مراجعة التصاميم المعمارية وابداء الملاحظات عليها (محدث)

[معماري قطري]

دوم أي واحد يصمم يفكر في توزيع المساحات وبيشغلها بوشو

وكلامي موجه للمهندسين والمختصين أكثر من الملاك لكن للملاك كثقافة ينتبهون لهذا الشيء .. مثلاً نرجع شوي لدور السقف بنحصل غرفة التانكي كانت صغيرة وكبرناها شوي وعملنا فيها فتحة للركوب للسقف هذا وحتى يكون الدرج محمي وهذا إقتراح الإستشاري انا وقف تفكيري وقتها وشاب توه حديث خبرة .. انا جلست أرتبه شلون بيكون لاحظت فتحة الخروج للسقف داخلة داخل في الزاوية اليمنى الداخلية ممكن تشوفونها في المشاركات القليلة السابقة

زين شيصير لو غيرنا مكانها شيء بسيط .. غيرت مكانها قريب من المدخل الخطوط المتقطعة بس مسوي حجمها 1.2 في 1 وايد كبيرة صافي هذا باصغرها لين 80 عرض في 70 طول كفاية هي لركوب شخص واحد ومستحيل يشيل شيء ثقيل معاه التحميل يكون بحبل أو بكرين من البداية

https://i.imgur.com/Bevp6gK.png

الدائرتين الكبار قطر 1.4 للتوانكي المتصلين ببعض والقابلين للفصل لغسيل واحد أو استبداله واستعمال الثاني والصغار قطر 40 سم للسخانات وبيكون عندنا الفلتر والمضخة فيه مساحة متوفرة لهم

فوق أضفت قاعدة لتكييف المياه

[معماري قطري]

هذا شكل الفتحة بعد التصغير المعقول وكانت قبل فوق فوق الصخانات في الزاوية العلوية يمين لو تنفذت على هذا الأساس بيكون العامل يدخل بين البايبات والمضخة والفلتر والصخانات لازم نشوف لهم مكان غير لين يوصل للدرج

https://i.imgur.com/2WGalk9.png

وهذا الشكل من فوق

https://i.imgur.com/dpIP0E1.png

الخط العريض هذا في حال ما عطوني ارتفاع متر زيادة لين 16 متر باركب ساتر على داير سور السقف من مواد خفيفة ممكن شبك زراعي أسود

[معماري قطري]

شلون يكون إختيارنا المناسب للأرضيات كمقاس للبورسلان ووشي خطتنا لتشطيب الأرضيات؟

انا دوم أحب أبسط الوضع بعمل سكريد لكل دور بس هنا عندي فيه مستويات مختلفة بشكل بسيط 10 سم ارتفاع وفي منطقة وحدة بس .. هذي تحتاج قص وترتيب شوي غير وبالشرح بتوضح الفكرة

الفكرة الله يسلمكم إننا نمشي على تصميم أرضية موحد للدور الأرضي كله والخيار بورسلان بس محتار في المقاس وهل المربع أنسب أو المستطيل في البداية حاب القطع المربعة الكبيرة 120 في 120 باجربها قبل

سويت آوتلاين للحدود الخارجية بس مع الدرج ومنه باقدر أركب اللي سويته على كل غرفة وحيز صغير وباشوف شيصير .. طبعاً شلت الحوائط الداخلية هذي بينقص البلاط حولها بس الأساس هو نقطة البداية واتصال الخطوط لو بنسوي مثلاً فواصل أو لو بنسوي زيرو جوينت وبنخلي الفواصل مخفية تحت النعلات .. بين هذا وهذا .. نشوف أول الزيرو جوينت

https://i.imgur.com/eMP5u7d.png

الإستمرارية على نفس المسار لعتبات المدخل بتعطينا بعد هذا الشكل

https://i.imgur.com/aexnHR2.png

خليت حدود بلاط الدرج بالأحمر بس علشان أفرق بينها وبين حدود العتبات .. بيكون فيه تفصيل للدرج يختلف باسوي الكسرات تحت العتبات ( نظام العتبات الطايرة ) وبتكون فيه إنارة خطية

الزاوية تطلع أحلى والمربع أحلى باكبر المقاس بعد ل 1.5 في 1.5 أكيد موجود هذا المقاس

[معماري قطري]

ال 1.5 تطلع أحلى وباجرب بدون زاوية تكون البلاطات سيدة .. وهي أصلاً بتكون رخامية الشكل أو بلون محايد ما فيه نقوشات وبتبين متصلة

https://i.imgur.com/kTPLmzP.png

هذا عيب نموذج الزاوية صعب شوي

ممكن هذا ينفع بدون زاوية 45 درجة

https://i.imgur.com/QiqW5I6.png

شيصير لو خليت نقطة البداية وسط الباب؟ خلوا نجرب

https://i.imgur.com/O2ArZkG.png

وايد أفضل وبواصل بدراسة كل منطقة بروحها وكذلك بدراسة أنواع بلاطات ثانية مستطيلة مثل ال 3 متر في 2 أو حولها فيه بعد 320 في 160 سم

[سالم الزهران]

وقفات بسيطة لكنها مهمة قبل كل مرحلة تركيب.. عساك على القوه اخوي بو عبدالله وعقبال العرووووس :)

[معماري قطري]

الطريقة الثانية اللي إحتمال اعتمدها شفت عند سيراميك الخليج مقاسات كبيرة 3.2 متر في 2.6 متر على ما اذكر وشاك في ذاكرتي في الرقم الثاني إحتمال 1.6 .. قيمة اللوح شامل التركيب والقص من طريقهم 1700 ريال لو المقاس الأول يعطينا 8.32 متر مربع للوح ويطلع لنا سعر المتر المربع شامل التركيب والمواد من مابي مثل ما ذكروا لي حول 204 ريالات لو الثاني يطلع 5.12 متر مربع ويطلع سعر المتر 332 ريال يعتبر غالي وباشوف شلون معاهم ممكن وقت التركيب تنزل الأسعار بس بورسلان إيطالي وجودة عالية

نشوف شلون بيكون تركيب القطع الكبيرة .. شوي الوضع محير وبيكون فيه قص وايد ويمكن أفضل أركز منطقة منطقة ويبقى التجانس في نوع ولون الألواح الوحدة .. خطوط التركيب ستحدد لازم

يعني مثال عندنا صالة التلفزيون السفلية هذي بتكون مفصولة بباب زجاجي وحاجز عن بقية الصالة لمنع تداخل الصوت وبتكون جلسة تابعة لحوض السباحة ومطلة عليه

هذي لازم لها قص للبلاطات وأحلى البلاطة تبدأ من الحافة وفيه طريقة تفصل مكان تغيير البلاطة ببلاطة جزئية تحدد المحيط باوضحها لاحق إن شاء الله

https://i.imgur.com/srj2BPq.png

[معماري قطري]

المستطيلات المحددة بالأزرق وخطوط متقطعة هذي السلابات الكبيرة للبلاط حتى ناخذ فكرة شكثر بنقص وشكثر نحتاج من بلاطات

[معماري قطري]

كنت أتناقش وأحد الإخوان عن التناظر Symmetry وهذا توجه قديم جداً نقدر نسميه كلاسيكي قديم من بدايات 1900 وكسروه معماريي العالم بس للأسف منتشر عندنا وبعض معمارينا يعبدونه عبادة ويقاتلون من أجله .. شرحت كيف انا دوم أتعمد كسر التناظر في كل شيء حتى أغلب الوظيفية وأوظف الفراغ أفضل وبديت أعطي أمثله بالفيديو وبما إن الموضوع عن التصميم بحط الفيديو هنا

البعض يتخيل التناظر لازم يستمر للواجهات حتى من تحت لفوق ومن اليمين لليسار وهذا شيء مستحيل للي يفكر بذكاء ويفكر للإستفادة من الفراغات صح .. هذا مثال لبروز عندي كتلة بارزة غير عن الكتلة البارزة الثانية لو بنشوفهم بتناظر ممكن نحط خط التناظر مايل ب 45 درجة بما إن البيت جاي باتجاهين خط زاوية 45 درجة واتجاه ال 90 درجة المعروف وهذا من أصعب التصاميم وانسوا التناظر معاه أرجوكم



https://www.youtube.com/watch?v=ztlHRX_fsLM

المشكلة في مشاركات الفيديوهات ما اقدر احط الا فيديو واحد في كل مشاركة والفيديوهات حول 6 باحطها في مشاركات منفصلة

[معماري قطري]

هنا متابعة للشرح لو طلعنا فوق الحيز السفلي للمكتب لحيز غرفة النوم فوق وهي متكررة كذلك في البنتهاوس .. الفكرة هذي الكتلة تحت دريشة عريضة وتختلف تخدم الفراغ تحت اللي هو المكتب مغطيها سور البيت ما تبين اللي يبين الجزء العلوي ما فيه داعي نكون حساسين ونخرب تصميم الغرفة الداخلي حتى نوزن الشكل الخارجي متناظر ومتصل من تحت لفوق



https://youtu.be/aEA0rTerXP8

كذلك داخلياً وتوزيع الفراغ الداخلي انا ممكن ببساطة أسوي كبت جهة اليمين وأوازن الغرفة كواجهة داخلية متناظرة اليمين نفس اليسار بس هذا غباء تصميمي عندي مساحات ملابس فوق ال 12 متر ما فيه داعي أزيدها بعد

[معماري قطري]

هنا فكرة ثانية تعديل بسيط لدورة المياه أشوفه يسوي فرق بإذن الله



https://youtu.be/E0rTkSyHgtI

[معماري قطري]

هذي متابعة للفيديو السابق وسويت الفيديوهات كلها قصيرة حول 3 دقايق



https://youtu.be/JpcCuITYkDg

[معماري قطري]

https://youtu.be/EjAsfnZ4If8

[معماري قطري]

الخلاصة دوم كسر التناظر مهم ويفيدنا ما يضرنا ويحسن التصميم

[معماري قطري]

الحمد لله ما قصروا أشغال وبالأساس ما قصر الإستشاري المشرف على البنية التحتية تمت كما أتمنى وأفضل كل الشكر لإخوي المهندس من إيطال كونسآلت عبدالله الصادق ( أبو غازي ) من كبار المهندسين ومتفهم .. الطريق للبوابة سهل وانسياب بسيط والأرض مهدوها ونظفوها .. كانت بيوت الوالد تعاني من دخول العقارب لوجود أشجار هنا في هذي الأرض كثيفة وكذلك مخلفات بناء قديمة وما قصروا بازالتها وتمهيد الأرض



https://youtu.be/_Yrg9yQ_q20

[معماري قطري]

والشكر موصول لجميع المهندسين كذلك من ايطال كونسآلت



https://youtu.be/HsJH2TtqpOc

[معماري قطري]

https://youtu.be/E-ix8xmwFwE

[معماري قطري]

التصوير كان البارحة بعد 11 والجو حرارته معقولة كانت من هشكل الإضاءة بسيطة .. باشوف فيديو قديم للمنطقة قبل الترتيب ذيه

[سالم الزهران]

الله يبارك لكم اخوي بو عبدالله ويعينك تبنيه وتبنيه غيره وانت والعيال في صحة وعافية

[معماري قطري]

الله يبارك لكم اخوي بو عبدالله ويعينك تبنيه وتبنيه غيره وانت والعيال في صحة وعافية

الله يجزاك خير يا اخوي بو زيد

الإنارة والشوارع الدائمة تحيي المنطقة وبعد تجيك زراعة شيء وايد زين .. هم بدوا يزرعون المناطق اللي انتهوا منها باقي لنا بس رصف باقي اشوارع الرصفة الأخيرة وهي قليلة .. هذا اللي كنت فيه مرصوف وصورت قبل بس الفيديو والصور داخل الموضوع شلون كان الموقع .. أعتقد هذي الصورة من قوقل ايرث توضح كل شيء

هنا بيوت الوالد الله يرحمه اللي فوق يمين واحد أجرناه روضة اليسار اللي فيه المظلات والثاني فيه والدتي ألحين الله يحفظها وهي تحثني ابني بيتي بيكون تحت جنوبي بيت الوالدة وبيت ولدي خليفة اللي بيكون متصل والأرض بإذن الله مفتوحة يسار بيتي ولا بنبنيها ما خططنا للحين بتكون حديقة في البداية .. يسار أكثر أو غرب أرض ولدي عبدالله اللي زاوية اللي النية نبدأ نبنيها شهر 9 بإذن الله وتسهيله بتكون مفصولة بينا وبينه شارع .. فوق أرضه حق ولد عمي ويسار أرضه تبين أرض ولد إخوي غانم الله يغفر له ومسورينها وببوابة وأظن فيها كهرباء وماء وزراعة

شوف الأرض يبين فيها الشجر اللي أزالوه في الفيديوهات الأخيرة ومهدوها


https://i.imgur.com/exjShSK.jpeg

[معماري قطري]

نسابق الوقت حتى ننهي عقد البنيان وضرس يرقل لا بد من خلعه ولازم أغير الإستشاري وأسوي مخالصة مع الحالي وأحدد الإشراف وتعديلات العقد مع آخر .. مع قروب الوتس أب تعرفت على ناس جادين ومحترمين منهم إخت معمارية ومصممة انترير اقترحت تحسين للمدخل واقتراحها في محله ولا ادري شلون فاتني وكان الإستشاري المصمم في الإنشائي ضعيف وتعبني سوى العمود 50 سم شكبره مع إن 30 يكفي وزود حتى 25 يكفي .. بعضنا يحسب 25 نص ال 50 لكنه الربع أعتقد .. خلونا نحسبها .. المساحة المقطعية للعمود الدائري = 3.14 اللي مسماة باي ضرب مربع نص القطر .. ال 50 تعطينا 1962.5 سم مربع وال 25 تعطينا 490.625 سم مربع .. إقسموها على بعض تعطينا 4 أضعاف أو الصغير ربع الكبير .. المهم بنغير لأعمدة مستطيلة بدال المشمشي الدائري

https://i.imgur.com/jb41aJn.png

حطيت الخطوط المتقطعة لتوضيح مسار الحركة

هذا الشكل كامل

https://i.imgur.com/0lVI12u.png

حركنا النافورة داخل استوت لها اطلالة من عدة جهات من المطبخ ومسار النظر للباب ما فيه عمود شكبره .. فيه النافورة فقط وممكن نسويها نازلة ما تعيق الرؤية .. شلت العمود حتى توضح الصورة أكثر

https://i.imgur.com/68hc8GG.png

غرفة الطعام بتكون مفتوحة عليها + صالة التلفزيون يمين + المطبخ + مدخل البيت + الجلسة تحت + لوبي المصعد .. تقريباً كل مكان وهذا شيء ممتاز

إستوى عندنا حايط ممتد أسفل جلسة التلفزيون اللي توسعت في اتجاه الصالة من 4.3 متر ل 5.5 متر وممكن يكون عليه أو مدمج معاه كبت للأحذية أعزكم الله وممكن باب منه للعبي + الموجود في المجلس كذلك للعبي تكلمت عنه سابقاً بس هذا ممكن لأصحاب البيت

هذي صورة مقربة لصالة التلفزيون وبيندرس النظام الإنشائي أكثر زحمة أعمدة بدون داعي مثل ما تشوفون

https://i.imgur.com/DXsgges.png

تكفي 10 أشخاص وشبه معزولة عن الصوت وقريبة من حوض السباحة ومفتوحة على ليوان حوض السباحة

هنا استوت عندي كسرة ممتدة لمدخل الدرج وعتبة معاها ترفع المستوى لأرضية الدرج عتبة قبل عريضة وهي نفس ارتفاع ارضية المكتب هنا هشكل بيصير عندنا عدد العتبات المؤدية للدور الأول 36 على ارتفاع السقف من أرضية لأرضية 4.8 وأكيد الصافي بيقل .. تطلع لي كل عتبة 13.33 سم هذي مب مريحة الا سوبر مريحة

https://i.imgur.com/Hf9c0oX.png

بنفس الوقت كان الإستشاري حاط باب غرفة المكتب داخل ومسوي مكان الدي بي الرئيسي مقابل باب المخزن وانا كنت ابغيه مخزن تابع للمكتب هشكل رديته تابع للمكتب والدي بي بيكون مقابل الدرج النازل بيكون مخفي بكبت خشب والحايط مجوف له

هذا كان تصميمي للمكتب داخلياً قبل وألحين بيتغير مكان الباب يسار وبتستوي فتحة والكبت بيزيد طوله أو ممكن يستوي كبت وركن قهوة بسيط مقابل باب المخزن

https://i.imgur.com/zLt3zHY.png

[معماري قطري]

إشتغلت بعد على توزيع الحوش والحديقة وبيكون مكان الحديقة اليمنى مكان توسعة مستقبلية وقت الحاجة بس مؤقتاً بتكون مكان متدرج ونازل مكان الخط المتقطع الأبيض هذا يوصل له بايب جمع مياه المطر تنزل فيه جميع بايبات السطح اللي في الخلف وفي الجنب الأيمن وبنسوي بعد وصلة لصرف المطر صوب المجلس وملحق حوض السباحة كلها تحت الأرض مخفية توصل المياه للمنطقة النازلة ذي بتكون مثل البحيرة الصغيرة

خط الصرف الصحي الرئيسي موضح الأحمر المتقطع بس بتدخل عليه خطوط فرعية كثيرة من دورات المياه

https://i.imgur.com/0yO4Ec1.png

[معماري قطري]

إجتمعنا إجتماع مطول مع استشاري ثاني للإشراف غلط إني أواصل مع نفس الإستشاري الفاشل والله يوفق عندهم معمارية مفتحة .. إختنا هديل العراقية وأعتقد من خريجات جامعة قطر وتشتغل بعد انترير .. ومهندس مدني سوداني مشرف له 22 سنة شغال في قطر ومكتبهم في منطقة معيذر ويشرفون على مباني هناك بنتوكل على الله ونخلص معاهم بس نتخالص مع الإستشاري المصمم ونستلم رخصة البناء بإسم المشرف وتعهده بس لازم يسويها المصمم لأنها جزء من عقده

دخل معانا أحد الإخوان بعد من الشباب اللي يبنون حالياً وما قصر إقتراحه بيتطبق وحلو شكله .. هذي التعديلات اللي اقترحتها المعمارية وانا طبقتها بتصرف بسيط

https://i.imgur.com/jq1AJWn.png

أشوف مدخل المجلس بعد إضافة صالة الجلوس الجانبية وعملها جلسة تلفزيون تابعة للمجلس وكذلك تابعة للبيت ومفتوحة على الدبل هايت بيطلع أحلى وبتتوفر جلسة إضافية تابعة للمجلس وهذا كان إقتراح إخونا اللي يبني حالياً أعتقد وصلنا 27 كرسي وممكن أكثر حسب النوع والمقاس .. عمل باب سلايدنغ لغرفة الطعام أو أوكورديون ممكن يعطينا انفتاح بعد أكبر بيضمن خصوصية الغرفة وكذلك انفتاحها وقت الحاجة وهنا لازم ينقطع اتصال السقف بجسر ساقط بس لكن بقية الفتحات بيكون السقف المستعار متواصل لإعطاء شراحة أكثر

حالياً يدرس اقتراح إزالة العمود الدائري في زاوية الدبل هايت بس خليته موجود لأني أشوف ما بيكون مؤثر كثير حتى لو بقى .. والعمود المربع ممكن تثبيت عليه كاونتر للصور والمزهريات ويكون شكل تزييني

إستوت عندنا المغاسل أكثر ومكانها منفتح أفضل وألغينا الباب اللي مقابل المطبخ والتخديم على غرفة الطعام بيكون من خلال الباب السلايدنغ وترتب المكان استوت عندنا مساحة لكاونتر البوفيه

https://i.imgur.com/bdft1Ae.png

الجهة الثانية زادت عندي مساحة غرفة التلفزيون تحت المغلقة بقزاز وواجهة مطلة على الحوض .. والمكتب قدمنا ارتفاع أرضيته لقرب المصعد مثل ما هو واضح وتكون عتبة أولى عريضة للدرج اللي بتكون عتباته بارتفاع 13.33 سم للعتبة وبيكون وايد مريح

https://i.imgur.com/SAVBFOf.png

[SouthK]

إجتمعنا إجتماع مطول مع استشاري ثاني للإشراف غلط إني أواصل مع نفس الإستشاري الفاشل والله يوفق عندهم معمارية مفتحة .. إختنا هديل العراقية وأعتقد من خريجات جامعة قطر وتشتغل بعد انترير .. ومهندس مدني سوداني مشرف له 22 سنة شغال في قطر ومكتبهم في منطقة معيذر ويشرفون على مباني هناك بنتوكل على الله ونخلص معاهم بس نتخالص مع الإستشاري المصمم ونستلم رخصة البناء بإسم المشرف وتعهده بس لازم يسويها المصمم لأنها جزء من عقده

دخل معانا أحد الإخوان بعد من الشباب اللي يبنون حالياً وما قصر إقتراحه بيتطبق وحلو شكله .. هذي التعديلات اللي اقترحتها المعمارية وانا طبقتها بتصرف بسيط

https://i.imgur.com/jq1AJWn.png

أشوف مدخل المجلس بعد إضافة صالة الجلوس الجانبية وعملها جلسة تلفزيون تابعة للمجلس وكذلك تابعة للبيت ومفتوحة على الدبل هايت بيطلع أحلى وبتتوفر جلسة إضافية تابعة للمجلس وهذا كان إقتراح إخونا اللي يبني حالياً أعتقد وصلنا 27 كرسي وممكن أكثر حسب النوع والمقاس .. عمل باب سلايدنغ لغرفة الطعام أو أوكورديون ممكن يعطينا انفتاح بعد أكبر بيضمن خصوصية الغرفة وكذلك انفتاحها وقت الحاجة وهنا لازم ينقطع اتصال السقف بجسر ساقط بس لكن بقية الفتحات بيكون السقف المستعار متواصل لإعطاء شراحة أكثر

حالياً يدرس اقتراح إزالة العمود الدائري في زاوية الدبل هايت بس خليته موجود لأني أشوف ما بيكون مؤثر كثير حتى لو بقى .. والعمود المربع ممكن تثبيت عليه كاونتر للصور والمزهريات ويكون شكل تزييني

إستوت عندنا المغاسل أكثر ومكانها منفتح أفضل وألغينا الباب اللي مقابل المطبخ والتخديم على غرفة الطعام بيكون من خلال الباب السلايدنغ وترتب المكان استوت عندنا مساحة لكاونتر البوفيه

https://i.imgur.com/bdft1Ae.png

الجهة الثانية زادت عندي مساحة غرفة التلفزيون تحت المغلقة بقزاز وواجهة مطلة على الحوض .. والمكتب قدمنا ارتفاع أرضيته لقرب المصعد مثل ما هو واضح وتكون عتبة أولى عريضة للدرج اللي بتكون عتباته بارتفاع 13.33 سم للعتبة وبيكون وايد مريح

https://i.imgur.com/SAVBFOf.png





الله يبارك لكم .. اذا تشوف الاستشاري اللي بتتعاقد معاه زين عطني اسم مكتبهم لا تهون!

[معماري قطري]

الله يبارك لكم .. اذا تشوف الاستشاري اللي بتتعاقد معاه زين عطني اسم مكتبهم لا تهون!

هو تصنيف سي أو درجة ثالثة معماري ومدني بدون خدمات انا فكرت زين للمتابعة وبعد بنتابع معاه .. عقدي هالمرة بيختلف وأول مرة اسوي عقد هشكل بيكون اتفاق على شغل يد المقاول وعلى دفعات والمواد علينا نوفرها .. المقاول مجرب وبنفس الطريقة وواحد نصحني به .. إسم المكتب داري للإستشارات الهندسية في معيذر ويشرف على ذيك المنطقة

[معماري قطري]

هذا مقطع يوتيوب أشرح فيه طريقة الحوض والمحيط اللي حوله



https://www.youtube.com/watch?v=vP-m21j9LRY&t=36s

[SouthK]

هو تصنيف سي أو درجة ثالثة معماري ومدني بدون خدمات انا فكرت زين للمتابعة وبعد بنتابع معاه .. عقدي هالمرة بيختلف وأول مرة اسوي عقد هشكل بيكون اتفاق على شغل يد المقاول وعلى دفعات والمواد علينا نوفرها .. المقاول مجرب وبنفس الطريقة وواحد نصحني به .. إسم المكتب داري للإستشارات الهندسية في معيذر ويشرف على ذيك المنطقة

لا عدمناك!

[معماري قطري]

لا عدمناك!

جزاك الله خير

بخصوص هذا النوع من العقود اللي حبيته فيه هو لو كان شغلك مب كامل وفيه خربطة في التصميم وأقصد هنا الخدمات خصوصاً وحساب الكميات لعب علي الإستشاري فيه حساب بالمصري ما ادري شلون مسويه حتى المواصفات كلش ما ابغيها .. أفضل لي أتجه لهذا النوع والمهم المقاول مرخص ومقاول رسمي والأهم مب عربي والأهم أكثر يسوي الشغل اللي أبيه والمواصفات اللي أطلبها وعلي المواد وعليه شغل يده .. شيء أخير إتفاقي معاه عظم بس منسق مع مقاول الخدمات التكييف بنوقع معاه والكهرباء والصرف الصحي في طور الإتفاق وحصلنا مقاول ممتاز بيعطينا مخططات وعينات لكل المواد مثل ما نبغي .. باقي عقد حوض السباحة بس بعد هذا مفكر أسوي الهيكل عن طريق المقاول اللي بيبني حتى الفلتر وعدته سهلة نجيبها من أي مكان

عارف هشكل يحتاج شوية شغل ووقت والحمد لله مب مستعجلين ثلاث الى خمس سنين عادي البنيان يمشي براحته .. فيه شيء مهم كونترول العقد في يدي بيكون وممكن ألغي المقاول وأغيره أي وقت وما اتوقع نحتاج والبديل موجود بس هذا معروف وجيد في بنيان العظم

[معماري قطري]

بخصوص العقود الإداريين العرب الله يهديهم يحبون يلفون ويدورون لازم تدقق عدل في العقد الكلام غير والمكتوب كلش غير ويستدرجك توقع وتدفع دفعة اولى .. دوم أتكلم عن مكتب رئيسي لتوثيق هذي العقود وتدقيقها ونصح الملاك بالنواقص ويكون قانوني هندسي تابع للدولة مثله مثل توثيق عقود الإيجار بس مع التدقيق والتدخل وقت الإختلاف

دوم فيه شروط بناء عامة هذي توفر النسبة الأدنى من المتطلبات وفيه شروط خاصة هذي في يد المالك والمصمم وهذا المكتب يفترض يركز على هذي الأمور ويتابعها .. وفيه الإشراف العام من الدولة لأنها هي الحاضنة للقوانين والمرخصة للشغل وللعمال ويفترض عندها اشراف عام يسوي جولات تفتيشية مفاجئة .. مثال وقت صب والإستشاري مفقود لازم يحاسب .. ووقت صب وجاوا وما حصلوا عدد كافي من العمال والإستشاري موجود وممشي الوضع ولا فيه هزاز ولا سوى اختبارات الخرسانة المعروفة ووقت الجو فيه حار وايد أو هواء أو مطر هنا المحاسبة تكون عسيرة .. ومثلاً المالك شك في شغلة معينة وصورها وأرسلها لمكتب التوثيق أو الإشراف العام والمفروض الإثنين يكون وحدة واحدة .. يطلع مهندس أو مفتش عنده المام ودبلوم أو كورسات معينة يتأكد وفي يده الضبط القضائي القانوني الهندسي لا يحتاج محاكمة ولا شيء ينمسك الإستشاري اللي مشى الشغل والمقاول بالجرم المشهود ويحاسبون

آلية الحساب لازم تكون واضحة ومبلغ ممسوك مثلاً مودع عند المكتب هذا أو توصل لقضية تقيمها الدولة ضد المقاول أو المكتب الهندسي المشرف وممكن توصل للتسفير وانهاء الخدمات .. هشكل بنعيش احنا في سعادة

بعد مهم ترخيص كل عامل وكل مهني واختبارات لهم كل هذا بيؤدي لرفع المنظومة الهندسية

[SouthK]

ما في نموذج للعقود معتمد و يحمي حقوق الاطراف.
من فترة كنت بتعاقد مع مكتب توقعته ممتاز لكن و مثل باقي المكاتب في قطر لما عطيته تعديلات على العقد ما رد علي و لا حتى على اتصالاتي و لما رحت المكتب الشخص اللي قابلته في أول زيارة غير موجود و المدير دايم يتهرب أو في اجتماع!
المكاتب عندنا يتحايلون باي طريقة و لما تحكرهم يشردون و هذا ما له تفسير إلا انهم ما يبغون يشتغلون بالمستوى اللي يطلبه بعض العملاء و قلت هني البعض لأن الغالبية من العملاء ما يفهمون في العقود!

في بالي انزل مواضيع عن المكاتب في قطر .. وش رايك؟

[معماري قطري]

ما في نموذج للعقود معتمد و يحمي حقوق الاطراف.
من فترة كنت بتعاقد مع مكتب توقعته ممتاز لكن و مثل باقي المكاتب في قطر لما عطيته تعديلات على العقد ما رد علي و لا حتى على اتصالاتي و لما رحت المكتب الشخص اللي قابلته في أول زيارة غير موجود و المدير دايم يتهرب أو في اجتماع!
المكاتب عندنا يتحايلون باي طريقة و لما تحكرهم يشردون و هذا ما له تفسير إلا انهم ما يبغون يشتغلون بالمستوى اللي يطلبه بعض العملاء و قلت هني البعض لأن الغالبية من العملاء ما يفهمون في العقود!

في بالي انزل مواضيع عن المكاتب في قطر .. وش رايك؟

الله المستعان صادق وانا معاك مكتب توثيق وتدقيق حكومي للعقود هو الحل ولازم يكون مهني وباختصاصيين قانونيين وهندسيين فاهمين وخبرات .. يذكر لي أحد الإخوان بنيانه لبيت في ألمانيا يقول عقدك عن طريق مكتب محاماة تخصص تصميم وبناء وادارة مشروع .. هذيك الدول تطورت بسبب الإدارة المتطورة واحنا عندنا للحين الشغل على البركة والبلاد مفتوحة للعب

فيه ناس يقولون بتزيد الأسعار .. بالعكس بتستوي المتافسة شريفة ومهنية وكل من يدور شغل بيرضى بالإلتزام لو حصل أدوات تجبره عليه وبياخذ شغل بسعر مناسب حتى يعيش .. بالعكس بتنزل الأسعار وبترتفع الجودة وبتكون بيئة الشغل الهندسي نظيفة

سوى لي استشاري نص كم حساب كميات ومواصفات من بدايتها حسيت اني بادخل في تكاليف ما لها داعي وشغل أي كلام .. يوم الإستشاري يحدد لك إن الدفان ناتج الحفر يزال من الموقع ويرحل ويجيب المقاول دفان جديد هنا سوى شغلة من اللاشغلة ودفعك فلوس الترحيل وفلوس دفان جديد وممكن الدفان بودرة ناتج هدم ومواد عضوية

[SouthK]

الله المستعان صادق وانا معاك مكتب توثيق وتدقيق حكومي للعقود هو الحل ولازم يكون مهني وباختصاصيين قانونيين وهندسيين فاهمين وخبرات .. يذكر لي أحد الإخوان بنيانه لبيت في ألمانيا يقول عقدك عن طريق مكتب محاماة تخصص تصميم وبناء وادارة مشروع .. هذيك الدول تطورت بسبب الإدارة المتطورة واحنا عندنا للحين الشغل على البركة والبلاد مفتوحة للعب

فيه ناس يقولون بتزيد الأسعار .. بالعكس بتستوي المتافسة شريفة ومهنية وكل من يدور شغل بيرضى بالإلتزام لو حصل أدوات تجبره عليه وبياخذ شغل بسعر مناسب حتى يعيش .. بالعكس بتنزل الأسعار وبترتفع الجودة وبتكون بيئة الشغل الهندسي نظيفة

سوى لي استشاري نص كم حساب كميات ومواصفات من بدايتها حسيت اني بادخل في تكاليف ما لها داعي وشغل أي كلام .. يوم الإستشاري يحدد لك إن الدفان ناتج الحفر يزال من الموقع ويرحل ويجيب المقاول دفان جديد هنا سوى شغلة من اللاشغلة ودفعك فلوس الترحيل وفلوس دفان جديد وممكن الدفان بودرة ناتج هدم ومواد عضوية

احنا نطالب من زمان بوجود جهات ذات سيادة تنظم الاعمال الهندسية لكن طلعنا بلجنة قبول المهندسين اللي ما اعرف وشو لازمتها .. و المشكلة عندك جهل الناس بالقوانين و هذا اللي يخلي المكاتب تتلاعب لأنها تعرف القوانين و تعرف اشلون تهرب من المساءلة القانونية و هذا أكيد مب شي للفخر لكن عند بعضهم فهلوة!!

اخوي معماري دام عندك الخبرة ليش ما تصيغ عقد و تنشره؟؟ إذا بغيت ساعدتك!

[معماري قطري]

احنا نطالب من زمان بوجود جهات ذات سيادة تنظم الاعمال الهندسية لكن طلعنا بلجنة قبول المهندسين اللي ما اعرف وشو لازمتها .. و المشكلة عندك جهل الناس بالقوانين و هذا اللي يخلي المكاتب تتلاعب لأنها تعرف القوانين و تعرف اشلون تهرب من المساءلة القانونية و هذا أكيد مب شي للفخر لكن عند بعضهم فهلوة!!

اخوي معماري دام عندك الخبرة ليش ما تصيغ عقد و تنشره؟؟ إذا بغيت ساعدتك!

سويت يا اخوي ومن زمان شوف موضوع العقود المثبت فوق فيه تفاصيل كثيرة

حياك معانا في القروب ناوي نناقشه هناك بس ألحين واحد يشتغل عليه يزيل الأسماء وبنحطه كنموذج قابل للتعديل حسب الحاجة


رابط القروب للي يحب يشاركنا

https://chat.whatsapp.com/CgdCfGMCFIyK5bpEQAbJOc

[SouthK]

سويت يا اخوي ومن زمان شوف موضوع العقود المثبت فوق فيه تفاصيل كثيرة

حياك معانا في القروب ناوي نناقشه هناك بس ألحين واحد يشتغل عليه يزيل الأسماء وبنحطه كنموذج قابل للتعديل حسب الحاجة


رابط القروب للي يحب يشاركنا

https://chat.whatsapp.com/CgdCfGMCFIyK5bpEQAbJOc



بإذن الله

[معماري قطري]

بإذن الله

نتشرف بك وبالجميع .. فيه نقاش مستمر وفيديوهات تثقيفية كثيرة ومتابعات والشباب اللي يبنون يعطون تحديث مستمر للمواد وللمقاولين يعني أوقات 200 رسالة في اليوم .. معانا مهندسين خبرات مختلفة ومن عدة دول ودوم بدون رسائل خارج التخصص .. تصميم وبناء + انترير + لاندسكيبنغ وزراعة تجميلية + أثاث والكترونيات منزلية وتكييف والدعايات التخصصية أكيد مرحب بها

[معماري قطري]

هذي صورة غير دقيقة حق شكل حوض السباحة بعد تقريبي .. بيكون القوس وراء الحوض بينه وبين خدمات الحوض غير مزدوج التقوس هذا احتديت اسويه احادي والجدار مال حوض التوازن تحت بيكون شوي أعلى والزجاج فوق بيكون له فريم على الجنبين ومايل شوي لتحت وما حطيت الجسر الداعم لهذا الزجاج

https://i.imgur.com/fKruvoV.png

[معماري قطري]

هذي صورة عادية لتفصيل الفاصل الزجاجي أعلى جدار الحوض اللي يطل على المكتب .. بيكون مرتفع عن أرضية ليوان المكتب 40 سم وعرضه 3 وممكن أسويه للزاوية والفريم بس فوق ومركب بسيليكون بيكون مع البلاط .. أرضية الليوان بتكون تحت 5 سم بس

https://i.imgur.com/9HBVM99.png

إن شاء الله واضحة

حاولنا نتفق مع مقاول حق يبني العظم والمواد علينا عطانا سعر وايد عالي عليه شغل يده بس وبإشراف ومتابعة .. عطانا نص تكلفة العظم بالمواد وبنشوف ممكن نسوي مناقصة بس أكيد بنتأخر شوي

[معماري قطري]

الصورة الأخيرة توضح الجزء اللي في الصورة اللي قبلها بالأزرق الفاتح هذا الزجاج وجدامه قضيب التمارين واللياقة هذا بيكون ستانلس ستيل وفيه بعد مناسب بينه وبين الزجاج للمسك ولعمل حركات تمرينية في الماي هذي جربتها في العلاج الطبيعي المائي وايد زينة ومفيدة

[معماري قطري]

هذي صورة تقريبية لرؤية الإنسان على ارتفاع 177 سم يعني الطول العادي للشخص

https://i.imgur.com/sSFvSRm.png

المواد ما تطلع واضحة والإنارة قوية ما ادري شلون أضبطها

[معماري قطري]

على وشك توقيع العقد والعقد هالمرة بيكون كلش غير .. بيكون علينا المواد وعلى المقاول شغل اليد .. أول مرة أخالف مباديء تعودت عليها .. أقنعني بالسالفة أحد الإخوان اللي بيته في المراحل الأخيرة وبيته مشتغله بهذي الطريقة .. الحلو يكون فيه تحكم في جودة البناء وإحنا بنبني عظم في البداية وجودة شغل المقاول مع الإشراف بإذن الله مضمونة بنسبة تزيد على 90% .. صحيح الشغل بيكون فيه تنسيق أكثر وتعامل مباشر مع الموردين وممكن هالك أكثر بس سهل ناخذ الجودات الأعلى وأفضل المواد

فيه اتجاه ثاني لبناء العظم مع المواد باشتراطات ومواصفات وتحديد المنتج بالإسم وكله طابوق وحديد واسمنت وعوازل وتمديدات معمول حسابها والتكلفة بتكون بين 800 و 900 لسعر المتر .. تقديرات التكلفة الأولى صعبة شوي بس مثل تجربة رفيجنا المتابع معانا بتكون حول ال 500 ريال الى 600 وحتى لو تزيد لحدود 800 و 900 وبتحكم في الجودة هو الأهم عندي

إضطريت لهذي الشغلة لأسباب منها إعتمادي على التدفق المالي السنوي وعلى إن العملية تكون طويلة نوعاً ما وتدريجية وتكون الإختيارات عندنا وبواصل معاكم بكل جديد بتقارير مصورة بإذن الله ومتابعة لفائدة الجميع

طبعاً المقاول مرخص وكذلك الإستشاري مكتب مرخص وبتتم المتابعة والمهم مبدئياً يخلص الهيكل الإنشائي في الأجواء الباردة القادمة وكذلك بناء الطابوق بس أفضل يتم بعد بناء الهيكل واكتمال تقوية الهيكل برشه بالمياه

شغالين على عقد التكييف وبيكون عن طريق مقاول ثاني ويتكون من تكييف سبلت ودكت سبلت لغالب البيت مع نظام بكج لمنطقة وسطية يدخل هواء خارجي نقي لتجديد الهواء .. وعقد الكهرباء مع الصرف الصحي وصرف المطر بيكون غير مع مقاول جيد مع ترتيب التصميم الفاشل اللي مسويه الإستشاري والصرف بيكون نظام الكلين آوت

بنتابع إن شاء الله ونشوف التطورات

[معماري قطري]

توضيح بخصوص عقد التكييف وشرحته في السابق .. بيكون معاه مراوح الشفط والتهوئة للبيت كله والمراوح بتكون كلها خارجية فوق السطح ومثبتة في سور السقف .. لدورات المياه اللي فوق بعض بتكون عن طريق بايب 6 إنش أو 4 إنش بس أفضل 6 لأنها بتكون مروحة وحدة فوق لثلاث دورات مياه في حال دورات المياه فوق بعض بس نادر تستخدم كلها بنفس الوقت وحتى لو استخدمت بنفس الوقت ما تقل كفاءة السحب كثير وبتكون المروحة تشتغل بسنسر حسب الرطوبة وحسب الحركة داخل دورة المياه ولنص ساعة .. خذنا مواصفاتها وعرض السعر من الرونق بتكون اسبانية وجودة عالية مثل ما قالوا والله أعلم .. باحط مواصفاتها لكم بإذن الله وكتلوجها

على سبيل المثال عندي الجهة الشمالية من واجهة البيت تقع على ارتداد 3 متر وبعديه جار يستوي ولد عمي ظهر بيته في ظهر هذا البيت بيكون بيته مقابل شمال وهذا جنوب شرق زاوية وصممت فيها غالبية دورات المياه مع المطبخ وهذا السكشن يوضح سكتش تمرير هذي الدكتات في الغلاف الخارجي للجدار الخارجي بس إحتمال تتغير ل 15 سم .. اليمين تحت دورة مياه قليلة الإستهلاك قطعتين بس مغسلة وكرسي تابعة للمكتب وأقدر أكبرها لإضافة شور بعد وتصير غرفة كاملة بس شفت الحاجة حق مكتب منزلي أكثر والغرف كفاية وزود .. ممكن لو تتغير تكون صالة رياضية مصغرة .. لذلك ممكن نسوي لها مروحة سحب في الجدار ومخفية من داخل فوق السقف وكلهم بيكونون مخفيات بس هذي قصدي النظام التقليدي والنوعية الأرخص كي دي كي أو اكسبلير .. أكيد الثلاث على خط واحد والسحب من فوق بيعطينا ميزة الصوت الهاديء بسبب بعد المروحة بس لو تعطلت 3 دورات مياه تهويتها بتكون تعبانة لكن اصلاحها بعد أو استبدالها بيكون سهل من فوق السطح

https://i.imgur.com/VCXLmpG.png

الوسط عندي مخزن تحت بيكون مكيف سبلت للمطبخ وفوقه دورتين مياه وبعد أشوف خط واحد من تحت لفوق والمروحة فوق تخدم الثلاث فراغات تحت بتكون عملية وجيدة وصوتلس .. حتى مسئلة دخول الغبار بتكون مستبعدة بسبب إن المخرج فوق بيكون معقوف للأسفل وفيه شبك حشرات ومنه دفع وليس سحب .. للمطبخ السحب منفصل وحتى التكييف يختلف بيكون سبلت معلق

[معماري قطري]

عندنا اتصال رأسي بين الفراغات في المدخل مزدوج الإرتفاع بيكون ارتفاعه قريب ال 10 متر تحتها بشوي لأنه يغطي الأرضي والأول .. والمكان الثاني اللي يغطي كل الأدوار بيت الدرج والمصعد .. هذا تكييفه بيكون سبلت جداري وتهويته لازم أسويها مع هواء خارجي داخل مفلتر فيه سبلت يدخل اوكسجين نقي من سامسونغ وال جي وبدون غبار تكنولوجيا كورية بس ما انتشرت والله أعلم لو مواصلين فيها أو لا .. وشكثر هواء نقي ككمية بتكون قليلة بس شيء أفضل من لا شيء .. لكن أسلم لو نعمل فتحة يدخل منها هواء مفلتر بالإضافة للهواء المكيف والمزالة رطوبته اللي بيدخل في المدخل مزدوج الإرتفاع .. بعدين من فوق الأسقف خلال دكتات يمر الهواء ومعاه الهواء النقي للغرف ومنها لدورات المياه يطلع مع السحب من فوق .. هشكل بتكون دورة هواء صحية وبنفس الوقت ما بيستوي البيت كتمة صيف وشتاء لأن في الشتاء طبيعي بنطفي المكيفات خصوصاً اللي في المدخل ويدخل هواء نقي بيكون البديل لدخول الهواء الفتحة أو الفتحات اللي في بيت الدرج


هذا الدبل هايت وكنت مقترح عدم تكييف هذي المنطقة وصحيح ما تحتاج تكييف لأن الصالات مفتوحة عليها فوق وتحت لكن المكيف بيكون مساعد وبيكون لدخول الهواء النقي الخارجي من فوق من هنا .. الإضافة على التكييف بتكون حول 30 ألف ريال لهذي الوحدة وأنقل الفكرة للي يحب يسوي نظام تهوئة فعال مع هواء نقي وبارد

https://i.imgur.com/NL5fGHD.png

حل ثاني يكون قسم الدرج تغلق الفتحات مالت التهوئة صيفاً ونكتفي بالهواء الداخل من الدبل هايت وتفتح شتاءً

هذي صورة حق منطقة الدرج والمشاهدة من داخل الدرج جهة الشمال صوب الحائط الخارجي .. نلاحظ بيكونون فيه مكيفين على وسط الحائط فوق القوس والروشنة اللي في الوسط .. ومن أعلى لازم نحسب حساب عمل الفلتر من فوق وفتحة له أثناء الصب .. وأفضل يكون الفلتر فوق السطح للصيانة والإغلاق وقت الصيف

https://i.imgur.com/7SuztiE.png

يعني المفروض يكون بهذي الطريقة

https://i.imgur.com/s7iAoEb.png

الخط المتقطع فتحة السقف لقناة مربعة 30 في 30 سم ولازم يتم تنفيذ الفتحة بجسر مقلوب ويكون حامل بنفس الوقت ورافع لبوكس الفلتر

[معماري قطري]

نسيت حاجة مهمة .. هذي الصورة معكوسة حق نفس المنطقة بس الرؤية من شمال للجنوب مقابل بيت المصعد ونشوف فتحات التهوئة لبير المصعد ثنتين تحت القوس والروشنة اللي بعمق 10 سم

https://i.imgur.com/AUWFiGM.png

يعني دورة الهواء حتى داخلية داخل فراغ بير المصعد

[معماري قطري]

اليوم اشتغلت شوي على الفضاءات الخارجية والزراعة وسويت كم فيديو توضيحي .. مثل ما تقولون تفكير بصوت عالي .. فيديوهات قصيرة حطيتها في قروبات بناء وتصميم وقروب المشروع ولازم انزلها يوتيوب واحطها هنا بعد .. هذا الفيديو الأول


https://youtu.be/vZeuIOH1O4A

معليش تصويري مباشر حتى انعكاس النور وصورتي تبين خفيف المهم شيء يمشي الحال

هذي صورة للمنطقة اللي ركزت عليها .. ألحين الفرق بين خط غرفة السايق وبداية الطبيلات 30 سم لو أزيدها في الطبيلات تستوي صافي العمق 6.8 للطبيلة تنقص منها 20 سم تستوي 6.6 متر زين ومناسب .. العشرين سم وممكن عشرة هذي واجهة لجسر الطبيلات اللي بيغطي الحديد وراه ومفكر أخليها كتلة وحدة متصلة من غرفة السايق لين مظلة فوق الباب لين قسم توانكي المياه وبيكونون 2 متصلين لسهولة الغسيل والإستبدال لأحدهم وبيكونون على الرصيف اللي يسار الباب .. بس في هالحالة لازم أراجع البلدية مرة ثانية بالتعديل ولازم نسوي بوابة للبيت واجهة مرتفعة شوي ومتصلة مع الغرفة مثل ما كانت الخطة السابقة وبنفس الوقت متصلة مع الطبيلات ومنطقة توانكي الماي .. يعني 4 متر ارتفاع غرفة السايق بنحاول نخلي البوابة أعلى جسرها 4 نفس ارتفاع غرفة السايق وأسفل الجسر 3.6 .. يعني عمق الجسر 40 يخفي الحديد مال السقف .. وتحت الحديد ممكن نسوي اسمنت بورد وإنارة خاصة بالبوابة

https://i.imgur.com/r5bHe8i.png

[معماري قطري]

تطلع قريبة من هذا الشكل المنقطة المحددة بالخطوط العريضة المتقطعة .. ممكن أسوي الجسور كلها نفس الإرتفاع 4 متر بس أعتقد هم محددين 3 للسور ولازم ناخذ موافقة

https://i.imgur.com/xxuKlTJ.png

[معماري قطري]

هذا الجزء الثاني لشرح اللاندسكيبنغ حق بيت ولدي


https://www.youtube.com/watch?v=NzH5O0tFzGI

[معماري قطري]

الجزء الثالث


https://www.youtube.com/watch?v=aduPSDYLrrA

[معماري قطري]

هذا الجزء الرابع

https://www.youtube.com/watch?v=A67vegNIEVE

[معماري قطري]

وأخيراً وصلنا للجزء الأخير



https://youtu.be/HgPAZjxXLSs

[معماري قطري]

حل ثاني حق اتصال البوابة وغرفة السايق ومكان خزان الماء والسيارات ككتلة وحدة يكون بقسم الكتلة لثنتين وحدة تشمل واجهات البوابة الداخلية والخارجية يكون الجسر بإرتفاع 4 متر متصل مع سور سقف غرفة السايق وباقي المظلة بإرتفاع أقصى 3 متر مع السور جاية بهذي الطريقة

https://i.imgur.com/ofkVmjg.png

هشكل بتبين من برا خليت مربعات الإستشاري اللي حاطهم بس باشيلهم باخلي الخطوط العرضية في البلاستر وباسوي الكورنبش فوق من الحجر ممكن مع إنارة مخفية فيه

https://i.imgur.com/rjjgN4X.png

[معماري قطري]

إرتفاع السور 2.6 طلع يمشي مع ارتفاع واجهة الطبيلة 2.2 لين 2.6 من فوق بس بنحاول نطلب 3 أو 2.8 أقل شيء بيمشونا بعض أسوار منطقتنا 4 ويمكن فوق .. فتحة البوابة ممكن نسوي فيها زوايا ديكورية وكذلك تاج في الوسط

[معماري قطري]

الحمد لله إنحلت غالب العوالق والتعديلات بزيارة للبلدية بس طلعت أمور ثانية مثل رخصة البناء بتمشي بس احتمال يطلبون مهندس لإجراءات انهاء اتمام البناء .. بنجتمع مع المقاول اليوم 8 ونص وبإذن الله تتسهل

بوافيكم بالتعديلات النهائية فيه أشياء بسيطة شفت أسلم تتغير والمالك طلب زيادة سعة المجلس لحدود بين 20 الى 25 شخص .. كانوا 12 وفيه امكانية .. الداعم الرسمي والفني طبعاً انا

[معماري قطري]

البلدية فجاة قالوا التعديلات جائزة بس بعدين تدخل مخططات تعديلية مع رخصة اتمام البناء وبحيث تكون متناسبة مع القوانين التخطيطية وفي حدود معقولة

بيتم تكبير المجلس وحتى ممكن يكون على السور مباشرة وهذا موجود كثير حولنا مثل مجلس إخوي والوالد الله يرحمهم بس اشترطوا موزع وعندنا بعد مشكلة منهول الصرف بيكون مكان آخر الخط المتقطع يمين فوق

https://i.imgur.com/MSh1NwC.png

بعد هناك ما تحدد مكان باب الميلس وممكن نخليه وسطي بيطلع أحلى بس سالفة باب وموزع هذي تعني أما إرتداد أو الموزع يكون داخلي وزجاج مثل قفل الهواء ( Air Lock Area ) أو منطقة حبس الهواء .. شغال عليه حالياً وبانقل الفكرة .. انا ما احب الربكة بس ولدي مع اقتراب البناء قام يغير ويطمع وأشوفه بعد طمع مشروع وما يأثر على الشكل العام

[معماري قطري]

سويت 3 إقتراحات بابدأ بالفاشل أول .. هذا بدون ارتداد مشكلته في إن منهول الحكومة يمين الباب تحت بيكون داخلي وأتوقع ما يصير

https://i.imgur.com/jvABF4Q.png

الثاني مقارب بس بمدخل زجاجي

عدد اللي فيه 19 حتى أقل من اللي عجبني

https://i.imgur.com/ChINVU9.png

الثالث والأفضل

باب وسطي وليوان داخلي مفتوح للنور وممكن زراعة اصيصات فيه ويكفي 20 كرسي مساحته شوي أصغر بس مناسب وعندنا المنهول مكانه صاد

https://i.imgur.com/DOioVXt.png

[معماري قطري]

وهذا شرح فيديو لتوسعة المجلس


https://youtu.be/Ff_wdJ7N3CY

[معماري قطري]

الرواشن أفكر أسويها حديثة أكثر بالعرض كامل مع إنارة مخفية وبإرتفاع بسيط طول كبير وارتفاع بسيط مستطيلة يعني وبعمق 20 سم مثل الكسرات الموجودة في البيت .. تقريباً الأقواس بتكون بس في الممر جدام المجلس المودي للحديقة ومكان الخيمة وفي ممر خدمات حوض السباحة والباقي كله خطوط مستقيمة

[معماري قطري]

هذا فيديو لشرح التوزيع العام لمنطقة الحوض والمجلس وفكرة تظليل المنطقة استوت سهلة



https://youtu.be/viwWN275t7M

[معماري قطري]

الحديد اليوم بنجتمع مع التيسير لطلب عرض سعر يجهزونه ويقصونه بدون هالك ويجيبونه ويركبونه في الموقع بعناية لأنه كله مغلف ايبوكسي .. باقي المقاول يعدل سعره وصراحة بالغ وايد في السعر شكله طلع فوق 1200 ريال للمتر عظم وهذا كان باني لنا في 2015 ب 1000 ريال تشطيب وسط بناية سكنية تأجير .. الزود علينا كان المصعد وشوي تعقيدات الدفاع المدني .. عندنا شخص ثاني بيسوي الخشب بسعر مناسب والخشب متوفر مع الجيكات من صديق ما قصر .. بعد هذا البند بنحاول نشيله بس بيشتغل تحت اشراف المقاول ولو عصلق المقاول بنخليه وبنشوف غيره .. مشكلة التفاوض ذي فترة مهمة وكان المفروض بادين فيها شهر 7 أو أول 8 حتى نبدأ بنيان أو 9 لكن هشكل ممكن نتأخر شوي .. بس اللي يهمني صب الخرسانات نخلص منه أول وقبل شهر 4 .. الهيكل يعني والطابوق بعد ممكن شغلته سهلة

[معماري قطري]

كان المقاول طالب 250 لشغل طن الحديد وشغله بيكون لازم فيه قصور وفيه هالك .. التيسير وصلنا معاهم لتسعين ريال بدون هالك شامل التوصيل والتركيب في الموقع .. شوفوا الفرق شلون .. هذا غير عن تكلفة الحديد بس الإستشاري يدرس التصميم ويعيد حساباته في بعض التوفيرات الممكنة ممكن ينزل حول 10% .. أوقات حتة زعبوط يضرب ضربة كبيرة بدرايته وادارته لا ويروح يسوي الشغلة بالطريقة الصعبة .. ألحين الموضوع سهل ومتطور وفيه شركات تجهز الحديد وتوصله للموقع نظيف ومرتب والنهايات مصبوغة ايبوكسي بعد القص .. هو لو يسوي السهل والمتطور حط في بطنه 160 ريال للطن هذي في 96 طن 15360 ولو ينزل عدد الأطنان بيقل السعر أكثر وايد أكيد .. الثني لحديد الكانات فيه طريقتين زاوية 135 للقفل وايد أفضل وأقوى وزاوية 90 ضعيفة وهي الدارجة وتمشي الحال بعدين القفل تبادلي كل مرة في جهة

[معماري قطري]

صحيح التوفير ولا شيء يمكن ما يوصل 5% بس شغل مضمون والمقاول فعلياً بيسويه أي كلام وسعر وايد أرخص من التسعين .. عقدنا مع الرونق للتكييف رتبناه وضفنا مكيف كاسيت ثاني للمجلس بما إنه كبر باقي بس العينات والتوقيع وباحط نسخة للإستفادة .. لأن مرحلة العقد معاهم خذت حول 3 شهور وزود لف ودوران وبنود تلغي بنود وكلام معسول لكن المكتوب كله ضد المالك .. باقي عقدنا مع الفيتري حق الصرف الصحي وباشوف صرف مياه المطر ومعاها التكييف والكهرباء وتغذية المياه .. هم شغالين على المخططات التفصيلية جزاهم الله خير وأتوقع سعرهم صدمة بس بيكونون بروفيشنال وشغل نظيف وحق ربعنا هم قايمين عليها وملاك الشركة معانا في القروب تعرفنا عليها من خلال القروب .. حتى مخططات As Built يسوون يحفظها الواحد

باقي البيت الذكي والكاميرات لازم نلحق عليها مع الإنارة .. صراحة البنيان جهاد والله يعين الجميع

[معماري قطري]

تم بحمد الله توقيع عقد التكييف ودفع دفعة أولى مقدمة 20% بقيمة 47000 واجمالي العقد 230000 مع شركة الرونق والتكييف متسوبيشي متضمن جهاز واحد مع هواء نقي نفس نظام البكج للدبل هايت + نظام مراوح شفط مركزية أعلى السقف خارجية مجزأة لكل دورتين أو ثلاث دورات مياه على خط واحد فوق بعض + سنسر معاها للحركة وتايمر يخليها تشتغل نص ساعة

لاحظت التكلفة كبيرة والمقاول نص ونص بيتصيد للعمال من السوق وكلمت مقاول محترم حصلته في اجتماع مع أشغال سألته عن شغلهم الحالي قال 3 مشاريع مع أشغال وعندنا طاقة حق غيرهم كثير ووعدني يسعر أفضل من مقاول السيارة وصراحة الإثنين مجربين وفي عمارات .. لازم أتركد شوي وكل تأخيرة فيها خيرة بإذن الله .. عندي لو أكسب المقاول القوي حتى لو سعره زود 100 ريال للمتر أفضل من إني أقعد مع مقاول ضعيف مسعر لي 1200 ويطالبني بماي وكهرب بعد يبيني أوصل للموقع وهناك بيت أحد الإخوان قريب ما بيقصر بس على هذا السعر المفروض يشيل كل شيء

[معماري قطري]

شاغل نفسي حالياً بشوية تعديلات على اللاندسكيبنغ ( الفضاءات الخارجية ) في بيتي .. إن شاء الله تنضبط مبدئياً مضبوطة للحين .. تم عمل توسعة للمدخل هنا لوقوف السيارات قرب الحوض الزراعي هنا بدون ما يضيقون المدخل للطبيلة ولباقي البيت .. هذي الصورة توضح التوسعة حول 60 سم وبعد تكسير الطابوق وعمل تأسيس حق البلاط .. خليته أبيض كاسر حدة الرمادي ونفس الحال للدوار ولحواف أحواض الزراعة الثانيين

https://i.imgur.com/rdSNHEG.png

قطعة الخشب المحطوطة ارتفاعها 25 سم بتتركب تقريباً مثل ما هي وعرضها 5 سم سميكة شوي بتكون حاجز للتربة المرتفعة شوي وبتعطي شكل غير وأكيد بتنصبغ .. وبعد بتترتب الزراعة والمنطقة فوق وباحط فيها أشجار متسلقة خصوصاً الجهنمية بتنفع هنا وبتتسلق فوق النخل وباشوف معاها بعد ياسمين نفس اللي خذتها قوية وجيدة أزهرت

هنا العمال يركبون خشب بيكون على شكل برغولا جزئية .. الغرض منها شكل يحدد الدوار ويربط بين الواشنتونيا .. وكذلك تتثبت عليه الإنارة لكل شجرة كشافين من تحت لفوق وكشاف وسطي لتحت بيكون مسلط على شجرة الياسمين

https://i.imgur.com/PxebJzL.png

إمتداد الخشب كان مسوي النموذج السفلي طلبت يعدله للعلوي وتم اعتماده

https://i.imgur.com/gn0dU3k.png

الخشب هذا مجرب مسويه وراء البيت

هذي الصور كلها مأخوذة من فيديوهات حطيتها في قروب الوتس أب هنا شغلة أنزلها الصور أسهل وتؤدي الغرض .. هذي آلة القص ربعنا متطورين عندهم هالنوعية

https://i.imgur.com/ASUo1wV.png

هذي صورة وقت تجربة الخشب ركبوه ببراغي صغيرة في الشجر بس بعدين بيكون تثبيته ببراغي وبعد حبال تعطي شكل

https://i.imgur.com/CsXjvup.jpeg

والحواف هنا انعملت بلاط ممكن تركب عليه السيارة وهي تلف وبارتفاع بسيط سيارتي نازلة ركبت عليه بسهولة .. الإرتفاع 11 سم وبتابع معاكم بعدين

[معماري قطري]

بعد انتهاء تركيب الخشب النتيجة مرضية بالنسبة لي

https://i.imgur.com/xZ960l4.jpeg

بتكون الإنارة مخفية بين قطع الخشب وقطع خشب واصلة بين القطعتين الطوليين بتتركب .. للحين ما تناقشنا في السعر بس اسحق ما يقصر وسعره دوم معقول .. مفكر في اضافة انارة متغيرة الألوان مخفية موجهة لفوق أو لتحت .. شريطية مع الإنارة المركزة أو السبوتات .. حصلنا زاوية انتشار 36 وكنت ابغي 15 ما ادري بيطلبونها 15 أو 36 و 15 كافية لتكون فوق الياسمين .. الإنارة اللي لراس الواشنتونيا بتكون ثنتين جنب كل جذع على فوق ومركبة على قطعة خشب أيضاً بين خشبتي البرغولا ذي

لازم اطلب صبغ أساس زين يمنع المياه ويقاوم الشمس وفوقه صبغ نهائي مب معلمكم لونه سارة تحب هاللون يخليها تزمجر

https://i.imgur.com/LR8uElR.jpeg

هذا فيديو توضيحي


https://youtu.be/UgA0nnaFlRE

[معماري قطري]

هذي الصورة نسيتها أعتبرها أجمل صورة في الدفعة الأخيرة

https://i.imgur.com/lc2jwfv.jpeg

[معماري قطري]

المفروض ما احط فيديوهات كثيرة للشغل بس عندي شوية حماس والشغل بطيء شوي .. اليوم ما جاوا باقي يكملون باقي الأحواض .. وأمس تم تركيب النافورة وكنت متوقعها شغلة صعبة طلعت دقايق ما تاخذ لا وما تحتاج نقطة ماي ينصب فيها كل ما نقص مع سقي الزرع



https://youtu.be/25LE1PH3vec

[معماري قطري]

https://youtu.be/nfOxoL5lRlo

[معماري قطري]

https://youtu.be/uEqdpABGVI0

[معماري قطري]

النافورة من السوق الصيني ب 4000 ريال ومصنوعة من مادة حجرية أعتقد جي ار سي صب بس بسمك مناسب للتحميل .. تحتاج قاعدة فيها نقطة الكهرباء وبدون ماي ومع التركيب سعرها .. فيه فيبر أخف وأرخص وايد بعضهم حول 1000 ريال في أنصار غاليري بس ما حبيت شكلهم

[معماري قطري]

القواعد كلها اللي تشوفونها حديدلس فقط خرسانة في الموقع وخلط يدوي .. حتى اللي تدوسها السيارة في الطرف وأتعمد اركب التواير عليها

[sara jsm]

الشغل كله كجره escape

[معماري قطري]

الشغل كله كجره escape

الكجرة في عين صاحبها جمال ههههه

[معماري قطري]

تصوير أخير للدوار بعد إضافة باقي الياسمين وشجرة بونسيانا مع صبغ الخشب باللون اللي تحبه سين جيم .. سارة بنت جاسم اللي قاهرني اسمها كشخة


https://youtu.be/33NpWhNSTZ0

علقوا بآرائكم عادي ممكن ناسي شيء .. باقي الليتات ما وصلت كلفت حول ال 2400 من محطة البناء + 4000 للنافورة + الله أعلم شغل العمال كم متعود ذيلا حسب المعرفة وحسب الشغل صعب تحديده وفيه تغييرات وأعتمد على اسحق حتى في شراء المواد ما عدا ولدي في الليتات والزراعة

باقي الشغل بيكون صبغ الواجهة غاطين جوتاشيلد حتى نقدر نركب المظلة القماشية المعلقة وهم ثنتين وحدة مثل الشرح في الفيديو وثانية شرحتها قبل في فيديو غير + أرضية الدوار بتكون عشب صناعي وتحته قماش جيوتكستايل فابريك يسرب الماي تحت ولا يسرب أي رمل وبيكون يحمي الارضية من الحرارة نوعاً ما + وأخيراً تركيب الليتات لين وصلوا

عندي فكرة بعد بانفذها بعدين وهي إضافة مرشات رذاذ أو ضباب معلق في الديكور الخشبي فوق أشجار الياسمين للتبريد وقت الصيف وإحتمال زراعة إضافية في أطراف الدوار أفضل الإصيصات لسهولة التحكم في التربة وتغييرها ولين برد الوقت بتكون زهور موسمية

[sara jsm]

اشدعوه بيبي بلو :happy: هاي حفلة بيبي ..
كان خليته خشب اسود او ابيض عشان لما يتسلق عليه الياسمين بيطلع احلى ..
وبعدين حاط البونسيانا في النص !! عقب كم سنة بتطيرك انت وبلكونتك الكجره :strong

[معماري قطري]

اشدعوه بيبي بلو :happy: هاي حفلة بيبي ..
كان خليته خشب اسود او ابيض عشان لما يتسلق عليه الياسمين بيطلع احلى ..
وبعدين حاط البونسيانا في النص !! عقب كم سنة بتطيرك انت وبلكونتك الكجره :strong

إنتي محترة اني عندي دوار وحديقة لو تلفين الخور ستي كلها ما بتحصلين مثل هالدوار

[سالم الزهران]

إنتي محترة اني عندي دوار وحديقة لو تلفين الخور ستي كلها ما بتحصلين مثل هالدوار

ههههههه الخور كله مطاب
ومش بس الخور،، يقول لك :
من الخور للخيران ما شي مثل ساره
خبيرة تشوف الزرع والفال و الميرة

* الخيران هذي بالكويت فور يور انفورميشن يا بو عبدالله و أوعى حضرتك تزعل بنتنا ساره قاسم

[معماري قطري]

ههههههه الخور كله مطاب
ومش بس الخور،، يقول لك :
من الخور للخيران ما شي مثل ساره
خبيرة تشوف الزرع والفال و الميرة

* الخيران هذي بالكويت فور يور انفورميشن يا بو عبدالله و أوعى حضرتك تزعل بنتنا ساره قاسم

سارة عيارة كبيرة لو صج هشكل زوجها مسكين الله يعينه .. والدوار وتعديله الأخير يا اخوي ريحني وايد استويت احب اوقف شوي في الحوش والمهم رضاك انت المستخدم وقناعتك ورضا أهل بيتك واللي يزورونه .. باقي بكرة بعد بيمرون بنكمل بعض الشغلات

[sara jsm]

هاهاهاها يالكوميدي انت وياه :anger3:

:

يالله راونا النتيجة النهائية للحضانة اووه اقصد الدوار :eek2:

[معماري قطري]

هاهاهاها يالكوميدي انت وياه :anger3:

:

يالله راونا النتيجة النهائية للحضانة اووه اقصد الدوار :eek2:

عاد تصدقين كاشفتني .. انا صج مفتقد هالمرحلة أصلاً دخلوني أول ابتدائي مدرسة عين خالد .. كان فيها من أول لين 5 ابتدائي السادس مفقود .. وكان عمري 5 سنين وقتها وكان في المدرسة صفين بس صف حق 5 فيه ناس منتهية صلاحيتهم بعضهم يمكن 30 في العمر .. والصف الثاني فيه 4 صفوف كراسي أول في طرف وثاني جنبه و ثالث جنبه ورابع جنبه .. التركيبة السكانية كلش ما فيها تجانس يومها طلعت الثامن على الصف لأن فيه بس 8 طلاب وكانت عندي دويرات حمر في كل المواد

هذا يفسر حنيني للروضة المرحلة اللي افتقدتها ,, سارة بنت جاسم والا سين جيم أحسن شرايج أرفع قضية على الحكومة أطالب بتعويض؟

[معماري قطري]

إهداء للشيخة سارة بنت جاسم


https://www.youtube.com/watch?v=HQKROhu9lR8

[sara jsm]

ياسلام ابدعت بوعبدالله المفروض تحط الخلفيه اغنيه تناتيف :strong
المكان فرق عن قبل ودايما التغيرات الصغيرة تاثر في نفسيه الانسان الله يهنيكم ..
يالله باقي تعلق النفافيخ وتجيب كيكة عيدالميلاد :happy:

[معماري قطري]

ياسلام ابدعت بوعبدالله المفروض تحط الخلفيه اغنيه تناتيف :strong
المكان فرق عن قبل ودايما التغيرات الصغيرة تاثر في نفسيه الانسان الله يهنيكم ..
يالله باقي تعلق النفافيخ وتجيب كيكة عيدالميلاد :happy:

والله فكرة يا ام جاسم بس وين نقاتي ينفخ البلالين زكية زكريا الله يرحمها توفت

باقي شوية تناتيف بعد تكتمل شوي شوي للحين يشتغلون في البلاط واليوم ركبوا شوية ليتات وباقي غير

[معماري قطري]

رحنا يوم السبت شركة من مكاتبهم ومقرهم ما شاء الله 100% ومن لقاء المجموعة من المهندسين والعرض على جهاز كمبيوتر وشاشة كبيرة كل شيء واضح .. إسم الشركة اسم ذاك الحيوان الاليف ما حبيت الاسم في البداية يسمون به تكرمون الأجانب ذيلاك اللي يسحبونهم وراهم .. ما علينا الشركة مسوين دعاية جيدة ولو بياخذ الواحد التشطيب من عندهم يسوون رخام وعندهم عينات كثيرة وشكلهم زعلوا يوم قلت انا ضد الرخام .. عرضهم مغري سنة يخلصون العظم ويدفع المالك 40% من قيمة العقد و 20% كل سنة لثلاث سنوات شيكات مثل ما يقولون بدون فوائد بشرط العقد تسليم مفتاح

قلت نبغي عظم منفصل وتشطيب بشرط إحنا نشتري المواد للتشطيب ونتفق على تفاصيل مواد العظم وطريقة البناء يوم قلت أول شيء الهيكل بعد ما عجبهم وتموا يلفون ويدورون وخبركم الجنسيات العربية متخصصين في هالشيء .. حاججتهم بأن مواصفات التركيب تفرق وأبغيها مكتوبة في العقد ووضحت لهم وهم عارفين .. أرسلوا لنا عقد كله نواقص ومركز بس على العظم ودفعة اولى 20% وسعر المتر 1350 لا ومسعرين لي بدون الزيادات اللي طالبها يعني السعر بيطلع أعلى .. المهم رديت رد مفصل أذكرهم بالمطلوب واللي تم نقاشه بس مكتوب يوم قروه قالوا السعر ما ينزل بالعكس يزيد .. ما احب اللف الدوران وهذي عينة

إحنا تقديراتنا كحساب كميات للمواد واتفاق مع شركة تجهيز الحديد وتركيبه في الموقع ايبوكسي مهتمين بكل تفاصيله ونجار يدير شغل النجارة توصل بالكثير شاملة أتعاب عمال الصب 800000 ريال ويضاف لها شغل الطابوق بالكثير ما يوصل 100000 التمديدات في طور الإتفاق عليها مع إحدى الشركات مجموعة غانم بن سعد أو الفيتري شاملة سباكة وصرف وكهرباء وبيت ذكي مع المواد والتركيب .. يبقى البلاستر ومواد التشطيب الباقية وعزل السقف .. بتكون كلها اتفاقيات منفردة مع الخشب وأعمال حوض السباحة بس الهيكل بنعمله في البداية والسعر شامل .. مب أفضل من إني أدفع لمقاول بيسوي الشغل بأرخص ما يمكن وبياخذ مني مليون و600000 أو الأخير اللي شكله بيوصل سعره لمليون و 800000 هذا اللي اسم شركته باسم اللي يسحبونه وراهم وحصلنا سعر من واحد تسليم مفتاح 4.6 مليون

يبي يحط لنا حديد ايبوكسي هو يصبغه في الموقع .. شغل عرب عاد بص وبص وقال لو تبون التيسير والتيسير تياسير سعرهم 96000 شامل التوصيل والتركيب في الموقع لا ويتابعون الصب وإحنا مارينهم قبل .. غير عن قيمة الحديد أكيد هذي مصنعية وعناية بس .. قص الإيبوكسي يحتاج آلات خاصة والحني كذلك وطول الربط يختلف .. قالوا بيزيد السعر عليكم وايد .. المشكلة شركات هشكل تحصل ناس تلعب عليهم بشيكات مؤجلة وسعر غالي كثير وشغل لو تتابع في تفاصيله بتعرف انه فاشل .. شرايكم معماريكم حمد ينصاد بهالسذاجة؟

ما توقعت المقاولين عندنا قصابين هشكل .. لا وبيعطينا شبك ضمان بالدفعة المقدمة يستلمه حسب العقد بعد الدفان ويستوي كل شيء في يده وتحت أمره

يا اخوان أذكر هذي السالفة بسبب عدم وجود جهة تتابع العقود وتدقق عليها وتعطي المالك حقه وكذلك المقاول

[معماري قطري]

https://youtu.be/LP2mNuOa8mg

قرب انتهاء الدوار باقي بس تركيب الليتات والمفروض يجون اليوم بس دخل المغرب

[معماري قطري]

إهداء لإختنا س. ج. سمعت ان المطر نزل على منطقتهم بس بيتهم وكم بيت حوله ولا نقطة
https://www.youtube.com/watch?v=qeCNhbg42E4

[sara jsm]

:this: تصدق ماجانا مطر الا شي خفييييف ..
بس جاتنا عاصفة وانترس الحوش ورق شير وقراطيس واكواب كرتون ماادري من وين جاو :weeping:

لين برد الجو حلو تخلي دريشه المكتب مبطله مع صوت الشير والعصافير تقدر تشتغل وتطلع اشاعات براحتك :whistling:

[معماري قطري]

:this: تصدق ماجانا مطر الا شي خفييييف ..
بس جاتنا عاصفة وانترس الحوش ورق شير وقراطيس واكواب كرتون ماادري من وين جاو :weeping:

لين برد الجو حلو تخلي دريشه المكتب مبطله مع صوت الشير والعصافير تقدر تشتغل وتطلع اشاعات براحتك :whistling:


انا ما اطلع اشاعات عندي مصادر موثوقة منها ولد العرب ونفسي عزيزة يعلموني واحتمال مسوين سحر من هشكل تشوفين شير تمشي وعصافير تغوص في الماي

أمس مريت حديقة اسباير وتفاجأت ببعض الأشجار المدعمين بخشب حولهم أسقطهم الهواء والمطر

[معماري قطري]

إستوى خلل في إنارة الدوار والأشجار .. المشكلة كمية كبيرة مربوطة على مفتاح واحد بس انا أذكر قبل كانت نيون وشغالة تستهلك أكثر ألحين صحيح زدناها بس ال اي دي مع محول ما يستهلك طاقة كبيرة الظاهر التوصيل تسربت له رطوبة مع اني طالب وصلات عازلة للرطوبة لكن الفنيين دوم يسوون أنفسهم أفهم أو يقصدون يرجعون مرة ثانية

زين ما سلمتهم فلوسهم كاملة والتكلفة تقريباً مواد وشغل يد طلعت حول 25000 ويمكن أكثر أكثرها في المواد .. 4000 النافورة والإنارة حول 4000 على كم دفعة وكم نوع .. النباتات غير + مواد اشتراها المقاول هذي عطاني فيها لستة وانا عارف هو ما يقصر يشتري أحسن مني ودوم بمتابعة .. صبغ ونجارة وسباكة صار لهم يشتغلون قريب شهرين .. أمس ولعت غالب الليتات للزراعة والأحواض الخارجية خارج السور والداخلية بحاول أصورها اليوم بإذن الله .. اللي صوب الواشنتونيا حلوة طلعت ومغيرة البيت واللي مركزة على الياسمين كذلك ووحدة من الياسمين تسلقت ووصلت قريب البرغولا الخشبية

عاد أخيراً جاي تعديل الطرق صوب بيتنا مع رصف وشغل شوي مزعج بس سريع وما أتوقع بيزيلون الزراعة الخارجية خلوها للبيوت الثانية بس متمني يسوون الطريق قريب من طوفة البيوت اللي ما حولها زراعة بدال ما يتركون المنطقة الصغيرة ذي ترابية ويخلونها لوقوف السيارات

بإذن الله أصور فيديو مفصل ان شاء الله ما تتعطل الإنارة مرة ثانية بس

[sara jsm]

اكيد من عيوني البارده :looking:

[معماري قطري]

اكيد من عيوني البارده :looking:

إنتي من عيايزنا الطيبات تدعين لنا في الغيب

هذي الأحواض شاملة الإنارة وإن شائ الله بنرتب زراعة باقي الأحواض بس أشوف لها زراع مختص أفضل


https://youtu.be/I3yoFpwqD7Q

[معماري قطري]

باقي شوية إنارة للحوش ترتيب بتتم إن شاء الله بعد إنتهاء الطبيلات الباقية وللحين ما سعروها لي شركة المطلاع ما ادري ليش تأخروا وانا صراحة ما تابعت معاهم جاوا قاسوا وراحوا .. شركة المطلاع يسوون مظلات قماشية وسعرها معقول وجودة عالية صناعة استرالية حتى فيه نوع ما يسرب ماي .. انا ضد القماشية دوم بس شكلي مقتنع بها في هذي الأماكن .. وحدة بتكون معلقة من الحائط جنب الباب وتغطي اللكزس الواقفة وبينها وبين الحائط متر ونص فراغ للأشجار ممكن تكون بعرض 3 متر وطول 8 أو 7 كافي .. والثانية يمين مدخل البيت المظلل مكان وقوف سيارتي بتكون شكل هرمي وما تنفع هنا الا القماشية لأنها بتكون معلقة على جسر حديدي ستانلس ستيل واحد بارز ومرتفع من الوسط تغطي شمس العصر عن سيارتي

الإنارة للأحواض المخفية خذتها من أنصار ستي مع محول 24 فولت ونوع بإذن الله جيد .. ركبنا للمحول بوكس خاص وعزل من الأطراف بسيليكون عازل ولاصق .. وهذا فيديو قصير لطريقة البوكس https://youtube.com/shorts/MTGl3-B-cC8?feature=share

باقي شوية إنارة حق الطبيلة الكبيرة بدال النيون البدائي مفكر في سترب لايت باشوف نوع متصل وزين مع محول بعد .. والجزء اللي تكلمت عنه في الفيديو السابق .. كذلك جهة الإرتداد الغربي هناك الإنارة ضعيفة نيون ناوي أغيرها لنفس نوع انارة الطبيلة الكبيرة

[sara jsm]

حلوة اضاءة الزرع عندك .. ان شاءالله بابوق الفكرة واسويها .. :ok:

[معماري قطري]

حلوة اضاءة الزرع عندك .. ان شاءالله بابوق الفكرة واسويها .. :ok:

حلالج وسهالات ولو تبغين تصميم للاند سكيبنغ عندج سهل .. التكلفة بين 20 و 25 ألف والمدة حول شهر ونص شغل تبليط وصبغ وشغل كهرباء وزراعة .. النافورة سهل شغلها وتغير جو حتى انارتها حلوة وكل اللي تحتاجه خط كهرباء من أي ليت حوش كنت متوقع تركيبها قصة وبعض العرب اللي سألتهم قبل دخلوني في آلاف للتأسيس لها بس .. هذي من مادة صلبة كأنها حجر أظن جي آر سي بس مشتغلينها صح تصنيع مصنع وزين حصلها اسحق في السوق الصيني وسوينا لها القاعدة اللي مثل النجمة الثمانية من البلاط الشعبي العريض وممكن تسوينها من الحجر أو الرخام أو البورسلان

ألحين يسوون الشارع جدام بيتنا وما ادري انتي معانا للحين في القروب والا شردتي هناك دوم أحط فيديوهات عن تطور الشغل وزين ما بيقتربون صوب أحواض الزراعة الخارجية

تطورات بيت ولدي نبغي نلحق نبني في هذا الجو بس تعطلنا مع الرخصة والمفروض تطلع .. الإستشاري اللي عليه التصميم يقط الشغلة على المشرف واضطريت أستعين بمسؤول كلمهم وبرشهم ووعدوا في 5 أيام وخمس أيام عند المصري شهر .. في البداية وعد يخلص جبنا التعهدات وغير كلامه بس يوم كلمه المسؤول بعد غير ووعد بس كلش مب مرتاح له

[sara jsm]

لا من زينه بيبي بلو :looking: بس باحط انارة الاحواض

[معماري قطري]

لا من زينه بيبي بلو :looking: بس باحط انارة الاحواض

هو البيبي بلو اللي مخلي الحياة بلو .. زرقة السماء والماء وخضرة الشجر هذي التوليفة الجميلة .. الأهل محتجين بعد يبون كل شيء أبيض

إكتمل عندنا الطريق جدام البيت وتعليقاتي كثيرة عليه وتمنيت لو مغيرين التصميم شوي أو وايد حرام يسوون هالشغل كأنهم مسحوا القديم وسووا جديد بس بدون تغييرات جذرية .. الفيديو هنا أول مرة أمر على هذي الجهة يوم طلعت رحت يسار قبل كنت أحسبه مغلق وفيه شغل باقي


https://youtu.be/OrAU8LgI6yY

اللي ما عجبني الجانب الترابي المرتفع واللي خلوه مرتفع ما أزالوه وعملوا مواقف فيه لأن عندنا أزمة مواقف وأوقات يوقفون 90 درجة جزء كبير من السيارة يبقى داخل الشارع .. وبعد حاويات القمامة يعانون اللي يحركونها في الأرض الترابية أوقات تبقى داخلة في الطريق الضيق أصلاً .. باحط الفيديوهات بالترتيب العكس الأخير قبل وبعده اللي قبله بس ما شاء الله إنجاز هو العمل السريع ما خذوا اسبوع وخلصوا قبل إجازة المدارس لأت عندنا في شارعنا الضيق ذيه مدرسة ابتدائية وحضانة

[معماري قطري]

وهذا فيديو ثاني أوضح فيه النواقص اللي المفروض سووها


https://youtu.be/ANOB1HvWQfo

[معماري قطري]

فيديو لبعض الملاحظات أثناء الشغل وقبل إزالة طبقة القار الرقيقة واللي استبدلوها بنفس النوعية ونفس الطريقة ونفس السمك لكن أصلحوا رؤوس المنهولات


https://youtu.be/ovAiIWtpfXc

[معماري قطري]

https://youtu.be/E2PBCutTkzc

هذا أثناء الشغل وبعد دك الأرضية وعمل احلال للتربة

[معماري قطري]

https://youtu.be/xa7glLRA2kM

[معماري قطري]

https://youtu.be/a6zEzW0UhTE

لذلك دوم أذكر خارجي استعمل باب يو بي في سي عازل للصوت والحرارة وممكن منطقة لوبي وسطي أو موزع بعدين حط باب خشب

[alkaldi]

https://youtu.be/a6zEzW0UhTE

لذلك دوم أذكر خارجي استعمل باب يو بي في سي عازل للصوت والحرارة وممكن منطقة لوبي وسطي أو موزع بعدين حط باب خشب

اهم بوعبدالله عطر تايغر ريحته ماشاء الله من احسن العطور اللي جربتها

[معماري قطري]

اهم بوعبدالله عطر تايغر ريحته ماشاء الله من احسن العطور اللي جربتها

ما جربته كلش خايف يكون نسائي هههه خلني باشوفه

[معماري قطري]

تم بحمد الله اصدار رخصة البناء من أمس والنكتة تنتهي في 8/ 11 يعني يوم الجمعة الجاي والسبب هو الحصول على الموافقات من سنة تقريباً .. مر وقت وكان المفروض نبدأ في شهر 9 أو 10 بالكثير وتعطلنا لأسباب كثيرة منها عدم مقدرة الإستشاري إتمام بقية التعديلات والمواصفات وعدم حصولنا على سعر مرضي من مقاول جيد ولا حتى تحت الجيد .. مضطرين للخطة بي واتفقنا مع شركة كضامن على الورق وشركة صغرى كمنفذ للهيكل الخرساني بقيمة 85000 وعلى دفعات صغيرة .. الحديد تجهيزه بيكون عن طريق شركة التيسير وهم مختصين تجهيز حديد وتركيبه في الموقع بمبلغ بين 90000 و 95000 غير قيمة الحديد اللي بتكون حول 360000 .. يعني الهيكل الخرساني مع الحفر ممكن يوصل 600000 شامل كل الخرسانات حتى السور وتأسيس حوض السباحة.

بعدها الخطوة الثانية بتكون عمل الطابوق وهذا إتفاق ثاني ومخطط له .. المهم في أول مرحلة نخلص شغل الهيكل الأساسي والتأسيس لكل المباني في فترة اعتدال الجو قبل نهاية شهر 3 القادم.

ميزة هذا النوع من العقود والبناء هي إننا إحنا نشتري كل شيء بجودة عالية أو حسب الرغبة فنتحكم في جودة المواد والفورمن وفريقه مجربين في بيت كبير 3000 متر مربع تم بناؤه بهذي الطريقة .. مساحة البناء بتوصل ل 1400 متر تقريباً وأسعار المقاولين للعظم عالية فوق المليون و 600 ألف وتصل ل 4.5 مليون للتشطيب وبدون مواصفات واضحة وايد في العقد لف ودوران فشفت هذي الطريقة أضمن للبناء بجودة عالية وسعر معقول

ما تم دفعه للآن 37000 للمقاول والرخصة + 46000 دفعة أولى لعقد التكييف مع البدء في تصميم التكييف بقيمة 20% من العقد كامل

الآن سنبدأ المرحلة التمهيدية وهي التسوير + غرفة الحارس + لوحة المشروع .. ثم نبدأ الحفر والحفر بيكون على دفعتين لأن الموقع بيكون مشغول هشكل

وهذا المخطط يوضح حدود الحفر والعمق بيكون للمباني من متر لين متر ونص حسب قوة التربة والوصول لأرضية صلبة .. الكتابة أكيد صغيرة وما تبين وباقي تفاصيل بس لله الحمد كلها معروفة نحتاج المساح يحطها في الموقع يحدد حدودها بقطع حديدية للبدء

https://i.imgur.com/i2V0LbM.png

[معماري قطري]

موقع كبينة الحارس بيكون مكان المواقف أسفل المخطط ويسار الباب اللي بيكون 4 متر من المربع السفلي يمين .. بيتم حفر التأسيس لمكان الخطوط العريضة فقط

[sara jsm]

الله يسهل ويكمل لكم على خير ..

[معماري قطري]

الله يسهل ويكمل لكم على خير ..

آمين وكل من يبني يا رب

[معماري قطري]

أمس تمت زيارة ورشة لبيع قطع المواد السكراب أو المستعملة لشراء شينكو السور .. المطلوب 128 متر طولي لتسوير الموقع من ثلاث جهات والجزء الرابع مسور وجاهز لأرض ولد إخوي وفيها كهرباء وماء وغرفة بوابة .. حبة الشينكو المستعمل استعمال نظيف ب 10 ريالات وتغطي متر طولي واحد + نحتاج حديد تثبيت أعمدة وعوارض وكل هذا قابل للبيع بعد الإنتهاء منه سكراب .. الملاحظ إن المقاول يحاول قد ما يقدر يجيب كل هذي الأغراض وينفذها وياخذ كمشنات في الغالب تكون أغلى من سعرها بكثير .. يعني ممكن نحتاج 150 لوح بسعر 1500 + بعض القطع وأشخاص يركبون ما بتوصل 5000 ريال عادي المقاول يطلعها 10000 .. واللوحة تم الإتفاق عليها ب 700 ريال

أول مرة أدخل العالم الخفي مال المواد هذي .. بنحتاج طابوق بعد لتثبيت السور المؤقت وبنبدأ الحفر قبل التسوير وبنبدأ بناء غرفة مؤقتة من الطابوق والشينكو للحارس + دورة مياه مناسبة ومؤقتة للجميع وانا أفضل كبينة لكن مع ولدي مدير مشروع هو الخبير بهذي الطريقة وهو باني بيته بهذي الطريقة وبأفضل المواد وهو اقترح الغرفة الطابوقية .. حتى المقاول اللي بنى هيكل بيته هو اللي بيبني لنا الهيكل .. بتكلفة شغل يد 85000 مقسمة على دفعات هو مسؤول عن تركيب الخشب والصب وسعره معقول في الحديد بس فضلنا التيسير لأنها شركة قوية وشغلهم في ورشة ومضمون .. بنشوف وبإذن الله بنتابع ومع صور وتوضيح كل خطوة ولأول مرة بنستعمل خرسانة بلورية وعزل بالرول للأساسات والجسور الأرضية .. أول مرة بالنسبة لي .. طلبنا بعض هذي المواصفات من مقاول قال بيطلع عليكم وايد غالي كان سعره المبدئي للعظم 1.6 مليون وثاني بعد بحدود نفس السعر

[معماري قطري]

عندي ولد عم بدأ مقاول على قده وكان يسألني أسئله كثيرة بعضها ساذج ويضحك وشوي شوي تطور استوى يعرف الشغلة زين ويتابع ما شاء الله عليه من فجر يومياً .. يتكلم عن الهدم وناتج الهدم كيف يستغلونه المقاولين .. هم يهدمون ب 30000 تقريباً ويطلعون 300000 من ناتج الهدم .. وهو اشتغل هذي الشغلة في بيوت وايد .. المفروض يسوون الهدم بمقابل هم يعطون الملاك مقابل لأنهم يكسبون كثير .. أبسط مثال الحديد نشتريه جديد الطن ب 4000 ريال وهم يبيعونه خردة ومقصوص ممكن يعيدون صناعته وصهره على الأقل بربع السعر وبعض البيوت فيها 100 طن حديد وبعضها وايد أقل وبعضها أكثر لو نفترض 100 بيطلع من الحديد 100000 والألمنيوم غير والنحاس غير وباقي ناتج الهدم يروح للكسارة يصنعون منه البودرة اللي يموتون عليها مقاولين بو كلش ويسوقون لها

[معماري قطري]

من ضمن القصص اللي مرت علي معاه استشاري سعر له صيانة بيسمنت بناية متضرر وفيه كراكات والبيسمنت حق مواقف بسعر 2 مليون وشغل وموافقات بلدية ومن تدخل البلدية خشمها في الموضوع يعني تقارير وتصوير وزيارات وموافقات وشغلة ما تخلص والبناية مسكونة .. هو قال لي السالفة بدون صور ولا حتى شفت .. قلت له لتتورط في شغل طويل عطته رقم مهندس محترم وقلت له خله يشوف شصاير وخل عمالك يسوون شيقول لهم وبتنحل المشكلة وسواها يقول كلفته الشغلة 70000 بس

[معماري قطري]

لحد ألحين الوضع ماشي وإتفقنا على الحفر بمبلغ 19000 وكنا نتفاوض على حدود ال 37000 وبيتم توزيع الناتج على منطقتين أرض ولدي الثاني اللي جنب اللي بنبنيها يفصلهم شارع وفي مساحة حددناها للدفان ناتج الحفر .. طبعاً الدفع بعدين والمسح تم وتم تحديد النقاط .. والمساح بيحضر بعدين لتحديد أماكن الأعمدة والأساسات

هذا فيديو توضيحي عملته لمناطق الحفر وراح عن بالي تحديد عمق بيت المصعد بس معروف ولازم يتنفذ والإستشاري وولدي والمقاول متابعين مقاول الهيكل الخرساني


https://youtu.be/LXV2GdZRRsw

وهذي المقاسات

https://i.imgur.com/90KMBGv.jpeg

[معماري قطري]

حطيت القواعد على مكان الحفر وحددت مكان نقاط صرف المطر أو السوك أواي هم طالبين وحدة وانا أضفت ثانية أسهل لتوزيع بايبات صرف السطح عليهم

https://i.imgur.com/2zTp34g.png

وطلعت الأرض الشمالية حق ولد عمي وبنستأذنه نستعمل جزء منها لتجميع الدفان قبل نستعمله في اعادة الدفن ولازم تسور بناخذ عمق 20 متر أفضل

[معماري قطري]

الحمد لله وافق ولد العم وكنت موجه بعمق 20 متر لكن اكتفوا ب 15 وأعتقد بتكون غير كافية .. الدفعة الأولى للنجار 5000 بس ما شاء الله عليه مهتم وهو اللي ركب الحديد للسور المؤقت وبدوا الحفر أول بأول دفعنا أعتقد 3000 دفعة أولى لمقاول الحفر .. ما ادري يمكن ذكر الأسعار لمصداقية أكثر وللمهتمين بالبناء وطبعاً أهم شيء السعر .. خذنا 700 طابوقة بسعر 1.8 ريال للطابوقة لعمل غرفة الحارس وتدعيم حديد السور وشامل التوصيل بس وصيت ولدي بتحري جودة الطابوق وبأنه يكون ناشف ومعمول له كيورنغ صح لفترة مناسبة

على طاري الكيورنغ اللي تعني بالعربي الإدامة وهي الرش بالماء بطريقة متواصلة بحيث ما تبقى الخرسانة مرطبة للطابوق يستحسن اسبوع وأكثر لو اسبوعين أفضل وللخرسانة اسبوعين وفوق البعض يخليها 3 أيام وهذا خطر ويضعف الخرسانة وسواء في الصيف أو الشتاء مع إن المفروض في درجات حرارة فوق 35 ما نصب نهائياً وفوق 35 المقصود بها من بداية الصب لين انتهاء 14 يوم

عندي فيديوهات وصور للعمل بس أشوف ما لها أهمية كبيرة

ولو تحبون أفتح موضوع جديد لبناء البيت ذيه عادي بس فكرت حتى ما يصير تشتيت نواصل أفضل وأي سؤال أو مراجعة مخطط ثاني تدخل ما عندي مشكلة

[معماري قطري]

سامحوني على عدم الوضوح في بعض المخططات بسبب التصوير من شاشة الكمبيوتر أو بسبب التصوير من التلفون .. فيه برامج توضح التصوير من الشاشة مع التعليق بس هذي ما أعرف لها .. أمس كان عندنا إجتماع مطول فوق الساعتين ويمكن 3 مع شركة الفيتري مع مهندس ميكانيكل مختص بخدمات المياه ما شاء الله عليه فاهم ومقنع أقنعني بنظام البايبات المعلق وهي عليها ضمان 50 سنة وتعتبر الأخيرة اللي تستعمل في العالم ولا تتفاعل مع الكلور وتتحمل ضغط ل 100 بار وهو ضغط مستحيل كل اللي نحتاجه 5 ووايد قوي يكون

تكلمنا عن صرف المطر وبيكون موصل تحت الأرض لمناطق الزراعة وحدة فيها حفرة امتصاصية حسب طلب البلدية .. حاول يقنعني بتانك تجميع مياه تحت الأرض ونظام فلترة وضخ للزراعة بس المياه بتكون قليلة والقصد هو التخلص منها بعيد عن البيت .. نظام الري بيكون أوتوماتيكي موصل من غرفة الخزانات الأرضية مع فلترة للمياه الحكومية قبل الخزان ومع فصل الخزان الى 2 كما ذكرت في السابق تحت وفوق .. يعني بيكون عندنا مياه التكييف مباشرة للزراعة + مياه المطر لو حصلت مرات معدودة في السنة + شبكة الري القابلة للتحكم فيها بشكل يدوي أو الكتروني عن بعد

هذا مخطط توزيع الطبيلات اللي بتكون بعمق 6.7 متر بس اليمين ثنتين بيقل العمق ل 6.2 متر بسبب وجود الأرفف وهذي بتكون لتخزين المواد الخاصة بالسيارات وحتى بالزراعة .. منطقة الخزانات بتكون مسورة مع باب أو فتحة للدخول للصيانة ومظللة من فوق مع بقية المنطقة والطبيلة بحاول أسويها بعمودين من الطرف وحديد للواجهة جسر يحمل الشينكو فوق بدون أعمدة وسطية لسهولة الدخول والخروج مع إمكانية تركيب أبواب ترتفع فوق لو احتجنا لها .. منطقة الخزانات بتكون لها بايبات مرتفعة قرب السور لتعبئة المياه وقت الحاجة والسيارات الثلاث يسار بيكون فيه قناة تصريف لمياه الغسيل على صوب الزراعة وكذلك السيارات اليمين بيكون فيه سلوب بسيط يودي المياه بمحاذاة قاعدة الكبت لين القناة .. الكبت بيكون مبني له تحت قاعدة 10 سم وفوق يتثبت عليه ألمنيوم الرف التحتي بيكون ارتفاعه كبير لتخزين أشياء كبيرة والأرفف العلوية بتكون بإرتفاع أقل لبعض الأغراض اللي حجمها أصغر .. هذي فكرة التنظيم والتخزين أعاني منها في بيتي الحالي وضرورية لأسمدة الزراعة وأدواتها مع حتى درج أو مكانس

https://i.imgur.com/62PXcYf.png

[معماري قطري]

آخر التطورات .. تم الحفر لعمق يقترب من المترين ولا وصلنا للأرض الصلبة والحل بيكون 1. الحفر زيادة وهذا ما أفضله 2. عمل فحص لقوة انضغاط الأرض بعد الدك ومراجعة الإستشاري المصمم في قوة الأرض المحددة في التصميم وانا أذكرها 1.5 كيلو نيوتن في المتر المربع والمتوقع تطلع بحدود 2 وممكن أكثر + تم الإتفاق مع مقاول التكييف على عمل المراوح لدورات المياه وللمطبخ الداخلي من حيث التهوية وتجديد الهواء بحيث تكون على الحركة مع حساس رطوبة ماركة أسبانية عالية الكفاءة وبتكون خارجية في سور السقف لسهولة الصيانة وواحدة لكل مجموعة فوق بعض .. الدكتات بيكون فيها رداد لخروج الهواء فقط بدون دخول وبدون انتقال للروائح بين حيز وحيز أعتقد التسعير حول 23000 ريال

كنت متمني أبدأ في شهر 9 وألحين على الأقل مخلصين ودافنين هشكل ممكن نتأخر وندخل في صب في حرارة مرتفعة بس الزين اننا متحكمين في المواد واختيارها بنشوف حل لطلب خرسانة تناسب الحرارة العالية ولا تتكسر أو باطلبها بإضافة الفيبر

لازم أسوي شوية تعديلات وشفت هذا التعديل ممكن لعمل مواقف إضافية أسفل الملحق ممكن تكون مظللة لو دعت الحاجة مستقبلاً وممكن مفتوحة بدال السابق كانت سيارة تدخل قرب الرامب الموصل للملحق ألحين موقف محدد والمنطقة أسفل الملحق ممكن إستغلالها لعمل مستودع كذلك مستقبلاً لو دعت الحاجة

تم عمل رصيف بسيط يتوازن مع الرصيف اليسار وبكون عتبة لباب غرفة السايق اللي ممكن يفتح على الحوش وتم عمل مواقف مفتوحة قريبة من الحديقة الكبيرة للزوار

https://i.imgur.com/6fciGb5.png

صغرت الزراعة وبتكون في اصيصات أسفل المجلس الداخلي حتى أوسع للسيارات الثلاث أقصى اليسار

[معماري قطري]

من أمور التصميم المهمة هو دراسة الأبعاد بدقة ومحاولة مقاربتها لمقاساتنا الإنسانية .. بالنسبة للمغاسل كثير يخطئون فيها وأقصد المبنية والمنفذة من قبل شركات عدة مثل محطة البناء اللي طالع لنا بها مساعد القفاري وفيه فيديو له اقتبست منه هذي الصور وباحطه هنا لأهميته

https://i.imgur.com/gSEkEa6.png

الرجال ظهره منحني حتى يوصل المغسلة وماد يده كيدٍ مدت لغريق .. المفروض المغسلة تكون قريبة من الرجال وبارزة من خط الكاونتر 10 أو 15 سم لو ممكن حتى لو اضطرينا نقصر عرض الكاونتر مع إن الكاونتر ممكن يكون 80 سم بعرض فخم وفيه إمتداد للمراية جدام مع صندوق تخفيه وراها لبعض العدة لو حبينا وتكون المراية قريبة منا .. ولو حبيناها لاصقة في الحائط ممكن بعد تبقى عندنا مساحة على الكاونتر تكفي لنباتات ظل أو إكسسوارات زينة وبنفس الوقت المغسلة قريبة من اللي يغسل

ارتفاع حافة المغسلة لازم يكون حول ال 80 سم من الأرض .. وفيه مقاس نتحكم فيه بحدود 2 سم فوق أو تحت لو نبغيه يتناسب مع طول غالبية المستخدمين يعني 78 أو 82 سم بعضهم للأسف يسويها 90 أو زود وبعد تكون مزعجة أو نازلة أكثر

[معماري قطري]

سامحوني نسيت أحط الفيديو اللي تمت فيه مناقشة عمل المغاسل وصج هي شغلة يتدخلون فيها كم مقاول ويقدر المالك يسويها بالترتيب



https://www.youtube.com/watch?v=YasT0MpQG40

مهم نحتاط للنقاط اللي ذكرتها وانا حطيتها في الرسم مبدئياً باعدل عليها باسوي مخططات تنفيذية لكل المغاسل بعضها بكاونتر وبعضها لا

https://i.imgur.com/aeFYUYK.png

هنا وضحتها توضيح مبدئي وأكيد تفاصيل المغسلة بتختلف ممكن دائرية وممكن نص غاطسة في الكاونتر حسب الإختيار والإتفاق .. بعد عندنا الفرق يكون كبير لو عندك كاونتر بإرتفاع 80 سم وبنفس الوقت المغسلة معاه أو كاونتر بإرتفاع 70 سم والمغسلة حدها 80 بتكون ممدودة جهة اللي يغسل وبنفس الوقت ارتفاع مناسب والكاونتر ارتفاعه 70 مناسب ما تنزل له وتنحني وايد لتناول كلينكس مثلاً

[معماري قطري]

تم الحفر كما هو مخطط له ولله الحمد وودي أشارك بصور الحفر بس يمكن فيها عدم وضوح .. بنرش ماي وبندك الأرضية بمدحالة كبيرة بعدين بنفحص انضغاط التربة مع اني واثق بتكون أعلى من التصميم بمراحل .. شغل الحديد للأساسات طلع واصل للموقع بسعر 30900 ريال شامل قيمة الحديد وطلبنا إضافة التركيب في الخشب من التيسير .. دوم نكون خطوة قبل وقبلها لازم صبة النظافة هذي بتكون بعد فحص التربة :: مع الحديد وتركيبه بيوصل لتحت ال 40000 + شغل الخشب للبيت كله متفق عليه مع المقاول المختص بسعر 85000 على دفعات طبعاً إندفع منها مبلغ بسيط 3000 أو 5000 نسيت كم بالضبط بس الفاتورة موجودة .. تقريباً للأساسات نفترض 10000 كرقم مبالغ فيه والخشب عندنا الخيار نشتري جديد أو مستعمل أو ببلاش والأخير موجود عند أحد الأصدقاء

كل هذا ولا ندفع دفعة مقدمة 320000 + دفعة أولى بعد الدفان 150000 لمقاول مشترط في العقد يستلم شيك الضمان بعد الدفان .. بالتلفون طلبنا دمكر للماي 3500 غالون ب 200 ريال لرش الأرض قبل الدك والدكاكة جاري البحث عنها .. سهالات ولله الحمد

بعض صور الحفر

نزلنا لعمق أكبر من متر ونص المتفق عليه

https://i.imgur.com/oKSo5Ux.jpeg

https://i.imgur.com/qaaQmeU.jpeg

تكسير الحجارة في الزاوية الشمالية الغربية ويبدو سور بيت ولد إخوي نزلنا شوي أسفل تأسيسه

https://i.imgur.com/OLiBMeJ.jpeg

https://i.imgur.com/m5zo0gz.jpeg

https://i.imgur.com/7wbQQfh.jpeg

هذا السور بتتم حمايته وأفضل البولي كاربونيت المجوف بسمك 4 ملم أو بليوت بنشوف الفرق في السعر كم وبيتم بناء طابوق 15 سم محاذي له كسور تابع لهذا البيت لأن السور المجاور داخل علينا بمقدار 5 سم .. طبعاً هذي الجهة بيكون عندنا طابوق 15 سم + العازل 4 ملم + طابوق 20 سم اللي للملحق أو أفضل نبدأ مباشرة طابوق الملحق بعد العزل بالبولي كاربونيت 4 ملم بهذي الطريقة بنكون وفرنا شوي ووفرنا في الفراغ بين البيت والملحق حول 20 سم نضيفها للملحق

مكان غرفة السايق

https://i.imgur.com/chWVO39.jpeg

https://i.imgur.com/zBrf7JK.jpeg

أمثلة أرسلها لي الإستشاري المشرف وهو يقترح التنظيف والتجهيز بهذي الطريقة لصبة النظافة

https://i.imgur.com/ur0n3mE.jpeg

هو يقول ما فيه داعي للإختبار بس انا حاب اسوي الإختبار حتى ابين شلون الإستشاريين يبالغون في تنزيل قوة الأرض

https://i.imgur.com/fAzFSLj.jpeg

https://i.imgur.com/EYZo4nd.jpeg

الصور هذي من موفع ثاني بس للمقارنة

https://i.imgur.com/rBDvr9O.jpeg

https://i.imgur.com/vG9I7Ci.jpeg

https://i.imgur.com/NvXQBvO.jpeg

واضح هذا الموقع ما اندك كله والمقاول ما يهمه يهمه إنه يوفر ليش يجيب دكاكة تدك الموقع كله .. إحنا شغلنا سليم دك كامل منطقة البناء وتنظيفها ثم تحديد مواقع الأساسات والأعندة بواسطة المساح بعد تحديدها مبدئياً وعمل صبة النظافة بشكل تقريبي وأوسع من المطلوب حتى تخطيط موقع الأساسات يكون على صبة النظافة مع شركة المساحة

[معماري قطري]

أمس تم رش الأرض بالماء واليوم من صبح جابوا الدكاكة 5 طن قيمة نقلها 150 ريال للموقع ونقلها من الموقع كذلك 150 ريال وشغلها 8 ساعات ب 400 ريال .. الدنكر ب 200 ريال 3500 جالون

https://youtube.com/shorts/i9f6SXJkBrk?feature=share

الأرض بعد إنتهاء الرش

https://i.imgur.com/HIc62Q4.png

بكرة بإذن الله نسوي اختبار التربة بالضبط اختبار قوة الأرض وتحملها للضغط للمقارنة مع التصميم

[معماري قطري]

ما صورت بعد الدك اليوم بس بحاول أمر بعدين أصور

[معماري قطري]

الملاحظ من خلال دراسة الصور والفيديوهات هو عمق التأسيس وأرضية التأسيس عند الصور اللي مرسلها الإستشاري لمشروع آخر عمق أقل وأرضية تبدو صلبة أكثر وصخرية .. أرضنا ترابية أكثر ووصلنا عمق يقترب من 180 سم وشفت إننا نوقف الحفر ونفحص التربة بعد دكها وتمهيد الأرض ولو وصلت ل 2 كيلو نيوتن للمتر المربع زين أي رقم فوق أحسن وأحسن

الدك ما يكلف كثير ويضبط الأرض ويرتبها من ناحية أي حجارة بارزة تعرقل البناء والحركة والموقع يكون نظيف .. وهذي ميزة الشخص يشتغل هو بنفسه يسوي الضروري وبسعر مناسب وصعب ينذكر في العقد كل هذا وصعب يسويه المقاول كله ويحسب حسابه أو ينصح به لأن تفكيره يختلف يفكر دوم يسوي اللي يمشي الحال حتى لو متفق على شغل معين يحاول يختصر فيه

[sara jsm]

ماشاءالله .. الله يكمل لكم على خير ..
هالشغل الزين مب البيبي بلو :looking:

[معماري قطري]

ماشاءالله .. الله يكمل لكم على خير ..
هالشغل الزين مب البيبي بلو :looking:

اليوم البيبي بلو منور المكان صورته شوي بانزله تطورات حديقة الياسمين عنوان الفيديو


https://youtube.com/shorts/nNzWwLVYJWk?feature=share

وخذت جولة هناك شفت الحفرة المدكوكة زين بانزل الفيديو بعد

[معماري قطري]

https://youtu.be/q2rQq2e1gew

ما فيه داعي أنقل الفيديوهات الباقية ناقشناها على الوتس أب مع مجموعة بناء وتصميم بس كلها عن بعض القصور في شغل البنية التحتية والحفريات من كهرماء

[معماري قطري]

تم عمل فحص التربة أو بالأصح إنضغاط التربة في موقعين واحد تحت أساس المصعد حيث إنه بيكون فيه ثقل نوعاً ما وهو في الجزء اللي فيه البنتهاوس ومعاه الدرج .. وواحد في أسفل أكبر عمود وأساس ووصل 1000 وشوي فوق كيلوجرام مثل ما هو واضح من صور العداد .. المصور كان ولدي وتمنيت لو صور فيديو أفضل .. انا عارف العملية كيف يس لتوضيحها لكم ,, يجيبون شيول أو حفار أو شاحنة وزنها ثقيل ويركبون تحتها جيك وأداة تضغط على قاعدة سفلية معروفة مساحتها مثلاً الضغط وصل 1050 كيلو جرام وحدث هبوط قوي بعدها يوقف الجهاز عند أقصى تحمل اللي هو هذا الرقم وفرضاً القاعدة 40 سم في 40 سم ينحسب هذا الضغط 1050 ÷ 0.4 ضرب 0.4 يطلع لنا 6562.5 كيلوجرام على المتر المربع وفيه معادلة تحولها للكيلو نيوتن على المتر المربع والحساب أما 2 أو 1.5 اللي على أساسه يحسبون حجم القواعد أو بالأصح مساحتها

هذي بعض الصور

https://i.imgur.com/jVITsRk.jpeg

https://i.imgur.com/AcRVlNz.jpeg

قوة الضغط بالميغا باسكال وهم لهم طريقتهم في حسبة القوة بالكيلو نيوتن في المتر المربع وكلها تحويلات للكيلو وللنيوتن حسب معادلات وفيه صور كثيرة بس كلها شبيهة المهم الرقم اللي يعطينا اياه المختبر مع الشهادة للتوثيق .. هذا كلف 1000 ريال لنقطتين فحص وكثيرين ما يهتمون له وعملناه احتياط حتى بدونه الإستشاريين دوم يتحوطون وياخذون رقم أقل مثل 1.5 أو 2 وهو في العادة يطلع 3 وفوق

[معماري قطري]

من ملاحظاتي على شغل الحفر وانا تكلمت ووضحت لولدي حتى يهتم بس مشوا كلامهم عليه البنغالي النجار والبتان الحفار .. كنت موزع الموقع صح وما قصر ولد عمي بالسماح لنا بإدخال سورنا في أرضه فترة الشغل حتى جمع الدفان هناك .. طلع المقاول طالب 15 وانا كنت طالب 20 متر داخل أرض ولد عمي حتى نستفيد من مساحة كافية للدفان وتكون عندنا الأرض فاضية من الجوانب لأمور وشغلات كثيرة .. ألحين شفت المقاول الحفار مشتغل يشيل ويكون الدفان من قريب وهنا مشكلة في إن سوى عراقيل حول الموقع ألحين قصة إدخال البمب قصة وسيارة الخرسانة وكذلك أي مواد نحتاجها بس بإذن الله تترتب وتنضبط الأمور باقي لمقاول الحفر 6500 ما استلمها وباقي حفر بسيط للسور + حفر منطقة الزراعة الكبيرة شرقي البيت هذي ممكن نخليها مرحلة ثانية بس لو سويناها ألحين بنكون استغلينا مقاول الحفر صح ومرة وحدة

[معماري قطري]

تطورات الوضع في بيت عبدالله أفكر اسميه قصر باكنغهام بس باكون سارق التسمية من ولد خالتي هو كان مسمي بيته أثناء البناء .. خلصنا فحص التربة وطلعت النتيجة وايد زينة .. فحص قوة ضغط التربة نقطتين ب 1000 ريال

ودي أنزله بي دي اف بس ما اعرف صورة الخلاصة هي الأهم وقوة التربة المطلوبة من البلدية للتصميم 250 كيلونيوتن في المتر المربع وحصلنا فوق 770 يعني فوق 300% وانا عارف إن الإستشاري متحفظ ومصمم على أساس إن قوة الأرض 150 أو 200 بالكثير .. يعني تتحمل وزن 3 بيوت مثل المصمم فوق بعض وزود ممكن 4 أو 5

https://i.imgur.com/QiiU8bK.png

ذكرت سالفة إن البلدية المفروض تطلب هذا الفحص اجباري بعد الحفر وتجبر المكاتب الهندسية بتعديل تصميم الأساسات على القوة الحقيقية مثل في حالتنا نحتاج أقل من 30% للأساسات وفيها توفير حول 50000 أو أكثر هذي نستفيد منها في مجال ثاني والتعديل المفروض ما ياخذ يوم بالكثير ولو نحسبها على 1000 بيت فيها توفير 50 مليون ريال .. اللي عقده مليونين فيها 2.5% وهذا على أسوأ تقدير

الخشب بيكلف حول 20000 بنشتريه بس مهم يكون الناطور موجود والناطور باقي له شوي ويخلص من موقع أحد الإخوان مجربه وعارفه ونتابع معاه هذي التسهيلات هو توه باني وأفهم مني في السوق ومفاوض جيد الله يجزاه خير

[معماري قطري]

هبوط البليت اللي فشل عنده الفحص كان مرة 4 ملم ومرة 1.5 ملم ولا شيء وهذا من يخلص الواحد الهيكل والطابوق يحصل للأساسات وتأثيره لا يذكر .. البليتة هذي دائرية قطرها 30 سم يعني تفرق كثير عن أساسات عريضة وبعضها يوصل لمترين وزنها يتوزع أفضل ومقاومة التربة تكون أعلى

[معماري قطري]

ما ابغي استوي بخيل في المعلومات وبانقل باقي التقرير مال الفحص وبشرحه .. هذا الشارت مهم يبين قوة الضغط بالكيلونيوتن على المتر المربع والكيلو نيوتن عبارة عن 1000 نيوتن والنيوتن عبارة عن وزن 1 كيلوجرام مضروب في عجلة الجاذبية الأرضية اللي تساوي 9.81 متر/ ثانية تربيع .. كتلة في عجلة الجاذبية الأرضية تعطينا قوة ضغط أو وزن .. يعني بعبارة ثانية ال 100 كيلونيوتن على المتر المربع تعطينا ضغط يعادل وزن 100000 كيلو جرام لكل متر مربع لكن الكتلة تكون نقسمها على 9.81 أو لنقربها نقسمها على 10 تطلع 10000 متر مربع ككتلة .. الكتلة تختلف عن الوزن الوزن قوة جذب ولازم تدخل فيه الجاذبية الأرضية ال 9.81 متر على الثانية تربيع .. بعبارة ثانية 100 كيلو نيوتن أو 100000 نيوتن حسبي الله على التفاحة اللي طاحت على راس نيوتن تعادل 100 طن وحسابات الإستشاريين الأعلى المسموحة حسب الكود القطري على 220 كقوة للأرض فعلياً كم توصل مب مهم المهم ما يحسبون أكثر من 220 والإستشاري الطيب المحافظ على حلالك بيحسبها 220 لكن الخواف بيحسبها وايد تحت 150 أذكر استشاريينا الفذ قايل لي

https://i.imgur.com/XV3g7FV.png

من الشارت نشوف القوة وصلت 770 والهبوط اللي حصل على الجزء العمودي من الجدول تحت 2.5 ملم .. عند 150 يحصل هبوط نص ملم ولا شيء حول راس القلم الرصاص المبري وسط .. الأرض كانت مدكوكة زين وهذا يقلل الهبوط ويعطي أرض صلبة للتأسيس وانا بالنظر قلت ما نحتاج فحص بس الاستشاري متخوف كان ورفيجنا المتابع معانا عبدالله ولدي كان معاي وكانوا الإثنين يطالبون بحفر أكثر وانا ما اشوف له داعي والإختبار كان الفيصل وزين نحتفظ به كمرجع

خلوني أقرب لكم الصورة أكثر بين الضغط والهبوط .. تخيلوا تمشون على رمل ناعم بأرجلكم أو بالسيارة بتحصلون التواير تغوص بسبب ضغط وزن السيارة والضغوطات اللي تسببها حركة التواير .. وبيبين أثر أكيد .. لو الأرض طينية ولينة فيها ماي بتغوص أكثر وبيبين أثر عميق ولو الأرض مدكوكة حسب الدك وحسب صلابة التربة ممكن يبين أثر وممكن لا

بعد عندي ملاحظة ثانية مهمة للي بيبنون بيسمنت وموضوع الحفر سهل .. اللي يرجع لمخطط الحفر فوق إحنا حفرنا مساحة فوق ضعف مساحة البيت وحفرنا الإرتداد الخلفي شامل قواعد السور والإرتداد صوب الملحق كذلك والإرتداد جهة المجلس وحوض السباحة حفرنا الأرض كلها فوق متر ونص لما يقارب 1.8 متر .. اللي بيبني بيسمنت بسهولة بيقدر ينزل لين ضعف هذا العمق بضعف السعر .. سعرنا 19000 يعني 38000 تكفي وكان بياخذ منا مقاول ثاني 39000 تكفي لحفر بيسمنت وزود وقلنا له وخر مناك .. المسئلة مب مسئلة معرفة أسعار يعلم الله اني ما أعرفها بس مسئلة إدارة ومحاولة الحصول على عرض سعر ثاني وثالث ورابع ولو مطولين مؤكد بنحصل أرخص .. كلامي دليل على إن أسعار المقاولين وايد يضربون بها فوق واللي يبني هو يدير التفاوض ويسعى لسعر أفضل ويشتغل مثل هذا الشغل بيوفر وبيشتغل صح وهو الأهم .. الحفر شيء لا بد منه بتسوي بيسمنت أو لا بالتفاوض السريع حصلنا 19000 من سعر سابق 39000 ونسبة التخفيض وصلت ل 51.28%

هذا الشارت للنقطة الثانية

https://i.imgur.com/AMFZUoF.png

أهم الملاحظات زيادة الهبوط لين 4 ملم .. بس عند وزن 150 كيلونيوتن للمتر المربع ما يوصل الهبوط 1 ملم

شرح بسيط للفحص هم يستعملون معدة ثقيلة مثل الحفار والحفار وزنه ممكن 3 طن بس 3 طن وزن على 4 تواير وعلى مساحة أكبر .. يركزون هذا الوزن على ضاغط يمثل وزن أعلى على قطعة أصغر .. في حالتنا إستعملوا جهاز بقاعدة دائرية بقطر 0.3 متر أو 30 سم وهذي مساحتها تطلع 0.07 متر مربع وضغط 1 كيلو نيوتن على هذي المساحة 1/ 0.07 = 14.2857 كيلونيوتن في المتر المربع و 10 تعادل 142.8 وهكذا هو وزن مصغر يمثل عينة صغيرة تشبيه للعينة الأكبر

في الإختبار الفعلي ذاك دقيق أكثر ويمثل عينة وايد أكبر وبكتل خرسانية أو حديدية كبيرة وايد أكثر ذاك يستعمل للأبراج ويكون تشبيه وايد أقرب للواقع مثل بدال ما تكون عينة بمساحة صغيرة 0.07 متر مربع مثل اللي عندنا ممكن ياخذون مساحة 10 أمتار في 10 أمتار تساوي 100 متر مربع ويحطون عليها كتل خرسانية كل كتلة متر مكعب واحد ومعروف وزنها حسب مكوناتها 2500 كيلوجرام أو 2.5 كيلونيوتن .. ويحتاجون لملء هذي المساحة 100 مكعب وممكن يطلعون فوق ب 100 ثانية وثالثة ورابعة ويحملون هذي العينة تحميل كبير وواقعي أكثر ويحسبون الهبوط بأجهزة دقيقة أكثر .. سامحوني على هذا الشرح بس للتوضيح وسبحان الله نسبة وتناسب عينة صغيرة تكفي لقياس كبير وواقعي

[معماري قطري]

أدري الكلام المكتوب السابق صعب يستسيغه كل شخص بعيد عن الهندسة لكن للتوضيح وتركت إسم المختبر بعد للي يبغيه كمرجع ويفكر في عمل الفحص

[معماري قطري]

تم شراء الخشب وبنحتاج للمزيد مع بوليثين أو بلاستيك سميك وبيتم توصيل الكهرباء اليوم وشراء منشار كهربائي بحدود 1000 ريال والخشب كلف حول 30000 جديد وبإذن الله نخلص صبة النظافة هذا الأسبوع ونبدأ اوردر عمل الحديد مع التيسير والتخشيب للقواعد بعد ما يجي المساح ويحدد الأماكن بالضبط ومستويات الحوش والدفان .. خطوة خطوة .. أتمنى نخلص الدفان والدك قبل نهاية شهر 12 ونبدأ الأعمدة .. بس قبل الدفان عندنا رقاب الأعمدة والجسور الأرضية وشغل الطابوق تحتها

كلها دفعات والحلو فيها ما توصل الدفعة المقدمة لشراء ود المقاول وبعدين دفعات عالية بمواصفات الله أعلم بها وبمذلة مقاول يقول هذا لازم زيادة وما اتفقنا عليه

[معماري قطري]

وصول دفعة الخشب شاحنتين .. جديد وين بعض الناس اللي يعلقون على القديم

https://i.imgur.com/grpYjMP.jpeg

https://i.imgur.com/Ay2GUBP.jpeg

بنحتاج بعد كمية إضافية للسلابات بعدين هذا بيكفي للأعمدة والأساسات

[معماري قطري]

صبة النظافة للبيت ولقواعد السور وللمجلس .. الخرسانة كلفت 12000 ووضعنا البلاستيك تحت وغطيناها بالبلاستيك عن تبخر المياه



https://youtu.be/T9wI6X2EQyc

[معماري قطري]

كان ودي يخلون منطقة الحوض مرتفعة شويات كنا نحتاج حفر 70 أو 80 سم بس الحفر جاء للأرض كلها واحد على متر ونص وكأنه زاد شوي حول 1.8 متر هنا بنضطر نوازن شوي مكان الحوض نرفعه شوي على طابوق يمكن خزان التوازن يكون أعمق وحتى أصغر نقدر نسويه لأن لو زدنا العمق زاد الحجم .. حجم المياه في الحوض 40.5 متر مكعب وحجم المياه في خزان التوازن لازم تكون 10% حول 4 متر مكعب لكن قلت باسويها 8 متر مكعب لذلك بنسوي عمق خزان التوازن شوي أغزر من الحوض والحوض بيكون مرتفع شوي على طابوق حول متر ودفان مدكوك وبعدين يجي تاسيس خرسانة الحوض والمهم عمل تأسيس التمديدات ألحين حتى حول المباني لتصريف مياه المطر عن الأسقف .. شوي المسئلة عويصة بس بنشوفها في وقتها وإن شاء الله يفهمها المقاول المختص لأن كاتب عقده غير عن النقاش اللي دار ماشي على ستاندرد هذا ما وجدنا عليه آبائنا

[سالم الزهران]

وفقك الله ويسر امرك اخوي بو عبدالله، اهم شيء تحمل بروحك لا تقعد واقف مع العمال صحتك ابدى .

[sara jsm]

اي لاتقعد واقف .. اوقف وانت قاعد :fight:

[معماري قطري]

وفقك الله ويسر امرك اخوي بو عبدالله، اهم شيء تحمل بروحك لا تقعد واقف مع العمال صحتك ابدى .

تصدق يا بو زيد قليل أروح متابع من بعيد ينقلون لي الصور والفيديوهات على قروب المتابعة .. ألحين هوضوع عزل القواعد من تحت ببتومين لازم نسويه وإتفقنا مع واحد بمبلغ 3000 ريال طبقتين بيتومين وجاري عمل فورمات الخشب للأساسات وبنشوف تسعير الحديد .. صبة النظافة مهم ينعمل لها كيورنغ زين بس توها لها 3 أو 4 أيام ضد الإستعجال وكان ودي نشتغل على تأسيس السور كامل حتى ندفن مرة وحدة والتأسيس يكون دفعة وحدة هشكل ممكن يصير دفعتين بعد ماشي لأن بنحتاج وقت للكيورنغ للقواعد حول 14 يوم وبعدها ننتظر تنشف ونسوي بيتومين وممبرين طلع مطلوب من البلدية مع إني أشوف المنطقة ما تحتاج

أمس المساح حدد المستويات ومواقع الأعمدة

https://i.imgur.com/4Ec0uMt.jpeg

وهنا العمال يشتغلون على التخشيب وكانوا حاسبين تغطية النايلون تكفي وبيركبون حديد عليه وهي حقيقةً تكفي وأرخص لكن عملناها لحفظ مياه الخرسانة من التبخر رشيناها قبل وغطيناها وبدون خيش في ذي المرحلة لكن للأساسات بنستخدم خيش وترطيب دائم لمدة 14 يوم مع البلاستيك فوق الخيش لتغطية الأساسات جتى المياه ما تتبخر .. الشغل لازم يكون بطيء وياخذ وقته ومرحلة مرحلة ومعروفة مرحلة التأسيس صعبة وهي الأطول دوم باقي التمديدات الأساسية للصرف ولصرف المطر على الأقل نتفق عليها وباقي الجسور وشغلها والطابوق تحتها لين نوصل للدفان .. مقاول يقول لي ما اخلي الأساسات تتقوى وتنرش بالماي أكثر من 3 أيام قلت له زين تسوي والمشكلة يبني حق نفسه في الغالب .. عندنا خبير هندسي في مجال الخرسانة والكيورنغ قال بدقة للأساسات وللخرسانات المقاولمة أقل شيء اسبوعين وحسب دراستي قبل كان لازم 28 يوم لكن تجاوزاً وللسرعة العملية تستمر حتى بعد انقطاع المياه عنها

تلإستشاري يبغي الشغل هشكل وهو صادق وبنطبقه مع إن البلاستيك تحت بعد ينفع بس البيتومين أفضل والرول طبعاً هو الأعلى وأعلى منهم أنظمة ثانية ما نبغي نبالغ فيها .. البلاستيك ضروري للجوانب في ذي الحالة وفوق لحماية البيتومين والممبرين لو بنحط بعد .. وحسب ما سمعت مطلوب الآن كع شهادة ضمان من البلدية

https://i.imgur.com/YIEHgsQ.jpeg

فيه صور وفيديوهات كثيرة ما اشوف لها داعي باركز على المهم فقط

[معماري قطري]

اي لاتقعد واقف .. اوقف وانت قاعد :fight:

انا انام وانا واقف خلقت للمصاعب مثل التانك 500 سبير علاق عاد بو زيد كيفه يرد عليج

[معماري قطري]

بس للمقارنة شرايكم في نظافة الموقع بعد الدك فوق والموقع الثاني اللي ناقله الاستشاري كمثال قصدي فيه حجارة كبيرة منتشرة

هذا موقع غير نوعاً ما أفضل

https://i.imgur.com/VssJMwn.jpeg

https://i.imgur.com/Hi9kib2.jpeg?1

وهذا موقع ما أشوفهم اشتغلوه حفر صح بس واضح الأرض صخرية أكثر من اللي عندنا

https://i.imgur.com/if70lMA.jpeg

[معماري قطري]

الله يوفق جميع من يبني وبالنسبة لمسئلة التوفير نحكم عليها بعدين المهم والأهم هو الواحد يشتغل بمواصفات شغل جيدة ويقدر يعدل ويضيف ويفاوض بسهولة هو حر ومرتاح لشغله أفضل بوايد بدال ما ادفع مبلغ كبير لشراء ود مقاول وبعدين أدفع دفعات مبالغ فيها لكل مرحلة وأكون تحت رحمة شغل ركيك ومواصفات على كيف المقاول وصعب الواحد يتفق على كل شيء لازم بينسى أشياء وانا نساي والإستشاريين اللي شغالين على أيام هبل مواصفاتهم ركيكة ولا تكون كاملة ولا تكون في صالح المالك

[سالم الزهران]

ما شاء الله بداياتكم موفقة باذن الله

[معماري قطري]

ما شاء الله بداياتكم موفقة باذن الله

كلها يا بو زيد مراحل المفروض تاخذ حقها من الكيورنغ أو الإدامة خصوصاً في التأسيس وفي الهيكل الخرساني ككل .. عامل الهيكل بإحترام وعطه حقه من الماي .. وعامل الأرض المحفورة بإحترام دكها عدل ومهدها تسهل الشغل وتشتغل على أرض صلبة .. طبعاً شفت الفرق بين شغل المقاول اللي يهمه يخلص بأقل تعب وتكلفة عليه ويسلك حق نفسه وشغل مقاول وناس يشتغلون خاص شلون

في نفس المنطقة مقاول تابع حق شركة ادارة مشاريع معروفة بدعاياتها حفر ووقف بإنتظار عاد يتفرغ والا يخلص من مشروع ثاني الله أعلم والا يدور عمال من هنا وهناك .. اللي يهم البنيان يكون ماشي وبتكاليف معقولة وبعقود معروفة ومحددة وادفع بعد ما ينجز المتعهد ولو فيه دفعة مقدمة لازم بسيطة ووشي أسبابها لو لها مبررات زين ما لها انت موفر كل شيء ما عندهم عذر

[معماري قطري]

بس للمقارنة شرايكم في نظافة الموقع بعد الدك فوق والموقع الثاني اللي ناقله الاستشاري كمثال قصدي فيه حجارة كبيرة منتشرة

هذا موقع غير نوعاً ما أفضل

https://i.imgur.com/VssJMwn.jpeg

https://i.imgur.com/Hi9kib2.jpeg?1

وهذا موقع ما أشوفهم اشتغلوه حفر صح بس واضح الأرض صخرية أكثر من اللي عندنا

https://i.imgur.com/if70lMA.jpeg


أذكر هذي الأمور وأوضحها بالصورة لو وصلتني وهنا الإستشاري عاجبه الشغل ومركز على تبيين العزل انا لا الاحظ مرحلة ما قبل العزل الموقع شلون وترتيبه شلون .. مب تهويل بس هذا الملاحظ في غالب المواقع ولا فيه شيء يربط المقاول بشغل مهني أفضل الا المفروض القوانين البلدية ومتابعة تطبيقها ومحاسبة المقصر .. طول ما فيه جولات تفتيشية وتدقيق ومتابعة ومحاسبة وتوضيح للقوانين للكل بتبقى حبر على ورق محد يدري بها ولا حد يلتزم بها

[معماري قطري]

تم صبغ صبيات النظافة بالبتومبن لعزل أسفل القواعد .. التكلفة 3000 ريال وتكلفة العبوة 1250
وإحتجنا ثنتين والقرار كان عدم استخدام الرول كان بيكلف وايد أكثر وما فيه داعي له الأرض ناشفة والمياه الجوفية الضحلة بعيدة حتى بدون بيتومين يمشي الحال

https://i.imgur.com/KD0nXdS.jpeg

بيتم اتمام شغل الخشب ومن ثم شغل الحديد بيجي جاهز من التيسير وبيتركب ببسكوتات 7 سم وبإذن الله لو مشت الأمور بيتم صب القواعد بداية الأسبوع الجاي

شرحي دوم مع الأسعار لمعرفة تكلفة الشغل الحقيقي ومواصفات الشغل .. شغل البيتومين تم عبر عمال متمرسين وبنتابع معاهم لين حتى الأسقف وبضمانات كاملة للشغل كله

[معماري قطري]

خرسانة النظافة بعد صبغ البيتومين الغاط الثاني

https://i.imgur.com/tIZuS7p.jpeg

فيها شوية كراكات صغيرة وكان المفروض تنرش بالمياه فترة أطول وبإستدامة لكن استعجلنا حول 5 أيام والبعض تعود على 3 أيام .. هل الوضع يخوف أو مزعج؟ بإذن الله لا لكن كلامي عن الكمال 100% وانا دوم ضد خرسانة النظافة قوية وايد مثل ذي 40 كيلونيوتن في المتر المربع والعادة 15 كفاية ولو 20 أو 25 كفاية وزود وما تكون عرضة للكراكات أكثر

التخشيب جاهز وتم طلب الحديد وبيجي السبت جاهز ومرتب وبيركب في الموقع والأحد جاهزين للصب بإذن الله

أمس في نقاش مع أحد المقاولين حول البيتومين قال هو يشتري سعودي القالون بحدود 500 ريال قلت العبوات اللي شارينها ب 1250 ريال ومن تدمر .. النوعية تفرق أكيد .. وكنا نتكلم عن نوعيات متطورة أكثر من البولي يورثان ومنها البولي يوريا تعتبر التوب بس لكل إختياج هناك نوع مناسب والسعر أكيد يفرق كثير يطلع بحدود 10 أضعاف للدرجة الأعلى ويحتاج مختصين

الثانية أرتب وهذي اللي يسمونها Slab on grade هذي لا حديد ولا فيبر مع إني تمنيت يكون فيها مقوي فيبر مضاد للكراكات بس ما شاء الله شغل المقاول البنقالي زين وواضح وجودة الخرسانة عالية والأهم الأجواء اللي صبينا فيها

https://i.imgur.com/61XWKtF.jpeg

المساحات الكبيرة سبب كبير في كراكات التمدد والإنكماش يعني سلاح ذو حدين

https://i.imgur.com/gtU04ab.jpeg

https://i.imgur.com/gtU04ab.jpeg

الله يوفقنا وإياكم

[sara jsm]

الله يوفقك بوعبدالله .. احسك مستمتع وانت واقف على هالبيت ..
حاط فيه خبره سنينك كلها مع فراغه التقاعد. :omg::secret:

[معماري قطري]

الله يوفقك بوعبدالله .. احسك مستمتع وانت واقف على هالبيت ..
حاط فيه خبره سنينك كلها مع فراغه التقاعد. :omg::secret:

وإياكم حميع يا رب .. مريت أمس وشفت ركزت على بعض التعديلات اللي طلبناها هل تنفذت في صبة النظافة طلع فيه إختلاف .. عبدالله مركز على المجلس وفي صوب حوض السباحة جزئيتين ما نبه المقاول عنهم لأنه نفذ مخططات الإستشاري القديمة ولا نفذ المعدلة والمشكلة مرت على الإستشاري بعد .. المفروض التدقيق قبل التنفيذ .. تنحل وحلها سهل بإذن الله بس كنت أتمنى اللي يتابع التنفيذ يعرف المتفق عليه وشو .. الحديد تنفذ على المخططات المعدلة بيكملون تركيبه بكرة ووقت الصب تعدل القواعد حسب المتفق عليه وكلها شيء بسيط جداً بس بيتأخر الصب شكله كانت الخطة الصب بكرة

[معماري قطري]

زيارة اليوم الوطني لبيت عبدالله لمتابعة الأعمال وتركيب الحديد في الموقع بعد قصه وترتيبه في معمل شركة التيسير .. المبلغ أعتقد لهذي المرحلة في الستينات نسيت كم بالضبط 62 أو 67 ألف شامل التركيب مع القص والثني أو التشكيل مع البسكوتات وإنطباعي عن الشغل لله الحمد ممتاز والله يوفق في الباقي



https://youtu.be/VLn5LcgY64s

[معماري قطري]

الجزء الثاني من الزيارة


https://youtu.be/jTPajbQ9VCk

[معماري قطري]

الجزء الثالث والأخير


https://youtu.be/nAcOdxtmRAM

[معماري قطري]

يمكن الفيديو ما يوضح كل اللي ينقال لكن أشياء مهمة هي وجود عزل صبة النظافة عن أسفل الأساس ووجود التشكيل الخشبي مغطي الحديد من كل الجهات حتى فوق وتحت .. وفي حال عمل حديد ايبوكسي لازم الأسيام ايبوكسي ولازم الحديد مغلفة أطرافه في بالإيبوكسي .. شيء أخير ومهم آلات تشكيل الحديد الإيبوكسي ناعمة ومغلفة بالبلاستيك لذلك شغلها غالي شوي والا في حال الثني يتكسر الطلاء ويبين الحديد وكلأنك يا بو زيد ما غزيت ( سالم الزهران )

[معماري قطري]

الجزء الثالث والأخير


https://youtu.be/nAcOdxtmRAM

كنت مخطيء في كلامي إن رافعين الحديد جتى يشوفه الإستشاري والصحيح هم يرفعون حتى يسهل عليهم الشغل وتركيب الحديد وبعدين ينزلونه مع البسكوتات الرافعة للحديد .. يعني الحديد اللي نزل مكتمل وجاهز للصب والحديد المرتفع يكملونه وينزلونه

[معماري قطري]

اليوم بإذن الله يخلصون تركيب الحديد ومطلوب للأساسات حول 125 متر مكعب خرسانة 40 كيلو نيوتن مقاومة للأملاح بتكلف حول 37500 مما يعني تكلفة الخرسانة تقارب نص تكلفة الحديد .. لو في دولة فيها دراسات انشائية صحيحة وواقعية كان شفنا نص هذي القيم في الحديد والخرسانة وبدون مبالغة النص أقل شيء

ما توقعا شغل الحديد ياخذ هالكثر ولازم الإستشاري يستلم وإن شاء الله ما فيه ملاحظات بالنسبة لي شفت كل شيء وايد زين .. نشوف جاكيت البنيان القديم وين لحضور الصب ذاك فيه لطخات صبغ وطويل وبدفي

هنا الإستشاري يطلب فصل القواعد ذي ونلاحظ ابتعاد الحديد بالتساوي عن التشكيل الخشبي .. كنت متمني غطاء خرساني 7 سم بس اللي حصل 5 سم والسبب هذا أعلى شيء عند التيسير .. ماشي بإذن الله وبنحاول نطبقه لكل الخرسانات حتى فوق مع إن مواصفات الإستشاري 2.5 لفوق الأرض ولو فيها صعوبة بسبب زيادة عرض العمدان ما لنا الا ال 2.5 أو بنحاول في 3

https://i.imgur.com/LcOmpGu.jpeg

الصور كثيرة بس ما ابي أزعجكم بها صور الإستشاري قصدي والفيديوهات فوق تغطي

حياكم للي يحب يتابع تفاصيل أكثر ومواضيع أكثر في قروب الوتس أب بناء وتصميم

https://chat.whatsapp.com/CgdCfGMCFIyK5bpEQAbJOc

[معماري قطري]

كنت أتسائل عن سالفة فصل القواعد ذي بخشب مثلاً شلون بيشيلون الخشب بعدين وهل مضمون نحصل غطاء خرساني 5 سم ؟ وضع غريب أول مرة يمر علي والسبب الإستشاري المصمم شكله خريج سادس ابتدائي وفاهم التأسيس لازم يملأ الأرض خرسانة وحديد

[معماري قطري]

بكرة بإذن الله بيتم صب الأساسات الساعة 10 ومن 7 الصباح بيتم تنظيف أماكن الصب مع إني أشوفها نظيفة البارحة مريت شوي وكلمت الفورمن عن ضبط بعض الأشياء منها تركيب بلاستيك جهة سور الجار وكذلك صول حدود الارض المحفورة ومجاورة لتربة حتى ما تختلط خرسانة الأساسات بالتربة الجانبية .. وقلت له يجهز خيش للكيورنغ بعد ساعة استغرب من الطلب وفهمته لازم رش الخرسانة وتغطيتها بالبلاستيك حتى ما يتبخر الماي .. المشكلة ذيلا يفهمون شغلهم بالطريقة البدائية اللي ماشيين عليها وما يسوون الصح

هنا يقيسون مواقع الأعمدة مع الإستشاري بعد ما تأكدت أصلاً بالجهاز المساحي بدقة أكبر

https://i.imgur.com/mfHCdGg.jpeg

نلاحظ وجود خيوط علوية تحدد مواقع الأعمدة وإكسات البنيان في الإتجاهين .. أكيد الدقة 100% شيء مستحيل وصحيح من أهم عوامل نجاح البنيان هو النجار

https://i.imgur.com/24U8JjI.jpeg

الصور كثيرة فوق 100 صورة بس أحط عينات مهمة

https://i.imgur.com/MlPDEm8.jpeg

الكانات مقفولة 135 درجة مب 90 مثل مخططات الإستشاري ونادر يسوونها عندنا

https://i.imgur.com/j8rU1I0.jpeg

تأسيس بيت المصعد

https://i.imgur.com/AkMcgVk.jpeg

الله يعين الإستشاري اللي يتابع هشكل ويدقق في كل شيء صراحة انا صعبة علي بعد الستين وبعد ضعف النظر بسبب المياه البيضاء وتسريبات بسبب السكر

النشرة الجوية مطمئنة لبكرة وبعد بكرة اليوم ممكن مطر والله يوفق الجميع

[معماري قطري]

للحين التجرية مع التيسير ما فيها تخسير .. الله يرحمك يا خالد بن عبدالرحمن المناعي رفيجنا الوسمي والله يرحم موتانا وموتى المسلمين .. والتجربة مع المهندس عبدالناصر من مكتب داري للإستشارات جيدة جداً للآن .. وللحين البنغالي رياض النجار جيد وممتاز

[معماري قطري]

فيه صور كثيرة من زيارة السبت لي ثلاث فيديوهات والصور من قبل الإستشاري .. حلو اللي يتابع بفهم ويركز في المهم .. هو انتبه إن الربع مال التيسير مركبين بسكوتات 2.5 سم للغطاء الخرساني لحديد رؤوس الأعمدة اللي المفروض تصب سريعاً حتى أثناء عملية الكيورنغ للأساسات وانا طلبت 5 سم أفضل وكذلك الحال بيكون للجسور الأرضية

انا إكتشفت الطابوق طلع عادي غير مقاوم ورفضته هذا بيكون تحت الجسور الأرضية والمشكلة ولدي تصرف وطلبه بدون ما يرجع لي وهو مسافر .. مب مشكلة كبيرة لو كان معزول زين بالكامل بس شيصير؟ العازل ينتهي بعد فترة وتتسرب المياه .. الطابوق لازم ينملي خرسانة والخرسانة فيها مياه .. مياه وأملاح أو رطوبة وأملاح وطابوق عادي أو خرسانة تحت الأرض عادية في قطر تعتبر كارثة بعد سنوات حول 20 و 30 سنة تتحول الخرسانة الى فتات وتربة بشكل تقريبي يعني أو مبالغ فيه

https://i.imgur.com/VmZH47q.jpeg



https://i.imgur.com/H9nWHWk.png

هنا الإستشاري يتكلم عن الغطاء الخرساني واللي طلبت يكون 5 سم

يجهزون نجارة الأعمدة أو روؤس الأعمدة

https://i.imgur.com/7auAxKk.jpeg

وعملية رش الماء تتم من تحت البلاستيك ويوجد خيش كذلك

https://i.imgur.com/A1RzXGy.jpeg

تبين قطرات المياه المتبخرة من الخرسانة تتجمع على سطح البلاستيك الداخلي
https://i.imgur.com/9f48V5Y.jpeg

هذه طريقة الخيش التقليدية نستعملها ثم نغطيها بالبلاستيك

https://i.imgur.com/L01ripy.jpeg

الماي واضح يبلل البلاستيك داخل

https://i.imgur.com/gdPltaN.jpeg

عينات من الصور حتى نعرف تفاصيل الشغل وشنركز عليه والتوفيق بيد الله أكيد علينا نسعى ونحاول نوصل قدر من الجودة .. شغل اقل يمشي وشغل أعلى يمشي بس دوم الأعلى أفضل وبشوية مجهود

[معماري قطري]

حصلنا 1800 طابوقة مقاومة للأملاح للتأسيس لتحت الأرض وللمتصلة بالتربة والفرق بين الطابوقة العادية تحصلونها بين 1.8 و 1.7 ريال والمقاومة للأملاح 2.2 ريال هذا الفرق يعطيك ضمان أعلى وأفضل من الشغل اللي ممكن يضرك في المستقبل وهذي نصيحة واجب علي أنقلها للجميع حتى يحسب حسابه سواء في العقد مقاول أو في شراء المواد مثلنا والتركيب عن طريق عامل أو مقاول 3960 لإستمرار الشغل + دفعة للمفاول اللي يشتغل 9000 ريال معاه مجموعة وجادين في شغلهم وجزء من دفعاته المجدولة .. الطابوق هذا قليل يسوونه الغالبية ماشي على ركب طابوق وبس وهذا منتشر للأسف ومشجعين عليه بعض الإستشاريين والمفروض لو بنحط دفان داخل بيوتنا نركب أول صف بعد مقاوم للأملاح

[معماري قطري]

تم تركيب تأسيس الطابوق بس ما عجبني التركيب في موقع معين جزئية صغيرة ما كانت فيه مونة في الإتجاه الرأسي ومهم هنا تركيب الطابوق صح والمونة كفاية .. العامل ياخذ مبلغ للتركيب لكن يوفر على نفسه شغل والمواد مشتريها المالك ويحطونه جدام واقع مر تبي نكسر بنكسر هم ما يخسرون شيء والمفروض ما يدفع فلوسهم ويتفق مع ناس قد الشغل ويتابعهم .. لا الإستشاري أثار هذي النقطة ولا ولدي انتبه لها انا انتبهت خلال زيارتي أمس .. انا أذكرها لأهميتها وللجميع ولازك ذكر السلبيات دوم ما فيه شيء ايجابي 100% وللفائدة العامة للجميع

ما ادري ليش طلع الفيديو بدون صوت عندي يمكن عندكم فيه صوت ولا صورت كفاية وطلع قصير شورت كليب لازم يشاهد من موقع اليوتيوب

https://www.youtube.com/shorts/UCRP8sgtXp8


https://www.youtube.com/shorts/UCRP8sgtXp8

[معماري قطري]

هذي الصورة والجزئية اللي مأثرة في مشاعري البنائية الجياشة بس إن شاء الله مبالغات مني وتمشي لأن الحائط 40 سم كتلة قوية وبينرش بيتومين من الجهتين وبينحمي بالبلاستيك السميك 1000 مايكرون

https://i.imgur.com/WLdRP79.png

وهذا اليوتيوب اللي صورته طويل


https://www.youtube.com/watch?v=0di9fiQXtIc

بالنسبة لغرفة السايق بيتم الدفن والدك بدون جدران وسطية وتقسيمات داخلية وبعدها بيتم البناء على السلابة الأرضية للتقسيمات الداخلية حتى يسهل تنزيل الدكاكة داخل

[معماري قطري]

اليوم بيتم التوقيع مع شركة الفيتري للتأسيس للصرف الصحي وصرف المطر قبل صب الخرسانة داخل الطابوق لأن بيكون القص صعب بعدين وكذلك لتمرير الخدمات هذي داخل الجسور الأرضية وضروري تنسق مع شركة التيسير أثناء تركيب الحديد للجسور .. الشغلة شوي غير تقليدية ولهذا السبب صعبة عليهم والله يعين ونخرج الشغلة صح مثل ما نبغي .. صرف المطر مثل ما ذكرت قبل بيتم تحت الأرض وينقل المياه بعيد للزراعة وللسوك أواي

[معماري قطري]

لله الحمد تم الإتفاق مع الفيتري وفي النهاية هم جيراننا في العزيزية وأحد الملاك ولد ولد خالتي الله يرحم ابوه .. في الموقع تم تأسيس حدود حوض السباحة بس سووا غلطة بسيطة تتصلح دامجين الحوض مع خزان التوازن والمفروض يفصلون بطابوق والشغلة سهلة كله بيندفن بس تأسيس .. هذا مغامرة مني بدون تأسيس استشاري وعلى صبة النظافة بدون حديد وبنشوف النتيجة غاص في الأرض بنبنيه مرة ثانية ولا اوديه عند مهندز .. طبعاً هذا تأسيس كله بيكون تحت الأرض وبيندفن داخل وبينبني الحوض فوقه بخرسانة

https://i.imgur.com/uouXGUf.jpeg

لازم يسوون القاطع وتكون القطعة الزايدة تحت مكان خزان التوازن وبيكون أنزل من الحوض ب 30 سم وعمقه 1 متر وبيكون من جدام وجنب الحوض مثل ما وضحت قبل في الرسم وفي فيديو الثري دي

[معماري قطري]

الشغل لله الحمد ماشي في الموقع وبعد شوي بيتم الإجتماع مع فني لبناء حوض السباحة وناوي يشوف الموقع ويعرف التفاصيل .. أمس سويت توضيحات كثيرة وعطيتها عبدالله وكان المفروض أكون هناك اليوم بس تعبت شوي وعبدالله بيغطي .. ناقشنا تعديلات بسيطة على المستويات .. والعروض اللي حصلناها لحوض السباحة من 100000 الى 250000 مع شركات 100000 عرض تدمر ويعتبر عرض جيد ومناسب لكن صعوبة الشغل مع هذي الشركات في أي طلب زيادة وحصلنا واحد فاهم ينفذ هو بالشوتنغ كريت وبمواصفات عالية وبسعر وايد أرخص والمشكلة نخسر ضمان الشركة واللي يهمني في الوقت الحالي هو عمل التأسيس للبايبات لأن بيتم البناء عليها .. زدنا عمق الحوض قليل ل 1.37 متر صافي وعمق الماء بيكون 1.3 متر بدال 1.25 .. الدرج النازل داخل الحوض وهم 2 من كل جانب بيكون 50 أو 45 أو 40 سم عرضه واثنين بياخذون شيء بسيط من عرض الحوض البالغ 4 متر وبنحاول نزيد العرض لحدود 4.2 متر .. الطول صافي بيكون 8.5 متر في آخره مسطح التشمس اللي يمر الماي من تحته بارتفاع بسيط بين 0.15 الى 0.2 متر بيتحدد حسب الكراسي الموجودة في السوق بحيث الماي يمر تحت الجالس بس يكون نص مغمور في الماء قبل ليصب في خزان التوازن بطريق الاوفرفلو

نشتغل حالياً على مسارين مسار أماكن الدكتات وطريقتها والإستشاري المشرف مب متعود على هذي الطريقة وكذلك الشركة اللي تنفذ مع إنهم متفهمين ومختصين وجيدين .. الإستشاري مستغرب شلون نمرر في الجسر وشركة التمديدات فهموه إننا بنحتاج 20 سم منطقة فاضية كعرض وفي طول غير على حسب كم بايب بيمر .. وولدي ما فهم قصدي لكن الحمد لله الخميس والجمعة فهمت الجميع والموضوع سهل .. هذا جزء من الفيديوهات التوضيحية المتفقة مع الرسم بس بخصوص نقاط تصريف المطر ومساراتها .. كل البايبات 10 سم وبتمر في الدكت اللي بتكون مفتوحة بس مغطاة من الخارج باسمنت بورد وفوقه بلاستر مع خروج فتحات التسليك منه في مواقع معينة .. كنت مفكر بايبات التعذية كذلك تمر فوق السطح وتدخل في الدكتات هذي لدورات المياه بس النوع اللي بنستخدمه قوي ومضمون 50 سنة وإستوى نقاش طويل مع شركة الفيتري وأقنعوني بعمل التمديد تحت السقف وأعتقد حتى لا تتأثر البايبات بالشمس وتتكسر مع إنهم يقولون مقاومة لعوامل الجو وبعد ميزة العزل الحراري .. بنفس الوقت بيتم التمديد لكل المباني مثل الملحق وملحق حوض السباحة والمجلس وغرفة السايق .. عندنا خمس مباني في الموقع وكلها ستتم تغذيتها من المبنى الرئيسي .. للماء الساخن إحتياط باجهز حق تركيب سخان فوري لو دعت الحاجة مع إن الشركة تطمن إن الحار والبارد يوصل بسرعة .. تسعيرهم للآن كهرباء ومياه وصرف 320000 وممكن يزيد بخصوص مانع الصواعق طلبناه متأخرين وأكيد بيزيد بخصوص البيت الذكي بس السعر هذا شامل تأسيس البيت الذكي وجدامنا وقت نقرر مع أي شركة وشمواصفات النظام اللي بنركبه

هذا فيديو يشرح جزئية تصريف مطر السقف وكان مهندس الشركة مقترح 4 نقاط وانا مرسل له المخططات قبل بست نقاط وأقنعته بالست واقتنع قال انا احب الستات


https://youtu.be/KmUE6pAYbrI

ما شاء الله اليوم بدوا تأسيس بايبات الصرف ليتم الصب حولها بعد تركيب حديد الجسر وبيتم صب خرسانات رؤوس الأعمدة وفراغات الطابوق بعد ما يمر المهندس المشرف ويدقق العمل

وهذا تركيب الخشب لصب رؤوس الأعمدة طلع فيديو قصير هذا الرابط .. عبدالله بخيل هذا تصويره لو انا باطول

https://youtube.com/shorts/eCfEKoqg1Ic

وهذا الجزء الثاني

https://youtube.com/shorts/Lip8frvQ8Dc

هذي صورة لتأسيس بايب المطر للمجلس وتوافقنا على عكله 3 انش و 2 بيكونون واحد مخفي تحت الأرض يتجه للمنطقة النازلة في الزرع وثاني جهة الممر بين المجلس والحوض يصب على الارض

https://i.imgur.com/CWwEsPK.jpeg

تأسيس مدخل كهرباء الدي بي لأحد المباني

https://i.imgur.com/NbcAxHI.jpeg

طبعاً أماكن الديبيات كلها تعدلت بنقاش مطول مع الشركة المنفذة للكهرباء وبدون وجع راس حتى الأمور تمشي بسلاسة مع تعديلات على تصميم الإستشاري تتناسب وموافقات كهرماء تعديرت بسيطة جداً والمقاول مسؤول عن الموافقة عليها من كهرماء

https://i.imgur.com/NbcAxHI.jpeg

https://i.imgur.com/atx6asq.jpeg

شغل شركة الفيتري نظيف وإخونا المهندس أحمد السميطي مهتم وعماله شغالين على مستوى والمهندس معز أو معتز عندهم قمة الإحترام والتفهم وأكيد هالشغلات التخصصية ما نغامر فيها

https://i.imgur.com/oS3hsDD.jpeg

تم صب ماي داخل البايبات وصب مونة حولها لحمايتها

https://i.imgur.com/Hh6iaNG.jpeg

https://i.imgur.com/Yx9DzUd.jpeg

هنا الصورة هذي من جهة الداخل ونلاحظ البايبات في الغلاف الخارجي وتكلمت عن هذا الشيء كثير خلال مراجعة التصاميم وشغل الإستشاريين للدكتات اللي يسوونها عميقة بعضها توصل ستين سم يدخل فيها بعير يتسلق الحائط .. يعني إحنا بنركب طالوق جهة الداخل 20 سم بس ويكفي ووراه فراغ بسيط ممكن نعزله لو نحب أو نتركه يعتبر جسر حراري بسيط وجهة دورة المياه ومعمارياً مرتب الداخل والفجوات حول الدكتات وما عندي مشكلة

لاحظوا الكوع اللي بزاوية 45 درجة حتى ما تعلق السوائل

https://i.imgur.com/Kd67e8N.jpeg

بكرة بإذن الله صب رؤوس الأعمدة وتجويفات الطابوق وعمل الكيورنغ حتى نرتب للجسور الأرضية بعدها بنسوي تنظيف للأسطح من لطخات الإسمنت حتى نعزل بيتومين ونسوي حماية وبعدها بنبدأ ندفن على طبقات مع الدك الجيد بدكاكة خفيفة يدوية انا ضد المبالغة في الدك هنا

https://i.imgur.com/v8whNXR.jpeg

هذا أحد البايبات لتصريف المطر في الواجهة برفكتو يا مهندس معز

https://i.imgur.com/32aV8F8.jpeg

اشوف هذا نلبسه طابوق ونصب حوله خرسانة أفضل مثل بيتي مسويه جذيه وممكن لكل البايبات الباقية بس الدكتات احتياط بعد مناسب

https://i.imgur.com/apZainL.jpeg

وهنا ننتهي مؤقتاً

[معماري قطري]

تم صب الخرسانة اليوم وإن شاء الله الفيتري استعجلوا في شغلة مانع لصواعق .. هذا بيكون خارجي بس بنزل في أحد الدكتات وبيتمدد له تحت الأرض مخفي وكانت فيه فرصة أول الصبح ولو ما لحقوا بيكون طالع قبل الجسر الأرضي ووراء البيت ما يبين ولا له تأثير .. مانع الصواعق مهم بسبب دخول البرق بيتي من المنور السقفي ولي خطة أسويه في بيتي الحالي وفي الجديد حق ولدي

لله الحمد هشكل بتكون ثالث صبية خرسانة عندنا .. رقم 1 النظافة و 2 الأساسات و 3 رؤوس الأعمدة وفراغات الطابوق و 4 الجسور الأرضية و 5 الأعمدة للدور الأرضي و 6 سقف وجسور الدور الأرضي مع بدايات الدرج والمصعد 7 أعمدة الدور الأول و 8 سقف الدور الأول و 9 و 10 نفس الشيء للبنتهاوس .. الله يسهل وييسر تونا في 3 من 10 وشكلنا لا مفر بندخل الصب في الأوقات الحارة

هذي ورثة صب الخرسانة ما عجبني الهبوط المحدد 21 سم كبير يعتبر وتعتبر ضعيفة الا تكون فيها اضافات تسبب ميوعتها هشكل وأرسلنا للشركة نستفسر .. الإستشاري شاف أول سيارة وما كانت فيها عدة الفحص وراح من الموقع وهذا تقصير واضح جات العدة مع السيارة الثانية وسريع بس ان شاء الله خذوا عينات عمال الصب للفحص .. ما تم تسجيل الحرارة ولا حرارة الجو وإن شاء الله خير

https://i.imgur.com/X243lqd.jpeg

البمب أثناء الصب

https://i.imgur.com/Rby9Y4F.jpeg

الموقع حالته يرثى لها بس بعد الدفان وإزالة الزايد بيترتب بإذن الله

https://i.imgur.com/DgTOybc.jpeg

إستخدام الهزاز مهم والأهم استخدامه صح

https://i.imgur.com/W82L0QX.jpeg

هذي المعلومات مهمة ومهم يوقعها الإستشاري أو على الأقل الفورمن يكون موصيه هو ويوثقها بتصوير فيديو وقت الفحص .. مع إننا شبه واثقين إن الظروف مناسبة والخرسانة المصمم عليها البنيان 30 وإحنا ماخذين 40 ولو وصلت 25 كفاية بالنسبة لي عارف المبالغات في استشاريينا

https://i.imgur.com/Zy1HPq5.jpeg

هنا صب تأسيس السور جنب المجلس ويتم صب فراغات الطابوق .. وانا عندي خرسانة بهبوط 21 سم للفجوات ذي أفضل لكن لرؤوس الأعمدة المفروض تحت 15 ولو كانت حول 10 وايد أفضل

https://i.imgur.com/bTqfyea.jpeg

[معماري قطري]

لازم أذكر التفاصيل للجميع لأنها مهمة .. مثال بسيط أخطوا فيه كان هو تركيب الطابوق بعضه بدون مونة رأسية ملاصق في بعض .. وانا مأكد على المتابع في الموقع بس تفاجأت بهالشيء وكان في موقع بسيط .. يمشي صحيح يمشي لكن الصحيح لازم يتنفذ ياخذ مقابل ويشتغل بمواد إحنا شاريينها واللي يشتغلون بتان مثل ما وصيت والمفروض شغلهم صح 100% .. شيء ثاني الطابوق في الأطراف الخارجية صفين 40 سم وهذا المفروض يتركب أول صف بالعرض وثاني صف بالطول حتى يتشابك مع بعض هم سووا ثلاث صفوف بالعرض والباقية بالطول فوق بعض والمفروض صف بالعرض وصف بالطول .. يمشي بعد يمشي بس بنفس المواد كنا بنستفيد استفادة قصوى

فوق الوضع غير ولازم أتابعه عن كثب وأتفق مع فورمن فاهم وبنشوفه في وقته .. هذا تحت بيكون حوله دفان من داخل وبرا وقبل الدفان بيتم رشه بمكينة رش قوية للبيتومين يدخل في كل الفجوات الصغيرة ويسد منافذ النمل وبيتم حقن الدفان بعد دكه بالمبيد للنمل الأبيض

[معماري قطري]

اليوم طلعت من عند الوالدة متأخر وطلع معاي ولد اختي عبدالرحمن ورحنا البيت نشوفه حول 11 بس زين يبين من نور الشارع وبليت التلفون

أول فيديو طلع قصير لازم نفتح من موقع اليوتيوب ويوضح الغطاء الخرساني اللي طلبته 5 سم بدال 2.5 اللي مقررها المكتب الهندسي ( مشي حالك يا باشا ) لأن هذي خرسانات تحت الأرض وتحتك مع التربة حتى لو معزولة والحديد ايبوكسي بعد الغطاء الخرساني مهم فوق بننزل لين 3 سم بسبب عدم قدرتنا على عمل ال 5 سم بيزيد عرض الأعمدة وبتطلع خارج حيز الطابوق ولو طلعت تحت الأرض المدفونة ماشي الحال

https://youtube.com/shorts/Ad_hd0V1j3A?feature=share

هذا الفيديو الثاني فوق 4 دقايق ويوضح أشياء ثانية


https://youtu.be/fC5NNX14W94

[معماري قطري]

بالنسبة للملاحق مثل المجلس وملحق حوض السباحة والملحق اللي وراء أشوف التأسيس بالطابوق المليان خرسانة كفاية ونركب جسر فاصل وداير المحيط فوق مستوى النوافذ 2.6 في حالة المجلس والملاحق الباقية فوق مستوى الباب 2.2 أشوف كفاية للأبواب والدرايش .. المجلس ارتفاعه 5 بالراحة لأننا بنسوي كامل الإرتفاع 6 متر من مستوى الحوش

وهذا الفيديو الأخير لليوم وما قدرت ادخل في معمعة باقي تفاصيل البيت والله يعين الإستشاري المتابع وولدي والمقاول وعماله .. ما تعجبني نظافة الموقع وترتيبه واسمحوا لي على كثرة الفيديوهات والصور والتعليق كل ما ابغيه هو نشر الفائدة وتدقيق كل شيء والتفكير بصوت مسموع وموثق ومكتوب


https://youtu.be/eb9c9SNavjQ

[معماري قطري]

تم صب الخرسانة اليوم وإن شاء الله الفيتري استعجلوا في شغلة مانع لصواعق .. هذا بيكون خارجي بس بنزل في أحد الدكتات وبيتمدد له تحت الأرض مخفي وكانت فيه فرصة أول الصبح ولو ما لحقوا بيكون طالع قبل الجسر الأرضي ووراء البيت ما يبين ولا له تأثير .. مانع الصواعق مهم بسبب دخول البرق بيتي من المنور السقفي ولي خطة أسويه في بيتي الحالي وفي الجديد حق ولدي

لله الحمد هشكل بتكون ثالث صبية خرسانة عندنا .. رقم 1 النظافة و 2 الأساسات و 3 رؤوس الأعمدة وفراغات الطابوق و 4 الجسور الأرضية و 5 الأعمدة للدور الأرضي و 6 سقف وجسور الدور الأرضي مع بدايات الدرج والمصعد 7 أعمدة الدور الأول و 8 سقف الدور الأول و 9 و 10 نفس الشيء للبنتهاوس .. الله يسهل وييسر تونا في 3 من 10 وشكلنا لا مفر بندخل الصب في الأوقات الحارة

هذي ورثة صب الخرسانة ما عجبني الهبوط المحدد 21 سم كبير يعتبر وتعتبر ضعيفة الا تكون فيها اضافات تسبب ميوعتها هشكل وأرسلنا للشركة نستفسر .. الإستشاري شاف أول سيارة وما كانت فيها عدة الفحص وراح من الموقع وهذا تقصير واضح جات العدة مع السيارة الثانية وسريع بس ان شاء الله خذوا عينات عمال الصب للفحص .. ما تم تسجيل الحرارة ولا حرارة الجو وإن شاء الله خير

https://i.imgur.com/X243lqd.jpeg

البمب أثناء الصب

https://i.imgur.com/Rby9Y4F.jpeg

الموقع حالته يرثى لها بس بعد الدفان وإزالة الزايد بيترتب بإذن الله

https://i.imgur.com/DgTOybc.jpeg

إستخدام الهزاز مهم والأهم استخدامه صح

https://i.imgur.com/W82L0QX.jpeg

هذي المعلومات مهمة ومهم يوقعها الإستشاري أو على الأقل الفورمن يكون موصيه هو ويوثقها بتصوير فيديو وقت الفحص .. مع إننا شبه واثقين إن الظروف مناسبة والخرسانة المصمم عليها البنيان 30 وإحنا ماخذين 40 ولو وصلت 25 كفاية بالنسبة لي عارف المبالغات في استشاريينا

https://i.imgur.com/Zy1HPq5.jpeg

هنا صب تأسيس السور جنب المجلس ويتم صب فراغات الطابوق .. وانا عندي خرسانة بهبوط 21 سم للفجوات ذي أفضل لكن لرؤوس الأعمدة المفروض تحت 15 ولو كانت حول 10 وايد أفضل

https://i.imgur.com/bTqfyea.jpeg



تناقشنا في موضوع السور الشمالي المفروض ما يرتفع كلش عن هذا الإرتفاع .. هو يبين في الصورة الأخيرة وهذا تأسيس حتى يندفن حوله بعد العزل والحماية بالبلاستيك وخذنا بلاستيك 1500 مايكرون سميك من قلب ومسامير خاصة تمسك بواشر وغلفانايزد .. كلف 2200 ريال .. بندفن بشيول صغير ما يأثر في التأسيسات والتكلفة اللي حصلناها غربلة ودفان بحدود 10000 ريال لكن ندور ناس أفضل وأرخص والأهم دفعات وتلتزم بشغل صح وشامل الدك بعد وعلى طبقات

[معماري قطري]

اليوم بدأ تجهيز الخيش لصب رؤوس الأعمدة وانا شفت إن رش الطابوق بالماي ما له ضرورة يمكن مرات بسيطة بس وأذكر هذا للتوضيح فكرت فيها الطابوق ممكن تضعفه المياه والخرسانة في التجويفات مجرد تدعيم اضافي ولترابط الطابوق وبدونها يمشي الحال بس نحتاج كتلة قوية تنفع لحصر الدفان المدكوك

https://i.imgur.com/ds3WE4o.jpeg

[معماري قطري]

سويت فيديو توضيحي لخطتنا للدفان المبدئي وبيكون على دفعات وطبقات وبعد عمل رش البيتومين وشرينا نوع جيد وبيتم عمله بالرش بمضخة هواء 3 عبوات كبيرة إنتاج قطر وبتنحمي ببلاستيك 1500 مايكرون سميك زود هذا كله قبل عمل الجسور الأرضية حتى دخول الدكاكة يكون سهل ولا يكسر الخرسانة

الفيديو 28 دقيقة ومهم للي يبي معلومات عن طريقة عمل الأحواض الزراعية وبنشوف التطبيق في الموقع بإذن الله


https://www.youtube.com/watch?v=CxTuMohWVu8

[معماري قطري]

صار عندنا شوية تبحيص اللي هو أبسط أنواع التعشيش في راس عمود واحد فقط ولله الحمد تمت معالجته بخليط جاهز من منتجات مابي الإيطالية بقوة 60 كيلونيوتن وهذا في غرفة السايق دور واحد فقط .. خذنا الكيس ب 40 ريال وواحد يكفي ويزيد .. حالياً انتهى الكيورنغ لرؤوس الأعمدة وباقي تنشف ويتم تنظيف المكان استعداداً لرش البيتومين وفي هذا الوقت بنبدأ غربلة الدفان وتكويمه جانباً حتى يكون جاهز للنقل .. حصلنا تسعير 10000 ريال بالمعدات

بيتم الإتفاق على حديد الجسور الأرضية بعد ذلك وبعد الدفان المبدئي بنسويها وبنكمل دفان بعد عزلها حتى يكون الدفان مدكوك زين وعلى طبقات

https://i.imgur.com/M6tbsqw.png

هذي صورة التبحيص والسبب واضح شرب الطابوق لماء الخرسانة والخرسانة كانت فيها مميعات كيماوية بسلآمب أو هبوط عالي ونفسها بتستخدم للأعمدة لكن الجسور الأرضية لا

صراحة أشوف ما كان فيه داعي لمعالجتها شيء تافه .. أرسل لي ولدي فايلات بي دي اف كثيرة لبقية المنتجات من مابي وهي تخصصية لشغلات كثيرة منها معالجة التعشيش ما عرفت شلون أنزلها بس أتوقع عندهم موقع للي يحب يسوي بحث لحاجة معينة Mapie

[معماري قطري]

فني النجارة بعد ما شاف صبغ بيتومين صبة النظافة كلف 3000 ريال عطانا سعر أقل ولمساحات أكبر وبمكينة رش مب فرشاة .. مكينة الرش ميزتها تغلق الفجوات مهما كانت صغيرة .. خذنا 3 عبوات الوحدة ب 710 ريالات للبيتومين ونوع ينرش بالمكينة وسعر شغلهم غاطين ب 2000 ريال .. البيتومين إنتاج قطري وبإذن الله زين بس من الفيديو القصير اللي شفته متخوف من قوة الرش تبين المكينة ضعيفة ومتخوف يوصل الحديد شكلهم ما يهتمون للحماية مع إن الموجود الحين مختص حديد .. المكينة مأجرة اليوم ب 50 ريال

بعد حاس إنهم إستعجلوا في رش البيتومين ما صبروا لين تجف الخرسانات أكثر

https://youtube.com/shorts/nOblBSaKZVc?feature=share

[معماري قطري]

نادر تحصلون مقاول أو حتى إستشاري ينصح بهذي الطريقة ولولا الإطلاع والبحث ما عرفتها ونفذتها وهنا أنقلها بتفاصيلها للمهتمين .. المقاول دوم يحط سعر كبير مثل 10000 ريال لهالشغلة والبعض يشوف ما لها داعي أو أهمية ويكون غلطان غلط كبير .. وهذا يعتبر التوب في أبسط عزل اللي هو البيتومين وفيه أنواع كثيرة منها ايبوكسي وربرايزد قصدي هنا التوب في طريقة الطلاء ويعتبر الحد الأدنى للعزل للقواعد للمناطق خفيفة الرطوبة .. بعد العزل بتتم حماية العزل ببلاستيك 1500 مايكرون وبمسامير خاصة لهذا الغرض وبعدين بنبدأ أول طبقات الدفان .. لله الحمد ضروري نعقلها ونتوكل

[معماري قطري]

https://youtu.be/EsLN8brQYRI

[معماري قطري]

الأمان أولويتنا شعار العمال والله المستعان .. هذا لازم له قناع تنفس خاص

[معماري قطري]

زيارة اليوم الخميس من قبل الإستشاري للموقع

https://i.imgur.com/YXCBxgu.jpeg

البلاستيك لحماية الحديد من رذاذ البيتومين حتى يكون تماسكه مع الخرسانة جيد

ما عجبني تكويم الخيش في الوسط المفروض ينقل لداخل غرفة الحارس ليعاد استخدامه

https://i.imgur.com/pBJV9bL.jpeg

صورة تفتح النفس الأرضية نظيفة ومرتبة وأزالوا أي مخلفات استعداداً للدفن

https://i.imgur.com/RVHzBWa.jpeg

واضح الخيش مكوم الظاهر ناويين يدفنون عليه ويقولون اشتر خيش ثاني .. بس للحين ما اتفقنا على الدفن وبنتابع لازم يشيلونه

https://i.imgur.com/nblobWD.jpeg

أشوف البيتومين زين وهذا أول غاط وللتذكير تكلفة المكينة اجار 50 ريال لليوم وأكيد فيه أقوى وأضبط لو رايح ولدي يختار بيختار الأجود بس اعتمد على النجار اللي قايم بالمهمة بمقابل 2000 ريال شغل يده وكان ممكن لو بمضخة أقوى يخلص في يومين

https://i.imgur.com/oYYp7uJ.jpeg

هذا درام البيتومين القابل للرش واللي نصحنا به المصنع خذنا الواحد ب 710 بعد التخفيض لو الفني رايح يشتريه بيشتريه بأغلى أو بياخذ عمولة مفكر أستعمل نفسه للسقف كعزل اضافي بنشوف الطريقة بعدين بس ذكروني بها .. طبعاً بنسوي العزل المعتاد والمضمون من شركة وبنسويه دبل سكريد فوق السكريد الثاني ممكن احط بيتومين سائل مثل ذيه وألصق عليه بلاط .. طريقة قايلها لي مهندس عراقي ناوي أجربها

https://i.imgur.com/FVZfq5y.jpeg

هذا المقنع شكله خايف من التصوير

https://i.imgur.com/9LUyb73.jpeg

https://i.imgur.com/1eTwgoE.jpeg

العزل برش البيتومين أول مرة أطبقه وميزته يدخل في كل الفجوات .. وسدوا فتحات الطابوق اللي كان مفتوح قبل لحديد تثبيت الخشب

https://i.imgur.com/lbKVn1S.jpeg

بيتم التخلص من الدفان بتنقيته والدفن بالصالح منه وتمهيد الأرض كلها بإذن الله وعلينا التأسيس لأحواض الزراعة بطابوق مدفون داخلة ومعزول ببيتومين من الخارج ومن الداخل ممكن عزل اسمنتي

https://i.imgur.com/i3OPx7E.jpeg

هنا انتهينا من العزل وركبنا البلاستيك للحماية تمهيداً لبدء الدفان على طبقات

https://i.imgur.com/r6YnSHP.jpeg

أحد الإخوان ينبهني ان البلاستيك يتشقق وما يفيد .. هو صحيح ما يفيد فائدة 100% لكن يحمي البيتومين من الخدش نوعاً ما وكذلك البيتومين ما يعطينا عزل 100% لكن يبعد الرطوبة وتأثيرات الأملاح عن الأساسات والعامل المقاوم الثاني الإسمنت المقاوم للأملاح والثالث الحديد المغلف

https://i.imgur.com/XotTzGn.jpeg

دخلت في نقاش طويل مع أحد الإخوان في القروب بخصوص هذي الصورة ركز عليها وقال ممنوع صبغ البايبات ذي وما يصير وهذي تحتاج تنظيف وهي في الأساس فتحات معمولة بقص بدون تكسير لتمرير بايبات ثانية خلالها

https://i.imgur.com/PeVfRjz.png

كذلك بعض البايبات للصرف ولمياه المطر واتصل بالقيتري مقاول الخدمات ليتأكد منه وهو اهتمام منه جزاه الله خير وكانت اجابتي قاطعة من البداية لا تهتم وعادي هذي البايبات تنصبغ ما يضرها شيء

[معماري قطري]

اليوم بتتم معاينة الموقع لبدء الدفان من قبل مقاول الدفان ووجهت بأن الغربلة تكون أقل من 5 سم ووين يجمعون الحجارة الكبيرة أبغيها لترتيب اللاندسكيبنغ الداخلي .. الدفان لازم له خطة ومبدئياً بنبدأ من عمل رامب بالدفان المغربل للشيول الكبير من جهة الشمال بالضبط في المتر ونص بين المجلس وملحق حوض السباحة لكن هل ممكن الشيول يدخل هناك .. المشكلة أكبر مسافة بين المباني ذيك الجهة 1.5 متر وقد يضطرون يدفنون جزء من ملحق الحوض ويكون عندنا تأثر في حديد الأعمدة

القرار هو الدفن بشيول صغير بحدود المتر المسمى بوب كات والغربلة عادي بشيول كبير وطبقات وكل طبقة بمبلغ يدفع بعد تل‘منهاء والدك جيداً وبإشراف الإستشاري ومع تدخل شركة الفيتري لعمل التمديدات في الوقت المناسب والمجهز لها مسبقاً .. عندنا خط كيوتل وخطوط الكهرباء وخط الكهرباء الرئيسي

هذا فيديو للعصف الذهني اللي صار


https://youtu.be/HkEXUGEEla0

[معماري قطري]

بيتم تجميع الحجارة الكبيرة وراء غرفة السايق تمهيداً إستعمالها في ديكور بوردرات الزراعة مثل ما سوى ولد عمي الكبير في بيته هذا .. المعماري راشد بن خاتم المحشادي وقد كان مدير مكتب وزير البلدية ومدير مشروع بحيرة الخليج الفربي وقت التنفيذ

https://i.imgur.com/dfNM03n.jpeg

شوية عشوائية في ترتيب الحصى قرب السور وانتظام أكثر في البوردر قرب الشارع والحجارة ثابتة الظاهر مستخدمين مونة اسمنتية وممكن اسمنت أبيض

[معماري قطري]

تم الإتفاق على الدفان طبقات وبشيول صغير وتتم الدفعات بعد انتهاء كل مرحلة و 2000 ريال لكل مرحلة وعلى 5 مراحل آخر دفعة بتكون 4000 والدك للمراحل الأربع بدكاك يدوي ورش مياه ترطيب فقط وآخر طبقة بتكون بدكاكة كبيرة مدحالة بعد عمل الجسور الأرضية .. بنبدأ اليوم بإذن الله

[معماري قطري]

هذي بعض صور زيارة الإستشاري يوم الثلاثاء 4/2 وجاهزية الموقع للدفان والدك المرحلة الأولى من 5 مراحل

ما ادري ليش حوض السباحة ما ملأوا جدران تأسيسه بالخرسانة لأنه سيؤسس أعلى من هذا الطابوق ويجب أن يدفن .. نحتاج حديد داخل الفجوات كل 4 فجوات قطعة وحدة 12 أو 10 ملم تكفي لربط الجدران والقاعدة بالأساس وبدونها بعد يمشي الحال .. بس لازم نتفق مع اللي بيبنيه للحين ما اتفقنا وعلى التفاصيل كذلك

https://i.imgur.com/ltHz2vk.jpeg

هنا جاهز والباقي كله جاهز

https://i.imgur.com/YYO8Hfr.jpeg

البعض ما يركب نايلون وهذا سميك 1500 مايكرون وصعب التعامل معاه لكن حماية بسيطة ويفضل تركيبه

https://i.imgur.com/kpIP4mE.jpeg

https://i.imgur.com/hkm0RbV.jpeg

التعامل مع العمال مباشر يضمن لك شغل نظيف لأنهم يبغون يخلصون شغلهم وياخذون حقهم أما مقاول مدفوع له مبلغ اجمالي يحاول دوم يماطل ويتعبك يالمالك

https://i.imgur.com/BaekxE3.jpeg

هذا جانب الحوض مكان خزان التوازن

https://i.imgur.com/8R5OJS7.jpeg

تغطية الحديد بالنايلون حتى ما يوصله رش البيتومين وباقي الغطاء لين انتهاء الدفان وقبل عمل الجسور الأرضية اللي بيتم شبك الحديد مالها مع حديد رؤوس الأعمدة

https://i.imgur.com/XVpGmIx.jpeg

https://i.imgur.com/4mg1UKY.jpeg

[معماري قطري]

https://i.imgur.com/hmRZm3Y.jpeg

https://i.imgur.com/4iEy9p5.jpeg

https://i.imgur.com/Aoyr6vL.jpeg

يحتاج تنظيم الموقع وبإذن الله بعد الدفان يترتب

https://i.imgur.com/KDKaGeC.jpeg

غرفة السايق

https://i.imgur.com/8kgOEgJ.jpeg

https://i.imgur.com/lmhQwTC.jpeg

https://i.imgur.com/kWUtLrP.jpeg

https://i.imgur.com/EmHIrX0.jpeg

https://i.imgur.com/qDfjGuu.jpeg

الخيش هذا خارجي ولازم يزال قبل لتدفن المنظقة

https://i.imgur.com/8gw269O.jpeg

[معماري قطري]

غرفة السايق تصميم جديد مني توزيعها واضح هنا وشرحته قبل بس أعيد وهنا أشوف تفاصيل تصميمي .. القسم اليسار هذا بيكون مفتوح للسماء حوش داخلي منور لهم ومتنفس تفتح عليه الأبواب وبعض النوافذ .. بيكونون عليه 4 أبواب واحد للبانتري المستطيل الضعيف فوق يسار وواحد للغرفة فوق يمين وتكفي لثلاث أسرة جنب بعض وممكن 6 لو سويناها طابقين وبين كل سريرين دريشة طولية وأتمنى بايب المطر ركبوه في مكان سليم ما يتعارض مع الدريشة .. وهذي الدرايش بتطل وراء في كسرة السور وعلى الزراعة ومقابلة شرق .. الجزء الأخير حمامهم وله باب كذلك على الفناء وباب على الشارع بإذن الله بيكون حديد وغالب الوقت مغلق

https://i.imgur.com/8kgOEgJ.jpeg

[معماري قطري]

تذكير بغرفة السايق كتصميم

https://i.imgur.com/dDfmbBR.png

طبعاً الإستشاري فتح باب من الغرفة على البانتري مسويها على كيفه وفتح دريشة فوق مقابلة حوض السباحة كانت بتكون وهذا تغير وبيتغير في الموقع

[معماري قطري]

بدوا الغربلة يوم الأحد وأمس والتأسيس حق رامب من الدفان المغربل لنزول الشيول الصغير البوب كات عليه وبيستمر الدفان لفترة 15 يوم مثل ما ذكروا لأن طالبين يكون طبقات وكل طبقة 30 سم تنرش ماي وتندك أول الطبقات بدكاك صغير يدوي ومع نهاية كل طبقة له دفعة لين 5 طبقات والدفعات إجماليها 12500 وبهالشكل تستوي تكلفة الحفر والدفان 31500 وكانت بس تسعير مقاول حفر ب 39000

أكرر وأذكر بأني أذكر الأسعار حتى الجميع يعرف إنها تختلف إختلاف كبير من شركة لشركة ومن عامل مفرد لآخر والله يعين الجميع غلاء الأسعار غول ياكل في كل شيء والتعامل مع طبقة العمال شوي صعب لكن توافيق .. إنت تتعامل مباشر مع أشخاص هذا استوى تخصصهم وتشترط شروطك ودفعاتك صغيرة وحسب الإنجاز وبهالطريقة تستوي عندك علاقات وحتى تتنمى فيك موهبة العمل كمقاول ووايد بدوها هشكل .. ولدي مستمتع بهالشغلة ويتابع واللي نصحنا بها ونفذها مستمتع كذلك ويتابع معانا مع إنه أخطأ في بعض المخالفات القوية في البلدية وعطلوه في رخصة البناء له فترة طويلة والله يعينه وييسر أموره

خلونا نشوف بعض الصور للموقع المغبر والمفروض رش الدفان بالماء قبل غربلته بس عارف اجراءاتهم أي كلام

https://i.imgur.com/5OInyFF.jpeg

الغبار واضح والله يعين الجيران ولله الحمد حولنا حوطة خالية وبعيدين الجيران عنا

تجهيز مكان الرامب ونلاحظ الدفان اللي مجهز به نظيف وقليل الحجارة

https://i.imgur.com/2dlI2wI.jpeg

https://i.imgur.com/DzDkZch.jpeg

هنا الإرتداد الخلفي للبيت 3 متر صافي ومقرر نعمل فيه حوض زراعة وزين ما أسسنا له لأنه المكان الوحيد اللي يدخل منه البوب كات بيرجع يحفره وبنسوي فيه الحوض الزراعي وبندفن حوله وتم الإتفاق على هذا بدون زيادة في السعر لو مقاول وسيط بيطلب زيادة بشكل مؤكد

https://i.imgur.com/RH7FXDB.jpeg

الإرتداد بين الملحق والبيت هذا بيكون الليوان فيه متساوي مع ارضية البيت ومع أرضية الملحق على مستوى + 45 سم من أرضية الحوش وكذلك مغطى من فوق بالبولي كاربونيت ومقاسه مترين .. أول بايبات مياه تبين يمين خاصة بدورات المياه الرئيسية وكذلك المجلس

https://i.imgur.com/9CqZgUv.jpeg

[معماري قطري]

هذا فيديو لزيارتي أمس للموقع


https://youtu.be/BDsUQgixFsU

[معماري قطري]

بداية الفيديو متكلم عن خوفي من الشغل المحاذي لرصيف الشارع لأنه منفذ وحفرنا بمحاذاته وكنت خايف سيارة تركب فوق وتضغط ويصير انهيار وينحسب علينا لكن لله الحمد انسترت

[سالم الزهران]

قواك الله معمارينا وان شاء الله تتوفقون في شغلكم و بدايتكم مبشرة ما شاء الله

[معماري قطري]

قواك الله معمارينا وان شاء الله تتوفقون في شغلكم و بدايتكم مبشرة ما شاء الله

الله يقويك إخوي بو زيد والله يعين صج البنيان هم والخوف من الأخطاء القاتلة

تدري أشتغل على مقترح رفيجنا في القروب وسمح لي بعرضه وناوي أعرضه هنا ببعض التعديلات والمقترحات الثانية والله يوفقه تصميمه يختلف عن المألوف وشرح بإذن الله يطلع

[معماري قطري]

بيت إخونا المهندس الله يوفقه فيه مدروس دراسة جيدة ومصمم في الكويت وجاري تنفيذه الآن هذا الدور الأول مع الحوش وتوزيع الأثاث

https://i.imgur.com/DmRU1qh.png

انا ضمنت بعض اقتراحاتي اللي كان أصلاً المصمم مقترحها لكن المالك حاول يسوي الموقف للسيارات يكون جدام المجلس بس المكان ضيق كان 5.6 أعتقد وما يكفي لسيارات اللكزس على سبيل المثال وهي سيارته وسيارة البيت بالصدفة لا وطلع في الواقع بعد ما قاس 5.4 متر وإستوى التغيير ضروري أما بفتح الباب في الوسط لدخول السيارات والأفراد .. الطبيلة بتكون معلقة من السور للبيت بدون أعمدة ودخولها ممكن بعد بفتح باب ثاني على الطريق لو ما يتعارض مع الخدمات مدخل الكهرباء ومدخل المياه ومدخل الاتصالات .. الخزان بيكون وراء غرفة السايق بس محدد في مكان ثاني أعتقد

توضيح مكبر للمدخل للسيارات وللمجلس .. المجلس استوى المرور مباشر من الباب الخارجي للعتبات الشرفية اللي ممكن تكون منتظمة بس طايرة وبارتفاع 11.25 لكل عتبة وكنت متمني تضاف عتبة رابعة لمدخل البيت لأن ارتفاعهم 15 وممكن بسهولة نضيف وحدة وحتى 2 لو نحب

https://i.imgur.com/ABMcL9t.png

أنزل الفيديو اللي صورته في شرح وافي بس عالق ما ادري ليش كله نص ساعة

[معماري قطري]

نزل الفيديو بس الدقة العالية يبي لها وقت وشغلوه على الدقة العالية أفضل


https://youtu.be/7D9BBin1JQM

[معماري قطري]

من الأشياء التحسينية للبيت السابق كان ممكن يسوي منور هرمي للمدخل الدبل هايت بيطلع حلو

الشيء الثاني لو ممكن وحسب الموافقات وحسب كذلك الخدمات المنفذة لو أمكن فتح باب مباشر لموقف السيارات مع باب أصغر لدخول الأفراد + دخول سيارات الزوار المكان ممكن يستوعب 3 سيارات زود

مثل هذي الصورة

https://i.imgur.com/vBVMsSu.png

[معماري قطري]

فيديو قصير لتوزيع دفان الطبقة الأولى من سبع طبقات حق بيت عبدالله والتوزيع ببوب كات أو الشيول الصغير خفيف الوزن

https://youtube.com/shorts/mpGzVXH6d-8

[معماري قطري]

معليش شوي أخلط بين بنيان وبنيان وتصميم وتصميم الموضوع تثقيفي ونقاشي البيت السابق إنبنى العظم وهذي الكسرات على الواجهة أتوقعها خرسانة ثقيلة وكان من المفروض عمل تجاويف فيها ناعمة ودائرية على الأقل في الجزء السفلي والقريب من النظر لتكون مضاءة مثل هذا التقويس الأخضر الموضح هنا

https://i.imgur.com/TYLCBHd.png

[معماري قطري]

حتى البروزات هذي انا ضد عملها بالحديد والاسمنتبورد وتركها مجوفة من الداخل بسبب تفكك وصلات الاسمنتبورد والأفضل عملها خرسانة لكن ممكن عملها خرسانة مجوفة لتكون أخف وأوفر في البناء أو عملها بهيكل حديدي خفيف ملبس شبك ومن ثم بلاستر طبقة خفيفة

[معماري قطري]

تمت زيارة موقعنا السبت والوضع مطمن بخصوص الدفان تقريباً منتهي باقي شوي للحوش وباقي عمل حوض الزراعة الشمالي أعتقد بدوا فيه .. ناتج الحفر كثير وكفى الدفان وشكله بيزيد عندنا كمية أحجار كبيرة للزراعة بعد تكفي وتزيد هذي شوي تحتاج ناس فاهمة في اختيار المناسب منها وانا أشوفها كلها مناسبة لو بنسويها بطريقة عشوائية وهي بتكون حماية قرب حائط السور وشكل خلفي

مهم نسوي الجسور الأرضية سريعاً وكذلك لو قدرنا الأعمدة قبل دخول الحرارة ومفكر أوقف بنيان لو زادت الحرارة عن 35 وأواصل بعد شهر 10 القادم .. أتوقع عندنا شهر 3 و شهر 4 وبنكمل بعدين أعمال الحوش عندنا حوضين زراعيين ثانيين + بناء ثلاث أحواض مرتفعة عن مستوى الأرض + بناء السور الطابوقي وإزالة السور المؤقت وتركيب باب حديد مؤقت أو دايم بس يكون قوي ومناسب لفترة التوقف

ممكن أواصل شغل خرسانات لو حصلت تأكيد من شركة الردي مكس بخلطات مناسبة للصيف والجو الحار

[معماري قطري]

تطورات بيت إخونا اللي يبني البيت اللي استعرضت مخططاته طلعت مقترحات ثانية منه صراحة وكنت انا ملمح حولها بس ما فكرت فيها بعمق والفمرة تتلخص في دمج المنور الزراعي مع دورة المياه الرئيسية بفتح الحائط بينهم بالكامل

هذا هو التصميم الحالي والتغيير بيكون بفتح الحايط بالكامل

https://i.imgur.com/yvHw3l5.png

وتغييرات داخلية بحيث المغاسل تنتقل تحت والباب يفتح الجهة الثانية والبانيو الفري ستاند يكون مقابل الباب والواجهة الزجاج تطل على المنطقة المزروعة وممكن تنفتح عليها

[معماري قطري]

معليش شوي مقصر في المتابعة السريعة وهذا فيديو توضيحي لتعديل توزيع دورة المياه


https://www.youtube.com/watch?v=s1tMEJ46FOI

[معماري قطري]

متابعة حق بيت عبدالله ولدي وصلت اليوم بعض الصور لبناء الحوض الزراعي الشمالي واستغلال المنطقة المحفورة لإعطاء عمق كافي للتربة الزراعية يصل لمتر وستين سم مع إبعاد الجذور عن الأساسات كما هو واضح .. الطابوق سيملأ مونة لتقويته ومفكر في العزل الإسمنتي أو نكتفي بالبلاستيك كله يؤدي الغرض

https://i.imgur.com/vQIc4PP.jpeg

https://i.imgur.com/lyEqll6.jpeg

هنا المهندس يتسائل عن الفراغ بين السور وسور الحوض الزراعي والمشكلة هي أساس السور ممتد داخل وبنينا الطابوق أمامه حتى يحميه من الرطوبة ومن الجذور لهذا صار عندنا عمق كبير وسيدفن بالدفان وسيغطى من الأعلى أما بالحجارة الكبيرة أو بالتبليط .. الظاهر ما تعود استشارينا على شغل فيه هذي الإحتياطات

https://i.imgur.com/LjTCYb1.jpeg

هذا عندنا طرف الملحق الشمالي وعلى يمينه الحوض الزراعي وفي الوسط ليوان بين الملحق وبين البيت .. في الأعلى قرب السور ستكون هنا مغسلة أرضية للجدور الكبيرة وتصلح للذبح ذبح الضحايا وليس البشر ولغسيل الفرش الكبير

https://i.imgur.com/eLk8Zdy.jpeg

الملحق من الجهة الجنوبية وهذا بايب تصريف المطر سيمدد تحت الأرض لغاية السوك أواي في الجهة الجنوبية الغربية حيث حفر مكانها وسيتم تركيبها لاحقاً

https://i.imgur.com/Bgj3gMn.jpeg

هذه المنطقة ستدفن لكن يجب التأكد من ترتيب مدخل الكهرباء وكذلك الهاتف والانترنت

https://i.imgur.com/Um8myuq.jpeg

تدعيم السور المؤقت لا يعجب الإستشاري ولا يرضيني كذلك وسأنبه النجار حيث أنه مسؤول الموقع حالياً

https://i.imgur.com/Z8owZuf.jpeg

https://i.imgur.com/zToTmRA.jpeg

https://i.imgur.com/A8ktw5F.jpeg

هنا نرى تأسيس أرضية الجسور الأرضية من الطابوق وجاري إعداد الحديد وتشكيله حسب المخططات الهندسية من قبل شركة التيسير خذنا من عندهم التانك وبعد الحديد

https://i.imgur.com/fKSzUa2.jpeg

هذي أول مرة أبني بهذا النظام الدفان بدون طابوق داخلي تحت الجسور والطابوق فوق الدفان .. طريقة فيها شوية خطورة والخطورة تكمن في لو صار تسريب مياه من دورة مياه أرضية أو المطبخ يتأثر باقي الدفان وقد تحدث هبوطات .. يجب أن أتأكد أن المناطق الرطبة محصورة بالطابوق وأعتقد ذلك

https://i.imgur.com/qUNyUpx.jpeg[/img

[img]https://i.imgur.com/Gxq7kwQ.jpeg

https://i.imgur.com/rQnrPfQ.jpeg

[معماري قطري]

صار انهيار لجدار الحوض الزراعي والسبب ما تم صب الخرسانة داخل الفجوات واللي يدفن مستعجل يبي يخلص شغله وواضح ما اكتمل نشفان المونة .. هذا جزء من مساويء العمالة عندنا وعدم اهتمامهم بالتعليمات مع إن تم التنبيه من قبل الإستشاري ومني بضرورة ملء الفراغات أولاً والإنتظار لين يتقوى الجدار وكان ممكن دفان داخله بدفان زراعي بالتزامن من الدفان الخارجي ولا يوجد داعي للدك هنا في الخلف حالياً .. قدر الله وما شاء فعل والله ييسر طريق البناء مرة ثانية بطريقة صحيحة

https://i.imgur.com/LjTCYb1.jpeg

الحجار هذا اللي في الصورة

بانتقل لموضوع أهم وهو تصميم جديد جاري تطبيقه حالياً مع البيسمنت والتصميم غريب نوعاً ما وفيه ملاحظات كثيرة

الأرض 1500 متر مربع وفي منطقة خاصة بنفس العائلة والله يوفقهم .. يعني الجيران كلهم قرايب درجة أولى تقريباً .. بأبداها بالمخطط العام عليه الخدمات وهذا رسم الإستشاري

https://i.imgur.com/o16ATsv.png

أتمنى يكون واضح .. الشارع غربي

https://i.imgur.com/qd8DLMd.png

نلاحظ مسوي عرفة السائق وملحقاتها جنب طبيلة السيارات اللي تكفي 4 سيارات وبطول 6 متر كافية لغالب السيارات وأمس شيكت الأطوال اللكزس الجديدة شوي تحت 5.1 متر يعني تكفي لها الطبيلة والقديمة تحت 5 متر بشوي والسوبربان 2024 5.75 متر بيكون صعب المرور خلفه أو مستحيل حتى لو الصدام لاصق في الحائط جدام .. الرولز الفانتوم طوله 6 أمتار على سبيل المثال يعني يحتاج لسبع أمتار طول فراغ نص متر من جدام ووراء حتى نقدر نتحرك حول السيارة هذا أقل شيء .. لذلك أشوف عمق أو طول الطبيلة نسويه 6.5 أو 7 متر أفضل بكثير

خزان الصرف الصحي تحت المواقف موضح وكذلك تانكي المياه مسويه مخفي تحت الأرض يمين المدخل الصغير مع غرفة المضخات بروحها تحت

https://i.imgur.com/qd8DLMd.png

هذا الرسم المعماري لمخطط البيت الأرضي وتوزيع المناطق عليه وانا أشوف عمل مدخل الأشخاص كافي للسيارات سهل ويسوي برستيج ووجاهة خصوصاً للزوار المقربين وخصوصاً لتنزيل النساء مع عمل مواقف اضافية حتى لو مفتوحة شيء ممكن وسهل حالياً ومع مرور الزمن تكبر احتياجات البيت والعيال خصوصاً للسيارات

https://i.imgur.com/6ucmVW0.png

هذا تقريب لمقدمة البيت ولمقترح توسيع الباب وممكن يتوسع أكثر من 3 متر 3.5 مناسب جداً

https://i.imgur.com/aCnUH0G.png

الموقف وسعته ل 7 متر عمق وعرض 9 متر بيكون جزئياً على منطقة الخزان وأكيد التشجير ما بيوصل فوق منطقة الخزان ممكن نستعيض عنه بإصيصات كبيرة لمتسلقات تطلع حتى فوق المظلات لو سوينا الموقف مظلل

هشكل حلينا جزئية مهمة أشوفها وبنفس الوقت حافظنا على الحديقة وممكن تنفتح في المستقبل على الأرض اليمنى لأنها لأحد الأبناء الصغار

أشوف الشرح بفيديو مطول أفضل من الكتابة وباوضح كل الملاحظات والله يوفق المالك

[معماري قطري]

الفيديو الخاص بالبيت أعلاه بواصل بفيديو ثاني بعدين


https://www.youtube.com/watch?v=rqWHaJdvN5M

[معماري قطري]

بخصوص بيت الوجبة ستي مشروعنا ماشي ولله الحمد وجرى إصلاح الإنهيار البسيط بسبب دفاشة اللي يدفن وأتوقع ضرب الطابوق براس البوكلين .. بنشتري حديد مستعمل لتقوية الطابوق وتدعيمه مع ملءه بالخرسانة هالمرة والصبر عليه لين تنشف بعدين يتم الدفان ومع دفن الداخل بدفان زراعي رمل مع سماد كطبقة تأسيسية ثم إضافة رمل مع سماد مع طين

بهذا بنكون خلصنا من أول حوض زراعي وباقي 4 أحواض أخرى بعضها صغير وواحد كبير باسوي له معالجة ثانية وشغل ثاني بعدين وبهذا بنكون خلصنا من الهاردسكيبنغ للزراعة أو خلوا نقول شبه خلصنا لأن تبقى التشطيبات الظاهرة وهذي تختلف فيها تبليط وإنارة وناوي أخليها بعدين أكيد مع تبليط الحوش وبعد انتهاء التمديدات الرئيسية .. بإذن الله نحصل شيء نشغل نفسنا فيه وقت الصيف

بخصوص التصميم الأخير اللي ينفذ حالياً مقترحي لدورة المياه الرئيسية وهنا أوضحها مع الغرفة وغرفة الملابس والمدخل .. وصلنا لمساحة تخزين كبتات بطول 20.5 متر غير عن الكبت البسيط في دورة المياه اللي للفوط ولمواد تنظيف الحمام

https://i.imgur.com/QQPiDHm.png

وخلونا نسترجع التصميم الأساسي اللي ناوي المالك يطبقه

هذا تصميم الإستشاري كلش ما فيه تناسق وظيفي ولا فيه ترتيب واستغلال للمساحات أفضل

https://i.imgur.com/Ydo6P28.png

من السلبيات اللي أشوفها قوية حيز الشور وحيز الكرسي وايد ضيق الطول متر ونص مثل دورات مياه بعض المولات تدخل حتى تصك الباب تلصق في الكرسي .. العرض زوين بس الطول أو العمق متوفر جدام براحة .. بعدين تقسيم دورة المياه هذي ممكن يتم لدورتين مياه بشوية صعوبة صغيرة إحتياط وكبيرة بكل القطع لو يحتاج لها لكن دورة مياه منزلية مقسومة بهذي الطريقة نهائياً خيار غير جيد

حاولت مجتهد أحافظ على فكرة المالك لأن في النهاية هو المستخدم واللي ممكن يقتنع بوجهة نظري أو لا

https://i.imgur.com/cb6zGVy.png

زدت طول الشور والكرسي أو حيز الكرسي لمترين و15 سم وخذت من عرض الشور 10 سم ضفتها لمكان الكرسي وممكن أكثر بحيث نقدر نضيف مغسلة ومكان الشطاف يكون فيه شوية سعة ومع هذا ما عجبني الترتيب هشكل .. تركت تصميم الإستشاري للقسم التحتي كما هو .. وعندنا حديقة وسطية يسار مفتوحة لأعلى مثل المنور وتبدأ فيها الزراعة من مستوى البيسمنت وممكن تكون في اصيصات كبار ومتسلقات مثلاً مع بعض الأشجار الكبيرة ترتفع وتجي حول بروز موقع الجكوزي وحتى الجكوزي ممكن نسوي له منور سقفي في هذا الحيز الخاص

شيء مهم لازم أذكره مجموع أطوال الكبتات اللي مسويها الإستشاري 18.5 متر واللي حسب توزيعي 20.5 .. الحركة حول المكان والمدخل المقابل باب الحمام التابع لغرفة الملابس المغلقة شيء مهم .. وعمل تسريحتين شيء إضافي ثاني وإخفاء جزء مهم من غرفة الملابس للتحكم في قفلها عن عيون وأيدي الخدم قمة الأهمية

كانت فكرة الدرج الحلزوني للنزول لقسم المكتب تحت بس الدرج العام والمصعد قريب كلش والدرج الحلزوني مزعج وبياخذ حيز

معليش كتبت من عصر وعلى دفعات بواصل وقت ثاني

[معماري قطري]

تغير الوضع الأخير لدورة المياه حتى ننتقل لمكان آخر .. تغير لهذا المقترح وفيه مقترحات أكثر بعد كلها معتمدة على اختيار المالك

هذا فيه مثلاً طول تخزيني بين 23 و 24 متر وفيه كونسبت مقارب للي يبيه المالك للغرفة انفتاح السرير على جهة الحوض .. بس بعد أشوف هو لو سوى الحوض مرتفع شيء بسيط وخلى الأوفرفلو يصب جهة الغرفة بيطلع وايد أحلى وعملي أكثر

https://i.imgur.com/BTvO4g8.png

بهالطريقة وفرنا مكانين للكرسي مع مغسلة ومع كبتات للفوط وممكن لبعض الملابس وحتى قسم لمواد التنظيف

نرجع لمنطقة الحوض ووشو الأفضل لو ما انعملت

انا أشوف ممكن نحرك الحوض جهة سور البيت يمين شوي 40 سم ونسوي له حائط ملاصق للسور ونستعمل السور أو الحائط الملاصق نرفعه أكثر ونمدد خلاله ونسوي شلال للماء المفلتر والراجع يصب وسط الحوض بطريقة مقاربة للحوض اللي مصمم لبيت ولدي بس يختلف هنا في أشياء كثيرة منها الحجم والعمق والأوفرفلو ينزل جدام الدريشة مالت الغرفة

https://i.imgur.com/5Z4autC.png

بيكون بعد جدار الحوض البارز قليل من الارض 40 سم أو 60 سم كفاية وممكن يستعمل هنا واجهة زجاج يبين منها تموج المياه والإضاءة وبيكون الحوض متحرك عن الغرفة 1.6 متر بدال ال 1.2 متر وخط فتحة نزول الماء الراجع حول 2 أو 3 سم ينزل في قناة ويرجع للفلتر ويرجع ينزل من الشلال

[معماري قطري]

إشتغلت على ترتيب تصميم حوض السباحة للتصميم الأخير وسويت فيديو له أو بالأصح فيديوهات قصيرة كلها للوتس اب ما نزلتها يوتيوب حتى أنزلها هنا .. بس للأسف هو بادي التطبيق وبنيان التأسيسات للحوض التقليدي كنت مسويه بطريقة شوي تختلف المشكلة الوقت ما يسعفني انزل كل الفيديوهات وحتى أوضح وأشرح وأنقل صور هنا

والمشكلة الثانية كلما تعمقت شوي في التصميم إكتشفت مشاكل تصميمية ثانية منها مسوي غرفة التانكي فيها تناقض على مخطط باب مفتوح بعرض 2.2 متر وبارتفاع 3.6 متر ومقابل غرب هذا الشمس بتصلخ كل التجهيزات .. على مخطط ثاني ينقرأ السقف ما له وجود وأكيد المقاول بيطالب بقيمته .. المشكلة الجدران حول منطقة الحوض ارتفاعها 5 متر وبدون سقف وبدون باب من جهة الغرب على مخطط فيه عارضة على ارتفاع 3.6 متر وعلى مخطط ما توجد عارضة يعني مفتوح بالكامل توبلس وغربلس .. للأسف هذا شغل استشاريينا


هذا المخطط نقلته لكم صورة اللي يعرف شلون يقراه يبين جدران ارتفاع مستواها لين 14 متر ومن سقف الدور الأول تحتها حول 5 متر وفتحة جهة تحت اللي هي الجهة الغربية

https://i.imgur.com/09dlDwy.png

وهذا مخطط الواجهة .. شلون المخططات هشكل ذيه غير وذاك غير والمفروض متماشين مع بعض ومبين لفل السقف فوق منطقة التانكي وشلون مرت على مدققي البلدية العظام؟

https://i.imgur.com/KuIjIYb.png

وهذا مقترحي اللي ممكن تطبيقه بسهولة ويعطينا كتلة شوي تحتلف ونصغر الفتحة وممكن تصغيرها أكثر بعمل جدار جزئي يقلص عرض الفتحة من 2.1 متر لحدود تكفي لدخول التانكي اللي بيكون هو أكبر شيء

https://i.imgur.com/4FLrdzW.png

[معماري قطري]

https://www.youtube.com/watch?v=K80d0Yd88cQ&t=47s

هذا شرح شوي مطول لآخر ما توصلت له مع بيت إخونا بو جمعة سويته على جزئين وهذا الأول والثاني جاري تنزيله والله يوفق المالك

[معماري قطري]

وهذا الجزء الثاني


https://www.youtube.com/watch?v=Cw4n_RnqKXE&t=6s

[معماري قطري]

اليوم بدوا تركيب الحديد للجسور الارضية .. كلف 24000 عن طريق شركة التيسير قيمة + مصنعية وقص + تركيب في الموقع وللجسور التخشيب بيتم بعدين سعره متفق عليه قطوعة 85000 لكل البيت شغل يد مع صب الخرسانة فقط الخشب نحن وردناه وبسعر بسيط جديد والآن يستعمل مرة ثانية وبنحتاج خشب اضافي للمراحل القادمة والله يوفق


https://youtube.com/shorts/mRAKpjJkDmE?feature=share

[معماري قطري]

البارحة زرت موقع بيت عبدالله أتطمن على الشغل وأشوفه ماشي زين ولله الحمد

وهذا الجزء الأول من الفيديو أو التصوير وكنت أفكر في سالفة الخطوط الحمراء بس طلعت بطلب من شركة الفيتري للحفر قليل للتمديدات حيث ستدفن بالرمل الناعم حتى نضمن دفان مدكوك جيداً بدون الضغط على البايبات وكذلك نحفر لها في الدفان المتماسك ونعبي حولها برمل ناعم


https://youtu.be/rU-ECtIXInc

الحديد لهذه المرحلة كلف 24000 من شركة التيسير تكلفة شاملة التجهيز والتركيب في الموقع

[معماري قطري]

هذا فيديو للجزء الثاني من التصوير ونلاحظ هنا التزام الشركة بالتركيب الجيد للحديد وعمل الكانات بقفل 135 درجة على عكس الغالبية اللي يعملونها 90 درجة وكذلك الكانات تبادلية


https://youtu.be/0cOUCsGKrsU

تعاملنا مع شركات جيدة مثل الفيتري حيث عدل تصميم الإستشاري للكهرباء وللصرف الصحي وللمياه ولمياه الأمطار وهو مقاول معتمد عند الجهات المختصة يعتبر ضمان لنا ولراحة العمل بتخصص جيد وناس فاهمين .. كذلك شركة التيسير للحديد التعامل معاهم مسكت .. باقي نشوف شركة الرونق للتكييف وشركة المصاعد للحين ما اتفقنا معاها بس شكلنا نحوم حول المعمورة زينة السيرة والصورة

[معماري قطري]

https://youtu.be/htMYaRtbdC4

هذا شرح لموقع الصالة السفلية والمطلة على حوض السباحة والمخصصة للتلفزيون .. المشكلة هي قريبة من الدبل هايت المفتوح على صالة الدور الأول اللي بيكون فيها كذلك تلفزيون وعن تداخل الأصوات انا مخطط حق بارتشن زجاج وبنفس الوقت تكييفها يكون مفصول عن بقية الصالة حتى لو فتحنا الباب المطل على حوض السباحة يكون فيه جزء مغلق من بقية الصالة

[معماري قطري]

صحيت اليوم أهوجس على شغلة بعد ما دخلت المخططات الأساسية ولا مرت على الإستشاري

اللي هي العتبة الطايرة والبعض يسميها الشفة الطايرة هذي تعلمتها من بو سلطان رفيجنا الحساوي سلمان بن سلطان .. هذا فيديو لشرحها



https://youtu.be/8RNg94Z2yEA

[معماري قطري]

هاجس ثاني سالفة موقع النافورة وإذا مهم نسوي لها تمديد مياه أو لا .. حالياً مجرب نافورة الحوش هادية ونصب لها ماء كل فترة لين نزل مستواه من الحديقة التمديد بس للكهرباء وشغالة زين وصوتها هاديء لذلك مقتنع بعدم التمديد للماء



https://youtu.be/Kr8lereYrGg

[معماري قطري]

وهنا نقاش حول خطة الأسقف المستعارة

https://youtu.be/MdINpl807uI

[معماري قطري]

https://youtu.be/kp61nwU-tfw

[معماري قطري]

تقريباً أتموا تركيب الحديد عندنا بس هالمرة أرسلوا فريق تعبان صدناهم بالجرم المشهود وطلبنا تعدين مثل الحديد الطولي المفروض يمر حول بايبات التصريف هذي بينصب حولها .. وحديد تأسيس الدرج البداية مسويه مسدوح بدال ما يحنيه ويرفعه أشاير تربط باقي حديد الدرج .. الظاهر مرسلين لنا التيسير ناس أي كلام بس حلو هذي ميزة في الموقع فورمن خشب وحداد بنفس الوقت وكذلك استشاري مشرف صراحة مرت علي وما ركزت في آخر زيارة وكانت زيارة ليلية نقلتها لكم هنا

الحلو في الموقع والمواقع القريبة نتسابق مع بعض اللي يبنون وبنيان قريب منا مع مقاول من اللي ينهبون ولا ينجزون الظاهر يصدرون الفلوس برا وهو قريب لي الله يعينه وييسر أموره .. موقع ثاني تديره شركة يقولون انهم يسمسرون ياخذون عمولات بسيطة وبنفس الوقت يسوون التصميم ببلاش يحليلهم .. ما علينا منهم ذيلا ماشين أسرع منا ( فهلوة ) بس البنيان تقليدي طابوق أول وشغل من برا أشوفه دايخ .. صحيح كله يغطيه البلاستر بس شالفايدة بلاستر مغطي لي فراغات كثيرة وطابوقات مفككة حتى الصوت يوصلني داخل غير عن البرودة والحرارة وممكن الحشرات لو صار وحصلت كراكات وفجوات

[معماري قطري]

توضيح بصور من الإستشاري لتركيب الحديد وصراحة يوم رحت انا ما ركزت ولا انتبهت .. شكل اللي يركب فاهم إن البايبات بتكون خارج الجسر والا ما يعرف شيسوي بس كان المفروض يسأل .. واضح إنه قليل خبرة والا ما يعرف مع إنه سواها في أماكن وهذي الطريقة تستوي في جسر 20 سم وهذا 40 كافي وزود لتمرير الحديد حول البايب

https://i.imgur.com/bgXIwEY.jpeg

المهم جاري التعديل ولله الحمد

https://i.imgur.com/njijN3k.jpeg

إن شاء الله ما أقصر في نقل السلبيات قبل الإيجابيات وكل شيء يتعدل طول ما احنا شغالين صح نجار ممارس ويلاحظ أي خلل ومهندس مشرف أمين يمر الموقع ويتابع جزاه الله خير وانا وولدي متابعتنا أقل منهم مهما يكون

https://i.imgur.com/njijN3k.jpeg

https://i.imgur.com/ZbVsxcT.jpeg

واضحة الصورة .. الحديد الطولي لازم يمر خلف البايب حتى لو قل الغطاء الخرساني شيء بسيط ما هي مشكلة كبيرة بسبب إن الحديد مغلف ايبوكسي وبيكون غالبه فوق مستوى التربة

https://i.imgur.com/jJlnCCG.jpeg

https://i.imgur.com/LYFGPEQ.jpeg


https://i.imgur.com/W1oe0b5.jpeg

https://i.imgur.com/T02OLaz.jpeg

https://i.imgur.com/BdzUAVs.jpeg

الحداد اللي عندنا بيعدله بس قلت له خل الشركة تسوي شغلها صح وبعدين بندقق على اي تجرح في الغطاء الإيبوكسي والا كان أوفر لنا من البداية لو مسوين الحديد عن طريق الحداد الموجود

https://i.imgur.com/NVjFmvK.jpeg

هنا واضح الغطاء الخرساني قليل

https://i.imgur.com/86NRjRs.jpeg

https://i.imgur.com/vL5eEzI.jpeg

https://i.imgur.com/ml2xQ7e.jpeg

هذا فيديو قصير للحداد يوضح فيه شلون مسوين أشاير الدرج

https://youtube.com/shorts/2dNnB4JxrX8

[معماري قطري]

العقليات عندنا مبرمجة على الشغل التقليدي وإستوت العادة عندنا لو حد بيسوي تفصيل معين يختلف ولو قليل ما يقتنعون به .. حالياً نشتغل على إعادة بناء الحوض الزراعي الخلفي وتوفقنا مع أفغاني جيد بتوصية من رفيجنا إسحاق لتركيب الطابوق قبل ليتم صب الجسور لأن بيتهم صب طابوق الحوض الزراعي وخذنا له حديد بيتركب داخل بعض الفجوات وحديد طولي بالعرض بيكون بعد الطابوقة الرابعة حتى يكون لاف داير على الحوض في النص تقريباً هذا الأفقي أما العمودي بيكون ممتد من أسفل لين فوق متر وثمانين بيكون .. هذا الحوض للزراعة الكبيرة والطويلة سواتر شمالية لذلك بيكون عميق واستغلينا عمق الحفر اللي انعمل .. طلبنا كومبوست 24 متر مكعب تقريباً بيغطي 60% من الحوض الزراعي والقيمة كانت حول ال 1300 ريال ورمل بيكون التريب ب 900 تريلا كبيرة بس ما ادري كم متر تغطي لو زادت بتكون للبناء الباقي أو الدفان الخلفي .. هذي التريبات لها مكان شمالي الموقع في أرض ولد عمي وجزاه الله خير انه سمح لنا باستغلالها

الأرض يسار هذي الصورة والحوض الزراعي بيكون هنا وبهذا بنكون خلصنا أول حوض وأصعبهم بسبب المكان ضيق 3 متر صافي ولازم نبتعد عن التأسيس بس الأساس كبير يبين وين واصل بيكون تركيب الطابوق على طرف الأساس فوقه يعني مب جدامه مثل ما ركبوه قبل وبيتم عزل الطابوق جيد والله مفكر في العزل الإسمنتي بيكون مناسب .. عندنا باقي بيتومين بعد ممكن نستخدمه بمكينة الرش نستأجرها مرة ثانية أظن اليوم 50 ريال ويوم واحد ساعتين يمكن بيخلص العزل ويتغطى ببلاستيك حماية ويندفن فوقه

https://i.imgur.com/bgXIwEY.jpg

الحوض بيكون هنا وبنشوفه بعد اكتماله بإذن الله يمينه بيكون ممر للخدمات خصوصاً تصريف المطر والصرف الصحي وبيكون مدفون برمل ناعم حيث إنه ما فيه سيارات ولا يحتاج دك رمل ورش ماء لينزل وعليه تمدد البايبات وتدفن والتشطيب أرضية إسمنتية سكريد بس هذا وراء البيت

[معماري قطري]

نسيت أذكر البارحة تم التعديل للحديد وأرسلوا ناس اشتغلوا عليه سريع وبجودة عالية وكان جاري تركيب الخشب .. ما قدرت اصور حتى مقطع فيديو أول ما وصلت جاء ولدي وشغلوني .. كان مركب ليتات للشغل الليلي والموقع منار الغطاء الخرساني مكان البايبات بيكون حول 3 سم أما بقية الأماكن 5 سم .. هذي كلها فوقها بلاستر 3 سم وبإذن الله ما فيه خوف وخطتي للبلاستر السفلي يكون من اسمنت خاص بالعزل الإسمنتي أقل شيء فوق الأرض بنص متر ونعلة تحت ممكن نعملها غايرة للداخل تعطي زاوية ظل حلوة وبلون مغاير ممكن أشوف معدنية مناسبة للخارج لو حصلت

[معماري قطري]

حالياً يجري صب الجسور الأرضية لبيت عبدالله

قبل خلوني أبدأ بملاحظات الإستشاري على تركيب الحديد وانا صراحة طافني لأني أركز على جزئية معينة ولا توقعت الخلل هنا .. اللي صار التيسير غلطوا بإرسال واحد عليمي ما يعرف يركب صح وصادفه هذا الوضع والمفروض يمرر الجديد أمام وخلف بايب التصريف .. شكلهم متعودين على الدكتات الخارجية ولا تعودوا على التمرير خلال الجسور وخلال الطابوق وهذا معمول به كثير حتى في جدران العشرين سم فمابالكم هذا 40 سم والبايب قطره 10 سم .. حتى الإستشاري يقول أول مرة يتابع بنيان هشكل

المهم هذي الصور

https://i.imgur.com/9vdSDU8.jpeg

هنا قاطع الحديد السفلي لأنه البايب معترضه وتم الإصلاح ولله الحمد

وهنا مكمل العلوي وقاطع السفلي

https://i.imgur.com/nBVIqc9.jpeg

وهنا حاط حديد زيادة بس وحدة ما تواصلت داخل العمود

https://i.imgur.com/oVRqV6A.jpeg

https://i.imgur.com/JXkrAWh.jpeg

https://i.imgur.com/4C0DEtT.jpeg

https://i.imgur.com/dHxrBZ0.jpeg

https://i.imgur.com/7MnceMo.jpeg

وهنا اليوم بعد ما تم التعديل وارسلت الشركة فني فاهم

https://i.imgur.com/XyoIzMf.jpeg

https://i.imgur.com/kIffFW8.jpeg

فيديو للحديد قبل الصب

https://youtube.com/shorts/zXmYzCNCb2k?feature=share

[معماري قطري]

فيه فيديو لإختبار القمع وكان محدد من معمل الردي مكس ب 160 ملم + أو - 60 ملم والهبوط جاء 200ملم في حدود هذي القيمة والخرسانة اس ار سي 40 نيوتن وأكبر كنكري قابرو قطر 2 سم

العينات

https://i.imgur.com/mUMMrsc.jpeg

درجة الحرارة

https://i.imgur.com/Hr7xDEw.jpeg

https://i.imgur.com/9xIQhkr.jpeg

الإستشاري ما حضر اليوم لظروف الله يعينه وولدي كفى ووفى وعندنا الفورمن فاهم ومجتهد وأمين ومتى ما وصلني فيديو الصب باحطه إن شاء الله

[معماري قطري]

هذي دزاستر تصير كل ما هب هواء قوي والمنطقة مفتوحة هناك

https://i.imgur.com/0L0om96.jpeg

والناطور يعدلها بنفسه وانا اشوف ما لها لزمة السور بس يقوم ونخلص قبله بقية الدفان الدفان الزراعي حطيناه شمال وبيكفي للحوض الشمالي بعد خلطه برمل وسماد .. أشوف ظروري بقية الأرض نبني السور الطابوق والأعمدة جهتين على الأقل الشرقية والجنوبية لأنها محاذية للرصيف ولا تمسك عليها دعامات السور المؤقت وممنوع نحفر أو نضرب أوتاد في الإنترلوك .. جهة الشمال كلش ما طاح السور مع إن الهواء مناك أقوى

[معماري قطري]

هذا قبل ايام تشييك شركة الفيتري على سلامة البايبات

https://youtube.com/shorts/n5AwJxN_IFY

دفعة أخشاب جديدة وصراحة الموقع عمره ما عجبني وايد خربطة فيه

https://i.imgur.com/DcyqaqB.jpeg

[معماري قطري]

وصلتني أمس أربع فيديوهات قصيرة للصب


https://youtu.be/-ajC4IFelsc

هذا الأول ولله الحمد جيراننا ما قصروا بالكهرباء وجارنا الشمالي ما قصر بالسماح باستخدام أرضه للدفان ولبعض التخزين السريع

[معماري قطري]

الفيديو الثاني لعملية صب الجسور


https://youtu.be/S45Al2oZQ54

[معماري قطري]

وهذا الجزء الثالث لعملية الصب وهو أهم جزء لأنه يوضح عملية بناء الحوض الزراعي وراء أو شمالي البيت وهذا نبنيه ثاني مرة بسبب إن أول مرة بعد البناء مباشرة تم الدفان حوله وأتوقع ضرب البوكلين الجدار وانهار .. ألحين جهزنا الدفان الزراعي بيتموس + رمل وبندفن النص أقل شيء وبعدين بنكمل دفان الحوش وراء برمل فقط حتى يتم تمديد البايبات وقبل ليمددون البايبات يحتاجون يبنون طابوق لضبط وزنية اللفل وكذلك ثبات البايبات .. المقاول أفغاني وخذناه عن طريق رفيجنا اسحق الفورمن اللي شغال في الموقع جاب واحد غالي الطابوقة شغل يده بس بريال و 80 درهم هذا بريال و 20 درهم ولو شفناه زين بنتعامل معاه في باقي الطابوق لاحقاً .. باقي نشتري حديد من الحراج لكل متر في الحوض الزراعي قطعتين أي قطر مب مشكلة وحسبتها نحتاج شاحنة 8 متر مكعب حق خرسانة أو سكريد مناسب لفجوات الطابوق .. طول المحيط للطابوق 44 متر ونحتاج قطعتين للمتر يعني نحتاج 92 قطعة حديد


https://www.youtube.com/watch?v=UA0CRlR5mLg

[معماري قطري]

الجزء الرابع والأخير


https://youtu.be/i0wauCBWQog

[معماري قطري]

ما فيه تطور يذكر في بيت عبدالله غير متابعة رش الجسور الأرضية بالماء والناطور مجتهد ويصور ونقوم بزيارات مفاجئة نحصل الخيش رطب وهالمرة عبدالله اللي يزور انا اووف أكثر وقتي .. لكن بديت أركز على تعديل المخططات للواجهات حتى تتناسب مع التصميم الداخلي لأن الإستشاري خربط لي وايد في مقاسات الدرايش وارتفاع المناور والخطوط العرضية كلش ما لها معنى ولو بنسوي بنسوي بس على مستوى الدرايش فوقها على الأقل بتطلع حلوة تعطي اتجاه افقي وسعة للبيت

هذا فيديو أولي يوضح التعديلات


https://youtu.be/e5dETLPfhvc

[معماري قطري]

شبه انتهيت من تعديل الواجهة اللي بنرسي عليها بإذن الله

حطيت مقترح القروفات تكون طولية من الدرايش العلوية للسقف .. طبعاً الدرايش السفلية ما تبين من الخارج .. الخط الأصفر يسار يوضح ولو كانت لكل الدرايش ممكن لأنها منتظمة فوق بعض .. الإشكالية اللي بتصير في هذي الحالة ما أقدر أحط براويز ديكورية حول الدرايش لكن ممكن أسويها خارج البراويز بعد .. البروزات الديكورية الغرض منها شيئين جمالية ووظيفية حيث بتكون فوم وبتعزل الخرسانات حول الدريشة

https://i.imgur.com/BS3AdVo.png

طبعاً شلت مقترحات الإستشاري بعمل قروفات عرضية شكثر وشلت الخرسانات فوق والقرميد

هذا تقريباً التفصيل بيكون لكل الدرايش .. الكسرة فوق بهبوط 40 سم وداخل الحائط ممكن نخليها 5 سم وممكن 10 سم وبتكون منارة انارة مخفية والدرايش مخفية محيطية .. كتبت عن تفاصيلها قبل

https://i.imgur.com/zum8uXw.png

هذا الشكل التقريبي ككل

https://i.imgur.com/dfwiRnY.png

ستضاف ديكورات نفس الشيء حول الدرايش تحت

[معماري قطري]

عندي مشكلة هذي الدريشة وايد أحلى لو كانت طولية ويمين مكان المتر وثلاثين سم بس هنا عندي عمود وأشوف ما له داعي فوق غابة أعمدة لغرفة صغيرة خلونا نرجع لها

https://i.imgur.com/bNOFhU1.png

هذي الدريشة هنا بتطل على سطح سقف الدور الأول ولو حركتها يمين وطولية باقدر أسويها 90 سم بين العمودين .. صحيح محتاج كتف للستارة لكن ممكن تترتب هنا 90 وطولية للأرض أحلى ومطلة على الباب للبيت ومقابلة جنوب وحتى ممكن أطبق نفس الشيء للغرفة اللي تحت

https://i.imgur.com/JDL3hDu.png

تحت بيكون عندي الكبت عائق لكن ممكن أنقله فوق قرب باب الحمام جتى وظيفياً أفضل بيكون

[معماري قطري]

بتكون تقريباً هشكل مع الديكور حولها لكن فكرت عدل بالغي القروفات بتسوي ربكة الكسرات اللي فوق في مستوى سقف الدور الأول باسويها لكن للبنتهاوس لا

https://i.imgur.com/ntESZ1a.png

شرايكم؟ رايكم يهمني بعد

[معماري قطري]

تم بناء الحوض الزراعي في الخلف مرة ثانية وهالمرة بتتعبى الفراغات سكريد وبيتعبى داخل بالبيتموس والرمل الموجود يسار الصورة

https://i.imgur.com/moSQbqm.jpeg

هالمرة بنوه أشاوس أفغان وبينصب سكريد في الفجوات وبعدين بيتم الدفان بالرمل والبيتموس الموجود يسار فوق وتحت بيتصرف الماي الزايد في الأرض هذا لو زاد وخطتي تصريف مياه بعض التكييف عليه وكذلك تصريف مطر السقف للملحق ولملحق حوض السباحة لكن باقي المطر بيتصرف للحوض الكبير والسوك أواي

[معماري قطري]

الكيوزنغ تونا خلصنا منه للجسور الأرضية وتحتاج عزل ونحتاج بناء طابوق بعد تأسيس حق الارضية المرتفعة بحدود 13 سم جهة المكتب والصالة المطلة على حوض الزراعة وبتكون هذي أول عتبة من عتبات الدرج

[معماري قطري]

أشتغل على تضبيط الواجهات ومقاسات الدرايش اللي خربها رسام الإستشاري لأن لازم ناخذ عليها موافقات ثانية وتكون تنفيذية صغرت بعضها شوي في العرض

هذي واجهة الغرب جهة الجار والمناور سويتها مكان رسم الإستشاري وانتبهت إن الوسطي غير بيكون مكانه يمين شوي تقريباً بين درايش الطوب الزجاجي بس مب مهم هنا هو ثابت في مخططات الأسقف الإنشائية

https://i.imgur.com/2Swfemc.png

مناور الطوب الزجاجي كلها مرتفعة لأنها بتكون في غرف الملابس وفوق مستوى الكبت وما تنفتح إنارة فقط .. اللي تحت المنور اللي فوقه مباشرة هذا بيكون في الحمام الرئيسي وألحين جاتني فكرة أسويه مكرر باصور لكم شلون بيكون

سحبت مكونات دورة المياه بالرصاصي حتى تتضح الصورة وين أماكن الدرايش والطوب الزجاجي وجات الصفة التحتية مكان الشور ما تصير هشكل لأن بيكون اللي بارز من الحائط ولو باسوي اللي من السقف بيكون شكله غريب بايبه وايد طويل بسبب الإرتفاع وبعدين نبغي نسوي سقف زجاجي لمنطقة الشور والجاكوزي ثاني بس حق عزل البخار لأن بيكون بعد حمام بخار

https://i.imgur.com/VHnIE3T.png

الحل الثاني ننسى الشكل هذا ونسوي شوي غير مثل ذيه

https://i.imgur.com/QIumapC.png

صغرت الفتحة شوي حتى اتفادى مكان الشور ونزلتها أكثر حتى تكون قريبة من راس الواقف

https://i.imgur.com/QIumapC.png

[معماري قطري]

تقريباً بيكون هذا الشكل من الخارج وما ننسى عندي تغطية بسقف بولي كاربونيت من اليسار وراء دريشة المطبخ لين يمين وراء بداية الرامب قليل وفي هالأماكن بتكون فيه بيبان .. يعني بيكون خط التغطية حول 5 متر من الأرض ونازل بسلوب جهة الملحق

https://i.imgur.com/CezGOnr.png

[Qtr37]

ما نستغني عن هالمنتدى اذا نخطط لشي
ماعندي خبرة في البنيان وافكر ابني بيت صغير 470 متر
وجيت اخذ نصايح قبل ما اخذ افكار

[معماري قطري]

ما نستغني عن هالمنتدى اذا نخطط لشي
ماعندي خبرة في البنيان وافكر ابني بيت صغير 470 متر
وجيت اخذ نصايح قبل ما اخذ افكار

حياك الله والله يوفقك

نصيحتي خذ لفة في الموضوع من بدايته فيه بيوت صغيرة ومقترحات لها ولو تحب نقاشات مطولة وتشوف تصاميم ممكن مناسبة عندك يوتيوبيات البناء فيه كثير .. آخر شيء عندنا قروب وتساب فيها مجموعة طيبة من المهندسين والمقاولين والأفراد اللي يبنون هناك النشاط دايم 24/ 7 مثل ما يقولون

هذا الرابط والدعوة عامة للجميع

https://chat.whatsapp.com/CgdCfGMCFIyK5bpEQAbJOc

[معماري قطري]

كنا من شوي نتناقش في خطة عمل السور وتعديل تصميمه انا وولدي هو يقول الفورمن يقول له مصمم له جسر وانا اقول مستحيل ولو فيه جسر خسارة على الفاضي بعدين فهمت منه إنه يتكلم عن الأساس الشريطي هو يعتبره جسر .. المهم ماشي الحال وعطته الخطة يوصيهم شيسوون .. بنبنيه طبعاً على دفعات ولازم نكمل التأسيس لبعض الأجزاء الجنوبية والغربية وعندنا المقاول الأفغاني اللي سلمناه تركيب الطابوق بس بحساب كميات كل 1000 طابوقة ب 1200 ريال والأماكن اللي أسسناها بعضها مع حفر الأرض لعمق متر و 80 سم والباقية بنأسسها بس على عمق نص متر وبدون اتصال الأساس الشريطي مع الجزء العميق والفصل وايد أفضل حتى لو كل ستة متر اساسها مفصول أحسن .. فيه فواصل تمدد بين كل عمودين على مسافة ستة متر وهذا مهم حتى ما تحصل كراكات

اللي بيصير بيتم بناء الطابوق أولاً ولين 8 طابوقات وبيتم تمديد حديد طولي من تحت مع الأساس لين مترين فوق يدخلون الطابوق فيه من فوق قطعة حديد وحدة أي قطر حتى 10 ملم أو 8 مب مهم هذا تقوية اضافية ضد الكراكات فقط وكل 1 متر يعني فراغات الطابوق نترك 5 ونحط في السادسة قطعة حديد ونصب عليها خرسانة مع الأعمدة اللي بتنصب على ارتفاع 8 طابوقات ثم بتنصب مرة ثانية على ارتفاع 7 طابوقات فوقها

قطعة حديد عرضية بتكون مغروسة في العمود وجاية على شكل يو مارة فوق الطابوق الثمان صفوف وداخلة في العمود الثاني هذي تنفذ أثناء الصب ومن طريق التيسير .. الحديد الطولي بيركبه عامل الطابوق .. يعني بتكون عندنا شبكة تقوية للجدار كل متر مربع واحد من كل الجوانب .. الغالب ما يسويها ولا فيها ضرر بس انا باسويها زيادة وزيادة باسوي عزل اسمنتي للجزء السفلي من الجدار قبل البلاستر عبارة عن بلاستر عزل اسمنتي يختلف عن البلاستر العادي وأغلى شوي ويقاوم أي رطوبة ترتفع من التربة .. مع إضافة طابوق على ارتفاع شوي فوق الأرض مقاوم للأملاح

القصد هذي التفاصيل لو تطلبها من مقاول في العقد بيطلع سعر بنيانك فوق فوق واحنا بطريقتنا ذي متحكمين للحين على الأقل في جودة البنيان

الناطور ما شاء الله عليه قايم بواجبه في رش الخرسانة دوم ودوم يرسل صور وفيديوهات

هنا ما استخدمنا البلاستيك واكتفينا بالخيش

https://i.imgur.com/IQMQrTp.jpeg

[معماري قطري]

حالياً جاري صب السكريد داخل تجويفات طابوق حوض الزراعة .. كلف 2000 ريال والبمب 400 لأن السيارة وحدة فقط لو أكثر يجي البمب مجان ل 8 أمتار مكعبة يكون المتر 300 ريال يعتبر غالي بس لأن الكمية قليلة

[الصفقة]

حالياً يجري صب الجسور الأرضية لبيت عبدالله

قبل خلوني أبدأ بملاحظات الإستشاري على تركيب الحديد وانا صراحة طافني لأني أركز على جزئية معينة ولا توقعت الخلل هنا .. اللي صار التيسير غلطوا بإرسال واحد عليمي ما يعرف يركب صح وصادفه هذا الوضع والمفروض يمرر الجديد أمام وخلف بايب التصريف .. شكلهم متعودين على الدكتات الخارجية ولا تعودوا على التمرير خلال الجسور وخلال الطابوق وهذا معمول به كثير حتى في جدران العشرين سم فمابالكم هذا 40 سم والبايب قطره 10 سم .. حتى الإستشاري يقول أول مرة يتابع بنيان هشكل

المهم هذي الصور

https://i.imgur.com/9vdSDU8.jpeg

هنا قاطع الحديد السفلي لأنه البايب معترضه وتم الإصلاح ولله الحمد

وهنا مكمل العلوي وقاطع السفلي

https://i.imgur.com/nBVIqc9.jpeg

وهنا حاط حديد زيادة بس وحدة ما تواصلت داخل العمود

https://i.imgur.com/oVRqV6A.jpeg

https://i.imgur.com/JXkrAWh.jpeg

https://i.imgur.com/4C0DEtT.jpeg

https://i.imgur.com/dHxrBZ0.jpeg

https://i.imgur.com/7MnceMo.jpeg

وهنا اليوم بعد ما تم التعديل وارسلت الشركة فني فاهم

https://i.imgur.com/XyoIzMf.jpeg

https://i.imgur.com/kIffFW8.jpeg

فيديو للحديد قبل الصب

https://youtube.com/shorts/zXmYzCNCb2k?feature=share




هذي بيبات صرف صحي بتكمل داخل طوفة الفلا !؟
ترى إذا صار ترييح للفيلا ممكن تتكسر البيبات داخل الطوفه وتسبب لك مشاكل كبيرة بالإضافة إلى صوت التصريف ممكن يكون مسموع بالداخل .
يفضل وموصى هندسيا إن البيبات تكون داخل شافت لتجنب اي مشاكل مستقبلية كبيرة

[معماري قطري]

هذي بيبات صرف صحي بتكمل داخل طوفة الفلا !؟
ترى إذا صار ترييح للفيلا ممكن تتكسر البيبات داخل الطوفه وتسبب لك مشاكل كبيرة بالإضافة إلى صوت التصريف ممكن يكون مسموع بالداخل .
يفضل وموصى هندسيا إن البيبات تكون داخل شافت لتجنب اي مشاكل مستقبلية كبيرة

فيه شافت طال عمرك هذي بس منطقة الجسور واستبدالها سهل .. ترييح البيت ما يرتاح والأرض لله الحمد قوية قوتها فوق المطلوب للتصميم 3 أضعاف .. إرجع وراء بتشوف بدايات البنيان

بيتي الحالي له عشرين سنة معمول بهذي الطريقة والجدار هنا 44 سم تقريباً بعد البلاستر مستحيل تسمع شيء .. بيتي الحالي صبينا خرسانة غطينا البايبات كامل هذا بتكون فيه أجزاء قابلة للفتح نفسه نفس الشافت بالضبط بس من ضمن الجدار العريض .. إعقلها وتوكل ومثل ما يقولون الأمريكان Do it once and only once

[معماري قطري]

عدلنا الحديد وتم الصب وخلصنا وكل شيء أوكي البايبات هذي مليانة ماي للفحص وبعد لو انكسر بايب سهل استبداله ختى بايبات المطر نفس الحال .. بايبات التعذية تختلف بتكون معلقة أقنعوني بها الشركة حماية للبايبات ومضمونة 50 سنة وما توصلها حرارة الجو الخارجي

[معماري قطري]

هذا توضيح لإخوي السائل بخصوص تمديد البايبات في الجسور وهذي وايد نمددها في حتى 20 سم وهنا كل العشرين سم جدران الملاحق والمجلس وغرفة السايق مددنا فيها بس تصريف المطر وسويناه 3 إنش بدال 4 يكفي والمساحة صغيرة .. كل بايبات صرف المطر يتكون تنزل تحت الأرض وتصرف بعيد عن أساسات البيت صوب السوك أواي اللي تبعد 16 متر وصوب الزراعة اللي حول 7 أمتار بعيدة


https://youtu.be/sWWUR7M6Lcc

[معماري قطري]

هذا فيديو قصير لنفس التمديد بس في جدران 20 سم وداخلية وعليها دفان وأرضية خرسانية يصير في السعودية حسب قوانينهم المعمارية وانا ما أشجع عليه عندنا لا البايبات كلها على المحيط الخارجي

https://youtube.com/shorts/OzvGWSVcIKQ

[sara jsm]

الله يقويكم بوعبدالله وتخلصون على خير ..

[معماري قطري]

الله يقويكم بوعبدالله وتخلصون على خير ..

جزاج الله خير وربي يعافيج ويقويج

الشغلة فيها متعة ولله الحمد .. أمس إجتمعنا مع واحد مختص بالخرسانة المقذوفة حق حوض السباحة وناقشناه في التفاصيل واليوم بيزور الموقع يطلع على التأسيس للحوض نبغي تسعير للبنيان وطلع بيسافر بعد وبيجي بعد شهر تقريباً .. لازم فيه تأخيرات وانا متخوف من الصبيات وقت الصيف بس بنخلص أعمال التمديدات تحت الأساسية وبنسوي صبية للأرضية لكل الغرف عدا المناطق اللي بتكون فيها تمديدات ثانوية مثل الحمامات وهي قليلة تحت والمطبخ

سور البيت ممكن نكمله وقت الصيف وحتى طريقة بنيانه بتختلف بنجي لها في وقتها إن شاء الله .. انا مقترح تدعيم غير

[معماري قطري]

هذا فيديو توضيحي للأعمال اللي تتم في الموقع مع شوية التعديلات في التصميم


https://youtu.be/byNcLglL97U

[معماري قطري]

وهذا شرح الواجهات اللي بتكون بإذن الله النهائية


https://youtu.be/xFtkIT0xHzc

[معماري قطري]

الواجهات الجزء الثاني


https://youtu.be/eVl3IHYecRA

[معماري قطري]

عملت المقاسات والتفاصيل التنفيذية للحوض وركبته على الواجهة المطلة عليه


https://youtu.be/Tl1yLYLZ0-Y

[معماري قطري]

المفروض هذا الفيديو الأول اللي قبل هو توضيح لمحتويات وداخل الحوض


https://youtu.be/uJ5-fPOEVSc

[Qtr37]

يعطيكم العافية

بعد ما مريت على مكاتب وشفت فيديوات على الانترنت، تسائلت ليش المكاتب اللي عندنا تصاميمهم وحدة مافيها تنوع crazy
خاصة للأراضي او البيوت اللي مساحتها مب كبيرة تقريبا متوسطة!
محد يبي يفكر خارج الصندوق

[معماري قطري]

الله يعافيك ويبارك فيك

أوقات كثيرة تحتد على النماذج المجربة والمعتادة بس بترتيبات خاصة تسوي فرق حتى لو بسيط والمهم يناسبك ويناسب ميزانيتك .. مشكلة الغالبية تجي من إنهم يعتبرون أنفسهم مصممين لا وتحصلهم خياليين خيال صعب وبعيد عن الواقع وانا مريت في خيالات غريبة سواء في عملي الحكومي وفي مباني تخصصية لو أقول لك شكثر ربعنا ساذجين ما تتخيل .. مرة جهة طالبين مبنى تعليمي مع مرور الوقت طلبوا فيه أربع كفيتريات وحدة للطلاب ل 150 شخص ووحدة للفي آي بي طلبوها شبيهة وفي مساحة مقاربة حق الصالة الأميرية في المطار قبل وهذا طلب خاص بعد ما بدينا تصميم المشروع ولا رضى المسؤول يعطيني اياه كتابة قلت عيل انا برسله لك كتابي للتأكيد بأن حسب مقابلتنا تم كذا وكذا وباذكرها حرفياً مثل ما قلت لي قام وانسحب .. المهم بقت صالة استقبال وكفتيريا للفي اي بي ووحدة للمدرسين والعدد كان 35 وانا أعرف ان المدرسين يجيبونهم من الجامعة في سيارتين كروزر ويردونهم وحدهم محاضراتهم وبس .. يعني حول 6 مدرسين شنقزهم لين 35 .. ووحدة أخيرة للموظفين هذي ما اذكر كم .. خيال بعض الملاك واحد يبي يوفر ويبي يبني رخيص بس مبالغ وايد لين درجة جايب لي تصميم ما يركب على أرضه والتصميم حق وزير في الإمارات بس معدل عليه عن طريق استشاري تركي وسحب عليه ولا كمل معاه ولا عطاه فلوسه .. كان بيبني في ارض 60 في 60 مساحتها 3600 وبعدين طلعت له أرض 2000 متر مع هله وغير رايه بيبني هناك ويبي نفس التصميم .. قلت له تدري لازم نعدله تصميمك يطلع خارج حدود الأرض وبوايد .. وتدري كم بيكلفك؟ قال 3 ملايين قلت انسى عظم بس لو وصل 10 زين وللحين يدور بيت يشتريه وفي منطقة زينة مع إن منطقتهم الجديدة وايد زينة وهله حوله أعتقد وصل السبعين ولا بنى للحين حتى أرضه الكبيرة كان بيسوي فيها مجمع فلل للتأجير ولا بناها والموضوع له عمر

بيت ولدي الأخير اللي أحط صور بنيانه هذا هو إختاره ومناسب حق أرضه لأنها زاوية وانا خذته من نموذج عدلت عليه كثير وتدخلوا فيه ناس ثانيين من ضمنهم معمارية عراقية اقترحت بعض اللمسات ونفذناها وأحد الإخوان كذلك اقترح شوية توسيعات للمجلس الداخلي والخارجي ونفذناه وإن شاء الله خيرة .. دوم تعدد الآراء يخدم بس تاخذه من ناس فاهمين

[Qtr37]

الله يعافيك ويبارك فيك

أوقات كثيرة تحتد على النماذج المجربة والمعتادة بس بترتيبات خاصة تسوي فرق حتى لو بسيط والمهم يناسبك ويناسب ميزانيتك .. مشكلة الغالبية تجي من إنهم يعتبرون أنفسهم مصممين لا وتحصلهم خياليين خيال صعب وبعيد عن الواقع وانا مريت في خيالات غريبة سواء في عملي الحكومي وفي مباني تخصصية لو أقول لك شكثر ربعنا ساذجين ما تتخيل .. مرة جهة طالبين مبنى تعليمي مع مرور الوقت طلبوا فيه أربع كفيتريات وحدة للطلاب ل 150 شخص ووحدة للفي آي بي طلبوها شبيهة وفي مساحة مقاربة حق الصالة الأميرية في المطار قبل وهذا طلب خاص بعد ما بدينا تصميم المشروع ولا رضى المسؤول يعطيني اياه كتابة قلت عيل انا برسله لك كتابي للتأكيد بأن حسب مقابلتنا تم كذا وكذا وباذكرها حرفياً مثل ما قلت لي قام وانسحب .. المهم بقت صالة استقبال وكفتيريا للفي اي بي ووحدة للمدرسين والعدد كان 35 وانا أعرف ان المدرسين يجيبونهم من الجامعة في سيارتين كروزر ويردونهم وحدهم محاضراتهم وبس .. يعني حول 6 مدرسين شنقزهم لين 35 .. ووحدة أخيرة للموظفين هذي ما اذكر كم .. خيال بعض الملاك واحد يبي يوفر ويبي يبني رخيص بس مبالغ وايد لين درجة جايب لي تصميم ما يركب على أرضه والتصميم حق وزير في الإمارات بس معدل عليه عن طريق استشاري تركي وسحب عليه ولا كمل معاه ولا عطاه فلوسه .. كان بيبني في ارض 60 في 60 مساحتها 3600 وبعدين طلعت له أرض 2000 متر مع هله وغير رايه بيبني هناك ويبي نفس التصميم .. قلت له تدري لازم نعدله تصميمك يطلع خارج حدود الأرض وبوايد .. وتدري كم بيكلفك؟ قال 3 ملايين قلت انسى عظم بس لو وصل 10 زين وللحين يدور بيت يشتريه وفي منطقة زينة مع إن منطقتهم الجديدة وايد زينة وهله حوله أعتقد وصل السبعين ولا بنى للحين حتى أرضه الكبيرة كان بيسوي فيها مجمع فلل للتأجير ولا بناها والموضوع له عمر

بيت ولدي الأخير اللي أحط صور بنيانه هذا هو إختاره ومناسب حق أرضه لأنها زاوية وانا خذته من نموذج عدلت عليه كثير وتدخلوا فيه ناس ثانيين من ضمنهم معمارية عراقية اقترحت بعض اللمسات ونفذناها وأحد الإخوان كذلك اقترح شوية توسيعات للمجلس الداخلي والخارجي ونفذناه وإن شاء الله خيرة .. دوم تعدد الآراء يخدم بس تاخذه من ناس فاهمين

كفيت ووفيت والله
والله انا قعدت اشوف فيديوات على تيك توك لبيوووت في السعودية صغيرة على مساحات 250 حتى
لكن فيهم ابداع وتغيير
واللي عندنا لو قلت له ابي مثله تقريبا يقولك ما يتنفذ على ارض الواقع

[معماري قطري]

كفيت ووفيت والله
والله انا قعدت اشوف فيديوات على تيك توك لبيوووت في السعودية صغيرة على مساحات 250 حتى
لكن فيهم ابداع وتغيير
واللي عندنا لو قلت له ابي مثله تقريبا يقولك ما يتنفذ على ارض الواقع

هناك قوانينهم التظيمية تختلف واللي تشوفه أوقات يخدعك التصوير لكن تعيش فيه وتدخله في الواقع تكتشف أمور كثيرة .. شوف الموضوع هنا راجعت فيه حول 50 بيت وتصميم وبعضها غيروها الملاك بالكامل .. عندك هذا مثلاً فيديو شرح لبيت صديق لي كنسله وغير التصميم كامل بسبب الميزانية وأرضه صغيرة حول 1000 متر على ما اذكر بس إخذ منه فكرة لو تحب انا حبيت التصميم واندمجت معاه بس عدلت عليه وايد وهنا أناقش التعديلات


https://www.youtube.com/watch?v=vLrRQlQdyhw