تسجيل الدخول

مشاهدة النسخة كاملة : مراجعة التصاميم المعمارية وابداء الملاحظات عليها (محدث)


الصفحات : 1 2 3 [4] 5 6 7 8 9 10 11 12 13 14
معماري قطري
14-02-2017, 04:45 PM
استكمالاً للصورة السابقة حطيت بعض التفاصيل المبدئية للشلال والجدول خلف البيت والمار في التجويف المفتوح .. قسمت الصورة نصين حتى توضح وباكبر المناطق منطقة منطقة

من اليمين بيكون مثبت على سور البيت الشلال وأكيد بيكون شكله غير بس لتوضيح الفكرة .. أفكر حتى اخليه بدون حجر وبدون تشكيلة حجر اخليه سيدة بنيان ناعم وفوق قطعة زجاج تنزل الماء بخط مستقيم وخفيف .. وهذي صورة مقربة أكثر للجزء الخلفي وحافة الدريشة الكبيرة تحت يسار والجدول ينزل متدرج على ثلاث مستويات وبيكون مرتفع عن الأرض الطبيعية وفيه قزاز ثابت من الجوانب بإرتفاع بسيط يخلي الماء يجري في خط مستقيم ويبين من كل الجهات حتى من الجنب مرتفع .. مع إضاءَة تجميلية داخل مجرى الماء وفي مكان الشلال

واضح لنا جهة دريشة أو بلكونة المطبخ الواسعة واللي فيها باب ينفتح للجلسة الخارجية .. والباب اليسار يودي على الدرج والمصعد .. جزء البلكونة الصغيرة البارز فوق كذلك يطل على هذا التجويف ومجرى الماء والحديقة تحت .. شلت بعض الزراعة حتى ما تستوي زحمة خطوط .. يعني اللي يركز فوق يحصل الصالة بارزة أكثر لداخل التجويف وأكبر من الصالة التحتية

http://i.imgur.com/GYa6sRn.png

وهذي عندنا الصورة أكبر شوي حتى توضح علاقة المناطق المطلة على هذا التجويف

http://i.imgur.com/BJPpz83.png
معماري قطري
14-02-2017, 05:10 PM
هنا ركزت على حيز الصالة السفلية واللي تعتبر ممر مع جلسة نازلة حتى ما تغطي منظر الحديقة الخارجية .. الجلسة بتكون دائرية كما هو موضح في الفلور بلان وهنا تبين مستطيلة أو مربعة والشكلين ممكنين لكن الدائرية أفضل بكثير انما رسمها هنا شوي بياخذ وقت

http://i.imgur.com/ICsCetz.png

وهنا الجزء الأمامي من البيت وتوضيح للشلال المرتفع وهذا بيجي على شكل قوس ملبس بحجر ينزل عليه الماء .. سمك القوس 40 سم ونقدر نسوي فيه تجويفات وانا مفكر اسوي فيه كتابة بالخط العربي وداخلها انارة ( الله يجعل هذا المطر مطر مطر رحمة ويغيثنا به ) ... يعني تبين الكتابة منورة ويمر عليها الماء ويترشش مع الحجر

بعد نسيت اوضح مكان النافورة في وسط الدوار وهي واضحة في التوزيع الأرضي

الدوار مثل ما هو واضح بيكون كله مستوى واحد مع ميلان بسيط جداً ناحية الوسط .. في الوسط تحت النافورة بيكون فيه خزان تصريف تحت الأرض مع مضخة ستاند باي لو ارتفع مستوى الماء تشتغل وتصرف للخارج .. مكينة الشلال والفلتر موضحين ورا الحائط المقوس والوصول لهم سهل

http://i.imgur.com/ZoDJAIr.png
Abu-hmood
14-02-2017, 11:07 PM
اسمحلي اخوي معماري احط بعض التصاميم للفائده


Sent from my iPhone using Tapatalk
Abu-hmood
14-02-2017, 11:10 PM
https://uploads.tapatalk-cdn.com/20170214/0ae910fe2a06f724937f46665ee2b41a.jpg

https://uploads.tapatalk-cdn.com/20170214/f650b9f170a229b42d55a229773724b5.jpg

https://uploads.tapatalk-cdn.com/20170214/9b977bf1fbfd15d5b6d03bb0e95f3323.jpg

https://uploads.tapatalk-cdn.com/20170214/6c196b52a508f211baf8cae88d3220b6.jpg

https://uploads.tapatalk-cdn.com/20170214/bf10e09f3eff0980b7021e138d4ecbea.jpg

https://uploads.tapatalk-cdn.com/20170214/f0f7a5c4d4dff78f6dec6f051a427940.jpg

https://uploads.tapatalk-cdn.com/20170214/274acce62016914bb6e6e6f31638b6e0.jpg

https://uploads.tapatalk-cdn.com/20170214/b6fd0f5cf46c8b1dac67cad810137e13.jpg

https://uploads.tapatalk-cdn.com/20170214/4fd160cb64e10e6d77752dfca9338175.jpg

https://uploads.tapatalk-cdn.com/20170214/5d2c25127fcf80f2c3b96988931793d0.jpg

https://uploads.tapatalk-cdn.com/20170214/00da0dbbc07b676832d8e0837d209dd9.jpg


Sent from my iPhone using Tapatalk
Abu-hmood
14-02-2017, 11:14 PM
يا اخوان اذا تشوفون الصور كبيره ومزعجه قولو لي عشان اعدلها لانه مايبين عندي
معماري قطري
14-02-2017, 11:50 PM
حيز المكتب مقسوم قسمين أول ما ندخل جهة اليمين الباب قزاز بجوانب قزاز بعرض إجمالي 3 متر وبعدين نمر في ممر بعرض 3.4 متر فيه كبتات على الجنبين للكتب والكتلوجات والعينات ومفكر اخلي صوب كبت وصوب لوحة كبيرة ممكن ألصق عليها صور ورسومات واخلي الباب في الطرف ويستوي عندي جزء مرسم حر للرسم اليديوي أو اسوي اللوحة 3 دي واضيف عليها تلوين وظلال بالرسم اليدوي

المكتب هو أهم غرفة أو حيز معماري بالنسبة لي وبيكون قريب من مكتبي الحالي .. الحيز الثاني فكرت اخليه نازل شوي حتى يكون الإرتفاع مناسب لأني في حائط الأول ناوي أحط زجاج معشق بألوان خفيفة والباقي أكثره شفاف لدخول النور الطبيعي من فوق .. إحتمال اسويه طبقتين .. طبقة خارجية يو بي في سي مقاوم لعوامل الجو والصوت ومحكم الإغلاق والجزء الداخلي فريملس لوحة فنية مع مساحات كبيرة زجاج شفاف للضوء الطبيعي

http://i.imgur.com/RvWoqyZ.png

الدريشة ورا المكتب ووحدة جدام ووحدة على جنب تطل على القوس اللي جنب الدوار والحوش ككل .. طبعاً زوايا الجي ار سي بتكون خارجية والدريشة تنفتح من أعلى ومن جنب داخلياً

تفصيل مهم حاب أذكره هو الزاوية اليسرى فوق المدرجة وهي تبين من الجهتين بتكون ممدودة من فوق 25 سم ومن تحت بس 20 سم حتى تبين مسننة والقطاع الطولي يمر في الكسرات اللي بتكون في وسط أعلى سور السقف بتكون 5 سم من تحت و 10 سم من فوق

تفصيل آخر أهم هو إن الحائط الخارجي للبيت كله 40 سم والجسور على نص الحائط ونص الحائط الثاني مثبت ميكانيكال ولصق بين الجزء الداخلي والخارجي .. الداخلي بيكون طابوق عادي والخارجي سيبوريكس، واحتمال احط عازل فوم في الوسط فاكتفي بالسيبوريكس 15 سم لو كان عزل السيبوريكس ضعيف مع إني عارف إنه قوي ويكفي ويزيد عن المطلوب

الإحتمال الثاني اني اسوي الداخلي والخارجي سيبوريكس وقطعة وحدة بسمك 40 سم أو 30 وباشوف الحلول الإنشائية كيف ولازم اسوي دراسة مستفيضة مع التصميم

وهذي صورة مقربة للتفاصيل ذي

http://i.imgur.com/KehldNQ.png

نلاحظ الجسر يوقف في نص الحائط حتى يتم عزله من الخارج بالسيبوريكس وتبقى عندنا فقط زاوية العمود خط دقيق غير معزولة وهذي بسهولة ممكن عزلها بكسرة بسيطة من السيبوريكس داخلياً

الجسر يرتفع لفوق ووضحت المثلث اللي ينحني عليه عازل المياه انحناء بسيط وكذلك رأس الجسر الخرساني مشكل مثلث يواصل عليه غشاء العزل لين يوصل لشق جانبي يتثبت فيه ويغطي أي فجوة بسيطة بين الحائطين تسبب ثغرة لنفاذ المياه .. هدف ثاني هو حماية سور السقف بواسطة الجسر الخرساني من أي شلوخ نتيجة ضغط الخرسانة والعازل .. ولو أي شيء في كلامي غير مفهوم يرجى السؤال للتوضيح لأن هذي النقاط مهمة للي يبني وتجنبه الكثير من المشاكل
معماري قطري
14-02-2017, 11:53 PM
نسيت اذكر بأن الارتفاع الصافي للمكتب للجزء الخارجي 2.7 متر وللداخلي المرتفع صافي لحد خط الجبس 3.9 لكن تفكيري لهذا الحيز أن يكون تكييفه سبلت عادي
معماري قطري
15-02-2017, 12:00 AM
تفصيل آخر والمفروض اسجله واتذكره لكل النوافذ وهو عبارة عن جزء بسيط ينعمل نازل سواء بالبلاستر أو بزاوية الحديد حتى ما يسيل ماء المطر على واجهة البيت ويوصل لسقف فتحة الدريشة ويسيل للداخل فهو يوصل لحد نازل ويتساقط بفعل الجاذبية .. كذلك نسوي أرضية فتحة النافذة مايلة قليلاً حتى تصرف مياه المطر للخارج

http://i.imgur.com/yiiUesB.png

طبعاً حتى نتذكرها نحطها في الرسم
معماري قطري
15-02-2017, 11:26 AM
يا اخوان اذا تشوفون الصور كبيره ومزعجه قولو لي عشان اعدلها لانه مايبين عندي

سامحني يا طويل العمر ما انتبهت لمشاركتك البارحة

ما شاء الله تصميم حلو ومتكامل وفيه اختلاف بسيط عن الموجود في هذا الموضوع .. والملاحظات عندي بسيطة مبدئياً وأكيد لو راجعته بتمعن بتطلع أكثر

التصميم الأول قريب من التصميم اللي قال صاحبه وعاتبني على استخدامه بأنه حصري وكلها أفكاره

ملاحظاتي على الإرتفاع لمدخل الصالة وايد كبير وعدد عتبات كثير والحديقة النازلة تنفع أكثر للبيسمنت خصوصاً لو عندنا حوض سباحة حتى ينفتح على الحديقة وننزل الدور الأرضي لإرتفاع 30 أو 45 سم على الكثير عتبتين أو ثلاث عتبات 15 سم أو ننزل ارتفاع العتبات لإرتفاع مريح جداً 10 أو 12 سم

الحمامات كلها تقريباً تحتاج توزيع أدق لأن المقاول بعدين بيمشي على الخرائط وفيها مساحات ضائعة وكذلك وضعية المغسلة تلف لها نص لفة ووراك يكون الكرسي غلط ووضع مزعج .. كان يقدر يخليها جنب الكرسي وتستوي ربع لفة ووراك فراغ كبير
معماري قطري
15-02-2017, 12:06 PM
مثلاً هذا التصميم .. غرفة طعام ورا غرفة طعام المجلس ومدخلها من خلال المجلس وغرفة الطعام والمطبخ دورته ما حصلته ويفترض في الزاوية

لو انا مكان صاحب التصميم باسوي تعديلات كثيرة وباخلي الدرج الدائري صالة وبكتفي بالدرج مع المصعد .. أصلاً قرب بعض والبيت صغير ما يبي له درجين جنب بعض لو درج خدمات ممكن يكون شبه خارجي بس بعد بيخرب التصميم .. باسوي منفذ من الصالة على غرفة الطعام الخلفية وباخليها مدمجة مطبخ وجزئياً غرفة طعام .. بامدها شوي وباسوي سقفها المدود بحدود متر زجاج مايل منور تابع للمطبخ .. ما ادري شإستخدام صاحب البيت ممكن يسوي المطبخ داخل وغرفة الطعام مطلة على الحوض وممكن يسويها بطريقة المطاعم طاولة زاوية وكرسي طويل مريح مع كم كرسي مفردين ولا تحتاج عمق كبير بحدود مترين والباقي ممكن للمطبخ

http://i.imgur.com/ANJdCfh.jpg

أشياء كثيرة لازم ترتبط بالباقي والأدوار الثانية بس أهم شيء نكون عزلنا المجلس عن الباقي .. ولو نحب نسوي غرفة طعام وسط المجلس والمطبخ واستخدامها مزدوج ضيوف وأفراد العائلة بعد ممكن وبتوفر لنا مساحة
الهديل
16-02-2017, 04:25 PM
جزاكم الله خير الجزاء
والله يجعله في ميزان حسناتكم
بس اذا تحطون مساحة الارض والواجهة علشان نقدر نختار التخطيط المناسب
معماري قطري
17-02-2017, 12:13 AM
جزاكم الله خير الجزاء
والله يجعله في ميزان حسناتكم
بس اذا تحطون مساحة الارض والواجهة علشان نقدر نختار التخطيط المناسب

والله يجزيك بما دعيت

غالبية الأراضي 30 في 40 وحولها وملاحظتك مهمة إن شاء الله باحط المساحة وبعضها اذكرها كتابة

الموضوع يتعلق أكثر بمراجعة التصاميم اللي بديتوا بها .. ولو تلاحظ انا اوازن بين التوزيع الداخلي وتوزيع الحوش وارتب الفراغات .. بعضها اخليها حق تخزين ومغلقة وبعضها مفتوحة شرحة أكثر لجلسة وفعاليات يومية معتادة .. لو حصلت حد مسوي بيسمنت ورافع أرضية الدور الأرضي انصحه يسوي حوش نازل مع البيسمنت وينزل ارتفاع الدرج المزعج والمرهق يومياً خصوصاً لكبار السن

وانا من بديت من 2012 كنت اراجع تصاميم بعض الشباب خاص وبدون موضوع ألحين الموضوع تفاعلي ومراجعته تكون أفضل

وحتى لو فكرة تصميم عاجبتك من برا اقدر اسويها بس أفضل لي بكثير تكون مراجعة وتحليل على برنامج الرسم
معماري قطري
17-02-2017, 04:29 PM
من أهم المخططات مخطط السقف وتوزيع نقاط تصريف مياه المطر .. هذي البعض ما يهتم بتفاصيلها ويعتبرها تحصيل حاصل قصدي من المهندسين ويتفاجأ المالك في الواقع بأن البايب نازل مغطي على دريشة .. يروح يحرك الدريشة أو يصغرها أو يلغيها .. كذلك بايبات التكييف والصرف الصحي

وأستغرب من بعض الإستشاريين اللي يحطون نقطة نزول المطر في الزاوية وهم يعرفون إن في الزاوية عمود .. مثل الرسومات اللي حطها اخونا حمود فيها هذا الشيء وممكن الرجوع لها

أي مباني فوق السطح لازم توضح بدقة حتى صبيات تركيب وحدات التكييف لو كان سبلت وسهل معرفة عدد الوحدات ومكانها المفترض يكون سيدة فوق موقع المكيف حتى البايب ينزل سيدة قرب المكيف ونقدر نستبدله بسهولة .. لو التكييف معقد شوي وغير معروف ممكن ننتظر لين نخلص تصميم التكييف ونوضح هذي الأماكن بعدين مثل حالة تصميمي هذا

هنا انا سويت خطوط تلتقي عند سور السقف معناها إن جريان الماء لازم يكون في نقطة التقاء هذي الخطوط ومن هنا ينزل لتحت .. ولنفترض تحت نافذة ولا نقدر نتفاداها العملية سهلة نحول اتجاه البايب لو كان مخفي في الحائط وهذي الطريقة المفضلة لدي .. مكشوف جيد ويمشي الحال لكن التخطيط منعوا المكشوف ولازم يغطى بجي ار سي .. بالنسبة لي تشكيلة الجي ار سي خط طولي ما له علاقة بالتصميم ومشوه لجمالية التصميم .. ممكن لو مسوين حائط 20 سم ولا نقدر نخفيه مع إنه ممكن حتى في ال 20 سم .. لحسن الحظ هذا التصميم حوائطه الخارجية 40 سم والجزء الخارجي 20 سم سيبوريكس بيكون مثبت على الخرسانات والطابوق ببراغي خاصة حتى يعطي عزل كامل .. مكان البايب بيكون مقصوص له 10 سم والبايب يمدد قبل تركيب الغشاء الخارجي من الحوائط الخارجية وكذلك بايبات الصرف الصحي والفتحة العشرة سم هذي تغكى بنفس السيبوريكس بوصلة بسمك قريب من ال 10 سم

بايبات المياه افكر في عمل فتحات سقفية لتمريرها من خلال السقف واستبدالها بسهولة وقت تخترب

http://i.imgur.com/VT1YgAR.png

شغال حالياً على الواجهة الخلفية وأي شغل مراجعة يوصلني من الأعضاء مستعد اوقف شغلي وابدأ فيه .. موضوعي يعني ضيف على مواضيعكم والأولية للأعضاء
معماري قطري
17-02-2017, 05:07 PM
وهنا كيف يكون الوضع بعد اضافة غرفة التانكي فوق وعمل تعديل بسيط على الغرفة الرئيسية .. إحتمال يتم رفض فتح نافذة جهة الجار فوق وبنشوف شيصير مع التخطيط لأن الجار ولدي

http://i.imgur.com/0GO1ZLf.png
معماري قطري
17-02-2017, 05:34 PM
الجهة الخلفية للبيت هي الشمالية وفيها التجويف المتواصل لفوق والحديقة المطلة عليها الغرف

هنا تتضح فكرة مجرى المياه بعد الشلال بطريقة متدرجة وبجوانب قزاز حتى يبين الماء من الجنب للجالس .. الشلال يقولون مزعج بس بيكون بسيط وبمكينة صوتها ضعيف

http://i.imgur.com/BkDmyAV.png
معماري قطري
17-02-2017, 05:50 PM
الحديقة الخلفية موضحة أكبر وهنا يبين كيف الغرفة اليمنى فوق ممتدة ومظللة الجلسة تحت جدام المطبخ وكيف النباتات بتكون موزعة حول الجدول .. كذلك الصالة فوق والبلكونة ممتدة فوق جزء من الحديقة

http://i.imgur.com/1kx8G7i.png
معماري قطري
17-02-2017, 05:52 PM
الدرابزين فوق بيكون ألمنيوم بسيط ومثبت من الجنب حتى يعطي أكبر اتساع للبلكونة اللي وصل عرضها الصافي الى متر و 4 سم
معماري قطري
19-02-2017, 03:09 PM
أحد الإخوان الأعضاء أرسل مخطط أرضه وطالب تصميم مناسب لها

أرضه 1000 متر وأبعادها مكتوبة في المخطط وشفت أنسب نموذج لها هذا اللي راجعناه قبل وممكن نغير فيه حسب الحدود المسموحة

مساحة الدور 260 على ما اذكر وممكن نسوي في التصميم 10 غرف لو بنسوي بيسمنت وبنتهاوس حسب الإحتياج .. الوضعية هذي الوحيدة اللي تنفع لأني حاولت اخليه في الاتجاه الثاني لكن قصر ضلع الأرض كان عائق ويخرب الارتداد المسموح

هذا مبدئي وممكن نعدل عليه أكثر

http://i.imgur.com/RpkY2Cg.png
سعود.
19-02-2017, 06:15 PM
مساء الخير

لو تشيل غرفة السايق عن الخدم اشوفها افضل .
وتنحط مع مجالس الرجال .
معماري قطري
19-02-2017, 10:04 PM
مساء الخير

لو تشيل غرفة السايق عن الخدم اشوفها افضل .
وتنحط مع مجالس الرجال .

مساء الأنوار اخوي سعود ومبروك عليك رجوع البرد مرة ثانية

كنت اتمنى وضعية البيت غير بالكامل بس المساحة وتفصيل الأرض مقيدني .. كان ودي احط غرف الطعام والصالة جهة الحوش المفتوح حتى تكون الرؤية من هذي الغرف أحلى .. هذا يعتبر حل وباسوي حل ثاني حسب ملاحظتك .. بهذا الحل بعد حصرنا منطقة السواق قرب مواقف السيارات وممكن نسكر بباب فاصل صوب الملحق .. وما ارتحت لوجود الصالة الرئيسية تطل على طبيلة السيارات

حاولت فر البيت 90 درجة بحيث يكون عمودي طلعت المساحة ضيقة ولا بيحصل الارتداد المطلوب
معماري قطري
19-02-2017, 11:01 PM
مثل هذا التوزيع ممكن وممكن نصغر البيت اللي هو أصلاً صغير مساحة الدور 292 تأكدت منها بالضبط بس بتكون مساحة البناء بحدود 800 متر باضافة المجلس والملحق ولو يبي بنتهاوس أو بيسمنت

http://i.imgur.com/AkcVRG2.png
معماري قطري
20-02-2017, 08:22 AM
المساحة للفيلا طلعت 710 أرضي وأول وبنتهاوس وبمجموع 8 غرف وصالتين ومكتب .. ولو يبي المالك حديقة واسعة خلف البيت ويتخلص من الغرفتين اللي في الدور الأرضي ممكن ويكون حتى عنده مكان لحوض سباحة وباسوي التصميم بعد شوي .. وممكن يستوي بيسمنت وحوض السباحة تابع للدور الأرضي
سالم الزهران
20-02-2017, 09:39 AM
منتظرينك بو عبدالله , وفقك الله واعانك

ونسينا المفروض نبدي بصباح الخير :pardon:
معماري قطري
20-02-2017, 11:28 AM
مع الملحق والمجلس تطلع المساحة 870 ولو شلنا الغرفتين تنحسب بعد المساحة وممكن تطلع أكثر بسبب حوض السباحة .. وحوض السباحة لو تركناه مكشوف للهواء والشمس أفضل نحتاج بس تدفئة للماء ومكان لشب الضو وقت الشتاء

ممكن نعدل مكان المجلس حتى يطل على حوض السباحة أو نخلي المغاسل والحمام فاصلين المجلس عن غرفة الطعام ونسويها قزاز تطل على حوض السباحة وممكن نفتح باب للحوض للباربيكيو أو عزيمة بوفيه وجلسة خارجية .. أحسن نسكر الجزء المكشوف بشبك حشرات والحوض بيكون بارتفاع متر و 20 سم فوق الأرض والماء ينزل بشكل شلال قبل ليروح للفلترة

إحتمال التخطيط ما يوافقون نقدر نخلي الحوض مرحلة ثانية ونخلي المكان جلسة خارجية بدون حوض مبدئياً

http://i.imgur.com/2xC5e8M.png
معماري قطري
20-02-2017, 11:30 AM
منتظرينك بو عبدالله , وفقك الله واعانك

ونسينا المفروض نبدي بصباح الخير :pardon:

صباح النور شيخنا سالم

انا اشتغل شوي واتابع السوق ومع لعبة كاندي فالي .. لو تجربها بتدمن عليها
معماري قطري
20-02-2017, 11:36 AM
شرايك مب بيكون شرح أكثر ومريح بدال كله غرف .. ست غرف أعتقد تكفي الا لو محتاج زيادة نسوي بيسمنت وللبيسمنت بنقدر بعد ننزل الحوض ويستوي البيسمنت مفتوح عليه والدور الأرضي ودبل هايت مضاعف لأن ارتفاع الدور في هذا البيت حول 4 ونص متر
سالم الزهران
20-02-2017, 11:52 AM
نعم انا مع التصميم الثاني و بيصير الأرضي مجالس و استقبال مع المنافع

وفي نفس الوقت عطى المسبح روح للبيت و بيكون اهم من اي شيء ثاني شكل و فايدة و نشاط داخل البيت

بس الفلوس تشكي و حنا نبكي ههه
معماري قطري
20-02-2017, 12:51 PM
نعم انا مع التصميم الثاني و بيصير الأرضي مجالس و استقبال مع المنافع

وفي نفس الوقت عطى المسبح روح للبيت و بيكون اهم من اي شيء ثاني شكل و فايدة و نشاط داخل البيت

بس الفلوس تشكي و حنا نبكي ههه

دوم توجد بدائل وممكن حتى تكون جلسة خارجية خاصة كله يعتمد على قدرة الإنسان المالية وحسن تصرفه وفوق كل هذا توفيق الله

دوم لازم ما نبالغ ونحاول نحدد احتياجنا صح وللبيوت الهدوء والسكينة ويكون سهل وعملي أهم من البهرجة الزايدة على الفاضي

الأهم من الخارج هو الداخل والتوزيع وجماليات المواد والكتل مب النقوش الزايدة
معماري قطري
20-02-2017, 01:01 PM
لو تلاحظ تم فتح نافذة من المطبخ على الباربيكيو واستوت عندنا مساحة خلفية قرب حوض السباحة حق ستيم روم مع حمام لو حبينا .. واللي يتابع يلاحظ الأفكار كثيرة وهو القرار عنده ولازم يحسن الإختيار .. بعضهم يسوي شيء بدون تفكير عميق وبدون ما يسأل ويناقش وبعدين يكتشف إنه لو سواه بطريقة ثانية أفضل

الأعمدة تشوفها مزروعة في الحوض أو الحوض مبني بعدها بالأصح والعملية سهلة وتنحمي وتتغطى بمواد عازلة وبلاط .. وتكون دائرية ما تلاحظها .. كذلك البايبات النازلة من الحمام اللي فوق لها حلول كثيرة منها تتثبت في السقف وتوجه صوب أقرب منهول جهة يسار الحوض أو صوب المطبخ
Abu-hmood
20-02-2017, 11:37 PM
لو تكرمتوا نبي رايكم في مخطط مناسب للارض هذي

طبعاً الي بالاحمر هذي ارضي والي بالاخضر ارض اخواني

اولا المجلس راح يكون بين الارضين الي باللون الاخضر يعني ارضي راح تكون بدون مجلس

ثانياً ابي البيت يكون فيه غير الدور الارضي والدور الاول ابي يكون فيه بيسمنت ويكون فيه اساس بنت هاوس لو فكرت في البنيان مستقبلاً

https://uploads.tapatalk-cdn.com/20170220/67c1d4b5be8a120cf0a2dc1c406eed61.jpg


Sent from my iPhone using Tapatalk
Abu-hmood
20-02-2017, 11:42 PM
اتمنى تطرحون ارائكم لتوجيهي للطريق الصحيح

واكون شاكر لكم


Sent from my iPhone using Tapatalk
Abu-hmood
20-02-2017, 11:42 PM
راح احط اليومين هذي التوزيع الي في بالي للبيت


Sent from my iPhone using Tapatalk
معماري قطري
21-02-2017, 12:46 AM
الله يوفقك ويوفق إخوانك يا بو حمود

اتوقع اتجاه الشمال فوق والشرق يمين ولو غلط صحح معلوماتي وزين حطيت مخطط الأرض بمحيطه وتوني اشوفه وبانسخه على الاوتوكاد وباحط البيت عليه حسب اللي سويته قبل
Abu-hmood
21-02-2017, 12:54 AM
الله يوفقك ويوفق إخوانك يا بو حمود

اتوقع اتجاه الشمال فوق والشرق يمين ولو غلط صحح معلوماتي وزين حطيت مخطط الأرض بمحيطه وتوني اشوفه وبانسخه على الاوتوكاد وباحط البيت عليه حسب اللي سويته قبل

الله يجزاك خير

وكلامك صحيح الشمال فوق والشرق يمين ارضي باتجاه بيت اخوي
معماري قطري
21-02-2017, 01:05 AM
هذي صورة بي دي اف تقدر تاخذها وتكبرها شوي وباركز بعدين على الصورة بشكل أكبر

حظك إن إخوانك جنبك وحظي اني حطيت المجلس في موقع قريب من أرض خدمية أما سب ستيشن أو غيره والمقابلتها كذلك .. يعني الوقوف قرب المجلس بيكون سهل لك ولربعك .. ومدخل البيت والاتصال ببيوت اخوانك سهل على شارع واحد .. مدخل السيارات والباب المفتوح أغلب الوقت صاد ومعزول في جهة حتى جارك المقابل المتوقع يسوي باب بيته الجهة الثانية

http://i.imgur.com/xiVxQo7.png

هذا أفضل تصميم يناسب بيتك ووضحته قبل فوق وكنت بإنتظار ملاحظاتك

البيسمنت ممكن والبنتهاوس بس نصيحتي لتسوي البيسمنت الا محتاج له ضروري والبنتهاوس يغني
Abu-hmood
21-02-2017, 01:09 AM
مجلسنا واحد وبيكون بين الارضين الي باللون الاحمر يعني بيتي بدون مجلس

وممكن اعرف ليش ماتفضل اسوي بيسمنت
معماري قطري
21-02-2017, 01:16 AM
بيكلفك وايد وتقدر تسوي 8 غرف بدون بيسمنت انت شوف التصميم عدل

مع الغاء غرفتين في الأرضي وعمل حوض السباحة يستون 6 غرف وصالتين ومجلس .. ولو ما تبغي المجلس بيكون تعديل بيتك غير تقدر لو حاب تسوي حوض السباحة مكان المجلس
معماري قطري
21-02-2017, 01:18 AM
البيسمنت سعره أقل شيء ضعف الى ضعفين الدور العادي ولازم تاخذ احتياطاتك عن الرطوبة تبيه سوه
Abu-hmood
21-02-2017, 01:18 AM
البيسمنت كنت ابي اسوي غرفة العاب في زاوية البيسمنت والضلعين الباقين اسويهم من قزاز عشان اشوفهم من الجلسه الجانبيه

وبنفس الوقت ابي اسوي ستور

والاهم انا مسوي مخطط في برنامج على الايباد للسينما الي ابي اسويها
وكنت ناوي اخليها في البيسمنت وهذا تصميم مبدائي

https://uploads.tapatalk-cdn.com/20170220/ca7e71b09b9675b64774e09318ef339d.jpg

وكان ودي حطيت دورة المياه برا


Sent from my iPhone using Tapatalk
Abu-hmood
21-02-2017, 01:21 AM
بالعكس ودي اسمع رائيك انت والاخوان بخصوص البيسمنت اذا ماتنصحني فيه ممكن اتجنبه

وبخصوص حمام سباحه ماراح اسويه لاني بصراحه اخاف على عيالي من مخاطره لانهم صغار
معماري قطري
21-02-2017, 02:19 AM
خلاص بهذي الحالة بيكون حوشك أوسع وعندك 8 غرف عبارة عن جناح تحت بغرفتين مثل السابق وفوق عندك 4 غرف والبنتهاوس جناح بغرفتين وتقدر تسوي بيسمنت جزئي لو حاب أو تغير استخدام أي غرفة لسينما منزلية .. ممكن اللي فوق حتى ما يزعجك الصوت

المخزن ممكن خارجي مع الملحق

انا تخيلت الوضع اللي تبيه وباسويه بسهولة بكرة إن شاء الله

المهم الحين تشوف سعة المجلس الداخلي كافي والا تبغي تزيد مع إن مجال الزيادة يترتب عليه زيادة العرض أو حلول ثانية .. ممكن تخلي المجلس والصالة متصلين وتحط باب للخصوصية ويكون الإستعمال مزدوج ووقت وجود ضيوف الدخول من الخلف والباب يبقى مسكر
معماري قطري
21-02-2017, 07:45 AM
هذا مناسب اشوفه ونقدر نسوي بيسمنت جزئي أو كلي ويحتاج ترتيب أكيد بعض الكتابة مقلوبة والشجر في الحوش

نقدر نركب باب فاصل بين مكان السائق وباقي الملحق حتى لو بعد اتمام البناء ونغطي السقف بين الملحق والبيت بألمنيوم وقزاز

المساحة على أرضي + أول + بنتهاوس 710 ولو بنسوي بيسمنت نقدر نسويه كامل بمساحة 292 متر اضافية أو جزئي مثل ما نحب .. فتحت المجلس على الصالة واستوى عندنا مجلس نسائي كبير وسهل نستخدمه استخدام مزدوج كصالة وعندنا صالة ثانية فوق وقت تواجد ضيوف وللضيوف واسع ومريح وأفضل من السابق

http://i.imgur.com/EJXGxxW.png
معماري قطري
21-02-2017, 07:47 AM
وأي تصميم ثاني يختاره المالك من استشاري مستعد لمراجعته ولمراجعة جميع تصاميمكم
معماري قطري
21-02-2017, 07:52 AM
لو نحب نقدر نسوي مدخل ثانوي للبيت من جهة المصعد وبيت الدرج وتبقى الصالة / المجلس شبه معزولة بروحها ويبقى مدخل المطبخ غير ويستوي أسهل لنا الدخول على المصعد على طول .. بس لو سوينا بيسمنت ما بنقدر نسوي هالشيء
معماري قطري
21-02-2017, 11:02 PM
الدور الأول حطيته على مخطط الحوش حتى نعرف اطلالة كل غرفة وكيف بيبين عندنا الحوش

http://i.imgur.com/0jKAcmQ.png

السقف بين الملحق والبيت نقدر نسويه قزاز أو بلاستيك يدخل النور ويبعد المطر والغبار.. وممكن ينعمل بعد الرخصة لو فيه تعقيد من التخطيط .. وسقف الطبيلة وضحته وبتكون مثبتة على الطوفة بدون أعمدة وعرضها 6 متر وطولها 11.6 متر كافية لأربع سيارات ورا بعض وممكن على توزيعة الزراعة تدخل سيارة للجهة الثانية من البيت بس لو قدر المالك يفتح باب من الجهة الثانية أفضل
معماري قطري
21-02-2017, 11:51 PM
وهذا البنتهاوس على مخطط الحوش ولو المساحة غير كافية نقدر نسوي بيسمنت بسهولة

والواجهات موجودة في صفحات سابقة شوي تغير في ذي الغاء دريشة ورا وتغيير دريشة .. بالنسبة للدريشة اليمنى تحت في المخطط واللي بتكون في الدور الأول ممكن التخطيط ما يوافقون عليها فنسويها عادية

http://i.imgur.com/nKkbpp4.png
معماري قطري
22-02-2017, 06:27 AM
أصبحنا والملك دوماً للواحد القهار

صباح الخير جميع

هذا البيسمنت نفس السابق يحتوي على مخزن كبير ممكن نقسمه لقسمين سينما منزلية ومخزن لو حبينا وممكن نواصل المنور لجهة اليسار فوق فيكون لنا مخزن باضاءة طبيعية .. نقدر نسوي نزول المنور بسيط فتكون النوافذ مرتفعة للمخزن وللغرفة لا تكون بارتفاع كامل .. وهنا أكرر بدون رفع أرضية الدور الأرضي نهائياً وارتفاعها يكون مريح 4 عتبات بارتفاع 10 سم = 40 سم عن أرضية الحوش أو بارتفاع 12 سم = 48 سم عن أرضية الحوش

الغرفة ممكن يغيرها الواحد لإستخدامه الخاص حتى ممكن تصير مطبخ بس تحتاج تصميم خاص وموافقات .. أفضل نسوي شغلنا بموافقات كاملة من التخطيط لأن هذا لحمايتنا

http://i.imgur.com/8narn9T.png
معماري قطري
22-02-2017, 06:58 AM
نرجع لبعض التوضيحات حق الدور الأرضي واستوى عندنا مدخل لأهل البيت ونقطة اتصال بين المطبخ الداخلي والخارجي .. طبعاً لو بنسوي بيسمنت بيكون الدرج النازل جهة الباب القزاز .. لذلك لازم نغير مكان الباب وباوضحه في المخطط الجاي

واضح مكان دخول السيارة حتى نقدر نسوي طبيلة ورا لعدد جيد من السيارات في المستقبل أو ملحق اضافي وعندنا حوش جيد للعب العيال

المساحة للبنتهاوس 122.3 + الأرضي 292 + الأول حول 300 لو حسبنا بروزات النوافذ + البيسمنت 175 + الملحق 81.2 = 970.5 والمالك مقاوله موجود يقدر يحسب له تقريباً كم التكلفة

كلمني مقاول من أيام في شغله وهو سوبر درجة أُولى وقلت له عن نيتي ابني وانتظر اخلص التصميم .. قال لو تبي بناخذ بنيانك تصميم وبناء وهذا اشوفه جاهز للتصميم والبناء .. الباقي حاجات بسيطة أي مقاول مختص يقدر يسويها .. وهذي طريقة ثانية للبناء ونسويها في بعض المشاريع الحكومية اللي هي التصميم والبناء .. اللي يحتاج لهالنوع من البناء يراسلني باعطيه رقم المقاول بس ما ادري اذا يبني للكل بنفس الطريقة أو لي كعلاقة طيبة وبنى قبل لنا.

http://i.imgur.com/nQC4dIj.png
معماري قطري
22-02-2017, 07:18 AM
هذا الدور الأرضي بعد توضيح درج البيسمنت وين بيكون نازل وتحريك مدخل البيت الثانوي جهة تحت شوي .. الحائط قرب الباب ونزلة الدرج للبيسمنت ممكن نسويه بارتفاع متر يعطي انفتاح على الدرج وشوية سعة

http://i.imgur.com/8Qvcgm1.png

أشوف هذا النموذج ناجح للبيوت المتوسطة وحتى للمجمعات السكنية
معماري قطري
22-02-2017, 07:20 AM
الجزء اليسار مكان منور البيسمنت وسويت الجزء الموسع فوق حق المخزن .. ممكن لو نحتاج نغير غرفة السائق لتحت نسوي درج خاص ونسويها مكان جزء المخزن بس اشوفها هناك أفضل والبيت هذي الجهة حق أهل البيت
معماري قطري
22-02-2017, 09:51 AM
قطاع طولي يوضح البيسمنت تحت والمنور النازل .. هذا لو حبينا نزيد عرضه لين مترين ونزرع فيه تحت نو بروبلم .. حتى لو احتجنا نبني قريب ممكن ويكون هذا ممر بتغطيته بحديد بفتحات للانارة والهواء للجزء التحتي وممكن المشي عليه

ولو اخترنا نعمل ستور يمين نقلل عمق المنور ممكن حتى لين متر وتكون الدرايش علوية

الدور الأرضي يبين توزيع المجلس واللي ممكن يستخدم صالة عائلية تحت ( إستخدام مزدوج )

وفوق تبين الصالة والسكايلايت .. حركة حلوة ممكن نسويها للسكايلايت بما إنه عميق نلصق جدرانه بورق مذهب أو بنقش جبس بخلفية ورق مذهب يعكس النور أكثر للداخل في أغلب الأوقات وبيبين من برا من بعيد بما انه مرتفع

http://i.imgur.com/jA6gqRh.png
معماري قطري
22-02-2017, 09:57 AM
حلاتها الجزء اليسار يكون سينما منزلية بدون نوافذ ومعزولة عدل وبعيدة عن باقي الغرف حق بوب آب ذا فوليوم والجزء اليمين يكون جيم وينفتح على الخارج ونكبر عرض المنور النازل وحتى نقدر نسوي درج خارجي للنزول للبيسمنت من الحوش مباشرة ويعتبر مهرب طواريء .. والغرفة ممكن نغير استخدامها 9 غرف في البيت وايد الا لو الواحد محتاجها فعلياً

باسوي إن شاء الله مقترح وراعي التصميم يسلم عليكم وهو في مكة المكرمة يقول يبي ملاحظات
معماري قطري
22-02-2017, 10:28 AM
هذا تحليل لنور أول الصبح من جهة الشرق ما يدخل ويسطع تحت لكن يضرب في جدران المنور وينورها ولو حطينا أما نقش بكسر مرايا أو ورق مذهب أو فضي بينعكس أقوى شوي وحسب النقش بينعكس متشتت وبيعطي جو حلو

أعتقد الفكرة واضحة

http://i.imgur.com/yGHi6Ru.png
معماري قطري
22-02-2017, 10:30 AM
الدرج بيكون فيه درابزين من هذي الناحية بس ما وضحته وبيكون شبه مفتوح بس مغلق في أماكن كثيرة .. ممكن نسوي جدار فاصل لو حبينا وفيه فتحات زينة ونفتك من سعر الدرابزين
معماري قطري
22-02-2017, 11:16 AM
إذا بنسوي بيسمنت يستحسن نكبره شوي ونسوي مكان ثاني حق الستور .. بيصير عندنا ستور وحمام تابع للصالة وغرفة بحمامها + صالة الرياضة + السينما وبيكون دور ترفيهي بامتياز ونسيت البانتري الصغير تحت الدرج

وسعت البلكونة التحتية ل 2 متر كعرض والطول كثير زين وكافي لأشجار اصيصات متنوعة وسجلت الغرفة تحت جيم أو جيم وباوضح وين مكان الستور اللي بيكون 8 في 7

http://i.imgur.com/iuvv2au.png
معماري قطري
24-02-2017, 02:28 PM
صاحب التصميم تواصل معاي خاص مع إنه التعليق هنا كان بيكون أفضل حتى الكل ياخذ فكرة بخصوص مساحات خاصة بالغرفة الرئيسية .. يبي يسوي جلسة داخلية خاصة به مع إن البيت كله جلسات وكان ديكور وتوزيع الغرفة مدروس صح وحتى موقعها في البيت .. اللي يرجع للصفحة السابقة بيشوف كيف كان التوزيع أفضل .. هو طالب غرفة ملابس 5 في 4 واحنا عندنا كبت طويل بطول الغرفة 7.7 + غرفة ملابس مغلقة بتقاسيم بدون أبواب على الجنبين بطول اجمالي 6 متر .. توجد غرفة المكتب تحت ممكن ندمجها مع الغرفة الرئيسية ونسوي لها ممر عن طريق الحمام بس اشوف وايد كثير

هذا مقترح تخريبي بيكون حق غرفة النوم شرايكم؟

http://i.imgur.com/znQUfXf.png
معماري قطري
24-02-2017, 02:40 PM
الغرفة لها باب يدخل على لوبي فيه في كل جهة باب يعني للخصوصية وللسيطرة على الصوت من الصالة عندنا بابين نقدر نسكرهم والمساحات الثانوية تعطيها سعة أكبر مساحة الغرفة بس 7.7 في 5 والطول مكسور بالدريشتين حول السرير
Abu-hmood
24-02-2017, 03:17 PM
الله يعطيك العافيه اخوي معماري على الي قاعد تسويه

انا كان ودي اعزل غرفة الملابس لانه رايح يكون فيها زاويتين تخص الميك اب

بحكم ان الحكومه الي عندي ميك اب ارتست

ومكياجهم مايخلص ماشاء الله وغير كذا ابي افتك من صوت الاستشوار مايسوا عليك كل ماشتغل تقوم من النوم متصرقع :eek5:

اما بخصوص الجلسه بداخل الغرفه ممكن نصغرها وحتى غرفة النوم ممكن نخليها 6/5

طبعاً اذا كان فيه امكانيه


والجلسه الي مسويها عجبتني بصراحه الي طالعه برا مثل البلكونه
معماري قطري
24-02-2017, 03:34 PM
الله يعطيك العافيه اخوي معماري على الي قاعد تسويه

انا كان ودي اعزل غرفة الملابس لانه رايح يكون فيها زاويتين تخص الميك اب

بحكم ان الحكومه الي عندي ميك اب ارتست

ومكياجهم مايخلص ماشاء الله وغير كذا ابي افتك من صوت الاستشوار مايسوا عليك كل ماشتغل تقوم من النوم متصرقع :eek5:

اما بخصوص الجلسه بداخل الغرفه ممكن نصغرها وحتى غرفة النوم ممكن نخليها 6/5

طبعاً اذا كان فيه امكانيه


والجلسه الي مسويها عجبتني بصراحه الي طالعه برا مثل البلكونه

الله يعافيك ويبقيك

صعبة تتنفذ كلها هنيه .. عندك على الشكل الأخير اللي انا مب مقتنع به وسويته بس للتوضيح الغرفة فعلاً صغرت إلى 5.1 طار عرض غرفة التلفزيون 2.5 + سمك الحائط 10 سم

لو بتفكر في صالات التلفزيون عندك سينما منزلية في البيسمنت وتلفزيون في صالة الدور الأرضي وصالة الدور الأول قريبة

ولو حاب تسريحة وغرفة ملابس معزولة ممكن بسهولة
معماري قطري
24-02-2017, 03:50 PM
مثل هذا الوضع ووضحت الدور كله

التسريحة تكون قرب غرفة الملابس والحمام وبينها وبين الغرفة باب .. عندك تحت غرفة المكتب ممكن تغيرها لغرفة تلفزيون خاصة لو حبيت مع إني افضل الجلوس في الصالة لرؤية العيال والقعدة معاهم

http://i.imgur.com/g4RpVlt.png
معماري قطري
24-02-2017, 03:52 PM
الكبت اللي ورا التسريحة ممكن نصغر شوي الدريشة ونسويه 60 سم الحين 40 سم على أساس يكون رفوف أو أدراج للأحذية والمكياج وممكن نخلي شيء ينقفل للمجوهرات
Abu-hmood
24-02-2017, 04:21 PM
بصراحه انا ما افكر اخلي صاله فوق لاني ابيها للنوم وللدراسه فقط وغير كذا راح اعتمد على تجمع عيالي عندي في صاله وحده وابيهم كلهم في مكان واحد افضل من صالتين ناس فوق وناس تحت ابيهم كلهم حولي
Abu-hmood
24-02-2017, 04:24 PM
بكذا ممكن استغل الصاله بغرفة ملابس واقدر اوسع الغرف الثانيه

وودي اعرف ليش مايقنعك هالتصميم وتفضل التصميم السابق عليه ممكن يتغير رائي
معماري قطري
24-02-2017, 09:27 PM
بصراحه انا ما افكر اخلي صاله فوق لاني ابيها للنوم وللدراسه فقط وغير كذا راح اعتمد على تجمع عيالي عندي في صاله وحده وابيهم كلهم في مكان واحد افضل من صالتين ناس فوق وناس تحت ابيهم كلهم حولي

الصالة الفوقية أهم من التحتية والتحتية مدمجة مع المجلس وتقدر تعتبرها مجلس لو حبيت .. ولازم بتحتاج جلستين خصوصاً لو كبروا العيال اللي يبي يشوف مسلسل واللي يبي يتابع مباراة واللي يبي يجيه مدرس خاص ولو عندك ضيوف تحت شتسوي؟
معماري قطري
24-02-2017, 09:30 PM
بكذا ممكن استغل الصاله بغرفة ملابس واقدر اوسع الغرف الثانيه

وودي اعرف ليش مايقنعك هالتصميم وتفضل التصميم السابق عليه ممكن يتغير رائي

انت تقدر توسع بس توسع فوق وتحت حتى توازن لكن تفتح غرفة على غرفة تحول البيت الى صالات وفي النهاية القرار قرارك .. هذا مقياس صغير لكن يمثل كل شيء بالحجم الحقيقي عندي واتخيل الوضع شبيكون ورايي مجرد رأي لكن مبني على فنيات هندسية
معماري قطري
24-02-2017, 10:14 PM
التصميم السابق كانت الغرفة مفتوحة أكثر ودريشتين جهة الغرب حول السرير .. السرير جاي وسطي ومقابله كبت طويل وفي وسطه مكان التلفزيون .. وتقدر ترجع له وتشوفه وترجع للتعديل عليه وتقارن

ألحين الأهم دامك مستعجل تفكر شاحتياجك الفعلي من الغرف والأدوار .. المساحة صلت 970 ولو ضفت ستور 7 في 8 تحت في البيسمنت وليش انا اقول 7 في 8 لأني محكوم بنظام انشائي ماشي من تحت لفوق وممكن اصغر لكن باكون سويت عمود وجسور ثانية ورا تحمل اللي فوق وسويت شغل ثاني جدام حق أصغر المخزن بس

هذا مقترح المخزن والجيم والسينما المنزلية في البيسمنت ويمكن تحتاج بانتري صغير بيكون تحت الدرج .. وممكن تحب تستقطع مساحة صغيرة حق حمام بتكون في حيز المخزن .. المخزن ممكن يتصغر شوي لوجود صف أعمدة قبل ممكن ننقل الحائط له والحائط هذا مع الجسور والأعمدة بتكون فوقه حوائط وجسور وهذا النظام الإنشائي الصحيح .. أما اسوي حايط يمر وسط غرفة بروحه بيكون بروحه مشكلة انشائية تحتاج حلول ولازم تندفع لها مبالغ وبعضهم يبالغون في هالحلول والمالك يستوي يدفع على الفاضي وكان الحل موجود في التصميم الصحيح

http://i.imgur.com/PHKKZJe.png

لو ما نحتاج للغرفة هنا نقدر نلغيها بالكامل مع خدماتها
معماري قطري
24-02-2017, 11:08 PM
طبعاً نسيت اذكر إن تم توسعة البلكونة النازلة لمترين وممكن نسوي درج حديد نازل لها من الحوش وممكن نفصلها بحائط كالموجود أو لا .. وعلى حسبة المساحة للبيسمنت بهذي الطريقة شاملة كل البناء في البيت بتطلع 1030 متر مربع

وهنا تم تعديل الغرفة الرئيسية وشلت الدريشة الوسطية في الواجهة

http://i.imgur.com/0pEIaGa.png

ولازم اعرف شتبي من كل الأدوار وكل الغرف لو فيه شيء ينلغي قول حتى اقدر اخلص وارسل لك فايل الاوتوكاد تخلصه مع الاستشاري وانت عارف شاللي تبيه ما يطول تصميمك ويستوي صح
سعود.
24-02-2017, 11:15 PM
مبدع كالعادة

كنت متابع بصمت بس حركة التلفزيون في ( الماستر ) من الصوبين خلتنى اشارك
نظرة ومحاكاة للواقع يعجز الكيبورد عن التعبير .
معماري قطري
24-02-2017, 11:40 PM
مبدع كالعادة

كنت متابع بصمت بس حركة التلفزيون في ( الماستر ) من الصوبين خلتنى اشارك
نظرة ومحاكاة للواقع يعجز الكيبورد عن التعبير .

تبي الصج هو ما له داعي لكن زيادة وأحلى يكون قريب بحدود 3 الى 4 متر تعيش في قلب الحدث .. بس قبل كانت الغرفة أحلى بالدريشتين حول السرير وجايين طواليات .. لكن لو مب حاط عازل بيكون قرب الطوفة شوي أحر من داخل وهذا التوزيع إن شاء الله مناسب

بين الصالة والسرير أو حتى أي سرير بابين ومسافة وممكن يحط تنجيد ورا ظهر السرير أو شد يعطي عزل زيادة حتى لو الصوت قوي ما يزعج النايم .. الصالة فوق من أهم الغرف وهي تطل على مدخل البيت وفي زاوية أي حد بيطلع لازم بيمر عليها ولو تنلغي وتبقى بس التحتية البيت بيستوي ما له نكهة
معماري قطري
24-02-2017, 11:41 PM
خفت حد يقول شذا المروحة الأرضية
سعود.
24-02-2017, 11:45 PM
تبي الصج هو ما له داعي لكن زيادة وأحلى يكون قريب بحدود 3 الى 4 متر تعيش في قلب الحدث .. بس قبل كانت الغرفة أحلى بالدريشتين حول السرير وجايين طواليات .. لكن لو مب حاط عازل بيكون قرب الطوفة شوي أحر من داخل وهذا التوزيع إن شاء الله مناسب

بين الصالة والسرير أو حتى أي سرير بابين ومسافة وممكن يحط تنجيد ورا ظهر السرير أو شد يعطي عزل زيادة حتى لو الصوت قوي ما يزعج النايم .. الصالة فوق من أهم الغرف وهي تطل على مدخل البيت وفي زاوية أي حد بيطلع لازم بيمر عليها ولو تنلغي وتبقى بس التحتية البيت بيستوي ما له نكهة

بالعكس حركة ونظره حلوه

وبخصوص الدرايش عندك البلكونة الداخلية بعد حلوه
سعود.
24-02-2017, 11:45 PM
خفت حد يقول شذا المروحة الأرضية

هههههههههههه
Abu-hmood
26-02-2017, 01:44 AM
اخوي معماري اولا الله يعطيك العافية ثانيا كلامك سليم عشان ما اتخربط خلني ابدا من الدور الارضي

1- ابي اطبق هالتصميم في الدور الارضي ولو سألتني ليش لاني ابي مدخل مجلس الحريم الرسمي بغرفة طعام ودورة مياه يكون مفصول عن مدخل البيت عشان الخصوصية وبنفس الوقت يكون هناك صالتين في البيت وحده مفتوحه والثانيه مصكره مع غرفة طعام ومغاسلهم

https://uploads.tapatalk-cdn.com/20170225/5e1a8687b44007a29097537f87e8f81e.jpg

بس مدخل البيت احسه واسع شوي وغير هذا والي هو اهم الدرج واللوبي الي ورا الدرج ماخذ مساحه ولا اقدر استفيد منها

والملاحق الي برا مقاسها ممتاز لاني شايف مطبخ واحد من الربع جيد جدا مقاسه 4\6 و بصارحه مابي مطبخ داخل البيت ولا ابي مصعد

اتمنى شرحي واضح ولو فيه شي موب واضح اتمنى تقولون لي
معماري قطري
26-02-2017, 07:48 AM
اخوي معماري اولا الله يعطيك العافية ثانيا كلامك سليم عشان ما اتخربط خلني ابدا من الدور الارضي

1- ابي اطبق هالتصميم في الدور الارضي ولو سألتني ليش لاني ابي مدخل مجلس الحريم الرسمي بغرفة طعام ودورة مياه يكون مفصول عن مدخل البيت عشان الخصوصية وبنفس الوقت يكون هناك صالتين في البيت وحده مفتوحه والثانيه مصكره مع غرفة طعام ومغاسلهم

https://uploads.tapatalk-cdn.com/20170225/5e1a8687b44007a29097537f87e8f81e.jpg

بس مدخل البيت احسه واسع شوي وغير هذا والي هو اهم الدرج واللوبي الي ورا الدرج ماخذ مساحه ولا اقدر استفيد منها

والملاحق الي برا مقاسها ممتاز لاني شايف مطبخ واحد من الربع جيد جدا مقاسه 4\6 و بصارحه مابي مطبخ داخل البيت ولا ابي مصعد

اتمنى شرحي واضح ولو فيه شي موب واضح اتمنى تقولون لي

ممكن يتطبق بس مساحة أرضك بتضيع وانا ذكرت لك قبل والنماذج هذي موجودة في الموضوع وتعديلها سهل

تبغي نفس الشيء ممكن بس لو مصوره واضح من فوق أقدر انقل لك الصورة على المخطط مثل ما نقلت المخطط على مخطط الأرض سابقاً .. ولو عندك فايل الاوتوكاد بيكون سهل وأكثر سهولة
معماري قطري
26-02-2017, 08:02 AM
هذا المقاس على أرضك بشكل تقريبي ولو زدت الملحق ل 4 متر لازم تحرك البيت يسار شوي هو ألحين بعرض 3.6 ومؤكد بتدخل في متاهات مع التخطيط وانا وفرت عليك كل هذا مع تصميم اقتصادي مناسب حق أرضك وحطيت خيارات كثيرة للمساحة ولعدد الغرف

http://i.imgur.com/mVbO4rS.png
Abu-hmood
26-02-2017, 02:18 PM
طيب انا افتر مخي وكلامك سليم ماراح يبقى عندي حوش لو سويت التصميم الي انا طرحته على كذا انا مجبور اسوي اول تصميم انت حطيته لي الي هو

99483

99482
معماري قطري
26-02-2017, 02:40 PM
صحيح انا اشوفه مناسب من كل الجوانب حتى ما فيه مبالغات وكسرات كثيرة باقي تحدد لو تحتاج بيسمنت أو لا وباقي الأدوار اشوفها معقولة
معماري قطري
26-02-2017, 02:44 PM
ممكن تكون محتاج حق سينما منزلية وحق غرفة تمرين صغيرة .. الغرفة اللي هي مكتب في الأول ممكن تتغير لغرفة تمرين أو سينما منزلية والغرفة اللي تحت ممكن تستوي سينما منزلية أو صالة تمرين وتبقى عندك غرفة الزاوية تحت .. تصفي على 7 غرف في البيت وحدة تحت و4 في الأول وثنتين في البنتهاوس
Abu-hmood
26-02-2017, 02:49 PM
بخصوص غرفة السينما مجبور يكون مقاسها 8\6 لاني مسوي لها تصميم بمبلغ عن طريق شركة في السعوديه متخصصه في المسارح المنزليه والتنفيذ شامل
التصميم – العزل – الأكوستك - الكلبريشن للصوت و الصورة – الكراسي - التسليك – التحكم (Automation) – الكهرباء و الأنارة.
Abu-hmood
26-02-2017, 03:11 PM
ممكن اعرف المسافه بين البيت وجميع الاسوار الي دار مادار البيت
معماري قطري
26-02-2017, 03:27 PM
مجلس بيتي 6 في 8 ولا ادري ليش المساحة الكبيرة وغالبية العوائل 6 - 8 أشخاص .. في يدك تقول ابغي أصغر كفاية لست أشخاص ثلاث كراسي وراهم ثلاث كراسي والشاشة على بعد 3 متر جدام ممكن 7 طول في ثلاثة عرض تكفيك أو خل نقول 4 عرض بتكون بالضبط نص مساحة اللي مصممها

حلالك وانت حر فيه هي مجرد نصيحة بس

العيال من يكبرون شوي بتحصل اللي يتابع مسلسل معين واللي أخبار واللي كورة وبتحصل نادر 4 أشخاص ممكن يجتمعون على فلم معين أو برنامج معين

لو تحب الصوت شوي قوي مع سماعات سرراوند وتلفزيون هاي دفنشن تقدر تخلي الصالة فوق مسكرة بقزاز وعندك الغرف توصل لها ممرات يعني كل غرفة مسكرة ببابين ولا عندك مشكلة في شوية صوت

ولو تبيها على نفس التصميم ونفس المساحة بكل سهولة تستوي في البيسمنت .. شفت الستور يتحول بكل بساطة الى سينما منزلية وتبقى عندك الصالة الرياضية تحت وتتحول السينما المنزلية الى ستور أصغر .. مساحة الستور 7.8 في 7.3 وأعتقد عشرين سم ما تفرق والعرض ممكن يكون 6 يبقى من ال 7.3 عرض 1.1 كافي ستور صغير اضافي مع بانتري
معماري قطري
26-02-2017, 03:50 PM
الرسم بمقياس رسم 1:1 أي 1 = 1 متر وعندك فايل الاوتوكاد وكل المقاسات دقيقة وواقعية .. جدام 7.3 صافي وورا 3 متر المطلوبة من التخطيط وبين البيت والملحق 2 متر وعرض الطبيلة 6 متر .. من زاوية البيت اليسار فوق لين الزاوية المشطورة 6.16 كافية لزراعة ولدخول السيارة في الساحة يسار البيت .. آسف كان من زاوية الليوان النازل حق البيسمنت اللي عرضه 2 متر .. من زاوية البيت 7.92 من سور الليوان النازل لين سور البيت يسار 9.3

حتى المساحة ذي تكفي لملحق لو تحب أو مجلس

هذا سكتش سريع سويته وغيرت مكان الجيم وصارت عندي شوي أوسع في العرض وأقل 20 سم في الطول والمخزن وصالة الرياضة ممكن نخلي لهم بابين ونقسم المساحة بينهم في الوسط يدون لوبي داخلي

http://i.imgur.com/EPpXlft.png
معماري قطري
26-02-2017, 04:16 PM
بيكون عندنا بهذا الشكل

http://i.imgur.com/YCwyX9y.png
Abu-hmood
27-02-2017, 12:09 AM
ممكن نسوي هالطريقه ماتشوفها مناسب بحكم اني ابي ممر بعرض 3 متر ومن هذا الممر ادخل غرفة السينما وهذا الممر راح يكون فيه بوسترات الافلام بالاضافه لبار يكون فيه مكينة بوب كورن ومكينة للمشروبات الغازية

https://uploads.tapatalk-cdn.com/20170226/dc0e7215d0778ae623f8f1cfc79230ce.jpg

ولا احتاج صاله رياضية بحكم انه معاي القلب شافاني وشافاكم الله ممكن اخليها غرفة العاب ويكون جانب واحد من قزاز والاهم ماراح احتاج غرفة نوم في البيسمنت والافضل نلغيه
Abu-hmood
27-02-2017, 12:17 AM
https://uploads.tapatalk-cdn.com/20170226/214d83b7192c2960fd30fa59d41604bc.jpg
Abu-hmood
27-02-2017, 12:24 AM
يعني تكون الصاله المفتوحه مقاربه لهذي
https://uploads.tapatalk-cdn.com/20170226/3d562c2ecf52a881225f91e918e44b1d.jpg

عشان تقدر تراقب عيالك وانت في الصاله
معماري قطري
27-02-2017, 07:03 AM
ممكن نسوي هالطريقه ماتشوفها مناسب بحكم اني ابي ممر بعرض 3 متر ومن هذا الممر ادخل غرفة السينما وهذا الممر راح يكون فيه بوسترات الافلام بالاضافه لبار يكون فيه مكينة بوب كورن ومكينة للمشروبات الغازية

https://uploads.tapatalk-cdn.com/20170226/dc0e7215d0778ae623f8f1cfc79230ce.jpg

ولا احتاج صاله رياضية بحكم انه معاي القلب شافاني وشافاكم الله ممكن اخليها غرفة العاب ويكون جانب واحد من قزاز والاهم ماراح احتاج غرفة نوم في البيسمنت والافضل نلغيه

الله يشافيك ويعافيك ويشافينا ويعافينا ومرضى المسلمين

تعديل البيسمنت سهل والمهم تعرف شتبي وعندك مساحة حتى باقية لباقي الدور لو تحتاجها .. بس المهم تكون الجدران موضوعة بحيث يستند عليها الأرضي والأول والبنتهاوس

ونصيحتي للكل حددوا متطلباتكم صح من بداية السكتش .. المكاتب ما يهمها يسوون شيء حتى لو غلط .. شيسوي يضيف أعمدة أكثر وأساسات وجسور ويسوي البيت غابة خرسانية علشان يسوي متطلباتك وانت اللي بتدفع وانت اللي بتتورط في عمود مخرب دريشة أو باب

باشوف شاقدر اسوي بس احتاج وقت لأني شغال في موضوع المجلس ومستعجل عليه صاحبه مقاول وناوي يبني بأسرع وقت
معماري قطري
27-02-2017, 07:23 AM
جربت بسرعة الطول 8 ما عندك مشكلة فيه بس العرض يطلع لي 5.8 قاصر 20 سم بس عن ليكون 6

فيه حلين أما ترضى بتقريباً شبر عرض أقل .. أو نسوي توسعة 20 سم في البيت كله من تحت لفوق وما بتفرق كثير بس تحتاج تنسيق المخططات كلها من جديد
Abu-hmood
27-02-2017, 02:17 PM
ماعندك مشكله خلص شغل المجلس وبعدها نبلش في البيت وانا ماقدر اعدل على تصميم السينما اذا تقدر تزود مثل ماقلت على البيت 20 سم ممتاز جدا طيب وشرايك ارسلك تعديل على الدور الاول والارضي
معماري قطري
27-02-2017, 02:39 PM
ماعندك مشكله خلص شغل المجلس وبعدها نبلش في البيت وانا ماقدر اعدل على تصميم السينما اذا تقدر تزود مثل ماقلت على البيت 20 سم ممتاز جدا طيب وشرايك ارسلك تعديل على الدور الاول والارضي

اذا مثل ذيه بيكون شغل غير بالكامل واتوقع يكون مب منطقي ولا يتماشى مع الباقي .. اخوي لازم تحسب حساب كل شيء ولازم كل شيء يتماشى مع الأدوار الثانية والنظام الانشائي

الميلس خلصته مبدئياً وبانتظار ردهم

اللي بغيت أوصله أوقات التعديل بدون حاجة ضرورية جداً يخرب بدل ما يعدل الوضع .. والرضا بالموجود ومحاولة التكيف معاه تكون أفضل
معماري قطري
27-02-2017, 02:51 PM
عطني أفكارك كلها وباشوف اذا تصير والا لا .. تحت مع التوسعة 20 سم يصير وبتقل المساحة شوي لأن البيسمنت بينقص
Abu-hmood
27-02-2017, 02:58 PM
طيب انا راح ارسل الي ابيه وانت شوف اذا يناسب او مايناسب هل تبيني احط التعديل على كل الادوار ولا نبدا بكل دور على حده
معماري قطري
27-02-2017, 03:57 PM
طيب انا راح ارسل الي ابيه وانت شوف اذا يناسب او مايناسب هل تبيني احط التعديل على كل الادوار ولا نبدا بكل دور على حده

كل دور أكيد وباشوف ما اضمن إذا يستوي
Abu-hmood
27-02-2017, 04:22 PM
انا بقولك شنو الي ودي يكون اذا يصير راح يكون مناسب جداً واذا مايصير خيرة ان شاء الله

أرسلت من sm-n920c بإستخدام تاباتلك
Abu-hmood
27-02-2017, 04:32 PM
هذا تصميم الدور الارضي والمطبخ الداخلي ما احتاجه ممكن نخليها غرفه واكنسل الغرفه الي جنب مغاسل المجلس واستفيد منها في تكبير المجلس

https://uploads.tapatalk-cdn.com/20170227/177d98a5c561620d742579a78fc29183.jpg

بالاضافه لزيادة حجم المطبخ نص متر
معماري قطري
27-02-2017, 05:28 PM
لو زدت المطبخ نص متر بتزيد الباقي ولازم تزيح البيت كله يسار حتى توفر ممر 2 متر

غرفة السايق كانت تعتبر خارجية ومطلة على مواقف السيارات ولو مب محتاج لها هذا الوقت بتحتاج بعدين .. لكن لو مثل المجلس بيكونون مجمعين في الأرض الوسطية ممكن تنلغى

المجلس شكله الحالي أحلى والباب في وسطه ولو فيه حريم مدخل البيت بيكون الجانبي صوب غرفة الطعام العائلية .. ولو بتغير التغيير بيطول الحمام اللي فوق لأن تصميمه بالدكتات جاية بين الدريشة والدريشة فوق مستوية مايلة .. إرجع للرسومات القبلية بتشوف هذي التفاصيل .. حتى الواجهات موجودة وبتكون مقاربة للي عندك وانا أرسلت لك الفايل كامل بكل ما فيه ولازم توديه مكتب يكمل التصميم ويعطيك الرخصة وحتى يمكن يقترح تصميم ثاني بالكامل

المطبخ الداخلي كم 5 في 4.6 وانت مخطط تبني مساحة فوق الألف وعندك جلسات وغرف كفاية وهذا بتحتاجه أكيد في يوم ام العيال يكون لها خاطر تسوي شيء ويكون تحضيري أكثر منه مطبخ بالكامل

نتابع مع اللي فوق بعد ونشوف شيصير
Abu-hmood
27-02-2017, 07:55 PM
لو زدت المطبخ نص متر بتزيد الباقي ولازم تزيح البيت كله يسار حتى توفر ممر 2 متر

غرفة السايق كانت تعتبر خارجية ومطلة على مواقف السيارات ولو مب محتاج لها هذا الوقت بتحتاج بعدين .. لكن لو مثل المجلس بيكونون مجمعين في الأرض الوسطية ممكن تنلغى

المجلس شكله الحالي أحلى والباب في وسطه ولو فيه حريم مدخل البيت بيكون الجانبي صوب غرفة الطعام العائلية .. ولو بتغير التغيير بيطول الحمام اللي فوق لأن تصميمه بالدكتات جاية بين الدريشة والدريشة فوق مستوية مايلة .. إرجع للرسومات القبلية بتشوف هذي التفاصيل .. حتى الواجهات موجودة وبتكون مقاربة للي عندك وانا أرسلت لك الفايل كامل بكل ما فيه ولازم توديه مكتب يكمل التصميم ويعطيك الرخصة وحتى يمكن يقترح تصميم ثاني بالكامل

المطبخ الداخلي كم 5 في 4.6 وانت مخطط تبني مساحة فوق الألف وعندك جلسات وغرف كفاية وهذا بتحتاجه أكيد في يوم ام العيال يكون لها خاطر تسوي شيء ويكون تحضيري أكثر منه مطبخ بالكامل

نتابع مع اللي فوق بعد ونشوف شيصير

انا محتاج ازيد المطبخ نص متر ضروري جداً وهذا شي اساسي بالنسبة لنا

اما المجلس راح ارسلك التقسيم الي ابيه راح يوضح شنو الي افكر فيه

اما الغرفه النوم الي جنب غرفة الطعام الرسميه ابي انقلها مكان ال
مطبخ لان موضوع المطبخ شايلينه من بالنا
والبيسمنت ممكن نزوده 20 سم افضل وتريحني من الشركة الي خلصت معهم من اول على تصميم الغرفة واذا ممكن نسوي المساحات الصغيره ستور صغير عشان مايذبحونا بالخراسانت او تعطيني فكره لها
Abu-hmood
27-02-2017, 08:04 PM
https://uploads.tapatalk-cdn.com/20170227/d8831f38683fa2bc17308b07849c059a.jpg

هذا اشوفه افضل بمراحل وبكذا عزلت المجلس النساء الرسمي من مدخل البيت الرئيسي
Abu-hmood
27-02-2017, 09:59 PM
https://uploads.tapatalk-cdn.com/20170227/e9d21724884acf76e9af7a0063fb0e3d.jpg

وهذا تعديل على الدور الاول
معماري قطري
27-02-2017, 10:59 PM
https://uploads.tapatalk-cdn.com/20170227/e9d21724884acf76e9af7a0063fb0e3d.jpg

وهذا تعديل على الدور الاول

خربت التصميم بهالطريقة .. أول مرة اشوف غرفة ملابس في أهم زاوية في البيت والصالة كانت في منطقة مناسبة ومهمة مطلة على مدخل البيت ألحين انتقلت ورا .. انا لمجرد النقاش أقول هالكلام والتصميم عندي قناعة قبل كل شيء ومزاج

انك ما تبغي المطبخ وتبيه غرفة ممكن وبتكون نفس اللي فوق ما فيه مشكلة .. الفرق 20 سم ولازم يكون 6 متر بعد محلولة .. إصبر علي بس كم يوم باشوف لو اقدر اسوي شيء مب مقتنع به
Abu-hmood
28-02-2017, 12:08 AM
طيب راح اعدل مره ثانيه على الدور الاول
Abu-hmood
28-02-2017, 12:57 AM
https://uploads.tapatalk-cdn.com/20170227/61867c4ff81679d068f20b5e2447340a.jpg

بصراحة كلامك صحيح في المستقبل راح احتاج صاله فوق عشان كذا عدلت على التصميم لاني ماراح احتاج مكتب فوق ممكن في المستقبل استخدم احد الغرف الي تحت كمكتب
معماري قطري
28-02-2017, 06:15 AM
هذا تعديل جايز وممكن بسهولة بيكون الحمام فوق ملاصق لحمام الغرفة وكذلك التحتي وفوق بعض وتشجعت اواصل فيه بقناعة .. وما زلت بتكون عندك غرفتين + 4 غرف + غرفتين وبمجموع 8 غرف .. يعني ممكن تكتفي ب 7 وما تخسر حلقة الوصل بين المطبخ الخارجي وغرفة الطعام اللي هي المطبخ الداخلي

المطبخ الداخلي لتفكر فيه كمطبخ فكر فيه كاحتياج حق بعض الثلاجات والتخزين في كبتات وأدراج وفي قربه حق طاولة الطعام العائلية .. فكر في الحمام الصغير التابع له لغسيل اليد وقريب من مدخل البيت الثانوي لسهولة الاستخدام وقت الدخول والخروج .. الا لو محتد كلش وعندك كبار في السن بتسكنهم تحت وتحتاج لغرفتين ما تقدر تقلل .. وأتمنى من الإخوان المتابعين توضيح أي نقطة خافية علي أو تأييدي أو عدم تأييدي
Abu-hmood
28-02-2017, 08:13 AM
هذا تعديل جايز وممكن بسهولة بيكون الحمام فوق ملاصق لحمام الغرفة وكذلك التحتي وفوق بعض وتشجعت اواصل فيه بقناعة .. وما زلت بتكون عندك غرفتين + 4 غرف + غرفتين وبمجموع 8 غرف .. يعني ممكن تكتفي ب 7 وما تخسر حلقة الوصل بين المطبخ الخارجي وغرفة الطعام اللي هي المطبخ الداخلي

المطبخ الداخلي لتفكر فيه كمطبخ فكر فيه كاحتياج حق بعض الثلاجات والتخزين في كبتات وأدراج وفي قربه حق طاولة الطعام العائلية .. فكر في الحمام الصغير التابع له لغسيل اليد وقريب من مدخل البيت الثانوي لسهولة الاستخدام وقت الدخول والخروج .. الا لو محتد كلش وعندك كبار في السن بتسكنهم تحت وتحتاج لغرفتين ما تقدر تقلل .. وأتمنى من الإخوان المتابعين توضيح أي نقطة خافية علي أو تأييدي أو عدم تأييدي


معليش مافهمت عليك انت تتكلم عن الدور الارضي او الاول

والي اشوفه في الدور الارضي والاول فوق 4 غرف وتحت غرفتين العدد الكلي 6

بخصوص المطبخ داخل البيت ما احتاجه ممكن نحولة غرفة نوم ونحول غرفة النوم الي جنب مغاسل غرفة الطعام الرسميه توسعه للمجلس وغرفة الطعام
معماري قطري
28-02-2017, 08:42 AM
معليش مافهمت عليك انت تتكلم عن الدور الارضي او الاول

والي اشوفه في الدور الارضي والاول فوق 4 غرف وتحت غرفتين العدد الكلي 6

بخصوص المطبخ داخل البيت ما احتاجه ممكن نحولة غرفة نوم ونحول غرفة النوم الي جنب مغاسل غرفة الطعام الرسميه توسعه للمجلس وغرفة الطعام

لأنك يا اخوي ما تتابع من البداية ولا تقرأ كم مرة ذكرت البنتهاوس والبنتهاوس سعره ممكن يطلع ربع سعر البيسمنت لو سويته بتشطيب عادي وتخليه احتياط لأي حاجة أو للعيال لو كبر حد منهم وبيتزوج

المهم انا اطابق الأدوار كلها فوق بعض وانسقها وانسق معاها الواجهات وحتى النظام الانشائي

ألحين بديت في الأول وباقي تحريكه نص متر حتى نوسع الملحق وكذلك التوسيع 20 سم هذا يستلزم شغل شوي بحيث لازم اشيل الأجزاء اللي ابيها وارجع اركبها على الموقع في الحوش

الأول تضبط وبيكون تحت متناسب معاه وفوق في البنتهاوس باشوف شالقصة بعد

http://i.imgur.com/6N0OtyZ.png

رجعت للنظام القديم وعندنا استوت مساحات كبتات وغرفة ملابس مفتوحة وثانية بباب .. وشوف موضوع غرف النوم فيه نماذج لهذي الغرف وشرح مسهب

بس خسرنا غرفة المكتب اللي اعتبرها من الضروريات .. عندي غرفة مكتب في بيتي خاصة بي واحتاجوا يحطون طاولة ثانية معاها طابعة وكمبيوتر للبيت + نظام الكاميرات .. ومسوي مكتب خاص للعيال كله كتب وطاولات وكمبيوترات .. والكتب على طاولة الطعام في المجلس للمدرسين لو جاوا وفي الصالة فوق بعد .. والعيال الله يحفظهم كلهم ثلاثة الموجودين في البيت .. اللي حبيت اوصله إن المكتب ضروري وفي حالتي مكتبين
Abu-hmood
28-02-2017, 07:42 PM
اليوم في الدوام خليت اكثر من واحد يشوف التصميم والكل اجمع بأن البيت ماراح تكون واجهته عريضه وهذا ماراح يعطي جمالية للبيت فيه اثنين منهم اراضيهم على 980 وكانت واجهة البيت عند واحد فيهم 15 متر العرض والعمق او الطول 17.5 والملاحق جانب البيت وصار عنده مساحةجانب 12 متر اما من وجهة البيت للسور 13 متر تقريباً

اتمنى من الاخوان يشاركونا امثال اخواني سعود و ابو حارب و بو خالد و azizuk

ومشاركة الجميع للفائده

أرسلت من SM-N920C بإستخدام تاباتلك
معماري قطري
28-02-2017, 09:29 PM
عادي التصميم مقترح وتقدر تاخذ اللي بزاوية يترس لك الحوش بيبين فخم

هذا لو كملت تصميمه وبديت تبنيه بتعرف شكبر الحين على الرسم الكل بيفتي لك وحتى في الواقع ناس بيقولون ليش ما سويت كذا وليش ما سويت كذا .. المهم احتياجك وقناعتك

اللي يتردد وايد يضيع وينتهي بشغلات ما لها أساس

إسئل نفسك شفايدتي من بيتي الناس يشوفونه ويكون عريض وفخم؟ هل العرض زيادة وانت أصلاً أرضك صغيرة مناسب؟

فيه طرق معمارية تسوي بيتك عريض لو تحب مثل تسوي حائط جانبي يزيد العرض ويكون مائل .. وبعدين بالعقل البيت له واجهتين جانبية وأمامية ولا على شارع رئيسي

مرة انطلب مني مقترح حق مبنى مكاتب .. من جهة حكومية وكانوا يبون برج .. سؤالي بسيط كان شتبغون فيه من مكاتب وعطوني لستة هم متوقعين انها طويلة .. الرئيس في دور ونائبه في دور والمدير العام في دور .. طبعاً مع طاقمهم .. قمت ازيد وازيد قد ما اقدر لكن بواقعية وبصعوبة وصلت لعشر أدوار وسويت سكتش مبسط للمساحات والمكاتب والاستراحات والمواقف وعرضته وسئلت سؤال مهم هل ترضون بهذا الارتفاع وبكرة تطلع أبراج حولكم بارتفاع 20 و 30 دور وتسكر عليكم .. كنسلوا كل الشغلة وللحين ما غيروا مبناهم والسالفة لها فوق 10 سنين

أحد الأصدقاء واجهته اليوم وكان بينا شغل تصميم مقارب للتصميم الأخير هذا بيتين حق عياله مع مجلس في الوسط وعدلت على تصميمه بسيط جداً لأن رخصته كانت جاهزة وشفت مقاولين للتسعير .. واحد عطانا عرض 5.3 مليون للثلاث مباني مع تكييف سبلت من ال جي .. وواحد عطانا عرض سعر 2.2 مليون لكل المباني والبيتين بيسمنت + 2 + بنتهاوس نصحته يفاوض ويحدد المواصفات أكثر ويتوكل على الله مع الأقل لأنه مقاول قوي وله سمعته .. ما رضى وقال بابني المجلس بس .. بنى المجلس وكلفه 1.3 مليون ويقول طلعت أخطاء كثيرة وكل خطأ يحتاج تعديل ومبلغ أكبر

مشكلته مر بتعب شغل ومقاول علة والظاهر المشرف عنده متعامل معاه والا بنيانه بسيط وشاف الصج واحتد يدفع أكثر حتى يخلص ولقصور العقد .. خلص حول ربع مساحة البنيان ودفع فوق نص القيمة يعني لو بيكمل الباقي والبيت شوي أصعب وفي بيسمنت بيدفع فوق تسعير المقاول الغالي وألحين يبغي خرسانات جاهزة يقول أفضل وأسرع ولا يزعجونا في البيت .. هو بيبني في حوش بيته
سعود.
01-03-2017, 01:46 AM
اليوم في الدوام خليت اكثر من واحد يشوف التصميم والكل اجمع بأن البيت ماراح تكون واجهته عريضه وهذا ماراح يعطي جمالية للبيت فيه اثنين منهم اراضيهم على 980 وكانت واجهة البيت عند واحد فيهم 15 متر العرض والعمق او الطول 17.5 والملاحق جانب البيت وصار عنده مساحةجانب 12 متر اما من وجهة البيت للسور 13 متر تقريباً

اتمنى من الاخوان يشاركونا امثال اخواني سعود و ابو حارب و بو خالد و azizuk

ومشاركة الجميع للفائده

أرسلت من SM-N920C بإستخدام تاباتلك


اخوي ابو حمود دام معك ( ابا عبدالله ) امورك طيبة

التصاميم ( اذواق ) كل واحد له وجهة نظر ممكن تصيب وممكن تخيب . تخيل مثال لو 5 اعضاء بس بيشاركون معك صدقني راح تتشتت معنا . انت من ردودك واضح انك فاهم . شوف الي يناسب وسوه

يوم اصمم خريطتي خذيت تقريبآ 4 الى 5 شهور كل شوي تعديل ويوم بنيت بعد عدلت شوي .
Abu-hmood
01-03-2017, 01:48 AM
ابو عبدالله ماقصر من غير قصور في الاخوان الباقين

وبيني وبينك تصميم ابو عبدالله عاجبني مع بعض التعديلات الي ذكرتهم في الصفحه الي قبل كمجلس الحريم وغرفة الطعام بمغاسله

وغير التصميم الدور الاول مع بعض التعديلات للغرفه الرئيسية لكن كان ودي نسمع ارائكم لانها تهمني و بحكم التجربه لاني تو في بداية التصميم وانتوا ماشاء الله شفتوا تصاميم كثيره وعرفتوا وين الاخطاء قبل وبعد التصميم والبنيان
Abu-hmood
01-03-2017, 01:50 AM
وودي اسمع رايك في تصميم اخوي بو عبدالله هل عندك ملاحظات او تعديل

وفي شغله تو انتبه لها الدور الاول مساحة الممر بين الغرف تحسه كئيب لضيق حجمه متر وستين كان الافضل يكون 2 متر او 2.5 افضل مستقبلاً لو تبي تنقل اغراض من والى الغرف راح تكون المساحه الحاليه ضيقه
سعود.
01-03-2017, 02:17 AM
كل مازدت عرض الممر قللت مساحة الغرف . ويمكن تدخل بحسابات انشائيه اخري
2 متر مناسب جدا. ولو بدون باب الممر يكون احسن يعطيك امتداد بصري اكبر . دورات المياه بدون البيديه عندي افضل . بين اصاله والماستر تحتاج نافذة مدري كيف راح يطلع الشكل بدونها او كيف الواجهه عندك ؟؟ . توزيع نقاط المكيفات يحتاج شوي ترتيب في غرفتين .
سعود.
01-03-2017, 02:28 AM
لو تاخد 70 سم من الماستر عندك 7.70x 5 وتزيده مكانها في الدرس روم اشوفه افضل بيصير عندك 3x2.7
معماري قطري
01-03-2017, 06:22 AM
صباح الخير جميعاً

تبي زيادة حتى 4 متر للممر ممكن بس شالاستفادة منها 1.6 مخلية الممر خاص ولو تشوف ممرات بعض المستشفيات ضيقة والكل يمر فيها .. الناس مب سيارات ولا سياكل بسهولة يمرون في الممرات الضيقة وهذا بين الغرف حتى ممكن لو حبيت تضيف فيه كبت بعرض 60 سم أو أقل وتصفي على متر وبعد كفاية

ثرى المساحة عندك قريب 1100 متر مربع بنيان يعني حول 3.3 مليون تكلفتها لو سويت بنيانك عظم والا نص عظم والا تسليم مفتاح واحسبها بكرة بتعرف إن كلامي صحيح ولا فيه مبالغات

انا هنا قلت كل اللي عندي والباقي الله يوفقك فيه مع التراخيص وحسن الاختيار لإستشاري يعطيك راي هندسي مقنع ويكمل لك
معماري قطري
01-03-2017, 06:39 AM
لو تاخد 70 سم من الماستر عندك 7.70x 5 وتزيده مكانها في الدرس روم اشوفه افضل بيصير عندك 3x2.7

الدرس روم اخوي سعود استوت ثنتين وحدة مفتوحة بكبتات مثل u ووحدة مسكرة الووك ان كلوزت .. وعندك الكبتات اللي مدمجة مع قاعدة التلفزيون

وعن السبعين سم أو حتى متر و70 سم ما بتفيدنا وايد في العرض .. انا عمداً خليت الدريشة في الوسط والملابس تكون مصفوفة على الجنبين مع تقاسيم المفروض بدون أبواب لسهولة الاستخدام والتخزين وبعدين الباب يعزلها بالكامل .. اللي على شكل يو هذي الكبتات في ثلاث جهات وبعرض 75 سم .. كبتات حائط أمريكية اللي تجي بيبان وممكن في بعضها مرايا .. الدريشة ممكن تكون فوقها عبارة عن زجاج معشق أو قلاس بلوكس للنور بس .. في المفتوحة 7.2 متر كبتات وفي المغلقة 6 متر .. واللي مقابل السرير 5.7 وبعرض 70 سم اللي هو العرض المتوسط للخزائن الأمريكية وأقل عرض ينصحون به 65 .. الكبتات الجاهزة 60 سم وفيه 50 وفيه أقل حتى

لو تحسب طول الكبتات بتحصلها متر18.9 وبنكون وصلنا لرقم كبير كثير من النساء يتمنون هذي المساحات لثيابهم

في غرفة الملابس المفتوحة بشكل حرف يو نقدر نسوي الكبتات بارتفاع كبير .. عندنا ارتفاع الدور 4.2 والجزء العلوين لتخزين الشناط الكبيرة ويحتاج درج للوصول لها .. يعني اتكلم عن 3.4 ارتفاع أقصى للكبت .. الجزء المواجه ممكن يكون 2.2 وفوقه الدريشة الثابتة للنور بس وبدون ستائر وبتكون مرتفعة تضمن الخصوصية
سعود.
01-03-2017, 10:32 AM
كلام جميل ( ابا عبدالله )
معماري قطري
01-03-2017, 01:50 PM
كلام جميل ( ابا عبدالله )

الله يجمل حياتك وحياة من يقرأ ومن كتب

اليوم رحت المستشفى وما فاتني ادقق في ممرات يمشون فيها مئات البشر يومياً .. حتى واحد بكرسي متحرك كهربائي يمشي .. صورت بعد وعدد السيلوتكس في السقف 2 وشوي .. يعني ما يزيد عن متر و 40 سم وهذا ممر داخلي وثانوي وقصير وبين الغرف لو مدخل باقول لازم يتوسع
معماري قطري
01-03-2017, 01:54 PM
هذا فوق في العيادات الخارجية وفي الممر الرئيسي أكيد شوي أوسع وفي مدخل وممر مستشفى حمد أكيد أوسع .. نفس الشيء أي بيت نسوي مدخله حول 3 أمتار بعدين نكتشف إننا كان ممكن نصغره لمترين وحتى أقل ونخلي بابه قزاز يعطينا انفتاح أكثر ونور ونكبر الصالة أو المجلس اللي جنبه .. خصوصاً في المساحات المحدودة في بيوتنا .. مثل ما قالت زكية زكريا مقولتها الشهيرة كشكشها متعرضهاش
سعود.
01-03-2017, 02:19 PM
ايضآ كلام جميل

عندي ارتداد الفيلا خلفي 2 م

ومسوى فيه رامب بعرض 1 م وصار عندي الممر 1م

كل شي يمشي
وفيه اصح وفيه الاصح
معماري قطري
01-03-2017, 02:19 PM
انا شغال على التعديلات اللي اتفقنا عليها بس مشكلتنا مع النظام الانشائي يحتاج مهندس فاهم وعارف كيف ينفذه صح بدون ما يخلي عمود يطلع جزء منه وبدون ما يكثر الأعمدة ويسوي جسور كبيرة .. أحاول افكر انشائي ومعماري ولو جاء استشاري ضعيف انشائي بيخرب المعماري وهنا المشكلة

يعني لازم يتم اختيار استشاري جيد .. وبوحمود طلب عرض سعر من استشاري قال 120000 وانا اشوفه وايد والمفروض حده 40000 وحتى 20000 لو أبرز لهم هذا المخطط وقال هذا اللي ابيه بدون تغيير لكن الاستشاري يسعر غالي لو مب عارف شحدود شغله .. الرخيص أكيد بيسعر رخيص وهو عارف إنه بينسخ وبيسوي ( اللي يقدر عليه ) وما يقدر الا على القليل

صفيت كل المخططات جنب بعض علشان اعرف أي تغيير شتأثيراته على باقي الأدوار .. الموجودين 4 أدوار وانا حاط هنا 2 بس علشان تبين الصورة بوضوح معقول

http://i.imgur.com/yZD6nO6.png

اليسار توضح الدور الأرضي بعد زيادة الطول 20 سم وزيادة عرض الملحق 50 سم ومقاس السيارة واضح كيف ممكن تدخل ورا بس مساحة بناء مبنى مستقبلي كثير صغرت .. من حاجز المنور للبيسمنت لين السور عندي 9 متر
Abu-hmood
02-03-2017, 02:10 AM
كل مازدت عرض الممر قللت مساحة الغرف . ويمكن تدخل بحسابات انشائيه اخري
2 متر مناسب جدا. ولو بدون باب الممر يكون احسن يعطيك امتداد بصري اكبر . دورات المياه بدون البيديه عندي افضل . بين اصاله والماستر تحتاج نافذة مدري كيف راح يطلع الشكل بدونها او كيف الواجهه عندك ؟؟ . توزيع نقاط المكيفات يحتاج شوي ترتيب في غرفتين .

بخصوص المكيفات راح تكون دكت سبلت ان شاء الله

مافهمت نقطة النافذه الي تتكلم عنها بين الصاله والماستر

اما دورات المياه اجلكم الله راح تكون بدون بيديه
Abu-hmood
02-03-2017, 02:13 AM
لو تاخد 70 سم من الماستر عندك 7.70x 5 وتزيده مكانها في الدرس روم اشوفه افضل بيصير عندك 3x2.7


الـــ 70 سم اذا تكرم اخوي ابو عبدالله يشيلها من الماستر ويضيفها لدورة المياه لغرفة الماستر ويصير الاجمالي 5\2.7

وممكن ناخذ نص متر من الماستر ونضيفها لغرفة الملابس الصغيره مع اني اشوف حجمها مناسب لو كان الفراغ الي بينهم 70 لين 80 سم مناسب لان مقاسها 3\2 راح يبقى 60 تقريبا لو ماكنت غلطان
Abu-hmood
02-03-2017, 02:22 AM
الدرس روم اخوي سعود استوت ثنتين وحدة مفتوحة بكبتات مثل u ووحدة مسكرة الووك ان كلوزت .. وعندك الكبتات اللي مدمجة مع قاعدة التلفزيون

وعن السبعين سم أو حتى متر و70 سم ما بتفيدنا وايد في العرض .. انا عمداً خليت الدريشة في الوسط والملابس تكون مصفوفة على الجنبين مع تقاسيم المفروض بدون أبواب لسهولة الاستخدام والتخزين وبعدين الباب يعزلها بالكامل .. اللي على شكل يو هذي الكبتات في ثلاث جهات وبعرض 75 سم .. كبتات حائط أمريكية اللي تجي بيبان وممكن في بعضها مرايا .. الدريشة ممكن تكون فوقها عبارة عن زجاج معشق أو قلاس بلوكس للنور بس .. في المفتوحة 7.2 متر كبتات وفي المغلقة 6 متر .. واللي مقابل السرير 5.7 وبعرض 70 سم اللي هو العرض المتوسط للخزائن الأمريكية وأقل عرض ينصحون به 65 .. الكبتات الجاهزة 60 سم وفيه 50 وفيه أقل حتى

لو تحسب طول الكبتات بتحصلها متر18.9 وبنكون وصلنا لرقم كبير كثير من النساء يتمنون هذي المساحات لثيابهم

في غرفة الملابس المفتوحة بشكل حرف يو نقدر نسوي الكبتات بارتفاع كبير .. عندنا ارتفاع الدور 4.2 والجزء العلوين لتخزين الشناط الكبيرة ويحتاج درج للوصول لها .. يعني اتكلم عن 3.4 ارتفاع أقصى للكبت .. الجزء المواجه ممكن يكون 2.2 وفوقه الدريشة الثابتة للنور بس وبدون ستائر وبتكون مرتفعة تضمن الخصوصية

الله يعطيك العافيه على هالافكار عجبتني يكون في غرفة الملابس نواف لادخال النور بدون ما اتبهذل مهاها ويكون خلف الكبتات درايش

بس ما عليك امر احتاج ازود في مساحة دورة المياه بدل 5\2 يكون 5\2.7 وهذي الــ 70 سم ننقصهم من غرفة الماستر وتصير الغرفه 5\7 وراح تكون مناسبه جداً وزياده
Abu-hmood
02-03-2017, 02:32 AM
شلون اعرف تكلفة البنيان هل اخذ التصميم واسئل شركة مقاولات واعذروني لجهلي في هذي الامور

وابو عبدالله هل فيه امكانيه لو حبيت اشيل البيسمنت اذا السعر ماناسبني واخلي بس البينت هاوس بدون البيسمنت

اضافاتي للبنت هاوس راح تكون غرفة 8\6 بالاضافة لغرفة خدم بدورة مياة لغرفتين صغار تكون وحده للغسالات والثانيه لكوي الملابس (لاندري) واكنسل البيسمنت مع اني كنت احتاج غرفة للعب الاطفال بس مستحيل يعطونا موافقه للبنت هاوس على هالكمية المطلوبة مع اني ودي بالبيسمنت لكن لو كان تكلفتها عالي ما اعتقد راح اسويه

وبلدية الوكره سمعت انهم شوي متشددين لان واحد من الربع رفضو رفض تام يخلون الارتداد بينه وبين بيت نسيبه مترين اجبروه على 3 متر من كل بيت واحسه مبالغ فيه شوف بلدية الدوحه اعرف ناس تقربلي 1.50 بينه وبين بيت جاره جاره
سعود.
02-03-2017, 09:12 AM
بعد ماتخلص الخرايط على خير

تمر على كذا شركة وتعطيهم الخرايط يحتاج منك خرايط
( معماري + انشائي ) على اساس يقدر يحسب التكلفه .
يفضل ترسلة ايميل ( اوتكاد ) .

السعر محكوم بحجم البناء والارتفاع والوراش والخرسانات الي في الواجهه والاجناب
كمية حديد التسليح نوع الاسقف ووووالخ . وبعضهم على حسب الارض نازله او مرتفعه عن الارض .

تعال خاص بعطيك اسم شركة تعطيك عرض سعر عن طريق موقعهم خلال دقايق تاخذ سعر تقريبي .
معماري قطري
02-03-2017, 10:34 AM
الله يعطيك العافيه على هالافكار عجبتني يكون في غرفة الملابس نواف لادخال النور بدون ما اتبهذل مهاها ويكون خلف الكبتات درايش

بس ما عليك امر احتاج ازود في مساحة دورة المياه بدل 5\2 يكون 5\2.7 وهذي الــ 70 سم ننقصهم من غرفة الماستر وتصير الغرفه 5\7 وراح تكون مناسبه جداً وزياده

لو التعديل بيفيدك سويته ومع إزالة البديه بتكون مساحة فاضية غير مستعملة .. النظام الانشائي حق تحت بعد بيتغير خصوصاً اللي فوق عندك حمام وهو بيكون فوق حمام .. يعني التوسعة بتطال الإثنين وتحت وايد عليه عرض 2 متر وطول 1 ونص لأن بيكون مغسلة وكرسي قطعتين بس ومغاسل المجلس

هذي التعديلات اللي الغالبية يعتبرها بسيطة يسويها الاستشاري بسهولة بس ما يحسب حساب كل شيء يركز وين انت قلت له تعدل وبس وبعدين تتورط وتتفاجأ بأخطاء وعدم تناسق في البيت

لو حبيت المخطط هو موجود عندك خذه لإستشاري وبيسوي اللي تحب بعدين جيبه نكمل مراجعة ونطلع سوالفهم لمصلحتك ولمصلحة الجميع أما انا اسوي شيء مب مقتنع به واشوفه بدون فائدة اسمح لي ما اقدر نصيحتي بالصحيح والباقي قناعات الواحد يتبعها وهو يكون مسؤول عنها
معماري قطري
02-03-2017, 11:00 AM
بعد ماتخلص الخرايط على خير

تمر على كذا شركة وتعطيهم الخرايط يحتاج منك خرايط
( معماري + انشائي ) على اساس يقدر يحسب التكلفه .
يفضل ترسلة ايميل ( اوتكاد ) .

السعر محكوم بحجم البناء والارتفاع والوراش والخرسانات الي في الواجهه والاجناب
كمية حديد التسليح نوع الاسقف ووووالخ . وبعضهم على حسب الارض نازله او مرتفعه عن الارض .

تعال خاص بعطيك اسم شركة تعطيك عرض سعر عن طريق موقعهم خلال دقايق تاخذ سعر تقريبي .

أقدر اضيف كذلك استوى شيء متعارف عليه ال 3000 ريال للمتر المربع وحولها .. كثير يقولون لك العظم كلفني 900 وهذا كلفني ما ادري كم .. انا اتكلم عن تشطيب وسط وشغل نظيف .. وعن معدل .. فيه مساحات تكلف غالي وحسب التشطيب .. شركات جبس تشتغل لك ب 100 ريال وغيرها 500 حسب تصميمك والشركة كذلك

الأرضيات عندك مجال كبير .. النوافذ وأبواب اليو بي في سي تقدر تاخذ رخيص وما يفيدك بالعكس يضرك ويمكن يطلع لك 50000 للبيت وتقدر تاخذ نوع غالي ومن شركة مضمونة وبمواصفات عالية بسعر ممكن يكون 3 أو 4 أضعاف

بيتي خلصته سنة 2005 تقريباً ومساحته كاملة شاملة الملحق 1070 وكلفني فوق ال 3 ملايين بشوي مع إن كثيرين يبغون تشطيب أرقى وانا وسط .. الشغل مع العظم قصدي شغل التركيب كان بحدود 1111000 وكنت محصل من ناس لك عليهم وشركات ماشية بالبركة أسعار حول 3 ملايين وكانت بتطلع خسارتي كبيرة لأن كثير من المواد علي

وسعود أكيد بيفيدنا بأسعار ألحين وكذلك عزيز يو كي هم يبنون حديث ويقدرون يعطونك لستة بالأسعار .. إخونا بو خالد كذلك وبوحارب

نصيحتي لتبني عظم ولا تبني تشطيب كامل بس شوف مقاول شاطر يقدر يتكفل بتسليمك المفتاح وتركيب كل شيء .. إنت عليك الاختيار والشراء أو التوريد لبعض المواد وهو عليه الاستلام والفحص والتوريد لو الموزع ما يوصل للموقع .. وعليه المحافظة مب يكسر لك تجهيزات مهمة ويقول جابوها مكسرة لذلك خل الفحص والاستلام عليه .. يوقع على وصل استلام وتحفظه

أمس يذكر لي أحد الاخوان إن شخص شرى كمية رخام من دبي بسعر 400 ريال للمتر لبعض المساحات عنده .. يوم وصلت حصلها ناقصة 25% وما يدري يمكن انسرقت كمية منها .. خصوصاً اللي نتعامل معاهم بعضهم حرامية من الأساس .. هذي آخر طرق السارقين اسمعوها أو اقروها .. أحد الاخوان فتح ملحمة ويبيع استرالي وسوري واسترالي مهجن وغيره من اللحوم وعنده واحد يشتغل اكتشف إنه يبيع الاسترالي المهجن على إنه سوري وياخذ فرقية المبلغ
سعود.
02-03-2017, 12:34 PM
ابا عبدالله

انا من 3 ايام فيني ضيقه :anger1:

رحت لمحل في طريق سلوي واعجبني ( بانيو ) رخام روعة صراحة سالته عن اسعر وهنا كانت الصدمة ( 213 ) الف . لا يقول بنزل لك 13 الف . قلت له بعطيك 13 بس فكني من شرك ههههههههه.
سعود.
02-03-2017, 12:39 PM
وفيه محل عندة ( شور ستاند ) الدش بس 80 الف . مدري بيطلع ( فقع ) !!!!

التصاميم والتشطيبات اذواق كلن والحافه .

والخوف من المسائله في الاخرة عن النعيم .
معماري قطري
02-03-2017, 01:53 PM
ابا عبدالله

انا من 3 ايام فيني ضيقه :anger1:

رحت لمحل في طريق سلوي واعجبني ( بانيو ) رخام روعة صراحة سالته عن اسعر وهنا كانت الصدمة ( 213 ) الف . لا يقول بنزل لك 13 الف . قلت له بعطيك 13 بس فكني من شرك ههههههههه.

شسم المحل .. صارت لي من قبلك بانيو ب 70000 كان في محل في شارع النصر يقول لي فيه موذر اوف بيرل .. خذت بالسبعين ألف أربع جاكوزيات من شبيب وعلي العطية وشاور ستيم كلهم ماركة جكوزي .. وخذت بزيادة على المبلغ بلاط فالنتينو الايطالي كله صدفي اللي مسميه موذر بيرل .. يا اخوي العرب كذابين ( مسؤولي المبيعات قصدي ) ويحسبون الناس أغبياء بيقدرون يستدرجونهم

اليوم قصة البي ام بعد قصة .. على التلفون كلامهم غير وفي الواقع كل شيء غير ويحاولون يحسسونك إنك غلطان .. وهذي عيب والثانية عيب بس تمشي على ناس ويدفعون .. قال لي ادفع عربون قلت ما ادفع عربون انا جاي اشتري حسب العرض اللي قلت لي .. كان قايل تدفع نص المبلغ الحين ونص المبلغ بعد سنتين وقيمة الخصم 9% وفوقها زاد بعد حول 3000 ووقت الصج قال لا هذا الخيار ما فيه خصم نهائي ويحاول يطلعني جدام مسؤوله إني ما سمعت صح واني فهمت غلط قلت لهم صحيح انا غلطان مع السلامة
Abu-hmood
02-03-2017, 01:56 PM
ليش مايكون عندنا خيارات شراء من الدول المجاوره مثل الامارات او السعودية لانه ماراح اقول اقل من اسعارنا لكن بعض الشغلات عندهم حلوه وجودتها وسعرها افضل من الي عندنا بمراحل
معماري قطري
02-03-2017, 01:56 PM
شلون اعرف تكلفة البنيان هل اخذ التصميم واسئل شركة مقاولات واعذروني لجهلي في هذي الامور

وابو عبدالله هل فيه امكانيه لو حبيت اشيل البيسمنت اذا السعر ماناسبني واخلي بس البينت هاوس بدون البيسمنت

اضافاتي للبنت هاوس راح تكون غرفة 8\6 بالاضافة لغرفة خدم بدورة مياة لغرفتين صغار تكون وحده للغسالات والثانيه لكوي الملابس (لاندري) واكنسل البيسمنت مع اني كنت احتاج غرفة للعب الاطفال بس مستحيل يعطونا موافقه للبنت هاوس على هالكمية المطلوبة مع اني ودي بالبيسمنت لكن لو كان تكلفتها عالي ما اعتقد راح اسويه

وبلدية الوكره سمعت انهم شوي متشددين لان واحد من الربع رفضو رفض تام يخلون الارتداد بينه وبين بيت نسيبه مترين اجبروه على 3 متر من كل بيت واحسه مبالغ فيه شوف بلدية الدوحه اعرف ناس تقربلي 1.50 بينه وبين بيت جاره جاره

إنت أدرى والله يوفقك .. التخطيط متفرعنين على الأراضي الصغيرة ولا يقدرون على الكبيرة ودوم مقولتهم هذا باني من زمان أو مخالف ولا نقدر نسوي له شيء
معماري قطري
02-03-2017, 01:59 PM
ليش مايكون عندنا خيارات شراء من الدول المجاوره مثل الامارات او السعودية لانه ماراح اقول اقل من اسعارنا لكن بعض الشغلات عندهم حلوه وجودتها وسعرها افضل من الي عندنا بمراحل

الخيارات موجودة بس يبي لها حد يبحث عنها .. الشركات مقاول بيعطيك مليونين ومقاول يمكن 10 وكذلك خيارات التشطيب والتصميم
Abu-hmood
02-03-2017, 01:59 PM
وابو عبدالله هل فيه امكانيه لو حبيت اشيل البيسمنت اذا السعر ماناسبني واخلي بس البينت هاوس بدون البيسمنت

اضافاتي للبنت هاوس راح تكون غرفة 8\6 بالاضافة لغرفة خدم بدورة مياة لغرفتين صغار تكون وحده للغسالات والثانيه لكوي الملابس (لاندري) واكنسل البيسمنت مع اني كنت احتاج غرفة للعب الاطفال
معماري قطري
02-03-2017, 02:23 PM
وابو عبدالله هل فيه امكانيه لو حبيت اشيل البيسمنت اذا السعر ماناسبني واخلي بس البينت هاوس بدون البيسمنت

اضافاتي للبنت هاوس راح تكون غرفة 8\6 بالاضافة لغرفة خدم بدورة مياة لغرفتين صغار تكون وحده للغسالات والثانيه لكوي الملابس (لاندري) واكنسل البيسمنت مع اني كنت احتاج غرفة للعب الاطفال

حتى لو فيها إعادة تصميم وموافقات ثانية العملية سهلة لو الاستشاري متفهم

إنت لو سويت بيسمنت تحتاج مواصفات للبيسمنت وعزل جيد ونظام تصريف لو تحب .. تصريف للمياه الجوفية والأمطار وشرحته مرات عديدة .. الليوان النازل هذا بتسوي فيه منهول لتجميع المياه اللي بتكون قريبة من سور البيسمنت وبعدها ترفعها مضخة للصرف أو لمنهول بعيد لتصريف المياه أو لجهة الزراعة حتى ما تكون قريبة من جدار البيسمنت وترطبه وتخربه .. وهذا له تكلفة ولو ما سويته ممكن المياه تتسرب للبيسمنت

الاستشاري الجيد بيسوي لك كل خيار وبيعطيك سعر تقريبي ويكون سهل عليك تسوي أي خيار منهم .. كانت عندك غرفة خدم في الملحق وغرفة غسيل وتنفع يكون مدمج معاها كوي الغسالات ما تاخذ مساحة كبيرة
Abu-hmood
02-03-2017, 02:28 PM
حتى لو فيها إعادة تصميم وموافقات ثانية العملية سهلة لو الاستشاري متفهم

إنت لو سويت بيسمنت تحتاج مواصفات للبيسمنت وعزل جيد ونظام تصريف لو تحب .. تصريف للمياه الجوفية والأمطار وشرحته مرات عديدة .. الليوان النازل هذا بتسوي فيه منهول لتجميع المياه اللي بتكون قريبة من سور البيسمنت وبعدها ترفعها مضخة للصرف أو لمنهول بعيد لتصريف المياه أو لجهة الزراعة حتى ما تكون قريبة من جدار البيسمنت وترطبه وتخربه .. وهذا له تكلفة ولو ما سويته ممكن المياه تتسرب للبيسمنت

الاستشاري الجيد بيسوي لك كل خيار وبيعطيك سعر تقريبي ويكون سهل عليك تسوي أي خيار منهم .. كانت عندك غرفة خدم في الملحق وغرفة غسيل وتنفع يكون مدمج معاها كوي الغسالات ما تاخذ مساحة كبيرة


لك رسالة على الخاص
سعود.
02-03-2017, 03:54 PM
أسم المحل ( بورسلانا ) طريق سلوى .

المشكلة انه على طريق دوامي omen
معماري قطري
02-03-2017, 04:24 PM
يمكن بعضكم يذكر التصميم ذيه وكنت عرضته في موضوع ثاني عن تصميم لي لكن غيرته بالكامل لفيت البيت يمين بيكون مقابل جنوب بدال شرق وعدلت فيه بتغييرات وتصغيير شوي وكان السبب عندي إني لازم اسوي اتصال مع الأرض الثانية .. باعيد عرض المخططات وأفكاري ذاك الوقت وألحين تغيرت بالكامل حتى الاظهار الهندسي استوى أفضل

http://i.imgur.com/Ms26qhk.png
معماري قطري
02-03-2017, 04:25 PM
أسم المحل ( بورسلانا ) طريق سلوى .

المشكلة انه على طريق دوامي omen

كانت أسعاره معقولة ما ادري شاللي طيرها فوق
سعود.
02-03-2017, 04:33 PM
أبداع التصميم ودام فيه ( دوار ) فهذا صنع يدك !!!
معماري قطري
02-03-2017, 04:34 PM
هذا الدور الأول

فيه بعض الممرات 1.2 لأنها توصل لغرفتين فيها ممكن شخصين نادر تحصلهم يمرون في نفس الوقت ولو مروا بنفس الوقت بيكونون من أهل البيت محد بيتضارب مع الثاني على أولوية المرور

ممر الغرفة الرئيسية الموصل للحمام بعرض متر صافي

http://i.imgur.com/0seHtA8.png
معماري قطري
02-03-2017, 04:35 PM
طبعاً تصميم المجلس تغير بالكامل وحتى الشكل من دائري لمثمن
معماري قطري
02-03-2017, 04:45 PM
وهنا يبين كيف التغيير في التوزيع وتصغير المباني قليلاً والاستفادة أكثر من الأرض وعمل اتصال مع الأرض الثانية

المقصد هو حساب كل شيء في التصميم واللي يشوف القديم ويشوف الجديد يلاحظ مدى التغيير والأفضلية لأي تصميم

http://i.imgur.com/V6rsBpn.jpg
معماري قطري
02-03-2017, 04:49 PM
مكان الباب ما تغيير بس لفيته في الرسم والمفروض حسب لفتي صح قبل غلط .. الشمال فوق واليمين شرق لكن ممكن يغير الواحد حسب اللي يكون مريح له
معماري قطري
02-03-2017, 11:43 PM
أبداع التصميم ودام فيه ( دوار ) فهذا صنع يدك !!!

توني انتبه لرسالتك

الدوار يعطي جمال للمدخل ويجمل المكان .. وهذا بدون رصيف وسطي وبدون منحدر للركوب عليه تقريباً لفل واحد .. الأطراف بس مرتفعة وبتكون معمولة من الحجر مب رصيف .. الشلال المواجه للمدخل بيكون خرسانة مغطاة بحجر وفيه فجوات بإضاءَة ملونة .. وحائط الشلال بيكون مرتفع شوي أرفع من السور
سعود.
03-03-2017, 12:00 AM
الله يتمم لك على خير
وجعلة منزل مبارك
معماري قطري
03-03-2017, 09:57 AM
الله يتمم لك على خير
وجعلة منزل مبارك

آمين والله يرزقك البنيان المريح والجيد
معماري قطري
03-03-2017, 01:56 PM
أحد أعضاء المنتدى الكرام ما حصلت فرصة لمراجعة مخطط بيته بس تعرفت عليه وزرت بيته وهو مقارب يخلص .. شفت تركيب البلاط وعلقت لاحظته تضايق ومسكت لساني وغصب تميت اجامله لأنه شيء انتهى واصلاحه صعب .. البارحة كلمني يقول تقشع كثير من البلاط وقلت له شاللي لاحظته وتمنيت ودعيت الله يوفقه بدون ما يسوء الوضع .. لكن للأسف الوضع كان سيء وساء أكثر .. المصيبة تهون لو الأرضية تحت مؤسسة صح مثل ما صار معاي بس وضعي انا بعد 11 سنة أو 12 تقريباً وهو قبل ليسكن

هو من أول دورة حرارية .. والدورة الحرارية هي صيف وشتاء .. حرارة فوق 30 وتوصل لخمسين وحرارة تحت 25 وتوصل لعشرة في أيام .. انا عندي عشر مرات وزيادة تعرض البيت لهذي الدورات الحرارية وفي الغالب تقشع بسبب الحفريات وهو مؤكد من سوء التركيب ومن أول دورة حرارية فشل التركيب

أقول هذا حتى الجميع ياخذ حذره وينتبه لهذي الحيثيات في التصميم والمواصفات .. لازم يوضح مقطع يبين البلاط وتحته صبية خرسانة ومكتوبة طبقات الأرضية ونوعيتها بإختصار .. وفي المواصفات يكون مفصل كل شيء من مواد التركيب وطريقة التركيب ولازم عليه اشراف هندسي قوي

والله يوفقه ويعينه ويتم الاصلاح له ويسكن بالبركة في هالأيام المبروكة والباردة .. ويعلم الله إني حزنت وكأن اللي حصل حصل لي وأذكر هذا لتفاديه من البقية
سعود.
03-03-2017, 03:09 PM
أكثر المواضيع الي احبها ( الاخطاء )
انا غلطت في التصميم من البداية وقتها كنت في غشيم ويمكن للحين بعد :ok:
غلطت بصاله السداسية ماخليتها بارزة شوي عن الفيلا .
وغلطت في القبو سويت نظام الحفرة الانجليزية وماسويت الحديقة النازله .
وغلطت في البناء الخارجي اطابوق ماسويته عازل بفلين او نظام جدارين وبينهم عازل .

ووووووالخ اشياء كثيرة بفصلها بموضوع بذكر الايجابي والسلبي الي صار لي .
مع ذكر ( أسماء ) الشركات والمحلات لايجابيه والنصابيه .

قريبآ
سالم الزهران
03-03-2017, 03:30 PM
^
موفق اخوي سعود و اخونا العود بو عبدالله ... والله يا اخوان منتم متخيلين كم نتابع مشاركاتكم و نستفيد منها لانا فعلاً خوافين من سالفة البناء وعدم الأمانة اللي صايره فيه.
سعود.
03-03-2017, 03:51 PM
الله يجزاك كل خير اخوي ( سالم )
مبطين منك اعلومك واعلوم الديره
معماري قطري
03-03-2017, 05:58 PM
^
موفق اخوي سعود و اخونا العود بو عبدالله ... والله يا اخوان منتم متخيلين كم نتابع مشاركاتكم و نستفيد منها لانا فعلاً خوافين من سالفة البناء وعدم الأمانة اللي صايره فيه.

انا اخوكم الصغير أخوي سالم

صحيح فيه ناس تقرأ وتستوعب ولو ما فهموا شيء يسئلون لكن ناس يمسكون الموضوع من وسطه أو آخره وتحصلهم متشتتين هذيلا يخطئون على طول والمشكلة عندنا المقاول يقول للمالك انت قلت لي وانا سويت وكذلك المهندس والمفروض الاثنين يناقشون ولا يسوون الا الصح
معماري قطري
03-03-2017, 06:05 PM
أكثر المواضيع الي احبها ( الاخطاء )
انا غلطت في التصميم من البداية وقتها كنت في غشيم ويمكن للحين بعد :ok:
غلطت بصاله السداسية ماخليتها بارزة شوي عن الفيلا .

معاك حق يبي لها بروز نصها تقريباً .. بس بعد واجب المدندس يبين لك شكثر عندنا مدندسين ما يتعبون نفسهم

وغلطت في القبو سويت نظام الحفرة الانجليزية وماسويت الحديقة النازله .

الثنتين تقريباً نفس الشيء بس الانجليز أما يسونها مفتوحة أو مغلقة بحديد أو قزاز وصغيرة .. هي عندنا ممكن نسويها لين السور وعلى شكل منحدر مثل التل تطلع حلوة من داخل وهي مزروعة

وغلطت في البناء الخارجي اطابوق ماسويته عازل بفلين او نظام جدارين وبينهم عازل .

ووووووالخ اشياء كثيرة بفصلها بموضوع بذكر الايجابي والسلبي الي صار لي .
مع ذكر ( أسماء ) الشركات والمحلات لايجابيه والنصابيه .

قريبآ

الله يوفقك .. كنت فاتح موضوع من تجاربكم وراح واندثر كان المفروض الواحد يقول تجربته صغيرة أو كبيرة ولو بصور وعقود بعد أفضل
سعود.
03-03-2017, 08:09 PM
ابا عبدالله

الحفرة الانجليز ( مثلك عارف ) عباره عن بلكونة مدفونه طالع منها اخر 20 سم ماتستفيد منها الى لتهويه وأضاءه طبيعية وتاخذ مساحة من الارتداد 1.5 قانوني وممكن تكون خطرة للاطفال ومكب للنفايات وتجمع مياة الامطار .
والحديقة النازله اكيد افضل 100‎%‎

اما التصميم نعم معك كان من البداية يبلغني عنها .

اما عن موضوعك ( تجاربكم ) ابشر خلني اخلص من البناء وبحط تجربتي في 3 فلل خاصة .
أم قمر
03-03-2017, 08:24 PM
شكرا على المجهود أخ معماري قطر والله يعطيك على قد نيتك ورحابة صدرك في التعامل مع الزملاء
عندي استفسار لو عندي فيلا مساحتها 985 م2 كم تكلفني برايك مع العلم بأن التشطيب سوبر
في شركة اعطتني مبلغ 1621000 ريال السعر أوكي أو لا :con2:
سالم الزهران
03-03-2017, 09:31 PM
الله يجزاك كل خير اخوي ( سالم )
مبطين منك اعلومك واعلوم الديره

الستر يدوم علينا وعليكم يا شيخ سعود ، الجنوب عليه امطار و سيول خفيفة ، وحنا في الغربية حالنا حال الموظف بيت عمل و الفايده عند الله . حفظك الله يا اخي
سعود.
03-03-2017, 11:22 PM
الستر يدوم علينا وعليكم يا شيخ سعود ، الجنوب عليه امطار و سيول خفيفة ، وحنا في الغربية حالنا حال الموظف بيت عمل و الفايده عند الله . حفظك الله يا اخي

الله يحفظكم ويحفظ ( المملكة ) حكومة وشعب دنيا واخرة .

على هذي الاجواء احس منطقة ( الحبلة ) زحمة .:app:
سعود.
03-03-2017, 11:26 PM
شكرا على المجهود أخ معماري قطر والله يعطيك على قد نيتك ورحابة صدرك في التعامل مع الزملاء
عندي استفسار لو عندي فيلا مساحتها 985 م2 كم تكلفني برايك مع العلم بأن التشطيب سوبر
في شركة اعطتني مبلغ 1621000 ريال السعر أوكي أو لا :con2:

ضايقني في السعر ال ( 1000 ) crazy
سعود.
03-03-2017, 11:58 PM
الله يوفقك .. كنت فاتح موضوع من تجاربكم وراح واندثر كان المفروض الواحد يقول تجربته صغيرة أو كبيرة ولو بصور وعقود بعد أفضل


تعاملت مع محلات وشركات كثيرة من تشطيبات .
حاليا فقط اقدر اقول عن العازل المائي شركة ( نهاريا ) موقعهم النصر

قالي عنها اخوي ( بوسعود ) azizuk
صراحة ماشفت عازل مثلهم ( سرعه وسعر ودقة ) ولا صار اي تسريب بعكس الشركات الاخرى في الفلل الاخرى .

غدا السبت بأذن الله اخر صبية لي سقف ( المجلس المشترك )
هرمنا :waiting:
معماري قطري
04-03-2017, 12:00 AM
شكرا على المجهود أخ معماري قطر والله يعطيك على قد نيتك ورحابة صدرك في التعامل مع الزملاء
عندي استفسار لو عندي فيلا مساحتها 985 م2 كم تكلفني برايك مع العلم بأن التشطيب سوبر
في شركة اعطتني مبلغ 1621000 ريال السعر أوكي أو لا :con2:

حياج الله إختي الكريمة ويسرني ارد على أول مشاركاتج

السعر كثير مناسب وخصوصاً تتكلمين عن سوبر ديلوكس .. الأهم من هذا هل الشركة عندها المقدرة للتنفيذ وهل العقد واضح والخططات مفصلة وسليمة ما فيه تضارب بينها؟

ممكن تكون أشياء كثيرة عليكم فيطلع السعر الحقيقي غير المذكور
معماري قطري
04-03-2017, 12:08 AM
تعاملت مع محلات وشركات كثيرة من تشطيبات .
حاليا فقط اقدر اقول عن العازل المائي شركة ( نهاريا ) موقعهم النصر

قالي عنها اخوي ( بوسعود ) azizuk
صراحة ماشفت عازل مثلهم ( سرعه وسعر ودقة ) ولا صار اي تسريب بعكس الشركات الاخرى في الفلل الاخرى .

غدا السبت بأذن الله اخر صبية لي سقف ( المجلس المشترك )
هرمنا :waiting:

ذكرتني بالمجلس المشترك والله يوفقك فيه

هذي واجهة مجلس ولد عمي بعد بين أرضين من كل ارض 15 متر والوسطي هو الكبير واللي في الطرف واحد مجلس يومي وواحد مقلط .. بيكون فيه بيسمنت له مدخل من جهة اليسار بين المجلسين وسور يفصل المجلس عن البيت .. بس هو يفكر في دور أول بعد

http://i.imgur.com/jx0Kbzr.png
معماري قطري
04-03-2017, 12:15 AM
ضايقني في السعر ال ( 1000 ) crazy

انا ضايقني ال 21000

مرة رحت مع واحد عند إستشاري .. أيام العز كان محتاج إشراف وعطوه سعر 1111 شهرياً هو فاوضهم وايد لين طلع هالسعر .. بيته كان غريب ومميز وكنت وقتها خبرتي قليلة يمكن شهور والاستشاري في عمارة في الجسرة قبل لتتحول المنطقة لسوق واقف .. كانت أسقف بيته كلها مايلة والسقف مب متصل فوق مفصول يعني ميلان وميلان بينهم فراغ مسكر بزجاج كنافذة طويلة .. الفكرة زينة بس الغرف كله يدخلها نور من فوق
سعود.
04-03-2017, 12:23 AM
ذكرتني بالمجلس المشترك والله يوفقك فيه

هذي واجهة مجلس ولد عمي بعد بين أرضين من كل ارض 15 متر والوسطي هو الكبير واللي في الطرف واحد مجلس يومي وواحد مقلط .. بيكون فيه بيسمنت له مدخل من جهة اليسار بين المجلسين وسور يفصل المجلس عن البيت .. بس هو يفكر في دور أول بعد

http://i.imgur.com/jx0Kbzr.png


خوش تصميم وخوش مساحة
الله يهنيكم فيه .
معماري قطري
04-03-2017, 01:03 AM
خوش تصميم وخوش مساحة
الله يهنيكم فيه .

الله يسلمك بس كله مخالفات ولا اتوقع التخطيط يمشونه
معماري قطري
04-03-2017, 01:05 AM
ممكن الجهتين اليمين واليسار الدرايش ممنوعة لأنها على الخارج .. اللي في الوسط داخل 3 متر واللي فوق مثل البرج مناور سقفية مخالفة بالارتفاع مع إنها تعطي شكل وبعدين رمز للمكان ينوصل له بسهولة
أم قمر
04-03-2017, 01:12 AM
معلش اخوي معماري قطر بدي أتكلم معك بموضوع بخصوص الفيلا وموقادره ابعتلك رساله خاص اشرحلك فيها الوضع ومو عارفه اشلون اتواصل وياك
الموضوع جدا مهم
Azizuk
04-03-2017, 01:19 AM
وهنا يبين كيف التغيير في التوزيع وتصغير المباني قليلاً والاستفادة أكثر من الأرض وعمل اتصال مع الأرض الثانية

المقصد هو حساب كل شيء في التصميم واللي يشوف القديم ويشوف الجديد يلاحظ مدى التغيير والأفضلية لأي تصميم

http://i.imgur.com/V6rsBpn.jpg


اخوي معماري التصميم هذا جدا روعه مع تقسيماته وتوزيعه

بس مشكلته لازم مواقفه من مكتب الهندسي الخاص

لان يعتبر من التراث

وإذا من التراث لازم يكون مبني بمواصفات خاصه

يعنى مب اَي مواد تستخدم في لهم شروط طويله عريضة وانت عارفهم عدل

وان شاالله مايعرقلون عليك بشي

وانا مابدي استبق الأحداث

بس شكلك مطلوب مره يامعماري :victory: قام حضك
سعود.
04-03-2017, 01:50 AM
الله يسلمك بس كله مخالفات ولا اتوقع التخطيط يمشونه

الله يعين بأذن الله تيسر

انا نفس اشي عندي مخالفه باذن الله تمشي ( بغرامة وتعهد )
وان شاء الله موب ازاله .
سعود.
04-03-2017, 01:54 AM
[b]ممكن الجهتين اليمين واليسار الدرايش ممنوعة لأنها على الخارج .. اللي في الوسط داخل 3 متر واللي فوق مثل البرج مناور سقفية مخالفة بالارتفاع مع إنها تعطي شكل وبعدين رمز للمكان ينوصل له بسهولة

بعض شروطهم متعبه .
ودك يمشون الامور الي مالها مخالفه في ( الدفاع المدني ) ولا المنظر الجمالي .
سعود.
04-03-2017, 02:06 AM
انا ضايقني ال 21000

مرة رحت مع واحد عند إستشاري .. أيام العز كان محتاج إشراف وعطوه سعر 1111 شهرياً هو فاوضهم وايد لين طلع هالسعر .. بيته كان غريب ومميز وكنت وقتها خبرتي قليلة يمكن شهور والاستشاري في عمارة في الجسرة قبل لتتحول المنطقة لسوق واقف .. كانت أسقف بيته كلها مايلة والسقف مب متصل فوق مفصول يعني ميلان وميلان بينهم فراغ مسكر بزجاج كنافذة طويلة .. الفكرة زينة بس الغرف كله يدخلها نور من فوق

تفاوضت مع شركة بمبلغ 304 الف . ارسل لي العرض
( واتساب ) نشبت له على 4 ووافق :app:
قلت اسهل 300 بدل 304 بالعقد واشيك والايصال ههههههه
ويوم جيت اوقع العقد قالي عندي مفاجاة !!
حاطة 299 ههههههههه

يقول بغلبك شوي
معماري قطري
04-03-2017, 11:16 AM
معلش اخوي معماري قطر بدي أتكلم معك بموضوع بخصوص الفيلا وموقادره ابعتلك رساله خاص اشرحلك فيها الوضع ومو عارفه اشلون اتواصل وياك
الموضوع جدا مهم

سامحيني إختي توني انتبه لهذي الرسالة

ممكن ترسلين على hamadqatar999@gmail.com وإن شاء الله أقدر على المساعدة
معماري قطري
04-03-2017, 11:22 AM
اخوي معماري التصميم هذا جدا روعه مع تقسيماته وتوزيعه

بس مشكلته لازم مواقفه من مكتب الهندسي الخاص

لان يعتبر من التراث

وإذا من التراث لازم يكون مبني بمواصفات خاصه

يعنى مب اَي مواد تستخدم في لهم شروط طويله عريضة وانت عارفهم عدل

وان شاالله مايعرقلون عليك بشي

وانا مابدي استبق الأحداث

بس شكلك مطلوب مره يامعماري :victory: قام حضك

ما له دخل في التراث اخوي عبدالعزيز

يمكن يكون قريب من بيوت الربع في المكتب الخاص .. بس يفرق في كل شيء يمكن بعض العناصر بالصدفة وما اعتقد .. بعدين داخل فريج وبتسكر عليه بيوت أو محلات هو في الوقت الحالي ما فيه بيوت ولا توزعت الأراضي اللي جدامه ولا تخططت حتى بس اتوقع يسوونها محلات والله يستر ليحطون مواقفها صوب بيوتنا .. تعودنا على التخطيط العشوائي
معماري قطري
04-03-2017, 11:26 AM
الله يعين بأذن الله تيسر

انا نفس اشي عندي مخالفه باذن الله تمشي ( بغرامة وتعهد )
وان شاء الله موب ازاله .

اللي بيبني هو مقاول وهو المالك ومتولع بالمغامرات وما شاء الله عليه جرب في تجاري قبل .. إستوى يقول لحد يعلمني شيء انا اعلمكم .. الله يوفقه
معماري قطري
04-03-2017, 12:39 PM
تفاوضت مع شركة بمبلغ 304 الف . ارسل لي العرض
( واتساب ) نشبت له على 4 ووافق :app:
قلت اسهل 300 بدل 304 بالعقد واشيك والايصال ههههههه
ويوم جيت اوقع العقد قالي عندي مفاجاة !!
حاطة 299 ههههههههه

يقول بغلبك شوي

المبالغ اللي تنتهي ب 99 تخلي الواحد يركز في الرقم اليسار ويبدأ به يحسس الشخص إنه في خانة ال 200000 وليس في خانة ال 300000 وهو شوي ويوصل 300000 وهذي تستوي دعاية لا إرادية للشركة .. حتى لو سئلت كم كلفك تقول 200000 وتكمل باقي الرقم
سعود.
04-03-2017, 02:02 PM
صادق

وانا اساسا من البداية منزل منه حول 9 غير ال 4 الاخيرة .
ماتطوفني سوالفهم .
أم قمر
04-03-2017, 03:52 PM
شكرا اخي العزيز معماري قطر وبعتلك الرسالة
تحياتي ليك وللجميع
معماري قطري
04-03-2017, 07:08 PM
شكرا اخي العزيز معماري قطر وبعتلك الرسالة
تحياتي ليك وللجميع

تم الرد ومشكورة إختي هذا وضع انا منتبه له وصادفني ونبهت عليه عدة مرات وممكن ننبه الإخوان هنا لو حبيتي بس بدون ذكر أسماء
Abu-hmood
05-03-2017, 08:19 PM
مساكم الله بالخير

اليوم مريت شركة بس عشان اعرف مقاسات الفله

لقيت واحد من الجالية العربية

وقالي البيسمنت 262.84
الدور الارضي 300
الدور الاول 300
البنت هاوس 121
الملاحق 92
السقف بين الملحق والفلا 26

هل كلامه صحيح

وقال عندك اخطاء في البيسمنت اولا التهويه وثانيا ارتفاع البيت اقل شي يكون من 8 الى 10 درجات مدخل البيت
وبصراحه اشوفه مبالغ فيه هالكثر ارتفاع

أرسلت من sm-n920c بإستخدام تاباتلك
معماري قطري
05-03-2017, 09:16 PM
مساء النور يا بو حمود .. الكل بيفتي لك لتخاف

المقاسات 292 للأرضي والأول شوي زيادة لو بنحسب البروزات للدرايش قريب 300 البنتهاوس صحيح 121 والبيسمنت ما اتذكر لو ترجع شوي ورا بتحصل مساحته بالضبط .. الملحق 89.3 هذا بعد التوسعة ليكون بعرض 4 متر صافي

اللي قال عنها أخطاء قول له هذي أخطاء في عقلية التصميم المتعودين عليها وماشيين عليها .. هذي المناور محفورة مع البيسمنت شالخطأ فيها .. بدال ما نرفع سقف البيسمنت ونخلي الأرض حوله سيدة لا نخلي السقف نازل 3 عتبات صغار بس مرفوع ونسوي جوانب البيسمنت ( الجدران الجانبية ) اللي نحتاج نسوي فيها تهوئة نازل الحوش جنبها .. ومنها نفتك من تجمع الماي حولها بعد ويكون عندنا مرور لصيانة المنهول التحتي وتكون عندنا إمكانية نسوي تصريف مياه تحت مياه جوفية أو أمطار

الليوان بين البيت والملحق ما يحسبه لأن بيتسكر بقزاز وألمنيوم وهذا انت تسويه بعد الرخصة أو مع الرخصة لو وافقوا التخطيط

بو حمود كمل التصميم عند استشاري وخله ينزله مناقصة أفضل لك من الشركات ومن العمال اللي بيضيعونك وانا من هنا باتابع وباقي الإخوان ما يبخلون بالنصيحة المهم تثبت على اختيار معين وتسويه

حل الثمان درجات ودرجات مرتفعة بتكون مزعجة لدخول البيت ممكن لكن بيكون تقليدي والدرايش للبيسمنت بتكون مرتفعة فوق والرطوبة بتنزل جنب جدران البيسمنت تخربها بالتدريج وتسرب بعدين
Abu-hmood
06-03-2017, 08:33 AM
يا اخوان من يعرف مكان مكتب السد

أرسلت من sm-n920c بإستخدام تاباتلك
Abu-hmood
06-03-2017, 08:33 AM
ودي امر عليهم واعرض لهم المخطط

أرسلت من sm-n920c بإستخدام تاباتلك
سعود.
06-03-2017, 08:47 AM
عندك ( العلي للاستشارات الهندسية )

العمارة الي فيها كنتاكي بجانب وكالة ( المرسيدس )
مدخلهم شمال العمارة .
سعود.
06-03-2017, 08:54 AM
مساكم الله بالخير

اليوم مريت شركة بس عشان اعرف مقاسات الفله

لقيت واحد من الجالية العربية

وقالي البيسمنت 262.84
الدور الارضي 300
الدور الاول 300
البنت هاوس 121
الملاحق 92
السقف بين الملحق والفلا 26

هل كلامه صحيح

وقال عندك اخطاء في البيسمنت اولا التهويه وثانيا ارتفاع البيت اقل شي يكون من 8 الى 10 درجات مدخل البيت
وبصراحه اشوفه مبالغ فيه هالكثر ارتفاع

أرسلت من sm-n920c بإستخدام تاباتلك

انا عندي بيسمنت ومدخل الفيلا 6 درجات .

وقت التنفيذ لاتنسي ياخذ لك منسوب اشارع + المدخل الدرج وكم عتبة +البيارة الرئسية + الدرج الخلفي + نوافذ البيسمنت اذا ماعندك حديقة نازله + الملاحق
علشان ما توهق وقت الدفان .
Abu-hmood
06-03-2017, 09:08 AM
والله اني ضايع
بخصوص المنسوب موجود تو خذته من اشغال مع مكان باب البيت

وممكن اعرف موضوع الحديقه النازله او تحط صوره من النت عشان اخذ فكره

أرسلت من sm-n920c بإستخدام تاباتلك
سعود.
06-03-2017, 11:52 AM
https://mobile.twitter.com/f_al_harthi/status/624921812523073537

شوف الرابط وشوف التعليقات
هذا للحديقة النازلة ( الساقطة ) الخاصة بالبيسمنت

بعكس النظام القديم الي تكون نوافذ القبو مستطيلة
او الحفرة الانجليزية ( بلكونة ) ماتستفيد منها . وهذي صورة للنوافذ المستطيلة و الحفرة .
99528
معماري قطري
06-03-2017, 01:22 PM
ما قصرت يا سعود الله يسعدك دنيا وآخرة

انا حاولت احصل بيسمنت مفتوح على حديقة نازلة في اليوتيوب ولا حصلت والرسم واضح .. سويت انا عرض 2 متر ممكن تنزرع باصيصات زراعة لكن لو تبي تسويها متدرجة ومثل تل مزروع عندك مساحة وتكون ممكن تطلع من البيسمنت وتمشي للحوش وانت ترتفع بالتدريج .. اللي سويتها عبارة عن منور نازل بعرض مترين وممكن النزول للبيسمنت بدرج خارجي من الحوش عن طريقها لكن التخطيط يشكون إنك بتأجر ويمنعون تسوي .. تقدر تسويها بعرض 60 سم بس للهواء وشوية نور بس ما دام الحوش موجود عندك وسع ووقت ما تحتاج تبني فيه الحلول سهلة .. المدرجة شوف شرحها في بدايات الموضوع أو خل الاستشاري يشرح لك بتفصيل أكثر ما اعتقد فكرتها صعبة وما وصلت للحين .. وبنفس الوقت تفتك من عتبات مدخل الدور الأرضي 3 عتبات كفاية وكل وحدة 12 سم بس ما تحتاج أكثر

البعض يبالغون في ارتفاع المدخل ويزيدون الدرجات يعني بيطلع البيت فخم بس على حساب راحتك وراحة أهل البيت اللي يومياً يدخلون ويطلعون

بعدين 8 درجات وبعض الاستشاريين يسوون العتبة 18 سم تعطينا ارتفاع لأرضية الدور الأرضي = 144 سم واللي قصير طوله متر ونص يبين راسه من فوق السور الخارجي للبيت .. تحتد تسوي السور الخارجي 3 أمتار ونص للستر
معماري قطري
06-03-2017, 01:34 PM
انا عندي بيسمنت ومدخل الفيلا 6 درجات .

وقت التنفيذ لاتنسي ياخذ لك منسوب اشارع + المدخل الدرج وكم عتبة +البيارة الرئسية + الدرج الخلفي + نوافذ البيسمنت اذا ماعندك حديقة نازله + الملاحق
علشان ما توهق وقت الدفان .

توه مار علي واحد من الربع راويته الأرضية كيف والسلوبات .. لمدخل البيت جهة الملحق رامب بسيط بسلوب مريح وبدون عتبة .. وللمدخل الرئيسي رامب وعتبة وحدة 12 سم لمدخل الحوش رامب وكل السلوبات تودي لخارج باب البيت .. صج تستوي نقعة جنب الباب من برا بس هذا شغل أشغال الناقص

شرحت له قصة المنهولات وقايلين له في أشغال المنهولات للتسليك وضرورية علمته كيف تسليك نظام الصرف الأمريكي اللي بدون منهولات .. المسكين ضايع والمشكلة النظام يحتاج تصميم متكامل ومقاوله ما يفهم واستشاريه علة

من جيرانك يا بو سعود ( عزيز يو كي ) شكلي باعطيه رقمك والله الله فيه
سعود.
06-03-2017, 02:50 PM
ما قصرت يا سعود الله يسعدك دنيا وآخرة



الله يجزاك كل خير ( ابا عبدالله ) وأنت راعي الاوله .
معماري قطري
06-03-2017, 04:02 PM
الله يجزاك كل خير ( ابا عبدالله ) وأنت راعي الاوله .

الله يسلمك اخوي سعود ما عليك زود

هذي نوعية وسط تقدر تقول بين حديقة كبيرة مع البيسمنت وبميلان ممكن تطلع للحوش وبعرض 2 متر حتى جنب السور الخارجي ممكن تسويها وتحط لها درج للنزول أما طابوق أو حديد ولو تحب تخليها بدون درج المهم هي كافية للنور وللهواء وتزرع فيها .. اللي فوق سور حاجز بارتفاع متر عن لحد يطيح وعن الماء ليدخلها والرمل .. مهم تصريف ماي السطح يكون خارجها ما ينزل فيها وتغرق بعدين وتغرق البيسمنت بنكون ما سوينا شيء .. عن تصريف المطر القليل النازل فيها حفرة امتصاصية صغيرة كافية وحتى بدون المطر اللي بيوصلها قليل جداً لو السلوبات بعيدة عنها

هذي المترين وحطيت أشخاص حتى تقدر تقارن حجمها

http://i.imgur.com/tJyrx3f.png
سعود.
06-03-2017, 05:01 PM
مبدع كالعادة .
معماري قطري
07-03-2017, 12:35 AM
إشتغلت على تصميم ثاني أساسه التصميم السابق بس بمجلس دائري وجزء مقوس .. المشكلة في صعوبة تشطيب الحوائط اللافة وعملها بس ميزته لو انعمل دورين وبنتهاوس بيكون بحدود ال 700 متر ومناسب لغالبية الأراضي الصغيرة وبشكل خارج عن المألوف

http://i.imgur.com/oYdr81A.png

الغرفة الرئيسية فوق بتكون هي الدائرية والسرير وسطها والجزء المقوس غرفة الملابس وباقي الغرف بتكون نفس نظام السابق
معماري قطري
07-03-2017, 02:53 PM
المساحة استوت 335 متر مربع وعلى دورين بتطلع 670 وعلى اضافة بنتهاوس بحدود ما تزيد عن 800 متر مربع

التصميم فيه مساحات جمالية ومناسب لكثير من الأراضي

مبدأ التصميم السابق متواصل وهذا الجزء اليسار أكيد يحتاج تعديل انشائي .. وهنا سويت الحائط الخارجي المنحني 30 سم ليكون معزول وبنفس الوقت يكون أقوى وانصح بعمل الحوائط الباقية 30 سم ومعزولة .. حتى الأعمدة لو كانت 30 في 30 بيكون الغطاء الخرساني أكبر للحديد

http://i.imgur.com/keiNXBI.png

بالنسبة للمدخل بابين وراء بعض ممكن نعمل الخارجي حديد مشغول لتأمين البيت والداخلي يو بي في سي لمنع أي غبار أو صوت أو حرارة
معماري قطري
07-03-2017, 03:08 PM
النوافذ حالياً ممكن عملها منحنية يصنعون القزاز منحني وحتى معزول .. ودوم لازم نفكر في نظام الديكور وجماليات البناء أثناء التصميم .. صحيح على الورق غير وفي الواقع بيبين التصميم كتل والتركيز بيكون في الكتل والبروزات وجماليتها .. الداخل يعكس الخارج أو الخارج يعكس الداخل نفس المبدأ والمعنى والتصميم الداخلي شغلة ثانية معمولة جزئياً مع التصميم المعماري لكن التفاصيل سواء يعكسها ذوق صاحب المنزل أو تكون معمولة بواسطة مختص أي تصميم قابل للتعديل

البنتهاوس ممكن يكون من بيت الدرج ونازل تحت جهة اليمين .. غرفتين وممر + غرفة الخزان .. سقف الحمام الرئيسي نسويه بانوراما طبعاً جزئي بس متصل مع الدريشة لغاية طرف البانيو .. وهنا ميزة ممكن ننزل الدريشة لمستوى البانيو ومثل ما تشوفون بعيدة وتعطي خصوصية وحتى ممكن من تحت قزاز محبب ما يبين من وراه والزراعة داخل تغطي وتعطي جو وبيكون عندنا سعة أكثر مع إنفتاح السقف الجزئي بالزجاج
معماري قطري
08-03-2017, 04:44 PM
مساء الخير على الجميع

لتطوير التصميم نلاحظ المشاكل التصميمية ونعدلها معمارياً أول وانشائياً ثاني والباقي التكييف وغيره من الأنظمة والكهرباء

العزل الحراري مهم جداً إنشائياً فهو يحمي هيكل البيت من الضغوطات الحرارية والشلوخ وللتكييف فهو يوصلنا للاقتصاد في التكييف والارتياح الحراري سواء من البرودة الخارجية أو الحرارة

الكثيرين مب مقتنعين من هذا النظام لذلك ما اضمنه في التعديل ( خايف من دعاوي الناس ) واحد بيطلع بيقول كلفني زيادة كذا وكذا وأكيد هو بيكون مكلف بس تكلفة في محلها مب قد الحجر .. يعني لو الحجر بيكلف 400000 هذا بين 50 - 30 ألف واللي يقول الحجر يعزل اقول له حسب طريقة تركيبه ولو سويت طبقات عزل معاه بدون عزله لا يذكر

هنا توضيح للحرارة وكذلك البرودة لو ضربت الخرسانات الجانبية كيف تتسبب في تصخين الأرضيات أو تبريدها حتى لو الجدران تحتها معزولة لأن الحرارة تسري أسرع في الأوساط المصمتة وكبيرة الكثافة كالحجر والخرسانة والحديد

http://i.imgur.com/FhVbLBj.png

وباوضح أكثر بإذن الله وبارسم الحلول للي يحب يسويها سواء للمباني الجاهزة والمبنية ويعتبره مشروع صيانة أو للمباني الجديدة ونحطها في تفاصيل بنائنا وعقودنا حتى تتم على وجه صحيح وتعطينا نتيجة ممتازة
معماري قطري
08-03-2017, 04:54 PM
طبقات الأرضية أكيد بتحتوي بلاط ورمل أو صبية ثانية على الانشائية أو أي مواد تشطيب ثانية هذا رسم مختصر فقط للتوضيح .. الحرارة أو البرودة تأثيرها في الخرسانات وانتقالها يكون مضاعف .. وفي الطابوق يكون أقل لكن مشكلة الطابوق ثانية .. يكون الوجه الداخلي دافيء شتاءً والخارجي بارد وفي الصيف الوجه الداخلي حرارته ممكن 20 والخارجي 50 أحياناً وهذي الضغوط الحرارية سنة بعد سنة تتضح وتبين على الطابوق بشكل شلوخ تزداد عمق

هذا اللي اقصده واعتقد الصورة واضحة

http://i.imgur.com/iqNeaX1.png
سعود.
08-03-2017, 07:50 PM
ابا عبدالله

اذكر من فترة تكلمت ( أنت ) عن تركيب الحجر ميكانيكي مع ترك فراغ 5 سم بينه وبين اطابوق على اساس يصير تيار هوائي يطرد الهواء الحار .
معماري قطري
09-03-2017, 12:49 AM
ابا عبدالله

اذكر من فترة تكلمت ( أنت ) عن تركيب الحجر ميكانيكي مع ترك فراغ 5 سم بينه وبين اطابوق على اساس يصير تيار هوائي يطرد الهواء الحار .

صحيح اخوي سعود .. الفراغ يكون وسط فاصل بين الحجر والطابوق وحركة الهواء من أسفل لأعلى تعطينا درجة عزل مريحة وحتى يتحرك الهواء نحتاج فتحات صغيرة بالدريل أو نقدر نركب ألمنيوم يعطينا فتحات أوسع وشكل أجمل

الأنسب هو عمل طبقات عزل بالفوم اللي يجي على شكل ألواح أو بالحقن في التجويف .. كل ما زدنا طبقات العزل زادت فاعليته .. بوضح هنا لأن هو يعتبر جزء من التصميم وبابدأ من أقل درجة ممكن نعملها وهي بدل ما نعزل الطابوق كله نعزل بس الخرسانات .. واللي هي تسرب الحرارة أكثر شيء .. عزل الخرسانات ببساطة ممكن بتثبيت ألواح فوم عليها وممكن نشكلها بلصق أجزاء منها فوق بعض أو بأخذ سماكة كبيرة ونشكلها بقصها بسلك حار أو بموس أو منشار وقص ألواح الفوم سهل

المهم يكون تركيب ببراغي أما لوح فوم نلصق عليه شبك ونسوي بلاستر حماية خفيف فوقه ويكون اللوح مقصوص بطريقة فنية مثل الكورنيش أو نركب عليه ألواح سيبوريكس ونفس الشيء تنقص بس قصها شوي أصعب

تجي شكلها من الجنب كذا والواجهة حسب التصميم وممكن تكون منحنية مثل الكورنيش .. أو تكون قطعة مسطحة كاملة تغطي الطابوق والخرسانات وتنصبغ وممكن نسوي فيها فتحات تجميلية ونقوشات من فوق أو فوق النوافذ وجنبها

http://i.imgur.com/JWgZypS.png
معماري قطري
09-03-2017, 12:57 AM
القطعة اللي فوق سمكها 10 سم وتثبت بالبراغي الغير قابلة للصدأ أو ببراغي رخيصة بلاستيك ما تصدي وتكون مخفية وينصبغ فوقها .. انا افضل السيبوريكس لأنه أقوى وتركيبه يبدأ من تحت لفوق مع تدعيمه بالبراغي الخاصة .. تحت قرب الأرض نحط قطعة ألمنيوم يتثبت عليها السيبوريكس وتعطي شكل حلو بنفس الوقت وتسوي مستوى مستقيم مرتفع شوي عن سطح الأرض

بيكون عندنا قطعتين من الحائط داخلية اللي هي الطابوق والمعرض لدرجة حرارة الغرفة والخارجية ألواح السيبوريكس المعرضة للحرارة أو البرودة الخارجية والمانعة نسبياً لإنتقالها للجزء الداخلي .. في الوسط بينهم يستحسن نصبغ بتومين ونحط نايلون فاصل بين الطبقتين
Abu-hmood
09-03-2017, 01:16 AM
إشتغلت على تصميم ثاني أساسه التصميم السابق بس بمجلس دائري وجزء مقوس .. المشكلة في صعوبة تشطيب الحوائط اللافة وعملها بس ميزته لو انعمل دورين وبنتهاوس بيكون بحدود ال 700 متر ومناسب لغالبية الأراضي الصغيرة وبشكل خارج عن المألوف

http://i.imgur.com/oYdr81A.png

الغرفة الرئيسية فوق بتكون هي الدائرية والسرير وسطها والجزء المقوس غرفة الملابس وباقي الغرف بتكون نفس نظام السابق


ابو عبدالله فيه كذا شركه منها اتحاد قطر وشركة البيان عرضت عليهم المخطط وقالو نفس الكلام

انه يفضل الدرج يكون اخر البيت عشان لو عندك صالات تكون مفتوحه على بعض وتكون شرحه وتعطيك منظر انها اكبر من مقاسها الاساسي المعتمد في المخطط

حتى هذا المخطط الاخير عرضته عليهم ونفس الكلام
معماري قطري
09-03-2017, 01:54 AM
ابو عبدالله فيه كذا شركه منها اتحاد قطر وشركة البيان عرضت عليهم المخطط وقالو نفس الكلام

انه يفضل الدرج يكون اخر البيت عشان لو عندك صالات تكون مفتوحه على بعض وتكون شرحه وتعطيك منظر انها اكبر من مقاسها الاساسي المعتمد في المخطط

حتى هذا المخطط الاخير عرضته عليهم ونفس الكلام

كلها صالة تحت وصالة فوق والدرج ممكن تخليه مفتوح عليهم وممكن مغلق حسب احتياجك

مكان الدرج والصالة فوق وتحت اشوفه مسكت ومكان الغرف ملموم في جهة آخر البيت بعد أفضل .. مكان الحمامات كلها بعد منتصف جهة مقدمة البيت مع إن شكلها مدروس ومنظرها حلو بالدكتات المربعة الكبيرة والممتدة لسور السطح .. الدرج آخر البيت ليش؟ وسطي قريب للكل

ولو عندهم مقترح ثاني حطه باشوفه والمهم يناسبك

إتحاد قطر اشتغلوا في مشروعين معاي وكنت اديرهم معمارياً وكان عندهم معماري شيبة توفى كثير عجبه تصميمي .. مشروع يعتبر فندق صغير 23 غرفة ونادي خاص وقدرنا نطلعه في أفضل صورة .. انا كنت مخلصه معماري بس حولناه لهم يكملون الباقي والمشروع حكومي

والمشروع الثاني بيتي الحالي بعد صممت كل تفاصيله وهم بس الخدمات

التصميم هذا شبه جاهز باقي الانشائي والكهرباء والميكانيك لكن لو عندهم وجهة نظر استفيد منهم وأي استشاري يبدي رايه انا اعتبره جيد ويناقش وممكن وجهة نظره تطلع أفضل من كل اللي صار هنا من الناحية المعمارية .. وزين يوم رحت لهم بمخطط خذوا وعطوا معاك واعتبروه تحدي وأكيد بيسعرون لك صح وبتقدر تفاوضهم على السعر وعلى أي تعديل فيرتاحون هم وترتاح انت واخواننا المتابعين ياخذون فكرة
معماري قطري
09-03-2017, 02:00 AM
أحد الإخوان يبني بيت مقارب لهذا التصميم بدون بيسمنت وخذ وقت طويل فيه .. البنيان على الورق سهل لكن في الواقع فيه عراقيل وصعوبة خصوصاً لو بنبني عظم وبنكمل
سعود.
09-03-2017, 02:47 AM
صحيح اخوي سعود .. الفراغ يكون وسط فاصل بين الحجر والطابوق وحركة الهواء من أسفل لأعلى تعطينا درجة عزل مريحة وحتى يتحرك الهواء نحتاج فتحات صغيرة بالدريل أو نقدر نركب ألمنيوم يعطينا فتحات أوسع وشكل أجمل

الأنسب هو عمل طبقات عزل بالفوم اللي يجي على شكل ألواح أو بالحقن في التجويف .. كل ما زدنا طبقات العزل زادت فاعليته .. بوضح هنا لأن هو يعتبر جزء من التصميم وبابدأ من أقل درجة ممكن نعملها وهي بدل ما نعزل الطابوق كله نعزل بس الخرسانات .. واللي هي تسرب الحرارة أكثر شيء .. عزل الخرسانات ببساطة ممكن بتثبيت ألواح فوم عليها وممكن نشكلها بلصق أجزاء منها فوق بعض أو بأخذ سماكة كبيرة ونشكلها بقصها بسلك حار أو بموس أو منشار وقص ألواح الفوم سهل

المهم يكون تركيب ببراغي أما لوح فوم نلصق عليه شبك ونسوي بلاستر حماية خفيف فوقه ويكون اللوح مقصوص بطريقة فنية مثل الكورنيش أو نركب عليه ألواح سيبوريكس ونفس الشيء تنقص بس قصها شوي أصعب

تجي شكلها من الجنب كذا والواجهة حسب التصميم وممكن تكون منحنية مثل الكورنيش .. أو تكون قطعة مسطحة كاملة تغطي الطابوق والخرسانات وتنصبغ وممكن نسوي فيها فتحات تجميلية ونقوشات من فوق أو فوق النوافذ وجنبها

http://i.imgur.com/JWgZypS.png


القطعة اللي فوق سمكها 10 سم وتثبت بالبراغي الغير قابلة للصدأ أو ببراغي رخيصة بلاستيك ما تصدي وتكون مخفية وينصبغ فوقها .. انا افضل السيبوريكس لأنه أقوى وتركيبه يبدأ من تحت لفوق مع تدعيمه بالبراغي الخاصة .. تحت قرب الأرض نحط قطعة ألمنيوم يتثبت عليها السيبوريكس وتعطي شكل حلو بنفس الوقت وتسوي مستوى مستقيم مرتفع شوي عن سطح الأرض

بيكون عندنا قطعتين من الحائط داخلية اللي هي الطابوق والمعرض لدرجة حرارة الغرفة والخارجية ألواح السيبوريكس المعرضة للحرارة أو البرودة الخارجية والمانعة نسبياً لإنتقالها للجزء الداخلي .. في الوسط بينهم يستحسن نصبغ بتومين ونحط نايلون فاصل بين الطبقتين



تسلم ابا عبدالله على الشرح وطولت البال

وجزاك الله خير .
معماري قطري
09-03-2017, 10:18 AM
تسلم ابا عبدالله على الشرح وطولت البال

وجزاك الله خير .

الله يسلمك اخوي سعود

هذا حل مناسب للمستخسرين يحطون مبلغ في العازل وهو مهم لصحتهم ولصحة البيت وممكن نستغله شكلياً مثل الطوق يطوق البيت ويعزل الجسور نقدر نسوي الجزء السفلي كلش مثل النعلة والأوسط مثل كورنيش وسطي والعلوي مثل الكورنيش العلوي وحتى نجمله باضاءَة لو حبينا

وزنه خفيف وممكن يركب على المباني الجاهزة ويحل مشكلة البرودة اللي تدخل علينا من الأرضيات أو الحرارة .. للأرضيات معدل 10 سم سمك مناسب ونقدر نحط شوي أقل للحوائط فيستوي عندنا ارتداد جمالي يمثل كورنيش بارز أكثر وخلفية جدارية ممكن تكحل لحدود البلاطات وتطلع بشكل مقارب للحجر وبسعر ما يوصل لنص سعر الحجر الرخيص

عندنا في الأطراف كذلك أعمدة لو عزلناها بنكون سوينا حماية مضاعفة واستفدنا من تقليل طاقة التكييف والضغط الحراري علينا وعلى جسم المبنى .. للأطراف ممكن نرجع لمعدل 10 سم عزل سواء بالفلين أو بالسيبوريكس وهذا بيعطينا شكل الحجر المتداخل اللي ينعمل في الزوايا

بحاول بإذن الله أوضح بتشكيلة مفترضة على الواجهة وأكيد فيه مختصين يسوون أجمل من تشكيلاتي بوايد بس بتكون مثال بسيط
معماري قطري
09-03-2017, 11:58 AM
هذي صورة جزئية للجنب توضح وين حطينا التغطية 10 سم على الجسر الخرساني .. فوق العملية بتكون صعبة ونقدر نكتفي ب 5 سم فوم تحت بروز الخرسانة وتغطي واجهة الخرسانة البارزة أو ببساطة نتركها بدون عزل حراري ونكتفي بصبغ أبيض سميك مثل جوتاشيلد .. ولا ننسى عندنا الفراغ بين السقف والجبس هذا يعتبر معزول بالاضافة لعازل السقف العلوي .. يعني ضمننا تغطية الجوانب بالجبس .. بالنسبة للوسط صحيح الجبس يغطي السقف من تحت سقف الغرف السفلية لكن الجوانب تسرب حرارة وبرودة لأرضية الدور الأول لذلك تغطيتها ضرورية + لو سوينا تغطية كذلك للطابوق بنكون قللنا البروزات لأن مشكلة البروزات بتكون تجمع الغبار وينزل وقت المطر على الواجهة وكذلك مكان حلو للطيور

في النهاية الأسطح المستقيمة المصبوغة جمالها دائم والديكور الزائد ممل بعد فترة ومكلف بنفس الوقت .. ممكن نكتفي ببرواز بسيط حول النوافذ أما جي آر سي أو حجر أو من نفس المادة سيبوريكس أو فوم بتحفير بسيط ونقش

http://i.imgur.com/jC5nXOm.png

تحت ضروري نسوي التغطية وتخدم هدف تكون نعلة تمنع الرطوبة لو حطينا خلفها عزل مناسب فهي تغطي العزل وتحميه وكذلك تعزل حرارياً الجزء المعرض لإنتقال الحرارة الأكبر وهو الخرسانة

وهذي صورة مقربة للجزء السفلي نشوف يمين تحت بروز النعلة اللي بسمك 10 سم ويستحسن تكون سيبوريكس ومبرومة من فوق حتى ما تنكسر وتعطي شكل جميل .. ممكن نكتفي بالحجر وتحته عازل أو الرخام لو حبينا بس المهم نغطي لمستوى أرضية البيت الداخلية للحماية من الحرارة أو البرودة الجانبية ولحماية الجدار من الرطوبة

http://i.imgur.com/5ui3H2o.png

أتمنى الصورة وضحت
سعود.
09-03-2017, 01:04 PM
وأضح ابا عبدالله
وجزاك الله خيرآ

لما تقدمة لنا من دروس ( مجانية )
بأذن الله في ميزان حسناتك
معماري قطري
09-03-2017, 03:48 PM
وأضح ابا عبدالله
وجزاك الله خيرآ

لما تقدمة لنا من دروس ( مجانية )
بأذن الله في ميزان حسناتك

آمين والله يجزيك خير

فايدتي كبيرة في إني اتذكر واتعلم واحاول الترويج لأُمور صحيحة

ممكن نسوي الأقل أو الوسط أو الكثير ومضمون الجودة .. بس نقارن بين هذي الأُمور

في السابق كان ممنوع وضع التغطية المعدنية على المنازل فقط للأبراج وللمباني التجارية حتى المرخصة تجاري مؤقت غير مسموح .. ألحين تطوروا شوي واستويت اشوف منطقة سكنية فيها بنيان مغطى بألمنيوم لامع وملون .. أتمنى يزيد التطور ونشوف شركات تجيب مواد التكسية الخارجية برخيص وبجودة عالية وتستخدم على نطاق واسع .. مب لازم نكون تراثيين أكثر من التراث والا الصبغ المفروض ممنوع قبل يستخدمون الجص فقط في تغطية الحجر .. حتى الطابوق امنعوه عيل يا تخطيط
معماري قطري
10-03-2017, 02:57 PM
البعض يحبون مكان خاص للتشمس وللسباحة الاسترخائية وهذا البيت مساحته حول 650 متر مربع للدورين ولو كملنا وسوينا بنتهاوس بنزيد 135 متر مربع وغرفتين زيادة .. نوزنها هل نحن بحاجة لغرفتين ليكون منزلنا بإجمالي 8 غرف أو لغرفة وصالة رياضة فوق .. ممكن نسوي سور السقف عالي لعلو 3 أمتار ونسوي حوض سباحة مرتفع 120 سم فتبقى متر و 80 تغطي الموجودين فوق .. نخلي فيها فتحات فقط للرؤية من خلالها والنظر لحوش البيت وتكون على امتداد النوافذ وتجمل الواجهة بدال حائط طويل مصمت

طبعاً بتكون أرضية الحوض مرتفعة عن أرضية وخرسانة سقف البيت والحوض ممكن ينعمل جسمه الأساسي من الروتومولد أو الفايبر غلاس ويتركب جاهز في فتحة خاصة له في الأرضية اللي نعملها مرتفعة وبمواد خفيفة مثل المارين بلايوود وعليه تبليط لحمايته من الشمس ولإعطاء شكل جميل .. في التجويف تحت قرب الحوض بيكون عندنا فراغ خدمات نسوي له جزء ينفتح من الجنب أو من فوق لو حبينا لفحص أي تسريب ولا اتوقع يسرب لو كان روتومولد بسمك جيد مثل خزان الماء بس مبلط من داخل للشكل .. المضخة كذلك والفلتر سهل الوصول لهم والحوض بحجمه هذا الدائرة الكبيرة 4.8 متر قطرها والصغيرة 3.2 وبطول يوصل ل 8.6 متر وممكن يتصغر حسب الحاجة ولازم تنعمل لوزنه احتياطات انشائية نفس احتياطات الخزان لكن الخزان ارتفاعه أكبر وهذا بس 1.2

http://i.imgur.com/ftTr0cg.png

هذا رسم أوضح لدور السقف .. نسيت اشيل نافذة الغرفة اللي أسفل الرسم والحمام كذلك ممكن تجي جانبية تطل على فراغ السقف .. نحتاج غرفة تانكي يسار أسفل السقف ونحتاج إننا نخلي معدات التكييف مثبتة خارجياً على الحائط الخارجي ويغطيها السور ما تبين من الخارج وبيكون الضغط على الكمبريسر أخف بسبب حركة الغاز شبه أُفقية وبيفضى لنا السقف لجلسة خاصة خارجية وجلسة قرب الحوض وممكن نسوي عريش مظلل عن الشمس القوية

http://i.imgur.com/cXL9ESY.png
معماري قطري
10-03-2017, 03:02 PM
يبين لنا فوق يسار سقف الحمام الرئيسي البانورامي فوق الحوض فقط لدخول الشمس من أعلى .. وسور السقف ممكن يكون في الدائرة 3 أمتار حتى نضمن تغطية 1.8 متر ومن باقي المناطق ينزل لمترين بطريقة مقوسة بين 3 و 2 متر حتى يعطينا واجهة مميزة وتخيلوا الوضع صعبة اسوي واجهات دقيقة خصوصاً عندي منحنيات ولا فيه داعي لها
معماري قطري
11-03-2017, 01:36 PM
البنتهاوس مهم لأي بيت وانصح به وانصح نسويه بأكبر مساحة ممكنة يوافق عليها التخطيط

والبيت مثل كثيرين ما يلاحظون ممكن في أوقات يكون نصه كافي لعائلة صغيرة ويحتاجون أكثر للترفيه المنزلي وفي المستقبل يكبر أحد الأبناء ويحتاج ملحق وأفضل مكان البنتهاوس لو عندنا مصعد لسهولة الوصول ودور أول ممكن يكون معزول عن الأرضي وعن البنتهاوس

البيت اللي تابعناه في التصميم الأخير يحتوي على أقسام هادئة للنوم والراحة وقسم للضيوف والجلسات العائلية في كل دور مع مستلزمات المعيشة اليومية مثل قرب المطبخ والبانتري فوق وعندنا مجموعة الغرف في الأول بينها ممر بتكون مريحة لعائلة مع أطفال .. ولو فيه حد كبير ممكن ينام تحت وست غرف لازم بتكون كافية لحدود 10 - 20 سنة تعتمد على أعمار الصغار لين يتزوج واحد أو وحدة ويعيش في البنتهاوس

لذلك الاستغلال الأمثل للبنتهاوس مبدئياً نخليه طابق ترفيهي .. ممكن نعتمد التصميم السابق بعمله غرفتين بحمام لكل غرفة وممر ومخزن وبانتري صغير ونسوي مكان الحمامات نازل مع التمديدات للصرف الصحي ونغطي الأرضية ببلاط وسجاد ماص للصدمات والصوت .. حتى فتحة الصرف الصحي نخليها ونغطيها بالسجاد والبايبات تكون محكمة السد وجاهزة للتوصيل في المستقبل .. الحوائط وبايبات التغذية تنبني وقت الحاجة سواء بطابوق أو بارتشن خفيف والهيكل الانشائي موجود وجاهز

نسوي الواجهة قزاز ونبني الحوض مثل ما هو موضح .. وهنا سويت خيار ثاني لمكان الحوض .. هذا طوله 8 متر وأقصى عرض له 5 وبالعمق المعقول للسباحة 120 سم .. ويكون مرتفع عن سطح السقف ومثل ما ذكرت عزله بهيكل خرساني مغطس فيه هيكل روتومولد أو فايبر قلاس وعليه التبليط مع نظام دفع الماء المفلتر وراء الظهر قرب كرسي الجلوس داخل الحوض واللي يكون الخط قرب مسند الظهر عند النزول وباسوي له سكشن لو حد حب يشوف الصورة أوضح .. ينزل الماء جهة الجزء القريب من سور السقف مثل الشلال البسيط بفرق ارتفاع 80 سم وجدامه تكون واجهة زجاجية بحيث يبين ينزل في الفضاء أو في المنظر جدام سواء كانت زراعة أو ممكن يكون البيت على البحر كشاليه .. ولو صعب نحصل خصوصية نخلي الزجاج محبب أو قلاس بلوك حاجب للرؤية

أتمنى الصورة واضحة .. ونقدر نسوي كذلك غرفة بخار قرب الحمام أو خارجية حيث إن الحوائط مرتفعة وعندنا خصوصية والكهرباء متوفرة للبنتهاوس

بهذا نكسب ترتيب مناسب لنا ومريح وهذا مناسب حق إخوي بو حمود لو حب يتابع فيه

http://i.imgur.com/PfZviJB.png
معماري قطري
11-03-2017, 02:14 PM
الستور نقدر نقسمه قسمين نص للفلتر والمضخة ونص ستور .. أو الفلتر والمضخة نسوي لهم مكان مغطى من أعلى جنب الحوض

سويت رسمة قطاع في حوض السباحة يوضح كيف تصميمه .. الخط العريض تحت هو أرضية السقف وتمديدات الحوض كلها ممكن تكون في قناة ممكن تنفتح لو احتجنا للصيانة وبتكون البايبات محمية في خرسانة الحوض ومعليش الرجال لكم عليه ما حصلت غيره متفرغ يقرأ جريدة وتضبيطه بدون جريدة بياخذ وقت

http://i.imgur.com/D1VaWll.png
معماري قطري
11-03-2017, 02:33 PM
هذا توضيح أدق لمكان البايبات .. الراجع هو الأحمر والمفلتر هو الأزرق والمسافة قريبة جداً للمخزن نحتاج فقط عمل أرضية فيها ممرات للبايبات وتغطى بتبليط .. الحوض حتى ممكن ناخذه جاهز من ماركة endless pool بس نبنيه أفضل وبيكون أكبر وحتى أرخص .. نحتاج 3 أو 4 فتحات للبايبات للماء المفلتر والمسخن في نفس الوقت وبيكون مثل الجكوزي دفعه في الظهر حتى المضخة ممكن ناخذها قوية .. الراجع نفس عدد الفتحات أو فتحتين كفاية وفيه ميزة مهمة لهذا النوع من الأحواض .. إنه لو طاحت فيه ورقة شجر تندفع بالماء المدفوع وتسقط مع الماء النازل في البركة السفلية وممكن ازالتها بسهولة الماء العائد للفلتر لازم عليه شبك ما يسمح بمرور الأجسام الكبيرة

http://i.imgur.com/2lvo2oh.png
معماري قطري
11-03-2017, 02:40 PM
الحوض الأول الأرضية حوله مرتفعة وهو غاطس والثاني لا الأرضية نازلة وهو معمول مثل البركة مرتفع والنوعين سهلين لكن الثاني بانوراما أكثر ولاحتفالات العيال أو البنات فوق بيحبونه وخصوصاً عندهم الجلسة والصالة الرياضية
معماري قطري
15-03-2017, 03:31 PM
نصيحة لمن يخطط للبناء

نصيحتي هي أهم شيء الموازنة بين إحتياجنا الفعلي للفعاليات ونبتعد عن التدخل في المساحات ومقدرتنا المادية لهذي الفعاليات .. بعبارة ثانية إذا انا أحتاج 3 غرف نوم في الأول وصالة وممر بسيط وأحتاج مجلس تحت وغرفة طعام لازم قد ما اقدر احدد لكم شخص .. ونبتعد عن مصطلحات لا يقل عن لأن هذا يعطي انطباع للي بيصمم بالسعة بلا حدود

نقدر نحكم المصمم باحتياجات محدودة بحيث نقول مثلاً المجلس لعدد 14 شخص أو طقمين كراسي أو طقم أو ثلاثة .. أو نقول نحتاج تصميم لكراسي مفردة كلاسيك وهذي عرضها بحدود 60 سم غير عن الوثيرة اللي تجي بعرض 80 - 90 سم وتاخذ مساحة أكبر .. نقدر نفترض عدد معين للمفردة لأنها تجي حسب الطلب وبالعدد اللي نبغيه

معدل جيد لمجلس البيت 14 شخص مع إمكانية فتح الصالة على المجلس وعلى غرفة الطعام لو فيه مناسبة وضيوف عددهم أكبر أو حتى بوفيه على حوض السباحة وباقي الصالة وممكن جزء من الحوش .. هذا ما قصدته بالفعاليات

أحتاج مكتب صغير لشخصين مثلاً هذي اذكرها ومخزن للمواد الغذائية تابع للمطبخ .. مغاسل قرب طاولة الطعام .. وأحتاج بيت الدرج شبه معزول عن الضيوف .. وأحتاج مصعد وسطي يوصلني للصالات وقريب من المدخل .. وأذكر كم عدد الأشخاص للمصعد بس دوم اكون واقعي .. للبيت 4 أشخاص كفاية ولو نوزنها ونحصل ال 6 أشخاص بفرق 5 أو 10% ومساحة شوي أكبر ومميزات مساوية نرتب احتياجنا صح وممكن نضحي بمبلغ زيادة لمصعد أوسع وأفضل .. مع ملاحظة أي خيار في المراحل الأُولى بيكون مبدئي جداً وبنقدر نزيد فيه مع تطوير التصميم

هنالك أُمور نتركها للمصمم كرأيه في مكان حوض سباحة مثلاً والمساحات المتوفرة له ونطلب عدة اقتراحات مثل تحت الأرض أو نص تحت الأرض ونص خارج أرضية المبنى أو في حيز في الحوش أو فوق السطح

كم موقف سيارة نحتاج وأي احتياجات للحوش من مخزن أو مواقف مظللة أو مواقف مغلقة مدمجة مع مكان تخزين أو حتى متصلة بالبيت وبالحوش من جهة والبعض يسوون طبيلة السيارات بينها وبين الصالة قزاز حق السيارات الخاصة جداً والمحببة لصاحب البيت أو حتى المكتب .. شنحتاج للملحق وهل نحتاج لغرفة سائق شبه خارجية .. ببساطة كل احتياجاتنا نحددها على الورق وبالمعقول بدون مبالغات وبدون مساحات .. لأن المساحة يفرضها الاحتياج والتصميم وبعدين ممكن نتدخل فيها بحدود خلال مناقشة التصميمات الأولية

المساحات الزراعية والنقاط التجميلية مثل نافورة أو شلال أو جدول مياه هذي كذلك نركز عليها من بداية التصميم ببساطة اللاندسكيبنغ

من رأيي الغرف نطلبها بخدمات مثل دورة المياه وغرفة الملابس ونذكر مكونات كل منهم .. يعني انا ابي غرفة ملابس فيها مساحات كبتات 20 متر طولي بس أكون متخيل كم باخزن ملابس في المتر الطولي وأقرر ( انا متر ونص يكفيني ) .. وأفضل تصميم لغرف الملابس ال Walk-in-closet .. هذي غرفة بباب وبدون أبواب للكبتات بحيث تحصل قواطع داخلية وأرفف مفتوحة ومكان لتعليق الثياب وفرزها بسهولة .. دورة المياه يستحسن نذكر كم قطعة نبغي فيها ونوعية كل قطعة ولو نقدر نجيب كتلوج لقطع حابينها ونخلي المصمم يوزعها توزيع مبدئي

صحيح القطع الصحية متقاربة في معضمها .. بس انا ابي مغسلة عريضة وبارزة وحولها تجويف في الحائط وإنارة حول المراية مخفية وسبوتات فوق المغسلة .. أو ابي كبتات تخزين ورا المراية بعرض بسيط مثلاً متر واحد .. للغرفة الرئيسية غير وشوي بابالغ

والله اتمنى من يحب نشاركه متطلباته المبدئية وممكن ننصحه بشيء غافل عنه يشاركنا ويستفيد بإذن الله
koketa
15-03-2017, 07:07 PM
سامحيني إختي توني انتبه لهذي الرسالة

ممكن ترسلين على hamadqatar999@gmail.com وإن شاء الله أقدر على المساعدة

السلام عليكم

طرشتلك تصميم فيلا علي الايميل اذا ممكن تساعدني برأيك
معماري قطري
15-03-2017, 07:13 PM
السلام عليكم

طرشتلك تصميم فيلا علي الايميل اذا ممكن تساعدني برأيك

عليكم السلام ورحمة الله وبركاته

إن شاء الله بشوفه والليلة بعد ما ارجع بارد على الايميل
معماري قطري
15-03-2017, 07:35 PM
مبدئياً البيت تصميمه شرح وجريء وفيه لمحات معمارية حلوة .. الصورة مب واضحة كفاية وكل ما كبرت قلت التفاصيل

اللي استويت ما احبه وعن تجربه هو فتح الصالة التحتية على الطابق العلوي والصوت يوصل للنايمين لكن بإذن الله توجد حلول لو حابين التصميم وناويين تطبيقه .. بدون فايل الاوتوكاد باخذ وقت طويل في نقل الصورة ومحاولة رسمها على البرنامج وباضيع في المقاسات لأنها غير واضحة .. فايل الاوتوكاد التعديل عليه سهل واخذ المقاسات بالماوس بسهولة

ولو ترسلين صورة بي دي اف بحجم أكبر ممكن نحطها هنا ونناقشها بدون تعديل
معماري قطري
16-03-2017, 11:39 AM
باحط الصور اللي أرسلتها الإخت كوكيتا وهي مب واضحة بس يمكن ناخذ فكرة مبسطة

هذي للدور الأرضي وعلاقته بالحوش

http://i.imgur.com/rn4N9oB.jpg

البيت يبين لي كبير ومواقف السيارات قليلة جداً لبيت بهذا الحجم .. وأكيد المواقف بتكون ضيقة وتنفع حق سيارات صغار ( عارف استشاريينا )

المطبخ بابه مب مقابل لباب مطبخ الملحق لسهولة التواصل

توزيع المساحات تحت شوي غريب .. المجلس يبين لي صغير وباقي المساحات أهم منه وأشوف ثلاث صالات مفتوحة على بعض .. يمكن الميزة فيه سهولة الحركة والتواصل مع الغرف فوق

المجلس الخارجي لو نعدل وضعيته بيكون مدخل البيت واضح بروحه مب مثل المغطى ورا المجلس وبتكون سعة الحوش أكبر وممكن نضيف موقفين للسيارات بدون تظليل أو بتظليل + تشجير أكثر

لو البروز المسدس كان سيدة بيكون استغلالنا للمكان أفضل وما نحتاجه هنا ولا حتى فوق

يحتاج دراسة أكثر وتطوير وإن شاء الله يطلع مميز خصوصاً فيه التجويف مزدوج الارتفاع مع المدخل مع إني ما افضل التجويف الثاني ورا لأنه ما خلى عندي مساحة لصالة جلوس بسيطة علوية

وهذا الدور الأول واتوقع فيه بنتهاوس

http://i.imgur.com/S1SFmvu.jpg
الهديل
19-03-2017, 06:26 AM
واين الناس؟؟؟
اكثر موضوع استفدت منه لحد الحين
معماري قطري
19-03-2017, 01:20 PM
واين الناس؟؟؟
اكثر موضوع استفدت منه لحد الحين

الحمد لله والله يزيدك فائدة ويزيد الجميع

الناس موجودين بس انا بانتظار الرد على تساؤلاتي سواء على الإيميل أو خاص أو هنا في الموضوع
معماري قطري
23-03-2017, 08:34 AM
الأخ العتوي حاولت أرد عليك خاص بريدك مليان والإيميل موجود فوق أرسل المخطط وباشوف شيناسب له بإذن الله
سالم الزهران
04-04-2017, 08:04 AM
بوعبدالله ولا عليك امر , مدري يجوز انك سبق وتكلمت على ما اظن على ال Slump Test ولا ادري يوم تكلمت عن وقت الصبية واختبار القمع ..الخ هو نفس الشيء ولا يختلف؟ لان هالمصطلح مرّ علي و لا ادري اذا كان انكماش الخرسانة له اختبارات ثانية ولا ادري اذا من أثارة التصدعات اللي تظهر عقب مده؟

جزاك الله خير اذا هو نفس اللي ذكرت في مشاركاتك عن الصبية فبرجع لها واذا جديد فعطنا مما اعطاك الله لاهنت يا معمارينا المتفاني.
معماري قطري
04-04-2017, 12:52 PM
بوعبدالله ولا عليك امر , مدري يجوز انك سبق وتكلمت على ما اظن على ال Slump Test ولا ادري يوم تكلمت عن وقت الصبية واختبار القمع ..الخ هو نفس الشيء ولا يختلف؟ لان هالمصطلح مرّ علي و لا ادري اذا كان انكماش الخرسانة له اختبارات ثانية ولا ادري اذا من أثارة التصدعات اللي تظهر عقب مده؟

جزاك الله خير اذا هو نفس اللي ذكرت في مشاركاتك عن الصبية فبرجع لها واذا جديد فعطنا مما اعطاك الله لاهنت يا معمارينا المتفاني.

ايه نفس المعنى اخوي سالم حاولت اقرب الترجمة العربية بس .. وقت الصب مهم نسوي هذا الإختبار ومهم تكون عدته موجودة في سيارة الصب ويوفرها الاستشاري أو المقاول حتى يحكم على الخلطة .. بالنظر مستحيل حد يحدد المحتوى المائي

وأكيد هو أكبر مسبب لزيادة التصدعات والانكماش في الخرسانة لأنه مؤشر على كمية المياه .. باقي مكونات الخرسانة الحجارة والرمل تبين بالعين المجردة ولو زايدة بتكون أكيد ضعيفة وهذي يكشفها المختبر وشهادة الردي مكس اللي تطلع مع السيارة المفروض محددين نسب المحتويات ونسبة الماء ودرجة حرارة الخلطة والدرجة المتوقعة لين توصل الموقع ( لاحظ حرارة الخرسانة تزيد بالتدريج بسبب تفاعل الاسمنت ) ما اذكر كم درجة حرارة الحرارة وقت الصب بس هو عامل مهم .. ولو خفضناها بالثلج سببنا زيادة الميوعة وهذي مشكلة ثانية

رايي المفروض ما نصب نهائياً مع بداية شهر 5 و 6 و 7 و8 وحتى 9 الا لو نزلت الحرارة في المنطقة اللي بنصب فيها عن 35 درجة وهذي بلادنا وعارفين حرارتها .. عندكم مناطق في السعودية ال 35 درجة صعب توصلها ما ينطبق عليها هذا الكلام .. بهالطريقة نصفي على 7 أشهر ممكن نسوي فيها الخرسانات لكن المستفيدين ضد كلامي ويجملون الوضع للناس أكيد لازم شركات الردي مكس تشتغل

الصب للخرسانات الجاهزة داخل معامل مضبوطة حرارتها غير وألحين حتى الأساسات يسوونها جاهزة والأعمدة والجسور والأرضيات وتركيبها سهل وشغل بناؤها كله سهل صيف وشتاء
سالم الزهران
04-04-2017, 01:29 PM
يعطيك العافية اتضحت الصورة لاني كنت متوقع انه يتم بعد الصبية , احس الخبرة لها دور بل اظن بعض المتخصصين يعرف الخلطة من قوامها ولونها والله اعلم
معماري قطري
04-04-2017, 06:39 PM
يعطيك العافية اتضحت الصورة لاني كنت متوقع انه يتم بعد الصبية , احس الخبرة لها دور بل اظن بعض المتخصصين يعرف الخلطة من قوامها ولونها والله اعلم

صدقني صعبة واللي يقول يعرفها من لونها يخطي أوقات .. من القوام صحيح المتماسكة أكثر وقليلة الماء تكون قوية .. الماء على ما اذكر يكون 45% من الاسمنت والمكونات الثانية تدخل بعدين

الإختبارات اللي بعدين اختبار كسر المكعب اللي ياخذونه ويحافظون عليه في الموقع ويرشونه ماء ويخلونه قد ما يقدرون يكون معرض لظروف مثل ظروف الخرسانة المصبوبة .. بعدها يودونه المختبر يسوون فحص الكسر عليه ويسوون كذلك فحص المحتوى الكيميائي وهذا مهم لأن فيه خرسانات مقاومة للاملاح والمفروض تبين .. طبعاً يكون موثق وعليه ورقة ملصوقة عدل عليها توقيع المقاول والاستشاري ومتى أُخذت العينة ويروح معاها تقرير معمل الردي مكس .. حتى ما يصير تلاعب
معماري قطري
04-04-2017, 06:41 PM
المكعب ياخذون ثلاث مكعبات كل ضلع 15 سم ووقت الكسر يشوف المختبر المعدل
معماري قطري
15-04-2017, 05:30 PM
من أيام اطلع على تصميم لأحد الإخوان فيه تلطيخ صراحة في الواجهات .. هو مقتنع بالتوزيع الداخلي وانا أُمور كثيرة ما بينت لي مثل المقاسات والصور كانت مب واضحة

الواجهة اللي ما حبيته فيها وجود الأعمدة أغلبها دائرية وبارزة من الجدار جي آر سي .. بس قاعدتها مرتفعة عن الأرض وتبين كأنها طائرة ولا تحمل جسر فوقها كأنها ملصوقة في الواجهة .. هذا إخواني مب تصميم ولا فيه لمحات فنية لسبب أساسي وهو العمود لازم نظهره كعمود ويرمز للوتد اللي مرتفع من الأرض لسقف البناء في الغالب أو حامل لجسر حتى لو تجميلي .. العيب الثاني كرانيش كثيرة بارزة ومكونة سطح جيد لوقوف الطيور وتلطيخ الواجهة لاحقاً بمخلفاتها وكذلك بالغبار اللي يتجمع فوق هذي الأسطح وينزل مع رشة المطر على الواجهة

بعدين عمود الزاوية لو حبينا نسويه تجميلي يستحسن يكون مربع وبزوايا قائمة وقاعدة بادية من الأرض وما يكون بارز كثير ولا يكون له تاج حاد وبارز يحتاج تصميم متقن .. هناك كثير من مصممين وفنيين الحجر يصممونه صح وبعضهم للأسف يصممونه غلط .. الأعمدة الداخلية ممكن تكون دائرية وكذلك الواقفة بروحها غير متصلة بشيء مثل المداخل

بعضهم يسوون عمدان حول النوافذ وبعد تكون ملصوقة وغير متصلة بالأرض كأنها طائرة ومحمولة وليست حاملة والمفروض العكس والمفروض تكون فيه نسبة وتناسب مب دفاشة وحجم كبير

لذلك حبيت انصح نصيحة عامة والأمثلة حولنا كثيرة في تصاميم ناجحة بكل المفاييس وفاشلة وتعتبر تلطيخ
معماري قطري
24-05-2017, 12:25 PM
أقرأ كتاب عن المواصفات القياسية للرسم المعماري والتصميم .. والكتاب يعتبر عريق وله جذور قديمة من 1932 مع الطبعة الأُولى وله عدة تحديثات والمؤلف يشتغل عليها لين سنة 1999 بعد 67 سنة من أول اصدار

إصدار 1999 وصل فوق 1000 صفحة

الكتاب للي مهتم يقدر يطلع عليه حتى كثقافة عامة وانا باحط منه مقتطفات اللي مهمة في التصميم

تكلمت في السابق عن المقياس الإنساني وهو تقريباً أساس جميع المقاييس في الدنيا .. كان الإنش بدايته عبارة عن الطول التقريبي لإبهام اليد .. والقدم معروف هو القدم والياردة عبارة عن طول الخطوة .. وهي مسميات لكن تعكس قياسات دقيقة وتختلف لو قسنا بأجزاء جسمنا من شخص لشخص

عندنا الشبر والذراع والباع والخطوة والقدم كانت تستخدم قديماً قبل القياسات المضبوطة والحديثة

الكتاب للي يبي ينزله موجود في موقع فورشيرد بإسم Architectural Graphic Standards

وهذي مقتطفات من القياس الإنساني للي يحب يطلع

المقاسات في البوكس هي بالمليمتر وهي اللي تهمنا

http://i.imgur.com/AtRHAkY.png
معماري قطري
24-05-2017, 12:59 PM
هنا ندخل في مقاسات الأطفال وحسب السن .. نلاحظ حتى ارتفاع الكرسي متغير يكون .. وهذا مهم لتصميم الأثاث واختياره لمراحل سنية معينة

http://i.imgur.com/vL88uQ2.png

وهنا مقاسات أكثر لأسطح العمل .. والبعض ممكن يحتاج شيء بمقاس خاص لدرجة إن الملمتر حسب طول الشخص يفرق .. المتعارف عليه شيء والخاص شيء ثاني

انا قليل اللي استعين بهذي الجداول وهذا خطأ لأنها مهمة للقياس المضبوط للشخص اللي بيستعمل المكان

http://i.imgur.com/Oiwg5X3.png
معماري قطري
24-05-2017, 01:07 PM
القصد من شرح المقاس الإنساني هو مدخل لتثقيف القاريء عن أهمية الاقتناع برؤية المهندس المصمم للمساحات أو للتصميم الداخلي ولا نسوي شيء شاذ بمقاس غير واقعي ولا ينفعنا

نفس الشيء التوزيع على مجال أكبر مثل المطبخ نحتاج لسهولة الحركة بين سطح عمل 1 وسطح عمل 2 والمغسلة والثلاجة والفرن .. وفيه كذلك عدة ثانية مثل فرامة الأكل وغسالة الصحون والشواية والميكروويف أو أي فرن ثاني .. هذي كلها نرتبها بطريقة تضمن سهولة الوصول ولا تكون بعيدة وايد ويستوي المطبخ واسع ومرهق .. حلو يكون ملموم وكافي وبس
معماري قطري
24-05-2017, 10:52 PM
هنا نلاحظ فروقات بسيطة بين المرأة والرجل في إرتفاع الطاولة والكرسي .. الكراسي سهل التحكم فيها بس الكاونترات والطاولات ثابتة والمقاسات هذي قابلة للتعديل بحدود بسيطة حسب رؤية المهندس المختص بالتصميم

http://i.imgur.com/O3j1wSZ.png
معماري قطري
24-05-2017, 11:20 PM
الكتاب فيه الكثير من التوضيحات ولكل شيء وانا أركز على بعض المقتطفات فقط مثل ما ذكرت اللي تعطينا فكرة عن المساحة

هنا بعض المساحات الداخلية والأبعاد بين محتوياتها ومكان المرور ونشوف كيف الممر المفتوح لشخصين وللبيوت العادية المفضل 1370 ملم للعرض يعني متر و 40 سم كافية وزود خصوصاً لو كانت ممر داخلي وممكن نقللها لحدود المتر لو حبينا

http://i.imgur.com/TGX4wlW.png

وهذي بعض التفاصيل المهمة للدرج

http://i.imgur.com/YrpcDS8.png
معماري قطري
29-05-2017, 02:03 AM
هذا عرض لبعض العناصر الإنشائية وتسميتها فقط للاطلاع ويفيدنا في معرفة وجود أنظمة خفيفة واقتصادية غير عن التقليدية المتعودين عليها

http://i.imgur.com/V5zT6wq.png
معماري قطري
02-06-2017, 02:50 PM
من أهم الاحتياطات اللي ناخذها حق مبنانا هو نظام العزل الحراري ولازم نفرضها على الاستشاري من الأساس

البعض من الاستشاريين ويمكن غالبيتهم ما عندهم فكرة ومنتشرة عندهم مفاهيم خاطئة عن العزل وينشرونها للعامة وحتى لبقية من هم في هذا المجال .. العزل باختصار هو تغليف المبنى بالكامل سقف وجدران ونوافذ وبيبان وحتى أرضية لو نبغي عزل حراري مسكت .. إستشاري يسوي لي تفاصيل عزل ويخلي الجسور الخرسانية الجانبية مب معزولة هذا خطأ

هذا جدول لكم نظام وآخر اليمين فيه النفاذية الحرارية وهذي كلما قلت كلما صار العزل أفضل


http://i.imgur.com/sHCllxE.png
معماري قطري
02-06-2017, 04:15 PM
شيء مهم كذلك تفصيل التربيط بين الخرسانات والطابوق

قاعدة بسيطة أي سطح خرساني يلامسه طابوق لازم نسوي تربيط بينهم بروابط خاصة وفي الغالب حديد ما يصدي ومسامير خرسانة وصوب الطابوق نخليها في المونة وهي ما نشفت أو نستعمل براغي

هذي تفاصيل التربيط لمقاومة الزلازل وهي عالية ونقدر نخففها حتى نوفر وتكون كافية للضغوط الحرارية والجانبية من الهواء

http://i.imgur.com/D8fACt6.png
معماري قطري
02-06-2017, 04:16 PM
كلها مقتطفات أشوفها مهمة من كتاب التفاصيل التصميمية اللي ذكرته سابقاً واللي بيرجع له بيستفيد كثير
معماري قطري
08-06-2017, 12:15 PM
موضوع الإنارة الطبيعية مهم جداً للمباني بمختلف أنواعها .. والحمد لله النور متوفر عندنا في كامل السنة ولازم نستغله صح

شيء مهم إننا نركب نوافذ معزولة ومتطورة لتقليل الحرارة وكذلك للحصول على نور شمس بدون حرارة نحتاج لحقن التجويف المحصور بين طبقتي زجاج بغاز الأرغون أو غيره من الغازات الخاملة والعازلة

النور له تأثير نفسي واللي يجينا من السقف غير ويكون دوم مفتوح .. حتى نشوف منه الغيم وتغيرات الجو وحركة ضوء الشمس واتجاهه .. في الليالي المقمرة نور القمر يتسلل للداخل .. والمفروض يكون متوفر في المكاتب والمطابخ وتكرمون الحمامات والصالات بكثرة والمجالس فقط غرف النوم نعمل سيطرة عليه ونسوي نوافذ عادية بدال المناور السقفية وبحيث نقدر نتحكم في مقدار الضوء الى قريب الظلام الدامس وكذلك وقت التنظيف نقدر نشمس الغرفة

هذي كذلك مقتطفات من الكتاب السابق

http://i.imgur.com/BEjt6ED.png

شيء مهم لازم نلاحظه هو استخدام أسطح عاكسة للفتحات الضيقة والعميقة حتى ينعكس منها النور للداخل .. حتى كسر المرايا المركبة مثل السيراميك بطريقة عشوائية أو بنقشة فنية تنفع

http://i.imgur.com/Vi34RWU.png

ثم ينتقل بنا الكتاب لاحتياطات التصميم ضد انتقال الصوت أو امتصاص الصوت وهذا تفصيل بسيط وهناك شرح طويل وحسابات لهذا الموضوع

http://i.imgur.com/pj12xLX.png
معماري قطري
11-06-2017, 11:28 AM
نقطع شوي المتابعة مع الكتاب وتفاصيل التصميم ونرجع لتصميم البيت اللي العضو الأخ الدوحة قطر يتسائل عنه في موضوع خاص .. وهو مساحة أرضه 30 في 30 والمناسب له هذا التصميم لأن موقعه على زاوية

ما عندنا مساحة للملحق وممكن نخليه تحت البيت في البيسمنت بعمل الحوش لحد سور البيت محفور بعمق البيسمنت وعمل رامب للنزول من الحوش

ممكن نلغي فكرة الدرج الدائري ونروح للدرج اللي حول المصعد وينزل نفس الوقت للبيسمنت .. ونخلي الصالة الكبيرة اليسرى عبارة عن مطبخ تحضير مفتوح وطاولة طعام وصالة جلوس .. المطبخ الكبير بيكون تحت المطبخ التحضيري وجنبه مخزن وغرفة الخادمات والمطبخ الحالي في المخطط نحوله الى جلسة ونشطر الزاوية شوي مع دريشة تطل على الحوش الخلفي النازل .. في الزاوية تحت نقدر نسوي حديقة نازلة أو حوض سباحة صغير مع جلسة خارجية والنزول لها أما من خلال المصعد أو الدرج داخل البيت أو الرامب اللي في الحوش قريب من مواقف السيارات وممكن ننزل عليه الأغراض للتخزين بسهولة

http://i.imgur.com/wAyoOuh.png
معماري قطري
11-06-2017, 12:56 PM
ما اشغل الاوتوكاد الا قليل ومن اشغله اندمج في التصميم وهو يستهلك ذاكرة كبيرة ويخلي الكمبيوتر بطيء ويعلق أوقات

تابعت شوي مع فكرة التصميم حتى اوضحها للجميع والمفروض البيسمنت مسموح وحديقة البيسمنت النازلة تفيد ولا تضر وتسوي تهوئة للبيسمنت وانارة طبيعية ومخرج طواريء للبيت كله .. ولا اعتقد ما يسمح بها التخطيط

هنا وضحت نزول الدرج للبيسمنت وارتفاعه للأول وتم الغاء الدرج الحلزوني الوسطي .. غرفة الخدم بتكون تحت المخزن ولها دريشة تطل على الحديقة النازلة والمطبخ جنبها تحت المطبخ المفتوح والستور بيكون كبير وبدون منور تحت الصالة العائلية .. الزاوية موضح فيها جزء حوض السباحة الخارجي وممكن يكون جزء داخلي ومفصولين بباب قزاز ممكن ينفتح الداخل على الخارج

http://i.imgur.com/wAyoOuh.png
معماري قطري
11-06-2017, 01:00 PM
العذر والسموحة بالغلط نقلت الرسمة السابقة

http://i.imgur.com/RNvwy31.png
معماري قطري
12-06-2017, 11:24 AM
كملت مقترح البيسمنت وأعرضه لفايدة الجميع .. بتكون الجدران حول الحوض بارتفاع 6 متر وتسوي تغطية كاملة للمنطقة ولو حبينا نحط بس شبك منع الحشرات نقدر نحطه في طرف أعلى سور البيت ومتصل مع جدار البيت ونازل لتحت .. والحوض طوله 7 متر على الوضع الحالي ونقدر نسويه مستطيل بنظام الاوفرفلو المرتفع عن الأرض ونرجع للزاوية القائمة بدال المشطورة ونسوي الحوض أكبر لو حبينا ومستطيل

ممكن كذلك نلغي البارتشن الزجاج ونعتبر منطقة الحوض منطقة خارجية شبه مظللة ومهواة طبيعياً ونحتاج تدفئة للماي وقت الشتاء .. مكان المضخة والفلتر وصخان الماء ممكن يكون تحت بسطة الدرج وقريب جداً من الحوض

المطبخ معاه مخزنين كبار وممكن نحتاج لغرفة غسيل صغيرة نخليها مقابلة لباب غرفة الخدم

http://i.imgur.com/AdygwkD.png
معماري قطري
13-06-2017, 01:34 PM
عدلت بعض التعديلات البسيطة للدور الأول ليتماشى مع التصميم هذا ومساحته موضحة 341 ومساحة الأرضي تقارب 320 بمجموع 661 + 140 للبنتهاوس وبعدد غرف وحدة في الأرضي و 4 كلهم ماستر مع غرف ملابس بباب وواسعة مع حمام خاص وكل غرفة بتصميم غير وغرفة رئيسية فوق مع مكتب أو صالة تلفزيون لو نحب

السكايلايت فوق مقسوم واحد هرمي وواحد على شكل بادقير بس نوافذ جانبية ولنا الخيار نسوي سقفه زجاج أو بلاستيك أو خرسانة

بتطلع المساحة الاجمالية للبيت بحدود 1000 وشوي مع البيسمنت والبيسمنت ضروري لهذي الأرض لأن المساحة محدودة غير عن مساحة المجلس وغرفة السايق اللي بحدود 150 متر مربع تقريباً

http://i.imgur.com/VQ0EdQW.png

دور البنتهاوس

http://i.imgur.com/Z8ZHu5u.png
معماري قطري
13-06-2017, 01:38 PM
الصالة العلوية عبارة عن ممر وفيها جلسة التلفزيون مسكرة بباب قزاز للهدوء

لو حبينا نقدر نسوي فتحة دائرية تحت السكايلايت تطل على الصالة السفلية ونخلي النافورة في وسط الصالة السفلية تحت الفتحة حتى النور من فوق بيوصلها ولو حبينا نقدر نحط طاولة دائرية عليها نباتات حتى لو عادية تنبت بسهولة لتوفر النور من أعلى
معماري قطري
11-08-2017, 01:41 PM
هذي نظرة سريعة على مراجعات كثيرة تمت خلال هذا الموضوع وهنا نشوف الأفكار تتشابه .. الشرح أوضح بفيديو لبعض التوزيعات المثالية .. رأي خاص بالنسبة لدورة المياه المستطيلة بثلاث قطع نوسع شوي في منطقة الشاور 110 سم أو 120 أفضل ال 90 تكون ضيقة خصوصاً في وجود حاجز زجاجي جانبي وممكن نصغر في المساحة المخصصة للقطعتين الباقيتين

الزجاج حلو ويعطي سعة للبارتشن المطل على الغرفة .. وفي حال استخدام الغرفة من قبل 2 نقدر نركب الزجاج اللي يتعتم الكترونياً أو نركب ستارة بلاستيك داخلية .. حلاة الزجاج يكون شفاف لكن بعد المعتم ينور المكان


https://www.youtube.com/watch?v=h6oIdu_hoqg
معماري قطري
11-08-2017, 01:50 PM
هنا أعارض المهندسة الرأي في مسئلة الروائح .. لو التصريف معمول صح وبالتحكم بإغلاق البايبات اللي للصرف بالرداد اللي تكلمت عنه مرات في السابق ما بتكون عندنا روائح نهائياً .. والتهوية ضرورية سواء طبيعية أو ميكانيكية


https://www.youtube.com/watch?v=aZ2nteverEk
سالم الزهران
13-08-2017, 10:03 AM
بارك الله في وقتك اللي تبذله يبو عبدالله

من ناحية الحرارة والعزل عموماً لان منطقتنا حارة في الخليج

نبغي اعادة على المواضيع اللي فاتتنا ،، متى ما تبسر لك حفظك الله
معماري قطري
03-09-2017, 02:17 PM
بارك الله في وقتك اللي تبذله يبو عبدالله

من ناحية الحرارة والعزل عموماً لان منطقتنا حارة في الخليج

نبغي اعادة على المواضيع اللي فاتتنا ،، متى ما تبسر لك حفظك الله

إن شاء الله أكتب واحط ايضاحات في موضوع العقود لأن العزل مهم نخطط له من التصميم والتصميم يكون فيه اعتبارات ومواصفات وتفاصيل للعزل

بس باختصار العزل لازم نتخيله كتغليف وطبقة وسطية تغلف الجدران الداخلية والخرسانات ونفس الوقت الطبقة هذي تحتاج طبقة حماية صلبة لو كانت من مواد خفيفة وتتأثر من الشمس ومن المطر والعوامل الجوية لذلك تغلفها بحجر أو طوب أو طابوق أو ألواح معدنية خاصة أو بلاستر قوي وغير منفذ للماء
معماري قطري
03-09-2017, 02:20 PM
بالنسبة لبيتي كلفني العزل الحراري حول 1.5% من قيمة البناء زيادة .. 35000 على قيمة اجمالية قريب 3 مليون لكن استفدت استفادة كبيرة منه
بوجاسم_قطر
07-09-2017, 03:20 PM
بعد ماتخلص الخرايط على خير

تمر على كذا شركة وتعطيهم الخرايط يحتاج منك خرايط
( معماري + انشائي ) على اساس يقدر يحسب التكلفه .
يفضل ترسلة ايميل ( اوتكاد ) .

السعر محكوم بحجم البناء والارتفاع والوراش والخرسانات الي في الواجهه والاجناب
كمية حديد التسليح نوع الاسقف ووووالخ . وبعضهم على حسب الارض نازله او مرتفعه عن الارض .

تعال خاص بعطيك اسم شركة تعطيك عرض سعر عن طريق موقعهم خلال دقايق تاخذ سعر تقريبي .

السلام عليكم

ممكن الشركة ولاتهون.
بوجاسم_قطر
07-09-2017, 03:42 PM
سامحيني إختي توني انتبه لهذي الرسالة

ممكن ترسلين على hamadqatar999@gmail.com وإن شاء الله أقدر على المساعدة

السلام عليكم اخوي معماري قطر
أرسلت لك إيميل ممكن تشوف ايميلك معاليك امر
جزاك الله خير
بوجاسم_قطر
07-09-2017, 03:59 PM
صحيح اخوي سعود .. الفراغ يكون وسط فاصل بين الحجر والطابوق وحركة الهواء من أسفل لأعلى تعطينا درجة عزل مريحة وحتى يتحرك الهواء نحتاج فتحات صغيرة بالدريل أو نقدر نركب ألمنيوم يعطينا فتحات أوسع وشكل أجمل

الأنسب هو عمل طبقات عزل بالفوم اللي يجي على شكل ألواح أو بالحقن في التجويف .. كل ما زدنا طبقات العزل زادت فاعليته .. بوضح هنا لأن هو يعتبر جزء من التصميم وبابدأ من أقل درجة ممكن نعملها وهي بدل ما نعزل الطابوق كله نعزل بس الخرسانات .. واللي هي تسرب الحرارة أكثر شيء .. عزل الخرسانات ببساطة ممكن بتثبيت ألواح فوم عليها وممكن نشكلها بلصق أجزاء منها فوق بعض أو بأخذ سماكة كبيرة ونشكلها بقصها بسلك حار أو بموس أو منشار وقص ألواح الفوم سهل

المهم يكون تركيب ببراغي أما لوح فوم نلصق عليه شبك ونسوي بلاستر حماية خفيف فوقه ويكون اللوح مقصوص بطريقة فنية مثل الكورنيش أو نركب عليه ألواح سيبوريكس ونفس الشيء تنقص بس قصها شوي أصعب

تجي شكلها من الجنب كذا والواجهة حسب التصميم وممكن تكون منحنية مثل الكورنيش .. أو تكون قطعة مسطحة كاملة تغطي الطابوق والخرسانات وتنصبغ وممكن نسوي فيها فتحات تجميلية ونقوشات من فوق أو فوق النوافذ وجنبها

http://i.imgur.com/JWgZypS.png

لاحظت بيوت جديدة مركبة حجر لكن للأسف تشوف كم قطعه طايحة ومشوها المنظر، وآخر شي راعي البيت قطر انه يصبغ.
شخصيا انا مافضل يكون البيت كله حجر او واجهة البيت كلها حجر.. افضل يكون جزء منها حجر والباقي صبغ، جذي يعطينا منظر جمالي ومايكون دفش.
مادري هذا رأي ويمكن أكون غلطان.
معماري قطري
07-09-2017, 05:00 PM
السلام عليكم

ممكن الشركة ولاتهون.

عليكم السلام ورحمة الله وبركاته

سعود له طلات في الشهر مرة شكله تزوج الثانية وانشغل

عن الشركات ما شاء الله كثيرة في قطر .. أعرف عائلات تحصل 3 إخوان عندهم ثلاث شركات تقول تحدي بينهم .. بس تعال لموقع الشركة تحصله يقول لك احنا بنوصلك ولو تلح ما تحصل عندهم مكان

لو تحب وللجميع كذلك ركز على الشركات المؤسسة صح واللي شغالة بموظفين واداريين وتقدر أقل شيء تحصلهم لأن التنسيق والزيارات بتكون شبه دائمة

أحد الإخوان الله فتح عليه بشركة وتعب فيها وألحين بنى سكن للعمال لعدد كبير نسيت كم بس بالمئات والحكومة ما قصرت بمساهمتها .. لكن بعد قوانين العمل الجديدة اضطر يسرح كثيرين بسبب قلة الشغل وبعضهم أجرهم لشركات ثانية عندها ضغط

زمان الشركة تاخذ مشاريع فوق طاقتها تقريباً انتهى وأصبح غالبية المقاولين يدورون شغل بس يدورون شغل يسوى والكبار يبتعدون عن المشاريع الصغيرة الا مضطرين لو السوق واقف أو الحصة الكبيرة كلتها شركات معينة .. وهنا يشتغل الواحد على الفرص هذي ويفاوض ويتعب في المفاوضة حتى يحصل شركة جيدة وبتخلص بنيانه بجودة مطلوبة .. أما بتقول بابني عظم وبعدين باكمل بتتعب ولا بتحصل الجودة المطلوبة وبيصير الإشراف متقطع وبتتعرض لخساير لو تحسبها بيكون الطريق الأول أسهل وهو طريق المقاول الرئيسي الواحد .. عندك تركيب رخام خل في عقدك الرخام وشغله عن طريق مقاول ثاني بس حدد دور المقاول الأول من حماية الموقع والتنسيق في الشغل مع المقاول الثاني .. كذلك الأعمال الخشبية والنوافذ أو الألمنيوم أو اليو بي في سي .. كذلك أي شغل خاص تبي مقاول ثاني يسويه بس الأفضل الأعمال الرئيسية حتى الكهرباء والمياه يسويها مقاول واحد .. حتى لو بتورد بعض المواد حدد مسؤولية المقاول في العقد في التركيب حسب الأُصول أو المواصفات المحددة مسبقاً بواسطة الاستشاري وحدد طريقة ونوعية مواد التركيب .. كل هذي أكيد تتم عن طريق استشاري بس انتبه لها

خل مناقصتك ووثائقك وحدة للجميع مع قابلية التعديل قليل أثناء التفاوض وشوف عدد مقاولين بحدود العشرة .. والمقاولين مثل ما قلت لازم مقاول فعلي وعنده امكانية

مثال شركة تدمر شركة قوية وعندها عدة أفرع .. تكيف - مياه - عزل - وتقريباً كل شيء .. شركة سريع عندهم حتى الردي مكس وغيرهم كثيرين .. وحاول تطلب تسعير مفصل أكثر سواء عن طريقك أو طريق الاستشاري حتى يحددون امكانية التفاوض على بعض البنود .. مثلاً بند العزل المائي للأسقف وللحمامات يسعره المقاول بتفاصيل معينة ولو تركته إنت بدون تفاصيل يفترض المقاول الحقاني والجيد يحدد لك التفاصيل والشركة اللي بتسويه في العقد وقيمته .. القيمة طبيعي يضيف عليها المقاول نسبة معينة للتنسيق ولبعض الشغلات اللي بيسويها .. وانت لو بتتفاوض وتتواصل مع شركات ثانية للعزل ممكن تحصل سعر أفضل وتاخذ هذا البند تسويه انت بواسطة آخرين لكن تحدد بعد مسؤولية المقاول الرئيسي

المقاولين اللي اعرفهم عندك كونسيرف .. هذا بنى لنا 3 بيوت غير عن كان باني لمدراء سابقين لي في الشغل ومتعاملين معاه من زمان في مباني كثيرة حكومية وشغله ممتاز وشوي غالي .. مقرهم فوق بوكيه في السد

سريع الكعبي - وتدمر - وحمد بن خالد بن حمد .. غنيين عن التعريف وانا بنوا لي الأخيرين وكانوا متعاونين وشغلهم حسب المواصفات والاشراف

لو تبي أعلى اتش بي كي حمد بن خالد بن أحمد .. وهذي الشركة غالية ولا اعتقد تاخذ مشاريع صغيرة بس خذوا الكهرباء والتكييف لصديق لي ويمدح في شغلهم .. كذلك مدماك من الشركات العريقة

كثيرة اللي انولدت كبيرة مثل الدرة ومثل عدة شركات نسيتهم

شركة صديق لي وهو قطري يتابع فيها جربتهم في شغلة بسيطة وما قصروا اسمها مافا ومقرها في شارع السلام

شركة بنت مسجد منطقتنا حق النعمة وتعرفت على مالكها طلع مهندس مدني خريج جامعة ميامي بس أقدم مني بحول 10 سنين .. شركة محمد بن علي النعمة ومقرها قرب شركة المرسدس في ميشرب .. تحية له وأكيد بيزعل علي لأنه قال لي ما ابني خاص بس الكل لو جاه مشروع زين بيفكر فيه

شركة تابعة لهندسة البناء القطرية ومشاركين مع شركة أمريكية وبعدد عمال يزيد عن 1700 نسيت اسمها السابق كان جي ال سي بس تغيرت للاسم الأمريكي لكن رقم مديرها عندي لو تبيه ومقرهم فوق فوشون ومدخله من ورا وعندهم مقر في الأبراج .. ميزتهم يسعرون بسرعة وتسعيرهم مفصل عن طريق مكتب حساب كميات واستعدوا للبناء بعدد كبير من العمال ولازم يشغلون عمالهم لذلك ياخذون أي مشروع