مراجعة التصاميم المعمارية وابداء الملاحظات عليها (محدث)

[معماري قطري]

أشوف مقترح فصل مجلس الرجال ونخليه خارجي بيمشي ويطلع أحلى للبيت .. الأرضية حول حوض السباحة بتكون نازلة عتبة عن الصالة أو 10 سم حسب الرغبة تعتبر عتبة صغيرة وليوان بسيط مرتفع عن الحوش وفيه الحوض مرتفع شوي بس يبين الماي فيه للجالس في الصالة أو مجلس الحريم الداخلي لو خلينا الباب مفتوح .. ويبين الماء النازل من المقدمة ونقدر نسوي الشلال المرتفع لو حبينا .. الباربيكيو استوى محمي وفوقه بقية البيت والحوض جهته هنا جهة الغرب يعني من بعد الظهر لما قبل المغرب بيكون مشمس

بالنسبة لخزان الصرف الصحي وضحت مكانه وممكن نسوي غرفة الخدم خارجية بس أشوف مكانها الحالي وايد أفضل لقربهم من البيت وبعدين قريبين من المطبخين وغرفة الغسيل وبنفس الوقت صادين عن بقية البيت

https://i.imgur.com/QIOmwgI.png

[معماري قطري]

مؤكد على مساحة البيت بتنطلب غرفة كهرباء وهذي تكون يسار الباب الكبير تاخذ مكان شجرة

[معماري قطري]

هذي صورة مكبرة لمنطقة الحوض والمجلس .. مدخل البيت يسار نقدر نسويه كله زجاج الباب عادي مثل ما هو موضح والباب السلايدنغ ممكن يكون بدون حائط حوله ونكون وسعنا شوي وخلينا الرؤية أكبر وحتى فتحة الباب المطل على حوض السباحة بتكون أكبر .. عاد هنا يحتاج ألمنيوم نوعية جيدة تيوبلار ومجرى محفور له ما يدخل الغبار وباسوي المقترح ذيه إن شاء الله وبدون باب ثاني للصالة لإنفتاح أكبر

https://i.imgur.com/AasHo2a.png

[معماري قطري]

شلت اللون الأزرق في الحوض حتى تبين شوي أقسامه .. المستطيل الكبير اليسار هذا انعكاس الزجاج المعلق فوق اللي يتحرك عليه الماي الراجع وينزل على الحوض ويبين حتى من خارج البيت ممكن لو سويناه مرتفع زيادة .. السقف اللي مظلل حوض السباحة لازم يكون ملصوق تحته عازل حراري للغرفة العلوية لأن المنطقة مفتوحة وممكن تغطيته بجبس مقاوم للرطوبة ونحط فيه انارة سبوتات تسطع في الحوض

[بن مفتاح]

بسم الله الرحمن الرحيم

الله يعطيك العافية اخوي بو عبدالله ... لا خلا ولا عدم، منك ومن مشورتك، ومن ملاحظاتك وجهدك اللي ما يخفى على أحد ......

عندي بعض المتطلبات اللي اتمناها تكون في البيت بقدر الامكان، وخاصة جناج للوالد والرضيعة في الطابق الارضي، وفيه خصوصية لهم، هالملاحظات ورسم كروكي قامت به زوجتي باشاركك واشارك اخواني بها، وبعدين اتمنى مساحة البناء تقارب ال 1000 متر مربع، وبجودة معقولة وبسعر معقول أيضاً، ما ابغي مبالغة في اي شيء ، ابغي بيت بحجم معقول لا مبالغة فيه، وابغي انه يفي باحتياجاتي البسيطة، واكيد الشكل الجمالي مطلوب بقدر الأمكان، بكرة اذا الله كتب اكتب هالملاحظات والمتطلبات هنا للمناقشة، وللوصل إلى الأنسب، وجزاكم الله عني كل خير,


اخوكم أحمد

[بن مفتاح]

هذي صورة مكبرة لمنطقة الحوض والمجلس .. مدخل البيت يسار نقدر نسويه كله زجاج الباب عادي مثل ما هو موضح والباب السلايدنغ ممكن يكون بدون حائط حوله ونكون وسعنا شوي وخلينا الرؤية أكبر وحتى فتحة الباب المطل على حوض السباحة بتكون أكبر .. عاد هنا يحتاج ألمنيوم نوعية جيدة تيوبلار ومجرى محفور له ما يدخل الغبار وباسوي المقترح ذيه إن شاء الله وبدون باب ثاني للصالة لإنفتاح أكبر

https://i.imgur.com/AasHo2a.png



ما شاء الله تبارك الله، شغل حلو ، يبيله قعدة ، الله يعطيك الصحة والعافية ...

[سعود.]

يعطيك العافيه ابا عبدالله

مع ان الارض اضلاعها صعبه بس طلع المخطط شغل مرتب جدآ

[معماري قطري]

بسم الله الرحمن الرحيم



اغلب بيوتنا الطابق الارضي يكون هو الفيصل حيث يُبنى عليه الطابق الأول ومن ثم البنتا هاوس، ففي البداية أنا أتمنى ان احصر تفكيري في الطابق الأرضي، ومن ثم يكون الخطوة الثانية الطابق الاول والبنتا هاوس، واعتقد أن البنتا هاوس بيكون كحل احتياطي لعمل جناح خاص لولدي عندما يكبر باذن الله ويرغب بالزواج، واعتقد ان في الوقت الحالي سوف يكون الطابقين الارضي والاول يفون بالغرض، أما الملحق وغرفة السائق بالذات فنريدها مفصولة عن البيت في الجزء الغربي، واعتقد اذا لم تخنني الذاكرة ان الاستشاري قال لي ان هناك موقع للتصريف الصحي اعزكم الله، امام غرفة السائق خلف البيت فلذلك وضع مثل حوش صغير امام الغرفة لأن على حد قوله أنه يمنع البناء في هذا المكان.


أخوكم أحمد

باركز ردي على هذي الجزئية .. بيوتنا ممكن تكون تحت غير وفوق غير بالكامل بس تتطلب شغل وتركيز في التصميم ومهندس انشائي فاهم ينفذ متطلبات المعماري ويجتهد في الحلول الانشائية .. الاقتصادي والسهل هو وجود الحوائط فوق بعض

[معماري قطري]

ما شاء الله تبارك الله، شغل حلو ، يبيله قعدة ، الله يعطيك الصحة والعافية ...

الله يعافيك وهذا ولا شيء الأفكار وايد وقابلية التغيير ما لها حدود .. انا متحسف ما سويت في بيتي الحالي بنتهاوس ينفع للسكن كشقة متكاملة ولا سويت مجلس خارجي ولا ابيك تغلط غلطتي أو سوء تقديري يوم كانت عائلتي صغيرة

[معماري قطري]

يعطيك العافيه ابا عبدالله

مع ان الارض اضلاعها صعبه بس طلع المخطط شغل مرتب جدآ

الله يعافيك إخوي سعود

أهم شيء عندي إن شفنا إمكانية المساحات والمساحات ما تترجمها لإمكانيات الا لو مليتها بقطع أثاث مثالية وبمقياس الرسم الواقعي يعني مثل ما هي مرسومة = الواقع اللي بتكون عليه - أو + حدود بسيطة حسب اختلاف مقاس الأثاث من نوع لنوع

[معماري قطري]

المالك أحمد ما شاء الله أرضه فيها امكانيات كثيرة وزين انها على شارعين وزين سمحوا ببابين ولو قدر يسوي سعة لسيارة ثالثة في الجهة الخلفية بعد خير وبركة 8 متر - 9 متر بتكون فتحة مناسبة والا نسوي 3 فتحات كل فتحة بحدود 2.8 وممكن حتى 2.5 وفيها باب يرتفع على فوق .. عرض 3 متر أكيد مثالي وبتبقى عندنا مساحة كافية لتانكي الماي ولخزان الصرف الصحي

[معماري قطري]

هذي الطريقة اللي تخلي ممر المدخل مفتوح أكثر ووضحت أماكن الأعمدة لكن الانشائي لو كان ضعيف لازم بيطلب عمود في زاوية الألمنيوم الموضح بالخط الأزرق العريض

https://i.imgur.com/RFzZrXY.png

[معماري قطري]

هذا مشروع جديد حق راس ابروق وأعتقد إنه تحت التطوير والبناء حبيت أنقله هنا مع بعض النقد الخفيف بخصوص مواد البناء المستخدمة خصوصاً الأخشاب لو ما كانت معالجة أو صناعية والسقف القماشي بيهتريء بسرعة ويحتاج تبديل .. أو إنه يكون من مواد قوية ومصنع خصيص لأجوائنا وبيكون مكلف أكثر من اللازم

رأي خاص بعد ما شفت الصور كان من الممكن إعطاء نفحة من بنيان الماضي بنفس نظام بنيان سوق واقف وحتى لو بشكل محدث أو باستخدام البناء الأبيض اليدوي الجصي وأعتقد الأرض فيها مادة الجص وسهل استخراجه ودهن الحوائط به يدوياً كما كان يعمل قديماً مع عمل الداخل أكثر حداثة لكن الخلفية للحوائط والأسقف قديمة

كان ممكن تطبيق نفس نظام مباني اليونان وهي جميلة للغاية وعملية ومناسبة للموقع .. وأترككم مع الصور

https://i.imgur.com/UplrJVp.png

https://i.imgur.com/WcThbOe.png

من التوزيع العام للمنطقة يتضح لنا إن البحر قريب واتوقع يرتفع لحدود المباني

https://i.imgur.com/qrOyUEs.jpg

حوض السباحة فكرته يكون ممتد جهة البحر مع جزء أمامي قزاز يبين متصل مع البحر لما لا نهاية

https://i.imgur.com/TcPAnEu.jpg

صورة جوية مرسوم عليها المشروع وهنا أتساءل شلون بيكون وضع الخدمات من كهرباء ومياه وصرف صحي

https://i.imgur.com/ytbuSyw.jpg

https://i.imgur.com/xmH5T2t.png

هذي المشاريع حلوة وتنمي السياحة بس أتمنى تندرس بحيث تعمر لفترات طويلة مثل 50 سنة الى 100 سنة بدون مشاكل صيانة عظمى ... وأتمنى تدرس جدواها الاقتصادية على مدى 20 سنة أقل شيء ما يقررون يستردون تكلفة البناء في سنتين أو ثلاث بحيث يكون الهدف منها جذب السياح داخليين وخارجيين بمبالغ وتكاليف منافسة للعالمية

ولي متابعة مع البقية

[معماري قطري]

الموقع قبل الظهر وأعرفه من اتجاه الظلال وهو على الساحل الغربي

https://i.imgur.com/QzRBuPt.jpg

تسمية المباني

https://i.imgur.com/uXxCXPn.jpg

حاولت اوضح الكتابة قد ما اقدر بس ما وضحت

https://i.imgur.com/k2slf8J.png

مبنى البوابة غريب يمكن يحاكي شكل حزوم ومرتفعات ابروق لكن ما اشوف له علاقة ببقية المباني وكان ممكن عملها بشكل تراثي كلها وحتى مبنى البوابة بشكل برج قلعة

https://i.imgur.com/SS1Lv9p.jpg

يبين لي الموقع بدون طرق حديثة ترابية فقط .. يجوز يعطي احساس بالأرض الطبيعية أكثر بس المشكلة هل بيكون عملي للسيارات وللخدمة خصوصاً ممكن يكون في وقت ما مطر .. أو سيارات زوار صالون

https://i.imgur.com/z5YKx7d.jpg

السابقة وهذي لمبنى الاستقبال من الخارج والداخل

https://i.imgur.com/ieTPQR1.jpg

https://i.imgur.com/zcHmSad.jpg

https://i.imgur.com/GzamMWF.png

https://i.imgur.com/Peld4M7.jpg

https://i.imgur.com/EGrPddW.jpg

https://i.imgur.com/ECwgFqY.jpg

ولي متابعة

[معماري قطري]

ما شاء الله لوحة فنية شاعرية أكيد أبدع فريق التصميم وبنتعرف عليهم في الأخير وغالبيتهم قطريين

https://i.imgur.com/hfm6ngH.png

توزيع شقة من غرفة نوم وحدة

https://i.imgur.com/XmMWEni.png

https://i.imgur.com/juVZbJG.png

آبي مروحة هشكل

https://i.imgur.com/aDHgDYt.jpg

https://i.imgur.com/CaZjnRL.jpg

https://i.imgur.com/xXZZxfZ.jpg

https://i.imgur.com/57zYZim.png

https://i.imgur.com/Zl58cqj.png

ولي مواصلة وقت ثاني مع باقي تفاصيل الشقة من غرفتين

[معماري قطري]

توزيع الشقة المكونة من غرفتين .. إستغربت من الكوين سايز عندهم 1.5 وهو في الواقع 1.8 متر في طول 1.9 .. ولو حاطين 1.2 متر المسمى Full Bed كان بيكون مناسب حق شخص واحد

https://i.imgur.com/iYiuiNS.png

https://i.imgur.com/vbgVJjz.jpg

أتوقع التصميم السقف خرساني والبروزات الجانبية والتظليل قماشي أو مواد صناعية والأرضية الخارجية كلها مرتفعة حول الشقة ومبلطة ومظللة من الجوانب مثل الخيمة .. هشكل بيكون صج تصميم مبتكر

https://i.imgur.com/M2dPi3n.png

https://i.imgur.com/MZHReDl.png

https://i.imgur.com/OX0HXbh.png

طاقم المشروع

https://i.imgur.com/TDPAB3c.png

https://i.imgur.com/szEHYBA.png

https://i.imgur.com/8wzE3HD.png

https://i.imgur.com/6JvCtyX.png

والمشروع الثاني في فويرط أشوفه أكثر حداثة وبانقله لكم وعمار يا قطر

[معماري قطري]

من ذكرياتي مع التصاميم صممت تصميم مبدئي لأحد الأصدقاء القديمين كان عبارة عن بيتين على شكل u فتحة اليو متقابلة والزوايا الداخلية فيها برج هوائي ( بادغيير ) أعتقد 2 في 2 من الخارج والداخلي 1.6 في 1.6 والأبراج مرتفعين أكثر من سور السطح وفي أعلاهم كيابل مشدودة معلقة مثل الخيمة قمتها في مستوى قمة الابراج وجوانبها تحت مع أعلى سور السطح .. إقترحت نوعية التغطية تكون بي في سي ما يسرب الماي ونوع قوي ما يمسك الغبار مثل القماش

جهة من البيت تكون حوض سباحة أو حوض السباحة في الوسط وحوله حديقة .. وتم التنفيذ ولا شفت البيوت ولا حتى التقيت صاحبهم مرة ثانية بس ذكرني به ولد عمي يشتغل معاه يقول نفذ الفكرة وطلعت حلوة .. الله يهنيه هو عنده زوجتين ويبي يعدل بينهم كان والله رزقه على حسن نيته

[معماري قطري]

تصميم لغرفة زجاجية في الحوش إنعمل لأحد عيال عمي وعدلنا عليه على الطبيعة

هذي صور ثري دي لتوزيع الغرفة وهي 4 في 4

https://i.imgur.com/3gvvg8r.jpg

https://i.imgur.com/UxPmNLl.jpg

في الواقع وصلنا الى عمل الباب في الطرف والجلسة على شكل U والتكييف سبلت مرتفع جداري .. واجهة فتحة اليو بتكون زجاجية للأرض تنفتح على بقية الحوش وبينفرش عشب بلاستيكي صناعي .. البيت مؤجر وسكن مؤقت بس يعدل فيه المالك

شلنا طاولة البوفيه وبيكتفي بطاولة صغيرة بتواير للقهوة والشاي

https://i.imgur.com/YXB28T8.jpg

https://i.imgur.com/KNHxLYP.jpg

https://i.imgur.com/hyNu1CK.jpg

https://i.imgur.com/XUZjaz4.jpg

عنده فني حديد مغربي شاطر تناقشت معاه وكان يبغي يحط فواصل حديد وسط المساحة يكون البنيان أقوى قلت ما فيه داعي الزوايا كفاية حتى يكون المكان مفتوح وصورت له هذي الواجهة القزاز حتى يقتنع

https://i.imgur.com/vfl6Odh.jpg

الحفر للتأسيس للغرفة

https://i.imgur.com/pIX1Aie.jpg

https://i.imgur.com/n2Pow5g.jpg

وباكمل بباقي الصور إن شاء الله بعدين

[معماري قطري]

استكمال لموضوع الغرفة الزجاجية تم عمل الهيكل الحديدي وبيتم صب الارضية بارتفاع 12 سم عن الحوش .. فوق بيتغطى بخشب مارين بلايود قوي وسميك وعليه عازل مائي وقرميد وتحته جبس .. إقترحت الجبس يكون بميلان مثل ميلان السقف وارتفاع الجدران الجانبية 3.6 متر

مكان الباب بيكون في الزاوية اليسرى في الصورة وباب واحد 90 أو 80 سم زجاج والواجهة اللي مقابلتنا بتكون زجاج للارض وجدامها بتجي قطع العشب الصناعي وإصيصات زراعة .. وودي لو يسوي إضاءة أرضية ممكن تنعمل تحت رولات العشب الصناعي أتوقع بليتات ال اي دي صغار تنعكس على اصيصات الزراعة وتعطي انارة هادية للمكان .. المكيف بيكون في جزء الجدار المرتفع فوق الحديد العرضي المرتفع حول مترين و 40 سم واللي بيثبت عليه الزجاج حتى يكون الجزء التحتي من الجدار والجزء العلوي سمنت بورد

https://i.imgur.com/qaaddks.jpg

الحديد العلوي المايل بيتثبت عليه المارين بلايود

https://i.imgur.com/evX73AY.jpg

[معماري قطري]

كان ودي يسوي سلوب السقف أكبر حتى يبين القرميد أوضح حتى للداخل يمشي ومروري على البيت معاه قليل وهذا من ضمن الأخطاء اللي كنا نقدر نتفاداها وهو مب خطأ لكن تحسين

أمس مريت وشفت البنيان وما شاء الله الإسمنت بورد يبين مثل الجبس في نظافة تشطيبه وشغله لكن أقوى وهذا الهيكل بعد تلبيسه وتبليط الارضية

https://i.imgur.com/FXeYga4.jpg

https://i.imgur.com/Uakpcen.jpg

ما حبيت الحصى الصغار الملونين وكنت أفضل لو كبار واللون على قطعة الحجر بس ويكون عشوائي أفضل ولو زرعوا نبتات صغيرة بينهم بعد أحلى .. المشكلة ولده أحمد سمي جدي صغير توه بكرة بيكبر شوي وبياخذ الحصى وبيفلع ابوه

البيت بعد مؤجر والمالك مستانس على أعمال الصيانة المجانية والكثيرة

تأسيس الشلال يمين الغرفة يبين

https://i.imgur.com/ExrZ0DL.jpg

https://i.imgur.com/q4Xz3Vb.jpg

تأسيس للإنارة المخفية خلال البروز تحت القرميد

https://i.imgur.com/O81r5Zh.jpg

تركيب فريم اليو بي في سي

https://i.imgur.com/q08NghR.jpg

وهنا غلطة بعدم ترك كتف للباب وكنت متفق معاه على 60 سم ولو ترك عمود على يسار الباب تركب عليه مفاتيح الإنارة أفضل

الشغل في الشلال

https://i.imgur.com/Vi0DI6O.jpg



أمس شفت المكيف مركب وتمديداته جاهزة ومخفية من وراء الغرفة تحت البلاط وكان مركب كشاف قوي ينور المنطقة .. باقي شوية تجهيزات مثل أرضية عشب صناعي وزراعة في إصيصات وانا اقترحت عليه يحط إنارة للزراعة وتكون جانبية تحدد مدخل الباب الصغير والممر من موقف السيارات للبيت .. صورت فيديو مختصر

https://i.imgur.com/dqhhv1F.mp4

[معماري قطري]

هذا الفيديو ما ادري ليش ما طلع فوق


https://youtu.be/CYek9_Qw36A

[معماري قطري]

في الفترة اللي راحت إشتغلت شغلتين للصيانة البسيطة .. منهم ذكرتها قبل تسريب ماء حصل في الحوش ولا أدري من وين بس الشك تركز في إنه من البايب اللي يوصل المياه لسطح الملحق وهو ممدد تحت الأرض بعمق بسيط بس المشكلة مبلط فوقه وتحت التبليط خرسانة 15 سم بدون حديد بالفيبر اللي ذكرتها مرات عديدة وباعرض صور العملية اللي عملناها .. وأعتبر نفسي غلطت بازالة 3 بلاطات والحفر في الموقع اللي بينت فيه المياه .. حفر العامل لعمق حول 50 سم بس ما حصلنا البايب وكنت متوقعه المتجه لحوض الزراعة لكن السايق قال يلاحظ الماي بعد ما تشتغل مضخة الملحق .. المهم يوم حفر العامل لاحظت التربة تحت متشبعة بالماي وقلت نرجع نسكر الحفرة ما فيه داعي نتتبع كل التمديدات ونسوي شغلة أكبر من اللازم مع إن العمال مستعدين

الماي كان ينبع من تحت ويطلع بين البلاط ولا تحركت الارضية هبوط ولا انتفاخ والحمد لله .. قلت لهم يرجعون البلاط بمونة عادية هالمرة لأن المساحة صغيرة ولا اتوقع تأثر ثلاث بلاطات كل بلاطة 40 في 40 سم بمحموع 0.48 متر مربع .. في البداية دفنا بس ولاحظنا لو فيه تسريب ثاني بعد عمل خط جديد جنب السور للملحق وخارجي يبين يدخل تحت البلاط بس في موقع الباب الصغير والباب الكبير قصينا له بالمنشار الكهربائي في البلاط والخرسانة تحت وسكرنا جزء باسمنت وجزء بكسر البلاط المتبقي وبغذن الله الصور جاية

الشغلة الثانية مستمرة للآن عبارة عن باربيكيو وتنور خارجي مع مكان إضافي لغسالة حتى تكون قريبة من المطبخ الخارجي للخدمة من قريب ولنشر الملابس خلف البيت .. بلطت الحايط الخلفي للمطبخ وعندي حديقة صغيرة والمساحة الإجمالية للمكان حول 4 في 10 متر

هذا فيديو للخشب بعد ما صبغوه بالأزرق والبلاط بعد التركيب وهذا نوع هندي رخيص تركب زيرو جوينت ويبين مثل الغرانيت وعليه بتركب كبتات وفرن غاز مجهز لتمديداته والتنور بيعمله البطل المغربي عبدالصمد وشكله مطول والله يعينه شغال في كم مكان .. إستغليت البرغولا اللي كانت عريش وحاط فوقه سعف النخل في تركيب شينكو فوق المارين بلايوود ودعمناه بخشب زيادة .. يوم رحت أشوف والا العامل راكب فوق يركب الشينكو مع إن الخشب مركب ببراغي في الحائط ومثبت على خشب مربع والعامل وزنه طن الا شوي .. صراحة خفت يطيح وأخليكم مع الفيدو القصير الصامت


https://www.youtube.com/watch?v=hBcu_7poi7c

باتابع بباقي الصور وباقي الشرح وصراحة ما كنت متابع ومهتم وايد ويمكن كان المفروض صبغ البليوت من تحت

[معماري قطري]

هذا فيديو لعملية إزالة البلاط والحفر تحته ويبين الماي


https://www.youtube.com/watch?v=rSt40FxvPcA

وهذي صور لعملية الحفر واضح سمك الخرسانة وجودتها بعد 17 سنة مع إنها ضعيفة وبدون حديد نهائياً بخلطة فيبر فقط وبكنكري لايم ستون الضعيف سابقاً

https://i.imgur.com/qcpMgCb.jpg

الماي غير مضاف موجود تحت وكان أكيد بيوصل ممكن للكهرباء ولأساسات البيت

https://i.imgur.com/9ck0rkF.jpg

https://i.imgur.com/LSuA0uv.jpg

https://i.imgur.com/siDtqqB.jpg

https://i.imgur.com/kfemvKh.jpg

بإذن الله يكون فيه استبدال لأرضية البيت مستقبلاً أشوفها وايد مهترئة أو باصب عليها طلاء ايبوكسي مناسب

[معماري قطري]

فيديو لعملية الحفر وتكسير الخرسانة


https://www.youtube.com/watch?v=m2U1R5fUBn4

[معماري قطري]

قرب ينتهي المطبخ الخارجي باقي أشياء بسيطة مثل التمديد للغاز والكهرب ولليتات حتى يكونون فوق .. للغاز بيكون أسفل الكبت عبر بيب وهو ممدد له تحت الارضية المرتفعة آخر الصورة .. الشغلة مب مخطط لها من قبل وارتجالية وما يهم المنظر .. حتى البلاط اللي تشوفونه في الارضية زايد عن الحاجة وخليتهم يركبونه .. بنسكر مكان الزراعة كذلك وبنحط إصيصات حتى يتوسع المكان شوي لأن الحوض الزراعي ماخذ حيز كبير ولا نبتت غير السدرة فيه وباخليها لأنها من أوائل الشجر في البيت

تم تركيب الكبت

https://i.imgur.com/5YjAFIn.jpg

https://i.imgur.com/AaChw1G.jpg

ما شاء الله بلاط الحائط الجديد مسوي جو مع إنه سعره رخيص ما توقعته يطلع هشكل وتركيبه ما اهتميت به .. تركنا مسافة غير مغطاة لتجفيف الملابس ونشرها

هذا الكبت الالمنيوم كلف 3000 ريال والبلاط مع تركيبه أقل من 2000 ريال

https://i.imgur.com/CccZ09z.jpg

شمس العصر صورتها جهة السدرة

https://i.imgur.com/3tkpb3X.jpg

هذا الفرن سبب الشغل كله بيكون ملاصق للكبت وجنبه التنور المبني

https://i.imgur.com/lyUFdPS.jpg

[معماري قطري]

يمين الكبت وفي بداية المدخل جهة الملحق بيكون مكان لغسالة وهذي طلعت مؤخراً ولا جهزت لتمديداتها .. الكهرب يسار كلش قرب الفرن صورت مكانه بس بنمدد تحت في بايب يوصل لمكان الغسالة .. تمديد الماي بيكون من اليمين من المغسلة الارضية اللي يمين الصورة ما تبين الحين وبيكون تحت عتبة باعملها جديدة أو باعمل سلوب منحدر حتى محد يطيح وكذلك تمديد بايب تصريف مياه الغسالة للمغسلة المفتوحة

https://i.imgur.com/5YjAFIn.jpg

[سالم الزهران]

ماشاء.. عساكم ع القوة يبو عبدالله

[معماري قطري]

ماشاء.. عساكم ع القوة يبو عبدالله

الله يقويك ويبقيك يا بو زيد

ما قلت لي رايك في مزيج الألوان؟ وباقي شوية أشغال بتخلص توني مريت عليهم شوي مختصين الألمنيوم لازم يسوون فتحة تحت لتمديد بايب 2 إنش لهوز الغاز ولتمديد بايب 1 انش لواير الكهرباء للغسالة ومختص التنور للحين ما فضى شغال عند عيال عمتي وهم ما شاء الله بيوتهم كلها تحتاج شغل وغالبيتهم غرف خارجية وباربيكيو بس كل واحد وطريقته ومواده

هذي صور للشغل في بيت أحدهم وانتهت الغرفة الزجاجية باقي شوية أشغال خارجية للأرضية وترتيبات زراعة ويحتاج يضبط الإنارة المخفية شوي تبين متموجة

https://i.imgur.com/OMRZvtl.jpg

https://i.imgur.com/aRs0r3w.jpg

هذا الخشب بتنزرع جدامه نباتات متسلقة

https://i.imgur.com/MHcOLlM.jpg

الشلال جدامه حاجز زجاجي عن اليهال وبيرتفع فيه الماي وينزل بين الحجر بطريقة مخفية فيه فتحات صغيرة لمرور الماء

https://i.imgur.com/V5OiNzD.jpg

[سالم الزهران]

تصدق الغرفة الزجاجية هذي عطتني فكرة هايلة 100ظھ
كنت بسوي بيت شعر أو خيمة بس الظاهر برد اسوي غرفة زجاجية خصوصاََ ان عندي واجهتين مبنية جاهزة يبقى لي واجهتين بس.

[معماري قطري]

تصدق الغرفة الزجاجية هذي عطتني فكرة هايلة 100ظھ
كنت بسوي بيت شعر أو خيمة بس الظاهر برد اسوي غرفة زجاجية خصوصاََ ان عندي واجهتين مبنية جاهزة يبقى لي واجهتين بس.

هذي حديد خفيف مجوف واسمنت بورد مغطيه بنيان خفيف .. متخوف وقت البرد تبرد ولا فيه مدخنة للدخان وبتكون التدفئة كهربية ولو خذ تكييف تدفئة كان أفضل وفاتني أقول له .. إنت بتكون سهلة عندك حتى بخشب مربع مال بناء ومارين بلايوود بتمشي حاول تسويها بروحك حسب علمي تحب شغل الخشب اليدوي .. شوف اللي انا مسويها خشبية وغطيتها بشينكو للمطبخ ما كلفت شيء واستغربت كيف رجال ركب عليها

[سالم الزهران]

هذي حديد خفيف مجوف واسمنت بورد مغطيه بنيان خفيف .. متخوف وقت البرد تبرد ولا فيه مدخنة للدخان وبتكون التدفئة كهربية ولو خذ تكييف تدفئة كان أفضل وفاتني أقول له .. إنت بتكون سهلة عندك حتى بخشب مربع مال بناء ومارين بلايوود بتمشي حاول تسويها بروحك حسب علمي تحب شغل الخشب اليدوي .. شوف اللي انا مسويها خشبية وغطيتها بشينكو للمطبخ ما كلفت شيء واستغربت كيف رجال ركب عليها

بإذن الله، انا ينقصني الوقت ولا من أول كنت اسوي صناديق صغيرة (خلايا نحل) بالمليمتر. شغل الخشب ممتع.. لكن اتوقع شغلة غرفة يبي لها الهندي وزوده فلوس يتفنن.

[معماري قطري]

بإذن الله، انا ينقصني الوقت ولا من أول كنت اسوي صناديق صغيرة (خلايا نحل) بالمليمتر. شغل الخشب ممتع.. لكن اتوقع شغلة غرفة يبي لها الهندي وزوده فلوس يتفنن.

البنغال زينين في الخشب ووايد موجودين والخشب متوفر وأرخص بوايد من الحديد وسهل التعامل معاه .. بعض أنواعه غالية إنت خذ أرخص شيء اللي يستهلك للبناء .. شوف المجلس هذا من أوائل مجالس فريجنا له فوق 55 سنة في بدايات استخدامنا للاسمنت في البناء وبيوت مبنية في وقته بالحصى والطين والسقف لازم دنجل وخشب مربع كبار شوي للمجالس لأنها تجي أطول من الدنجل .. مع الدنجل ومع البلايوود اللي واضح هنا .. إنشق شوي وسووا له صيانة والمجلس تدخله ما تحس إنه قديم مصان داخلياً ومتغير بس سقفه في الغالب كما هو انعمل له سكريد وعزل بس الخشب باقي من ذاك الوقت .. انبنت مجالس جنبه غير على فترات بفرق عشرات السنين .. الله يغفر لشيبتنا الكبير وكبيرنا الوالد عبدالعزيز بن خالد كانوا الشياب وبعض من كانوا شباب وأطفال في ذاك الوقت مثلي يلتقون هناك

هذي صورة للسقف من داخل وشلون الخشب متعرج بعد هذي السنين الطويلة لكن عايش وهذا الليوان الخارجي داخل معمول جبس وجدران عليه قماش مشدود وتحته حشوة اسفنجية .. الأعمدة ذي وتيجانها كلها خرسانة أو حتى تشكيل اسمنت يدوي بدون حديد نهائياً لذلك معمولة متقاربة

https://i.imgur.com/r77fBvC.jpg

وهذا جزء ثاني للسقف

https://i.imgur.com/U1EC6Mr.jpg

الجسور الاسمنتية اللي متشلخة على اليسار هذي تقويتها بخشب مغطى بالإسمنت

https://i.imgur.com/Pxd2lDp.jpg

كان مجلس جدي رحمة الله عليه مقارب في طريقة البناء وهذا اللي صورته مجلس عم جدي رحمهم الله ويعتبر أصغر أعمام جدي وهو أصغر منه سناً لكن كانوا متقاربين .. مجلس جدي تم هدمه من فترة بسيطة وكان فيه خشب مربع بقطاعات عريضة أعتقد تم نقلها لمزرعة الوالد رحمه الله وتم بناء مسجد صغير مكانه

[معماري قطري]

أحد أعضاء المنتدى له فترة يصمم وكان متورط مع استشاري وايد ضعيف نصحته يغيره وهذا فرق عن السابق

https://i.imgur.com/rGB8LVM.png

توزيع الحوش عندي عليه شوية ملاحظات .. أولها المجلس مصمم مرتفعة أرضيته حتى تجي غرفة السايق تحته .. الفكرة حلوة بس الإشكالية في التخطيط يعطون ارتفاع محدود للمجلس ممكن على سبيل المثال يوصل 4 متر أو لنتفاءل نقول 5 متر .. أرضية المجلس على ارتفاع 1.05 متر الباقي من ال 5 متر 3.95 متر منها صبية السقف نقول 25 سم طارت تبقى 3.7 منها 60 سم لسور السقف تبقى 3.1 متر صافي ارتفاع ننقص منه أي جبس .. وهذا لو عطونا 5 متر وممكن 4 متر هنا تكون كارثة ولا يمشي التصميم

الحل سهل نخلي غرفة السايق بارتفاع اقتصادي 2.4 أو 2.6 متر مثلاً ونخلي أرضية المجلس على الإرتفاع العادي 30 سم مثلاً ونعمل للدريشة منور نازل جهة حوش البيت وفوقه شبك حديد قوي ممكن المشي عليه

هذا المقترح للمجلس ومنور غرفة السايق ممكن يكون بكامل العمق ودريشة كبيرة مثل الباب وممكن أي حد يمر فوق شبك الحديد اللي يغطيها وضحتها يمين .. وسعت مدخل السيارة ل 5 متر واستوى المكان كافي لسيارتين .. مكان تانكي الماي ما فيه الا جدام السيارة اليمنى

https://i.imgur.com/wLjutFh.png

وباكمل مع الباقي قريب

[معماري قطري]

https://i.imgur.com/f0qKUkU.png

سويت بعض التعديلات على المدخل .. بيكون أحلى لو في البداية باب قزاز وبعدين خشب أو لو حبينا النظام المفتوح قزاز يو بي في سي محكم الإغلاق بيوفر لنا جو مناسب وبيمنع الغبار والحرارة والصوت ونشيل الباب الخشب بالكامل

العتبات خليتها ثنتين والرامب يستوي على جنب .. الملحق حلاته أرضيته وحدة مع البيت وممكن نغطي الممر بقزاز والا بولي كاربونيت .. مكان الغسيل بينقله برا جنب غرفة الخادمة بس بعد اتمام البناء وبيكون هذا ستور وعندنا تحت الدرج وراء المصعد ستور ثاني

الدكتات مسويها كبيرة وايد وانا سويت مثال اللي جنب الملحق مع البيبات بالمقاس المعروف 10 سم

[معماري قطري]

هذا تصميم الإستشاري للمجلس وغرفة السايق يمين تحته بتكون .. التصميم يبين مناسب وممكن يمشي هشكل كما هو لو وافق عليه المالك

https://i.imgur.com/kZqjbVF.png

مع إنه بيكون سهل تطويره للأفضل .. غرفة الدريول صغيرة بدون داعي وممكن تكفي ل 3 بالراحة ومعاها يكون مطبخ صغير خارجي .. ما ننسى المساحة كلها مغطاة بالمجلس الا مكان بداية الدرج وممكن المدخل وحتى المدخل ممكن نغطيه جزئياً أو كلياً حسب الرغبة وأقصد مدخل المجلس

هذي الغرفة بعد التعديل قللت ارتفاعها ل 18 عتبة لتحت = 18 * 0.15 = 2.7 متر نشيل منها سمك السقف ما يقارب 20 - 30 سم بتستوي صافي ارتفاع على الأقل 2.4 متر وهو مناسب ونكون قللنا الحفر وقللنا عتبات الدرج وحركنا الباب الكبير بدون داعي جهة الجنب وصغرناه شوي كما سيتضح للمجلس

https://i.imgur.com/SxVd3Xj.png

سويت دريشة تطل على منور محفور بعرض 70 سم وطول 1.6 متر وهذي بتكون في أرضيتها حفرة المنهول والمضخة الغطاسة داخلة لتصريف حمام البيسمنت والمطبخ جنيه .. بعمل الحمام خارجي استوت عندنا مساحة جيدة للغرفة ودريشته ممكن تكون جنب الباب على المنور المفتوح

المجلس فوق متطابق مع الدور تحته

https://i.imgur.com/o1QvTAt.png

إمتداد السقف فوق الباب ممكن يكون نفس خط الحائط اللي ورا التلفزيون والتغطية بغرل الحديد لفتحة المنور الساقط سهلة أي حداد يسويها بتيوبات حديد

[معماري قطري]

حمام المجلس بدال ما عرضه يكون 1.85 نصغره شوي حتى يكون جداره فوق حمام الغرفة تحت 5 سم ما بتأثر بالعكس بتوسع المجلس شوي

[معماري قطري]

هذا توضيح للصالة والدرج والمصعد تم تكبيره 73.5 سم حتى يكون على خط واحد مع الدرج ولو كان صغير يثبتونه بحديد في الخلف ويبقى وراه مساحة مفتوحة للصيانة ومؤكد شكله بيكون أجمل .. الصالة ألغيت العتبة اللي لها أتوقع بتطلع مزعجة بس لو نبغيها نسويها سيدة بتطلع سهل بناءها وحلوة

https://i.imgur.com/41sQftV.png

[معماري قطري]

حتى البروز الداخلي للجدار جهة الصالة اللي جنب الباب وجنب التلفزيون نقدر نخليه مع حايط الباب الداخلي وتكون فتحة الصالة أوسع

[معماري قطري]

للمقارنة خليت الدكت اللي مسويها الاستشاري فوق وعمقها 50 سم واحنا بنمدد فيها بايبات أكبرها 10 سم وسويت دكت تحت 20 سم وصافي تطلع 18 لو غطيناها باسمنت بورد كافيه لبايبين 10 سم وحتى بايب مطر 10 سم وحتى بايبات تغذية بتكون بحدود 2 سم لكل بايب

[معماري قطري]

الدور الأول كما صممه الإستشاري

https://i.imgur.com/iUs866i.png

مقترحي لبعض التعديلات عليه

عدلت على حمام الماستر صغرته شوي ل 2 متر بدال 2.5 في العرض بدون داعي وكبرت الصالة شوي وهشكل وضعية الأثاث وغرف الملابس أفضل .. حتى عندنا الغرفة اليسرى فوق نقدر نفتح باب مستقل لغرفة الملابس وجنبه باب لدورة المياه أفضل وتكون مثل الغرفة الرئيسية ونحصل مساحة تخزين محمية ومستقلة أفضل

https://i.imgur.com/h52LZSY.png

[معماري قطري]

من أبسط مباديء التصميم على الكمبيوتر وأسهلها هو اضافة الأثاث لأنها تجي وحدات جاهزة حتى بعض شركات الأثاث تسوي مخططات لقطعها حتى يسهل وضعها في الرسم المعماري .. اللي احطها انا وحدات جاهزة مثل السرير 2 في 2 الكنغ سايز وممكن في الواقع الواحد ياخذ أصغر بس نادر اللي ياخذ أكبر ويكون السوبر كنغ سايز ولا يفرق كثير حول 10 سم في اتجاه و 15 في الثاني .. الكراسي ذي نوعية وثيرة وكبيرة وممكن الواحد ياخذ أصغر بشوي والا أكبر بشوي ولا يتغير الشيء الكثير

الكبتات بعضها اسويها بعمق فوق الستاندرد بشوي 70 سم وتكون مناسبة للنوع الثابت الأمريكي وحتى ممكن 75 سم لكن الستاندرد والمتعارف عليه 60 سم وبعضهم يصنعون 50 و 55 .. بالنسبة لغرف الملابس المغلقة نقدر نسوي قواطع تخزين مفتوحة بدون ابواب وهذي نخلي عمقها 35 سم .. أوفر للتركيب والتجهيز وأأمن مغلقة بباب خاص ينقفل

الستور اللي فوق في المخطط السابق 50 سم عرض الكبتات وممكن نسوي مكان خلاله حق غسالة ملابس للملابس الخاصة قريبة من الحمام الموجود والتمديدات مشتركة سواء للتصريف والا للتغذية

بين الغرفتين فوق ممكن نسوي قوس جدام وانا بينته بجدارين صغار طابوق 10 سم يقابله على الحايط قوس محفور 10 سم بعد كروشنة .. الحاجز الزجاجي والباب بيعطينا خصوصية للصالة ما يزعج التلفزيون النايمين

نتجه للبنتهاوس كما صممه الاستشاري

https://i.imgur.com/8sP7gy7.png

أشوف فيه إمكانيات كثيرة بدون تغيير كبير

https://i.imgur.com/FS9955A.png

ممكن نعمل للغرفة اليمنى فوق غرفة ملابس خاصة وراء السرير الثاني اللي وضحته جدام .. حتى ما فيه داعي للكرسي الطويل جدام السرير وممكن نحط كاونتر أدراج وعليه تلفزيون ويكون عندنا ممر مناسب

الغرفة الثانية أفضل نفصل غرفة الملابس عن الحمام ويكونون عندنا بابين مقابلين السرير

كانت عندنا مساحة فوق الدرج النازل غير مستفاد منها نقدر نسوي مخزن فيها كما هو موضح وما وضحت الباب بس معروف مكانه

الاستشاري هذا جيد وانا محظوظ قدرت اطلع كل هذي التحسينات وأفضل الواحد يمشي على خطة من البداية توفر له استغلال مثالي للمساحات وأتمنى للمالك التوفيق ولا يتردد هذا يمكن رابع مقترح يرسله وشكله بعد مب مقتنع

[معماري قطري]

يمين الجلسة فوق نقدر نسوي برغولا ونفتح باب عليها من الجلسة يكون زجاج بعد وتكون عندنا جلسة خارجية

مساحة البنيان 800 متر الا متر والبيت ما شاء الله نموذج متطور للبيوت الصغيرة الإقتصادية أو نقول المتوسطة

[معماري قطري]

الإرتفاع تحت الستور بيكون 2.4 متر يعني كأنه باب مرتفع يمر من تحته الواحد

[معماري قطري]

توضيح أكثر للغرفة فوق وتوزيعها مع تحريك الباب جهة الوسط .. غرفة الملابس نقدر نركب فيها كبت كامل بعمق 60 سم وكبت ثاني 40 سم وعندنا مساحة وراء الباب لتجوري ولو حبينا نفصل منطقة السرير بقوس ممكن وحتى ستارة ولو حبينا وضعية السرير مقابل الباب نقدر نخلي التلفزيون مقابل السرير وكذلك نقدر نسوي كاونتر أدراج وعليه التلفزيون أو نخلي كبت مقابل التلفزيون

https://i.imgur.com/cKIBlw9.png

[معماري قطري]

توضيح للمدخل بين الغرفتين في الدور الأول والقوسين وراء بعض

https://i.imgur.com/2YVDI7k.png

كذلك نقدر نسوي قوس فاصل للممر في دور البنتهاوس ويكون كتف حق كبت أو ممكن نحط جهاز جري للتمرين

https://i.imgur.com/2S3hdc2.png

[معماري قطري]

أمس قمت بزيارة لمشروع يختلف مع إني في السابق صممت مشروع مشابه بس على مستوى صغير كان ورشة اصلاح آليات ومخزن قطع غيار ويعتبر بدائي مقارنة بهذا

صاحب المشروع زميل دراسة وصديق قديم وعنده أرض قديمة في الصناعية طورها لتكون كراج سيارات متطور في الغالب بيكون لإصلاح السيارات الفارهة والله يعوضه تعبه وخسايره في الإنشاء التكلفة بتوصل فوق العشرة مليون بسبب المعدات المتطورة

خذلوه الدفاع المدني بطلباتهم المستحيلة حتى كان مسوي استراحة ومقهى مطل على الكراج بواجهة زجاجية رفضوا الا يجيب زجاج ضد الحريق وهذا أول مرة أسمع عنه ولا أعتقد يوجد وهو حصل نوع مقارب بس تكلفته كانت 350000 ريال .. توني مقترح عليه يركب كيمرات وتلفزيونات تنقل الصورة فوق في القهوة للعملاء بعد ما سكر الفتحة الزجاجية كلها بطابوق

هذي الصورة من تقريباً وسط الكراج وهو ركب بورسلان 40 في 40 خارجي كبديل للايبوكسي حيث كان بيكلف 120 ريال للمتر والبورسلان قيمته 35 ريال + التركيب ما وصل نص المبلغ كإجمالي

https://i.imgur.com/vgnZuGa.jpg

الجيكات كلها حديثة وتحتها إنارة موجهة قوية مغطاة في هذي الصورة

https://i.imgur.com/wDnE5n7.jpg

التصريف للمياه موجود في كل مكان للتنظيف حتى في حفرة هذا الجيك

https://i.imgur.com/7tVdp8K.jpg

فيه 4 مناطق للصبغ الخاص وبتجهيزات حتى شفط للهواء عن رذاذ الصبغ والكيماويات

https://i.imgur.com/SJjhuSp.jpg

المقابل باب غرفة تحضير الصبغ وتخزينه واليمين باب غرفة الصبغ المغلقة

https://i.imgur.com/21pX0TT.jpg

وفوق هذي المنطقة بتكون مكاتب الإدارة

يمين في الخارج غرف سكنية من دورين ومطبخ ودورات مياه للعمالة المدربة وعددهم بيكون بحدود 100 عامل .. ما صورت هذي المنطقة

غرف الصبغ كلها قابلة للإغلاق والفصل وفي حالة الحاجة لفتح غرفتين على بعض ممكن

https://i.imgur.com/8PbUssS.jpg

التكييف متطور وفيه نظام تجديد الهواء وسحبه وكذلك هوزات خاصة لعوادم السيارات سهلة السحب لموقع السيارة

https://i.imgur.com/fH6kEAP.jpg

هذا الحديد الحامل لمجرى هوزات شفط دخان العوادم

https://i.imgur.com/knowlMp.jpg

فوق المدخل يوجد المقهى والإستراحة وهنا كانت نية فتح نافذة تطل على الكراج وتم رفضها من الدفاع المدني كتعقيد ما له داعي لأن وقت الحريق الناس اللي فوق لهم مهرب طواريء بابه ينفتح للخارج والنار لو ابتدت في الإشتعال تعطي وقت للتحرك والمهم هو وجود طفايات وإنذار .. عيل شنقول لمحطات وقود اللي مقابلها محلات بعضها من كل الجهات وواجهاتها زجاجية؟

بعض المعدات الخاصة بغرف الصبغ وراءها

https://i.imgur.com/A66EMDD.jpg

https://i.imgur.com/Z2hN0Sd.jpg

فكرة الصبغ الأسود فوق فكرة موفقة لكن ممكن نسويه أزرق أو نيلي بعد بيطلع أكثر بهجة

https://i.imgur.com/1uHzyA7.jpg

https://i.imgur.com/DBT3ce4.jpg

الإستراحة فوق وهنا قسم سيكون للرسبشن والمحاسبة

https://i.imgur.com/rzdgMf9.jpg

الجدران تأثرت من الرطوبة التي تتكثف على الحديد ولازم إعادة صبغها بعد تغطية السقف بسقف مستعار حتى ما تتكثف الرطوبة

https://i.imgur.com/7Nb53rq.jpg

https://i.imgur.com/ZDXZ9sR.jpg

https://i.imgur.com/GudUjtw.jpg

https://i.imgur.com/fqUWKgg.jpg

هذا درج قاعة الاستراحة فوق وبابه خارجي وكان ناوي يفتح باب يمين من مدخل الكراج داخل بحيث العميل يدخل سيارته وينزل ومن الباب لفوق مباشرة بس الدفاع المدني شروطهم مجنونة ولا شفتها تطبق حتى في أعتى الدول صرامة في الدفاع المدني

https://i.imgur.com/l09V34m.jpg

[sara jsm]

ماشاءالله ماشاءالله والله شغل مرتب حده ..
اول مرة اشوف كراج يلق بهالشكل لا اله الا الله :o
الله يفتح له ابواب الرزق في كل سيارة كشخة :happy:
:
بس بصراحة زجاج ضد الحريق هذا جديد
لازم نقرا عنه ونشوف مكوناته شنهي .. ;)

[معماري قطري]

ماشاءالله ماشاءالله والله شغل مرتب حده ..
اول مرة اشوف كراج يلق بهالشكل لا اله الا الله :o
الله يفتح له ابواب الرزق في كل سيارة كشخة :happy:
:
بس بصراحة زجاج ضد الحريق هذا جديد
لازم نقرا عنه ونشوف مكوناته شنهي .. ;)

شروطهم تعجيزية يا اختي حتى يبي يفتح باب جهة غرف سكن العمال رفضوا يتخيلون الكراج قنبلة ممكن تنفجر أي وقت ويتخيلون الطابوق بيحمي العالم .. الله يعينه صج كان يبي يفتح ويجيب عمال ألحين صابر بسبب كورونا والتكلفة عليه كبيرة حتى مخلص تصميم بيته وللحين ما بنى من فترة فوق الخمس سنوات بسبب هذا المشروع .. عندنا إجراءات تشيب العقل ويقول صارت تعديلات وايد من ضمنها هذي الجهة اللي سكرها بالكامل وكان مدخل من داخل للدرج فوق وشال الزجاج استبدله بحايط قوي حسب طلبهم

https://i.imgur.com/e0pdCB3.jpg

ودي يسوون مقارنة لمحطات وقود اللي فيها بترول والمحلات مفتوحة عليها وبعضها بزجاج عادي وواجهات كبيرة

[معماري قطري]

مشكلته اشتغل مع استشاري ضعيف تعبه قبل في تصميم بيته وغير لغيره وما ادري ليش رجع له مرة ثانية

[معماري قطري]

أما إنه يلق لا فيه شوية غبار بس كل الأبواب مؤقتة وجاية أبواب ثانية خاصة تمنع الغبار بس مشكلة الابواب بتبقى مفتوحة أوقات كثيرة بس صحيح بسبب التكييف تنفتح لدخول سيارات وتغلق وأعتقد لو سوى منطقة وسطية باب وبعده باب بتكون أفضل لحجز الهواء البارد

[sara jsm]

أما إنه يلق لا فيه شوية غبار بس كل الأبواب مؤقتة وجاية أبواب ثانية خاصة تمنع الغبار بس مشكلة الابواب بتبقى مفتوحة أوقات كثيرة بس صحيح بسبب التكييف تنفتح لدخول سيارات وتغلق وأعتقد لو سوى منطقة وسطية باب وبعده باب بتكون أفضل لحجز الهواء البارد

الله يعينه المسكين .. الاشتراطات كثيرة ..
بس لو يحطون قانون وفيه بنود توضيحيه ( بدون ماتتغير في يوم وليله ) كان الشخص فهم عدل وسوا المخطط حسب المطلوب سواء لل البلديه او الدفاع المدني او كهرماء ... الخ

[معماري قطري]

الله يعينه المسكين .. الاشتراطات كثيرة ..
بس لو يحطون قانون وفيه بنود توضيحيه ( بدون ماتتغير في يوم وليله ) كان الشخص فهم عدل وسوا المخطط حسب المطلوب سواء لل البلديه او الدفاع المدني او كهرماء ... الخ


شغلهم مزاجي ويختلف من مهندس الى مهندس وعادي يقولون للواحد كسر والا يطلبون طلب تعجيزي

أهم شيء للحريق الإنذار ومخارج الطواريء ولو كان فيه إطفاء ذاتي يكفينا كل هذي التعقيدات خصوصاً للمناطق التخصصية مخازن كيماويات أو مواد خطرة وسريعة الإشتعال .. أما يخربون فكرة معمارية مناسبة ويطلبون زجاج غالي فوق الإحتياطات الموجودة ليش؟

الإنذار بيخلي الناس تشرد بأسرع وقت الحريق ما يبدأ كبير .. بالنسبة لمدخل خاص للعمال من جهة سكنهم المفروض يكون باب مقاوم للحريق وكيمرات أمنية تسجل أي تجاوز والا فعل معادي من العمال ويتحاسب المتسبب لكن التسهيل ضروري وأتحدى الدفاع المدني يسيطرون على كل مكان قائم وفيه حالات مشابهة موجودة نشوفها شوف العين في وكالات وكراجات لها سنين تشتغل بدون هالسوالف .. أذكر وكالة التيوتا الكراج بينه وبين المكاتب واجهة زجاجية عادية ورقيقة ما تعرضت لمشاكل طول هالسنين وغيره وغيره كثيرين

[معماري قطري]

عندي ملاحظة مهمة وبابديها للمالك واللي هي التبليط على مساحة كبيرة ما فيه ولا فاصل تمدد وهذا بيتقشع بعد فترة من الضغوط الحرارية بعد كم سنة من دورات تغير الجو بين حرارة وبرودة وتمدد وانكماش .. يقدر يسويها ألحين بقص البلاط في خطوط طولية وعرضية متعامدة كل 10 متر أو للأمان التام كل 6 متر .. القص يكون بحدود 1 سم وبعمق مناسب في الخرسانة تحت البلاط ونعبيه بمادة مرنة ماستك أو سيليكون خاص مع حبل مطاطي لتقليل التكلفة ومادة التعبئة وممكن يحتاج للطلب من المكتب الإستشاري إعادة تصميم هذي النقطة حسب سمك البلاط المستخدم وممكن يركب فاصل معدني حسب اختياره بس أشوف هذا ضروري

[معماري قطري]

من يومين إخوي قدم لي مقترح لمجلس ناوي يبنيه وكان شوي غير عن هذا هذا طبق فيه تعديلات بسيطة الإستشاري بس بعد ما راجعته طلعت لي تحسينات أكثر

https://i.imgur.com/3PW05VD.png

https://i.imgur.com/URETCUq.png

باحط اقتراحاتي الليلة إن شاء الله

[معماري قطري]

هذا مقترحي الأخير وزدت عرض المجلس فقط متر والمساحة متوفرة

سويت رواشن مكانها يبين بالأحمر المتقطع

https://i.imgur.com/ijyrSNk.png

المربعات اللي جنب بعض فوق هذي طوب زجاجي للإنارة من أعلى

https://i.imgur.com/6NOAH2P.png

مقترح ثاني مقارب بس بفتحة باب زجاجي أوسع

https://i.imgur.com/29wsCox.png

وهنا توضيح لو استعملنا كراسي كلاسيك

يزيد العدد أكثر

https://i.imgur.com/IBvWBKp.png

[سالم الزهران]

يعطيك العافية بو عبدالله، تعديلك في محلة بداية من زيادة العرض.

[معماري قطري]

يعطيك العافية بو عبدالله، تعديلك في محلة بداية من زيادة العرض.

الله يعافيك ويبقيك

انا فكرت ليش مبعد المجلس عن السور ثلاث أمتار ونص ومخرب المساحة في بيته قال يبغي يخلي جلسة مسدسة مظللة ألحين في الزاوية ذي بانيها .. التخطيط يسمح بمتر ونص وحق بعضهم مباشر على الشارع وإخوي يبغي يستفيد من بيته بتأجيره لأن شارعنا خدمي وما اشوف الجلسة السداسية أو المثمنة لها معنى يمين مدخل المجلس .. قلت له ليش ما تفتح السور وتركب حديد قال ابغي خصوصية .. في النهاية التعديلات اللي تستوي هي الممكنة وحسب اللي يبغيه المالك

[معماري قطري]

من نكت التخطيط عندنا .. تذكرون التصميم اللي زاويته فيها درج من الحوش نازل جهة البيسمنت وخططنا نسوي حديقة نازلة ملاصقة للسور؟ هذا عرضت جزء منها خلال الموضوع وألحين وصل الإستشاري للموافقات والتخطيط قالوا له لازم تخلي متر تصغر المكان المحفور مع البيسمنت .. شتبريرهم للمتر هذا؟

قالوا لو لا قدر الله وصار حادث وسيارة ضربت السور وكسرته ما يطيح سايقها في الحفرة بها .. كنا متخوفين من الجهة الخلفية بسبب وجود عمارة ملاصقة للأرض قالوا من الخلف عادي لكن من الجنب مشكلة وهذا سببهم .. ما ادري ليش يفكرون في سيناريو مستحيل

[معماري قطري]

سؤال للنقاش .. ما هي الأُمور التكميلية اللي نطلبها في المنزل؟

وقصدي هنا كتوزيع مساحات داخلية وتحديد وظيفة كل مساحة حتى نبني عليها الإضاءة والكهرباء والتكييف .. وحتى يكون التصميم في البداية عملي ومريح ومكتمل العناصر تقريباً

[سعود.]

https://a.top4top.io/m_1855ozg3l0.mov

:shy:

[سعود.]

اهم شي عدم المبالغة في الامور الي ذكرتها

مثال : عندي الصالات تحت مركب 7 مكيفات ( جنرال ) بستن في عز الصيف او الرطوبه 3 بالكثير تبرد الصالات مع ان المساحات تقريبآ شبة مفتوحه .

الاتهمام بصاله العلويه الدور الاول مكان الجلسه ومكان ال tv لان الاغلب تكون الجلسه اليوميه فيه .

[معماري قطري]

https://a.top4top.io/m_1855ozg3l0.mov

:shy:

عجيب الرد اخوي سعود يالله جاوب

من ملاحظاتي انا على البعض إنهم ما يقتنعون براي المهندس في تصميم المساحات وبعضهم يختارون مدخل واسع للبيت يضيق مساحة مجلس مثلاً أو صالة وهي اللي في الغالب تكون في المقدمة

بعضهم يبغي غرفة كبيرة بدون تقسيمها لمساحات وظيفية .. مثلاً الغرفة تجيك فيها منطقة السرير والكبتات وممكن ممر وممكن تسريحة أو طاولة مكياج وممكن مدخل خاص ومرتب لدورة المياه .. بعضهم يرتب غرف العيال غرفتين بينهم دورة مياه للبنات وكذلك غيرهم للأولاد .. المشكلة الخيارات كلها جيدة وفيها جوانب سالبة وجوانب ايجابية مثل مثال الغرفتين اللي بينهم دورة مياه بس يكبرون شوي العيال تحصل الوضع ما يكون مريح لهم حتى لو الغرفة كبيرة

التخزين مشكلة مؤرقة للجميع ودوم نلاحظها في بيوتنا مع مرور الزمن ولازم نعمل حسابنا لها من البداية .. ومساحات التخزين لو وفرناها ما يكلفنا تشطيبها الشيء الكثير .. في تصميم أخير اشتغلت فيه مع أحد الإخوان إقترحت مخزن مقسوم لقسم عام للخدامة تفتح الباب وتحط الملابس المكوية ومنه ياخذون أفراد العائلة لغرفهم وفيها غرف ملابس مقفولة وخاصة أو فيه بعد جزء من المخزن خاص أما بقفل بصمة أو رقم سري أو ينقفل بمفتاح وهذا للأغراض الثمينة والخاصة ومنها حتى الملابس

https://i.imgur.com/zeU1wq0.png

[معماري قطري]

اهم شي عدم المبالغة في الامور الي ذكرتها

مثال : عندي الصالات تحت مركب 7 مكيفات ( جنرال ) بستن في عز الصيف او الرطوبه 3 بالكثير تبرد الصالات مع ان المساحات تقريبآ شبة مفتوحه .

الاتهمام بصاله العلويه الدور الاول مكان الجلسه ومكان ال tv لان الاغلب تكون الجلسه اليوميه فيه .

كلامك صحيح ولاحظته التكييف يحاولون يبيعونك أكثر ما يمكن وانا انتبهت وقللت منه ومن أيام زاير بيت ممدد حق 3 مكيفات للغرفة الرئيسية واثنين بيكونون كافيين وزود بس احتياط ولتوزيع الهواء أفضل

[معماري قطري]

أوقات تكون من ضمن الأخطاء عمل درج عريض وواسع بدون داعي حتى يضيق الحوش وأفضل تصغيره وعمل أحواض زراعية جنبه تطلع أحلى وحماية للدرج بدال الدرابزين

أوقات صالة صغيرة أو مطبخ صغير وله باب ضرفتين بدون داعي والأفضل يكون باب واحد وبعرض متر كفاية بدون مبالغات

وأوقات نعمل حوايط كثيرة ممكن نستغني عنها بانفتاح أو واجهة زجاجية تعطينا امتداد بصري وبنفس الوقت خصوصية وعدم انتقال للصوت مثل صالات التلفزيون أو الدراسة أو اللعب أو حاجز تقسيم دورة المياه

[سعود.]

ابا عبدالله

فيه جزئية يمكن كثير يختلف معاي فيها . وانا مقتنع بها الي هي الدرس روم :waiting: انا اشوفه يصلح فقط لزوج والزوجه فقط . اما غرفه الابناء فياخذ مساحه ع الفاضي خصوصا اذا كان النظام كل واحد بغرفه لوحده اشوف نحط كبة ملابس تغني عن الدرس ؟؟؟؟ ابي ردك بدون مجامله :app2:

[معماري قطري]

ابا عبدالله

فيه جزئية يمكن كثير يختلف معاي فيها . وانا مقتنع بها الي هي الدرس روم :waiting: انا اشوفه يصلح فقط لزوج والزوجه فقط . اما غرفه الابناء فياخذ مساحه ع الفاضي خصوصا اذا كان النظام كل واحد بغرفه لوحده اشوف نحط كبة ملابس تغني عن الدرس ؟؟؟؟ ابي ردك بدون مجامله :app2:

حق الأولاد نقدر نقول كلامك صحيح بس للبنات انسى وعن تجربة

عندي بنتين الله يحفظهم كل وحدة تخزن خارج غرفتها والتخزين للأغراض الغالية في غرفة ملابسنا .. حولنا صالة فوق في البنتهاوس كانت رياضية للتخزين العام وحطينا كبتات فيها للثياب والشناط .. غرفة بنتي كبتها عرضه 4.6 متر من حايط لحايط وكنت متخيل مستحيل ينترس ومسويه عميق بعمق 75 سم حتى لتخزين شناط واقفين وراء الثياب ممكن لكن ألحين فيها كم علاق كبير اللي بتواير يتحرك فيه ملابس تخزين مفتوح

بعدين غرف الملابس تقدر تحط فيها رف عريض فوق مكان تعليق الثياب للكراتين والشناط وكل اللي تحتاجه درج صغير حتى تقدر تطال فوق

[معماري قطري]

إذا عندك غرفة 5 في 7 في الغالب تكون زايدة عن حاجتك حتى 5 في 4 بتكفيك للنوم تبقى 3 في 5 تقدر تقسمها لغرفة ملابس محترمة لدرجة تقدر تحط طاولة وسطية لزيادة التخزين وتكون استفدت من المساحة أكثر

[سعود.]

احترم رايك*

[معماري قطري]

احترم رايك*

حاجتك إخوي سعود لمساحة صغيرة عرض متر و 80 سم كافي حتى أقل ما عندك مشكلة وأوقات تكون عندك مساحة كبيرة كطول مثل 6 متر لكن عمق أو عرض عندك متر و 40 سم مثلاً .. هذي تكفي لأن الباب بيجيك على الحايط الطويل اللي 6 متر وتفتحه حتى لو كان بعرض متر للداخل تبقى عندك 40 سم هذي كافية للقواطع بالضبط 35 سم مثالية وحتى 30 تمشي .. بايب تعليق الملابس يكون في طرف القاطع الخشبي اللي بعرض 30 ياخذ جهة الداخل حول 2 سم بتيكون عندك عمق 28 سم الثياب داخلين فيه داخل .. وعلاقات الملابس مقاسها معروف شوي أقل من 40 سم نصها 20 وعندنا 28 يعني بتزيد 8 سم و20 سم بتبقى بارزة لسهولة الفرز منها ناقص 2 سم اللي فعلاً بتكون بارزة بحدود 18 سم .. 18 + 28 = 46 سم ومن الصوبين تعطينا 92 سم والباقي عندنا حول 48 سم للمرور بين الملابس .. للأحذية ما نحتاج أكثر من عرض 30 سم وشوي أقل بعد ممكن وهذي بتكون في صفة الملابس وشوي داخلة مب بارزة .. نفس الشيء لأرفف صغيرة للملابس المطوية والمجوهرات وأي غرض ثاني

[سعود.]

الي اقصده ان كل المساحات الي ذكرتها بخليها داخل الغرفه .

[معماري قطري]

بناءً على المثال السابق فرضاً بتسوي قواطع من جهة 30 وبتستهلك 46 سم من العرض 18 منها ثياب تحتك فيها عادي .. وفرضاً بتقول الجهة الثانية باخليها تعليق بشكل عرضي لبعض الملابس وبعمق بس 20 سم ولا شيء منها بارز .. يعني بنحصل 46 + 20 = 66 سم والباقي للمرور والإختيار بيبقى عندنا 74 سم كفاية للإنسان السمين يمشي براحته .. حتى بعض الارفف بعمق 20 سم كافية لبعض الحاجات ومنها الثياب المطوية لو طويناها أكثر وفيه علاقات تنسحب تاخذ الممر وتختار منها وتغلقها تستوي بعمق بسيط ما يزيد عن 20 سم

[معماري قطري]

الي اقصده ان كل المساحات الي ذكرتها بخليها داخل الغرفه .

فاهم قصدك الوسع زين بس التوزيع الوظيفي أفضل بعد

بنفس المبدأ ممكن تسوي حايط دورة المياه زجاج يعطيك انفتاح أكبر وسعة بس اللي انت تحتاجه للنوم مساحة محددة 2 في 2 للسرير وعلى الجنب لكبتات السرير على حسب 60 ممكن العرض وممكن 80 وهذي حتى كافية كمساحة مرور جدام للمرور لو عندك مترين بتقدر تحط كبت 60 سم أو طاولة عليها تلفزيون وتبقى عندك متر و40 للمرور .. انت بهشكل تستفيد من المساحة وتوزعها صح وغرفة الملابس اللي بباب ومغلقة بتوفر لك مكان خاص وتأمن فيه على كل أغراضك

[معماري قطري]

زين نفترض إنسان باني ومخلص ويبي يسوي هذي القواطع .. العملية سهلة جداً وتنعمل ببارتشن خشب أو جبس أو طابوق سيبوريكس للخفة و 10 سم .. والكهرباء تنقل للحائط الجديد بتمديد جديد تحت الارض أو في السقف حتى لو مكشوف هذي الغرفة ما بتركز كله فوق ودخولها قليل وقت الحاجة

[sara jsm]

ابا عبدالله

فيه جزئية يمكن كثير يختلف معاي فيها . وانا مقتنع بها الي هي الدرس روم :waiting: انا اشوفه يصلح فقط لزوج والزوجه فقط . اما غرفه الابناء فياخذ مساحه ع الفاضي خصوصا اذا كان النظام كل واحد بغرفه لوحده اشوف نحط كبة ملابس تغني عن الدرس ؟؟؟؟ ابي ردك بدون مجامله :app2:

تدري سعود ( احنا الحريم او البنات ) كل مالقينا سعة للتخزين شرينا اغراض زيادة هههههههه
مايصير يتم الكبت فاضي .. :taunt: عشان جذي لغيت فكرة غرفه الملابس في اكثر من غرفه ..
يا غرفه ملابس او كبت مايصير شيئين .. :victory:

[معماري قطري]

تدري سعود ( احنا الحريم او البنات ) كل مالقينا سعة للتخزين شرينا اغراض زيادة هههههههه
مايصير يتم الكبت فاضي .. :taunt: عشان جذي لغيت فكرة غرفه الملابس في اكثر من غرفه ..
يا غرفه ملابس او كبت مايصير شيئين .. :victory:

مجرمات شوي عليكم

انا مسكين خذت لي زاوية صغيرة في غرفة الملابس وأول ما بنيت قلت هنيه كبت كامل ماخذ واجهة حائط كاملة وفوق فيه تخزين بعد ومسكر للسقف .. قلت مستحيل ينملي .. ألحين أشوف كل شوي رايحين ايكيا وجايبين كبت جديد بعد ما استهلكنا كل مكان ممكن يركب فيه كبت حائط ثابت

المشكلة حتى زاويتي استوى عليها تعدي

[sara jsm]

:happy: :happy: :happy: الله يعينك يااخي ..

[معماري قطري]

:happy: :happy: :happy: الله يعينك يااخي ..


واياج والجميع

بتسوين نفس الشيء بعدين عارفج

[معماري قطري]

أحد الإخوان ارسل لي هذي الصورة ويسأل عن الحل

https://i.imgur.com/hO3EHP5.jpg

نقلتها هنا بعد إذنه لتوضيح مسألة مهمة وهي مسألة فاصل التمدد أو الفاصل الإنشائي في الجدران والمباني .. خصوصاً أسوار الحوش تكون طويلة وضعيفة وسهل تنكسر كسر طولي لذلك نعمل الفاصل ويستحسن يكون مستمر مع الأرضية حتى الضغوط الحرارية تحصل لها منفذ وقابلية للتمدد قليلاً أو الإنكماش

الفاصل ببساطة قطع طولي يفصل السور مثلاً بالكامل من الأساس وتحت يوضع فيه ما يسمى بالفلر بورد أو كومبرسبل بورد أو حبل مطاطي قابل للإنضغاط وفوق ممكن نفس الشيء وممكن مواد ثانية مثل الماستك ونوعيات السيليكون المقاوم للجو وللشمس وبعضهم يتجهون لنوع معدني أو بلاستيكي يدخل في بعض ويخفي الفجوة

لاحظت كثير في قطر ما يسوونه وبيوت كشخة ومكلفة ويمكن لعدم تعيين استشاري جيد أو لثقة المالك فيما يعمله المقاول وفي خبرته

المشكلة لو ما عملناه ونشأ كسر مثل هذا يكون غير مستقيم ومتعرج وشكله مزعج ولو عملنا له تغطية أو تعبئة بالفوم أو بالفوم وحطينا فوقه سيليكون حتى نقلل كمية السيليكون ويكون فيه شيء يمسك السيليكون بعد بيبقى يبين حتى لو السيليكون نفس اللون بالضبط بس بيكون حل معقول وممكن ما توصل تكلفته ل 100 ريال

الشلخ اللي تشوفونه من الجهتين من هنا ومن وراء وهذا يعني لي إن كان فيه فاصل تمدد أساساً في الجدار وفني الحجر غطى عليه بالحجر بدون احترام الفاصل ومواصلته في الحجر والضغوط الحرارية تفجر بايبات النحاس وتكسر الخرسانة القوية فما بالكم بحجر جيري سهل الكسر والتشكيل

ممكن قص الفاصل في الحجر حتى يتواصل بحدود 2 سم من جانبي الحجر بشكل عمودي ونخلي الجزء المتعرج المبتعد عن العمودي ونسوي له الفوم وفوقه السيليكون الخاص أو حبل الماستك وفوقه ماستك قوي ومناسب وبنفس لون الحجر أو قريب .. يبقى الجزء المتعرج والمبتعد عن العمودي هذا تنعمل له روبة خاصة يعرفونها فنيي الحجر تغطيه تخليه قطعة وحدة من الحجر وأعتقد هذا الحل الأنسب

قصدي توسيع الشق هذا في الجهتين مقدار 2 سم على مسار الخط العمودي هذا حتى من الجهة الخلفية .. وهذا أكيد بيكلف والمفروض يعمله اللي ركب الحجر كصيانة وتعديل .. نلاحظ القطعة أسفل الصورة شوي بادية تنفك في مسار فاصل التمدد واللي انكسرت في الجنب هذي تنعمل لها مونة مناسبة بعد عمل الفاصل في الحجر

المواد ممكن نحصلها عند مابي من مونة صلبة أو سيليكون مقارب للون الحجر وأكيد شغل جديد وبهالطريقة بيكلف أكثر ممكن 500 ريال وحتى 1000 ريال

https://i.imgur.com/8JMA8g4.jpg

[معماري قطري]

فواصل التمدد تنعمل كل 3 متر أو 4 متر أو حتى 6 متر وبتفيد هنا في ثبات الحجر وعدم انكساره أو إنفكاكه من مكانه .. ممكن تتبع فواصل التمدد عن طريق المقاول اللي بنى أو الخرايط لو موجودة أو الإستشاري وضروري نفصل كل مكان مغطيه الحجر بنفس الطريقة

[سالم الزهران]

الحين المعلم اللي سوى الشغل هذا تجده مسوي نفس الشغلة مع غير ناس،، يعني اكثر من انسان خسران مواد و فلوس؟

[معماري قطري]

الحين المعلم اللي سوى الشغل هذا تجده مسوي نفس الشغلة مع غير ناس،، يعني اكثر من انسان خسران مواد و فلوس؟

صباح الخير بو زيد

كثير يا اخوي ما يهتمون لتفاصيل بسيطة سواء بنائين أو مهندسين مشرفين أو مصممين

[sara jsm]

صباح الخير بو زيد

كثير يا اخوي ما يهتمون لتفاصيل بسيطة سواء بنائين أو مهندسين مشرفين أو مصممين

يعطيك العافيه بوعبدالله .. فعلاً مثل ماقلت مايهتمون ..
عشان جذي هالتفاصيل الصغيرة صاحب العقار يجهلها والمقاول او الاستشاري يتجاهلها ..

ماقصرت عالشرح الوافي ..

[معماري قطري]

يعطيك العافيه بوعبدالله .. فعلاً مثل ماقلت مايهتمون ..
عشان جذي هالتفاصيل الصغيرة صاحب العقار يجهلها والمقاول او الاستشاري يتجاهلها ..

ماقصرت عالشرح الوافي ..


هي شغلة لهم متعبة مب سهلة وتحتاج مواد

حطيتها حق أي واحد بيبني يحطها في عقده حتى يضمن شغل صح وبتكلفة بسيطة لو انعملت من البداية وأثناء التصميم أو المواصفات مكتوبة كتابياً

ممكن تمر سنة سنتين ما تطلع مشاكل بس مع دورات الحرارة والبرودة تبين بعدين وتزيد ما تقل .. الفواصل عديدة منها فاصل التحكم وهذا أسهلها هذا لو صبينا أرضية خرسانة مثلاً بشبك حديد أو بحديد عادي بس يوازن الضغوط الحرارية في العادة ما يكون انشائي لأن الخرسانة معرضة لضغط الأرض والأوزان فوقها والخوف كل الخوف من الضغوط الحرارية .. هنا نعمل قطع عميق لو سمك الخرسانة 10 سم يكون بحدود 2 - 3 سم عمق القطع بحيث ما يوصل للحديد اللي المفروض يكون في منتصف السمك هذا القطع لو بدأ شلخ يستوي يحترمه ويواصل فيه .. نقدر نخليه فاضي وأسهل شيء ينعمل بقطعة حديدة بعد الصب .. فوقه زين نحترم مكانه ونسوي فاصل تمدد في البلاط

فاصل التمدد ممكن يكون ماخذ كل العمق وفي هالحالة يسمى فاصل تمدد ومثل ما شرحت قبل يفصل الجزء الإنشائي الى جزئين بينهم مادة مرنة أو قابلة للتحرك

فاصل إنشائي هذا أعقد بكثير ويفصل مبنى كبير فصل كامل كالمستشفيات والمدارس كلها فيها هذي الفواصل وبقية المباني الكبيرة وحتى بعض البيوت ويحدده أكثر المهندس الإنشائي

فاصل حركة هذا يسمح بالحركة في كل اتجاه واستعماله قليل أكثر شيء في المباني الصناعية والحديدية

[معماري قطري]

حق بيتي صبينا الحوش خرسانة وأرضيات البيت كذلك بدون حديد ولا شبك حديد بس فيبر لتقويتها للضغوط الحرارية .. سوينا كونترول جوينتس بقطع الخرسانة من فوق وحسب مسافات طويلة فيها شوية مغامرة وفوقها فاصل تمدد في البلاط .. الحمد لله للحين موجودة حول 17 سنة بدون مشاكل وبسعر بسيط ومرت فوقها حتى سيارات ثقيلة في بعض الأوقات

[معماري قطري]

موقع فيه عدة قطع معمارية بعضها من الخشب مثل الأبواب وبعضها من الفوم وتقدر تطلب منه بس أعتقد حق مناطق معينة

https://www.vintagewoodworks.com/poly-wall-niches.html

[sara jsm]

روووووعةً الموقع وايد عندهم قطع مميزة :ok:

[معماري قطري]

روووووعةً الموقع وايد عندهم قطع مميزة :ok:

وأسعار معقولة ولا منة ربعنا خصوصاً المناجر .. شكله أمريكي والمقاسات بالإنش بس مؤكد يقدر يعطيهم الواحد المقاس بالملمتر ويسوون حسب طلبه .. أعرف شركة تسوي يو بي في سي كله عن طريق تركيا اوردرات وبرخيص يوصلهم شغلهم يركبون ويضربون أخماس في أسداس

[sara jsm]

اي هذي الشطارة :ok2:

[معماري قطري]

اي هذي الشطارة :ok2:

انتي عادي عندج أي شيء يجيب فلوس تدخلين فيه تبيعين متاي الكيلو بألف وتسوين دعاية حق سلسلة مطاعم الكيما اللي فاتحتها واللحم مجهول مصدره

[sara jsm]

ههههههههههههه هذي الشطاره :p

[معماري قطري]

ههههههههههههه هذي الشطاره :p

أكيد تضحكين

بالصدفة أشوف فيديو لمستثمر كان فاتح مطعم ويبيع فيه شيشة .. يقول شغل الشيشة مربح كثير بس يوم راح البيت وشاف ولده تم يفكر الشيشة ضارة وهو يبيع الناس شيء يضرهم ويأكل ولده مال فيه شبهة .. ويقول ما كان متدين بس يقرأ القرآن قليل وقرأ الآية ومن يتق الله يجعل له مخرجاً ووقف بيع الشيشة ومن يومها توفق .. وأنشأ فنادق حلال بدون خمور وبعد زاد توفيقه

الله يجعلنا معاج من المتقين واللي لهم مخرج ويرزقنا بالحلال ومن يقرأ

[sara jsm]

اللهم امين :d

[سالم الزهران]

https://c.top4top.io/p_1973diz8u2.jpg (https://top4top.io/)

مساء الخير بو عبدالله، لو بتبدي تبني على أرض منحدرة (جبلية)، هل الافضل نقص في الارض لين نوصل المستوى اللي نبيه (النقط الحمراء).

او نسوي قواعد بحيث تكون مثل الركائز مرتفعه من جهة الميول لين تتساوى مع اعلى نقطة!

مشكلة القص في الارض ان الطريق للبيت بيصير نازل، وكذلك الجهة المرتفعة من القصة بتغطي جانب البيت ممكن 3 أمتار؟

هندسياََ وشتنصح به في كلا الحالتين. وشكراََ

[معماري قطري]

مساك الله بالخير اخوي بو زيد

يعتمد إعتماد كبير على تصميمك وطبيعة الأرض ممكن ما تحتاج تقص وتحفر غزير وممكن تحتاج قص شوي وممكن الركائز تنفعك كلها تعتمد على دراسة السلوبات والموقع ككل .. أهم شيء هو تخطيط المنطقة اللي بتبنيها وشوي حولها تخطيط مساحي يوضح ارتفاعات الأرض بطريقة نقطية يعني خل نقول كل متر أو مترين أو حتى 5 متر .. المساحين يعرفون كثافة النقط اللي تحتاجها ومنها يسوي لك المصمم دراسة للمدخل من الطريق وبعدين توزيع المباني والغرف ومستويات الأدوار .. أكيد ناخذ في الإعتبار الأرض وكمية الأمطار اللي تنزل عليها ولو جبلية ممكن كمية كبيرة ولازم نحتاط من هذي الناحية ما نخلي المدخل نازل والا نسويه نازل بس يكون مبتعد عن خطر دخول المياه

انت تسأل مهندس عايش في بلاد أرضها سيدة يقعد يركز فترة ويقول كأنها نازلة من صوب 10 سم ويفكر في طريقة رفع المنسوب شوي عن الشارع وعندكم ما شاء الله أهل مكة أعلم بشعابها

[معماري قطري]

كنت أطقطق على فكرة بناء اضافة للبنتهاوس عبارة عن غرفة ملابس ودورة مياه مع قسم الصالة الموجودة الى غرفة نوم وغرفة ملابس ثانية بباب ينقفل

الصالة مساحتها 6.1 في 8.5 وباستقطع منها حول مترين بمساحة داخلية صافية 6.1 في 1.8 لتكون غرفة تخزين للملابس والأغراض الخاصة مع أرفف تخزين للشناط فوق

الأحمر بتكون الإضافة وحول 25 متر مربع وبيكون السقف خرسانة معمولة في الموقع والجدران سيبوريكس لخفتها وسهولة تركيبها فوق

https://i.imgur.com/itV4AjT.png

[معماري قطري]

موضح على اليسار السقف فوق الشاور والجكوزي بيكون زجاجي ويفتح جهة الشرق يعني الشمس بتسطع وبتوصل للمغسلة

إضطريت لهذا الحل لحاجتي لغرفة إضافية تكون احتياط يتعطل مكيف إحدى الغرف أو نحتاج نسوي صيانة وبإذن الله بتكونون معاي وقت البناء .. إحتمال على شهر 9 أبدأ مع تحسن الجو

ما ادري إذا ضروري أطلب موافقة رسمية مع إني ما احتاج كهرباء والمياه قريبة الغرفة اليسار فوق هي غرفة التانكي وغرفة الدرج اليمنى تحت وفوقها مخزن

[sara jsm]

يه يه يه شهالافكار بوعبدالله والله فن .. :victory:

[سعود.]

موضح على اليسار السقف فوق الشاور والجكوزي بيكون زجاجي ويفتح جهة الشرق يعني الشمس بتسطع وبتوصل للمغسلة

إضطريت لهذا الحل لحاجتي لغرفة إضافية تكون احتياط يتعطل مكيف إحدى الغرف أو نحتاج نسوي صيانة وبإذن الله بتكونون معاي وقت البناء .. إحتمال على شهر 9 أبدأ مع تحسن الجو

ما ادري إذا ضروري أطلب موافقة رسمية مع إني ما احتاج كهرباء والمياه قريبة الغرفة اليسار فوق هي غرفة التانكي وغرفة الدرج اليمنى تحت وفوقها مخزن


الله يتمم لك ع خير وباذن الله نكون معك قلبًا وقالبًا من الحفر الى الدخول باذن الواحد الاحد

[معماري قطري]

يه يه يه شهالافكار بوعبدالله والله فن .. :victory:

شكراً وباتحمل النقد البناء والهدام إخذي راحتج .. بيكون بإذن الله تصوير دايم للبناء وكل المشاكل تحت السيطرة بس مهم يكون شغلي قانوني

[معماري قطري]

الله يتمم لك ع خير وباذن الله نكون معك قلبًا وقالبًا من الحفر الى الدخول باذن الواحد الاحد

الله يسلمك إخوي سعود

الحفر بيكون قص بالمنشار الكهربي والمشكلة بينقص العازل الحراري والمائي وبيتركب طابوق عادي في البداية مليان مونة حتى يكون مثل الأساس فوقه بتجي قطعة عازل رول تغطي وجه الطابوق العادي وتغطي الجهة الجانبية الخارجية وتغطي العازل الباقي حتى ما يسرب .. حول 15 متر طولي .. بعدين بتتركب قطع السيبوريكس بالمونة الخاصة بها .. بعدين بيتم عمل السقف وسور السقف بيكون بارتفاع بسيط جداً إحتمال 40 سم مثل باقي البنتهاوس ما ابغي هذي الإضافة تطلع أرفع .. الباقي القص للتمديدات وعملها بعد كلها عامل حسابها وقريبة

[sara jsm]

شكراً وباتحمل النقد البناء والهدام إخذي راحتج .. بيكون بإذن الله تصوير دايم للبناء وكل المشاكل تحت السيطرة بس مهم يكون شغلي قانوني

افا عليك مافي هدام باذن الله الا اذا كنت محتره هههههههه
بس للامانه خاطري اشوف البيت قبل التاثيث :whistling: احسه بيكون wooow

[معماري قطري]

افا عليك مافي هدام باذن الله الا اذا كنت محتره هههههههه
بس للامانه خاطري اشوف البيت قبل التاثيث :whistling: احسه بيكون wooow


بإذن الله بانقل الوضع الحالي بالصور والوضع المستقبلي

الشغلة بسيطة بإذن الله بس مهم أحط التفاصيل وشغال عليها والتنفيذ بيكون شهر 9 أو 10 مع بداية اعتدال الجو ما فيني شدة اتابع في الحر ولازم متابعتي

[معماري قطري]

البنتهاوس ما كنت مهتم به وايد حتى سويته بدون عزل حراري للجدران وهذي غلطة ولازم أصلحها ألحين أما بالسيبوريكس أو السيبوريكس تحته فوم وبيعطيني عزل أقوى أو الفوم والبلاستر .. السيبوريكس بيوفر علي البلاستر وتنعيم سطحه سهل بالصنفرة وينصبغ .. أمس سألت مقاول قال سهل يتركب ميكانيكل ببراغي طوال .. الله يجيب الخير

[معماري قطري]

رحت العمودي أشوف بعض القطع لموضوع بنيان دورة المياه الإضافية للبنتهاوس وطحت على هذا الجكوزي مبدئياً .. صيني بس حلو يبين وممكن آخذ غيره باشوف محلات ثانية .. هذا مميزاته جيدة

https://i.imgur.com/j2ewlIr.jpg

فيه مجرى ما يخلي الماي يفيض وفيه مضخة قوية 1 حصان واللي عندي الحالي 0.75

https://i.imgur.com/j3fdqc2.jpg

هذي صورة ما لها خص

https://i.imgur.com/eH3BqFF.jpg

هذا الدرج الداخلي اللي يودي لصالة البنتهاوس اللي بتتحول غرفة

https://i.imgur.com/bvInANW.jpg

يمين توجد هذي الدريشة جنبها بافتح باب حتى ما يمر أي حد بيركب السطح داخل الغرفة

https://i.imgur.com/bcA7nxQ.jpg

الباب بيكون متواصل مع الدريشة هنا بيكون مكانه وبيترحل مفتاح النور

https://i.imgur.com/lO0Eh52.jpg

جنب الباب مال الصالة هذا المجمع والا كان فتحت الباب هنا

https://i.imgur.com/f0kUzfG.jpg?1

هذا باب الستور يمين باب الصالة .. صغير حول 3.5 في 2 ومليان الحين ما صورته

السقف نازل يمكن 2.6 بس وبينزل أكثر مع الجبس 2.5 باسوي سيدة بدون كورنيش

https://i.imgur.com/Wa0jMhC.jpg

الصالة فوق مليانة خرابيط

https://i.imgur.com/56tpnSU.jpg

المكيف هذا بيتغير للجهة المقابلة بحيث يكون وراء الجلسة وهنا كبت التلفزيون

https://i.imgur.com/VGZ9hne.jpg

المكيف هذا بينشال وبيكون في التوسعة في غرفة الملابس وراه بيكون الحمام والباب القزاز يمين بينلغي وبينبني حايط وباب عادي يدخل على غرفة الملابس والحمام

مكان المكيف تقريباً بتنعمل غرفة التخزين الطويلة 6.1 متر في 2 متر وهنا بيكون الباب لها

https://i.imgur.com/A1s8glj.jpg

عاد الأغراض مكركبة

هذي الدريشة بتنلغي باكتفي بخط طوب زجاجي فوق للإنارة وبيكون فوق القاطع الخشبي لعلاق الثياب المفتوح بلا أبواب بس باب الغرفة .. باخلي ارتفاع رف القاطع العلوي على 1.6 متر أو 1.7 وفوق هذا الرف بيكون تخزين الكراتين والشناط .. ممكن أسوي هنا أرفف أو أدراج وانزل الإرتفاع مكان الدريشة وأسوي صفين طوب زجاجي بعرض 60 سم وبكامل عرض الدريشة وأتوقع الدريشة ارتفاع حدها الأعلى 2.1 متر لو شلنا 60 سم بتبقى 150 سم مناسبة لأدراج او ارفف

https://i.imgur.com/UCNb09L.jpg

مكان الكبت بيجي المكيف وكم كرسي مقابل التلفزيون .. الكبتات هذي بتروح لغرفة الملابس الفتوحة مقابلة دورة المياه في التوسعة

https://i.imgur.com/1tWTOMB.jpg

كانت هذي في يوم من الأيام صالة رياضية بتنشال هذي المرايا تقريباً كلها اللي داخل غرفة الملابس ممكن أخليها

https://i.imgur.com/1S3ea94.jpg

هذي الدريشة الجنوبية بتبقى وتطل على توسعة الحديقة اللي شغالين فيها كأنهم والله أعلم متى يخلصون .. فكرت اسويها بلكونة وباب .. الارضية تحت اللي تبين فيها القبة حول 70 سم نازلة وفيه درجين صغار يمين ويسار وممر جنب هذي الدريشة للوصول لغرفة التانكي .. لو باسويها بلكونة بامدد حول متر لأن القبة قريبة باسوي ارضية يعني للبلكونة مرتفعة بتسكر الممر اللي يطوف لازم يلف وراء القبة .. ممكن بس شفت السالفة ما تستاهل باشرحها في صورة الرسم بس ما ادري اسويها أو لا

https://i.imgur.com/Cbt2YMF.jpg



https://i.imgur.com/UCNb09L.jpg

[معماري قطري]

هذا المخطط للصالة وما حولها .. التوسعة بتكون اللي بالأحمر وداخل الفاصل كذلك بيكون بنيان

فكرة البلكونة موضحة بس بالغيها .. طلعت شوي خطوط سميكة بس باعدلها خطأ في الغرافيك

https://i.imgur.com/OCTHuYT.png

[معماري قطري]

جنب البيت اليمين فيه ارتداد 3 متر وزراعة وفيه درج حلزوني للخدمة كذلك من الحوش

دوم فكرة التجديد تجيب افكار ثانية .. عندنا غرفة حمامها 2 في 2 كافي حق شاور وكرسي ومغسلة بس يحتاج صيانة وترتيب طلعت بفكرة مجنونة بس لازم أسعى في موافقة البلدية .. عندي حوض الزراعة مبتعد 40 سم عن السور وبعدين الحوض حول 80 سم وبعدين جدار 20 سم بارز عن الارض للحوش 20 سم .. فكرت أمدد فوقه شوي في الإرتفاع بنيان خرساني مثل الجدار الاستنادي وحتى ممكن بطابوق مليان خرسانة وفوقه أمدد حول 180 سم من أرضية الحمام الصغير هذا .. يعني الإرتداد جهة الحمام بس بيكون حول متر و20 سم وسقفه بيكون زجاج مع دريشة جانبية مرتفعة

كل هذي الأشياء أقدر اسويها بعد عمل الغرفة فوق بتكون مؤقتة للانتقال لها لصيانة أي غرفة ثانية

وهذا بالنسبة لتوسعة الحمام الصغير

https://i.imgur.com/0f1mgpe.png

فوق صورة السقف مع الزجاج المايل متصل مع السقف وتحت توزيع الحمام والتوسعة يمين .. الشاور الآن 80 في 80 مكان الكرسي والكرسي مكان الدريشة اللي بتكون باب بتتكسر من تحت فقط

[معماري قطري]

عارف هذي أول الغيث وبتجيني طلبات من البقية .. عندي أفكار لتغيير شامل بس معقول وبياخذ وقت أكيد .. وإحتمال عقلي الباطن يقول لتبني ولتطلع من هذي المنطقة للوجبة الا بعد اكتمال الخدمات .. أول نشوف موافقات البلدية

[sara jsm]

عندي سؤال : ليش تبي تسوي كل هالشغلات وانت من الاساس عقب سنة بتبني بيتك الجديد ؟
هل انت محتاج لهالتوسعه ؟ حد بيستفيد منها ؟ ولا عشان تزيدون اللويث في المكان :happy:

[معماري قطري]

عندي سؤال : ليش تبي تسوي كل هالشغلات وانت من الاساس عقب سنة بتبني بيتك الجديد ؟
هل انت محتاج لهالتوسعه ؟ حد بيستفيد منها ؟ ولا عشان تزيدون اللويث في المكان :happy:

سبحان الله أم العيال رايها نفس الشيء

ما ادري يمكن تجذرت هنا ولا لي نية أطلع .. أوقات اقنع نفسي أقول بنبني هناك على فترة طويلة يمكن 5 سنين وأوقات عقلي الباطن يقول هذا المكان زين وقريب من كل شيء .. حتى ربعي وميلس عيال عمي دقيقتين ثلاث بالسيارة .. هناك والدتي وعيال اخوي وإخوي الثاني وعياله وإخوي الثالث بيبدأ يبني يمكن معاي .. بس مب هاين علي البيت ذيه ومحتاج للسعة شوي مثل ما قلت حق تكون غرفة احتياط حتى نقدر نجدد باقي الغرف

مالياً هذا البيت كلفني 3 مليون والبيت الجديد على الأقل 5 وبيت ولدي على الأقل بين 2.5 و 3 .. صج صج محتار من معمعة البنيان وعارف ضغوط قوية .. شفتي الصالة ذي شلون تحتاج ترتيب واستغلال أفضل

المشكلة محد مشجعني الا بنتي وولدي كلهم يبون يبنون هناك

[sara jsm]

المشكله كلها انك تقاعدت وتدور شغل حتى لو في بيتك :yes:
اذا مب في حاجة لهالتوسعه ومافي حد بيستخدمه فالافضل انك ماتلغلغ بيتك واهل بيتك بالعمال :pilot:

بس اللي عجبني وايد انك فارش الدرج ( نفسي :shy: ) صح ان اللون خايس :looking: بس المشي عليه مررررريح :thumbup1:

[معماري قطري]

المشكله كلها انك تقاعدت وتدور شغل حتى لو في بيتك :yes:
اذا مب في حاجة لهالتوسعه ومافي حد بيستخدمه فالافضل انك ماتلغلغ بيتك واهل بيتك بالعمال :pilot:

بس اللي عجبني وايد انك فارش الدرج ( نفسي :shy: ) صح ان اللون خايس :looking: بس المشي عليه مررررريح :thumbup1:

مال رخيص وهذا ببلاط شعبي أرضيته ومب مريح ارتفاعه كبير

صحيح مب ضروري وإحتمال الغي الفكرة وأركز على البنيان الجديد وهذا البيت نهايته يتأجر .. عن اللي يبون يسكنون هذي الغرفة وايد ومثل ما قلت بتكون اضافية بس بيسكنها اللي غرفته فيها مكيف خربان مثلاً والا صيانة حمام بتاخذ وقت مثل تغيير كامل .. خبرج لو بابني يبي لي لين ابدأ أقل شيء سنة وشوي بعدين البنيان مب مخلص في أقل من 3 سنين وإحتمال حتى 5 سنين

عندي والله شغل وشغل مزعج مراجعات بلدية حق بيتين قدام بنسوي لهم صيانة حسب ما يبغي المخرج وبناية قديمة بعد في معمعة معاهم وشغلهم معفوس كل واحد يفتي شيء

[معماري قطري]

هذا مثال لصيانة دورة المياه الرئيسية وتغيير كل شيء بشكل كامل

من اليسار اللي هو الوضع الحالي والمقاس 4 في 3.3 .. كنت أحسب 4.1 طلع شوي أصغر .. والدخول والخروج بيكون من الحوش يعملون لهم درج خشب ويبدون الشغل وبيكون محدود ما فيه تكسير وايد .. الحوائط باركب مارين بلايود وباترك فراغ بسيط للتمديدات بتكون مركبة فوق البلاط القديم وفوق البلايوود بيركب بلاط جديد ومفكر في القطع الكبيرة

الباقي كلها مقترحات وعارف أقرب مقترح حبيته بس باشوف آرائكم

https://i.imgur.com/WhQ1a0d.png

[معماري قطري]

رسيت على توزيع غير عن كل اللي سويته قبل

المغسلة بتكون مكانها وبتنضاف عليها ثانية وبمرايا وراها صناديق تخزين وليتات مخفية وكذلك ليتات نقطية صغيرة قوية تنور وجه اللي أمام المراية .. بينعمل لها تجويف في بروز الحائط المستعار اللي بيكون 5 سم شامل البلاط فوقه واللي باحاول اسويه من السيبوريكس ويغطي البايبات الجديدة والبلاط القديم

https://i.imgur.com/etaH6bh.png

باستفيد من زيادة سمك الحائط في سهولة عمل تجويفات بإنارة وبحواف ستانلس ستيل لامع تجي كل الاكسسوارات معاها ستانلس ستيل والخلاطات كذلك وبسهولة تنوجد ستانلس ستيل

المغسلتين بس بيكونون معلقتين في حائط جزئي بارز 20 سم وفوقه المرايا مع البوكسات بارزة 15 سم وداخلة داخل تجويف جزء الحايط الإضافي 5 سم .. يعني من داخل البوكسات بتكون عرضها صافي حول 16 سم ويمكن شوي أكثر حسب سمك الخشب وباوصل كهربة الجكوزي الحالية للمراية بتكون مخفية في البوكسات .. حالياً عندي 3 خطوط كهرباء واحد للمراية الحالية وواحد للبخار وواحد للجكوزي هذي يبي لها إعادة ترتيب .. البخار باركب جهازه في البانتري الموجود مباشرة في ظهر الحائط اليمين بس التحكم ماله بيكون في التجويف اللي وراء كرسي الشاور

https://i.imgur.com/UxUa8TC.png

وهذي منطقة الشاور والجكوزي بعرض من يمين لليسار 2.05 متر ومن فوق لتحت 1.85 متر الخط الخارجي داخل شوي أصغر

https://i.imgur.com/OPobkkg.png

[معماري قطري]

بالنسبة للشور الثابت فوق الراس هذا ضروري أعمل له جزء جدار في الزاوية اليسرى أو أشوف نوع يجي بايب ويتثبت في القزاز وفي جزء الحائط المرتفع حول متر و10 سم حتى يكون خلاط الشور عليه .. أعتقد موضوعه سهل حتى فريم ألمنيوم ممكن يثبته ويمشي الحال .. فوق بوكس الشاور بيكون مغطى ببوليكاربونيت وفوقه الإضاءة .. حتى يبقى البخار داخل منطقة الشور والجكوزي

باسوي إن شاء الله واجهات دورة المياه الداخلية وترتيبها وبيطلع فرق كبير بين النموذج الحالي فوق اللي على اليسار والتصميم الجديد

[معماري قطري]

يسار الباب بيكون مثل ما هو موجود ألحين صندوق خشبي ماخذه من ايكيا للفوط والصابون والشامبو والدريشة كبيرة وشرقية مب مغيرها فوق هذا الصندوق مباشرة

[معماري قطري]

هذي رسمة قطاع طولي يوضح واجهة الحمام الداخلية كيف بتكون من بعد بوكس الشور والجكوزي

[معماري قطري]

الصورة الأولى للوضع الحالي تقريباً بس الجكوزي ربع دائري مثل الصورة السابقة مع صور التغييرات المفترحة

الصورة الثانية التوزيع الأفضل اللي وصلت له والثالثة للمقطع الطولي توضح الواجهة صوب المغسلة والكرسي والبديه

https://i.imgur.com/69GzXXY.png

في الطرف يمين بيكون صندوق مثبت في الحائط للتخزين لمواد التنظيف ومسوي تجويف فوق البديه والكرسي هذا بيكون فيه إضاءة مخفية مزاجية تتغير حسب الرغبة ألوانها

[معماري قطري]

فكرت في إني افصل بين التبليط والسقف بفاصل جبس بدون بلاط على الجدار .. ممكن بس الإرتفاع عندي مب لين هناك شفت هشكل بيطلع أحلى والبلاط يكون رخامي قطع كبيرة

[معماري قطري]

إكتشفت خطأ في تحديد الارض اللي اشتغل على التصميم لها .. العرض والطول متقاربين وانا لخبطت شوي في اتجاهها .. الحمد لله استثمرت الوضع الجديد لصالح توزيع أفضل مع تغييرات طفيفة ليتناسب مع الوضع الجديد

هذي صورة جوية للمنطقة والله يعين فيها شغل بطيء وممل للصرف الصحي وللحين ما وصل حولنا وللحديقة اللي بتكون بالطول يمين الصورة هذي .. البيتين المتعاكسين للوالد الله يغفر له وأرضي تحت البيت اليمين

https://i.imgur.com/qhIVlPF.png

خارطة البيوت نزلتها على الاوتوكاد وعدلت على التصميم تحتها وهذي صغيرة صعب تبين التفاصيل بس تبين الوضع العام للمنطقة

https://i.imgur.com/U4D3eLA.png

استوى وضع البيت مع الملحق جهة الخلف منفتح على الارض اليسار اللي بتكون مزروعة في البداية وفيها بيت زراعي محمي وحضيرة دواجن وطيور مع بعض الحلال


أدخلت الرسم المعماري على الصورة الجوية حسب الإحداثيات

https://i.imgur.com/HdkQQxJ.png

وضحت الشارع لمدخل البيت مع المكان المرصوف لمرور السيارات أكيد بيكون نوعية تبليط غير أفتح شوي

[معماري قطري]

المساحة المرصوفة لمرور السيارات 885 داخل حدود الأرض والخارجية بتكون صوب مدخل البيت حول 70 متر مربع وجدام المجلس حول 380 متر مربع

[معماري قطري]

شغالين ألحين على توسعة الشوارع ويمين البيت ما ادري شبيصير بس شكلهم بيقللون الإرتداد بين الشارع والبيت وبيمددون خدمات الصرف الصحي وتصريف المطر المياه والكهرباء واصلة وحتى إطفاء الحريق

[معماري قطري]

موقع الباب الصغير بين بيتي وبيت ابوي الله يغفر له الخط الأحمر من الحوش للباب ويمر بين ميلس بيت ابوي الخارجي اللي بيكون جنب ميلس بيتي والميلس الداخلي .. حظي جاء التصميم متجانس للبيتين .. البيت اليسار فوق تأجر لروضة

https://i.imgur.com/RDdR69d.png

[معماري قطري]

شغال على المجسم ثلاثي الأبعاد لتصميم بيتي وشبه خلصت هذي المظلة والمجلس ككتلة باقي تفاصيل الدرايش .. البيت باقي فيه وايد والبوابة .. ما أضفت مواد مناسبة للإظهار باضيفها بعدين بحيث تبين الصورة واضحة وطبيعية أكثر وباضيف الإضاءة الشمسية والكهربية الليلية

https://i.imgur.com/RGacVCI.png

هذي جهة المجلس بس طلعت مظلمة مع إنها في الكمبيوتر تبين أوضح .. بدايات وبإذن الله لو خلصت بيكون غير باضيف الإضاءة والظلال وبيبين قريب للواقع حسب الوقت في اليوم واتجاه الشمس

https://i.imgur.com/J7wdaSK.png

[سالم الزهران]

وفقك الله يبو عبدالله.. عقبال ما نشوف الشرح ع الواقع بإذن الله

[معماري قطري]

وفقك الله يبو عبدالله.. عقبال ما نشوف الشرح ع الواقع بإذن الله

اللهم آمين

الله يجزاك خير ويوفقنا واياك

[معماري قطري]

لازم أعدل الدقة والإضاءة العملية بسيطة بس يبغي لي أدل طريقي مع البرنامج الجديد اللي يمكن تحدث عشر مرات بعد شغلي عليه ثري دي

[SouthK]

اخوي معماري ي سؤال محيرني .. ليش الغالبية الساحقة من بيوت قطر مبنية على النمط الكلاسيكي؟؟؟

[معماري قطري]

اخوي معماري ي سؤال محيرني .. ليش الغالبية الساحقة من بيوت قطر مبنية على النمط الكلاسيكي؟؟؟

غالبيتها يا اخوي بنيان حديث ممكن نعتبره كلاسيكي حسب الموجود عندنا

إذا قصدك عن بعض العناصر الكلاسيكية في التصميم الأخير أو خل نقول التراثية هذي بعد محدثة ومحدثة كثير .. الزاوية المسماة القمرية وكانت كتداخل مراحل القمر الوسط كامل أو شبه كامل والأطراف أصغر .. قطعة التاج وسط الدريشة والباب هذي نفس الشيء ومعروفة قديماً وفيه منها نوعيات كثيرة محدثة .. القمرية تسمى Corbel ولها تشكيلات لا تحصى ويستعملونها حتى الأجانب وكانت أساساً تعتبر قطعة إنشائية تحمل ما فوقها ألحين قطعة زينة

ما ابغي ألجأ للحجر وأغير التصميم الخارجي بس الحجر ضروري عندي في أرضيات الرصيف وحواجز الزراعة ويمكن كحماية في أسفل الجدران لكن الباقي باخليه بلاستر وصبغ مع التشكيلات حول الدرايش جي ار سي أو حجر ولو سويت البيت حجر كله بيكون بدون تفاصيل كثيرة وفي غالبيته سادة مع الكتل والكسرات الأساسية هذي مهمة عندي وتستوي حجر أو بلاستر

بعدين حتى ما تحتار هذي المواد المتوفرة والموجودة والمقاومة لطبيعة الجو والسهلة للبنيان والكل يعرفها ليش نروح لأشياء غريبة

شيء مهم التصميم أساسه المساحات والفراغات وعلاقتها ببعض وتفاصيل التنفيذ آخر شيء يجيك الشكل الخارجي

[معماري قطري]

ما كنت أتوقع شغلة الثري دي ممتعة هالشكل والشكر لسارة اللي شجعتني أواصل ومواصلتي قليلة وأوقات ألخبط في بعض الأشياء .. هذي صورة للموقع للذكرى قبل ليكتمل وفيه خرابيط يمين ويسار خليت بعضها وكأنه موقع بناء طبيعي

https://i.imgur.com/TqwASpy.png

الحين علقوا تعليقات محبطة عادي حطيت هالتصميم في راسي وإن ما كملته ألحين باكمله بعد السفر

[معماري قطري]

هذي رؤية الطائر من جهة الغرب

https://i.imgur.com/MjZHOs7.png

تفاصيل البيت كتلة ألحين ما حطيت أشياء وايد

[معماري قطري]

صورة البوابة من برا ما طلعت حلوة

https://i.imgur.com/CRDELNs.png

وهذي صورة من داخل جهة البوابة .. على اليمين بتكون طبيلة مثل تشكيلة الثانية اللي كملتها بس لسيارات أقل وأصغر بوايد

https://i.imgur.com/yrmL9vj.png

بعد طلعت مب واضحة وأكيد فيه شيء للحين ما عرفته

[معماري قطري]

فتحت الباب الصغير الخارجي وسويت الزوايا فيه بشوية صعوبة .. أكيد للحين ما حطيت مواد واقعية للمواد واظهار بإنارة هذي يبي لي أرتبها بعدين

https://i.imgur.com/DKYsXM9.png

هذي وايد أوضح عدلت الرزوليوشن عرفت له بالصدفة

https://i.imgur.com/0DSoGkP.png

[معماري قطري]

أكيد بتكون نفس الزوايا جنب الباب الكبير من داخل ومن برا ونفس الشيء الباب الصغير اللي يدخل داخل البيت

[sara jsm]

ماشاءالله عليك يافنان ..
انا خذت التصميم كامل وعرضته للبيع وجاب لي سعر رهيييييب :oops:

[معماري قطري]

ماشاءالله عليك يافنان ..
انا خذت التصميم كامل وعرضته للبيع وجاب لي سعر رهيييييب :oops:

حلال عليج وعلى الجميع

بنتي الصغيرة الملسونة شافته قالت وشو هذيه .. ما ابي تصاميم التسعينات .. إنتي تشجعيني بس

[معماري قطري]

بدأ الفايل يكبر ويعلق الكمبيوتر هالمرة باقلل الرزوليوشن شوي

هذي من الجهة الجنوبية عرفت أخلي عدسة الكيمرة أعرض

https://i.imgur.com/Fl29Pqu.png

وهذي صورة متوسطة الدقة جهة حوض السباحة .. الحائط البارز شوي من البيت هذا فيه المنور المفتوح على البيسمنت للتهوئة

https://i.imgur.com/WbPimGx.png

[SouthK]

أي برنامج هذا اخوي؟

[معماري قطري]

هذي يمكن أوضح للحوض

https://i.imgur.com/MvzkjGl.png

[معماري قطري]

أي برنامج هذا اخوي؟

اوتوكاد 2018

[SouthK]

اوتوكاد 2018

الـ render مختلف عن الاصدار 2020!!
الله يوفق

[معماري قطري]

الـ render مختلف عن الاصدار 2020!!
الله يوفق

تنصحني أغير ل 2020؟

شغلة يا اخوي كل سنة مغيرين شيء بسيط

[معماري قطري]

أضفت تشكيلة الماء وهي نازلة على الحوض من أعلى والجالس في الحوض راسه مرتفع عن الماء ووراه يتم الضخ ويتحرك الماي جدام ينزل مثل ما هو موضح ويتفلتر ويرجع من فوق .. إرتفاع الحوض من الأرضية حوله 90 سم وعمقه 125 سم يعني بيكون محفور له قليل .. بنفس الوقت الجالس على الطاولة أو داخل المجلس يشوف الماي جدامه

https://i.imgur.com/bDqXx44.png

[سالم الزهران]

اشوف بعض الامور اللي سولفت لي عنها مسويها في التصميم، منها المجلس المضلع. وفقك الله يا معمارينا

[معماري قطري]

اشوف بعض الامور اللي سولفت لي عنها مسويها في التصميم، منها المجلس المضلع. وفقك الله يا معمارينا

,واياكم والجميع

هذا تصميم من الصفر وهو نفس تصميمي اللي عرضته في السابق والتعديلات تقريباً شبه معدومة .. على الثري دي تقدر تتخيل المساحات وتشوف علاقتها ببعض .. بعد بادخل خطوة أكثر باوضح توزيع كل دور مع الجدران مع الأثاث كله ثري دي .. للحين ما حطيت نوعية المواد حتى تنعكس الصورة طبيعية أكثر والإضاءة أقدر احط عدة أنواع

[sara jsm]

حركة الماي وهو نازل عالحوض مسوينها فندق ماندارين مشيرب يالقلاد :omg:

[Azizuk]

حركة الماي وهو نازل عالحوض مسوينها فندق ماندارين مشيرب يالقلاد :omg:



ماشاءالله لافين فنادق البلاد كلها :victory:

[معماري قطري]

ماشاءالله لافين فنادق البلاد كلها :victory:

ههههههه زين صدتها

سارة هو فيه ألحين شيء مبتكر كلها أفكار موجودة بس المهم تنسيقها

[sara jsm]

ماشاءالله لافين فنادق البلاد كلها :victory:

اي والحمدلله مب لافينها على حسابك :funny:
:

ههههههه زين صدتها
سارة هو فيه ألحين شيء مبتكر كلها أفكار موجودة بس المهم تنسيقها

حاول تبتكر وتخترع :waiting:

[معماري قطري]

اي والحمدلله مب لافينها على حسابك :funny:
:


حاول تبتكر وتخترع :waiting:

انا متخرع بدون شيء

[معماري قطري]

غلطت في الثري دي إني ما سويت ليرز ( طبقات ) لكل دور بحيث أقدر أخفي طبقة وأشتغل على طبقة ثانية والتداخل بينهم صعب .. تتعدل وأنجزت كثير من المطلوب وباتابع وقت ثاني بعد ما اخلص غالبية الأمور العالقة .. ممكن بسبب كبر الفايل أقسمه لعدة فايلات أصغر واشتغل على كل مبنى بنفسه أو حتى كل دور أسويه ثري دي مع الأثاث والجدران بتكون العملية أسهل بكثير وباخلص أسرع

ألحين باحط صور رحلة اليونان وبتركيز على المباني ونقد وتعليق هندسي عليها .. أول مرة أعيش تجربة نوعية بناء غير عن اللي متعودين عليه

ترددت لأن الصور أحلى احطها في موضوع عن السفر ويمكن اضيف قليل منها هنا للنقد الهندسي

[معماري قطري]

البارحة تعبثت شوي في سالفة الرندر أو الإظهار مع إضافة شوية مواد للتصميم وعطيته اوكي وتم الكمبيوتر يحن ويحسب ويعلق خفت يصير فيه شيء .. قفلته وهو شغال يكمل حساباته .. ألحين اشوف الصورة طلعت وايد أحلى بس الخطأ اللي أخطأته كنت حاط الإنارة مائلة كثير جهة الغرب والتصوير من فوق طلعت الصورة شوي مظلمة

https://i.imgur.com/aWDRdnT.png

باسوي بإذن الله صور ثانية يمكن أقل جودة بس بإضاءة مسلطة مع مكان التصوير

هنا يعطينا فكرة عن الظلال والشمس قبل المغرب بشوي

[معماري قطري]

هذي سويت عليها اديتنغ وزدت الإضاءة وبينت أوضح

يبين المنور الهرمي وتفاصيل الغرفة فوق والدرج .. وهذا البنتهاوس خليته بدون سقف حتى ابين التفاصيل الداخلية وفيه قواطع للحين ما أضفتها ونوافذ كذلك .. يسار الصالة بتكون غرفة زجاجية سقف وجدران بس السقف بيكون شبه مظلل بمشربية خشب تحت السقف الزجاجي وبتكون مطلة على منطقة حوض السباحة يسار البيت

https://i.imgur.com/e8yEX4W.png

بالنسبة للتكييف خلاص قررت للبنتهاوس بيكون في آر في مدمج في جهة وحدة من السقف مع تمديدات للداخل وأجهزة تكييف منفصلة لكل فراغ أما سبلت أو دكت سبلت بس في حال الدكت سبلت باشوف اللي يتركب واقف كأنه كبت ما يكون معلق في السقف وللأدوار الأول والأرضي المكاين الخارجية بتكون تحت في البيسمنت الخدمي

[معماري قطري]

النخلة اللي طالعة من منور السطح هذي ضمنية هنا بتكون زراعة مزهرة ومتسلقة مثل الياسمين وفي إصيص تحت في الدور الأول ترتفع لدور البنتهاوس وواضح مكان الدريشة اليسرى اللي تطل عليها .. فيه كسرة فوق الكراسي في الصالة مثل الروشنة المستطيلة وكذلك فوق مكان السرير بين الدريشتين الطوال بطول 2.2 متر وعرض 1 متر واصلة للأرض تقريباً بس محتار أخليها بنفس مستوى الأرضية أو ارفعها 20 سم .. بنفس مستوى الأرضية بتطلع أحلى لو انفتحت وبيكون اتصال كامل مع الفضاء الخارجي .. باشوف لو أقدر اسوي تفصيل تكون من تحت بفريم مخفي ومن فوق عادي بفريم .. وإحتمال اسوي شترات للدرايش مالت غرف النوم

[معماري قطري]

هذي صورة مكبرة لمكان الغرفة الباب على خط واحد مع الدريشة بس الباب الثاني جاي وسط الممر لأن في اليمين بيكون كبت أو كاونتر بأدراج تابع للبانتري اللي بيكون على اليسار ومطل على السقف .. هذي بإذن الله بتكون غرفة لولدي الصغير والغرفة الثانية والصالة تعتبر شقة صغيرة يعيش فيها لين يبني على راحته .. تحتها بالضبط نفس الغرفة وتقريباً نفس التفاصيل .. درايش العلوية ثنتين جنب السرير مطلين جنوب ووحدة يسار مطلة شرق وعلى سقف البيت ووحدة غرب مطلة على الحديقة الغربية

https://i.imgur.com/3KLIy1e.png

[sara jsm]

عندي غرفه كبيرة خارجيه بس ماعندي لها خرايط .. لاني ضفتها بعد مابنيت ..
ابيك تساعدني فيها بوعبدالله ولك مني وجبة كيما شغل منزلي :looking:

[معماري قطري]

عندي غرفه كبيرة خارجيه بس ماعندي لها خرايط .. لاني ضفتها بعد مابنيت ..
ابيك تساعدني فيها بوعبدالله ولك مني وجبة كيما شغل منزلي :looking:

عرض مغري ما انتبهت له

كيما لحم ضبان أهم شيء ما لي خص تصرفي وعندج مساعدين خصوصاً أهل الشمال مسيطرة عليهم خمس ضببة سمان ينتجون لحم يكفي لجدر صغير وأعشاب برية أي عشب يمشي

بس ارسلي لي والا حطي هنا المقاسات وشتبغين وحاضر حتى لو عندج صورة جوية من قوقل والا تقدرين تركبين تصورين من فوق السطح مع نقاط معروفة المسافة بينها باركب الصورة على الأوتوكاد وباسوي التصميم

[معماري قطري]

ما قلتي لي شرايج في الخرابيط أعلاه؟

[sara jsm]

عرض مغري ما انتبهت له

كيما لحم ضبان أهم شيء ما لي خص تصرفي وعندج مساعدين خصوصاً أهل الشمال مسيطرة عليهم خمس ضببة سمان ينتجون لحم يكفي لجدر صغير وأعشاب برية أي عشب يمشي

بس ارسلي لي والا حطي هنا المقاسات وشتبغين وحاضر حتى لو عندج صورة جوية من قوقل والا تقدرين تركبين تصورين من فوق السطح مع نقاط معروفة المسافة بينها باركب الصورة على الأوتوكاد وباسوي التصميم


هههههههه الله يلوع جبد العدو ..
خلاص اسحب عرض الكيما وباعطيك بداله كاااااش :sorry::weeping:

ماشاءالله عليك بوعبدالله انا نسيت سالفه قوقل الحين باشوفه :strong
بس باطرشلك عالخاص :whistling: ماابي حد يقلدني

[معماري قطري]

اللي تشوفينه معروفة أنانية .. زين الكاش كم شكل الفلوس زادت في مخابيج عارفج كل مخبى فيه كم كيلو أغراض وما تعتمدين التكنولوجيا الحديثة شناط وهالسوالف

[sara jsm]

اللي تشوفينه معروفة أنانية .. زين الكاش كم شكل الفلوس زادت في مخابيج عارفج كل مخبى فيه كم كيلو أغراض وما تعتمدين التكنولوجيا الحديثة شناط وهالسوالف


:oops: ان شاءالله باعطيك اللي يرضيك ..
صورت اليوم وعقب باخذ المقاسات بالمتر بالضبط ..
وتالي باطرشهم لك .. وعلى مدى ابداعك بتحصل ريالاتك :omg:

[معماري قطري]

بدت تبين معالم البيت وزين عرفت للإظهار المسمى رندر بالانجليزي وصغرت الجودة شوي بس أخليه آخر الوقت قبل لا اقفل الكمبيوتر يسوي شغله واروح

هذي الجهة الغربية وباقي شوي لها ما كملت كل شيء

https://i.imgur.com/NMmS3gm.png

كنت أخلص تصوير مقرب وعلق الكمبيوتر واختربت السالفة وبأحاول بعد شوي

[SouthK]

بدت تبين معالم البيت وزين عرفت للإظهار المسمى رندر بالانجليزي وصغرت الجودة شوي بس أخليه آخر الوقت قبل لا اقفل الكمبيوتر يسوي شغله واروح

هذي الجهة الغربية وباقي شوي لها ما كملت كل شيء

https://i.imgur.com/NMmS3gm.png

كنت أخلص تصوير مقرب وعلق الكمبيوتر واختربت السالفة وبأحاول بعد شوي





اخوي علشان تمشي معاك الامور تمام وقف كل البرامج اللي تشتغل و خل بس برنامج الرندر .. حتى النت افصله و شاشة التوقف!

[معماري قطري]

اخوي علشان تمشي معاك الامور تمام وقف كل البرامج اللي تشتغل و خل بس برنامج الرندر .. حتى النت افصله و شاشة التوقف!

مشكور الله يسلمك .. عارف بس هذي مشكلتي أفتح 10 نوافذ وفي كل وحدة نوافذ فرعية .. شكلي ما لي الا هالحل لأن صج بدأ يعلق وباشوف حل للإضاءة القوية ذي قبل كان نظام الإضاءة وايد أسهل وكنت بسهولة تقدر تحط موقع البيت حسب الموقع الجغرافي وألحين يطلب فايل خارجي وشغلة

[SouthK]

مشكور الله يسلمك .. عارف بس هذي مشكلتي أفتح 10 نوافذ وفي كل وحدة نوافذ فرعية .. شكلي ما لي الا هالحل لأن صج بدأ يعلق وباشوف حل للإضاءة القوية ذي قبل كان نظام الإضاءة وايد أسهل وكنت بسهولة تقدر تحط موقع البيت حسب الموقع الجغرافي وألحين يطلب فايل خارجي وشغلة

في شغلات ثانية ممكن تسويها بعد مثل مسح الملفات المؤقتة و زيادة حجم الـ RAM ..

شوف الفيديو ذي:


https://www.youtube.com/watch?v=rMB3uPhK5Ps

وشو البرنامج اللي تستخدمه للرندر؟

[معماري قطري]

في شغلات ثانية ممكن تسويها بعد مثل مسح الملفات المؤقتة و زيادة حجم الـ RAM ..

شوف الفيديو ذي:


https://www.youtube.com/watch?v=rMB3uPhK5Ps

وشو البرنامج اللي تستخدمه للرندر؟

نفس برنامج الاوتوكاد

[معماري قطري]

مشكور من زمان ما سويت كلين اب للفايلات

[SouthK]

مشكور من زمان ما سويت كلين اب للفايلات

العفو يا الغالي :)
بتحصل كذا جيجا ملفات ما لها داعي!

[معماري قطري]

العفو يا الغالي :)
بتحصل كذا جيجا ملفات ما لها داعي!

كلامك صحيح وزين نبهتني وايد إستوى أسرع الكمبيوتر

[معماري قطري]

أحد الإخوة طلب توزيع لمجلس قائم وفي زاويته دورة مياه .. المجلس مساحته بحدود 10 في 6.3 متر .. ودورة المياه تقريباً 3 في 2 .. أشوف مساحة الحمام كبيرة ومبالغ فيها من أساس التصميم خصوصاً للمجلس ويفترض فيه كرسي ومغسلة الا لو كان تصميمه من الأساس فيه شاور حتى ممكن يتحول غرفة في أي وقت

المهم صافي المساحة للجلوس بحدود 7 في 6 وأشوف يستحسن نعمل بارتشن وسويته باللون الأحمر سواء من الطابوق أو الجبس أو الخشب .. هذي صور بداية التصميم عملت الحايط بإرتفاع متر حتى يبين التوزيع

https://i.imgur.com/GcOHCBD.png

https://i.imgur.com/uqOdgYx.png

فيه باب ثاني حطيته في المخطط الأخير مع مقترح عمل رواشن تعطينا شكل مرتب ومتكرر وتكون مكان لبعض أغراض الزينة .. أو لو تم استعمال المجلس هذا للألعاب الالكترونية ممكن حتى تكون مكان لتخزين بعض المواد

تقسيم المنطقة لقسم جلوس وقسم ممكن يكون بانتري جهة اليسار في اللوحة الأخيرة وراء البانتري أو كاونتر البانتري فيه نوافذ ثنتين وجنب باب البانتري فيه دريشة وجوانب باب المجلس الكبير دريشتين كبار يطلون على الحوش .. بنكون حافظنا على الدرايش كلهم بس جهة البانتري ممكن ما ينفتحون .. ممكن نكتفي بطاولة صغيرة متحركة للقهوة والشاي ونستعيض عن البانتري بنباتات ظل جنب النوافذ الكبيرة

https://i.imgur.com/uqOdgYx.png

الرواشن بعمق 15 سم جهة الحائط اللي وراه حايط السور ونقدر لو حبينا نسويهم 20 وأكثر حتى بس 15 كفاية والرواشن اللي جهة حايط الحمام والبارتشن الجديد بعمق 10 سم ووحدة تعتبر فتحة تطل على البانتري لو حبينا نسويها مغلقة ممكن نزيد عرض البارتشن ل 15 أو 20 سم

[معماري قطري]

https://i.imgur.com/bbTrfWj.png

هذي الصورة الأخيرة غلطت فيها فوق مكررة

[معماري قطري]

من المميزات الحلوة واللي تسهل العمل في الاوتوكاد هو القدرة على أخذ عنصر معين مثلاً جدار وأي شيء ثاني نبغيه ونعمل له عزل .. يطلع لنا بروحه وسهل وايد نتعامل معاه خصوصاً في الثري دي .. هذا كله عرفته من اليوتيوب ولا كان موجود في الإصدارات القديمة .. مثلاً عندي تصميم البيت تعقد كثير واستويت أشوف خطوط متداخلة ما أعرف من وين جاية لكن بهذي الخاصة قدرت أعزل اللي ابغيه بس يطلع لي .. إشتغلت على المجلس داخلياً وباحط صورة للأرضية مع الأثاث وممكن الجدران .. صورة داخلية للتوزيع الداخلي للمجلس المثمن

ألحين الكمبيوتر يطحن له حول 10 دقايق يخلص صورة الباربيكيو الخارجي .. يحن يذكرني بحنة الكبسولة لين عطيتها واحد في راس الطعس ومكينتها خلاص بتسلم الروح .. حلو يعتبر تحدي وكنت قبل من أشوف صور تصميم تطلع كأنها حقيقية أتمنى أوصل لمستوى قريب من هذا

يحن له حول ساعة والمشكلة ما فيه عداد يوضح نسبة الإنجاز

طولت السالفة ألحين قريب ساعتين بارجع له وقت ثاني أفضل

[sara jsm]

:happy: :happy: :happy:
الله يعطيك العافيه ويقويك دايما تدخل السوالف في بعض :funny:

متابعة ..

[معماري قطري]

:happy: :happy: :happy:
الله يعطيك العافيه ويقويك دايما تدخل السوالف في بعض :funny:

متابعة ..

للحين يحن شكله بيكمل الصبح .. بس الزين مواصل ما يعلق أقدر اشتغل شغلات ثانية

[معماري قطري]

فيه شيء غلط باحاول اعرف وين .. بعد ما طحن الكمبيوتر طلع هذي النتيجة وأكيد إستخدامي للضوء الصناعي غلط بس ما ادري شلون اتراجع عنه يبي لي تعمق أكثر

https://i.imgur.com/dn172KM.png

الصورة طلعت سوداء بس زدت الإضاءة وهذا اللي حصلت عليه للباربيكيو النازل عن مستوى أرضية الحديقة .. هذا ممكن تتركب له أعمدة في الزوايا وممكن تكون قابلة للإزالة وتنعمل تغطية وممكن تنعمل نوافذ ويكون السقف زجاجي وقابلة النوافذ للفتح ومع تكييف وتدفئة

[sara jsm]

باسئلك بوعبدالله هالباربيكيو اللي مسويه هل راح يستخدم ؟
ولا منظر بس ؟ اذا راح يستخدم اكثر من عشر مرات في السنة فهذا جيد ..
لان اغلب الناس تسويه ولا يستخدمونه وتالي تلقاهم في الشتاء اما في العزب او المخيمات ..

[معماري قطري]

باسئلك بوعبدالله هالباربيكيو اللي مسويه هل راح يستخدم ؟
ولا منظر بس ؟ اذا راح يستخدم اكثر من عشر مرات في السنة فهذا جيد ..
لان اغلب الناس تسويه ولا يستخدمونه وتالي تلقاهم في الشتاء اما في العزب او المخيمات ..

والله يا اختي نفس تفكيرج مفكر بس تدرين هذي إضافة بسيطة وكله شغل طابوق .. بيكون مقابل المطبخ وفكرته مثل ما ذكرت حفرة نازلة وفيها كاونتر الشواية ممكن بكبت ألمنيوم لتخزين الغاز تحت والفحم .. فيه الباربيكيو أو خلي نقول المطبخ الخارجي صوب حوض السباحة هذاك غير .. هذا مثل جلسة وسط الحديقة كلها من الطابوق والتبليط وممكن تنحط عليها مفارش .. المخزن واحد خارجي في طبيلة السيارات القريبة وفيه الداخلي كم مخزن وفيه مخزن في البيسمنت لمثل هذي المواد .. حتى تمديد ماي ما له داعي المطبخ وايد قريب .. الثاني قرب حوض السباحة بتكون فيه ثلاجة وفيه مغسلة وإحتمال أخلي له باب قزاز ممكن ينفتح وقت الإستعمال والا يغلق

بيكون فوق في أعلى الصورة في الواقع شماليه مكان حق خيمة تننصب وقت الشتاء للجلسات الخارجية وبتكون تنفتح جنوب عليه تخيلي الجلسة شلون تكون وجهة اليسار حديقة مفتوحة وفيها بيت زراعي محمي وفوق البيت المحمي مظلة وشبك لبعض الحيوانات غزلان وبط ودجاج ( دياي بالقطري )

[sara jsm]

:omg: شكرا ماابي اتخيل ..
اشكره تصميم عزبه في قلب المنزل :fight: بابلغ عنك ..

[معماري قطري]

:omg: شكرا ماابي اتخيل ..
اشكره تصميم عزبه في قلب المنزل :fight: بابلغ عنك ..

كان المفروض أكتب لج كلمة وحدة عزبة ما ادري ليش لفيت ودرت

الأرض اللي جنبي حق ولدي وكل البنيان فيها مؤقت وبسيط وزراعة ولا حد حولنا من شمالينا بيت ابوي صوب بيتي بيكون وبيت ثاني لنا مؤجر روضة جهة أرض ولدي .. فكرة لين بنينا نفتح باب بيننا وبين الروضة نسوي زيارات لل ( عزبة )

[sara jsm]

:happy: :happy: الله يعينك على أذان الديج

[معماري قطري]

:happy: :happy: الله يعينك على أذان الديج

الديج سهل ينربط حلجه ويسكت

[سالم الزهران]

الديج اللي ما يذن مهب ديج ولا ينعد من الدياي.

[معماري قطري]

الديج اللي ما يذن مهب ديج ولا ينعد من الدياي.

درايش بيتي كلها لها حواف ينزل عليها الطير وعاكسة يشوف نفسه ويكلم نفسه ويتهاوش مع نفسه وتسمع ضربات على الدريشة أول الصبح والحياة حلوة .. الضربات بسيطة كلش تسمعها لو كنت متوعي وشبعان نوم وتقوم

[سعود.]

درايش بيتي كلها لها حواف ينزل عليها الطير وعاكسة يشوف نفسه ويكلم نفسه ويتهاوش مع نفسه وتسمع ضربات على الدريشة أول الصبح والحياة حلوة .. الضربات بسيطة كلش تسمعها لو كنت متوعي وشبعان نوم وتقوم

ههههههههههههه

دوم ترسم الابتسامة

[معماري قطري]

ههههههههههههه

دوم ترسم الابتسامة

الله يجعل ابتسامتك دائمة وبقية القراء

تعبتني سالفة الرندر لأني أشوف الشكل ثري دي ولا أقدر أنقله للجميع .. سويت طريقة ثانية بلا رندر ولا ظلال ولا إضاءة بأخذ لقطة للشاشة وترتيبها هشكل تطلع في دقايق .. فيه مشكلة ما فهمت لها بس باحلها بإذن الله ونكتفي في الوقت الحالي بالصور

هذا تصوير مثل تصوير الكيمرة بعدسة عريضة للمجلس من داخل يبين توزيع الأثاث والدرايش

https://i.imgur.com/2uamCfC.png

الباب اللي فوقه دريشتين صغار ذيلا بيكونون ثابتين والباب يودي لغرفة الطعام ( المقلط ) .. الدرايش جنبهم يسار بيكونون من فوق عبارة عن مناور نفس اللي فوق الباب والجزء التحتي بيكون رواشن طوال لأن وراهم الستور المثلث التابع لغرفة القهوة .. وهذا الستور بيكون بعد لمساند الجلسة الخارجية

[سالم الزهران]

ههههههههههههه

دوم ترسم الابتسامة

فعلاََ ههههههه

[sara jsm]

الغرف الدائرية او المسدسه تاخذ وايد طوابيق ودكورته صعبه ..
الا ماقلت لنا بوعبدالله هالكثر درايش والاطلاله على وشو ؟

[معماري قطري]

الغرف الدائرية او المسدسه تاخذ وايد طوابيق ودكورته صعبه ..
الا ماقلت لنا بوعبدالله هالكثر درايش والاطلاله على وشو ؟


هذي الغرفة مجلس وتشوفين صفة الكراسي ما فيه غير الكراسي ونباتات الظل شوي وعتبة وراء الكراسي جاية بشكل دائري تمنع الكراسي من الإلتصاق في الحائط بتكون 30 سم بعيدة وتزيد المسافة في زوايا المثمن توصل حول 70 سم كافية حق إصيص زراعة .. هذا الأثاث بس

الدرايش بيكونون طوال وبدون ستاير وضيقين 80 سم والفريم بيصغرهم أكثر يعني الشمس اللي بتدخل بتكون خفيفة .. اليمين جهة الشرق ومنها مدخل المجلس ومواقف السيارات بتكون خارجية .. فوق في الزاوية اليمنى مجلس يومي صغير مستطيل عادي ودجة وقعدة خارجية .. يسار هذا المجلس بيكون مفصول بحايط مرتفع عن المجلس والدجة وبيكون مجلس حوض السباحة بعد صغير بعرض حول 3.5 وطول 6 متر مفكر أقسمه قسمين جلسة صغيرة وأجهزة تمارين رياضية .. بعدين يجي الباربيكيو وغرفة البخار ودورة المياه وبتكون مدمج معاها مكان لتغيير الملابس .. هذيلا بيكونون فوق الحوض وفيه ليوان يفصلهم عن الحوض وفيه فتحة تطل عليهم من الحوض

https://i.imgur.com/v1CvLMY.png

صحيح شغل خرسانات المجلس غير عن التقليدي بس سهل كله خطوط مستقيمة .. الطابوق لحوائط البيت كله بيكون كثير لأن طبقتين بينهم عازل وإحتمال حجر بس بيكون نوع سيدة وخفيف بدون ديكورات

[معماري قطري]

إجابة على سؤال الإطلالة .. الجهة اليمنى هي الشرقية وتنفتح على الشارع وعلى باب الدجة ومنها لباب المجلس وباصوره من الجهة ذيك .. هذي من جهة الجنوب يطل على حديقة حوض السباحة وفي حال استخدام حوض السباحة فيه شترات جهة الخارج تتسكر من جهة الحوض وتسوي خصوصية للي بيسبح والا بيستخدم المكان والحديقة والشترات بتكون بارتفاع يغطي الجزء التحتي من الدريشة النور يجي من فوق .. 3 أضلاع تطل على الحوض .. ضلع من المثمن يطل على الجلسة المفتوحة .. وهذي ممكن اسوي لها تظليل خشبي بسيط .. دريشتين يبينون من فوق ومن تحت باحافظ على قصتهم بس بيكونون رواشن طوالية هذيلا اللي شرق جنوب .. والتحتيين موضحين من داخل نص درايش فوق وتحتهم الباب اللي يودي لغرفة الطعام

https://i.imgur.com/zpBsUn1.png

[sara jsm]

ماشاءالله وايد حلو المجلس .. تصميمه خيال
حط فوقه مناره وحوله مسيد في ثوابي :funny:

[معماري قطري]

هذي بتكون الجهة الشرقية وبدايتها يمين المجلس الصغير بعدين ليوان المجلس والجلسة الخارجية وبعدين المجلس المثمن وبعدين ملحقاته وبعدين بوابة البيت

https://i.imgur.com/4YVruUl.png

[معماري قطري]

ماشاءالله وايد حلو المجلس .. تصميمه خيال
حط فوقه مناره وحوله مسيد في ثوابي :funny:



الله يغفر لإخوي غانم المسيد اشتغل عليه أول بأول وخلصه مكانه غربي البيت جهة البوابة الثانية .. تعالي صلي فيه حتى تحصلين أجر كله هياتة وبلعة

[معماري قطري]

ما خلصت درايش البيت هذي الجهة

[معماري قطري]

هذا الجزء الخلفي جهة بيت ابوي الباب تقديري لإرتفاع الأرضية مؤكد غلط يبين مرتفع وايد .. يساره على الطبيعة ميلس بيت ابوي الخارجي في صفة ميلس بيتي وجدامه ساحة قار لوقوف السيارات برا .. يمين ارتداد في بيت ابوي 4 أمتار وزراعة وبعدين الملحق

https://i.imgur.com/uDfmchg.png

الدرايش بيكونون في الجزء الوسطي اللي هو الحديقة الداخلية وما سويتها للحين

[sara jsm]

الله يغفر لإخوي غانم المسيد اشتغل عليه أول بأول وخلصه مكانه غربي البيت جهة البوابة الثانية .. تعالي صلي فيه حتى تحصلين أجر كله هياتة وبلعة

ههههههههههه ان شاءالله

الله يرحمه ويغفرله ولباقي المسلمين ..

[سالم الزهران]

بس بو عبدالله، الحين المجلس اذا دائري أو مثمن مثلاََ، ما يبين امام البيت اللي واجهاته مربعة، يبين انه غريب.. قصدي يدخل نفس الشكل اما في زوايا البيت لو ديكور من الخارج بس.

[معماري قطري]

ههههههههههه ان شاءالله

الله يرحمه ويغفرله ولباقي المسلمين ..


آمين والله يرحم والديج

[معماري قطري]

بس بو عبدالله، الحين المجلس اذا دائري أو مثمن مثلاََ، ما يبين امام البيت اللي واجهاته مربعة، يبين انه غريب.. قصدي يدخل نفس الشكل اما في زوايا البيت لو ديكور من الخارج بس.

مب شرط إخوي بو زيد .. الشكل الخارجي يعكس الداخل وايد بيوت فيها جزء دائري أو مسدس في زاوية وحدة بس وماشي الحال ويطلع الشكل حلو .. انا دخلت مجالس دائرية بالكامل كانت الجلسة حلوة وفكرت في الدائري قبل بس الدائري صعب ينضبط ويتشطب هذا وايد أسهل والجلسة دائرية ووراها مسافات متغيرة بسبب دائرة وسط مثمن وباراويك بطريقة أوضح الارضية والأثاث بدون الجدران

فكرتي أخلي الكتل والفتحات هي المسيطرة على الشكل ولو تلاحظ المجلس بس اللي سويت درايشه مقوسة من فوق ابغي اعطيه طول والبيت أبغي يبين عريض ومثل الخلفية شوي ورا المجلس

شوف هذا توضيح للأرضية وراء الكراسي مرتفعة 20 سم بتكون وتشكل دائرة في الوسط

https://i.imgur.com/2AWlecg.png

تبين حواف الإرتفاع قرب فتحة الباب

https://i.imgur.com/TF204DM.png

بالون الجزء المرتفع وراء الكراسي بلون ثاني حتى يبين أوضح

[معماري قطري]

هذا توضيح بلون ثاني للجزء المرتفع وراء الكراسي الدرايش بتجي نازلة بحدود 30 سم من الجزء المرتفع يعني بتكون

https://i.imgur.com/hT2xDTG.png

[معماري قطري]

شفيني ما كملت كتابتي بتكون الدرايش تبدأ من ارتفاع 50 سم من الارضية الوسطية اللي يلتفت حوله يشوف الأرض خارج المجلس

[معماري قطري]

أكيد الكراسي لهذا المجلس بتكون كلاسيك اللي بأرجل خشبية وفي واجهة الأرضية المرتفعة بيكون خط إنارة ال اي دي يعطي إنارة غير مباشرة وتنير الأرضية صوب الكراسي .. وراء في الارضية المرتفعة سبوتات صغار تنير الحائط وراء الكرسي .. وهذا جزء من الإضاءة غير بتكون فيه ثريا من الوسط نازلة وانارة مخفية في الأطراف وفي القبة + بعض السبوتات .. يعني عدة خيارات ومستويات من الإضاءة

سارة بيكون مشروع ديسكو بس المنطقة ما تصلح

[معماري قطري]

المجلس الصغير بيكون كافي لعشر أشخاص والكبير لستة وعشرين لو غيرنا الكراسي للكلاسيك .. حاجز الدجة بيكون حديد مشغول وإحتمال الدريشة الجانبية للمجلس الصغير ما يتوافق عليها واجهته الداخلية تكفي كلها زجاج

https://i.imgur.com/5zXysty.png

[معماري قطري]

هذا شكل توزيع المساحة اللي حول حوض الزراعة .. الجلسة المفتوحة نسخت لها برغولا مظلة السيارات بس هنا بتكون أعلى ومن فوق مغطاة ببولي كاربونيت يدخل الشمس والواجهة مفتوحة

المجلس التابع لحوض السباحة يبين ومكان البيت بيكون من زاوية الأرضية المائلة للأصفر لين زاوية الأرضية الرمادية صوب الأصفر المجلس العائلي ويسار الغرفة السفلية .. انا أخفيته حتى يبين الموقع الداخلي


https://i.imgur.com/NGOv5UY.png

[سالم الزهران]

الله يعينك ابو عبدالله وييسر لك تحقيق المراد

[معماري قطري]

الله يعينك ابو عبدالله وييسر لك تحقيق المراد

اللهم آمين ويوفق الكل لتحقيق بناء جيد

[معماري قطري]

بعد إزالة واخفاء أجزاء كثيرة تغطي على الدور الأرضي قدرت اوضح الجلسة النازلة في الصالة السفلية .. التلفزيون بيكون يمين على الحائط ويبعد حول 5 متر عن اللي مقابله .. بتنعمل بالخرسانة وبتكون قاعدة الجلوس مرتفعة ما فيه شيء تحتها ومنجدة كلها بالجلد أو القماش بنفس الشكل الدائري مع مساند ظهر ويد .. الحافة العلوية البارزة بتكون تنجيد .. يعني بتكون حفرة وهيكل خرساني مغطى بالقماش أو منجد وبالجلد والأرضية سجاد .. وبتكون فيه إنارة مخفية تحت قاعدة الجلوس ونفس الشيء في زاوية الجزء المرتفع من المسند عن الأرضية

https://i.imgur.com/kLwFAPn.png

[معماري قطري]

لو حطينا التلفزيون يسار الباب اللي يودي للدرج بيكون مقابل التلفزيون يمين يعني الجالس في الغالب يعطي الباب ظهره .. والباب مال الصالة بيكون يمينه ويساره الحديقة الداخلية واللي بيقعد مقابل الدرج بيكون التلفزيون يساره والحديقة وراه ومقابله باب الصالة .. بيكون خشب يفصل مدخل المجلس والممر اللي موصل للصالة بس الباب الخشبي غالب الوقت مفتوح حتى الجالس بيكون يشوف الباب الثاني القزاز ويوصل نظره للنافورة الخارجية

[معماري قطري]

هذي صورة بتركيز أكثر على الداخل جهة الحديقة المفتوحة .. يمين بتكون دريشة كبيرة للغرفة التحتية وفوق بتكون دريشة وبلكونة مطلة للغرفة اللي فوق ويسار دريشة كبيرة وهذي الدرايش في الأساس باب ينفتح سلايدنغ

https://i.imgur.com/kjZ4Dxw.png

كنت في المخططات قبل ناوي اسوي القوس نازل وفوقه حجر خشن ونافر بس شفت للتخفيف يكون مرتفع يوصل فوق 5 متر

شلت كل شيء بس خليت القوس اللي حامل قطعة الزجاج اللي ينزل منها الشلال من ارتفاع عالي وهنا في البداية أول صندوق زجاجي بيكون حوض أسماك فيه حجر والماي يتحرك منه للحوض الثاني والثالث وينزل تحت الأرض في بيب ويرجع من فوق بعد ما يتفلتر

https://i.imgur.com/dcSIJOY.png

هذي بعد عمل الفتحة المقوسة لإعطاء شكل منفتح أكثر وبنفس الوقت تخفيف الخرسانة

https://i.imgur.com/zr0LWAe.png

[معماري قطري]

هذي صورة مكبرة للحوض الأول وخط الماء يبين بالأسود ونازل شوي من جدام على قطعة زجاج ممتدة يكون شلال صغير ينزل في الحوض اللي بعده .. الأحواض ممكن تكون بفريم من الأطراف وزجاج ملدن ومقوى ما ينكسر بسهولة وبيكون فيها حجر وإحتمال زراعة مناسبة حتى نخفف كمية المياه

https://i.imgur.com/MFgTn0X.png

[معماري قطري]

خليت الكمبيوتر يضيف باقي القطع المخفية ولا ادري شلون بتطلع الصورة من داخل بس شكله بيعلق باخليه وبارجع له بعد شوي

هذي صورة من داخل جهة الجلسة الدائرية وباب الصالة الداخلي بعد ممر المجلس

https://i.imgur.com/uG9Djxz.png

[معماري قطري]

هنا وضحت الأسقف وين وكانت الفكرة والتصميم الاساسي إني أخلي ارتفاع الدرايش كلها 240 سم للحد العلوي من الأرض .. مع الأبواب وفكرت بعد الدرايش الداخلية المطلة على الحديقة أسويها بهذا الإرتفاع .. ألحين أشوف إن الداخلية ممكن اسويها مفتوحة أكثر وبإرتفاع يكون واصل لحدود الجسر العلوي والسقف بيكون على ارتفاع بين 4 متر و 4.1 متر حسب سمك صبية السقف وممكن الجسر 60 سم ومعاه الجبس .. يعني بيكون ارتفاع السقف صافي للدور الأرضي بحدود 3.6 متر لأني مخطط أسوي جبس طبقة وحدة بدون دزاينات ولا كرانيش و 40 سم تكفي للدكتات .. إرتفاع الحائط الزجاجي المطل على الحديقة بيكون في هالحالة بحدود 3.4 متر يعني متر ارفع من الدرايش الباقية في الواجهات .. صوب الغرفة يفرق بيكون 2.4 وفوق كذلك بس 2.4 تحت بس بيكون مفتوح أكثر وجهة المطبخ

https://i.imgur.com/s4uMviI.png

https://i.imgur.com/mAWkeoj.png

الفتحة في سقف الدور الأرضي تبين هنا أوضح وهذي تقريباً على حدود المكان المزروع واللي يمر فيه الجدول المائي داخل الحواجز الزجاجية .. فوق بلكونة متصلة بالغرف والصالة العلوية اللمتدة أكثر جدام .. البلكونة بعد بتكون مزروعة باصيصات نباتات متسلقة تنزل على الحديقة تحت وتتماشى مع الشجر تحت .. الجزء اليسار شوي ممتد أكثر بسبب الغرفة فوق ممتدة جهة الحديقة اليمين بتكون سيدة فوق الحائط اللي للغرفة الأرضية

[معماري قطري]

إشتغلت البارحة على الرندر ( الإظهار ) بعد متابعتي لدرس على اليوتيوب والحمد لله بدت تضبط العملية بس للخارج لأن الشمس تنور المكان للداخل ما عرفت اضبط الإنارة .. بخصوص الشمس عرفت شلون أحط الموقع حسب الإحداثيات والإتجاه والساعة واليوم .. هذا اتجاه الظلال الساعة 3 يوم 21 / 9 تكون شوي مايلة جهة الجنوب بالضبط مثل ما توقعت

https://i.imgur.com/13uuVU8.png

وهذي صورة مقربة أكثر والمرة الجاية بانزل شدة الإضاءة .. حصلت خيارات للرندر وطبيعي يبقى 12 ساعة لو نبغيه واضح

https://i.imgur.com/SPRuSJ5.png

[معماري قطري]

كان يبغي لي أخلي أرضية المحيط الخارجي لون شوي أغمق حتى تبين الجدران أوضح

[معماري قطري]

سويت رندر مطول وللحين خذ يومين وزود من 91 مستوى توه مخلص 20 يعني حتى يخلص فعلاً يبغي له حول 10 أيام .. إستعجلت كان المفروض ارتب كل شيء واحط نوعيات المواد وأعدل الألوان شوي .. بس هذي النتيجة مع الظلال هذا حسب الاحداثيات الجغرافية واتجاه البيت والوقت 3 العصر يوم 21 / 9 .. وباسوي ملف أصغر شوي للظلال أول الصبح والمغرب

https://i.imgur.com/uqSyHSi.jpg

[معماري قطري]

ميزة إن التفاصيل واضحة لو قربت الصورة على نقطة معينة وأكيد مع انتهاء الإظهار بتستوي أوضح

https://i.imgur.com/IZNoDcT.jpg

غلطت إن لون جدران الحوض غامقة لو كانت قريبة للأبيض زين بس حبيت اسوي تباين وافرق المباني لكن في الواقع كلها بتكون بلون متقارب

https://i.imgur.com/iH3XQJz.jpg

عرفت اسوي تصوير أنيميشن الكيمرة تتحرك وتدور أفلام مقاطع 10 ثواني وحولها وإن شاء الله تستوي مع هذا الفايل الكبير باجربها بعد انتهاء الرندر هذا

[معماري قطري]

قربت وزدت السطوع شوي حتى يبين الداخل وراء حوض السباحة .. بس قطعة الزجاج فوق اللي ينزل منها الماء ما بينت ولا خطوط الماي والظاهر مع استمرار الإظهار ممكن تطلع صورة أوضح

https://i.imgur.com/OPH51Uq.jpg

[SouthK]

كان يبغي لي أخلي أرضية المحيط الخارجي لون شوي أغمق حتى تبين الجدران أوضح

اتفق معاك!

[معماري قطري]

اتفق معاك!

عدلتها في الرندر الأخير بس باقي له وايد وينتهي شكلي باوقفه .. وصل 23 من 92 وألحين له 3 أيام و 22 ساعة .. ما توقعت ياخذ كل هالوقت وهالمرة باسوي كل شيء في الرسمة وباخلي عدد المستويات أقل ممكن 30 مثلاً بس أقلل الرزليوشن وحجم الصورة هذي a3 واتوقع وايد كبيرة من هشكل تحتاج وقت

[معماري قطري]

شوف تصوير عادي هنيه تبين غير لكن في الرندر المفروض تبين أوضح

https://i.imgur.com/YZS5xFg.png

[معماري قطري]

أكيد بالرندر فرق تطلع الصورة وباحسن المجسم باعدل الألوان وباضيف مواد .. التصميم واضح لي ومن هذي الصورة واضح شعاع الشمس العصر بيوصل طبيلة السيارات ذي من هشكل باغطي الخشب فوق ببولي كاربونيت أزرق اللي يجي طبقتين وهذا موجود ورخيص بيفكني بعد من الطيور بيكونون على الجزء الممتد فوق الزراعة

https://i.imgur.com/mfyiwNe.jpg

بالنسبة للإنارة عندي أفكار وايد ابغي ارتبها صح .. لهذا المكان الطبيلة وجدامها بيكون فيه شريط انارة مخفي في قص أسفل الحائط مع التقاء الحائط مع الأرضية .. إحتمال اسويه من البلاستر يعني اسوي البلاستر فوق 2 سم وتحت أخليه بدون بلاستر وأشوف نوع لاصق أو اللي يسمونه ( Thin set grout ) هذا يجي قوي وممكن يكون 2 ملم تبقى 18 ملم بنخفي فيها شريط الإل اي دي وبيكون ارتفاع الكسرة 20 أو 25 سم .. هذا النوع من البلاستر يقاوم المياه والرطوبة ما تبقع اسفل الجدار وينصبغ بصبغ ايبوكسي أبيض عاكس بعد يخلي النور يبين واضح .. نفس الشيء بيكون في جهة سور الزراعة المرتفع حول 30 سم شريط طويل جاي مع القوس اللي جنب الدوار وباشوف اضاءة متغيرة وحديثة بنظام تشغيل ذكي وعن بعد

هذي الإضاءة التجميلية المحيطية بتكون بعد جهة الزراعة وعلى أسفل جدار البيت .. الإضاءة الثانية بتكون سبوتات في الخشب وفي سقف الطبيلة

[معماري قطري]

سويت فيديو أنيميشن لداخل المجلس بدقة بسيطة وبدون إضاءة ومواد بياخذ وقت طويل واحتمال ما يطلع عدل


https://youtu.be/PijMTzQB_dg

سويت وحدة من الدرايش نازلة شوي حتى يبين الفرق

[سعود.]

والله شي :victory:

[معماري قطري]

عيبه مب واضح وهذي أول مرة اسوي هالنوع من الأنميشن .. المهم الفكرة واضحة وتتطبق بسهولة مع المخططات العادية .. هنا أقدر أشوف شممكن يتغير آخر تغيير وإذا فيه شيء ينضاف .. التكييف يمكن أخليه وراء الكراسي ويدفع على فوق

[معماري قطري]

فيديو لدخول البوابة والوصول لطبيلة السيارات داخل .. بدون رندر ودقة عالية وبإذن الله الكمبيوتر الجديد في السيارة بس أنزل عليه البرامج وأسوي رندر كامل ومقاطع أطول حتى لداخل البيت ولكل غرفة


https://youtu.be/87y0TxxOwxA

كل شيء ولا شماتة سارة بنت جاسم الملقبة بملكة الخور وضواحيها

[معماري قطري]

هههههه فيه قطعة خرسانية طايرة نسيت امسحها

[معماري قطري]

هذا دقة أعلى ومسحت قطعة الخرسانة


https://www.youtube.com/watch?v=Y6hWNhkVgII

[معماري قطري]

جهة حوض السباحة


https://www.youtube.com/watch?v=-xnymikemE0

[معماري قطري]

جهة الحوض بتركيز على المجلس التابع للحوض وغيرت الماء ليبدو شفاف


https://youtu.be/1vG95svjGTg

[mddd]

بالتوفيق يا معماري قطر

[معماري قطري]

بالتوفيق يا معماري قطر

الله يوفقك ويسلمك إخوي

[معماري قطري]

هذا دقة أعلى ومسحت قطعة الخرسانة


https://www.youtube.com/watch?v=Y6hWNhkVgII



هنا ألاحظ مقاس النافورة كبير ولازم في الواقع يستوي شوي أصغر وأنعم .. بتعطي امتداد بصري وما بتكون دفشة

[سعود.]

والله متحمس اشوفك مبلش بناء اخبرك تقول بتبلش 2022
كذا ولا كذا نتمنى لك وللكل التوفيق باذن الله

[معماري قطري]

والله متحمس اشوفك مبلش بناء اخبرك تقول بتبلش 2022
كذا ولا كذا نتمنى لك وللكل التوفيق باذن الله

هلا إخوي سعود

بإذن الله في نهاية 2022 لو الظروف زينة من ناحية نزول الأسعار وتوفر العمال وقلة الشغل المتوقعة

خذت كمبيوتر اقوى من القديم الرام 32 غيغابايت وتوني بادي اضبط الشغل عليه مع اوتوكاد 2022

هذا الظلال وقت العصر الساعة 4 أو 4 ونص يوم 21 / 9

https://i.imgur.com/23FhjOq.png

[معماري قطري]

حتى أقارن بين الكمبيوترين الأول خذ لرندر طويل حول 4 ايام .. هذا ألحين اربع ساعات وتعداه وصل 25 من 92 وباشوف النتيجة شلون تكون بكرة بيخلص إن شاء الله

[معماري قطري]

تشكيلة الظلال الساعة 4 وربع بعد اسبوع من اليوم

https://i.imgur.com/SUE4wc7.jpg

[معماري قطري]

هذي الساعة 5 قبل المغرب بعد بعد اسبوع من اليوم

https://i.imgur.com/mbF3Ii3.png

[سالم الزهران]

عجبتني الصور و الله يقويك اخوي معماري وييسر أمورك

[معماري قطري]

عجبتني الصور و الله يقويك اخوي معماري وييسر أمورك

مشكور يا اخوي على التشجيع

هذا النوع من التصاميم والشغل يحتاج ممارسة دايمة ومتابعة وانا والله قصرت وكسول والا كان المفروض مواصل من قبل .. وقفت فترة طويلة والمفروض اتعرف على برامج ثانية مثل الثري دي ماكس وهو عندي والتعلم سهل بس يحتاج فراغة وعزيمة

أنصح أي متخرج حديث يستثمر وقته في هذي البرامج بيستفيد وايد وبيتطور شغله وبيصمم بأفكار حديثة وتنشاف بوضوح

[معماري قطري]

عجبتني الصور و الله يقويك اخوي معماري وييسر أمورك

دقتها مب الكبيرة من هشكل تاخذ وقت أقل حتى مع الكمبيوتر القوي بعد تاخذ وقت .. من أمس أسوي رندر قرب يخلص بس للحين يبغي له وقت وهذي صورة للي وصلت له وانا اتابع الاحظ تحسن الدقة بس بعد الإضاءة قوية ما اعرف شالحل لتخفيفها

https://i.imgur.com/UcBCQVW.png

هذا تقريب أكثر لمدخل الغرفة والموزع وعندك التسريحة يسار وفيها كبت مناسب ودورة المياه من تفتح الباب يمينك وأقرب شيء لك المغسلة وظهر الباب مغطي البديه والكرسي وبعده الشاور اللي له حيز بروحه مسكر بالزجاج

https://i.imgur.com/reYyv5q.png

وهنا تقريب بس على منطقة التسريحة والموزع يمين .. أقدر أفتح دريشة للموزع يمين بس مخطط اخلي هذي المنطقة لمكينة التكييف الداخلية والا تكون في الممر الخارجي من النوع الواقف فيما يشبه امتداد الكبت ومنها تطلع الدكتات للهواء الطالع وتدخل دكت الهواء الراجع .. ممكن احتاج ثنتين للبنتهاوس أو وحدة كفاية أو وحدة للغرفة الرئيسية وسبلت سقفي للغرفة الثانية .. هذي لازم أدرسها مع الاستشاري ومهندس التكييف أول بأول بس مفضل النوع الواقف في باب خاص على المعلق في السقف والوحدة الخارجية في آر في

https://i.imgur.com/OBA6PuK.png

لو باخاليها في الممر الخارجي وهو الأفضل باسوي دريشة في الموزع .. بيكون باب يفتح على الممر الخارجي خارج الغرفة وباب جهة الغرفة وقوس مفتوح يسار جهة التسريحة والممر المفتوح .. نفس الوضع تحت في الدور الأول بس بدون النوافذ اليمين والشرقية لأن هنا غرف

هذا بيكون خارج السقف عندنا المنور الهرمي طويل 6 متر وعرضه مترين يبين عليه انعكاس حايط البنتهاوس والدريشة جهة اليسار ولازم بيكون فيه فريم ألمنيوم ما وضحته هنا كله قزاز

https://i.imgur.com/xRN61Iz.png

يمين الفتحة المزروعة مفتوحة للسماء وارضيتها في الدور الأول وبتنزرع بزراعات متسلقة ومزهرة هذي فقط ضمنية ما بتكون نخلة .. الفتحة ذي مطلة على الصالة فوق في الأول ولها إطلالة بسيطة على صالة البنتهاوس ولها دريشة تنفتح على الحمام الثانوي في الغرفة الرئيسية في الدور الأول .. وعندنا فوق دريشة البانتري تنفتح عليها وإحتمال أسويها عريضة أعرض من الموجودة في التصميم لأن البانتري بيكون في ممر يودي من الصالة للغرفة وهو ضيق 2 متر وشوي ضايعة منه مساحات التخزين وسطح عمل البانتري والباقي للممر حول متر .. حلو يكون مطل على السقف وعلى السكايلايت وعلى جهة الشرق .. السطح هنا باخليه نظيف ومرتب بدون تكييف التكييف للبنتهاوس فوق سقف البنتهاوس والتكييف للارضي والأول في البيسمنت الخدمي

هذا حيز دورة المياه والوك ان كلوزت .. غرفة الملابس بتكون بباب وبتكون الكبتات عبارة عن قواطع وبدون أبواب ولها دريشة كبيرة ونازلة ومطلة على الحديقة يسار والحمام واضح توزيعه

https://i.imgur.com/37BEkZM.png

[معماري قطري]

سامحوني على انحناء الصور شوي

[معماري قطري]

أزعجت الجميع بصور الثري دي والصراحة ولع وشغف وتبلور الأفكار وتوضح شالأفضل

https://i.imgur.com/gom1o9f.png

أضفت بقية الدرايش للواجهة ذي وبقت دريشة دورة المياه فوق اللي في الزاوية الخلفية

https://i.imgur.com/PeF15QY.jpg

https://i.imgur.com/oBqs8OI.png

هذي الساعة 7 وربع الصبح يبين شكل الماي في الحوض أضفت له شكل طبيعي

https://i.imgur.com/7CtMGj9.png

منطقة الحوض الساعة 2 ونص الظهر

https://i.imgur.com/16FQrfU.png

مظلة المدخل الساعة 3 العصر

https://i.imgur.com/t5QQwSE.jpg

أذكر بداية عرضي للتصميم نصحتوني بنقل حوض السباحة من الفراغ الداخلي للخارج لأن ما فيه خصوصية وحتى بيكون إزعاج وألحين مكانه يبين وايد زين وصاد

https://i.imgur.com/I1Jzvc1.png
https://i.imgur.com/uPgKP6I.png

[sara jsm]

جهة حوض السباحة


https://www.youtube.com/watch?v=-xnymikemE0



عبالي كوشه عرس :oops:
رووووووعه البرنامج بوعبدالله ..
الحمدلله خذتلك جهاز جديد بفلوسي وونست عمرك :strong

[معماري قطري]

عبالي كوشه عرس :oops:
رووووووعه البرنامج بوعبدالله ..
الحمدلله خذتلك جهاز جديد بفلوسي وونست عمرك :strong

فكرة ما فكرت فيها نقدر نقول استعمال مزدوج ولو عندج وحدة بتعرس نعطيها عرض خاص مليون للكوشة هذي شرايج؟

[sara jsm]

رأيي في شنو ؟ اذا لي نص مليون موافقه :tooth:

[معماري قطري]

رأيي في شنو ؟ اذا لي نص مليون موافقه :tooth:

إذا وحدة بتدفع مليون تستاهلين النص والعشاء علينا بعد بس للتشرط تقول تبي مستورد من برا حدها المطابخ الشعبية هريس وعيش ولحم وثريد

[sara jsm]

:nea::nea:

[معماري قطري]

أكملت بعض التعديلات وأضفت مواد لبعض العناصر مثل الارضية الخارجية وطريق السيارات .. والأهم قدرت أعدل شدة وسطوع الإضاءة وحالياً الكمبيوتر من البارحة شغال على أنميشن مع رندر يعني حركة مع صورة قريبة للطبيعية مع الظلال .. باقي 17 ساعة بس إحتمال ياخذ أكثر ويخلص بكرة الصبح .. هذا الشكل سهل ياخذ دقايق

https://i.imgur.com/62X1Wqw.png

https://i.imgur.com/jmywCDo.png?1

هذا مجتزأ لباب الغرفة آش وود بس بدون فريم وبدون مقبض .. نسخت صورة الآش من الانترنت وبرمجتها في مواد الاوتوكاد وكبرت النقشة حتى تغطي الباب كامل .. أي نوع خشب وأي لون سهل يتطبق حتى لو من صورة من الجوال وهالطريقة تعلمتها ألحين بس ومن اليوتيوب بسهولة

https://i.imgur.com/TlRL9EJ.png?1

حتى إجتزاء عناصر معينة من المبنى سهل ويسرع الإظهار الصوري وايد

نوع خشب غير بعد آش اللون شوي أفتح .. الباب ممكن يستوي بدون فريم يكون فريم حديد أو ألمنيوم مخفي مع البلاستر والزوايا البارزة تغطى بقطع ستانلس ستيل ويبقى بهذا الشكل بس الزوايا تبين منحنية شوي ولامعة حسب نوع الستيل وفيه الروز قولد وألوان وايد غير بعد أقدر أجربها هنا وممكن تطبيقها بسهولة في الطبيعة تفاصيل تصميم وتطبق نفسها نفس الفريم الخشب والطريقة المعتادة والتكلفة ممكن تكون متقاربة

https://i.imgur.com/ckDqOc1.jpg?1

هذي الطبيلة قبل لا أعدل الإضاءة والأرضية درجة سطوعها قوية والظلال واضح أكثر .. الطبيلة بتكون الواجهة جسر خرساني وطابوق 10 سم في الجوانب وفي الواجهة 20 سم تعطيه فخامة أكثر .. الواجهة كلها خرسانة مب طابوق العمود خرساني

https://i.imgur.com/d1XXt3T.png

الدوار صغرت شوي النافورة في الوسط 40% تصغير عن قبل وأضفت تشكيلة الماي لها

https://i.imgur.com/VzsJZMY.png

حتى البلاط هذي قطع صغيرة حجم 3 سم في 3 سم

https://i.imgur.com/P2FXtDM.jpg

هنا أجرب التناسق لقطع الجي آر سي للنوافذ .. اليمنى 50 في 50 سم واليسرى تركب 40 سم .. أشوفها أحلى بدون إضافة البرواز حول الدريشة .. وممكن أخلي البرواز عبارة عن كسرة بسيطة في البلاستر ولون غير وباجرب الشكل على الرسم قبل والا ذيه كفاية .. القطعة الوسطى تبين شوي كبيرة على الدريشة الصغيرة ولو أصغرها شوي وأوحد قطع الزاوية كلهم 40 سم ممكن يكون الشكل أحلى .. هذي تحتاج دراسة وتفكير عميق وقربنا نخلص .. فيه سترب لايت بيجي من فوق وراء القطع الثلاث ينور تجويف الدريشة بلون هاديء ويبين القطع

https://i.imgur.com/7vPaWQN.jpg

https://i.imgur.com/iSmJOcR.png

[معماري قطري]

أنميشن شوي أوضح لدخول السيارة


https://www.youtube.com/watch?v=zYfelUzSXjU

[معماري قطري]

اللي طالعه في الخلفية منورة الشمس بالغلط طلعت مكبرها 4 مرات وتبين تشكيلة السماء والغيم لأني خففت الإنارة

ألحين جربت شوي على الإضاءة وبديت اشتغل على طبيلة السيارات خلصت بعض الصور وكنت فاصل الطبيلة عن غالبية المباني حتى اخفف حجم الملف

حاولت احط إضاءة نقطية صغيرة داخل تجويف الزوايا بلون أزرق وقت الرندر تقلب بيضاء .. هذي الصورة فيها الإنارة المخفية مثل النعلة تحت شريط ال اي دي وفيها خمس ليتات عادية فوق في الجسر مال الواجهة وفيها ثلاث ليتات صغار في كل زاوية

https://i.imgur.com/EMFWjVl.png

الصورة الثانية يبين شريط الال اي دي وهذا بيكون حول البيت وصوب حوض السباحة وبيكون في بعض الكسرات فوق

https://i.imgur.com/SGRNqSe.jpg

هنا بس ليتات الزوايا .. إحتمال أخلي شريط ال اي دي بعد وراها ويولع عليها بلون معين والا بألوان الواحد يختارها

https://i.imgur.com/eQESWc0.png

الزاوية مكبرة بس الظاهر ليت في التجويف اليمين فوق احترق

https://i.imgur.com/WenR6UA.jpg

هنا بس واحد اللي يبين في هذي الزاوية

https://i.imgur.com/A2ikgKs.png

من هذا أشوف ممكن لو أركب إنارة من تحت قرب العواميد تنعكس على الزوايا أحلى وباركز في الفترة الجاية على رسم الغرف وتفاصيلها مع الإنارة

[معماري قطري]

طقطقت شوي على تقسيم الدور الأول وعمل الحوائط الداخلية .. البنتهاوس خلصته قبل والدور الارضي خلصت جزء منه وباقي كثير

الإرتفاع بيكون بحدود 4.4 متر بس بعد الجبس بينزل أكيد لحدود 3.6 أو 3.8 والجبس مفكر أسويه مودرن بدون كورنيشات

هذي دورة مياه الغرفة الرئيسية اللي بتكون بارزة من بقية البيت ومعلقة جزء الشاور والبانيو بس الحوائط الخارجية ما وضحتها مخفية حالياً وباوضحها مع الدريشة اللمتدة سكايلايت .. هنا المهم التوزيع والمساحات

هنا بداية المحاولة واشتغلت على المغسلة والخزانة اللي لها المغطاة بالمراية والإنارة المخفية وطالعة من الأطراف حتى تنعكس على الوجه

https://i.imgur.com/vMJB4kw.jpg

بعد ما قويت الإنارة

https://i.imgur.com/2wMPBz3.png

اللي بداية اليسار هذي التسريحة والممر الموصل لغرفتين الملابس وبعدين لدورة المياه الكبيرة والثانية الأصغر

https://i.imgur.com/vZ2QQ1h.png

شوي الإضاءة خافتة بدون نور الشمس

https://i.imgur.com/D6kgSF3.png

فوق بيكون الممر اللي بين الحمامين عرضه حول 140 سم ويساره الممر بين غرفتي الملابس .. بيكون فيه قوس فاصل مب جدار مثل ما هو مبين

https://i.imgur.com/Od015Z1.png

ذي وأبواب كبت التخزين فوق المغاسل مفتوحة

https://i.imgur.com/JmdhvDr.png

https://i.imgur.com/BOBFXiu.png

هذي بالإضاءة كاملة نهارية وليتات

https://i.imgur.com/8o4osah.png

يبين باب دورة المياه الصغيرة من الباب

https://i.imgur.com/8o4osah.png

الباب بينفتح على البديه وباب الشاور يبين خفيف مفتوح الجهة العكسية

https://i.imgur.com/nLyJ07d.png

[معماري قطري]

التصميم بسيط وسهل يتنفذ ستاند طابوق بعرض 20 سم وارتفاع 80 سم يحمل المغسلتين في أعلاه والبوكس مال المرايا بعرض 182 سم وارتفاع 100 سم وعمق 17 سم بيروح منها 5 سم محفور له في الحائط من التأسيس وتبقى 12 سم بارزة ومعلقة الإضاءة الشريطية على البوكس .. بيكون داخله كهرب للسشوار ولأي شيء ثاني والواجهة لوح خشب عليه المراية ممتدة شوي أكثر تخفي البوكس وتخفي الإنارة وتكون مثل المقبض تحت ينفتح بها الباب

فيه إمتداد 15 سم جهة الكرسي والبديه هذا بيكون فيه البايبات حتى تكون بعيدة عن الحرارة والحائط الخارجي وبتكون محمية وممددة في دكت سهل سحبها وتغييرها وممكن يكون فيه السيفون المخفي مع إني أفكر في النوع الجديد اللي بدون سيفون وبدون خزان ماي .. وفي ذي الحالة أقدر أسوي روشنة بإنارة مخفية بعد