدرج واسع .. مكان غرفة السايق في الزاوية الثانية أفضل ونصغرها شوي بحيث تكفي لشخصين .. نلاحظ امتداد سقف الأول الخط المنقط مغطي مساحة كبيرة وهذي اشكالية ثانية وسوء تصميم معماري .. الغرفة فوق وايد طويلة ولا نحتاج هالمتر زيادة .. والمترين فوق السيارات .. مثل ما قلت الثلاث غرف فوق بعض حوائطها أفضل وأرتب .. حتى لو نبي نحافظ على المتر زيادة نمد في الأرضي والبيسمنت

https://i.imgur.com/VVx2qx2.png


الممر بين الأعمدة الضخمين اصغر من درج السرداب.. نقطه حلوه.. باشوف موضوعها

مكان غرفة السايق في الزاوية الثانية ونصغرها شوي.. سجلت هالملاحظه



بالنسبة لمنطقة غرفة الطعام ترتيبها ممكن يكفي فوق 10 أشخاص على طاولتين وكراسي ملاصقين لحائط المطبخ والجلوس غالبيته مقابل الحديقة .. ومكان ما مكتوب تلفزيون نقدر نسوي واجهة داخلية زجاج تنفتح لمناولة الأكل ونقدر نشوف منها الحديقة .. نشوف درج مدخل المطبخ ملموم وحلو .. نقدر نسوي درج مدخل البيت قريب منه عرض 40 سم للعتبات مناسب وارتفاع 12 حلو ومريح وكفاية .. بياخذ حيز أقل وبنقدر نسوي ممر يودي لدرج البيسمنت ولخلف البيت ونسوي زراعة من جنبيه

قسم الدايننغ هذا يكفي حق دايننغ ملاصقة للحايط مال المطبخ ومواجهة الحديقة وبنفس الوقت حيز جلوس مواجه الحديقة والتلفزيون يفترض على عمود في الفاصل الزجاجي


ترتيب غرفة الطعام سجلته

باشوف باقي الردود بعدين

لحد الحين جمعت ملاحظات وايد والله يعين.. فيكم الخير والبركه

[mr_unknowns]

سؤال.. اذا حصلت موافقة على الخريطة وابي اسوي عليها تعديلات بسيطه.. شلون بتكون سالفتها مع البلدية؟

[sweet qatar]

عن طريق الاستشاري

[معماري قطري]

ان شالله بيستفيد

يا انه بيقتنع بالتغيير او بيتأكد من اختياره

بالنسبة للتوزيع في الدور الارضي

ممكن بدل ما نحرك اللفت نخليه على مستوى واحد مع الغرفة والدرج على اليمين

بمعنى نكبر الغرفة الي على اليمين ونخليها على حد الدرجة الاولى في المخطط الحالي وراها يجي درج بسيط و وراه اللفت وتكمل الطوفة بالخدمات*

من الاشيا الي ندمت عليها في البيت ان الحمامات صغيرة تقريبا نفس حجم الحمامات في المخطط هني

لو يرجع فيني الوقت اخلي الحمام 1.5 * طول الغرفة

أحلى و أرتب وأشرح

كلامج صحيح عندنا فراغ شبه ميت يمين باب الصالة ممكن نستغله بضمه لغرفة الألعاب وعمل الدرج شبه مسكر بالحايط .. بنفس الوقت يتناسب مع دور البيسمنت ويكون المجلس العربي في خط واحد للواجهة كلها .. باب الصالة مبالغ في عرضه .. 2.4 متر مترين كفاية .. كذلك لو حب يسوي باب يتبعه لوبي موزع وباب ثاني ممكن يكون أفضل لعزل الهواء والحرارة والرؤية المباشرة للداخل

التصميم يحتاج تركيز ومصمم يحل هذي النواقص ويرتب التصميم ككل بناء على انشائي معقول ما نسوي تصميم معماري من ندخل في الانشائي نتورط بشغل انشائي صعب ومعقد ومكلف كثير

[معماري قطري]

السبلت المعلق المربع وسط السقف.. وين تقترحه؟ وشلون صيانته وخراباته؟ سعره نفس الدكت ولا السبلت العادي؟

سعره شوي أغلى من السبلت العادي ووايد أرخص من الدكت سبلت وصوته هاديء وتوزيعه أحسن .. والله الخيار في يدك تقدر تركبه في كل مكان وتقدر تخلط بينه وبين الدكت سبلت لو تحتاجه في بعض الأماكن والسبلت العادي .. الدراسة تسويها لك شركات التكييف بس دوم دراسة ناقصة ووقت الصج ممكن يتضاعف المبلغ

انا للتوفير باسوي غرف اليهال والبن سبلت عادي

غرفة ملابس اتكون بأرفف داخلية بدون أبواب.. قلت لمهندس الديكور يسويلي جذي

تحديد مكان السرير مع الجبس والاضاءة.. هاي المفروض مهندس الديكور فاهم في هالشغل لانها نفس الحركه اللي ابيهه

إنارة جانبية حتى نفتك من السبوتات العالية ولو احتجناها بنحتاج رافعة لتبديلها.. عندي الارتفاع 5 متر.. 60 بيروح للدكت غير الجبس فباصفه على 4 وربع.. المفروض ماحتاج لرافعه

حلو جذيه ما شاء الله عليك فهمت الفكرة وبديت توجه المصمم للي تبيه وهذا يسهل عليك أُمور كثيرة وعليه .. بس بالنسبة للكانتيليفر الطاير للواجهة لو سويته وسويته مترين بيكون عندك عرض الغرفة 7.4 .. وبتكون خربت سالفة المربع المرتفع فوق السرير .. عندك مساحة طولية .. بعدين انسى ارتباط الدور الارضي مع الأول في الواجهة لأن مظلة السيارات والسور الخارجي بيغطي الدور الارضي .. يعني سويت كانتيليفر أو لا سويت واجهة قزاز تحت أو لا هذا شيء وذاك شيء .. في الرسم وفوق بعض وبدون السيارات ومظلتهم لازم يتتخيل المنظر غير

لو سويت الغرفة نفس عرض اللي تحتها بيكون خيار جيد وعندك مساحة للسرير 5.4 في 5.4 وبتكون وسعت شوي للجلسة .. لا تنسى إنك بتنقص 1 متر من الطول لأن عندك كانتيليفر ثاني فوق في الحوش المحفور جنب مجلس البيسمنت .. هذا في رأيي مخرب الشكل وليس مجمل ولو حابه وبتسويه قلت لك شاحتياطاته .. يمكن يطلع أجمل بعمود طويل ممتد من تحت في زاوية الحفرة النازلة في البيسمنت .. وهذي عرضها 1.5 متر يعني تحتاج الامتداد يكون 1.5 متر .. وبتكون وسعت في الجلسة للغرفة في هذي الحالة بس مهم عزل أرضية الجزء البارز من الغرفة زين عزل حراري

خلاص خذت بشورك لمجلس النساء والمجلس في البيزمنت على 5.40 متر.. بس الجزء الممتد هذا ديكور لواجهة البيت

بخصوص فصل منطقة السرير انا مسوي جذي وموجوده في الخريطه.. مخلي للجلسه والسرير نفس القياس 4.7 متر بس ممكن اعدله الى 3.8 للجلسه و 5.6 للسرير.. في المخطط الاولي كنت مركب سكايلايت بس قالوا لي عندك درايش من الجهتين فماله داعي للسكايلايت.. انت شرايك؟

السكايلايت في العادة يكون قزاز شفاف تشوف منه تغيرات السماء وتدخل الشمس وانت في خصوصيتك دوم مفتوح .. الدرايش عندك جهة الحديقة الوسطى حتى لو حبيت تسوي بلكونة صغيرة فكرة حلوة أو حبيت تسوي نوع الدريشة الممتد اللي يخليك تطل على الحديقة من ثلاث جهات ممكن وبنفس الوقت تكون غرفة شمسية تشرق عليها الشمس .. اللي فوق طبيلة السيارات نصيحتي تخليها دريشة عادية .. كذلك اللي جهة السرير ممكن تسوي دريشة عادية وبتكون مقابلة شمال أفضل لك لو ما سويت دريشة وخليت ظهر السرير مكانها .. يسار السرير تقدر تسوي دريشة عادية مطلة شرق وجدام عندك الواجهة الزجاجية أو البلكونة لو حبيت تسويها المطلة على الحديقة .. تقدر تسوي يسار البلكونة حائط عازل للرؤية عن الجيران يسارك

باب زجاجي للسطح اليسار مكان الدريشة.. تمام

حمام السطح مخليه لجلسة ممكن اسويهه للسطح ومكان يركضون فيه اليهال

بيزعجك صوت ركيضهم فوق وعندك حديقة الحوش تقدر ترتبها بالعشب يركضون براحتهم .. لو تبي تستفيد من مساحة السطح ذي بتكون للتكييف وممكن تحط أحواض زراعية وعريش بسيط جلسة خارجية للشقة العلوية

عجبني البنتهاوس عندك بيكون بيت مستقل لأحد عيالك في المستقبل

غرفة الملابس الرئيسية باسويلها كبت ببصمة أو رقم سري فيعتبر تجوري كبير

كويس وبتابع معاك في أي اقتراح وفي تفاصيلها .. مر على موضوع غرف النوم بتشوف أمثلة كثيرة لهذي الغرف فيه وشرح كذلك





صح كلامك البانتري كبير وايد وبعدل مكان التلفزيون





تصميم الدرج بيكون بطريقة Straight cantilever stairs اسلوب حديث ويكون طاير ومفتوح

عرفته وفي هالحالة بيكون منظره مكمل لمنظر الانفتاح بس الله يعينك على تصميمه خصوصاً مع استشاريك ذيه بيسويه ثقيل وبيطلع دفش .. المعلق يكون خفيف بحديد

المخزن الصغير باسويه في البنت هاوس جدام مدخل الجناح.. انا محتاج بانتري صغير حق ثلاجة وجهاز قهوه في الطابق الاول

مهم وتحديد مكانه سهل وعرض الكاونتر له .. وتقدر تسوي مخزن اضافي للبنتهاوس مكان الحمام الصغير .. لتانكي الماي والصخانات والبرشر تحتاج 4 متر في مترين وتخلي ممر صغير بين غرفة التانكي والمخزن حق الدرج الحلزوني للخدمة من تحت

الحمام الرئيسي مهندس الديكور قال بيرتبه لي.. بس حركة السكايلايت حلوه باسويهه

خلني اتابع معاك أول بأول .. في الرئيسي حلو تسوي حيز خاص بالشاور مفتوح على الجكوزي .. يكون مسكر بزجاج حتى تقدر تسوي حمام بخار لو تحب .. بنفس الوقت تعزل الرطوبة عزل كامل عن باقي الحمام .. المغاسل ثنتين فكرة حلوة بس لازم يكونون أقرب ما يكونون للباب .. والحمام كبير والمساحة تسمح حتى تقدر تسوي كسرات تخزين أو زينة في الحائط

الدور الارضي رفعته اعتبتين وصار 5.05 اتشيل منه 60 للدكت من غير الجبس يصفالي حول 4.30 .. زين ولا ارفعه زياده؟ ابغي اتكون صيانته سهله بدون سقالات

الله أعلم 4.3 ارتفاع حلو لكن يحتاج لدرج خاص أو سقالة .. عندي قريب من هذا الارتفاع حق قبة فيها ثرية لو بغينا نبدل الليتات مشكلة اللي عندي يمكن 3.8 .. جبت سلسلة حتى اشوف حد ينزلها ويمد السلسلة القديمة





انتم اللي مشكورين انكم اتساعدوني وماخذين من وقتكم

الصراحه تعبت وانا اعدل ورحت لمكتبين عدلوا لي التصميم لين ماوصلت لهلمرحله.. مابي اروح بعد لغيرهم واتاخر لان ابي ابدي البنيان

امس شفت فيلا في اللؤلؤة توهه خالصه ما شاء الله من كثر ماعجبتني بغيت اشقح السور بس الحارس كان موجود.. خذت منه اسم المكتب ويمكن امرهم اليوم

الله يعينك ويوفقك .. عارف مشاعر اللي بيبني ومتحمس والوقت الصراحة وقت تأسيس ألحين



صحيح احلى مكان عبارة عن ممر كبير.. ماشفتيه قبل التعديل الحالي كان عباره عن خرابه

كتبت ملاحظة اللفت.. باشوف موضوعه





اوكي سجلت ملاحظه المجلس العربي





حركة الشلال حلوه من الارضي للبيزمنت.. باسويهه

فكرنا مع المره وقلنا مانبي انسوي صالة عائلية ثانية في الطابق الاول.. بنكتفي بالارضي عن تجمعنا كلنا

مب صالة بالمعنى الصحيح طقم كراسي واحد أو لو تحب كرسيين منفصلين .. المساحة عندك موجودة .. تقدر تستغني عنها بنباتات ظل وحتى بزراعة عادية عندك واجهة زجاجية وشمس شرقية .. سو مثلي ازرع كرز

حوض السباحه مثل ماقلت لك اخاف منه ومابيه.. هو اصلا بنستعمله مرتين في السنه فمايسوه

لو سويته مغلق تقدر تستخدمه 24 ساعة 365 يوم في السنة .. تقدر تستبدله بحوض صغير 3 أو 2 في ستة في عمق متر وعشرين سم وتخليه للتمارين المائية أكثر منه للسباحة .. تقدر تجهز التصميم له وتاخذ عليه موافقة وتجهز للكهربة وللدكت لتمديد الكهرب ولا تسويه الا بعدين .. مجلس خارجي مضيع جزء من الحديقة



بنشوف سالفة مكان اللفت





الممر بين الأعمدة الضخمين اصغر من درج السرداب.. نقطه حلوه.. باشوف موضوعها

مكان غرفة السايق في الزاوية الثانية ونصغرها شوي.. سجلت هالملاحظه





ترتيب غرفة الطعام سجلته

باشوف باقي الردود بعدين

لحد الحين جمعت ملاحظات وايد والله يعين.. فيكم الخير والبركه

الله يعينك ويوفقك وطول بالك أهم شيء تكون خطة بنيانك جيدة

[معماري قطري]

سؤال.. اذا حصلت موافقة على الخريطة وابي اسوي عليها تعديلات بسيطه.. شلون بتكون سالفتها مع البلدية؟

فيه تعديلات ما تحتاج موافقات وتعديلات قصتها قصة مع الاستشاري والبلدية

أفضل تسوي شيء مناسب ومقتنع به وما تغير كلش حتى عقدك يكون واحد وواضح .. التغيير كان في عقد بيتي يمكن بحدود 10000 ريال طلعت زيادة لي وكان الاستشاري يتابع بحساب كميات وقصة لازم تمر موضوع العقود فوق تشوف شاللي فيه

[ALJokar]

شنو مميزات او الفايدة من التصميم الداخلي فقط 3d ممكن احد يفهمني عدل
لاني اشوف سعر التصميم يوصل من 50 الف الى 100 الف لجزء الفيلا مش كاملة
لاهل لهدرجة يوصل المبلغ وهل هو يستاهل او لا؟
ياليت احد يفيدني رجاء لان المبلغ هذا اقدر اوفره في اثاث او اتصرف فيه لكن ف ناس تدفع لشي هذا يقولون اوفر بعدين ف الاثاث شلون ما ادري كيف

[sweet qatar]

شنو مميزات او الفايدة من التصميم الداخلي فقط 3d ممكن احد يفهمني عدل
لاني اشوف سعر التصميم يوصل من 50 الف الى 100 الف لجزء الفيلا مش كاملة
لاهل لهدرجة يوصل المبلغ وهل هو يستاهل او لا؟
ياليت احد يفيدني رجاء لان المبلغ هذا اقدر اوفره في اثاث او اتصرف فيه لكن ف ناس تدفع لشي هذا يقولون اوفر بعدين ف الاثاث شلون ما ادري كيف


التصميم الداخلي يجمع لك كل عناصر الغرفة أو الفراغ بشكل مدروس من ناحية وظيفية وجمالية

تستفيد منه انك تعرف بالضبط احتياجات الغرفة و تتجنب الأخطاء في الأثاث مثلاً أو الاضافة والتعديل مثلا للكهربا مدد هني وعدل هناك

هل ممكن تكمل بيتك بدون تصميم داخلي طبعاً يصير تعتمد على ذوقك أو تاخذ صورة جاهزة من النت وتطبقها

لكن بتكون عندك مخاطرة لو خسرت فلوسك على أثاث و سجاد واكسسوارات و ثريات وفي الأخير الغرفة ماعجبتك أو العمال ما بيعرفون يحولون الصورة لواقع


سالفة ال 3d طريقة عرض للمالك عشان يتصور التصميم وتكون غالية لأن برامج التصميم غالية و الشغل ياخذ وقت

المخططات أهم وتسوى يندفع فيها


بالنسبة للسعر اذا يسوى ولا لا

يعتمد انت في أي مرحلة من البنيان كل ما كان التصميم من وقت من وجهة نظري يسوى تدفع فيه أكثر

و بعد اذا الغرفة فيها صعوبة والتصميم معقد أو تعالج عيوب معمارية


أتمنى أكون افدتك

[ALJokar]

شي طيب وممتاز طيب هل فيه احد يعرف مصمم داخلي يكون سعره زين ومجرب وعنده ذووق ف الاختيار الديكورات والاثاث وااللوان.
او يعرف له مكتب يصمم يمدحه ومجرب يسوي خير.

[معماري قطري]

شنو مميزات او الفايدة من التصميم الداخلي فقط 3d ممكن احد يفهمني عدل
لاني اشوف سعر التصميم يوصل من 50 الف الى 100 الف لجزء الفيلا مش كاملة
لاهل لهدرجة يوصل المبلغ وهل هو يستاهل او لا؟
ياليت احد يفيدني رجاء لان المبلغ هذا اقدر اوفره في اثاث او اتصرف فيه لكن ف ناس تدفع لشي هذا يقولون اوفر بعدين ف الاثاث شلون ما ادري كيف

سؤالك مهم وأكيد باطول لو باجيب على كل جوانبه والإخت سويت ما قصرت

إذا التصميم كله لوحات مرسومة فقط أكيد التكلفة عالية .. لكن لو لوحات + لستة للمواد ونوعيتها وألوانها + عينات منها + مواصفاتها ومواصفات التركيب وتفاصيله .. ويمكن أغفلت شيء بيكون التصميم متوازن وسعره فيه .. نسيت شيء مهم اللي هو التكلفة التقريبية وأي بدائل ثانية لتخفيض التكلفة أو للحصول على تصميم أفضل وممكن بتكلفة أعلى

بعض التصاميم يدخل فيها متابعة التنفيذ والاشراف على التنفيذ والتعاقد انت شغلك بس توقع شيكات وعقود

في النهاية المعماري الشاطر يقدر يعطيك مخططات واضحة وبتوزيعة أثاث وتوزيعة كهرباء مناسبة للأثاث وإنارة كذلك وانت عندك الحرية في التأثيث حسب ما تحب .. فيه بعد عندك التصميم المرن واللي ممكن تأثثه بعدة وضعيات

في سوق قطر غالبية المصممين الداخليين هواة ودجالين ومب مختصين كتأسيس ودراسة وشغلهم أكثره سمسرة وعمولات من هنا وهناك

شفت من أيام سكتشات يدوية بالرصاص حق مصممة تتفنن بسرعة وقبل العقد حق واحد عطته دفتر رسم كامل حق بيته .. قال لي تونسية اظن ويقول تكلفة الديكورات اللي بتسويها وكلها تقريباً جبس بتكون بحدود 300 ألف وانا قلت له خلها تكتب لك كل الأعمال اللي بتسويها بند بند ونشوف وأقدر اعطيك راي

بعض الشركات مثل رافكو عندهم مصممين ديكور ويصممون ويسعرون ويعطونك حتى عينات

[معماري قطري]

في اليابان شفت تصاميم حتى رقم الموديل للجهاز مكتوب واسم وماركة البلاطة ومقاسها .. يعني المقاول ينفذ بدون لف ودوران

[معماري قطري]

فيديو شاركني فيه أحد الإخوة الأعضاء عن فتحة سقف كبيرة مسكرها بحديد وقزاز وأذكر سئلني عن خوفه من الحرارة القوية وكان ناوي يحط قزاز عاكس أو يظلله من فوق ونصحته يخليه شفاف ولا يهتم الحرارة بتكون بسيطة

يذكر إنه الحين يكتفي بمكيف واحد والله يوفقه وهذا شغل نظيف وجميل بنفس الوقت .. كلفه الزجاج 70 الف ريال

كل واحد يشوف يذكر الله ويدعي له بالتوفيق


https://youtu.be/GBWB9EzvVyE

[معماري قطري]

وهذا فيديو ثاني للصالة

عرض 7 في 6


https://youtu.be/RheaXBX7PnQ

[معماري قطري]

بعد حادثة البرق اللي دخل البيت من المنور إستوى ضروري يركب الواحد مانع صواعق .. هذا يجي مثل الاريل وله كيبل ينزل ويندفن في الارض لتفريغ الشحنة الكهربية

هذا نقل للي صار لي داخل البيت كتبته في موضوع ثاني بس مهم أذكره هنا لأن بيكون حل للمناور ذي في حال البرق

أمس حصل لي وضع خطير والحمد لله الله أنجاني منه

كنت بيني وبين البرق يمكن 10 سم .. سبحان الله أحس شيء سحبني جهة الحائط وفجأة اشوف الدنيا نورت نور قوي لفترة جزء من الثانية وآخر شيء شفته قرب السقف شرارة كهربية كبيرة وسمعت صوت خشخشة غطاء قصدير كان مغطي صحن جنبي

قبلها بثواني كنت مفكر افتح الصحن اشوف شفيه بس سألت بنتي اللي جالسة مقابلتني عنه .. اللي صار البرق دخل من المنور اللي يبعد حول 5 متر وضرب القصدير اللي مغطي الصحن .. كان مفترض اكون في طريق البرق بس الحركة الغريبة اللي صارت لي ما اقدر افسرها الا بقدرة رب العالمين ومشيئته

[بوجاسم_قطر]

الحمدالله على سلامتك اخوي بوعبدالله ..

[ALJokar]

بعد حادثة البرق اللي دخل البيت من المنور إستوى ضروري يركب الواحد مانع صواعق .. هذا يجي مثل الاريل وله كيبل ينزل ويندفن في الارض لتفريغ الشحنة الكهربية

هذا نقل للي صار لي داخل البيت كتبته في موضوع ثاني بس مهم أذكره هنا لأن بيكون حل للمناور ذي في حال البرق

أمس حصل لي وضع خطير والحمد لله الله أنجاني منه

كنت بيني وبين البرق يمكن 10 سم .. سبحان الله أحس شيء سحبني جهة الحائط وفجأة اشوف الدنيا نورت نور قوي لفترة جزء من الثانية وآخر شيء شفته قرب السقف شرارة كهربية كبيرة وسمعت صوت خشخشة غطاء قصدير كان مغطي صحن جنبي

قبلها بثواني كنت مفكر افتح الصحن اشوف شفيه بس سألت بنتي اللي جالسة مقابلتني عنه .. اللي صار البرق دخل من المنور اللي يبعد حول 5 متر وضرب القصدير اللي مغطي الصحن .. كان مفترض اكون في طريق البرق بس الحركة الغريبة اللي صارت لي ما اقدر افسرها الا بقدرة رب العالمين ومشيئته

الحمدالله ع السلامة

[ALJokar]

اليوم كنت عند مصمم الداخلي رواني شغله واعجبني كثير شغل الكمبيوتر وشغل التنفيذ بعد ما اشتغل هو وتقريبا مقارب 95% من الشغل.
المهم سعر التصميم ماكان عندي اخلاف فيه مع انه غالي بس سالته قلت بالعادة كم تنفذون الشغل لو سويته فرد علي بمبلغ احسه خرافي او كبير فما ادري انا يمكن ما اعرف الاسعار يمكن انتم تفيدوني خاصة الي بنى بيته.
اخترت تصميم تقريبا من عندة وع كلامه مايكلف ف التنفيذ قالي بسوية لك يمكن بحدود 800 الف الى المليون طبعا من غير اثاث بس ديكور وليتات وارضيات من غير ثريات والمساحة الي بسويها بعد مش البيت كامل الصالات عندي مع المدخل والدرج وغرفة الماستر والصالة الي فوق بس.

فما ادري هل السعر معقول او مبالغ فيه

[بوخالد911]

بعد حادثة البرق اللي دخل البيت من المنور إستوى ضروري يركب الواحد مانع صواعق .. هذا يجي مثل الاريل وله كيبل ينزل ويندفن في الارض لتفريغ الشحنة الكهربية

هذا نقل للي صار لي داخل البيت كتبته في موضوع ثاني بس مهم أذكره هنا لأن بيكون حل للمناور ذي في حال البرق

أمس حصل لي وضع خطير والحمد لله الله أنجاني منه

كنت بيني وبين البرق يمكن 10 سم .. سبحان الله أحس شيء سحبني جهة الحائط وفجأة اشوف الدنيا نورت نور قوي لفترة جزء من الثانية وآخر شيء شفته قرب السقف شرارة كهربية كبيرة وسمعت صوت خشخشة غطاء قصدير كان مغطي صحن جنبي

قبلها بثواني كنت مفكر افتح الصحن اشوف شفيه بس سألت بنتي اللي جالسة مقابلتني عنه .. اللي صار البرق دخل من المنور اللي يبعد حول 5 متر وضرب القصدير اللي مغطي الصحن .. كان مفترض اكون في طريق البرق بس الحركة الغريبة اللي صارت لي ما اقدر افسرها الا بقدرة رب العالمين ومشيئته

خطاك الشر بو عبدالله
وسلامات

[معماري قطري]

الحمدالله على سلامتك اخوي بوعبدالله ..

الله يسلمك اخوي بو جاسم

[معماري قطري]

خطاك الشر بو عبدالله
وسلامات

ولا تواجهه اخوي بو خالد

شيء غريب بصعوبة استوعبته .. مع إني سائل مهندس كهرباء مختص بالصواعق وبالاتصالات وأبراجها وطمنني لكن اللي شفته غير كلش

[معماري قطري]

اليوم كنت عند مصمم الداخلي رواني شغله واعجبني كثير شغل الكمبيوتر وشغل التنفيذ بعد ما اشتغل هو وتقريبا مقارب 95% من الشغل.
المهم سعر التصميم ماكان عندي اخلاف فيه مع انه غالي بس سالته قلت بالعادة كم تنفذون الشغل لو سويته فرد علي بمبلغ احسه خرافي او كبير فما ادري انا يمكن ما اعرف الاسعار يمكن انتم تفيدوني خاصة الي بنى بيته.
اخترت تصميم تقريبا من عندة وع كلامه مايكلف ف التنفيذ قالي بسوية لك يمكن بحدود 800 الف الى المليون طبعا من غير اثاث بس ديكور وليتات وارضيات من غير ثريات والمساحة الي بسويها بعد مش البيت كامل الصالات عندي مع المدخل والدرج وغرفة الماستر والصالة الي فوق بس.

فما ادري هل السعر معقول او مبالغ فيه

الله يسلمك اخوي الجوكر

بالنسبة للتصميم انا نصيحتي يعطيك لستة للمواد والأعمال وتكلفتها .. هشكل صعب نحكم وحتى هو ممكن كلامه عشوائي بدون دراسة مفصلة ومحددة

وتبي الصج أي مصمم داخلي بينفذ معناها هو بياخذ مبلغ كبير عمولة ومبلغ إشراف على الشغل كله بالإضافة للتصميم وتكلفته .. لو يقول لك مب ماخذ تكلفة التصميم والاشراف بيجيب لك شيء تكلفته 100 الف بعقد 150000 أو حتى 200 ألف وشوف الباقي وين يروح

بعض الشركات عندها مصممين وتتفق على شغل وتصميم أفضل لك

قاعد اشوف فيديو للإضاءة بانزله في يوتيوبيات البناء فيه شرح مبسط للجبس والاضاءة .. الأرضيات لو بتسوي فيها براويز لازم تلتزم بالأثاث وتوزيع الاثاث الثابت المحدد هو الأساس في التصميم الداخلي والباقي كله بناء على هذا التوزيع

[معماري قطري]

أكثر شركات التصميم والتشطيب والتأثيث يفضلون يشتغلون مع مصمم داخلي ولا يفضلون يشتغلون مع المالك .. لأن المصمم سهل التعامل معاه ويفهم لهم ويفهمون له .. بس السعر تأكد إنه ما يفاوض فيه بل بالعكس يحط عمولته عليه وأغلب المحلات يحترمون هذا الوسيط واتفاقهم معاه يكون سري غير عن اتفاق المالك معاهم

المالك المتفرغ يقدر يشوف بدائل ويفاوض للحصول على سعر أفضل ولو استعان بمصمم داخلي المفروض يتابع معاه خطوة خطوة ولا يوقع عقد ولا يدفع فلوس الا للشركة ويدفع لهذا المصمم أتعابه فقط .. ولتحديد السعر المبدئي للتصميم المالك يطلب لستة ورسومات حتى لو مبدئية تتماشى مع اللستة وتكلفتها

اللستة تحتوي على المواد وطريقة تركيبها وأي تفاصيل للتركيب .. فرزة معينة وتشكيلة معينة لنوع معين من الخشب تختلف اختلاف كبير في السعر

حل ثاني يقال للمصمم إن الموازنة كذا ولازم يكون في حدودها ويتسجل هذا في عقد التصميم .. وهذا المصممين الهواة ما يقدرون عليه لازم واحد متمرس ودارس السوق وعنده تحديث دايم للسعر ولجودة الشغل

أوقات تتورط بمصمم وهو مسوق أكثر منه مصمم .. يشتغل تابع لشركة ويسوق لها لو شغلها تعبان تتورط معاها ولو شغلها زين يطلع التصميم زين .. حتى لستة الشركات اللي يتعاون معاهم لازم يسجلها في العقد وحق عقد تصميم داخلي شوف مكتب استشاري متمرس وممارس هالشغلة من قبل أي مكتب صعب يضبطها لك صح وكلامي انا كله رؤوس أقلام ومختصر

[sweet qatar]

بعد حادثة البرق اللي دخل البيت من المنور إستوى ضروري يركب الواحد مانع صواعق .. هذا يجي مثل الاريل وله كيبل ينزل ويندفن في الارض لتفريغ الشحنة الكهربية

هذا نقل للي صار لي داخل البيت كتبته في موضوع ثاني بس مهم أذكره هنا لأن بيكون حل للمناور ذي في حال البرق

أمس حصل لي وضع خطير والحمد لله الله أنجاني منه

كنت بيني وبين البرق يمكن 10 سم .. سبحان الله أحس شيء سحبني جهة الحائط وفجأة اشوف الدنيا نورت نور قوي لفترة جزء من الثانية وآخر شيء شفته قرب السقف شرارة كهربية كبيرة وسمعت صوت خشخشة غطاء قصدير كان مغطي صحن جنبي

قبلها بثواني كنت مفكر افتح الصحن اشوف شفيه بس سألت بنتي اللي جالسة مقابلتني عنه .. اللي صار البرق دخل من المنور اللي يبعد حول 5 متر وضرب القصدير اللي مغطي الصحن .. كان مفترض اكون في طريق البرق بس الحركة الغريبة اللي صارت لي ما اقدر افسرها الا بقدرة رب العالمين ومشيئته

الله سلمك .. الحمدلله على السلامة

جذي خوفتني من السكاي لايت الحمدلله اني ما حطيته في البيت

[sweet qatar]

اليوم كنت عند مصمم الداخلي رواني شغله واعجبني كثير شغل الكمبيوتر وشغل التنفيذ بعد ما اشتغل هو وتقريبا مقارب 95% من الشغل.
المهم سعر التصميم ماكان عندي اخلاف فيه مع انه غالي بس سالته قلت بالعادة كم تنفذون الشغل لو سويته فرد علي بمبلغ احسه خرافي او كبير فما ادري انا يمكن ما اعرف الاسعار يمكن انتم تفيدوني خاصة الي بنى بيته.
اخترت تصميم تقريبا من عندة وع كلامه مايكلف ف التنفيذ قالي بسوية لك يمكن بحدود 800 الف الى المليون طبعا من غير اثاث بس ديكور وليتات وارضيات من غير ثريات والمساحة الي بسويها بعد مش البيت كامل الصالات عندي مع المدخل والدرج وغرفة الماستر والصالة الي فوق بس.

فما ادري هل السعر معقول او مبالغ فيه


تتعامل معاه مثل ما تتعامل مع مقاول البنيان

المبالغ الاجمالية غير مقبولة .. لازم تفاصيل تكلفة البنود

وتربط الدفعات بالتنفيذ*

[معماري قطري]

الله سلمك .. الحمدلله على السلامة

جذي خوفتني من السكاي لايت الحمدلله اني ما حطيته في البيت

الله يسلمج إختي سويت

شوفي اختي 12 سنة بلا حوادث بس كان يصيبني رعب أحياناً لين نور البيت كله من داخل .. هذي الحادثة غريبة جداً وفي صيف 2015 في فلوريدا كنت اسمع أخبار صواعق البرق قتلت 7 أشخاص لين ذيك اللحظة وكانت الغيوم نازلة والمطر ما يغشمر .. سئلت مهندس قديم مختص كهرباء ويصمم صواعق للبرق شيبة سوداني وطمنني وشكلي باكلمه وباستدرجه البيت وبانتقم منه بالكهرباء والا يسوي لي نظام منع الصواعق واعتقد طريقته سهلة

المكاسب صراحة كثيرة والشمس تعطي حيوية للصالة الوسطية .. كذلك رؤية تغيرات الجو من داخل البيت وسماع المطر وهو ينزل على قزاز السقف أو البلاستيك ( البولي كاربونيت ) يطرب .. رؤية نور الفجر يتسلل مع بداية النور متعة ورؤية نور القمر في الليالي المقمرة

إن شاء الله باسوي مانع للصواعق وبصوره لكم مع مواصفاته واتوقع احتياط ضروري للي بيسوي مناور سقفية ولو ان حدوث ضربات البرق نادر

[معماري قطري]

صالتنا ما نولع الليتات فيها طول النهار قبل المغرب بشوي ولو كان الجو مغيم .. على طول حول 17 متر الصالة مقسمة لثلاث مناطق مفتوحة على بعض 6 في 7 عبارة عن ارتفاع مزدوج وفيه بيت الدرج وفوقه قبه فيها ثمان درايش منحنية مع انحناء القبة وسويتها بولي كاربونيت .. بعدين 6 في 8.5 صالة وسطية فيها شريط طوب زجاجي وتمنيت لو حاط طبقتين فوق بعض تضرب فيه الشمس من تبدأ تطلع لأنه شريط جانبي ومجابل جنوب شمس الشرق تصيده بس شمس الغرب تكون غير مباشرة عليه .. بعدين صالة موزع بمقاس 5 في 3 وفوقها السكايلايت الهرمي اللي دخل منه البرق

وصراحة انصح الكل بعمل مناور للشمس للصالات والمجالس والمطابخ وحتى لو قدر للحمامات ويضمنها في التصميم من البداية

[sweet qatar]

شي جميل ماشالله

أحب المناور لأنها تزيد البيت شراحة و صديقة للبيئة اذا تنفذت بشكل صحيح مدروس

لكن ما سويتها في البيت لأن عندي بدالها حوائط كاملة زجاج


حبيت اسألك عن هالموقع

http://www.arcfinder.com/

توني اطلع عليه so good to be true

للأسف ماعندي مشروع حالياً أجربهم فيه

[معماري قطري]

الله يوفقج إختي سويت

المناور تفرق عن النوافذ والواجهات الزجاجية إنها دوم تكون مفتوحة الا بعضها اللي تجي بشتر خاص وانا اشوف ما فيه داعي للشتر .. الخصوصية داخل البيت مضمونة وتكون عامل شراحة وتغيير مهم للبيت .. مكتبي مقابله ممر فيه منور كبير والممر صغير وبدون تكييف .. بابه خشب بس خليت فيه حول 60% قزاز حتى يبين لي النور من الممر

فيه قصر قديم في رميلة أعتقد على أيام الانجليز وكان ساكن فيه سمو الأمير الله يحفظه ولا ادري للحين أو لا .. فوقه سقف مقوس وفيه قطع زجاجية صغيرة أعتقد دائرية .. أشوفه من بعيد عمري ما دخلته بس تحفة معمارية قديمة واعتقد القطع الزجاجية طوب زجاجي

الموقع حلو وفيه تصاميم مختلفة ومصممين من مختلف الدول العربية وخطوة زينة .. يعيبه إنه بطيء .. كما إن بعض المخططات مب بسيطة معقدة وما تناسب لا جمالياً ولا عملياً .. جمالياً بعضها شاذة وعملياً بعضها فيها ديكورات وايد خارجية ومثل المشربيات بتكون مكان حلو للطيور والغبار بعد فترة بيشوهها .. انا احب الواجهات البسيطة واللي جمالها في بساطتها واقتصاديتها

اللي يدور في الدوحة يشوف مباني كبيرة انبنت بعضها بطريقة تقليدية ولها جمال وقور نقدر نقول عنه وبعضها بطريقة حديثة فيها مغامرة مثل عمارة التلفزيون اللي في السد ( شكلها مثل التلفزيون القديم وأوقات تذكرني بالقطو ) .. عمارة اللؤلؤة جنبها بعد استوت كريهة وجمعت كميات كبيرة من الغبار وعلى الجانب الآخر نشوف عمارة النيسان والسوق اللي جنبها شكل ثابت وجمال معقول

من الجديدة حبيت اللي انبنت مكان الصالون الأزرق ومالكها ما شاء الله عليه ذويق سواء فيها أو في الصالون الأزرق الجديد أو في البيت التحفة اللي في المرخية وأهنيه من بعيد على حسن خياراته وذوقه

[بوجاسم_قطر]

السلام عليكم جميعا

واحد من الربع مسوي قبتين وحدة في الصالة والثانية في المجلس، الصراحه يوم قريت تجربتك قتله يشوف موضوع مانع الصواعق مع المقاول خصوصا هو أحين في مرحلة البلاستر.

اخوي الجوكر بخصوص التصميم الداخلي،، أنا قعدت مع كذا مصمم داخلي ولاحظت انه اذا خليت المصمم ينفذ ويشرف راح يطلع السعر جدا غالي لذلك من الأفضل تأخذ التصميم مفصل كل بند لحاله مثل ماذكروا الاخوان عشان تعرف القيمة الحقيقية للتنفيذ، وشوف كذا مقاول أو شركة بكم راح ينفذلك.
أهم نقطه لازم تراعيها تقول حق المصمم كم راح يكون التنفيذ، البعض يصمم شي خيالي بس مايقدر على تكاليف تنفيذه.. مثلا يخلي الأرضيات كله واترجت وهو ناوي يركب بورسلان، أو بعض المصممين يحط مواد غير موجودة بقطر من الأساس وهذه فيها تكلفة طبعا
حدد بالظبط شنو المصمم راح يقدم لك سقف، أرضيات، توزيع كهرب..الخ وناقشه بالسعر
بعض الأمور أنا اشوف 2d يكفي مايحتاج 3D وهذا الصراحه راح يوفر عليك واايد،، مثلا تقوله ابيك تسوي توزيع المجلس 2D ويراويك صور من النت قريبه من التنفيذ،، جذي راح يسهل عليك تخيل شلون راح يكون بيتك.
مايحتاج تسوي تصميم لكامل البيت، ممكن مثلا تسوي حق غرفه أو الماستر وانت عقب تطبق نفس المبدأ على الكل.

على طاري الأسعار من فترة الحطاب مسويه عرض تصميم مع خرائط 3D بأربعين الف.. وإذا بتنفذ عندهم يطيحون سعر التصميم.. أنا احس سعر التصميم مفروض يكون بذي الحدود لانه بالنهاية حتى المصمم راح يسوي الشي على ذوقك وعلى حسب ميزانيتك بس راح تستفيد منه في التنسيق وتوزيع الكهرب والاضاءة.. يعني من خلال المصممين الي شفتهم تحس في تقارب في التنفيذ والصور لذلك حرام الواحد يخسر مبلغ كبير في التصميم.

[معماري قطري]

أشكرك اخوي بو جاسم قلت اللي اتمنى قوله ولا اقدر اعبر عدل

الديكور ذوق وموازنة ومقدرة على الشغل .. المصمم المتمرس عارف كل شيء ويقدر يحدد التكلفة لقريب ال 10% فوق أو تحت .. والمصمم الهاوي غير

ببساطة شوف المصمم وشوف أعماله السابقة واسئله أسألة تكشفه وتكشف مستواه .. أهم شيء شكثر صار له في الشغلة

صممت مرة ثري دي قعدت منشغل عليه حول 3 أيام كنت ارقد قليل .. كان كونسبت دزاين حق مدرسة لغات فيها مبنى ادارة ببناء قطري قديم مثل سوق واقف وبعده ممر مكيف وغالبيته قزاز يودي لمبنى طويل حديث فيه فصول ومكتبة وقاعات مختلفة كمبيوتر وغيرها .. بعدين بعد لنك يودي لقاعة كبيرة للتخريج ومدرجة لعدد 250 شخص .. إستغلينا المدرج تحتها لعمل مكاتب ومخازن اضافية ونسيت شيء معين بعد اعتقد مكان طباعة كتب وملاحق واختبارات

مع اللاندسكيبنغ وتصوير الظلال وتأثير الشمس على مدار اليوم وكله شغل اوتوكاد والبرنامج صعب في الثري دي وياخذ وقت لإظهار الصور بعضها طول الليل حتى تخلص الصبح .. دخلت في تفصيل الشارع وليتات الشارع .. وكانت التكلفة التقديرية في عام 2000 تقريباً 350 مليون ريال .. كل هذا في ثلاث أيام وألحين المصممين يبالغون في أتعابهم وشغلهم سهل والبرامج تطورت وايد .. للأسف ما تم تنفيذ المشروع وتم تأجيله مرات ومرات

[معماري قطري]

بعدين كل هذي التفاصيل يسويها المعماري أو المكتب الاستشاري .. للسقف وتوزيع الاضاءة وحتى تشكيل الجبس يسوون السقف المعكوس وسهل تنسيقه مع مخطط الأثاث ومع باقي المخططات .. الثنائي الأبعاد يعطي معلومات كافية وهو الأساس للتنفيذ .. حتى واجهات حوائط الغرفة ودورات المياه ممكنة وسويت أمثلة لها في مواضيع عديدة

[بوجاسم_قطر]

ياهلا اخوي بوعبدالله،. وجزاك الله خير على التعقيب..

ملاحظة ثانية أنا تقريبا يكمل سنة على الخرائط المعمارية والتراخيص.. الحمدالله أنا في مرحلة اختيار المقاول والاستشاري.
ألي ابي أقوله لاحظت حتى أسعار التصميم تغيرت أحين مقارنة قيل سنة. يمكن لانه السوق راقد شوي وهاي فرصة انه الزبون يستغلها.
بعدين كوّن دقيق مع المصمم، في مصممين يدخل في الحسبة ممرات وانت ماتحتاج تصممها. مثلا عندك غرفة ظ¤*ظ¦ خل يعطيك سعر تفصيلي عن ذي الغرفة وشنو راح يسويلك سقف، أرضيات يوزع الليتات..الخ. اذكر بعض المصممين حسبته يضرب ظ،ظ¥ظ* مثلا سعر المتر في مجموع البنيان الكلي!!' عسى ماشر.

نصيحة للجميع اهتم في الخريطة المعمارية اكثر من التصميم الداخلي وأكثر من اَي شي،، المعماري هو عمود التصميم والتوزيع.. اذا خريطتك المعمارية مرتبه وموزعه صح بيسهل عليك وايد التصميم الداخلي وماراح تحتاج حتى 3d.

[معماري قطري]

مشكور على الاشادة بالمعماريين وكلامك صحيح أساس التصميم هو المعماري وأساس المعماري هو المخطط الأرضي .. الباقي كله تحصيل حاصل

بس للأسف كثير معماريين اسم بس لكن في الواقع رسامين ولا يبرزون أفكارهم للزبون

انا دوم افكر في التصميم الداخلي من بداية المخطط واللي يتابع الموضوع من بدايته سويت تعديلات كثيرة على مخططات كثيرة بسرعة .. صحيح مقصر في الفترة الأخيرة بسبب ضياع البرامج ولازم انزلها مرة ثانية

ذكرت عناصر التصميم المعماري مرات وهي سهولة الحركة وعدم خطورتها + شراحة المكان وراحة تقسيماته + عنصر سهولة البناء بدون تعقيد وبسعر معقول + دمج الخارج مع الداخل والاهتمام بالتفاصيل كلها صغيرة وكبيرة + إدخال جماليات الاضاءة الطبيعية والزراعة سواء داخل البيت أو في الحوش + توزيع الغرف لراحة الساكن بغرف ملابس ومناطق تخزين مرتبة وأماكن مخصصة فقط للنوم + ضمان الخصوصية والهدوء لنوم مريح في أي وقت

وأكيد نسيت شيء سهواً .. صحيح مهم نسوي احتياط للمستقبل لو العائلة كبرت واحتاجت سيارات أكثر ولو الولد الكبير أو البنت تزوجوا لازم نخطط لهم بنتهاوس يكون مناسب للمعيشة حتى طول العمر لو ما عنده أو عندها المقدرة تطلع

البيت استثمار مهم ومهم نبنيه صح .. أحد الإخوان بنى معاي تقريباً وكلف نفس التكلفة .. كاره بيته ويبي يبني مرة ثانية .. البعض يخدع نفسه ويقول ما كلفني وايد وهو ما حسب تكلفة كل شيء أو يكابر ويكون متفق قطاعي مع ناس دون المستوى .. هذا عرض نفسه لتكاليف وشغل تعبان بدون ما يدري وفوقه علة قلب ووقت طويل

أتمنى للكل الخير ومستعد لمقابلة من يحتاج لإرشاد ورأي ثاني ودوم المقابل هي الدعوة الطيبة

[معماري قطري]

من أصعب المراحل على اللي بيبني إنه يقرر وينهي كل شيء خصوصاً التفاصيل الصغيرة وخصوصاً لو التصميم له وبتترتب عليه دفعات وتكاليف وصعوبات والبعض يغامر ويدفع ولا يهتم يسوي كل اللي خاطره فيه .. البعض لا يفكر وايد ويقارن عدة حلول حتى يطلع بشيء زين وبنفس الوقت ممكن ينعمل بدون مشاكل ولا يدخل في مشاكل صيانة

انا من النوع الثاني وألحين افكر في التفاصيل .. الدائرة النازلة في الوسط في الصالة السفلية حلوة والجلسة فيها ملمومة لكن بتكون فيها صعوبة في التشطيب وكذلك صعوبة في البناء .. أكيد باحتاج لإطار على حوافها من الرخام أو اسوي الأرضية تحت رخام وإحتمال فاصل معدني في زاوية التقاء الأرضية بجدار الدائرة ينفع وتكون الأرضية بورسلان حجم كبير للصالة وللجلسة الدائرية سجاد حتى الجوانب سجاد .. بيكون فيه شغل قص وشغل تركيب احترافي .. سويت مقترح ثاني لجلسة مربعة بعدد أقل من الكراسي 7 والدائرية 10 وباحطها وأكيد المربعة بتكون أسهل بكثير للتنفيذ

جلسة المجلس تفرق بأن الجزء المرتفع حولها بارتفاع بسيط وممكن بأي مادة تشطيب غير عن الارضية الوسطى حتى الباركيه ينفع والحجر والرخام .. 5 سم بيكون فرق الارتفاع فقط لتحديد مكان الكراسي

بالنسبة للتشجير الخارجي ومواقف المجلس فالمساحة بحمد الله تكفي لأن الشارع بعيد وأحد الجيران رتب الأرض أمام مجلسه وعمل مواقف وتشجير .. انا خطتي بتكون أشجار واشنطونيا للمدخل قبل الباب قريبة من بعض تعزل مواقف المجلس عن مدخل البيت .. الدوار بتكون الأشجار فيه رويال بالم تريز وهذي تختلف عن الواشنطونيا وعن النخل .. الباقي نخل وسدر وغيره من أشجار كثيرة في بالي .. زارع شجر كرز ووحدة استوت بطول متر وتطول بسرعة بس داخل البيت المكان مكيف وتحت المنور السقفي .. وزرعت بذر لشجر من ألمانيا وحدة برا طلعت اللي داخل للحين

9 سيارات للمجلس وممكن يصفون 9 وراهم وان شاء الله الصورة واضحة تبين عندي باهتة .. الزاوية السفلية الخارجية قرب غرفة الدريول ناوي اسوي فيها برج للعصافير والطيور الصغيرة .. قريب من اللي في كتارا ( تقليد )

في الداخل حركت موقف السيارات اليسار جهة الداخل حتى يكون مخفي وراء البيت وفي خط واحد مع البيت .. وهذا الموقف بيكون نازل بارتفاع مترين وبواجهة طابوقية وخرسانية وجوانب كذلك .. زين بيكون مجابل شمال والحمد لله وضعية المواقف عندي كلها في اتجاه الشمال وقت الشمس التظليل يغطي السيارات طول اليوم

https://i.imgur.com/Vs4KVZv.png

أفكر في هذا التصميم بشكل جدي وأفكر في البدء في البنيان قريب بإذن الله .. وبإذن الله نكون كلنا متابعين تفاصيل التصميم وتفاصيل البنيان وقت البنيان

متوقع ابدأ في الاستقرار على التصميم واتابع مع مكتب لباقي التخصصات .. وتقريباً ما عندي تعديلات غير تغطية سقف الحيز المفتوح الوسطي بقزاز من فوق ويكون ممتد بشكل أنزل شوي لفوق منطقة الشلال .. يعني نقول فوق منطقة الشلال 5 متر تقريباً سقف زجاجي وفوق البنيان لإرتفاع البنتهاوس وتستوي عندي 4 غرف تطل على هذي الحديقة الداخلية والمطبخ وصالتين .. وبتكون المنطقة مكيفة تكييف خفيف مع تهوئة جيدة للزراعة .. جربنا زرعنا أفوكادو داخل البيت وطلعت النبتة وتشجعت لزراعة هذي الأشجار .. مع شجرة الكرز اللي بدت ترتفع

البلكونات الداخلية بتكون مزروعة بإذن الله وباسميه بيت التقاعد وأكيد متوقع ينتهي بإذن الله في 2024 أو حولها إن الله أحيانا

بيكون فيه باب يطلع على الحوش الصغير يمين الشلال ويودي للحديقة الصغيرة الخارجية ومنه لحوض السباحة .. فكرت اسكر المنطقة بسقف زجاجي بس بتكون وايد .. وإن شاء الله متحمس للاوتوكاد وبيتم تنزيله على الكمبيوتر قريب ونتابع

[سعود.]

الله يتمملك على خير
وعزاء الله خوش تصميم ( رهيب )

مشاء الله

[معماري قطري]

شهادة اعتز بها اخوي سعود والله يوفق

ما اتوقع تركت شيء للصدفة وباقي تحديد أكثر للمواد والبدائل من خيارات حتى ما اطيح في مشاكل التمويل والشغل المعقد

حطيت خطة للتشطيب مبدئية وللأرضيات وللأسقف .. الجدران الخارجية بإذن الله باسويها طابوق عادي من جهة الداخل 20 سم وباسويها نص مقواة بالحديد والخرسانة وباربطها بالخارجي بمشابك حديد والعازل في الوسط .. الخارجي بين السيبوريكس والطابوق العادي 15 سم المجوف ويكون بعد فيه تقوية حديد وخرسانة كل متر طولي وكل متر صف طابوق شبك حديد .. هذي عندي أولويات وما تكلف وايد يمكن تفرق 100 الف ولا الحجر اللي غالي وشغله يطول ولا بمتوفر

مرتاح لفكرة الحوش الداخلي المكيف وبيسوي حركة في البيت مع المياه والشجر والنور الطبيعي وتكييفه بيكون سبلت عادي .. هو والمطبخ الداخلي والخارجي .. الغرف مفكر اسويها دكت سبلت وحتى الصالات بس ابي النوع الواقف اللي يكون في كبت في الحائط وتسوي له كسرة خاصة وتصريف مياه نفس النظام الأمريكي لو يسوونه زين مع بعض الأماكن سبلت وسبلت المعلق في وسط السقف

[معماري قطري]

هذي الخارطة شبه خالصة كترتيب وباقي شغل الاستشاري عليها وهي لتوزيع الحوش .. البيت كبير ومساحة الدورالأرضي قريبة من 700 ومساحة البناء فوق 1600 .. الاستشاري كل همه يخلص الرخصة ولا يهتم بالتفاصيل اللي يحتاجها المالك .. دخل الأبواب داخل شوي مثل الوسطي وصار دخول السيارات للموقف اليمين صعب .. وأصلاً ما صمم موقف وكله يقول للمالك بعدين

المخطط خطة يتبعها المالك والمقاول والاستشاري حتى ما ينسون شيء وحتى تتم التراخيص للكهرباء ولباقي الأُمور بطريقة محسوبة ودقيقة ما فيها أخطاء وانا شفت ترتيبات كثيرة يبي لها تفصيل وزين لحقنا قبل الرخصة النهائية

بشوف لو يرضى احط باقي المخططات وتفصيلها وطريقة تعديلها باحطها ان شاء الله وشغال عليها ما خلصت

https://i.imgur.com/ju3tzsT.png

مضطرين نخلي السيارات توقف ورا بعض حتى الزاوية كلها تستوي مظلة مخفية بواجهات خرسانية

يسار فوق غرفة السايق بيكون مكان خزان الصرف الصحي وفوقه بين الشجر بيكون التانكي مخفي وبيكون بايب واصل له من فوق غرفة السايق لأعلى السور حتى يعبيه الدنكر من الخارج

كثير أشخاص يغترون في المكتب الاستشاري ولا يتابعون صح مع شخص يراجع كل مخططاتهم النهائية أو يناقشون الاستشاري .. صاحب التصميم هذا مريت اشوف بيته صدفة حصلت عاملين خزان صرف صحي مقابل الباب اليمين تقريباً في مدخل الطبيلة .. ما ادري شقناعته هو بس كان يقدر يخليه في زاوية البيت تحت السيارات ويخلي الفتحة اللي تجي بايب 6 انش بغطاء خارج السور سيارة البلدية تسحب منها وتسكرها أي وقت

[معماري قطري]

حبيت انبه لنقطة مهمة ما ينتبه لها الكثيرون حتى الاستشاريين والمشرفين .. اللي هي وضعية الحديد في الخرسانات المصبوبة تحت البلاط وفوق الدفان .. هذي الخرسانات معرضة لضغط بسيط من أعلى بسبب الأوزان والبعض يبالغ في هذا الضغط ويسويها كأنها ما تحتها شيء لذلك يحط الحديد في الجزء السفلي حتى يوازن الشد .. لكن هذا الضغط يعادله ضغط التربة ويمكن يزيد عليه لو التربة انتفخت بسبب تسريب مياه أو أي سبب آخر ويكون الجزء العلوي من الصبية الخرسانية مشدود والخرسانة ما تقاوم الشد فتتشقق أو تنتفخ لأعلى

لذلك نخلي الشبك الحديد أو الحديد مركب في الوسط أو باتجاه الأعلى قليلاً .. يعني لو عندنا صبية سمكها 10 سم نخلي الحديد على عمق 4 سم يعني تحته 6 سم ما تسمى بالبسكوتات .. ولو كانت 15 سم 10 سم تحت أو 9 سم مناسبة .. ولو سوينا الصبية هذي بدون حديد بس بمقويات فيبر بتكون مقاومة للشد في كل الاتجاهات وقوتها مناسبة جداً .. لكن نحط الحديد قريب من أسفل الصبية الخرسانية مرتفع بس 3 سم أو 2 سم بنكون ما عملنا حساب انتفاخ التربة أو أي ضغوطات من تحت لأعلى

[أم صالح2017]

مرحبا اخوي

الموضوع جدا مفيد وفي اشيا وايد كتبتها , انا تقريبا خلصت من الخرايط الاولية و كنت ابحث عن شخص ممكن يراجعها لي ، هل اقدر ارسلها لك للمراجعه ؟

[معماري قطري]

مرحبا اخوي

الموضوع جدا مفيد وفي اشيا وايد كتبتها , انا تقريبا خلصت من الخرايط الاولية و كنت ابحث عن شخص ممكن يراجعها لي ، هل اقدر ارسلها لك للمراجعه ؟

هلا وغلا فيج إختي الكريمة

تفضلي الله يسلمج ايميلي hamadqatar999@gmail.com وإن شاء الله متفرغ لمراجعة أي مخطط وابداء الرأي ولو تبينه ينعرض هنا بتكون الفايدة أكبر للجميع

[أم صالح2017]

V
هلا وغلا فيج إختي الكريمة

تفضلي الله يسلمج ايميلي hamadqatar999@gmail.com وإن شاء الله متفرغ لمراجعة أي مخطط وابداء الرأي ولو تبينه ينعرض هنا بتكون الفايدة أكبر للجميع



جزاك خير اخوي ، راح ابعث لك اخر تصميم مع التغيرات اللي طلبتها من المهندس معينه بالرصاص. حاليا ماعندي غير pdf . بحاول اطلبه نسخة الاوتوكاد . وبعد تعطيني رايك في التغييرات .

[أم صالح2017]

هلا وغلا فيج إختي الكريمة

تفضلي الله يسلمج ايميلي hamadqatar999@gmail.com وإن شاء الله متفرغ لمراجعة أي مخطط وابداء الرأي ولو تبينه ينعرض هنا بتكون الفايدة أكبر للجميع


جزاك الله خير اخوي وماتقصر

راح ابعثها لك على الايميل التصميم الاخير وتعليقاتي عليه بعد اخر اجتماع مع المهندس

[معماري قطري]

حي الله إختنا أُم صالح

نزلت مخطط الأرض مع الدور الأرضي وهو مخطط مقارب لمخطط عدلت عليه وايد وحتى معاه بيسمنت موجود داخل الموضوع

نقاط التعديلات اللي حطيتيها أكيد بنناقشها مبدئياً أشوف المصعد البانورامي يحتاج تعديل جذري وممكن يكون مفتوح على الصالة وبنشوف آراء الإخوان

مساحة البيت والجيران ما تبين واقصد الأبعاد

والحمد لله وصل كمبيوتري الثاني مركب عليه الاوتوكاد باقي اضبطه واتابع التصاميم والتعديلات عليه وإن شاء الله يكون شغال زين

https://i.imgur.com/CIzYmpx.jpg

[معماري قطري]

وهذا الدور الارضي بصورة أوضح

أشوف غرفة السايق ممكن تتصغر شوي لحدود 3 في 3 وتكون كافية لشخصين + بالإمكان إضافة مطبخ صغير لهم + الحمام لهم نقدر نصغره في العرض ل 1.6 أو 1.5 وناخذ شوي من المدخل ونزيد الطول 0.8 بيستوي عندنا 1.5 في 2.8 والقطع كلها على حائط واحد .. يبقى لنا من الجهة الثانية 1.5متر عرض في طول الغرفة لكبت للسايق ثم مطبخ صغير 2 في 1.5 أو الكبت يكون مقابل السرير ومكانه تكون دريشة لإنارة وتهؤية الغرفة

https://i.imgur.com/6YzKSBS.png

طبعاً لو صغرنا المجلس متر وسويناه 7 في 4 بيكون أحلى أو 7 في 4.5 ونفس الوقت بتكبر غرفة السايق ل 3 في 3.5 .. بنكسب مكان للفة السيارة لو سوينا الباب قريب من المجلس وسوينا 4 طبيلات للسيارات داخل وهو أفضل

[معماري قطري]

حتى عرض حمام ومغاسل المجلس ممكن يصغر ل 1.6 بنكون وفرنا في مبنى المجلس الخارجي حول 2.4 متر وفي زاوية البيت اليمنى تحت طبيعي بيكون خزان المياه .. بتكون عندنا مواقف لأربع سيارات وسيارتين ورا بعض للوقوف المؤقت للزوار خلف المجلس

الدرج للمدخل للبيت وايد مبالغ في عرضه وكذلك في عدد عتباته في رايي 3 كفاية وكل وحدة بارتفاع 12 سم أو نكتفي برامب بسيط ونخلي مكان لزراعة تجميلية حول المدخل

إقتراحج إختي بتغيير الستور الخارجي للبيسمنت خطأ الستور يتبع المطبخ ولازم متصل معاه

وأكيد بتتضح الصورة لباقي الأدوار وانا اتمنى تراجعين باقي التصاميم وخصوصاً التصميم القريب من هذا فيه 2 أو 3

[أم صالح2017]

حي الله إختنا أُم صالح

نزلت مخطط الأرض مع الدور الأرضي وهو مخطط مقارب لمخطط عدلت عليه وايد وحتى معاه بيسمنت موجود داخل الموضوع

نقاط التعديلات اللي حطيتيها أكيد بنناقشها مبدئياً أشوف المصعد البانورامي يحتاج تعديل جذري وممكن يكون مفتوح على الصالة وبنشوف آراء الإخوان

مساحة البيت والجيران ما تبين واقصد الأبعاد

والحمد لله وصل كمبيوتري الثاني مركب عليه الاوتوكاد باقي اضبطه واتابع التصاميم والتعديلات عليه وإن شاء الله يكون شغال زين

https://i.imgur.com/CIzYmpx.jpg



الله يحيك اخوي وماقصرت متعبينك معانا

ان شالله بحاول ابحث في الموضوع عن المخطط مع اني صفحته

انا كنت مفكرة اغير مكان المصعد و اجيبه مكان الدريسينغ و اكبر والغرفة وبتصير لين نهاية الممر

الله يعطيك العافيه يارب

[أم صالح2017]

وهذا الدور الارضي بصورة أوضح

أشوف غرفة السايق ممكن تتصغر شوي لحدود 3 في 3 وتكون كافية لشخصين + بالإمكان إضافة مطبخ صغير لهم + الحمام لهم نقدر نصغره في العرض ل 1.6 أو 1.5 وناخذ شوي من المدخل ونزيد الطول 0.8 بيستوي عندنا 1.5 في 2.8 والقطع كلها على حائط واحد .. يبقى لنا من الجهة الثانية 1.5متر عرض في طول الغرفة لكبت للسايق ثم مطبخ صغير 2 في 1.5 أو الكبت يكون مقابل السرير ومكانه تكون دريشة لإنارة وتهؤية الغرفة

https://i.imgur.com/6YzKSBS.png

طبعاً لو صغرنا المجلس متر وسويناه 7 في 4 بيكون أحلى أو 7 في 4.5 ونفس الوقت بتكبر غرفة السايق ل 3 في 3.5 .. بنكسب مكان للفة السيارة لو سوينا الباب قريب من المجلس وسوينا 4 طبيلات للسيارات داخل وهو أفضل



تسلم اخوي .. بو العيال معطني الحرية في التصميم الا المجلس ووده يكبره اكثر فما ودي اروح باوبشن تصغير المجلس , ممكن اروح لراي تصغير غرفة السايق بحيث ممكن تتحمل 3 اشخاص و تصغير الله يعزك الحمام واضافة مطبخ يخدم الصبيان و المجلس و انا مع راي نحط الغيت صوب المجلس عشان الطبيلة تشيل سيارات اكثر

[أم صالح2017]

حتى عرض حمام ومغاسل المجلس ممكن يصغر ل 1.6 بنكون وفرنا في مبنى المجلس الخارجي حول 2.4 متر وفي زاوية البيت اليمنى تحت طبيعي بيكون خزان المياه .. بتكون عندنا مواقف لأربع سيارات وسيارتين ورا بعض للوقوف المؤقت للزوار خلف المجلس

الدرج للمدخل للبيت وايد مبالغ في عرضه وكذلك في عدد عتباته في رايي 3 كفاية وكل وحدة بارتفاع 12 سم أو نكتفي برامب بسيط ونخلي مكان لزراعة تجميلية حول المدخل

إقتراحج إختي بتغيير الستور الخارجي للبيسمنت خطأ الستور يتبع المطبخ ولازم متصل معاه

وأكيد بتتضح الصورة لباقي الأدوار وانا اتمنى تراجعين باقي التصاميم وخصوصاً التصميم القريب من هذا فيه 2 أو 3


صحيح كلامك اخوي بتصغير حمام المجلس في العرض .

كنت افكر بعمل غرفة خزان تحت الاراض , خالي مسويها بس ماعرف كيف بتكون بالصيانة واللي عرفته انها محتاجة تكييف .

الستور الخارجي تابع المطبخ بيتم معاه . . كنت افكر اذا اقدر اخليه نص دور فوق المطبخ عشان اوفر مساحة و اعمله درج حديد من داخل المطبخ اللي هو نظام العليية

شرايك بمساحة المطبخ 4*8 مناسب و لا كبير ؟ كنت افكر اشيل متر واخليه 7*4

[سعود.]

1. لوبي وحمام السايق يرجع للخلف واللوبي يصير مطبخ له ونعدل بالامتار داخليا فقط .
2. عتبات الدرج الخارجي كثيرة ومزعجة للاطفال وكبار السن .
3. عامود ( خرساني ) في الصاله يفضل ازالته من قبل الاستشاري .
4. ناخذ 1متر من المطبخ ويدخل في المخزن

وين الدور الاول !!!!

[سعود.]

الحوائط الي بصاله لو تنشال تعطي امتداد بصري اكثر وتطلع الصاله اكبر واطول
وبنفس الوقت يمكن البعض مايحب يكشف الغرف وهذا يعتمد على الاوضع الاجتماعي لكل مالك

[سعود.]

حتى موقف السيارات نقدر نخليها خارجيه من الباب الكبير لين الدرج حول 10 متر مسافه غيره متعبه ونخلي دخول السيارة لدخول وخروج الاغراض الثقيلة منها نكسب حوش اكبر ونقدر نصمم حديقة قوسية بحجم جميل مكان المواقف بشرط نقل الباب الصغير بقرب المجلس ويكون باب كبير ومنه وفيه الباب الصغير لدخول البيت .

[معماري قطري]

حتى موقف السيارات نقدر نخليها خارجيه من الباب الكبير لين الدرج حول 10 متر مسافه غيره متعبه ونخلي دخول السيارة لدخول وخروج الاغراض الثقيلة منها نكسب حوش اكبر ونقدر نصمم حديقة قوسية بحجم جميل مكان المواقف بشرط نقل الباب الصغير بقرب المجلس ويكون باب كبير ومنه وفيه الباب الصغير لدخول البيت .

ما شاء الله الردود كثيرة وبابدأ من ردك الأخير

محد يعرف طبيعة المنطقة خلال سنتين جايين ممكن السرقات تزيد وتكسير السيارات أو تشميخها .. ممكن أصحاب البيت ياخذون سيارات محترمة يخافون يخلونها في الشارع .. دوم نصيحتي بعمل مواقف كافية داخل 4 أو 6 أو حتى أكثر لو قدرنا

[معماري قطري]

الحوائط الي بصاله لو تنشال تعطي امتداد بصري اكثر وتطلع الصاله اكبر واطول
وبنفس الوقت يمكن البعض مايحب يكشف الغرف وهذا يعتمد على الاوضع الاجتماعي لكل مالك

الصالة الله يسلمك 13 متر مسافة طويلة وتعطيك امتداد بصري كافي .. معاك ممكن تحتاج تعديل الحوائط والفتحات ونظرة الإخت بخصوص نقل المصعد لغرفة الملابس صايبة وممكن يكون نص بانوراما بحيث واجهته قزاز أما بانوراما كامل بيحتاج تعديل جذري وتغيير للمكان وحوله

معاك في العتبات كبيرة وكذلك مرتفعة وأكيد شغل بعض المهندسين يرفعون البيت حتى يسوون درايش للبيسمنت لكن ممكن نسوي حوش ساقط أو نسوي مناور خاصة مغطاة بشبك حديد من الحوش وتكون الدريشة كبيرة بس تطل على حفرة مشطبة وممكن مزروعة والإنارة تجي من فوق .. والحلول موجودة وسهلة بدون رفع البيت هشكل

موضوع العمود هذا قاطه بالغلط وفي الواقع هو بيحط ثلاثة على الأقل غيره .. إستشاريينا وعارفهم خصوصاً ربع الانشائي .. أما سالفة لوبي السايق والحمام تقطه ورا هذي راحت عن تفكيري اللي ما اشتغل له فترة وانت غلبتني فيها وأكيد بيكون حل مناسب اللوبي بانتري صغير والحمام نفسه وممكن يتصغر والدور الأول والبنتهاوس باحطهم بكرة إن شاء الله

[معماري قطري]

صحيح كلامك اخوي بتصغير حمام المجلس في العرض .

كنت افكر بعمل غرفة خزان تحت الاراض , خالي مسويها بس ماعرف كيف بتكون بالصيانة واللي عرفته انها محتاجة تكييف .

الستور الخارجي تابع المطبخ بيتم معاه . . كنت افكر اذا اقدر اخليه نص دور فوق المطبخ عشان اوفر مساحة و اعمله درج حديد من داخل المطبخ اللي هو نظام العليية

شرايك بمساحة المطبخ 4*8 مناسب و لا كبير ؟ كنت افكر اشيل متر واخليه 7*4

بنكون في هالحالة كسبنا 40 سم من المغاسل + 1 متر من الغرفة وبيكون عندنا بعد مناسب لإلتفاف السيارة 14 متر وقوفها ورجوعها ريوس وطلوعها من الباب لو غيرنا الطبيلات وخليناها على الحايط اليمين ومدخلها مقابل المجلس وممكن نسوي 4 طبيلات وتكون عندنا مترين في الزاوية تكفي لتانكي الماي وبيكون شبه مخفي ونقدر نسويه مخفي بالكامل بحاجز للطبيلة من الجنب بس ما اشوف له داعي وشكله زين وأمان يكون يبين .. غير ممكن تطلع لنا مشكلة خزان الصرف الصحي لو له ضرورة

بالنسبة حق الستور نص دور ما يسمحون به وبعدين الركوب فوق بيكون مزعج خصوصاً مع أغراض ثقيلة

عندي خطة ما دامج مسويه بيسمنت ورا ليش ما تنزلين الحوش كله للملحق بحيث يكون مستويين مستوى بيسمنت ومستوى أرضي ويكون الارتداد الوسطي 2 متر منور للجهتين وحوش نازل .. بيكون الدخول من المطبخ الداخلي للخارجي عن طريق جسر فوق الحوش النازل وتحتاجين درج من الجسر ينزل للبيسمنت وللحوش النازلبعرض متر أو 90 سم كفاية .. بتكون غرفة الخدامات والغسيل تحت المطبخ والستور وبتخلين البيسمنت اللي تحت البيت للبيت بس .. وبتكون عندج يمين مساحة كبيرة لحديقة أو حوض سباحة

تحتاجين بعد درج من أرضية الحوش لأرضية حوش البيسمنت والا مب ضروري لو ما تبينه بس بيكون مهم لنقل حاجات المطبخ لمخزن المطبخ الخارجي من السيارة مباشرة

مساحة المطبخ ممكن تتصغر شوي خصوصاً لو عدلنا ترتيب البنيان بحيث يكون مستويين

[معماري قطري]

تسلم اخوي .. بو العيال معطني الحرية في التصميم الا المجلس ووده يكبره اكثر فما ودي اروح باوبشن تصغير المجلس , ممكن اروح لراي تصغير غرفة السايق بحيث ممكن تتحمل 3 اشخاص و تصغير الله يعزك الحمام واضافة مطبخ يخدم الصبيان و المجلس و انا مع راي نحط الغيت صوب المجلس عشان الطبيلة تشيل سيارات اكثر

المجلس حلوة مساحته حسبتها 8 في 4 قبل الحين انتبهت 4.8 وبيطلع أحلى لو خلينا الباب مع الدرايش مشبوكين مع بعض كلهم قزاز شفاف بدون عازل للرؤية حتى يبين منور ويبان اللي برا واللي داخل ولو سوينا فوق سكايلايت هرمي أو اثنين فوق كل قسم كل 4 متر في وسطها منور هرمي 1.2 في 1.2 .. وممكن نسويه قزاز سيدة بميلان بسيط لتصريف المياه بيطلع أرخص سيدة

[معماري قطري]

الله يحيك اخوي وماقصرت متعبينك معانا

ان شالله بحاول ابحث في الموضوع عن المخطط مع اني صفحته

انا كنت مفكرة اغير مكان المصعد و اجيبه مكان الدريسينغ و اكبر والغرفة وبتصير لين نهاية الممر

الله يعطيك العافيه يارب

الله يعافيج إختي أُم صالح

ممكن تسوين المصعد بين الدرج وتفتكين من الدرابزين وتكلفته بس تحتاجين تقللين عرض الحمامات ممكن ل 1.6 للثلاث قطع .. الشاور يكون في الأخير والكرسي جنبه والمغسلة مقابلة الباب وعلى صف واحد حتى أسهل للتمديدات ولعمل دكت طولي ودكت عرضي ممكن ينفتح لتصليح البايبات .. بتستفيدين 80 سم للدرج .. تقللين شوي عرض الغرفتين والغرفة اليمنى توسعينها مكان المصعد يعني ممكن تخلين غرفة 4 متر وغرفة 3.8 بتوفرين 2.2 متر زيادة لبيت المصعد .. 3.8 كعرض للغرفة كافي السرير 2 متر وجدامه ممر 1.8 متر ممكن ينحط فيه كبت تلفزيون أو كبت كامل حتى بعرض 60 سم بيكون عندج باقي 1.2 متر للمرور براحة

[معماري قطري]

المصعد يكون داخل حيز البيت ابرد له من يكون متطرف ومصكوك ينحكر من حرارة الشمس وزين تاخذون نوع يوقف وينفتح الباب ولا يسكر الا لو حد ركب فيه .. في النهاية تبين اسوي لج التعديلات واوضحها كبرزنتيشن هندسي أرسلي لي فايل الأُوتوكاد بسهولة خلال يوم باسويها أما انسخها باخذ يمكن اسبوع ورقبتي بتنكسر وهي بروحها ذابحتني

[معماري قطري]

فيه شيء مهم كثير يغفلونه واللي هو العزل الحراري للحوائط الخارجية وضروري تنعمل 20 من جهة الداخل ووراها 5 سم فوم وبعدين طابوق 15 سم أو سيبوريكس وممكن بعد 10 سم لو حبينا والجسور تجي بس على الطابوق العشرين والعازل يغطي الجسور ولو ممكن حتى طرف صبية الأرضيات

[معماري قطري]

بعمل هذي الإجراءات بيكون عندنا محور مرور سهل وواضح ومكان المصعد بيكون مبين ومناسب لكافة الأدوار كذلك الدرج وبنكون حلينا مشكلة ارتفاع أرضية البيت وحلينا مشكلة منور البيسمنت ورتبنا مساحة فاضية للحديقة في الخلف سواء نبي نسويها مرتفعة بارتفاع أرضية الحوش الأساسية أو نسويها نازلة مع البيسمنت وهو أحسن يعطينا انفتاح لكامل البيسمنت ومساحة الحديقة في الزاوية اليمنى فوق بتكون 16.3 في 6.6 وممكن نزيدها ل 17 لو صغرنا الملحق وممكن حتى 18 في 6.6 وتكون حديقة نازلة خاصة للعائلة ممكن نعزلها عن بقية الملحق بجدار وبتكون مناسبة جداً لحوض سباحة محاط بشوية شجر

[أم صالح2017]

1. لوبي وحمام السايق يرجع للخلف واللوبي يصير مطبخ له ونعدل بالامتار داخليا فقط .
2. عتبات الدرج الخارجي كثيرة ومزعجة للاطفال وكبار السن .
3. عامود ( خرساني ) في الصاله يفضل ازالته من قبل الاستشاري .
4. ناخذ 1متر من المطبخ ويدخل في المخزن

وين الدور الاول !!!!

تسلم اخوي سعود

العتبات اظن وصلنا ان 7 عتبات , هل ممكن تقليلها مع وجود بيسمنت ؟
عامود الخرسانة اللي علي الطرف حاولت اشيلة لكن مع مراجعة الانشائي كان ضروري وجودة لان الدور الأول يطل على هالجزء فجبناه علي طرف والصالة الطرفية نرفعها درجتين و الزاوية نسكرها بحوض زراعي مرتفع
المخزن والمطبخ الخارجي مدوخيني عشان الحديقة الخلفية

[أم صالح2017]

الحوائط الي بصاله لو تنشال تعطي امتداد بصري اكثر وتطلع الصاله اكبر واطول
وبنفس الوقت يمكن البعض مايحب يكشف الغرف وهذا يعتمد على الاوضع الاجتماعي لكل مالك

بالنسبة للحوايط اللي اخر الصالة هذي الله يسلمك حاطينها للخصوصية خاصة لو في ضيوف ما يضطر بو العيال او العيال لين كبروا يطوفون من نص الصالة او يقعدون ممكن يتحركون في البيت بحرية من خلال الباب الخلفي اللي من خلف الدرج وحابة ان افصل الجزء اليومي من الرسمي

[أم صالح2017]

ما شاء الله الردود كثيرة وبابدأ من ردك الأخير

محد يعرف طبيعة المنطقة خلال سنتين جايين ممكن السرقات تزيد وتكسير السيارات أو تشميخها .. ممكن أصحاب البيت ياخذون سيارات محترمة يخافون يخلونها في الشارع .. دوم نصيحتي بعمل مواقف كافية داخل 4 أو 6 أو حتى أكثر لو قدرنا

انا كنت حابة اسوي باركينغ مع البيسمنت بحيث يأخذ سيارتين على الأقل بس المهندس قالي صعبه مع وجود المجلس الخارجي

[أم صالح2017]

بنكون في هالحالة كسبنا 40 سم من المغاسل + 1 متر من الغرفة وبيكون عندنا بعد مناسب لإلتفاف السيارة 14 متر وقوفها ورجوعها ريوس وطلوعها من الباب لو غيرنا الطبيلات وخليناها على الحايط اليمين ومدخلها مقابل المجلس وممكن نسوي 4 طبيلات وتكون عندنا مترين في الزاوية تكفي لتانكي الماي وبيكون شبه مخفي ونقدر نسويه مخفي بالكامل بحاجز للطبيلة من الجنب بس ما اشوف له داعي وشكله زين وأمان يكون يبين .. غير ممكن تطلع لنا مشكلة خزان الصرف الصحي لو له ضرورة

بالنسبة حق الستور نص دور ما يسمحون به وبعدين الركوب فوق بيكون مزعج خصوصاً مع أغراض ثقيلة

عندي خطة ما دامج مسويه بيسمنت ورا ليش ما تنزلين الحوش كله للملحق بحيث يكون مستويين مستوى بيسمنت ومستوى أرضي ويكون الارتداد الوسطي 2 متر منور للجهتين وحوش نازل .. بيكون الدخول من المطبخ الداخلي للخارجي عن طريق جسر فوق الحوش النازل وتحتاجين درج من الجسر ينزل للبيسمنت وللحوش النازلبعرض متر أو 90 سم كفاية .. بتكون غرفة الخدامات والغسيل تحت المطبخ والستور وبتخلين البيسمنت اللي تحت البيت للبيت بس .. وبتكون عندج يمين مساحة كبيرة لحديقة أو حوض سباحة

تحتاجين بعد درج من أرضية الحوش لأرضية حوش البيسمنت والا مب ضروري لو ما تبينه بس بيكون مهم لنقل حاجات المطبخ لمخزن المطبخ الخارجي من السيارة مباشرة

مساحة المطبخ ممكن تتصغر شوي خصوصاً لو عدلنا ترتيب البنيان بحيث يكون مستويين

ماعندك مشكلة في موضوع الطبيلات .

اعجبتني فكرة المستتويين بس مب عارفة شلون بتتحول حق رسمة . يعني مع حفر البيسمنت يكمل لحد تحت المطبخ وبيكون الحوش اللي فوق يطل على البيسمنت ؟

[أم صالح2017]

المصعد يكون داخل حيز البيت ابرد له من يكون متطرف ومصكوك ينحكر من حرارة الشمس وزين تاخذون نوع يوقف وينفتح الباب ولا يسكر الا لو حد ركب فيه .. في النهاية تبين اسوي لج التعديلات واوضحها كبرزنتيشن هندسي أرسلي لي فايل الأُوتوكاد بسهولة خلال يوم باسويها أما انسخها باخذ يمكن اسبوع ورقبتي بتنكسر وهي بروحها ذابحتني

تسلم اخوي .. ان شالله بطلبها من المهندس .. وماعليك شر ان شالله

[معماري قطري]

انا كنت حابة اسوي باركينغ مع البيسمنت بحيث يأخذ سيارتين على الأقل بس المهندس قالي صعبه مع وجود المجلس الخارجي

صعبة عليه وسهلة علي لكن بتكون تكلفة الله لا يحدكم عليها .. في وجود مكان ممكن تستخدمونه بسهولة .. الطبيلات تقدرين تسوينها بأعمدة خرسانية وجسور تخفي الحديد وبتبين كأنها بنيان نظيف حتى أبواب تنفتح لأعلى يدوي أو كهربي أو الطريقتين ممكن بسهولة وبتبين منظر عمراني جميل .. حق بيتي باسوي نفس الشيء .. ومقرر أسوي أرفف تخزين فيها لبعض عدة الزراعة والسيارات

[سعود.]

نفس ماقالك ( ابا عبدالله )
الحل للعتبات الحديقة النازله للبيسمنت
انا عندي 5 عتبات بس ( بلكونه انجليزية ) للبيسمنت

[معماري قطري]

لو تبين والميزانية متوفرة مع ملاحظة إن ميزانية البيت بتكون مرتفعة تقدرين تسوين الطبيلات تحت المجلس وبتكفي لأربع سيارات وممكن خمس بس مثل ما قلت ما الله حادكم سويهم يمين وخلي الزراعة بين المجلس الخارجي والبيت .. 3 متر بتنفع حق أشجار عالية وعشب وكذلك موقف سيارة زائر مؤقت ووراء البيت جهة اليسار تصلح حوض زراعي طولي وممر بسيط ومكان لتمرير الخدمات .. فيه ملاحظة مهمة مقاس السيارات اللي حاطهم مصغر وملصقين في بعض لو سويتوا هذي الطريقة بتضيقون على نفسكم حتى مع سيارتين شلون تبطلون الباب .. موقف السيارة الطبيعي والمريح يكون بعرض 3 متر وعمق 6 متر وممكن نقلل العمق شوي بس 6 مناسب لغالبية السيارات .. فيه سيارات 6.7 مثل الرولز الطويلة اللكزس طولها 5.7 وتحتاج 20 سم جدام وشوية ورا

[معماري قطري]

نفس ماقالك ( ابا عبدالله )
الحل للعتبات الحديقة النازله للبيسمنت
انا عندي 5 عتبات بس ( بلكونه انجليزية ) للبيسمنت

صور لنا بنقرأ على بيتك لتهتم

[معماري قطري]

ماعندك مشكلة في موضوع الطبيلات .

اعجبتني فكرة المستتويين بس مب عارفة شلون بتتحول حق رسمة . يعني مع حفر البيسمنت يكمل لحد تحت المطبخ وبيكون الحوش اللي فوق يطل على البيسمنت ؟

انتي محدودة بارتفاع 3.5 متر للملحق وممكن اظن تقدرين تزيدين لأربعة الله أعلم لو عدلوا قوانينهم .. لو سويتي الملحق على مستوى الحوش مب محصلة الا دور واحد لكن طول ما انتي أصلاً مسوية بيسمنت تحت البيت أحسن تفتحين الحوش جدامه بحديقة نازلة وبنفس الوقت تنزلين غرفة الخدامة والغسيل تحت المطبخ تستوي مساحة الملحق أصغر على طابقين .. وتستوين حليتي مشكلة الإنارة والتهوئة وبنفس الوقت حصلتي مساحة فاضية كبيرة لحديقة خاصة وأفضل تكون نازلة .. أكيد بتحتاجين عمل تصريف لمياه المطر عبر منهول ولأي مياه جوفية حتى البيسمنت ما يتضرر .. كذلك تصريف صحي بمضخة لبيسمنت البيت وبيسمنت الملحق

أشياء كثيرة تتعدل للأفضل مثلاً اللوبي اللي قرب المطبخ مفتوح على غرفة الطعام الرسمية وغرفة الطعام مفتوحة على الصالة وزين فيه مخرج ثاني للبيت من جهة الملحق ورا وأوقات الزيارة بسيطة .. أشوف المساحات زينة لو كانت مفتوحة مثل ما هي بس نحتاج نعدل شوي صوب اللوبي ومغاسل غرفة الطعام ممكن نخلي جزء من اللوبي مضاف لغرفة الطعام ونسوي باب صفاقتين 1.3 متر وهو ممكن في عرض 2.5 الموجود بسهولة .. ممكن نعرض الأقواس شوي ونعطيها فخامة بدون التأثير على المساحة الداخلية كثير .. ممكن كذلك نسوي فتحات تجميلية سواء مسكرة بزجاج معشق وانارة مخفية أو فيها نباتات ظل حتى لو سويناها مرتفعة تعطينا احساس بانفتاح الفضاء كله بين الصالة والممر

الصالة عندنا جلستين جانبيتين وعندنا جلسة ثالثة أشوف لو نلغيها ونحط نافورة بتكون مقابلة المدخل وقريبة من غرفة الطعام ومدام اعتمدنا الفضاء المفتوح نخلي الجدار بين غرفة الطعام والصالة مفتوح أكثر أو بالكامل وبتكون مطلة على النافورة والزراعة حولها بنباتات ظل .. الملجلس نصغر فتحاته ونسويها أقواس عريضة 40 سم حلوة وفخمة ونقدر نسوي رواشن في باقي الجدار أو فتحات كاملة ديكورية بين المجلس والصالة وبين المجلس وغرفة الطعام وكذلك للجدار الفاصل بين الممر والصالة صوب الدرج

[معماري قطري]

حتى الطبيلات نقدر نزرع حولها نباتات خصوصاً المتسلقة وتطلع جزء من اللاندسكيبنغ والزراعة وجزء جميل

[معماري قطري]

نجي للدور الأول .. طبعاً نعتبر نفسنا اتفقنا على وضع المصعد وسط الدرج وتوسعة الغرفة اليمين تحت وفوق مع تقليل عرض الغرف والحمامات لإستيعاب المصعد .. يحتاج تعديلات داخلية كثيرة وخصوصاً الدرج الحلزوني لصالة جلوس كبيرة في البنتهاوس مب داخل تفكيري .. جلسات كثيرة وعائلة مهما تكون كبيرة حلاتها تجتمع ما تتفرق والغرفة فيها تلفزيون ولو نبي نفصل مدخلها نخليه مكتب ممكن أو نخليه صالة تلفزيون صغيرة ولو نفتحها ونضمها على الغرفة بتكون أفضل .. حتى الزوايا المكسورة في المجلس وفي غرفة الملابس فوق مخربة توزيع الأثاث والكبتات .. نقدر نخلي غرفة الملابس ووك ان كلوزت ونسوي تسريحة داخل وممر يودي للحمام وتنفتح عليه غرفة الملابس بباب ممكن نقفله برقم سري أو بصمة وتكون غرفة محمية محد يقدر يدخلها الا الزوج والزوجة لحماية أغراضهم

حل ثاني نخلي الجدار الفاصل مكان الدرج الحلزوني ونلغي الدرج وفكرته ونسوي فتحة بمقاس الباب للغرفة ونخلي هذي الغرفة كبتات اضافية لأن الحاجة للكبتات متزايدة مع مرور الوقت وحتى تكون للثياب اللي تجيبهم الخدامة بعد الغسيل وتصفهم صف مؤقت بعدين ممكن ينشالون للخزانة اللي قرب الحمام

https://i.imgur.com/1KhE76T.png

[معماري قطري]

الحمامات كلها تترتب حسب القطع المطلوبة بالنسبة للرئيسي بيطلع أحلى لو الباب يفتح عكس وضعه الحالي ويتحرك شوي يسار يسوي فراغ حق المغاسل على الجدار اليمين بنفس الوقت نكون سوينا عرض كافي للتسريحة مقابلة الباب وصغرنا شوي غرفة الملابس وسويناها بباب وقواطع داخلية بدون أبواب وممكن طاولة وسطية وأدراج .. بعدها فكرة حلوة نخلي الجكوزي والشور مفتوحين على بعض ومفصولين عن الحمام بباب قزاز لأنها بتكون المنطقة الأكثر رطوبة .. أكيد بنحتاج لدكتات للحمامات كلها ونحتاج لدرايش شوي أكبر ولو نبي خصوصية ممكن نسويها عريضة ومرتفعة بس نخلي الدكت جانبية وممكن بدال ما نسوي دكت بارز في الحمام نسوي نظام الجدارين الخارجين ونخلي الدكت من ضمن الغلاف الداخلي في الجدار الخارجي .. ولو سوينا عزل حراري للجدران بنفتك من هذي المشاكل وكلها بتكون بسمك 40 سم تقريباً نقدر نمرر فيها اللي نبي حتى بايبات تصريف المطر

[معماري قطري]

البنتهاوس نقدر نسويه شقة كاملة حتى من 3 غرف بحماماتها مع بانتري صغير أو مطبخ كامل لو حبينا للمستقبل لأحد العيال ونقدر نطابق الإنشائي على الدور اللي تحته بشرط الارتداد من الواجهة 3 متر وهو متوفر عندنا بسهولة

https://i.imgur.com/wdNVgUT.png

[معماري قطري]

لو انا مكان المالك طبعاً باغير التصميم بالكامل وباصغر المساحات وما بسوي بيسمنت وباستغل البنتهاوس صح .. باوازن وبحاول أوفر

بالنسبة للحديقة النازلة لازم نحول تصريف مطر السطح بعيد عنها والطريقة سهلة ما نعمل مخارج جهتها وتصريف سطح الملحق ممكن يتحول ببايب للحوش الخلفي جهة الزراعة

[أم صالح2017]

صعبة عليه وسهلة علي لكن بتكون تكلفة الله لا يحدكم عليها .. في وجود مكان ممكن تستخدمونه بسهولة .. الطبيلات تقدرين تسوينها بأعمدة خرسانية وجسور تخفي الحديد وبتبين كأنها بنيان نظيف حتى أبواب تنفتح لأعلى يدوي أو كهربي أو الطريقتين ممكن بسهولة وبتبين منظر عمراني جميل .. حق بيتي باسوي نفس الشيء .. ومقرر أسوي أرفف تخزين فيها لبعض عدة الزراعة والسيارات

اكيد اخوي دام في مساحة مانبي نزيد التكلفة

[أم صالح2017]

نفس ماقالك ( ابا عبدالله )
الحل للعتبات الحديقة النازله للبيسمنت
انا عندي 5 عتبات بس ( بلكونه انجليزية ) للبيسمنت

لو نقدر نشوف صورة عشان اقدر اتخيل بتكون ساعدتني وايد

[أم صالح2017]

لو تبين والميزانية متوفرة مع ملاحظة إن ميزانية البيت بتكون مرتفعة تقدرين تسوين الطبيلات تحت المجلس وبتكفي لأربع سيارات وممكن خمس بس مثل ما قلت ما الله حادكم سويهم يمين وخلي الزراعة بين المجلس الخارجي والبيت .. 3 متر بتنفع حق أشجار عالية وعشب وكذلك موقف سيارة زائر مؤقت ووراء البيت جهة اليسار تصلح حوض زراعي طولي وممر بسيط ومكان لتمرير الخدمات .. فيه ملاحظة مهمة مقاس السيارات اللي حاطهم مصغر وملصقين في بعض لو سويتوا هذي الطريقة بتضيقون على نفسكم حتى مع سيارتين شلون تبطلون الباب .. موقف السيارة الطبيعي والمريح يكون بعرض 3 متر وعمق 6 متر وممكن نقلل العمق شوي بس 6 مناسب لغالبية السيارات .. فيه سيارات 6.7 مثل الرولز الطويلة اللكزس طولها 5.7 وتحتاج 20 سم جدام وشوية ورا


اي اكيد اخوي مانبي نكلف زيادة احنا مسويين البيت كبير اساسا وعارفة ان بيكلف

[أم صالح2017]

انتي محدودة بارتفاع 3.5 متر للملحق وممكن اظن تقدرين تزيدين لأربعة الله أعلم لو عدلوا قوانينهم .. لو سويتي الملحق على مستوى الحوش مب محصلة الا دور واحد لكن طول ما انتي أصلاً مسوية بيسمنت تحت البيت أحسن تفتحين الحوش جدامه بحديقة نازلة وبنفس الوقت تنزلين غرفة الخدامة والغسيل تحت المطبخ تستوي مساحة الملحق أصغر على طابقين .. وتستوين حليتي مشكلة الإنارة والتهوئة وبنفس الوقت حصلتي مساحة فاضية كبيرة لحديقة خاصة وأفضل تكون نازلة .. أكيد بتحتاجين عمل تصريف لمياه المطر عبر منهول ولأي مياه جوفية حتى البيسمنت ما يتضرر .. كذلك تصريف صحي بمضخة لبيسمنت البيت وبيسمنت الملحق

أشياء كثيرة تتعدل للأفضل مثلاً اللوبي اللي قرب المطبخ مفتوح على غرفة الطعام الرسمية وغرفة الطعام مفتوحة على الصالة وزين فيه مخرج ثاني للبيت من جهة الملحق ورا وأوقات الزيارة بسيطة .. أشوف المساحات زينة لو كانت مفتوحة مثل ما هي بس نحتاج نعدل شوي صوب اللوبي ومغاسل غرفة الطعام ممكن نخلي جزء من اللوبي مضاف لغرفة الطعام ونسوي باب صفاقتين 1.3 متر وهو ممكن في عرض 2.5 الموجود بسهولة .. ممكن نعرض الأقواس شوي ونعطيها فخامة بدون التأثير على المساحة الداخلية كثير .. ممكن كذلك نسوي فتحات تجميلية سواء مسكرة بزجاج معشق وانارة مخفية أو فيها نباتات ظل حتى لو سويناها مرتفعة تعطينا احساس بانفتاح الفضاء كله بين الصالة والممر

الصالة عندنا جلستين جانبيتين وعندنا جلسة ثالثة أشوف لو نلغيها ونحط نافورة بتكون مقابلة المدخل وقريبة من غرفة الطعام ومدام اعتمدنا الفضاء المفتوح نخلي الجدار بين غرفة الطعام والصالة مفتوح أكثر أو بالكامل وبتكون مطلة على النافورة والزراعة حولها بنباتات ظل .. الملجلس نصغر فتحاته ونسويها أقواس عريضة 40 سم حلوة وفخمة ونقدر نسوي رواشن في باقي الجدار أو فتحات كاملة ديكورية بين المجلس والصالة وبين المجلس وغرفة الطعام وكذلك للجدار الفاصل بين الممر والصالة صوب الدرج

انا اوردي طلبت من المهندس يزيد في عرض المطعم والمجلس من الصالة للتوسعة. اللوبي بيكبر والمطبخ الداخلي يطل على جلسة يومية اللي هي الغرفة اللي على يسار الدرج . وهذي الصالة بتطل على الحديقة الخلفية .

الصالة اللي مقابلة للمجلس حابه اخليها جلسه مطله على حديقة ( احتمال نفتح ارضنا على ارض ابو زوجي وهو مش محتاجها ) بتعطي وسع . وعندي تصميم داخلي حابه اطبقه عليها . النافورة حلوه فكرتها ، وانا كنت فكرة في الاقواس بعد . وفكرة اسكر فتحة المطعم اللي على الصالة عشان اعطي المكان خصوصية بس مترددة للحين

[سعود.]

ما شاء الله عسى ربي يتمم لكم على خير

1. مدخل الغرفه الماستر نقدر نلغيه ويدخل مع الصاله او يدخل مع الغرفه .
2. نقدر نلغي المغاسل في حمام الماستر او نكتفي بمغسله واحده .
3. لو ناخذ متر من الدرس روم ويدخل بالحمام يكبر شوي .
4. الصاله العلويه لو نكتفي بعتبة واحده 12 سم تكون مريحه جدا .

والامر راجع لكم ،،،،

[أم صالح2017]

نجي للدور الأول .. طبعاً نعتبر نفسنا اتفقنا على وضع المصعد وسط الدرج وتوسعة الغرفة اليمين تحت وفوق مع تقليل عرض الغرف والحمامات لإستيعاب المصعد .. يحتاج تعديلات داخلية كثيرة وخصوصاً الدرج الحلزوني لصالة جلوس كبيرة في البنتهاوس مب داخل تفكيري .. جلسات كثيرة وعائلة مهما تكون كبيرة حلاتها تجتمع ما تتفرق والغرفة فيها تلفزيون ولو نبي نفصل مدخلها نخليه مكتب ممكن أو نخليه صالة تلفزيون صغيرة ولو نفتحها ونضمها على الغرفة بتكون أفضل .. حتى الزوايا المكسورة في المجلس وفي غرفة الملابس فوق مخربة توزيع الأثاث والكبتات .. نقدر نخلي غرفة الملابس ووك ان كلوزت ونسوي تسريحة داخل وممر يودي للحمام وتنفتح عليه غرفة الملابس بباب ممكن نقفله برقم سري أو بصمة وتكون غرفة محمية محد يقدر يدخلها الا الزوج والزوجة لحماية أغراضهم

حل ثاني نخلي الجدار الفاصل مكان الدرج الحلزوني ونلغي الدرج وفكرته ونسوي فتحة بمقاس الباب للغرفة ونخلي هذي الغرفة كبتات اضافية لأن الحاجة للكبتات متزايدة مع مرور الوقت وحتى تكون للثياب اللي تجيبهم الخدامة بعد الغسيل وتصفهم صف مؤقت بعدين ممكن ينشالون للخزانة اللي قرب الحمام

https://i.imgur.com/1KhE76T.png


الاستشاري قال لي افضل نحطه مكان غرفة الملابس وقلت له بفكر فيها ، الدرج الحلزوني اذا فيه مشاكل ممكن اخليه شي ابسط مثلا دائري .

بالنسبة للغرفة الماستر والدرج الحلزوني هي الفكرة ان تكون صالة منفصلة للراحة والخصوصية وفيها مكتب والقراءة . وهذي بو العيال مصر عليها ومايبي يغيرها ههه

معاك في عرفة الملابس تكون ووك ان .

[معماري قطري]

ما شاء الله عسى ربي يتمم لكم على خير

1. مدخل الغرفه الماستر نقدر نلغيه ويدخل مع الصاله او يدخل مع الغرفه .
2. نقدر نلغي المغاسل في حمام الماستر او نكتفي بمغسله واحده .
3. لو ناخذ متر من الدرس روم ويدخل بالحمام يكبر شوي .
4. الصاله العلويه لو نكتفي بعتبة واحده 12 سم تكون مريحه جدا .

والامر راجع لكم ،،،،

الحمام الرئيسي مساحته مناسبة لآخر حد والمغاسل ضرورين .. مغسلتين أفضل للرئيسي له ولها وكل مغسلة جدامها مراية وراها منطقة تخزين لعدة الشخص .. أو رف للتخزين أو سطح حولها يحط أدواته وحلاتها الكهربة موجودة للحلاقة وللسشوار بعد رايك بالفصل بعتبة زين بس لليهال ولكبار السن مشكلة الا لو بنسويها من السجاد يعني ملبسة

[أم صالح2017]

البنتهاوس نقدر نسويه شقة كاملة حتى من 3 غرف بحماماتها مع بانتري صغير أو مطبخ كامل لو حبينا للمستقبل لأحد العيال ونقدر نطابق الإنشائي على الدور اللي تحته بشرط الارتداد من الواجهة 3 متر وهو متوفر عندنا بسهولة

https://i.imgur.com/wdNVgUT.png




هذي الفكرة طال عمرك يكون شقة مستقلة حق صالح الله يحفظه ومكانه موجود . انا مفكرة اطابق الغرفتين اللي بينهم الدرج والغرفة الثالث اخليها غرفة خاليه وعامله حساب المستقبل لان عندي بنات الله يحفظهم وكل وحده عندها هوايتها ومفكرة اخلي جزءم من البيسمنت مرسم لها

[سعود.]

مساحته
2.4x 2.8 تقريبا
بدون جاكوزي ممكن يضبط شوف الحمام الي فوقه مباشره

[أم صالح2017]

لو انا مكان المالك طبعاً باغير التصميم بالكامل وباصغر المساحات وما بسوي بيسمنت وباستغل البنتهاوس صح .. باوازن وبحاول أوفر

بالنسبة للحديقة النازلة لازم نحول تصريف مطر السطح بعيد عنها والطريقة سهلة ما نعمل مخارج جهتها وتصريف سطح الملحق ممكن يتحول ببايب للحوش الخلفي جهة الزراعة


هههه صدمتني اخوي معماري ان بتغيره بالكامل. انا اشوف البيسمنت وايد عملي خاصة اذا صالة كبيرة حق جمعة العايلة والعزايم .
انا ابي استفيد من الخبرات و التامد من كفاية المساحات وان مافي مساحات ضايعه و شلون اقدر اسويoptimization اكثر
كنت طالبة من للمهندس يقلل قالي الفيلا بهالمساحات مرتاحة اذا صغرنا بيصير ضيق شوي وانا حاليا اعاني من الضيق
والبسمنت اخوي ان مابينته راح عليك

[أم صالح2017]

ما شاء الله عسى ربي يتمم لكم على خير

1. مدخل الغرفه الماستر نقدر نلغيه ويدخل مع الصاله او يدخل مع الغرفه .
2. نقدر نلغي المغاسل في حمام الماستر او نكتفي بمغسله واحده .
3. لو ناخذ متر من الدرس روم ويدخل بالحمام يكبر شوي .
4. الصاله العلويه لو نكتفي بعتبة واحده 12 سم تكون مريحه جدا .

والامر راجع لكم ،،،،

تسلم اخوي سعود ..

المدخل فكرته يكون مثل نظام الفنادق تدخل رسبشن يمينك بانتري خاص بالغرفة ويسارك درج يطلعك على الصالة

كنت مفكرة ازيد في عرض الحمام طلبت من المهندس يرجع يراجعه واشوف معاه

[أم صالح2017]

الحمام بالكامل عزكم الله 5 وشوي في 2.30 مفكرة نزيد 70 سم عشان يصير في 3

[أم صالح2017]

اخوي معماري طلبت من المهندس اخر التعديلات علي فايل صور واتوكاد .. سالني عندج حد يعدل عليه قلت له زميل عمل .. انا لان اعرف صاحب المكتب وهو جار قديم لبيت جدي و معماري بنفس الوقت ومسكين متوصي فيني.
بس المهندس بليد قالي سووا التعديلات وطرشيها لي . ومابيه بعد يخربط علي ويقول مايصير ولا ولا صعبة ياريت لو توضح لي فكرة المستويين والملحق بدورين شلون ممكن يطلع و كيف بتكون طلت الحديقة وناخذ بالاعتبار ان ابي الصالة تكون كاشفة الحديقة وبتكون هذي الصالة كلها واجهه زجاج عشان نقدر نشوف اليهال

[معماري قطري]

اخوي معماري طلبت من المهندس اخر التعديلات علي فايل صور واتوكاد .. سالني عندج حد يعدل عليه قلت له زميل عمل .. انا لان اعرف صاحب المكتب وهو جار قديم لبيت جدي و معماري بنفس الوقت ومسكين متوصي فيني.
بس المهندس بليد قالي سووا التعديلات وطرشيها لي . ومابيه بعد يخربط علي ويقول مايصير ولا ولا صعبة ياريت لو توضح لي فكرة المستويين والملحق بدورين شلون ممكن يطلع و كيف بتكون طلت الحديقة وناخذ بالاعتبار ان ابي الصالة تكون كاشفة الحديقة وبتكون هذي الصالة كلها واجهه زجاج عشان نقدر نشوف اليهال

هشكل ما اقدر اوضح كل شيء ولا اقدر احط رايي بطريقة هندسية واضحة

المساحات ممكن تتصغر بكل سهولة ولا يضيع شيء .. بالعكس ألحين فيه مساحات ضايعة وايد وبدون فايدة جزء من المساحات الضايعة نيتج توسعين الحمام لثلاثة متر 2.3 واسع كفاية والجكوزي عرضه متر في الغالب الا لو تبين جكوزي لشخصين الوضع يختلف وحسب المقاس .. ممكن نحط الجكوزي في الأخير وقبله الشاور وباب قبل الشاور قزاز وفي نفس المساحة الموجودة حالياً غرفة الملابس نصيحة خليها نفس العرض بس عدلي الزوايا سيدة وعدلي زوايا المجلس معاها ونفس الوقت سوي تسريحة مثل ما ذكرت وممر يرتب المنطقة تسريحة والحمام وغرفة الملابس وبعدين غرفة النوم

[معماري قطري]

هههه صدمتني اخوي معماري ان بتغيره بالكامل. انا اشوف البيسمنت وايد عملي خاصة اذا صالة كبيرة حق جمعة العايلة والعزايم .
انا ابي استفيد من الخبرات و التامد من كفاية المساحات وان مافي مساحات ضايعه و شلون اقدر اسويoptimization اكثر
كنت طالبة من للمهندس يقلل قالي الفيلا بهالمساحات مرتاحة اذا صغرنا بيصير ضيق شوي وانا حاليا اعاني من الضيق
والبسمنت اخوي ان مابينته راح عليك

السبب يا اختي إن تصميم الزاوية دارج وإنه ما يناسب ارضكم وبعدين التكلفة بتكون عالية وايد مساحات كبيرة .. وتحمليني بس لو الارض اليمنى ممكن تفتحون عليها الوضع بيكون غير

[أم صالح2017]

ان شالله اخوي بو عبدالله اجيب لك الفايل وتقدر تحط رايك بكل سهوله .

اختياري للتصميم الزاوية مابغي وجه البيت يروح بسبب وجود المجلس وخاصة ان عرض الارض ظ¢ظ§ متر.

الاحتمالية كبيرة بس القرار حق ابونا العود لان يبي يعدل بين العيال .

الكسرات حطها المهندس عشان يكون شكل جمالي ، وانا قلت له مابغي واجهات ميته . هذي هي الكسرة الوحيدة في البيت و اتوقع ممكن نضبطها .

سؤال عن العمق المناسب حق البيسمنت مع وجود اسقاط مثل ماتفظلت كم يكون ؟ العمق اقصد

[معماري قطري]

ان شالله اخوي بو عبدالله اجيب لك الفايل وتقدر تحط رايك بكل سهوله .

اختياري للتصميم الزاوية مابغي وجه البيت يروح بسبب وجود المجلس وخاصة ان عرض الارض ظ¢ظ§ متر.

الاحتمالية كبيرة بس القرار حق ابونا العود لان يبي يعدل بين العيال .

الكسرات حطها المهندس عشان يكون شكل جمالي ، وانا قلت له مابغي واجهات ميته . هذي هي الكسرة الوحيدة في البيت و اتوقع ممكن نضبطها .

سؤال عن العمق المناسب حق البيسمنت مع وجود اسقاط مثل ماتفظلت كم يكون ؟ العمق اقصد

في يدج تتحكمين فيه ولازم يكون واحد حق البيت والملحق .. طبعاً الحوش النازل يكون عتبة أنزل من أرضية البيسمنت .. لو حابة إرتفاع الدور تحت الأرض يكون صافي 3 متر بتنزلين حفر لين هذا العمق وبتأسسين بيرتفع شوي للأساسات وبيكون عندنا ارتفاع أرضية الدور الأرضي حول 40 سم أو خلي نقول ثلاث عتبات كل عتبة 12 سم بيعطينا 36 + أرضية الحوش من جدام مرتفعة وبسلوب جهة الباب حول 30 سم كمعدل يعني بنضمن ارتفاع صافي فوق 3 بشوي لكن لو نبي نزيد الإرتفاع بنضطر نحفر أكثر

انا افضل للبيسمنت ارتفاع اقتصادي 2.8 على الكثير ولو حفرنا أكثر نسوي تمديدات للصرف لأي مياه جوفية تحت ونغطيها بكنكري ونأسس فوق الكنكري .. أي مياه تطلع ما ترتفع في الكنكري وتتجه بالجاذبية لبايب الصرف اللي يوجهها لمنهول فيه مضخة رفع للمياه تشتغل تماتيك لو ارتفعت المياه عن حد معين وتصرفها لبايب صرف يطلعها برا البيت .. نفس الشيء هذا المنهول نشبكه ببايب يصرف مياه المطر السطحية لو نزلت على الحوش المفتوح والعملية ما تكلف شيء لو سويناها من التأسيس وتشيل ضغط المياه لأعلى وعلى جوانب جدران البيسمنت

[معماري قطري]

ان شالله اخوي بو عبدالله اجيب لك الفايل وتقدر تحط رايك بكل سهوله .

اختياري للتصميم الزاوية مابغي وجه البيت يروح بسبب وجود المجلس وخاصة ان عرض الارض ظ¢ظ§ متر.

الاحتمالية كبيرة بس القرار حق ابونا العود لان يبي يعدل بين العيال .

الكسرات حطها المهندس عشان يكون شكل جمالي ، وانا قلت له مابغي واجهات ميته . هذي هي الكسرة الوحيدة في البيت و اتوقع ممكن نضبطها .

سؤال عن العمق المناسب حق البيسمنت مع وجود اسقاط مثل ماتفظلت كم يكون ؟ العمق اقصد

بخصوص الزاوية والكسرة هذي شالأهم تبين من الخارج والا تبين سيدة .. كلها نفس الشيء الأهم من الداخل تكون عندنا مساحة سهل نتعامل معاها بالتأثيث ونستفيد منها .. مثال هذي الزوايا توجد طرق كثيرة لتجميلها مثل نسويها حجر ممكن أو حجر جزئي بس للزاويتين أو حفر في البلاستر ونميزها ككتلة بلون ثاني .. بعدين بالنسبة لي عارف شغل ربعنا ما يسوون زاوية هشكل الا يملونها أعمدة وخرسانات وتعال يالقطري ادفع .. لو مقتنع انها بتضيف جمال انا كان قلت كلام المهندس واختياره صحيح .. Form Follows Function .. قولي له هالجملة بس