مراجعة التصاميم المعمارية وابداء الملاحظات عليها (محدث)

[معماري قطري]

قبل لنروج حق بقية الأدوار خلوني اركز على الدور الأرضي وعلاقته بالحوش وبابدأ بمقدمة البيت يسار جهة المجلس الداخلي وباب الحوش هنا بعرض 3.8 متر .. أحواض الزراعة 1.4 متر ولازم لهم على الأقل طابوقة حماية صوب السور تستوي صافية 1.2 وهي كفاية لأكبر الأشجار وممكن نصغرها شوي لو حبينا حتى 80 سم كفاية

إستوى عندنا مكان لوقوف سيارتين للزوار أو ممكن نستغله في المستقبل بعمل مظلة لسيارتين لو احتجنا

المجلس على يساره جهة الشرق وضروري تنفتح دريشة في هذي الجهة حرام نخلي بس دريشة للواجهة الشمالية فقط

https://i.imgur.com/xMzOCbL.png

يمكن انا افكر بصوت مكتوب واضيف بعض التحسينات ولا اسميها تعديلات

[معماري قطري]

المدخل وسعته جهة العمودين داخل واستوى من طرف الدرج الخارجي للباب الداخلي 3.5 في 4.1 والصالة المثمنة ممكن نخليها نازلة 10 سم ونشطب ارضيتها غير أما بباركيه أو سجاد فخم ومريح ولو حبينا نسويها حميمية أكثر ممكن نخلي الكراسي مصفوفة بطريقة دائرية وتترتب في أطراف نزول الجلسة

باجربها بالرسم إن شاء الله

[معماري قطري]

نسيت اذكر اضافة باب قزاز شفاف حتى يحمي المدخل من الغبار والصوت والهواء والحرارة .. يو بي في سي واللي يشوف تصميم الاستشاري السابق بيلاحظ الفرق وهذي أشياء لازم ننتبه لها لأثناء التصميم لأن التصميم خطة نمشي عليها وتذكير لنا قبل ليكون وثيقة عقد رسمية للاتفاق

[معماري قطري]

استوى أحلى التصميم بعد عمل الجلسة دائرية وتنزيلها 25 سم بعتبتين كل عتبة بارتفاع 125 مم نفس ارتفاع عتبات المدخل .. في هالحالة نقدر ننزل الدرايش لحد 50 سم من حافة الأرضية المرتفعة وراء الكراسي لأن الكراسي بتكون نازلة شوي .. ونقدر نختار سجادة مصنعة لهذي الدائرة بنقوشات معينة .. وعلى اليمين وسعت الطبيلة مترين حتى توقف السيارة بزاوية بسيطة لسهولة الدخول والخروج ونقدر نسويها بواجهة خرسانية وسقف معدني مخفي

https://i.imgur.com/nmkZaUm.png

[معماري قطري]

قطر الدائرة 5.6 متر لكن بعد عين الجالس عن التلفزيون 4.86 مثل ما هو موضح وهو بعد مثالي حتى للبقية .. نرتفع شوي فوق جهة بيت المصعد والغرفة اليمنى جنبه .. صغرت قوس المدخل للغرفة من غرفة الملابس لمتر وسويت مقابله دريشة بنفس المقاس وممكن نخليها من الأرض وتطل على الحديقة وراء .. توزيعة الحمام اشوفها مثالية للثلاث قطع وهي المطلوبة .. غرفة الملابس كبتها يفترض يكون عمقه 10 سم أقل من الموجود الحين وهو 55 سم حتى يكون برواز الباب مناسب وله مكان .. والا نصغر عرض الباب شوي .. الكبت الجانبي بعمق 75 سم وهو شوي اوفرسايز لكن مناسب مثل ما عرفت من الخزائن الأمريكية ومسوي هذا العمق عندي وطلع مريح .. اللي في المدخل ممكن نخليه 50 سم أو ندمج معاه تسريحة أفضل بما انه طويل في العرض 3.1 متر

https://i.imgur.com/aEMpWLj.png

[معماري قطري]

نافورة بالضبط في منتصف الطريق بين الباب والمصعد أو طاولة دائرية وعليها انارة قوية من السقف وفوقها نبات ظل أو مزهرية .. الأعمدة جدام المصعد صغرتهم وكررت ثالث مثلهم يحمل التقاء جسور غرفة الطعام العائلية

[معماري قطري]

القسم اليسار هنا موضح مع الملحق .. الغرفة بتكون للخادمات ونقدر نفتح لها باب على ممر الملحق مكان الدريشة الطويلة المقابلة قوس المدخل

https://i.imgur.com/nPMRYHy.png

[معماري قطري]

تحسينات كثيرة صارت للدور الأول ومع توزيع الأثاث وتوقع طريقة الاستخدام تبين لنا مساحات قابلة للتعديل والتطوير وعلى أساسها بيكون الديكور وبيكون توزيع الانارة والكهرباء

هنا وضحت ازالة البروزات حول النوافذ وكذلك اضافة طبقة خارجية بسمك 10 سم من ألواح السيبوريكس تعطينا عزل مناسب ولو حبينا عزل ممتاز نضيف تحتها طبقة بوليستيرين 5 سم أو 3 سم .. ما بنحتاج بلاستر وتكلفة السيبوريكس توصل ما يقارب 70 ريال للمتر المربع والبوليسترين ممكن 10 ريال أو أقل شوي .. بنفس الوقت بيعطينا تجويف مناسب للنوافذ بين 30 سم للنظام الأول و 35 سم للنظام الثاني

https://i.imgur.com/8IeDl0p.png

[معماري قطري]

كبرت منطقة غرفة النوم الرئيسية وأظهرتها بالألوان ممكن تبين أوضح ووضحت حواليها حتى نعرف علاقة الفضاءات ببعض

مدخل الغرفة كان من الأساس باب صفاقتين 120 سم .. هذا مزعج وفيه فراغات وصعب ينضبط .. وفوق هذا معرقل التوزيع للصالة لو بنسوي جلسة تلفزيون حولته لباب جانبي والجلسة اقترحت تكون مكتب وممكن نحط تلفزيون مقابله للمباريات وغيرها .. التزمت بخيار الأقواس والأعندة بس صغرتها عن قبل .. خيار ثاني أشوفه بيطلع أفضل لو ركبنا بيبان .. غرفة النوم بتستوي بعيدة عن أي ضوضاء والتسريحة وغرفة الملابس ودورة المياه بيستوون معزولين بباب وبيكون الاستخدام أفضل

https://i.imgur.com/MK9D9Ng.png

الاستشاري حاط مقترح تكييف سبلت واللي جنب الدريشة كلش ما يركب ( مكانه غلط ) وانا اقترح تركيب دكت سبلت المكينة في التسريحة والسقف بيكون نازل وراء جلسة التسريحة قبل باب غرفة الملابس ومستمر لغرفة الملابس الحمام وباقي التسريحة بيكون سقفهم بكامل الارتفاع بدون جبس ونيتي ادخل نور طبيعي لهذي المنطقة من السقف المائل .. بيكون منور طويل من 3 صفوف طوب زجاجي مقابل جنوب يعطينا نور من فجر للمغرب وباوضح تفاصيله لاحقاً

مكان السرير وضحت عليه اسكتش لكيفية السقف بيكون من الأطراف سيدة وبارتفاع 3 متر ومن الوسط مرتفع بالتدريج لغاية 5 متر أو حولها بنشوفه بوضوح في القطاع

[معماري قطري]

استغليت البلكونة اللي ورا المكتب بعمل باب عريض زجاج ينفتح لها لترتيب النباتات المتسلقة واللي بتنزل على المدخل بشكل حلو ان شاء الله .. كذلك نقدر نخلي المثمن اللي فيه السرير نازل شوي ونخلي أرضيته سجاد أو باركيه مع إني افضل السجاد لكامل الغرفة ما عدا الحمام طبعاً .. نقدر نركب مكان السرير لون غامق مغاير لباقي الغرفة

[سعود.]

شغل ممتاز

عندي ملاحظة صغيره ومهمه في الدرس روم للماستر مساحتها 2x7 لو ناخذ فقط 30 سم من الحمام بشرط يكون الكبت للدرس نظام سحاب وذلك لضيق المساحه

[معماري قطري]

شغل ممتاز

عندي ملاحظة صغيره ومهمه في الدرس روم للماستر مساحتها 2x7 لو ناخذ فقط 30 سم من الحمام بشرط يكون الكبت للدرس نظام سحاب وذلك لضيق المساحه

حي الله الزائر الدائم

هذي الغرفة كبتاتها 35 سم عبارة عن قواطع الا اللي ورا الباب نسويه حسب الحاجة 60 أو 65 أو لين 75 والكبتات مثل ما انا موضح تعليق الملابس جهة طرف الكبت أو القاطع المفتوح اللي بدون باب .. شكثر يبقى من ال 2 لين راحت 70 سم .. يبقى متر و30 سم قول حول 15 سم بيكون بروز الثياب حتى تبين لسهولة التناول بيبقى عندنا صافي متر

انا محتاج المساحة أكثر في التسريحة والحمام حق المناور السقفية شوف هذا التفصيل المختصر لين ان شاء الله اسوي قطاع طولي لهذي المنطقة واوضح السقف والمناور

https://i.imgur.com/1XZc5mn.png

المناور واحد بيكون فوق الباب موضحه بالخط المتقطع بيكون القزاز جاي رأسي مع امتداد الحائط وواحد بيكون بالطول طويل موضح من التسريحة لين يغطي كرسي الشاور .. هذي المنطقة كلها بتكون مفتوحة لين السقف ويبين انحناء السقف .. منطقة بسيطة وراء باب غرفة المكياج بيكون سقفها جبس ومثبتة داخله مكينة التكييف

لو مب محتاج هذي المساحة لمكينة التكييف كنت اقدر اكبر غرفة الملابس بس ما فيه داعي وكفاية على مسؤوليتي

[معماري قطري]

الكبت واضح على يسار اللي داخل وموضح خط تعليق الملابس وموضح امتداد الملابس شوي خارج الكبت لسهولة الفرز .. شوف فيه صور حق هذا التفصيل في موضوع غرف النوم وفيه غرف ملابس

شيصير لو واحد حب يسوي كبتات كاملة ويخسر نفسه ويتعب في فتح الأبواب؟ ممكن يسوي 65 سم بمجموع 130 سم ويبقى لنا 70 سم ممر وسط الكبتات بعد كافي 60 مريح وحتى 50 ممكن بس بتحس بضيق

[معماري قطري]

هذا كافي حق اثنين يمشون جنب بعض وواضح شلون الرجال ماد يده والا يده جنيه يكفي

يالله الله يستر الليلة ما يجيبون اليمن 4 على منتخبنا

[معماري قطري]

الدرايش لغرفة الملابس بتكون أما ثابتة أو طوب زجاجي واللي جهة الكبت المفروض تكون عالية فوق مستوى الكبت .. اللي بروحها آخر الغرفة تنفتح شرق وهذي ضرورية تكون بطول كافي ولو للأرض أحلى تدخل نور صباحي حلو .. ممكن نخليها تنفتح من فوق واليو بي في سي ما تسرب هواء وغبار ونفتحها للتهوئة أوقات

[سعود.]

للامانة للحين احس يحتاج تعديل مثلا

https://2.top4top.net/p_1428kpf0w0.jpeg (https://up.top4top.net/)

مع تعديل شوي

[معماري قطري]

ممكن إخوي سعود بس هذا التوزيع يخدم الشكل الخارجي والوظيفة لكل حيز .. مقترحك المقترح العادي تدخل على غرفة واسعة كبتاتها عادية على جنب وبعدين تدخل لدورة المياه .. صعب ترتيب السقف والمناور بالطريقة اللي وضحتها خصوصاً لو جات غرفة كبيرة نص سقفها نازل والنص مرتفع وفيه المناور

هنا عندنا حول 14 متر تخزين وعندنا دورة المياه مقسومة لأقسام مرتبة وواسعة كفاية .. حسب اقتراحك مساحات وايد بتكون ضايعة ومساحة التخزين أقل حسبتها مبديئاً حول 10 متر وغرفة الملابس ما بتكون خاصة بباب ينقفل أو بالبصمة أو رقم سري للزوج والزوجة فقط والخدامات يغسلون دورة المياه بدون ما يقدرون يعرفون شداخل هذي الغرفة

[سعود.]

الاشكاليه ( ابا عبدالله ) الممر في الدرس جدآ ضيق
( هنا النقطه هنا النقطه ) بصوت الي في بالك :app2:

[معماري قطري]

الاشكاليه ( ابا عبدالله ) الممر في الدرس جدآ ضيق
( هنا النقطه هنا النقطه ) بصوت الي في بالك :app2:

وضحت لك يا اخوي انه كافي وهذا مب ممر بين غرف .. الأجانب يسوونه بين الغرف ولو تشوف المستشفيات بعضها ممرات عامة فيها ضيقة .. هذا كافي كافي كافي بصوت القذافي

[سعود.]

اذا هو كذلك

escape

[معماري قطري]

نجي للواجهة بعد تعديل ارتفاعات الدرايش والأبواب وارتفاع السقف واضافة المناور العلوية في السقف المايل جهة الحمام وغرفة المكياج

المناور بيكون ارتفاعها عالي لأن السقف في الأساس عالي والميلان يخليه أعلى .. بتكون 5.3 مرتفعة واتوقع بتسوي جو لهذي المساحات النور الطبيعي يجي من أعلى وباحط مقترح بدونها اشوف شكل السقف بيطلع أحلى بدونها ممكن نخلي اللي بالطول في الخلف ما تبين في الواجهة

https://i.imgur.com/ni3A3fB.png

[معماري قطري]

المنور يبين واضح جهة اليسار والقزاز خطه وضحته لكن بيكون مخفي من هذي الجهة يبين في الواجهة الشرقية

https://i.imgur.com/xZW6GHR.png

[معماري قطري]

هذا الشكل بدون المناور ونقدر نستعيض عنها بمناور خلف السقف جهة السطح وجهة الجنوب دوم الشمس تنورها

https://i.imgur.com/f7MK75M.png

[معماري قطري]

اذا هو كذلك

escape

لا تزعل باحاول اطبق فكرتك بس عارف ذي أفضل

[سعود.]

ابا عبدالله


في النهايه والقرار الاخير لصاحب البيت الله يبارك له
انا بالنسبة لي عرض الدرس مع الكبتات اذا قل عن ( 1.3 م ) اعتبره ضيق وعن تجربه

ويعطيك العافيه ابا عبدالله

[معماري قطري]

ابا عبدالله


في النهايه والقرار الاخير لصاحب البيت الله يبارك له
انا بالنسبة لي عرض الدرس مع الكبتات اذا قل عن ( 1.3 م ) اعتبره ضيق وعن تجربه

ويعطيك العافيه ابا عبدالله

هذا بالضبط صافي 1.3 .. تقدر تخليه 1.4 لو صغرت القواطع ل 30 سم وركبت حديد تعليق الملابس على بعد 25 سم من الحائط .. بيكون قريب من حافة القاطع 5 سم لسهولة الفرز والتعليق .. أكيد الملابس عرضها بعرض سيم التعليق اللي نعرفه اعتقد 35 سم ونصها 18 سم معلقة على بعد 25 سم تبقى لك حول 7 سم عن الحائط .. إمتدادها لداخل الغرفة بيكون 13 سم .. وباتأكد من القياس 100% بعدين قصدي لسيم التعليق وهو مؤكد ما يزيد عن 40 سم

[معماري قطري]

سويت الترتيب اللي تقصده بس هشكل كبرنا الحمام وصغرنا غرفة الملابس ودمجناها مع التسريحة .. طول الكبتات استوى عندنا 3.8 من حول 14 متر

https://i.imgur.com/eeviR1M.png

أكيد في النهاية المالك بيتشتت بين خيارات كثيرة وهو يفترض يسمع ويفكر صح ويتخذ قرار مدروس بالرجوع للاستشاري قبل لينفذ .. دوم أي شيء تبغيه من المقاول قبل العقد ببلاش وأي تعديل بسيط بعد العقد بغالي ويترتب عليه تأخير وأوقات شغل أي كلام .. لذلك ضمن كل شيء في المخططات واتفق عليه من البداية أفضل

[سعود.]

كذا اشوفه افضل بكثير
ويكون الدرس مع الغرفه ممر بدون باب للتهويه :ok:

سيم الملابس بالضبط 40 سم يعني الكبت كامل مع الباب 60 سم يطلع مثالي

[معماري قطري]

كذا اشوفه افضل بكثير
ويكون الدرس مع الغرفه ممر بدون باب للتهويه :ok:

سيم الملابس بالضبط 40 سم يعني الكبت كامل مع الباب 60 سم يطلع مثالي

هذا للنظام التقليدي كبت بباب وانا افضل الكبتات الأمريكية الثابتة وهذي أعمق حتى توصل ل 75 سم .. لكن اللي اتكلم عنه وشرحته مرات عديدة قواطع كبت بدون بيبان في غرفة بباب ومحكمة الاغلاق وبتهوئة خفيفة .. القواطع هذي عمقها ما يزيد عن 40 سم وتقدر تسويها 30 أو 35 حاط لها صور في السابق في موضوع غرف النوم

حتى لو فرضنا حب المالك يركب كبتات كاملة بعمق 60 سم بتبقى له 80 سم وهي كافية ومريحة .. والنظام اللي اقصده عملي وأريح للشخص لإختيار اللي يبيه ولترتيب ملابسه وأوفر بكثير من ناحية التكلفة وتكون الغرفة خاصة به ما يوصلونها الخدم بكل سهولة

خلنا نرجع للواجهة السابقة للمقارنة

https://i.imgur.com/x8dFFeo.png

السقف كان انحناءه بسيط وما يبين بوضوح من قريب .. والدرايش مبالغ في ارتفاعهم والتظليل حولهم ما يتماشى مع الدرايش الحديثة

[معماري قطري]

من أهم المخططات هو القطاع في المبنى يوضح الارتفاعات وممكن الديكور والأثاث وأُمور كثيرة

هذا القطاع اللي سواه المكتب الاستشاري نلاحظ الصالة تحت عبارة عن ممر كبير حتى باب يخدم على غرفة طعام المجلس ما حط .. وحاكم نفسه بالارتفاع حسب القانون السابق ومنزل السقف المايل طالع كأنه نايم

https://i.imgur.com/0c5mny4.png

https://i.imgur.com/6hk11OF.png

حطيت الرسمة المعدلة تحتها حتى يبين الفرق .. العتبات لمدخل البيت شرفية بعرض 40 سم وارتفاع 11.25 سم وغيرت الأعمدة وأضفت قوس جانبي .. الباب ضروري للتخديم على مطعم المجلس .. النافورة مقترح مبدئي وشكلها يترتب هذا مكانها المهم وضروري نحتاط لها ونبداها مع التأسيس لو اقتنعنا بها أو نجيب نوعية أقل ونركبها بعدين بس نجهز تمديداتها من كهربة ومياه .. مكان المصعد تم تحريكه 15 سم جدام حتى نسوي الدرج الخلفي نفس عرض الجانبي .. باقي العتبات تنحسب أطوالها صح وممكن تقل شوي عن الستاندرد 30 لو نبي نفس الارتفاع بالضبط أو نلغي عتبة وحدة وننزل بحدود 15 سم أو نضيف عتبة قطرية في الاستراحة .. الحلول كلها موجودة

[معماري قطري]

تركيز على منطقة السقف الحائط اللي ما اكتمل هذا بيكون توسعة صالة البنتهاوس لو احتجناها والمالك متردد ما يبي يزيد بنتهاوس فوق .. نفس غلطتي عيالي كانوا صغار وكبر الكبير وتزوج وتمنيت لو مكبر البنتهاوس لغرفتين وصالة أقل شيء له

https://i.imgur.com/dlcpUGP.png

ممكن نرفع عنق السقف المايل 60 سم وتكون عندنا مسافة لصفين طوب زجاجي أو 3 من حجم 20 ونترك فكرة المناور لأنه بيكون طولي وما بيشوه منظر السقف المايل والقرميد .. حتى التغطية البارزة بتكون نفس القرميد بس سويتها غير حتى تبين .. المنور لسقف الدور الأول يبين شكله حلو ومقترح الجبس والتكييف لازم له قرار حتى يتم التصميم على هذا الأساس .. انا بس تسهيل على المالك حتى يشوف شالأفضل له

[معماري قطري]

مساحة السقف كانت قبل 46 متر لبيت الدرج مع غرفة الخزان زدناها 104 ل 150 متر وسوينا شقة متكاملة لأحد الأبناء من غرفتين وصالة وبانتري وجلسة سطحية لو حابين تفتح شرق أو غرب كل اللي نسويه نغير مكان تانكي الماي .. في الوضع الحالي تنفتح غرب

https://i.imgur.com/Wl0MeWw.png

الغرفة الصغيرة جنب اللفت وفوق الدرج النازل ممكن نستغلها مخزن أو بانتري بس لازم نحدد قبل حتى نجهزها

الزيادة 104 متر في 850 متر أو حول 12% ولا شيء يذكر عند مجهود البناء والتنسيق والمتابعة وعندنا التأسيس موجود وتشطيب البنتهاوس نقدر نخليه اقتصادي بس نستفيد منه لأي شيء مستقبلي والا حاضر .. نقدر نسوي غرفة رياضة مؤقتة لحين استخدامها أي استخدام أو غرفة خدم أو مخزن

[معماري قطري]

الساحة المقابلة للجلسة فوق السطح ممكن عمل باربيكيو فيها وبرغولا خشب ولو نبي ساتر مشربية جي ار سي أو خشب على الجنب نقدر نسوي .. بسهولة نقدر نركب مغسلة خارجية للباربيكيو لقرب الحمام للتمديدات والتصريف

من رايي كثرة القرميد حول سقف البيت ما نحتاجها والمخطط الأخير أزلت الأجزاء اللي فوق سور السقف خليت بس اللي في سقف الواجهة .. وسويت تفاصيل كثيرة بس ان شاء الله بكرة انزلها

[معماري قطري]

عدلت الارتفاع والسقف للبنتهاوس خليته عادي بيطلع أحلى وأوفر حتى ورفعت قاعدة أو رقبة سقف مجوعة دورة المياه والتسريحة وغرفة الملابس الرئيسية حتى اقدر اوفر مناور جانبية طوب زجاجي من صفين 30 في 30 أو ثلاث صفوف 20 في 20 .. صورت اللي في البيت وارسلتها للمالك ومسوي طريقة مشابهة بس من صف واحد وهذي بتطلع أفضل بكثير وبتغنينا عن الفتح في السقف المايل

https://i.imgur.com/LRyvCY8.png

عندنا مساحة معتبرة تحت تاج المدخل أو سقف المدخل المايل بارتفاع متدرج حول مترين ونص كافية لتكون مخزن صغير بس ينعمل لها باب ألمنيوم أو فتحة ونخزن فيها أي شيء زايد ما نحتاجه ونحتاج حمايته كعدة تنظيف السقف أو هوزات لغسيل السقف أو عدة زراعة سقفية وحتى خشب وفحم الباربيكيو الخارجي

[معماري قطري]

على اليمين لو دققنا يبين لنا خيال شخص خليت طوله 181 سم وهو يمر تحت امتداد الغرفة الصغيرة فوق وجنب المصعد المخصصة ل بانتري أو مخزن .. الأقواس في جسم بيت المصعد عبارة عن تجويفات بعمق 10 سم نقدر نركب فيها انارة سواء في القاعدة تحت أو من فوق في القوس ولو حبينا نحط ارفف زجاج حتى لو بارزة 7 سم ممكن تحميها قبضة الدرابزين وتكون كافية لإصيصات وفريمات صور وفي مستوى رؤية الإنسان

[معماري قطري]

ما وضحت درايش الدرج وهي موضحة في الواجهة والمفروض تنوزن هنا وواضح إستوت عندنا منطقة تخزين تحت الدرج في الدور الأرضي ولازم تترتب مع شركة المصعد ممكن يكون لهم احتياج لباب خلفي للصيانة

مناور منطقة دورة المياه ما شاء الله كافية وبتنور المنطقة داخل من أول الصبح للمغرب خصوصاً بيكون عندنا خط طويل في الجهة الجنوبية اللي ما تبين ألحين ومقابلة الصالة

[معماري قطري]

القطاع الطولي الثاني بيمر في وسط الغرفة المثمنة والصالة تحتها المثمنة وبيقطع التسريحة والحمام من النص تقريباً .. قربت اخلص دور السطح مع الأول بس باقي الأرضي وتفاصيل كثيرة بتاخذ مني وقت واعتبر نفسي في تحدي مع الاستشاري ومع نفسي حتى اخلص فكرتي كاملة قبل ليوقع المالك العقد أما يقتنع ويضمنها العقد أو يصدق كلام الاستشاري اللي يقول له مش العقد والتفاصيل بعدين

[معماري قطري]

استمتعت بعمل هذا القطاع الطولي المار في منتصف سقف دورة المياه المائل وسقف المكتب العادي وسقف غرفة النوم المثمن .. خذ مني وقت وكان متعب شوي وللحين ما خلص باقي اكمل تفاصيل الدور تحت

خطوط البنتهاوس المستقيمة تبين وراء والسقف المايل طلع ارتفاعه من الداخل يوصل لما يزيد عن ستة متر لكن خط الجبس المتقطع الرصاصي بيكون على ارتفاع 5.6 وبيكون فيه كورنيش نازل على ارتفاع 2.8 متر وتحت الكورنيش بورسلان قطع كبيرة للحوائط وفوق صبغ مقاوم للرطوبة

https://i.imgur.com/SdnKt2Z.png

ينفع التكييف دكت سبلت أو مركزي صغير لهذي المنطقة لأن عندنا تجويف كافي للدكت الداخل من السقف وفراغ كبير بين السقف الانشائي والجبسي المستعار .. المركزي بيعطينا هواء خارجي نقي بأُكسجين وبيزيل الرطوبة وحسب نوعه دوم مواصفاته أعلى من حيث نقاء الهواء وبرودته وجفافه .. اللي على اليمين باب المكتب اللي يعتبر وسط بين الغرفة ودورة المياه وملحقاتها

[معماري قطري]

تقريباً هذا مسار الدكت من السقف للداخل فوق الجبس موضح باللون الأزرق الغامق ومار للغرفة وبعدين واصل لبقية المكتب والحمام

https://i.imgur.com/y4uyv8p.png

[معماري قطري]

الجزء اللي بيكون بسقف مستعار ودكت فوقه في التسريحة بسيط باوضحه على المخطط الأرضي وين جاي .. يعني باقي السقف بيكون بإرتفاع عالي وأكيد يحتاج انارة جانبية أو معلقة من السقف وفيه نوعيات ال اي دي وايد حلوة تجي معلقة على شكل حلقات

[معماري قطري]

هذي صورة مقربة حق تفصيل هندسي يفترض يكون كامل بس هنا ناقص لأن اللي يستوي استعراض بدائل وتحسينات ووصف بالكلمات وهذي تكون المواصفات تتماشى مع الرسم .. لازم نذكر طبقات التشطيب هنا ونسوي مفتاح على جانب الخريطة حق الألوان .. أو نكتب على هذا التفصيل المكبر شالمواد خرسانة وطابوق وغيرها من مواد .. طبقات السقف تتكون من قرميد ( نوعيته وسعره ولو ممكن حتى بالإسم والصورة ) وطريقة تركيبه تنذكر في المواصفات أو حتى ممكن في الرسم لو حبينا

الدريشة ممكن تركب على بلاستر موضح هنا بس المفروض ينكتب أو تتركب على حواف رخام أو حجر وممكن نسوي لها تفصيل خاص .. هنا سلوب بسيط يبعد الماي عن حافة الدريشة .. التفاصيل والمواصفات مهمة لضبط الشغل وجودته حتى ما ندخل في مشاكل

فيه شيء مهم أغفلته انا وتذكرته قبل لا اطلع الصورة بس ما ضمنته الصورة وهو لازم نسوي أما شق طولي في طرف حافة تظليل السقف الخارجي حتى الماي الراجع ما يتعلق على السطح الافقي ويمشي للجدار ويلطخه من الخارج من توصل نقطة الماي وتحصل الشق البسيط واللي ممكن يكون بعمق 2 ملم أو 3 تعلق وتتجمع وتنزل بسبب وزنها على الأرض ولا تلطخ الجدار

https://i.imgur.com/vpoBjaz.png

وباتابع لاحقاً مع القطاع كامل لو اكتمل خلال الفترة القادمة

[معماري قطري]

بالنسبة للتكييف هذا توضيح لمسار الدكت وهنا بعرض 40 سم وممكن نوصل ل 80 سم بدون تأثير على ديكور الجبس المقترح .. المنطقة اللي موضحة هي للمكينة الداخلية وبتكون على ارتفاع صافي 3 ونص متر هذا لو سوينا دكت سبلت لو سوينا مركزي المكينة بتكون فوق وهذا مسار الدكت موضح بالأزرق ومدخل الدكت وضحته قبل في المقطع الأخير

طبعاً بتكون فيه تفاصيل تكييف أكثر من مختصين التكييف وممكن نفتح فتحة تكييف بسيطة على دورة المياه والتسريحة وغرفة الملابس وممكن نكتفي بس بالتسريحة وتهوئة للحمام يدخل الهواء من خلال فتحة سقفية في غرفة الملابس ومنه للحمام ومنه للخارج

https://i.imgur.com/v0EXPEg.png

[معماري قطري]

لتوضيح فكرة المناور السقفية في دورة المياه وغرفة المكياج كذلك هذي الصورة عندي في الصالة على ارتفاع 3 متر وشوي يمكن 20 .. للبيت هذا ارتفاع حافة الطوب الزجاجي السفلية 4.4 متر والعلوية 5.1 وسطوع الشمس على الطوب الزجاجي في غالب الوقت غير مباشر .. وهذا شيء متخوف ما يكون حلو ويعكس جمالية الزجاج وينشر النور داخل الحمام .. ممكن نصغر الامتداد الخرساني عليه لحدود 10 سم .. ألحين هو 50 سم وفي جهة من السطح ما تبين يعني خسارة على لا شيء

اللي في الصورة الوقت كان 8 ونص اليوم الصباح وجهة الجنوب نفس وضعية هذا البيت بس انا عندي صف واحد بارتفاع 30 سم أو يمكن شوي أقل بين 30 و 25 واللي بياخذ فيه أنواع والوان كذلك أشوف أحلاها اللي تجي فيها فقاعات هذي تتوهج نور مع سطوع الشمس عليها وتنشر النور داخل

https://i.imgur.com/0VEa9jG.jpg

[معماري قطري]

خلصت الرسمة وأكيد فيها نواقص بسيطة قبل فاتني اوضح إن أرضية دورة المياه نازلة للتمديدات وبعض التفاصيل مهما سويت لا بد انسى شيء والا اخطي في التنسيق بين باقي المخططات يعني اسوي تعديل على مخطط وانسى الباقي

مثل ارتفاع الأعمدة احتديت اعدله كم مرة حتى اوفر ارتفاع مناسب للجبس ويكفي للتكييف بدكتات أو جبس كم طبقة لو حبينا .. باقي تفصيل الانارة وأماكن الكهرباء والمفاتيح الكهربية .. وهذي نستخدم فيها توزيع الأثاث كأساس ونسوي واجهات خاصة لكل غرفة وممكن تتوضح على المخطط الأرضي مثل ما يسوون المكاتب في العادة بس مع الواجهات أفضل بكثير

ابدأ بتذكير بالمخطط الأرضي وخط القطع اللي مار فيه حتى نعرف شيوضح لنا .. خط القطع هو الأسود المار بالضبط وسط الصالة ومار بعد الباب حتى يوضح منطقة المصعد والدرج اللي للحين ما ضفتهم

https://i.imgur.com/7N4lnsJ.png

نفس خط القطع مار لنا في الدور الأول

https://i.imgur.com/E8vttQp.png

وهذا الرسم المقطعي كامل .. باركز عليه منطقة منطقة ان شاء الله للوضوح

https://i.imgur.com/iaGVXyL.png

هذي كلها امور ضروري نركز عليها في التصميم بشكل مبدئي ونقرر شنبغي ما يلعب علينا استشاري يمشي شغله بكلمة كل شيء يتعدل بعدين .. مثلاً السقف لو غطى النوافذ الجانبية في الجهة الغربية واللي هي داخل السطح ما تبين ما بنستفيد وكذلك الحال للجهة الجنوبية المقابلة للبنتهاوس

البنتهاوس موضح بخطوط فقط لأن الدرايش على جنب ووراء هذي جهة شمالية وتطل على سطح في الغالب كله خدمات فوق الا جهة الصالة المفتوحة بدريشة غربية هذي منور وجدامها جلسة باربيكيو وقد يكون فوقها عريش أو برغولا

[معماري قطري]

الصالة نازلة عن باقي الأرضية عتبتين 25 سم يعني كل عتبة 12.5 سم مريحة .. درايشها سويتها من الأرضية النازلة بارتفاع 60 سم لأن الكراسي وراها حافة مرتفعة تحدد موقعها وممكن اللي يلتفت يشوف لين قاعدة الدريشة .. ومثل ما هو موضح في تجويف الدريشة اليمين هذي فريمها 7 سم يفترض تكون يو بي في سي نقدر نسوي ستاير خشبية في التجويف للدريشة .. هذ مقوسة من الخارج لكن التجويف الداخلي مستطيل وكان واجب أوضحه في دريشة الواجهة المائلة جنبها .. حتى توضيحي لها هنا غير دقيق ما يبين الميلان

https://i.imgur.com/9BdHuBX.png

[معماري قطري]

حتى بقية الكراسي ما وضحتها بسبب الميلان شغلة وتحتاج 3 دي أفضل .. البركة في الموجود والعتبات تبين وبتكون على شكل قوس ربع دائرة والأرضية النازلة دائرة كاملة وسط المثمن

الكرسي اليمين ممكن يجي وراه سويج كهربة والجدار الطولي جنب الكرسي اللي قرب التلفزيون بعد يناسب حق مفتاح انارة وأكيد للتلفزيون لو سوينا طاولة رخام ثابتة وخلالها سوينا توصيل الكهربة والكيبل أو الدش بيكون هذا مكانه ومكانه مناسب لأنه يلف لجهة طاولة الطعام اللي المفروض بعد اوضح حتى لو خيالها وراء وهي بتكون تقريباً لمنتصف التلفزيون

[معماري قطري]

هذا تكبير وتوضيح للزاوية لو حطينا انارة خارجية عملنا لها حفر في السيبوريكس هنا موضح بعمق 4 سم وارتفاع 15 سم وفي أعلاه زاوية ألمنيوم أو بلاستيك وداخلها شريط ال اي دي يكون ما نشوفه بس نشوف النور نور مخفي بدون رؤية المصدر وينور بس الحفر .. ممكن نسويه حول البيت يعطي نور هادي ومنظر حلو مبتكر

وضحت حدود الستارة الخشبية وسويج الكهرباء .. نقدر نحط في الزوايا للجدران المثمنة داخل فيه مسافة حول 50 سم كافية لإصيصات زراعة وراء الكراسي حتى ممكن تكون متسلقة

https://i.imgur.com/qgTjJPg.png

[معماري قطري]

هذي صورة شوي أوسع للصالة والمدخل جنبها ووضحت الدرج والمصعد زوايا جدرانه جات وراء الأعمدة مباشرة

https://i.imgur.com/rDCdE4g.png

النافورة أكيد تصميمها بيكون غير وممكن نستعيض عنها بطاولة عليها حوض سمك وممكن طاولة دائرية وورد فوقها

[معماري قطري]

عكست القطاع بدال ما تشوف جهة داخل البيت ألحين تشوف جهة الحائط الخارجي وهذي النتيجة

https://i.imgur.com/Ju7Lp7F.png

[معماري قطري]

في الصورة السابقة اضطريت اخلي بروز السقف للغرفة المثمنة كما هو لأن طلع عندي بروز الواجهة ما يغطيه مثل ما هو واضح .. لكنه يغطي الجزء صوب دورة المياه وهذي صورة مكبرة لدورة المياه جهة الشاور والكرسي والمغسلة .. وحطيت خيال رجال واقف بالأزرق وواحد قاعد بالأصفر بس ما يبين واضح دقيق الملاحظة بيشوفه

مقترح كورنيش الجبس بس 10 سم فوق فتحة الباب 2.5 متر من الأرضية وبيكون فاصل بين نص الجدار العلوي اللي بيكون صبغ مقاوم للرطوبة وما تحت الكورنيش بتكون سلابات بورسلان كبيرة موجودة 2.5 في 3.5 متر وممكن تجي بالطول بدون قص مع إن قصها بسيط .. الشاور المطري واضح وضروري جهة الكرسي يسار نركب شاور يدوي ( تلفون ) وهذا ما وضحته .. يسار مبين الباب اللي يدخل على غرفة الملابس الطوالية من خلف جلسة التسريحة وسقف هذا الجزء نازل حتى يغطي الدكت أو وحدة التكييف الداخلية لو ركبنا دكت سبلت

https://i.imgur.com/v0ZaXMh.png

غيرت صبغة الجالس حتى يبين بس فرطت رجله ما انصبغت .. كاسر خاطري كأنه شاري أسهم بلدنا ومتورط

موضح مكان التجويفات بعمق 10 سم للصابون والشامبو والاكسسوارات أكيد يبي لها تخطيط واضافة صوب المغاسل نقدر نركب مثل ما هو موضح بوكس جانبي بعمق 15 سم وبباب وبارتفاع 120 سم وعرض حسب المتوفر والا لازم نوضح تجويفه في المخطط الأرضي .. المراية ببرواز خشب وممكن نخليها بارزة شوي ونحط اضاءة تحتها مخفية وحلاتها اضاءة بلون مزاجي Mood Ambient Lighting وجنب المراية عندنا مكان لإضاءة مركزة جانبية تنور الوجه .. السبوتات من فوق حلاتها معلقة بسلك مشدود من حايط لحايط وبارتفاع معقول فوق الجبس حتى تكون قريبة للتغيير 3.4 متر مناسب وتكون نقطية فوق الشاور وفوق كرسي الشاور جدامه بشوي وفوق المغاسل تنور وسط كل مغسلة .. تستوي عندنا 4 أنواع من الإضاءة بأربع مفاتيح .. ولو نبي نضيف مود لايتنغ حق التجويفات تجي مع مراية المغسلة ممكن وللمود لايتنغ حلاتها لونين أقل شيء أو ال اي دي متلون بعدة الألوان

https://i.imgur.com/lJlv4Jp.png

[معماري قطري]

في الصورة السابقة اضطريت اخلي بروز السقف للغرفة المثمنة كما هو لأن طلع عندي بروز الواجهة ما يغطيه مثل ما هو واضح .. لكنه يغطي الجزء صوب دورة المياه وهذي صورة مكبرة لدورة المياه جهة الشاور والكرسي والمغسلة .. وحطيت خيال رجال واقف بالأزرق وواحد قاعد بالأصفر بس ما يبين واضح دقيق الملاحظة بيشوفه

مقترح كورنيش الجبس بس 10 سم فوق فتحة الباب 2.5 متر من الأرضية وبيكون فاصل بين نص الجدار العلوي اللي بيكون صبغ مقاوم للرطوبة وما تحت الكورنيش بتكون سلابات بورسلان كبيرة موجودة 2.5 في 3.5 متر وممكن تجي بالطول بدون قص مع إن قصها بسيط .. الشاور المطري واضح وضروري جهة الكرسي يسار نركب شاور يدوي ( تلفون ) وهذا ما وضحته .. يسار مبين الباب اللي يدخل على غرفة الملابس الطوالية من خلف جلسة التسريحة وسقف هذا الجزء نازل حتى يغطي الدكت أو وحدة التكييف الداخلية لو ركبنا دكت سبلت

https://i.imgur.com/v0ZaXMh.png

غيرت صبغة الجالس حتى يبين بس فرطت رجله ما انصبغت .. كاسر خاطري كأنه شاري أسهم بلدنا ومتورط

موضح مكان التجويفات بعمق 10 سم للصابون والشامبو والاكسسوارات أكيد يبي لها تخطيط واضافة صوب المغاسل نقدر نركب مثل ما هو موضح بوكس جانبي بعمق 15 سم وبباب وبارتفاع 120 سم وعرض حسب المتوفر والا لازم نوضح تجويفه في المخطط الأرضي .. المراية ببرواز خشب وممكن نخليها بارزة شوي ونحط اضاءة تحتها مخفية وحلاتها اضاءة بلون مزاجي Mood Ambient Lighting وجنب المراية عندنا مكان لإضاءة مركزة جانبية تنور الوجه .. السبوتات من فوق حلاتها معلقة بسلك مشدود من حايط لحايط وبارتفاع معقول فوق الجبس حتى تكون قريبة للتغيير 3.4 متر مناسب وتكون نقطية فوق الشاور وفوق كرسي الشاور جدامه بشوي وفوق المغاسل تنور وسط كل مغسلة .. تستوي عندنا 4 أنواع من الإضاءة بأربع مفاتيح .. ولو نبي نضيف مود لايتنغ حق التجويفات تجي مع مراية المغسلة ممكن وللمود لايتنغ حلاتها لونين أقل شيء أو ال اي دي متلون بعدة الألوان

https://i.imgur.com/lJlv4Jp.png

[معماري قطري]

من الصورة السابقة أشوف لو نعدل ارتفاع قاعدة الدريشة وننزلها 20 سم ما بيبين اللي يسبح وبتكون الدريشة شوي أكبر

من أيام مار علي تصميم مسوي درايش الحمامات للأرض .. صج شوي مخربة توزيعة الحمام بحيث لازم نخليها قرب المغسلة .. والمالك يقول نيته يخليها رملية ما يبين شيء وراها

[سالم الزهران]

صباح الخير بو عبدالله، كنت ف بالي انشدك عن اقل مساحة حمام تكون عملية وممكن ما يتضايق فيها الواحد .. لأنك أحياناً تحب تسوي حمام في الحوش .. فلازم يكون عملي ومب كبير واحترت.

[معماري قطري]

صباح الخير بو عبدالله، كنت ف بالي انشدك عن اقل مساحة حمام تكون عملية وممكن ما يتضايق فيها الواحد .. لأنك أحياناً تحب تسوي حمام في الحوش .. فلازم يكون عملي ومب كبير واحترت.

صباح النور اخوي بو زيد

سهالات الله يسلمك عطني المساحة المتوفرة باسوي لك تصميم مقترح والمساحة اقصد الأبعاد وشيحيط بها وعندك حرية أكثر وسهولة كبيرة .. آخر واحد انا سويته كان في الارتداد وسكرت الارتداد بالكامل .. عندي رخصة له من قبل حسب تخطيط حوض السباحة وبنيته بالطابوق وعلى جزء من حوض زراعي تم احلال تربته وبطابوق بدون أي جسور وأعمدة خرسانية والسقف معدني معزول ( سندويش بانل ) وركبت له جهاز بخار .. حطيت له صور كثيرة

ألحين الفكر شوي تغير تقدر تسوي شاور خارجي حوله زراعة ومسكر بجدران جانبية بس مفتوح للهواء من فوق وجنبه شاور داخلي هذا لو المساحة متوفرة .. 1.8 في 1.8 تكفي ومريحة لمغسلة وكرسي وشاور ولو عندك لحد 90 سم في 90 سم لخارجي كفاية لكن عرض 110 مناسب و 120 مسكت ومريح للي بيسبح بالنسبة للشاور

تقدر تضيف ميزة السقف الزجاجي لو جزئي فوق الشاور ويستوي عندك حمام منور وداخلي حتى لو شجرة قريبة تظلل عليه بتستمع بشوفتها وانت تسبح

[معماري قطري]

عدلت شوي على التكييف بدال ما يكون داخل جهة الغرفة يكون من جهة دورة المياه المكان أوسع .. وسواء بنسوي دكت سبلت أو مركزي لهذي المنطقة كل شيء ممكن بسهولة

في الخارج فوق عندنا باب مقابل مكان الدرج وهذا اختياري ممكن نخليه فتحة للدخول والخروج من التجويف اللي تحول لمخزن صغير وجدامه بتكون وحدة التكييف الخارجية في حالة الدكت سبلت أو الوحيدة في حالة المركزي أو ال في ار في .. ولو طلبنا تكييف متطور في ار في مع سحب رطوبة وهواء نقي باكسجين حتى نقدر نسوي تغطية للمكيف فوق وتهوئة بمروحة شفط للحرارة الناتجة من التكييف والرطوبة الناتجة نقدر نستغلها لزراعة اصيصات في السقف

قسم خلف التسريحة الوسطي بين المكتب والحمام وضحت فيه كبت صغير وفيه طاولة ونبات ظل على جنب الباب اللي يوصل لغرفة الملابس .. هذا ممكن بسهولة نسحب الباب 70 سم ولو حبينا حتى 80 ممكن ونسوي تجويفات بنفس العمق لكبت ثابت يمين الباب ولأرفف خشبية واسعة ممكن السفلية لتخزين الشناط الكبيرة وممكن بباب يغطيها والعلوية أرفف زجاجية وانارة فوقها نستغل كل رف للعدة استعمالات ممكن ميني بار وممكن لإصيص زراعة احداها .. باوضح هذا المقترح على التوزيع الأرضي

https://i.imgur.com/Rk5kgPu.png

اللي يرجع للمقطع الطولي الآخر بيلاحظ إن التكييف تمرر بين النافذتين السقفيتين في منطقة الحمام يعني كل شيء معمول حسابه

[معماري قطري]

منطقة المكتب نسيت اشرحها .. الواجهة الزجاجية يفترض تطل على البلكونة المزروعة وخليت الباب محرك شوي يسار حتى اسوي كتف تتجمع فيه الستارة بحيث تنسحب فقط من جهة وحدة .. خصوصاً مع بداية النهار والمخفي فعال للقزاز ما يبين الداخل ويبين الخارج بيطلع المكتب شرح وبيسوي جو الدخول للغرفة ممتع بس كاسر خاطري الرجال اللي مقندم شكله أما مشتري بلدنا والا مشجع المنتخب ومتعصب

الستارة للمكتب لو كانت البلاستيكية الطولية بتكون خفيفة وسهل تنفتح كل وقت .. عندنا حتى القماشية تنفع والخشبية

[معماري قطري]

هذا قصدي بالتجويفات وهذي بعمق 80 سم وصغرت عرض الحائط ل 10 سم ولو نبغي نسويه خرسانة لنا الحرية حتى يكون عبارة عن خزنة كبيرة حتى الباب ممكن نركب نوع خاص صعب كسره مع إني اشوف الطابوق والخشب كفاية .. اللي خلف الباب بعرض 90 سم واللي فيها اصيص الزراعة بعرض 80 سم

https://i.imgur.com/yivHoEg.png

قبل شفت الدبليو سي العربي أو الأرضي وقلت يمكن اختيار المالك ويمكن حاطه الاستشاري تحصيل حاصل .. هذا لو مب محتاجينه ممكن نخلي مكانه كبت قزاز للفوط وتحت الكبت غسالة صغيرة للملابس الخاصة وحتى ممكن المساحة تكفي لبديه مع السابق بس بترتيب خاص .. منطقة الشاور والجكوزي ممكن نغطيها بزجاج وتستوي محكمة الاغلاق وتستوي حمام بخار بالاضافة لباقي الاستخدامات ولو فكرنا نسويها حمام بخار أفضل نحول الشاور مكان الجكوزي ونخلي بيب البخار يمر من تحت الجكوزي ويطلع في طرف العتبات .. يصخن الجكوزي ويستوي مثل البلاطة الصاخنة في الحمامات التركية واللي جربها يعرف شاقصد .. هشكل يكون عندنا اول ان ون .. مكينة البخار صغيرة كهربية وأحسن تكون جهة غرفة الملابس واعتقد ممكن نركبها جنب الجكوزي وهو في مكانه على الوضع هذا

[معماري قطري]

نقطة مهمة ومهم توضيحها وهي التمديدات سواء للصرف الصحي أو للمياه ما دام عندنا جدار خارجي غلافين طابوق وسيبوريكس والسيبوريكس في الخارج بدون أي عوائق خرسانية هذا نقدر نقص فيه ونركب بايباتنا .. مثل ما هو موضح التغطية بشوية بلاستر على الصحي وبقطع سيبوريكس ممكن بسيليكون تثبيت ممكن ازالته أو ازالة القطع للتصليح لو احتجنا لبايبات التعذية .. ونفتك من دكت كبيرة وبارزة وشكلها مقزز والجي ار سي مكلف بدون فايدة

https://i.imgur.com/kK3VrTV.png

[معماري قطري]

ولو انا مكان المالك باركب عازل حراري فوم 3 أو 5 سم وفوقه ألواح السيبوريكس يعني بيكون الحائط 20 سم طابوق داخلي عليه الجسور الخرسانية وفيه فقط تمديدات الكهرباء وبايبات التكييف والاتصالات والكاميرات و5 سم فوم جهة الخارج تغطي كل شيء وفوقها حماية سيبوريكس 10 سم وهذي بتكون كافية لعمل فجوات للبايبات وتغطيتها بعد بعازل وبلاستر لو حبينا وبنحميها من الحرارة القوية وقت الصيف والبرودة وقت الشتاء ومن أشعة الشمس فوق البنفسجية والشكل الخارجي بيبين نظيف ومرتب بدون بروزات ما لها داعي

[معماري قطري]

البعض يطلع شاطر أو متشيطر ويقول ليش نسوي عزل لحوائط الحمامات والفكرة من العزل هي عدم ترك ثغرة تدخل منها الحرارة أو البرودة بتركيز عالي وتنتشر في باقي البيت .. حتى من الحمام تدخل وتسري للغرف المجاورة

بعدين إذا الحمام مواجه رياح باردة وقت الشتاء أرضيته تبرد وسقفه كذلك ويشع البرودة للداخل وهذا أكيد ملاحظ في البيوت الغير معزولة أو اللي معزولة عزل ضعيف مثل اللي يستخدم طابوق معزول لكن المونة بين الطابوق تمرر الحرارة والجسور والأرضيات المتصلة بها نفس الشيء

[معماري قطري]

غرفة النوم من جهة السرير والرؤية في اتجاه الخارج .. هذا التوجيه للسرير عمل لنا رؤية بانورامية للتلفزيون ووراه بمسافة الدريشة وجنبه باقي الدرايش والغرفة بتكون مشمسة طول الوقت .. لو ركبنا شتر سواء خارجي أو داخلي بيكون ممكن وبيعطينا عزل مناسب وظلام دامس أو نركب ستائر ثقيلة مع عازل للضوء ( بلاك آوت )

الارتفاع متدرج من 3.2 للمدخل وبعد ما ننزل عتبتين 3.45 ووسط هرم الجبس المجوف بنوصل ل 6.6 متر .. حلو لو سوينا الواح الجبس المايلة ملونة أو مرسوم عليها وتنعكس عليها انارة مخفية ولو متلونة بعد أحلى وباقي الإضاءة نخليها جانبية وجنب السرير .. مع عمل اضاءة عامة سبوتات في حواف الشكل المثمن

https://i.imgur.com/ZjZac2x.png

شاكر لكم متابعتكم

[سالم الزهران]

صباح النور اخوي بو زيد

سهالات الله يسلمك عطني المساحة المتوفرة باسوي لك تصميم مقترح والمساحة اقصد الأبعاد وشيحيط بها وعندك حرية أكثر وسهولة كبيرة .. آخر واحد انا سويته كان في الارتداد وسكرت الارتداد بالكامل .. عندي رخصة له من قبل حسب تخطيط حوض السباحة وبنيته بالطابوق وعلى جزء من حوض زراعي تم احلال تربته وبطابوق بدون أي جسور وأعمدة خرسانية والسقف معدني معزول ( سندويش بانل ) وركبت له جهاز بخار .. حطيت له صور كثيرة

ألحين الفكر شوي تغير تقدر تسوي شاور خارجي حوله زراعة ومسكر بجدران جانبية بس مفتوح للهواء من فوق وجنبه شاور داخلي هذا لو المساحة متوفرة .. 1.8 في 1.8 تكفي ومريحة لمغسلة وكرسي وشاور ولو عندك لحد 90 سم في 90 سم لخارجي كفاية لكن عرض 110 مناسب و 120 مسكت ومريح للي بيسبح بالنسبة للشاور

تقدر تضيف ميزة السقف الزجاجي لو جزئي فوق الشاور ويستوي عندك حمام منور وداخلي حتى لو شجرة قريبة تظلل عليه بتستمع بشوفتها وانت تسبح

لا هنت يبو عبدالله ..واذا بديت ترتيب الحوش باراويك الخطة وتحط لنا ملاحظاتك
جزاك الله خير

[معماري قطري]

لا هنت يبو عبدالله ..واذا بديت ترتيب الحوش باراويك الخطة وتحط لنا ملاحظاتك
جزاك الله خير

لا تهتم البنيان الخفيف سهل طابوق وحتى لو تبي سقف خرسانة جاهزة يتركب بكرين على الطابوق بعد يصير وحتى لو فيه خدمات قريبة مثل خط صرف أو كهرباء ممكن تترحل وممكن تبني فوقها باحتياطات

[معماري قطري]

صبحكم الله بالخير والمغفرة

أشوف المتابعات والمشاهدات تتزايد بكثرة وهذا دليل اهتمام الكثيرين بمتابعة الموضوع والله يجعله فائدة ومساعدة بسيطة لكل من يقتبس شيء ويستفيد .. التصميم مثل القصة الخيالية الطويلة تكون نهايتها بتنفيذ الحلم في الواقع ولو ما نركز كمصممين ونهتم في التفاصيل بيضيع المالك وبيرتكب أخطاء أو بيسوي خيارات مب مدروسة صح نتيجتها تكون سلبية

سويت قطاع آخر البارحة يمر في غرفة الملابس وهو هنا بدون تفاصيل للقواطع وباسويها بإذن الله لاحقاً كمقترح ولتوضيح المقاسات المناسبة لنوعية فتحات التخزين

الباب يبين خطوط متقطعة جهة الشاشة وأضفت روشنتين حق المجلس بما إن عندنا حائط خارجي سمكه 30 أو 35 سم حسب خيارنا للعزل نقدر نسوي فيه تجويف 20 سم ينفع لإصيص ونقدر نزيد التجويف ونسويه مقوس يبدأ من 0 لغاية مثلاً 50 سم أو 55 بالضبط في هذي الحالة بحيث يكون نص دائرة بما إن عرض الفتحة 1.1 متر .. حتى نسوي هذا التجويف نحتاج نسوي بروز مغلق في الواجهة طابوق وخرسانة و 55 سم كنصف قطر لدائرة كافية لإصيص محترم يبين ويعطي منظر متميز

https://i.imgur.com/ijP6iHe.png

دريشة غرفة الملابس سويتها طويلة حتى تعطي نور كفاية للتجويف العميق .. 5.1 متر حتى لو حبينا ممكن نسوي الغرفة من دورين عن طريق عمل ميزانين فلور خشب وحديد .. والدريشة شرقية يعني تستوي دخلة هذي الغرفة الضيقة نسبياً متعة

[معماري قطري]

اعتقد هذي الصورة أوضح

https://i.imgur.com/GYYvFi4.png

[معماري قطري]

شوية تفصيل لغرفة الملابس .. طلع حديد تعليق الملابس أو الخشب بعرض 40 سم بالضبط .. يعني عمق 30 سم ونخلي بيب التعليق 5 سم داخل بتكون الملابس بعيدة عن الطرف 10 سم وداخل حيز الغرفة خارج القاطع بحدود 15 سم .. 15 + 35 سم = 50 سم وعندنا عرض مترين صافي للغرفة يعني بتبقى لنا متر للتسكع بين الملابس .. حتى المتان وايد بتكفيهم

مكان الأحذية بيكون ارفف زجاج وحلاتها محببة وخشنة شوي يجي النور سبوت قوي من فوق ينكسر بسبب التعرجات والتحبيب في الزجاج وينتشر حول الأحذية

الجهة المقابلة بتكون قريبة أو حسب الرغبة والاحتياج والجهة اليسرى مسويها بعمق 70 سم وتنفع حق خزنة محترمة أو نسويها خرسانة بباب حديد للمجوهرات والسلاح لو عندنا ونبغي نحفظه محد يوصل له

https://i.imgur.com/QpjKv4q.png

[معماري قطري]

المنطقة اللي فيها الساعة هي نهاية كبت عرضه 30 سم وبداية كبت 70 سم أو حتى 80 ممكن نسويه أو خزنة خرسانية بباب حديد لو احتجنا بعمق ممكن يزيد على المتر هنا .. بينهم أحسن نسوي ارفف وفوقهم الساعة موضحة هنا مع اضافة نقاط كهرباء للمكنسة الكهربية أو للاوتي لو احتجنا مكانه تحت الارفف مناسب نشيل بس كم رف سفلي

الإضاءة لها حلول كثيرة منها مدمجة مع الكبت وبارزة شوي بحيث تنور الكبت بزاوية .. أو معلقة من فوق ونازلة قريبة لأعلى الكبت وهذي مجربها في غرفة ملابسي نيون معلق بسلاسل .. نقدر نركب دنجل بالعرض كلها 2 متر وبارتفاع شوي أعلى من الكبت بتكون مفرقة وتعطينا سقف مستعار تخيلي أو فاصل للسقف المرتفع بدرجة كبيرة وفيها نقدر نثبت سبوتات تشتغل بالحركة متى ما دخلنا .. نقدر نركب اضاءة هادية غير أو مزاجية مخفية في زوايا القواطع الداخلية بحيث تعطي نور خفيف بالوان معينة كتغيير .. فوق كبتات أو أرفف الأحذية حلو تجي مركزة وقوية من فوق واعتقد كملت كل شيء لغرفة الملابس ولازم اطلع لمكان ثاني

https://i.imgur.com/SZCN4bX.png

[معماري قطري]

بعد تعديل مدخل غرفة الملابس وتحريك الباب جهة التسريحة حتى يكون على خط واحد مع الكبت جنبه والأرفف من جنب ثاني وفوقه مباشرة الحائط المستعار اللي مخفي الدكتات أو وحدة التكييف الداخلية

https://i.imgur.com/qoQMYlD.png


وهذي التوزيعة الارضية لهذي الغرفة

https://i.imgur.com/BZ5Ov4p.png

أكيد فيه تفاصيل ناقصة .. مثلاً البرواز مبين 10 سم وممكن نكبره شوي حسب الاختيار العام للابواب كلها فيه 12 سم وفيه غير .. ما وضحت له قاعدة ولا وضحت تفاصيل الزوايا ولا أي حفر في الخشب أو خطوط طولية

نفس الشيء طاولة التسريحة شمكوناتها وهل على يمينها ويسارها أدراج والا رفوف قزاز أو خشب .. طبعاً الرسم يوضح الأبعاد الأساسية والمكان ولا يوضح التفاصيل كثر الواجهة .. وحتى الواجهة السابقة للتسريحة ما تعجبني حلاتها تكون ثابتة ومفصلة للمكان نفسه بجزء مفتوح في الوسط يسمح للكرسي يدخل تحته لسهولة المرور

[معماري قطري]

لإضاءة هذي المنطقة جاينا النور الطبيعي من فوق من جهة الجنوب والغرب ونقدر نسوي قواطع خشبية قصيرة بعرض الغرفة هذي البالغ 2.2 متر ومثبت فيها سبوتات تنور تحتها مع سبوتات أو شريط ال اي دي تجميلي وانارة مخفية .. كذلك وضحت موقع مقترح لكورنيش فقط وممكن عليه انارة مخفية .. الحلول كثيرة

[معماري قطري]

حتى الأبواب على المخطط الارضي المفروض الفريم يكون بكامل العرض ويتوضح سمك وعرض البرواز الخشبي وعندنا مسافة كافية لكل هذي التفاصيل وهذا المهم

[معماري قطري]

جاني موضوع تصميم صعب شوي والصعوبة في المساحة المحدودة والوقت وفي قطعة الأرض الغريبة

الأرض لبناية سكنية قديمة عليها قرار هدم خلال شهر وطلبنا تأجيل حتى نقدر نصمم ونبدأ نهدم .. عطيتها استشاري واتابع معاه لكن قلت اجرب انزل المخطط على الكمبيوتر وأول مرة انقل صورة من الوتس أب للاوتوكاد وبسبب أضلاع الأرض غير المنتظمة احتديت اسوي خط بطول يوازي أحد الأضلاع واطابق الصورة مع هذا الخط لسهولة رسم الخطوط الباقية

وهذي الصورة منقولة من فايل الاوتوكاد

https://i.imgur.com/ROfWRfl.png

هذا مبدئياَ الدور الارضي للمدخل والمواقف ممكن توصل لعشر مواقف وبنحاول نصمم ثلاث شقق للدور مع شقة بنتهاوس أصغر بمجموع 10 شقق .. أكيد بيكون فيه ارتداد واتمنى يكون بسيط وممكن نصفى على شقتين للدور وبتكون سبع شقق

طبعاً نحتاج غرفة لتانكي الماي والمضخات مضخة لكل شقة بيكونون جنب غرفة الدرج والكهرباء تحت الدرج وخلف المصعد بعدين غرفة كهرباء لكل دور

https://i.imgur.com/vghAHlG.png

[معماري قطري]

أحد المقاولين أرسل لي فيديو عن مشكلة المياه في منطقة عين خالد بعد ما حفروا للبيسمنت وطلع الماي بوضوح في الأرض .. ما كنت ادري عن الحل اللي بدأ يسويه وقلت له عن الفرنش درينيج .. طلع عارف السالفة وراواني كيف مسوينه

هذا مهندس توه مخلص دبلوم هندسة يعني يعتبر مساعد مهندس وفورمان لكن ما شاء الله عليه تربى على المهنة من وهو صغير وابوه فورمان سابق وكبر وارتاح خلاص يتابع الشركة فقط .. أتمنى يطلع الفيديو أول مرة انزله عن طريق هذا الموقع للأرض محفورة وتجمع المياه

https://imgur.com/50KBpCY

[معماري قطري]

هذا كان ردي وتساؤلي له

This is where ? What will you do to get the water off? I suggest to do French drainage. Check the YouTube for details it is necessary to prevent future water accumulation + it’ll be good to make lower open ventilation pit or what is called English garden

وهذي إجابته على الوتس أب

Its in Ain khalid We store the water in tanks which comes from the excavation site and take the water through Water Tankers We have already done French Drainage system as you can see the pictures We have done it many times in different projects These Aggregates are working as a porous for water

كلامه واضح بأنه فاهم نظام عمل الفرنش درينيج وهذا ضروري لكل أرض فيها رطوبة وحتى ضروري نعمل تمديدات بايب تنزل الماي من السطح وتمر تحت الارض وتطلع خارج الجدار للشارع والعملية ما تكلف كم 100 ريال

وهذا فيديو للنظام بعد ما خلص .. ما ادري هل بيحافظون عليه أو لا ممكن عاملينه مؤقت يبين لي من الحفرة اللي جدارها خشبي وفيها المضخة الغاطسة .. المفروض الحفرة هذي توجه لها البايبات اللي تصرف الماء عبر الفتحات الصغيرة وتصب فيها وتكون خزان معزول ومبني تحت الارض .. وممكن نسوي له فتحة على مستوى أرضية البيسمنت أو خارج البيسمنت لو عندنا حديقة نازلة حتى نقدر نفتح ونصين المضخة أو ننظف البايبات أو الخزان من الطمي لو دخل شيء منه .. والمفروض البايبات ملفوفة بقماش يمنع دخول الطمي

https://imgur.com/WkLg5Dd

[معماري قطري]

الفيديو الأخير بعد ما اكتملت صبية النظافة

https://imgur.com/UCDCJdM

وهذي صورة لتمديد البايبات المخرمة تحت صبية النظافة حتى تصيد الماي وتحوله للمنهول قبل لبوصل قاعدة الصبية .. هنا مثل ما ذكرت بيدخل طمي للبايبات وبيسدها مع مرور الوقت والحل لفها بقماش يمنع دخول الطمي

https://i.imgur.com/KGh4vy5.jpg

وهذي صورة بعد ما ندفن البايبات بالكنكري وواضح شكثر رمل وحبيبات تراب صغيرة بتنسحب مع الماي وتدخل البايبات .. الماي متجدد ويرتفع من وقت لوقت ولو انسد النظام وكأنك يا بو زيد ( رفيجنا ) ما غزيت

https://i.imgur.com/07UUlAt.jpg

https://i.imgur.com/dWYelnI.jpg

من هذي الصورة واضح إن المنهول عملوه عند بير اللفت وما كان ضروري حتى لو عملوه خرسانة ومعزول زين مع فتحة ممكن الدخول لها من أرضية البيسمنت أفضل مع عمل الاحتياطات لعدم تسرب الطمي للبايبات وأي شيء قليل يتسرب من داخل المنهول اللي المفروض يكون واسع ممكن نسلك البايبات لأنها تصب مباشر في المنهول وممكن نصين المضخة الغاطسة .. الله يعين صاحب البيت سووا له نص نظام أو نظام مؤقت وباكلم اللي أرسل لي باوضح له نقاط القصور وأتمنى يستوعب

[معماري قطري]

آسف الصورة اللي اقصدها في الفقرة الأخيرة ذي

https://i.imgur.com/RJgc2hS.jpg

[معماري قطري]

عاد لو الله قدر إن ما يطلع ماي مرة ثانية صاحب البيت بيكون محظوظ ولو طلع وكانوا ملغين النظام أكيد بيعاني من تسرب المياه لو ضعف العزل وأتمنى الصورة وضحت لجميع المتابعين

[معماري قطري]

فرصة الحل للحين موجودة وسهلة .. شوي بتكلف بس ضروري تنعمل

يعمل منهول خرساني معزول عن الأتربة والمياه تدخله عبر البايبات .. وبما إن ذيه بيت أكيد فيه امكانية لعمل المنهول جهة الحوش .. سواء بنسوي الحوش ساقط أو نازل لمستوى البيسمنت أو عادي نقدر نسوي فتحة المنهول شوي أرفع من أرضية الحوش حوله وحسب عمقه وارتفاعه لو فرضنا البيسمنت أعمق نقطة فيه عند ناقص 4 متر نسوي المنهول تحت هذي النقطة ونمدد بايبات الصرف اللي المفروض تكون مغلفة بقماش يمنع دخول الطمي ويسمح بدخول الماي للمنهول .. وهشكل بيكون عندنا ضمان إن أي ماي يطلع يتصرف جهة المنهول وتبقى الارض ناشفة .. كذلك ضروري نسوي جوانب جدران البيسمنت بايبات تصريف تكون مرتفعة شوي وموجهة جهة المنهول حتى نضمن أي مياه تلتصق بجدران البيسمنت تنزل لأن حولها كنكري يسرب المياه لتحت وتحصل البايب اللي يوجها للمنهول ومن المنهول تطلع بمضخة للخارج

[معماري قطري]

أحد الأهل سألني في جزئية توزيع دورة مياه وكان مشتغل له فيها ما يسمى بمصمم داخلي وشغله كله ثري دي على برنامج تصميم موضوعه فيه المقاسات للقطع بشكل مسبق ومحدد وهو يبغي شاور شوي أوسع ومساحات تخزين جانبية ويبي يعرف وين يركب الاكسسوارات وشغل الواجهات الداخلية هو أهم شيء وأهم منه هو التوزيع العام

هذا أفضل ما وصلت له

https://i.imgur.com/2dRVOpe.png

استوى عندنا توزيع مناسب لعدة قطع وعندنا خزانة حائط جانبية وحدة جنب المغسلة بعرض 80 سم وعمق 25 سم والارتفاع يتحدد حسب الرغبة في الواجهة .. بتكون فوق قاعدة المغسلة بحدود 10 سم .. العمق ظاهر منه 15 سم و10 سم محفور لها في الحائط .. نفس الشيء عندنا ثانية جنب الكرسي وهذي تستخدم لمواد التنظيف

غير عندنا تجويفات جدارية وحدة جنب كرسي الشاور بعمق 10 سم وبتكون كافية للصابون والشامبو والليفة وبعدد مناسب .. وثانية جنب الجكوزي .. الجدار اللي جنب الباب يمين ويسار بيكون لتعليق الفوط وممكن نخلي حديد تعليق على باب الشاور .. لو خذنا جكوزي صغير بطول متر و60 سم بنوفر مساحة مرور مناسبة جدام الكرسي والبدية بحدود 70 الى 75 سم

ممكن نركب طوب زجاجي حوالين المراية اللي أصلاً تخفي بوكس للتخزين بعمق 20 سم والطوب الزجاجي بيعطينا نور طبيعي مناسب ونقدر نحط بدون لون ونمزج معاه شوية ألوان معينة كالأزرق والوردي وفيه درجات ألوان ثانية تعطي بهجة وتغيير لجو الحمام

[معماري قطري]

الدائرة بين البدية والمغسلة بتكون لسلة المهملات

هذا كم مقترح ثاني ميزة الثاني والثالث إن عندنا مكان لكبت كامل ممكن نختاره جاهز فيه عند ايكيا وغيره قزاز وبيكفي لتخزين فوط وحتى بعض الملابس

https://i.imgur.com/oIUfuE8.png

وهذي تصاميم ثانية .. المشترك فيها إني حاولت اخلي الشاور والجكوزي في منطقة محصورة بفريم وقزاز عن ترشش الماي حتى يكون الحمام عملي وسهل الاستخدام أي وقت ولا حتى فيه داعي نمسح وننظف الماي بعد الاستحمام نسكره ونستخدم باقي القطع ويجف بنفسه

الشاور عرضه 90 سم بس مفتوح من جهة البانيو يعني المستخدم بيكون أكبر بكثير من 90 سم لحركة اليد وكذلك نقدر نركب بانيو أطول لو حبينا ونسوي كرسي جنب البانيو للجلوس والتفوط .. نقدر نسوي القزاز الفاصل بكامل الارتفاع ونخلي منطقة الشاور والبانيو مغلقة ونحط جهاز بخار ويستوي عندنا جكوزي وشاور وبخار ونمرر بيب البخار تحت الجكوزي بتستوي عندنا بلاطة صاخنة مثل الحمامات المغربية وبيكون فل تدليعيشن

https://i.imgur.com/2tK5miC.png

هو بس يختار اللي يبي وبعدين سهل نسوي واجهات داخلية ونعدل حسب الحاجة

[معماري قطري]

موضوع التوصيف والتفاصيل صعب ويتعب أي مهندس أو مكتب استشاري .. لأنه يعتمد على الدراسات والالمام بالكود للدولة وقوانين البناء وفوق هذا الخبرة الشخصية بمشاكل البناء ومحاولة تفاديها عبر تفصيل مناسب

ما حبيت ادخل فيه قبل لصعوبته وكذلك ممكن اغفل شيء فيه .. في الوقت الحالي حصلت كتاب مفيد وبديت اقراه عن التفاصيل أو ما يسمونه عندنا الاستشاريين Shop Drawings والغالبية يركنونها للمقاول يسويها ويشرحونها بالكلمات .. الكتاب شجعني أنشر محتوياته لأن كثير منها يوضح تفاصيل احنا نستعملها والمفروض نضمنها لتصميمنا عن طريق الاستشاري حتى المقاول يسويها صح

هذي نبذة من الكتاب

https://i.imgur.com/sHSBPDH.png

الكتاب اسمه Architectural Detailing الطبعة الثالثة سنة 2016

الكتاب 400 صفحة بس باختصره وباركز على السكتشات المهمة

أول فصل فيه التحكم في المياه وخصوصاً الأمطار واعتقد الغالبية يعاني منها

نبدأ بهذا الرسم مع الشرح التابع له

https://i.imgur.com/OYEg47D.png

القصد هنا نسوي سلوب بسيط لقاعدة الدريشة حتى نصرف مياه المطر مع عمل طرف بارز وفاصل حتى الماي ما يعلق تحت قاعدة الدريشة ويلطخ الواجهة

كثير يسوون حجر والدرايش عندنا تفصيلها يختلف في الغالب ألحين ألمنيوم أو يو بي في سي والحصول على تفصيل مقطع مقارب سهل أو حتى مقطع معروف بالضبط وبالإسم لو حبينا مثلاً نذكر يو بي في سي قطاع 70 ملم أو 76ملم أو 60 ملم .. والمهم نوضح السلوب وأي طبقة حماية لسطح الطابوق .. بعضهم يركب إطار حجر وهذا يحتاج تفصيل صح حتى ما يجمع الغبار عندنا وينزله مع المطر على الواجهة ويلطخها .. الطيور من جانب ثاني كيف نتفاداها وفيه حلول مثل المسامير المعدنية ومنها ستانلس ستيل ما تصدي وتلطخ الواجهة بعدين

هذي تفاصيل مهمة ندخلها في تصميمنا ونرتبها صح حتى نفتك من أي مشاكل مستقبلية

بالنسبة للديمومة موضوعها مهم ومهم نستخدم مواد وتفصيل دايم .. جزء من الحل بيكون لقاعدة الدريشة نسوي تفصيل مثل الكرسي يثبت عليه الفريم ومعروف الفريم يثبت ببراغي وتسد الفجوات برغوة وسيليكون خاص فوقها وهذا السيليكون مع مرور السنوات يهتري ويحتاج تبديل .. هل نغطيه بقطعة برواز يو بي في سي أو ألمنيوم .. أو نفصل القاعدة سواء كانت بالبلاستر أو الحجر أو قطعة ألمنيوم تغطي القاعدة الباقية من الطابوق أو نركب الدريشة على الحافة فتكون على مستوى واحد مع وجه الجدار الخارجي .. هذي بتفكنا من تركيب أسلاك منع الطيور وبتفكنا من تجمع الغبار على السطح الأُفقي المتبقي في الخارج خلف الدريشة حتى وإن ثبتت على حجر أو رخام أو خشب بيكون يبين من داخل ونظيف وممكن في الحافة نحتاج برواز بسيط ألمنيوم أو يو بي في سي يغطي الفاصل بين زاوية فتحة الدريشة ووجه الجدار العمودي .. الدرايش ألحين ما تحتاج تجويف وتظليل لأنها معزولة وبقية العزل يجي من طبقات الستارة داخل والتجويف بين الدريشة والستارة .. ولو عندنا جدار معزول هذا التجويف بيكون بحدود 30 سم وشوي أكثر حسب سمك الفريم وبإذن الله بحاول اسوي تفصيل مرسوم بما قلت

[معماري قطري]

معليش نطلع شوي من موضوع الكتاب وباتابعه بعدين .. كتبت عنه وحطيت صور لتفاصيل بس انقطع عني النت وضاع كل شيء

هذا فيديو لتصريف البيسمنت اللي ناقشته قبل والنظام شغال مع عمل صبية النظافة فوق البايبات اللي مغطاة بالكنكري حتى الماي ينزل ويتصرف في البايب ولا يرتفع لين قاعدة الخرسانة ويخربها

https://i.imgur.com/enJ8gPX.mp4

[معماري قطري]

https://imgur.com/enJ8gPX

لازم احطه في لنك مستقل أو انزله على اليوتيوب وبيكون أفضل وبانزله لاحقاً بس اللي يتبع اللنك بيشوف الفلم واضح

طلع الرجال فاهم ومسوي المنهول على جنب والمضخة شغالة والماي يتجمع في المنهول مثل ما احنا شايفين واتوقع بيسوي المنهول خرساني وبيحافظ عليه لأي مياه تطلع في المستقبل وصراحة أول مرة اشوف هذا السيستم في قطر وينعمل لبيت والله يوفق راعيه

https://imgur.com/Pocowwy

[معماري قطري]

نرجع لكتابنا وارجع لكتابة ما ضاع من اللي كتبته

هذا جزء مصور من الكتاب مع الشرح ويوضح لنا في أول صورة سور السقف .. عندنا لازم الارتفاع يكون آمن وهنا يبين لي ثلاث طابوقات ومب محدد بمقاس لأن الشرح عام .. لكن لو بنسوي تفصيل نحتاج نحط تفاصيل أكثر لتركيب الجدارين والفراغ بينهم .. والروابط اللي تربطهم مع بعض .. العوازل وطبقاتها مب موضحة .. التركيز على جزئية تصريف المياه بعمل سلوب فوق سطح الجدار الأُفقي حتى ما يلطخ الماي الواجهة وممكن يحرك غبار متراكم فوق .. ضروري نعملها حتى لو طابوق وبلاستر وبسلوب بسيط 1سم في عرض 20 سم كفاية حتى نص سم تكفي

الجزء المثلث تحت المسمى Cant هذا الكاتب مخطيء فيه وفي فايدته وهو أصلاً حتى ما نحني الرول العازل 90 درجة وينكسر ويتسرب الماي للسطح

السلوب للسقف المايل هو مقترحه 33% لكل 3 متر طول 1 متر ارتفاع .. هذا معقول للمشي عليه بحماية وجواتي خاصة للصيانة .. حتى السلوب 45% ممكن وبالعادة ما حد بيمشي عليه وشكله أفضل معمارياً يبين للقريب وللبعيد

https://i.imgur.com/1qhPQC8.png

بالنسبة لتركيب الواجهات سواء كانت حجر أو رخام أو بلاط ضروري نخلي لها فواصل تمدد حتى لو ركبناها ميكانيكل والسبب إنها لو تمددت وكانت محصورة من جهتين تنفك .. يمكن غالبيتنا شاف المباني حول المركز والمسمى السنتر قرب رمادا واقصد المبلطة ببلاط راقي .. بوختال الألماني .. بعضه تفكك والشكل استوى قبيح والسبب عدم وجود فواصل تمدد .. الجدران الخارجية تعامل كالأرضيات الخارجية فواصل التمدد ضرورية

هنا موضح فاصل في واجهة حجر وكيفية معالجته

[معماري قطري]

كبرت الرسمة الأهم لنا حتى اشرح السلوب اللي على السطح الافقي للحجر أو البلاستر وموضح بدائرة القطع البسيط اللي يخلي الماي ما يسيل على وجه الجدار الداخلي ويتعلق ويقطر من يوصل هذا القطع

https://i.imgur.com/byxtAaq.png

[معماري قطري]

ننتقل لجزئية تهمنا كلنا وهي العازل المائي للسقف .. الرسمة توضح المكان المناسب حق نسوي فتحة تصريف مياه المطر في السقف ونستغل الميلان الطبيعي لوزن الخرسانة بعد الانحناء شوي والتقعر للأسفل بحيث تستوي عندنا نقطة تصريف هي أنزل نقطة في أعلى السقف

هذا الكلام مب مستعمل عندنا وكله نسوي التصريف في الأطراف لأسباب أهمها إننا نسوي خرساناتنا قوية كفاية والانحناء فيها قريب من الصفر .. وبعدين ننتظر فترة ونسوي سلوب بالسكريد يبدأ من فتحات الصرف بسمك 4 سم وينتهي مرتفع حسب مخطط تصريف مياه المطر .. فترة الانتظار يكون فيها الانحناء ( إن وجد لضعف في التصميم أو التنفيذ ) وصل تقريباً حده والسلوب لو عمل صح يكون مضمون ما يقل عن 1% أو 0.75% طبعاً ال 1% أضمن ولو 1.25% بيكون أكثر ضمان للتصريف السريع .. وأكيد زين لو تابع الاستشاري الميزانية هذي بجهاز قياس مستويات مساحي حتى يضمن إن السكريد تم عمله صح

عندنا تفصيلين للسكريد واحد يسمى دبل سكريد وهذا الأفضل .. يكون فيه السكريد الأولي طبقة ناعمة بميلان حسب الرغبة وحسب المخطط وفي الغالب للمساحات الكبيرة حتى ما يكون السكريد ثقيل ومع الميلان يستوي سمك السكريد كبير وممكن يوصل ل 15 سم .. على سبيل المثال لو الميلان اعتبرناه 1% هذا يعني 1 سم لكل متر أو لكل 100 سم طول ولو عندنا قاعة طولها 20 متر وسوينا السلوب من جهتين أو فرضاً مجلس 10 متر وسوينا السلوب على جهة وحدة لازم نبدأ عند فتحة الصرف ب 4 سم سمك للسكريد ثم يتزايد 1 سم لكل متر 1 ضرب 10 متر تعطينا 10 سم + الأربعة اللي بدينا بها تستوي نهاية المستوى بسمك 14 سم

الانحناء ممكن حسابه من قبل المهندس الانشائي حساب تقديري لو التصميم اقتصادي وممكن يستوي عندنا انحناء ويقدر هو كيفية توزيع السكريد وعمل المجاري اللي يمشي عليها المطر ويتجه للصرف بطريقة اقتصادية ولا تثقل على السقف .. مهم نطلب مخطط التصريف من الاستشاري .. كذلك ممكن نسوي تفصيل آخر لبايبات التصريف تكون نازلة من السقف مخفية في الجدار وتنزل لتحت سطح التربة تكون مدفونة وبسلوب مناسب تتجه لخارج سور البيت أو لحفرة مناسبة امتصاصية نخصصها في الحوش وتكون مغطاة .. بس لازم نحسب حساب لو امتلت الحفرة شلون نصرف المياه للخارج

https://i.imgur.com/56C6f9t.png

حلول الكتاب أكيد مناسبة لمواقف السيارات بس تنعمل صح وكذلك للمباني الكبيرة واعتقد الباقي مفهوم للي يحب يقرأ ويستفيد

[معماري قطري]

حل ثاني للسكريد هو في المواصفات نقدر نوصف سكريد يسمى بالخفيف أو الاسفنجي وهذا يجي مخلوط بفقاعات عن طريق مواد خاصة ويجي خفيف

وهذي أمثلة لحالات أُخرى ومثال عليها دورات المياه عندنا ومغاسل السيارات .. السلوب يكون 2% أفضل لأن المياه قد تكون كثيرة في حالة تسريب قوي أو في حالة مغاسل السيارات كميات كبيرة وهذي تحتاج لميلان مناسب و2% تعني 2 سم لكل متر وسهل انجازها في أماكن صغيرة ومحصورة

https://i.imgur.com/LV9sr6B.png

ما يسمى بال Gutter أو القناة بالعربي نستخدمها للمواقف وعندي لها سنين طويلة في مظلة سيارات كبيرة ومعمولة من الحديد بعد تحتاج لسلوب مناسب 1% كفاية بس لضمان التصريف في حالة وجود غبار يتجمع على شكل أتربة نزيد السلوب ل 2 أو 3 % مب خسارة .. من مشاهداتي لمخازن كبيرة تتجمع الأتربة في هذي القناة ومع الرطوبة اللي تتكثف فوق الحديد صيفاً والمطر شتاءً ينزل الماي على الأتربة ونبتت أعشاب سدت المجرى بالكامل واستوت منظر غريب

[معماري قطري]

موقف السيارة حلو نخلي له سلوب بسيط جداً .. يمكن ما يزيد عن 1% أو حتى 0.75 والكاتب محدد 2% والسبب إن لو غسلنا السيارة أو جات مياه حولها تتصرف مع ال 0.75% وفوق هذا يكون وقوف السيارة مريح وهذا ضرورة أكبر وما تكون كأنك واقف على منحدر .. ممكن لو حبيت تخلي السلوب 0 وتسوي قناة تصريف مفتوحة جانبية بسلوب كبير أو حتى تحط حديد يغلقها بس يمرر المياه وتنشيف الأرضية حولها وقت الغسيل يتم بمكنسة

[معماري قطري]

https://i.imgur.com/WZyPOY1.png

هنا نشوف الطرق بحيث يكون وسطها مرتفع والسلوب 0.5% في كل اتجاه والمواقف عدل كلامه عن الموقف داخل البيت وخلاه 1% وما يزيد عن 5% وأكيد الأخير مزعج .. لرامب المدخل 15% معقول كحد أقصى بس بعضهم يسويه أكثر بحيث تحك بعض السيارات

الصورة الثانية ضروري نسوي سلوب يبعد المياه عن المباني ونسوي حماية لأسفل المباني .. هذي الفرزة السفلية اللي تشوفونها في حالات يحطون فيها قطعة بلاستيكية تحمي أسفل جدار البيت وفي حالات قطعة رخام أو قرانيت وفي حالات يكتفون بصبغ مقاوم للرطوبة .. معمارياً تضيف جمال للجدار ولو سوينا فيها انارة مخفية تجميلية تطلع أكيد مميزة

[معماري قطري]

تفصيل عزل ثاني هو ما يسمى بالتغطية Overlap وهو نعتمده في تغطية الرول العازل عندنا كل قطعة لازم تكون مغطية جزء مناسب من القطعة اللي جنبها

في مثال رقم 1 يوضح إن القرميد أو ما يسمى بالشنغلز وهي قطع خشبية صلبة وأوقات يستخدمون لحاء الشجر بعد نزعه وأوقات يحرقون القطع من فوق حتى تقاوم العوامل الجوية .. والقرميد معروفة أنواعه ويستعملون هذي الطريقة حتى كل قطعة تغطي الوصلة في القطعة اللي وراها ولا يتسرب الماي للسقف

https://i.imgur.com/1tdaJ1s.png

في الرسمة الثانية عندنا طريقتين الأُولى للحائط الخشبي وتركيب قطع خشب طولية عليه تغطي الخارج وتمنع الماي من الوصول للداخل بنفس طريقة التغطية والثانية توضيح لقطعة المعدن الطويلة المسماة Flashing هذي أي رطوبة تدخل تنزل تحت توصل لها وتطلع عن طريقها وكذلك تمسك آخر قطعة وتبعد الماي عن الفتحات كالأبواب والنوافذ

الأخيرة وهي الأهم .. هنا مسوي تفصيل لحائط طبقتين ومعزول المفروض حرارياً في الوسط بصوف صخري والا فوم .. بعضهم حذرين من الجسور الحرارية ويستخدمون حتى لعارضة الدريشة أو الباب ( العتبة ) Lintel قطعة حديد حتى تقلل أي انتقال حراري بسبب المساحة .. انا افضل تفصيل ثاني يناسب بيوتنا وهو نسويها خرسانة بكامل عرض الفتحة ونخلي حدود 5 سم أقل تغطى بعازل حراري وعليه بلاستر

[معماري قطري]

هذا تفصيل مهم لنا ولازم نستعمله حق بيوتنا وهو كيفية حماية طرف العازل المرتفع على أطراف سور السطح .. بعضهم يعمل قطع بزاوية 90 درجة ويخفي فيها الطرف ويحط مادة لاصقة سيليكون أو غيرها .. هذا يتسبب في انقشاع الطرف وانفتاحه ودخول الماء من جهته لتحت العازل ويتسرب بعدين للداخل .. أبسط مشاكله يحتاج صيانة من وقت لوقت وشفايدة الصيانة بعد ما يستوي تسريب وتلاحظون تسرب المياه وتخرب الصبغ والجبس وممكن تسوي مشاكل أكبر

بعضهم يلصق العازل على البلاستر حتى بدون شق التثبيت وهذا انفتاحه أسهل لأي سبب .. بعضهم ما يسوي شق بس يركب قطع ألمنيوم تثبت الطرف ببراغي وفي أعلاها يحط سيليكون وهذا حل مناسب وأقل تكلفة من الحلول المعروضة هنا

https://i.imgur.com/RRbfCSp.png

شيصير لو نبغي الشكل يطلع حلو معمارياً ونبغي نركب بلاط للسطح ونبغي نحط نعلة؟

تفاصيل كثيرة ممكن نقوم بها .. منها البلاط والسكريد تحته بيغطي المثلث وحتى ممكن يغطي طرف العازل المرتفع بس لو حبينا نسويه أفضل نرفع العازل أكثر حتى يبقى مكشوف بعد التبليط واقصد اللي على سور السطح وبعدين نركب النعلة عليه بحيث تغطيه وتزيد عنه .. يعني لو العازل مرتفع 10 سم نركب نعلة بارتفاع 20 سم حجر أو بلاط أو رخام متناسب مع أرضية السطح .. النعلة لو نخليها هي والعازل الممتد للسور غايرة شوي داخل البلاستر يعني يغطيها من فوق بحدود 1 سم بتكون أثبت وثبتت العازل خلفها وعطتنا شكل حلو بتكلفة أقل .. البلاط لو سوينا لها فواصل 2 ملم لكل بلاطة وعبينا الفراغات قار أو سيليكون خاص قوي للعوامل الخارجية بنضمن طبقة عزل مائي اضافية وكذلك عزل حراري اضافي

[معماري قطري]

سويت توضيح بسيط لقصدي فوق .. بس أخطيت شوي في الترتيب .. العازل للسقف عندنا يجي باختصار في الغالب بطريقتين وحدة أول شيء سكريد ناعم مايل وفوقه يجي الرول وفوقه طبقة فاصلة وفوقه العازل الحراري وفوقه طبقة حماية وبعدين سكريد ثاني وهذي تسمى الدبل سكريد وهي أغلى بس أفضل وطريقة ثانية اللي الغالبية يسوونها عازل على الخرسانة بعد تنظيفها وازالة أي نتؤات فيها ويجي في الأخير السكريد المايل .. الرسمة اعتبروها توضح الغشاء العازل المائي أو ما يسمى بالرول وفوق الرول طبقة فاصلة ثم العازل الحراري الفوم وثم طبقة حماية وفوقها السكريد المايل وفوقه نقدر نسوي تبليط ونعلات أو نعلات لوحدها لو نحب

أكيد تحتاج رسم هندسي مفصل وواضح وهذا سكتش يوضح الفكرة

https://i.imgur.com/dmF7PBd.png

[معماري قطري]

أي مبنى خصوصاً المكون من جدار وأسطح تعتبر من غلافين أو طبقتين بينهم عازل ضروري تكون لهم تهوئة بسيطة لطرد الحرارة المتراكمة وكذلك أي رطوبة

هذي الصورة توضح طريقة عمل تصريف للمياه لتدخل قمة مبنى حديدي مثل هنغر أو ستور

https://i.imgur.com/F5Sprnk.png

[معماري قطري]

التهؤئة ما تقل أهمية لمبانينا الطابوقية وللجدار لازم نسوي فتحات ونخلي فراغ لتهؤئة الجزء الفاصل بين الجدارين ومن السقف الطرق كثيرة أكيد بنوصلها في هذا الكتاب

[معماري قطري]

إشتغلت على توضيح لتفصيل السقف والعازل مع دبل سكريد وبلاط شعبي فوق ونعلة جانبية .. طبعاً التفاصيل الداخلية مثل البلاستر وسمكه هذي ممكن تنكتب باختصار هنا والا تتوضح في رسمة ثانية والا تنكتب في المواصفات المكتوبة .. حتى هذا التفصيل ممكن ينكتب بس تأويله يكون ممكن غير صحيح لذلك الرسم الهندسي الواضح أفضل

أتمنى الصورة تكون واضحة لأني استخدمت ألوان ما طلعت

https://i.imgur.com/ffXUKqd.png

[معماري قطري]

تصميم تفاصيل الفتحات الخارجية من نوافذ وبلكونات وأبواب يحتاج في الغالب احتياطات تصميمية لعدم دخول المياه .. في رايي معمارياً نقدر نسوي أكثر من غرض لو سوينا مدخل البيت محمي ومرتفع عن أرضية الحوش ارتفاع مناسب بحيث ما يكون متعب ومزعج للاستخدام اليومي ويكون مظلل عن الشمس ويكون منور ومرحب بالضيوف ويكون يعكس جمالية المبنى ويكون محمي من الهواء القوي وعازل للصوت والحرارة .. هذا يعتمد على المادة وسعرها ومتانتها .. لو بنستخدم خشب صعب وصعب جداً ويحتاج صبغ كل سنة تقريباً لو كان معرض للشمس والرطوبة وحتى لو مظلل يتهالك .. يعني حتى لو اخترنا خشب قاسي وقوي ومصمت أو ما يسمى Solid بعد بتواجهنا هذي المشاكل وبيسرب غبار .. الحل الأفضل هو اليو بي في سي والزجاج المزدوج والمعزول بغاز الآرغون الخامل أو غيره .. حتى ما بنحتاج بروز يظلل ولا احتياطات كثيرة

https://i.imgur.com/o0nrgHW.png

هذي طريقة قديمة لحسابة البروز حسب قوة الرياح يفيدنا الاطلاع عليها

[معماري قطري]

بالنسبة لتفاصيل الالمنيوم ممكنة بس قليل نحصلها عندنا وفي الغالب يستعاض عنها بنعلة رخام يسكر الباب معاها وحتى الفتحة السفلية في الباب تختفي بواسطة بروز النعلة .. هذي مهمة نعملها لمنع دخول الحشرات والنمل وكذلك تكون جزء واحد من ما يسمى حلق الباب وهو الجزء اللي يدخل فيه الباب من الفريم الخشبي .. وضحتها قبل واستعملتها في بيتي وكانت مفيدة وعملية وحتى رخيصة .. قطع رخام تركب مع فريم الباب وتوزن بحيث تكون مرتفعة بحدود 1 سم عن مستوى تبليط الارضية .. بتجي طبيعية في حالة عندنا غرفة وداخلها باب دورة مياه والغرفة أرضيتها سجاد ودورة المياه بلاط بتجي نفس مستوى السجاد ومرتفعة عن بلاط دورة المياه 1 سم لتكون مانع لمرور الماء لداخل الغرفة وكذلك مانع للحشرات .. باصور التفصيل تصوير واقعي يفيد الجميع في اختياره وعمله لو حب

https://i.imgur.com/q7QMb3a.png

[معماري قطري]

هذا اللي اقصده بعضهم يسمونه برطاش

هنا في خارج دورة المياه ما يبين تقريباً .. بروز خفيف تحت السجادة والباب مسكر معاه ومركب لوفر فتحات للتهوئة ولدخول هواء بدال المسحوب بالمروحة

https://i.imgur.com/mns6gxI.jpg

هنا من داخل ويبين طرف قطعة الرخام بارز شوي وفوقه السجادة

https://i.imgur.com/Wy8FtYq.jpg

وهذي صورة مقربة أكثر

https://i.imgur.com/ClXXAXw.jpg

نفس المبدأ نقدر نستخدمه للمداخل والابواب الخشبية الباقية واليو بي في سي والألمنيوم وحتى للحديد وسويت لباب حديد جهة الملحق نفس الطريقة

[معماري قطري]

سويت سكتش مبسط للمقاسات التقريبية لقطعة الرخام أو الغرانيت أو الحجر اللي بتكون أسفل فتحة الباب وموضح كيف الباب يسكر عليها مع حلق الباب .. هذي نقدر كذلك لو حبينا نحط حولها ربلة ثابتة تعطينا اغلاق محكم للباب

سامحوني على رداءة الخط وبساطة الرسم اليدوي وانا أكيد سيء فيه

https://i.imgur.com/id5rciX.jpg

[معماري قطري]

هذي القطعة مثل ما شفنا من الصور تقريباً ما تبين ولا حد يحس بها وتكون محسوسة أكثر في حال انتقالنا من بورسلان أو سيراميك للغرفة لأرضية دورة المياه .. في ذيك الحالة نخلي مستوى أرضية الغرفة نفس مستوى البلاطة الفاصلة اللي تفصل باب دورة المياه عن باقي الغرفة .. لو حبينا تفصيل ثاني ممكن نمد تشطيب الغرفة أو الصالة الداخلية للباب اللي ينفتح عندها وعند ما يسمى بحلق الباب سواء كان حديد أو ألمنيوم أو غيره نركب فاصل ستانلس ستيل أو نحاس بحيث يعطينا مستوى أنزل بحدود 2 سم أو حتى لو حبينا 5 سم للأرضية الخارجية .. وهذا في حال سوينا الباب ينفتح للخارج لكن للداخل يستحسن نسوي نفس التفصيل الموجود في السكتش

[معماري قطري]

متابعة مع تفاصيل الكتاب هنا نشوف احتياطات عمل قطع يمنع المياه من التعلق في الوجه السفلي للسقف البارز كما هو موضح

التفصيل رقم 6 يوضح لنا كيف في حالة عمل حائط مجوف ومعزول .. التجويف مهم جداً لتهوئة الفراغ وازالة الرطوبة المتكدسة وكذلك الحرارة .. الجزء اليسار هو الخارجي من الحائط قد يكون حجر مركب ميكانيكل أو طوب أو طابوق غير ممكن يترابط مع الطابوق الداخلي بروابط معدنية وبفواصل حديد .. التجويف يحصل أوقات لو المطر غزير يتسرب اليه وينزل تحت وفي الأخير قطعة معدن توجه الماء لثقوب في أعلاها وفي أسفل الجدار يتصرف عن طريقها الماء أو الرطوبة المتكدسة

يستحسن في هذه الحالة نغلف العازل ببلاستيك حماية لأن مياه المطر تحمل ملوثات عالقة في الجو تتسبب في خراب الفوم العازل بالتدريج وتآكله على سنوات طويلة

https://i.imgur.com/qSiSB83.png

[معماري قطري]

تفصيل آخر هو ما يسمى بقنوات الدمع في الجدار وهذا لخروج الرطوبة المندفعة داخل التجويف للجدار الخارجي .. فيكون لنا الفراغ مهوى وخالي من الرطوبة .. بنفس الطريقة نعمل فتحات علوية للمناطق الحارة يخرج منها الهواء المتكدس والمرتفع لأعلى بسبب قلة كثافته .. وهي فتحات بالدريل بقطر 1 سم كفاية ويمكن حتى أقل .. السفلية لخروج الماء ولدخول هواء بارد نسبياً والعلوية لخروج الهواء الحار

https://i.imgur.com/Ss9nPjo.png

[معماري قطري]

نطلع شوي من موضوع الكتاب للعملي ولرفيجنا خان اللي يشتغل في البيسمنت وتأسيسه

هذي صور بعد ما خلص صبة النظافة

https://i.imgur.com/J7cYtcZ.jpg

https://i.imgur.com/VJbnPPt.jpg

وهذا المنهول مغطى وينسحب منه أي ماي يطلع تحت الصبية قبل ليوصلها

https://i.imgur.com/Ra3JdZL.jpg

شغل بو أسد شكل ما يقول رفيجنا اليمني

وهذا فيديو لكمية المياه اللي ما تزال تسحب من تحت البيسمنت

https://imgur.com/AnsDIXB

وهذا فيديو لبعد الانتهاء من تركيب الحديد والشريط الواقف لتسريب المياه

https://imgur.com/mNHeWUd

تمنيت لو الحديد أخضر مغلف ولو انا مكان المالك ما اركب الا أخضر

[معماري قطري]

الطابوق واضح تركيبه والمونة اللي فيه كفاية ومعبأ فرق عن شغل المصريين اللي يقللون المونة لآخر درجة

[معماري قطري]

حبيت الشغل ذيه يبين لي المكتب المصمم فاهم باللي سواه من تصريف للمياه الجوفية ولو فيه شوية نواقص مثل الجيوتكستايل فابريك ومثل تجهيز المنهول اللي للصرف تجهيز كامل ودائم

شغل الحديد يبدو لي مدروس واقتصادي .. شفت شغل مشابه قبل كانت فيه أبيام ضخمة وكميات حديد مهولة ومن النواقص عدم استخدام الحديد المعزول

https://i.imgur.com/Lt57O12.jpg?1

https://i.imgur.com/kFUNElx.jpg

في المقاطع عملية الصب وتشغيل الهزاز تبين أوضح

https://imgur.com/hf4FZnr

https://imgur.com/YB1I1Ca

الرجاء دخول الروابط للمقاطع وهي قصيرة جداً

[معماري قطري]

لو كنت مكان المالك كان سويت حوش نازل ينفتح عليه البيسمنت حتى لو يكون صغير عبارة عن منور .. نتابع ونشوف شيصير في الأخير

[معماري قطري]

نتابع مع شغل خان رفيجنا وأكيد مظاهر التصميم بتبدأ تتضح مثل هنا يبين لي البيسمنت تقليدي حفرة غزيرة مدفونة وفيها فتحات تهوئة واضاءة من فوق .. كنت متمني لو سووا حوش نازل ينفتح عليه جزء من البيسمنت

https://i.imgur.com/4tP0moK.jpg?1

هذي الإستعدادات للحائط الاستنادي الخرساني

https://i.imgur.com/PYfctdd.jpg

https://i.imgur.com/b6myyjm.jpg

[معماري قطري]

https://i.imgur.com/RAoI5gk.jpg

https://i.imgur.com/YD8w1cs.jpg?1

https://i.imgur.com/bKe0GLJ.jpg

https://i.imgur.com/PkW15mn.jpg

https://i.imgur.com/kiZSOvf.jpg

https://i.imgur.com/z6Tu8xG.jpg

[SouthK]

https://i.imgur.com/RAoI5gk.jpg

https://i.imgur.com/YD8w1cs.jpg?1

https://i.imgur.com/bKe0GLJ.jpg

https://i.imgur.com/PkW15mn.jpg

https://i.imgur.com/kiZSOvf.jpg

https://i.imgur.com/z6Tu8xG.jpg



سؤال اخوي معماري بما انك ذو خبرة..

الحين ينفع اخلي مساحة البيسمنت على مساحة الارض؟

عندي في بيتي حاليا فكرة اني اسوي بيسمنت لكنه يكون بمساحة الارض مب محصور بمساحة مبنى الفيلا فهل هذا ممكن مع قوانين البلدية؟

سألت احد الرسامين و قال ما يصير مع اني اشوفه عادي و ما يتعارض مع الارتدادات المطلوبة.

[معماري قطري]

سؤال اخوي معماري بما انك ذو خبرة..

الحين ينفع اخلي مساحة البيسمنت على مساحة الارض؟

عندي في بيتي حاليا فكرة اني اسوي بيسمنت لكنه يكون بمساحة الارض مب محصور بمساحة مبنى الفيلا فهل هذا ممكن مع قوانين البلدية؟

سألت احد الرسامين و قال ما يصير مع اني اشوفه عادي و ما يتعارض مع الارتدادات المطلوبة.

فيها مزاجية من مهندسي التخطيط وكل واحد له فتوى

من فترة مر علي أحد الإخوان مسوي بيسمنت في ثلاث جهات محفور من الحوش بالكامل .. جهة وحدة بس فيها حديقة بمستوى الشارع والباقي تحت الشارع بدور .. ومحصل الموافقة المبدئية بس المكتب الاستشاري ملخبط في أشياء كثيرة وضحتها للمالك .. كان جنب للبيت فيه دورين ملحق دور في مستوى البيسمنت ومغطى حتى حوشه بينه وبين البيت بسقف خرساني .. يعني يستوي البيت من فوق يبين جنبين بس حوشهم محفور لكن في الأساس 3 جوانب واحد مغطى بسقف متصل مع البيت .. أغلب المشاكل في البيت كانت ميكانيكية ومشاكل صرف مياه صحية ومياه مطر + التكلفة اللي غاشينه فيها المكتب الاستشاري بأن تكلفة البناء بتكون بسيطة .. إختلف معاهم وغير التصميم بالكامل

انا ما انصحك تسوي بيسمنت محفور بالكامل لأسباب منها التدرج بيطلع أحلى بحيث عندك زاوية مثلاً وشوي حولها نازلة تطلع أحلى وتعطي خصوصية أما الحوش كله شلون بترتب دخول السيارات؟ بعدين التكلفة بتكون كبيرة حتى للسور لأنه بيكون بعمق البيسمنت وحائط خرساني معزول

كذلك تقدر تتحايل على الوضع بعمل حفر مفتوحة للدرايش للبيسمنت وما تحتد تحفر كامل الحوش .. وإنت أكيد لو البيسمنت عندك 20 في 15 بتحفر مترين زيادة في كل اتجاه وبعدين بتدفن وبتقدر تسوي بوكسات طابوق معبأ بخرسانة للحفر ذي وتتحكم في حجم نوافذ كبيرة في البيسمنت حتى تقدر تخليها بكامل الارتفاع تقريباً وتفتح الحفرة مثل بلكونة نازلة .. تقدر تسوي في جدار الحفرة فجوات تجميلية لو حبيت تزرعها بنباتات متسلقة .. كذلك تستغل قاع الحفرة بعمل منهول تجميع المياه الجوفية ومنهول تجميع مياه الصرف الصحي لرفعهم للصرف وبتكون عملت حلول للمياه خارج ما يسمى بالصندوق وممكن النزول للحفرة من الحوش للصيانة

يعني الحفرة تقدر تسويها في الارتداد بعرض 1 متر ويبقى عندك 2 من كامل الارتداد .. ال 2 الباقية ينزرع فيها زراعة كبيرة كالأشجار الدائمة .. طول الحفرة تقدر تتحكم فيه حسب حاجتك .. ال 2 الباقية بتكون كذلك جزئياً ممر للمشي حول البيت وسقاية الزراعة وترتيبها وتحت الممر خط الصرف الصحي وخط مياه المطر لو قررت تسويها تصرف على حفرة والا تخرج لخارج البيت للشارع

جيب تصميمك وبنراجعه هنا وأكيد بتستفيد وغيرك بيستفيد

[معماري قطري]

والله اتمنى من التخطيط أي حد بيسوي بيسمنت يوجهونه لمثل هذي الأُموروأقصد انارة وتهوئة البيسمنت .. وعزله والتخلص من المياه الزائدة صح .. ويا ليت التخطيط يعين مهندسين فيهم خير لأهل قطر ولمهنة العمارة ككل .. ويكون المهندس مأمور بمقابلة المالك وتوجيهه في بدايات التصميم حتى ما ياخذ الرخصة المبدئية الا شغله مناسب .. ثم شيء أخير يكون من واجبات التخطيط متابعة الاستشاريين المصممين والمشرفين على أرض الواقع وتصيد تجاوزاتهم وسرقاتهم الهندسية واحالة المخطيء للتحقيق والقضاء

عندنا عجز كبير في هذا المجال مع إن عندنا فائض من المهندسين ذوي الخبرة من متقاعدين ومن متفوقين في جامعاتهم للحين ما اشتغلوا والا اشتغلوا في مجالات ثانية .. يذكروني بمرض السكر يسمونه جوع في عز الشبعة الجسم فيه سكريات ما يقدر يستفيد منها .. والبلاد فيها مهندسين وهيئة التخطيط فيها عدد بسيط ما يقدر يراجع كل مشروع صح

[سالم الزهران]

البيسمنت المفروض لا يتجاوز 40 ظھ من مساحة البيت.. لأنه مساحة خدمية.. واعتقد مناسب جداََ يكون متوافق مع تصميم البيت.. ومثل ما قال ابو عبدالله يراعي الجمالية.. مب لانه مخفي.. نرضى بكلام المقاولين.. لانهم بيسوون لك اللي تبي.

[معماري قطري]

البيسمنت المفروض لا يتجاوز 40 ظھ من مساحة البيت.. لأنه مساحة خدمية.. واعتقد مناسب جداََ يكون متوافق مع تصميم البيت.. ومثل ما قال ابو عبدالله يراعي الجمالية.. مب لانه مخفي.. نرضى بكلام المقاولين.. لانهم بيسوون لك اللي تبي.

اسكت ليسمعونك التخطيط ويسوونه قانون يورطون الجميع .. ألحين مب مقيد الا بالمزاجية بس .. عندي ولد عم سمعت عنه مسوي بيته وأرضه كبيرة كله بيسمنت

[SouthK]

اسكت ليسمعونك التخطيط ويسوونه قانون يورطون الجميع .. ألحين مب مقيد الا بالمزاجية بس .. عندي ولد عم سمعت عنه مسوي بيته وأرضه كبيرة كله بيسمنت

هذا اخوي اللي ابغي اسويه .. بيسمنت من 3 جهات مع الاحتفاظ بالمسافات الخاصة بالارتداد عن الجيران و واجهة الفيلا ..

شفت بيت في الكويت مسوي حوشه كامل بمستوى البيسمنت و البيت صاير وايد شرح و موفر خصوصية ما لها مثيل .. قوانين الكويت تقلل مسافة الارتداد او في بعض المناطق عندهم توصل إلصاق مبنى الفيلا بالطوفة لكن هذا لان الاراضي هناك صغيرة مقارنة بعندنا.

الارض كلها بيسمنت بعد فكرة حلوة لكنها مكلفة و مقاولينا مثل ما تعرف بنوا الاهرامات بدون غش أبدا .. البعض مب الكل طبعا ;)

[معماري قطري]

هذا اخوي اللي ابغي اسويه .. بيسمنت من 3 جهات مع الاحتفاظ بالمسافات الخاصة بالارتداد عن الجيران و واجهة الفيلا ..

شفت بيت في الكويت مسوي حوشه كامل بمستوى البيسمنت و البيت صاير وايد شرح و موفر خصوصية ما لها مثيل .. قوانين الكويت تقلل مسافة الارتداد او في بعض المناطق عندهم توصل إلصاق مبنى الفيلا بالطوفة لكن هذا لان الاراضي هناك صغيرة مقارنة بعندنا.

الارض كلها بيسمنت بعد فكرة حلوة لكنها مكلفة و مقاولينا مثل ما تعرف بنوا الاهرامات بدون غش أبدا .. البعض مب الكل طبعا ;)

تكلفة الحفر اتفق مع بتان للمتر المكعب من 12 ريال الى 7 ريالات .. حاول تحصل 7 ريالات بتستفيد .. لو عندك أرض 1000 متر مثلاً وبتحفر البيسمنت 2.5 متر بيكون عندك حجم حفر 2500 متر مكعب في 12 كحد أعلى 30000 وهذا الكلام سمعته من أيام من مقاول .. أكيد في هذا الحال بتخسر في عمل تغطية للجزء المفتوح على الأقل من الواجهة وبتسوي رامب لنزول السيارات بتسوي حوائط السور استنادية ومعزولة وبتفتك من حوائط البيسمنت ممكن تسويها طابوق والتأسيس ممكن يكون قواعد منفصلة بس ضروري تسوي تصريف مياه جوفية احتياط مثل اللي مسويه رفيجنا وتدمج معاه نظام سحب المطر .. المطر النازل من السطح لو تقدر تمدد له للخارج مباشرة بيكون زين

مستعد اراجع معاك التصميم لو تحب

[SouthK]

تكلفة الحفر اتفق مع بتان للمتر المكعب من 12 ريال الى 7 ريالات .. حاول تحصل 7 ريالات بتستفيد .. لو عندك أرض 1000 متر مثلاً وبتحفر البيسمنت 2.5 متر بيكون عندك حجم حفر 2500 متر مكعب في 12 كحد أعلى 30000 وهذا الكلام سمعته من أيام من مقاول .. أكيد في هذا الحال بتخسر في عمل تغطية للجزء المفتوح على الأقل من الواجهة وبتسوي رامب لنزول السيارات بتسوي حوائط السور استنادية ومعزولة وبتفتك من حوائط البيسمنت ممكن تسويها طابوق والتأسيس ممكن يكون قواعد منفصلة بس ضروري تسوي تصريف مياه جوفية احتياط مثل اللي مسويه رفيجنا وتدمج معاه نظام سحب المطر .. المطر النازل من السطح لو تقدر تمدد له للخارج مباشرة بيكون زين

مستعد اراجع معاك التصميم لو تحب

في ترتيبات وايد لازم تتم قبل التصميم النهائي.. ما لي غنى عنك اخوي بس التصميم للحين في بدايته و أكيد بتواصل معاك للمشورة!

[معماري قطري]

في ترتيبات وايد لازم تتم قبل التصميم النهائي.. ما لي غنى عنك اخوي بس التصميم للحين في بدايته و أكيد بتواصل معاك للمشورة!

بإذن الله حاضر وموجود

أهم شيء التصريف للأمطار والمياه الجوفية وكذلك الصرف الصحي وصرف المكيفات لو تبي تسوي له تخزين وتستعمله للزراعة وغسيل الحوش والسيارات بتستفيد أكثر

البيسمنت اللي كله مفتوح بيطلع حلو والارتدادات الجانبية كلها 3 متر ولو عندك ملحق بعرض 3 متر تحتاج تبعد عنه مترين ويكون الارتداد 5 متر .. الملحق تقدر تستغل البيسمنت في عمله دورين .. بتقدر تستفيد من حوائط الجدران الخارجية للبيت بعمل درايش كبار أو جدران زجاجية تطل على الخارج .. بتقدر تسوي حوض سباحة خارجي أو نص خارجي نص داخلي .. الخيارات كثيرة طول ما الفلوس موجودة

[SouthK]

بإذن الله حاضر وموجود

أهم شيء التصريف للأمطار والمياه الجوفية وكذلك الصرف الصحي وصرف المكيفات لو تبي تسوي له تخزين وتستعمله للزراعة وغسيل الحوش والسيارات بتستفيد أكثر

البيسمنت اللي كله مفتوح بيطلع حلو والارتدادات الجانبية كلها 3 متر ولو عندك ملحق بعرض 3 متر تحتاج تبعد عنه مترين ويكون الارتداد 5 متر .. الملحق تقدر تستغل البيسمنت في عمله دورين .. بتقدر تستفيد من حوائط الجدران الخارجية للبيت بعمل درايش كبار أو جدران زجاجية تطل على الخارج .. بتقدر تسوي حوض سباحة خارجي أو نص خارجي نص داخلي .. الخيارات كثيرة طول ما الفلوس موجودة

الافكار وايد لكن تبي من ينفذ صح ..

من فترة كنت اقرا عن موضوع استغلال ماي الغسيل و المكيفات لغسيل السيارات و سقي الزرع و في اكثر من شكل .. رحت لشركة و عطنتي عرض سعر نسبيا مكلف لكن مردوده يسوى!

ارضي طبيعتها صخرية فما أحاتي وايد المياه الجوفية خاصة اني حواليني بيوت مبنية و فيها بيسمنت فعلى حد علمي ما في مياه جوفية.
البيسمنت المفتوح على مساحة الارض كلها في بالي و أرحب بالافكار و الاقتراحات من الجميع.

[معماري قطري]

الافكار وايد لكن تبي من ينفذ صح ..

من فترة كنت اقرا عن موضوع استغلال ماي الغسيل و المكيفات لغسيل السيارات و سقي الزرع و في اكثر من شكل .. رحت لشركة و عطنتي عرض سعر نسبيا مكلف لكن مردوده يسوى!

ارضي طبيعتها صخرية فما أحاتي وايد المياه الجوفية خاصة اني حواليني بيوت مبنية و فيها بيسمنت فعلى حد علمي ما في مياه جوفية.
البيسمنت المفتوح على مساحة الارض كلها في بالي و أرحب بالافكار و الاقتراحات من الجميع.

حدد متطلباتك ولو تشوف مقترح منفذ تبغي شيء مقارب مع تعديل عليه بيكون أسهل .. قصدي من خلال الموضوع .. وعطني أبعاد أرضك وبارتب لك الأفكار .. ما تطلع الا بالرسم

التنفيذ سهل كذلك لو كان التصميم متكامل

اليوم رحت مركز الوعب الصحي ونزلت البيسمنت عمقه فوق 3 متر والدور الأرضي ولا عتبة له لسهولة الحركة حتى البيسمنت نزوله سهل والطلوع منه سهل .. شغل هندسي يحق للكل يفتخر به .. العجيب البيسمنت فيه بيسمنت ثاني وفي منطقة حسب معلوماتي مليانة مياه جوفية .. يعني يتراوى لي حافرين للبيسمنت بين 9 و 10 متر

[SouthK]

حدد متطلباتك ولو تشوف مقترح منفذ تبغي شيء مقارب مع تعديل عليه بيكون أسهل .. قصدي من خلال الموضوع .. وعطني أبعاد أرضك وبارتب لك الأفكار .. ما تطلع الا بالرسم

التنفيذ سهل كذلك لو كان التصميم متكامل

اليوم رحت مركز الوعب الصحي ونزلت البيسمنت عمقه فوق 3 متر والدور الأرضي ولا عتبة له لسهولة الحركة حتى البيسمنت نزوله سهل والطلوع منه سهل .. شغل هندسي يحق للكل يفتخر به .. العجيب البيسمنت فيه بيسمنت ثاني وفي منطقة حسب معلوماتي مليانة مياه جوفية .. يعني يتراوى لي حافرين للبيسمنت بين 9 و 10 متر

المتطلبات محدددة لكن التطوير في الافكار هو المطلوب .. الابعاد عندي 30.8 عرض و 33.34 عمق على شارع واحد .. المنطقة الثميد.

في مصممين ممتازين لكن اسعارهم مرتفعة و اغلبهم عنده زحمة اشغال .. لقيت واحد ممتاز و سعره نسبيا جيد و نسأل الله التوفيق.

[معماري قطري]

المتطلبات محدددة لكن التطوير في الافكار هو المطلوب .. الابعاد عندي 30.8 عرض و 33.34 عمق على شارع واحد .. المنطقة الثميد.

في مصممين ممتازين لكن اسعارهم مرتفعة و اغلبهم عنده زحمة اشغال .. لقيت واحد ممتاز و سعره نسبيا جيد و نسأل الله التوفيق.

اشوف ينفع معاك النموذج الصغير والطولي مسوي منه عدة تفاصيل ويكون جاي على طرف ويمكن لو خليت البيسمنت بس جهتين أفضل لك مثلاً يجيك البيت مقارب لليسار وحسب اتجاه الأرض حتى ممكن تخلي جهة اليسار لو كانت الغربية مثلاً .. تخليها جهة ميتة وتحاول في أقل ارتداد ولو ممكن 1.5 متر بدون درايش .. حتى تستفيد من الجهة اليمنى مفتوحة مثلاً لأن أرضك صغيرة وهشكل بتكون عندك امكانية لو حبيت تسوي مواقف السيارات على الشارع طبيلات مسكرة ومحوطة بطوفة ولا ادري التخطيط شكثر بيعطيك تفتح على الشارع .. بيكون صعب على المصمم يصمم رامب لدخول السيارات لحوش البيسمنت .. وكنت افكر في مجلس خارجي ولا ادري تحتاجه أو لا .. كل هذي المكونات تحتاج ترتيب أكيد وعطنا شيء نقدر نبدأ منه وبارتب لك حسب اللي تبيه

[SouthK]

اشوف ينفع معاك النموذج الصغير والطولي مسوي منه عدة تفاصيل ويكون جاي على طرف ويمكن لو خليت البيسمنت بس جهتين أفضل لك مثلاً يجيك البيت مقارب لليسار وحسب اتجاه الأرض حتى ممكن تخلي جهة اليسار لو كانت الغربية مثلاً .. تخليها جهة ميتة وتحاول في أقل ارتداد ولو ممكن 1.5 متر بدون درايش .. حتى تستفيد من الجهة اليمنى مفتوحة مثلاً لأن أرضك صغيرة وهشكل بتكون عندك امكانية لو حبيت تسوي مواقف السيارات على الشارع طبيلات مسكرة ومحوطة بطوفة ولا ادري التخطيط شكثر بيعطيك تفتح على الشارع .. بيكون صعب على المصمم يصمم رامب لدخول السيارات لحوش البيسمنت .. وكنت افكر في مجلس خارجي ولا ادري تحتاجه أو لا .. كل هذي المكونات تحتاج ترتيب أكيد وعطنا شيء نقدر نبدأ منه وبارتب لك حسب اللي تبيه

فيك البركة اخوي .. اول ما اوصل لاول درافت بتواصل معاك بإذن الله.

[معماري قطري]

المثال اللي اقصده قريب من هذا الوضع

https://i.imgur.com/c1thGw2.png

[معماري قطري]

اللي تحت مساحة أرضك بالضبط .. المنطقة على اليمين ممكن تخليها محفورة بنفس مستوى البيسمنت وبتكون حديقة كبيرة بس شلون بترتب الملحق أشوف ممكن تقسم البيسمنت وتخلي الملحق فيه .. تنزل الحوش مثلاً بعد من ورا ولو حبيت حتى تقدر تنزله من جهة اليسار .. بايبات الصرف الصحي تتثبت على جانب البيت وتتجه للجهة الأمامية ومنها أما للصرف الحكومي والا لخزان الصرف

ولو قيدوك التخطيط ما تحفر كل الأرض فيه حلول .. ولو تحب تستغل المنطقة تحت لنزول السيارات بتحتاج رامب وأكيد بتضيع مساحة وبتخترب الحديقة

موازنة كل هذي الأُمور ضرورية ولازم تحتاج مكتب قوي ما تحتاج مكتب رخيص .. أهم شيء قوي معمارياً ويقدر يناقش التخطيط

[معماري قطري]

إبتعدت شوي عن مواصلة موضوع التفاصيل في الكتاب وحقيقة كثير منها غير مهمة لنا ويمكن أكون غلطان في مناقشتها كلها .. خلونا نركز على المهم .. والمهم بالنسبة لنا ولبنيانا مثل تصريف المياه الجوفية حول الأساسات وحول جدران البيسمنت

https://i.imgur.com/AljcYKB.png

باختصار ما تم ذكره فوق هو إن ضروري نبعد المياه عن مبانينا وجوانبها بسلوبات مناسبة .. وانا اشوف التبليط الجيد والسلوب جهة أحواض زراعية طريقة نافعة من الصوبين .. شيصير لو بنسوي بيسمنت مع الحوش نازلين ومفتوحين على بعض؟

أكيد بنضطر نسوي حوش البيسمنت بسلوب بعيد عن أرضية البيسمنت وبنخلي أرضية البيسمنت مرتفعة شوي ولو حتى عتبة وحدة .. ونقدر نسوي ما يسمى بال Soak Away وهي عبارة عن حفرة امتصاصية مغطاة بغطاء بفتحات لتشرب المياه وتصرفها لجوف الأرض .. وهذي لها مقاسات وشروط هندسية .. بعد مهم نحول مياه مطر السطح للخارج وهذا ممكن بسهولة عبر بايبات تفتح على خارج سور البيت جهة الشارع

رقم 2 عن الفرنش درينيج اللي شفنا له تطبيق عملي صفحة أو صفحتين مضوا

[معماري قطري]

نرجع لصور المقاول اللي شغال في البيسمنت

انا للحين ما شفت لا مكان لدريشة ولا منور ينور ويهوي البيسمنت وهذا أكيد قصور تصميمي دوم نشوفه عندنا ومب غلط نناقشه حتى يستفيد اللي بيقدم على عمل بيسمنت ويوجه الاستشاري يسوي هذي الأُمور الضرورية

https://i.imgur.com/FWDXWW9.jpg

تجهيز حديد الجدران والتمديدات الكهربية فيها

https://i.imgur.com/TlfR9ds.jpg

https://i.imgur.com/rG7vUaB.jpg

https://i.imgur.com/kj1HahR.jpg

العمال مفتكين من العناية بالحديد لو كان أخضر مغلف عن الصدأ وهذا اللي يخلي الغالبية يحبون يتعاملون مع هذا الحديد وانا ذكرت من البداية لو كنت مكان المالك اصر يكون مغلف

https://i.imgur.com/pe9KoC5.jpg

https://i.imgur.com/5XP68HG.jpg

هذا مكان الباب وواضح للفت

https://i.imgur.com/L0rATSR.jpg

https://i.imgur.com/C5W4Qlo.jpg

https://i.imgur.com/nws9cef.jpg

https://i.imgur.com/Kqw2XUt.jpg

https://i.imgur.com/dDe6JkS.jpg

فيديو للشغل بس مصور مقلوب

https://i.imgur.com/dDe6JkS.jpg

https://imgur.com/qsrLuoV

https://i.imgur.com/xehesK5.jpg

[SouthK]

المثال اللي اقصده قريب من هذا الوضع

https://i.imgur.com/c1thGw2.png



تصميم حلو لكن يبيله دراسة و مراجعة .. ما قصرت :)

[معماري قطري]

تصميم حلو لكن يبيله دراسة و مراجعة .. ما قصرت :)

من شوي كنت اناقش ولدي فيه لأنه ناوي يبني وكان جايب لي تصميم من مناقصات خادعه مقاول يقول له مب مكلف .. مساحات ضائعة والتصميم كبير .. يمكن اللي ما يعجبني فيه المجلس يحتاج ترتيب آخر ومضطر اخليه في مدخل البيت

[لطيف الروح]

نرجع لصور المقاول اللي شغال في البيسمنت

انا للحين ما شفت لا مكان لدريشة ولا منور ينور ويهوي البيسمنت وهذا أكيد قصور تصميمي دوم نشوفه عندنا ومب غلط نناقشه حتى يستفيد اللي بيقدم على عمل بيسمنت ويوجه الاستشاري يسوي هذي الأُمور الضرورية

https://i.imgur.com/FWDXWW9.jpg

تجهيز حديد الجدران والتمديدات الكهربية فيها

https://i.imgur.com/TlfR9ds.jpg

https://i.imgur.com/rG7vUaB.jpg

https://i.imgur.com/kj1HahR.jpg

العمال مفتكين من العناية بالحديد لو كان أخضر مغلف عن الصدأ وهذا اللي يخلي الغالبية يحبون يتعاملون مع هذا الحديد وانا ذكرت من البداية لو كنت مكان المالك اصر يكون مغلف

https://i.imgur.com/pe9KoC5.jpg

https://i.imgur.com/5XP68HG.jpg

هذا مكان الباب وواضح للفت

https://i.imgur.com/L0rATSR.jpg

https://i.imgur.com/C5W4Qlo.jpg

https://i.imgur.com/nws9cef.jpg

https://i.imgur.com/Kqw2XUt.jpg

https://i.imgur.com/dDe6JkS.jpg

فيديو للشغل بس مصور مقلوب

https://i.imgur.com/dDe6JkS.jpg

https://imgur.com/qsrLuoV

https://i.imgur.com/xehesK5.jpg



من الصور يبدو لي فيه مشكلة انشائية في تسليح القبو و المشكلة هي
عرض الحائط 20 سم (شيل منها 10 سم غطاء خرساني للحديد من الجانبين كذلك شيل 6.4 سم لحديد التسليح اذ الحديد حجم 16مم)
اذن 20 - 16.4 = 3.6 سم وهي المسافة المتبقية من الحائط وتقع في منتصف الحائط بين حديد التسليح وهي مسافة غير كافية

[معماري قطري]

إخوي لطيف الروح حياك الله وشاكر لك ملاحظتك

رجعت للصور أتأكد وشفت الشريط الأزرق وهو يغطي الجزء المصبوب على دفعتين ويكون في العادة خط ضعيف ممكن يسرب مياه .. هذا الشريط جاي في النص وواضح ان بعده بين 20 - 15 سم يعني من كل جهة ومستحيل استشاريينا يسون جدار بيسمنت 20 سم كله زاد الله من زاد والزيادة هنا ضرورية ومطلوبة .. بعدين 10 سم غطاء خرساني وايد يا اخوي 6 سم كفاية وبمبالغة .. ولو تبي اتأكد من المقاول باسئله بدقة كم عرض الجدار

مثل ما توقعت قبل فيه خطة لبناء منهول يتجمع فيه ماء المطر والمياه الجوفية اللي بتكون تحت الأساس وقرب الجدران .. وانا للحين ما سئلت عن الاستشاري وبانقل اسمه للجميع بأمانة وتعليقي على كل شيء يعلم الله إنه لفائدة الجميع .. حتى لو كان الاستشاري من اللي ما كنت مرتاح لهم قبل أكيد بافكر في التعامل معاه لأني اشوف شغل هندسي متميز لحد الحين .. بس ينقصه بعض اللمسات المعمارية اللي ما ندري عنها ممكن مسويها

هذي صور للمنهول وهم ينفذونه بعد ما نشف الماي

https://i.imgur.com/UFbspse.jpg

https://i.imgur.com/VRjon9m.jpg

[معماري قطري]

لو انا مكان الاستشاري المشرف أو المالك كنت بامد البايبات شوي وباسوي جدار يفصل جدار أساس البيسمنت عن المنهول يعني باحرك المنهول عن الجدار حوالي 40 سم وباعزله عدل وهم أكيد بيعزلونه .. بس بالصورة ذي أي مياه أو سوائل بتكون ملامسة للأساسات وممكن تتسرب للخرسانة تخربها .. يعني اكتفينا في هذي الحالة بخط دفاع واحد وهو العازل البتومين أو الرول .. في الحالة اللي اقصدها بيكون جدار معزول وبعدين يمكن دفان أو اسمنت وبعدين البتومين أو الرول أو الاثنين وبعدين يجينا جدار البيسمنت

[معماري قطري]

هذا قصدي بما ذكرت قبل شوي الطابوق المفروض يفصل المنهول عن الأساسات ويكون مكان الخط المتعرج وهذا ممكن تعديله ألحين بسهولة

https://i.imgur.com/jXkmzD2.jpg

[معماري قطري]

أتمنى نفيد المالك والاستشاري وكذلك المقاول رفيجنا وأتوقع أقل شيء المقاول متابع .. شكل الاستشاري وقف تفكيره .. لو تلاحظون حاطين قطع من الرول العازل مكان التقاء طابوق المنهول بأساسات البيت أو البيسمنت مال البيت وهذا ما يفيد مسوي فاصل وصعب وصله بباقي الرول المعزول كان وايد بيكون أسهل لو فصل المنهول بالكامل

[SouthK]

من شوي كنت اناقش ولدي فيه لأنه ناوي يبني وكان جايب لي تصميم من مناقصات خادعه مقاول يقول له مب مكلف .. مساحات ضائعة والتصميم كبير .. يمكن اللي ما يعجبني فيه المجلس يحتاج ترتيب آخر ومضطر اخليه في مدخل البيت

مناقصات انا رحت لهم و صممت عندهم و لاسف تصميمهم تعبان جدا!

مب المفروض المجلس عند مدخل البيت؟؟؟؟

[معماري قطري]

مناقصات انا رحت لهم و صممت عندهم و لاسف تصميمهم تعبان جدا!

مب المفروض المجلس عند مدخل البيت؟؟؟؟

المفروض وهو أنسب مكان بس المشكلة في هذا التصميم طالع ممر الدخول مدمج مع المجلس ولو فصلته استوى المجلس مساحتين صغار .. صحيح فيه مدخلين جانبيين غير وذيلا بيعتبرون رسميين لأهل البيت .. مدخل الملحق ومدخل الصالة الجانبية المفتوحة على حديقة خاصة وفي حالة رفيجنا ممكن تكون مفتوحة على البيسمنت النازل وحوشه ولو سوى ممر لنزول السيارات تحت بيكون هو المدخل الرسمي وباب المجلس اللي في الوسط بيكون لإستخدام الزوار فقط

[معماري قطري]

طلع المنهول اللي فوق حق صرف حمام البيسمنت .. صراحة المشكلة أكبر لأن الرطوبة بتكون دائمة تقريباً ملامسة لجدار البيسمنت وهي أسفل تأسيس البيسمنت لكن بعد تعتبر خطرة وضروري يبعدها عن قاعدة البيسمنت ويعزل زين

[معماري قطري]

مناقصات انا رحت لهم و صممت عندهم و لاسف تصميمهم تعبان جدا!

مب المفروض المجلس عند مدخل البيت؟؟؟؟

مستغرب وضع الشركة

كانت ادارة مشروع وحلقة وصل بين المالك والمصمم والمقاول .. تحولت تدريجياً للتصميم والموجودين شباب بعضهم مهندسين حديثين ولا اعتقد مختصين ومؤهلين كمعماريين أو تحت ادارة معماري وداخلين التصميم من أوسع أبوابه

المشكلة يتعنتون في آراء هندسية خاطئة 100% ولا يرضون يغيرون .. عقليات عربية غريبة وذكرت السالفة حسب ما جاتني من صاحب التصميم والا ما عندي علاقة معاهم لا من قريب ولا بعيد

[سعود.]

طلع المنهول اللي فوق حق صرف حمام البيسمنت .. صراحة المشكلة أكبر لأن الرطوبة بتكون دائمة تقريباً ملامسة لجدار البيسمنت وهي أسفل تأسيس البيسمنت لكن بعد تعتبر خطرة وضروري يبعدها عن قاعدة البيسمنت ويعزل زين



نفس المنهول الي عندي بس هذا شكلة اكبر بشوي
الحل يبلط المنهول كامل بمادة لصق قوية ومقاومة وهذا المتعارف عليه

[معماري قطري]

نفس المنهول الي عندي بس هذا شكلة اكبر بشوي
الحل يبلط المنهول كامل بمادة لصق قوية ومقاومة وهذا المتعارف عليه

حي الله سعود

مهما يسوي من حلول أفضل شيء يبعد المنهول شوي وهذا سهل ومقدور عليه مثل ما وضحت بعدين أكيد ضروري يحط مادة عازلة قوية .. المقاول اشتغل في تنشيف المياه الموجودة بس مب معناها إنها نشفت ما بترجع كان المفروض يبني منهول خاص بالمياه الجوفية وحتى لو يبقى احتياط مع المضخة الغاطسة فيه تشتغل وقت ما يرتفع الماي .. وهذا المنهول مطلوب وأساسي للصرف الصحي بس وجود منهولين ضروري والا تصريف المياه الجوفية على منهول الصرف الصحي لو هذا مسموح

انا اناقش بحيادية وللجميع حتى يتفادون هذي المشاكل والله يوفق كل من يبني

[SouthK]

هذا قصدي بما ذكرت قبل شوي الطابوق المفروض يفصل المنهول عن الأساسات ويكون مكان الخط المتعرج وهذا ممكن تعديله ألحين بسهولة

https://i.imgur.com/jXkmzD2.jpg



اخبر الجورة تستوي بالصب مب طابوق!!

[SouthK]

مستغرب وضع الشركة

كانت ادارة مشروع وحلقة وصل بين المالك والمصمم والمقاول .. تحولت تدريجياً للتصميم والموجودين شباب بعضهم مهندسين حديثين ولا اعتقد مختصين ومؤهلين كمعماريين أو تحت ادارة معماري وداخلين التصميم من أوسع أبوابه

المشكلة يتعنتون في آراء هندسية خاطئة 100% ولا يرضون يغيرون .. عقليات عربية غريبة وذكرت السالفة حسب ما جاتني من صاحب التصميم والا ما عندي علاقة معاهم لا من قريب ولا بعيد

قلتها ما شاء الله عليك ... عقليات عربية!

[معماري قطري]

اخبر الجورة تستوي بالصب مب طابوق!!

في الغالب طابوق مليان خرسانة في الفجوات .. هذا مسوي 10 سم ومصمت ويكفي .. الظاهر يبون طاقة استيعاب أكبر وأكيد يشتغلون حسب المخططات

[معماري قطري]

نتابع مع رفيجنا المقاول وشكلي نسيت الكتاب وبارجع له بعدين أكيد

هذي صورة للبيسمنت بدأ يكتمل وتبين ملامحه .. هنا يبين لي بيت المصعد وجنبه الدرج هذي بدايته يمين مخلين الحديد حتى يشبكون معاه حديد الدرج

https://i.imgur.com/tzHTKRj.jpg

وهنا صب الجدار

https://i.imgur.com/BpwsmYJ.jpg

https://i.imgur.com/xO4csI9.jpg

https://i.imgur.com/h5TkSW2.jpg

https://i.imgur.com/5bUbKQY.jpg

https://i.imgur.com/SPl1sGr.jpg

[معماري قطري]

روابط لفيديوهات الصب

https://imgur.com/Et2s822

https://imgur.com/UYpVV4J

https://imgur.com/ah9eX3g

[SouthK]

في الغالب طابوق مليان خرسانة في الفجوات .. هذا مسوي 10 سم ومصمت ويكفي .. الظاهر يبون طاقة استيعاب أكبر وأكيد يشتغلون حسب المخططات

ممكن .. اللي شفته في اغلب بيوت اللي أعرفهم ان مسويين الجورة الرئيسية خرسانة!

[SouthK]

روابط لفيديوهات الصب

https://imgur.com/Et2s822

https://imgur.com/UYpVV4J

https://imgur.com/ah9eX3g



ممكن مكان البيت ذي ؟ خلنا نشوف الشغل على الطبيعة!!

[معماري قطري]

ممكن مكان البيت ذي ؟ خلنا نشوف الشغل على الطبيعة!!

قال لي المقاول في عين خالد بس ما اعرف بالضبط وين لو تبي بارسل لك رقم المقاول وأفضل تطلب منه رقم المالك وتستأذن منه

اللي اشوفه انجاز سريع وجيد لكن يحتاج متابعة استشاري مشرف فاهم وانا بروحي اتساءل عن بعض الأشياء ولا ادري شيصير وسئلته عن منهول صرف المياه الجوفية قال مؤقت بس وقت الحفر لكن المفروض ينعمل دائم والمضخة تكون مركبة وجاهزة لتصريف المياه + البايبات لازم مغلفة ومحمية بقماش خاص يسرب المياه للبايب ويمنع التربة تدخل وتسده

[ALJokar]

الحين هل لزووم ان الجورة البيارة تكون خرسانة مش طابوق؟!
انا الي عندي طابوق هل هذا صح او فيها خطورة؟!

[ALJokar]

https://k.top4top.io/p_1509w6swd0.png (https://top4top.io/)

[ALJokar]

https://l.top4top.io/p_15093v6et1.png (https://top4top.io/)

[ALJokar]

https://a.top4top.io/p_1509y0uct2.png (https://top4top.io/)

[معماري قطري]

الحين هل لزووم ان الجورة البيارة تكون خرسانة مش طابوق؟!
انا الي عندي طابوق هل هذا صح او فيها خطورة؟!

قمة الصح غالب اللي نشتغله في الحكومة طابوق وغالب بيوتنا من سنوات طويلة طابوق بس ضروري ينعزل من برا ولو من داخل بعازل اسمنتي أفضل

الشغل في بيتك زين بس العيب الواضح لي هو الدفان بدفان ما تمت غربلته وعلى دفعة وحدة شكله مب طبقات ويندك كل 30 سم طبقة .. شغل الطابوق عندك زين وجودة الطابوق واضحة بعد ضروري تنبه للبلاستيك العازل لأنه يحمي القواعد وقت الدفان من ينجرح البتومين وتتسرب الرطوبة

الله يوفقك ومشكور على مشاركتك الصور والتساؤل وانا مستعد للتنبيه للي يحب عن أي نقص أو قصور في الشغل

[معماري قطري]

https://l.top4top.io/p_15093v6et1.png (https://top4top.io/)

هنا السيم اللي مربوطة به الحديدة يبين سيم عادي ومصدي والمفروض يربط بأسيام خضراء معزولة

[معماري قطري]

الصورة الأخيرة واضح الغطاء الخرساني شكثر في عمود الزاوية وصحيح المنهول ملاصق للجدار بس بينه وبين الجدار طابوقة كاملة وأكيد معزولة أفضل من اللي فوق قرب البيسمنت

شغلك جوكر يالجوكر وأكيد عندك استشاري يتابع والله يوفقك

[معماري قطري]

سؤال إخوي الجوكر

شجنسية عمال الطابوق؟ لأن كم موقع يشتغلون فيه عرب ما شفت تركيب مثل هذا .. كله مونة خفيفة وفي العمودي ما يحطون

بعدين كم تكلفة الطابوق هذا؟ ومن وين ماخذه .. أتوقع من شركة قوية مثل العاصمة أو ناصر بن خالد

[ALJokar]

مرحبا يا اخوي المعماري الله يجزاك خير ع المعلومات الي اغلبنا تجهله اموار كثيرة فيها
وعز الله ان ملاحظاتك جدا في محلها وبتفيدني واعتبر مشروعي الي عندي في موضوعك كمثال ويثري عليه.
ودنا نفيد ونستفيد وابشر بخصوص الطابوق من سميسمه والناس الي يشتغلون مكس مافيهم عرب كلهم هنود وبنغال.

[ALJokar]

وبخصوص الدفان كلامك صحيح بالضبط كان فيه دفان بالغلط
والحين قاعدين يشلونه لانه غلط الدفان بالطريقة هذي لكن الاماكن الاخرى امورها طيبة

[ALJokar]

https://i.top4top.io/p_1509lem020.jpeg (https://top4top.io/)

https://j.top4top.io/p_1509vdl871.jpeg (https://top4top.io/)

https://k.top4top.io/p_1509osvcj2.jpeg (https://top4top.io/)

[ALJokar]

https://l.top4top.io/p_1509dhl863.jpeg (https://top4top.io/)

https://e.top4top.io/p_1509orq457.jpeg (https://top4top.io/)


https://d.top4top.io/p_1509s5j3r6.jpeg (https://top4top.io/)

[معماري قطري]

وبخصوص الدفان كلامك صحيح بالضبط كان فيه دفان بالغلط
والحين قاعدين يشلونه لانه غلط الدفان بالطريقة هذي لكن الاماكن الاخرى امورها طيبة

الحمد لله إنك منتبه وأكيد معين استشاري يتابع ومنتبه للمقاول شغل زين وزين عطتونا الفرصة نتابع وأكيد إحنا نستفيد ومن هالمشروعين أشوف البنيان في خير والمقاولين شغالين صح مع بعض الملاحظات البسيطة

طابوق سمسمة شيء مبين عليه قمة الجودة نفس ناصر بن خالد بالضبط .. ولو ما فيها احراج عطني تكلفة التوريد للمقاوم للأملاح والعادي لو ممكن على خبري 3 ريالات الا ربع

[سعود.]

https://l.top4top.io/p_1509dhl863.jpeg (https://top4top.io/)

https://e.top4top.io/p_1509orq457.jpeg (https://top4top.io/)


https://d.top4top.io/p_1509s5j3r6.jpeg (https://top4top.io/)

اخوي الجوكر

خل المقاول يشيل الاوساخ والاحجار الكبيره هذي كلها تضعف الدفان وتسوي هبوط لاحقآ
ودام ( ابا عبدالله ) معك امورك في الروب

والله يتمم لك على خير

[معماري قطري]

اخوي الجوكر

خل المقاول يشيل الاوساخ والاحجار الكبيره هذي كلها تضعف الدفان وتسوي هبوط لاحقآ
ودام ( ابا عبدالله ) معك امورك في الروب

والله يتمم لك على خير

نقطة في محلها .. هذي بعد معرقلة وتسبب مشاكل للعمال وصعوبة حركة وممكن اصابات .. وأكيد كلنا نشيل بعض إخوي سعود نقطة ما انتبهت لها انت انتبهت

[معماري قطري]

بالنسبة لمقاولنا بدأ البيسمنت يبين أكثر ويتضح .. وطلع تقليدي حفرة خرسانية فيها مناور علوية فوق كلش وانا من محبين البلكونة النازلة والحوش جدامها محفور

https://i.imgur.com/TSJsWA4.jpg

هنا حاب اوضح شيء غاية في الأهمية وهو هذي البايبات البيض يستعملونها لحديد تثبيت خشب القوالب للصب وبعدين يسدونهم ويقصونهم .. هو أكيد فيه مواد قوية تثبت على البلاستيك وتسد على طول منها الايبوكسي وممكن ازالة البايبات بحفر مكانها وتثبيت هذي المادة وهي مثل القراوت .. أحد المقاولين يقص الحديد ويخليه معبي فراغ البيب ويحط سيليكون حوله زيادة حرص .. كلها حلول مهمة وتنفع لكن تترك بدون شيء ونعتمد على الرول العازل تبقى المنطقة الفراغ في البايب ضعيفة وتنخرق من ضغط التربة ويتسرب الماء .. واحد يقول شاف الماء يصب كأنه فيه ضغط قوي وراه ويصب بقوة داخل البيسمنت

https://i.imgur.com/nMEfqgC.jpg

https://i.imgur.com/FcdQbTv.jpg

[ALJokar]

اخوي الجوكر

خل المقاول يشيل الاوساخ والاحجار الكبيره هذي كلها تضعف الدفان وتسوي هبوط لاحقآ
ودام ( ابا عبدالله ) معك امورك في الروب

والله يتمم لك على خير


صح في اوساخ وحجر كبير وهذي مشاكلها كثيرة تسبب هبوط في الارضيات ويسبب تشلاخات في المباني
لكن في العقد عندي مكتوب جزئية الدفان وكيفية اختباره وابي استفسر منها كيف طريقة عمل الاختبارات للدفان لتجنب الهبوط في المستقبل مكتوب في العقد:

يتم الدفان على طبقات لا تتجاوز 50سم مع غمرها بالماء وان تدك جيدا حسب المواصفات القطرية ولا يقل معامل الدمك 95% حسب المواصفات اشتو الامريكية بعد عمل الاختبارات الازمة.

[ALJokar]

الحين كيف اعرف من المقاول انه سوى اختبار لازم او كيف نعرف معامل الدمك وصل 95% هل فيه اختبار تربة من معمل؟
ابي أكون في السليم هل اسال الاستشاري اذا وصله اختبار التربة او لا؟
او البند الي في العقد حق شي ثاني يختلف عن اختبار للتربة؟

[معماري قطري]

الحين كيف اعرف من المقاول انه سوى اختبار لازم او كيف نعرف معامل الدمك وصل 95% هل فيه اختبار تربة من معمل؟
ابي أكون في السليم هل اسال الاستشاري اذا وصله اختبار التربة او لا؟
او البند الي في العقد حق شي ثاني يختلف عن اختبار للتربة؟

المشكلة العقد مب موضح من عليه عمل الاختبارات ووشي هذي الإختبارات .. وتبي الصج إحنا في الغالب نهمل هذي النقطة ولا حتى نفكر فيها ومن رؤيتنا للتربة وطبقات الدفان كل شيء يبين واضح .. ال 50 سم اشوفها وايد قبل في بدايات عملي كانت القوانين 15 سم وتربة مختارة من الموقع وناتج الحفر بعد ازالة أي حجارة أكبر من 5 سم وبدون بودرة .. بعدين تغيرت ل 30 سم لكل طبقة بحيث تدك طبقة بعدين تحط طبقة وتدكها

الإختبارات أكيد مذكورة في الكود القطري وكان المفروض تنذكر صراحة في العقد إن على المقاول عمل الإختبارات رقم كذا وكذا حسب الكود القطري رقم كذا وبتاريخ كذا وكل طبقة إختبارها بروحها وباشراف ووجود الاستشاري يتم أخذ العينات وترقيمها .. وزين للي يسوون عقودهم بعد يشترطون تصوير عملية أخذ العينات أفضل

وهذا الشيء زين للمقاول والاستشاري والمالك ويحفظ الحقوق .. لو الشغل كله زين ولا صار شيء مثلاً وبعد كم سنة صار هبوط قوي لإحدى الغرف .. في هذي الحالة ما نقدر نلوم الاستشاري والمقاول العملية تمت حسب الاصول لكن فيه خلل أسفل أعماق التربة

حسب الصور يبين لي نوع الدفان عندك زين والدك زين وما فيه داعي للتخوف من هذي النقطة بس ممكن تطلب ضمان غير مشروط لفترة ضمان الإنشاءات كلها اللي في قطر تمتد لعشر سنين وهذا من واجب أي مقاول ومسؤوليته إنه يكون ضامن شغله .. يعني كتبه والا ما كتبه بس لو كتبه بيكون حجة مباشرة عليه

حتى تضمن شغل زين ولا ادري بتفاصيل عقدك ومخططاتك ممكن لو مب موجود هذا التفصيل تضيف صبيات خرسانة للأرضية وهي في الغالب مضافة وشغل متعارف عليه .. 15 سم أو 10 سم مقواة بشبك حديد بس هم يعتمدون الشبك الحديد في الأسفل وهو يقاوم الشد في الأوزان اللي جاية من فوق لتحت .. لكن أي انتفاخات في التربة ما يقاومها ولو رفعناه شوي جهة وسط الخرسانة بنضمن مقاومة في الاتجاهين .. حق بيتي حوش وارضيات داخلية اعتمدت الفيبر بدال الحديد والفيبر يضمن لك مقاومة للشد في كل الاتجاهات .. وطبعاً أرخص وتجربتي لها 15 أو 16 سنة وللحين الأرضية من أفضل ما يكون دوس سيارات في الحوش يومياً وأوقات تدخل سيارات تحميل كبيرة وبدون مشاكل أو مشاكل لس

[معماري قطري]

صح في اوساخ وحجر كبير وهذي مشاكلها كثيرة تسبب هبوط في الارضيات ويسبب تشلاخات في المباني
لكن في العقد عندي مكتوب جزئية الدفان وكيفية اختباره وابي استفسر منها كيف طريقة عمل الاختبارات للدفان لتجنب الهبوط في المستقبل مكتوب في العقد:

يتم الدفان على طبقات لا تتجاوز 50سم مع غمرها بالماء وان تدك جيدا حسب المواصفات القطرية ولا يقل معامل الدمك 95% حسب المواصفات اشتو الامريكية بعد عمل الاختبارات الازمة.



لو بنفكر فيها لو عمق الحفر مترين 50 سم معقولة يعني بيكون الدفن على 4 مراحل وكل مرحلة المفروض لها اختبارات وموافقات .. وتبون الصج إحنا في قطر عندنا الدفان قليل ونستورده ونحتاجه في أماكن ثانية والمفروض نفكر خارج الصندوق ونخلي تحت الارضية فراغ .. نسوي خرسانة مدعمة بطابوق أعمدة من تحت ونسويه فراغ مشطب أي كلام ممكن أرضيات اسمنت ونمدد تحت أرضية الدور الأرضي وحتى ممكن نحط خزان المياه وتكون عندنا ستورات لو نحب .. في الغالب الحفر يزيد عن 2 متر .. حتى لو بقت الأساسات مرتفعة وتبين تكون محمية ونقدر نختبرها لو تأثرت ونصلحها ونفس الشيء التمديدات وبايبات الصرف تحت مكشوفة نقدر نصلحها ونوصل لها وقت ما نبغي

[ALJokar]

الله يفرحك يالمعماري خبر طيب ويجزاك خير.
استفسار كيف أخذ رخصة أحط دور ثاني للمجلس؟
هل فيه شروط معينة او ممنوع وخلاص؟
اغلب المجالس الحالية اشوفها دورين فما ادري كيف الطريقة.

[سعود.]

الله يفرحك يالمعماري خبر طيب ويجزاك خير.
استفسار كيف أخذ رخصة أحط دور ثاني للمجلس؟
هل فيه شروط معينة او ممنوع وخلاص؟
اغلب المجالس الحالية اشوفها دورين فما ادري كيف الطريقة.

مجلس دورين !!!! مخالف
مجلس مع قبو ممكن

[ALJokar]

اخوي سعود طيب اذا مخالف كيف في اكثر من منطقة حاليا وسابقا موجود فيها مجالس دورين؟

هل القانون هذا موجود سابقا او يمشي ع بعض الناس وبعضهم لا.

[ALJokar]

القبو نعم صحيح تو مطبق

[معماري قطري]

ايه صح تسوي قبو ممكن .. من خلال الموضوع حطيت تصميم لشخص كان مقترح لمجلس وملاحق عدة حتى غرف ضيافة .. هو ناوي يسويه بين أرضه وأرض اخوه والحين حفر عمق 4 أمتار ولا ادري شلون خلص التصميم النهائي بس اللي سويته البيسمنت من ثلاث جهات حوشه نازل ودرايش لكل الغرف وفيه ستور كبير كان في الوسط ومكاتب جزء في الوسط وجزء في جهة المنور النازل .. الميزة إن المجلس معزول بالكامل عن البيتين بسور مرتفع وفيه باب للخدمة ولغرفة الطعام جهة بيت وباب صغير جهة البيت الثاني

شفت مجلسين دورين في منطقة العزيزية واحد داخلي على شارع ضيق وسواه مؤخراً لا ومطل على بيت وزير وواحد مقابل فيلاجيو مبني من زمان ويتكون من بيسمنت مواقف للسيارات وفوقها المجلس وفوق المجلس مكتب حتى واجهته قزاز وفيه مصعد للمكتب .. ما اعتقد المجلس يضايق لو كان دورين .. صحيح ومجلس ثالث دورين وملاصق للشارع وبالعكس طالع تحفة معمارية وبعد في نفس المنطقة أو بالضبط فريج الغانم اللي من خمسين سنة يسمونه جديد

[معماري قطري]

اخوي سعود طيب اذا مخالف كيف في اكثر من منطقة حاليا وسابقا موجود فيها مجالس دورين؟

هل القانون هذا موجود سابقا او يمشي ع بعض الناس وبعضهم لا.

مثل ما قال رفيجنا بيبول اند بيبول

هذي نكتة أحد الخليجيين كان مبلتع ورايح أمريكا أول مرة وعنده تخيل وفكرة عن أمريكا إنها فيها وفيها وفيها يوم وصل ومعاه ربع له يعرفون شباب هناك ومن ضمنهم أمريكان وأمريكيات ويسلمون عليهم يستقبلونهم .. البنات هناك عادي لو سلموا على اللي يعرفونه يحبونه وطاحوا تحبب في ربعه الا هو سلام رسمي من بعيد .. وقف وقال what what people and people .. Some people kissi some people no kissi يقولون ربعه مسحوا بلاط المطار من الضحك

[سعود.]

اخوي سعود طيب اذا مخالف كيف في اكثر من منطقة حاليا وسابقا موجود فيها مجالس دورين؟

هل القانون هذا موجود سابقا او يمشي ع بعض الناس وبعضهم لا.

بعد اتمام البناء يسونه
اي ملحق سوى مجلس او مطبخ وووووالخ مايصير دورين

[معماري قطري]

بعد اتمام البناء يسونه
اي ملحق سوى مجلس او مطبخ وووووالخ مايصير دورين

غريبة اثنين متأكد منهم من العظم .. واحد كان قبل مجلس دور واحد ودجة شلهم وبنى مكانهم دورين ومحاذي للشارع تقريباً بدون ارتداد

[ALJokar]

مثل ما قال اخوي معماري فيه احد المجالس حاليا ينبني ومكتوب في اللوحة في الترخيص دورين مجلس.
واذا فيه قانون يستندون عليه خلنا نشوفه او نقراءه مافي قانون يمنع واذا يمنع القانون المفروض يمشي ع الكل
اما سالفة الناس تبني بعد اتمام البناء لا في مجالس حاليا تشوف المصعد مع المدخل والدرج كذلك عيني عينك مستحيل
ماتنشاف اثناء البناء عاده عظم

[سعود.]

كلها من تحت الطاوله
القانون حتى ارتفاع 5 متر للمجلس مايعطونك الا بحب خشوم وقصيدة جزله

[معماري قطري]

كلها من تحت الطاوله
القانون حتى ارتفاع 5 متر للمجلس مايعطونك الا بحب خشوم وقصيدة جزله

جننوا واحد من أيام معطينه استثناء في الارتفاع وسوى قبة فوق الارتفاع المستثنى وسوا له قصة الا يشيل القبة والا يقصها ووصل للوزير وبقى حول شهرين لين مشوا موضوعه بعد ذل طويل

[ALJokar]

اخوي سعود لك ل حتى 6.5 خارجي وداخلي حتى 6 متر.

[ALJokar]

وبعد اذا عندك قبو يعطونك أكثر أتوقع.
اما الارتقاع 6.5 انا ما اخذه.

[ALJokar]

اما اذا بجي من تحت الطاولة بتحصل بلاوي.
انا اعرف شخصيا واحد موقفين اتمام بناء حق بيته يمكن تم 4 الى 5 شهور أذا مو اكثر.
بسبب الارتفاع المجالس عنده.
ومامشت الا بعد طلعت روح كلم فيها عالم.
والثاني اسمع الشباب دوام يقولون تم أكثر من 3 سنين بسبب المخالفات الي عنده قالوا له عدل
والمخالفة عنده كلها فيها هدم وخسارة علية فرفض في بلدية الدوحة.

[ALJokar]

الاستثناءات ماتجي الا بعد رخصة البناء ماراح يعطونك اياها الا بعد رخصة للعلم

[سعود.]

اخوي سعود لك ل حتى 6.5 خارجي وداخلي حتى 6 متر.

اخبر القانون قبل 3 سنوات مايعطون خارجي اكثر من 5 متر

اذا تغير الحين مدري

[ALJokar]

102952

سؤال حاليا في الصورة مبين في الخريطة عندي مكان حمام ارضي تغير مكانة مع التصميم الداخلي
كان في حانب الدكتات الصرف وتغير مكانة وصار بعيد من ممر الدكتات فكيف تمديد الدكتات الحمام مع المخطط هذا الي فوق ل بيب الدكتات مثل ماهو مأشر عليه بالسهم الاحمر.
هل بتكون مدفونة من تحت الارض وموصلة في الدكتات؟
ام بتكون خارجيا طالعة موصلة في الدكتات من برا الطوفة؟! وأتمنى انها ماتكون كذا لانها بتشوة المنظر.
او لها طريقة ثانية؟!

[ALJokar]

https://b.top4top.io/p_15148zuk40.jpeg (https://top4top.io/)

[معماري قطري]

هو في الغالب يطلعون البايبات لفوق للتهؤئة وحتى يكون ضغط الهواء يساعد على تحرك السوائل .. أساساً مب القصد التهؤئة .. ما ادري شالموجود فوق الحمام من درايش وغيره .. حتى السكيل للمغسلة مقارنة مع سمك الجدار يبين لي 40 سم .. مصغرها وايد الاستشاري .. وعندك العمود اللي طالع في الحمام كان بسهولة يقدر يخفيه في الجدار ويفر الكرسي يخليه مقابل الباب .. أتوقع ممكن تمديد البايبات تحت الأرض بس اسئل فيها مختص ميكانيكا أو صرف صحي والمسافة قريبة

مستغرب صج اشتغل فيها مصمم داخلي وصج هذي اللوحة النهائية؟

لأن كانت فيه حلول سهلة .. تقسيم الغرفة بمدخل لوبي وبعده قوس ينفتح على منطقة السرير والحمام في مكانه كان ممكن وسهل وتحريك حائط الحمام 25 سم جهة العمود كان بيخفي العمود وبيكون كافي للثلاث قطع وبيسوي كتف للباب الكبير مال المدخل مب ربع كتف

ياليتك حاط الرسومات قبل حتى اعلق عليها واعدل .. شالفايدة ألحين مسوي عقدك وتبني ما لك الا تعدل أقل ما يمكن .. صحيح إنت للحين في التأسيس ممكن بس تحتاج بسرعة ترتب هذي الأُمور البسيطة ولو تبي اشوف الصورة الشاملة ارسل لي رسومات الاوتوكاد باشتغل عليها

[معماري قطري]

بل يالأعمدة شكثر جنب بعض .. هذا الإستشاري متخرع خايف البيت يغوص في الأرض

[ALJokar]

قالولي أغلب المقاولين في التسعيرة بيتك عمدانه كثيرة السعر راح يكون غالي
ولاصدقتهم قلت يمكن عشان يقنعوني ان السعر عالي بسبب العمدان.

[سعود.]

تقدر تقلل العمدان بتغير نوع السقف ( هوردي او فلات سلاب ) ووووالخ

[معماري قطري]

قالولي أغلب المقاولين في التسعيرة بيتك عمدانه كثيرة السعر راح يكون غالي
ولاصدقتهم قلت يمكن عشان يقنعوني ان السعر عالي بسبب العمدان.

إغتشيت قبل وقلت تصميمك الانشائي زين بس يوم شفت المخططات وضحت لي الصورة أكثر .. الإستشاريين عندنا شعارهم مال عمك ليهمك

صج العمدان تكلفتها جزء بسيط من تكلفة الأرضيات لكن مشاكلها المعمارية وايد وتعيق وتسبب ربكة في أي تعديلات وفتحات مستقبلية .. مثل ما قال اخوي سعود الفلات سلاب والهوردي ممكن وغيرها من الخيارات وفي الغالب الاستشاري الضعيف ما يسويها ولا حتى يعرفها .. حتى سلابات الاتجاه الواحد وهذي سهلة المفروض وعملية وسهل نسويها في بيوتنا وسويتها في بيتي بعد نقاشي مع استشاري فاهم .. ألغيت 9 أعمدة ولو اجيب استشاري ضعيف أقول له هذا تصميم بيتي الانشائي ما يصدق .. لدرجة اني ذكرت لاستشاري مصري ان بيتي مساحته الأرضية حول 450 وفيه 16 عمود وغالبيتهم 40 في 40 لأن الحوايط الخارجية سمكها 40 سم مسك راسه وقال ما اصدق وأقل شيء يبي له 24 عمود

[ALJokar]

الدور الأرضي

https://a.top4top.io/p_1517uog0s0.jpeg (https://top4top.io/)


الدور الأول

https://b.top4top.io/p_1517d2n981.jpeg (https://top4top.io/)



عشان توضح للأخوان أكثر هذا مخطط الفيلا للاستفادة

[معماري قطري]

ما دمت توك بادي تبني تقدر تعدل بارتشنات وايد .. الأعمدة خلاص أعتقد استوت واقع لا بد منه والباقي والمقدور عليه الطابوق وتوزيع الأثاث

صعب اشرح كل شيء بدون رسم .. تقدر تستفيد بالمساحة عندك أكثر وتسويها أرتب بوايد بس ترسل لي فايل الاوتوكاد دقايق باطلع لك الترتيب الثاني وبدون تغيير الأعمدة وتغييرات جذرية كلها بتكون بسيطة جداً

[معماري قطري]

مثلاً عندك الصالة تقدر تخلي البانتري حديث ومدمج مع كبت التلفزيون وتلغي اللوبي تسوي فتحة بس ولو تبي باب زجاج بعد ممكن عن انتقال الصوت .. وتخلي الجلسة على شكل حرف اليو ومقابلة البانتري والتلفزيون بدال ما التلفزيون جاي جانبي بهالشكل .. بتخسر كراسي البار ولا اظن لها ضرورة انا ركبتها قعدوا عليها العيال مرة أو مرتين يوم كانوا صغار وبقوا ديكور ما له معنى

صالة الغرفة بدال بابين هشكل تسوي باب عادي جانبي أو تخلي واجهتها قزاز تشوف باقي البيت أحلى وتكون الجلسة أرتب والتلفزيون نفس الشيء في وسط الجدار الزجاجي والجلسة مقابلته

أما رامب الكرسي المتحرك عجيب وايد ضيق مع بروز الديكور هذا وما بيفيد وكان يقدر يزيده 20 سم حتى يكون مضمون أو تلغي البروز مكانه

[معماري قطري]

وصلتني صور وفيديو عن شغل سقف البيسمنت

https://i.imgur.com/IiAkDy5.jpg

يبين لي إن الجسور العريضة المخفية مربوطة بالجدار وببيت المصعد وبدون أعمدة في الفراغ الداخلي وهذا تصميم انشائي مميز .. أكيد ما زلت عند رايي إن الدرايش الصغيرة العلوية ما بتكون مناسبة وكان الأنسب عمل حوش نازل وبلكونة بدريشة كاملة الطول

واضح إن المجال مفتوح والحوش كبير وكنا بنقدر ننزل أرضية الدور الأرضي

https://i.imgur.com/kVwWPsl.jpg

[معماري قطري]

https://i.imgur.com/24IW9Ju.jpg?1

https://i.imgur.com/N95Fp9r.jpg?1

شغلهم نظيف يبين لي وشغل الاستشاري الانشائي بعد كذلك نظيف لكن المعماري كان ممكن يكون وايد أفضل .. باقي اعرف السعر والمساحة حتى اقدر احكم

[معماري قطري]

كثافة الخرسانة وقلة الماي فيها دليل جودتها واستعمال الهزاز والصب جهة جهة وملء السقف بالتدريج حتى ما يكون ثقل مركز على جهة وحدة شيء ضروري

https://i.imgur.com/GXOObdQ.jpg

https://i.imgur.com/YV6OybQ.jpg

يبي لها تنعيم بالمروحة ورش بالماي أكيد

https://i.imgur.com/FUXXytM.jpg

آسف مب ضروري تنعيم لأن بيجي عليها تشطيب جديد بعد التمديد

https://i.imgur.com/WnSdWX9.jpg

وأخيراً هذا فيديو لرش الماء قبل صب الخرسانة وهو مهم حتى الطابوق ما يمتص مياه الخرسانة

https://imgur.com/muKdp85

الفيديو قصير ومفيد ورجاءً إقتحوه

[معماري قطري]

مرحلة العزل الخارجي للجدران وتمت بواسطة الرولات وبإذن الله تمت حسب الأُصول وتم سد فتحات تثبيت قوالب الخشب عدل قبل العزل .. الجديد هو البلاستيك الأزرق بسمك 4 ملم حماية للعازل يلصق فوقه وأخليكم مع الصور .. وما زلت لو مكان المالك باسوي درايش كبار وتجويفات نازلة جدامها أو مناور محفورة .. بالصدفة طلع المالك ابوه الله يرحمه لو مات ويعطيه طولة العمر لو عايش كان مسؤولنا أول ما دخلت الجيش مع الطلبة الدفعة 0 قبل الأولى .. للحين ما زرت الموقع مع إنه قريب جداً وبازوره باذن الله

https://i.imgur.com/jiFe5Ng.jpg

https://i.imgur.com/DKmUGek.jpg

https://i.imgur.com/nhCnITY.jpg

أكيد قبل هذي المرحلة تجي مرحلة سد البايبات بالايبوكسي ومرحلة تنظيف السطح وتنعيمه قبل العزل

https://i.imgur.com/yTFBzZH.jpg

https://i.imgur.com/fJsuwWk.jpg

https://i.imgur.com/5UqyJOI.jpg

https://i.imgur.com/at4Y54g.jpg

[سعود.]

شغل العزل ممتاز اغلب البيوت الي شفتها بدون حماية لرولات العزل .

[معماري قطري]

شغل العزل ممتاز اغلب البيوت الي شفتها بدون حماية لرولات العزل .

الحماية ضرورية وانا طلبت من المقاول يجيب لي عينة قال لي تعال شوف على الطبيعة والموقع يبعد دقيقتين بالسيارة عني باروح له بإذن الله .. قبل كنا نحط بلايوود 3 ملم حق تغطية صبغ البتومين على الأساسات بعدين قمنا نحط نايلون 1000 غيج .. حتى الصبغ يحتاج حماية فما بالك بالرول

بس تبغي الصج الحماية الأفضل هي تصريف المياه ودفان هذا العازل الأزرق بكنكري حتى الماي ينزل تحت ويروح في بايب التصريف ولا يبقى ملامس للجدار أو للعازل وممكن يتسرب .. العازل معروف وقته وصلاحيته فوق 10 سنين لكن تنتهي ولو انتهت ممكن يصير تسريب لو الماي باقي لكن لو استخدمنا الكنكري اللي يسرب الماي لتحت وتحت البايب يستلم الماي ويوديه للمنهول ومن المنهول ينتقل بالمضخة للخارج بنكون افتكينا على طول وأي صيانة تحتاج لها المضخة العملية سهلة

[ALJokar]

https://h.top4top.io/p_1538wtfvo0.jpeg (https://top4top.io/)

https://i.top4top.io/p_15380cpyy1.jpeg (https://top4top.io/)

https://j.top4top.io/p_15388oyjq2.jpeg (https://top4top.io/)

[ALJokar]

https://k.top4top.io/p_1538mgsjw3.jpeg (https://top4top.io/)

https://l.top4top.io/p_15381fuqr4.jpeg (https://top4top.io/)

https://a.top4top.io/p_1538x50gc5.jpeg (https://top4top.io/)



https://b.top4top.io/p_1538gx33f6.jpeg (https://top4top.io/)

[ALJokar]

https://c.top4top.io/p_15382mn7d7.jpeg (https://top4top.io/)

https://d.top4top.io/p_1538r17cz8.jpeg (https://top4top.io/)

https://e.top4top.io/p_1538ezekm9.jpeg (https://top4top.io/)

[ALJokar]

هذي صور بعض المشاريع حاليا المتاخرة في الفترة هذي.

[ALJokar]

https://b.top4top.io/p_1538pb6x20.png (https://top4top.io/)

https://c.top4top.io/p_1538imgui1.jpeg (https://top4top.io/)


https://d.top4top.io/p_15382tyf52.jpeg (https://top4top.io/)

[ALJokar]

سالتني يالمعماري عن الطابوق قبل حصلت لك ستيكر المصنع
الطايوق عندي ميكس انواع اعتقد ع حسب المتوفر للمقاول

[معماري قطري]

سالتني يالمعماري عن الطابوق قبل حصلت لك ستيكر المصنع
الطايوق عندي ميكس انواع اعتقد ع حسب المتوفر للمقاول

مشكور يا اخوي وبنيانك يبين زين الله يوفقك

المقاول نظيف يبين لي .. بالنسبة للطابوق أي واحد يجيه الطابوق رطب يمسك حبة منه ويرميها ويشوف شلون ثابتة والا تتكسر لو تكسرت معناها ما انرش بالماء لفترة 14 أو 21 يوم حتى يقوى وبعدها يترك ينشف .. مصانع الطابوق المعروفة مثل ناصر بن خالد وسمسة وكثير غيرهم يهتمون بهذي النقطة ويجي الطابوق قوي .. عاد اللي يخلط ببودرة بعد طابوقه بيكون وايد ضعيف حتى لو بعد فترة

[معماري قطري]

في الصور السابقة للبيسمنت والبيت اللي ينبني استعمل المقاول غطاء بلاستيكي فوق العازل لونه أزرق .. مريت عليه أمس وشفت البنيان ما شاء الله قايم وشغالين فيه وخذت عينة من هذا البلاستيك وهو صلب ومن طبقتين فيه فراغ بينهم .. أكيد فيه نسبة عزل وفيه منه نوعيات هذا بسمك 4 ملم ورخيص وينفع لتغطية القواعد العادية حتى لو استعملنا بلاستيك عادي .. وينفع لبيت اخوي الجوكر بعد لأنه للحين ما دفن الجوانب

https://i.imgur.com/OI4ZHCf.jpg

[معماري قطري]

https://b.top4top.io/p_1538pb6x20.png (https://top4top.io/)



https://d.top4top.io/p_15382tyf52.jpeg (https://top4top.io/)

من هذي الصورة يبين لي إن البتومين اللي غطى به القواعد نازل شوي يعني الدفان بيغطي فوقه واقصد دفان الحوش بعدين .. والقصد من البتومين هو حماية الطابوق والخرسانة اللي تحت الأرض من تسرب الرطوبة الملاصقة للتربة لأنها تجي رطوبة وأملاح تخرب الطابوق والأساسات .. لازم يرفع البتومين لمستوى حتى شوي أعلى من مستوى الدفان وفيه يتومين أبيض ينصبغ فوقه حتى أو تنحط عليه نعلة مع بلاط الحوش النعلة + البتومين والبتومين + البلاستيك يحمي اللي تحت مستوى التربة والنعلة تحمي أسفل الجدار من مياه في الحوش أو حتى رطوبة وقت الصيف .. كذلك النعلة تعطي شكل جميل

[معماري قطري]

شغل الطابوق لك عليه ولازم تراوي استشارييك ومقاولك هذا الشيء .. أول شيء طابوق القواعد لازم اسمنت مقاوم للأملاح وثاني شيء تركيب أي طابوق لازم تداخل الطابوق نص الطابوقة في الطابوقة الثانية وسويت خطين يوضحون شاقصد .. ثالث شيء يبين من الصورة المونة قليلة بين الطابوق والعمودي فيه فجوات بدون مونة .. بعيدن لازم قبل ليركب الحديد فوق يكون مالي فجوات الطابوق خرسانة لو حتى معمولة في الموقع

https://i.imgur.com/t12CAnD.jpg

يبقى تشريك طابوق الجدران المتعامدة ما اقدر احكم عليه من الصور

[معماري قطري]

لا بعد التشريك مب ماعطه اي اهتمام وهذا قصدي بالتشريك هذا الجدار لازم يتداخل من اللي جنبه بطابوقة كاملة .. شيء أخير شكل مقاولك يؤسس حق يبني الجدران وشغل الطابوق لك عليه وبعدين بيصب الأعمدة ( يدور السهل ) والمفروض يسوي الأعمدة وبعدين يركب الطابوق صح وبطريقة التداخل كل صف يكون فوق الثاني متحرك نص طابوقة بالضبط

عادي عندي تراويه والمواصفات القطرية طريقة بناء الطابوق فيها بعد الخرسانة مب قبلها .. ضروري يلتزم بعدين بتقوية الطابوق بالروابط الحديدية الخاصة

https://i.imgur.com/c5MVRzP.jpg

[سعود.]

مشاء الله عليك كيف شفتها :app:

[معماري قطري]

مشاء الله عليك كيف شفتها :app:

كبرتُ وكبرتُ كثيراً

[معماري قطري]

الله يعين اللي يبنون واتمنى ما اخلي حد يوسوس بس هذي الحقيقة

ولازم اوضح حتى اللي يتابع ينتبه ويتعض .. نسيت اصور آخر بيتين زرتهم .. واحد يعتبر ضخم ومكلف والمقاول اللي فيه المفروض قوي بس قوي بالكلام واثنينهم المالك والمقاول من الأهل .. الثاني المقاول بسيط لكن شغله في تركيب الطابوق مسكت وكلامي في البيتين عن الطابوق بس

[ALJokar]

اجتمعت الاسبوع الي طاف مع الشركة المقاولات الي تبني لي قالوا لي الشركة اغلب عمالها في الصناعية والتاخير حاصل وارد بزيادة حاليا بسبب حصر العمال في الصناعية وفيروس كورونا ويبون مني اني اوفق لهم يجيبون عمال بالباطن عشان يمشي المشروع.
وفقت لهم مبدئيا وانا مضطر بشرط ان يكونون مستواهم ممتاز ومجرب وبعد موافقتي وموافقة الاستشاري.
شنو الحل او شنو الاشتراطات الي اقدر اطلبها منهم عشان اكون في السليم فيها معاهم بحيث ما اتوهق وأختلف بعدين لو جابو عمال بالباطن يشتغلون.

لان والله قاعد افكر اني اغير المقاول احس ماتوفقت معاه لو صار اختلاف مرة ثانية او شي لازم يكون لي خطة بديل ثانية لكن متخوف من سالفة تغيير راح يخسرني فلوس وجهد وقت كلها.


مع ان الاختيار المقاول هذا كان صعب في البداية بعد جهد وقت واطلاع ع شغله وشغل اغلب المقاولين شفت انه الي يناسب معاي كشركة قوية لكن لعل في الامر خيرة وينضبط معاي بعد الاجتماع هذا.

[سعود.]

ابتعد عن المقاول بالباطن . لانهم بالغالب عماله سائبة من الريان والصناعية يشتغلون باليوميه . واذا ع تغير المقاول خله يخلص شغله الي انت دافع له لين اخر مرحله عقب سوئ مخالصه وشوف لك مقاول جديد .

[ALJokar]

شنو الاجراء اخوي سعود ف تغيير المقاول هل الموضوع يطول الي سمعته
انه اجراءته تطول وتاخذ وقت ومحاكم وغيره.
واذا بيضمن شغل المقاول الباطن المقاول الرئيسي ومعطيك شيك ضمان لمدة 400 يوم للصيانة

[معماري قطري]

الله يعينك والله هالوقت حرج وصعب على الكل حتى مشاريع الدولة

شوف يا اخوي مبين لي مقاولك زين وفيه خير إنه يقول لك بيجيب عمال بالباطن .. رايي إنك تصبر لو كان هو زين معاك وتمدد في عقده فترة البناء ولا تعتبره تأخير لأن الظروف كايرو ( قاهرة ) وخصوصاً عندك استشاري مبين يتابع عدل .. تدري بعض المقاولين في فترات ما فيها أزمة شغلهم كله بالباطن ولا يقولون .. يلبسون العمال بدلهم ويخلونهم يشتغلون .. شفت مشاريع حكومية يستوي فيها هالشيء ويا ليت شغلهم يكون زين .. بعضهم يشتغلون بالباطن بس يحكمون الشغل بعمال مهرة ومتابعة فورمنية فاهمين

لكن اذا شغل مثل شغل الطابوق اللي شفته في الصور هذا ما له تبرير لا الاستشاري ولا المقاول وقول لهم كلامي هذا وانك تطالب بتصحيحه .. شكل استشاريك لو كان ممشي هالشغل خبيث ويبونك توقع على اخلاء مسؤولية حتى يكملون بنفس المستوى ويقولون بنينا لك

اللي حبيت اوصله إن الشغل بالباطن ما فيه شيء لو كان شغل بضمان الشركة وعلى جودة عالية وموافق عليه الاستشاري واحنا نشوفه مقبول أو زين

أي شيء تشك فيه صوره وحطه وبنحلل الصور عن بعد لا تهتم الموضوع سهل .. انا في كتابتي بديت بحسن النية في المقاول والاستشاري بس يوم تذكرت الصور ودرجة شغلهم لا يبي لهم عدم حسن للنية وتصليح اللي سووه سواء بعمال بالباطن أو غيره ويمكن العمال بالباطن أفضل

لو استمر الوضع شوي غير الاستشاري والمقاول بمخالصة والله يعينك ويعوض عليك

[معماري قطري]

شنو الاجراء اخوي سعود ف تغيير المقاول هل الموضوع يطول الي سمعته
انه اجراءته تطول وتاخذ وقت ومحاكم وغيره.
واذا بيضمن شغل المقاول الباطن المقاول الرئيسي ومعطيك شيك ضمان لمدة 400 يوم للصيانة

قول له مطلوب تصلح شغلك أول وعلى حسابك لأن هالشغل مب مقبول حسب الصور السابقة وهذي بدايته .. ما ندري شصار تحت الأرض واتوقع نفس درجة السوء .. لو ما يقدر يصلح وماطل تخالص معاه ودي ورتب امورك مع غيره

الشيك اللي عندك شيك ضمان الدفعة المقدمة مب ضمان صيانة .. الاستشاريين يخدعون العالم به وهو شيك بدون رصيد واجراءاته معقدة .. ضمان الصيانة هي نسبة تتفق عليها في العقد مع المقاول تستقطع من كل مرحلة نسبة معينة بعد متفق عليها .. مثل لو اتفقت على مبلغ الصيانة المحتجزة 10% وعقدك مليون ودفعاتك 10 وعلى فرض 10 متساوية كل دفعة 100000 تكون تستقطع من كل دفعة 10 آلاف وتعطيه 90000 وبنهاية البنيان تكون جمعت 100000 تمسكها ضمان صيانة وتسلمها للمقاول بعد 400 يوم أما الشيك شيء وهمي وللأسف نظامنا القضائي يخليك تخسر ضعفه ولا تحصل حقك

لو تمر على موضوع العقود المثبت فوق انا حاط هذي الاجراءات ومعاها اجراءات الدفعة المقدمة والخصم على اعتبار المقاول خذ من الدفعة المقدمة ويبقى شيك ضمان الدفعة المقدمة هو لضمان عدم هروب المقاول بالمبلغ وعدم اكمال الشغل أما دفعة الصيانة فهو مبلغ تمسكه انت عن المقاول وقد يكون هو ربحه من المشروع أو نص ربحه .. وطبعاً كل هذي الشروط تنكتب مسبقاً والمقاول المتنافس لازم ينزل حدود ربحه حتى يضمن المناقصة وانت تحط هذي الشروط حتى تضمن حسن الأداء

[معماري قطري]

هذا تصميم لواجهة لبيت زاوية ومكوناته من الحوش .. من اليسار الملحق ثم البيت ثم حوض سباحة مفتوحة وبعدين ملحقات حوض السباحة في ظهر المجلس

https://i.imgur.com/FfKGMRi.png

حوض السباحة بيكون مرتفع عن ارضية البيت والحين الاحظ اني لازم ارفع السور وراه حتى يستر من الجيران بيكون محوط بسياج زجاجي حتى يبين منظره للحوش وهو شبه مواجه بوابة البيت .. الحوض بيكون وراه جدار حجر بارتفاع 4 متر وورا الجدار حوض زراعة يعني يبعد عن سور البيت شوي وصافي مساحته 8.6 طول في 4.8 عرض وبنظام اوفر فلو من الأمام ينزل مثل الشلال في قناة مفتوحة ويتفلتر في الغرفة الجانبية ويرجع ينزل من أعلى الجدار على شكل شلال مرتفع يصب في وسط الحوض .. بتكون مثبتة في الجدار ال 4 متر قطعة زجاج كبيرة يمشي عليها الماي وينزل جدام

https://i.imgur.com/I9IVNym.png

[معماري قطري]

واجهة البيت مع اتصاله بالملحق

https://i.imgur.com/nz8pz9i.png

[معماري قطري]

متابعة بسيطة لمشروع البيت مع البيسمنت وهذي اضافة في الحوش لحوض سباحة .. كنت اتمنى لو التصميم المعماري فتح البيسمنت على الحوض .. ما ادري شآخرة المشروع ووشي تفاصيل تصميمه وطلبت صورة منه شكل المقاول نسى باذكره

اللي نتعلمه من هذي المشاريع إن التصميم المعماري اللي ما ياخذ كل العناصر ويدمجها مع بعض بسلاسة حركة واستفادة كاملة من عناصر المشروع ما نحصل منه أقصى استفادة ونغفل أشياء بسيطة لو سويناها طلع مشروعنا مميز ومريح وقوي كفاية حتى يعيش عمر طويل بدون مشاكل صيانة عظمى

https://i.imgur.com/SYJURZn.jpg

تأسيس أرضية حوض السباحة والله يوفق المقاول والمالك

https://i.imgur.com/mqnlNWp.jpg

أكيد لكل تصميم وكل موقع ظروفه .. البيت السابق اللي اشتغل على تصميمه وضعه يختلف .. أرضه كبيرة ومساحتها مناسبة حق حوض خارجي وابرازه شوي مرتفع مع الشلال العالي اللي يصب فيه ثم يصب من مقدمته يعكس منظر جمالي للحوش على طول الوقت .. للخصوصية نقدر نركب ساتر قابل للازالة لوقت السباحة

وهذا فيديو لتجهيز حديد السقف أظن للدور الأول .. ما شاء الله الشغل ماشي زين من بداية شهر 1 للحين أو اعتقد شهر 12 2019


https://imgur.com/tjWHDFv

[معماري قطري]

هذا فيديو ثاني

https://imgur.com/0PH3HW0

وهذا ثالث وأخير لليوم

https://imgur.com/adnKxuv

[معماري قطري]

رسمت الجهة الجانبية للبيت جهة الشرق والجانب الأيمن للبيت مع توضيح حوض السباحة وموقعه في هذي الجهة

https://i.imgur.com/xoLvJYz.png

تركيز أكثر على منطقة الحوض يبين لنا الكرسي داخل بشكل متقطع ومحسوب عمق الماي بحيث يغطي الجالس على الكرسي لين رقبته وعمق الحوض 125 سم محفور له حول 30 سم بس والباقي فوق الأرض .. قطعة الزجاج اللي فوق يمر عليها الماي الراجع من الفلتر وينزل من فوق من ارتفاع 4 أمتار أو بيكون فيه خيار اننا نسكر الشلال ونخلي الماي يندفع وراء ظهر الكرسي والجالس عليه مثل الجكوزي وينزل من جدام مثل ما هو موضح

https://i.imgur.com/wsSlMkR.png

[معماري قطري]

هذي الجهة اليسرى أو الغربية .. بيكون الملحق جهتها والسقف مقصوص يبين فوق الليوان بين الملحق والبيت .. إرتفاع الأرضية بيكون نفسه وفيه رامب للمدخل بين الملحق والبيت

من اليمين غرفة ملابس الغرفة الرئيسية فوق وبعدين الحمام مسوي له سكايلايت متصل مع الدريشة وتحت المجلس ومكتوب على كل مكان اسم الغرفة اللي خلفه

https://i.imgur.com/58rOi60.png

[معماري قطري]

يمكن يلاحظ البعض إستعمالي لعدة أشكال ومقاسات للنوافذ وحتى أماكنها شوي تختلف وبعضها ارتفاعها من الأرض .. يعني تبدأ من الأرضية .. الفكرة المعمارية هي تصميم البيت ما يكون ممل والداخل ينعكس على الخارج

تم عمل فتحات بطوب زجاجي المربع الصغير 20 في 20 صفين فوق بعض بتكون فوق كبتات الملابس في غرف الملابس وهذي جهة الغرب تنورها الشمس زين .. الجهة الجنوبية هي الواجهة الرئيسية فيها كذلك طوب زجاجي في غرفة التسريحة وباعدله لصفين 20 في 20 أفضل .. شراحة المكان شيء ضروري والنور الطبيعي مهم خصوصاً في الفتحات اللي بتكون مفتوحة دوم مثل المناور والطوب الزجاجي والنوافذ المرتفعة اللي تضمن خصوصيتنا

[معماري قطري]

هذي صورة مقربة للواجهة الجنوبية لموقع التسريحة اللي تم تعديل الطوب الزجاجي .. حاط الرجال حتى يبين ارتفاعه وارتفاع هذا المنور اللي تحته بتكون مراية وطاولة التسريحة والتصميم جاهز بما فيه ووصلت له للتصميم الداخلي من ليتات وأثاث خاص مركب حسب المقاس للمكان مثل الكبتات والتسريحة هذي وغيرها

https://i.imgur.com/V5YhnqL.png

[معماري قطري]

حبيت تصميم الحوض ذيه ونقلته حق بيتي المستقبلي مع بعض التعديلات على ملحقات الحوض

منطقة المسبح بتكون مغلقة وبدون سقف للحوض محصورة بين المجلس والبيت وواجهتها بسور بارتفاع 1.7 متر وبأواب 3 مثل ما هو موضح حتى تنفتح لو محد يسبح للمنظر وتكون المنطقة جزء من الحديقة .. بنفس الوقت الشلال اللي نازل على الحوض مرتفع 4 متر يبين للمار حتى لو الباب مسكر وممكن ازيد الارتفاع ل 6 متر حتى يبين من خارج البيت .. والجدار الحامل للشلال بيكون مجوف في أغلبه حتى يبين اللي في الستيم أو السونا وراء ويشوف المكان مفتوح جدامه

https://i.imgur.com/67GyvmI.png

سويت بعد على اليمين مساحة لوحدة التكييف المركزي للمجلس المثمن بتكون على الارض بين الزراعة وحولها الجدار بارتفاع 1.7 متر وبباب ما وضحته هنا .. دكت التكييف أما بيكون تحت الأرض للمجلس وفتحاته ورا الكراسي يدفع على فوق بدال ما يكون في السقف أو خارج حايط المجلس على الأرض ويبي له نقاش مع مختصين التكييف

https://i.imgur.com/XaIPOov.png

[سالم الزهران]

تصميم حلو اخوي بو عبدالله... قواك الله.. ما فيه مجال تسحب الباركنق للوراء شوي.. والله يا ليت

[معماري قطري]

صحيح كلامك اخوي بو زيد .. 7 متر وشيء بين الموقفين بس هذا اللي صوب المجلس مفتوح مب رسمي يعني للزوار وبدون مظلة .. وحتى لو فيه سيارات ممكن الرجوع ريوس .. بعض المواقف في المولات ضيقة وفوق هذا مسافة الحركة صغيرة .. باشوف لو ممكن اوفر متر .. شبيصير عندي هذا موزون مع الباقي في اليسار والطريق بحدود 4 متر و30 سم كافي حتى لسيارتين يمرون أو سيارة كبيرة .. إذا وسعت هنا لازم اوسع الباقي .. بعدين عمق الموقف المظلل اللي تحت 6.2 بدون الرفوف اللي جدامه وحتى ممكن الغيها ويكون العمق 6.7 متر .. طول اللكزس 5.1 متر وهذي السيارة شيروكي بس سويت لها تكبير حتى تكون بمقاس اللكزس وشوي زيادة

باشوف لو وسعت شباستفيد وما اظن استفيد تدري ليش؟ عندي ألحين موقفي 5.8 متر ووراه حول 4 متر للدوار شوي ارجع ريوس واروح جدام يمكن مرة وحدة .. هذا 7.3 + الفرق في طول أو عمق الموقف 0.4 متر يعطينا قريب 8 متر وهي كافية وأكثر منها تعتبر خسارة ومساحة ضايعة

https://i.imgur.com/98Bjz0s.png

[معماري قطري]

نخلي التصميم شوي ونروح للواقع

هذي تكملة شغل حوض السباحة في البيت اللي تابعناه مؤخراً

https://i.imgur.com/wi8zfRU.jpg


هنا واضح إنه كان بسهولة ممكن نحفر أكثر للحوض ونفتح البيسمنت بالكامل عليه مب دريشة صغيرة علوية

https://i.imgur.com/dUzeCnv.jpg

https://i.imgur.com/djEcFgh.jpg?1

https://i.imgur.com/1V4WNrP.jpg

تحديد الأطراف بالطابوق

https://i.imgur.com/KDSa0wz.jpg

وأخيراً هذا فيديو لعملية تجهيز أرضية الحوض

https://imgur.com/1JBn1qQ

[معماري قطري]

اشتغلت على قطاع طولي في المجلس .. الارتفاع أكيد بيكون عندي مشكلة بس لازم ابرز كتلة المجلس المثمنة بين باقي الكتل وحتى تبين الدرايش الطوال من كل جهة والله يعين على الموافقات .. الحين 6.9 لحد الوارش الداخلي الجزء الوسطي بيوصل يمكن 10 .. بس عندي ارتداد مب مباشر على سور البيت

https://i.imgur.com/CRJzEjf.png

[معماري قطري]

على عرض كراسي كلاسيك 70 سم تكفي المساحة ل 30 كرسي ووضحت زاوية الرؤية للقبة المثمنة في السقف حيث بيكون الزجاج ثابت وملون

[سعود.]

بوعبدالله

دخلت مجالس 4.5 وكان جدا يبين مرتفع وفخم .

امورك طيبة

[معماري قطري]

عارف اخوي سعود

المشكلة من برا ابي ابرز الكتلة المثمنة بالدرايش من كل صوب .. لو تلاحظ الدرايش اللي يبينون من برا من صوب المقلط ذيلا تحتهم باب بس زيادة الارتفاع للشكل المثمن تخليني اقدر افتح درايش مرتفعين .. يمكن الفكرة مجنونة شوي لو وافقوا عليها بتطلع حلوة خصوصاً إن ما جدامي شيء شارع بعدين حديقة بعدين شارع رئيسي بعدين عندي ارتداد فوق مترين .. متوقع يوافقون عليه إن شاء الله .. صج بيكلف ولا احب هذي المبالغات بس شسوي هذا أهم مبنى لي

[سعود.]

اها
تزين الامور بأذن الله

[معماري قطري]

اها
تزين الامور بأذن الله

آمين .. سويت قطاع طولي جهة صالة الطعام موضح عليه حدود ارتفاع سقفها اللي نزلته ل 2.75 متر .. القطعة اللي خلف الكراسي بتكون مقوسة ودائرية ومرتفعة 20 سم عن أرضية المجلس موضح كيف بتتمرر تحتها دكتات التكييف أو ممكن اخليه في السقف .. موضحها باصيصات الزراعة

https://i.imgur.com/5geeBXR.png

[معماري قطري]

الدرايش بتكون بدون ستاير وباشوف ممكن يوبي في سي خشبية من داخل وبرا بيضاء .. اللي جهة حوض السباحة بتكون ثابتة ما تنفتح ومغبشة ( مرملة )

الجزء المثلث يسار فكرت اخليه مفتوح بدون سقف بس جاتني فكرة ثانية أخليه ستور لفرش الدجة برا وفي هالحالة الدريشة بتبين شكل من تحت لكن من فوق بيدخل منها النور .. المكان المثلث يمين بيكون سقفه مفتوح وحوايطه نازلة ومفكر يكون للتكييف بين يكون مركزي وبدكت تحت الأرض والا بدكت فوق أو دكت سبلت السبلت العادي كلش ما ينفع لهذي النوعية من الانترير

[معماري قطري]

التعديل المحدود كان بازالة أي مبنى جدام حوض السباحة وارجاعه للخلف حتى يبين مفتوح مثل ما هو موضح لداخل الحوش .. صغرت درايش المجلس من 80 سم لعرض 60 سم لكن بنفس الطول .. هذي الصورة لجهة الحوض وموضح بخط أحمر متقطع هنا بيكون سور مؤقت ممكن يتركب لعزل المنطقة ويزال بسهولة للانفتاح على الحوش .. العرض 7.8 متر .. ما ادري عندي حلول مثل كيبل معلق أو باب بآلية تعليق وممكن ينفتح بشكل شبه كامل

https://i.imgur.com/AtNjIv8.png

وهذي صورة للمباني من داخل جهة الجنوب

https://i.imgur.com/XPKWiOH.png

[معماري قطري]

سويت فتحة مقوسة في الحائط الحامل للشلال وهذي بتكون فيها انارة خفيفة وتنفتح على المنطقة الخلفية ووضحت خدمات الحوض الخلفية اللي بتكون متصلة بالجدار الحامل للشلال ومظللة الممر الخلفي بين الحوض والمبنى الصغير وراه

https://i.imgur.com/tPIdZLZ.png

[معماري قطري]

حوض بهذا الشكل نقدر نسويه بدون بايبات تحته البايب بيجي على جنب وينقل الماي الراجع للفلتر من القناة المفتوحة وبينزل من فوق مثل الشلال بس باسوي بايبات تدفع الماي وراء الظهر وباخلي تحكم ممكن اخلي الماي لفوق مثل الشلال أو دفع في ظهر الجالس على كرسي الحوض

[معماري قطري]

وصلتني بعض المقاطع عن البنيان .. تم تجهيز حوض السباحة والبنيان جاري لأعمدة الدور الأول .. مهم نلاحظ إن الأعمدة تنبني بدون بناء طابوق والطابوق يكون غير حامل بعدين وهذا الاجراء الصحيح

https://imgur.com/aKUbRlS

https://imgur.com/0VhIMrU

[معماري قطري]

وهنا يتم بناء الطابوق بين الأعمدة وأكيد بروابط حديدية

https://imgur.com/anUJ8hd

[معماري قطري]

اشتغلت على تصميم طبقات الجدار الخارجي والعزل .. بيكون العزل من ثلاث طبقات أولها بانلات السيبوريكس وبعدين فراغ هواء وبعده الواح البوليسترين ( الفوم ) بسمك 5 سم .. فراغ الهواء بيكون متجدد بعمل فتحات في الجزء السفلي لدخول الهواء البارد وخروج الهواء الحار المتكدس من فوق عبر فتحات صغيرة بالدريل أو باسويها تجميلية مربعة وفيها شبك حشرات مانع لدخول النمل والحشرات

https://i.imgur.com/J74wO3V.png

[معماري قطري]

رسم توضيحي ثاني لمكان الرواشن أو الفجوات الجدارية

https://i.imgur.com/qZhlFjI.png

البايبات للصرف الصحي ولصرف المطر بيتم تمريرها في الفراغ وقطع جزء بسيط من العازل .. حتى يمكن لفها بصوف صخري فتكون جزء متصل من العازل الحراري .. هذي مساحة بايب 10 سم

https://i.imgur.com/PWgx8Qf.png

[معماري قطري]

مكان الدرايش بيكون بقاعدة رخام والجزء الخارجي بسلوب بسيط لتصريف مياه المطر جهة الخارج .. الدريشة بتكون مركبة تحيطها قواطع خرسانة وبتكون قاعدتها جهة الداخل 29 سم بالضبط

https://i.imgur.com/2CV5bps.png

[معماري قطري]

شغلي في التصميم اللي لي بطيء جداً .. أمس افكر شكثر خذت فيه ومن متى بديت .. مشكلتي طلعت لي الأرض العائلية مع الوالد الله يغفر له والاخوان عام 2007 وكنت توني ساكن بيتي الحالي ومكلفني حول 3 مليون .. بديت التصميم أول بأول ذاك الوقت سبحان الله 13 سنة وتغير وتطور وغيرت كثير فيه وما زلت .. كل ما لي تكون التغييرات قريبة للثبات بس طفيفة جداً بسبب دخول مؤثر جديد وتطوير للأفضل

أكيد ما ابغي ابدأ الا بعد 2022 إن عطاني رب العالمين عمر بس التصميم في المراحل الأخيرة معمارياً ولازم اسلمه لإستشاري يشتغل باقي التخصصات عليه .. أضفت المستويات والارتفاعات للحوش وشبكة الصرف الصحي اللي بتكون توصيل مباشر بدون منهولات بس بفتحات فحص وتسليك لو دعت الحاجة .. المنهول الأخير ضروري ومطلوب للشبك مع منهول الحكومة أو جهة خزان الصرف الصحي .. وضحت غرفة الكهرباء وممكن تكون خارجية مكان المخزن لو اشترطوا كهرماء ذلك أو داخلية ومنها خط الكهرباء تحت الأرض يتجه للوحة داخل البيت

كذلك تصريف مياه المطر بيكون من خلال بايبات تحت الرصيف والشارع الداخلي وتصب في قناة مغطاة بشبك حديدي تاخذ أي مياه ثانية لغسيل السيارات أو الحوش أو مياه مطر نازلة في الحوش تتصرف عن طريق هذي القناة للخارج كما هو موضح .. حظي الارض في الخارج تبين نازلة لتجمع المياه ومن يدري يمكن يخلصون شبكة تصريف الأمطار للمنطقة قبل لا ابني

https://i.imgur.com/sVd2fm1.png

هذي صورة شاملة تبين عليها الخطوط .. الصرف الصحي هو البني المتقطع بيمر من تحت البيت معلق في سقف البيسمنت والأزرق الغامق المتقطع بيكون تحت الأرض مشبوكة فيه فتحات تصريف مياه المطر في الحوش وبايبات المطر اللي نازلة من الأسقف

https://i.imgur.com/O358fmA.png

خزان الغاز بيكون حسب شروط وقود وبيكون فوق الملحق ونقطة تعبئته قرب الرصيف وبهالشكل اعتقد باقي شبكة الري اللي بتكون سهلة وتحتاج تصميم من مختص

من ابرز التعديلات على المدخل الأبواب بتكون معلقة سلايدنغ وتدخل في تجويف في الحائط .. الباب القزاز ممكن احط جدامه حديد حماية يتسكر وقت الليل وفيه فراغ بسيط حق حديد اوكورديون أو حتى عادي ينفتح على الخارج

الدي بي للكهرب وضحت مكانه داخل الستور مخفي وفوق بيكون قرب باب الستور المهم كلهم فوق بعض لسهولة التمديد

https://i.imgur.com/oM4okN6.png

أكيد باسوي مخطط بدون خطوط الخدمات لتوضيح المساحات

[معماري قطري]

إكتشفت خطأ في تحديد الارض اللي اشتغل على التصميم لها .. العرض والطول متقاربين وانا لخبطت شوي في اتجاهها .. الحمد لله استثمرت الوضع الجديد لصالح توزيع أفضل مع تغييرات طفيفة ليتناسب مع الوضع الجديد

هذي صورة جوية للمنطقة والله يعين فيها شغل بطيء وممل للصرف الصحي وللحين ما وصل حولنا وللحديقة اللي بتكون بالطول يمين الصورة هذي .. البيتين المتعاكسين للوالد الله يغفر له وأرضي تحت البيت اليمين

https://i.imgur.com/qhIVlPF.png

خارطة البيوت نزلتها على الاوتوكاد وعدلت على التصميم تحتها وهذي صغيرة صعب تبين التفاصيل بس تبين الوضع العام للمنطقة

https://i.imgur.com/U4D3eLA.png

استوى وضع البيت مع الملحق جهة الخلف منفتح على الارض اليسار اللي بتكون مزروعة في البداية وفيها بيت زراعي محمي وحضيرة دواجن وطيور مع بعض الحلال

[معماري قطري]

هذي المنطقة بصورة أكبر وهذي حدود التصميم والبناء .. الأرض الثانية فقط تسوير مع بناء البوابة .. أشوف التغيير هذا أحلى بيطلع حتى دجة الميلس أكبر استوت

https://i.imgur.com/GcipMWl.png

[معماري قطري]

مدخل البيسمنت الخدمي تغير استوى على الجنب يسار

البيوت اللي فوق مكلفين 4 مليون ونص للإثنين مع مقاول درجة أولى تسليم مفتاح .. ومساحة بيتي تبين أصغر وبنيانه ما فيه تعقيد وأسطح مايلة ولو مشى زين ممكن يخلص بحدود 3 مليون وهذا ما اتمناه

[معماري قطري]

تكبير لمنطقة حوض السباحة والميلس نلاحظ كيف كبرت منطقة حوض السباحة واستوت عندنا حديقة صغيرة خلفية .. اللي منفتح على درايش الميلس هذي شترات تنفتح وتتسكر من حيز حوض السباحة .. لو محد فيه تبقى مفتوحة حتى الميلس يطل على الحوض بدرايشه الطوال .. ولو حد بيسبح يسكرها للخصوصية تستوي درايش الميلس مسكرة من تحت ومن فوق تدخل نور ومحد يقدر يكشف المسبح منها

https://i.imgur.com/jpMiKHI.png

إستوت عندي جلسة ثانية مفتوحة للتشمس

[معماري قطري]

الجانب الثاني إن شاء الله توزيعه بيكون مقارب لهذا الشكل المستطيل اليسار فوق في الزاوية بمقاس 20 في 8 بيكون مقسوم بممر متر يساره بتكون أقفاص طيور بعرض متر واليمين بيكون عندي عمق 6 متر في عرض مختلف لحضائر ماشية .. مفكر في نعام وغزلان

البيت الزراعي المحمي 24 في 15 مقاس تقريبي وأتوقع فيه أنواع جاهزة وبيكون فكرة حلوة ومكان لممارسة هواية الزراعة المنتجة .. ما ادري لو ممكن نسوي بئر للمياه أو لا ولو ممكن بارتب له

الجلسة الدائرية النازلة تحت مستوى ارضية الحديقة ممكن اغيرها لمستطيلة فوق شوي ظهرها عند سور البيت ووراها شجر وجدامها وشرحت عنها قبل .. مكان خيمة الشتاء 6 في 10 واضح مكانه ومقابل المطبخ

الجزء المخطط بخطوط متقطعة مقابل موقف السيارات بيكون قوس حديدي خفيف عليه شوية خشب مثل البرغولا بس على شكل قوس واحتمال اسويه متصل مع الطبيلة اللي بتكون جوانبها طابوق وسقفها حديد وشينكو .. هذي يبي لها تصميم انشائي بدون أعمدة في الوسط لسهولة وقوف السيارات .. القوس بتغطيه أشجار متسلقة خصوصاً الياسمين وبيعطي منظر تجميلي وارتكاز بصري لهذي المنطقة من مدخل الحوش ومن المدخل الثاني وكذلك مقابل الطبيلة اللي بتستخدم كل يوم

https://i.imgur.com/9JQINbj.png