مشاهدة النسخة كاملة : مراجعة التصاميم المعمارية وابداء الملاحظات عليها (محدث)
الصفحات :
1
2
[
3]
4
5
6
7
8
9
10
11
12
13
14
معماري قطري
19-09-2016, 02:01 PM
في بيسمنت حق المجلس ؟؟
هو قال يبي يسوي
على هذي المساحات يبي له مبلغ كبير حول 4 مليون بس اشوفه استوى وايد أفضل من قبل
معماري قطري
19-09-2016, 02:09 PM
في بيسمنت حق المجلس ؟؟
بس شرايج في التعديل الأخير كلها ملاحظاتج ثرى
sweet qatar
19-09-2016, 03:05 PM
هذا رسم توضيحي للدور الأرضي مع التعديلات وحطيت الملحق مثل ما هو ونلاحظ باب المطبخ بعيد في الزاوية وأكيد باعدل عليه بس هذا لتوضيح عدم اهتمام الاستشاريين ويعطون المخططات لرسام يسويها وهو بعيد عن الاختصاص الهندسي
التعديل يشمل فتح المطبخ أكثر مع عمل جزيرة للتحضير وجزء كاونتر مرتفع للأكل
عمل باب الغرفة للضيوف ورا قرب المدخل الخلفي وتنزيل أرضيتها 30 سم حتى يكون إرتفاع الدرج يكفي للباب .. الدرج بدايته بتستوي من الأرضي للسقف للخدمات أكثر وللخدامات وممكن بهذي الطريقة نغير تغيير بسيط على البنتهاوس نخلي غرفة الرياضة للخدمات مع بعض التعديل عليها لتناسبهم ونفصل المصعد مع الغرفة اللي لهم ونخصصها للرياضة ويكون عندنا مجال حتى حق سونا لو نبي فوق
http://i.imgur.com/4RFZz7R.png
اوكي مكان الدرج حلو ، لكن موقع الباب هناك مب عاجبني لان اقرب باب للخروج لازم يمر على المجلس الخارجي و المدخل الرئيسي
المطبخ الداخلي للحين في الواجهة ، حتى لو حطيت شفاط بتبقي ريحة الاكل تستقبل الناس
افضل نسكره و نخلي حوض السباحة هو الفوكال بوينت للمدخل والصالات
واعتقد هذا الهدف الرئيسي من وجود حوض السباحة في منتصف البيت
المساحات المفتوحة جميلة لكن كتصميم داخلي تكون اصعب لان الاثاث والاكسسوارات لازم تتناسق مع بعض على امتداد اكبر
وشخصيا افضل الاماكن الي ممكن نفتحها على بعض او نسكرها
sweet qatar
19-09-2016, 03:06 PM
بس شرايج في التعديل الأخير كلها ملاحظاتج ثرى
الله يعطيك العافية استاذ :o
للحين ما شفت الباقي بشوفهم عقب الصلاة ان شالله
sweet qatar
19-09-2016, 03:52 PM
بين طوفة المدخل و العمدان الي في النص
ممكن نحط فاصل على كل طرف بحيث نخلق جو السبا
و التركيز عند الدخول على حوض السباحة
الفاصل بيسمح لنا نعدل الجلسة على اليسار و نحط يونيت للتلفزيون
و نخلي المطبخ على اليمين مثل ما عدلته انت مفتوح على غرفة الطعام
طبعا الفواصل هذي للديكور فقط مب انشائية ما تعزل الاماكن عن بعضها
sweet qatar
19-09-2016, 04:13 PM
عدلت تعديل حلو يتناسب مع البنتهاوس وكبرت عندي الصالة الرياضية واستوت معزولة عن غرفة الخدم
خلوني ابدأ أول ببيسمنت حق المجلس .. استوت عندنا صالة ألعاب مثل البليارد وغيره والنزول له عبر درج في الحوش .. الجلسة في المدخل ممكن تكون مكتب أو مكتبة أو مجلس صغير .. وممكن نفتحها على صالة الألعاب ونخليها غرفة كبيرة حتى تستوي غرفة طعام للمجلس الخارجي
http://i.imgur.com/zKi4QVD.png
الكسرة اللي في الزاوية بعرض 3 متر مخربة المجلس وترتيب الكراسي وما ادري شفايدتها .. في البيسمنت ممكن تنفع حق أرفف تخزين أو تتسكر تنعمل مخزن .. غرفة السايق مثل ما ذكرت قبل ممكن نعزلها بحائط ونفتح لها باب جنب باب المجلس بعد الرخصة .. أو تبقى مثل ما هي ما تضر اتوقع
الدور الأرضي واصلت الدرج الخدمي لتحت ونزلت مدخل الباب الخلفي شوي حتى يستوي ارتفاع مناسب للباب اللي لغرفة الضيوف .. سويت المغاسل لها مدخلين مدخل بباب من صوب المسبح واللي في مجلس النساء يقدر يوصلها بسهولة والمغاسل الجانبية حولتها غرفة تبديل ملابس وشاور وحمام .. حمام غرفة الضيوف ترتب أكثر وحمام المجلس لازم له تهوئة ميكانيكية بدون دريشة
فتحت المطبخ أكثر والحائط اللي ورا الثلاجات بس بارتشن وممكن يكون من جبس وممكن حتى طابوق 10 سم وبارتفاع يغطي ظهر الثلاجات بس
بدلت مكان المطبخ الخارجي مع المخزن واستوى الباب قريب للباب اللي يودي للدرج لكن باب المطبخ الداخلي شوي بعيد لكن وايد أفضل من قبل
http://i.imgur.com/7tKXdAR.png
ماقدر اعلق على المجلس الخارجي لاني ما اعرف شي عن مجالس الرجال وملاحقهم
بالنسبة للمطبخ الخارجي اشوفه صغير
بالاضافة للمطبخ نفسه نحتاج طاولة لاكل الخدم
اللفت حرام وايد مظلوم حاطينه في دواعيس :(
blueZircon
19-09-2016, 04:24 PM
يعطيكم العافيه على الملاحظات القيمه جدا،
ان شاءلله لي رجعه لتوضيح كل النقاط وان شاءلله بتقتنعون بوجهة نظري
السموحه عالتأخير بالرد لظروف الانشغال بالعمل، وراح نثير النقاش بعد ماارفق لكم صوره من التصميم الداخلي اللي عملته للفيلا
تحياتي
سعود.
19-09-2016, 06:03 PM
متابع للموضوع
95% من ملاحظات sweet qatar مؤيد لها وبقوة .
بخصوص العمدان الي بالمنتصف اذا نقدر نستغني عنها بعمل سقف هوردي او فلات سلاب !!!!
اما فاصل من كل طرف ضدة لان ميزة هذا التصميم الامتداد البصري لدور الاول مفتوح .
في الغالب ماحب اتدخل في التصاميم لانة كل تصميم له وجهة نظر مختلفه .
وشكرآ
معماري قطري
19-09-2016, 09:12 PM
ماقدر اعلق على المجلس الخارجي لاني ما اعرف شي عن مجالس الرجال وملاحقهم
بالنسبة للمطبخ الخارجي اشوفه صغير
بالاضافة للمطبخ نفسه نحتاج طاولة لاكل الخدم
اللفت حرام وايد مظلوم حاطينه في دواعيس :(
ما قصرتي بنقاشج وملاحظاتج القيمة وغالبيتها فكرت فيها
حاولت قد ما اقدر تعديل الممكن بقواطع بسيطة
لاحظت حسب الرسم اللي يوضح خطوط الجسور الساقطة ان العمود الدائري في المدخل مب حامل للجسر ويمكن يحتاج تحريك قليل
طبعا ما حركت اي عمود عدلت اقل ما يمكن الا الملحق غيرت مكان الأعمدة الوسطية
ناقشت فلسفة التعديل ولو فيه مصمم انترير لازم يقرا الموضوع بتركيز ويقرر على اساسه مع المالك
معماري قطري
19-09-2016, 09:21 PM
متابع للموضوع
95% من ملاحظات sweet qatar مؤيد لها وبقوة .
بخصوص العمدان الي بالمنتصف اذا نقدر نستغني عنها بعمل سقف هوردي او فلات سلاب !!!!
اما فاصل من كل طرف ضدة لان ميزة هذا التصميم الامتداد البصري لدور الاول مفتوح .
في الغالب ماحب اتدخل في التصاميم لانة كل تصميم له وجهة نظر مختلفه .
وشكرآ
الأعمدة مهمة جدا وتخفض التكلفة واكيد مبالغ الاستشاري في التصميم
تسعدني ملاحظاتك ومرورك خصوصا نقطة الامتداد البصري ومثل ماذكرت مهندستنا الفوكال بوينت .. عندنا كم اتجاه بصري وفوكال بوينت وهذا يعطي تجديد وحياة للبيت
التلفزيون حطيته على طاولة دائرية ممكن ملاصقة للعمود اليسار وممكن تحريكه حتى جهة المطبخ والطاولة تخلي العمود غير محسوس العمود الثاني ممكن نحط نباتات ظل حوله ويطلع فرندلي اكثر
معماري قطري
19-09-2016, 09:26 PM
يعطيكم العافيه على الملاحظات القيمه جدا،
ان شاءلله لي رجعه لتوضيح كل النقاط وان شاءلله بتقتنعون بوجهة نظري
السموحه عالتأخير بالرد لظروف الانشغال بالعمل، وراح نثير النقاش بعد ماارفق لكم صوره من التصميم الداخلي اللي عملته للفيلا
تحياتي
حياك الله ومنور بيتك وموضوعك
والبيت في النهاية بيتك وانت صاحب القرار وزين بتثري الموضوع اكثر وأكثر
blueZircon
19-09-2016, 09:53 PM
قصة التصميم بدت قبل سنه , وكانت الفكره الاساسيه هي وجود المسبح بمنتصف الفيلا بحيث اينما تواجدت بالفيلا تستطيع انك تشوف المسبح من كل الاتجاهات سواء كنت بالطابق الارضي او الاول. التصميم المعماري لم يتدخل فيه أي مهندس معماري, السكتش تم عمله على اساس طبيعة حياة العائله lifestyle. تعمدنا بشكل كبير ان تكون مساحات غرف النوم كبيره بحيث لاتقل عن 25 متر مربع بالاضافه الى مساحات غرف الملابس والحمامات أعزكم الله.
وبخصوص شكل الفيلا اللي فيه الكثير من الكسرات كانت مقصوده, وحبينا نبعد عن التصاميم الكلاسيكيه والتقليديه اللي تكون بشكل مربع ومستطيل, وعندنا قناعه ان هذا التصميم يبث روح الحيويه والجرأه على انحاء المنزل, وهذا التصميم راح يساعدنا بشكل كبير على توزيع وتقسيم غرف النوم بشكل عملي. مثال على ذلك, ممكن كل غرفة نوم تحتوي على سرير ومكتب دراسه للاولاد بطريقه بحيث ان اللي يكون نايم عالسرير ماينزعج من الشخص اللي قاعد عالمكتب.
وبخصوص المطبخ الداخلي اللي بالطابق الارضي, المطبخ مصمم على انه يكون بانتري كبير اكثر من ماهو مطبخ بمعنى الكلمه, contemporary . تجهيز الاكل اللي يستوجب طباخ راح يكون بالمطبخ الخارجي. المطبخ الداخلي انعمل على اساس انه عامل رئيسي في اعطاء المكان رونق مختلف وليس كمطبخ اعتيادي.
وللتوضيح, ladies majlis هو مجرد مسمى على الخرايط وهو ليس مجلس للحريم بشكل فعلي. المكان بيكون قعدة أهل البيت اليوميه. وتعمدنا انه يكون مفصول ولكن مطل على المسبح الداخلي وذلك لاغراض saftey . وكما موضح بالجهه الاخرى وجود المجلس وصالة الطعام للضيوف مطله أيضا على المسبح بحيث اذا كانت في عزيمه او حفله عائليه, نقدر نفتح جميع الصالات على بعضها ويكون المسبح هو المحور الرئيسي, صاله ينحط فيها الاكل وصاله للقعده وصاله لاغراض الترفيه.
الماستر روم تعمدت انها تكون كبيره بحيث راح تتقسم بشكل مفصل مابين couching area & hot office وراح تنفصل عن المساحه اللي فيها سرير بواسطة فاصل خشبي. وبنفس الوقت احتجنا هذه المساحه الكبيره لوضع سرير اضافي للاطفال اللي اعمارهم اقل من 5 سنين قبل ماينفصلون في غرف بروحهم. بالاضافه الى ذلك.
وبخصوص الاصنصير, بالبداية لم نضع بالحسبان عمل اصنصير لسبب ان مانبي نعود اطفالنا على استخدامه بشكل دائم ونعودهم على الرباده والكسل. ولكن باللحظه الاخيره وبعد انتهاء التصميم قررنا وضع مكان للاصنصير احتياطاً واعتقد وجوده اصبح ضروري وخاصه لكبار السن.
قبل فتره اجتمعت مع مهندس برك سباحه بخصوص كمية الرطوبه اللي راح تصدر من البرجه الداخليه وطريقة التهويه بحيث ان المكان مايتأثر بالكلور والرطوبه, اقنعني بواسطة حسبه هندسيه دخلت فيها عوامل البيئه المحيطه من ارتفاع سقف , تهوية, حجم المسبح وعمقه, وعدد وحدات التكييف المحيطه وكمية الضوء الداخله يوميا. وتطمنت انموضوع الرطوبه والكلور ماراح يأثر على المكان. والنتيجه كانت نسبة الرطوبه وفق المعدل الطبيعي. ولكن كاحترازات, قالي لازم اعمل الحوائط الجانبيه من الحجر واستخدام صبغ waterproof , ومكيفات نظام تهوية لشركة مختصه جدا في مجال تدوير الهواء بمناطق المسابح الداخليه.
وبخصوص غرفة النوم اللي موجوده بالطابق الارضي بجانب المجلس الداخلي ومساحة غرفة الطعام, هذي الغرفه راح تكون للضيوف + للأهل لبعد الولاده. واعتقد مكانها ممتاز لانها قريبه جدا من مجلس الضيوف للحريم.
blueZircon
19-09-2016, 10:03 PM
https://www.dropbox.com/s/xzk6k18x5ria0ox/01.png?dl=0
تصميم داخلي مقترح من المصمم الداخلي للمسبح
معماري قطري
19-09-2016, 10:30 PM
https://www.dropbox.com/s/xzk6k18x5ria0ox/01.png?dl=0
تصميم داخلي مقترح من المصمم الداخلي للمسبح
الحوض مرتفع وتقدر تسويه بسهولة مع الأرض وحتى تسويه بنظام الأوفرفلو كل العمق اللي تحتاجه 1.2 متر والحفر للأساسات بيكون بحدود مترين
لا تنسى تركب شفاط الرطوبة ولا تستخدم كلور للتعقيم خله بالاوزون أو بالأشعة فوق البنفسجية والله يوفقك الدرابزين فوق لازم بيطلع أحسن بس انا خفت من الرطوبة .. وتحتاج صخان للماء وهذا ضروري انا مسوي عندي في البيت مغلق وبإرتفاع دورين حتى في الصيف يكون الحوض بارد يحتاج تدفئة بسيطة
الرطوبة الشفاط العادي مركب مروحتين وحاط صبغ ضد الماء لكن أثر فيه والحديد صدأ فوق
شوف الفلم عن الحوض
https://www.youtube.com/watch?v=zSwlRiq5wnA
الحوض عندي 5 في 7 وعمقه متدرج ونصيحتي ما تحتاج تسويه متدرج من 1.2 ل 1.45 .. 1.2 كفاية
معماري قطري
19-09-2016, 10:47 PM
قصة التصميم بدت قبل سنه , وكانت الفكره الاساسيه هي وجود المسبح بمنتصف الفيلا بحيث اينما تواجدت بالفيلا تستطيع انك تشوف المسبح من كل الاتجاهات سواء كنت بالطابق الارضي او الاول. التصميم المعماري لم يتدخل فيه أي مهندس معماري, السكتش تم عمله على اساس طبيعة حياة العائله lifestyle. تعمدنا بشكل كبير ان تكون مساحات غرف النوم كبيره بحيث لاتقل عن 25 متر مربع بالاضافه الى مساحات غرف الملابس والحمامات أعزكم الله.
وبخصوص شكل الفيلا اللي فيه الكثير من الكسرات كانت مقصوده, وحبينا نبعد عن التصاميم الكلاسيكيه والتقليديه اللي تكون بشكل مربع ومستطيل, وعندنا قناعه ان هذا التصميم يبث روح الحيويه والجرأه على انحاء المنزل, وهذا التصميم راح يساعدنا بشكل كبير على توزيع وتقسيم غرف النوم بشكل عملي. مثال على ذلك, ممكن كل غرفة نوم تحتوي على سرير ومكتب دراسه للاولاد بطريقه بحيث ان اللي يكون نايم عالسرير ماينزعج من الشخص اللي قاعد عالمكتب.
وبخصوص المطبخ الداخلي اللي بالطابق الارضي, المطبخ مصمم على انه يكون بانتري كبير اكثر من ماهو مطبخ بمعنى الكلمه, contemporary . تجهيز الاكل اللي يستوجب طباخ راح يكون بالمطبخ الخارجي. المطبخ الداخلي انعمل على اساس انه عامل رئيسي في اعطاء المكان رونق مختلف وليس كمطبخ اعتيادي.
وللتوضيح, ladies majlis هو مجرد مسمى على الخرايط وهو ليس مجلس للحريم بشكل فعلي. المكان بيكون قعدة أهل البيت اليوميه. وتعمدنا انه يكون مفصول ولكن مطل على المسبح الداخلي وذلك لاغراض saftey . وكما موضح بالجهه الاخرى وجود المجلس وصالة الطعام للضيوف مطله أيضا على المسبح بحيث اذا كانت في عزيمه او حفله عائليه, نقدر نفتح جميع الصالات على بعضها ويكون المسبح هو المحور الرئيسي, صاله ينحط فيها الاكل وصاله للقعده وصاله لاغراض الترفيه.
الماستر روم تعمدت انها تكون كبيره بحيث راح تتقسم بشكل مفصل مابين couching area & hot office وراح تنفصل عن المساحه اللي فيها سرير بواسطة فاصل خشبي. وبنفس الوقت احتجنا هذه المساحه الكبيره لوضع سرير اضافي للاطفال اللي اعمارهم اقل من 5 سنين قبل ماينفصلون في غرف بروحهم. بالاضافه الى ذلك.
وبخصوص الاصنصير, بالبداية لم نضع بالحسبان عمل اصنصير لسبب ان مانبي نعود اطفالنا على استخدامه بشكل دائم ونعودهم على الرباده والكسل. ولكن باللحظه الاخيره وبعد انتهاء التصميم قررنا وضع مكان للاصنصير احتياطاً واعتقد وجوده اصبح ضروري وخاصه لكبار السن.
قبل فتره اجتمعت مع مهندس برك سباحه بخصوص كمية الرطوبه اللي راح تصدر من البرجه الداخليه وطريقة التهويه بحيث ان المكان مايتأثر بالكلور والرطوبه, اقنعني بواسطة حسبه هندسيه دخلت فيها عوامل البيئه المحيطه من ارتفاع سقف , تهوية, حجم المسبح وعمقه, وعدد وحدات التكييف المحيطه وكمية الضوء الداخله يوميا. وتطمنت انموضوع الرطوبه والكلور ماراح يأثر على المكان. والنتيجه كانت نسبة الرطوبه وفق المعدل الطبيعي. ولكن كاحترازات, قالي لازم اعمل الحوائط الجانبيه من الحجر واستخدام صبغ waterproof , ومكيفات نظام تهوية لشركة مختصه جدا في مجال تدوير الهواء بمناطق المسابح الداخليه.
وبخصوص غرفة النوم اللي موجوده بالطابق الارضي بجانب المجلس الداخلي ومساحة غرفة الطعام, هذي الغرفه راح تكون للضيوف + للأهل لبعد الولاده. واعتقد مكانها ممتاز لانها قريبه جدا من مجلس الضيوف للحريم.
ما شاء الله ردك واضح وموضح كل شيء
بالنسبة للدور العلوي أو الأول وبعضهم يسمي الأرضي الأول كانت تنقصه صالة تلفزيون مناسبة والغرفة الرئيسية كبيرة صدقني بدون داعي وبتوزيع الأثاث تلاحظ حجم السرير الكبير شلون ضايع .. للعيال الصغار عندك مكان لحتى سريرين ويمكن أكثر .. صج الحوائط المتكسرة بكم زاوية مشكلة لكن تترتب واعتقد الترتيب الأخير مناسب ما عدا المدخل ممكن يحتاج تعديل شوي
باقي الملاحظات شوفها واقراها بتمعن بتفيدك خصوصاً تغيير غرفة الخدم والصالة وعزل اللفت عنهم حتى يستخدمون درج الخدمات ومد الدرج لين الدور الأرضي
معماري قطري
19-09-2016, 10:52 PM
انا لاحظت بيتك ما فيه عازل حراري فسحبت بيت اللفت داخل شوي يغطي خرسانته الجدار ويكون مقابل الباب الصغير وجنبه عملت مخزن لمواد التنظيف
blueZircon
19-09-2016, 11:21 PM
ما شاء الله ردك واضح وموضح كل شيء
بالنسبة للدور العلوي أو الأول وبعضهم يسمي الأرضي الأول كانت تنقصه صالة تلفزيون مناسبة والغرفة الرئيسية كبيرة صدقني بدون داعي وبتوزيع الأثاث تلاحظ حجم السرير الكبير شلون ضايع .. للعيال الصغار عندك مكان لحتى سريرين ويمكن أكثر .. صج الحوائط المتكسرة بكم زاوية مشكلة لكن تترتب واعتقد الترتيب الأخير مناسب ما عدا المدخل ممكن يحتاج تعديل شوي
باقي الملاحظات شوفها واقراها بتمعن بتفيدك خصوصاً تغيير غرفة الخدم والصالة وعزل اللفت عنهم حتى يستخدمون درج الخدمات ومد الدرج لين الدور الأرضي
اشكرك اخوي معماري قطر على اقتراحاتك القيمه، انا فعلا اخذت اقتراحك بخصوص مكان الاصنصير بالاضافه الى التعديل على المجلس الخارجي والبيسمنت ، وفكرة عزل غرفة الخدم عن الجيم وبعثته للاستشاري يعدل عليه.
بيض الله وجهك ،
وبخصوص غرف النوم والطابق الاول، انا الصراحه ضد عمل جلسه في هذا الطابق والسبب هو اني ابغي هذا الطابق مايكون فيه اي وسيلة ضوضاء مثل التلفزيون والتجمعات ، ابغيه فقط يكون للدراسه والنوم والاسترخاء ، القعده اليوميه ابيها تكون بمكان واحد بالبيت فقط بحيث انه الكل ينجبر يقعد بمكان واحد.
فكرة الدرج الفرعي انه يكون متصل للطابق الارضي كانت موجوده بالفعل بالمخطط وباللحظه الاخيره شلته بسبب قوانين البلديه للاسف. وبشكل خاص انا تعمدت اني افصل الدرج الرئيسي عن الدرج الفرعي ووجود الاصنصير بمكان مختلف وذلك لدواعي الامن والسلامه.
موضوع الامن والسلامه ربما يغفل عنه الكثيريين وقت التصميم ولولا القوانين المبدئيه واشتراطات البلديه لرخص البناء ، لما التفلت الاستشاريين ابدا لهذا الموضوع. انا استقصدت زياده عدد مخارج البيت مع ان عدد افراد عائلتي صغير جدا ، حتى لاقدر الله اذا صار شي بالبيت تكون الطلعه سهله، والمخارج موجوده في كل جهه من البيت.
معماري قطري
19-09-2016, 11:45 PM
هذي صورة مقربة لأهم التغييرات اللي صارت في غرفة النوم الرئيسية
رتبت المدخل شوي وتوسعت عندي غرفة الزينة الميك اب روم .. وحتى الحمام ترتب أكثر والكرسي قريب من الصرف وممكن نضيف بديه المساحة تسمح والمغسلة مقابلة الباب .. نصيحتي لحمام كبير بهالشكل نحتاج دريشة كبيرة ولو كانت بالطول فوق مراية المغسلة وبارتفاع زين تسمح للنور بالدخول
حتى التغطية للصرف ما فيه داعي حق 40 سم والبايب قطره 10 سم يتغطى بعشرين سم أو 15 كفاية مع مساحة للبايبات مالت الماي .. طابوقتين من الجنب وتنعمل انترلوكنغ أثناء بنيان الطابوق وفراغ بينهم .. بعدين نركب مارين بلايوود تغطية ونحط عليه شبك حديد أو بلاستيك ونسوي بلاستر ونصبغ ويكون البروز متجانس مع البيت ورخيص وسهل تكسيره وقت الصيانة وفك البلايوود واعادة عمله مرة ثانية .. ونخلي فتحات تسليك لبايبات الصرف بارزة حتى نسلك بدون تكسير نهائي
http://i.imgur.com/z6pAdgQ.png
المني بار استوى شوي أصغر حق بس مايكروويف وممكن مكينة قهوة وخلاط عصير و مغسلة وكبت بسيط حق بعض الأكواب والصحون وابريق تصخين الماي .. للريوق بسهولة تحضير الأكلات اللي ما تحتاج طبخ والطاولة قريبة وغرفة التلفزيون معزولة عن الازعاج للنايمين وملمومة وتطل على مدخل البيت
المنور تبين حدوده بالخط المقطع وبينور المكان من صبح للمغرب حق الحوض بيوصل النور والشمس عمودية
الفتحة بعملها بخطوط مستقيمة وزوايا 45 درجة تسهل الحركة حولها وممكن عمل الزجاج أي وقت نشوف الرطوبة ما لها حل
http://i.imgur.com/z6pAdgQ.png
معماري قطري
19-09-2016, 11:49 PM
العمود البارز والعمود الدائري اللي مؤكد الرسام حطهم بالغلط نبهه لهم يرتبهم وقول له فيه متابعة حتى يهتم
أحد الاخوان كان يصمم له المهندس بدون اهتمام ويوم عرف ان فيه تدقيق وتوضيح للاخطاء اهتم واستوى يسوي كل شيء صح .. بس المهندس هندي العرب كله صح ولا شيء يقنعهم
sweet qatar
20-09-2016, 01:23 AM
اول شي احب احيي فيك اخوي بلو زيركون اتجاهك للتصميم وفق متطلبات العائلة
يسعدني جدا اشوف اي شخص يبني يفرض على المبنى احتياجاته و رغباته مب العكس
و اشكرك على مشاركتنا تصميم بيتك والله يكتب لك فيه الخير والفرح
قصة التصميم بدت قبل سنه , وكانت الفكره الاساسيه هي وجود المسبح بمنتصف الفيلا بحيث اينما تواجدت بالفيلا تستطيع انك تشوف المسبح من كل الاتجاهات سواء كنت بالطابق الارضي او الاول. التصميم المعماري لم يتدخل فيه أي مهندس معماري, السكتش تم عمله على اساس طبيعة حياة العائله lifestyle. تعمدنا بشكل كبير ان تكون مساحات غرف النوم كبيره بحيث لاتقل عن 25 متر مربع بالاضافه الى مساحات غرف الملابس والحمامات أعزكم الله.
وبخصوص شكل الفيلا اللي فيه الكثير من الكسرات كانت مقصوده, وحبينا نبعد عن التصاميم الكلاسيكيه والتقليديه اللي تكون بشكل مربع ومستطيل, وعندنا قناعه ان هذا التصميم يبث روح الحيويه والجرأه على انحاء المنزل, وهذا التصميم راح يساعدنا بشكل كبير على توزيع وتقسيم غرف النوم بشكل عملي. مثال على ذلك, ممكن كل غرفة نوم تحتوي على سرير ومكتب دراسه للاولاد بطريقه بحيث ان اللي يكون نايم عالسرير ماينزعج من الشخص اللي قاعد عالمكتب.
من وجهة نظري التوزيع محتاج بعض التعديلات لان مسارات الحركة مشتتة وهذا الي خلاني افكر ان البيت فيه اكثر من عايلة
وفي الاصل المهندس المعماري هو الي يحدد الخطوط العريضة للتصميم ويخلق الفراغ عشان المصمم الداخلي ياخذ الفراغ و يكيفه على حسب احتياجات المالك
وبخصوص المطبخ الداخلي اللي بالطابق الارضي, المطبخ مصمم على انه يكون بانتري كبير اكثر من ماهو مطبخ بمعنى الكلمه, contemporary . تجهيز الاكل اللي يستوجب طباخ راح يكون بالمطبخ الخارجي. المطبخ الداخلي انعمل على اساس انه عامل رئيسي في اعطاء المكان رونق مختلف وليس كمطبخ اعتيادي.
صح كلامك عادة المطبخ الداخلي يكون تحضيري والطباخ يكون في المطبخ الخارجي
في ستايل كونتمبورري المطبخ يكون مفتوح او متصل بالجلسة العائلية
و طاولة الطعام تاخذ ديزاين المطبخ اذا ما كانت متصلة فيه ما يصير نفصل بينهم
وللتوضيح, ladies majlis هو مجرد مسمى على الخرايط وهو ليس مجلس للحريم بشكل فعلي. المكان بيكون قعدة أهل البيت اليوميه. وتعمدنا انه يكون مفصول ولكن مطل على المسبح الداخلي وذلك لاغراض saftey . وكما موضح بالجهه الاخرى وجود المجلس وصالة الطعام للضيوف مطله أيضا على المسبح بحيث اذا كانت في عزيمه او حفله عائليه, نقدر نفتح جميع الصالات على بعضها ويكون المسبح هو المحور الرئيسي, صاله ينحط فيها الاكل وصاله للقعده وصاله لاغراض الترفيه.
طيب المسبح محتاج شورات جنبه و غرفة تبديل
افكر لو كان في بوول بارتي ، شلون بيكون الوضع
مكان القعدة اليومية حلو وحجمه مناسب بس لو دخلنا جزء من لوبي اللفت وحطينا فيه خزانة
بنحافظ علي نظافة و ترتيب المكان
الماستر روم تعمدت انها تكون كبيره بحيث راح تتقسم بشكل مفصل مابين couching area & hot office وراح تنفصل عن المساحه اللي فيها سرير بواسطة فاصل خشبي. وبنفس الوقت احتجنا هذه المساحه الكبيره لوضع سرير اضافي للاطفال اللي اعمارهم اقل من 5 سنين قبل ماينفصلون في غرف بروحهم. بالاضافه الى ذلك.
حلوة الفكرة :victory:
وبخصوص الاصنصير, بالبداية لم نضع بالحسبان عمل اصنصير لسبب ان مانبي نعود اطفالنا على استخدامه بشكل دائم ونعودهم على الرباده والكسل. ولكن باللحظه الاخيره وبعد انتهاء التصميم قررنا وضع مكان للاصنصير احتياطاً واعتقد وجوده اصبح ضروري وخاصه لكبار السن.
فعلا صار ضرورة ، لكن هذا مب معناه نحذفه ورا
بما ان البيت فيه اطفال يفضل اللفت يكون في مكان واضح وينحط عليه قفل
وبخصوص غرفة النوم اللي موجوده بالطابق الارضي بجانب المجلس الداخلي ومساحة غرفة الطعام, هذي الغرفه راح تكون للضيوف + للأهل لبعد الولاده. واعتقد مكانها ممتاز لانها قريبه جدا من مجلس الضيوف للحريم.
مشكلتها الحمام وانت بكرامة خارجي و مفصول عنها بمغاسل
والمغاسل المفروض مكانهم يكون قريب من غرفة الطعام مب المجلس
اخيرا كثرة المداخل بالنسبة للبيت تشوفه سيفتي وانا اشوفه رعب
بما ان البيت فيه يهال افضل ان ما تكون في مخارج في اكثر من اتجاه
لان لو كان معاهم شخص كبير وانشغل في جزء من البيت ممكن يطلعون من الصوب الثاني
sweet qatar
20-09-2016, 01:40 AM
متابع للموضوع
95% من ملاحظات sweet qatar مؤيد لها وبقوة .
بخصوص العمدان الي بالمنتصف اذا نقدر نستغني عنها بعمل سقف هوردي او فلات سلاب !!!!
اما فاصل من كل طرف ضدة لان ميزة هذا التصميم الامتداد البصري لدور الاول مفتوح .
في الغالب ماحب اتدخل في التصاميم لانة كل تصميم له وجهة نظر مختلفه .
وشكرآ
شكرآ علي التأييد أستاذ :)
مثل ما ذكرت قبل المساحات المفتوحة تكون اصعب عند التأثيث وما تكون عملية اذا البيت يستقبل ضيوف بشكل مستمر
من جهة ثانية فكرة الفواصل تخيلتها مع الاضاءات مثل اجواء السبا
هي ما تحجب الرؤية بقدر ما تزيد المكان فخامة و تعزز الستايل
و على الموضة مثل ما شفنا في معرض ميزون اوبجيه
اختلاف الاذواق شي طبيعي ، لو بفكر في اذواق الناس ما بقول رايي :o
ما قصرتي بنقاشج وملاحظاتج القيمة وغالبيتها فكرت فيها
حاولت قد ما اقدر تعديل الممكن بقواطع بسيطة
لاحظت حسب الرسم اللي يوضح خطوط الجسور الساقطة ان العمود الدائري في المدخل مب حامل للجسر ويمكن يحتاج تحريك قليل
طبعا ما حركت اي عمود عدلت اقل ما يمكن الا الملحق غيرت مكان الأعمدة الوسطية
ناقشت فلسفة التعديل ولو فيه مصمم انترير لازم يقرا الموضوع بتركيز ويقرر على اساسه مع المالك
شكرا استاذ علي تشجيعك الدايم :)
بس ترى العامود حلو لو تمت تكسيته بالشكل المناسب يزيد المدخل فخامة
معماري قطري
20-09-2016, 02:53 AM
ما شاء الله ما انتبهت للمشاركات
رد على اختي سويت قطر بخصوص غرفة التبديل والشاور انا حطيتهم في التغيير الأخير للدور الأرضي .. سكرت الفتحة اللي تودي على المغاسل وسويت كرسي للجللوس للتبديل وفوقه بارتفاع مناسب تكون الصناديق أو ببساطة تعليق للملابس
إستوى حمام المجلس قرب غرفة الضيوف هو الخاص بالمجلس وقريب من غرفة الطعام والصالة اللي بتكون مفتوحة للبوفيه وحمام اللوكرز يعتبر بعد ثانوي
http://i.imgur.com/kSi9uPU.png
هذي يمكن أوضح ومركزة على المنطقة
http://i.imgur.com/UNmyum9.png
يمكن مراجعة الرسومات من التلفون أو اللابتوب مب واضحة تاخذها على فلاش ميموري وتروح مكتبة تطبعها على حجم كبير أفضل وتدرسها صح .. مع إن شرحي واضح إن شاء الله
معماري قطري
20-09-2016, 03:07 AM
بالنسبة للسقف وارتفاعه متوقع التصميم الإنشائي يكون مزعج ويسوون جسور ساقطة والا بيطلع حلو لو كلها تتسكر بطبقة جبس وينعمل تصميم مبتكر للجبس يحط في اعتباره الجلسات ويخفي الأبيام بطريقة حلوة
الإرتفاع محدودين بحدود الدرج وما نقدر نزيد وايد نحسب العتبات ونضربها في ارتفاع كل عتبة .. وأكثر من 15 سم المفروض ما نسوي 14 أو 13 ارتفاع حلو لكل عتبة
درج الخدمات ما اتوقع البلدية يرفضون يكون واصل لتحت لو المالك كلمهم ووضح وجهة نظره .. والخطر الكبير على الأطفال هو حوض السباحة حتى عقولهم تصور لهم إن ممكن القفز من الفتحة لين الحوض
خطر الحريق لا قدر الله لازم تكون فيه انذارات في كل الغرف ومشبوكة مع بعض لتحذير النايمين .. والا مهما كثرت المخارج أغلب الوفيات تصير والناس نايمين وغافلين .. المشكلة الثانية الحمايات على النوافذ تمنع الخروج مثل ما تمنع الدخول
المخارج ما فيها شيء وحلوة وتؤدي غرض مهم .. بالنسبة لمجلس الحريم بما إنه عائلي أكثر ووراه الحوش بمسافة 3 متر والزراعة طبيعي تكون قرب السور مثل ما وضحت نقدر نسوي تظليل خشبي وباب قزاز كبير لفتح المجلس أكثر ناحية الخارج مثل البلكونة
معماري قطري
20-09-2016, 10:36 AM
بالنسبة لدكتات تغطية البايبات ذكرتها وهذا تفصيل للكل سواء بايبات مطر أو صرف صحي ما تحتاج تعقيد زايد .. أما نسويها في تجويف الحائط لو عندنا الحائط عريض ومعزول في الجهة الخارجية أو نسوي دكت بالطابوق ما تزيد عن 20 سم ومغطاة بمارين بلايوود عليه شبك وبلاستر ويبين نفس الحائط مع ترك فتحات التسليك تبين وهي صغيرة بقطر 10 سم تنفتح وينعمل التسليك لو احتدينا عليه .. بايبات التغذية تكون 2 لكل حمام أو 3 لو عندنا تدوير للماء الحار أو 4 لو التدوير للحار والبارد وعرض 60 سم كافي لكل هذي البايبات مثل التوضيح اليسار
اليمين اختيار الاستشاري والتغطية بالجي ار سي المشكلة ما تكون متجانسة ومنظرها مب أحلى من سطح متجانس من نفس المادة وبروزه قليل وبعدين لو فيه خراب أو شيء بنكسر الجي ار سي
طبعاً في الحالتين تنعمل الدكت بالطابوق وتكون مشبوكة مع الحائط أثناء بنيانه
http://i.imgur.com/a9UXzc5.png
معماري قطري
20-09-2016, 10:42 AM
ما ننسى اليمين شوي عميقة وفتحة الوسط مضيقة بالطابوق واليسار تفصيل أفضل بكثير للصيانة .. كل ما على عامل الصيانة يكسر شوي البلاستر ويزيل البلايوود ويشتغل ويرجع يسوي جديد برخيص وبسهولة
سعود.
20-09-2016, 10:42 AM
اخوي بوعبدالله
اسمع دوم عن بيب الماء الثالث ( الراجع ) لسخان الماء المركزي تشوفة ضروي ؟؟
معماري قطري
20-09-2016, 11:59 AM
اخوي بوعبدالله
اسمع دوم عن بيب الماء الثالث ( الراجع ) لسخان الماء المركزي تشوفة ضروي ؟؟
هو حتى ما تنتظر الماي يجيك بس المشكلة مكاين التدوير تحترق بسرعة ولا تنتبه لها ولازم العزل للبايبات حتى يبقى الماء حار
على طريقة الدكت اللي شرحتها لو نضيف فتحات صغيرة تحت وفتحات فوق لدخول الهواء البارد من تحت وخروج الهواء المحتكر والحار من فوق بنكون خففنا الضغط الحراري على البايبات .. واحتمال نحتاج سيركيوليشن حق البارد والحار
ضروري تشوف مضختين نوعية جيدة أو أربع مضخات لو للبارد والحار تشتغل كل وحدة فترة بالتناوب لكل خط .. لو تنضبط ساعتين أفضل أتوقع
سعود.
20-09-2016, 12:17 PM
هو حتى ما تنتظر الماي يجيك بس المشكلة مكاين التدوير تحترق بسرعة ولا تنتبه لها ولازم العزل للبايبات حتى يبقى الماء حار
على طريقة الدكت اللي شرحتها لو نضيف فتحات صغيرة تحت وفتحات فوق لدخول الهواء البارد من تحت وخروج الهواء المحتكر والحار من فوق بنكون خففنا الضغط الحراري على البايبات .. واحتمال نحتاج سيركيوليشن حق البارد والحار
ضروري تشوف مضختين نوعية جيدة أو أربع مضخات لو للبارد والحار تشتغل كل وحدة فترة بالتناوب لكل خط .. لو تنضبط ساعتين أفضل أتوقع
اشكرك مع اني شطحت عن موضوعك .
انا ناوي اخذ سيستم تدمر بدون المبرد حقهم ( اكوتشيل ) عندي من سنين مركبة خرباته كثيرة .
من 3 شهور تقريبآ ركبت عازل لبيبات الماي الممدودة على السطح عازل نفس الي يتركب على بيبات الغاز حق المكيفات الاسبلت وماكان فيه فرق واضح . عقبها ركبت المروحة الي تركب مكان غطاء الخزان العلوي وصار الماى مضبوط يعني اساعه 2 اظهر تسبح وانت مستمتع . والبزران مايشتكون من شي
وناوي في البيت الجديد اركب عازل نفس الي بصورة ادناه . 9825198252
الاسود هو الي مركبه حاليا والفضي هو الي ناوي عليه مستقبلا
معماري قطري
20-09-2016, 01:30 PM
الله يوفقك إخوي سعود بالعكس الموضوع للمراجعة ولترتيب التصميم وكل ما يتعلق به
العازل الفضي أكيد أحسن وداخل الدكت بينفع أكثر وحلك جيد بالمروحة
كم يكلف العازل ؟ دوم اللي عنده معلومات محدثة ليبخل علينا وفي ميزان حسناتكم إن شاء الله
معماري قطري
20-09-2016, 02:01 PM
بالنسبة لعدد العتبات للدرجين 27 عتبة ولو سويناها بإرتفاع 13 سم بنحصل صافي ارتفاع 3.51 متر ولو خليناها 14 سم بنحصل 3.78 متر وهو مناسب جداً ومريح ال 15 سم بيطلع متعب
تكلمت عن الجسور الداخلية والجبس وعن العمود الدائري اليسار وكيف متحرك عن الجسر فوقه وهذا رسم توضيحي للجسور بالأحمر المتقطع ونقدر نحرك العمود الدائري ليكون تحت الجسر مباشرة مثل اليمين ونحركة شوي جهة حوض السباحة حتى يكون في زاوية الجسر
الجسر لو بقى مكشوف ونازل شوي شكله بيكون محدد المساحة اللي تحته بدون ما يعيق الفضاء المفتوح وممكن تجي زوايا جبس زينة في التقاء العمود بالجسر .. الفتحة لغرفة غسيل اليد يستحسن تكون مقابلة المغسلة الوسطى والعمود قربها يتحرك شوي يجي حامل للجسر
المدخل ما دام مركزين على الفضاء المفتوح والاتجاه البصري لو نسويه سيدة وزجاج بيطلع وايد أحلى ومرتب ونقدر نضيف رامب بسلوب حول 20% شوي مزعج بس ينفع وما يتعارض مع الحوش
http://i.imgur.com/hPxx1TN.png
سعود.
20-09-2016, 02:18 PM
[b]الله يوفقك إخوي سعود بالعكس الموضوع للمراجعة ولترتيب التصميم وكل ما يتعلق به
العازل الفضي أكيد أحسن وداخل الدكت بينفع أكثر وحلك جيد بالمروحة
كم يكلف العازل ؟ دوم اللي عنده معلومات محدثة ليبخل علينا وفي ميزان حسناتكم إن شاء الله
المروحة 1400 ريال بس لازم حولها نقطة كهرباء .
العازل الاسود كامل مع شغل اليد حول 300 ريال موجود في اي محل ادوات صحية والي يبي شغل سوبر كول يرفع البيبات الماي عن السطح يجي لها ستاند صغير ترتفع تقريبا 3 سم عن السطح لان السطح حااااار .
الفضي مبطن ( بصوف صخري ) يعني عزل مثالي جدا
ونرجع للتصميم
معماري قطري
20-09-2016, 02:26 PM
تقريباً هذي الصورة اللي بتكون عليه التعديلات لمكان الأعمدة الدائرية
لاحظت ضرورة عزل منطقة الحوض بسبب وجود أطفال وعمل باب ألمنيوم أو يو بي في سي ممكن بس نضطر نلغي درج الخدمات .. حركت باب غرفة الضيوف جهة الحوض
عدلت على لوحة سابقة والمفروض حمام مجلس النساء يكون مثل قبل غرفة تبديل ملابس وحمام بشاور
http://i.imgur.com/KzIVNxq.png
معماري قطري
20-09-2016, 02:29 PM
المروحة 1400 ريال بس لازم حولها نقطة كهرباء .
العازل الاسود كامل مع شغل اليد حول 300 ريال موجود في اي محل ادوات صحية والي يبي شغل سوبر كول يرفع البيبات الماي عن السطح يجي لها ستاند صغير ترتفع تقريبا 3 سم عن السطح لان السطح حااااار .
ونرجع للتصميم
صادق السطح توصل حرارته ل 70 درجة مئوية بسبب انعكاس الشمس عليه
sweet qatar
21-09-2016, 12:09 AM
المخارج ما فيها شيء وحلوة وتؤدي غرض مهم
انا ضد هالكلام لسببين
الاول وجود اطفال في البيت مثل ما ذكرت قبل
ثانيا وجود غرب في البيت ( خدم و دريولية )
ولاتتوقعون الحل في الكاميرات
معماري قطري
21-09-2016, 05:35 AM
انا ضد هالكلام لسببين
الاول وجود اطفال في البيت مثل ما ذكرت قبل
ثانيا وجود غرب في البيت ( خدم و دريولية )
ولاتتوقعون الحل في الكاميرات
الدريول له غرفة برا وبابها صوب الشارع والخدم فوق بس لو يتعب شوي المالك مع التخطيط بيمشي طلبه في الدرج المتواصل للأرض
مشكلته الرطوبة بتتكثف على الدرج وبتوصل لفوق
لو يمشون له عمل الدرج ممتد جهة الحوش وبابه جانبي ودرايشه كذلك بيكون احلى وبيقدر يسكر جدامه بقزاز
حل ممكن يكون غريب شوي يركب شتر على الحوض ينقفل ويكتفي بنظام السكيمرز بدال الأوفر فلو
معماري قطري
21-09-2016, 08:17 AM
غيرت مكان اللفت حتى ما تزعل مهندستنا سويت قطر
إستوى عندنا مخزن قرب المطبخ واستوى حوض السباحة ممكن ينقفل عليه بالكامل .. الدرج استوى بس واحد والمصعد معاه
قبل الدرج متعدد الأضلاع كان مفتوح وبيسبب انتقال الصوت ألحين حتى بيت الدرج ممكن فصله بباب وممكن ترتيبه حسب الوضع الجديد والارتفاع المرغوب
أشوف المساحات مستغلة أفضل ومكان المصعد أحسن وأحلى وقريب من الكل
http://i.imgur.com/dg894LN.png
الدور العلوي مكان الدرج ممكن يكون مكتب زجاجي هادي ومب موحش حق العيال ويترتب بطاولتين وأرفف للكتب .. والغرف كلها فيها مساحة حتى بعضها لمكتب فخم وكبير
ما زلت اشوف وجود صالة تلفزيون فوق ضرورية خصوصاً المساحة تسمح وحتى نقدر نسويها هوم ثييتر مصغر لو حبينا بعمل باب لها وجدران ماصة للصوت .. عادية وبباب مفتوح ممكن للصوت العادي ولازم حد يحب يتابع التلفزيون أثناء نوم الباقي وفوق قريب وسهل .. وما ننسى عندنا الفتحة المطلة على الحوض فوق وعندنا السكايلايت اللي بينور الدور العلوي أكثر وتدليع العيال وباقي أهل البيت بريوق فوق شيء حلو بعد
إستغلينا المساحة خلف اللفت حق غرفة ملابس أو مخزن والغرفة كبيرة ممكن نفصل لها غرفة ملابس بباب لو حبينا قبل الحمام
http://i.imgur.com/ll1ETfk.png
كلها كانت مقترحات وانصح المالك بالتمعن فيها أَكثر وحتى لو نسخها على فلاش ميموري وحطها على تلفزيون كبير وفكر فيها صح
شيء أخير لو فيه كنترول على الرطوبة وانا قست الرطوبة في بيت اخوي كانت على الحجر القريب حول 30% وبعيد تنزل أقل .. وهو بيته على شكل حرف اليو والحوض في الوسط والمساحة كبيرة وفوق سقف قزاز وفوق هذا مركب جهازين لسحب الرطوبة قيمة الواحد 25000 .. المهم لو فيه كنترول ممكن عمل شلال ينزل على الحوض بس يشغل في أوقات معينة أو على الوضعية هذي إكمال حياة الماء بنافورة في الدور العلوي قرب المصعد .. بيكون الداخل حق فوق يشوف النور الطبيعي والماء ويطلع على مساحة كبيرة ونفس الشيء تحت مقابل اللفت حائط زجاجي وحوض السباحة والماء والنور القليل المتسلل من فوق يعطي بهجة
http://i.imgur.com/ll1ETfk.png
الله يوفق المالك ومستعد لأي اقتراح آخر
معماري قطري
21-09-2016, 08:32 AM
الحل الثاني اللي ذكرته قبل بمد بيت الدرج جهة الحوش على ما هو مخطط 1.45 متر ممكن ما يتوافق عليه بس اللي قبل بيكون أحلى وعملي أكثر وجمالي أكثر وحتى بتكون غرفة الخدم مكانها والصالة الرياضية مكانها
المصعد بيكون خاص بالعائلة بس وبدون ما يروح للبنتهاوس
نشوف المقترح اللي فيه شوية مغامرة واحتمال عدم الموافقة
http://i.imgur.com/62VWDns.png
حل مشكلة اغلاق الحوض عن العيال بس موقع اللفت غلط وكلنا متفقين عليه وبذاك الحل وفرنا مخزن للمطبخ الداخلي وهو ضروري وترتبت الغرفة فوق والصالة
معماري قطري
21-09-2016, 08:35 AM
حتى غرفة السونا وغرفة بخار لو حاب المالك ممكنة بسهولة ومتصلة مع حوض السباحة
معماري قطري
21-09-2016, 09:13 AM
لو حبينا نسوي سونا أو ستيم روم نلغي غرفة الكهرباء ونخليها كبت في الحائط ونوسع شوي بتستوي خدمات حوض السباحة كاملة .. الستيم ممكن يكون شاور وستيم مزدوج وحتى بلاطة صاخنة للاسترخاء والمكان كافي حق عدد من الأشخاص والباب زجاج حتى ما تخربه الرطوبة ويبين اللي داخل بس البخار مب مخليه يبين
http://i.imgur.com/yt1kOOy.png
sweet qatar
21-09-2016, 11:32 AM
الدريول له غرفة برا وبابها صوب الشارع والخدم فوق بس لو يتعب شوي المالك مع التخطيط بيمشي طلبه في الدرج المتواصل للأرض
الدريول برا بس الخدم داخل البيت
وهذا الي اتكلم عنه لحفظ امان البيت من الغرباء
شفت بعيني فيديو تجنبوا فيه الكيمرات و دخلوا البيت و سرقوه ، الدريول والخدم كانوا متعاونين معاهم
ان ما خاب ظني كان في الخور
و بيت خالي الخدامة كانت تدخل رياييل لان البيت كبير و مداخله كثيرة
والدرج عنده كان مفصول يعني دورين و دور البيسمنت درج منفصل محد كان يحس فيها
مع انهم يكونون قاعدين فوق
اذا بكمل لك سوالف بتمسك راسك
الكيمرات ما تنفع وايد في هالحالات لانك بكل بساطة ما بتقعد ظ¢ظ¤ ساعة تراقب
غيرت مكان اللفت حتى ما تزعل مهندستنا سويت قطر
إستوى عندنا مخزن قرب المطبخ واستوى حوض السباحة ممكن ينقفل عليه بالكامل .. الدرج استوى بس واحد والمصعد معاه
قبل الدرج متعدد الأضلاع كان مفتوح وبيسبب انتقال الصوت ألحين حتى بيت الدرج ممكن فصله بباب وممكن ترتيبه حسب الوضع الجديد والارتفاع المرغوب
أشوف المساحات مستغلة أفضل ومكان المصعد أحسن وأحلى وقريب من الكل
http://i.imgur.com/dg894LN.png
الله يعز خاطرك استاذ
بس ما اقتنعت بمكان اللفت الجديد :)
معماري قطري
21-09-2016, 01:04 PM
معاج حق الأمن صعب واللي بيسوي شيء بيقدر بسهولة والخدم شر لا بد منه
لو تشوفين البيت محكوم بشكله من البداية والتعديلات كلها داخلية بسيطة بما إن المالك يبيه ومقتنع فيه .. كذلك الحوش مليان وصعب نحصل غرفة للخدم ولو حطيناهم في الحوش مجال المشاكل أكثر
مكان المصعد الجديد أفضل من قبل بس مب أحسن مكان
شرايج بخدمات حوض السباحة وغرفة البخار؟
sweet qatar
21-09-2016, 02:55 PM
معاج حق الأمن صعب واللي بيسوي شيء بيقدر بسهولة والخدم شر لا بد منه
لو تشوفين البيت محكوم بشكله من البداية والتعديلات كلها داخلية بسيطة بما إن المالك يبيه ومقتنع فيه .. كذلك الحوش مليان وصعب نحصل غرفة للخدم ولو حطيناهم في الحوش مجال المشاكل أكثر
مكان المصعد الجديد أفضل من قبل بس مب أحسن مكان
شرايج بخدمات حوض السباحة وغرفة البخار؟
بالنسبة لمكان المصعد
المالك يبيه بعيد عن مجال الاستخدام
واحنا عندنا الجناح الايمن من البيت هوت سبوت :) فلو حطيناه على الطرف الثاني أفضل
خدمات حوض السباحة و الساونا ممتازة :victory:
مب عاجبني وجود حمام سباحة بدون كراسي حوله
اعتقد بمساحة الارض و استعداد لتحمل تكلفة عالية ممكن التصميم يكون بمستوى مختلف جدا
ممكن يتنفذ بستايل المودرن والكونتمبرري بفراغات مدروسة لكن عملية
الي شفته في صورة المسبح نيوكلاسيك
اعذرني اخوي بلوزيركون تعليقي بالنسبة للتصميم بشكل عام
اما تصميم بيتك طالما هو عاجبك فهذا الاهم
معماري قطري
21-09-2016, 11:47 PM
بالنسبة لمكان المصعد
المالك يبيه بعيد عن مجال الاستخدام
واحنا عندنا الجناح الايمن من البيت هوت سبوت :) فلو حطيناه على الطرف الثاني أفضل
خدمات حوض السباحة و الساونا ممتازة :victory:
مب عاجبني وجود حمام سباحة بدون كراسي حوله
اعتقد بمساحة الارض و استعداد لتحمل تكلفة عالية ممكن التصميم يكون بمستوى مختلف جدا
ممكن يتنفذ بستايل المودرن والكونتمبرري بفراغات مدروسة لكن عملية
الي شفته في صورة المسبح نيوكلاسيك
اعذرني اخوي بلوزيركون تعليقي بالنسبة للتصميم بشكل عام
اما تصميم بيتك طالما هو عاجبك فهذا الاهم
ممكن يتحول الشكل لمودرن بسهولة وحتى الحوض يستحسن يكون مستطيل بخطوط مستقيمة ومقاربة للفتحة فوقه
كنت افكر في المدخل والمنطقة المفتوحة لو سوينا السقف قطعة جبس بمستوى واحد توصل للحائط وتوقف قبله بشوي وبدون كورنيش بيكون تصميم حديث وبيكون عندنا ما يسمى flow of space بتكون المنطقة متواصلة بنفس النمط من أرضيات وسقف
3.3 ارتفاع صافي للجبس بيكون مناسب أو حولها لو زاد الارتفاع بيخترب الديكور .. طبعاً بعض الجسور النازلة ضرورية حتى لو تنعمل طابوق وجسر حامل تحته صغير .. بعد هنا يستحسن تكون بخطوط مستقيمة وممكن فرزة معينة بس بدون عناصر كلاسيكية
الألمنيوم يكون بلون قوي ولامع وجريء في نفس الوقت .. اتصال العمدان والجسور مع السقف يكون من النوع اللي ما يكون معاه اتصال في الجبس الجبس معلق ومفصول من الأطراف والإضاءَة الجانبية مخفية وممكن قرب الأعمدة الدائرية تكون بلون غير أزرق مثلاً وخافتة + إِضاءة السبوتات بدون أي ثريات
حتى الدرابزين فوق في الفتحة المطلة على الحوض يستحسن يكون زجاج وألمنيوم .. الزجاج لو اللي بشريحة بلاستيك وسطية laminated وضد الكسر بيكون أفضل حل والألمنيوم اللامع فريم له .. ونقدر ننقله للدرج بعد أو الدرج للتوفير وبما إنه جانبي نقدر نسويه بحايط خرساني وسطي بسمك 10 سم أو خرساني وطابوق وبفجوات هندسية حلوة حتى ممكن تكون وسيعة بتشكيلات مثل النجمة الثمانية أو ببساطة فتحات مربعة فيها زجاج ملون وإنارة مخفية
بالنسبة للأبواب للحوض للدور الأرضي نقدر نسويهم كهربائيين ومنزلقين لأعلى بس التكلفة يتكون كبيرة وحتى نقدر نسويهم بدون فريم
حل ثاني نمشي على مبدأ الجدار والفتحات الجدارية بين صغيرة وكبيرة وزجاج شفاف وزجاج معتم وملون وهذي أكيد تحتاج دراسة وخطة واضحة وبتخلي الحوض شبه معزول
الخارج نسويه متناسب مع الداخل ونفس نوعية الألمنيوم ولازم نسوي فتحات نوافذ مناسبة لكل غرفة وفي رايي نبتعد عن السيمتري وعن الترتيب المتطابق للدرايش ونخليها أكثر مودرن
sweet qatar
22-09-2016, 01:48 PM
جميل
غرف الساونا مكلفة وما تستخدم وايد رغم اهميتها
ياليت نطرح الخيارات الموجودة ، بالنسبة للساونا ، الستيم والجاكوزي
وهل بنحصل في السوق الستيم الي ينحط مع الشاور ولا لازم غرفة كاملة ؟!
معماري قطري
22-09-2016, 03:12 PM
جميل
غرف الساونا مكلفة وما تستخدم وايد رغم اهميتها
ياليت نطرح الخيارات الموجودة ، بالنسبة للساونا ، الستيم والجاكوزي
وهل بنحصل في السوق الستيم الي ينحط مع الشاور ولا لازم غرفة كاملة ؟!
الستيم وايد زين خصوصاً لو فيه مساحة .. قيمة الجهاز السويدي من النزيه أو غيره بحدود 5000 ريال قطري وباقي الغرفة تحتاج تبليط أو رخام أو خشب زين معالج ضد الرطوبة .. الرخام ممكن نمدد بايب البخار تحته حتى يستوي صاخن وينسدح عليه الشخص يصخن ظهره .. الأتراك والمغاربه خبراء في حمامات البخار
البخار يخلي الجسم يعرق وهو رطب السونا العكس تجفف الجسم .. لو نستقطع شوية مساحة بعد من المجلس نقدر نسوي طاولة مساج وفرك للجسم أو ممكن نوسع حول نص متر بس ونحط الطاولة تنفتح وتتسكر في غرفة الملابس
معماري قطري
22-09-2016, 03:16 PM
ليش انا خليتها مثل الغرفة؟
حتى يكون بيب البخار بس اللي داخل والباقي بلاط حتى الكرسي أو رخام والجهاز صغير يتثبت في الطوفة من برا .. والماي قريب بايب من الحمام
معماري قطري
11-10-2016, 11:47 AM
تصميم جديد وفيه شوية غرابة عن التصاميم الدارجة باعرض لكم أول التوزيع الأرضي مثل ما سواه المهندس ونتناقش فيه وباعرض التعديلات المقترحة مني
هذي صورة تصميم الاستشاري للحوش ووضعية المنزل .. بدون ملحق والأرض 30 في 40 على شارع وسطة يسار
http://i.imgur.com/m0koymR.png
معماري قطري
11-10-2016, 12:13 PM
الدور الأرضي والبيت فيه أفكار طيبة بس البرزنتيشن يفترض من الاستشاري يكون أحسن .. حتى الكتابة حاط أسماء الغرف بالعربية والانجليزية فوق بعض وهذا استشاري مب من قطر
http://i.imgur.com/at4Q3aB.png
سعود.
11-10-2016, 12:42 PM
الارض حجمها زين بس
والله حرام يصمم كذا . احس التصميم راح يجلب الكأبه لصاحب المنزل .
الله يعينك يابوعبدالله اذا بتعدل فيه . من رائي المتواضع يغير التصميم احسن
معماري قطري
11-10-2016, 01:42 PM
الارض حجمها زين بس
والله حرام يصمم كذا . احس التصميم راح يجلب الكأبه لصاحب المنزل .
الله يعينك يابوعبدالله اذا بتعدل فيه . من رائي المتواضع يغير التصميم احسن
حياك الله اخوي سعود
البيت فيه موقفين للسيارات بس .. وباب دخول أفراد البيت من جهة الحوض .. يعني يلف الواحد لفة طويلة .. الأرض يسارها سكة 6 متر والعادة هذي تكون للخدمات بس المالك يقول بيوقف السيارات فيها ولا ادري لو يصير أو لا
الله يعين المالك شكله حاب التصميم وناوي يسويه ويصير بإذن الله بس يبي له تعديل .. حتى ممكن نصغر شوي في المساحات ونحافظ على مبدأ التصميم والله يعينه على الموافقات .. هو بروحه متوقع تعليقات قوية بس ان شاء الله نسهل عليه
سعود.
11-10-2016, 02:43 PM
الله يحيك اخوي بوعبدالله
متابعين بصمت .
sweet qatar
11-10-2016, 03:41 PM
كأن التصميم كويتي ؟؟
اول شي لاحظته ان المطبخ صغير
اذا كان البيت بدون ملاحق معناه ان المطبخ هذا رئيسي ، يحتاج مساحة اكبر ومدخل ثاني بعيد عن صالة البيت
صالة المعيشة ما فهمت المكان جدام كراسي البار ، عبارة عن شنو !!
غرفة الخدامة وايد صغيرة و حمام الغرفة تكرمون وااايد صغير
ومادري الحمام والمغاسل الي ملاصقتهم تخدم شنو بالضبط !!
اعتقد لو نكنسل المغاسل ونقسم المساحة على حمامين واحد للخدامة وواحد للصالة بتكون المساحات افضل
بعد ما فهمت سالفة مدخل غرفة الطعام الخاصة بمجلس الرجال !! و غرف النوم تابعة حق من الضيوف ولا اهل البيت !!
مادري انا دايخه ولا التصميم يدوخ !!
معماري قطري
11-10-2016, 08:02 PM
هلا فيج اختي سويت
معاك حق في تساؤلج والبيت كبير يحتاج خدامتين اقل شيء
عرض الصالة حول 12 وطولها كبير ونقدر نقسمها افضل
فكرة البيت كل ما ارتفعنا تقل مساحة البناء وباحط باقي الأدوار الليلة وباكمل شوي من اللي مفكر فيه
المجلس وغرفة الطعام مدخلهم غير وقرب موقف السيارات ومدخل العائلة من صوب الحوض ولازم يمشي الواحد مسافة .. لو مدخل البيت مشترك مع المجلس احلى والثاني يكون ثانوي لو المجلس مشغول
معماري قطري
11-10-2016, 08:25 PM
هذا الدور الأول الجزء اللي فيه المستطيل الرصاصي هذا بدون سقف بس جدران مرتفعة ومنطقة مزروعة .. ولو سوى الزراعة قريب من الأطراف بيكون فتح المساحة الوسطية وخفف تأثير وزن الاصيصات أو أحواض الزراعة لأن في الوسط تأثيرها يكون كبير على السقف وفي الأطراف قرب الجسور والحوائط وتأثيرها أخف .. مثل الميزان كل ما طول كتفه كل ما صار تأثير الوزن الخفيف كبير وممكن يرفع وزن أثقل منه
http://i.imgur.com/Ut5YZc9.png
معماري قطري
11-10-2016, 08:35 PM
دور السقف وفيه غرفة وصالة ومكتب وبنحتاج كذلك لغرفة تانكي
لو تم تحريك المكتب يسار والتخطيط فرضاً يسمح وتم فتح دريشة تطل على الحوش المفتوح والمسبح أحلى
http://i.imgur.com/4Knw5ED.png
معماري قطري
11-10-2016, 08:52 PM
مساحة الدور الأرضي 626.3 متر مربع على مساحة الأرض 1200 تعطينا نسبة بناء مسطح 52.2% .. نسيت المسموح 40% أو 60% .. اللي يتذكر يأكد المعلومة
الأول 544 متر مربع بعد مساحة مب بسيطة
السقف 166.6 بمجموع صافي مساحة بنيان = 1336.9 متر مربع ولكم حسبة التكلفة على هذا الوقت المتر المربع بالراحة بيطلع حول 3000 ريال وممكن يزيد صدقوني ما يقل وهذا لو تمت الموافقة على التصميم بحدود 4 - 5 ملايين
معماري قطري
11-10-2016, 10:28 PM
توضيح لمداخل البيت وموقف السيارات .. خذت مقاس السوبربان بالمليمتر وعدلت أبعاد سيارة عندي وحطيت الصورة يمين نلاحظ ما فيه مجال للحركة حول السيارة .. السيارة الثانية لكزس فيه مجال ضيق ولو بتفتح الباب الخلفي وباب الكراج ( الطبيلة ) مسكر بيضرب
http://i.imgur.com/IL1CyPz.png
معماري قطري
11-10-2016, 11:18 PM
أقل تصغير نقدر نصغرة وضروري هو تنقيص العرض متر من جهة ومتر من جهة وبتستوي عندنا مساحة الارتداد في مدخل السيارات 8 متر .. ومدخل السيارات ممكن نسويه لثلاث سيارات صوب الزاوية اللي صوب المجلس ومكان السيارات نخلي فيه تانكي الماي وممكن لو محتاجين غرفة سايق .. بهالطريقة تستوي عندنا منطقة الرجال الغرب وحدة والعائلة شبه مفصولة
مكان الإكس جنب الحوض يكون حق خدمات الحوض وممكن نضيف عليها مغاسل المجلس وحمامه بممر بباب وبعده باب بعد يطلع على الحوش
الحوض مساحته الداخلية مكتوبة صافية وحوله من ثلاث جهات جزء قليل العمق وأنزل من جدار الحوض يعني الحوض يبين شوي مرتفع ويكون الماي يصب من الجزء المرتفع للجوانب الثلاث ويبين جريانه من داخل .. عمق الجوانب حتى 60 سم كفاية والداخل 120 سم مع عتبة جلوس ظهرها جهة الزراعة والجالس يكون مقابل الغرف ويبين من الصالة
جلسة الصالة نازلة شوي والدرايش المفروض للأرض .. هذا رسم مبدئي أتمنى يكون أوضح والباقي حسب رايكم وراي المالك
http://i.imgur.com/zFGECaQ.png
معماري قطري
12-10-2016, 08:52 AM
الحمد لله اللذي أحيانا بعد مماتنا
نمت البارحة افكر في التصميم ومن فجر اشتغلت على الترتيبات اللي فكرت فيها وأشوفه كثير ترتب
صغرت العرض 110 سم والطول 200 سم 100 صوب المجلس و 100 صوب الصالة بدون تأثير على توزيع الأثاث
المطبخ كبرته حسب اقتراح اختنا سويت قطر وباقي تفاصيل اقدر اضيفها والا حسب احتياج المالك خصوصاً خدمات حوض السباحة
للمجلس بما إن فوقه سقف مزروع ممكن نخلي الزراعة جانبية ونسوي سكايلايت هرمي في الوسط بيطلع شرح أكثر .. والزراعة بين المجلس وطبيلة السيارات بتعطي منظر وجزء عازل وممكن نسوي يسار السيارات مواقف اضافية وممكن تكون هذي المنطقة حق خزان صرف صحي
استوت عندنا مساحة لإضافة غرفة خدامات وكذلك سايق وممكن نسوي حتى ستور جنب غرفة الخادمات بنحتاجه أكيد
http://i.imgur.com/AAtBk5Y.png
معماري قطري
12-10-2016, 12:11 PM
المساحات الحالية الاجمالية بعد التعديل 531.4 متر مربع للفيلا + لو سوينا خدمات للحوض حسب الإكس الموجود 12 متر مربع + 18.6 غرفة السايق + 14 غرفة الخدم تعطينا إجمالي 576 .. وعلى مساحة البنيان اتوقع يطلبون غرفة كهرباء ممكن تكون 2 متر مربع
باقي المساحات قلت بنسبة بسيطة بس لازم اسوي المخطط قبل حق الدور الأول والبنتهاوس حتى يتطابق مع تصغير الدور الأرضي
معماري قطري
12-10-2016, 12:43 PM
626.3 المساحة السابقة للأرضي ترتبت وانبنت غرفة سايق وغرفة خدم خارجية بمساحة اجمالية 576 وفرنا حول 50 متر مربع
الأول طلعت المساحة الإجمالية 393 من 544 وفرنا قريب من 150 متر .. والمساحة استوت 969 متر مربع غير عن مساحة البنتهاوس اللي قلت بعد عن 166 .. والمساحة الجديدة بتطلع بحدود 1100 متر مربع بإذن الله والمجال مفتوح للتقليل بعد
معماري قطري
13-10-2016, 09:07 AM
طبيعتي في التدقيق احط الأدوار جنب بعض والاحظ الاختلاف في الحوائط تحت وفوق وتأثير هذا على الشكل الخارجي .. كثير من الاستشاريين ما يهمهم ولا يطابقون الدورين على بعض وبعضهم المالك يطلب شيء معين وينفذون بدون تفكير في النتيجة وتأثيرها على الشكل
خلونا نشوف الدورين جنب بعض
http://i.imgur.com/nt1mp76.png
لاحظوا الخطين اللي فوق يحصرون المطبخ والغرفة اللي فوقه
اللي تحتهم الدرج واللي تحت المصعد
بعدين تجينا تحت غرفة بارتداد للدرايش لأن الارتداد من السر الخارجي مترين تحت وفوقها صالة يدون ارتداد تخيلوا الشكل شلون يصير لو تمت الموافقات على هذا الأساس .. الحلول الحين كلها موجودة على الورق وسهلة وباركز خلال الفترة الجاية على هذي الحلول .. مبدئياً باخلي الغرفتين فوق بعض حتى يكون الشكل صح من برا وباسوي الصالة فوق وسط بين الغرفتين .. لأن نية المالك يسوي أقسام لعياله لو تزوجوا وهذا شيء طيب والله يوفقه
معماري قطري
13-10-2016, 04:06 PM
تم الحمد لله تعديل الدور الأول وتنسيقه مع الأرضي
إستوى عندنا قسمين بانتري وواحد ممكن ينعمل له باب ويتسكر لو حبينا التحتي في الصورة .. وواحد لا مفتوح ومتصل مع كاونتر التلفزيون .. بيكون بسيط فيه ابريق الشاي وممكن مكينة قهوة ومايكروويف وثلاجة أهم شيء ومغسلة وكبت علوي فيه بعض الصحون وكبت سفلي .. اللي مفتوح بين الكبت العلوي والسفلي قزاز ثابت يطل على المسبح تحت
فوق قسمين كل قسم لأحد الأبناء وممكن حتى نقسمهم بباب .. الدرج اقدر احركه وأخليه وسطي وكل قسم يستوي مستقل يعني اللي يدخل ما فيه داعي يكشف الثاني
ألحين كل الحوائط تقريباً فوق بعض ويبينون بالخطوط الحمراء المتقطعة التوضيحية
http://i.imgur.com/zQh9LQy.png
معماري قطري
13-10-2016, 05:52 PM
بهالطريقة استوى ضروري نحرك حوض السباحة جهة الوسط ونسوي خدمات الحوض على جهة السور ونخلي كذلك المجلس له انفتاح على الحوض .. فكرت اخلي الحوض مرتفع على الحوش بحدود 1.4 متر وينزل الماي في القسم النازل مثل الشلال ويكون عائق للرؤية من المجلس وبنفس الوقت يبين من المجلس ويبين من الصالة ومن البيت من فوق .. درايش المجلس صوب الحوض ممكن نركب عليها ستاير مع إنها بتكون أحلى بدون ستاير للنور
http://i.imgur.com/ivvPMzc.png
صورة الدور الأول مع توضيح لموقع الحوض والاطلالة عليه من غالبية الجهات
الحوض مثل ما ذكرت ممكن يكون مرتفع وممكن بس الجزء الوسطي يكون طالع عن أرضية الحوش المرتفعة والماي ينزل في الجزء المنخفض واللي بمستوى أرضية الحوش أو يفرق 10 سم بس عن ليدخله ماي الغسيل أو المطر .. يعني عندنا الجوانب هذي تغطي عن خزان الاوفر فلو وسهل تنظيفها لأنها مكشوفة
http://i.imgur.com/DWEIGc1.png
معماري قطري
13-10-2016, 05:57 PM
البلكونات السقفية اللي فيها زراعة حوايطها مرتفعة وتغطي اللي فيها لكن جهة الحوض تكون فتحة كبيرة بزوايا جي ار سي أو تشكيلة حديد مشغول وكذلك جهة الزراعة بس الزراعة تغطي وتعطي خصوصية .. الفتحات بتعزز الشكل الخارجي
ممكن نضيف مخزن على الخدمات للحوض وكذلك غرفة سونا لو حبينا أو بخار
معماري قطري
13-10-2016, 07:39 PM
طريقة تصميم الحوض مثل هذي انا مصورها في تايلاند جزيرة ساموي .. وهذي حول 3 متر عرضها وطولها 5 أو 6 تقريباً .. هذي جهة وحدة ينزل الماي واللي في التصميم 3 جهات واحتمال تكون مرتفعة
https://www.youtube.com/watch?v=zdQnh3uDFyM&feature=youtu.be
معماري قطري
13-10-2016, 07:50 PM
هذي المساحات الداخلية صافية .. أول رقم اللي هو الأُفقي والثاني الرأسي
ممكن نصغر أكثر بدون خسارة توزيع الأثاث
http://i.imgur.com/tmn0WOP.png
معماري قطري
15-10-2016, 02:22 AM
تعديل على الساحة الوسطية سحبت الحايط متر فوق صغرت الصالة التحتية واللي فوقها بمقدار متر ونقصت المساحة الاجمالية حول 22 متر مربع
السبب حبيت تكون الجلسة الخارجية جهة الصالة العائلية أكبر شوي وحصلنا عرض 3.7 متر للتشمس أو لطاولة طعام صغيرة مع كراسي التشمس
الزراعة في هذي الساحة الوسطية ممكن تكون في اصيصات وممكن ورود بسيطة وشوية أشجار متسلقة ونسوي برغولا خشبية للشجر المتسلق قرب الصالة
http://i.imgur.com/PZ61VAp.png
معماري قطري
15-10-2016, 02:35 AM
هذي صورة مقربة لمدخل البيت والسيارات والمظلة حدودها الخط المنقط بالأحمر ( المتقطع ) ومثبتة على الحوائط وعمود واحد في الزاوية .. ممكن نسوي الحديد حق سقفها مخفي بواجهات اسمنتية أو بعوارض خرسانية فيها بعض النقوشات والتشكيلات الفنية
http://i.imgur.com/E7QiSN9.png
المنطقة فوق خزان الصرف الصحي ممكن تنزرع بعشب وفوقه قطع حجارة للمشي .. حتى كل المنطقة الأمامية بس نبتعد شوي عن الحوائط ونسوي عزل جيد ولو حبينا نسوي أرضية وقوف السيارات عشب ممكن توجد قوالب خاصة بلاستيك تثبت على أرض صلبة وتوضع فيها تربة زراعية هشة ينبت فيها العشب وبنفس الوقت تدوسه السيارة بس في هذي الحالة النور ضروري والتظليل بيأثر في انبات العشب
معماري قطري
15-10-2016, 02:42 AM
صورة كاملة للدور الأرضي وممكن نغير ترتيب كراسي الصالة العائلية على هذا الوضع تكفي 12 شخص وممكن اخليها ل 18 شخص بالراحة
http://i.imgur.com/vI0rq5w.png
معماري قطري
15-10-2016, 03:04 AM
هنا توضيح أكثر لترتيب الصالة .. والصالة ما صغرت عرضها 9.8 وطولها 14.3 لبيت المصعد .. الجلسة تكفي 18 شخص وتعتبر مجلس نسائي .. ممكن نحط ساتر خشبي مؤقت لو عندنا زوار والدخول للمصعد بسهولة من أفراد العائلة .. وقللت عتبة يعني ممكن يكون عمقها 45 سم والاستمتاع برؤية الحوض مع الشلال الجانبي
لو سوينا المنطقة الوسطى عشب مثل ما يفكر المالك بتكون غير جيدة للمشي خصوصاً للكعب والمنطقة منطقة مرور ومدخل وحيد للبيت
http://i.imgur.com/L0qju3R.png
معماري قطري
15-10-2016, 03:11 AM
فوق استوت الصالة أصغر بمتر بس بعد 4.8 عرض كفاية حق جلسة بسيطة وملموة أكثر
http://i.imgur.com/egVAQWD.png
معماري قطري
15-10-2016, 03:24 AM
تفكير المالك عجبني في نيته عمل أجنحة خاصة حق عياله لزواجهم .. هنا كيف نقسم الدور الأول قسمين وعندنا البنتهاوس مقسوم جاهز وتحت قسم جاهز وكل قسم من غرفتين
الفاصل بالأحمر المتقطع يقسم الجزئين وممكن حتى يكون خشب أو جبس نزيله وقت ما نبي بسهولة
http://i.imgur.com/A9rOy5f.png
معماري قطري
15-10-2016, 10:05 AM
هذا مقترح ثاني حسب رغبة المالك .. هو حاب يغير مكان الحوض ويخلي المنطقة الوسطى مزروعة .. صغرت شوي مكان نزول الماي لثلاثين سم وممكن يحرك الحوض شوي داخل ويزرع وراه لو حب وحتى يلغي نزول الماي ذيك الجهة ويخليه جهتين بس بس لو يخليه يكون المنظر أحلى للي يسبح
http://i.imgur.com/g42NseB.png
معماري قطري
15-10-2016, 10:29 AM
هذا النوع من البيوت يحبونه السوريين الله يرجع بلادهم كما كانت وأفضل .. اللي هو الحوش الوسطي المزروع والنافورة بعد فيه .. بس إحنا عندنا حوض سباحة وشبه الشلال من الأطراف وممكن نضيف خيمة في الساحة في الحالة الأخيرة ولو نبغي بعد نافورة ونفتح باب من جهة الجلسة ونشبكها مع جلسة خارجية .. أشياء كثيرة ممكنة
معماري قطري
16-10-2016, 09:07 AM
فكرة ترتيب ثانية تعطينا حيز أفضل للمطبخ مع جزء مناسب كمخزن أو كمكان تخزين ومطبخ للطبخات القوية والباقي تحضير ولصاحبة البيت .. مع عمل أما قزاز ثابت بين الجلسة والمطبخ أو حتى فتحة أو قابل للفتح
ممكن نسوي باب للمطبخ خارجي حتى يكون قريب من غرفة الخدامات
المصعد لو لفيناه حتى ينفتح مقابل الجلسة ممكن يكون أفضل شكلاً وقرباً للاستعمال
http://i.imgur.com/pfmtbOG.png
معماري قطري
16-10-2016, 10:46 AM
فكرت في تغيير المغسلة للملابس برا وترك مكانها لستور أكبر وفي تصغير الحوض شوي وتغيير وضعيته .. ألحين 7.8 طوله صافي في 4.1 وتم عمل قوس عريض 40 سم عرضه ليفصل غرفة الطعام مع عمل الزوايا مشطوفة 45 درجة وتفصيلها وضحته في صفحات سابقة في مخطط بيتي
http://i.imgur.com/GW3UnkG.png
Stars
16-10-2016, 08:57 PM
ما شاء الله جهد مميز من مهندس مميز
الله يجزاك الخير
معماري قطري
17-10-2016, 12:20 AM
ما شاء الله جهد مميز من مهندس مميز
الله يجزاك الخير
الله يجزيك الجنة
يا اخوي صدقني تسلية لي وارتباط بسيط مع مهنتي واستانس لأي حد يعطيني فرصة واتشرف بأي ملاحظات منكم
ويمكن كثرة الملاحظات تشتت المالك لكن انصح بالتركيز ومعرفة إن لازم نغلب جزئية على جزئية ونحاول نمسك العصا من النص .. ما نركز على شيء معين وننسى شيء ممكن أهم
البنيان مجهود ووقت ومال وكله يتسهل بالتخطيط الجيد .. ممكن بعض الأُمور تخسر المالك مجهوده ووقته وحلاله وترتيبها يخلي الخسارة وحدة لكن النتيجة مرضية ومريحة
هذا البيت كان موقفين لسيارات صغار داخل بس وكانت مساحته أكبر بدون ترتيب جيد .. ألحين تغير كثير للأفضل والمساحة قلت حول 250 متر مربع
ممكن المالك يختار عدم فتح دريشة للمجلس جهة الساحة الداخلية وهذا بعد اختيار جيد حتى يعزل المنطقة ويعطيها خصوصية أكثر .. يقدر يسوي نافذة علوية ممكن بقزاز ملون أو معشق وبدون ستائر تدخل نور ملون على المجلس وتحافظ على الخصوصية .. الباب كذلك من رأيي يكون بعرض متر وظرفة وحدة كفاية كمدخل خاص لصاحب البيت من البيت ويكون زجاج معشق ما يبين من وراه أو يو بي في سي بزجاج رملي بس يدخل النور ويكون عازل للحرارة والغبار ونفس الشيء لباب الصالة بس يكون قزاز شفاف تبين الصالة حق أفراد العائلة وقت الدخول منورة
زراعة الساحة الوسطية لازم تكون عشب مع شوية أشجار ما تعيق الرؤية وتفسح مكان لخيمة وقت الجو البارد أو نعمل جلسة خارجية مقابل حوض السباحة مع باربيكيو .. وهذا الترتيب يحتاج نأسس له من البداية بالتمديدات والانارة والمياه
لو كان ارتفاع الجزء الظاهر من الحوض 50 سم بتكون رؤية سطح الماء واحنا جالسين سهلة والركوب له أسهل وحتى الجزء النازل كشلال 50 سم ممكن رؤيته من داخل وفوق البيت ووقت دخولنا .. عمل بوفيه في الحديقة وبعدين دخول الضيوف من المجلس بيكون تغيير كامل وروعة
ما شاء الله البيت 1100 متر مربع ويحتوي على 4 أجنحة كل جناح من غرفتين وثلاثة منهم من صالة بعد اضافة للغرفتين وبانتري صغير + صالة كبيرة جامعة لكل العائلة وصالة طعام .. الله يوفق المالك فيه وبحاول بكرة اشوف وضع البنتهاوس
معماري قطري
17-10-2016, 12:26 AM
لو نبغي نعطي المجلس هيبة وارتفاع أكبر ممكن بس نحتاج نسوي درج للبلكونة من الدور الأول أو نحافظ على ارتفاع 4 متر للأرضي كامل مع ارتفاع 4 متر للأول أو حسب خطتنا للتكييف والجبس
معماري قطري
17-10-2016, 10:22 PM
المالك كان يسئل عن وزنية الدرايش في الساحة الوسطية وانا رديت عليه إن مب شرط اللي تحت نفس اللي فوق بس شرط التجانس وأوقات حتى التجانس والشكل واللون مب شرط
عندنا فوق صالة ونحتاج نفتح لها دريشة كبيرة ونازلة وحتى لو بلكونة أحلى بس ما بنستفيد منها ومستغلين السطح كبلكونات كبار
سويت رسم يوضح إن بداية الدريشة نفسها تحت وفوق بالخط الواصل بين الدورين وجهة المجلس فوق ما فيه شيء الا الواجهة يمين فيها غرفة طعام المجلس بدريشة كبيرة وفوقها دريشتين جنب السرير أصغر .. يعني فيه تجانس وعلى مسؤوليتي ليهتم الشكل بيطلع حلو
يسار الساحة عندنا الصالة التحتية بدريشة عريضة ويفترض نازلة ومتصلة مع الباب نسختها وحطيتها جنب رسم الدور الأول ويبين بداية دريشة الدور الأول نفس بداية باب الأرضي والنهاية نفس نهاية فتحة بلكونة السطح .. يعني تحت عندنا دريشة عريضة وفوق 3 درايش أصغر
سويت تعديلات باركز عليها بصور مكبرة
http://i.imgur.com/dQ011ON.png
هنا أكثر التعديلات حولت الحمام والمغاسل جهة الخارج والمخزن بابه مقابل باب المطبخ .. وفيه مساحة تحت الدرج لو نخليها مخزن لعدة التنظيف أحسن
حمام الغرفة تحت فصلته بالكامل عن غرفة الملابس بحيث تستوي غرفة الملابس كبتات بدون أبواب لسهولة الاستعمال
http://i.imgur.com/tlVOUQ1.png
معماري قطري
18-10-2016, 01:13 PM
هذا ايزومترك غير دقيق بس لتوضيح الفتحات والأبواب في الساحة الخلفية .. فيه نواقص كثيرة كالشجر سويته بسرعة بس لتوضيح فكرة النوافذ مب شرط تكون اللي فوق نفس اللي تحت
http://i.imgur.com/YVBtRLi.png
معماري قطري
18-10-2016, 01:17 PM
بي دي اف للدورين جنب بعض ونقدر نضيف أشياء كثيرة مثل توسعة بعض غرف الملابس وغيره
http://i.imgur.com/2yMLoYN.png
معماري قطري
18-10-2016, 11:43 PM
الشكل التقريبي للجالس في حوض السباحة ويطل على ساحة البيت بعد اضافة البنتهاوس .. الفتحات اللي فيها اكس عبارة عن فراغ مفتوح من فوق وجدران بلكونة سقفية نقدر نقول وتنزرع في اصيصات كبار والنوافذ العادية موضحة بالأزرق الفاتح
http://i.imgur.com/o1WRJj5.png
معماري قطري
19-10-2016, 12:40 AM
ملاحظ المجلس طوله 12.7 صافي من داخل ولو قلصنا الطول الى 11 متر أو 10 بنكسب مكان واسع أمام الطبيلات كمدخل لساحة البيت .. هذا رأي ممكن يناسب وممكن لا بس المجلس بتقل عدد كراسيه بحدود 6 كراسي ونقدر لو قلصنا متر و 10 سم حسبتها على الوضع الحالي والكراسي عريضين بيقلون بس كرسيين
الحلو واللي حبيته في هذا التصميم إنه معتمد على الكتل وكاسر التناظر وبيكون إن شاء الله مريح لمعيشة عائلة كبيرة
البنتهاوس كانت مساحته 166 بدون غرفة التوانكي ومن غرفة وحدة وصالة ومكتب .. سويته من غرفتين وصالة مع اضافة غرفة التوانكي ومع مناور للحمامات والغرف وبمساحة 186 .. تطلع حول 48% من مساحة الدور الأول وأقل بكثير من مساحة مسطح البناء
الجهة المطلة على الساحة اتوقع ممكن نفتح لها نوافذ وكذلك الجهة المطلة على البلكونة السقفية ومن ثم على السكة يسار
http://i.imgur.com/xLreMHM.png
صفينا على 8 غرف ماستر وكل غرفتين يشكلون جناح مستقل
معماري قطري
19-10-2016, 12:44 AM
الصورة أوضح من البي دي اف ويبين لنا المنور مفتوح للسماء بس وممكن نستغله نحط فيه شاور اضافي خارجي للتمتع بالسباحة الخارجية وقت الجو مناسب
http://i.imgur.com/9yWFEBv.png
سالم الزهران
19-10-2016, 01:31 PM
الله يعطيك العافية معماري والله مجهود تشكر عليه و لا ينقص الا الأثاث الزين وعجبتني فكرة كبت بدون أبواب فعلاً مبتكرة و تكشف اللي يعفس ملابس ورى الابواب
بس في المشاركة رقم 583 , الغرفة اللي كنها مقلّط ! في الدور الأرضي الركن الأيمن ؟ هاي مب متصلة مع البيت ومدخلها خارجي ؟؟ مدري اذا هي مقلط فالمشوار لها طويل ؟
معماري قطري
19-10-2016, 03:49 PM
صحيح ملاحظتك في محلها بس في الغالب يكون الذباح للعزايم جاي من برا .. وفيه باب من المجلس على الساحة مسوي اتصال بس صعب يجيبون منه الأكل من المطبخ بعد مشوار وأفضل من الخلف من خلال الباب اللي على الحوش لو بوفيه مثلاً
هو شوي وضع البيت غريب بس فيه فصل بين أفراد العائلة والمجلس الخاص بالرجال والسائق .. يعني ممكن استغلال مجلس الرجال طول الوقت مع استعمال باقي البيت في خصوصية
فكرت انقل ( تكرم ) حمام المجلس والمغاسل جهة الساحة الوسطية واعمل مدخل للبيت بتقليص مساحة الغرفة ورا بس لاحظت الأفضل كذا
البيت كبير ومناسب مثل ما قلت للتقسيم كأجنحة للأبناء وهذي فكرة ذكية .. كذلك على الوضع الحالي بيكون البنتهاوس جاهز للاستعمال ولأي ولد بيتزوج في المستقبل ولا اظن يستخدم الا بعد فترة طويلة .. ممكن يكون مكتب هاديء وصالة رياضة خلال هالفترة
Stars
19-10-2016, 05:54 PM
اشوف انه اهم ما يميز البيت مثل ما تفضل مهندسنا الكبير
انه على نظام اجنحة ووجود مطل للغرفة الرئيسية تحت والصالة تحت وفوق على الحديقة
وللأسف اغلب الفلل ما تحصل للصالات اطلالة عالحديقة
معماري قطري
19-10-2016, 09:22 PM
اشوف انه اهم ما يميز البيت مثل ما تفضل مهندسنا الكبير
انه على نظام اجنحة ووجود مطل للغرفة الرئيسية تحت والصالة تحت وفوق على الحديقة
وللأسف اغلب الفلل ما تحصل للصالات اطلالة عالحديقة
هذي ما شاء الله إجتمعت فيها عناصر الماء والخضرة والنور مع الخصوصية وسهولة الحركة والتقسيم الجيد
يبقى الجهاد مع التخطيط وكهرماء وحتى الدفاع المدني .. والله يعين كل من يبني ويصمم الصج مأساة
معماري قطري
20-10-2016, 08:05 AM
انتبهت لملاحظة مهمة واللي هي الباربيكيو وسط الحديقة الداخلية .. قلنا عندنا خضرة وماء ونور طبيعي ناقصهم مشويات وتدفئة وجلسة خارجية قرب الخضرة والماء خصوصاً في الليل لازم الانارة الصناعية تلعب دور ولازم الباربيكيو يكون حاضر
هذي مساحة مقترحها حق أرضية نازلة تخلي مكان الباربيكيو ثابت وما تخليه عائق للرؤية .. ننزله بحدود 90 سم .. ست عتبات كل وحدة 15 سم أو متر بيكون بعد أفضل .. الكراسي حطيت لها تفصيل سابق نسويها من الطابوق والبلاط وعليها يكون فرش خفيف ومسند للظهر
ممكن في زواياها نحط عمدان خشب وتظليل بالخشب مع إنارة معلقة ولو حبينا نحمي الخشب من فوق نقدر نغطيه بنايلون شفاف حماية عن المطر ويخلي النور يدخل أو نحط زجاج فوق .. المربعات قرب الزوايا طاولات تدفئة للجمر
http://i.imgur.com/Sii2Ix8.png
معماري قطري
20-10-2016, 08:12 AM
الواحد وهو جالس يكون مستوى عينه على ارتفاع 120 سم للكبير ويختلف من شخص لشخص .. عمق الحفرة لو سويناه متر بيكون مستوى نظره فوق العشب بشوي .. وراه بيكون نزول الماي من مستوى الحوض المرتفع للمستوى النازل اللي يروح الماي منه للفلتر ويرجع ينضخ .. والجلسة مغرية وقريبة من الحوض ومن الصالة ومن مدخل البيت
معماري قطري
20-10-2016, 08:16 AM
حفرة الباربيكيو تشيل تقريباً 21 شخص جالسين جنب بعض بنحط مساند يد بين كل اثنين بيقل العدد ممكن ل 15 بالراحة وطاولات صغار بلاستيك خلاص لحد يروح سوق واقف ياكل كباب .. وتنور تحت حق المسقوف بعد قمة التدليع
معماري قطري
12-12-2016, 02:39 PM
أحد الأعضاء الكرام طلب تعديل أو أفكار لتصميم بيته وهو أرضه شوي أبعادها غير متساوية .. كان فيه تصميم سابق للبيت بحيث يكون جاي متوازي لحوايط الأرض وكان تصميم مبتكر وانا حبيته بس المالك فضل هذا التصميم وهو بعد زين
http://i.imgur.com/iqsvXNS.png
وهذي رسمة الأدوار جنب بعض الأرضي يسار والأول وسط والبنتهاوس يمين
http://i.imgur.com/8HK9cbd.png
وإن شاء الله بابدأ الليلة وأي ملاحظة مرحب بها من الجميع
سعود.
12-12-2016, 04:08 PM
ممتاز التصميم
بس عندي ملاحظات بسيطة .
الملاحق الخارجية : غرفة السايق يقدر يحطها في ارتداد المجلس . او اذا عندة في الملاحق سكة من شمال او شرق يقدر يكسر باب بعد اتمام البناء على اساس يعزل مدخلهم عن البيت . ( المخزن ) يفضل يكون في البداية لسهولة تنزيل اغراض البيت له يبدل موقع غرفة الغسيل اخر الملاحق هذا كلة اذا تغير موقع غرفة السائق ....
الدور الارضي : عندة ( مجلس نساء + مجلس ) المجلس الثاني يفضل يكون الصالة مكانة لانة مطل على الحديقة
مجلس الرجال : يقدر ياخذ من مساحة الارتداد ويسوى مقلط اذا ( البلدية ) راح توافق
الدور الاول : الغرفة الماستر فيها حمام 6x 2.5 يقدر يصغرة شوي ويسوي ستور لهم بابة من الصالة مقابل البانتري
البنت هاوس : لو يرجعه كامل للخلف بدال 3 بيبان الي تفتح على السطح . وفية غرفة فيها نافذة غير قانونة على اليمين
تفتح للخارج موب على السطح .
والقرار النهائي له
. ومشكور ياعبدالله على مجهودك الخير .
ماشاء الله عليك يامعماري .. موضوع شيق ولي عودة
معماري قطري
12-12-2016, 09:47 PM
ممتاز التصميم
بس عندي ملاحظات بسيطة .
الملاحق الخارجية : غرفة السايق يقدر يحطها في ارتداد المجلس . او اذا عندة في الملاحق سكة من شمال او شرق يقدر يكسر باب بعد اتمام البناء على اساس يعزل مدخلهم عن البيت . ( المخزن ) يفضل يكون في البداية لسهولة تنزيل اغراض البيت له يبدل موقع غرفة الغسيل اخر الملاحق هذا كلة اذا تغير موقع غرفة السائق ....
الدور الارضي : عندة ( مجلس نساء + مجلس ) المجلس الثاني يفضل يكون الصالة مكانة لانة مطل على الحديقة
مجلس الرجال : يقدر ياخذ من مساحة الارتداد ويسوى مقلط اذا ( البلدية ) راح توافق
الدور الاول : الغرفة الماستر فيها حمام 6x 2.5 يقدر يصغرة شوي ويسوي ستور لهم بابة من الصالة مقابل البانتري
البنت هاوس : لو يرجعه كامل للخلف بدال 3 بيبان الي تفتح على السطح . وفية غرفة فيها نافذة غير قانونة على اليمين
تفتح للخارج موب على السطح .
والقرار النهائي له
. ومشكور ياعبدالله على مجهودك الخير .
حي الله ضيف الموضوع الدائم
صحيح بالنسبة للملاحق ما اعرف شظروف الأرض ولا ركزت فيها لأني انهمكت في تصميم البيت وكنت شاغلتني المساحات الكبيرة بدون فائدة
عندنا المحور الوسطي عبارة عن ممر وأشوف إنه يكون أحلى لو بدون أثاث ويمكن زراعة بسيطة أو نافورة جانبية .. مبدئياً فكرت في العمدان الفاصلة وضيقت الممر من 5.2 متر ل 4.6 .. الدرج استوى عندي 1.2 متر كافي خصوصاً معاه المصعد .. ولو خلينا النوافذ ثنتين شوي أصغر وجانبية مثل الرسم بتكون نورها يدخل الصالة وبتوسع المكان
المساحة بعد التصغير البسيط ذيه طلعت تقريباً 700 على الدورين ومع البنتهاوس بتزيد
بالنسبة حق المساحات فوق كبيرة وايد بدون فايدة ولو الحاجة حق هذي المساحات خصوصاً الحمام الرئيسي لازم نرتب قطعه صح وتكون أكثر .. البانيو صعب تحصل 2.1 في الطول الغالبية 2 وتحت حتى 1.6 موجود واقتصادي 1.4 بعد موجود .. ولو سوينا مخزن صغير أكيد بيكون أفضل مثل ما تفضلت
ملاحظة البنتهاوس ما انتبهت لها وزين نبهتني مشكلته مربوط مع الدرج والمصعد وبشوف له حل شلون يكون ورا بدون ما يأثر على النظام الانشائي
خلنا بالتدريج من الدور الأرضي اللي صغر شوي وهذا المخطط مبدئياً
http://i.imgur.com/5ENGjOB.png
معماري قطري
12-12-2016, 10:03 PM
ماشاء الله عليك يامعماري .. موضوع شيق ولي عودة
هلا اخوي رحال
الموضوع مهم للي بيبني يقراه ويشوف التصاميم السابقة اللي ما قصروا الأعضاء في عرضها للاستفادة العامة ولتلافي السلبيات لو وجدت
ألاحظ ألحين المجلس الداخلي مفتوح على الصالة ومفتوح على ممر الدرج وحتى ما فيه غرفة طعام .. والصالة العائلية طويلة طولها 12.7 .. أما هذي تنقسم لقسمين افتراضيين بدون حائط غرفة طعام تكون مزدوجة عائلية وللضيوف وقت الزيارات .. أو نسوي تعديل على القسم اليمين بأن نوسع المجلس ونصغر المطبخ ونسوي معاه غرفة طعام وأتوقع الحل الأول بيكون أحلى ومنه نتخلص من الجلسة قرب المطبخ وممكن نسويها ستور خاص بالمطبخ تكون الصالة وغرفة الطعام متصلين وقراب من المطبخ
عن تجربة خصوصية المجلس ضرورية لأن أوقات العيال أو البنات يدرسون مع ربعهم فيه أو مدرسين يجون يدرسونهم والممر مفتوح شكلياً حلو لكن عملياً مب مريح
سعود.
12-12-2016, 10:04 PM
الله يحيك يابوعبدالله .
اذا بتقول ضيف القسم الدائم معاك . اما ضيف الموضوع بالعكس قليل جدا مشاركاتي .ماأحب اطولها بتصاميم لانة مثلك عارف التصاميم اذواق وتختلف من شخص لشخص . وكل شخص له وضع اجتماعي يمكن يختلف عن غيرة . .ناهيك عن عدد الاسرة وووووالخ ؟؟؟؟
دايما اقط ملاحظاتي مرة وحدة واحط رجلي . :deal::deal:
معماري قطري
13-12-2016, 09:21 AM
الله يحيك يابوعبدالله .
اذا بتقول ضيف القسم الدائم معاك . اما ضيف الموضوع بالعكس قليل جدا مشاركاتي .ماأحب اطولها بتصاميم لانة مثلك عارف التصاميم اذواق وتختلف من شخص لشخص . وكل شخص له وضع اجتماعي يمكن يختلف عن غيرة . .ناهيك عن عدد الاسرة وووووالخ ؟؟؟؟
دايما اقط ملاحظاتي مرة وحدة واحط رجلي . :deal::deal:
ملاحظاتك في محلها واشتغلت على البنتهاوس ضبطته وصغرت شوي في العرض .. صفينا على 1.6 متر أصغر .. باشوف شسوي للطول أو الاتجاه من فوق لتحت
ما ادري الارتفاعات اللي يبيها المالك شكثر .. عندنا حالياً 26 عتبة للدرج ولو كل عتبة 14 سم بيعطينا ارتفاع 3.64 ولو نشيل منه الأرضية بيقل ممكن لين 3.3 حسب التصميم الانشائي وهو مناسب بس يمكن يطلع نازل لو بنسوي تكييف دكت سبلت
ارتفاع 15 للعتبة شوي مزعج لكن درج هشكل ممكن نركب له سجاد بسهولة وفيه بعرض 1.2 مخصص له مع قطع نحاسية تثبته وبيطلع على ارتفاع 15 مريح .. وبيعطينا ارتفاع 3.9 وبيكون كافي للدكت سبلت وديكورات الجبس
ميزة هذا النوع من الدرج ما يحتاج درابزين وممكن نسويه حتى ببلاط شعبي ويطلع صج رخيص وعليه يجي السجاد يعطيها جمال وفخامة وراحة .. يبقى بيت المصعد نسوي حوافة مشطوفة بتصميم حلو أو مقوسة حتى ما تتكسر ولا تضرب في حد
هذي أسئلة مهمة للمالك لو قدر يرد علي بها وكذلك الحمامات شالقطع اللي يبغيها فيها؟
معماري قطري
13-12-2016, 11:36 PM
بحمد الله تقريباً تبلورت أفكار التصميم الأخير ووصلت لمساحة 820 كإجمالي مساحة البناء للبيت من غير المجلس والملحق اللي لازم باشوفهم مع توزيع الحوش إن شاء الله الاسبوع القادم بعد السفرة السريعة
حطيت كل الأدوار جنب بعض ورسمت خطوط أُفقية استرشادية حمراء هذي لن تكون داخلة في الرسم فقط للتوضيح .. بالنسبة للدور الأرضي بيكون فيه تعديل اضافي مفكر فيه وهو بأن نقسم صالة العائلة اللي استوت 13.2 متر طول في 5.5 عرض لقسمين قسم جلسة طعام مقابلة المطبخ اللي بيكون ماخذ الزاوية العلوية وواجهته السفلية ممكن نسويها قزاز .. وممر يطلع على برا والحمام والمغاسل القريبة نقسمها لحمام صغير مع مغسلة داخلية ولمخزن تابع للمطبخ .. والباقي يبقى كما هو يعني التعديل بيكون بسيط إن شاء الله
الدور الأول أشوفه توازن أكثر وترتب وكذلك البنتهاوس وحليت مشكلة النوافذ للغرف ببلكونات شبه داخلية وما تفتح مباشرة على الجيران .. البلكونة كسرتها بس 70 سم تظلل وتسوي كتف لخزانة الحائط
باقي شوية تعديل على الغرفة اليمنى في الأول .. اليسرى شبه جاهزة بس ممكن نضيف عليها مكان للتسريحة جنب السرير وخزانة حائط تحت مكان غرفة الملابس المغلقة
http://i.imgur.com/AUxDypz.png
معماري قطري
13-12-2016, 11:44 PM
هذا البنتهاوس ومساحته 156 على 331 لمسطح السقف = 47% وممكن تصغر لين 45 لو صغرنا الصالة شوي
ألاحظ لو فتحنا الباب للسطح جنب التلفزيون بيكون أفضل مقابل شرق بدل شمال وممكن نخليه قزاز يدخل علينا نور شمس الصباح
يبين موقع سكايلايت هرمي بمقاس 1.4 في 2 متر وسط الصالة مالت الدور الأول .. ممكن نسويه مرتفع يبين من الخارج
http://i.imgur.com/14VjxK0.png
معماري قطري
14-12-2016, 12:01 AM
للدور الأول ممكن نكرر نماذج الغرف اللي فوق تحت مع نفس وضعية السرير ألحين باضافة بلكونة وخزانة حائط اضافية وهنا ممكن نحط دريشة جانبية ونشيل الدريشة اللي في ظهر السرير ومكان التلفزيون مقابل السرير وجنبه تسريحة .. الحمامات طبعاً نفس اللي فوق
استوت عندي مساحة فوق حمام الغرفة الرئيسية يسار حق مخزن طويل وممكن نخلي فيه بايبات الحمامين المجاورين مكشوفة لسهولة الصيانة
الحمام الرئيسي إستوى مقسم أفضل بكثير عن قبل .. يسار كلش بلكونة صغيرة للزراعة ولإدخال أكبر قدر من النور على الحوض والشاور وممكن نحط مشربية جي ار سي أو خشب تتسلق عليها النبانات وتعطينا خصوصية أكثر وأصلاً حايطها يجي مرتفع وساتر .. بعدين عندنا المنطقة الرطبة مفصولة بقزاز وممكن نسوي فيها ستيم يستوي عندنا حمام بخاري وشاور وجكوزي
المغسلة استوت لها مكان بارز والمفروض واجهة كاملة مراية ومغسلتين له ولها
وباقي تعديل بعد حطيت المخطط قبل ليكتمل وفيه خصوصاً في الغرفة اليمين تحت أشياء لازم تتعدل
http://i.imgur.com/4Ru5HT9.png
معماري قطري
14-12-2016, 12:08 AM
الصالة فوق مكتوب العرض 5.2 وهو بعد التعديل 4.6 ومثل ما نشوفها فاضية وتعتبر ممر .. نقدر نسوي فيها فتحة بيضاوية تطل على الصالة التحتية وتبقى كفاية للحركة ولبعض نباتات الظل .. وممكن طاولة دائرية و تعطي بعد منظر وعليها زهور
مكان المنور يبين محدد بالأسود الثقيل
معماري قطري
14-12-2016, 12:19 AM
والدور الأرضي بديت اعدل فيه صوب المطبخ واسوي فكرتي اللي شرحتها وان شاء الله اكمل بعد العودة من السفر على نهاية الاسبوع الجاي
معماري قطري
14-12-2016, 08:49 AM
شيصير لو زدنا مساحة الصالة فوق وسوينا قوس على عمودين تحت يسوي خصوصية أكثر للمدخل والمدخل ممكن نخليه قزاز شفاف بالكامل يبين امتداد الصالة .. حتى الرؤية من دريشة الصالة فوق ما حولها عوائق مثل قبل والمساحة زادت حول 4 أمتار مربعة ويمكن 3 عن التعديل لكن قلت وايد عن الأساسية
http://i.imgur.com/zCqvwIw.png
معماري قطري
14-12-2016, 09:38 AM
هذا تصميم مبدئي شبه نهائي حق حلول الدور الارضي .. بالنسبة لطاولات الطعام ممكن تكون طاولة وحدة ملفوفة 90 درجة جاية بالطول وأكبر وتبقى لنا مساحة حق كبت حائط للكتب ولأواني الزينة
http://i.imgur.com/WX5no9X.png
لو حبينا نزيد ارتفاع الدور الارضي ممكن نزيد عتبتين 30 سم حق ال 3.9 متر وتستوي 4.2 وممكن نخليها مثل ما هي ونوسع الفتحة بين المطبخ والممر
فتحة المجلس كذلك ممكن نوسعها ونركب باب خشبي سلايدنغ حتى يكون عندنا خصوصية ونفس الوقت ممكن نفتح المكان على بعض
معماري قطري
22-12-2016, 08:55 AM
سويت آخر التعديلات على الدور الأول وحطيت الأدوار جنب بعض حتى يبين كيف المساحات والحوائط فوق بعض
هذي رسمة بي دي اف ممكن تتكبر بوضوح للي يحب وحلو لو نسوي فتحة بيضاوية فوق تطل على تحت بطول 3 متر وعرض 1.6 متر مثل ما هي موضحة وبتكون بين أبيام رئيسية
http://i.imgur.com/ETYa3R6.png
معماري قطري
22-12-2016, 09:30 AM
هنا تركيز أكثر على الدور الأول
ممكن الغرف الثنتين اللي فوق نعمل لهم قوس نفس اللي تحت عريض ونسوي خزانة حائط أمريكية تكون واجهتها في مستوى واحد مع الحائط والقوس وباسوي مثال على هذا
http://i.imgur.com/ozhXA6G.png
معماري قطري
22-12-2016, 10:10 AM
هذي صورة للدور الأول معدلة ونسيت احط المساحات الجديدة في السابقة هذي محدثة أكثر
الغرف كلها استوت ماستر وتوزيعها جيد .. وبالنسبة للغرف الأصغر لو حطينا سرير كوين سايز أو فل سايز بيجي أصغر هذا المحطوط مقاس الكنغ سايز .. خليت اليمين مثل ما هي للمقارنة .. واليسار طبيعي تصغر لأن خذنا مساحة للكبت .. لكن الأهم توزيع قطع الأثاث صح وخدمات الغرفة المفروض تعتبر جزء من مساحتها
التلفزيون أشوفه في الغرف اللي فوق في الرسمة وفي غرف البنتهاوس ما له داعي فقط في الغرفتين الكبار مناسب والصالات .. حطيته بس لتوضيح المكان المقترح جدام السرير
http://i.imgur.com/gojz76R.png
معماري قطري
22-12-2016, 10:17 AM
القوس العريض يعطي فخامة للمكان ويقسم المساحات بطريقة متقنة .. والجزء الجانبي بشكل نصف دائرة يكون مثل الروشنة الطويلة بأرفف قزاز للعطور وللصور وفوق اضاءة سبوت تنور هذا الجزء .. وممكن تكون تجميلية بلون ثاني .. أزرق ولا ثلجي والا أحمر .. وممكن نسويه أعرض للغرفة الرئيسية
بما اننا عندنا ارتفاع 3.9 وممكن نزيده ل 4.2 نقدر نرتب السقف للوبي نازل والقوس طبيعي يكون أعلى نقطة فيه 2.5 أو 2.8 بعده يجي سقف الغرفة نخليه أرفع ما يمكن
باسوي إن شاء الله رسمة للواجهة قريب
معماري قطري
23-12-2016, 10:49 PM
توزيع الحوش والمباني هذا منقول كما عمله الاستشاري .. كثير ملطخ المكان وبس يفكر يملي الفراغات بزراعة أو عشب واحتمال تكون أحواض مرتفعة تعرقل المشي
http://i.imgur.com/NP4yBsd.png
أبعاد البيت كانت مختلفة وبعد التعديل وتغيير باب غرفة السايق لجهة المظلات وعمل الباب سلايدنغ 4 متر ينفتح في الوسط استوعب المكان 6 سيارات تحت مظلات .. المظلات ممكن تكون حديد بواجهات جي ار سي أو اسمنت مشكل ومصبوغ مرشوش على شبك معدني .. حطيت قبل صور لهذا النوع .. حتى هنا ممكن نسويها من حائط لحائط بدون أعمدة إلا اللي على اليمين عمود في الزاوية فقط أو تشبك مع غرفة السايق
إستوت عندنا منطقة خاصة بالسيارات ومدخل للبيت بيطلع حلو لو زرعنا أشجار واشنطونيا أو رويال بالم تري على الجنبين .. المجلس بروحه وله خصوصيته وممكن نعزله بطوفة وباب أو نسوي له طوفة وليوان خاص به وحديد مشغول .. وفي رأيي يستحسن نخلي جزء طوفته سيدة وباوضح في رسم ثاني شلون .. المغاسل خليت الحايط وراهم سيدة .. ممكن يكون بارتشن بسيط من الجبس بس شكل زاويتهم قبل غلط
http://i.imgur.com/JMlPGma.png
يمكن الاشكالية الوحيدة بعد البيت عن زاوية الملحق الضيقة اللي واضحة فوق يمين .. 1.5 متر والتخطيط يشترط مترين واتوقع يتغاضون عن ذي خصوصاً من جدام حول 4 أمتار حسب ميلان حدود الأرض
معماري قطري
23-12-2016, 11:11 PM
هذا اللي اقصده هو عمل حد الارض المقوس كعتبة أو عتبتين لليوان المجلس وعمل جزء الحايط سيده وفوقه حديد الحماية والباب .. وضحت بعد امكانية عمل حوض سباحة مفتوح بين الزراعة وممكن نفتح له باب من الصالة وممكن نضيف عليه خدمات .. الحوض 4 في 5 مثل ما هو موضح
http://i.imgur.com/S1gJVCG.png
معماري قطري
24-12-2016, 04:12 PM
اليوم إن شاء الله أعتبر نفسي خلصت المقدور عليه ووضحت الصورة للمالك بإذن الله
لو سوينا واجهة المجلس زجاجية بالكامل متصلة مع الباب بيكون أفضل وبيبين منور ويكشف الجالسين فيه ( مرحب بالضيوف ) .. لو بنغطي الليوان نقدر نسوي سكايلايت هرمي وسطي ينور الداخل خلال النهار ويعطي جو غير
الواجهة عملت لها مقترح مبسط ارتفاع الأدوار فيه 4.2 + 4.2 + 3.6 للبنتهاوس .. طبعاً 3.6 نشيل منها حول 40 لسور السقف و20 للصبية نصفي على 3 صافي أو حولها
http://i.imgur.com/o5OdbSN.png
قوس الواجهة حلو يكون داخل 10 سم بس .. وممكن نحط زوايا جي ار سي تجميلية أو نسوي فتحات مستطيلة فوق الأعمدة أو كسرات في الخرسانة ونركب تشكيلة جي ار سي أو مشربية بس لازم ناخذ احتياطنا عن تعشيش الطيور بأسلاك ولا شبك خفيف ما يبين ويخرب الواجهة
عندنا خلف القوس ممكن ننزل لمبة نحاسية بتشكيلة مثل التصميم الأندلسي أو ثريا خارجية أو نسوي إنارة مخفية فوق كورنيش جبس
وهذا مقترح آخر لتوزيع الحوش تم فيه ابعاد المظلة عن حائط المجلس وعمل زراعة وممر هناك للدخول للبيت .. كما تم تمديد المظلة اليمنى لتتصل مع غرفة السايق وتتسع لأربع سيارات كما هو موضح
بالنسبة للحوض الخارجي ممكن نضيف له غرفة معدات وحمام أو اثنين مدمج معهم كبت صغير لتغيير الملابس .. ولو كان بنفس النظام اللي ناقشته سابقاً في هذا الموضوع بتكون اطلالة الصالة الخلفية على الحوض ممتعة ولازم نكبر الدريشة ونسوي باب من طرف غرفة الطعام للوصول بسهولة للحوض
الرامب بينفعنا لسهولة الركوب ونقل الأغراض للمطبخ الخارجي والداخلي وممكن نغلق بباب يعزل المنطقة عن غرفة السائق
http://i.imgur.com/NNMEEnY.png
غيرت شوي في البنتهاوس ليتناسب مع الواجهة بتحريك الباب جهة الشرق .. ووضحت طريق النزول من الدرج وأضفت عتبة فوق وعتبة في الأول حتى نوصل لإرتفاع 4.2 متر وبارتفاع 15 سم لكل عتبة .. وحصلت فرصة لعمل ستور صغير مثل ما هو موضح
http://i.imgur.com/557Yv2r.png
بما إن الباب بيكون مقابل شرق ممكن نخلي الدريشة كذلك ونغيرها من مكانها الحالي لأنها مجابلة شمال وما تفيدنا كثر الشرق حق شمس الصباح
وهذا الدور الأول بعد زيادة العتبة للدرج .. ممكن المالك لو حب يخسر شوي يضيف درايش للغرفتين الرئيسيتين في الواجهة غير العادية ممكن يركب النوع البارز بشكل ثلاثي ثنتين جاين بزاوية ووحدة سيدة .. بيعطون شكل وممكن يكونون جلسة شمسية خاصة
http://i.imgur.com/pR9hZSq.png
وهذا الدور الأرضي بعد زيادة العتبتين كلهم تحت وممكن نسوي مخزن كذلك تحت الدرج أو نفتح باب للحوش من ورا .. ويعتمد على رغبة المالك ممكن يفتح باب جهة حوض السباحة من الصالة أو بين الصالة وغرفة الطعام
http://i.imgur.com/3ydoYP7.png
بس المالك يرسل لي رايه وشيبغي احط في فايل الاوتوكاد وبرسله له وتم بحمد لله تعالى
معماري قطري
27-12-2016, 12:35 AM
المالك عنده تساؤل ومحتار من ثلاث نقاط بناقشها هنا وأنقلها مثل ما هي
ظ،- المغاسل المطله على الصاله في الطابق الارضي اشوفها تشوه المظهر واحب تكون مخفيه وحتى الحمام صار ماله اناره طبيعيه وتهويه ... شوف اذا ممكن تحاول تخفي المغاسل بحيث يكون في ممر وبعدها مغاسل حتى لو صغرنا المخزن
ظ¢- المخزن في الطابق الاول عرضه متر اشوف لو نلغيه ونضيفه مع مساحة غرفة الملابس للماستر او الحمام او نصغر طول البيت متر ونحذف المساحات المهدوره .. الخ
ظ£- اشرايك اذا الملاحق بدل العرض ظ¥ متر انخليه ظ¤.ظ¥
وشوف الانسب في رايك وثبته وارسله لي
رديت على كل الأسئلة خاص بس أول نقطة فكرت فيها واشتغلت عليها وعدلت التوزيع شوي وهذي صورة للغرفة الرئيسية وخدماتها .. حافظت على عزل منطقة الاستحمام وعملت بلكونة صغيرة تنور على الحمام كله وتحفظ الخصوصية وممكن تزرع لو حبينا
http://i.imgur.com/uEyb71Z.png
بالنسبة للمغاسل المطلة على الصالة تحت ممكن تركيب باب لمدخلها مع إني افضلها بقوس حتى تبين واضحة لأفراد العائلة وللضيوف لأن استخدام جلسة الطعام بتكون مشتركة وخصوصاً وقت العزايم النسائية بيكون استخدام المنطقة ككل
حل ممكن نعمله هو عمل حائط فاصل بقوس يفصل منطقة المجلس والصالة ويكون دخول الرجال أو النساء من ناحية مدخل المطبخ للمصعد لفوق .. فتحة القوس المقابلة للمصعد ممكن اغلاقها ببارتشن قابل للازالة وهذا موجود ومتوفر ووقت عدم استعماله ينقل للمخزن تحت الدرج
http://i.imgur.com/F8EStXo.png
معماري قطري
27-12-2016, 12:42 AM
الكسرات الحمراء المتقطعة في الحمام فوق اللي جنب المغسلة بعمق 5 سم وحق مراية كبيرة واللي جنب البانيو وفي ظهر جلسة الشاور بعمق 10 سم للشامبو والصابون .. الشاور استوى 1.2 في 1 متر ولازم يعمل من البلاط أو الرخام والرخام المعالج بمادة مانعة للانزلاق وحامية للرخام أفضل لأن يجي قطعة وحدة
ممكن فتح البارتشن الألمنيوم من ناحية الشاور لسهولة طلوع البخار لو حبينا
الجدار الفاصل ما اشوف له ضرورة قصوى وممكن استخدام بارتشن خفيف لكامل المنطقة وقت العزايم والانفتاح حلو بيكون للعائلة
معماري قطري
27-12-2016, 12:44 AM
السؤال الأخير كان بخصوص تصغير عرض الملحق من 5 الى 4.5 وانا اشوفه ما يسوى شيء ولا بنحتاج له بالعكس بنستفيد من النص متر حتى ممكن نحط طاولة وسط المطبخ أو جزيرة
معماري قطري
27-12-2016, 02:49 AM
البلكونة التابعة للحمام الرئيسي متر و40 في متر و 60 سم .. حايطها ممكن يكون بارتفاع الدريشة ومفتوح فوقه فتحة كاملة
لاحظت تحت لو كبرنا الأقواس ل 40 سم عمق حائط القوس بيطلع أفخم وبتصغر مساحة الممر شوي وبتكون عندنا فرصة لعمل روشنات مثل ما هو موضح بالأحمر المتقطع
http://i.imgur.com/tlu37qJ.png
معماري قطري
27-12-2016, 03:06 AM
لو حبينا نعمل الفاصل كذلك مهم نعمل الفتحة اللي في السقف وسط الصالة الأرضية بتبين أحلى مثل هذا الوضع وخليتهم جنب بعض
قبل كنت حاطها بين جسور رئيسية والحين بتكون وسطية بس أكيد لها حلول انشائية سهلة
http://i.imgur.com/SpvWTVW.png
معماري قطري
28-12-2016, 06:45 PM
بحمد العزيز القدير تم إكمال 12 تعديل على تصميم وبإنتظار رقم 13
الموضوع بيكون بإذن الله مفيد للمقدمين حديثاً على البناء أو على جمع أفكار للبناء .. كنت اتمنى اوصل لرقم أعلى خصوصاً إن الفترة سنة ونص مب بسيطة
شاكر الجميع ممن أسهم في الموضوع وعلى رأسهم أصحاب التصاميم وغالبيتهم فضلوا يكونون غير معروفين واتمنى نعرف شصار معاهم حتى نقدر نواصل سواء في عدم تكرار سلبية أو خطأ .. أو الانتباه لاشتراطات التخطيط أو حتى مدى استفادتهم واستحسانهم للي صار .. أو علاوة على ذلك التغيير اللي البعض ما يحسب نتائجه صح وقد يكون من ضغوط من شخص ثالث أو استشاري
شكراً لجميع الاخوان اللي شاركوا من البداية في النقد وابداء الرأي منهم سعود وبو سعود ( عزيز يو كي ) وبوخالد ومضارب دوسري واكسبرت وحمد كيو أي والكواري 1972 وستارز وأكيد باكون نسيت حد وشكر خاص للاخوات الجودي وسويت قطر اللي اعتبرهم مهندسات والاخت لبيبة
سعود.
28-12-2016, 08:35 PM
الرقم 13
اصاله العلوية لو تكون مفتوحة افضل .
الغرفة الماستر على اليمين فيها بعد المدخل طوفة على اليسار . اشوف مالها داعي . لو تنشال يعطى امتداد بصري اكثر .
والقرار له ولك .
والعفو يابوعبدالله
معماري قطري
29-12-2016, 03:38 PM
الرقم 13
اصاله العلوية لو تكون مفتوحة افضل .
الغرفة الماستر على اليمين فيها بعد المدخل طوفة على اليسار . اشوف مالها داعي . لو تنشال يعطى امتداد بصري اكثر .
والقرار له ولك .
والعفو يابوعبدالله
هلا إخوي سعود
الرقم 13 هو للتصميم ما وصلناه للحين وبانتظار واحد يعرض تصميمه
عن الصالة العلوية في التصميم الأخير واجهتها الداخلية زجاج حتى يتم عزل صوت التلفزيون وبنفس الوقت تطل على باقي البيت ويفترض زجاج بفريم خشب أو فريملس أو ستانلس ستيل وبدون ستاير وبدون ما تكون مخفية .. حتى اليو بي في سي ينفع
والغرفة باشوف شقصتها وباعلق على ملاحظتك
معماري قطري
29-12-2016, 03:47 PM
الغرفة اليمين الباب يقابله قوس ووراه غرفة الملابس المكونة من كبتات مب نظام الغرفة المفتوحة .. بعد الباب يسار يفترض أما كبت أو طاولة مكياج ( تسريحة ) بس نظام واقف ما فيه مجال لكرسي .. حتى زراعة ظل تنفع
يمين عندك قوس عريض في كتوفه روشنات طولية للزينة والعطور .. يمكن الخطوط المتقطعة ما تبين واضحة بس للمهندس والرسام وعلى برنامج الاوتوكاد تبين ومعروفة
أقدر اسوي واجهات داخلية للغرف للتوضيح أكثر لو الصورة ما وضحت
سعود.
29-12-2016, 06:17 PM
هلا إخوي سعود
الرقم 13 هو للتصميم ما وصلناه للحين وبانتظار واحد يعرض تصميمه
عن الصالة العلوية في التصميم الأخير واجهتها الداخلية زجاج حتى يتم عزل صوت التلفزيون وبنفس الوقت تطل على باقي البيت ويفترض زجاج بفريم خشب أو فريملس أو ستانلس ستيل وبدون ستاير وبدون ما تكون مخفية .. حتى اليو بي في سي ينفع
والغرفة باشوف شقصتها وباعلق على ملاحظتك
عبالي رقم التعديل ههههههه
سعود.
29-12-2016, 06:18 PM
الغرفة اليمين الباب يقابله قوس ووراه غرفة الملابس المكونة من كبتات مب نظام الغرفة المفتوحة .. بعد الباب يسار يفترض أما كبت أو طاولة مكياج ( تسريحة ) بس نظام واقف ما فيه مجال لكرسي .. حتى زراعة ظل تنفع
يمين عندك قوس عريض في كتوفه روشنات طولية للزينة والعطور .. يمكن الخطوط المتقطعة ما تبين واضحة بس للمهندس والرسام وعلى برنامج الاوتوكاد تبين ومعروفة
أقدر اسوي واجهات داخلية للغرف للتوضيح أكثر لو الصورة ما وضحت
الحين فهمت
معماري قطري
30-12-2016, 01:50 PM
الحين فهمت
سويت لي شغلة .. ما احب ارسم سكشن فيه تعقيد وشغل افتراضي كثير ويعتمد على حسابات التكييف والدكتات وعلى الانشائي .. تتفاجأ بالانشائي عمل لك أرضية 40 سم والا 35 وانت حاسب على 20
بديت البارحة وان شاء الله بخلص بسرعة والارتفاع يتعدل حسب التصاميم الباقية هذا بيكون مبدئي
معماري قطري
30-12-2016, 03:29 PM
هذا السكشن يمر في السكايلايت الهرمي ويقطع المجلس والمدخل بعد الباب القزاز والمجلس والصالة ويوضح الأقواس وبعض التجويفات في أكتاف الأقواس العريضة موضحة بالخطوط المتقطعة .. بعض الزوايا جاية مشطورة بزاوية 45 درجة وفوق قوس وتحت قطع سيدة بزاوية .. هذي بديل سهل ورخيص عن التلبيس بالخشب وتسوي حماية .. ممكن الزاوية السفلية نخليها سطح افقي ونحط فيه انارة ال اي دي تنور الكسرة هذي من تحت لفوق .. شرط الانارة تكون خفيفة 3 وات كافية وزيادة
http://i.imgur.com/kLD4juE.png
إفترضت الأبيام شبه مخفية وعرضتها شوي والتكييف دكت سبلت 40 في 90 سم للدكتات .. حصلت ارتفاع صافي يوصل 3.14 متر وممكن نسوي عمق أكثر في الجبس في الوسط يزيد الارتفاع
معماري قطري
30-12-2016, 03:31 PM
ما وضحت تفاصيل العازل فوق السطح وطبقات الارضيات وطبقة البلاستر
معماري قطري
30-12-2016, 07:09 PM
هذي رسمة محسنة والخرسانة أوضح بنقشتها اللي تبين داكنة شوي مع تعديل بسيط حق قوس مغاسل المجلس وزيادة مقترحات لطبقة جبس مرتفعة أكثر
http://i.imgur.com/yRlPf4M.png
معماري قطري
30-12-2016, 07:17 PM
توضيح مهم للجميع من يبني وناوي يبني .. لعدم حصول شلخ في التقاء سور السقف بالخرسانة تحته لازم نمدد الصبية لأعلى .. أو بعد صب السقف نغمس قضبان حديدية قصيرة فيه بحيث تبقى بارزة بحدود 10 سم - 15 سم .. 10 لو أحببنا البروز بحدود 10 سم وكذلك ال10 سم كفاية لبروز 15 سم خرسانة تصب لاحقاً كقاعدة لسور السقف
ليشٌ؟ لأن هذه النقطة ضعيفة وسور السقف يتعرض لضغط من سكريد العازل وكذلك من الهواء فينشأ شلخ بينه وبين الخرسانة .. هذا بالاضافة لتمديد الأعمدة لأعلى السور ومع عمل الروابط الجانبية بالحديد
http://i.imgur.com/HquYjoa.png
معماري قطري
30-12-2016, 07:27 PM
خط العازل وضحته فوق مايل ميلان بسيط لتصريف ماء المطر ولازم يكون في الطرف ما يقل عن 4 سم حتى ما يتكسر وفوقه تجي طبقات العزل اللي بعضها في حالة الدبل سكريد تكون بعد سكريد السلوب عازل المياه وفوقه الحرارة وبينهم طبقات عزل خاصة وبعدين طبقة حماية وبعدين السكريد الثاني اللي يكون بسمك 3 سم سمك متساوي وحماية للعازل الحراري .. يعني الطبقات تكون بحدود 15 سم في الطرف وتزيد في بعض الحالات لغاية 25 و 30 سم في الوسط حسب مسافة السطح للتصريف
معماري قطري
31-12-2016, 04:32 PM
سويت مقطع ثاني يوضح واجهة الدرج الداخلية وبيت المصعد مثل ما هو موضح هنا
http://i.imgur.com/If624JE.png
المقطع a-a هو الأول اللي وضحته قبل .. بناء على المقطعين نقدر نسوي الأرضيات والأسقف نوع ال One way slab with spandrel beam وهذا يخلي الجسور فقط في الأطراف وفي الوسط مثل ما هو موضح والتقوية بالحديد في الاتجاه القصير .. بهذا يكون عندنا مجال لرفع التكييف قليل بعد لو نحب
التكييف بيكون ثلاث وحدات دكت سبلت حق تحت مثل ما هو موضح ونقدر نسوي سقف جبس مزدوج بأي شكل نحب
فوق كذلك ممكن بنفس الطريقة 3 وحدات قوية بحدود 6 طن اعتقد كفاية ولازم لها تصميم تكييف مختص .. الدور الأخير يفترض تكييف سبلت عادي حيث إن الإرتفاع صافي الحين مع مقترح الجبس 2.78 بالضبط .. وهذا على أساس ارتفاع كامل للبيت 12.5 وممكن يسمحون لين 13.5 باستثناء بيكون نقدر نسوي البيت كله دكت سبلت
وهذا مقطع a-a
http://i.imgur.com/FXK42WN.png
المقطع b-b يوضح الجزء الخلفي من البيت من أمام الدرج وعندنا من تحت يمين باب المطبخ يفتح على الجهة اللي صوبنا ما يبين وهو مفتوح وبعدين الكاونتر .. طبعاً الرسم ناقص كاونتر الحايط اللي يكون شوي أنزل بحدود 30 سم وأشياء كثيرة مثل الكراسي .. المهم الصورة توضح .. بعدين قوس بعده على اليمين يبدأ الدرج وبيت المصعد وزاويته مشطورة حتى ما تنكسر وشكلها يكون حلو .. بعد باب المصعد يجي باب الستور اللي يكون تحت بسطة الدرج المرتفعة ويكون هذا خاص بمواد التنظيف وبعض الأشياء البسيطة .. بعدين موضح باب الغرفة وهو مفتوح في حيز التسريحة أو غرفة الملابس اللي أمام الحمام وبعده بعد باب الحمام يبين مفتوح
فوق الأُمور مشابهة الا باب الستور الثاني في البنتهاوس بعرض بسيط .. ممكن لو حبينا نضيف شيء حلو نسوي مقابل باب المصعد سكايلايت هرمي صغير 1.2 في 1.2 ينور المنطقة ذي وممكن يكون مرتفع وبارز يعطي شكل حلو للبيت
http://i.imgur.com/pmP0sfW.png
معماري قطري
01-01-2017, 12:44 AM
أحد الإخوان طلب مقترح حق بيت له ومساحة أرضه مناسبة لتصاميم كثيرة وقلت مبدئيا يشوف شيء من الموجود واقدر اغير عليه حسب حاجته .. اشتغلت على النوع اللي على زاوية ومساحته تقريباً 800 متر بيناسب حق أرضه
أتمنى يكون واضح وبناقش الأدوار الباقية بعدين وهي موجودة في الموضوع .. سويت نموذجين من نفس النوع ما ادري 3
http://i.imgur.com/1LE4GJx.png
معماري قطري
01-01-2017, 06:04 PM
عندي تصميم قديم مساحته 600 للدورين مع البنتهاوس بتزيد حول 730 بتوصل ومع الملاحق أكيد أكثر
بس اشتغل عليه وارتبه أكثر وإن شاء الله بيطلع مناسب أكثر للكثير من الأراضي والتصاميم
معماري قطري
01-01-2017, 06:14 PM
لو قللنا المواقف الداخلية بيكون الوضع أحلى ونحتاجها مقسومة وبباب واحد حتى يكون عندنا مواقف قريبة عند السائق وعند الملحق وكذلك عند مدخل البيت لسيارة صاحب البيت
http://i.imgur.com/cz4o1ar.png
معماري قطري
02-01-2017, 01:59 AM
هذي صورة الحوش للتصميم الثاني وأكيد باعدل عليه حتى يكون المطبخ قريب للملحق
مبدئياً الدور الأول فيه 4 غرف وصالة ومكتب وغرفة رياضة صغيرة وبانتري .. والبنتهاوس فيه غرفة نوم وغرفة ممكن تكون نوم أو مخزن وبانتري وحمام
وتحت عندنا غرفتين بس يحتاجون ترتيب
http://i.imgur.com/IhBS3zu.png
المالك بس باقي يقول لي أي تصميم يحب ووين جهة الشمال والشرق
معماري قطري
02-01-2017, 03:18 PM
رتبت التصميم كامل من أرضي وأول وبنتهاوس مع توزيعة الحوش .. بس لاحظت يمكن لو عكسنا وضع البيت بحيث اللي يسار يكونون يمين بيستوي يمكن عملي أكثر والغرف اللي تحت بتكون ورا بعيدة عن الحوش .. لكن بنفس الوقت بيخترب نظام البنتهاوس .. الصالة العائلية حلو لو تطل على الحوش يبين الداخل واللي طالع .. بنشوف شيصير بنجرب التصميمين
http://i.imgur.com/VJILBAC.png
معماري قطري
02-01-2017, 03:31 PM
فوق عندنا 4 غرف مع صالة مبتعدة عن الغرف وماخذه زاوية عن الازعاج .. مقابلها مكتب للبيت او نقدر نسويه سينما منزلية صغيرة وللعب بواجهة زجاج
أعتقد ألحين فكرة تبديل المواقع استوت واضحة حتى المطبخ الداخلي لو طل على الحوش يستوي أحلى الواحد ما يحس بوحشة للمكان .. بس بعد يمكن غرفة السايق ورا تضايق اللي في المطبخ
http://i.imgur.com/Fb3bxbp.png
معماري قطري
02-01-2017, 03:42 PM
البنتهاوس من غرفة وغرفة مخزن أو نقدر نخليها صالة رياضية ونغير استخدام التحتية أو مكتبة أو أي اختيار
نلاحظ كذلك كسرات الحمام كبرت فوق شوي هو اقتراح لعمل النافذة متصلة لحد السقف وبحيث تكون منحنية فوق البانيو للنور الطبيعي من أعلى
الدكتات للخدمات للماء وللصرف الصحي على جانبي النافذة وتسمح لنا بعمل قاعدة النافذة عريضة لوضع نبات ظل أو استخدامها كرف
http://i.imgur.com/EeyeaF0.png
http://i.imgur.com/EeyeaF0.png
معماري قطري
02-01-2017, 04:15 PM
هذي الحالة قصدي وممكن نعدل البنتهاوس على ورا حتى يفتح على جهة الحوش .. بس وضعية الدرج حلاتها ورا بعد وصعبة تصير
بيطلع عندنا البنتهاوس بمساحة 119 وفيه غرفتين بحماماتهم ومساحة الأول 291 والأرضي كذلك 291 ومساحة البنتهاوس تقارب 41% من اجمالي المساحة اللي بتطلع للفيلا بحدود 700 متر
ما اخفيكم علم إني مختار هذا التصميم حق بيت ولدي ويمكن أصغر فيه شوي بحيث اني الغي البنتهاوس
هذا الوضع الثاني ما نقول الجديد وأشوفه أحسن خصوصاً نوافذ الدرج تطل على الحوش وفي العادة تكون مفتوحة للانارة بدون ستاير وللحين ما ادري شوضع البيت من ناحية الشرق والغرب بس عارف إنه على شارعين وان الجيران فوق ويسار الأرض
http://i.imgur.com/cyqUeVh.png
معماري قطري
02-01-2017, 04:17 PM
بعض الامور أغفلتها والرسمة فوق مب كاملة وفيه تعديلات عليها بس لإيصال المبدأ التصميمي والفكرة
معماري قطري
03-01-2017, 03:34 AM
الدور الأول والبنتهاوس بعد تغيير وضعية الغرف وتغيير البنتهاوس بالكامل
المساحة الإجمالية للبيت 701 متر مربع وللملحق مع المجلس بما انهم متصلين 166 بمجموع نقدر نقول 867 متر مربع وهذي المساحة نادر نقدر نحصل فيها 8 غرف كاملة قصدي ال 700 متر .. ثنتين تحت لهم ممر خاص ممكن اغلاقه عن ازعاج البيت تحت وأربع فوق بينهم الغرفة الرئيسية تطل على الحوش ومعاها غرفة ملابس كبيرة .. وثنين فوق كلش يعتبرون قسم كامل للعيال لو كبروا
باقي شيء ما سويته وهو عمل غرفتين لبنتين متصلتين وممكن نقسمهم في المستقبل وبشوف شالأفضل وحاط عيني على اللي في الأول اللي جنب بعض
http://i.imgur.com/PIGLPq0.png
منقاش
03-01-2017, 08:39 AM
بارك الله فيك ويعطيك العافيه. لي رجعه باذن الله
معماري قطري
03-01-2017, 01:52 PM
بارك الله فيك ويعطيك العافيه. لي رجعه باذن الله
تنور الموضوع بوجودك ونبي ملاحظات
عرفت من المالك إن جهة اليمين جهة الشمال وتحت الشرق ويسار الجنوب وفوق الغرب
الحمد لله الجهات تأثيرها بسيط على البيت مع إني كنت متمني بدال الشمال شرق .. المالك تعليقه إن وهذا اقتباس " اللي اشوفه ان الاول مافيه شي لك انت كساكن للبيت غير المقعد اليومي. اما الباقي شكلي بس او للضيوف. "
واللي واضح من تخطيط الدور الأول إن فيه عندنا بانتري صغير والمفروض بدون فرن لأن بيكون للشاي وللميكروويف للتصخين والثلاجة تكون كبيرة مهمة للمشروبات والفواكه ونحتاج مغسلة صغيرة للصحون والأكواب + المكتب عندنا مغلق بواجهة زجاجية للدراسة بهدوء مع رؤية باقي العائلة وترتيبه ممكن يكون حسب الحاجة بطاولات صغار للدراسة مع كبتات للكتب ومكان للطابعة وممكن لو حبينا نفتح دريشة جهة الجنوب + الصالة الرياضية كافية لثلاث قطع بسيطة وممكن نحط فيها أرفف أو كبت لتخزين عدة التنظيف
الغرفة الرئيسية ماخذه حيز جيد ومقسمة صح .. نقدر نسوي فيها غرفة ملابس بكبتات بدون أبواب اللي تجي بباب ينقفل للخصوصية وممكن نركب قفل الكتروني بالبصمة أو الأرقام .. تسريحة عريضة مقابلة الغرفة الباب شوي بعيد عن منطقة السرير ومقابل لباب الحمام حتى لسهولة غسيل الحمام حتى لو واحد نايم عادي
غرف البنات الثنتين فوق ممكن نخليهم مفتوحين على بعض وفي البداية نستعمل سريرين مفردين ونخلي مثلا الغرفة اليسرى للجلوس والدراسة وحتى التلفزيون مع إني احب اشجع إن التلفزيون يكون في الصالات فوق وتحت للجميع .. بعدين في حال الكبر ممكن فصل الغرفتين بسهولة بحائط كامل طابوق أو بجبس أو خشب أو حتى باب يمكن يفتح وقت الحاجة
عزلت منطقة النوم بباب عن الصالة والدرج والمكتب
وهذا توضيح لكلامي السابق وقبل كان كل شيء موجود الا تعديل الغرفة وعزل منطقة الدرج والجلوس عن منطقة النوم
ضفت السكايلايت الهرمي 1.6 في 1.6 لصالة الجلوس
http://i.imgur.com/kknUkF2.png
معماري قطري
03-01-2017, 02:10 PM
يتراوى لي على هالحال الضيوف حدهم تحت بس
نجي لتحت ولمنطقة الضيوف ولو حبينا نستغل الصالة التحتية أوقات للضيوف ممكن نعمل جدار فاصل وقوس بين بيت الدرج والصالة ( مع إني افضل الوضع السابق ) لكن هذا الوضع بيخلي امكانية لو كانوا فيه حريم في الصالة والرجال بيدخلون فوق ممكن يدخلون عن طريق باب المطبخ وللدرج أو المصعد مباشرة
ولو حابين نسوي فتحات في هذا الجدار مسكرة بزجاج مزخرف أو معشق وإنارة بين الطبقتين مخفية بعد بيكون الوضع حلو والخيارات كثيرة .. حتى من ضمنها نعمل جدار 10 سم بس
http://i.imgur.com/CmA8bvh.png
معماري قطري
03-01-2017, 02:16 PM
المجلس زين يكون مغلق للخصوصية وحتى أوقات يجي مدرس للعيال فيستغلونه
وبهذا اشوف التصميم منتهي لو حابه المالك يتوكل على الله ويطبقه مع الاستشاري لباقي التخصصات .. إنشائي وكهرباء وميكانيك ودفاع مدني ويخلص الرخصة
بالنسبة للإرتفاعات عندنا مجال لإرتفاع عالي لكن انصح بالتكييف السبلت الجداري والمعلق في بعض الأماكن ( السقفي ) والأمر يرجع للمالك .. رسومات الاوتوكاد جاهزة والحمد لله تصميم رقم 13 خلص في فترة قياسية وبانتظار رقم 14
معماري قطري
03-01-2017, 08:08 PM
إضافة بسائطية على المجلس الخارجي مع بعض التعديليشن ولا اظن التخطيط بيوافق على مساحة ملحق هالكبر بس يستاهل المحاولة والمساحة بتكون حول 900 متر مربع
http://i.imgur.com/Vn1Dv3O.jpg
كنت مفكر اخلي الغرفة بابها جهة ليوان المجلس .. قصدي غرفة السايق بس تخيلت صعوبة التواصل معاه وحتى توصيل الأكل له بيكون صعب وطلع لي سهل نعمل مقلط أو غرفة للطعام مع مجلس يومي أرضي لو حبينا
معماري قطري
05-01-2017, 12:31 AM
بعد ما عرفت اتجاهات الشمس حسيت إن الغرفة الرئيسية مظلومة فقلت ليش ما اكبرها واحرك المكتب مكان الصالة الرياضية بتستوي عندنا كل الغرف في مكان خاص وهاديء بعيد عن الصالة .. وكذلك بتكون الغرفة الرئيسية مطلة على شرق وجنوب للشمس في أغلب الوقت
أضفت نوع الدرايش اللي يجي بارز بحيث تدخل الشمس لجلسة صغيرة كافية ل 3 أو 4 أشخاص مع طاولة وسطية للشاي وحتى أوقات للريوق في الغرفة أو حق التشمس وقت الصبح والمغرب .. الستارة بتكون مثبتة في جزء الحائط وتغلق بحيث تقسم الجلسة مع الدريشة عن الغرفة
http://i.imgur.com/ia74eGC.png
طبعاً مع عمل الزوايا القائمة في الجدران مشطورة 45 درجة حتى ما تنكسر ولا تعور اللي يصطدم بها وكذلك منظر جمالي
معماري قطري
05-01-2017, 01:09 PM
البارحة حسيت بارتباط قوي مع هذا التصميم واشتغلت على أفكار للسقف وبتنعكس على الواجهة .. رتبت النوافذ فوق بعض لكل الأدوار وعدلت في التصميم الداخلي قليل حسب النوافذ ونوعيتها .. صراحة سهرت لحد الفجر .. وأذكر رفيجي صاحب التصميم الأساسي ما كنت متفرغ وقتها ومخي مشتت وكنت مشتغل أكثر على التسعير .. صج عدلت شوي لكن هذي التعديلات كثير أكثر أكيد بيزعل علي
وصلت للسقف من فوق وكيف ترتيبه ينعكس على الواجهة .. الغربية ما عندنا مشكلة في كون النوافذ فوق بعض لأنها صوب الملحق ولا تبين للداخل .. والجنوبية مع إنها فوق بعض كذلك هي ورا وتغطيها طوفة البيت الخارجية وحتى اللي بيكون ورا بيكون قريب ما يلحق يرفع راسه فوق يشوف استقامة الدرايش وهذا مبدأ ينطبق عندي على كل المباني ويعطينا فرصة نركز أكثر على الداخل من الخارج .. الواجهتين اللي لازم يكونون مرتبين حتى في استقامة الدرايش فوق بعض هم الشمالية الطويلة والشرقية واللي فيها مدخل البيت الرئيسي
خلونا نروح صوب السقف وبعدين اسوي رسمات للواجهات
http://i.imgur.com/VLgOx0x.png
السقف لو سويناه جزئي بسور مائل بقرميد يغطي شوي على الواجهة هنا خليته 25 سم بروز ومايل ناحية الداخل متر .. وفي مكان البنتهاوس بيطلع سيدة لحد ارتفاع سقف البنتهاوس
طريقة سور السقف سهلة منه جزء مايل وجزء مستقيم وجزء أُفقي .. الأُفقي هو صبية السقف أثناء عملها بعد الجسر نخليها ممدودة 25 سم من سطح واجهة البيت .. بعدين بعد قبل الصب مباشرة نكون محددين مكان الحوائط العمودية ومركبين حديد تسليح بسيط جداً بحيث يناسب حائط خرساني بإرتفاع 1.3 متر أو 1.2 متر حسب رغبتنا بس ال 1.3 أو حتى 1.4 بتخلي السور مرتفع (ساتر ) وبنفس الوقت يعطينا سلوب قوي يخلي القرميد المايل يبين واضح
بعد صب الأُفقي يكون حديد العمودي بارز وجاهز ينصب بسمك بس 10 سم لأنه خرساني وبتكون قوته كفاية ونبغي وزنه خفيف لذلك نقلل عرضه .. يبقى عندنا المائل واللي بيجي على سطحه القرميد .. المائل نسويه بالخشب ( مارين بلايوود) مثبت ببراغي خرسانة على خشب مربع وعلى الخرسانة وفوقه عزل بتومين ويتركب القرميد
ولو بنسوي عزل حراري على الجدران نعمل حسابنا حق سمك العازل ونعزل واجهة خرسانة السقف وأسفلها
معماري قطري
05-01-2017, 01:35 PM
الخطوط المايلة هذي سلوبات جريان ماء المطر جهة بايب الصرف وعندنا ثلاثة في تجويف البايبات والرابع بيكون وراء البيت وممكن نخفيه بطابوقة زيادة تنبني عليه أحلى وأرخص من الجي ار سي ولو خليناه مكشوف ورا ما يضر
السقف كحل ثاني ممكن نسويه مبسط بتقليل الحوائط المايلة والقرميد .. وحل ثالث إن نزيل القرميد بالكامل ونسويه مبسط بدون درايش بارزة .. وحل رابع إننا نسوي الدرايش البارزة بس بدون سقف مايل وقرميد ممكن السقف سيدة ويكون سقفها نازل وله سور سقف بسيط ولازم يحتاج تصريف ماء مطر
http://i.imgur.com/KQs9VZ2.png
معماري قطري
06-01-2017, 07:01 AM
سويت بعض الرسومات من أمس وقبل بس للحين ما حطيتها وبعضها للحين ماكملتها مثل الواجهة
شاغلني تعديل الغرفة الرئيسية لأنها دوم هي الأهم وفصلتها عن باقي الغرف بحيث تكون مب من خلال الممر مثل قبل .. وهذي كلها اختيارات وتفكير بصوت عالي حتى يسهل الإختيار على من يحب التصميم .. والتصميم هذا وغالبية التصاميم مب حق شخص واحد واللي يعجبه شيء باطبقه له وبارسل فايل الاوتوكاد ومستعد اتابع معاه لين حتى يخلص الموافقات
رسمت هنا كذلك خطتي حق ستاير النوافذ البارزة حتى توضح الصورة والباقي نقدر نسوي لها ستائر تقليدية .. هذي تكون غائرة ومثبتة في أطراف الحائط لو اغلقت تبين سيدة ولو انفتحت يبين التجويف والجلسة
http://i.imgur.com/W4S1xLg.png
نركز أكثر على منطقة غرفة النوم الرئيسية والتعديل تم بتغيير مكان الباب والغاء التسريحة بحيث ننقلها جنب السرير داخل ممكن .. يستوي عندنا لوبي صغير بباب في كل جهة واحد للحمام اللي وسعناه واستوى طوله 5 متر في متر و80 سم وهذي التوزيعة الأُولى أضفت شاور مغلق بروحه
http://i.imgur.com/2kZ20SQ.png
وهذا المقترح أشوفه أفضل .. جمعت الشاور والبانيو في منطقة رطبة مسكرة بزجاج و ما ننسى عندنا النافذة مواجهة جنوب وتدخلها الشمس طول اليوم وجاية لفوق منطقة الشاور يعني جزئياً سقفية
http://i.imgur.com/Qkz7iar.png
هنا تخليت عن فكرة الأقواس العريضة لأن الأبواب العادية تسد مكانها وعرض 20 سم كافي .. قللت طول غرفة الملابس 10 سم واستوى العرض 1.8 بس نسيت اعدله خليته 1.7 في 1.7 مثل ما هو واضح .. واستوى عندي البعد الرأسي 2.1 ونقدر نحط اصيص زراعة
بالنسبة للحمام هذا التوزيع أحلى بس مشكلة بعد الصرف للكرسي لازم نتأكد منها مع مهندس ميكانيكي مختص وأتوقع تصير ولها حلول ثانية .. إحداها بما أن الإرتفاع عندنا 4.5 متر ممكن نسوي التصريف تحت سقف الحمام التحتي المستعار بعمل فتحة من الأساس في الخرسانة ويتجه للصرف بسلوب جيد وبدون أي مشاكل بإذن الله وتوزيع الحمام يكون مثالي مثل ما تشوفون .. ونقدر زيادة نرفع أرضية الشاور والجكوزي شوي ونخلي الجكوزي نص نازل لسهولة الدخول داخله .. كذلك توجد جكوزيات لها باب ومقعد ويوصل الماء للرقبة تقريباً وهذا مريح أكثر وممكن نستخدمه .. شيء مهم ما ننسى جهاز البخار لأن هذا بيكون شاور وستيم وجكوزي .. البخار زين تكون له المساحة كبيرة
http://i.imgur.com/MFf5gZN.png
معماري قطري
06-01-2017, 07:05 AM
اللي يعجبني في هذا التصميم إنه اقتصادي وما فيه ممرات كبيرة واسعة ومساحات ضائعة .. وفيه كل احتياجات العائلة حتى فيه قسم تحت من غرفتين وقسم بنتهاوس من غرفتين وبانتري .. ومع الواجهة والقطاع الطولي بيبين أكثر ونقدر نطوره في اتجاهات عديدة بدون حدود معينة
معماري قطري
06-01-2017, 07:45 PM
الواجهات سويتها بطريقتين وحدة بدريشة وسطية بارزة ووحدة بدريشة وسطية عادية .. وأكيد الملاك يحبون بعضهم الحجر وهو له فنه ولمساته ويفترض تصميمه يدخل من الأساس وبعضهم يحبون الزينة الزايدة وانا اركز على التوازن والواجهات الجميلة بحدود ووقار
أفكر بما اننا نستعمل درايش قوية ومانعة للغبار وعازلة للحرارة ليش نسوي تظليل وبروزات ونخليها سيدة أفضل .. القرميد شوي ومنه أنواع حتى نوع يجي أسفله بتومين وعازل ويركب على لوح خشب وحسب النوع اللي بنحتاجه وبنركبه يجي التفصيل .. والزوايا لها قطع خاصة أما توضح برسم تفصيلي أكثر أو تكتب في المواصفات بصورة واضحة
http://i.imgur.com/Dll6L1M.png
معماري قطري
06-01-2017, 07:48 PM
الدرج كل عتبة 12 سم وارتفاع أرضية المدخل 48 سم ما اشوف فيه داعي للدرابزين ولو حبينا نقدر نسوي جدار 10 سم أو حديد مشغول
معماري قطري
08-01-2017, 07:09 AM
عملت إضافة بعض قطع الجي آر سي وعمودين للمدخل وسويت الواجهة الثانية
http://i.imgur.com/ZGlmq4p.png
الواجهة الجانبية ونشوف فيها كيف دكتات التصريف للحمام مرتفعة والدريشة بينهم من قطعتين قطعة عمودية وقطعة مايلة تمثل منور سقفي .. ورفعت سور السقف جهة الدريشة حتى يعطي خصوصية أكثر ولا يمكن حد من فوق يطل على تكرمون الحمام .. الدريشة عالية وممكن القطعة العمودية نخليها محببة وحاجبة للرؤية والمائلة بتكون رفيعة كثير وحلاتها تكون شفافة لدخول نور الشمس وامكانية رؤية السماء من داخل
http://i.imgur.com/cj7zJgf.png
معماري قطري
08-01-2017, 11:29 PM
من أهم المخططات عندنا القطاع الطولي واللي يقص المبنى ويراوينا شداخله
فيه أشياء كثيرة مفقودة وما يلاحظها الا مختص وانا ركزت على المهم .. عندنا الباب فوق السطح المفروض مرتفع عن أرضية السطح الخرسانية وأرضية السطح الخرسانية تجي فوقها طبقات العزل وميلانه .. الأرضيات للغرف تتكون من طبقات كذلك ولازم نوضح النعلات
ببساطة هذا رسم ناقص لكن المهم يوصل الفكرة لنا
النوافذ في غرفة النوم الرئيسية في الوسط يسار بتجي جنب السرير وعندنا مساحة كافية بحيث نسويها عريضة ونازلة لحد 50 سم من الأرضية حتى نشوف انفتاحها جهة خلف البيت والجنوب ونور الشمس يدخل الغرفة .. ممكن نسويها ضيقة وطوالية وجاية فوق الكوميدينو بالضبط .. طبعاً ما نهتم وايد للي تحت لأن ورا البيت ولا تبين للناس من الخارج والداخل من ورا ما يقدر يدقق في كل شيء ورا زراعة وهذا أقرب شيء لنظره والحائط
http://i.imgur.com/J0YzDLW.png
الدرابزين بيكون قطعة بسيطة بس جهة المفتوح صوب الكراسي .. ومن تحت نقدر نسوي جزء طوفة يغطي الدرج .. انا خليته للتوضيح بس .. والزوايا الجانبية لبيت المصعد مشطورة وبتقويس من أعلى
ملاحظة مهمة .. المصاعد الحديثة مكينتهم داخل بيت المصعد وصغيرة وتحتر وتصخن بير المصعد وتصخن داخل المصعد بالتالي .. لذلك حلها بعمل فتحات تهوية صوب الجهة الخلفية من الدرج هنا بيكون في يمين الصورة من تحت بشبك ألمنيوم لدخول الهواء البارد ومن فوق كلش مروحة شفط بسيطة ودكت تطلع الهواء برا وبحيث يكون معدل تطليع الهواء بسيط ما يطرد الهواء البارد بل يطرد الساخن المرتفع في بيت المصعد ليحل مكانه بارد من أسفل
تحت يمين عندنا الصالة التحتية وانا عملت حائط فاصل حتى يعزل المنطقة نوعاً ما وسويت فتحات دائرية في الجدار هذي موضح وراها الدرج بخطوط خفيفة ممكن تكون مفتوحة ومسكرة بحديد مشغول حتى ما يحاول طفل يدخل منها أو مغطاة بطبقتين زجاج معشق أو ملون وفي الوسط إنارة فتبين منورة دوم .. أو ببساطة غطاء خشبي داخل في الوسط وبرواز دائري وفي الوسط لوحة مربعة وقد تكون صور أفراد العائلة
معماري قطري
09-01-2017, 01:54 AM
الحمام الرئيسي وتقريباً كل حمام فوق له سكايلايت متصل مع الدريشة وهنا توضيح له بمقطع طولي في الحمام جهة الشاور .. والإرتفاع حول 3.6 متر وانا بالنسبة للحمامات حدي 3 متر ويمكن أقل حتى لتبديل الليتات أسهل .. ولو حبينا نسوي الإرتفاع عالي نشوف ليتات جانبية أو نازلة معلقة
http://i.imgur.com/3UGSnFp.png
الرجال اللي مع الشلة طوله متر و 80 وحطيته بس للتوضيح
معماري قطري
09-01-2017, 04:14 AM
التصميم كل ما تاخذ وقتك فيه وتشتغل عليه أكثر يطلع مدروس وشرح وواضح للمستفيد .. والمستفيد عندي انا كلكم وانا بنفسي استفيد لأني مستقر على هذا التصميم لولدي ويمكن بدون بنتهاوس لتقليل تكلفة البناء ولعدم حاجته له وممكن اسويه بالبنتهاوس
شلت الشباب اللي يتناقشون داخل طردتهم وحطيت واحد يتسبح الله يستر عليه
البوردر مهم ويفصل نوعين من البلاط ممكن بالكامل غير .. فوق وضحت الحمام الفوقي مال البنتهاوس كيف وفيه تعديل عليه وتوضيح شلون بيكون راكب فوق وداخل شوي داخل حتى يفتح جزء من السقف للنور
http://i.imgur.com/dkDv0av.png
معماري قطري
09-01-2017, 04:18 AM
بالنسبة للإضاءَة بما إن الارتفاع كبير لازم نخليها مثبتة أما على خشب حتى الدنجل ينفع ويكون جاي بالعرض مثبت من حائط لحائط والإنارة مثبتة فيه ويطلع الخشب ديكور حلو ولا يأثر في الإرتفاع .. أو ننزل السقف بالكامل بالجبس ونسوي السبوتات فيه .. يعني 2.8 مناسب وجمالية المنور بعد بنحافظ عليه وفي المرحلة القادمة باسوي هذا الخيار بإذن الله
معماري قطري
09-01-2017, 11:14 AM
سامحوني امكانيات البرنامج هذا بسيطة لكن واضحة بقدر كافي .. فيه برامج ثانية أقوى خصوصاً للتوضيح ثلاثي الأبعاد وهذا ثنائي بالطريقة القديمة
للي يصمم أو ناوي يبني لازم يعمل فايل ويسجل كل النقاط ويشوف الخيارات التصميمية يناقشها مع مختص .. الإتجاهات كثيرة وبعضها مكلف بدون معنى وبدون فائدة .. بعض المصممين يهمل عندنا عنصر مهم اللي هو النور الطبيعي .. وبعضهم يجط قطعة عادية لكن سعرها عن 10 قطع ويمكن أطقم ولا ابالغ صدقوني .. في الأخير القطعة زادت كم سم أو قصرت كم سم ما تفرق كثير في التصميم
كمثال بعض الناس يدورون جكوزي دفش وكبير يكفي حق 2 ويمكن أكثر .. يخلص الماي وهو يكون فيه بروحه .. وبعضهم يختارون صح والمقاسات الموجودة للحجم العادي غالبيتها ما تزيد على 2 في 80 سم .. وإحنا حمامنا السابق طوله 5 متر ونشوفه تقريباً مقسوم من النص بالقزاز والباب الزجاجي واستوى عندنا حيز رطب يتكون من شاور بمقعد ( للشياب ) + جكوزي + إمكانية عمل نظام بخار .. وعندنا المنور السقفي بيكون مسوي جو وسهل عمله لأنه في حيز غائر
شيء مهم نسيته .. الحمام اللي فوقه دريشته مب مسموح تكون في هذي الجهة الا تكون صغيرة ومرتفعة ولازم نسويها تطل على السطح
معماري قطري
09-01-2017, 12:48 PM
سويت انعكاس للجهة الثانية من الحمام ونزلت شوي السقف لحد 3.2 متر ورفعت شوي الدريشة
لازم جسور أرضية الحمام تكون معكوسة حتى ما يستوي شلخ بين الطابوق والخرسانة وعدلتها هنا
http://i.imgur.com/OI2YS0V.png
معماري قطري
09-01-2017, 12:55 PM
بايب التصريف حق الكرسي يبين سلوبه زين وسبوت لايت مكانه تحت الجسر مسلط على الجكوزي وثاني يفترض فوق الشاور
الكرسي طوله 70 سم كما في الصورة والباب يفتح صوبه .. يعني ندخل مقابلين المغسلة مباشرة ولازم نحط قطعة بلاستيك تمسك الباب ليضرب في الكرسي
بالنسبة للتهوئة أما نسوي فتحة فوق الجبس ولوفر قريب من الباب لدخول الهواء من غرفة الملابس أو نسوي امداد هواء تكييف بارد .. وانا افضل اللوفر ومروحة الشفط بتدخل هواء بارد وبتشتغل بأريحية لأن المكان بيكون مب مكتوم
معماري قطري
09-01-2017, 01:10 PM
الشكل بعد التعديل الأخير برفع الطوفة بس هنا الارتفاع الصافي 3.6 وحطيت توضيح لفتحة الباب بخطوط متقطعة .. الحاجز الزجاجي ممكن يكون بفريم أو فريملس يعطي انفتاح أكثر
المراية فكرتها تكون معمولة ببرواز عريض خشب ووراها خشب يغلفها ويحمي طلاءها من التحلل وهذي يسويها أي محل زجاج وبرخيص مقارنة بالنوعيات الجاهزة .. تثبت على خشب مربع مثبت ببراغي في الحائط حتى تبين كأنها طافية .. وتكون بارزة حول 10 سم من التجويف اللي هو 10 سم وانارة مخفية تنور التجويف اللي يكون ببلاستر أو جبسوم بورد مصبوغ صبغ ضد الماء وصدفي أو أبيض
http://i.imgur.com/jBcdGn6.png
معماري قطري
09-01-2017, 11:35 PM
بناءً على الفكرة الموجودة طريقة حوض الشاور العادي مب حلوة والأفضل نسويه من قطعة وحدة من الرخام أو القرانيت المعالج واللي عليه مادة مانعة للانزلاق .. وحلاته يجي مع نعلات جانبية مشابهة .. فيكون عندنا أكبر مساحة للوقوف وبسلوب خفيف جهة قناة تصريف مع بايب عريض ومفتاح مانع لرجوع الماء والروائح ووصلة مباشرة لبايب التصيف الكبير
مثل هذا الوضع تقريباً
http://i.imgur.com/TTRCEtx.png
هنا نشوف كيف قناة التصريف شبه مخفية .. نقدر نسويها فتحة مغطاة جزئياً بقطعة رخام ممكن تنشال ويتنظف تحتها والماء يتصرف وراها قرب حد كرسي الجلوس
http://i.imgur.com/9KOo8zu.png
وإشتغلت على توزيع آخر بحيث أغير وضعية الجكوزي واخلي باب الشاور والجكوزي ينفتح من الوسط ويكون عندي مجال اكبر المراية .. بيستوي عملي أكثر وابغي تفاعل وأسئلة وانتقاد مب بس مشاهدات
معماري قطري
10-01-2017, 12:04 AM
الوضع الجديد ممكن أفضل ومثل ما قلت التصميم ما يوقف عند حد وكل مقترح جديد يكون مدروس أكثر
هذا مثلاً إستوى سهولة الدخول والباب وسطي أفضل واتصال كاونتر المغسلة مع الحاجز القزاز بيكون أحلى .. وإستوت منطقة الشاور واسعة والحوض مثل ما هو ما تغير ونقدر لو نبغي نحط حوض زاوية بعد الوضع سهل وبحط مثال لحوض الزاوية
http://i.imgur.com/JLlwmF0.png
معماري قطري
12-01-2017, 07:43 AM
تفصيل مهم لمغسلة الحمام والمراية يوضحه هذا القطاع الطولي مع موقع الباب في الحاجز القزاز اللي يفصل منطقة الشاور والجكوزي عن باقي الحمام
الكسرة في الحائط عمقها 10 سم ومثل ما ذكرت تكون مصبوغة بلون صدفي أو أبيض حتى يعكس نور الإنارة المخفية
http://i.imgur.com/gYins3B.png
معماري قطري
14-01-2017, 10:30 AM
تسليت بعمل مقترح حق البيسمنت ولتوضيح المنور اللي في الحوش واللي نازل بمستوى البيسمنت .. هذا اللي مسويه بعرض 1 متر ممكن النزول له من الحوش بدرج خشب أو حديدي لصيانة منهول المضخة اللي المفروض تكون ورا الحمام لو استدعت الحاجة .. وطبعاً أطراف الحفرة أو البلكونة النازلة تكون بسور حماية عن السقوط لو حد مر ورا البيت .. ولو ارتداد البيت هو العادي 3 متر بيتبقى لنا 2 تقريباً ناقص سمك سور الحماية اللي ممكن يكون 10 سم وهو كافي للخدمات وللزراعة كذلك
http://i.imgur.com/BL48X8Q.png
المساحة الزايدة بتكون عندنا 175 وهنا لغرفة ومخزن كبير وممكن نخليها لغرفة ومخزن وصالة وممكن نضيف مساحة إضافية لو حبينا .. بس بهالوضع تستوي المساحة الاجمالية للبناء للفيلا بس 944 متر مربع وب 9 غرف كلها تعتبر ماستر وبعضها بغرف ملابس كبيرة + الحمامات معاها + صالتين وغرفتين طعام ومجلس
معماري قطري
14-01-2017, 10:38 AM
هذي الصورة شوي أوضح
http://i.imgur.com/cKC1x3W.png
وكل الغرف والأدوار فوق بعض يعني نظام البناء الخرساني بيكون مدروس وبسيط
معماري قطري
14-01-2017, 01:58 PM
نتناقش انا وأحد الإخوان في هذا التصميم الأخير .. وكنت اقول إن الممرات قليلة ومساحة البناء ما فيها مساحات ضائعة وعرض الممر متر و 60 سم قال وايد قليل .. وهذا توضيح برجال شايل شنطة .. لأن عرض الرجل بحدود 50 - 60 سم وعندنا الممر لو اثنين يمرون جنب بعض بتبقى مسافة حتى متر و20 ومتر و40 مسافة كافية لشخصين
http://i.imgur.com/ljvul2O.png
وهذا توضيح للبلكونة النازلة مع البيسمنت وكيف الواحد يقدر يمشي بسهولة فيها وحتى ممكن يزرع ويرتب الزراعة في اصيصات .. وشمس الجنوب مؤكد بتنور هذا المكان بإذن الله
http://i.imgur.com/3CE4f6D.png
معماري قطري
18-01-2017, 04:56 PM
ما اهتميت لتفاصيل الدرج واعتقدت انها كافية لكن نبهني لها الموضوع الثاني اللي يسئل عن اضاءة الدرج
عندنا حيز الدرج 7.3 في 4.2 وهو مساحة معقولة لو بنسوي بيسمنت بيضيع الفضاء اللي خلف الدرج بسبب العتبات النازلة ولو مب مسوين بيكون عندنا مجال نسوي مخزن صغير .. المصعد عرضه مثالي 1.4 متر وعمقه 1.8 وعرض عتبات الدرج 1.2 أيضاً كافي لشخصين ولنقل الكراسي الطويلة .. والمساحة جدام كممر وواجهة مصعد جيدة
بالنسبة للدرج باوضح عدة أفكار لتصميمه وقصدي تشطيبه لكن لازم تتخذ في الحسبان من الأساس .. الدرابزين عندنا بيكون محدود وبسيط وأقل ما يمكن ونقدر نسويه خارج طرف الدرج من تحت ومشبوك مع بيت المصعد .. وفيه طريقة لو حبينا نسوي مسكة متواصلة مع نهاية الدرابزين ومقصوص لها في بيت المصعد العملية سهلة بس نحدد مكانها ونعملها أثناء الصب
هذي بداية الدرابزين حماية بس في بداية الدرج
http://i.imgur.com/PsyIkDn.png
ما لونتها لون غير بس واضحة ان شاء الله وبكمل وقت آخر بإذن الله
معماري قطري
19-01-2017, 10:22 AM
هذي صورة توضيحية لنموذجين باستخدام السيراميك أو البورسلان للواجهة بسمك 8 ملم .. اللي فوق البروز كله 3 سم من الواجهة ولازم نشوف للواجهة سيراميك بعرض 12 سم بالغلط خليتها 9 سم وتكون القطع موزعة على عرض العتبة اللي هو 120 سم يعني ممكن ناخذ 12 في 12 مربعين بعدد 10 حق كل عتبة أو 12 في 24 بعدد 5 حق كل عتبة أو 12 في 30 بعدد 4 حق كل عتبة مثل ما بوضح في المثال القادم
اللي تحت البروز 5 سم وتقدرون تقيسون وتشوفون شكثر ولا شيء .. بعدين الحواف لافة ما عندنا مشكلة لا تنكسر لو انضربت ومنظرها حلو وناعمة
بالنسبة للحواف هذي وبلاطة العتبة تنعمل بسهولة بأي نوع من الغرانيت أو الرخام .. كذلك نحصلها جاهزة من البورسلان أرخص ومخصصة للدرج .. وتجي بعدة ألوان منها الرمادي أو الأسود أو البني الفخاري وننسق معاها قطعة الواجهة وممكن تجي بنقوشات وألوان تختلف وحطيت صور لأمثلة عديدة في موضوع صور عمرانية ونقاش حولها
تحت خلوا نقول مقدمة البلاطة راهية بعرض 6 سم وفي الثنتين القص حق شريط الاضاءة واضح ومقاسه واضح .. واحد نص سنتيمتر في 1.5 سم وواحد 1 سم في 2 سم .. التمديد لو ما سويناه نقدر نسويه في المونة اللي تحت البلاط بس بسلك قوي ومحمي وبعناية خلال التركيب
http://i.imgur.com/hHTe4Bg.png
وهنا توضيح لواجهة الدرج بس ثلاث عتبات وشلون يبين لنا البرطم أو الحافة تفرق بين عرض 3 سم في البلاطة نفسها أو عرض مزدوج 6 سم .. والنقشات افتراضية وأكيد في الطبيعة بنحصل أحلى بوايد
http://i.imgur.com/XnQOXdu.png
معماري قطري
19-01-2017, 10:33 AM
شيء مهم ناخذه في اعتبارنا عند تصميم الدرج هو عدد العتبات والارتفاع الكلي من دور لدور .. مثال هنا عندنا 30 عتبة ولو خلينا كل عتبة 15 سم وهو المقياس المعتاد والمعقول في الراحة بيطلع لنا الارتفاع 4.5 .. لكن لو فرضنا نبغي الدرج مريح أكثر أو سوبر مريح ننزل ارتفاع كل عتبة فينزل الارتفاع العام فلو خلينا كل عتبة 14 سم بنحصل 14 في 30 = 4.2 متر وهو يطلع صافي حول 3.9 لو الصبية كانت 30 سم و 3.9 ارتفاع كافي حتى للتكييف المركزي أو الدكت سبلت
نفترض بنسوي العتبات تدليع أكثر بإرتفاع 13 سم وهذا بيعطينا ارتفاع 3.9 وبعد كافي وصافي بيطلع حول 3.6 وحتى حق دكت سبلت ممكن .. ولو بنقول بنركب تكييف سبلت عادي حتى ممكن نسوي كل عتبة 12 سم ونحصل ارتفاع 3.3 صافي وعندنا للجبس طبقتين 30 أو 40 سم
معماري قطري
19-01-2017, 10:37 AM
بعضنا ما يبي تعقيد زايد .. يقول باسوي الدرج بلاط شعبي وباركب عليه سجاد وحتى ممكن مع حشوة تحتية ( أندرلي ) وبيكون مريح وعملي وهذا باسوي له تفصيل مريح .. وسويته في بيتي وحطيت صوره بعد سابقاً ولا يكلف شيء و للحين السجادة ما تغيرت وملصوقة بغراء مب مثبتة بقطع نحاسية وتجميلية .. وحسب موقع الدرج نقرر درجة التجميل اللي نبغيها
koketa
20-01-2017, 12:23 PM
موضوع ممتاز ومفيد
أنا ابحث عن تصميم مميز و يتوافر فيه فكره الأجنحه هل ممكن احصل شي مماثل ؟
معماري قطري
20-01-2017, 12:55 PM
موضوع ممتاز ومفيد
أنا ابحث عن تصميم مميز و يتوافر فيه فكره الأجنحه هل ممكن احصل شي مماثل ؟
مرحبا بتواجدك إخوي
عندك الأخير الدور الأرضي فيه جناح من غرفتين مفصولتين عن باقي الصالة والبيت وأشوفه سهل وعملي وفيه حركات معمارية حلوة .. فوق كذلك للبنتهاوس ولو تبغي بيسمنت ممكن تسوي قد احتياجك .. الدور الأول موضح قسم غرفتين للبنات كافية مع بعض لأربع بنات ثنتين في كل غرفة وكل غرفة بحمامها ومساحات التخزين فيها واضحة .. وغرفتين رئيسيتين ثنتين بغرف ملابس تدخلها وبباب مفصول .. مع إنه تصميم متوسط المساحة 760 ولو بنضيف بيسمنت ممكن يوصل أقصى شيء ل 1060 وبحدود 10 غرف
غير داخل الموضوع كذا تصميم تنطبق عليه الاحتياجات
معماري قطري
20-01-2017, 01:29 PM
وحتى لو تبغي تعديلات محددة مستعد وكذلك لو عندك تصميم تبغي عليه تعديلات بحيث يتناسب مع احتياجك وأرضك العملية سهلة وللجميع
معماري قطري
20-01-2017, 01:36 PM
إخواني نصيحة لوجه الله في هذا اليوم المبروك وهو يوم جمعة المسلمين
أي تصميم ما نعتبره حصري وخاص بنا ونتجرد من ( لي انا بروحي ) وخلونا نتفق إن المباديء التصميمية تقريباً متقاربة وشفنا كيف التصاميم تتشابه حتى عند الاستشاريين ويشتغلون على نماذج محددة ويطورون فيها .. وانا واحد منكم وفيكم حطيت تصميم بيتي واللي يبغيه حلال عليه مع إني مسويه من الصفر لكن لازم حد مسوي فكرة مشابهة من قبل
في النهاية لكل شخص ذوقه واحتياجه وممكن شخص يطور على نموذج ويطلع شغله أفضل بكثير من الأساسي والله يوفقه ويستاهل ولازم نتمنى ونحب لإخواننا ما نحب لأنفسنا
Azizuk
20-01-2017, 07:32 PM
احلا شي برطم الدرج يابوعبدالله
بس اللي يبي يركب مكيفات سنترال أو دكت وديكور جبس طبقتين
لازم يخلي الارتفاع عالي مب اقل من 5 متر
عني حاولت ارفع السقف ورفعته لين 4.20 وراح منه 90 سنتيميتر للجبس والدكتات
ونزل عندي السقف
والدفان مع الفنشينغ لين التبليط طلع 15 سنتيميتر
يعني من 4.20 صفيت على ارتفاع 3.15 مع الكرانيش يُبين نازل السقف عندي
ولو ادري ان السقف راح ينزل جذي كان تنازلت عن مكيفات الدكت في سبيل ارتفاع السقف
حاولت ارفع البيت اكثر ماقدرت بسبب عتبات الدرج راح تزيد وراح تخرب تصميم البيت
لان مع ارتفاع السقف لازم تزيد عتبات الدرج وبتزيد ( البراطم )
وإذا تزيد عتبات الدرج راح تغير مداخل بيبان البيت لانها راح تتداخل مع مداخل البيبان وعتبات الدرج
وإذا تغير مكان مداخل البيبان سوى اذا عندك مدخل قريب الدرج تحت اوغرفه فوق وبتغير قليل في مكان تحريك الباب بس راح يخترب عليك الديكور شوي وخاصه اذا جنب الدرج المصعد ومدخل للبيت تحت زي اللي عندي
معماري قطري
21-01-2017, 12:02 AM
نصيحتك في محلها بو سعود للي يبي يرفع ارتفاع زائد
وبخصوص البرطم صج كلمة عامية بس تترجم كلمة Lipping
الارتفاع الموجود هنا كله ما نحسب الحشوات اللي تحت لكن المقصود ببداية الدرج نبتدي من نهاية أرضية البيت المشطبة .. يعني لازم ينحسب المستوى من الأساس ومن تأسيس الدرج لذلك تحصل أول عتبة مرتفعة كثير والأخيرة يجي بعدها نزول حتى ينوزن مستوى الدفان أو الخرسانات اللي تحت البلاط .. اللي ينقص عندنا في الإرتفاع هو بس سماكة صبية السطح وبعدين أي شيء احنا نسويه تحت صبية السطح مثل الجبس والدكتات .. والدكتات لو خليناها جانبية بنقدر نرفع الجبس في الوسط ويعطينا احساس بسعة المكان والارتفاع .. كذلك لو سوينا الجسور مسطحة أو قليلة النزول نفترض 20 سم بس والدكتات تحتها تجي 40 أو 50 فراغ 10 سم وتحته الدكت 40 وتحت يجي الجبس ممكن بحدود 10 سم .. وصلنا 80 سم ومع الجبس دبل حسب التصميم بيزيد عندنا النزول .. لكن نقدر نسوي مثل ما قلت تصميم للجبس مع الدكتات بحيث تجي جانبية والجبس في الوسط مرتفع
الخلاصة اللي يفضل ارتفاع عالي وتكييف دكتات يعمل حسابه من الأساس
Azizuk
21-01-2017, 11:35 AM
Lipping لها استخدامات وايد يامعماري
يعتمد وين تستخدم :victory:
الا سؤال يابش مهندس وين اقدر احصل مادة لاتكس latex اللي تستخدم لتقوية الإسمنت أو مادة الغراء لاصق البلاط
تدمر مايبيعها بروحها لازم تأخذ منهم مادة الغراء مع بعض يجيك عندهم لتر يتخلط مع كيس الغراء يوم طلبت منه يبيعني إياها رفض
رحت تاسكو عندهم بس نوع ثاني وسعره غالي الغالون ب ظ،ظ¨ظ* ريال
هذا عندك معلومات عن هالمادة تفيدنا لان خبرك هالهنود والبنغال مايعرف الخصائص بس يبي يبيعك اَي شي
تسأله تقول له هذا لاتكس مايعرف شنو لاتكس
معماري قطري
21-01-2017, 12:48 PM
Lipping لها استخدامات وايد يامعماري
يعتمد وين تستخدم :victory:
الا سؤال يابش مهندس وين اقدر احصل مادة لاتكس latex اللي تستخدم لتقوية الإسمنت أو مادة الغراء لاصق البلاط
تدمر مايبيعها بروحها لازم تأخذ منهم مادة الغراء مع بعض يجيك عندهم لتر يتخلط مع كيس الغراء يوم طلبت منه يبيعني إياها رفض
رحت تاسكو عندهم بس نوع ثاني وسعره غالي الغالون ب ظ،ظ¨ظ* ريال
هذا عندك معلومات عن هالمادة تفيدنا لان خبرك هالهنود والبنغال مايعرف الخصائص بس يبي يبيعك اَي شي
تسأله تقول له هذا لاتكس مايعرف شنو لاتكس
هلا بو سعود .. انا تعرفت عليها من وثائق هندسية قديمة عندنا في الشغل وللحين راسخة في الذاكرة كلمة ليبينغ وأكيد لها استخدامات ثانية
اللاتيك أو لاتيج وما تننطق الإكس ما ادري ليش حاطينها هذي مادة إضافة لتقوية الإسمنت وبالنسبة للاصق الحين يجيك نوع خاص بمقادير خلط محددة ولو اضفت له مادة تختلف الخصائص وممكن ما ينفع .. خلك على طريقة خلط المادة ومقاديرها من المصنع أفضل .. وحاول تشوف أحمد المصري في العمودي ذاك خبرة الله يعطيه الصحة وبيدلك على المناسب من اللاصق أو الاسمنت المقوى للديكور وغيره
الإسمنت تقدر تسوي منه تشكيلات بخلطات معينة وتستغني عن الجي ار سي .. جاري باني بيوت حول عشرة له ولعياله ومسوي الأسقف مايلة وتبين من بعيد قرميد غريب ومتقن لكن في الأصل اسمنت مموج بتشكيلة وصبغ جيد ما ادري معمول مع خلطة الاسمنت
سعود.
21-01-2017, 03:47 PM
[b]
lipping لها استخدامات وايد يامعماري
يعتمد وين تستخدم :victory:
الا سؤال يابش مهندس وين اقدر احصل مادة لاتكس latex اللي تستخدم لتقوية الإسمنت أو مادة الغراء لاصق البلاط
تدمر مايبيعها بروحها لازم تأخذ منهم مادة الغراء مع بعض يجيك عندهم لتر يتخلط مع كيس الغراء يوم طلبت منه يبيعني إياها رفض
رحت تاسكو عندهم بس نوع ثاني وسعره غالي الغالون ب ظ،ظ¨ظ* ريال
هذا عندك معلومات عن هالمادة تفيدنا لان خبرك هالهنود والبنغال مايعرف الخصائص بس يبي يبيعك اَي شي
تسأله تقول له هذا لاتكس مايعرف شنو لاتكس
برسل لك رقم واحد
له بهذي السوالف . علبة من مادتين تمزج نفس ( القراوت ) لمعالجه الخرسانه . ونوع اخر للبلاستر والكركات .
Azizuk
21-01-2017, 03:57 PM
تسلمون يااخوان معماري و سعود على التوضيح
معماري قطري
21-01-2017, 04:39 PM
[b]
برسل لك رقم واحد
له بهذي السوالف . علبة من مادتين تمزج نفس ( القراوت ) لمعالجه الخرسانه . ونوع اخر للبلاستر والكركات .
إخوي سعود حط المعلومات هنا حتى الكل يستفيد .. انا اعرف وجود هذي المواد بس وين تقريباً ما اعرف أكيد
معماري قطري
21-01-2017, 04:40 PM
تسلمون يااخوان معماري و سعود على التوضيح
الله يسلمك اخوي بو سعود
معماري قطري
25-01-2017, 07:16 PM
إحدى الأخوات طلبت تصميم مناسب حق أرضها وانا اقترحت الأخير لكن هي حبت الأول وبنشوف شيصير هذا النموذج عدلت على المدخل شوي ليكون المجلس بابه ينفتح من الخارج والمدخل في كسرة داخل البيت للتظليل والحماية وحتى يناسب وضعية الدوار جدام
الدوار بيكون في مستوى واحد مب مرتفع لسهولة اللفة عليه والوقوف والزراعة وسطها نافورة وفي نفس اللفل مع أرضية مرور السيارة بس تشطيب الوسط غير ومكان دوس السيارة مناسب وغير
http://i.imgur.com/ufFJxpL.png
سعود.
25-01-2017, 07:59 PM
هلا بوعبدالله
اخبرك دائما تفضل وجود دوار في الفيلا لانة يعطى انطباع بالفخامة .
ملاحظتين فقط وراى لها ولك .
العامود الي في صالة الطعام العائلية + الجدار الي فية مكيف صالة الطعام العائلية .
لو ينشالون بيكون عندنا امتداد بصري اكبر واشرح .
معماري قطري
25-01-2017, 08:43 PM
هلا بوعبدالله
اخبرك دائما تفضل وجود دوار في الفيلا لانة يعطى انطباع بالفخامة .
ملاحظتين فقط وراى لها ولك .
العامود الي في صالة الطعام العائلية + الجدار الي فية مكيف صالة الطعام العائلية .
لو ينشالون بيكون عندنا امتداد بصري اكبر واشرح .
الله يمسيك بالخير اخوي سعود
العمود هذا رئيسي ويحمل الدرج واحتمال فيه له حل انشائي بأن يتم التحميل على العمدان الجانبية .. بالنسبة لملاحظة الحائط ممكنة بعد وممكن نقلل الممر باسويها ان شاء الله .. المشكلة إحتياجات المالك غير مع إني جربت كم تصميم وباحطهم إن شاء الله لكن اشوف هذا أفضل لوضعية الارض
الدوار يطلع أحلى وممكن نلغيه هذا المسافة من السور لحايط البيت 13.5 انا عندي في بيتي 13 وطالع زين بسهولة تلف عليه السيارة واللي عندي مرتفع له رامب هذا فكرته غير بحيث يكون سيدة بسلوب بسيط حتى الزراعة في الوسط نفس المستوى ممكن عشب وفي الوسط نافورة
شورانا بنشوف اختيارات ثانية
لازم اطلع شوي وبارجع باحط المقترحات إن شاء الله
معماري قطري
26-01-2017, 01:05 AM
هذا التصميم عجبني ويناسب للأرض .. ناقص غرفة حق فوق لأن المطلوب 5 غرف بس عندنا 4 ماسترز وثنتين منهم كبار وعندنا ثنتين في البنتهاوس ووحدة تحت بمجموع سبع غرف .. ممكن نسوي بيسمنت نفس البنتهاوس وهذي التفاصيل موجودة في الموضوع ولازم بنعدل فيها حسب الاحتياج
لو مضطرين نسوي مجلس خارجي ممكن بس بتضيع جمالية مدخل البيت والزراعة والدوار والنافورة .. هذا الدوار بس وهمي محددته الزراعة في الوسط وممكن حولها عشب وبعدين الحلقة الكبيرة اللي بنفس المستوى بس بأرضية حجر بازلتي واللي حولها ممكن انترلوك أو بلاط شعبي والزراعة نازلة عن الارضية بحدود 5 سم بس
http://i.imgur.com/SvzFp7a.png
معماري قطري
26-01-2017, 01:07 AM
صاحبة التصميم أرسلت لي فيديو فيه لقطات ممكن تتطبق على هذا البيت مثل انفتاح الصالة فوق على تحت
وحوض السباحة وضحت مكانه بس لازم بنحتاج خدمات معاه والمفروض الغرفة القريبة منه تكون صالة تابعة لحوض السباحة
معماري قطري
26-01-2017, 04:30 PM
مقترح البيسمنت الجزئي وحوض السباحة .. هذا فكرته محفور في الحوش ونازل مع أرضية البيسمنت .. يعني جدران سور البيت تبين مرتفعة وايد حوله وتحتاج تدعيم بالخرسانة والحديد .. والمكان يبين خاص أكثر ومفتوح للسماء والغرفة تطل عليه والصالة الجانبية ممكن الخروج منها لها وممكن النزول من الدرج الخلفي للخدمة والصيانة وللزوار لو فيه شباب مثلاً وأهل البيت بخصوصيتهم .. كذلك له درج صوب الملحق
خدماته غرفة المضخات قريبة من الحوض وفي مستواه حيث انه بيكون 40 سم تحت محفور له أكثر في حوش البيسمنت و90 سم مرتفع ويصب على شكل شلال من الأطراف وينزل للمجرى التحتي اللي عمق الماء فيه 40 سم وجداره مرتفع 15 سم بس عن أرضية الحوش .. يرجع الماء في بايب تحت الأرض لغرفة المضخات ويتفلتر وينضخ في ظهر المقعد اللي في الحوض لمقدمة الحوض .. عمق الحوض بيكون واحد 125 سم
http://i.imgur.com/Ezg9Qsn.png
معماري قطري
26-01-2017, 04:32 PM
بهذي الغرفة يستوي عندنا مجموع الغرف 9 غرف ولو حبينا نسوي الصالة غرفة مشابهة ونغير صالة الرياضة لصالة ممكن بسهولة حسب الحاجة
معماري قطري
26-01-2017, 04:34 PM
باقي الخدمات سونا أو ستيم روم وتكرمون حمام مع شاور قريب لمنهول مضخة الرفع اللي قريبة من الحمام مال الغرفة والمنهول بيكون في نزلة الدرج سهل الوصول له وصيانته لو دعت الحاجة
معماري قطري
26-01-2017, 04:41 PM
مساحة البيسمنت 148 متر مربع ومساحة خدمات الحوض 14 متر مربع
بيوصل لنا البيت حول 1000 متر مربع ولو حبينا نسوي مجلس خارجي ممكن بس بيخرب الواجهة شوي وبتزيد المساحة
التكلفة بتكون بين 3 - 5 مليون حسب التشطيب والمواصفات
سعود.
26-01-2017, 05:20 PM
[b]
إخوي سعود حط المعلومات هنا حتى الكل يستفيد .. انا اعرف وجود هذي المواد بس وين تقريباً ما اعرف أكيد
السموحة يابو عبدالله ماانتبهت على ردك .
وانا ماعرفتها الى من حول شهرين فقط .
المواد هذي موجودة في ( سدامكو ) الصناعية شارع 17
ويسون بعد صبية بدال الدفان الداخلي واخبرك تنصح بذلك ،
معماري قطري
27-01-2017, 12:52 AM
[b]
السموحة يابو عبدالله ماانتبهت على ردك .
وانا ماعرفتها الى من حول شهرين فقط .
المواد هذي موجودة في ( سدامكو ) الصناعية شارع 17
ويسون بعد صبية بدال الدفان الداخلي واخبرك تنصح بذلك ،
ما شاء الله عليك السوق يحتاج متابعة حثيثة بسبب قلة الإعلانات والتعريف بالمواد .. وأكيد المواد منتشرة وعندنا مصنع في قطر بعد مختص بهذي المواد بس ما نشوف لستتها والدعاية لها شكلهم يشتغلون بالخش
Azizuk
27-01-2017, 01:01 AM
ما شاء الله عليك السوق يحتاج متابعة حثيثة بسبب قلة الإعلانات والتعريف بالمواد .. وأكيد المواد منتشرة وعندنا مصنع في قطر بعد مختص بهذي المواد بس ما نشوف لستتها والدعاية لها شكلهم يشتغلون بالخش
اسكت يابوعبدالله
كل شي عندنا بالخش والدس
لو تروح الصناعية وتدخل المخازن راح تتفاجأ من الموجود عندنا ينباع حق ناس وناس
هذا المحل أو المصنع رحت له زيارة اشوف الموجود عندهم ولاكن تقول جاي اطر منهم مهب جاي تستفسر عشان تشتري
عندهم شباك صغير تقول مقصف تدفع فلوسك وتستلم البضاعة اذا متوفرة
ماعندهم محل يعرضون في بضاعتهم وتجي تسألهم يسون روحهم مايعرفون شي يستهبلون
اظاهر خافو مني يفكروني من البلدية أو من جهة مختصة وخايفين
الشركة اصلها لبناني ولهم عدة مصانع وأفرع في دول الخليج
والموظفين المسؤلين كلهم لبنانيين
وهذا موقعهم الالكتروني
https://www.sodamco-weber.com/home.html
تدخل الموقع تقول ماشاللة شركة عالمية على مستوى
تروح المصنع تقول رايح زريبة أعزك الله ونفسيه زفت الموظفين
معماري قطري
27-01-2017, 01:59 AM
يتعلمون فينا ويخربون سوقنا بعدين يروحون دبي يشتغلون عدل .. هشكل ما توثق حتى في صناعتهم
يا اخوي عنصر التسويق والعرض عنصر مهم واذا كل تفكيرهم في جنسيات معينة اللي تشتغل هالشغلة غلطانين قطر الكل مهتم فيها والقطرين 11% صج شوي بس مهمين
معماري قطري
27-01-2017, 02:04 AM
حفظت الموقع مهم وعندهم عدة حلول مشكور اخوي بو سعود
اليوم شفت ولد عم جدك .. وهذي ظاهرة غريبة انا ولد عم جدي أصغر مني بس متكبر علي كله يقول لي انت مب من مقامي
Azizuk
27-01-2017, 05:49 AM
حفظت الموقع مهم وعندهم عدة حلول مشكور اخوي بو سعود
اليوم شفت ولد عم جدك .. وهذي ظاهرة غريبة انا ولد عم جدي أصغر مني بس متكبر علي كله يقول لي انت مب من مقامي
اَي عرفته بوسلطان
ماعليك منه هو جذي تغير شوي وتكبر لان قام يقعد مع ناس كبارا :app2:
اذا على المواقع عندي كم موقع وهذي شركة عالمية
هذا الموقع دول الشرق الأوسط
وكيلهم نابينا والعامودي
http://www.laticreterak.com/index.html
وهذا الموقع الامريكي
https://laticrete.com
الوكلا في قطر نابينا والعامودي
طبعا العامودي عنده المنتج بس غالي جدا ويجيب الامريكي سعر كيس الامريكي للرخام ب 400 ريال عسى ماشر أغلى من قيمة الرخام نفسه
اما المنتج الإماراتي ينباع عند نابينا ب 42 ريال للرخام ونفس الخصائص بأرقام المواد وإذا تبي الامريكي موجود عنده
رقم منتج الرخام 220 ورقم منتج الحجر الطبيعي واللي يتركب للخارج وحاليا يستخدم في مواقف مول الدوحة اللي جنب مركز مسيمير رقمه 254 على 70 ريال بالنسبة للمنتج الأبيض والمنتج الرمادي على 62 ريال
رقم المنتج في الامريكي والإماراتي نفس الأرقام ونفس الخصائص المصنعيه
وهذا منتج اخر ايطالي معروف عالمياً
http://www.mapei.com/AE-EN/
ويصنع في الامارات لدول الشرق الأوسط بس يعتبر درجة أولى في العالم المنتجين
الاول امريكي المنشأ والثاني ايطالي المنشأ وكلهم فاتحين مصانع في الامارات بنفس المواصفات
طبعا هذول شركات عاليمية
وعندك الماده اللي تنباع في تدمر انجليزية المنشأ وتصنع في الامارات
http://www.fosroc.com
بس هذول الشركات عالمية على الموقع الاكتروني وعلى ارض الواقع
وهذا بعد منتج ايطالي ينباع عند العاصمة بس مادخلت في تفاصيل معاهم
http://www.cercol.com
معماري قطري
27-01-2017, 01:25 PM
الله يرحم والديك صج مطلع .. واللي يهمني اعرف إن المواد موجودة عند كبار المستوردين ولازم نطلع على طريقة خلطها ومقاديرها حتى شغلنا يستوي صح 100%
معماري قطري
27-01-2017, 01:26 PM
انا حفظت المواقع في المفضلة وانصح اللي يبني أو ناوي يبني يحفظ لوقت الحاجة
معماري قطري
27-01-2017, 02:55 PM
بما أن المالك يحتاج يستغل المساحة بشكل كامل أو أقصى حد والله يعين على الموافقات عندي شك خصوصاً عن حوض السباحة والحوش النازل ورا البيت مثل ما سمعت ما يبون عائق حتى رجال الدفاع المدني يدورون على البيت .. وبيتي اسمحوا بفصله في نقطتين حوض السباحة والملحق .. أقنعتهم بأن الدفاع المدني بسهولة يقدر يكسر النوافذ ويدخل ولا فيه داعي يدور على الحوش الا لو بيلعبون خشيشة .. وقعوني على تعهد ووقعت
هنا مقترح تظليل على مدخل البيت وممكن استغلاله لوقوف السيارة .. ممكن يكون بلكونة فوق أو مكتب أو غرفة شمسية أو حتى بيت زراعة بتغطية خاصة
http://i.imgur.com/ADKdDJk.png
معماري قطري
06-02-2017, 02:26 PM
هذا الموضوع أحزنني وايد خصوصاً في التصميم الأخير صاحبه زعل وقال هذي كلها أفكاره وليش تسويها حق شخص آخر .. مع إن آخر واحد كان التصميم مبدئي ولا خلصت منه وحظي ما تواصل معاي بعد شكله ما عجبه التصميم
في الأخير ضفت بيسمنت وغيرت المدخل وأكيد الواجهات بتختلف والله يوفق الإثنين .. عني انا وفي هذا الموضوع ما فيه شيء مخشوش موضوع نقاشي ولفائدة الجميع .. صدقوني تجيني استفسارات من الأهل وارد عليهم شغل خاص صعب اسويه أو اتفرغ له وقصدي شغل توب سكرت بيني وبين الشخص لأن الفائدة ما تعم وهذي نيتي بيني وبين ربي ونفسي
رجاءً أي واحد يطلب عرض تصميمه ومناقشته ليعتبره حصري وتوب سكرت لأن أي حد يشوف وبياخذ الفكرة والتصاميم كلها تتشابه
طبعاً أشكر كل اللي ساهموا مساهمة طيبة وصادقة وبعضهم إخوان وأخوات قالوا لي التصميم إنت عدلت عليه ورتبته ولفائدة الكل وصراحة تصاميمهم من الأساس حلوة والله يوفقهم في بنيانهم وشاكر لهم طيب نفسهم وتواصلهم المستمر
أَكيد إن شاء الله باستمر في عرض التصاميم ومناقشتها ومحاولة تعديلها للأفضل لمن يرغب وبواصل معاكم بتصميم بيتي ومتقبل كل آرائكم ومشاركاتكم بصدر رحب واللي حاب يسوي التصميم ومناسب لأرضه .. قصدي تصميمي الخاص حلاله وأعين وأعاون وإن شاء الله عنده يطلع أفضل
صغرت فيه شوي ورتبته وضفت دور بنتهاوس ملحق لولدي والحمد لله نزلت مساحة البناء الى 1100 متر مربع .. لكن الملحق والمجلس وحوض السباحة المغلق كلها تزيد المساحة لفوق 1400 والله يعين على البنيان اللي المفروض ابدأ فيه قريب بسبب الحاح الوالد علي ابني ورغبته الله يحفظه ويحفظ والدين من يقرأ
معماري قطري
06-02-2017, 03:36 PM
هذا التعديل على الدور الأرضي متضمن الحوش .. فصلت الحوض والمجلس عن البيت بفراغ مترين حتى التخطيط يرضون .. قللت المنهولات لثلاثة رئيسيين والباقي توصيل مباشر بدون منهول .. ولو فيه داعي لعمل خزان صرف صحي بيكون مكانه مقابل مدخل حوض السباحة
مشكلة المواقف موجودة عندي حالياً ومحتاج لمواقف أكثر والحمد لله وفرتها والباقي بافصله مع تكبير الصورة وتركيزها على التصميم أكثر
وجود جمالية التشجير والماء واضح في أربع مناطق شلال خلفي وجدول وشلال أمامي يصب على حائط منحني مع الدوار ويتجمع في حفرة خاصة قريب من مكان مرور السيارات .. بشوف حل حتى لو بحاجز صغير عن ليطيح تاير سيارة في الحفرة .. وعندنا النافورة في وسط الدوار وكذلك بركة السباحة مرتفعة والماء الراجع يصب على شكل شلال من الأطراف ويتفلتر ويرجع قرب جلوس الشخص السابح بحيث يكون مثل الجكوزي
http://i.imgur.com/IamUyOs.png
لبيبة
06-02-2017, 03:56 PM
الله يعطيك العافية معماري،
والله جهودك مميزة وما أخفيك اني احفظ مواضيعك عندي على الجهاز،
الله يكتبه في ميزان حسناتك.
معماري قطري
06-02-2017, 04:22 PM
الله يعطيك العافية معماري،
والله جهودك مميزة وما أخفيك اني احفظ مواضيعك عندي على الجهاز،
الله يكتبه في ميزان حسناتك.
آمين والله يوفقج وياجرج
انا بروحي كثير استفيد وامارس مهنتي واكتشف أشياء جديدة من تجارب الإخوان
معماري قطري
06-02-2017, 06:24 PM
تركيز أكثر على منطقة حوض السباحة والمجلس .. المجلس كما في السابق وحوض السباحة تم فصله بممر 2 متر تنفيذاً لقوانين التخطيط .. بينعمل له سقف وبيكون فيه جزء بلاستيك مقوس أو زجاج هرمي قابل للفتح في الأجواء الجيدة وأكيد بتكون فيه تفاصيل كثيرة بس مبدئياً هذا التوزيع الرئيسي
تم تغيير مكان الحمامات وغرف الملابس لكي يكون لها نوافذ وبتكون سهولة الدخول من خلال الباب الزجاجي مضمونة من الغرفة تحت أو من التجويف الوسطي للبيت
الحوض بيكون بنظام الاوفر فلو بس بطريقة مفتوحة بدون خزان توازن والماء ينزل في قناة مفتوحة تسد مكان الخزان وشكل الماء يكون مثل الشلال .. عمق الحوض بيكون 1.25 عمق واحد وجزء تحت الأرض حول 45 سم و80 سم فوق حتى يبين نزول الماء على الجدران
http://i.imgur.com/Bn4HMVb.png
معماري قطري
06-02-2017, 08:47 PM
هذي صورة الدور الأرضي مكبرة وجدام الدوار استوى منتظم أكثر وبيكون على مستوى واحد بدون رامب مزعج وثلاث عتبات لدخول البيت بارتفاع 10 سم لكل عتبة
الدوار وضحت مكان نزول الماي ورجوعه بيكون عن طريق بايبات تحرك الماء من تحت قاع الجدول الصغير لفوق وينزل على الجدار اللي بيكون حجري وفيه فجوات وانارة تجميلية تبين خلف الماء وهو نازل
ورا الحائط حول متر للمرور وللصيانة وللزراعة .. وعلى اليسار بتكون حديقة مستطيلة جاية بسلوب وحائط استنادي غير عن السور ولحماية السور .. يعني مثل التلة اللي ارتفاعها قريب من حافة السور العليا .. حتى الزراعة من تنزرع تبين من الخارج وترتفع بسرعة
http://i.imgur.com/sgGllnj.png
معماري قطري
06-02-2017, 09:03 PM
الحوائط الخارجية كلها 40 سم ومعزولة .. متردد اسوي طابوق وفلين وسيبوريكس أو طابوق وفراغ مع تهوئة وسيبوريكس لكن عندي قناعة بالسيبوريكس والفلين وكذلك البتومين عن أي رطوبة وصبغ عازل على وجه السيبوريكس الأخير
وهذا الدور الأول عدلت عليه وصغرته شوي وصلت مساحته ل 482 متر مربع والأرضي 414 + البنتهاوس 211 بمجموع 1107 متر مربع .. السابق اعتقد 1000 متر بدون بنتهاوس
التعديل للغرفة الرئيسية فصلت غرف الملابس وسويتها ثنتين ومدخل الحمام تكرمون بينها وعدلت في توزيع الحمام فصلت المنطقة الرطبة وخليتها بجزء بارز ودريشة متصلة مع السقف والسقف زجاجي للنور الطبيعي .. الدريشة حافتها لازم بتكون مرتفعة بحدود 1.6 متر للخصوصية والزين مقابلة شرق يعني الشمس تدخل الحمام كامل
http://i.imgur.com/ULXCiJ5.png
أي ملاحظة لتبخلون علي
معماري قطري
06-02-2017, 09:05 PM
البلكونة فوق متصلة بين الغرف والصالة وتطل على الزراعة تحت والشلال والجدول المتدرج في النزول .. بيت الوالد هذي الجهة وما اتوقع يعارضون التخطيط
Abu-hmood
07-02-2017, 01:40 PM
اخوي معماري كم مساحة كل طابق
معماري قطري
07-02-2017, 02:30 PM
الأرضي للفلة 414 والأول 480 تقريباً والبنتهاوس 211 .. المشكلة المجلس وحوض السباحة 370 والملحق 75 والبوابة بهالحدود .. يعني تقدر تقول اجمالي 1625
في المقابل بيكفي حق عيالي لو تزوجوا وعاشوا معاي لين يبنون وكثير من المساحات تحتاج تشطيب بسيط لكن اجمالي التكلفة لن يقل عن 3000 ريال للمتر المربع كمعدل
معماري قطري
07-02-2017, 11:57 PM
الطابق الأخير هو البنتهاوس وصممته بشكل يكون متوازن ومتواصل فوق جدران الدور الأول حتى يعتبر شقة لولدي بإذن الله .. النوافذ ممكنة في كل الاتجاهات أتوقع لوجود مسافة بعيدة عن الجيران وشوارع جانبية ولو ما كانت مسموحة بتكون بنظام النوافذ المرتفعة
يبين سقف جزء حمام الغرفة الرئيسية وهو زجاجي متصل مع النافذة والجوانب جدران
طبعاً خليت باقي السقف بلون باهت
http://i.imgur.com/xftJ9Jf.png
Abu-hmood
08-02-2017, 02:20 AM
الله يوفقك ويباركلك في ولدك وذريتك
معماري قطري
08-02-2017, 02:39 AM
الله يوفقك ويباركلك في ولدك وذريتك
آمين وفالك التوفيق كذلك
معماري قطري
08-02-2017, 12:24 PM
مبدئياً بتكون هذي الواجهة وباسوي واجهة الشارع إن شاء الله وباسوي مقترح ثاني للواجهة وحاب إنها تكون بسيطة لا حجر ولا شيء غير البروزات الموجودة وممكن حجر عادي حول الزراعة ويحدد بعض الأحواض المرتفعة .. وناوي اسوي نعلة حول حائط البيت من الحجر تتماشى مع اللي للزراعة وتسوي حماية لحافة الحائط السفلية
ما قدرت اطلع المجلس تصغر الصورة كثير ووضحت الأرضيات بالخط الأحمر المتقطع .. وللبروز اللي تابع للحمام وضحت الحائط بخط متقطع وكذلك الدريشة المتصلة للسقف
http://i.imgur.com/DA6zyVU.png
وهذي تكميلة الصورة جهة المجلس وحوض السباحة وعلاقته بالبيت ونشوف كيف استوى الممر المترين يعطي سعة وفراغ للبايبات وتطبيق لشروط التخطيط
http://i.imgur.com/rNiKLao.png
معماري قطري
09-02-2017, 01:13 AM
تعديل للواجهة بإضافة كسرات من فوق وتغيير القوس والغاء الأعمدة في المدخل
http://i.imgur.com/Hw34p0M.png
المنور فوق الباب بدال زجاج ملون ممكن نسويه طوب زجاجي مثل ما هو موضح
بالنسبة للمجلس عدلت الزوايا شوي ووضحت مكان المنور المقوس فوق حوض السباحة .. هذا المنور يجي مستطيل ببلاستيك مثل البولي كاربونيت بس من طبقتين يكون قوي وعازل .. وممكن اسويه قابل للفتح وفريمه من ستانلس ستيل وسهل عمله مقوس ( موجود عند الاختيار الألماني والدوحة كويك سبان )
http://i.imgur.com/TK2jtam.png
معماري قطري
09-02-2017, 01:23 AM
تقريب شوي لصورة المدخل وأكيد الإضاءَة بتكمل التصميم وبتكون سبوتات مركزة على المدخل ومخفية مثبتة على أجزاء كورنيش في زوايا العمدان الداخلية وتجميلية خارجية
http://i.imgur.com/pb88fwU.png
معماري قطري
10-02-2017, 12:04 AM
إشتغلت على كم تصميم للأقواس والواجهة وباعرضها كلها لكن حبيت هذا آخرها .. حطيت توضيح لرجال داخل منطقة الشاور وأكيد المفروض يكون داخل والحائط ذي الجهة مغطية
http://i.imgur.com/PkDPpaq.png
وهذا الجزء اللي صوب المجلس تم رفع جزء من سقف حوض السباحة وعمل نوافذ جانبية مع منور عالي شكل الخيمة بميلان من الصوبين
http://i.imgur.com/knud4uD.png
معماري قطري
10-02-2017, 12:33 AM
صورة مكبرة للمدخل
http://i.imgur.com/NKDfVqZ.png
معماري قطري
10-02-2017, 12:42 AM
أشوف النوافذ المستقيمة للبيت أحلى وبتكون شوي أصغر وأرخص وعملها أسهل واكتفي بزوايا الجي ار سي أو أقدر اسويهم بألواح السيبوريكس أو بالفلين لأن قصه أسهل ويتقوى بالصبغ والبلاستر
Abu-hmood
10-02-2017, 12:45 PM
عندي تصميم حق واحد من الربع راح استأذن منه اذا وافق راح احطه لكم في الموقع ان شاء الله
معماري قطري
10-02-2017, 04:10 PM
عندي تصميم حق واحد من الربع راح استأذن منه اذا وافق راح احطه لكم في الموقع ان شاء الله
لو ما نفذه بنقدر نعدل عليه في حدود المسموح ولو نفذه بيكون مرجع بعد وفكرة للي يحب ينفذ شيء مقارب .. انا حاط تصميمي ومنشغل مع الاوتوكاد عليه واشوف كل شيء مرضي للآخر والحمد لله والزين محد علق ولا اقترح
الحين شغال على الواجهة اليمنى ( الشرقية ) وهي تعتبر الرئيسية بس انا مفترضها ثانوية لأني لفيت البيت مجابل جنوب لسبب إن فيه أرض كبيرة جدام أرضي بين الشارع الفرعي والشارع العام كثرت الأقاويل حولها .. ناس يقولون بتكون حديقة لأن فيها خدمات رئيسية وانا اشك انها بتنعطى لأحد المحتاجين يبني فيها مول ويضايقنا أو دكاكين وظهرهم يكون مقابل بيوتنا ( تعودنا على التخطيط الغريب )
معماري قطري
10-02-2017, 04:17 PM
هذي صورة البي دي اف حق وضعية تنسيق المخططات بحيث تكون الارتفاعات وحدة وتعديل شوي وضعية النوافذ والحركة من الواجهات لين التوزيع الأرضي وخطوط القياس الحمراء تعطي دقة 100% في القياس
http://i.imgur.com/HKEf7kN.png
ما كملت يبي لي وقت ولين كملت باحط كل تفصيل بإذن الله
Abu-hmood
10-02-2017, 04:23 PM
لو ما نفذه بنقدر نعدل عليه في حدود المسموح ولو نفذه بيكون مرجع بعد وفكرة للي يحب ينفذ شيء مقارب .. انا حاط تصميمي ومنشغل مع الاوتوكاد عليه واشوف كل شيء مرضي للآخر والحمد لله والزين محد علق ولا اقترح
الحين شغال على الواجهة اليمنى ( الشرقية ) وهي تعتبر الرئيسية بس انا مفترضها ثانوية لأني لفيت البيت مجابل جنوب لسبب إن فيه أرض كبيرة جدام أرضي بين الشارع الفرعي والشارع العام كثرت الأقاويل حولها .. ناس يقولون بتكون حديقة لأن فيها خدمات رئيسية وانا اشك انها بتنعطى لأحد المحتاجين يبني فيها مول ويضايقنا أو دكاكين وظهرهم يكون مقابل بيوتنا ( تعودنا على التخطيط الغريب )
بيته خالص وراح يسكن خلال 20 يوم ان شاء الله
مع انه كان عندي بعض الملاحظات
Abu-hmood
10-02-2017, 04:25 PM
جهة الشمال عندك يطل على بيوت؟
لاني احب يكون البيت واجهته مقابل الشمال لان الهوا دايم يكون جاي من صوب الشمال وبهالطريقة راح يكون البيت شرح اكثر وبالذات في الاجواء الحلوه هذي
معماري قطري
10-02-2017, 04:31 PM
طبعاً هذي الجهة بيجي جدامها المجلس اللي بيكون هو المرئي من الخارج لذلك أهميتها قليلة بس للداخل ومن قريب .. حتى الجزء اليمين بيكون في داعوس 2 متر مغطي عليه حوض السباحة
إن شاء الله بعد باسوي واجهة خارجية
بعد ما اخلص كل المخططات المعمارية باخذها لمكتب يسوي الخدمات بس ويكون كل شيء واضح وسريع
معماري قطري
10-02-2017, 04:33 PM
جهة الشمال عندك يطل على بيوت؟
لاني احب يكون البيت واجهته مقابل الشمال لان الهوا دايم يكون جاي من صوب الشمال وبهالطريقة راح يكون البيت شرح اكثر وبالذات في الاجواء الحلوه هذي
جهة الشمال يا اخوي بيت الوالد وهو دور أرضي وبتكون مقابلة التجويف الداخلي والجنوب سكة وبعدين بيت اخوي معطيني ظهره بعد يعني هذي بتكون بإذن الله أفضل وضعية
معماري قطري
10-02-2017, 04:34 PM
بيته خالص وراح يسكن خلال 20 يوم ان شاء الله
مع انه كان عندي بعض الملاحظات
لو عنده فايل الاوتوكاد بيكون سهل التعديل عليه أما صور بتكون بس للنقاش الكتابي بدون توضيح هندسي والله يوفقه إن شاء الله ويكون منزل مريح
سعود.
10-02-2017, 06:11 PM
جهة الشمال عندك يطل على بيوت؟
لاني احب يكون البيت واجهته مقابل الشمال لان الهوا دايم يكون جاي من صوب الشمال وبهالطريقة راح يكون البيت شرح اكثر وبالذات في الاجواء الحلوه هذي
وعلى اساس الهواء كبار المهندسين ماينصحون بالواجهه الشمالية بسبب الهواء والغبار ميزة الواجهه الشمالية اذا كان بيتك في جهة الشمال ( الحقيقي ) ماراح توصل له اشعة الشمس ( مباشرة ) من الشروق الي الغروب يعني راح ترتاح من حرارة الشمس
افضل واجهه الشرقية .
معماري قطري
10-02-2017, 11:05 PM
وعلى اساس الهواء كبار المهندسين ماينصحون بالواجهه الشمالية بسبب الهواء والغبار ميزة الواجهه الشمالية اذا كان بيتك في جهة الشمال ( الحقيقي ) ماراح توصل له اشعة الشمس ( مباشرة ) من الشروق الي الغروب يعني راح ترتاح من حرارة الشمس
افضل واجهه الشرقية .
قريت في كتاب انجليزي هذي المعلومة بعد وعندهم يفضلون الجنوبية لتعرضها شبه الدائم للشمس .. بيتي ألحين شمالي ومكيف وضعه حسب وجهته والغرف غالبيتها شرقية أو غربية وجزء منها جنوبية .. وحل المناور السقفية يخلي الشمس يدخل نورها من صبح للمغرب .. عن الهواء باب اليو بي سي يعزل زين لا غبار ولا حرارة ولا حتى صوت الا بسيط
سعود.
11-02-2017, 12:16 AM
[b]
قريت في كتاب انجليزي هذي المعلومة بعد وعندهم يفضلون الجنوبية لتعرضها شبه الدائم للشمس .. بيتي ألحين شمالي ومكيف وضعه حسب وجهته والغرف غالبيتها شرقية أو غربية وجزء منها جنوبية .. وحل المناور السقفية يخلي الشمس يدخل نورها من صبح للمغرب .. عن الهواء باب اليو بي سي يعزل زين لا غبار ولا حرارة ولا حتى صوت الا بسيط
هلا ( ابا عبدالله )
ومثلك عارف
نسبة كبيرة من البيوت لاعندهم ابواب ولا نوافذ ولاجدران
( معزولة ) .
ناهيك عن الواجهه الشرقية تصلك اشعة الشمس من الشروق الى تقريبا منتصف النهار بعدها ( ظلال )
ضيف عليها اظلال الي يجيك من ( الفيلا ) على الحوش من العصر تقريبا . وقت الجلسة بالحديقة او الحوش . حتى طبيلة السيارات الخارجية اذا البيت شرقي الظلال من منتصف النهار . بعكس الواجهات الاخرى . الي وجود اطبيلة نفس عدمها .
ضيف عليها واجهة بيتي غربية ومجبور عليها للاسف
ههههههههه
معماري قطري
11-02-2017, 01:25 AM
[b]
هلا ( ابا عبدالله )
ومثلك عارف
نسبة كبيرة من البيوت لاعندهم ابواب ولا نوافذ ولاجدران
( معزولة ) .
ناهيك عن الواجهه الشرقية تصلك اشعة الشمس من الشروق الى تقريبا منتصف النهار بعدها ( ظلال )
ضيف عليها اظلال الي يجيك من ( الفيلا ) على الحوش من العصر تقريبا . وقت الجلسة بالحديقة او الحوش . حتى طبيلة السيارات الخارجية اذا البيت شرقي الظلال من منتصف النهار . بعكس الواجهات الاخرى . الي وجود اطبيلة نفس عدمها .
ضيف عليها واجهة بيتي غربية ومجبور عليها للاسف
ههههههههه
كل الواجهات حلوة وتقدر ترتبها صح لو محتد عليها لكن لو تختار أما شرقية أو جنوبية
اللي يعرف تصميمي من بداياته كان البيت مجابل شرق بس تورطت باللنك مع الأرض الثانية .. ألحين استوى الترتيب أفضل واتصال الأرضين بطريق بينهم وفاصل وهمي هو عبارة عن الملاحق كل ملحق في ظهر الثاني أما باقي البيت مفتوح على بعض .. مرت خمس سنين وانا اغير واعدل بس هذا باعتبره التعديل الأخير لأنه مناسب جداً
خمس سنين تصميم وشكلي باخذ 10 سنين بناء أو لازم اصبر لين بعد 2022 .. وتبي الصج باصبر لين يخلصون الخدمات ومنطقتي الحالية موقع استراتيجي اقدر اتحرك في كل اتجاه بسرعة وسهولة وهناك الدخول والخروج صعب وتحويلات وتحتد تمر في معيذر وزحمتها وسواقة البعض هناك تجيب الضغط ( تركيبة سكانية عجيبة )
نتابع مع الواجهة الداخلية وهذي مثل ما ذكرت بين حوض السباحة والمجلس يعني غالبيتها مغطاة لذلك تعتبر ثانوية وباسوي ان شاء الله بكرة الواجهة كيف من الشارع
http://i.imgur.com/OhRuNHJ.png
ذاك ملف بي دي اف وهذي صورة إن شاء الله تطلع أوضح
http://i.imgur.com/Ro4ZB4D.png
هذي صورة مقربة للمدخل وحطيت رسمة شاحنة لتوضيح سعة المدخل وكفايته
نقشة الجي ار سي فوق سويت جدرانها بسمك 4 سم وطلعت الفتحات صغيرة بس 3 سم بتطلع أكبر وتبين منحنيات وأحلى .. ارتفاعها 40 سم وعرضها 3.2 متر
http://i.imgur.com/jo2t5LZ.png
معماري قطري
11-02-2017, 01:29 AM
الزوايا اللي فوق جربتها في مبنى إداري من زمان وطلعت حلوة ما توقعتها تطلع هشكل .. كانت 20 سم من فوق و 15 من تحت أما هذي 25 سم فوق و20 تحت وتكون بسمك 20 سم وممكن عملها بالطابوق بس صعبة واحتمال تنشلخ أفضل عملها من الخرسانة
معماري قطري
11-02-2017, 01:33 AM
الزوايا الداخلية اللي في الدريشة وتحت العارضة اللي بتكون عميقة شوي حتى تعطي احساس بالمكان الشبه مغلق ونقدر نسوي اضاءة مخفية هادئة .. اللي تحت 50 سم في كل جهة واللي فوق 40 سم وهذي ما شفت حد مسويها ومفرغها من الوسط مثل ما هو موضح
معماري قطري
11-02-2017, 01:37 AM
شيء مهم ما ننساه الشكل في الطبيعة بيتغير بسبب فريم النوافذ وشكلها .. حتى تبرز نقوشات الجي ار سي ممكن نخليها بلون أصفر أو أزرق والدريشة فريمها أبيض .. بعدين عندنا مرازيم جي ار سي نسيت اوضح مكانها بتكون شكلية فقط ونزول الماي بيكون عن طريق بايب يصب في الدوار
سعود.
11-02-2017, 01:38 AM
بأذن الله تبني وتسكن قريب .
توني انتبه بانه لك . عساه منزلا مبروك
معماري قطري
11-02-2017, 01:51 AM
بأذن الله تبني وتسكن قريب .
توني انتبه بانه لك . عساه منزلا مبروك
الله يبارك فيك تهمني آرائكم بعد .. أول ما عرضته كانت فكرته الحوض في الوسط وسط التجويف الخارجي .. يطل عليه المطبخ والصالات وبعض الغرف لكن كثير من الأعضاء نصحوني بأنه مكشوف وألحين مكانه خاص ويعتبر مدمج مع صالة رياضية وخدمات ومتأمل يكون جيد بإذن الله
Abu-hmood
11-02-2017, 02:45 AM
99361993589936299359تفضلو هذي التصميم ان شاء الله حد يقدر يستفيد منها او يعدل عليها
Abu-hmood
11-02-2017, 03:10 AM
بصراحه ماعجبني مكان المطبخ كنت افضل يكون خلف البيت
معماري قطري
11-02-2017, 04:21 AM
جزاك الله خير والله يوفق رفيجك
انا اندمجت مع تصميمي وحفظت الملف واشتغلت شوي وعلق البرنامج قهرني
قرب الفجر نستعد للصلاة أبرك
Abu-hmood
11-02-2017, 04:31 AM
جزاك الله خير والله يوفق رفيجك
انا اندمجت مع تصميمي وحفظت الملف واشتغلت شوي وعلق البرنامج قهرني
قرب الفجر نستعد للصلاة أبرك
ومن يقول
اتمنى تشوف تصميمه على رواقه وتعطيني رايك
ومثل ماقلت الصلاة مابقا عليها شي جزاك الله خير
سعود.
11-02-2017, 01:12 PM
الله يبارك فيك تهمني آرائكم بعد .. أول ما عرضته كانت فكرته الحوض في الوسط وسط التجويف الخارجي .. يطل عليه المطبخ والصالات وبعض الغرف لكن كثير من الأعضاء نصحوني بأنه مكشوف وألحين مكانه خاص ويعتبر مدمج مع صالة رياضية وخدمات ومتأمل يكون جيد بإذن الله
حنا نتعلم منك يابوعبدالله .
معماري قطري
11-02-2017, 04:12 PM
ومن يقول
اتمنى تشوف تصميمه على رواقه وتعطيني رايك
ومثل ماقلت الصلاة مابقا عليها شي جزاك الله خير
الحمد لله قدرت استرجع أغلب اللي سويته الا جزء بسيط ونسخته في هارددسك خارجي احتياط لأن كمبيوتري شكله بيودع
معماري قطري
11-02-2017, 04:14 PM
حنا نتعلم منك يابوعبدالله .
هلا إخوي سعود
مشاركتكم وتعليقكم يخلوني اشتغل أكثر وأكيد متابعة الكثيرين من الخارج مهمة واتمنى الفائدة للجميع
معماري قطري
11-02-2017, 04:21 PM
إخوي بو حمود بالنسبة لمراجعة التصميم أكيد فيه امور كثيرة تتطور وتتغير بس شالفايدة .. كلها بتكون في الوقت الضائع
ومن هذا النموذج مراجع 3 أو 4 غير عن بيت اخوي مسوي شيء مقارب وهذي تصاميم دارجة يغيرون فيها الملاك شوي والاستشاري يطبق بدون نقاش وهنا المشكلة .. ما يضيع وقته وفلوسه مضمونة والمالك مستعجل ويوفر على نفسه شغل
اقدر اسرد بعض النقاط الرئيسية لكن مراجعة هندسية فعلية ما تكون الا على برنامج الرسم وحتى بتطبيق كل المخططات مع بعض .. الاستشاريين يركبون أوقات نظام انشائي منسوخ عندهم على تصميم معماري غير فتحصل عمود مار وسط الدريشة والا ماخذ ربع الباب .. غير عن العليمية اللي يتعلمون ويكسبون خبرات في مكاتبنا وغير عن اللي مسمينهم باشمهندز وهم رسامين ما يوصلون لدرجة مساعدين مهندس
معماري قطري
11-02-2017, 06:32 PM
بحمد الله قدرت استرجع الرسمة الأخيرة وكملتها من فترة بس في الصورة تطلع طوالية شوي لأن حجمها كبير .. وباركز عليها قطعة قطعة
عندنا من اليسار غرفة السايق ونسيت اسوي الدريشة للحمام وللغرفة باللون الأزرق لكن تبين على شكل مستطيل ولو ما وافقوا التخطيط باحتد اسويها الحمام باغير مكانه جهة داخل الطبيلات والغرفة باخلي الدريشة على جهة فراغ البوابة
البوابة مرتفعة وبحوائط مايلة جزئياً من الأطراف وهذي بتستوي مستقيمة من داخل على أعمدة وأبيام ومن الطرف باسمنت بورد وبلاستر يعني داخل مفرغة بس للشكل .. تغطية البوابة من داخل احتمال اسويها حديد لتخفيض التكلفة وجربت الطريقة في بوابة كبيرة وطلعت محد حتى يلاحظها المهم الواجهة والجوانب والأطراف
في طرف البوابة يمين غرفة الكهرباء والمخزن الخارجي لأدوات الزراعة
بعدها حايط البيت وباسويه سيدة بأعمدة مخفية أو باكتفي بالمباني كتدعيم للحائط .. بعدين تجي غرفة الطعام التابعة للمجلس وغرفة القهوة وهذي ارتفاعها مطابق للمطلوب من التخطيط 3 متر ونص .. المجلس مرتفع أكثر بس داخل بارتداد 2 متر وأكثر حسب كسراته وشكله المثمن .. خليت ليوان المجلس مفتوح بواجهة مفتوحة وفيه دكة على اليمين وراها الجزء المرتفع من حوض السباحة والمنور السقفي اللي بشكل خيمة فوق .. طبعاً الواجهة هذي المفتوحة في أقصى اليمين بتكون مسكرة بحديد قابل للإزالة أو الفك وقت الحاجة لأن جاري الوالد وما يرضى بهالحركة مر على ناس علق عليهم بأن كأنهم حيوانات داخل قفص بقصد النكتة وعامل له ألف حساب .. بنفس الوقت الأمان للمكان ضروري وتركيب الحديد والكاميرات الخارجية وفي الحوش يعطي حماية ولو بسيطة
http://i.imgur.com/jGOWs5z.png
هنا جزء المجلس وليوان المجلس حطيت فيه واحد مثقف يقرأ جريدة نفس اللي كان تكرمون في الحمام
الباب للمجلس بيكون قزاز شفاف ومقسوم قسمين قسم ثابت فوق وقسم ينفتح بإرتفاع عادي .. الثابت كشكل ومنور للنور الطبيعي ومتناسب مع الدرايش الطويلة
http://i.imgur.com/onQiWzM.png
معماري قطري
11-02-2017, 10:31 PM
قلت اشوف حجم الملف استوى كبير ويعلق وايد وسويت له تنظيف ومسحت بعض الرسمات اللي ما لها داعي .. بالصدفة حصلت معلومات عن الملف وكنت ناسي هذي الخاصية
طلع بادي التصميم سنة 2007 واشتغلت عليه 3700 ساعة .. بس الوقت هذا ممكن يكون الكمبيوتر شغال والبرنامج مفتوح على الرسم بس ما اشتغل عليه
http://i.imgur.com/hgVjEcQ.png
معماري قطري
13-02-2017, 01:20 PM
تقريباً خلصت القطاع الطولي في البيت .. بس باقي شوية تفصيل للحوش وتوضيح لبعض عناصر اللاند سكيبنغ هذي بارجع لها قريب إن شاء الله
اليوم من فجر شغال والبارحة كذلك لازم الكل يقول التصميم حلو لحد ينتقد
بديت ارتب جهة الشلال في خلف التجويف اللي بيكون بعد مزروع .. ويبين على اليمين بس يحتاج ترتيب أكثر بينزل الماي على الحجر وبيمشي في جدول سيدة أطرافه من القزاز ومتدرج كل شوي ينزل لين يوصل قرب الجلسة الدائرية النازلة في الصالة التحتية .. الخرسانات بلون رمادي داكن والصالة الدائرية عارف لازم ترتيبها يكون غير وصراحة شغلة خليتها هشكل تبين كأنها مربعة بس اللي يرجع للتوزيع الأرضي بتتضح له الفكرة
يسار أكثر نوصل لباب المجلس المنزلق ومقابله باب مثله للمطعم .. بعدين كسرة المدخل صغيرة وسقفها نازل والمدخل بابه قزاز وبعده باب الصالة خشب بيكون مكانهم موضح بس التفاصيل صعبه تنحط كلها .. فوق الباب القزاز بيكون منور قزاز شفاف أو معشق وملون والباب قزاز شفاف لأن الباب صاد ووراه باب خشبي ما فيه داعي اسويه مخفي أو محبب
فوق وضحت البلكونة وبتكون مقابلتها كذلك مثلها للغرفتين اللي فوق وبينهم الصالة كذلك لها بلكونة وواجهة قزاز .. ويبين كيف فوق ممتد شوي عن تحت ومساحة الطابق العلوي أكبر بعد البلكونة تجينا فتحة وطوفة بارتفاع 80 سم كظهر للكراسي وتطل على مكان الدرج والمصعد .. أول باب باب المخزن وثاني باب باب الغرفة الرئيسية نوصل له من خلال قوس كبير وكتفه مفتوح فيه كبت صغير وأرفف قزاز فوق مثل ما هو واضح ويحتاج تفاصيل أكثر أكيد
بعدين ندخل لقسم المكتب اللي جاي فوق المدخل .. والمكتب حبيت انزل سقفه لحدود 2.5 متر لكن الجزء القبلي فيه الارتفاع قريب 4 متر وفيه منور بعد جانبي وباوضح إن شاء الله المناطق بصور مكبرة منطقة منطقة
http://i.imgur.com/EquxU4c.png
Powered by vBulletin® Version 4.2.5 Copyright © 2025 vBulletin Solutions Inc. All rights reserved.