مراجعة التصاميم المعمارية وابداء الملاحظات عليها (محدث)

[معماري قطري]

عندي رفيج متقاعد مربي دجاج وناشرهم في الفريج .. يقول ينضفون الأرض واقتنعت بفكرته بس بحاول اخليهم في حيز لهم أقفاصهم قرب الزاوية ومحصورين بالبيت المحمي ويمكن بشبك ينهدون فيه .. الله يكتب التوفيق لنا ويجهز على خير

[ALJokar]

الدور الأرضي

https://a.top4top.io/p_1517uog0s0.jpeg (https://top4top.io/)


الدور الأول

https://b.top4top.io/p_1517d2n981.jpeg (https://top4top.io/)



عشان توضح للأخوان أكثر هذا مخطط الفيلا للاستفادة


يا اخوان الله يجزاكم خير طلعت مشكلة بخصوص الدور الأول انا حاط مطبخ داخلي تحضيري والمشكلة الي طلعت لي ان لزوم ان المطبخ فيه عزل ودفان للتصريف وانه ينزل تقريبا 15سم من الارضية وراح يأثر علي الارتفاع الي تحت الدور الارضي.(الدور الارضي في مكيفات دكت) للعلم ماابي ينزل سم يخرب علي الارتفاع كامل للدور الارضي.
او نرفع الدور الأول كله تقريبا الى 15 سم*وراح
يأثر هنا على الدرج وتزيد درجات الدرج الى بنت هاوس فيه تقريبا وبعد راح يأخذ من الارتفاع الدور الأول انا الارتفاع الي عندي للدور الاول 4.30 ويمكن يصفى على 3.80 تقريبا بعد المشكلة هذي والارتفاع هذا ما ابيه.

شنو الحل الانسب تنصحوني فيه.

[ALJokar]

https://c.top4top.io/p_1589ggkxa1.jpeg (https://top4top.io/)

[ALJokar]

والاستشاري نصحني كذلك ان ما اطلع البيبات الصرف او الماء بجانب الطوفة و اوصلها الى اقرب دكت جانبي
راح تخرب وراح تاثر عليك الطوفة انها ممكن ترطب او ليك في المستقبل غير منظرها بيكون مخرب الشكل.

[سعود.]

مطبخ تحضيري بالدور الاول يتعامل نفس مستوى الحمام للعزل وفيه ناس يسونه بدون عزل
ارتفاع الدور الاول 3.8 جدآ ممتاز

[Azizuk]

المطبخ التحضيري اللي فوق ماراح يكون عليه ضغط اتوقع استخدامه خفيف مايحتاج نزول وعازل ومن هالسوالف ماعليك منهم ومن خرابيطهم هو مهب حمام يحتاج نزول

بعدين من ناحيه واجهة البيت او الطوفه وان بيخرب الشكل الجمالي تقدر اطلع بيب التصريف وتغطيه بشبك حديد ديكوري قص ليزر انا مسويها عندي في البيت طالع لي بيب تصريف وعملت له قص ليرز وداخله اضاءة تعطيه شكل وجمال وبيب التصريف داخل مايبين

الحل الثاني ارفع المطبخ التحضيري فقط فوق خله كانه عتبه اذا يحتاج الامر حق التصريف

تقدر ترفع ارضية المطبخ فقط عتبه وحده 15 سم جهة الكبت والمغسلة بمقدار مساحة متر او متر ونص من الكبت او ترفع وتسوي ميول خفيف ماتحس في تدريجي

[معماري قطري]

والاستشاري نصحني كذلك ان ما اطلع البيبات الصرف او الماء بجانب الطوفة و اوصلها الى اقرب دكت جانبي
راح تخرب وراح تاثر عليك الطوفة انها ممكن ترطب او ليك في المستقبل غير منظرها بيكون مخرب الشكل.

ما عنده سالفة الاستشاري

لو بتمشي على مبدأه عيل تمديد البايب للصرف للدكت القريبة يعني البايب بيمر تحت البلاط ولا انصح به مشكلته بتكون أسوأ .. جدامك حلين .. أما تمدد في الطوفة وينزل البايب وكله 2 إنش ضعيف لو بنيت بسهولة بيكسرون له حتى في الجسر وبيكون تحت البلاستر يعني تكسير 3 سم بس في الجسر وتغطية 2 سم بالبلاستر وينزل للتصريف العام مال البيت .. وضروري تحط رداد حتى تفتك من أي حشرات أو روائح

الحل الثاني تمدد تحت السقف ويغطيه الجبس وبعد كله بايب 2 انش ويروح للدكت الموجودة ولازم ينلصق بلاصق مناسب ويتثبت بحديد كل حول متر وبسلوب مناسب وبعد لا تنسى الرداد وكوع الريحة .. يعني بتكون الحماية مزدوجة

تعال شوف بيتي كل التمديدات في الغلاف الخارجي للحايط وعليها خرسانة وبلاستر و 16 سنة ما صار شيء .. تمديدات الماي نفس الشيء بس تحت البلاستر ومشكلتها تصخن بسرعة لذلك سويت لها حل للبيت الجديد ويوم سرب بيب صج لطخ الطوفة وكسرت وصلحته وصبغت وكله خذ يوم شغل لين تصلح وحول يومين أو 3 لين انعمل البلاستر والصبغ الجديد .. إنت عندك دكتات للماي وهذا شيء زين لكن انتبه الماي مضغوط ومشاكله أكثر من الصرف ولا تمدد له تحت البلاط سو تمديدك في الطوفة وبحميات جيدة ونزل الماي للبانتري من السطح في طرف الطوفة الخارجي ( إنت مضطر على هذا الحل وهو الأنسب )

[معماري قطري]

استشاريك ضعيف وايد الله لا يبلانا بمثله ومبين من كثرة الأعمدة شكله يزيد براحته

دوخني الدرج عندك بداية النزول من وين بتكون؟

[معماري قطري]

هذي صورة مقربة للبانتري حق تصميم بيتي خليته قريب من دورة المياه لسهولة التمديد للصرف وللمياه ومن خلال الحائط بدون ما اسوي أرضية مرتفعة أو نازلة ولو ضرورية سهل عملها ووصلها مع الحمام ومنه للدكت اللي ممرها جنب الحائط ومبعدها عن الخارج سواء للصرف والا للتغذية كلها بتنزل تحت الأرض في البيسمنت الخدمي وشرحت سالفتها قبل

لاحظ الأعمدة كيف محدد مكانها ومتباعدة ولازم تندرس قوتها وتأسيسها بواسطة مهندس انشائي بس لازم يتبع المكان والبعد اللي انا حددته ما يصف لي أعمدة بشكل عشوائي

https://i.imgur.com/ldhps15.png

[معماري قطري]

الدي بي الكهربائي حطيته في هذا المكان حتى يبين لو صار فيه لا قدر الله حرارة وحريق وحتى يسهل اغلاقه وبيكون أكيد مغطى بباب خشبي

[معماري قطري]

هذا بانتري البنتهاوس توصيل الصرف بيكون أما مفتوح فوق السقف للدكت جهة اليسار وهو الحل الأنسب أو جهة الحمام القريب ومستحيل اسويها

https://i.imgur.com/dWJLsf6.png

[معماري قطري]

استشاريك ضعيف وايد الله لا يبلانا بمثله ومبين من كثرة الأعمدة شكله يزيد براحته

دوخني الدرج عندك بداية النزول من وين بتكون؟

انتبهت لمخطط الدور الأرضي كنت توني صاحي من النوم مخي ما بدأ يشتغل بكامل طاقته وأكيد النزول بيكون جهة اليسار وفيه درج متواصل للبنتهاوس الصعود جهة اليمين .. إن شاء الله يطلع حلو واتوقع فوق بيكون منور سقفي يدخل النور لين الدور الأرضي

[Azizuk]

استشاريك ضعيف وايد الله لا يبلانا بمثله ومبين من كثرة الأعمدة شكله يزيد براحته

دوخني الدرج عندك بداية النزول من وين بتكون؟



فعلا الدرج ماخذ مساحة كبيرة من الارض او الصالة اتوقع مب اقل من 7 متر ماكل من مساحة الصالة

مشكلة الدرج الحلزوني او الدائري ياخذ مساحة كبيرة حلو على بيت ارضة كبيرة او قصر او يكون على جنب الحائط البيت مايكون بنص البيت والمدخل

ماقدر احكم بالضبط شلون صاير الا اذا نزل لنا صورة 3 دي

شوف الاراء كثيرة والاخطاء لا بد منها في اي بيت واي مشروع بس الواحد اذا قدر يتفادى الخطاء قبل يكون احسن

[معماري قطري]

تذكرون المخطط القديم اللي سويته قبل وسويت له تفاصيل كثيرة .. هذا شفته مناسب لأرض أحد الإخوان وركبته عليها مع بعض التعديلات

https://i.imgur.com/KO0StOl.png

الأرض صغيرة وهو محتاج لبيسمنت ممكن يسويه بهذي الطريقة لو حب

[معماري قطري]

من ضمن التعديلات الجديدة الفتحة الدائرية في صالة الدور الأول تطل على الأرضي ولو يحب يواصل مثلها بس شوي أصغر وتطل على البيسمنت ممكن .. فوق في البنتهاوس فوق الفتحة الدائرية بالضبط يجي مربع بشكل البادغير مرتفع لأعلى .. إذا تذكرونه قبل سويت واجهاته .. بيكون بارتفاع البنتهاوس وينفتح على البنتهاوس يعني ممكن اللي في صالة البنتهاوس ينادي اللي في البيسمنت وباسوي للفكرة قطاع طولي اوضحها

https://i.imgur.com/q6fpMC7.png

السكايلايت الصغير اللي جدام بيكون هرمي وبنص ارتفاع يطل على صالة الجلوس الموضحة فوق أما الكبير اللي وراه بيكون بارتفاع سقف البنتهاوس ومفتوح من جهة وحدة على البنتهاوس وفيه درابزين حاجز لأنه مفتوح بدون ارضية يطل على الفتحة الدائرية تحته في الدور الأول ومنها على النافورة في الأرضي ولو حبينا نلغي النافورة ونكمل الفتحة للبيسمنت ممكن

[معماري قطري]

فعلا الدرج ماخذ مساحة كبيرة من الارض او الصالة اتوقع مب اقل من 7 متر ماكل من مساحة الصالة

مشكلة الدرج الحلزوني او الدائري ياخذ مساحة كبيرة حلو على بيت ارضة كبيرة او قصر او يكون على جنب الحائط البيت مايكون بنص البيت والمدخل

ماقدر احكم بالضبط شلون صاير الا اذا نزل لنا صورة 3 دي

شوف الاراء كثيرة والاخطاء لا بد منها في اي بيت واي مشروع بس الواحد اذا قدر يتفادى الخطاء قبل يكون احسن

هلا الصديق القديم

فوتت مشاركتك في زحمة الأفكار .. الدرج هذا اتوقع بيكون فيه له دعامات كثيرة تخربه لو نشوف الإنشائي بتنكشف المساويء .. انا شفت التصميم قبل وعلقت عليه بس لاحظت المالك يبغيه ومخلص تفاصيله ما حبيت اضيق عليه .. مشكلة الدرج الأكبر بتكون في تكلفته خصوصاً للدرابزين والرخام .. لو حصل قطع بورسلان مناسبة زين .. إنه كبير هو ضروري بسبب طريقة تصميمه وحيز الصالة عبارة عن ممر غير مستفاد منه للجلوس مثلاً

[ALJokar]

استشاريك ضعيف وايد الله لا يبلانا بمثله ومبين من كثرة الأعمدة شكله يزيد براحته

دوخني الدرج عندك بداية النزول من وين بتكون؟

للاسف مصنف بالفئة درجة اولى من مدني ومعماري وكهربائي وميكانيكية

ولا انا راضي عليه ابد ولو يرجع الزمن وراء اغيره من جنسية عربية معروفة ويحب الشغل يمشي ع مزاجه ومش مزاج المالك
وغيرت الاستشاري هالاسابيع هذي الى حاليا من نفس المكتب مع اسيوي فلبيني لكن شخصيتة ضعيفة نوعا ما وان شاء الله انه يكون اوكي.
والحبيب ابو عراب كان قوي في البداية شاد على المقاول وبعدها تغير 180 درجة رخا كثير من بعد ما شفت اغلاط في الموقع ويشوفها ويهمل.
رحت غيرته بسبب انه عطا موافقة على شغلة بدون مايستشيرني وياخذ راي فيها كااستشاري رحت وغيرته الى زميل معاه من نفس المكتب الاستشاري اسيوي.
ولا المكتب مش ضعيف اتوقع لا اقول اسمه يمكن بعضكم يعرفه.

[معماري قطري]

للاسف مصنف بالفئة درجة اولى من مدني ومعماري وكهربائي وميكانيكية

ولا انا راضي عليه ابد ولو يرجع الزمن وراء اغيره من جنسية عربية معروفة ويحب الشغل يمشي ع مزاجه ومش مزاج المالك
وغيرت الاستشاري هالاسابيع هذي الى حاليا من نفس المكتب مع اسيوي فلبيني لكن شخصيتة ضعيفة نوعا ما وان شاء الله انه يكون اوكي.
والحبيب ابو عراب كان قوي في البداية شاد على المقاول وبعدها تغير 180 درجة رخا كثير من بعد ما شفت اغلاط في الموقع ويشوفها ويهمل.
رحت غيرته بسبب انه عطا موافقة على شغلة بدون مايستشيرني وياخذ راي فيها كااستشاري رحت وغيرته الى زميل معاه من نفس المكتب الاستشاري اسيوي.
ولا المكتب مش ضعيف اتوقع لا اقول اسمه يمكن بعضكم يعرفه.

ما اظن اسكتش اسكتش معمارياً تصاميمهم أحسن مشكلتهم الانشائي والاشراف

الغريب إن التصنيف أ يعطى للكثير من المكاتب لكن قدرتها ضعيفة جداً .. الدولة مسلمة استشاري مشروع حيوي وكبير يسوي له دراسة أولية صحيح الاستشاري قوي لكن مب لدرجة هذا المشروع وكان المفروض استشاري دولي مختص ويورد مهندسين يكونون مقيمين وقائمين على المشروع مب قوي على الورق وعلى الواقع مهندسين حديثي التخرج وقليلي الخبرة

الله يعينك ويوفقك ادارة البنيان تعب ويزيدها تعب وجود استشاري ضعيف وقليل خبرة وكل شوي مصطدم بمشكلة صغيرة مسوي منها كارثة

فيه شيء اسمه الحس الهندسي وأفضل اختيار هندسي أوقات الاستشاري الشاطر والقوي يبحث عن حلول وينفذها في الموقع لكن لو فيها اختيار وضرورة تدخل المالك يحطه في الصورة .. انا كان في عقدي البنيان تحت الأرض الخرسانات أسمك بمقدار معين عن فوق الأرض .. يعني العمود بدال 40 في 40 سم كان عرضه 45 في 45 تحت الارض حتى نضمن غطاء خرساني كفاية للحديد .. المقاول أخطأ وسواه 40 بدال 45 واكتشف الاستشاري الخطأ متأخر وانا فاتني هذا الشيء وحتى ما عندي علم به .. كان تركيزي معماري والانشائي ما تعمقت فيه وهذا قصور مني .. وقت التنفيذ الاستشاري اتخذ قرار يعالج الخرسانات تحت الارض بنوع بتومين غالي وبغاطات طلاء أكثر حتى يغطي هذا البند وتكلفة العزل تطلع أغلى من زيادة السمك بالخرسانة وبعدها بفترة قال لي

[Azizuk]

ادري اني داخل عرض عليكم بالموضوع

بس حبيت اوضح نقطه او اشتراطات جديده من البلدية او الدفاع المدني بالاخص مشدد عليها

شروط الامن والسلامة في إجراءات تمام البناء يجب توفره

طفاية حريق بودرة حجم 6 كيلو عند كل مطبخ بالمنزل بالاضافة الى جهاز كاشف الحرايق يعمل بالبطارية وبطانية الحرايق

والديبي الكهرباء طفاية Co2 كبيرة متوسطة الحجم

بالاضافة الى شهادة المواد المستخدمة في البناء عازل البيت تعهد من المالك والمقاول والاستشاري

يمكن هالاجراء والاشتراطات كانت موجوده في السابق بس مب مشدد عليها يمكن كان فقط يجب توفير طفاية حريق فقط ومش محدد النوع والحجم حاليا مشددين يجب انها تتوفر

واحد قال لي ممكن تستأجرها بعد الانتهاء تنشال

بس مالكلفتني الا الف و 300 ريال

عدد 3 طفايات Co2 مع طفاية حريق بودرة عدد 4 وبطانية حريق عدد 3 وكاشف حريق يعمل بالبطارية عدد 3

بس حبيت اوضح للمقبلين على أستخراج تمام البناء

[ALJokar]

الله المستعان البلدية شكلها بتطلع عيون العالم بقرارتها
وشروطها واتمام البناء.

سؤال هل لو عندي مجلس مشترك على ارضين وقفنا البناء المجلس فيها مثلا عظم او اي مرحلة هل يعطوني اتمام البناء ل فيلا الثنتين بحيث اني اشطب البيت انا واخوي واسكنة ونشطب المجلس متى ماتوفرت المبلغ؟

سمعت انه فيه اتمام بناء جزئي؟ هل مازال هالشي موجود

[معماري قطري]

ادري اني داخل عرض عليكم بالموضوع

بس حبيت اوضح نقطه او اشتراطات جديده من البلدية او الدفاع المدني بالاخص مشدد عليها

شروط الامن والسلامة في إجراءات تمام البناء يجب توفره

طفاية حريق بودرة حجم 6 كيلو عند كل مطبخ بالمنزل بالاضافة الى جهاز كاشف الحرايق يعمل بالبطارية وبطانية الحرايق

والديبي الكهرباء طفاية Co2 كبيرة متوسطة الحجم

بالاضافة الى شهادة المواد المستخدمة في البناء عازل البيت تعهد من المالك والمقاول والاستشاري

يمكن هالاجراء والاشتراطات كانت موجوده في السابق بس مب مشدد عليها يمكن كان فقط يجب توفير طفاية حريق فقط ومش محدد النوع والحجم حاليا مشددين يجب انها تتوفر

واحد قال لي ممكن تستأجرها بعد الانتهاء تنشال

بس مالكلفتني الا الف و 300 ريال

عدد 3 طفايات Co2 مع طفاية حريق بودرة عدد 4 وبطانية حريق عدد 3 وكاشف حريق يعمل بالبطارية عدد 3

بس حبيت اوضح للمقبلين على أستخراج تمام البناء

بالعكس يا بو سعود اضافة في صلب الموضوع وبعدين حتى السوالف الجانبية تمشي هنا والحياة حلوة .. تصدق عندي كل هالأشياء الا البودرة مب متأكد منها .. عندي حتى في مكتبي صغيرة بلاستيك ترميها على النار تنفجر وتطفيها معطيني اياها صديق غالي كان بيفتح شركة وعقدوا موضوعه الدفاع المدني .. ناقصني جهاز كشف تسرب الغاز لو حد يعرف وين ينباع يبلغني

إن شاء الله في البيت الجديد بيكون نظام الإنذار في كل غرفة ومتصل ببعض بحيث لو اشتغل واحد يشتغلون الكل

مشكور دوم اضافاتك مفيدة وانت أخصائي الكهربة والميكانيك وهالموضوع محتاج اضافاتك

[معماري قطري]

الله المستعان البلدية شكلها بتطلع عيون العالم بقرارتها
وشروطها واتمام البناء.

سؤال هل لو عندي مجلس مشترك على ارضين وقفنا البناء المجلس فيها مثلا عظم او اي مرحلة هل يعطوني اتمام البناء ل فيلا الثنتين بحيث اني اشطب البيت انا واخوي واسكنة ونشطب المجلس متى ماتوفرت المبلغ؟

سمعت انه فيه اتمام بناء جزئي؟ هل مازال هالشي موجود

الله أعلم وأتمنى ذلك ولو حصلت اجابة علمني

إخوي الله يغفر له طلب تحويط أراضي عياله وعطوه موافقة ومددوا لكل أرض ماي وكهرباء للبوابة .. بعد ما تغير الوزير استوى ممنوع التحويط للأبناء الا بعد سن 22 واستلام سند الملكية

الحكومة ما تخسر شيء بالعكس بتساعد الناس .. في بيتي خططت حق حوض سباحة مغلق ومساحته الاجمالية فوق 100 متر ممكن 120 وأكثر ولا بنيته الا بعدين بس جات الموافقة على الحمل الكهربي وكان سنة 2004 وسويت بيب تحت الأرض من لوحة التوزيع الرئيسية لمنطقة الحوض .. وقت ما قررت اسوي الحوض وحتى كنت مخلي أرضه نازلة حول متر و40 سم عن أرضية البيت كانت الأُمور سهلة من ناحية البناء بأقل حفر ممكن شلنا البلاط وحفرنا يمكن 20 سم .. تمديد الكيبل تمت ازالة الرغوة العازلة وتم تمديده بسهولة وكان كيبل كبير يغطي قد الاحتياج مرتين .. ركبت مكيفين مع ميزة التدفئة وتدفئة للماي وجهزت لسونا مع قاطع 3 فيز ولأجهزة شفط الرطوبة 2 وهذي مع السونا ما قدرت اشتريها بسبب سعرها .. التكييف اخترب كم مرة ولا اهتميت له لأن اللي بيسبح ما يحتاج تكييف بس الجلسة تحتاج

[معماري قطري]

هذا التصميم اللي شغال عليه حالياً مع بعض التعديلات الممكنة على التوزيع .. مشكلة اتوقعها مع التخطيط هي الارتداد الجانبي جهة حوض السباحة الصغير .. الأرض ذي الجهة مايلة من 4.2 متر للزاوية اليسرى للبيت الى 4.5 متر للزاوية اليمنى .. على ما اذكر هم يطلبون 5

ممكن الحوض يكون عليه شلال مرتفع مثل اللي شرحته قبل ووضحته بالرسم ويبين من الصالة وحتى من خارج البيت لو ارتفاعه أكبر من السور .. وعرضه ألحين 2.6 ممكن نزيده ل 3 متر لو عملنا القناة المفتوحة الأمامية أصغر ما يمكن وغطيناها بحديد بفتحات ممكن المشي عليه أو البلاستيك الخاص بالاوفرفلو اللي يتركب على الجوانب بس هذا الاوفرفلو مخلينه جدام وبس برفع الجوانب حول 5 سم عن الحائط الأمامي للحوض .. الطول كذلك ممكن نزيده والمساحة متوفرة

المجلس ليوانه عرضه 2 متر وهو مطابق لإشتراطات التخطيط ولو سمحوا بمتر أو متر ونص نقدر نزيد في عرض المجلس أو نزيد في عرض الحوش

https://i.imgur.com/dsLTuQU.png

أخيراً لو أصروا التخطيط على زيادة الاتداد جهة حوض السباحة ممكن نكسب نص متر بتقليل عرض الملحق بدون تغيير فاعليته واستخدامه وممكن نكون مجبورين على تقليل عرض البيت ككل

[معماري قطري]

الدور الأول فيه الغرفة الرئيسية أسفل الرسمة وتطل على حوض السباحة .. وفيه موضح المنور الهرمي على صالة الجلوس والمنور المربع المستطيل على شكل بادغير على الفتحة الدائرية .. ملاحظة هذا المنور بيكون مفتوح من جهة وحدة على البنتهاوس مثل البلكونة وممكن نزرع فيها نباتات متسلقة تنزل في التجويف لين توصل حتى للدور الأرضي

النافورة اقتراح ولو حاب يغيرها المالك لحوض سمك ممكن وممكن يحيط حوله زراعة حتى يسويها بحوض زراعي من التأسيس بس يشوف نباتات تعيش في البيئة المكيفة وقليلة الانارة

https://i.imgur.com/0d3xP8Q.png

[معماري قطري]

مكتوب ستور جهة الغرفة اليسار فوق هذي بتكون غرفة ملابس مفتوحة

مساحة الدور الأرضي 324 والأول كذلك والبنتهاوس 208 باحطه بعد شوي

[معماري قطري]

دور السقف فيه غرفتين وصالة .. وكل الغرف عندنا بغرفة ملابس مناسبة وحمام ما عدا التحتية وبإجمالي 7 غرف .. صالة البنتهاوس بتكون مطلة على الحديقة وحوض السباحة تحت

https://i.imgur.com/mfIKPQh.png

قبل سويت قطاع طولي للبيت ذيه بس ألحين تغير شوي وممكن اسوي له بس بياخذ مني وقت

[ALJokar]

103127

[ALJokar]

من موقع الوزارة مكتوب هالكلام لكن حتى الان غير واضح بخصوص اتمام البناء الجزئي

[معماري قطري]

من موقع الوزارة مكتوب هالكلام لكن حتى الان غير واضح بخصوص اتمام البناء الجزئي

في حالتك إن المباني مثلاً إنت بنيت ملحق + مجلس + بيت وخلصت البيت والملحق وقلت بتخلص المجلس بعدين أتوقع يصير .. لكن بيت من ثلاث أدوار أو مع بيسمنت وخلصت فرضاً كل دور الا البنتهاوس بيقولون كمل الباقي

[Azizuk]

في حالتك إن المباني مثلاً إنت بنيت ملحق + مجلس + بيت وخلصت البيت والملحق وقلت بتخلص المجلس بعدين أتوقع يصير .. لكن بيت من ثلاث أدوار أو مع بيسمنت وخلصت فرضاً كل دور الا البنتهاوس بيقولون كمل الباقي


عادي يابوعبدالله اعرف شخص ماعنده سيوله يكمل باقي البيت خلص الدور الاول مع البنتهاوس وبعدين كمل الدور الارضي جاب ورقة من المحكمه وبسبب الديون اللي عليه في البنك ان مايقدر يكمل باقي البيت وسمحو وعطوه كهرباء وماي لين يخلص البيت كامل فيما بعد

وسمعت بعد وايد حالات ينظرون لها اذا عندك مايثبت انك متعثر في اكتمال البيت

ممكن شخص متضرر من مستأجر بيت وعليه ديون او شخص عليه لاقدر الله قضية سجن وعياله متلتهين في بعض الظروف ينظرون لها من ناحية انسانية

اعرف عيال ايتام ثنين اولاد وزارة الأوقاف بنت لهم بيتين على ارض وحده في منطقة غير مسموح فيها تقسم الاراضي او بناء فلتين في هالمنطقة بسبب انهم ايتام بنو لهم كل واحد بيت وقيمة الاجار تدخل في حسابهم لين يكبرون واهم عاد يتصرفون على راحتهم اذا بلغو سن الرشد على ماضن ان لازم الوالد يوصل عمره 23 سنة عشان تتم عملية توزيع الارث

اذكر لي عيال عم وابوهم توفى والا توزع الارث الا يوم اخوهم وصل عمره 23 سنة مادري هالكلام صحيح والا انا بعد غلاطان

بصفه عامة الحكومة بعض الامور الانسانية اذا عندك مايثبت في تنازلات من بعض الشروط

بس اللي اعرفه اذا عندك موافقه بناء مجلس او ملحق وماتبي تنفذة عادي وايد ناس مابنت الملحق بس الرخصة لازم تتجدد لان بعد 6 شهور تنتهي رخصة البناء

يعني اذا بنت البيت ومع الملاحق والمجلس مابنيته وتبي تبنيه بالمستقبل وانت ماخذ اتمام البناء لازم تقدم على تجديد رخصة بناء وتاخذ عليها اتمام بناء بعد ماتخلص والا بعد ازيدك يجي مفتش اذا عليك مخالفه بناء يخالفك

[رحال]

موضوع شيق .. اسجل متابع

[معماري قطري]

عادي يابوعبدالله اعرف شخص ماعنده سيوله يكمل باقي البيت خلص الدور الاول مع البنتهاوس وبعدين كمل الدور الارضي جاب ورقة من المحكمه وبسبب الديون اللي عليه في البنك ان مايقدر يكمل باقي البيت وسمحو وعطوه كهرباء وماي لين يخلص البيت كامل فيما بعد

وسمعت بعد وايد حالات ينظرون لها اذا عندك مايثبت انك متعثر في اكتمال البيت

ممكن شخص متضرر من مستأجر بيت وعليه ديون او شخص عليه لاقدر الله قضية سجن وعياله متلتهين في بعض الظروف ينظرون لها من ناحية انسانية

اعرف عيال ايتام ثنين اولاد وزارة الأوقاف بنت لهم بيتين على ارض وحده في منطقة غير مسموح فيها تقسم الاراضي او بناء فلتين في هالمنطقة بسبب انهم ايتام بنو لهم كل واحد بيت وقيمة الاجار تدخل في حسابهم لين يكبرون واهم عاد يتصرفون على راحتهم اذا بلغو سن الرشد على ماضن ان لازم الوالد يوصل عمره 23 سنة عشان تتم عملية توزيع الارث

اذكر لي عيال عم وابوهم توفى والا توزع الارث الا يوم اخوهم وصل عمره 23 سنة مادري هالكلام صحيح والا انا بعد غلاطان

بصفه عامة الحكومة بعض الامور الانسانية اذا عندك مايثبت في تنازلات من بعض الشروط

بس اللي اعرفه اذا عندك موافقه بناء مجلس او ملحق وماتبي تنفذة عادي وايد ناس مابنت الملحق بس الرخصة لازم تتجدد لان بعد 6 شهور تنتهي رخصة البناء

يعني اذا بنت البيت ومع الملاحق والمجلس مابنيته وتبي تبنيه بالمستقبل وانت ماخذ اتمام البناء لازم تقدم على تجديد رخصة بناء وتاخذ عليها اتمام بناء بعد ماتخلص والا بعد ازيدك يجي مفتش اذا عليك مخالفه بناء يخالفك

شكثر مخالفات حولنا في البيوت التجارية والخدمية ولا يسوون لهم شيء منها حضيرة الكلاب ( يكرم القاريء ) اللي في العيادة البيطرية البلدية تقط السالفة على التجارة وبنيان ملاحق وكبائن اضافية شغل البلدية .. يبون حد يشتكي اشتكيت كم مرة ولا فايدة .. شاطرين على المخالفات البسيطة لحاجة القطري بس

الحالات الانسانية يبي لها معاناة وطرارة وتعب إن شاء الله الجميع ما يكونون بحاجتها .. في يدهم يمددون كهرباء للبنيان وقت البنيان تأجير وبمقابل معقول كثير مستعدين يدفعون أو حتى محطة كهرباء صغيرة شمسية جزء مباشر لتكييف مكتب المهندس وجزء بطارية للانارة الليلية .. هذي حتى لو تجهزها شركة للتأجير بتدخل ربح جيد للشركة

[معماري قطري]

موضوع شيق .. اسجل متابع

كل تصميم له قصة تابع قصته وتفاصيلها من البداية .. والله متمني لو اللي شاركوا يتواصلون بخصوص شصار معاهم لنهاية البنيان

وحياك الله اخوي رحال تفيد وتستفيد

[معماري قطري]

قبل المالك كان مقتنع بفكرة البيسمنت وهنا ممكن نطبقها لو لها حاجة .. بيكون له مكان لصالة رياضية مفتوح هلى حديقة نازلة بمستوى البيسمنت وصالة كبيرة لأي استخدام بعد لها واجه زجاجية كبيرة ومطلة على الحديقة والجدول الموضح بخطوط سيدة ممكن يكون متعرج بحجارة حوله وعشب وشوية بلاطات للمشي عليها .. بيستوي مكان ترفيهي خاص له

https://i.imgur.com/a63eEH9.png

[معماري قطري]

السرير اللي يبين في اليسار هذا انعكاس الدور اللي فوق

صورة مقربة للحوض نقدر نسكر القناة المفتوحة بحديد فيه فتحات للمشي فوقه وتستوي لنا مسافة عرض الممر 1.25 متر .. طبعاً الحوض في مستوى أرضية الحوش ومرتفع يمر الواحد من جنبه وهو متجه لدرج البيسمنت .. المفروض ما يبين هنا بس للتوضيح خليته

https://i.imgur.com/FQyw8uc.png

فوقه بيكون شلال وفي أول الجدول شلال على الحائط العازل بين الملحق وحديقة البيسمنت

[معماري قطري]

مستويات الارتفاع ما حطيت بعضها بس المفروض تكون أرضية الحوش +30 سم من الشارع اللي نعتبره مستوى 0 وأرضية الدور الأرضي + 0.66 على أساس ارتفاع كل عتبة شرفية للمدخل 12 سم .. أرضية حديقة البيسمنت بتكون سالب 3.0 وأرضية البيسمنت مرتفعة بس 10 سم عن حديقة البيسمنت بتكون -2.9 متر من الشارع

أرضية حوض السباحة نقدر نخليها نفس مستوى ال 0 .. يعني نحفر لها شوي ونؤسس والجدران الجانبية يكون ارتفاعها من ال 0 130 سم الجدار الأمامي اللي ينزل منه الماي للحوض بيكون ارتفاعه 125 سم .. ارتفاع الأسوار أعتقد نقدر نتحكم فيه لين 3.5 وممكن أكثر وهذا أفضل تتم مناقشته مع التخطيط .. الملاحق اسمحوا ب 4 أمتار ارتفاع لها واتوقع الأسوار نفسها

ارتفاع الشلال اللي ينزل وسط حوض السباحة انا مقترحه 4 متر حتى يبين من الشارع وممكن نسوي عوارض ألمنيوم من جسر فوق السور مرتفع شوي لحائط البيت وعليها يتثبت الزجاج المائل قليلاً لتوجيه الماء جهة الحافة .. ممكن نحاول على 4 ونص وأتوقع التخطيط ما بيرفضون منظر للبيت وللحي ككل

[معماري قطري]

نموذج ثاني ينفع مع هذي الأرض مع بيسمنت .. هذا راجعته قبل وألحين تعديلات طفيفة عليه لأن المالك أرسل لي مقترح مقارب له من الإستشاري قلت له موجود قريب منه وجاهز وكامل وفيه تفاصيل كثيرة

البيسمنت خليته ملون والباقي رصاصي متقطع

سويت مقترحين لحوض السباحة واحد موضح في البيسمنت بمقاس 7 في 2.6 بنفس مبدأ الحوض اللي ذكرته قبل .. وواحد في الحديقة شوي أصغر 5 في 2.6 وممكن يتكبر .. ميزة اللي في مستوى الحوش في المدخل وتطل عليه الصالة المثمنة وممكن يكون عليه شلال يبين من الخارج

https://i.imgur.com/jIozpIn.png

الدور الارضي ما وضحت عليه حديقة البيسمنت النازلة .. بس تفاصيل الدور الارضي والمداخل والمخارج هي الأهم .. المستطيل قرب الباب مساحة 5 في 8 حق خيمة للأوقات اللي فيها الجو مناسب .. والحديقة اليسرى مقابلة الصالة المثمنة ممكن يكون فيها حوض السباحة وتكون مزروعة حوله عشب وأشجار وممر بسيط حلو لو يكون من حجر ومتعرج يوصل للدرج اللي حق البيسمنت ولباب الطبيلة المفتوحة على الخارج

https://i.imgur.com/hoICGU8.png

الزاوية المشطورة حلو نسكرها بحايط بإرتفاع 2 متر وباب ويكون فيها خزان الماي وخزان الصرف الصحي لو دعت الحاجة له وممكن تستخدم كمنطقة تخزين مفتوح .. عندنا ست مواقف سيارات مظللة مع امكانية دخول سيارة مكان الخيمة لتنزيل الضيوف لو الخيمة غير موجودة

هذي مكونات الدور الارضي واتصاله بالملحق وأتوقع واضحة ما تحتاج شرح .. الغرفة بتطل على حديقة البيسمنت والحوض والبيسمنت مساحته 135 متر مربع والدور الارضي 340 تقريباً

https://i.imgur.com/t0AXIcg.png

وهذا الدور الأول شرحته قبل في تصميم سابق

https://i.imgur.com/ykXbWGF.png

وباتابع بالبنتهاوس بعدين

[معماري قطري]

دور السقف 150 متر مربع يحتوي على غرفتين بدورة مياه مستقلة وغرفة ملابس ومساحات تخزين كافية .. وألحين تطورت القوانين لإمكانية البناء على الأطراف وعمل نوافذ بشترات ألمنيوم تحجب الرؤية المباشرة على الجار .. أما لفوق لنور أكثر أو لتحت مع قابلية الفتح للتهوئة وهو الشيء الأهم .. جنب بيت المصعد عندنا أما مخزن أو بانتري صغير قابل للاغلاق في حال وجود أطفال .. ممكن نستغل مقابل جلسة التلفزيون كجلسة خارجية وباربيكيو

https://i.imgur.com/NIseatM.png

[معماري قطري]

هذا قطاع طولي في البداية من منتصف الهرم المثمن فوق السرير في غرفة النوم ومار في وسط التسريحة ودورة المياه وبعدين الواجهة الرئيسية .. وشرحت عنه شرح مستفيض في السابق

https://i.imgur.com/X1IaiVx.png

[معماري قطري]

هذا مقترح لبيت جديد وصلني اليوم وصاحبه يطلب الراي وهو مركز على البنتهاوس وبنوصل له ان شاء الله .. واضح إن متطلباته كبيرة خصوصاً لعدد الغرف واشوف المساحات تحتاج لترتيب حتى يستغل الأرض أفضل استغلال

https://i.imgur.com/4oRroYl.png

وهذا الدور الأول وملاحظ ما فيه مصعد والدرج شكله بيكون حلو بس تكلفته تكلف درج عادي + مصعد

https://i.imgur.com/WZIpjQv.png

البنتهاوس كما صممه الاستشاري

https://i.imgur.com/xI6daPI.png

ملاحظ بروز عن خط حدود البيت تحت في البنتهاوس بس وهذا يبين لي تشكيل محمول على أعمدة بيكون بس اشوف مكانه خطأ وشكله ماخوذ من تصميم سابق بدون تركيز وتعديل لأن لازم له أعمدة .. ولو كان على المدخل باقول معقول يوضح المدخل ويظلله

انا كعادتي في المراجعة أصف كل الأدوار جنب بعض وارسم خط مستقيم يمر مكان الحوائط والأعمدة الرئيسية واشوف كيف تناسق التصميم والمساحات

https://i.imgur.com/bDaEgfK.png

[معماري قطري]

أكيد البروزات حول الدرايش طريقة قديمة للتظليل ولا بحلوة ألحين لو بنستخدم درايش يو بي في سي بتكون معزولة وما تحتاج تظليل .. الأفضل نسوي حايط خارجي دبل بعازل

النموذج كله بيكون أحلى لو تغير لنموذج طوالي مستطيل والمجلس جاء ملتف .. باشوف شاقدر اسوي والا اني اعدل على ذيه

[معماري قطري]

رغبة المالك في التصميم هي زيادة عدد الغرف .. ولو استخدمنا التصميم السابق اللي عرضته وعرضت تفاصيله سابقاً بيكفي ل 14 غرفة ماستر بحد أقصى لو عملنا بيسمنت وبنتهاوس يعادل 68% من مساحة السقف وهي مسموحة الآن

هذا التوزيع الأرضي مع الحوش .. المشكلة في المجلس مسكر على البيت جزئياً بس مضطرين لأن المجلس بالتصميم هذا متطلب أساسي .. السيارة ممكن تدخل جدام البيت

https://i.imgur.com/3odSrdD.png

[معماري قطري]

فيه بعض الخربطة الأرقام والكلمات معكوسة للمجلس لأني قلبته بدون ما اعدلها والبانيو متحرك داخل الغرفة

[QaTaR_OnE]

السلام عليكم

بوعبدالله بارسل على الخاص شوية استفسارات واكون شاكر لك

[Proxy-Qtr]

السلام عليكم ورحمة الله وبركاتة ,,

هذا الموضوع من ذهب

شكر خاص للاخ بوعبد الله

وجزاه الله خير على الخدمات الي يقدمها لاعضاء الممنتدى

للامانه انا تابعت كل صفحه في هذا الموضوع

موضوع قيمته ذهب

متابع معاكم

[سعود.]

رغبة المالك في التصميم هي زيادة عدد الغرف .. ولو استخدمنا التصميم السابق اللي عرضته وعرضت تفاصيله سابقاً بيكفي ل 14 غرفة ماستر بحد أقصى لو عملنا بيسمنت وبنتهاوس يعادل 68% من مساحة السقف وهي مسموحة الآن

هذا التوزيع الأرضي مع الحوش .. المشكلة في المجلس مسكر على البيت جزئياً بس مضطرين لأن المجلس بالتصميم هذا متطلب أساسي .. السيارة ممكن تدخل جدام البيت

https://i.imgur.com/3odSrdD.png





https://i.imgur.com/3odSrdD.png

مساء الله ابا عبدالله

لو عندي هالمخطط بعكس المجالس وملحق السايق بغير مكانه لانه بواجهه البيت ومشوه المنظر

[سعود.]

https://k.top4top.io/p_1598g6bjp0.jpeg (https://top4top.io/)

كذا

[معماري قطري]

السلام عليكم

بوعبدالله بارسل على الخاص شوية استفسارات واكون شاكر لك

عليكم السلام ورحمة الله وبركاته

تم الرد ولو مخليها هنا أفضل للمشاركات واستفادة الجميع والله يوفقك

[معماري قطري]

السلام عليكم ورحمة الله وبركاتة ,,

هذا الموضوع من ذهب

شكر خاص للاخ بوعبد الله

وجزاه الله خير على الخدمات الي يقدمها لاعضاء الممنتدى

للامانه انا تابعت كل صفحه في هذا الموضوع

موضوع قيمته ذهب

متابع معاكم

عليكم السلام ورحمة الله وبركاته

شكراً لك خصوصاً إنها أول مشاركة وتشرفني

[معماري قطري]

https://i.imgur.com/3odSrdD.png

مساء الله ابا عبدالله

لو عندي هالمخطط بعكس المجالس وملحق السايق بغير مكانه لانه بواجهه البيت ومشوه المنظر

مساء الأنوار اخوي سعود

هو كان معكوس بس مسوي زاوية وراه ميتة ومكانه هنا يخدم قربه للسيارات ولمدخل البيت للحوش يعني .. ممكن يكون في بيسمنت جزئي تحت المجلس بعد

[معماري قطري]

صغرت البانتري للمجلس 40 سم والمغاسل 40 سم والمجلس الصغير 20 سم وتوفرت حول متر جهة اليسار

[HMH]

السلام عليكم،

يشرفني اني اقرا هالموضوع الي اكثر من الرائع

كما اوجه شكر خاص للاخ الكبير بوعبدالله
اسجل اعجابي بالموضوع ولك مني افضل التحية

[معماري قطري]

السلام عليكم،

يشرفني اني اقرا هالموضوع الي اكثر من الرائع

كما اوجه شكر خاص للاخ الكبير بوعبدالله
اسجل اعجابي بالموضوع ولك مني افضل التحية

عليكم السلام ورحمة الله وبركاته

الحمد لله توفيق من رب العالمين واللي يهمني ان نتيجة هذي الدراسات تبين على أرض الواقع والله يوفق كل من يبني صج البنيان عندنا معاناة .. يا ليت الدولة تتدخل بادارة بناء الافراد بضماناتها ومعرفتها بادارة خاصة وقوية تتابع المقاولين والاستشاريين حتى التنفيذ يكون على اصوله لأن البناء استثمار كبير لسنوات طويلة للدولة ككل

[معماري قطري]

خلاص تم الاتفاق على عدم عمل البيسمنت واشوفها فكرة مناسبة لتقليل التكلفة .. بيكون مخزن صغير تحت الدرج مساحته 10 متر مربع وشوي وفيه مساحة اضافية بس بيكون ارتفاع الدرج فوقها قليل لازم ينحني الواحد تحتها

الحوض تم تكبيره ليكون 8 في 4 مع الاوفرفلو الأمامي ينزل الماي يبين للجالس في الصالة .. ممكن نسويه بارتفاع متر و8 سم على حسبة كل عتبة 12 سم للدرج وجزء بسيط تحت ممكن يكون 20 سم يعني بنحتاج نحفر لقاعدة الحدوض حول 40 سم وهذي ممكن انجازها في ساعة عمل أو ساعتين بسهولة حسب طبيعة الأرض

نقدر نسوي الشلال المرتفع لو حبينا ونقدر نسوي الحوض كإضافة مستقبلية بس نخطط له ونمدد لكهربته تحت الارض على الأقل بايب لتمديد الكيبل ويكون 4 إنش بس مهم يحسب كهربته الاستشاري مع تصخين المياه .. غرفة المضخات موضحة جانبية وبابها بيكون يمين تكفي لكل عدة التنقية والتسخين .. وباحط صورة مقربة للحوض ولبقية مكونات الدور الأرضي

https://i.imgur.com/ELsBK7G.png

[معماري قطري]

الحوض وضحت منطقة الجلوس اللي بتكون بارتفاع 42 سم - 45 حسب الرغبة و 42 مرجحة أكثر تكون القدم ملامسة لأرضية الحوض .. العرض من فوق 40 سم ومن قاعدة هذا الكرسي 30 سم حتى نقدر نحني رجلنا تحته وحاط سكشن يوضحه قبل خلال الموضوع .. جدام الحايط النازل 5 سم حتى يكون اتجاه الماي النازل للقناة المغطاة بحديد بفتحات ( غرل ) نفس اللي ينحط للمغاسل وجدام أبواب البيوت

الطابوق الحامل للزجاج اللي بيتحرك عليه ماي الشلال موضح 60 سم في 20 ويكون مقوى بقطعة حديد في فراغاته وخرسانة ما عدا مكان تمرير البايب .. موضحه على اليمين بقطر 10 سم بس ممكن نحتاج لأصغر وهذي تحددها شركة أحواض السباحة .. الطابوق ممكن نشبكه مع طابوق الحائط المايل حتى ما يكون فيه فراغ مزعج .. من فوق نربط بين العمودين بجسر لو حبينا أو تخليه مفتوح بالكامل وتثبيت القزاز أو البولي كاربونيت يكون بفريم المنيوم من جدام يكون تحت القزاز حتى يسمح للماي بالنزول بطريقة شريحة رقيقة .. البايب فوق لازم يتحرك أُفقي وحتى نخفيه لازم نحتاج نسوي جسر وحتى يصب الماي بالتساوي فوق الزجاج لازم نسوي فتحات صغيرة فيه كل 10 سم مثلاً .. نقدر نركب بولي كابونيت أزرق وفيه منه أسماك مختلفة ويكون ثابت ما ينحني أو نركب طبقة بلاستيك فوق .. حطيت له صورة بعد خلال الموضوع يجي فيه فراغات وتحت البلاستيك نركب زجاج يعطيه سطح مستوي

https://i.imgur.com/Pv5piq4.png

[معماري قطري]

حاجة مهمة بخصوص الحوض نسيتها .. نقدر نسوي بديل أو طريق ثانوي للماي ينضخ وراء ظهر الجالس ونقدر نركب محبس يعطينا خيار الشلال العلوي أو الضخ وراء الظهر مثل الجكوزي

[معماري قطري]

على اليسار عزلنا منطقة التانكي وخزان الصرف الصحي بجدار 10 سم وباب وممكن نستعمل المنطقة كمنطقة تخزين مفتوحة لعدة الزراعة ولو حبينا نسوي فيها مخزن مغلق ممكن حسب الرغبة

[معماري قطري]

شور خارجي ممكن في ظهر حمام السايق أو بعد ممكن نسوي حمام صغير ملاصق له لس بيخرب خط البنيان .. وبما إن الغرفة للسايق كبيرة ممكن ندخل حمامها شوي ونسوي حمام خارجي كامل تابع للحوض .. كذلك مب مضمونة موافقة التخطيط على مواقف تنفتح على الشارع جنب المجلس ولو ما وافقوا ترتيب المنطقة بيتغير والغرفة بتنفتح على ليوان المجلس وضروري نسوي باب بعد جهة البيت .. الحلول أكيد موجودة وسهلة لكل احتمال

[معماري قطري]

عندنا منطقة الطبيلة 5.6 في 11 وشوي تكفي لأربع سيارات وراء بعض ممكن نسوي سقفها معلق ومركب على قطع حديد كراسي مثبتة في الحايط بدون أعمدة .. حلو نخلي ارتفاعها 2.4 متر حتى 2 متر ينفع وتكون واجهة الباب مغطية طرفها .. جسر الباب أقصد

https://i.imgur.com/B9H7RK4.png

[معماري قطري]

الملحق يمكن مشكلته الممر بينه وبين البيت 140 سم واتوقع يطلبون 150 وممكن 200 وكلها ممكنة عندنا مساحة 339 جهة اليسار بين البيت والميلس

غرفة الخادمات تكفي لثلاث اسرة صغار 90 في مترين بطاولات جانبية صغار وعندنا مساحة حتى لكبتات لهم .. المطبخ توزيعه واضح وفيه جهة لثلاجتين وفريزر واتصال الملحق بالبيت سهل ولو اغلاق سقف الملحق ممنوع نسويه بعدين بألمنيوم وأتوقع مسموح ألحين عرفوا إن بلادنا يجيها غبار قوي والحشرات تدخل

https://i.imgur.com/ZCt6pHd.png

[معماري قطري]

الجلسة المثمنة بتكون نازلة عتبتين كل عتبة 125 مم وممكن نوصلها ل 150 لو حبينا .. الدرايش شوي مبتعدة عن الكراسي والدائرة بس اللي نازلة هذي تعطينا توزيع دائري للكراسي وقطر الدائرة 5.6 متر واللي حاطه مقاس بعد العين عن التلفزيون تقريباً .. أكيد لو البيت لي باركب ستاير خشبية تنفتح بسهولة مثل المكتبية أو على كهربة قماشية ترتفع لفوق .. وبما ان الجدران عندنا سمكها 30 سم نقدر ندخل الدريشة داخل نخلي تجويف للستارة ولو حبينا نسوي كتف عريض لها حول 40 سم يلامس العمود وبعمق 10 سم .. يعني الستارة تكون داخل تجويف الدريشة وباسوي تفصيل لهذي النقطة

https://i.imgur.com/qocmorL.png

[معماري قطري]

ممكن نسوي دريشة مقوسة مفتوحة بدون شيء بين حيز المدخل والجلسة المثمنة .. ممكن يكون فيها زجاج معشق لو حبينا مثل لوحة مضاءة بتكون مقابلة باب المجلس وممكن نسويها حديد مشغول تطلع عليه نباتات الظل بتعطي المدخل شكل متوازن وبتسوي انفتاح أكثر

[معماري قطري]

هذا المخطط فيه تعديلات بسيطة وسعت البانتري بعمل فتحة بدال البابين للغرفة وسويت الغرف اليسار نفس ترتيب اليمين .. ويعتمد على اختيارنا للبنتهاوس 4 غرف أو غرفتين ممكن في حال ال 4 غرف ينلغي المنور السقفي للصالة .. بعد المالك طلب عمل باب من غرفة التسريحة للغرفة اللي جنبها وهي فكرة جيدة لإستغلالها حتى لو لطفل صغير أو كاستراحة له أو للزوجة في أوقات معينة

https://i.imgur.com/2gY8373.png

بتابع في وقت لاحق بتفاصيل كل جزء وكيف ممكن نحسن عليه والخيارات الممكنة

[معماري قطري]

صاحب التصميم السابق مهتم بالتفاصيل وشكله دقيق وطلب توسعة غرفة الخادمات وسويت له حل بإزالة غرفة الغسيل وتحريكها للجهة الخلفية وتحريك البيت 40 سم جهة الواجهة و 10 سم جهة اليسار ليكون الارتداد 1.5 متر لممر الملحق

شفت ضرورة تعديل الحديقة لتكون مزروعة عشب وشجر وفيها ممر حجر أو بورسلان مثل ما هو موضح وشفت ما فيه ضرورة لموقع الخيمة .. الشجر والحديقة أفضل وشكل دائم


https://i.imgur.com/0VbUrR4.png

الدور الأول تقريباً التغيير فيه كان اضافة منور طويل فوق الجلسة مثل ما هو موضح لأن قلنا بنشيل غرفة التانكي نخليها تحت التاج الوسطي فاستوى عندنا فراغ نقدر نسوي فيه سكايلايت

https://i.imgur.com/PpsaXjx.png

واقتراح اعادة ترتيب الغرفة اليسرى ممكن نسوي نفسه في الغرفة اليمنى فوق

[معماري قطري]

واجهة المكتب أحلى تكون زجاج حتى اللي في المكتب يشوف مكان منفتح جدامه ويوصله كذلك النور من المنور السقفي

وهذا دور السقف يغطي قريب من 70% النسبة المسموحة وارتداد من المقدمة فوق 5 متر المطلوبة .. الغرف الثنتين فوق ممكن يكونون بالضبط نفس ترتيب اللي تحت .. وغرفة الخزان بتكون تحت السقف المايل الوسطي

السكايلايت موضح بيجي تحت الدريشة بشوي ومايل على جهة وحدة لتصريف المياه ومرتفع على قاعدة خرسانية ومرتفع من الجوانب بزجاج بعرض 3 متر في 70 سم

https://i.imgur.com/2hKVprz.png

هذا سكشن أو قطاع طولي شارحه قبل يختلف هنا في واجهة دور السقف ونشوف الدريشة تحتها مباشرة المنور ملامس للحائط وجنب على اليسار الباب

https://i.imgur.com/ZmTAGPW.png

وأخيراً الواجهة

انا افضل الباب الخارجي يكون يو بي في سي لعزل الصوت والحرارة والغبار ولمقاومة عوامل الجو وموضح في المخطط الارضي بس نسيت اوضحه هنا

ألحين الاحظ اني بالغت في رفع السقف اليمين والمفروض يكون قريب من المثمن

https://i.imgur.com/K97rP97.png

[معماري قطري]

عدلت السقف في الواجهة ونسيت اغير الباب ليو بي في سي بس هذا تضمين والا المفروض يكون مكانه يو بي في سي بشكل ثاني والقوس فوق يكون ثابت .. إرتفاع الأبواب اللي تنفتح كلها مع الدرايش 240 سم

https://i.imgur.com/WHaD9Z0.png

هذا السكشن الطولي قاطع البيت بعد المدخل الثاني وهذا الباب لازم يكون خشبي .. الصالة يمين وفي حيز مفتوح والمجلس يسار مغلق بجدران مع غرفة الطعام بس هنا القطع مار فيه يوضح جهة دريشته

https://i.imgur.com/168pthg.png

الصالة السفلية المثمنة بتكون دائرية من داخل نازلة 25 سم عتبتين كل عتبة 125 ملم .. نسيت أوضح العتبات هنا بتكون نفس اللي فوق مكان السرير .. اللي يرجع للفلور بلان أو التوزيع الأرضي بيشوف فيه جزء مرتفع وراء الكراسي متغير العرض حسب الدائرة والمثمن حولها هذا نقدر نستغله لبعض الاصيصات مثل ما هو موضح

https://i.imgur.com/Fyi3svb.png



هنا تكبير حق منطقة المكتب والبلكونة المزروعة وراه .. وفوقه سوينا غرفة التانكي تحت التاج الوسطي والباب فتحة 2.4 متر وبارتفاع مترين تكفي لإدخال التانكي والغرفة للصخانات والبرشر وكان اختيار مكانها فكرة المالك وأشوفها فكرة ممتازة

https://i.imgur.com/dFg3orq.png

الجزء يسار المكتب هو خلف التسريحة وهذا باب غرفة الملابس .. السقف في هذي الجهة المفروض نازل وجهة التسريحة مرتفع قصدي الجبس .. انا وضحت وين بيكون الكورنيش بس المفروض الكورنيش هذا للجزء الثاني هذا ارتفاع الجبس فوق الباب بشوي حتى حاط عليه الساعة .. الفكرة منه الباب ينفتح في تجويف بسقف نازل وعلى جنبيه الكبتين اللي تشوفون وبعدين يدخل لغرفة الملابس بارتفاع سقفها البالغ 5.1 وبالمناور السقفية ( قلاس بلوكس ) اللي بتدخل لنا نور طبيعي من ارتفاع عالي

ملاحظة غرفة الملابس ممكن نقسمها بسقف حديد وخشب ونسويها دورين لو حبينا

هذا سكشن بالطول في البيت .. اللي عنده خبرة في الرسم المعماري بيكتشف فيه عدم تطابق بين المخطط الارضي وذيه .. تذكرون سوينا الدرج معكوس الصعود من جهة اليمين حتى اللي راكب يدخل مواجه الجالسين في صالات الأول والبنتهاوس وهنا السكشن مقطوع في المخزن تحت الدرج المفروض هذا الجزء الصاعد يكون جهة القطع ( شيبنا واستوينا ما نركز سامحوني ) .. بس يمشي للتوضيح وما يكتشفها الا اللي يكون دقيق وايد ولا لها تأثير في البنيان لأن الشغل يكون في البداية على المخطط الأرضي هو الماستر

حتى الكراسي المفروض تكون جهة الرؤية وهنا اوضح التلفزيون والبانتري

https://i.imgur.com/XeD3pQV.png

هنا توضيح للمنور اللي للدور الأول صغرت الصالة شوي اللي فوق حتى اسوي هذي الفتحة الجانبية .. غرفة التانكي بتكون ارضيتها مرتفعة حول 15 سم نسيت اوضحها بس المهندس الإنشائي لازم بيوضحها

https://i.imgur.com/OMBhhcU.png

[معماري قطري]

كنت متمني اسوي السقف منحدر أكثر حتى يبين القرميد ومنظره بس صعبة

[معماري قطري]

القطاع الطولي في البيت كان فيه سوء تقدير في الرسم ولا يتناسب مع المخطط الارضي للبيت وعدلت عليه .. أول ما يدخل الواحد ويلتفت لليسار بيشوف الجلسة المثمنة وفيه فتحة تطل عليها وضحتها اللي جدامها نباتات ظل .. هذي ممكن تكون حوافها فريم خشب ونحط في وسطها حديد مشغول وممكن نخليها مفتوحة بدون شيء وممكن مشربية خشب أو جبس وممكن زجاج معشق من جهتين ووسطه اضاءة مخفية .. هذا الممر وسط المدخل بين البابين الزجاج والخشبي .. يمين بيكون باب المجلس وضحته في رسم ثاني

بعدين نشوف الكرسي شلون طالع مرتفع مع أرضية البيت جزء منه وجزء في الارضية النازلة حق الجلسة المثمنة .. كسرة الحايط اللي ورا الكرسي تكمل بقية الحايط للشكل المثمن وتفصل جزئياً الجلسة الجانبية المفتوحة للطعام للعائلة .. هذي مب شرط تكون للطعام بس ممكن للدراسة وحتى لوضع الأغراض عليها بعد الرجوع من الخارج .. الجلسة المثمنة وجلسة الطعام درايشهم ممكن تكون بستارة خشبية سهلة الفتح وتغلق بس في الليل بتعطي انارة طبيعية واطلالة حلوة على الحديقة وحوض السباحة في المقدمة مع الشلال ماله

https://i.imgur.com/IxEXHjZ.png

هذي صورة مقربة للشرح السابق .. عندنا بداية المدخل وبعدين المدخل وبعدين ندخل على مساحة أوسع وأعمدة مفتوح ما بينها بس جسر رئيسي فوقها .. النافورة ممكن نلغيها أو نخليها جانبية لو حبينا أو وسطية مثل ما هي ما تضر بالعكس تسوي جو

https://i.imgur.com/41lcOZu.png

الدرج المفروض يبتدي مع خط المصعد وصافي الارتفاع تحته عالي بس هذي الجهة بدايته لازم بيكون نازل وممكن نستخدمه للتخزين المفتوح .. عندنا من جهة اليسار كاتب ستور + غسيل يد + تواليت المغسلة فتحتها مطلة على طاولة الطعام العائلية والحمام صاد صوبها والباب هذا للستور الاضافي

https://i.imgur.com/NtIK2Yr.png

الباب الثاني مدخل الغرفة السفلية وملحقاتها

صورة مقربة لبيت الدرج واللفت وممكن نعمل فجوات جدارية في اللفت حق نباتات ظل متسلقة أو صور أو كريستالات ومقبض الدرابزين يتثبت عليه ممكن باضاءة أو حتى محفور داخل بيت اللفت

https://i.imgur.com/SmVqTWd.png

ما وضحت درايش الدرج وهي موضحة على الفلور بلان والمفروض توضح هنا شيء بسيط نتركه للاستشاري

الصالة فوق جهة البانتري ومعاه التلفزيون .. بيكون مكان التلفزيون مفصول بقواطع خشبية .. وكبتات البانتري المفروض تكون أكبر من هشكل انا نقلتها من مخطط ثاني وكل باب عرضه 25 سم والمفروض 35 وحتى أكثر 40 يمشي .. يعني التفاصيل لازم تتم عن طريق المورد .. ممكن نركب باب يعزل البانتري بس انا مسويه مفتوح على الصالة ولا فيه أي شيء مزعج بالعكس مسوي جو والكل يتجه له في اليوم عدة مرات

https://i.imgur.com/LcvTp7i.png

مستغرب الاستشاري تكلم عن إن البيت مرتفع وايد ويمكن سور سقف البنتهاوس يكون نازل ما يغطي المكيفات .. إخوي توه مخلص تصميمه عطوه 14 ونص ارتفاع وارتفاع وحدات التكييف ما تزيد عن 80 سم وهذا ارتفاع سور السقف 95 سم .. بعدين ضروري نخلي التكييف فوق السقف الاول وشيء فوق البنتهاوس ولو قدرنا بعد في الحديقة للدور الأرضي أفضل

[معماري قطري]

القطاع الثاني نشوف بعد ما ندخل يمين ونبدأ بباب المجلس في المدخل اللي محصور بباب قزاز جهة الخارج وبعدين باب خشبي وبعدين يجينا باب يدخلنا على المغاسل للضيوف ومنها على غرفة الطعام .. الباب الأخير قرب الدرج بيكون للمطبخ الداخلي وممكن نلغيه ونخليه قوس باقي التفاصيل اعتقد واضحة

شيء مهم هو عرض الصالة 5.5 متر وعرض المنور فوقها 3 متر مع الباب وكتفه اللي يودي للسطح .. يعني المنور بيجي من الجلسة الموضحة لقبل منطقة البانتري بينقطع

https://i.imgur.com/TfbKLjY.png

[معماري قطري]

بالنسبة لتكييف غرفة النوم الرئيسية ممكن بسهولة نخليه مركزي ولو نخليه VrV أفضل بتحكم لكل حيز عندنا الغرفة والمكتب والحمام والتسريحة وغرفة الملابس وهذا بيكون موقعه

https://i.imgur.com/zOlU7bm.png

وفي السكشن بيبين هشكل

https://i.imgur.com/F4H3Mqe.png

المكيف وحدته موضحها بمقاس 2 متر ارتفاع ومغطيها السقف المايل و 1.4 عرض وهذا لو بغينا يكفي البيت كامل أكيد بنحتاج أصغر بوايد والدكت فوق السقف يمكن سنتيمترات بعدين تدخل في جزء السقف المرتفع وتتوزيع تحت يمين ويسار .. التكييف الباقي في يدنا نسويه دكت سبلت لو نحب أو سبلت ولازم جزء التكييف للمجلس والصالة المثمنة يكون هنا ومكان قواعد التكييف موجود وكافي والأجزاء الباقية تكون فوق البنتهاوس

بالنسبة للارتفاع لو التخطيط قالوا خله 14 متر مثلاً ننزل 45 سم من دور البنتهاوس بيستوي 3.4 ولو قالوا 13 ونص مثل السابق قبل الوزير الجديد وانا استبعدها بعد فيه مجال ننزل البنتهاوس لحدود 2.9 متر وبيكون ارتفاع مريح محد بيضرب راسه السقف

[معماري قطري]

كنت شغال على تصميم تخيلي من الصفر .. فكرة تصميم لأرض صغيرة 860 متر مربع بس تواصل معاي أحد الإخوان بخصوص تصميم حق أرضه .. هو أرضه 1099 متر مربع وناوي يقسمها لنصين ويبيع نص ويبني نص .. الفكرة جيدة حسب احتياجه

هذي حدود الأرض يمين ويسار جار وفوق كذلك جار ما عنده منفذ الا على شارع واحد وعرض الواجهة عنده 15.37 صافي نشيل منها عرض الطابوق من الجهتين 40 سم .. العمق عندنا 34.54 متر وما كان واضح لي من الصورة يمكن يختلف قليل

هذي الحدود اللي اقدر اشتغل فيها وضحتها بالخطوط الحمراء المتقطعة .. الارتداد جدام خليته 7 متر حتى تصير سعة لدخول السيارة وممكن من فوق اخليه ممتد لحدود الارتداد المطلوب 5 متر .. مقاس 9.77 متر للعرض لازم نخليه مقاس ثابت 9.7 وتبقى لنا 7 سم نضيفها لجهة من الحوش .. نفس الشيء الطول 24.54 نزيده الى 25 وتقل بذلك مسافة ال 7 متر جدام الى 6.54 كافية للمرور حول السيارة وهي واقفة وغسيلها أو تنزيل أغراض منها

https://i.imgur.com/e0yFVfo.png

[معماري قطري]

مثل هذي الحالة بنخلي الارتداد اليمين ناقص 3 سم عن القانوني واتوقع يتسامحون فيه وهذا توضيح لسيارة صالون واقفة وممكن لدرجة لكزس فورويل مثلاً وطولها 5متر وحول ستين سم .. صج شوي ضيق بس تمشي

https://i.imgur.com/3r99mMu.png

[معماري قطري]

مسطح الدور بيكون 245 متر مربع وقبل لأبدا وعارف التصميم بيكون محدود بمجلس في المدخل ومطبخ في الأخير ودرج جانبي وممكن صالة .. قبل لا ابدأ حاب اعرف راي المالك هل يكفيه والا يحتاج ملحق ومجلس خارجي وبيسمنت مثلاً

[معماري قطري]

أما التصميم الجديد التخيلي بغيت احط اللي وصلت له بس ما تشجعت للحين ما وضحت أشياء كثيرة يبغي له شغل

[معماري قطري]

التصميم هذا حق أرض 24 في 36 بواجهة شارع وحدة .. تخيلي اشتغلت عليه لقتل الفراغ ينفع أكثر للأراضي الأكبر ولو قدرنا نسوي ملحق حتى لو لغرفة خدم مع غسيل كفاية لأن هذا البنتهاوس يصلح للعائلة أكثر منه للخدم

مساحة الدور الارضي تقريباً 420 بس الجزء اللي صوب حوض السباحة والباربيكيو الخارجي مغطى بالدور الأول بس مفتوح من الجوانب ما يعتبر مساحة مغطاة فعلية المفروض تنحسب في الدور الأول والارضي لا .. في ذي الحالة تطلع المساحة 339 متر مربع

https://i.imgur.com/8BnWeUI.png

ما كملت تفاصيل كثيرة بس المبدأ منتهي منه .. الدرج الدائري بيكون مريح كل عتبة ارتفاعها 13 سم وعرضها 120 سم ومن الوسط حول 30 سم والطرف الصغير 20 صوب الدرابزين الجدار حوله بيكون مثل البرميل ممتد للسطح بس البنتهاوس بيكون وراه وله درج ثاني باكمل شغل عليه بكرة ان شاء الله .. بما إن الأرض ما تكفي لملحق سويت المخازن في بداية المطبخ حتى يكون شبه معزول وممكن لو حبينا نحط له باب ثاني يفصل المخازن الاثنين عن المطبخ ويفصلون المطبخ عن بقية البيت .. كل البيت له اطلالة تقريباً على الحديقة الوسطية وحوض السباحة ومنطقة الباربيكيو .. ومبدأ حوض السباحة نفس اللي شرحته قبل حتى الشلال بيكون معلق في أسفل ارضية الدور الأول فوق .. فوق ارتفاع 4 متر وبيعكس منظر يبين من المجلس لو حبينا أو نسكر الدرايش جهة الميلس بشتر خارجي نتحكم به من الخارج

فكرة وبتابع في التفاصيل الباقية للأدوار الباقية ومعروضة لفايدة من يرغب

[معماري قطري]

الدور الأول شبه مكتمل باقي شوية درايش .. بس مبدئياً هذا اللي وصلت له .. مساحته تقترب من ال 420 متر مربع والدرج الدائري يوصل الى الدور الأول ومنه نركب في الدرج البسيط اللي تحت سقفه المرتفع بيكون مكان التلفزيون والبانتري وبقية التفاصيل ما تحتاج شرح

https://i.imgur.com/O7yEaEr.png

سقف الدرج الدائري عندنا عدة خيارات له .. أما نرفعه مع سقف البنتهاوس ويبين يعطي شكل كتلة خارجية بارزة أو نرفعه قليل ونركب درايش علوية جانبية أو نخليه مع سقف الأول ونسوي فوقه قبة .. خياري لعمل درج ثاني لسبب إن بيكون الارتفاع كبير وبيبين مزعج للي فوق وتوجد مساحة لعمل درج بسيط والترتيب ماشي بهالطريقة

[معماري قطري]

دور البنتهاوس فيه ثلاث غرف ومساحته مسجلة .. المساحة الاجمالية وصلت ل 1090 مع غرفة السايق .. لو ما عندنا مساحة وحدود أرضنا نفس ذي ممكن نسوي بيسمنت جزئي لغرفة الخادمة أو نخلي الغرفتين اللي فوق وحدة للخدم اليسرى مثلاً واليمنى للغسيل مع مخزن مع مساحة فوق السطح مفتوحة مكان الحمام اليمين مثلاً لنشر الملابس وسورها عالي ما يبين وراه بس مفتوح من فوق

https://i.imgur.com/bRqdOk7.png

[معماري قطري]

مخطط الأرض الصغيرة بديت اشتغل عليه وهذا الدور الارضي

https://i.imgur.com/n9a5QSU.png

[معماري قطري]

تحت بسطة الدرج نقدر نسوي مخزن صغير وتحت العتبات المرتفعة نقدر نحط نباتات ظل والتصميم بسيط بسبب صغر المساحة .. الغرفة الموجودة بتكون كافية لخادمتين أو 3 كبرت حمامهم شوي حتى يوسع لغسالة للملابس وفيه سعة لكوي الملابس في الغرفة

الدايننغ ممكن استخدامها للعائلة والضيوف وبنشوف فوق شلون التوزيع

[معماري قطري]

الدور الأول يكفي لثلاث غرف وصالة ولو حبينا نكنسل الصالة نسوي مكانها غرفة بدورة مياه ممكن

https://i.imgur.com/ATVM3kX.png

ممكن نكسب متر أو متر ونص لمقدمة البيت بتحريكه لفوق أو للخلف بس ممنوع نفتح درايش ذيك الجهة ونقدر نفتحها للغرف على جنب وباوضح كيف إن شاء الله

وهذا البنتهاوس بيكون شقة متكاملة من غرفتين وصالة وبانتري بمساحة 166 متر مربع والدورين كل دور 245 متر مربع وبإجمالي مساحة 656 + مساحة غرفة السايق حول 20 - 25 متر مربع

https://i.imgur.com/2h1MMcM.png

[معماري قطري]

هذا توزيع الحوش والدور الارضي لو حركنا البيت جهة الخلف وتركنا ارتداد بس متر ونص وبدون درايش وأشوفه أفضل لهذي الارض

https://i.imgur.com/y3xcvHu.png

وهذا الدور الأول .. الدرايش على جنب السرير في الغرفتين نقدر نسويهم بكامل الارتفاع تعطي منظر أحلى ولا فيه شيء يعيقهم

https://i.imgur.com/ZmlhI2b.png

[معماري قطري]

حبيت اركز على منطقة الدرج .. هي باجمالي عرض صافي 2.2 متر متر لكل عرض عتبة و20 سم للحايط الفاصل الوسطي .. لو حبينا نسوي الحايط الفاصل الوسطي خرسانة 10 سم ممكن بنوفر 5 سم لكل اتجاه ومثل ما قلت هذا بيكون حائط حماية يغنينا عن الدرابزين ولازم تكون فيه فتحات ديكورية وممكن حتى باضاءة مخفية

تحت بتكون أما ارضية مرتفعة عليها نباتات ظل في اصيصات أو نسوي عبارة عن حوض كبير بس في هذي الحالة لازم نعزل عدل ونسوي تصريف للماي .. أشوف الاصيصات أفضل

https://i.imgur.com/monpXix.png

[معماري قطري]

الستور عندنا اللي تحت الدرج بيكون 1.6 في 2.2 مساحة داخلية صافية والدريشة هذي الجانبية قبل الدرج ممكن نسويها بارتفاع كامل .. ولو تلاحظون ما وضحت أي دريشة للدرج وأتوقع بهذي الطريقة أفضل النور يجي من فوق ونسوي سقفه زجاجي لو حبينا .. ويكون مايل يبين من برا يعكس منظر كتلي معماري متغير للبيت

[معماري قطري]

هذي صورة مكبرة للمدخل بالمقاسات مع الميلس .. الأبواب للمداخل 1.8 متر والدريشة المقابلة باب الميلس بتكون نازلة للأرضية والمفروض هي والباب الزجاج يكونون بدون عاكس حتى يدخلون أكبر كمية ضوء ويبين الخارج منهم .. الباب الداخلي لو حبينا نسويه حديد ممكن للأمان

https://i.imgur.com/kKxIJYx.png

[معماري قطري]

أكيد بسبب المساحة المتوفرة مضطرين نخلي الحمام وغرفة الطعام والغسيل مشتركة لكن لو حبينا نفتحها على الميلس ممكن بتغيير الترتيب تغيير بسيط .. بتواجهنا مشكلة فوق حمام الغرفة بيكون على الصالة وهذي مب مشكلة كبيرة ممكن عملها بس تتطلب استشاري شاطر في الحسابات الانشائية يسويها بدون عمدان تحت .. أشوف الحمام اللي تابع للصالة يخدم الميلس كذلك وحتى طاولة الطعام ممكن استخدامها للضيوف

[معماري قطري]

شفت إن من الأفضل نفصل مكان المطبخ بقوس ونسوي مساحة في الممر لكبت للثياب المكوية قبل توزيعها أو لأي مواد ثانية وهذي صورة مقربة كذلك

https://i.imgur.com/xKU6fcN.png

[معماري قطري]

الواجهة للبيت بشكل مبسط .. أكيد فريم الدرايش بيختلف حسب تصميم الجزء اللي ينفتح

https://i.imgur.com/mzHsK0X.png

[معماري قطري]

على اليمين فوق فتحة غرفة الخزان هذي بيغطيها سور السقف ولا تبين للقريب لكن تبين من مسافة بعيدة

الخطوط الحمراء المقطعة توضح مستوى الأرضيات بيكون 3.92 لكل الطوابق كارتفاع لو عملنا كل عتبة مريحة 14 سم ولو حبينا نزيد بنزيد في ارتفاع العتبات ل 15 سم بيستوي لنا ارتفاع كل دور 4.14 ولو حابين أعلى ممكن بس نزيد عدد العتبات وفيه مجال

[معماري قطري]

سويت رسم للواجهة الداخلية ( قطاع طولي ) بس ما كملته ركزت على جهة الدرج حتى توضح .. الدرج موضح بخطوط متقطعة خلف الجدار الفاصل وتحت بسطته المرتفعة يجي الستور الصغير جنب بيت المصعد أقصى اليمين .. تحت جزء الدرج المرتفع مكان نباتات الظل موضح .. ومسوي فتحات دائرية ثنتين اللي بيركب يقدر يشوف الصالة ما يحس إنه معزول عنها

https://i.imgur.com/wpyt76L.png

[معماري قطري]

ما ادري يمكن تركيب درابزين بسيط يعطي انفتاح أكبر .. شرايكم؟

[سالم الزهران]

قواك الله يا حبيبنا.. الصج لفت انتباهي هذا التصميم وحسيته من اوضح الأشياء اللي مرت علي.. حتى التعديل عليه سهل و واضح.. لكن حيرتني بالدرج الطالع نازل المفصول؟ هذا نمبر ون؟

نمبر تو يالحبيب الغرفة اللي حذا المطبخ مدري شممكن تكون.. ما اظنها تنفع غرفة نوم حتى للخدم.. ولا في بالي شيء.

لكن عموماََ التصميم عجبني واعتبره مبيوق و الله يجزاك خير ويثيبك على مشاركتك الطيبة.

[معماري قطري]

قواك الله يا حبيبنا.. الصج لفت انتباهي هذا التصميم وحسيته من اوضح الأشياء اللي مرت علي.. حتى التعديل عليه سهل و واضح.. لكن حيرتني بالدرج الطالع نازل المفصول؟ هذا نمبر ون؟

نمبر تو يالحبيب الغرفة اللي حذا المطبخ مدري شممكن تكون.. ما اظنها تنفع غرفة نوم حتى للخدم.. ولا في بالي شيء.

لكن عموماََ التصميم عجبني واعتبره مبيوق و الله يجزاك خير ويثيبك على مشاركتك الطيبة.

الله يجزيك بما دعيت با بو زيد يبي لك شرح مطول على الوتس أب

[معماري قطري]

هذا القطاع الطولي تقريباً بهذا الشكل لكل البيت .. البيبان اللي بلون زهري واجهة الباب وهو مغلق الثانيين مفتوحين حسب اتجاههم

https://i.imgur.com/UY0OEuk.png

[معماري قطري]

الدرج بيكون مختفي خلف الحائط .. لكن بسوي مقترح ثاني بدرابزين غير أو بقزاز لو حب المالك يكون الدرج شبه مفتوح على الصالات

[معماري قطري]

هذا مقترح بدرج عادي بدرابزين بيكون بطول يقارب ال 25 متر قسته .. يعني تكلفته بين 50000 و 75000 .. ممكن نسوي منور سقفي فوق الدرج يبين من الخارج ويكون مايل على جهة وحدة .. تكون معمولة له كسرة في الجنب على داخل .. بيبين عصري وحلو وبعد يعتمد على اتجاهات الأرض

https://i.imgur.com/QoWPdwl.png

[سالم الزهران]

توني افهم سالفة الدرج الحين يوم رجعت للرسومات.. الله يثيبك يبو عبدالله

[معماري قطري]

وإياك اخوي بو زيد

هذي غالبها سكتشات سريعة توضح فكرة معمارية أساسية تحتاج تفاصيل أكثر لكن جاهزة للدراسات الانشائية ولباقي التخصصات كهرباء وميكانيك

عندي بيت الوالد الله يرحمه باحطه بعد وهو من دور ونص دور أرضي 5 غرف وفوق غرفتين وصالة الغرفتين للحين محد ساكنهم

[معماري قطري]

من كم يوم وصلني تعديل المهندس للبيت اللي راجعته من أيام .. ما ادري الخطأ من نقل الفايل من بي دي اف للاوتوكاد والا من اللي رسم واشتغل على المخططات لأن المقاسات كلها يبغي لها تعديل وفيها خربطة في الغرافيكس .. انا صراحة ركزت على الأساس وهو الملاحظات المعمارية وصاحب البيت يتصرف مع الاستشاري اللي المفروض يسوي له شغل فيه فكر معماري وهندسي

هذا الرسم المعدل كما وصلني من المالك اللي انتظر فترة حتى يخلصه من الاستشاري

https://i.imgur.com/mRroAng.png

وهذا الأول

https://i.imgur.com/DQZlJXg.png

وأخيراً البنتهاوس

https://i.imgur.com/LIRD9Gq.png

مكتفي بغرفة وصالة وشغال بوضوح حسب قوانين التخطيط القديمة

[معماري قطري]

أهم شيء في توزيع الحوش تحديد مكان المباني وهو محدد لكن بيت بهالحجم نحط له موقف سيارة واحد جنب الباب مثل البيوت الصغيرة ما يسوى .. لازم نوضح مكان وقوف السيارات والطبيلات للتخطيط لأنها جزء من المساحة المغطاة وأحسن نخلصها من التخطيط

تانكي المياه صعب يكون له مكان غير على يسار الباب قرب غرفة السايق ونمدد له بيب بغطاء صوب السور

عدلت شوي في توزيع الغرف ورتبت توزيع قطع الحمامات

سويت اللفل للارضية للبيت مع لفل الملحق واحد

https://i.imgur.com/B4srl1a.png

[معماري قطري]

الدور الأول مع أبرز التعديلات .. عندنا سقف المجلس تحت الممتد ممكن نخليه بلكونة مزروعة تابعة لغرفة النوم ونقدر نرفع جدرانها بمشربيات جي ار سي أو طابوق اللي يجي فيه فتحات وينزل منها الشجر المتسلق على واجهة البيت

https://i.imgur.com/1iOuugY.png

[معماري قطري]

استكمال للتصميم السابق هذا البنتهاوس أو التعديل عليه .. التوزيع الحين أحسن والمساحة زادت بس 56 متر مربع عن قبل

https://i.imgur.com/Li51Pbc.png

واستوت الصالة جانبية تطل على مدخل البيت وعلى الحوش وهذا ممكن حسب القوانين الجديدة للتخطيط .. كذلك قدرنا نسوي قبة تدخل النور من فوق للفتحة في الدائرية في صالة الدور الأول للدور الأرضي

[معماري قطري]

ممكن نشيل مترين من مساحة البناء بتفريغ السقف فوق البلكونة اللي هي تحصيل حاصل امتداد المجلس تحت ومكانها جنب الغرفة الرئيسية .. هذي ممكن نخليها للزراعة نباتات متسلقة في اصيصات ونعمل حساب تمديد للري بالتنقيط لها .. كذلك ممكن نرفع جدرانها مع عمل فتحات صغيرة للشجر ينتشر منها على الجنب وصوب دريشة المجلس .. ونبقي مكان للتشمس لو نبغي نسوي حمام شمسي .. فوق بس امتداد جسر مع حافة السقف يعطي تشكيل معماري كتلي بارز .. ويكون مثل ما هو موضح فيه عمدان في الزوايا ديكورية تتصل بزوايا هذي الجسور العلوية

https://i.imgur.com/GWkJsLq.png

حطيت الرسمتين جنب بعض حتى توضح الصورة

وأظن صورة القبة بثمان درايش فوق واضحة فوق الفتحة الدائرية والفتحة الدائرية تنفتح على نافورة في الدور الأرضي

[معماري قطري]

نصحت المالك بإزالة البروزات حول الدرايش ومحاولة عزل الجدران الخارجية أما بعازل وطابوق خارجي اضافي أو بفوم وحجر أو بفوم وبلاستر .. أو بالطرق اللي غطيتها في موضوع العزل الحراري

[معماري قطري]

القبة الصغيرة كانت حول 3 أمتار لمساحة صغيرة وكانت تابعة للغرفة الجانبية حولت المساحة لصالة تلفزيون وصغرت القبة للنص .. حتى ممكن ازالتها لو كبرنا درايش الصالة وزدناها بتكون لنا اطلالة شاملة على الحوش ونور طبيعي كفاية متى ما حبينا ونقدر نكتفي بالقبة الكبيرة ونرفعها شوي بحيث تبين من مسافة بعيدة

[معماري قطري]

ألحين مع وجود عوازل قوية ودرايش وأبواب ما تخلي الهواء والغبار يدخل تستوي أوقات ضغوط قوية على مراوح الشفط .. لازم ينسحب هواء يحل مكانه هواء خارجي .. ومهم لتهوئة البيت نسوي فتحات لدخول الهواء الخارجي بنسب بسيطة .. بعض التكييف المتطور فيه خاصية الهواء المتجدد ولو ركبنا هالنوع تنحل المشكلة .. يبقى لو باب غرفة مغلق ومحكم ما يسرب هواء ودورة المياه داخل بعد نواجه شفط ضعيف

انا شرحت الحل حق بيتي الجديد وكان الحديقة الوسطية المغلقة والمغطاة منها يدخل هواء خارجي اليها مفلتر عن الغبار بس وفيها يتشبع بالاوكسجين بسبب الزراعة وثم يدخل البيت وكل غرفة بيتم تمديد بيب لها فوق الجبس ويطلع في أرضية الغرفة تحت السرير مثلاً أو جنبه أو في زاوية عليها قطعة أثاث تخفيه ويكون قابل للتسكير لو ما نفعت السالفة

بيوت الأمريكان فيها هذا النظام حتى للفراغ في الجدار الخارجي وفي السقف اللي يجي من طبقتين وغالب بيوت الدول المتطورة في مجال البنيان .. في رأيي أي واحد بيبني لازم يحسب حساب قليل من الهواء المتجدد لكل غرفة حتى لو عن طريق بايب يدخل من الخارج وعليه فلتر معين عن الغبار وأتوقع هذي الفلاتر موجودة

[معماري قطري]

منطقة الدرج والمصعد تختلف مع كل دور .. في الأرضي مستغلين تحت الدرج كمخزن ومسوين له سقف .. السقف بيكون متدرج حسب تدرج الدرج بس القطعة في الوسط بتكون سقف سيدة

https://i.imgur.com/iFajjkf.png

الأرضي انا خليته مثل ما سواه الاستشاري والأول ضفت عليه عتبات زيادة وصلوا لعدد 34 عتبة وهذي مهمة لتحديد الارتفاع .. لو بنمشي مع ارتفاع 13 سم للعتبة بنوصل لإرتفاع 4.42 متر من أرضية الدور الأرضي لين أرضية الأول ولو بنزيدها لين 14 سم بنوصل لإرتفاع 4.76 .. والارتفاعين مريحين لركوب الدرج أكيد 13 أسهل

يعني توزيع الارتفاعات ممكن يكون 30 سم للحوش مع سلوب من الشارع اللي هو 0 + 30 للأرضي أو 45 سم مثل ما نحب + 4.76 + 4.76 بنكون استهلكنا 10.12 من المسموح 14.5 أو حسب قرار التخطيط للمنطقة .. الباقي 4.38 للبنتهاوس .. بنشيل سمك السقف يمكن 30 سم وبنشيل سور السقف ممكن 80 سم بتبقى لنا 3.28 ارتفاع صافي اشوفه مريح جداً ولو التخطيط عطونا ارتفاع عام 13.5 متر ممكن نقلل من ارتفاع الأدوار على حسب شكثر يبقى لنا .. بالنسبة لإرتفاع الدور الأخير بعض شركات المصاعد تطلب صافي 4 متر لبيت المصعد وهذي حلها سهل .. نسوي سقف بيت المصعد صافي 4 متر وننزل باقي صبية سقف البنتهاوس حتى يكون عندنا مجال نسوي سور سقف يغطي التكييف

خلونا في المهم .. الأرضية الوسطية بتكون بارتفاع شوي أرفع من عتبات الدرج اليمنى ويمكن توصل وسط أو أعلى اللي فوق بين الدريشتين حتى تعطينا ارتفاع مناسب للستور يوصل لحدود مترين صافي .. فوقها بتكون قاعدة لنباتات ظل متسلقة تطلع على الدرابزين الجزئي مثل ما هو موضح هنا

https://i.imgur.com/0OxWvAY.png

الدور الأخير بيستوي عندنا فراغ خلف الدرج معكوس عن مكان المخزن نقدر نستغله لمطبخ صغير للشقة العلوية .. والتمديد من الحمام القريب .. يعني الدرج بيكون عندنا متغير ندخل في فراغ ضيق ويتسع وبعدين في الأخير يضيق بس كله مع وجود دريشة مقابلة ونور طبيعي

https://i.imgur.com/VUb4foh.png

[معماري قطري]

يمكن بنظطر نرفع ارضية المطبخ عتبتين حتى نحصل ارتفاع صافي تحت الدرج للمرور = 2متر تقريباً .. نفس وضع سقف المخزن تحت وهذي نقطة مهمة لهذا النوع من التفصيل

مثل هذا الوضع .. كذلك ممكن نسوي عتبات للمخزن لتوسيع الفراغ تحت

هنا أضفت 4 عتبات يعني لو كان ارتفاع كل عتبة 13 بنحصل ارتفاع لا يقل عن 180 سم تحت للمرور تحت المطبخ من الدرج وهو كافي ولو سوينا كل عتبة 14 سم بنحصل مترين

https://i.imgur.com/sA4iAag.png

وهذا الدور الأرضي والتعديل فقط اضافة عتبات نازلة لتحت للمدخل وهنا حتى ممكن نستغني عنها بس لو اضفناها بتعطينا ارتفاع فوق 2.5 متر صافي تحت سقف الستور

https://i.imgur.com/CGjV9oR.png

[معماري قطري]

تساؤل .. كثيرين يفكرون في الشكل ويعززونه على حساب الفاعلية والعملياتية للمبنى أو لجزء من المبنى .. من ضمنهم حتى مسؤولي التخطيط

مثال نسوي دكتات حتى نخفي البايبات وكأن البايبات شيء قبيح وسيء مع إن أغلب الدول يسوونها خارجية اللي للمطر واللي للصرف بعضها تجي داخلية وتطلع من تحت البيت .. اللي لإمداد المياه تجي داخل تجويف الحائط أو من تحت البيت في قنوات خاصة بها واظن الهدف حمايتها من عوامل الجو من برد قوي أو ثلج في بعض الأحيان يسد البايبات

الحلول .. اللي بيسوي عزل خارجي يقدر يمدد كل تمديداته مخفية في الغلاف الخارجي وكيفه يبي يركب غطاء قابل للفك أو بلاستر سهل تكسيره بعد وفتحه لو احتاج للصيانة

اللي ما يبي يسوي عزل خارجي يتورط في اختيار دكت ويسكرها بجي ار سي .. وشفت واحد مسكر ببورسلان والصورة مقتبسة من حساب شركة الحجر هوم ستون .. ما تعاونت معاهم بس لي صديق مركب حجر عندهم يمدح في شغلهم وتعاملهم ويمكن من 10 هو الوحيد اللي اقابله يمدح في شركة حجر

https://i.imgur.com/qzDFij3.jpg

من الصورة واضح لي إنه لو تم رفع ميلان القرميد فوق كان بيبين أحلى للقريب من البيت .. التقسيمه لبانلات طلعت ديكورية خارجية موفقة ومدمجة معاها بعض الدكتات المغطاة بالبورسلان .. واللي ناقل التصميم ناقله حسب شرح فني الشركة .. الخوف من التمدد وقت الحرارة وسقوط وانكسار البورسلان وأظن لو مركب بحوف معدنية U- channels وهذي معباة سيليكون أو أي مادة مرنة تسمح بالتمدد أفضل .. بنفس الوقت تركب ببراغي ممكن فتحها .. صراحة ما ادري بالتفاصيل

المهم لو حبينا نسوي شيء رخيص وبدون ما نسوي عزل خارجي أما مستخسرينه أو بنسوي عازل مباشرة بدون حائط مزدوج وبفراغ وبيدون سمك الحائط الخارجي حول 27 سم مع البلاستر .. نقدر نسوي أماكن الحمامات بس حائط داخلي فيه تجويفات الدكت اللي نبغيها وبنفس الوقت نقدر نسوي تجويفات اضافية للتخزين أو للزينة .. الحائط مب شرط يكون طابوق ممكن يكون مارين بلايوود مركب على خشب .. أو سمنت بورد أو حتى طابوق اضافي لو نحب بس افضل المارين بلايوود أو الجبس المقاوم للرطوبة

مثل هذا التفصيل تقريباً .. وهذا لحمام من حمامات البيت السابق الغرفة اليمنى وهي متكررة من الأرضي لين البنتهاوس .. بايبات التغذية يسار تكون ممدة مباشرة على الطابوق وتنزل من السطح .. هذي ممكن نسوي لها جزء بسيط ينفتح أو يزال مثبت ببراغي وشوية سيليكون .. حتى أي تجويف للصابون والشامبو ما يوصل للطابوق وقصدي ما نحفر فيه .. للتسليك نقدر نكسر شوي ونمدد البايب للخارج .. حتى مقاول الصرف بيشتغل براحته والبايبات اللي بتكون داخلية بتكون باردة ما توصلها الحرارة القوية في الصيف ولا البرودة في الشتاء .. والشكل عندنا من الخارج ما فيه جسم غريب ونظيف ومرتب

أي بايب تصريف مطر ممكن نمدده بنفس الطريقة ومن خلال الحمامات

https://i.imgur.com/magh5mE.png

[معماري قطري]

شفتوا الفتحة فوق للتهوئة للحمام في الصورة .. نفسها بيكون بروز بايب فتحة التسليك اللي بتكون مغطاة باحكام ويمكن ما تنفتح طول العمر

[معماري قطري]

هذا توضيح للبوكس اللي ورا مراية المغسلة وامتداد بابه لتحت شوي يغطي انارة مخفية موضحها شكل خط عريض متقطع .. هذي الإنارة يجي مكانها داخل من فوق في التجويفات الثانية .. أكيد بنحتاج انارة ال اي دي مقصوص لها في المراية من الجنبين تكون مركزة على الوجه ونحتاج نقطة كهرباء داخل البوكس

https://i.imgur.com/TVdHAMG.png

شيصير لو حبينا نركب خزان طرد مخفي للكرسي؟

الكرسي بيكون نفسه مكان الخزان الحالي بنركب الحديد الخاص بخزان الطرد ويفترض تثبيته في الارضية ببراغي وفي الحائط الطابوقي ويجي الحائط المستعار حوله وتمديد الماي واصل له من خلاله .. بس التجويف أما بنسويه فوقه أو بنلغيه .. تغطيته المفروض ما تكون بخرسانة واسمنت كثيرين يغلطون هذا الغلط .. جبس أو بلايوود مغطى ببلاط

https://i.imgur.com/TVdHAMG.png

[معماري قطري]

إستمرار للنقاش في التفاصيل والخيارات المتاحة لنفترض إحنا نبغي نوفر ونركب عازل فوم وفوقه بلاستر .. العملية سهلة وتتم من زمان في عدة دول وألحين انتقلت لنا مع فوم ديكوري وتشكيلات حجر وغيره .. هذي مكلفة وشركات قليلة مختصة بها .. مقاول حالياً داخل في الشغلة جديد ومسويها حق واحد ومركب فوم ما يحترق حسب كلام المالك حاول يحرقه ولا مسكت فيه النار

هذي النوعية ممكن تركبها بدون ديكورات والغرض منها العزل الحراري فقط وممكن تركب 7 سم أو 10 سم حتى تحصل أقصى عزل ممكن والطبقة الخارجية بلاستر على شبك يثبت بنفس البراغي اللي تثبت ألواح العازل .. الشبك ممكن حديدي وممكن بلاستيك وفيه أنواع كثيرة متوفرة في السوق ولو فيه نية لتركيب كورنيش من الفوم فوق هذا ممكن وكذلك ممكن عمل تجويفات بإنارة أو غير انارة وبلون مختلف لو نحب نسوي كتل تجميلية

[معماري قطري]

حل ثاني قابل للتطبيق للعزل بالفوم اننا ما نخط عليه بلاستر فقط شبك بلاستيكي ونرشه بطبقة حماية مثل صبغ جوتاشيلد بس نزيد سمك طبقة الرش شوي .. هذي الحلول تحتاج تجريب على مساحات صغيرة نشوف شلون تماسكها

[معماري قطري]

هذي تفاصيل مبسطة حق التمديدات للحمام الرئيسي .. مهم يكون فيه عندنا ردادات مناسبة للبايبات عن الروائح ونظام اغلاق كذلك للصفاية مثل ما شفنا نوعيات في موضوع يوتيوبيات البناء .. والصرف مال البانتري خط واحد سهل نخفيه تحت السطح مال الكاونتر وخلال الحائط وبعدين في ارضية الحمام والمياه توصل بنفس الطريق .. عندنا البايبات الكبار اثنين للصرف الصحي وواحد للمطر

الخط الأخضر العريض هو خط البارتشن ووراه فراغ جهة الدريشة 13 سم صافي وجهة الجنب 3 سم كافي لتمديد البايبات

الزاوية اللي فيها البايبات ضروري نخلي جزء بسيط منها قابل للفتح ونخفي فيها محابس الماي

وبالنسبة لبايبات الصرف الصحي فتحة التسليك تكون من الخارج ولي نية اسوي هذا النظام لبيت ولدي مع العزل الخارجي

https://i.imgur.com/vxKT0lZ.png

[معماري قطري]

مثال لتكييف الغرفة الرئيسية دكت سبلت .. مرة سئلت مهندس تكييف ليش ما تركبون المكيف الواقف واللي تتفرع منه دكتات قال محد يطلبه .. هذا أسهل للتركيب والصيانة وما يخرب السقف .. حق هذي الحجرة خذنا شوي من الكبت وعملنا حائط فاصل عن الغرفة وممكن نركب باب ألمنيوم للكبت مال وحدة التكييف .. هذي تحتها تجي مثل الصينية فيها فتحة للتصريف اي ماي ينزل يتوجه للحمام

الدكتات موضحة هنا بالأزرق العريض شيء منها رايح وشيء راجع

https://i.imgur.com/3rc44CJ.png

[معماري قطري]

للحمام نركب فتحة عليها شفاط ونقدر نركب البيب فوق الجبس .. بيب يدخل الهواء من فوق من غرفة الملابس للحمام وبيب يشفط الهواء للخارج .. اللي يشفط ممكن نخلي بدايته فوق الشور أو البانيو لو ما نحتاج نسوي بارتشن قزاز بكامل الارتفاع ونسويه حمام بخار كذلك حتى ما يطلع البخار والمروحة شغالة الا لو فتحنا الباب القزاز ..يعني يكون الشفط من حيز المغسلة ودخول الهواء فوق الكرسي .. لكن لو كنا نبغي الحمام بدون بخار ممكن نخلي فتحة دخول الهواء مخفية في الجبس وخطية فوق الكرسي والشور وممكن حتى البانيو .. بهالطريقة بنكون ضمنا تكييف لكل مكان وتهوئة فعالة

[ALJokar]

103250


تم فك الخشب وحصلنا تسوس في الاعمدة تقريبا اكثر من 4 اعمدة نفس الشكل
وقال لهم الاستشاري ان الاعمدة لزوم تتكسر.
ما ادري هالموضوع هذا عادي او وارد يحصل في المقاولات او لا؟

لان حاليا خايف احصل بعد نفس الغلط هذا يتكرر
وطلع بعد في مشروع اخر تعشيش وقالهم الاستشاري يسون نفس المادة والكميكل على الاعمدة بعد.
ياليت تفيدوني

[ALJokar]

103251

[ALJokar]

103252

[معماري قطري]

الصورة الأُولى التعشيش قوي ويخوف وكان المفروض يسيطر عليه من البداية بطريقة الصب وبهزاز طويل يوصل للداخل .. ولازم الاستشاري كان يتابع الصب

ألحين فيه طريقتين يا التكسير واعادة الصب أو تكسير صوب التعشيش وملاحظة لين وين واصل لو كان بحدود 20% وأكثر معناها خطير وصعب ولازم ينهدم ويعاد بناؤه ولو كان قليل يعمل كور تست لعينات متماسكة حتى تنفحص قوة الخرسانة بعد اسبوع من الصب ولو وصلت 80% أو ما يحضرني الرقم يمكن 60% من القوة التصميمية معناها الخرسانة جيدة وممكن معالجة التعشيش بمواد خاصة قوية تعطي قوة أكبر للجزء المعالج .. ولو فشلت هذي الشروط ما لك الا الطريقة الأُولى اللي هي التكسير وإعادة البناء بطريقة صحيحة واجراءات صحيحة

الله يوفقك ويعينك ومواصلين معاك علمنا شيصير

[معماري قطري]

103250


تم فك الخشب وحصلنا تسوس في الاعمدة تقريبا اكثر من 4 اعمدة نفس الشكل
وقال لهم الاستشاري ان الاعمدة لزوم تتكسر.
ما ادري هالموضوع هذا عادي او وارد يحصل في المقاولات او لا؟

لان حاليا خايف احصل بعد نفس الغلط هذا يتكرر
وطلع بعد في مشروع اخر تعشيش وقالهم الاستشاري يسون نفس المادة والكميكل على الاعمدة بعد.
ياليت تفيدوني

الإستشاري محق دام إنهم 4 أعمدة صج بيسوون شغلة للمقاول لكن بيتأدب .. توني انتبه للعدد .. أيد الاستشاري وخل المقاول يصلح شغله

[ALJokar]

كلامك صحيح وهذا الي انا قلت له للاستشاري
وفي نفس الوقت طريقة الهزاز مايوصل للاعمدة لاخر شي لان حصلت في بعض الاعمدة من نفس الصب كانت اوكي ولافيها شي وبعضها لا.
فقرر الاستشاري انها تنشال الاعمدة الي فيها مشكلة تقريبا 4 اعمدة

[ALJokar]

103253

هنا يبين انه انشالت الاعمدة تكسرت

لكن السؤال هل الامر هذا وارد حدوثه في المقاولات انه يحصل وطبيعي او نادر جدا

[معماري قطري]

الهزاز لازم اللي ينزله يوصل الأرض ويرجع يرفعه سرعة ما يبقى فوق 5 ثواني حتى ما يفصل الماي عن خلطة الخرسانة Segregation ما ادري اتذكرها صح والا غلط .. فصل الماي عن الخرسانة عامل رئيسي في التعشيش وكذلك عدم انتشار الخرسانة حول كل الحديد عامل آخر لذلك نستعمل الهزاز .. يعني الهزاز سلاح ذو حدين واستعماله يتطلب خبره ونوعه للعمدان يختلف بحيث يكون طويل زيادة

المشاكل الثانية اللي تسبب تعشيش تكون تصميمية أما من تصميم العمود وكثافة الحديد فيه أوقات ما تدخل الخرسانة بين الحديد أو من تصميم الخلطة الخرسانية لو كانت كثيرة الكنكري تصير صعب دخولها بين الحديد ولو كانت كثيرة المياه تصير سائلة وسهلة الدخول لكن ضعيفة وممكن ما تطابق المواصفات التصميمية من حيث القوة وعينة الفحص ضرورية وضروري نفحصها قبل ما نكمل صوب السقف .. يعني نصب الأساسات وناخذ عينات نفحصها بعد 14 يوم .. نبقى 14 يوم ما نسوي الا يمكن بنيان الطابوق والتجهيز للجسور الأرضية تكون النتيجة وصلت ونقدر نكمل ونصب في حال نجاحها .. يعني نكمل للجسور الارضية .. وممكن الأعمدة معاها العنصرين يصبون في نفس الوقت وتؤخذ عينة كذلك تفحص يستحسن بعد 21 يوم لكن في 14 يوم لو وصلت 80% أو 60% من القوة المطلوبة معناها خلال 28 يوم بتوصل 100% للقوة المطلوبة فنقدر نكمل للعنصر الانشائي الثاني المعتمد على الأول .. العملية سهلة وفيها تستلسل منطقي

[معماري قطري]

103253

هنا يبين انه انشالت الاعمدة تكسرت

لكن السؤال هل الامر هذا وارد حدوثه في المقاولات انه يحصل وطبيعي او نادر جدا

يصير كثير وأوقات الاستشاري يغض النظر ويتم ترقيع التعشيش ببلاستر وهذا غش ويضعف البنيان وسبب رئيسي لنشوء شلخ في العمود .. تحصل الشلخ على شكل انفصال شبه دائري في البلاستر بعد ما تخلص واحتمال تسكن .. يكون مزعج ويمكن يسبب ميلان بسيط للعمود يتسبب في تكسر للجدار

بس شغل الاستشاري والمقاول زين في الإزالة

سؤال شلون كانت الإزالة متعبة والا سهلة وسريعة؟

[ALJokar]

ماكنت متواجد اثناء التكسير بس اتوقع كانت سهلة

[معماري قطري]

ماكنت متواجد اثناء التكسير بس اتوقع كانت سهلة

لو سريعة تمت في يوم معناها كانت الخرسانة ضعيفة وأكيد بتكون ضعيفة لو انهدمت قبل اسبوع والا حتى اسبوعين هي تقوى بالتدريج حسب تفاعل الاسمنت مع الماء .. بس لو شايف أو طالب فيديو لعملية التكسير كنت بتشوف شكثر داخل الأعمدة فاضي .. التعشيش اللي تشوفه على السطح معناه فيه فجوات داخل

[معماري قطري]

أكبر الصورة واركز في الأعمدة وأشوف حجمها صراحة الاستشاري المصمم مجرم ومبالغ وايد .. أذكر العمود هذا في التصميم ليش لاف هشكل .. يمكن 3 أعمدة عن ستة في بيتي لا وفي بيتي بينهم مسافات طويلة

[لطيف الروح]

103253

هنا يبين انه انشالت الاعمدة تكسرت

لكن السؤال هل الامر هذا وارد حدوثه في المقاولات انه يحصل وطبيعي او نادر جدا

كم ارتفاع العمود

[سعود.]

اخوي الجوكر

نقاط اساسية احرص عليها في اي صبية مقبلة .

اطلب من الاستشاري يطلب من المقاول من كل شاحنة خرسانة كرت الصنع .
واطلب اختبار هبوط الخرسانة في الموقع ياخذ اقل من 5 دقايق لكل شاحنة .
اي صبية في الايام هاذي خلها بالليل بعد صلاة العشا بسبب الحرارة .
الهزاز واخر احتياطي .
واحرص على رش الماي لمدة لاتقل عن اسبوعين او 10 ايام اقل شي مرتين باليوم .

[سالم الزهران]

أنا ودي أروح مع المقاول اجوف من واين جايب الخرسانة؟ هل هي خرسانة أو خرسانات مجمعة؟ هو بيغير وبيكسر ما علي منه لكن لا يضيع وقتي. الخرسانة ذي وراها سالفة..

[معماري قطري]

كم ارتفاع العمود

إذا ارتفاع الشخص حول متر ونص يبين لي ارتفاع العمود بين 4.5 و 5 متر وأشوف الاستشاري ضابط العملية

[معماري قطري]

اخوي الجوكر

نقاط اساسية احرص عليها في اي صبية مقبلة .

اطلب من الاستشاري يطلب من المقاول من كل شاحنة خرسانة كرت الصنع .
واطلب اختبار هبوط الخرسانة في الموقع ياخذ اقل من 5 دقايق لكل شاحنة .
اي صبية في الايام هاذي خلها بالليل بعد صلاة العشا بسبب الحرارة .
الهزاز واخر احتياطي .
واحرص على رش الماي لمدة لاتقل عن اسبوعين او 10 ايام اقل شي مرتين باليوم .

هذا شيء أساسي بس الصب ممكن يبدون فيه قبل المغرب لأنه يمتد ساعات وأوقات يخلص في منتصف الليل أو بعد المنتصف .. وزين بعد الصب تتغطى بنايلون وثاني يوم ينفتح وتنرش ماي لو ممكن مع الفجر وترجع تتغطى بنايلون .. النايلون أفضل من الخيش ويحافظ على الرطوبة ترجع للخرسانة أما الخيش يشفط الرطوبة ويبخرها بسرعة .. ويمكن الصب في هذي الأوقات صعب لو درجة الحرارة فوق 35 وهي فوقها أكيد .. انا افضل فترة صب الخرسانات من آخر شهر 9 لين بدايات أو ممكن نتجاوز لنهاية 6 .. هالأيام في الليل الجو حلو

[معماري قطري]

أنا ودي أروح مع المقاول اجوف من واين جايب الخرسانة؟ هل هي خرسانة أو خرسانات مجمعة؟ هو بيغير وبيكسر ما علي منه لكن لا يضيع وقتي. الخرسانة ذي وراها سالفة..

المقاول كان زين قبل وزين صلح اللي أخطأ فيه وطول ما الاستشاري متابع صح والمالك أتوقع بيسوي شغله صح .. ثرى التعشيش مب كارثة وكثير يصير عندهم ولا يدرون به لأن الاستشاري راقد والمقاول من يفك الخشب يبدأ يرقعه ببلاستر بسرعة وينضبط ما يبين بس تكون منطقة ضعيفة .. عاد اللي يلاحظ يلاحظ العمود كأنه فخذ بقرة ملونة لونين فيه بقع داكنة هذي معناها المقاول لعب لعبته

فك الخشب المفروض في وجود المالك والاستشاري

[معماري قطري]

أحد الإخوان سئلني عن شركة تسوي بنلات فلين لصب الخرسانة وهذي متعددة وحطيت لها بعض الفيديوهات .. هذي تختلف تنعمل من الفوم وينرش فوقه طبقة خرسانة وموجودة في قطر وتصنع في قطر اللي يحب يتواصل معاهم .. الفوم يكون محمي وبنفس الوقت متصل وما فيه فراغ تمر منه الحرارة بس اتوقع السعر بيكون غالي

https://i.imgur.com/XxKJran.jpg

[معماري قطري]

شوفوا الفيديو في الرابط

[معماري قطري]

هذي قبة لأحد الإخوان عجبتني بس عيبها ما فيها أجزاء شفافة تبين السماء من خلالها .. ما ادري لو يخلي جزئين بنقشة وجزئين شفافين شلون تطلع؟

https://i.imgur.com/xh9hnhk.jpg

استئذنت صاحب الصور في نشرها قال لي الصور موجودة في الانستغرام والشركة اسمها موزاييك للزجاج الفني وأسعارها معقولة ومواصفاتها ممتازة

https://i.imgur.com/x4imEuX.jpg

الله يهني راعي البيت

في رأيي كان المفروض قبل تركيب القبة تشطيب الحافة الدائرية الخرسانية ما ادري ممكن بيسويها ببنلات جبس تتركب مع الكورنيش .. بعد ضروري يمد العازل الخشن فوق طرف حافتها الخارجي لتحت الفريم ويركب الفريم عليه حتى يمسك عدل ولا يكون فيه مجال لتسريب أي رطوبة

https://i.imgur.com/e1HSVV5.jpg

هذي من فوق وباشخبط عليها بوضح وين يجي العازل الخشن المفروض

https://i.imgur.com/ALoI4aM.jpg

هذا قصدي وموضح وين يكون العازل بخط بدون تعليق

https://i.imgur.com/ZGghMFT.jpg

ممكن يكون عامله وحاط عليه بلاستر

القطعة اللي في الوسط فوق المفروض تكون نحاسية ويتوصل بها كيبل بسمك مناسب حتى ينقل أي شرارة برق كهربية للأرض .. تندفن نهايته في الحديقة وتكون رطبة حتى تصرف الشحنة في الارض

https://i.imgur.com/6K6Xwiq.jpg

جميلة ويمكن يبي لها ثرية حلقات كبيرة ال اي دي خفيفة وتنور زين مع انارة مخفية متلونة

https://i.imgur.com/w12Ifrn.jpg

[معماري قطري]

هو عنده عقدين من الشركة لقبة بعرض 5 متر قطرها .. واحد 65000 بزجاج معشق شبيهة لهذي ومن ثلاث طبقات للزجاج وفي الوسط المعشق لحمايته .. والعقد الثاني ب 38000 لزجاج عاكس ومن طبقتين مكتوب ضد الكسر بس أتوقع أما ملدن بقطعة بلاستيك في الوسط أو معالج حرارياً لو انكسر يطيح كرات ما تجرح والأول أفضل في رأيي وهذا بتكون ميزته يشوف تغييرات الجو برا غيم أو شمس وحتى نور القمر في الليل

[لطيف الروح]

إذا ارتفاع الشخص حول متر ونص يبين لي ارتفاع العمود بين 4.5 و 5 متر وأشوف الاستشاري ضابط العملية

انا اقصد ارتفاع العمود الخرساني الذي تم تكسيرة لانه يبين من الصورة ان العمود الخرساني لم يتم صبه بالخرسانه على مراحل حسب الكود و خاصة بهذا الارتفاع الشاهق و هاذي مشكلة كبيرة تتسبب في مشاكل انشائية و سوف تتكررالمشكلة اذا تم صب باقي الاعمدة بهذه الطريقة

[ALJokar]

حياكم الله وشكرا ع ملاحظاتكم الي مانستغنى عنها
الطول عندي ارتفاع في الطابق الارضي 4.95

103256


للعلم اثناء الصب الاعمدة بعض الاعمدة ماصار فيها شي وطلع تقريبا 4 اعمدة فيها تعشيش وتسوس يعني المشكلة اتوقع مش من الخرسانة في طريقة العمال اثناء صبهم الخرسانة واستخدام الهزاز مثل ماذكر اخوي المعماري ما دخل الهزاز الى اخر شي وترى بعد الحدايد الاعمدة بعد تصعب الامر في دخول الهزاز ودخول الصبة الخرسانية اذا الاعمدة طويلة.

[معماري قطري]

انا اقصد ارتفاع العمود الخرساني الذي تم تكسيرة لانه يبين من الصورة ان العمود الخرساني لم يتم صبه بالخرسانه على مراحل حسب الكود و خاصة بهذا الارتفاع الشاهق و هاذي مشكلة كبيرة تتسبب في مشاكل انشائية و سوف تتكررالمشكلة اذا تم صب باقي الاعمدة بهذه الطريقة

هذي باسئل فيها مهندس مدني مشرف ومتعمق في هذي التفاصيل .. أتوقع لو الارتفاع كبير لازم يحطون جسر وسطي ويوقفون عنده وبعدين يكملون صب .. وكله حسب التفاصيل الانشائية وصحيح كلما كان الارتفاع كبير مشكلة صب العمود وضعفه والعناية بصبه كبيرة .. بس بعد ما ننسى الصب بنفس الوقت يعطي تجانس في الخلطة الخرسانية وما يخلي جزء يابس ومفصول يجي جزء جديد عليه كأنه مقطوع من هشكل ضروري صب السقف دفعة وحدة بدون توقف

خلني اشوف مستشاري الانشائي انا مب متعمق في الانشائي ولو فيه شيء حسب الكود أكيد بيفيدني وبافيدكم

[معماري قطري]

حياكم الله وشكرا ع ملاحظاتكم الي مانستغنى عنها
الطول عندي ارتفاع في الطابق الارضي 4.95

103256


للعلم اثناء الصب الاعمدة بعض الاعمدة ماصار فيها شي وطلع تقريبا 4 اعمدة فيها تعشيش وتسوس يعني المشكلة اتوقع مش من الخرسانة في طريقة العمال اثناء صبهم الخرسانة واستخدام الهزاز مثل ماذكر اخوي المعماري ما دخل الهزاز الى اخر شي وترى بعد الحدايد الاعمدة بعد تصعب الامر في دخول الهزاز ودخول الصبة الخرسانية اذا الاعمدة طويلة.

الله يوفقك أُمورك طيبة بإذن الله وبمتابعة الاستشاري واهتمامك وعرضك الصور والسؤال .. أكيد الحلول الانشائية للإرتفاع كثيرة منها تقوية الطابوق بشبك حديدي بين كل صف وعمل جسر خرساني ممكن يسوونه فوق مستوى الدرايش يخدم يكون عتبة علوية للدريشة ( جسر ) وهذا ينعمل فوق الطابوق عادي

بإذن الله لو بديت ابني باحط التفاصيل كلها والصور وبتكون ذكرى وفايدة للجميع

[معماري قطري]

كلمت المهندس قال يستحسن يصب على دفعتين أضمن وأسهل وكذلك لو البعد بين عمود وعمود كبير ضروري شبكهم بجسر يدعم العمدان وكذلك الحائط .. وأكيد كله يعتمد على التفاصيل الانشائية

[معماري قطري]

وبإذن الله بنشوف مشاركات منه حاولت ادخله وطلبت يختار اسم مستعار ويرسل لي ايميل خاص به وأكيد بيكون إضافة جيدة للمنتدى

[لطيف الروح]

يا صاحب الموضوع بعد الاطلاع على صور خرسانة الاعمدة وحسب تاكيدك ان العمدان تم صبها على مرحلة واحدة و بهذا الارتفاع الكبير نصيحة لوجه الله

اعمل اختبار لفحص قوة و مكونات و نسبة المواد التي تم استخدامها بخلطة خرسانة الاعمدة
و يمكن عمل ذلك باختيار عدد 3 اعمدة على الاقل ويتم ترقيمها 1,2,3 و تكون متفرقة عن بعض
و يتم اخذ عينة من كل عمود بحيث نبداء بالعمود الاول من اعلى العمود و الثاني من وسط العمود و الثالث من اسفل العمود
بعد الحصول على النتائج يمكن بعد ذلك اتخاذ القرار الهندسي الصحيح اما ابقاء الاعمدة او تكسيرها و اعادة صبها حسب المواصفات الهندسية

[معماري قطري]

وجهة نظر اتفق معها خصوصاً عندنا أربع أعمدة فيها خلل كبير وواضح والكور تست ما ياخذ مساحة كبيرة بس ضروري يتفادون الحديد وأظن المختبرات عندهم العدة اللازمة لأخذ العينة من بين الحديد وبعدين لو طلعت ناجحة نقدر نسد مكان العينة بمواد اسمنتية قوية

[معماري قطري]

بعد لو ممكن تضيف بقية التفاصيل الانشائية ممكن نحصل اختلاف بين التصميم والتنفيذ

أخذ العينات يكون من أعمدة مشكوك فيها أكثر

إختبار نظري وسريع بيكون محاولة عمل ثقب بعرض العمود بدريل ونلاحظ كيفية وسهولة الثقب .. أوقات ممكن عمود ما يبين فيه تعشيش ويبين جيد ووقت الثقب نحصل الدريل يتحرك في فجوة وفراغ داخل العمود .. هذي المشكلة مب معناها نهاية المطاف بس معناها الهيكل الانشائي بيكون ضعيف واحتمال التحميل على الطابوق وارد ونشوف بعدين شلوخ في الطابوق مهما سوينا .. ببساطة يستوي ما يسمى بال Creep وهو تقزم الأعمدة وانكماشها حتى لو مليمترات ويؤثر على الطابوق يبقى الطابوق في مواجهة الوزن بروحه

[ALJokar]

103263

103264

103265

[ALJokar]

103266

103267

103268

[معماري قطري]

صعب الحكم من خلال الصور وأكيد الاستشاري قايم بواجبه

تبين لي الأعمدة نظيفة ومرتبة وواضح إن التصميم فيه مبالغات انشائية يعني الأعمدة كبار وبعضهم قريبين من بعض ولا احس عندك مشكلة الله يوفقك اسحب رايي السابق بخصوص ضرورة الفحص وتكسير الأعمدة المعششة كان حل مناسب لها وهذي تبين جيدة ولا تهتم

[معماري قطري]

العزل الاسمنتي

هذا أحد الاخوان تواصل معاي بخصوص عزل أحواض للمطايا واقترحت هذا النوع اوفر وأسهل

المواد من مابي mapie ماركة ايطالية ومنها لاصق البلاط والقراوت وموقعهم قرب دي اتش ال طريق سلوى وما قصر صور لي واجهة المحل وهذا زين حتى ينحط فوق سكريد العازل للبيوت يعطي عزل اضافي
https://i.imgur.com/TWH1MhK.jpg

https://i.imgur.com/u4vfa5I.jpg
https://i.imgur.com/vu4eT9p.jpg

نشرت هذي المعلومات على الوتس اب وتفاعلوا معاي كثيرين .. واحد ماخذ مواد شبيهة من محل اسمه سان ماركو قرب لأنصار ستي ويقول سقف بيته تضرر وسرب من المطر وعزله بنوع من الصبغ ونفعت الطريقة .. وواحد ذكر لي إن عند المناعي وانا أذكر كذلك ماركة سيكا ولهم معمل في قطر

إخونا جزاه الله خير كان همه عزل أحواض سقي الإبل لأنها تسرب ماي

كلف الشغل مواد 1080 وشغل يد 3800 والله يعوضه ولتقريباً مساحة 20 متر مربع

هذا فيديو لعملية الخلط


https://youtu.be/DbyioEFd4mc

[معماري قطري]

وهذي المواد الثانية من شركة المناعي

https://i.imgur.com/jKxUDvK.jpg

https://i.imgur.com/B62xBUW.jpg

https://i.imgur.com/HRK7o15.jpg

https://i.imgur.com/KyrqaF7.jpg

https://i.imgur.com/TN6zeW5.jpg

https://i.imgur.com/Gd6NZNn.jpg

https://i.imgur.com/UIlLA9n.jpg

وهذا شغل العازل الفيديو الثاني


https://www.youtube.com/watch?v=sp-sKHshqxg

[معماري قطري]

أحد الإخوان ارسل لي استفسار على الخاص وحبيت انقله هنا لفائدة الجميع


السلام عليكم و رحمة الله

في البداية أحب اشكرك كثيرا على المحتوى اللي تقدمه و التعليقات اللي تكتبها و اللي بعضها يعود لأكثر من عشر سنوات ، نستفيد منها في خبرتك في البناء و تساعدنا في اتخاذ القرارات المناسبة ، الله يجعلها في موازين حسناتك

أنا ناوي أبتدي أعمال بناء قبو على ارض مساحتها 450 متر مربع في معيذر الجنوبي بمبلغ مالي بسيط متوفر عندي و بعدها راح اوقف البناء لين تتوفر عندي سيولة. عندي كم سؤال اذا ممكن تساعدني فيهم و ممكن ننقل بعدين زبدة الاجابات في المنتدى عشان يستفيد الجميع مثل ما استفدت انا من ردودك و اعذرني على الاطالة.

- مشكلة المياه السطحية الضحلة كنت اشوف مواضيع عنها في المنتدى و الجرايد قبل سنوات ، في الاونة الاخيرة خفت هالمواضيع ، هل لهذا علاقة بمشروع البنية التحتية اللي نفذته أشغال مؤخرا؟ انا شفتهم حفرو قدام الارض لشبكة المجاري الله يعزك و شبكة تصريف الامطار.

- بالنسبة لاختبار التربة. بعض الاشخاص قالولي تسويه بعد ما تعرف اماكن القواعد عشان الاختبار يتم على 3 اماكن في الارض ، و في العادة هذه الاماكن تكون اماكن القواعد. الطرف الثاني يقولي شلون تبدا تصميم و انت ما تعرف طبيعة الارض و ارتفاع المياه و ينصحني اسوي الاختبار اول ، و في النوع الثالث يقولي الارض في معيذر الجنوبي صخرية و ما فيها مفاجآت خصوصا ان كل الاراضي اللي حولك مبنية (كلها مبنية ارضي + 2 بدون قبو) ، توكل على الله بدون اختبار الا اذا انت موسوس حدك. أبي عرف رايك حسب خبرتك.

- بالنسبة لحوائط القبو ، انا شفت الفيديو اللي حطيته عن الطريقة الاوروبية في زرع انابيب تصريف على الجهة الخارجية من الحائط و فوقها قماش ثم اقريقيت مع ميلان الى حفرة تصريف. بعض الاخوان قالولي انه هذا شي مبالغ فيه خصوصا ان عندكم شبكة مياه امطار حاليا. بالنسبة لي اشوفه حل غير مكلف و ان ما فادني ما يضرني.

رديت عليك في كتابتي تحت وصحيح إن ما فادك ما ضرك هو احتياط

- بالنسبه لحوائط القبو ، في حال كان الحائط ملاصق لأرض الجار ، ماهي طريقة عزل الجزء الخارجي من الجدار الاستنادي؟ صعب العامل يدخل في ذيك المنطقة للعزل.

إستشاري ذكر لي عن مواد متطورة Rigid Boards وصراحة أول مرة أعرف عنها قال تعيش بعمر المبنى وعزلها مضمون ولازم تنحط المواد العازلة قبل لتنصب الحوائط هذي وأوقات يعملون جزء طابوق بعده الحايط الخرساني .. شغلة انشائية الاستشاري المختص المفروض يحط حلول لها لا تشغل بالك بها

- بالنسبة للجدار الداخلي للقبو ، احد قالي ما يحتاج تعزلها و العزل الخارجي طبقتين 4 ملم يكفي خصوصا مع وجود شبكة تصريف مياه امطار حول ارضك ، واحد ثاني يقولي سولك عزل اسمنتي من داخل و يعطونك عليه ضمان لو صار اي شي تقدر ترقعه من داخل بسهولة بس مشكلته مكلف.

من داخل صحيح ما فيه داعي للعزل الا في الأكاكن الرطبة منهول مثلاً إضطريت تسويه داخلي أو حمام أو مطبخ

- النية اسوي المسبح مفتوح (open to sky) خارج القبو ، لكن قالولي انه ممكن تحتاج تنزل/تحفر حول 5-7متر (-2 متر من مستوى الارض لأرضية القبو و -2 متر عمق المسبح و - 1 الى 1.5 تقريبا متر تاسيس للمسبح). و عند الوصول لهالمستوى احتمال كبير جدا يكون فيه مياه جوفية. أبي شورك. المسبح محتاجه لأنه العجوز ما تقدر تمشي و نصحونا بالسباحه لها.

الله يشفي عجوزك ووالدتي نفس الحال مع اني مسوي مسبح وقلت لها كم مرة بس ما تبغي

يا اخوي من وين جايبين هالارقام حد سوى تصميم لحوض السباحة؟

لتزيد العمق عن 1.3 متر بالكثير 1.2 صافي كافي وسواء سويته تحت الارض حتى يكون في مستوى الارضية النازلة للبيسمنت أو سويته مرتفع شوي جزء تحت وجزء فوق أو سويته بالكامل فوق تركب له كم عتبة .. بس في حالة عندك كبير سن وصعب يمشي تسوي الدرجات في جهة وبكامل العرض أحسن وتسويه تحت الارض يتحتاج تحفر متر ونص بالكثير من مستوى - 3 متر لو بتنزل بالبيسمنت 3 متر .. ولو تحب تسوي بيسمنت اقتصادي خل أرضية الدور الارضي مرتفعة 60 سم بالكثير حتى تكون مريحة للدخول والخروج اليومي ولو تحب 45 سم ممكن يبقى عندك صافي تحت ارضية الدور الارضي خل نقول 25 - 20 سم حسب سمك الارضية وتحت بتنزل 2.6 متر بتحتاج تحفر بحدود 3 متر ويستوي عندك ارتفاع البيسمنت صافي قريب 2.8 الى 3 متر .. حفرة المسبح بتستوي حول 4.5 متر ولا تهتم وقت التصميم بيترتب هالشيء



و الله يجزاك خير على المادة اللي تقدمها سواء في البناء او الاسهم و ينفع بك البلاد و العباد

بس بالنسبة للأسهم ، بلدنا مقلبنا صراحه ههههههه كنا مستكثرين فيه ريال و ووصل 1.7

معاك من المتقلبين مع إني طويل الصبر بس هالمرة رضيت بقليل الربح ونشوف آخرتها مع استثمار انا خلاص يبست راسي ولا للبيع الا بربح مجزي 50% وفوق بإذن الله

قواك الله

عليكم السلام ورحمة الله وبركاته

صحيح أسئلتك مهمة ولو حاطها في أي موضوع من المواضيع العامة كانت بتفيد الجميع وأكيد باتفاعل أكثر معاها وصدقني تفاعلي اجتهاد مبني على دراسة وخبرة والحمد لله وإن أصبت فتوفيق من الله

ولد خالي بنى في معيذر 4 أو 6 بيوت تجارية بالضبط على الشارع قبل نادي معيذر بشوي واستشارني يعمل بيسمنت ونصحته يسوي لأن أرضه صخرية وعلى حزم ولا تخيلت فيه داعي لإحتياطات للمياه الجوفية وبنى حتى بدون اختبار وبعد ما انسكنت صار تسريب مياه من تحت قوي خرب البيسمنت واضطر يحفر وسوى معالجة ما ادري شسوى بس يقول اموره انضبطت

البيسمنت أفضل شيء تسوي له تصريف مياه جوفية حتى لو احتياط حتى لو ما شفت مياه والا الاختبارات ما تبين وجود مياه لأن منسوب المياه الجوفية يتغير بين موسم وموسم ومن وقت لوقت

كم بيكلفك عمل منهول طابوقي مهزول تحت الأرض وخله بحدود اللي تسمح لك المساحة لو عندك ارتداد جانبي مترين مثلاً سوه حوش نازل مع أرضية البيسمنت وسو المنهول فيه بعرض مترين وطول مناسب مترين يكفي وعمق أكثر من عمق البيسمنت اللي تقدر عليه لو 3 أو 2.5 بيكون زين ويجمع مياه كفاية .. هذا فيه مضخة غاطسة ممكن تحصلها بحدود 2000 الى 3000 حسب النوع والقوة .. والبايبات المخرمة اللي تجمع المياه من تحت البيسمنت ومن الجوانب ولا تكلف شيء وشارح كثير عن الطريقة وموضح بصور وفيديوهات في مواضيع كثيرة

شوف استشاري ما يبالغ في الخرسانات ويكون فاهم شتبي قول له ابي تصريف للمياه الجوفية وابيه كذا وكذا لو ما فهم شوف غيره

بالنسبة لمشروع أشغال الله أعلم به وتقدر تمرهم قسم الصرف الصحي وتسأل بس نصيحة الفرنش درينيج سوه حتى لو تشبكه بنظام صرفهم لو يسمحون أو تضطر تمدد بايب تحت أرضية الحوش يودي الماي برا وهم يتصرفون فيه بعدين بدناكر والا يغرق الشارع المهم تبعده عن بيتك .. نظام الفرنش درينيج أي مياه ملاصقة للجدار السفلي أو للبيسمنت يخليها تنزل بدون ما تلتصق لعدم وجود التربة وما تبقى جنب الحائط تنزل تحت ويصيدها البايب يصرفها بسلوب جهة المنهول

بالنسبة لإختبار التربة حق بيت ما اشوفه ضروري لكن لمعرفة مستوى المياه الجوفية نحفر حفر تسمى حفر اختبارية .. عمال عاديين يحفرون حفرتين بشكل قطري من زاوية لزاوية شوي جهة الداخل وتكون بعمق أكبر من عمق البيسمنت .. مثلاً لو بنحفر 3 متر للبيسمنت نحفر شوي أغزر بنص متر أو متر لو ممكن .. حتى لو وصلنا لتربة صخرية قوية نعرف ونقدر قوة تحملها لضغط الاساسات .. ودوم الاستشاريين اذا التربة تتحمل 10 كيلونيوتن في المتر المربع يعتبرونها 5 ويقللون كثير من قوة تحملها وبنفس الوقت يبالغون في حسابات الوزن المفترض للمبنى لذلك نحصل الاساسات ضخمة ولو سوينا ربعها ما صار شيء وفي دول كثيرة يسوون اقل .. الجاذبية نفس الجاذبية هنا وهناك والوزن نفس الوزن

هذي الحفر الإختبارية Trial Pits تعطينا تقدير لطبيعة الأرض وعدم وجود مياه جوفية .. وإحتمال كبير لو تركناها شهر نلقى تجمع مياه تنبع من الأرض وممكن نعيد حساباتنا عن عمل بيسمنت أو تكون المياه قليلة قابلة للسحب بسهولة ونقدر نواصل ونحفر بقية الأرض .. ولو الاستشاري شاطر يطلع عليها ويقدر قوة انضغاط الارض ويسوي حسابات الأساسات عليها .. كذلك تفيدنا مقاول الحفر يطلع على طبقات التربة ويسعر تسعير مناسب للحفر

وهذا أول اجراء انا باسويه حق أرض بيتي قبل لا ابدأ في اجراءات التصميم للأساسات

[معماري قطري]

جدران البيسمنت في دول كثيرة كثيرة الأمطار وبعضها أرضها طينية وضعيفة تنعمل من طابوق معبأ خرسانة مع قطعة حديد في بعض التجويفات بحدود كل 80 سم قطعة .. من الخارج العزل مهم وكذلك تصريف المياه وكذلك حماية العازل .. إحنا نبالغ بخرسانة وحديد بكميات خيالية فطبيعي تزيد تكلفة بناء البيسمنت عن ضعفين اي دور عادي .. حتى ارضية البيسمنت لو عملنا تصريف تحتها وحطينا حشوة كنكري حول التصريف الماي مستحيل يوصل قاع الارضية وممكن نسوي الارضية خفيفة وبخرسانات أقل .. ينضمن كذلك عدم وجود ضغط للمياه تحت أرضية البيسمنت بسبب أي مياه تحاول ترتفع تسحبها البايبات المخرمة وتصبها في المنهول اللي ينقل الماي بمضخة للخارج

[معماري قطري]

إحدى الأخوات تشتغل على تصميم بيتها وصراحة محرج اطلبها احط التصميم كامل وتابعت من البداية مع الاستشاري .. وكان مقترحي من البداية واضح لتوزيع دورات المياه .. هي طلبت درايش طوال يوصلون للأرض من الاستشاري وبنفس الوقت خصوصية وقلت رأيي هذا مستحيل .. والمشكلة الاستشاري ما يتعب شوي في التوضيح ويسوي اللي يقوله المالك .. أمس تواصلت معاي بأن توزيع الحمام مب عاجبها .. طبعاً الاستشاري مسوي الدرايش طوال ومتفاديهم موزع القطع بطريقة مب حلوة وكله حيز مفتوح

اقترحت هذا التوزيع والدرايش نسوي الجزء السفلي شكل وجدامه حائط خصوصاً عندها حائط خارجي معزول 35 سم وهذا شيء سهل وممكن

https://i.imgur.com/l1Ftqwe.png

[معماري قطري]

الجزء اليمين مقابل شرق أو غرب نسيت وتطل عليه الشمس وضروري نسوي دريشة هناك أو طوب زجاجي .. السكشن الجزئي اليمين يوضح كيف نقدر نسوي دريشة طولية تبين في الواجهة وخلف الجزء التحتي الثابت منها عازل حراري وبعدين جدار الطابوق 20 سم وفيه حتى نقدر نسوي تجويف للصابون والشامبو

بعدين اشكالية الدرايش الطوال بتبين وقت تمديد بايبات المياه نحتاج جدار نمدد فيه

[معماري قطري]

القصد من كلامي الأخير هو دوم فيه بدائل معقولة ونقدر نمسك العصا من النص وأوقات ضروري نتنازل شوي عن شيء حابينه وحبيت انقل الصورة للجميع وباشوف فرصة لو أقدر انقل التصميم كامل

[معماري قطري]

صديق كان مسوي تصميم معقد .. خيالي شوي عليه والله يهنيه .. تصميمه كلف وايد ومن كم استشاري مع انترير وانقطع عني فترة حول 4 سنين

تصميمه على سفح تل ومتدرج البيسمنت مفتوح على حوش نازل وبداية البيسمنت نزول للسيارات تدخل تحت البيت نص البيسمنت للسيارات والنص الباقي مسكون .. دخل في مشاكل مع الكهربة ومع التكييف ومع الحمل اللي معطينه وأكيد للاستشاري دخل كبير وبعد لقوانين الدولة .. للحين ما خلص وأمس كلمته وطلع مسوي مشروع جديد تجاري هالمرة أرسل لي بعض الصور والفيديوهات باستئذنه للنشر .. مشروعه مميز والله يوفقه مخسر عليه وايد وبيجي وقت ذكره يكفي إنه قطري ويستاهل الدعم والدعاية

[معماري قطري]

مقصر في هذا الموضوع ويمكن مقل من الشغل على التصميم وأشياء قليلة عندي ما اكتملت أو متبلورة بس تحتاج تنفيذ رسم

آمر على تصميم بيتي تقريباً ما فيه شيء جديد من الأعضاء ودوم عندي تعديلات بسيطة وأحاول اخلي التصميم متكامل حتى ما يلخبط الاستشاري ويفهم شيء خطأ

رجعت اشتغل على الواجهة الداخلية بما يتناسب مع التعديلات البسيطة اللي سويتها

https://i.imgur.com/hyjoZa3.png

وهذي صورة جزئية للمدخل .. الباب مثل ما هو موضح بيكون في كسرة وفاتني اوضح باب غرفة الكهربة بدال القوس أو الدريشة المقوسة وبعدها باب المخزن الصغير والسقف هنا .. تركيزي مشتت شوي

حوض السباحة أشوفه وايد مرتفع باسويه نص تحت الأرض يعني محفور له شوي ونص فوق .. والخط الأحمر المتقطع المفروض حدود الجدار اللي يستر المكان وفيه أبواب تنفتح وقت محد داخل بس أفكر في نوع بارتشن قابل للازالة كامل والتركيب وقت الحاجة للخصوصية

[معماري قطري]

الواجهة سويت فيها الدرايش اللي على جانبي السرير طوالية واصلة للأرضية حتى تعطي اطلالة كاملة على جهة الجنوب للشمس ولرؤية الحديقة .. بعدين مطلة على سكة خدمات وبعدها بيت اخوي

الطبيلة اليسرى بتكون كافية لعشر سيارات خمس وخمس وراهم بس ممكن الغي مكان سيارة وأحوله لمخزن لعدة السيارات

https://i.imgur.com/64fg8zs.png

[معماري قطري]

هذا توضيح مقرب لدرايش الغرف اللي في الواجهة ومكان السرير وجنبه الكوميدينات وفوق واجهته كسرة بسيطة ديكورية ( روشنة )

https://i.imgur.com/Um3mOuW.png

[معماري قطري]

أكيد الدريشة بتكون مفصولة لجزء علوي متحرك وسفلي ثابت

[معماري قطري]

يمكن متابعتي للتصميم هنا تخليني أفكر بصوت عالي واركز شوي على النقاط الصغيرة وترابطها مع بعض .. عدلت شوي على طبيلة السيارات باضافة مخزن وبرغولا خشبية تزين مدخل الطبيلة المفتوح من فوق وتكون متصلة معاه .. وتكون فيها انارة نقطية سبوتات صغيرة موجهة لتحت ونفسها لسقف الطبيلة .. سقف الطبيلة بيكون حديدي عادي وفي آخره قناة ينزل فيها ماي المطر وينزل عن طريق بايبات للحديقة .. المخزن لعدة السيارات وعدة تنظيفها

https://i.imgur.com/MWDuE4f.png

وهذي الواجهة للطبيلة وتبين قطع تثبيت البرغولا .. الأطراف الخشبية بالبني بتكون مرتفعة شوي ما تخرب واجهة الطبيلة الخرسانية .. إستخدمت نفس الزوايا القمرية ونفس قطع زاوية الجدار ونفس الدخول تحت لعمق 2 سم وارتفاع 20 سم هذي بتكون فيها انارة شريطية مخفية

https://i.imgur.com/GDJho7x.png

[معماري قطري]

وسط الطبيلة بصورة مقربة وتغيرت السيارة لمرسيدس اس قديم هذا اللي حصلته

https://i.imgur.com/hUswGCS.png

[معماري قطري]

اللي يشوف السيارات والأشخاص وكثير أشياء تتكرر في الرسم وتفاصيلها وحدة .. هذي يسمونها Icons وهي تعتبر وحدات رسم معينة ويسمونها بلوكات نفس الطابوقة تعتبر قطعة رسم وحدة .. يسحبها الواحد ويحطها في أي تصميم يبي ويسوي لها سكيل حتى تكون قريبة للواقع .. مثلاً انا اخلي الرجال طوله متر و 80 سم والسيارة عرضها مترين والا اطلع عرضها بالضبط من النت وانقله بمقياس رسم لتكون بالضبط بمقياس واقعي

للي يحبون يتابعون ويتعلمون الاوتوكاد حتى حصلت مخططات جاهزة بس تنقصها تفاصيل وايد وبعضها مخططات غبية .. هذا رابط فيه كثير واستوت مواقع كثيرة بعضها تبيع وبعضها تعطي شوي مجاناً

https://dwgmodels.com/cad_library/

أي حد عنده سؤال والا يحب يتعلم انا حاضر .. العملية سهلة بس شوي مملة وتحتاج صبر وصراحة تعتبر تطوير ذاتي

استغربت من أحد الإخوان كان يتابع معاي تصميم بيته وبدأ يبنيه بنفسه .. ألحين ما شاء الله وصل لتصميم السور الخارجي وأرسل لي تصاميم مقترحة أقول رايي فيها .. طلع هو مشتغلها بطريقة احترافية وبتشكيل ثلاثي الأبعاد وبانارة

[معماري قطري]

ما اشوف نفسي بالغت في التصميم والمواد غالبها رخيصة وبسيطة لتقليل التكلفة ولإعطاء طابع مغاير للتصاميم المعتادة .. وتهمني آرائكم أكيد اشوف المتابعة ما شاء الله متواصلة بدون تعليق

عدلت جزئية مظلة باب الحوش وضحتها حتى تتناسب مع الواجهة والتوزيع الأرضي .. باقي الرصيف جهة المباني لازم أوضحه ومفكر أسويه حجر يمكن الجزء الوحيد في البيت الرصيف وأحواض الزراعة بتكون حجرية وإحتمال لو حصلت حجر بازلتي يكون أحسن اللي يكون داكن اللون .. وبتكون فيه انارة نقطية صغيرة تنور على الأرضية وتكون إنارة هادئة وخافتة

https://i.imgur.com/gRiN0Ot.png

يهمني إني أمشي على خطة للبناء وتصميم قد ما اقدر ما اغير فيه شيء .. الدرايش الملونة فوق في مدخل البوابة احتمال شوي أرفعها بس وازنتها حتى تنشر نور متلون وتبين متوازنة مع اللي في قوس درايش المجلس .. وحطيت شوي منها فوق مدخل البيت

[معماري قطري]

إرتفاع البوابة 5.44 متر والله يعين على التخطيط والاستشاري

[معماري قطري]

الكسرة هذي مثل الطوق في أعلى البوابة 10 سم ارتفاعها وعمقها 5 سم بس مفكر ازيد الإرتفاع ل 15 سم .. بيكون فيها شريط انارة مخفي والنور بس يبين فيها .. نفس الطريقة للبيت ولما يشبه النعلة في الارض أو التقاء الحائط مع الأرض بس بتكون الانارة مخفية فوق وتنور على تحت

https://i.imgur.com/hX6K2ko.png

فكرة تصميم حديثة وغير مكلفة .. شريط الال اي دي 25 متر ب 180 ريال ويعمر وانارته بطاقة بسيطة جداً 3 وات .. أعتقد باكون وفقت بإذن الله بين المزج بين التصميم الحديث وبعض العناصر التراثية

[معماري قطري]

مع رسم الواجهة الداخلية للبيت لاحظت إن حوض السباحة بارتفاع متر وعشرين سم فوق الأرض بيكون ما يبين للجالس .. قلت انزله 50 سم تحت الأرض ويكون بس مرتفع 70 سم أو 75 سم أدق وفي الأطراف بيكون 80 سم .. وضحت مكان الرصيف وبيكون مرتفع بحدود 10 سم وما بيكون رصيف بالمعنى المعروف بيكون عبارة عن أرضية حجرية مفكر تكون فاتحة شوي عن أرضية السيارات مكان السيارات حجر بازلتي رمادي ومكان الحديقة حجر جيري بيج مائل للأبيض

هذي الرسمة المعدلة يبينون السيارات في موقف الزوار ( كلهم زوار راهيين أما أهل البيت سيارات عادية )

https://i.imgur.com/DUuVMpx.png

بالنسبة لتصريف مياه الأمطار اقتنعت بطريقة تخزينه في تانكيين تحت أرض الحديقة بحيث يكون ميلان الطريق بسيط وجهة الوسط من الصوبين

هذا بيكون خط البيب في الجزء الأمامي والتانكي بيكون محفور له في الحديقة حتى ينزل الماي بفعل الجاذبية وبعدين لسقي الحديقة بمضخة .. وفي حال ارتفع الماي وملأ الخزان تماتيك المضخة تفضي منه وتصب في الحديقة اللي بتكون مستوى منخفض شوي وأخيراً لو حوض الزراعة انملأ ماي مثلاً أمطار كارثية يطلع الماي عن طريق بايبات في السور تفتح على السكة الخارجية والحكومة تتورط فيه

https://i.imgur.com/b4Of8LV.png

باحسب كمية المياه اللي ممكن تنزل حسب أقوى أمطار مسجلة في يوم واحد وباشوف خزانات تكفي لها

وهذا الجزء الثاني .. طبعاً الخط يسار البيت بتلتقي معاه الخطوط النازلة من السقف من تحت الارض وتمر المياه في البايبات باتجاه الخزان المدفون واللي على اليمين نفس الحال ولو شفت تانكي واحد كبير يكفي باسويه واحد وأعتقد يكفي لأن لو المياه عبأت التانكي تفضيه المضخة على الزراعة والزراعة مساحتها كبيرة تشيل مياه كفاية ولو تعبأ حوض الزراعة تطلع المياه عن طريق فتحة في الجدار للخارج عملية اوتوماتيكية ما يتدخل فيها حد .. شرايكم؟

https://i.imgur.com/Id13DpF.png

[معماري قطري]

زدت ارتفاع الطبيلة ل 2.3 صافي وفي الوسط بتكون حول 2.5

https://i.imgur.com/RHOmkpu.png

[معماري قطري]

من التفاصيل اللي اشتغلت عليها دورة المياه الرئيسية تبين هنا كما هي في السابق وناقشت وضعها وجنبها دورة مياه عادية لإحدى الغرف

https://i.imgur.com/re8Ds4S.png

الفكرة كانت قسم الحمام الكبير الى اثنين واحد صغير وواحد كبير شوي اليسار ممكن يكون 4 قطع واحتياطي لو اليمين مشغول أو متعطل أو بس للتغيير .. على طريقة بعض سويتات الفنادق وفكرة تعلمتها من صديق مطبقها في بيته

اللي على اليسار دريشته بتكون نازلة ومقابلة الباب بالضبط وتطل على الحديقة الداخلية وممكن تكون بستارة بلاستيكية أو خشبية أو محببة للخصوصية ( زجاج رملي ) .. اللي على اليمن استوعب جميع القطع ما عدا طاولة المكياج والطاولة قريبة وغرف الملابس قريبة .. طلع عندنا حيز بسيط لكبت وسط بين الحمامين لمواد التنظيف والفوط

https://i.imgur.com/OVbSwWg.png

[معماري قطري]

باكون مستغل الارتفاع العالي وقاسم الجدران لقسم تحتي تحت الخط العريض فوق المراية هذا الخط بيكون فاصل ستانلس ستيل أعلى البلاط يوقف عند حده البلاط وفوق مفكر في ورق جدران بتشكيلة نباتية ممكن أو صبغ
مكان الشور كله تبليط وممكن بلون غير وتصميم مختلف

[معماري قطري]

صباح الخير وعيدكم مبارك مرة ثانية

إشتغلت على الواجهة الداخلية للسور الجنوبي المواجه لمدخل البيت .. كيف بيكون متماشي مع التوزيع الخارجي للحوش ووشي العناصر الرئيسية وأكيد ممكن تكون تفاصيل شوي تختلف مثل السور بتكون له أعمدة

نبدأ من البوابة اليسرى واللي بتكون شرقية ورئيسية وغرفة السايق بابها مخفي ورا الجدار اللي له فتحة قبل باب الدخول تنفتح على الخارج .. وباوضح العناصر هذي بشكل مكبر أول شيء الصورة الشاملة

https://i.imgur.com/sklxJ4w.png

مدخل غرفة السايق بيكون بعد أول قوس يسار وبعد البوابة الحديد حايط ساتر وفاصل في آخره باب حديد صغير للدخول للطبيلات والحوش

الطبيلة ذي هي القريبة من البوابة وكنت مفكر بأن تكون في نهاية الحائط أرفف تخزين بس بالغيها وباخلي الطبيلة متصلة مع غرفة السايق على خط واحد مب زاوية شوي بارزة ما تنفع ولا تسوي شكل مستقيم ومرتب .. عرضها زين وعمقها صافي بيكون 6.8 في عرض صافي 3.4 لكل سيارة والمطلوب 6 في 3 الزيادة شوي تدليع +

https://i.imgur.com/A6azxfz.png

الدوار بيكون نازل 12 سم وبدون رصيف قطع مباشر .. أرضيته عشب وفي وسطه النافورة مثل ما هو موضح بتكون مبنية ومبلطة وراء الدوار أو في طرفه حائط منحني يحدد قوس الدوار بيكون بارتفاع 3.4 متر وفي وسطه تقريباً تجويف بيكون مزخرف بكتابة معينة مفكر في آية قرآنية مخطوطة على قطع جبس مقاوم للرطوبة تغطي التجويف وتكون فيه اضاءة مخفية تبرز النقوش والكتابة وهذي ما يسويها الا مغربي والا مغربي نو اذر شويس .. بقية الجدار بتكون حجر بقصة معينة ومفكر في قطع صغيرة طولية تتركب بالعرض

وراء القوس هذا بيكون عندنا في خلف أول نخلة يسار الصورة تانكي مياه المطر وغسيل الحوش المدفون تحت الأرض والمخصص للزراعة .. ومفكر في أعلى القوس أركب قطع خشبية تكون بارزة شوي جهة الدوار تعطي شكل جمالي مثل البرغولا بس على طول قصير ما يتعدى المتر.. صحيح بتحط عليها الطيور بس حتى الطيور بيكملون جمال الحديقة

https://i.imgur.com/8O3W3pu.png

هذا توضيح مكبر للجزء اللي مع بداية الحائط المقوس .. وأكيد اظهاره مقوس يحتاج 3 دي أو شغل خطوط طولية زيادة ما وضحتها صح هنا .. وهو يبين على التوزيع الأرضي وممكن نتخيله .. الخط السفلي العريض هو خط الصفر وهو مستوى الشارع فوقه دفان بحدود 30 سم متضمن طبقات الرصف ( مب موضحة بعد هنا ) وأكيد ناوي اسوي تحت خرسانة مقواة بفايبر وفوقها الحجر البازلتي بسلوب بسيط جداً ممكن 1% جهة المنتصف وفيه بتكون صفايات لتصريف المياه جهة الخزان اللي مدفون

إرتفاع جدار الزراعة الحجري موضح بخطين 5 سم بيكون سمك قطع الحجر فوق وببروز جانبي بسيط يخفي تحته شريط اضاءة ال اي دي بتكون هي الإضاءة المحيطية مستمرة من الطبيلة لين آخر الطريق الداخلي البوابة اليمنى ( الغربية ) واللي بتكون مبسطة عن الرئيسية

https://i.imgur.com/hjZ9ICz.png

[معماري قطري]

بعد منطقة الدوار تجينا المنطقة المقابلة الطبيلة الكبيرة اللي شفناها قبل واللي مغطى الطريق جدامها ببرغولا خشبية وهذي أعمدتها

https://i.imgur.com/xF9Dt8w.png

صورة مقربة لأعمدة البرغولا وتبين القطع اللي جايه بالعرض وين موقعها .. أكيد تفصيل الخشب بتكون الزوايا مشطورة وفيها تقويس من أعلى تتماشى مع زوايا البيت

https://i.imgur.com/VoQjLYJ.png

[معماري قطري]

وهذي بتكون البوابة الغربية وهي مبسطة بس بواجهة مثل الثانية لكن بدون مظلة من فوق

https://i.imgur.com/PCUODNq.png


هذا شكل عمدان البرغولا لو قصينا الزوايا مثل زوايا البيت بس أكيد القطع بيكون بحدود 2 سم من الأطراف

https://i.imgur.com/v8N00aI.png

[معماري قطري]

شغال على سكشن طولي للبيت يمر من وسط الدوار للجهة الخلفية .. ما اكتمل وصراحة ما لي نفس اشتغل بهمة ومتابعتي قليلة جداً .. هو ما يحتاج تفكير تنفيذ بس لكن تفاصيل كثيرة لازم تتعدل .. مع تغيير الملحق للجهة الخلفية وتغيير البوابة اللي موضحة هذي بتكون نفس اللي مقابلتها بس بدون مظلة وبتكون معاها غرفة سايق اضافية ممكن تستخدم لمزارع لو من جنسية ثانية أوقات ما يتفاهمون

أكيد الجزء اليسار بدايته بيكون الجدار المنحني مع الدوار مثل ما وضحته قبل صفحة يمكن مرتفع وبدون شلال .. خيار الشلال باخليه موجود ومجهز له وممكن اسويه .. الدوار ناقص اوضح النافورة بيمر القطع وسطها .. البيت تغير فيه فوق في البنتهاوس جات الصالة مطلة على الحديقة الداخلية والسكايلايت استوى وراها يسار

https://i.imgur.com/RPiJd8I.png

وهذا توضيح للمنطقة الداخلية للحديقة والملحق الخلفي القطع مار في المخزن

https://i.imgur.com/xxhPHvD.png

[معماري قطري]

الخطوط الحمراء المتقطعة الداخلية زاوية الرؤية للأشخاص جالسين أو واقفين والدرابزين أكيد بيكون ستانلس ستيل وقزاز حتى تبين منه الحديقة الداخلية

[معماري قطري]

أخيراً هذي صورة حق بيت ولد ولد خالتي الله يحفظه ويوفقه في بنيانه .. هذا شغل فوم والشركة أول مرة تسويه شرت المواد من السوق وخذوا الطريقة من شركة ثانية .. شرايكم؟

https://i.imgur.com/IZzcZcZ.jpg

يجوز ابني عظم عن طريق شركة أعرفها وأكمل باقي شغل التشطيب كامل عن طريق هذي الشركة وهي لولد عمي بعد

[معماري قطري]

حل ثاني ممكن اسوي البراويز حول الدرايش بدون الكورنيشات فوق والفوم بيكون بين الطابوق مثل خطتي .. يعني القطع مثل الزوايا بتكون فوم أسهل وأرخص واشوف شغله زين

[معماري قطري]

وضحت أكثر للجزء اليسار جهة الدوار باقي اوضح مكان البرغولا أغفلته وهو بيكون ساد شوي على الباب الموضح هنا وكذلك طرف طبيلة السيارات بيكون وراء السيارة الواقفة تحت مظلة المدخل

كتبت صباح الخير بس مكانها بتكون آية قرآنية بخط محفور في لوح جبس مقاوم للرطوبة ووراها انارة مخفية .. هذا القوس بيكون كبير عبارة عن تقريباً نصف دائرة وبيكون بتشكيلة حجرية

https://i.imgur.com/HlgTvTE.png

[معماري قطري]

المفروض القطاع يمر وسط النافورة ويوضح محتوياتها من الداخل بس شغلة خليتها ضمنية وكيف بتبين من الخارج

[sara jsm]

الله يعطيك مليون عافيه يابوعبدالله ..
والله مجهود جبار اللي تقوم فيه .. الله يكمله لك على خير ..
:
خزان ماي المطر ليش !!؟
ترى المطر كله مرتين في السنه مب في بانكوك انت :looking:
عندي تعقيب باكتبه لك عالخاص ان شاءالله ..

الله يعطيك العافيه :thumbup1:

[معماري قطري]

الله يعطيك مليون عافيه يابوعبدالله ..
والله مجهود جبار اللي تقوم فيه .. الله يكمله لك على خير ..
:
خزان ماي المطر ليش !!؟
ترى المطر كله مرتين في السنه مب في بانكوك انت :looking:
عندي تعقيب باكتبه لك عالخاص ان شاءالله ..

الله يعطيك العافيه :thumbup1:

حي الله الزائرة الدايمة .. سئلتي عن عظيم وكله تفكيرج في بانكوك .. ألحين التخطيط يطلبون حفرة امتصاصية في البيوت للتصريف عليها حتى ماي المطر ما يترس الشوارع تفكيرهم الظاهر محصور في إن الماي ما ينزل الا فوق السطوح .. وصحيح كمية قليلة بس كلها مع مياه غسيل الحوش والسيارات تنزل في بايبات الصرف اللي بتكون مثل ما هي موضحة تحت البلاط وتوصل للخزانات المحفور لها .. أفضل من الماي يروح في باطن الأرض ويخرب البنيان بيكون حل مناسب واقتصادي لتدوير المياه وسقي الزراعة

عندج حتى مياه التكييف بتتخزن وبتستعمل للزراعة وهذي كمية كبيرة تنتج طول الوقت .. بيكون كذلك فيه جهاز سحب الرطوبة في الحديقة الداخلية يساهم في تدوير المياه .. ما اقدر احسب بدقة شكثر بتنتج مياه لكن المطر معروف ومعروفة كمياته وتقديرها وحساب الحلول الثانية لو انملى الخزان بسرعة موضح .. عندنا كذلك الفرنش درينيج باسوي لمستوى البيسمنت وأي مياه ضحلة موجودة بتنخلط مع هذي المياه .. صحيح ممكن تكون غير صالحة للزراعة وما اتوقعها موجودة .. واحد يحفر حق بيسمنت دورين في نفس المنطقة ولا واجه مياه للحين .. يعني الفرنش درينيج بتكون احتياط وحتى إحتمال وقت الحفر لو ما بينت مياه سطحية ما اسويه لأن البيسمنت خدمي ما فيه أرضية خرسانية مثل البيسمنت العادي .. أساساته عادية وأرضيته بتكون ضعيفة وتحتها هذا التصريف الماي يتصرف قبل ليطلع عليها

[sara jsm]

القلب مشتاق ومحرووم و ريحة التام يم في مخي :thumbup:
:
:
فكرتك ممتازة عقب ماوضحت لي المستخبي :nice:
الله يسهل عليك يارب .. واذا تبيني استشاريه انا جاهزة ..
الزيارة الوحدة ب 5000 يابلاش :looking:

[معماري قطري]

القلب مشتاق ومحرووم و ريحة التام يم في مخي :thumbup:
:
:
فكرتك ممتازة عقب ماوضحت لي المستخبي :nice:
الله يسهل عليك يارب .. واذا تبيني استشاريه انا جاهزة ..
الزيارة الوحدة ب 5000 يابلاش :looking:

انتي للمهمات الصعبة هذا بيت عادي بشوية أفكار يا تصيب يا تخيب

[sara jsm]

:waiting::waiting::waiting: زين معليه

[معماري قطري]

:waiting::waiting::waiting: زين معليه

ما استغني عن خبراتج خصوصاً في الديكور والشركات

[Ahmed86]

صبحكم الله بالخير

عندي استفسار بخصوص ارتدادات القبو

اشوف في الكويت و السعوديه يبنون القبو على الصامت (بدون ارتداد) ، هل هذا مسموح فيه عندنا؟

تصميمي المبدئي مسوي فيه مسافة متر واحد ارتداد للقبو من ارض الجار (من ناحية الجار فقط) .

شكرا لكم

[معماري قطري]

صبحكم الله بالخير

عندي استفسار بخصوص ارتدادات القبو

اشوف في الكويت و السعوديه يبنون القبو على الصامت (بدون ارتداد) ، هل هذا مسموح فيه عندنا؟

تصميمي المبدئي مسوي فيه مسافة متر واحد ارتداد للقبو من ارض الجار (من ناحية الجار فقط) .

شكرا لكم

يا هلا مساء الأنوار

يا اخوي وايد مسوين جزء من الحوش على خط الملكية .. بس شكل التخطيط انتبه لهذي الحركة ومنعوها لكن للمجالس مسموحة وعندي ولد عم حفر وخلى أرضه محفورة سئلته ليش قال ابي ازيد العمق .. يفكر يسوي دورين بيسمنت تحت المجلس وانا وضحت له كيف يسوي الحوش نازل فيه ارتداد حول البيسمنت ومنور نازل .. عاد ما شاء الله عليه من خذ الرخصة بدأ وحفر وله حول سنة حافر ما كمل قال عندي بنيان ثاني اخلصه وبعدين ارجع لبنياني والحفر يثبت الرخصة لو بقيت سنة تنتهي بعدين تجديدها شغلة ويمكن يغيرون

تبي نصيحتي شتفرق متر عن 0؟ المتر بيكون جزء بسيط ما بتستفيد منه ولا بيسند جدارك لو هذا القصد منه .. تحفر كامل مع حدود الأرض وتسوي جدار استنادي قوي أفضل لك ولجارك وحتى لقوانين التخطيط .. مثال العمارات جنب بعض بعضها دورين بيسمنت مواقف وملاصق لها جار

في حالة ناحسوا التخطيط وطلبوا متر سوه والا مترين ما عندك مشكلة منور عرضه متر بيكون مثل بلكونة سفلية .. هذي تخلي فيها منهول جمع المياه الجوفية أفضل لك لسهولة التنظيف والصيانة من الخارج

الحلول سهلة ولو تبغي تعديلات آخر لحظة حاضر أرسل المخططات بي دي اف أو اوتوكاد

[معماري قطري]

شغال على بعض التفاصيل للتصميم وأحط بعض الملاحظات للاستشاري حتى تكون حسابات باقي التخصصات دقيقة وكل الخدمات متضمنة

دور التاسيس والبيسمنت بيكون محفور بعمق معقول مب مبالغ فيه .. أرضية التأسيس على عمق تحت 2 متر يعني الحفر للأساسات بيكون بسمكها زيادة على ال 2 متر .. مكان الزراعة الوسطي المحدد هذا بيكون بعمق 2 متر كذلك وحتى متر ونص يكفي للتربة الزراعية .. أكيد بيمر خط تصريف مياه جوفية تحته وبيصب في المنهول الموضح أسفل الدرج الخارجي

https://i.imgur.com/bfwcoIe.png

بالاضافة لشبكة صرف أرضية حول جدران البيسمنت اللي باحاول اخلي الاستشاري يسويها طابوق لتقليل التكلفة مليان بخرسانة .. يعني بتكون نفس البنيان اللي يندفن مع الأساسات بس هذا بدون دفان في الوسط والدفان الجانبي نفس اللي حق طريقة الفرنش درينيج بكنكري وأي مياه جانبية تروح للخزان الموضح ومنه بمضخة لخزان الزراعة .. وبإذن الله أصور التفاصيل وقت البنيان والخطة إن شاء الله البنيان بعد سنة من الآن

أثناء نقاشي مع شخص يبني تعلمت طريقة جيدة لخزانات المياه .. قال ال 1500 لتر يكلف قريب 1500 ريال وال 3000 يكلف 3000 هو ركب 2 1500 في الحوش حق لو يبغي يغسل واحد يسكر عنه الماي ويخلي الثاني ينملي أو وقت عدم الغسيل المياه مشتركة بين التانكيين وهذا شيء زين ما فكرت فيه قبل .. ينشبكون ببايب بينهم وفيه محبس ونفس الشيء المدخل يكون فيه محبس ينفتح للإثنين أو واحد منهم حسب الرغبة .. حتى الاستبدال يكون سهل لتانكي الحوش أو السقف أو في حالتي البيسمنت .. لذلك باجزيئ كل تانكي لإثنين ما عدا اللي لمياه التكييف واللي بيكون مبني للفرنش درينيج واللي للزراعة هم اثنين مفرقين

التكييف خلاص قررت تحت يكون سبلت والوحدات الخارجية تكون تحت في البيسمنت محمية عن الشمس وهذي الموضحة في الرسم أكيد بتكون عليها زيادة للحديقة الداخلية .. بس لو ما عطوني زيادة حمل كهربي باضطر اسوي تكييف الحديقة الداخلية بالطاقة الشمسية وتشتغل المكيفات في النهار

[معماري قطري]

البيسمنت والبنتهاوس هم الأقل مساحة وبإذن الله الأقل تكلفة بسبب إن البيسمنت بيكون عبارة عن طابوق واساسات ويمكن شوية شغل في البايبات وتمديدات الكهربة للتكييف وعدة المياه تحت وهذي تكلفة موجودة ولازمة سواء سويتها تحت أو فوق السطح

هذا دور البنتهاوس والتعديلات على النموذج الأخير كلش بسيطة .. خليت المخزن ووك ان كلوزت مرتبطة بالحمام مثل ما هو موضح وفتحة الدخول للغرفة على خط واحد مع الدريشة يمين السرير .. الجزء الصغير للسقف الزجاجي بيكون ميلانه لجهة فوق ينزل وارتفاعه الأقصى 8.4 متر ضاعفته بعد ما حولت الملحق وراء البيت وبيكون فاصل بين بيتي وبيت ابوي .. والشلال بيكون فيه ومرتفع بحدود 6 متر وأكثر أعتقد 7 بحيث يبين من الصالة ومن الغرف العلوية حتى للبنتهاوس

https://i.imgur.com/ZTb6TtC.png

من التعديلات البسيطة اللي حطيتها حتى ما انساها لمنور الزراعة الداخلية الصغير بيكون جدار خرساني في الأطراف بارتفاع 30 سم والباقي درابزين حتى يسمح بدخول أكبر كمية من النور الطبيعي للزراعة وللتهوئة

أهم دور يعتبر دور النوم الأول .. هذا تقريباً ثبت ولا تغيير فيه كان الحمام الصغير التابع للغرفة اليمنى تحت ببديه وشلته حتى تكون الدريشة نازلة في مستوى أرضية الحديقة الصغيرة أو المنور المزروع وبتكون دريشة مرملة ما يبين وراها وتدخل النور الطبيعي

https://i.imgur.com/T6BRvwK.png

[سعود.]

مساء الخير ( ابا عبدالله )

اعلاه في السطر الثاني قلت القبو عباره عن اساسات وطابوق بدون جدار خرساني !!!

ما الهدف من الجدار الخرساني لقبو هل لتقويه ام ماذا !!!!

[معماري قطري]

مساء الخير ( ابا عبدالله )

اعلاه في السطر الثاني قلت القبو عباره عن اساسات وطابوق بدون جدار خرساني !!!

ما الهدف من الجدار الخرساني لقبو هل لتقويه ام ماذا !!!!

مساء الأنوار إخوي سعود

الله يسلمك شغل معتاد عندنا إن البيسمنت جدرانه خرسانة وأعتقد الفكرة يكون الجدار حامل وقوي وسميك حتى ما يسرب ويتناسون إن الخرسانة اسفنجية التكوين وبالمجهر تبين فجوات كثيرة مهما كانت صلبة وتسرب مياه لذلك نعزلها .. في دول كثيرة يستخدمون الطابوق المقوى بالحديد وشوية خرسانة في بعض الفجوات أو كلها

لاحظنا كثير إن الخرسانة تسرب ولو ما سربت السنة ممكن الجاية وممكن بعد انتهاء صلاحية العازل 10 سنين أو 15 سنة .. كما أن المياه الجوفية أو الأمطار المتسربة قرب الجدران تعتبر موسمية ومتغيرة وغير ثابتة وفي مناطق كثيرة في قطر ما كنا قبل نتوقعها .. الحل الأمثل في رأيي الصرف اللي قرب الأساسات ومنهول يجمع المياه .. لو تلاحظ حتى موقع المنهول يكون في فتحة الدرج اللي الكل يمر عليها ويلاحظ لو فيه خلل وطفح للمياه مثلاً وفي الغالب ما يستوي اي خلل ونظام الصرف هذا بسيط ومجرد حماية ممكن ما يشتغل معاك كلش والمضخة تبقى جديدة .. هو احتياط وضمان لعدم وجود رطوبة قرب الجدران أو الأساسات وتكلفته بحدود 10000 ريال لو انعمل من التأسيس وممكن اكون مبالغ في السعر ذيه

الجدران لو انعملت طابوق أكيد أوفر بكثير والبنيان يعتمد على الأساسات ورقاب الأعمدة والجسور الأرضية وفي حالتي الأرضيات فوق البيسمنت بتكون انشائية ومقواة وممكن اسوي للمساحات الكبيرة منها تدعيم بأعمدة طابوقية .. بيتي ذيه اللي ساكن فيه وقت الحفر نزلنا فوق مترين ونص ورا وكان كافي حق بيسمنت بس ما خططت له ولا اتفقت عليه وتعديل التخطيط والاتفاق كان بيترتب عليه وقت وتكلفة اضافية وتم دفنه على طبقات .. المقاول حاول يزين لي السالفة حتى يطلع ربح اضافي واصريت يتطبق العقد وبعدين قال الدفان طلع أكثر من اللي في حساب الكميات وطالب بمبلغ اضافي لكن الاستشاري رد عليه بأن حساب الكميات استرشادي ويرجع له وقت التعديل أو التغيير وإنه محسوب كحفرة لكل أساس بروحه مب حفر للأرض كاملة

[معماري قطري]

في حالتي حتى لو فرضاً في أسوأ الأحوال سرب جدار وغالبية الجدران داخلية مغطاة من فوق ما يوصلها المطر .. ما عندي مشكلة وبيكون عندي تصريف داخلي يجمع المياه في نفس المنهول .. يعني ممكن غسيل الأرضيات والأرضيات ممكن تكون اسمنتية رخيصة أو بلاط شعبي .. البيسمنت بيكون ليس للمعيشة فقط لهذي الخدمات والستور اللي فيه احتياط لبعض الأغراض القديمة والسقف مفتوح بدون اي تشطيب مثبتة عليه بايبات المياه وبايبات الصرف وشوية انارة بس

[سعود.]

كلام جميل
وتسلم لتوضيح الوافي

[معماري قطري]

الدور الأرضي أسهل شيء نرسمه مع محيطه وانا حطيت صورة للحوش كامل مع الدور الأرضي معاه .. هذي شوي مكبرة للدور الأرضي والملحق وجزء من الحوش منطقة المدخل والدوار .. مداخل البيت من الحوش مكثرها هالمرة والهدف منها فتح مجال لرؤية الحديقة والخروج السهل لها كل وقت .. جهة حوض السباحة مدخل على الغرفة السفلية وواجهة زجاجية وجهة الحديقة الداخلية مدخل يودي للحوش الخلفي ولحوض السباحة .. جهة اليسار مدخل صوب ليوان الملحق اللي بيكون مغطى و فيه منور هرمي 1.5 في 1.5 متر .. الباب ممكن ما يقبلون به التخطيط بس ضروري اضيفه وقت لاحق وفيه باب غير يودي على غرفة الغسيل والحوش الخلفي ويوصل كذلك لحوض السباحة لسهولة خدمته .. مدخل ثاني للمطبخ وهذا بيكون عائلي لقربه من المواقف .. وأخيراً المدخل الرئيسي اللي بيكون في الغالب شرفي للضيافة .. أقدر اقول اجمالي ست مداخل

https://i.imgur.com/KvjHbYT.png

إجمالاً ما فيه تغيير عن قبل بس احتمال بيت الدرج والمصعد تتعدل مقاساته بعد تقرير حجم المصعد .. ألحين بصافي عرض 1.4 متر والدرج كذلك 1.4 .. الدرج ممكن انزل ل 1.2 متر ويزيد عندي عرض المصعد ل 1.8 والعمق عندي لبيت المصعد 3.15 متر متأكد بنحتاج لأقل واحتمال بكثير بيكون الباقي فاضي للتهوئة واحتمال مدخل لبير المصعد للصيانة وتبقى الجدران محددة للدرج .. لو تصغر الدرج شوي بيزيد طول بير المصعد بنفس النسبة

[sara jsm]

يااخي والله انت فنااااان ..:thumbup1:

[معماري قطري]

يااخي والله انت فنااااان ..:thumbup1:

إنتي فنانة اللي تقدرين تقرين التفاصيل وتعرفين محددات التصميم .. حاولت ابسط لسهولة البناء وحاولت أحط كل التفاصيل حتى ما انسى شيء ويكون التأسيس سهل وأي صيانة مستقبلية سريعة وسهلة بدون تكسير وازعاج .. والله يوفق الجميع وكل من يبني مغامرة البنيان مرة ثانية شيء مرهق بس بإذن الله يكون حتى لو طول صبري معاه طويل وساكن ومستقر غير عن قبل مستعجل .. ألحين حتى ما ودي اترك بيتي الحالي

[qatari911]

معماري قطري
الله يعطيك العافيه
دائما تحب تعطي وتشرح من قلب
جزاك الله خير يالغالي

[معماري قطري]

معماري قطري
الله يعطيك العافيه
دائما تحب تعطي وتشرح من قلب
جزاك الله خير يالغالي

الله يعافيك ويجزيك بما دعيت

إستوى إنتاجي قليل ومتابعتي قليلة والا المفروض مخلص من زمان .. ألحين الوقت بدأ يقصر لأن ودي ابدأ شهر 9 السنة الجاية حتى يكون صب الخرسانات في بدايات البرد والحفر بياخذ وقت .. مشكلتي سند الملكية يبي له تنقيب دورته ولا حصلته

[معماري قطري]

يااخي والله انت فنااااان ..:thumbup1:

اسكتي كل ما دخلت دورة المياه تذكرت المعصرة تعقدت خلاص

الحمد لله خلصت تعديل الواجهة بما يتناسب مع طول الأرض في هذي الجهة ومثل ما ذكرت قبل كانت غلطة وبنيت عليها التصميم واضطريت اعدل .. الأرض بدال ما يكون طولها في العمق أصبح طولها في هذي الواجهة وهذا كثير أفضل لي .. إستوت عندي حول 10 متر اضافية حطيتها في الجهة اليمنى للبيت وفي ليوان ( دجة المجلس )

الليوان هذا بعمق 5.25 متر وطول 20.2 متر لحد غرفة القهوة جنب يسار مدخل المجلس المثمن .. طلعت لي فكرة أسوي مجلس يومي اقترحها ولدي خليفة الصغير يقول حق قعداته .. بيكون يمين في آخر زاوية بين عمود الزاوية والعمود اللي جنبه وواجهته زجاج جهة المشاهد اللي هي شرق وجهة يسار اللي تعادل جنوب .. 5 في 4 مساحته

https://i.imgur.com/IHjcNdx.png

هذا تعديل بإضافة المجلس اليومي وتقريب لجهة المجلس

https://i.imgur.com/VcwE4LN.png

[معماري قطري]

وصلتني مقاطع يوتيوب وصور حق دفان ودك حبيت أنقلها لكم .. صراحة كل شيء زين الا مسئلة الحديد العادي حق قطر ما تنفع .. يمكن بعض البلاد الجافة وقليلة الأملاح يناسبها

هذا أول مقطع نلاحظ منه كيف التدرج في الدفان وحاطين خطوط لتوضيح الطبقات اللي بيدفنون ويدكون عليها .. تبين لي كل طبقة 30 سم والدفان نظيف وسهل التعامل معاه وما فيه حجارة كبيرة


https://www.youtube.com/watch?v=9wP5_eS7JBo&feature=youtu.be

أكيد باكمل بالباقي بس ما يصير احط الا فيديو واحد في المشاركة وأكيد ترتيبي بيكون ملخبط شوي

[معماري قطري]

وهذا الفيديو الثاني لعملية توزيع الدفان


https://www.youtube.com/watch?v=sBsOElDg410&feature=youtu.be

الدفان هذا ناتج الحفر مزالة منه الحجارة الكبيرة بالغربلة

[سعود.]

شغل يفتح النفس واضح 100% احترافي موب الي نشوفه في الشوارع كل يوم

[سعود.]

هذي الشركة تستاهل دعايه
يحبذ وضع اسمها

[معماري قطري]

هذي الشركة تستاهل دعايه
يحبذ وضع اسمها

يا اخوي في قروب فيه واحد ما يعلم الظاهر يبي الشركة تبني له بس باعرفها باعرفها

[معماري قطري]

هههه الرقم مكتوب على الشيول بس احتمال مؤجر ولا يعرف شتسئله عنه

[معماري قطري]

بعدين إخوي سعود هذي أُصول الشغل .. العادة يحطون حديد وعليه المستويات بس تكون شغلة مزعجة هذي وايد أوضح ويقدر يشيك المهندس المشرف حتى برسايل وتس أب مقاطع توضح الشغل ويقول اوكي

القواعد هنا تبين واضحة وهذي تبين لي حق السور الخارجي صراحة اللي مصممها مجرم


https://www.youtube.com/watch?v=W5iMmATCC5Q

[sara jsm]

ألحين الوقت بدأ يقصر لأن ودي ابدأ شهر 9 السنة الجاية حتى يكون صب الخرسانات في بدايات البرد والحفر بياخذ وقت .. مشكلتي سند الملكية يبي له تنقيب دورته ولا حصلته

حاول تدوره لانك بتحتاجة في اول البناء واخر اتمام البناء ..
واذا عيزت قوم طلع بدل فاقد لانه ياخذ شويه وقت وحاول تستغل هالفترة ..
بس طرش عيالك لاتروح انت ..

[sara jsm]

معماري .. تهقى هالفيديوهات عندنا في قطر !!؟
والله غريب ونظيف حده اول مرة اشوف شي جذي :con2:

[معماري قطري]

معماري .. تهقى هالفيديوهات عندنا في قطر !!؟
والله غريب ونظيف حده اول مرة اشوف شي جذي :con2:

عندنا أكيد .. انا شفت وايد جذيه مشاريعنا قبل الحكومية كلها كانت جذيه بس العلامات اللي حاطينها للمستويات حق الدفان هذي أول مرة اشوفها قبل مثل ذكرت حديد مغروس في الأرض

عن سند الملكية الله يعين واحصله

[معماري قطري]

أرجع شوي لمخططاتي اللي أكيد أزعجتكم بها

كملت المقطع الطولي أو القطاع الطولي اللي يقسم البيت لنصين .. أقصى ارتفاع للحديقة الداخلية هو 12.4 متر وأتوقع بتكون الرطوبة قوية داخل هذي الحديقة لذلك لازم اركب جهاز سحب الرطوبة نفس النوع الخاص للمسابح .. وهذا يختلف عن مراوح الشفط الشفط مثل ما شرحته قبل تجديد للهواء الداخلي أما سحب الرطوبة غير وممكن يستفاد من الماء الناتج في اعادة تدويره للزراعة بيكون مجموع عبر بايبات مع مياه التكييف

الزراعة ما وضحت مكانها وموضحة بشكل تقريبي على التوزيع الأرضي لكن بتكون أجزاء منها متسلقة على البلكونات وفي اصيصات .. تدرج المجرى المائي بانزله شوي حتى يعطي انفتاح أكثر للحديقة والقوس اللي تحت ارتفاع الشلال هذا بيكون تشكيل حجري بس مجوف وبشبك حديد وإحتمال الجدران الداخلية أسويها حجر حتى ما يتأثر الصبغ بالرطوبة .. الحجر والزراعة والمياه والنور الطبيعي عناصر بتعطي جو غير لهذا الحيز وبيكون قلب ومتنفس البيت

وضحت دخول النور من فوق خلال المناور وخلال المنور الكبير الحديقة أكيد واضح وعندي الحديقة الداخلية الصغيرة بتكون جهة النص المقسوم جهة المشاهد .. طاولة الطعام بتكون متحركة يمين جهة الحاجز الزجاجي وتحت المنور اللي فيه الثريا الثريا بتكون في منتصفها

https://i.imgur.com/PLdsvbr.png

فكرت ممكن اسوي بلكونة صغيرة للصالة العلوية في البنتهاوس .. أكيد بتكون تخرع لو طلع حد وقف فيها

https://i.imgur.com/3r9tGRV.png

باسوي مخطط للجهة اليسرى للبيت يوضح بيت الدرج ودرايشه شلون

[معماري قطري]

بالنسبة للداخل الجبس مفكر اسويه سادة مودرن بفرزة وبدون كورنيش .. إحتمال أخلي نمط التصميم واحد في كل البيت للجدران والجبس يعني اللي موجود بيتغير أكيد ما ابغيه يكون ممل وباعتمد نظام اللونين بينهم فاصل أما خط انارة ال اي دي محفور له من الأساس في البلاستر ومركب يو شانيل يتثبت فيها أو قطعة ستانلس ستيل

[معماري قطري]

الواجهة اليسرى للبيت وهي الغربية بتكون مطلة على أرض ولدي اللي ما لنا نية نبنيها الا بعد فترة طويلة 10 سنين وزود وبتكون حديقة وحتى لو بنيناها بتكون مفتوحة على البيت وبتبقى الحديقة وسطية تخدم البيتين

وضحت مكان مظلة السيارات الكبيرة بتغطي على الجزء الأيمن بخطوط متقطعة ومستطيل في وسطه اكس بتكون مغطية على دريشة غرفة الطعام .. فوقها غرف النوم في الأول وفي البنتهاوس أول شيء الدريشة بعدين تجي دريشة التسريحة بعدين دريشة الحمام وبعدها أما الستور في الارضي والأول أو غرفة الملابس في البنتهاوس وكلها تطل على الحديقة

https://i.imgur.com/HqVOV6H.png

هذي صورة مكبرة للجهة اليسار عندنا ظهر غرفة الخادمات وباب يدخل على موزع يمين المطبخ الداخلي ويسار الخارجي والملحق وليوان مغلق بينهم فوقه سكايلايت موضح .. داخل تبين دريشة الحديقة الداخلية وسقفها الزجاجي جهة الشلال والسقف الثاني للجزء الوسطي مغطي لسقف البنتهاوس مثل ما يبين في الواجهة الشرقية أو الأمامية .. ألحين افكر بدال ما اسوي باب ثاني للمطبخ الداخلي أخلي بس باب واحد يودي للموزع الوسطي بين المطبخين ومنه للخارج والا ممكن أصغر الباب للمطبخ الداخلي أخليه بعرض 90 سم .. شفت توزيع المطبخ بينفع معاه وبين المطبخين الباب الكبير 90 + 50 سم ظرفتين

https://i.imgur.com/pAtzMDn.png

فوق المطيخ تجي دريشة عريضة للحمام التابع للغرفة اليسرى فوق ونفس الشيء مكرر للبنتهاوس ويمينها تجي دريشة غرفة الملابس وهذي ممكن اخليها بكامل الطول والا ازيد طولها شوي ألحين ارتفاعها من أرضية الغرفة 1.4 متر نزلتها ل 90 سم حتى يكون ممكن الواحد بسهولة يطل على الحديقة ويدخل منها نور طبيعي كفاية

اليمين جزئية الدرج ووضحته بخطوط متقطعة ويين بتكون الدرايش مع استراحة الدرج وبارتفاع 90 سم من ارضية الاستراحة حتى تكون اطلالة على الحديقة وبنفس الوقت يدخل نور كفاية لبيت الدرج .. طبعاً الستاير بتكون خشبية سهلة الفتح مثل اللوفر تنفتح بجرة خيط وتغلق كذلك وقت الليل ونفسها لغرف الملابس رخيصة وعملية

في بيت الدرج تبين دريشة شوي صغيرة هذي مطلة على الجزء اللي نازل للبيسمنت ونسيت اضيف دريشة للجزء اليمين من الدرج فوق كلش حق المخزن اللي جنب بيت اللفت وفوق عتبات الدرج اليمنى في البنتهاوس

[معماري قطري]

هذا توضيح لمكان دريشة المخزن فوق كلش على بيت الدرج وتحت الدرج الخارجي اللي ينزل للبيسمنت والعمق من الخط العريض اللي يمثل ارتفاع الشارع مترين وفوقه دفان الحوش 30 سم وارضية الدور الارضي 36 سم يعني بيكون العمق صافي حول 240 سم يمكن شوي أقل لدور البيسمنت الخدمي وأكيد بيقل حسب عمق نزول البايبات المعلقة في السقف

https://i.imgur.com/eC6yn06.png

[sara jsm]

الدرايش عندك كم في كم ؟
الغرف وتكرم الحمامات والدرج ؟

[معماري قطري]

الدرايش عندك كم في كم ؟
الغرف وتكرم الحمامات والدرج ؟

من اليمين الله يسلمج 2.2 في 1.5 وقاعدتها 0.8 وارتفاعها مع خط ارتفاع الباب 2.4 هذي نفسها للغرف وفيه دريشة شرقية بنفس الحجم للغرفة اللي في البنتهاوس تبين في السكشن فوق في أول الصفحة .. وفيه دريشتين من الأرضية لإرتفاع 2.4 طواليين حول السرير تبين في الواجهة بعرض متر .. العرض يقل شوي والارتفاع حسب سمك الفريم هنا حاطه 7 سم

يعني للغرفة في البنتهاوس لو ترجعين للتوزيع الأرضي فيه 4 درايش واللي في الأول بس 3 الجهة الشرقية داخل وفيها جدار

الثانية من اليمين لتسريحة الغرفتين 1.4 ارتفاعها وعرضها 90 سم وارتفاع قاعدتها 90 سم حتى يكون متساوي مع ارتفاع طاولة التسريحة

الثالثة 90 في 90 سم وارتفاع قاعدتها 1.4 متر للحمامات .. عندي في البيت ألحين على ارتفاع أوطى يمكن 120 سم وما ادري يمكن اسويهم 120 يزيد طولها ل 110 سم بدال 90

الرابعة للستور 1.2 في ارتفاع 1.1 وارتفاع قاعدتها 1.2 .. فوق كلش فتحت باب من الحمام وسويتها غرفة ملابس والدور الأول مخزن والأرضي مخزن كذلك .. بعدين تجي درايش الدرج متر و 45 سم في متر و 30 في ارتفاع متر من أرضية الدرج

سويت صورة توضح الدرايش واستعنت برفيجنا المدلقم هذا طوله 171 .. الستور في البنتهاوس اللي يمين الدرج بيكون سقفه ممتد مغطي على ارضية الدرج مع الخط المتقطع الأُفقي .. يعني ارتفاع حول متر وشيء فوق راس الرجال وبنفس الوقت نكون استغلينا المساحة اللي كانت بتكون فاضية بيكون عرضه 1.45 متر وارفف على الجانبين نقدر نخلي دريشته أضيق بشوي لو بنسوي كل رف 40 سم أو 30 سم يبقى من العرض 65 أو 85 للمرور 65 كفاية ونضطر نسوي الدريشة بعرض 65 سم ولازم نفكر في استخدام الداخل شلون بيكون

https://i.imgur.com/KDuw7Ad.png

غرفة الملابس عرضها أكبر وباقي الستورات 2.55 عرضها ما عندي مشكلة

بعدين قبل الأخير تجي درايش غرف ملابس غرفة الزاوية اليسرى 80 عرضها في متر و 40 ارتفاع قاعدتها 90 سم وآخر شيء درايش حمامات الزاوية هذي ناسبت اني اسويها كبيرة ارتفاع قاعدتها 1.2 وعرضها 2.2 وارتفاعها 1.1 وفي الواقع بيزيد ارتفاع كل دريشة 10 سم لأن ارتفاع الأبواب 2.4 وارتفاع قمة كل دريشة لازم يكون متناسب أحلى

عاد تحت دريشة المطبخ عرضها 4.75 متصلة مع الباب وارتفاعها 1.5 متر وقاعدتها 90 سم بتكون على خط واحد تقريباً مع ارتفاع كاونتر المطبخ

[معماري قطري]

يمكن مكثر الدرايش بس أشوفها ضرورة وكذلك المناور السقفية في البيت كله نقدر نقول 1 في الحمام الرئيسي .. 2 سقف الحديقة الداخلية كله قزاز وينور داخل البيت .. 3 منور الزراعة داخل الصالة المكان الصغير .. 4 منور جلسة الطعام في الصالة .. 5 منور صفين الطوب الزجاجي فوق المكتب .. 6 منور الموزع بين الملحق والمطبخ .. وآخر شيء منور المجلس الخارجي بمجموع 7 مناور

[سالم الزهران]

انا التصميم عندي في بالي يكون مثل ما ابغي، ولا حولته ثري دي يطلع تعبان.. هيلب يا معماري.. التعديل ع التطبيقات متعب فما بالك بالواقع

[معماري قطري]

انا التصميم عندي في بالي يكون مثل ما ابغي، ولا حولته ثري دي يطلع تعبان.. هيلب يا معماري.. التعديل ع التطبيقات متعب فما بالك بالواقع

حي الله بو زيد والا بنسميك بو زيزو

كان أحد لاعبينا القدامى اسمه زيد علي على ما اذكر المهم الأول زيد وكان مراوغ فنان شبهوه بالسيارة نيسان زد إكس وهي تراوغ بين السيارات .. أعتقد اسمه علي زيد سموه علي زد .. الله يذكره بالخير ولو متابع المنتدى تحية له ولذاك الجيل من اللاعبين عرفت منهم عن قرب ابراهيم خلفان وهو فنان مرهف في الرسم ومن محبي التصميم وكان جار قريب في الشغل .. وعلي مطر من جيراننا بيني وبينه يمكن 25 بيت

التصميم الثري دي مزعج ولا يعطيك انطباع عن بيتك شبيكون في الواقع دوم خيال المعماري هو اللي يضبط التصميم حتى الواجهات تشوفها على الرسم غير وفي الواقع غير

أهم شيء يريحك التوزيع والمساحات مع ادخال العناصر المعمارية كلها من تشكيلة جدران وانارة طبيعية وصناعية الباقي والشكل الخارجي شيء ثانوي دوم ما انصح حد يعتبره أهم شيء .. دوم تخيل الداخل يعكس الخارج وتجاوز عن المنظر لأسباب عملية وابتعد عن التناظر أو ما يسمى السيمتري

في الغالب بيوتنا فيها واجهة مرئية حتى لو كانت داخلية هذي ضروري تكون متناسقة مب شرط متناضرة .. لكن فيه واجهات ثانية خلفية مثلاً لو عملت كل دريشة غير وعلى خط ثاني ما تأثر لأن مغطي بنيان السور وغيره .. بيتي 4 واجهات مرئية على الأقل من فوق الدور الأول وانت طالع الأرضي تخفيه الأسوار .. ذكرتني لازم اشتغل على الواجهة الخلفية مشتغلها قبل بس ناقصة وبعد تغيير موقع الملحق تغيرت بدرجة كبيرة

[سالم الزهران]

جزاك الله خير يبو عبدالله.. دايم نحصل ارشادات طيبة من المشاركة في مواضيع البنيان.

[معماري قطري]

جزاك الله خير يبو عبدالله.. دايم نحصل ارشادات طيبة من المشاركة في مواضيع البنيان.

وجزاك الله بما دعيت

حتى تتوفق لو كانت نيتك ترضي نفسك وأهل بيتك وتبتعد عن المبالغات والمنظر الخارجي المبالغ فيه .. دوم الاعتدال والوسطية شيء محبب وما تمل منه وكثرة التفاصيل والنقوش والزينة الزايدة تستوي مملة وكيئبة

[معماري قطري]

أحد الإخوان أرسل لي فيديوهات لمشكلة صادفته وهي بسيطة ومحلولة أصلاً بس عنده مقاول يقول ما فيه معلوم سنو كلام .. هو مسوي تجويف في الحايط لتمرير البايبات ويبي يسكر هذا التجويف بستانلس ستيل .. فيه شركات تسويه وبيركب بس بيكلف غالي وبيكون شكله شاذ نصحته يركب بلاط نفس الموجود ويخلي فاصل بسيط ممكن يكون فاضي أو معبى سيليكون ويسوي كرسي يثبت عليه قطع البلاط اللي بتغطي التجويف شوفوا الفيديو حتى تعرفون شاقصد


https://youtu.be/noCTQR4oPQw

[معماري قطري]

ما شاء الله شغله زين والتبليط زين وطالع حلو ومبين لي مسوي الحايط سيبوريكس شكله من القطع طالع جذيه وهذا الفيدو الثاني في حمام غير


https://youtu.be/-cH4Ssme_D4

[معماري قطري]

هذا جزء من الحلول معقول وممكن ينعمل بسهولة وضحته بفيديو والله يعينني على تعليق بعض الناس أو الناسات بالأصح الصوت ما يصلح كلش


https://www.youtube.com/watch?v=OvRvsY0k37Q

حل الفوم ممكن بعد بتعبئة الفراغ بين البايبات بالفوم يعطيها عزل ويثبتها أكثر والفوم رخيص ومتوفر علبة رش صغيرة معاها راس طويل حق رش الفوم في المكان اللي نبغيه بعدين يقص شوي اللي بيزيد ويركب عليه قطعة البلاطة اللي بتغطي

[معماري قطري]

هذا الحل بالزاوية


https://www.youtube.com/watch?v=IzPuq8Tknpw

وفيه حل أخير يقص على جانبي المكان المحفور بمسافة بسيطة 1 سم مثلاً في عمق قد سماكة البلاط وشوي أكثر 2 ملم مثلاً هذي تستوي قاعدة حق يثبت عليها بلاط التغطية ويحاول بعد يخلي كمية بلاط احتياط عنده لو انكسرت قطعة سهل يستبدلها

[معماري قطري]

مقصر شوي في هذا الموضوع وعندي مشروعين تصميم جداد واحد لإستراحة بحوض سباحة وكملت المقترح وعدلت كثير على شغل الاستشاري وصغرت شوي في المساحة كانت 580 متر والمالك يبغي أصغر لأن سكنها بيكون مؤقت وأوقات الإجازات .. المساحة 460 متر مربع وتم توجيه المبنى مفتوح على جهة الشرق وهذا التعديل والتصميم الأساسي ما استئذنت المالك اعرضه

https://imgur.com/a/khFLOvY

[معماري قطري]

هذي الصورة للمشاركة السابقة

https://i.imgur.com/yelzWyd.png

[معماري قطري]

ما زال فيه امكانية للتصغير لحدود 400 متر وبيكون الماي المفلتر الراجع لحوض السباحة ينزل على شكل شلال من فوق السطح والمبنى يتكون من دور ارضي فقط وفيه مساحات فاضية لخيمة مثلاً .. غرفة السايق عند الباب والخدم داخل بدل البانتري للسايق ممكن مخزن لأن معاه بيكون طباخ يستعمل المطبخ الداخلي .. وبدل البانتري في غرفة الخدامات غرفة غسيل للملابس

[معماري قطري]

المشروع الثاني لأحد إخواني الكبار وهو قريب ومعاه اثنين من عياله وارض مجلس بلوك مربع وهذا اشتغلت عليه تنظيم وترتيب داخلي وفي بداياته بس ما استئذنت صاحبه في عرضه وباشوف فرصة لو قدرت لأني باجتمع معاه هو وعياله وبنناقش الأفكار قبل تحويله لإستشاري

[معماري قطري]

أحد أبناء عمي الكبار سئلني عن استشاري قلت له باسوي لك مقترح وبعدين نشوف الاستشاري .. هو عنده أرض كبيرة يبي يقسمها قسم مجلس وقسم لبيته وجنبه اراضي عياله ثنتين يعني مجموع أراضيهم 4 متصلين كل ثنتين جنب بعض وهذي ميزة جيدة

مبدأ التصميم هو جعل الواجهات كلها داخلية ومتقابلة بزاوية 45 درجة مع عمل طرق داخلية على شكل حرف تي بالانجليزي كل طريق ينتهي ببوابة للثلاث بيوت .. تركت مساحات بسيطة لبنيان مستقبلي حسب الحاجة وصراحة ما استئذنت المالك في النشر بس كل المقترح شغل مسويه وخصوصاً نموذج بيته عدلت شوي على بيتي والميلس نفس الميلس بس هو عنده مساحة مواقف داخلية هذي ترتبت له أكثر

البيت حركته بزاوية بحيث يكون مقابل بيوت عياله وظهر المجلس وبتكون غرف السواقين عازلة الميلس عن البيت .. الإقتراح مبدئي بس عجبني في بيته ان الحديقة الداخلية استوت أوسع وهو طلب يكون حوض السباحة داخلي

قولوا لي رايكم في هذي الجزئية

https://i.imgur.com/gOTCQas.png

قدرت اسوي مقترح الحديقة مرتفعة شوي جهة الحائط وتنزل بالتدريج جهة الحوض حتى تكون الرؤية بدون عوائق وسويت الجدول متعرج بعرض 80 سم وفي الطبيعة أكيد بيكون مساره شوي غير ينعمل شبه عشوائي وحتى عرضه ممكن ينزل ل 50 سم ولازم بيكون متغير .. الخروج للحديقة والباربيكيو ورا البيت عن طريق الباب الموضح والجدول يمر هناك يكمل من تحت فريم الزجاج وبعدين ينشفط الماي ويرجع يرتفع للشلال بمضخة بمؤقت تشتغل أوقات معينة

[معماري قطري]

أحد الإخوان أرسل تصميمه ومتخوف من تكلفة البناء لأن المساحة تقترب من 1500 متر مربع ومعاه حق

انا بشوف شالممكن لتحسين التصميم وممكن يتصغر بس مهم انه يقتنع بالتعديلات ومن وجهة نظري أهمها الكسرات والبروزات هذي جميلة على الرسم لكن على الواقع مملة وغير عملية وحتى صعبة في البنيان ومكلفة بسبب إن لكل زاوية عمودين متجاورين وعارف شغل مبالغات الانشائيين عندنا

الارض قصتها غريبة وأول مرة تواجهني وصراحة عجبتني معالجة الاستشاري للملحق وللمواقف لكن أشوف صعبة يفتح باب سلايدنغ طوله 9 متر أو 8 أقل شيء لدخول 3 سيارات متجاورة .. لو مسموح يحط 3 أبواب ترتفع لأعلى ومجزأة بيكون أسهل وممكن يوافقون التخطيط ألحين

هذا المخطط العام للأرض
https://i.imgur.com/ntXxFvr.png

[معماري قطري]

ما ادري ليش كل الاستشاريين يحطون هذا الطابوق ما ادري مفروض بالغصب وبعدين التنفيذ غالبية الملاك يركبون العادي وصراحة أفضل من ذيه وأرخص .. هذا ميزته انه عازل بروحه والأرقام محطوطة وطلعت هنا خربطة عربية .. المهم هو اختباراته كوحدة واحدة جيدة في العزل لكن كنظام مبني في حائط فيه فجوات كثيرة تمثل جسور حرارية تخلي عزله ولا شيء .. منها المونة بين الطابوق ومنها الجسور الخرسانية وهذي أقاربها بحدود ثلث مساحة واجهات البيت يعني تبقى مساحة الثلث رديتر حار يحرق الجو داخل البيت صيفاً ويثلج بالأرضيات والجو شتاءً

فوق هذا الطابوق ذيه غالي وفوق أكثر ضعيف وما يصلح لتمديد الخدمات

انا دوم مع العزل الكامل للجدران والأسقف وحتى لو أمكن للأرضيات المتصلة مع التربة وتفاصيل العزل ذكرتها مرات عديدة

[SouthK]

أحد الإخوان أرسل تصميمه ومتخوف من تكلفة البناء لأن المساحة تقترب من 1500 متر مربع ومعاه حق

انا بشوف شالممكن لتحسين التصميم وممكن يتصغر بس مهم انه يقتنع بالتعديلات ومن وجهة نظري أهمها الكسرات والبروزات هذي جميلة على الرسم لكن على الواقع مملة وغير عملية وحتى صعبة في البنيان ومكلفة بسبب إن لكل زاوية عمودين متجاورين وعارف شغل مبالغات الانشائيين عندنا

الارض قصتها غريبة وأول مرة تواجهني وصراحة عجبتني معالجة الاستشاري للملحق وللمواقف لكن أشوف صعبة يفتح باب سلايدنغ طوله 9 متر أو 8 أقل شيء لدخول 3 سيارات متجاورة .. لو مسموح يحط 3 أبواب ترتفع لأعلى ومجزأة بيكون أسهل وممكن يوافقون التخطيط ألحين

هذا المخطط العام للأرض
https://i.imgur.com/ntXxFvr.png


مشكلة الغالبية هي هدر المساحات .. ممكن توظيف المساحات بشكل افضل لو تم التركيز على الاشياء الأساسية و ترك التقليد الاعمى!

شكل ستايل بيته كلاسيك و هذا السواد الاعظم من الناس يمشون عليه!

[معماري قطري]

مشكلة الغالبية هي هدر المساحات .. ممكن توظيف المساحات بشكل افضل لو تم التركيز على الاشياء الأساسية و ترك التقليد الاعمى!

شكل ستايل بيته كلاسيك و هذا السواد الاعظم من الناس يمشون عليه!

بنشوف إن شاء الله شالحل وإن شاء الله نعينه على اختيار الأفضل والله انشغلت اليوم والا كنت باضيف بقية المخططات وباضيفها بالتدريج

[معماري قطري]

مخطط الدور الأرضي وانا اشتغل عليه ألحين وكلما تعمقت في دراسته تطلع لي أشياء تتصلح أكثر

مثلاُ مسوي جنب المطبخ ممر وأحلى يكون الممر هذا من ضمن المطبخ لأن المطبخ داخلي ونحتاج نمر منه للخروج للمطبخ الخارجي ولو ضفنا مساحة الممر للمطبخ بنقدر نوزعه أفضل .. والدرج تحته مدخل ولا بينهم شيء كلش .. وبعدين عندنا باب كبير يسار يطلعنا على حوش ضيق ومسوي غرفة المعيشة صعب توزيع أثاثاها من كثرة البيبان

https://i.imgur.com/fBMz6Qz.png

الحمامات صراحة مأساة بس كله علشان الكسرة هذي

[معماري قطري]

الليلة بالكثير أو بكرة باحط تعديل الدور الأرضي

وهذي صورة لتوزيع الدور الأول

https://i.imgur.com/rJGfNCz.png

الله يعيني عليه شكل تعديل الدورين حتى يتناسقون مع بعض يبي له اسبوع

[معماري قطري]

هذا تصميم البنتهاوس كما عمله الاستشاري

https://i.imgur.com/MVBRbDv.png

هذا القطاع الطولي وجدول الدرايش والأبواب .. على هذا التصميم للدرايش طبيعي تكون ألمنيوم مستحيل تستوي يو بي في سي أو صعبة وايد .. ممكن لو حاب التشكيلة ذي يسويها خارجية بالحجر بس فتحة الدريشة تكون مستطيلة وممكن مقوسة شوي من فوق وحطيت مثالين للتقويس وحطيت الرجال وين وشلون الدريشة مرتفعة وايد .. ارتفاع 80 سم لو فيه أثاث قرب الدريشة زين وبحد أقصى 90 سم أما 105 سم ورافعها وايد مقربها 20 سم للسقف مشكلة .. انا كشخص احتاج ارتفاع بسيط فوق راسي وارتفاع 2.4 متر للدرايش والأبواب ارتفاع مريح ومسكت وفوق هذا اقتصادي وبنفس الوقت أقدر اشوف بزاوية للسماء منه أما يسويها لي فوق 3 أمتار شاستفيد

https://i.imgur.com/KJxbOia.png

[معماري قطري]

هذا تصور مقرب للدريشة المثالية بالأخضر ودريشة رفيجنا الاستشاري اللي موصلها قرب السقف 20 سم من صبية السقف .. ومسوي ارتفاع البيت 13.5 متر على قانون قبل والحين بسهولة يعطون موافقة ل 14.5 وحتى ممكن أكثر .. حتى التكييف فوق صعب تغطيته

https://i.imgur.com/riZpJ9c.png

[معماري قطري]

سمك صبية السقف 15 سم وهذا مستحيل مع استشاريينا وعادي بكرة بيسويه الانشائي 30 سم + طبقات العزل والسكريد بين 10 و 15 سم .. شيبقى من سور السقف؟ أو من المسافة لين راس الدريشة لو نزلنا الزيادة تحت

[معماري قطري]

الواجهات معتمد الاستشاري على تصميم الحجر وتفاصيله بس سوى بروز في سور السقف وهذا بعد لو خلاص لمصمم الحجر أفضل .. والقرار أكيد للمالك من البداية يحدد توجهه .. شيء ثاني اللي بيسوي حجر ويشوهه أو حتى واجهات عادية ويشوهها بدكتات هشكل ما كأنه سوى شيء .. ليش ما يخلي الدكتات داخلية وبلاط الحمامات والمطابخ يغطيها بطريقة يكون مثبت بسيليكون وممكن ينفتح للصيانة ويسوي الخارج متجانس وبدون بروزات ما لها داعي


https://i.imgur.com/kh9xn56.png

[معماري قطري]

خلصت غالبية تفاصيل الدور الارضي وضبطت المساحات وتوزيع الأثاث ولا قللت في الغرف والمتطلبات الباقية .. فكرة فتح بابين للحوش للسيارات ممكن تكون صعبة ولا تحصل موافقة عليها وغرفة السايق أفضل في ذي الجهة لغسيل السيارات والعناية بالزراعة الجهة الخلفية فيها غرفة غسيل الملابس والزاوية جنب السيارات بيكون فيها تانكي الماي وزراعة شوي تغطيه

https://i.imgur.com/2Z2EJ6X.png

[معماري قطري]

هذي مكبرة للدور الأرضي وإن شاء الله أوضح

https://i.imgur.com/zfBWLkZ.png

[معماري قطري]

إشتغلت على الدور الأول والبنتهاوس والأرضي شوي مع بعض الإضافات وهذا الأرضي

https://i.imgur.com/s10TvNs.png

أبرز إضافة البرغولا تغطي وتحدد ممر الدخول من الباب الخارجي الصغير لباب المجالس والصالة .. وعندنا مكان لوقوف سيارتين للزوار أو الوقوف الإضافي المفتوح .. وبنفس الوقت هذي المساحة لرجوع السيارة ريوس وتعديلها لتطلع من البيت وهي تمشي للأمام .. السور البسيط العازل لباب غرفة السايق يحدد مساحة مفتوحة بدون سقف بس تعزل غرفته وبنفس الوقت تحدد الطبيلة اللي ممكن نعملها بدون أعمدة معلقة من جدار لجدار وممكن نسوي واجهتها جسر خرساني ما يبين الحديد مال المظلة

الزراعة جدام حوض السباحة ممكن تكون عشب ونباتات نازلة حتى يبين الحوض ونزول الماء الراجع من مقدمته

لو أمكن من الإستشاري يحرك البيت شوي جهة اليسار ويحصل موافقة ممكن متر أو نص متر .. ألحين زاوية البيت اليسرى العلوية بارتداد قانوني 2 متر والارتداد يزيد لبقية البيت وما عندنا دريشة قريبة مطلة على الجار وأتوقع بيوافقون على متر لتمرير الصرف الصحي كافي وزود وبتكون الطبيلة عرضها 8 متر مريحة جداً وهي ألحين مريحة

[معماري قطري]

الدور الأول انشائياً فوق الدور الأرضي والحمامات غالبها فوق بعض لسهولة التمديد وبما ان عندنا الجدار الخارجي 40 سم ممكن نسوي دكت خلال الجدار وممكن نحرك الجسر جهة الغلاف الخارجي للجدار المعزول ونعمل الدكت داخلية .. ممكن حتى نعزل الجسر لو حبينا للحمام لأن مشكلته وهو غير معزول يخلي أرضية الحمام أما باردة في الشتاء أو حارة في الصيف .. الدكت كفاية 15 سم بايبات الصرف الصحي 10 سم ويبقى فراغ 5 سم وممكن تكون بدون بروز على خط واحد مع سمك الجدار

https://i.imgur.com/eHNFN6s.png

عندنا مساحة في الصالة حق بانتري صغير للشاي والقهوة وثلاجة للفواكه والخفايف وحتى ممكن اضافة طاولة دائرية للطعام .. وبتكون منورة بسبب وجود مناور اثنين هرميين واحد موضح فوق التلفزيون تقريباً والثاني فوق الممر اللي بين الغرفتين الرئيسيتين .. هذا الممر مناسب حق نباتات ظل أو حتى نباتات عادية بسبب وجود المنور .. ممكن يسوي مثلي يزرع كرز والا أفوكادو حتى العنب ممكن لأن جو البيت مع التكييف بارد بس العنب يحتاج تعريشة بسيطة في هذا الممر وبيطلع حلو

دور البنتهاوس يعتبر تكرار تقريباً للدور الأول بدال المكتب صالة رياضية وكانت متطلب من التصميم الأساسي

https://i.imgur.com/ENTVb2y.png

حطيت حرف اكس بالأحمر متقطع هذا موقع امتداد دريشة الحمام الرئيسي لو حبينا نسويها بانوراما متصلة مع سكايلايت ينور منطقة فوق الجكوزي

المساحة اللي قدرت أوصل لها بحدود 1345 متر مربع أضفت لها مساحة مظلة الخزان

[معماري قطري]

بالتوفيق لمالك البيت وأتمنى أكون سهلت شوي التصميم وقللت المساحة اللي كانت 1477 متر مربع .. والأهم من وجهة نظري يبني بيت مريح له وكافي لإحتياجه حتى لو خسر عليه شوي المهم ما يتكلف بأشياء ما لها داعي مثل الحجر ومثل التوزيع السابق اللي بتكون فيه مشاكل مع ترتيب الأثاث

المساحة نزلت 9% وممكن تنزل أكثر بس قليل بحدود 3% لو صغرت أكثر لو يحب بس هشكل وازنت بين الحوش والمساحات وضمنت التصميم جميع شروط التخطيط

[معماري قطري]

بالنسبة للبرغولا وضحت مكان الأعمدة بإكسات صغيرة ما ادري تبين أو لا بس بتكون متباعدة حول 160 سم لسهولة المرور بينها والخشب فوق حول 80 سم

وضحت مكان محتمل للتلفزيون في الميلس وممكن حتى في الميلس الثاني وأكيد حسب الرغبة بس ضروري نخلي له تمديدات احتياط ونكون عارفين مكانه

https://i.imgur.com/BOY58qD.png

[معماري قطري]

لو انا مكان المالك مب مهتم لوزنية الدرايش وايد وباركز على فتح واجهات زجاجية مودرن صوب حوض السباحة تعطي اطلالة أوسع على الحوض

[بن مفتاح]

بسم الله الرحمن الرحيم

الله يجزيك الجنة اخوي بو عبدالله على الجهد والنصائح الغالية والتعديلات، لا خلا ولا عدم، وما شاء الله هالمجال هذا ملعبك، وانت حريف الله يحفظك في هالمجال، والاكثر من ذلك انك متساعد وداعم للجميع بدون استثناء، وعسى مجهودك في ميزان حسناتك.

التغييرات في الخرائط ما شاء الله كثيرة وتصب في مصلحة البناء، بس احنا في هالمجال عليمية نحتاج وقت للتفكير وفهم الاشياء اللي تقولها، واكيد عندنا الكثير من الاسئلة على ملاحظاتك وافكارك، لأن مثل ما قلت بعض الامور يصعب ادراكها او معرفتها من شخص عادي يبني بيت لأول مرة.

مثل ما قلت لي في رسائلك الصوتية الخرائط الجديدة تحتاج لمناقشة من قبل اللي بيسكنون بالبيت حتى نصل لأفضل مقترح يشمل جميع أفكارك وبطريقة ترضي الجميع وتفي بمتطلباتنا، وهالمتطلبات المفروض انا كنت اقولها لك في بداية عرض خرائطي عليك، لكني للاسف ما كنت باني فكرة واضحة عن المتطلبات، وجدير بالذكر ان خرائطي اعتمدت لكن للاسف كان حجم البناء مثل ما قلت لك مبالغ فيه، وهذا الكلام جاني من اكثر من طرف، اخوي، صاحب شركة بناء، ورشة حضرتها online مع جمعية المهندسين القطريين، والكل أجمع أن الكثير من العوائل القطرية تبني أكثر من احتياجها، وتكلف نفسها مبالغ مُبالغ فيها على شيء لا تستفيد من جزء كبير منه، فقد تصل المساحات المهدورة الى 40 % من حجم البناء، وهذا يزيد من التكلفة بدون داع.

اغلب بيوتنا الطابق الارضي يكون هو الفيصل حيث يُبنى عليه الطابق الأول ومن ثم البنتا هاوس، ففي البداية أنا أتمنى ان احصر تفكيري في الطابق الأرضي، ومن ثم يكون الخطوة الثانية الطابق الاول والبنتا هاوس، واعتقد أن البنتا هاوس بيكون كحل احتياطي لعمل جناح خاص لولدي عندما يكبر باذن الله ويرغب بالزواج، واعتقد ان في الوقت الحالي سوف يكون الطابقين الارضي والاول يفون بالغرض، أما الملحق وغرفة السائق بالذات فنريدها مفصولة عن البيت في الجزء الغربي، واعتقد اذا لم تخنني الذاكرة ان الاستشاري قال لي ان هناك موقع للتصريف الصحي اعزكم الله، امام غرفة السائق خلف البيت فلذلك وضع مثل حوش صغير امام الغرفة لأن على حد قوله أنه يمنع البناء في هذا المكان.

بو عبدالله ،،،
الحقيقة مهما قلت من كلمات الشكر فلن أوفيك حقك، فجزاك الله عنا كل خير.


اتابع من هنا وعلى اتصال معك اخوي بو عبدالله
والله لا يحرمنا من نصايحك ونصايح اخواني في المنتدى، فجزاكم الله عنا كل خير، وجعل عملكم خالصاً لوجهة، ورزقكم جنة الفردوس، أنتم ومن تحبون .....


أخوكم أحمد

[معماري قطري]

حياك الله إخوي أحمد واللي صار اعتبره نقاش مرسوم ومبذول فيه جهد قليل ممكن يتعدل مئات المرات

كلامك صحيح بخصوص المساحات المهدورة .. إنت عندك صالتين تحت وصالتين فوق وحتى صالتين في البنتهاوس .. الغرف كثيرة وحاولت احافظ على الموجود في التصميم الأساسي .. بكرة بتحصل غالب جلساتكم تحت أو فوق .. ممكن المجلس تلغي اليسار مثلاً وتكتفي بمجلس واحد ولو قدرت تصغر شوي .. الصالات فيه مجال تتصغر والغرف كذلك وتكون مكفية للغرض وبراحة حسب توزيع الأثاث .. عندك مجال تحدد مكان حوض السباحة لمجلس خارجي وحوض السباحة بتحصل له مساحة وراء المجلس

قليلين اللي يتشجعون بالتعليق على مخططهم ويفضلون يكون التعليق خاص وبإذن الله بتحصل تفاعل وآراء إن ما نفعتك ما بتضرك

[معماري قطري]

انا باسوي لك مقترح إن شاء الله بفكرة عمل المجلس خارجي وعمل حوض السباحة مكان المجلس وفتح الصالة عليه ومدخل البيت الرئيسي .. في يدك تلغي الغرفة اللي فوقه أو تخليها لو محتاجها .. مجلس الرجال الخارجي في الغالب يكون أريح ومب شرط يكون مبالغ فيه وكبير بدون داعي وفي يدك تحدد احتياجك لكم شخص تبغي